8a.2༄༅༅། །དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་

8a.3ལོ། །བླ་མ་རྡོ་རྗེ་འཛིན་པ་ལ། །ཀུན་ནས་དད་པས་ཕྱག་བྱས་ཏེ། །དང་པོའི་ལས་ཅན་རྣལ་འབྱོར་པ། །རྗེས་སུ་གཟུང་ཕྱིར་སྦྱིན་སྲེག་བརྩམ། །འཇིག་རྟེན་འདི་དང་ཕ་རོལ་གྱི། །འདོད་པའི་དོན་ཀུན་སྦྱིན་སྲེག་གིས། །ཐོགས་པ་མེད་པར་འགྲུབ་པས་ན། །ཕན་གདགས་ཚར་

8a.4བཅད་ཐམས་ཅད་ལ། །ཐོག་མར་འགྲོ་བ་ལས་ཀྱི་མཆོག །བདག་དང་གཞན་ལས་དོན་གྱི་ཕྱིར། །བླ་མའི་རིམ་པ་ཇི་ལྟ་བར། །མཁས་པ་རྣམས་ཀྱི་རྗེས་འབྲང་བྲི། །སྲོད་དམ་སྔ་དྲོ་ཤར་ཕྱོགས་སུ། །ཁྲུ་གང་སོར་བཅུ་གཉིས་ཟབས་ཐབ། །ཟླུམ་པོ་བ་བྱུང་དཀར་རྩིས་

8a.5བྱུགས། །ཁ་ཁྱེར་སོར་བཞི་པས་བསྐོར་བའི། །དབུས་སུ་པདྨ་འདབ་བརྒྱད་པ། །སྟེང་དུ་རྡོ་རྗེ་རྩེ་ལྔ་པ། །མཚམས་སུ་རྡོ་རྗེ་རྩེ་གསུམ་དགོད། །ཀུ་ཤའི་རྩེ་མོ་ཕྱིར་བསྟན་པས། །བཀྲམ་སྟེ་ཐབ་ཏུ་ཤིང་བརྩིགས་ལ། །དྲི་དཀར་པོ་ཡི་ཆུས་བཀང་བའི། །མཆོད་ཡོན་འབྲུ་དང་

8a.6མེ་ཏོག་བཅས། །གཡས་སུ་བཞག་སྟེ་བྱིན་གྱིས་བརླབ། །མཆོད་པ་ལྔ་ཡང་དཀར་པོར་བཤམ། །དེ་བཞིན་གནོད་སྦྱིན་བུམ་པར་བྱ། །ནས་འབྲས་ཡོས་ཏིལ་ཡུངས་ཀར་ཞོ། །འོ་ཐུག་འབྲས་ཆན་འབྲས་ཡོས་དང་། །མངར་གསུམ་ལ་སོགས་གཡོན་བཞག་སྟེ། །རྩེ་མོའི་

8a.7ཚ་ལས་བྱུང་བའི་ཤིང་། །འོ་མ་ཅན་མཛེས་མཐོ་གང་ཚད། །དྲིས་བྱུགས་མར་དང་སྦྲང་རྩིས་སྦགས། །བུད་ཤིང་སྲོག་ཆགས་མེད་མ་རུལ། །ཡང་ན་བ་ལང་ལྕི་བ་ཡིས། །ཐབ་བཅས་ཅུང་ཟད་རབ་ཏུ་བརྩིག །ཡང་ན་བདུད་རྩི་ལྔས་བྱུགས་པའི། །མཎྜལ་སྟེང་དུ་ཟླུམ་པོར་

8b.1བྱུག། །དེ་ནས་སློབ་དཔོན་སློབ་མར་བཅས། །ཁྲུས་བྱས་དྲིས་བྱུག་གོས་དང་རྒྱན། །ཆས་ཏེ་དེར་འདུག་ཞི་སེམས་ཀྱིས། །ཁྱབ་པའི་སྙིང་རྗེ་མངོན་བྱས་ཏེ། །སྲུང་བ་སྔོན་དུ་འགྲོ་བ་ཡིས། །རང་གི་རྣལ་འབྱོར་རྫོགས་པ་དང་། །གཉིས་སུ་མེད་པའི་མཆོད་བྱས་ནས། །

8b.2ནམ་མཁའ་ལ་ནི་བཞུགས་སུ་གསོལ། །དང་པོ་ཚམ་ངམ་སྔགས་ཀྱིས་ཐབ། །རྫས་དང་སྔགས་བདག་བཅས་པ་བསངས། །རྡོ་རྗེ་སེ་གོལ་བཅས་ནས་ནི། །མཚམས་བཅད་ཡན་ལག་བྱིན་བརླབས་ནས། །ཐབ་དེ་བྷྲཱུཾ་ལས་གཞལ་ཡས་ཁང་། །དག་པ་སྔོན་འགྲོ་ཆོས་

8b.3འབྱུང་དུ། །ཨོཾ་རཾ་ལས་སྐྱེས་པད་ཉི་མ། །ཧཱུཾ་ལས་མེ་ལྷ་དམར་སེར་བསྐྱེད། །ཞལ་གཅིག་ཕྱག་བཞི་ཐོར་ཚུགས་ཅན། །དབྱུག་པ་དང་ནི་སྐྱབས་སྦྱིན་དང་། །རིལ་བ་བགྲང་ཕྲེང་འཛིན་བལྟས་ལ། །གྲུབ་པའི་ལྷ་དང་གཉིས་མེད་བྱ། །དྲང་བའི་ཕྱག་རྒྱ་བཅས་ནས་སུ། །

8b.4ཧཱུཾ་དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་འབྱུང་པོ་ཆེ། །སྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །ཛཿ་ཧཱུཾ་བཾ་ཧོཿཨགྣ་ཡེ་ཨཱ་ཀཪྵ་ཡ་ཛཿ། པདྨ་ཀ་མ་ལ་ཡ་སྟྭཾ། ཞེས་པས་མེ་ཏོག་བོར་ལ་གདན་ཕུལ་ཏེ།

8b.5བགེགས་བསལ་ལ་ཞབས་བསིལ་དབུལ་ལོ། །མེ་ཏོག་གི་དམ་ཚིག་གི་ཕྱག་རྒྱ་བཅིངས་ལ། ཨོཾ་ཨགྣ་ཡེ་ས་མ་ཡ་ཧཱུཾ་ས་མ་ཡ་ཧཱུཾ། ས་མ་ཡ་སྟྭཾ། ལྕེ་ལ་རྡོ་རྗེ་དཀར་པོ་བསམས་ལ། ཨོཾ་བཛྲ་ཛྭ་ལ་ཧཱུཾ་ཕཊ། སྙིང་གར་ཨ་ལས་རྡོ་རྗེ་བསྒོམ། །རྩེ་ལྔ་པར་ལྡན་ཕྱག་རྒྱ་ཆེ། །སྙིང་གར་

8b.6ཟླ་བ་ཧཱུཾ་རྡོ་རྗེ། །སྔར་བཞིན་རྡོ་རྗེ་འཛིན་པ་ཡིས། །དབང་བསྐུར་བ་ནི་བསམ་པར་བྱ། །ཧཱུཾ་རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱི་བྱིན་གྱིས་བརླབས། །དམ་ཚིག་འདི་ལས་འདས་ན་ནི། །རིགས་རྣམས་མྱུར་དུ་ཐལ་བར་བྱེད། །ཨོཾ་ས་མ་ཡ་ཧཱུཾ་ཕཊ། བཛྲ་བནྡྷ་ཧཱུཾ། བདག་

8b.7གི་ལས་འདི་སྒྲུབས་ཞེས་བསྒོ། །དེ་ནས་མེ་སྦར་ཏེ། ཨོཾ་ཛྭ་ལ་རཾ་ཛྭ་ལ་རཾ། དགོན་པའམ་རྒྱུན་བཞག་བྱམས་སེམས་མེ། །རླུང་ཡབ་ཀྱིས་སྦར་མཆོད་པ་དབུལ། །མེ་ཏོག་དབུ་ལའོ། །སྤོས་ཤངས་ལའོ། །མར་མེ་མདུན་དུའོ། །དྲི་ཐུགས་ཀར་རོ། །ལྷ་བཤོས་ཞལ་དུའོ། །

9a.1ཞབས་བསིལ་དང་མཆོད་ཡོན་ཇི་ལྟར་རིགས་པར་དབུལ་ལོ། །དེ་ནས་རྫས་རྣམས་བུས་བར་དུ། །བྱང་ཆུབ་མཆོག་གི་ཕྱག་རྒྱ་ཡིས། །གཟར་བུ་བཟུང་སྟེ་སྲེག་རྫས་དབུལ། །ཨོཾ་ཨགྣ་ཡེ་ཧ་བྱ་དི་བྱ་དེ་བ་ཡེ་ཤཱནྟིཾ་ཀུ་རུ་སྭཱ་ཧཱ། དང་པོར་ཞུན་མར་ལན་

9a.2གསུམ་དབུལ། །དེ་ནས་སྲེག་རྫས་རིམ་པ་བཞིན། །ཕུལ་ཏེ་གཉིས་སུ་མེད་པར་བྱ། །ཨོཾ་བཛྲ་ཨ་ན་ལཱརྐ་མ་ཧཱ་དུཥྚ་ཛྭ་ལ་ཡ། སརྦ་བྷསྨི་ཀུ་རུ། ཏྲི་ཏ་ཧྲཱིཿ་ཛཿ་ཧཱུཾ་བཾ་ཧོཿ། མཐར་ཡང་མར་གྱི་དགང་བླུགས་དབུལ། །འཐོར་འཐུང་ཞབས་བསིལ་ཕུལ་ནས་ཀྱང་། །

9a.3བསྟོད་དེ་བཟོད་པར་གསོལ་བ་གདབ། །གནང་བར་བསྟོད་པ་བྱ་བ་ཡིན། །ཨོཾ་ཚངས་པ་འཇིག་རྟེན་མགོན་གྱི་སྲས། །མེ་ལྷའི་རྒྱལ་པོ་དྲང་སྲོང་མཆོག །འབྱུང་པོ་ཀུན་གྱི་མགོན་འགྱུར་བ། །དགེ་བ་དྲི་མེད་ཕྱག་འཚལ་བསྟོད། །གཟི་བརྗིད་ཆེན་པོ་མེ་ཡི་ལྷ། །

9a.4འདོད་པ་ཐམས་ཅད་རབ་སྟེར་མཛད། །བདག་དང་གཞན་དོན་བསྒྲུབ་ལ་བཞུགས། །འཛིན་བྱེད་མེ་ལྷ་ཉིད་ལའོ། །མེ་ལྷ་དྲང་སྲོང་ཆེན་པོ་ལ་ཕྲིན་ལས་སུ་གསོལ་བ་ནི། བདག་དང་ཡོན་བདག་མིང་འདི་ཞེས་བྱ་བ་ལ་སོགས་པའི་ཚེ་འདི་དང་ཕྱི་མའི་ལེགས་པའི་བར་དུ་

9a.5གཅོད་པའི་སྡིག་པ་དང་བགེགས་རྣམས་ཞི་བར་གྱུར་ཅིག །ཐབ་ཁུང་མེ་ཏོག་གཏོར་ནས་ནི། །མེ་ཡི་ལྷ་ལ་ལས་བཅོལ་ཏེ། །འབར་བའི་རྣམ་པ་ཉིད་དུ་བལྟ། །དེ་ནས་བསང་གཏོར་བྱས་ནས་ཀྱང་། །དག་པ་གསུམ་གྱི་ངང་ལས་དེར། །ཆོས་ཀྱི་འབྱུང་གནས་ཡངས་པ་

9a.6བལྟ། །དེར་ནི་འབྱུང་པོའི་རོ་སྟེང་དུ། །རང་སྙིང་ས་བོན་ལས་སྤྲོས་པའི། །འོད་ཟེར་ལྔ་ལྡན་ཧཱུཾ་སྤྲོས་ཏེ། །དེ་ལས་འཁོར་ལོ་གསུམ་གྱི་ལྷས། །དངོས་པོ་ཐམས་ཅད་རོ་གཅིག་པར། །བསྒྲུབས་ཏེ་སླར་ཞུགས་དཀྱིལ་འཁོར་བསྒོམ། །ཡེ་ཤེས་འཁོར་ལོ་སྤྱན་དྲངས་ཏེ། །

9a.7བགེགས་བསལ་མཆོད་ཡོན་ཕུལ་ནས་སུ། །ཧཱུཾ་ཐུགས་རྗེ་ཆེན་པོ་རྒྱུན་གྱི་རྒྱུན། །གྲུབ་པའི་རྡོ་རྗེ་རྣལ་འབྱོར་མ། །སེམས་ཅན་ཐམས་ཅད་རྗེས་གཟུང་ཕྱིར། །འབར་བའི་ནང་དུ་བཞུགས་གསོལ་བ། །འཐོར་འཐུང་བྱས་ཏེ་མཆོད་པ་དང་། །གང་བའི་སྦྱིན་སྲེག་གསུམ་

9b.1བྱས་ལ། །མཆོད་ཅིང་སྣ་ཚོགས་མཆོད་བྱས་ནས། །རིམ་པ་བཞིན་དུ་སྲེག་བླུགས་དབུལ། །གྲུབ་པ་མོ་ཡི་སྔགས་གཞུག་སྟེ། །སརྦ་པཱ་པཾ་སརྦ་བིཔྷཾ། སརྦ་བྱཱ་དྷི་སརྦ་དུ་རྶྭཔྣ། སརྦ་དུ་རྨཱི་ཏེ། སརྦ་པྲེ་ཏེ། སརྦ་ཛྭ་རེ། སརྦ་ཨུ་པ་དྲ་བེ། སརྦཱ་ཀཱ་ལ་མྲྀ་ཏྱུ། ཤཱནྟིཾ་ཀུ་

9b.2རུ་སྭཱ་ཧཱ། སྦྱིན་སྲེག་བརྒྱ་སྟོང་བྱས་ནས་སུ། །མཆོད་པ་ཀུན་གྱིས་མཉེས་པར་བྱ། །བསྟོད་ཅིང་བཟོད་གསོལ་གསོལ་བ་གདབ། །དེ་ནས་གང་བའི་སྲེག་བླུགས་ཀྱི། །གཟི་བརྗིད་འབར་བའི་རྡོ་རྗེའི་ཞལ། །རབ་ཏུ་འབར་བ་དྲག་པོ་སྟེ། །ཡོ་བྱད་གཅིག་ཏུ་བསྲེས་པ་

9b.3དང་། །གཉིས་སུ་མེད་པའི་སྦྱིན་པར་བྱ། །ཅི་ནུས་པ་དང་ཅི་འབྱོར་པས། །ཤིན་ཏུ་རྣམ་པར་དག་པར་བྱ། །མི་འཆི་ལྔ་བཅས་དཔའ་བོ་ཡིས། །ཤིན་ཏུ་ཚིམ་པར་མཆོད་བྱས་ལ། །དེ་ནས་ཙཱ་རུ་ལ་འབད་པས། །སྤུན་དང་སྲིན་མོ་དགའ་སྟོན་བྱ། །དེ་ནས་གཞན་

9b.4ཡང་ནོད་པར་བྱ། །ཡི་གེ་བརྒྱ་པ་སྔོན་འགྲོ་བའི། །ཚིགས་བཅད་གསུམ་གྱིས་བཟོད་པར་གསོལ། །ཡེ་ཤེས་སེམས་དཔའ་གཤེགས་སུ་གསོལ། །མན་ངག་བཞིན་དུ་དཀྱིལ་འཁོར་བསྡུ། །དཔལ་རྣལ་འབྱོར་མའི་ཞི་བའི་སྦྱིན་སྲེག་གི་ཆོ་ག་རྫོགས་སོ།། །།