8a.4༄༅། །རྒྱ་གར་སྐད་དུ། བཛྲ་པཱ་ཎི་ནཱི་ལཱམ་བ་ར་བི་དྷི་བཛྲ་དཎྜ་ཏན་ཏྲ། བོད་སྐད་དུ། ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་རྡོ་རྗེ་བེ་ཅོན་གྱི་རྒྱུད། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་

8a.5ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། གནོད་སྦྱིན་ཐམས་ཅད་ཡོངས་སུ་རྒྱུ་བ། ཤིན་ཏུ་དབེན་པ། ཤིན་ཏུ་ཡོངས་སུ་དག་པ་ན། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་ཞེས་བྱ་བ། དུས་གསུམ་གྱི་དེ་བཞིན་

8a.6གཤེགས་པ་ཐམས་ཅད་ཀྱི་ལས་ཀྱི་ཁྲོ་བོར་དབང་བསྐུར་བ། མཆེ་བ་གཙིགས་པ། ཡིད་ཁྲོས་པ་ལྟ་བུ། མིག་མེ་མདག་གི་ཕུང་པོ་འདྲ་བ། དབུགས་མེ་ལྕེ་ལྟར་འབར་བ། འཇིགས་པའི་ང་རོ་ཅན། ལག་པ་དང་རྐང་པ་ཀླུ་ནོར་རྒྱས་ཀྱི་བུས་བརྒྱན་པ། ཀླུ་

8a.7ནག་པོ་སེ་རལ་ཁར་ཐོགས་པ། ཀླུ་དགའ་བོ་དང་ཉེ་དགའ་བོས་སྙན་བརྒྱན་པ། སྦྲུལ་འབར་བ་རིན་པོ་ཆེའི་ཅོད་པན་ཐོགས་པ། སྦྲུལ་གདུག་པ་འབར་བ་ཟ་བ། བཞིན་རྒྱས་པ། སྨིན་མ་དཔྲལ་བར་བསྡུས་པ། ཡ་སོས་མ་མཆུ་མནན་པ། གཤིན་རྗེའི་ཆ་བྱད་

8b.1ཅན། ལྕེ་གློག་ལྟར་འགྱུ་བ། སྦྲུལ་ཟ་བ། གསུས་པ་ཆེ་བ། ལག་པ་བརྡབས་པའི་སྒྲས་འཇིགས་པར་བྱེད་པ། ཀླུའི་རྒྱལ་པོ་འདབ་བཟངས་སྐ་རགས་སུ་བཅིངས་པ། ཨ་ལ་ལ་ཞེས་སྒྲོག་པར་བྱེད་པ། རྒྱ་མཚོའི་ཟབས་སུ་དཔག་ཚད་བརྒྱད་ཁྲི་བཞི་

8b.2སྟོང་ཡོད་པས་རྐང་པའི་པུས་མོར་ཕྱིན་པ། དབང་པོ་དང་ཉི་མ་ཕྲག་པ་ལ་རབ་ཏུ་ཁུར་བ། ཀླུ་ཐམས་ཅད་རླག་པར་བྱེད་པའི་གད་རྒྱངས་ཆེན་པོ་དགོད་པས་ཀུན་ཏུ་འཁྲུག་པར་བྱེད་པ། ཀླུ་ཐམས་ཅད་འཆིང་བར་བྱེད་པ། འབྱུང་པོ་ཐམས་ཅད་འགུགས་ཤིང་འཆིང་

8b.3བར་མཛད་པ། སྦྱོར་བ་ཐམས་ཅད་གཅོད་པར་མཛད་པ། སྦྱོར་བ་ཐམས་ཅད་ཟློག་པར་མཛད་པ། སྦྱོར་བ་ཐམས་ཅད་གནོན་པར་མཛད་པ། ཡོན་ཏན་ཐམས་ཅད་མ་ལུས་པའི་བདག་ཉིད་དེ། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་། གནོད་སྦྱིན་

8b.4མཐུ་བོ་ཆེ་ཐམས་ཅད་དང་། གནོད་སྦྱིན་དྲག་པོ་ཐམས་ཅད་དང་། ལྷ་ཐམས་ཅད་དང་། ཀླུ་ཐམས་ཅད་དང་། དྲི་ཟ་ཐམས་ཅད་དང་། ལྷ་མ་ཡིན་ཐམས་ཅད་དང་། ནམ་མཁའ་ལྡིང་ཐམས་ཅད་དང་། མི་འམ་ཅི་ཐམས་ཅད་དང་། ལྟོ་འཕྱེ་ཆེན་

8b.5པོ་ཐམས་ཅད་དང་། འབྱུང་པོ་དང་། ཡི་དགས་དང་། བརྗེད་བྱེད་ལ་སོགས་པ་དང་ཐབས་ཅིག་ཏུ་བཞུགས་ཏེ། འདི་ལྟར་ཉི་མ་དང་། ཟླ་བ་དང་། སྐར་མའི་ཚོགས་ལྟ་བུར་བཞུགས་སོ། །དེའི་ཚེ་ས་ཡང་ཆེར་གཡོས་སོ། །འབྲུག་གི་སྒྲ་ཡང་བྱུང་།

8b.6ཉི་མ་དང་སྐར་མ་ཡང་མི་སྣང་བར་གྱུར་ཏོ། །དེ་ནས་འཕགས་པ་ལག་ན་རྡོ་རྗེ་གོས་སྔོན་པོ་ཅན་ལ་འཁོར་ཐམས་ཅད་ཀྱིས་གསོལ་པ། གོས་སྔོན་པོ་ཅན་ཁྱོད་ཅི། བདེ་གཤེགས་ཀུན་གྱི་སྤྲུལ་པ་འམ། །གལ་ཏེ་བསྡུས་པའི་སྐུ་ཡིན་ནམ། ལས་ཀྱི་ཁྲོ་བོར་

8b.7དབང་སྐུར་རམ། བདག་ཅག་འཁོར་དང་བཅས་པ་རྣམས། ཅི་ལྟ་བུ་ཡི་དུས་གསུམ་བཀའ་ཉན་ཏེ། །ལས་དང་བྱ་བ་ཐམས་ཅད་བཀའ་སྩལ་མཛོད། །དྲག་པོའི་ཏིང་འཛིན་བསྟན་དུ་གསོལ། །ཞེས་གསུངས་སོ། །གླེང་གཞིའི་ལེའུ་སྟེ་དང་པོའོ།། །།

9a.1དེ་ནས་ལག་ན་རྡོ་རྗེ་དྲག་པོ་ཞེས་བྱ་བའི་ཏིང་ངེ་འཛིན་དུ་ཞུགས་ཏེ་འདི་སྐད་ཅེས་གསུངས་སོ། །ཕྱག་རྒྱ་གསང་སྔགས་མཐུ་སྦྱོར་ལས། །ཁྲོ་བོའི་རྒྱལ་པོ་བསམ་པར་བྱ། །ཁྲོ་བོ་རྡོ་རྗེའི་ཏིང་འཛིན་གྱིས། །བྱིན་བརླབས་ཡ་མཚན་སྣ་ཚོགས་ལྡན། །

9a.2ཏིང་འཛིན་དེ་ལ་དབང་ཐོབ་ནས། །ལས་རྣམས་སྒྲུབ་ལ་ཐོགས་པ་མེད། །ཞི་རྒྱས་དབང་དང་དྲག་པོ་དང་། །གསད་རྨོངས་སྣ་ཚོགས་ངེས་པར་འགྲུབ། །དེ་ཉིད་གྲུབ་པར་གདོན་མི་ཟ། །རང་གཞན་འཕགས་དང་བླ་མ་དང་། །ཤིན་ཏུ་བླ་མ་དམ་པ་ཡང་། །མཆོད་

9a.3ནས་དངོས་གྲུབ་མྱུར་དུ་འབྱུང་། །གལ་ཏེ་གཞན་ལ་ཕན་འདོགས་ན། །སྐུ་དེ་སྣ་ཚོགས་སྐུ་རུ་སྣང་། །སྣང་བའི་སྒྱུ་མའི་སྐུ་ཡིན་ཡང་། །གདུག་པ་འདུལ་ཕྱིར་རགས་པར་སྣང་། །སྣ་ཚོགས་དེ་ཉིད་བསམ་བྲལ་བའི། །དངོས་གཞི་ཡང་དག་ཐར་པ་གཅིག ། ལེའུ་

9a.4གཉིས་པའོ།། །།གཞན་ཡང་གསང་སྔགས་སྦྱོར་བ་ནི། །ད་ཧ་སྲོག་སོགས་གསང་སྔགས་ཀྱིས། །ཐོགས་མེད་ལས་རྣམས་གྲུབ་པ་ཡིན། །གཉིས་ཀྱི་འོག་མས་གསུམ་པ་བརྒྱན། །ར་ཡི་མཐར་ནི་གསུམ་པའི་མཐའ། །དེ་ལ་གཉིས་ཀྱི་གང་ལྡན་པ། །

9a.5ཟུང་དང་རབ་ཟུང་མིང་དང་ལྡན། །ཡང་མིང་སྐལ་ལྡན་བསམ་གཏན་ནི། །ལྕགས་ཀྱུའི་སྦྱོར་བ་རབ་ཏུ་བྱ། །ཨོཾ་བཛྲ་པཱ་ཎི་མ་ཧཱ་ཡཀྵ་ནཱི་ལཱ་མ་བ་ར་ཧཱུྃ་ཕཊ། མཇུག་རྫོགས་གོང་དང་གསུམ་པའི་མཐའ། །ལན་གཉིས་གོང་བཞིན་བརྡེགས་སྔགས་ཤེས། །གསུམ་པའི་དང་པོ་

9a.6གཉིས་པ་དང་། །དྲུག་པའི་དང་པོ་ཡི་གེ་ནི། །ལན་གཉིས་གོང་བཞིན་གཏོགས་བྱེད་སྔགས། །གཉིས་ཀྱི་དང་པོ་ལྔ་དང་པོས། །དྲག་པོ་དགའ་བའི་ས་བོན་ལྡན། །ལན་གཉིས་ལྡན་གྱུར་ལས་གྲུབ་པ། །གོང་མ་བཞིན་དུ་མཆོད་བྱེད་དོ། །ལེའུ་གསུམ་པའོ།། །།

9a.7དེ་ནས་འཕགས་པ་ལག་ན་རྡོ་རྗེ་གོས་སྔོན་པོ་ཅན། སྣ་ཚོགས་མངོན་པར་འགྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་གསུངས་སོ། །ཨོཾ་བཛྲ་པཱ་ཎི་མ་ཧཱ་ཡཀྵ་ནཱི་ལཱ་མ་བ་ར་ད་ཧ་ནི་བཛྲ་ཧཱུྃ་ཕཊ། གང་ཞིག་ཏིང་འཛིན་རྣལ་འབྱོར་དེ། །ཉེས་པ་ཀུན་ལས་

9b.1རབ་ཏུ་ཐར། །ལེགས་པའི་ཡོན་ཏན་ཐམས་ཅད་འཐོག །འབྲས་བུ་ཡང་དག་མངོན་པར་འགྲུབ། །སྔགས་ནི་གང་ཡིན་མིང་ཡིན་ཏེ། །གདུལ་བྱའི་མཐའ་དང་ལྡན་པ་ལ། །མཐའ་མ་ལས་སྔགས་མཐའ་དང་ལྡན། །ལེའུ་བཞི་པའོ།། །།དེ་ནས་

9b.2གོས་སྔོན་པོ་ཅན་འཁོར་ལོ་མངོན་པར་འགྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་གསུངས་སོ། །འབྱུང་བཞིའི་སངས་རྒྱས་རབ་བསྒོམས་ནས། །སོ་སོ་ལས་ཀྱིས་བསྒོམ་པ་ནི། །མེ་བརྒྱད་རླུང་གཉིས་ལྡན་པར་བསམ། །ཆུ་བརྒྱད་དངོས་པོ་ཉིད་

9b.3ཡིན་ཏེ། །དེ་བཞིན་ས་བརྒྱད་ཧཱུྃ་འབྲས་ལྡན། །རླུང་བརྒྱད་མེ་གཉིས་ལྡན་པ་སྟེ། །འབྲས་བུ་རིམ་གྱིས་གནོད་སྦྱིན་གཙོ། །སྒྲུབ་པ་སྔགས་བཞིན་མངོན་པར་འགྲུབ། །ཨེ་དང་སོ་སོའི་མཐའ་དང་ལྡན། །མེ་ལ་གོང་མས་མངོན་པར་འགྲུབ། །རྒྱུན་དུ་རྩ་བའི་

9b.4གསང་སྔགས་བཟླས། །ལེའུ་ལྔ་པའོ།། །།དེ་ནས་འཕགས་པ་གོས་སྔོན་གྱིས། །ལས་བཅུ་མངོན་པར་སྒྲུབ་པ་ནི། །ཏིང་ངེ་འཛིན་ལ་སྙོམས་ཞུགས་ནས། །ལས་བཅུའི་སྦྱིན་སྲེག་འདི་གསུངས་སོ། །ཞི་ལ་ཤཱན་ཏིང་ཀུ་རུ་སྟེ། །རྒྱས་པ་

9b.5པུཥྚིཾ་ཀུ་རུའོ། །དབང་ལ་ཝ་ཤང་ཀུ་རུའོ། །དྲག་པོ་མཱ་ར་གསུམ་པར་ལྡན། །ཐབ་ཁུང་དབྱིབས་ནི་ལས་བཞི་སྟེ། །ཤིང་ནི་རིགས་དང་སྦྱར་བར་བྱ། །ཞི་ལ་དཀར་པོའི་ཤིང་རྣམས་ཏེ། །རྒྱས་ལ་གསེར་ཤིང་ལ་སོགས་པའོ། །དབང་ལ་སེང་ལྡེང་ཤིང་བསྲེག་སྟེ། །

9b.6དྲག་པོ་ཚེར་མ་ཅན་གྱི་ཤིང་། །གཞན་ནི་ཙན་དན་ཤིང་ལས་བྱ། །ཐབ་ཁུང་འདབ་བརྒྱད་དབྱིབས་ཡིན་ཏེ། །བི་དྷྭན་ས་ཡ། ཨུཙྪ་ཊི་ནི། མོ་ཧ་ཡ་མོ་ཧ་ཡ། སྟམ་བྷ་ཡ་སྟམ་བྷ་ཡ། ཨུན་མ་ན་ཨུན་མ་ན། ཨཱ་ཀར་ཥ་ཡ་ཨཱ་ཀར་ཥ་ཡ། བ་ཤིང་ཀ་ར་བ་ཤིང་

9b.7ཀར། རཀྵ་ཡ་རཀྵ་ཡ། མོ་ཧ་བྷ་ཡ། སརྦ་ཀརྨ་ཀུ་རུ་ཧཱུྃ་ཕཊ། ལེའུ་དྲུག་པའོ།། །།དེ་ནས་དཔལ་ལྡན་རྡོ་རྗེ་འཛིན། །གདུལ་དཀའ་བ་ནི་འདུལ་བའི་མཆོག །གསང་བའི་བདག་པོ་གོས་སྔོན་ཅན། །དྲག་པོ་ཆེན་པོ་རབ་འབར་བའི། །ཏིང་

10a.1ངེ་འཛིན་ལ་སྙོམས་ཞུགས་ནས། །འཁོར་གྱི་ཀླུ་ཚོགས་དབང་བསྡུས་ཏེ། །ཉེན་རྣམས་བཟློག་པའི་ཆོ་གར་གསུངས། །གནས་ཁང་རིམ་པ་གསུམ་དག་ལ། །ཕྱི་རོལ་སྨེ་བསྲེགས་བསལ་བར་བྱ། །བར་དུ་ཕྱི་ནང་ཁྲུས་བྱས་ཏེ། །མཉེས་པའི་ལས་ཀྱང་ཅི་

10a.2ནུས་བྱ། །ནང་དུ་བུམ་པའི་དབང་བསྐུར་བས། །ཉེན་རྣམས་བཟློག་ལ་ཐེ་ཚོམ་མེད། །ཀྱེ་ཧོ་ཉེན་རྣམས་འདུལ་བའི་མཆོག །ཨེ་མ་གསང་ཆེན་དྲག་པོ་ཆེ། །ཨེ་མ་མ་རུངས་འཇིགས་པ་ཅན། །ཨེ་མ་གསང་སྔགས་རྣལ་འབྱོར་ཆེ། །ཕྱག་ན་རྡོ་རྗེ་ཁྱོད་ཕྱག་འཚལ། །

10a.3ཕྱོགས་བྲལ་ཁྲོ་བོ་ཁྱོད་ཕྱག་འཚལ། །ལེའུ་བདུན་པའོ།། །།དེ་སྐད་ཅེས་གསུངས་ནས་འཁོར་ཐམས་ཅད་དགའ་བའི་རྗེས་ལ་འདི་སྐད་ཅེས་བཀའ་སྩལ་ཏོ། །ཐམས་ཅད་ལྡན་པའི་གཏོར་མ་ལ། །རྃ་གྱིས་སྦྱངས་ནས་ཡྃ་གིས་བུས། །ཁྃ་གིས་བཀྲུས་

10a.4ཏེ་དག་པ་ལ། །པྃ་ལས་བདུད་རྩི་ཆུ་རྒྱུན་བསྐྱེད། །ཡྃ་རྃ་དབབ་པའི་སྦྱོར་བ་བྱ། །ཛཿཡིས་བཀུག་སྟེ་གཏོར་མ་བསྟིམ། །བསམ་གཏན་ལྷ་མོས་མཆོད་པ་འབུལ། །དེ་ནས་འཁོར་ལ་འདི་སྐད་བསྒོས། །ང་ནི་ཁྲོ་བོ་གོས་སྔོན་ཅན། །སངས་རྒྱས་ཐམས་ཅད་

10a.5འདུས་པའི་སྐུ། །སངས་རྒྱས་ཀུན་གྱིས་བྱིན་གྱིས་བརླབས། །དབང་བསྐུར་མཆོག་ཐོབ་ང་ཡི་སྐུ། །ཅི་སྟེ་ང་ཡི་དམ་འདས་ན། གཏོར་མ་དུག་གི་རང་བཞིན་གྱིས། །ཁྱེད་རྣམས་ཐལ་བའི་རྡུལ་དུ་རློག །གལ་ཏེ་དམ་ཚིག་མ་འདས་ན། །གཏོར་མ་ཡེ་ཤེས་བདུད་

10a.6རྩི་ཡིས། །ཁྱེད་ཀྱི་སྒོ་གསུམ་སྒྲིབ་སྦྱངས་ནས། །ངེས་པར་ལེགས་པའི་ཡོན་ཏན་ཐོབ། །ཨོཾ་ཨ་ཀཱ་རོ་མུ་ཁྃ་སརྦ་དྷརྨཱ་ཎཱྃ་ཨཱདྱ་ནུད་པན་ན་ཏྭད་ཨོཾ་ཨཱཿཧཱུྃ་སྭཱ་ཧཱ། ལེའུ་བརྒྱད་པའོ།། །།དེ་ནས་དཔལ་ལྡན་གོས་སྔོན་ཅན། །གདུལ་དཀའ་འདུལ་བའི་

10a.7བདག་པོ་དེས། །བསམ་གཏན་འཁོར་ལོ་མེད་པ་ལ། །སྔགས་ཀྱི་ངེས་པ་བཤད་པར་བྱ། །ཏདྱ་ཐཱ། བྷོ་བྷོ་པན་ནཱ་ག་ཨ་དྷི་པ་ཏ་ཡེ། ཨི་དན་ནཱི་ལཱཾ་བ་ར་དྷ་ར་ཤ་རཱི་རྃ། བཛྲ་པཱ་ཎི་ཧྲྀ་ད་ཡཱ་ན། ཡཿས་མཱ་ཏི་ཀྲ་མ་ཐ། མཱ་ཀུ་ལ། ཨུད་སཱ་ད་ནྃ། བྷ་བི་ཥྱཾ་ཏི།

10b.1ལས་ཐམས་ཅད་པའི་སྔགས་སོ། །ལས་སོ་སོ་ལ་ཀླུ་འདུལ་བའི་སྔགས། ཏདྱ་ཐཱ། བུད་དྷ་བུད་དྷ། བི་བུད་དྷ་བི་བུད་དྷ། མཱ་ཏི་ཀྲ་མ་ཐ། ཧ་ར་ཧ་ར་ནཱ་གཱ་ནཱྃ། པྲ་ཧ་ར་པྲ་ཧ་ར་ནཱ་གཱ་ནཱྃ། ཙྪིན་ད་ཙྪིན་ད། ནཱ་ག་ཧྲྀ་ད་ཡཱ་ནི་བྷིན་ད་བྷིན་ད། ན་ག་མརྨཱ་ཎི་བི་ཤཱིརྱན་

10b.2ཏུ་ནཱ་ག་ཤ་རཱི་རཱ་ཎི། བི་སྥོ་ཊ་ཡ། ནཱ་ག་ནཱ་ཡ་ནཱ་ནི། ཏདྱ་ཐཱ། ཧཱུྃ་ཕཊ། ནཱ་ག་བི་དཱ་ར་ཎཱ་ཡ་ཧཱུྃ་ཕཊ། ནཱ་ག་ཨུཏ་སཱ་ད་ནཱ་ཡ་ཧཱུྃ་ཕཊ། ཡི་དགས་ཐམས་ཅད་བཟློག་པ་ནི། ནཱི་ལཱ་མ་བ་ས་ནཱ་ཡ་ཧཱུྃ་ཕཊ། ཨ་པྲ་ཏི་ཧ་ཏ་པ་ལ་པ་རཱ་ཀྲ་མཱ་ཡ་ཕཊ། ཀྲྀ་ཏཱན་ཏཱ་ཡཱ་ཕཊ།

10b.3ཀྲྀ་ཏཱན་ཏ་རཱུ་པཱ་ཡ་ཕཊ། རོ་ཥ་ཎཱ་ཡ་ཕཊ། ཏྲཱ་ས་ནཱ་ཡ་ཕཊ། ཀུཾ་བྷ་ཎ་ཌོ་ཏ་སཱ་ད་ནཱ་ཡ་ཕཊ། གཤིན་རྗེ་ཟློག་པའོ། །པྲེ་ཏ་པི་ཤཱ་ཙ་བི་ནཱ་ཤ་ཀ་རཱ་ཡ་ཕཊ། ཡི་དགས་ཐམས་ཅད་ཟློག་པའོ། །ཡཀྵ་ཨ་པསྨཱ་ར་བིནཱ་ཤ་ཀ་རཱ་ཡ་ཕཊ། གནོད་སྦྱིན་ལ་སོགས་པ་ཟློག་

10b.4པའོ། །ཧ་ས་ཧ་ས། དྷ་ར་དྷ་ར། མཱ་ར་ཡ་མཱ་ར་ཡ། ནཱ་ཤ་ཡ་ནཱ་ཤ་ཡ། སརྦ་བི་གྷྣཱྃ་བི་ནཱ་ཤ་ཀ་རཱ་ཡ་ཕཊ། བགེགས་ཐམས་ཅད་ཟློག་པའོ། །སརྦ་ཤ་ཏྲཱུྃ་སྃ་གྷ་བི་ནཱ་ཤ་ཀ་རཱ་ཡ་ཕཊ། དགེ་འདུན་གྱི་དགྲ་འདུལ་བའོ། །ནཱི་ལཱམ་བ་ར་དྷ་ར་བཛྲ་པཱ་ཎི་རཱཛྙཱ་པ་

10b.5ཡ་ཏི་སྭཱ་ཧཱ། རྡོ་རྗེ་བེ་ཅོན་དྲག་པོ་ཆེ། །རྡོ་རྗེ་འཇིགས་པ་སྔགས་ཀྱི་བདག །རྡོ་རྗེ་ཁྲོ་བོ་བགེགས་ཀྱི་གཤེད། །རྡོ་རྗེ་མི་ཐུབ་འཇིགས་པ་ཆེ། །རྡོ་རྗེ་ལས་ཀུན་གྲུབ་པ་ཆེ། །རྡོ་རྗེ་ལས་རྣམས་ཀུན་མཛད་པ། །སྔགས་ཀྱི་བདག་པོ་ཁྱོད་ཕྱག་འཚལ། །

10b.6སྔགས་ཀྱི་ངོ་བོ་ཁྱོད་ཕྱག་འཚལ། །ལེའུ་དགུ་པའོ།། །།དེ་ནས་ཀླུ་དགུག་པའི་སྔགས་བསྟན་ཏེ། རྡོ་རྗེ་ལྕགས་ཀྱུ་རླུང་གི་སྦྱོར་བས་འགྲུབ་པར་འགྱུར། །དེ་བཞིན་མེ་ཡིས་ཀྱང་ནི་འདུལ་བར་ནུས་པ་ཡིན། །དེ་ལྟར་ནུས་ཕྱིར་དགུག་པའི་སྔགས་

10b.7ནི་བཤད་པར་བྱ། །ཨོཾ་བཛྲ་པཱ་ཎི་མ་ཧཱ་ཡཀྵ་ནཱི་ལཱམ་བ་ར་ནཱ་ག་ཧྲཱིཿགྲྀ་ཧྣ་གྲྀ་ཧྣ་ཧཱུྃ་ཕཊ། ཨཱ་ཀར་ཥ་ཡ་ཨ་ཀར་ཥ་ཡ་ཧཱུྃ་ཕཊ། བསམ་གཏན་དྲག་པོས་བཟླས་པ་བྱ། །བཟླས་པ་འདི་ལ་རབ་འབད་བྱ། །ཀླུ་རིགས་དུ་མ་ཐམས་ཅད་ཀུན། །འགུགས་འགྱུར་འདི་

11a.1ལས་གཞན་དུ་མིན། །ཇི་སྲིད་འགུགས་པའི་ཏིང་འཛིན་གྱིས། །ཁུགས་པར་གྱུར་པའི་ཀླུ་རྣམས་ཀུན། །ཟངས་གཞོང་ནང་དུ་སྤྱན་དྲངས་ཏེ། །ཁྲོ་བོའི་ཆེ་བ་བརྗོད་ནས་ནི། །དམ་ཚིག་བསྲེ་ཞིང་དུག་རྣམས་གཞོམ། །སྨན་གྱི་མཆོག་གིས་གསོས་

11a.2ནས་ནི། །གང་གནོད་ཕྱོགས་སུ་གཤེགས་སུ་གསོལ། །ལེའུ་བཅུ་པའོ།། །།དེ་ནས་གཞན་ཡང་བཤད་བྱ་སྟེ། །ཞི་བའི་ལས་ཀྱིས་མི་འདུལ་བའི། །ཀླུ་གཟིར་དྲག་སྔགས་བསྟན་པར་བྱ། །ཨོཾ་བཛྲ་པཱ་ཎི་མ་ཧཱ་ཡཀྵ་ནཱི་ལཱ་མ་བ་ར་ནཱ་ག་ཧ་ན་ཧ་ན་ཧཱུྃ་

11a.3ཕཊ། ནཱ་ག་ད་ཧ་ད་ཧ་ཧཱུྃ་ཕཊ། ནཱ་ག་སྥོ་ཊ་སྥོ་ཊ་ཧཱུྃ་ཕཊ། ནཱ་ག་བི་སྥོ་ཊ་ཡ་བི་སྥོ་ཊ་ཡ་ཧཱུྃ་ཕཊ། ནཱ་ག་ག་རྫ་ག་རྫ་ཧཱུྃ་ཕཊ། ནཱ་ག་བྷིན་ད་བྷིན་ད་ཧཱུྃ་ཕཊ། བསམ་གཏན་རྡོ་རྗེ་ཐོགས་པ་ཡིས། །གདུལ་བའི་སྟེང་ནས་གདབ་པར་བྱ། །འོག་ཏུ་མེ་ཡི་འཁོར་ལོ་བསམ། །མེ་

11a.4ཕུང་ཆེན་པོའི་ཏིང་འཛིན་གྱིས། །མེ་འབར་ཀློང་ཆེན་དཀྱིལ་དུ་གཟིར། །ཡུངས་ཀར་ཡུངས་ནག་སྐེ་ཚེ་ཡིས། །བརྡེག་ཅིང་ཁྲོ་བོའི་སྤྲུལ་པ་སྤྲོ། །ཁྲ་སྤྱང་ལ་སོགས་རྩ་ལྔའི་གསོབ། །གཅན་གཟན་སྣ་ཚོགས་མཆེ་སྡེར་དང་། །མཆུ་སྡེར་དབབ་ཅིང་སྤྲུལ་པ་སྤྲོ། །མྱུར་དུ་ཐར་

11a.5བར་གདོན་མི་ཟ། །ལེའུ་བཅུ་གཅིག་པའོ།། །།དེ་ནས་འཕགས་པ་གོས་སྔོན་པོ་ཅན་གྱིས་ཉིད་ལ་ཉིད་ཀྱིས་མཆོད་པ་ཕུལ་བ། ཧཱུྃ་རྡོ་རྗེ་བདུག་པ་མ། བདག་ཉིད་དྲི་ཡིས་རྒྱས་མཛད་མ། །བཛྲ་དྷཱུ་པེ་པཱུ་ཛ་མེ་ཧཱུྃ། །ཧཱུྃ་རྡོ་རྗེ་མེ་ཏོག་མ། བདག་ཉིད་ཡོངས་སུ་

11a.6བཀྲ་མཛད་མ། །བཛྲ་པུཥྤེ་པཱུ་ཛ་མེ་ཧཱུྃ། ཧཱུྃ་རྡོ་རྗེ་དྲི་ཆབ་མ། བདག་ཉིད་དངོས་པོ་དག་མཛད་མ། །བཛྲ་གན་དྷེ་པཱུ་ཛ་མེ་ཧཱུྃ། ཧཱུྃ་རྡོ་རྗེ་མར་མེ་མ། བདག་ཉིད་དཀྱིལ་འཁོར་གསལ་མཛད་མ། །བཛྲ་ཨཱ་ལོ་ཀེ་པཱུ་ཛ་མེ་ཧཱུྃ། ཇི་སྲིད་ཐམས་ཅད་མཆོད་པ་ཆེ། །ཇི་སྲིད་མཆོད་

11a.7པ་བདེ་བ་ཆེ། །ཇི་སྲིད་མཆོད་པ་བླ་ན་མེད། །ཇི་སྲིད་མཆོད་པ་ཡང་དག་ཆེ། །ཨེ་མ་ཧོ། །ལེའུ་བཅུ་གཉིས་པའོ།། །།དེ་ནས་གཞན་ཡང་བཤད་བྱ་བ། །བཅོམ་ལྡན་གསང་བ་གོས་སྔོན་ཅན། །བསྡུ་བ་ཐབས་ཀྱི་ཏིང་འཛིན་གྱིས། །འཁོར་གྱི་ཀླུ་རྣམས་

11b.1སྡུད་མཛད་ནས། །མེ་ཡི་འཁོར་ལོ་སྙོམས་ཞུགས་ཚེ། །གསང་པ་མེ་ཡི་སྔགས་བཟླས་པས། །ཀླུ་རྣམས་མ་ལུས་ཚིག་པར་མཛད། །བྲལ་ནས་དཔག་ཚད་གནས་སུ་བྲོས། །སླར་བསྡུས་བདུད་རྩི་སྨན་གྱིས་གསོས། །ལས་བཅོལ་སོ་སོའི་གནས་སུ་འཁོད། །

11b.2དེ་ནས་ཁམས་གསུམ་རྣམ་པར་རྒྱལ། །ཐལ་མོ་སྦྱར་ནས་འདི་སྐད་གསོལ། །མེ་བརྒྱད་འཁོར་ལོའི་བདག་ཉིད་ཆེ། །རྟག་ཏུ་མེ་ཡི་ཏིང་འཛིན་ལ། །སྙོམས་ཞུགས་ཁྱོད་ནི་རྒྱལ་གྱུར་ཅིག །བདེ་བའི་རོལ་མོ་མེ་ཀློང་དུ། །སྲེག་མཛད་མེ་བརྒྱད་ཁྱོད་ཕྱག་འཚལ། །རང་

11b.3བཞིན་རྣམ་དག་ཁྱོད་ཕྱག་འཚལ། །ཆུ་ཡི་ངང་ལ་གནས་འདོད་ན། །ཆུ་བརྒྱད་ཏིང་འཛིན་ལ་གནས་ཏེ། །དེ་ཚེ་འཁོར་གྱིས་འདི་སྐད་བསྟོད། །ཆུ་བརྒྱད་འཁོར་ལོའི་བདག་ཉིད་ཆེ། །རྟག་པ་ཆུ་ཡི་དཀྱིལ་འཁོར་ཅན། །འབྱུང་བའི་གཙོ་བོ་ཆུ་ཡི་བདག །ཆུ་བརྒྱད་

11b.4མངའ་བདག་ཁྱོད་ཕྱག་འཚལ། །རླུང་བརྒྱད་ཏིང་འཛིན་ལ་གནས་ན། །འཐོར་ཞིང་འབུད་པའི་བདག་ཉིད་ཆེ། །རླུང་ཆེན་དྲག་པོ་རྩལ་ཤུགས་ལྡན། །རླུང་ལྷ་གོས་སྔོན་ཁྱོད་ཕྱག་འཚལ། །ས་ཡི་ཏིང་འཛིན་ལ་གནས་ནས། །མི་གཡོ་བརྟན་པའི་ལས་མཛད་པ། །གསེར་

11b.5ལྡན་རོལ་མོ་སྣ་ཚོགས་ལྡན། །ས་བརྒྱད་འཁོར་ལོ་ཁྱོད་ཕྱག་འཚལ། །ལེའུ་བཅུ་གསུམ་པའོ།། །།དེ་ནས་དཔལ་ལྡན་གོས་སྔོན་ཅན། །ཕྲ་མོའི་ཏིང་འཛིན་ལ་གནས་ནས། །འཁོར་གྱི་གནོད་སྦྱིན་མང་པོ་ཀུན། །ཤིན་ཏུ་ཡིད་དགའ་དད་པས་ཞུས། །

11b.6ཕྲ་མོའི་ཐིག་ལེ་ཆེན་པོ་ཡིས། །ཅིར་སྣང་དངོས་པོ་གཅིག་ཏུ་འདུས། །དེ་ཉིད་མཐའ་འདས་རང་བཞིན་མེད། །དེ་ནས་དཔལ་ལྡན་གོས་སྔོན་ཅན། །འདོད་ཆགས་ཏིང་འཛིན་ལ་གནས་པས། །འཁོར་གྱི་གནོད་སྦྱིན་མང་པོ་ཀུན། །སྔངས་དང་ངུས་དང་བརྒྱལ་བ་ལས། །

11b.7བསླང་སྟེ་བླ་མེད་དོན་བསྟན་པས། །ཐམས་ཅད་འདོད་ཆགས་མངོན་སངས་རྒྱས། །འཁོར་གྱི་སྐུ་ལ་མངོན་པར་བསྟོད། །ཀྱེ་ཧོ་གསང་བདག་གོས་སྔོན་ཅན། །བླ་མེད་རྫོགས་པའི་ཀློང་དཀྱིལ་ན། །འདོད་ཆགས་དག་པའི་བློ་ལྡན་པས། །མངོན་པར་སངས་རྒྱས་

12a.1ཁྱོད་ཕྱག་འཚལ། །ལེའུ་བཅུ་བཞི་པའོ།། །།དེ་ནས་འདུས་པའི་འཁོར་རྣམས་ཀྱིས། །འཁོར་གྱི་གཙོ་ལ་མངོན་པར་བསྟོད། །ལྕང་ལོ་ཅན་གྱི་ཕོ་བྲང་ནས། །གསང་བའི་བདག་པོ་གོས་སྔོན་ཅན། །ཡོན་ཏན་ཐམས་ཅད་སྐུ་ལ་རྫོགས། །

12a.2དངོས་མེད་དག་པ་ཁྱོད་ཕྱག་འཚལ། །འཁོར་གྱི་ཀླུ་ཚོགས་འདུལ་བའི་ཕྱིར། །ཀླུ་བརྒྱད་སྐུ་ལ་རབ་བརྒྱན་ནས། །ཀླུ་ཚོགས་ཞལ་དུ་གསོལ་མཛད་པ། །ཀླུ་འདུལ་བྱམས་པ་ཁྱོད་ཕྱག་འཚལ། །སྣ་ཚོགས་དག་པའི་སྐུ་མངའ་ཞིང་། །རིགས་དྲུག་སྡེ་བརྒྱད་འདུལ་བར་

12a.3མཛད། །སྐྱོན་གྱིས་མ་གོས་རང་སངས་རྒྱས། །ཐོགས་མེད་ཀུན་འདུལ་ཕྱག་འཚལ་བསྟོད། །ཅི་ལྟར་བསམ་པའི་དངོས་པོ་ཀུན། །ཁྱོད་ལས་འབྱུང་བས་མི་ཟད་གཏེར། །སྣ་ཚོགས་ཡིད་བཞིན་འཕྲུལ་པོ་ཆེ། །ཡིད་བཞིན་ནོར་བུ་ཁྱོད་ཕྱག་འཚལ། །ནད་དང་རིམས་ཀྱི་

12a.4གཤེད་པོ་མཛད། །ནོར་དང་ཟས་ཀྱི་བདག་པོ་མཛད། །འཇིགས་པ་ཀུན་ལས་སྐྱོབ་པར་མཛད། །བླ་མེད་སྐྱོབ་མཛད་ཁྱོད་ཕྱག་འཚལ། །ཞེས་བསྟོད་ནས་རྗེས་སུ་ཡི་རང་ངོ་། །ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་ལ་སོགས་པ་ཡང་ཡིད་དགའ་བའི་

12a.5མཆོད་པས་ཁྱབ་པར་གྱུར་ཏོ། །མི་ལ་སོགས་པ་འཇིགས་པའི་ཉེན་དང་ལྡན་པ་ཐམས་ཅད་བདེ་བ་ལ་བཀོད་དོ། །ལེའུ་བཅོ་ལྔ་པའོ།། །།འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་རྡོ་རྗེ་བེ་ཅོན་གྱི་རྒྱུད་རྫོགས་སོ།། །།