གཤིན་རྗེ་གཤེད་ནག་པོའི་སྒྲུབ་ཐབས་ཀྱི་མཎྜལ་གྱི་ཆོ་ག་ཞེས་བྱ་བ

Sanskrit title (Tibetan script, as in the text) ཀྲིཥྞ་ཡ་མཱ་རི་སཱ་དྷ་ནཱཾ་མཎྜ་ལ་བི་དྷི་ནཱ་མ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 47 · folio 77a

༄༅༅། །རྒྱ་གར་སྐད་དུ། ཀྲིཥྞ་ཡ་མཱ་རི་སཱ་དྷ་ནཱཾ་མཎྜ་ལ་བི་དྷི་ནཱ་མ། བོད་སྐད་དུ། གཤིན་རྗེ་གཤེད་ནག་པོའི་

Vol. 47 · folio 77b

སྒྲུབ་ཐབས་ཀྱི་མཎྜལ་གྱི་ཆོ་ག་ཞེས་བྱ་བ། དཔལ་གཤིན་རྗེ་གཤེད་ལ་ཕྱག་འཚལ་ལོ། །བླ་མ་རྡོ་རྗེ་ཡེ་ཤེས་དང་། །རྗེ་བཙུན་མགོན་ལ་ཕྱག་འཚལ་ལོ། །དངོས་གྲུབ་སློབ་དཔོན་མཉེས་བྱའི་ཕྱིར། །རྗེ་བཙུན་དཀྱིལ་འཁོར་དམ་པ་ཡི། །ཆོ་ག་བདག་གིས་བཤད་པར་བྱ། །ཡིད་དུ་འོང་བའི་ས་ཕྱོགས་

སུ། །ས་གཞི་བཟང་པོ་ཡིད་འོང་ལ། །རིན་ཆེན་སྤོས་ཆུས་ལེགས་བཀྲུས་ཏེ། །མཉམ་པའི་ས་ལ་དྲི་སོགས་སྦྱིན། །མཛེས་པའི་གཞི་ལ་ཐིག་ལེ་བཞག །ཏཱ་མ་ལ་ཡི་འོ་མའམ། །རས་བལ་གཙང་མས་དགོད་པར་བྱ། །སེམས་ཅན་ཀུན་ལ་རྗེས་བརྩེ་བས། །ཕྱི་ནང་ཁྲུས་ལ་གནས་ནས་

ཀྱང་། །སྐད་ཅིག་བསྐྱེད་ལ་ཚོགས་བསག་བྱ། །སྲུང་དང་ཆོས་འབྱུང་གཞལ་ཡས་ཁང་། །བསྐྱེད་ལ་དེ་ཡི་ནང་དུ་ནི། །མེ་ཏོག་བཟང་པོ་དགྲམ་པར་བྱ། །ཞེ་སྡང་རྡོ་རྗེ་ལས་བརྩམས་ཏེ། །རལ་གྲི་རྡོ་རྗེ་རབ་ཏུ་བསྐྱེད། །ཚོམ་བུ་རེ་ལ་ལན་བདུན་ཏེ། །བཟླས་པ་པདྨ་ཉི་ཟླའི་སྟེང་། །བདེ་

གཤེགས་སྲས་བཅས་བསམ་པར་བྱ། །ཨོཾ་ཧྲཱིཿཥྚྲྀཿཝི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་ཛི་ན་ཛྀཀ །ཨོཾ་རཏྣ་དྷྲྀཀ །ཨོཾ་ཨཱ་རོ་ལྀཀ །ཨོཾ་པྲཛྙཱ་དྷྲྀཀ །ཨོཾ་མུངྒ་ར་དྷྲྀཀ །ཨོཾ་དཎྜ་དྷྲྀཀ །ཨོཾ་པདྨ་དྷྲྀཀ །ཨོཾ་ཁཌྒ་དྷྲྀཀ །ཨོཾ་མོ་ཧ་ར་ཏི། ཨོཾ་དྭེ་ཥ་ར་ཏི། ཨོཾ་རཱ་ག་ར་ཏི། ཨོཾ་བཛྲ་ར་ཏི། སོ་སོའི་སྐུ་མདོག་ཕྱག་

མཚན་དང་། །རྒྱན་དང་བཞུགས་པའི་ཕྱག་རྒྱ་རྣམས། །མངོན་པར་རྟོགས་པའི་ཆོ་ག་ལས། །འབྱུང་བ་བཞིན་དུ་གསལ་བར་བསྐྱེད། །ཚོགས་བསགས་དཀྱིལ་འཁོར་བསྟིམ་པ་དང་། །སྐྱེ་མཆེད་སྐུ་གསུང་ཐུགས་བྱིན་བརླབ། །དབང་བླང་བ་དང་དགུག་གཞུག་བྱ། །མཆོད་བསྟོད་

བདུད་རྩི་མྱང་བ་དང་། །སྤྲོ་བསྡུ་དང་ནི་བཟླས་པ་རྣམས། །རྣལ་འབྱོར་པ་ཡིས་ལེགས་བྱས་ཏེ། །འདོད་པའི་དོན་རྣམས་གསོལ་བ་གདབ། །གཤེགས་དང་བཟོད་པ་གསོལ་བྱས་ཏེ། །དེ་ཉིད་གསུམ་གྱི་ཆོ་ག་ཡིས། །ཡེ་ཤེས་འཁོར་ལོ་གཤེགས་སུ་གསོལ། །དམ་ཚིག་བསྐྱེད་པའི་ལྷ་རྣམས་ནི། །

སྙིང་ག་ཉིད་དུ་རྣམ་པར་བསྟིམ། །གཉིས་དོན་དམ་པ་བདེན་པ་ཡི། །ཆོས་ཀྱི་ཚུལ་ལ་གནས་པར་བྱ། །སེམས་ཅན་ཀུན་གྱི་དོན་གྱི་ཕྱིར། །བྱང་ཆུབ་ཏུ་ནི་བསྔོ་བ་དང་། །སྨོན་ལམ་ཆེན་པོ་གདབ་པར་བྱ། །དེ་ལྟར་ཉིན་མཚན་དུས་དྲུག་ཏུ། །སྙིང་བརྩེ་བརྩོན་པས་དབུལ་བར་བྱ། །གཡེང་བ་རྣམ་པར་

Vol. 47 · folio 78a

ཞི་དོན་དུ། །ཚོགས་བསགས་མཎྜལ་ཏིང་འཛིན་ནི། །སྦྱོར་བའི་ཆོ་ག་སྔོན་སོང་བས། །གསེར་དང་པད་ཟླ་རྣམ་བསམས་ཏེ། །གོང་བཞིན་རིམ་པར་དགོད་པར་བྱ། །ཨོཾ་བཛྲ་རེ་ཁེ་ཧཱུྃ། མཎྜ་ལ་ཧཱུྃ། ཨོཾ་བཛྲ་རེ་ཁེ་ཧཱུྃ། པདྨ་མཎྜ་ལ་ཧཱུྃ། ཨོཾ་བཛྲ་རེ་ཁེ་ཧཱུཾ། ཨ་ཙནྡྲ་མཎྜ་ལ་ཧཱུྃ།

བསྙེན་པར་བྱ་བའི་གོང་བཞིན་དུ། །གཤེགས་སུ་གསོལ་དང་བསྡུ་བ་མིན། །ཁྱད་པར་བསྡུས་པའི་མཎྜལ་ནི། །ལས་ཀྱི་སྔགས་ཀྱིས་བྱིན་བརླབས་ཏེ། །མཛེས་པའི་སྔགས་ཀྱིས་དགྲམ་པར་བྱ། །རས་སམ་བཟང་པོའི་གཞི་དག་ལ། །ཐིག་ལེ་འབྲུ་སོགས་བཀོད་ནས་ཀྱང་། །བདེ་གཤེགས་

སྲས་བཅས་སྤྱན་དྲངས་ཏེ། །གདན་གྱི་ཚུལ་དུ་དབུལ་བར་བྱ། །ཤིན་ཏུ་བསྡུས་པ་འདི་ལྟ་སྟེ། །ཚོམ་བུ་གཅིག་ལ་མངོན་བརྟེན་ཏེ། །གཞལ་ཡས་ཁང་དུ་དམིགས་ནས་ཀྱང་། །དེ་ནས་སྤྱན་དྲངས་བཞུགས་སུ་གསོལ། །བསོད་ནམས་ཚོགས་ཀྱིས་རྒྱུད་སྦྱངས་ནས། །གསོལ་བཏབ་

བསྔོས་ལ་གཤེགས་སུ་གསོལ། །མ་ཆགས་བརྟེན་པའི་སྙིང་གར་བསྡུ། །སྒྱུ་མའི་བློ་ཡིས་ཟིན་པར་བྱ། །བླ་ན་མེད་པའི་མཎྜལ་ནི། །སྙིང་གའི་པདྨ་རྣམ་དག་ནང་། །ཡེ་ཤེས་ཆེན་པོའི་ཐིག་ལེ་ནི། །ལྔ་ཕྲག་གཉིས་དང་དྲུག་ཕྱེད་ཀྱི། །ཡིག་འབྲུ་མཆོག་ཏུ་རྣམ་བསམས་ཏེ། །མཚན་དང་

རྫོགས་པའི་སྐུར་གྱུར་ནས། །དུས་གསུམ་ཚོགས་ཀྱི་མཆོད་པ་བྱ། །རྟག་ཏུ་བསྡུ་བ་མ་ཡིན་ཏེ། །དུས་མེད་རྟག་ཏུ་བརྩོན་པས་འགྲུབ། །བསམ་གྱིས་མི་ཁྱབ་མཎྜལ་ནི། །ཆོས་ཉིད་ཟུང་དུ་འཇུག་པ་ལས། །རང་གི་དེ་ཉིད་རྣམ་བསམས་པའི། །སྐྱེ་མེད་མྱ་ངན་འདས་པའི་གནས། །རྟོག་དང་བྲལ་བའི་དེ་

བཞིན་ཉིད། །རྡོ་རྗེ་ལྟ་བུའི་ཕོ་བྲང་ཡིན། །དུས་གསུམ་རྟག་ཏུ་སངས་རྒྱས་ནས། །སྐྱེ་མེད་དེ་བཞིན་ཉིད་ཀྱིས་བདག །ཆགས་སྡང་བྲལ་བས་དབུལ་བར་བྱ། །མཎྜལ་ཀུན་གྱི་མཆོག་ཡིན་ནོ། །བསོད་ནམས་ཚོགས་ཀྱི་མཎྜལ་ལས། །ཡེ་ཤེས་མཎྜལ་རྣམ་པར་སྐྱེ། །དེ་ཕྱིར་ཐབས་ཀྱི་མཎྜལ་ནི། །

རྣལ་འབྱོར་པ་ཡིས་དབུལ་བར་བྱ། །ཐུན་མོང་དངོས་གྲུབ་བསྒྲུབ་པ་དང་། །མཆོག་གི་དངོས་གྲུབ་ཐོབ་བྱའི་ཕྱིར། །བདག་གི་བསམ་པ་བཟང་པོ་ཡིས། །མཎྜལ་བྱས་པའི་དགེ་བ་གང་། །དེས་ནི་སེམས་ཅན་ཐམས་ཅད་ཀྱིས། །སངས་རྒྱས་ཞིང་ཁམས་དག་ཐོབ་ཤོག །གཤིན་རྗེ་གཤེད་ནག་པོའི་སྒྲུབ་

Vol. 47 · folio 78b

ཐབས་ཀྱི་མཎྜལ་གྱི་ཆོ་ག་ཞེས་བྱ་བ་རྫོགས་སོ།། །།ཟངས་གླིང་རྣལ་འབྱོར་ནཱ་ག་པཱུ་ར་ཡིས། །རྣལ་འབྱོར་ཀ་མ་རཀྵི་ཏ་ཉིད་ལ། །གུ་ཚ་རྒྱལ་བུའི་བུ་ཉིད་བཏད་ནས་ཀྱང་། །ཏ་རུ་པ་རི་དུར་ཁྲོད་ཚལ་ཉིད་དུ། །རྣལ་འབྱོར་འདུས་པའི་ཚོགས་ཀྱི་འཁོར་ལོ་ནང་། །གསོལ་བཏབ་རྣལ་འབྱོར་རྣམས་ཀྱི་

ཞལ་ངོ་རུ། །མཎྜལ་ཆོ་ག་བསོད་སྙོམས་པ་ཡིས་བྱས། །དེང་སང་རྣལ་འབྱོར་ལྟ་སྤྱོད་ལྡན་པ་ཡིས། །དུས་རྣམས་རྟག་ཏུ་མཎྜལ་འབད་པར་རིགས།།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words