ལྷན་ཅིག་སྐྱེས་པའི་གདམས་པ་ཞེས་བྱ་བ

Sanskrit title (Tibetan script, as in the text) ས་ཧཱ་ཛ་ཨ་ནནྟ་ཨཱ་བཱ་ཡཾ་ནཱ་མ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 53 · folio 27a

༄༅༅། །རྒྱ་གར་སྐད་དུ། ས་ཧཱ་ཛ་ཨ་ནནྟ་ཨཱ་བཱ་ཡཾ་ནཱ་མ། བོད་སྐད་དུ། ལྷན་ཅིག་སྐྱེས་པའི་གདམས་པ་ཞེས་བྱ་བ། བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །སྙིང་གའི་ཁ་སྦྱོར་དབུས་སུ་ནི། །གཉིས་མེད་ཐིག་ལེ་ཡུངས་ཀར་

ཚད། །དེ་ཡང་འོ་མའི་རྒྱ་མཚོ་ལྟར། །རིམ་གྱིས་རྒྱས་པ་བསམ་པར་བྱ། །བདག་དང་གཞན་གྱི་ལུས་ཉིད་ནི། །དྲི་མེད་བདུད་རྩིས་ཞོ་ལྟར་གང་། །རླུང་ནད་སེལ་ཞིང་སེམས་ཉིད་བཅིང་། །མེ་དྷི་བདག་ནི་སྨྲ་བར་བྱེད། །དངོས་པོར་སེམས་གཏད་དངོས་མེད་རྟོགས། །

ཀྱེ་ཧོ་མ་ཡེངས་རང་སེམས་ཟུང་། །རྣལ་འབྱོར་གྲུབ་རྟགས་དངོས་མེད་པ། །ཕན་ཚུན་གཉིས་ཀྱི་འབྲེལ་པ་བཅད། །དངོས་དང་དངོས་མེད་རང་བཞིན་ལ། །མཐའ་གཉིས་མི་གནས་ལྷན་སྐྱེས་གྲུབ། །དངོས་པོ་ཐམས་ཅད་སྐྱེ་མེད་དེ། །བསྒྲིབས་པས་བདག་གིས་མ་རྟོགས་

Vol. 53 · folio 27b

སོ། །སྣང་བ་ཐམས་ཅད་སེམས་ངོ་བོ། །སེམས་ཉིད་མ་གྲུབ་སེམས་ཉིད་དེ། །བདག་ཉིད་སྙིང་རྗེ་ཀུན་དུ་ཁྱབ། །ནམ་མཁའ་ལྟ་བུར་འགྱུར་བ་མེད། །གཉིས་ལ་མི་གནས་སེམས་ཉིད་ཡིན། །མེ་དྷི་བདག་ནི་སྨྲ་བར་བྱེད། །རང་རིག་མ་བཅོས་བྱ་བ་ཐོང་། །འཛིན་མེད་དྲན་མེད་

སེམས་ཉིད་དེ། །ཆད་པར་མི་འགྱུར་རང་རིག་རྟོགས། །རྟག་པར་མི་འགྱུར་སྒྲོ་འདོགས་བཅད། །སྟོང་པའི་རང་བཞིན་རྟག་ཆད་མེད། །མེ་དྷི་བདག་ནི་སྨྲ་བར་བྱེད། །ལྟ་བ་བསྒོམ་མེད་འབྲས་བུ་མེད། །སྣང་ལ་རང་བཞིན་དངོས་པོ་མེད། །རྣམ་རྟོག་སྦྲུལ་གྱི་མདུད་པ་ལྟར། །རང་གྲོལ་

ཟུང་འཇུག་ཐ་སྙད་མེད། །དེ་ལྟར་བསྒོམས་པས་སྟོང་ཉིད་རྟོགས། །མེ་དྷི་བདག་ནི་སྨྲ་བར་བྱེད། །ལྷན་སྐྱེས་ཟུང་འཇུག་སྟོང་ཉིད་དེ། །རྣལ་འབྱོར་བདག་གིས་རྟོགས་པའོ། །ལྷན་སྐྱེས་ཟུང་འཇུག་གི་གདམས་པ་སློབ་དཔོན་མེ་དྷི་ནིས་མཛད་པ་རྫོགས་སོ།། །།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words