104a.3༄༅༅། །རྒྱ་གར་སྐད་དུ། །ཨཱརྱ་ཛམྦྷ་ལ་ནཱ་མ་ཨཥྚ་ཤ་ཏ་ཀ །བོད་སྐད་དུ། འཕགས་པ་གནོད་འཛིན་གྱི་མཚན་བརྒྱ་རྩ་བརྒྱད་པ་ཞེས་བྱ་བ། འཕགས་པ་གནོད་འཛིན་ལ་

104a.4ཕྱག་འཚལ་ལོ། །དེ་ནས་གནོད་སྦྱིན་འབྲོག་གནས་པོ། །གསེར་དག་གིས་ནི་ལེགས་པར་བརྒྱན། །རིན་ཆེན་གྱིས་ནི་རབ་མཛེས་ཤིང་། །མེ་ནི་རབ་ཏུ་འབར་འདྲ་བ། །ལྕང་ལོ་ཅན་དུ་ཞུགས་ནས་ཀྱང་། །གསང་བདག་རྡོ་རྗེ་འཆང་བ་ཡི། །ཞབས་གཉིས་ལ་ནི་

104a.5རབ་འཇུས་ནས། །ཤིན་ཏུ་མཉམ་གཞག་དྲིས་པ་ནི། །བཅོམ་ལྡན་གནོད་འཛིན་རྒྱལ་དབང་པོ། །གསང་སྔགས་ཚོགས་ནི་ཀུན་གྱི་བདག །རིག་སྔགས་འཆང་རྣམས་ཀུན་གྱིས་མཆོད། །ལྷ་དང་ལྷ་མིན་ཕྱག་བྱས་པ། །མ་རུངས་འདུལ་ལ་བརྩོན་པ་པོ། །བྱང་ཆུབ་

104a.6སེམས་དཔའི་ཡོན་ཏན་ལྡན། །མགོན་པོ་སེམས་ཅན་ཀུན་དོན་མཛད། །སངས་རྒྱས་ཀུན་གྱི་གསང་བ་འཛིན། །སེམས་ཅན་རྣམས་ལ་ཕན་འདོད་པས། སྙིང་རྗེས་ནོན་པའི་ཡིད་ཀྱིས་སུ། །ཡང་དག་རྫོགས་པའི་བྱང་ཆུབ་ཕྱིར། །བདག་གིས་ཀྱང་ནི་སེམས་བསྐྱེད་དེ། །

104a.7མི་རྣམས་ནོར་ནི་ཉུང་བ་དང་། །བསོད་ནམས་ཆུང་ཞིང་དབང་ཆུང་བ། །མཐོང་ནས་སྡུག་བསྔལ་ཆེན་པོ་ཡིས། །རབ་ཏུ་གཟིར་ཏོ་གསང་བའི་བདག །དེ་ནས་གནོད་འཛིན་གྱིས་སྨྲས་ནས། །བཅོམ་ལྡན་གསང་བ་གསང་བའི་བདག །སྙིང་རྗེས་ནོན་ཏེ་སྨྲས་པ་ནི། །

104b.1ལེགས་པར་ཉོན་ཅིག་གསང་བ་པ། །མགོན་པོ་གནོད་འཛིན་དཔལ་དང་ལྡན། །སེམས་ཅན་ཀུན་གྱི་དོན་བྱེད་པ། །དབུལ་བའི་ཉོན་མོངས་སེལ་བ་བོ། །ནོར་རོ་ཅོག་གི་དབང་ཕྱུག་གི། །མཚན་བརྒྱ་རྩ་བརྒྱད་བསོད་ནམས་ལྡན། །དབུལ་བའི་ཉེས་སྡིག་སེལ་བྱེད་པ། །

104b.2གང་གཱའི་བྱེ་མའི་གྲངས་སྙེད་ཀྱིས། །རྒྱལ་མཆོག་རྣམས་ཀྱིས་སྔོན་གསུངས་པ། །འོད་ཟེར་བརྒྱ་པ་ཞེས་པ་ཡི། །ཞིང་ན་སངས་རྒྱས་ཉི་མའི་ཞལ། །ཆོས་སྟོན་པ་ན་བདག་གིས་ཀྱང་། །དེ་ནི་རང་གིས་སྔོན་ཐོས་ཏེ། །དབུལ་བ་སེལ་ཅིང་བསོད་ནམས་ལྡན། །དེ་ནི་བདག་

104b.3གི་ཤེས་རབ་ཀྱིས། །སེམས་ཅན་ཀུན་དོན་བརྩོན་པ་པོ། །ཁྱོད་ལ་ལེགས་པར་བསྟན་པར་བྱ། །ཁྱོད་ནི་མཉམ་གཞག་རབ་ཏུ་ཉོན། །འཕགས་པ་ལྷ་དང་ལྷ་མིན་བླ། །ཤེས་རབ་ལྡན་ཞིང་ཆོས་ལ་གུས། །སྙིང་བརྩེའི་བདག་ཉིད་བཟོད་ལྡན་བརྟན། །དབང་པོ་ཞི་བ་

104b.4དབང་པོ་ཐུལ། །དགེ་བས་སྡིག་འཇོམས་ཤེས་ཉེན་ཅན། །དེས་ཤིང་དོན་ཀུན་སྒྲུབ་པ་པོ། །མི་གནོད་མི་སླུ་དཔལ་དང་ལྡན། །མཛོད་བདག་གཞན་གྱིས་མི་ཐུབ་པ། །དཀོན་མཆོག་གསུམ་གྱི་སྐྱབས་གཅིག་པ། །སངས་རྒྱས་ཀུན་གྱིས་གཟིགས་པ་པོ། །གཏེར་རྣམས་

104b.5སྐྱོང་བ་གཟི་བརྗིད་ཅན། །རྟག་སྦྱིན་ནོར་ནི་འཕེལ་བྱེད་པ། །རིན་ཆེན་འབྱུང་གནས་སྐྱེ་བོ་འདུལ། །ཆུ་ཡི་བདག་པོ་ཆུ་འབེབས་པ། །གནོད་སྦྱིན་ཆུ་སྤྱོད་བདག་ཉིད་ཅན། །གཏེར་དོན་ཉེ་བར་སྟོན་པ་པོ། །གསེར་གྱི་རི་བོ་ལྷུན་པོ་སྟེ། །དབུལ་བའི་གདོན་ལས་ཐར་བྱེད་པ། །

104b.6དབང་པོ་ཉེ་དབང་འགྲོ་བའི་མགོན། །ཆུ་ཡི་དབང་པོ་སྤྲིན་མདོག་ཅན། །འཇིག་རྟེན་མིག་དང་འཇིག་རྟེན་བླ། །ཉི་མ་ཟླ་བ་ཐེར་ཟུག་པ། །ནོར་ཆེན་རྒྱལ་པོ་ཆེན་པོ་སྟེ། །ལག་ན་ནེའུ་ལེ་རབ་གནས་པ། །གཞོན་ནུ་སེང་གེ་ཏོག་ཅན་ཏེ། །གནོད་སྦྱིན་ཆེན་པོ་རྫུ་འཕྲུལ་ཆེ། །ཚིག་

104b.7གི་བདག་པོ་བཞིན་འཛུམ་པ། །གསོང་པོར་སྙན་པར་སྨྲ་བ་བོ། །བྲམ་ཟེ་འདོད་པའི་ལྕགས་ཀྱུ་སྟེ། །ཆེ་བ་དོན་གྲུབ་གྲུབ་པས་མཆོད། །རིག་སྔགས་འཆང་བ་འཁོར་ལོས་སྒྱུར། །ཀུ་བེ་ར་དང་མི་ལ་ཞོན། །བུམ་པའི་ལྟོ་ཅན་མིག་ཡངས་པ། །ལྷ་ཡི་དྲི་ལྡན་ཡིད་ལྟར་

105a.1མགྱོགས། །ཁྱབ་བདག་བདེ་འབྱུང་ནོར་བཟང་སྲས། །སེམས་ཅན་རྣམས་ནི་སྐྱོང་ལ་དགའ། །འདོད་དགུར་བསྒྱུར་གཟུགས་ཡིད་ཀྱི་ལྷ། །ཅོད་པན་ཅན་དེ་རིགས་དགའ་བ། །གཡོན་ཕྱོགས་ཅོད་པན་ལག་ན་དབྱུག །ལག་པ་བརྒྱ་པ་སྟོབས་པོ་ཆེ། །ས་

105a.2བརྒྱད་དབང་ཕྱུག་ལྷ་ཡུལ་བ། །ཟླ་བ་ཉ་བའི་ཞལ་མདོག་ཅན། །དེད་དཔོན་ཚོགས་ཀྱི་བདག་པོ་སྟེ། །གནས་བརྟན་ཚོང་བ་སྐལ་བཟང་བ། །ཡིད་བཞིན་ནོར་བུ་བུམ་པ་བཟང་། །དཔག་བསམ་ལྗོན་ཤིང་མི་ཡི་བདག །མཆོག་དོན་འོས་པ་གཙོ་བོ་སྟེ། །མཆོག་སྦྱིན་

105a.3མིའུ་ཐུང་ཁྱབ་འཇུག་པ། །སྐྱབས་འོས་བཀྲ་ཤིས་སྲུང་བ་བོ། །རིན་ཆེན་ཕྲེང་བས་རྣམ་པར་བརྒྱན། །ལྷ་ཡི་སེང་གེའི་ཁྲི་ལ་བཞུགས། །བྱང་ཆུབ་སེམས་དཔའ་དཔལ་གྱི་བདག །རབ་ཏུ་དར་བ་ནོར་མི་ཟད། །སེང་གེའི་རྩལ་གྱི་མཐུ་རྩལ་ཅན། །སྟོན་པ་འཇིག་

105a.4རྟེན་གསུམ་ལས་རྒྱལ། །གཙོ་བོ་ཚོང་པ་རིགས་ཀྱི་མཆོག །པདྨའི་ལྟེ་བ་ཐུབ་མེད་རྒྱལ། །ཚངས་པར་སྤྱོད་པ་རྒྱ་མཚོ་ཆེ། །གནོད་འཛིན་བདག་ཉིད་ཆེ་བ་ཡི། །མིང་བརྒྱ་རྩ་བརྒྱ་དང་ས་བཤད་འདི། །སྡིག་པ་ཐམས་ཅད་འཇོམས་བྱེད་ཅིང་། །དབུལ་བའི་ཉོན་

105a.5མོངས་སེལ་བྱེད་པ། །འབྱོར་དང་སྐལ་བཟང་སྐྱེད་པ་པོ། །གླང་པོ་རྟ་ནོར་འཕེལ་བྱེད་པ། །གཟའ་དང་རྒྱུ་སྐར་རྨི་ལམ་ངན། །ལྟས་ངན་སེལ་བར་བྱེད་པ་སྟེ། །ནགས་སམ་གལ་ཏེ་གྲོང་དང་ནི། །དུར་ཁྲོད་ཡང་ན་རི་ཡང་རུང་། །མཁས་པ་གང་ན་ཀློག་པ་དེར། །

105a.6གཡུལ་དང་དགྲ་ནི་ཉམ་ང་བ། །སྦྲུལ་དང་མེ་ཆུ་ཆོམ་རྐུན་སོགས། །སྟག་དང་དོམ་དང་འཇིགས་པ་ཆེ། །རྒྱ་མཚོ་བགྲོད་དཀའ་མི་བཟད་ལས། །མི་ནི་རབ་ཏུ་ཞི་བར་འགྱུར། །དབང་པོ་མེ་དང་ཆུ་ལྷ་དང་། །གཤིན་རྗེ་སྲིན་བདག་རླུང་ལྷ་དང་། །ནོར་སྦྱིན་དཔལ་

105a.7ལྡན་སུ་བེ་ར། །ནོར་བུ་བཟང་སྲས་ལྔས་རྩེན་དང་། །རྩེད་མོ་ཅན་དང་འབྲོག་གནས་དང་། །ལྷ་དང་གནོད་སྦྱིན་གཞན་དག་ཀྱང་། །གཡེལ་བ་མེད་པར་ཉིན་མཚན་དུ། །རབ་ཏུ་དགའ་བཞིན་སྲུང་བར་བྱེད། །གང་ན་མིང་འདི་ཀློག་པ་དེར། །གླང་ཆེན་རྟ་དང་བ་ལང་དང་། །ལོ་ཏོག་རྣམ་པ་སྣ་

105b.1ཚོགས་དང་། །འབྲས་བུ་མེ་ཏོག་རྣམས་ཀྱང་འཕེལ། །མི་ནད་དང་ནི་འགོ་བའི་ནད། །གནོད་པ་ཀུན་ལས་བྱུང་བ་རྣམས། །ཐམས་ཅད་དུ་ནི་བདེ་ལེགས་འགྱུར། །ལྷག་པར་བྱིས་པ་རྣམས་ལ་ཤིས། །དེ་ལ་ཡི་དགས་ཀླུ་རྣམས་དང་། །མ་མོ་དང་ནི་གདོན་དྲག་དང་། །མཁའ་འགྲོ་མ་དང་མིའམ་

105b.2ཅི། །སྲིན་པོ་རྣམས་ཀྱང་འཚེ་མི་བྱེད། །ནད་དོ་ཅོག་ལས་རྣམ་པར་གྲོལ། །དེ་བཞིན་བདེ་ཞིང་ནོར་དང་ལྡན། །བུ་དག་དང་ནི་ཚ་བོ་དང་། །དཔལ་དང་གཏོང་བ་རྣམས་ཀྱིས་རྒྱས། །རིགས་མཆོག་རྒྱལ་བ་འབྱུང་བ་དང་། །ལོངས་སྤྱོད་ཆེན་པོའི་ནང་དུ་སྐྱེ། །ཚེ་དང་དཔལ་དང་ལྡན་པ་དང་། །

105b.3ནད་མེད་རིམས་དང་བྲལ་བར་འགྱུར། །ཚེ་རབས་ཀུན་དུ་སྐྱེ་བ་དྲན། །ལོ་བས་སྐྱེན་ཐོས་པ་འཛིན་པ་དང་། །བྱང་ཆུབ་སེམས་དཔའི་ཡོན་ཏན་ལྡན། །སྐལ་བ་བཟང་པོ་ཉིད་དུ་འགྱུར། །ཕྱག་འཚལ་ཕྱག་འཚལ་གནོད་སྦྱིན་རྗེ། །གསང་བདག་ཁྱོད་ལ་ཕྱག་འཚལ་ཏེ། །

105b.4མ་རུངས་འདུལ་ལ་བརྩོན་པ་པོ། །ལག་ན་རྡོ་རྗེ་ཁྱོད་ལ་འདུད། །སེམས་ཅན་དད་ལ་མཉེས་གཤིན་པ། །ནོར་བཟང་སྲས་ཀྱི་གྲགས་པ་འདི། །དབུལ་བའི་ནད་ནི་ཞི་བྱེད་པ། །རབ་ཏུ་བཤད་པ་ལེགས་པར་གསུངས། །དོན་ཀུན་གྲུབ་པ་གསང་བའི་སྔགས། །བདག་གིས་ཀྱང་ནི་

105b.5འདིར་དབུལ་ཏེ། །དེ་ནི་ལེགས་པར་དྲན་ཙམ་གྱིས། །མི་ནི་དབུལ་ལས་གྲོལ་འགྱུར་ཞིང་། །གཞན་གྱིས་མི་ཚུགས་སྲུང་བར་འགྱུར། །དགྲ་རྣམས་ཀྱིས་ཀྱང་མི་ཆོམས་ཤིང་། །སྐལ་བ་བཟང་དང་སྐལ་དང་ལྡན། །ལོ་བརྒྱ་ཡང་ནི་འཚོ་བར་འགྱུར། །ལྷ་ཡི་གླང་པོ་

105b.6རིན་ཆེན་དང་། །རྒྱལ་དང་རྒྱལ་སྲིད་འོས་རྣམས་ཀྱང་། །ངེས་པར་མྱུར་དུ་ཐོབ་འགྱུར་ཏེ། །རྒྱལ་སྲིད་ཀྱང་ནི་ཐེ་ཚོམ་མེད། །ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ན་པ་ཏ་ཡི། །ཨོཾ་ཧྲཱིཾ་ཧྲཾ་ཀྵཱ་ཛྲཱཾ་ཧྲཱི་ཧྲཾ། དཱི་པྱ་ར་ཏྣཽག་པ་རི། ཤ་ན་

105b.7ཨ་ཏ་བཱ་ཀ་དེ་བ་ཡཀྵ་ས་མ་ཡ་མ་ནུ་སྨ་ར་ཧྲཱི་ཧཱུྃ་ཕཊ་སྭཱ་ཧཱ། འཕགས་པ་གནོད་འཛིན་གྱི་མཚན་བརྒྱ་རྩ་བརྒྱད་པ་རྫོགས་སྷོ།།