འཇམ་དཔལ་རྡོ་རྗེའི་བུམ་པའི་ཆོ་ག

Sanskrit title (Tibetan script, as in the text) བཛྲ་མཉྫུ་ཤྲཱི་གྷ་ཏྲ་བི་དྷིཿ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 66 · folio 84a

༄༅༅། །རྒྱ་གར་སྐད་དུ།

བཛྲ་མཉྫུ་ཤྲཱི་གྷ་ཏྲ་བི་དྷིཿ། བོད་སྐད་དུ། འཇམ་དཔལ་རྡོ་རྗེའི་བུམ་པའི་ཆོ་ག །འཕགས་པ་འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ། །སྒྲུབ་པ་པོ་ལ་ཕན་གདགས་ཞིང་། །ཉོན་མོངས་དྲི་མ་ཀུན་དག་ཕྱིར། །མཚན་ཉིད་ལྡན་པའི་གང་ཟག་ལ། །བུམ་པའི་

Vol. 66 · folio 84b

ཆོ་ག་བཤད་པར་བྱ། །དང་པོར་མཚན་ཉིད་ལྡན་གནས་སུ། །ས་སློང་སྦྱོང་ཞིང་མཎྜལ་བྱ། །ཐིག་གདབ་ཚོན་ནི་བྱིན་གྱིས་བརླབ། །ཚོམ་བུ་ལྔ་ལྡན་འཁོར་ལོ་བཅུ་དྲུག་ལྡན། །གྲུ་ཆད་བཞི་ལྡན་སྒོ་བཞི་རྟ་བབས་ལྡན། །འཁོར་ལོ་བཅུ་དྲུག་གྲུ་ཆད་བཞི་དང་ལྡན། །པཉྩ་རཏྣ་

འདོད་ཡོན་སྣམ་བུ་དང་། །རིན་ཆེན་ཕ་གུ་སྒོ་བཞི་རྟ་བབས་བྲི། །རིན་ཆེན་བདུན་ལས་བྱས་པའི་མཆོད་པའི་རྟེན། །གདུགས་དང་བ་དན་ཅོད་པན་དྲིལ་བུས་བརྒྱན། །གསེར་དང་དངུལ་དང་ཟངས་དང་ལྕགས་ལས་བྱས། །བུམ་པ་ཁ་དོག་ལྔ་དང་ལྡན་པའོ། །རིན་ཆེན་སྣ་

ལྔ་འབྲུ་སྣ་ལྔ་དང་ནི། །སྨན་ལྔ་དྲི་ལྔ་དཀར་ལ་སོགས་པའི་རྫས། །བདུད་རྩིའི་ཆུས་བཀང་ཁ་རྒྱན་འབྲས་བུ་ཅན། །མགུལ་ཆིངས་གཟུངས་ཐག་བུམ་པའི་རིགས་དང་སྦྱར། །སོ་སོའི་ལྷ་ཡི་གདན་དུ་གཉིས་པོ་དགོད། །དང་པོར་བླ་མ་དཀོན་མཆོག་སྤྱན་དྲང་སྟེ། །ཕྱག་

མཆོད་སྡིག་བཤགས་ཡི་རང་བསྐོར་བར་བསྐུལ། །མྱ་ངན་མི་འདའ་ལུས་དབུལ་དགེ་རྩ་བསྔོ། །ཚད་མེད་བཞི་ལྡན་བྱང་ཆུབ་མཆོག་ཏུ་བསྔོ། །སྟོང་པའི་ཏིང་འཛིན་སྔགས་ཀྱིས་ཀུན་ནས་བསྐུལ། །དེ་ནས་གུར་དང་དྲ་བའི་སྟེང་དུ་ནི། །ཧཱུཾ་ལས་རྡོ་རྗེ་བྲུཾ་ལས་མཆོད་རྟེན་ནི། །ཧྲཱི་

ལས་ཆོས་འབྱུང་ཨ་ལས་རྡོ་རྗེའོ། །དེ་སྟེང་བྷྲཱུཾ་ལས་གཞལ་ཡས་ཁང་པའོ། །གདན་ལྔ་ཟླ་བའི་གདན་ནི་སོ་སོར་གསལ། །ཡི་གེ་ཨ་ལས་རྣལ་འབྱོར་རྣམ་གསུམ་བསྒོམ། །དམ་ཚིག་འཁོར་ལོ་ཨ་ལས་སྐུ་བསྐྱེད་དོ། །ཡེ་ཤེས་འཁོར་ལོ་དགུག་ཅིང་བསྟིམ་པར་བྱ། །སྐུ་

གསུམ་བྱིན་བརླབས་དབང་བསྐུར་ཉིད་ཀྱིས་མཚན། །ཐབས་དང་ཤེས་རབ་བུམ་པ་རབ་ཏུ་དོན། །ཐབས་དང་ཤེས་རབ་འོད་ཟེར་བདུད་རྩི་དབབ། །མཆོད་རྟེན་རྣམས་ནི་ལྷ་ཡི་རང་བཞིན་གསལ། །སོ་སོའི་ཐབས་དང་ཤེས་རབ་མ་ལུས་ལྡན། །ཐུགས་ཀའི་ཨ་ལས་རྒྱུད་ནི་གདོན་པར་

བྱ། །དེ་ལས་དད་པའི་སངས་རྒྱས་འདུད་བསྟོད་བྱ། །དེ་ཡི་ཐུགས་འོད་མཆོད་པ་རྣམ་ལྔས་མཆོད། །བུམ་པ་བཟང་པོ་ཆེ་བའི་མཆོག །རྣམ་པར་དག་པ་བདག་མེད་ཆོས། །ཡང་དག་ཡེ་ཤེས་ཟླ་འོད་བཟང་། །བརྩོན་ཆེན་སྒྱུ་འཕྲུལ་དྲ་བ་ལས། །རྡོ་རྗེའི་གདན་ནི་མ་ལུས་

Vol. 66 · folio 85a

ལྡན། །ཡེ་ཤེས་སྐུ་རྣམས་མ་ལུས་འཆང་། །ཉོན་མོངས་ཁམས་རྣམས་དག་པའི་བདག །ལས་ཀྱི་ཁམས་རྣམས་ཟད་བྱེད་ཅིང་། །ཆུ་བོ་རྒྱ་མཚོ་ཀུན་ལས་བརྒལ། །ཉོན་མོངས་ཉེ་བ་ཀུན་ཉོན་མོངས། །བག་ཆགས་བཅས་པ་གཏན་ཏུ་སྤངས། །ཞེས་

སོ། །ལུང་དང་མན་ངག་ལ་བརྟེན་ནས། །བདག་གིས་འདི་འདྲའི་ཕན་གདགས་ཆོ་ག་བརྩམས། །དགེ་བའི་རྩ་བ་དྲི་མེད་གང་ཐོབ་པ། །དེས་ནི་འཇམ་དཔལ་རྡོ་རྗེ་ཐོབ་པར་ཤོག །དཔལ་འཇམ་དཔལ་མགོན་པོའི་བུམ་པའི་ཆོ་ག །སློབ་དཔོན་ཆེན་པོ་མྱ་ངན་མེད་པའི་

དཔལ་གྱིས་མཛད་པ་རྫོགས་སོ།། །།དཔལ་ཨུ་རྒྱན་གྱི་མཁན་པོ་ཆེན་པོ་དྷརྨ་ཤྲཱི་མི་ཏྲའི་ཞལ་སྔ་ནས་དང་། ཞུ་ཆེན་གྱི་ལོ་ཙཱ་བ་བོད་ཀྱི་ཤཱཀྱའི་དགེ་སློང་དཔལ་གྱི་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words