དཔལ་ཁརྶ་པཱ་ཎི་ཡབ་ཡུམ་གྱི་སྒྲུབ་ཐབས

Sanskrit title (Tibetan script, as in the text) ཤྲཱི་ཁརྶ་པཱ་ཎི་མ་ཏྲི་སཱ་དྷ་ནཱི

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 49 · folio 177b

༄༅། །རྒྱ་གར་སྐད་དུ། ཤྲཱི་ཁརྶ་པཱ་ཎི་མ་ཏྲི་སཱ་དྷ་ནཱི། བོད་སྐད་དུ། དཔལ་ཁརྶ་པཱ་ཎི་ཡབ་ཡུམ་གྱི་སྒྲུབ་ཐབས། འཕགས་པ་སྤྱན་རས་གཟིགས་ལ་ཕྱག་འཚལ་ལོ། །གང་ཞིག་སྤྱན་རས་གཟིགས་དབང་ཡུམ། །ཐུགས་རྗེའི་དབྱངས་ལས་སྐུ་བཞེངས་པ། །ཡེ་ཤེས་ལྷ་མོ་དམར་མོ་སྒེག །དཔལ་

Vol. 49 · folio 178a

མོ་ཉིད་ལ་ཕྱག་འཚལ་ལོ། །དེ་ལ་སྒྲུབ་པོ་དམ་ཚིག་ཅན། །གསང་སྔགས་རྒྱལ་མོ་ལ་མོས་པས། །དུར་ཁྲོད་དམར་བའི་དབུས་སུ་ནི། །ཆོ་ག་རྣམ་གསུམ་བསྒོམ་པར་བྱ། །རེ་ཞིག་སྐྱབས་སུ་འགྲོ་བ་དང་། །སེམས་བསྐྱེད་ཁྱད་པར་ཅན་བསྐྱེད་ནས། དམ་ཚིག་རྣམ་ལྔའི་

མཆོད་པ་དང་ལྡན་པས། །མེ་ཏོག་དམར་པོའི་མཎྜལ་བཤམས་ཏེ། བསམ་གཏན་བསྐྱོད་པའི་ཕྱག་རྒྱ་བཅས་ལ། ཐོག་མར་སྔགས་འདི་བཟླས་པར་བྱའོ། །ཨོཾ་ཨཱ་བིགྷྣཱན་ཏ་ཀྲྀ་ཏ་ཧཱུཾ་ཕཊ། འབུམ་ཕྲག་གསུམ་གྱིས་བགེགས་བསྐྲད་པར་འགྱུར་རོ། །དེ་ནས་བདག་མེད་ཆེན་མོ་ཡི། །ངང་

ལས་སྐྱེས་གྱུར་ལྷ་མོའམ། །ཡང་ན་ལྟེ་དབུས་སྤྲུལ་པའི་ནང་། །ཆོས་འབྱུང་པདྨ་མི་རོ་ལའོ། །བཾ་ལས་མངོན་གྱུར་དམར་མོ་དཔའ། །བཅུ་དྲུག་ན་ཚོད་ཤིན་ཏུ་སྒེག །ཅུང་ཟད་ཁྲོ་བའི་ཞལ་བཞད་དམ། །གྲི་གུག་ཐོད་འཛིན་ཁ་ཊྭཱཾ་བསྣམས། །མགོ་བོའི་ཕྲེང་བའི་དོ་ཤལ་བརྒྱན། །གཡོན་བསྐུམ་

གཡས་བརྐྱང་དབང་ཕྱུག་དང་། །ཨུ་མའི་ནུ་མ་མཉམ་བརྫིས་མཛད། །ཤིན་ཏུ་འོད་གསལ་འཇིགས་པ་ཡི། །མི་རུས་རྡོ་རྗེའི་ཕྲེང་བས་སྤྲས། །དྲིལ་བུ་གཡེར་ཀའི་སྒྲ་སྒྲོགས་ལའོ། །སྐྲ་གྲོལ་གཅེར་བུ་བདེ་བའི་ཉམས། །རྡོར་ཕྲེང་རྡོ་རྗེ་ཟུར་ཕུད་ལྡན། །གཡུང་དྲུང་འཁྱིལ་པས་སྨིན་མཚམས་

བརྒྱན། །སྔགས་གསུམ་གྱིས་བཀང་བྷ་གའོ། །དེ་སྙིང་པདྨོ་དམར་དབུས་སུ། །ཡེ་ཤེས་རྡོ་རྗེ་ཕྱག་རྒྱས་འཛིན། །བཾ་ཞེས་བྱ་བ་རྣམ་ཤེས་ཁྱིམ། །རྣམ་རྟོག་བསྡུས་དང་མི་རྟོག་གྲོལ། །གོ་རིམས་ཇི་བཞིན་ཇི་གནས་དང་། །ལྷག་མཐོང་རྣལ་འབྱོར་བསྒོམ་པར་བྱ། །དེ་ཚེ་དམིགས་པ་རང་དགའ་

དང་། །འཆིང་བ་ཞི་བས་བདེ་ཆེན་རྙེད། །འོད་ཟེར་བཞུ་བའི་སྦྱོར་བ་ཡིས། །སྣང་བ་ཐིམ་དང་སེམས་ཅན་ཐིམ། །ལུས་ཐིམ་སྲོག་ཐིམ་ནམ་མཁའ་ཡི། །རྣལ་འབྱོར་ཉི་ཟླ་ཟུང་དུ་འཇུག །དཔལ་འཕགས་པ་སྤྱན་རས་གཟིགས་ཀྱི་སྒྲུབ་ཐབས། རྣལ་འབྱོར་གྱི་དབང་ཕྱུག་ཆེན་པོ་ཤྲཱི་མི་ཏྲའི་གདམས་

པ་རྫོགས་སོ།། །།གནུབས་ལོ་ཙཱ་བས་བསྒྱུར་བའོ།།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words