ཚེ་དཔག་མེད་ལ་བསྟོད་པ

Sanskrit title (Tibetan script, as in the text) ཨ་པ་རི་མི་ཏཱ་ཡུ་རཾ་སྟོ་ཏྲ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 73 · folio 66b

༄༅༅། །རྒྱ་གར་སྐད་དུ། ཨ་པ་རི་མི་ཏཱ་ཡུ་རཾ་སྟོ་ཏྲ། བོད་སྐད་དུ། ཚེ་དཔག་མེད་ལ་བསྟོད་པ། ཆོས་ཀྱི་འཁོར་ལོ་རྒྱ་ཆེན་བསྐོར། །སེམས་ཅན་སྡུག་བསྔལ་མ་ལུས་རྣམས། །སྐད་ཅིག་ཉིད་ལ་སེལ་བྱེད་པའི། །སངས་རྒྱས་ཚེ་དཔག་

ཕྱག་འཚལ་ལོ། །རྡོ་རྗེ་སེམས་དཔའ་ལས་བྱུང་ཞིང་། །ཉེས་པ་ཀུན་ལས་ཁྱོད་གྲོལ་ནས། །རྡོ་རྗེ་ལུས་ཅན་རྡོ་རྗེ་ཅན། །རྡོ་རྗེ་ཚེ་དཔག་ཕྱག་འཚལ་ལོ། །ཇི་ལྟར་ཉོན་མོངས་དྲི་མ་ཡིས། །ཀུན་ནས་གོས་པར་མི་འགྱུར་ཞིང་། །ཐུགས་རྗེས་ཆགས་ཚུལ་སྟོན་མཛད་པ། །པདྨ་ཚེ་དཔག་

ཕྱག་འཚལ་ལོ། །བསམ་པ་དངོས་ཀུན་སྐད་ཅིག་གིས། །རང་འདོད་བཞིན་དུ་ཚིམ་དང་དཔལ། །ཚོགས་ཀྱི་བདག་པོ་ཆེན་པོ་སྟེ། །རིན་ཆེན་ཚེ་དཔག་ཕྱག་འཚལ་ལོ། །འདོད་པའི་དོན་རྣམས་མ་ལུས་པ། །སྐད་ཅིག་ཉིད་ལ་རྫོགས་དང་དཔལ། །བསམ་ཀུན་འཕེལ་བྱེད་དཔག་

བསམ་ཤིང་། །ཕྲིན་ལས་ཚེ་དཔག་ཕྱག་འཚལ་ལོ། །ཉེས་པ་ཀུན་ལས་རྣམ་གྲོལ་བས། །སྣ་ཚོགས་ཡོན་ཏན་རྣམས་ཀྱིས་བརྒྱན། །ཚོགས་ཀྱི་བདག་པོ་ཆེན་པོ་སྟེ། །ཀུན་གཟིགས་ཚེ་དཔག་ཕྱག་འཚལ་ལོ། །སྟོབས་ཆེན་རྣམས་ཀྱིས་རབ་བརྒྱན་ཏེ། །མ་ལུས་མི་མཐུན་ཚོགས་འཇོམས་

པ། །སྟོན་པ་སྲེད་མེད་བུ་ཡི་མཐུ། །ཡོན་ཏན་ཚེ་དཔག་ཕྱག་འཚལ་ལོ། །མེ་ལོང་མཉམ་ཉིད་ལ་སོགས་པ། །ཡེ་ཤེས་མང་པོའི་མཛོད་འཛིན་པ། །རྣམ་པར་རྟོག་པ་མཐའ་དག་སྤངས། །ཡེ་ཤེས་ཚེ་དཔག་ཕྱག་འཚལ་ལོ། །རྣམ་རྟོག་རླུང་གིས་ཁྱོད་མི་གཡོ། །མཐའ་བྲལ་ཏིང་འཛིན་

Vol. 73 · folio 67a

ཞི་བ་སྟེ། །བདུད་དང་མུ་སྟེགས་ཚོགས་འཇོམས་པ། །མི་གཡོ་ཚེ་དཔག་ཕྱག་འཚལ་ལོ། །འཁོར་བའི་སེམས་ཅན་ཐམས་ཅད་ཀྱིས། །ཁྱེད་ཀྱི་མཚན་ཙམ་འཛིན་པ་ལ། །ཚེ་དང་ཡེ་ཤེས་རྒྱས་མཛད་པ། །ཚེ་དཔག་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཛེ་ཏཱ་

རི་དགྲ་ལས་རྣམ་པར་རྒྱལ་བས་མཛད་པའོ། །འདིའི་བརྒྱུད་པ་ནི། ཚེ་དཔག་མེད། གྲུབ་པ་བརྙེས་པའི་སྙིང་པོ་ཞབས། །ཛེ་ཏཱ་རི་དགྲ་ལས་རྣམ་པར་རྒྱལ་བ། །རྡོ་རྗེ་གདན་པ་ཆེ་ཆུང་གཉིས། །བ་རི་ལོ་ཙཱ་བ། མཆིམས་བརྩོན་འགྲུས་སེང་གེ། །རྒྱ་ནག་ཕུག་པ། དབུས་པ་སངས་རྒྱས་འབུམ།

བླ་མ་དགེ་སྡིངས་པ། བླ་མ་བསམ་གཏན་བཟང་པོའོ།།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words