འཇམ་དཔལ་ཡེ་ཤེས་སེམས་དཔའ་དང་པོའི་སངས་རྒྱས་ཞེས་བྱ་བའི་སྒྲུབ་ཐབས

Sanskrit title (Tibetan script, as in the text) ཛྙཱ་ན་སཏྭ་མཉྫུ་ཤྲྱཱ་དི་བུདྡྷ་ནཱ་མ་སཱ་དྷ་ནཱཾ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 66 · folio 78a

༄༅༅། །རྒྱ་གར་སྐད་དུ། ཛྙཱ་ན་སཏྭ་མཉྫུ་ཤྲྱཱ་

དི་བུདྡྷ་ནཱ་མ་སཱ་དྷ་ནཱཾ། བོད་སྐད་དུ། འཇམ་དཔལ་ཡེ་ཤེས་སེམས་དཔའ་དང་པོའི་སངས་རྒྱས་ཞེས་བྱ་བའི་སྒྲུབ་ཐབས། འཕགས་པ་འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ། །ཐོག་མ་བར་དང་མཐར་སངས་རྒྱས། །སྲིད་པའི་དྲི་མ་དང་བྲལ་བའི། །རང་བཞིན་གྱིས་ནི་དག་

པའི་སྐུ། །དང་པོའི་སངས་རྒྱས་ལ་བཏུད་ནས། །སྙིང་པོ་བསྡུས་པའི་མཚན་རྒྱུད་ལས། །ཡེ་ཤེས་ལྔ་ཡི་སྒྲུབ་ཐབས་འདི། །མ་རིག་འཁྲུལ་པ་སྤང་བའི་ཕྱིར། །གསུང་གི་སྒྲུབ་ཐབས་གསལ་ཕྱིར་བྲི། །གནས་ཁང་ཡིད་དུ་འོང་བར་ནི། །བདེ་བའི་སྟན་ལ་ཉེར་འདུག་སྟེ། །ཚད་མེད་

བཞི་པོ་བསྒོམ་བྱས་ནས། །བྱང་ཆུབ་མཆོག་ཏུ་སེམས་བསྐྱེད་དེ། །ཨ་བྷཱ་བ་སྭ་བྷཱ་བ་བི་ཤུདྡྷ་བཛྲ་ཙཀྲ་ཨ་ཨཱ་ཨཾ་ཨཿ། དེ་ནས་སྟོང་པའི་ཏིང་འཛིན་ལས། །ཨ་ཧཱུཾ་ལས་བྱུང་རྡོ་རྗེ་ནི། །རྡོ་རྗེ་འཇིགས་བྱེད་འཇིགས་པར་བྱེད། །ཁྲོ་བོའི་རྒྱལ་པོ་ཞལ་དྲུག་ལྡན། །མེ་དཔུང་འབར་བ་དང་

Vol. 66 · folio 78b

བཅས་པ། །འཇིགས་པའི་རྡོ་རྗེ་བསྐྱེད་པར་བྱ། །དང་པོ་ཡི་ནི་དབྱངས་ཡིག་ལས། །ཐབས་དང་ཤེས་རབ་རང་བཞིན་གྱི། །ཡེ་ཤེས་མིག་གཅིག་ཨེ་ཡི་ནང་། །ཉོན་མོངས་དྲི་མེད་པདྨའོ། །དང་པོའི་དབྱངས་ཡིག་ལས་བྱུང་བའི། །པཾ་ལས་བྱུང་བའི་པདྨའི་སྟེང་། །རྡོ་རྗེ་སྐྱིལ་ཀྲུང་

རྫོགས་སངས་རྒྱས། །སངས་རྒྱས་འགྲོ་བའི་ཆོས་འཛིན་པ། །དཔལ་ལྡན་སངས་རྒྱས་པདྨ་སྐྱེས། །ཀུན་མཁྱེན་ཡེ་ཤེས་མཛོད་འཛིན་པ། །རྡོ་རྗེ་རྣོན་པོ་རང་བཞིན་ཞལ། །ཚིག་གི་དབང་ཕྱུག་སྨྲ་བ་ཆེ། །རྣམ་དག་ཤེས་རབ་ཡེ་ཤེས་ཞལ། །སྨྲ་བའི་སྐྱེས་མཆོག་དམ་པ་ཡི། །

བཅོམ་ལྡན་སྡུག་བསྔལ་གཅོད་པའི་ཞལ། །སྟོབས་དང་ལྡན་པ་སྨྲ་བའི་རྒྱལ། །གསུང་དབྱངས་རྡོ་རྗེ་ཆོས་ཀྱི་ཞལ། །སྨྲ་བའི་དམ་པ་མཆོག་གི་གནས། །རྡོ་རྗེ་ཟབ་མོ་སྐུ་ཡི་ཞལ། །སྨྲ་བའི་སེང་གེ་ཉོན་མོངས་སེལ། །ཁ་དོག་སོ་སོར་མཚུངས་མེད་ཞལ། །ཀུན་དུ་ལྟ་བ་མཆོག་ཏུ་

དགའ། །སྐུ་ནི་གཟི་བརྗིད་ཕུང་པོ་ཡི། །མཚན་དང་དཔེ་བྱད་བལྟ་ན་སྡུག །འོད་བཟང་རིན་ཆེན་འབར་བ་ཡི། །གཡོན་པའི་ཕྱག་བཞི་པུསྟི་འཛིན། །གཡས་པ་ཡི་ནི་ཕྱག་བཞི་ཡིས། །འདོད་དང་བཅས་པའི་རལ་གྲི་འཕྱར། །སྨན་པ་ཆེ་མཆོག་གཞོན་ནུའི་སྐུ། །ལྗོན་པའི་ཤིང་

དང་བཅས་པའོ། །སངས་རྒྱས་ཀུན་གྱི་སྐུ་ཆེ་བ། །སངས་རྒྱས་སྐུ་ལྔའི་བདག་ཉིད་ཅན། །སངས་རྒྱས་ཀུན་གྱི་གསུང་ཆེ་བ། །རྩིབས་བཞི་མུ་ཁྱུད་གསུང་ཡང་ཡིན། །ཨོཾ་བཛྲ་ཏཱིཀྵྞ་ནུབ་ཏུའོ། །དུཿཁ་ཙྪེ་ད་ཤར་དུའོ། །པྲཛྙཱ་ཛྙཱ་ན་མཱུརྟ་ཡེ་དབུས་སུའོ། །བཱ་གཱི་ཤྭ་ར་ལྷོ་རུའོ། །

ཛྙཱ་ན་ཀཱ་ཡ་བྱང་དུ་སྟེ། །ཨ་ནི་དབུས་སུ་དཀར་པོའོ། །པ་ནི་ཤར་དུ་མཐིང་གའོ། །ཙ་ནི་ལྷོ་རུ་སེར་པོའོ། །ར་ནི་ནུབ་ཏུ་དམར་པོའོ། །ན་ནི་བྱང་དུ་ལྗང་གུའོ། །གསལ་བྱེད་དང་ནི་དབྱངས་ཡིག་ནི། །མུ་ཁྱུད་བཞི་ལ་བསམ་པ་སྟེ། །དེ་ལྟར་ཤེས་རབ་འཁོར་ལོའོ། །སངས་རྒྱས་

ཀུན་གྱི་ཐུགས་ཆེ་བ། །སངས་རྒྱས་ཀུན་གྱི་ཐུགས་ལ་གནས། །རྡོ་རྗེ་ཉི་མ་ཤེས་རབ་ཆེ། །རྡོ་རྗེ་ཟླ་བ་ཐབས་ཀྱི་བདག །ཆགས་དང་ཆགས་བྲལ་ཡིག་འབྲུ་མཆོག །ཁ་དོག་སྣ་ཚོགས་འབར་བའི་འོད། །ཨོཾ་པྲ་ཀྲྀ་ཏི་པ་རི་ཤུདྡྷཿ། སརྦ་དྷརྨཱ་ཡ་དུ་ཏ། སརྦ་ཏ་ཐཱ་ག་ཏ་ཛྙཱ་ན་ཀཱ་ཡ།

Vol. 66 · folio 79a

མཉྫུ་ཤྲཱི་མུ་པ་ད་ཡེ་ཏི་ཨ། ཨ་ཨཱ་ཨི་ཨཱི་ཨུ་ཨཱུ་ཨེ་ཨཻ་ཨོ་ཨཽ་ཨཾ་ཨཿ། སྠི་ཏོ་ཧྲྀ་དི་ཛྙཱ་ན་མཱུརྟི་ར་ཧཾ་བུདྡྷོ་ནཾ། ཏྲྱ་དྷྭ་བརྟི་ནཾ། ཨོཾ་བཛྲ་དྷཱུ་པེ་སྭཱ་ཧཱ། ཨོཾ་བཛྲ་པུཥྤེ་སྭཱ་ཧཱ། ཨོཾ་བཛྲ་ཨཱ་ལོ་ཀེ་སྭཱ་ཧཱ། ཨོཾ་བཛྲ་གནྡྷེ་སྭཱ་ཧཱ། ཨོཾ་བཛྲ་ནཻ་བི་ཏྱེ་སྭཱ་ཧཱ། ཨོཾ་བཛྲ་ཤཔྟ་སྭཱ་ཧཱ།

ཨོཾ་སརྦ་ཏ་ཐཱ་ག་ཏ་ཧྲྀ་ད་ཡ། ཧ་ར་ཧ་ར། ཨོཾ་ཧཱུཾ་ཧྲཱིཿ། བྷ་ག་བཱན་ཛྙཱ་ན་མཱུརྟི་བཱ་གཱི་ཤྭ་ར། མ་ཧཱ་ཝ་ཙ། ཨ་སརྦ་ཏ་ཐཱ་ག་ཏ་ཧྲྀ་ད་ཡ། ཧ་ར་ཧ་ར། ག་ག་ན། ཨ་མ་ལ་སུ་པ་རི་ཤུདྡྷ་དྷརྨ་དྷཱ་ཏུ་ཛྙཱ་ན་གརྦྷ་ཨཱཿ། དེ་ལྟར་བསྐྱེད་ནས་བསྒོམ་པར་བྱའོ། །དེ་ནས་གསང་སྔགས་བཟླས་པར་

བྱ། །ཨོཾ་བཛྲ་ཏཱིཀྵྞ་དུཿཁ་ཙྪེ་ད། པྲཛྙཱ་ཛྙཱ་ན་མཱུརྟ་ཡེ། ཛྙཱ་ན་ཀཱ་ཡ། བཱ་གཱི་ཤྭ་ར། ཨ་ར་པ་ཙ་ན་ཡ་ཏེ་ན་མཿ། ད་ནི་མཚན་ནས་བརྗོད་པ་ནི། སྡུ་གུ་འཇིག་རྟེན་གསུམ་གྱི་མཆོག །དཔལ་ལྡན་རྒྱུ་སྐར་དཀྱིལ་འཁོར་ཅན། །ཕྱོགས་བཅུ་ནམ་མཁའི་མཐས་གཏུགས་པར། །ཆོས་

ཀྱི་འཁོར་ལོ་ལེགས་པར་བསྐོར། །འགྲོ་དང་འདུག་པ་སྤངས་པ་སྟེ། །བྱམས་དང་སྙིང་རྗེའི་དཀྱིལ་འཁོར་ཅན། །དེ་ལྟར་བསྒོམས་ནས་མཚན་བརྗོད་དོ། །གཏོར་མ་ཕུལ་ནས་གཤེགས་སུ་གསོལ། །བདག་ཉིད་སྤྱོད་ལམ་གནས་པར་བྱའོ། །མདོ་རྒྱུད་སྙིང་པོའི་དོན་ལས་ནི། །

མན་ངག་ལ་བརྟེན་གཞུང་འདི་བརྩམས། །དེ་ཡིས་བསོད་ནམས་གང་བསགས་པ། །འགྲོ་རྣམས་འཇམ་དབྱངས་ཐོབ་པར་ཤོག །སློབ་དཔོན་ཆེན་པོ་ཨ་ཝ་དྷཱུ་ཏཱིས་མཛད་པའི་དང་པོའི་སངས་རྒྱས་ཀྱི་སྒྲུབ་ཐབས་རྫོགས་སོ།། །།དྷརྨ་ཤྲཱི་མི་ཏྲ་དང་། ལོ་ཙཱ་བ་ཆོས་ཀྱི་

བཟང་པོས་བསྒྱུར་བའོ།།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words