བདེ་ལེགས་སུ་འགྱུར་བའི་ཚིགས་སུ་བཅད་པ

Sanskrit title (Tibetan script, as in the text) སྭསྟྱ་ཡ་ན་གཱ་ཐཱ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 96 · folio 258b

༄༅། །རྒྱ་གར་སྐད་དུ། སྭསྟྱ་ཡ་ན་གཱ་ཐཱ། བོད་སྐད་དུ། བདེ་

Vol. 96 · folio 259a

ལེགས་སུ་འགྱུར་བའི་ཚིགས་སུ་བཅད་པ། ཐམས་ཅད་མཁྱེན་པ་ལ་ཕྱག་འཚལ་ལོ། །འཇིག་རྟེན་འདྲེན་པའི་དྲུང་དུ་ནི། །ལྷ་ཞིག་ཉེ་བར་སོང་ནས་སུ། །གང་གིས་རྟག་ཏུ་བདེ་ལེགས་པ། །བདག་གིས་ཞུ་ཡིས་བཅོམ་ལྡན་གསུངས། །དམ་

པས་དེ་དག་གསན་པ་དང་། །འཇིག་རྟེན་འདྲེན་པས་ལུང་བསྟན་པ། །གང་གིས་ཀུན་དུ་བདེ་ལེགས་སུ། །འགྱུར་བ་ལྷ་ཁྱོད་ལེགས་པར་ཉོན། །གང་ཞིག་དེ་བཞིན་གཤེགས་པ་ལ། །དད་པ་མི་གཡོ་ལེགས་རབ་བརྟན། །གང་ཞིག་དགེ་བ་ཚུལ་

ཁྲིམས་ཅན། །དེ་དག་ཀུན་དུ་བདེ་ལེགས་འགྱུར། །གང་ཞིག་ཕ་དང་མ་དག་དང་། །བུ་དང་བུ་མོ་བྲན་དག་ལ། །རྟག་ཏུ་ལེགས་པར་བསྙེན་བཀུར་བ། །དེ་དག་ཀུན་དུ་བདེ་ལེགས་འགྱུར། །གང་ཞིག་དགྲ་བཅོམ་གྲགས་པ་ལ། །ལེགས་པར་རབ་དད་

ཡོན་འབུལ་དང་། །ལྷ་ཡི་བཀའ་བཞིན་བྱེད་པ་དག །དེ་དག་ཀུན་དུ་བདེ་ལེགས་འགྱུར། །གང་གིས་ལུས་དང་ངག་དང་ནི། །ཡིད་ལ་ཉེས་བྱས་མེད་པ་དང་། །གང་ཞིག་རྣམ་གསུམ་རབ་བསྡམས་པ། །དེ་དག་ཀུན་དུ་བདེ་ལེགས་འགྱུར། །གང་ཞིག་འབྱུང་པོ་

ཐམས་ཅད་ལ། །ཚད་མེད་ཀུན་དུ་མི་འཁྲུགས་པ། །བྱམས་པའི་སེམས་ནི་སྒོམ་བྱེད་པ། །དེ་དག་ཀུན་དུ་བདེ་ལེགས་འགྱུར། །གང་ཞིག་སྡུག་བསྔལ་ཀུན་སྤང་ཕྱིར། །འཕགས་པའི་ལམ་གྱི་ཡན་ལག་བརྒྱད། །བདེ་བ་འདྲེན་པ་ལེགས་བསྒོམ་པ། །དེ་དག་ཀུན་དུ་བདེ་

ལེགས་འགྱུར། །གང་གིས་འདུས་བྱས་ཐམས་ཅད་ཀྱི། །སྟོང་ཉིད་རྟག་ཏུ་ལེགས་མཐོང་ཞིང་། །དེ་ནི་སེམས་ལ་གནས་གྱུར་པ། །དེ་དག་ཀུན་དུ་བདེ་ལེགས་འགྱུར། །གང་གིས་ལུས་ཀྱི་དྲི་མེད་ཆོས། །མངོན་སུམ་བྱས་ནས་རྒྱུ་བ་དང་། །དགྲ་བཅོམ་རྣམ་གྲོལ་སེམས་

ལྡན་པ། །དེ་དག་ཀུན་དུ་བདེ་ལེགས་འགྱུར། །གང་གིས་འདོད་ཆགས་ཞེ་སྡང་དང་། །གཏི་མུག་རྣམས་དང་ཆགས་བྲལ་ཞིང་། །ཡེ་ཤེས་འཁྲུག་མེད་སྐྱེས་གྱུར་པ། །དེ་དག་ཀུན་དུ་བདེ་ལེགས་འགྱུར། །གང་ཞིག་ལྷར་བཅས་འཇིག་རྟེན་གྱི། །མགོན་པོ་ཡང་སྲིད་

Vol. 96 · folio 259b

སྤངས་པ་ཡི། །སངས་རྒྱས་ཁོང་དུ་ཆུད་གྱུར་པ། །དེ་དག་ཀུན་དུ་བདེ་ལེགས་འགྱུར། །བདེ་ལེགས་སུ་འགྱུར་བའི་ཚིགས་སུ་བཅད་པ་རྫོགས་སྷོ།།

Source and licence

Text: Esukhia’s Derge Kangyur e-text (Esukhia/derge-kangyur · commit a582cf47) · public domain

Licence Public Domain · Evidence

README ของ Esukhia/derge-kangyur ที่ commit a582cf471b7c (เปิดอ่านแล้ว ๓ ต.ค. ๒๕๖๙): "This work is a mechanical reproduction of a Public Domain work, and as such is also in the Public Domain." · สำเนาคำต่อคำ: data/kangyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words