No title in the text — opening words: དཔལ་ཐུགས་རྗེ་ཆེན་པོ་དྲི་མ་འཇིག་པ་ལ་ཕྱག་འཚལ་ལོ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 73 · folio 168a

༄༅། །དཔལ་ཐུགས་རྗེ་ཆེན་པོ་དྲི་མ་འཇིག་པ་ལ་ཕྱག་འཚལ་ལོ། །ཡང་འདིར་བཤད་པར་བྱ་བའི་དུས། །སྔ་དྲོ་འདབ་ཆགས་སྒྲ་སྒྲོགས་ཚེ། །དཔལ་ལྡན་པོ་ཏ་ལ་རྒྱལ་བ། །

དད་པ་དྲག་པོས་དམིགས་ནས་ནི། །མེ་ཏོག་དམར་པོ་དྲི་ངད་བཟང་པོ་གསུངས་པ་ཇི་སྙེད་ཚོགས་པ་བཏུས་ལ། གསེར་གྱི་སྣོད་དམ་ཁམ་པའི་སྣོད་ཡོལ་མོར་སྤུངས་ཏེ། ཟངས་སམ་མཚལ་གྱིས་བྱུགས་པའི་བུམ་པ་རྒྱན་དང་བཅས་པ་ལྔ་ཚན་ལྔས་གང་བ་དཀར་པོའི་ཆུ་དང་སྦྱར་བས་ཡོག་པ་ལྷག་མའི་རྒྱུན་

མཆུ་གཏིགས་ནས་འབབ་པ་སྟེང་དུ་གཞག་པར་བྱའོ། །ལྡོང་རོས་དང་གླ་རྩི་དང་ག་བུར་ལ་སོགས་པ་དྲི་དམ་པས་བྱུགས་པའི་སྐུ་གཙུག་ཏོར་དུ་བཞུགས་སོ། །ཤར་དང་ལྷོ་དང་ནུབ་བྱང་རིམ། །མེ་ལོང་བྱུག་པ་རྔ་ཡབ་རྒྱན། །བཏགས་ལ་ཐུན་མཚམས་ཕྲིན་ལས་དབུལ། །ཐལ་སྦྱར་མི་གཡེང་གུས་བསྟོད་

Vol. 73 · folio 168b

མཆོད། །དེ་ནས་གཏོར་མ་དང་མཆོད་པའི་ཁྱད་པར་རྣམ་པ་ཐམས་ཅད་ཀྱིས་རྒྱ་ཆེར་ཕུ་དུད་དུ་བྱས་ཏེ། སྙན་པའི་དབྱངས་དང་ལྷན་ཅིག་པའི་རོལ་མོ་ཕུལ་ལ་བསྟོད་ནས། ལག་པ་རྡོ་རྗེའི་ཁུ་ཚུར་བཅངས་པས་རྡོ་རྗེ་བྱིན་གྱིས་བརླབ་ཅིང་། རྡོ་རྗེ་དང་པདྨ་མཚོན་པའི་པི་ཝང་བསྒྲེང་ཞིང་སྙན་པའི་ང་རོ་གསངས་བསྟོད་

པས་སྔགས་ནི་བཟླའོ། །ཨོཾ་ཨ་ཨི་ཨུ་ཨེ་ཨོ་ཨཾ་ཧྲཱིཿབཛྲ་ཨ་མྲྀ་ཏ་ཛ་ར་ཛ་ར་ཕེཾ་ཕེཾ་ཕེཾ་ཕཊ་སྭཱ་ཧཱ། འོད་ཟེར་དམར་པོ་རྒྱུས་པ་ཡི། །སྔགས་ཕྲེང་དམར་པོ་འཁོར་ལོ་ཅན། །ཅིག་ཅར་རྟག་ཏུ་བར་མ་ཆད། །རྒྱ་མཚོ་ལ་ནི་ཆར་རྒྱུན་བཞིན། །བདག་ཉིད་དྲི་མ་འཇིག་པ་ཡི། །སྤྱན་རས་གཟིགས་ཀྱི་ང་རྒྱལ་གྱིས། །ཡེ་

ཤེས་བསྟིམས་པའི་རྗེས་ལ་བུམ་པ་སྟེང་གི་ལྷ་བདག་ཉིད་ཇི་བཞིན་དུ་བསྐྱེད་དེ། བདག་དང་དེའི་སྲིན་ལག་ནས་འབབ་པར་རིག་པར་བྱའོ། །དངོས་སམ་ཉམས་སམ་རྨི་ལམ་ན། །ལྷ་མཐོང་བ་དང་ལུས་བཀྲུས་དང་། །བུམ་ནང་པི་ཝང་སྒྲ་སྒྲོགས་པ། །གྲུབ་པའི་ལྟས་ཡིན་དེ་ནས་སྤྱད། །སྤྱན་རས་གཟིགས་དྲི་མ་

འཇིག་པའི་བུམ་པའི་ཆོ་ག་རྫོགས་སོ།།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words