No title in the text — opening words: འཕགས་པ་སྤྱན་རས་གཟིགས་གཞན་གྱིས་མི་ཐུབ་པ་ལ་ཕྱག་འཚལ་ལོ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 73 · folio 173a

༄༅། །འཕགས་པ་སྤྱན་རས་གཟིགས་གཞན་གྱིས་

མི་ཐུབ་པ་ལ་ཕྱག་འཚལ་ལོ། །པདྨ་རཱ་ག་བྱི་རུ་མེ་ལྟར་ཀུན་ནས་རབ་འབར་འོད་འཕྲོའི་སྐུ། །པདྨོ་ཉི་ཟླ་བགེགས་རྣམས་མགོ་མནན་མི་བཟད་རྔམ་པའི་སྐུ་ཆེན་པོ། །ཞལ་གསུམ་ཕྱག་དྲུག་སྤྱན་སྟོང་མངའ་བའི་རྒྱལ་བ་དཔའ་བོ་འཇིགས་ཤིང་རབ་འཇིགས་བཞད་པ་པོ། །གཡས་དཀར་གཡོན་སྔོ་དབུས་དམར་

དམར་བའི་ཞལ་ལྡན་དེ་བཞིན་རལ་གྲི་མཆོག་དང་དགྲ་སྟ་དང་། །སྡིགས་མཛུབ་དང་ནི་དྲིལ་བུ་ཞགས་བཅས་ཚངས་པའི་མགོ་བསྣམས་སྟག་གི་པགས་པས་སྨད་གཡོགས་པ། །བསྐལ་པའི་མེ་ལྟར་ཡེ་ཤེས་འབར་བའི་རླབས་འཁྲུགས་རབ་ཏུ་འཇིགས་པའི་འུར་སྒྲ་ཅན། །ཁྲག་གིས་ཞལ་བཀང་ང་རོ་

མི་བཟད་སྒྲ་སྒྲོགས་སྦྲུལ་གདུག་ཁྲོས་པས་སྐུ་རབ་བརྒྱན། །དབང་བདག་བརྒྱད་ཅུའི་མགོ་བོ་རློན་པས་དོ་ཤལ་ཕྲེང་ཐོགས་བརྡབས་པའི་གད་རྒྱངས་འབྱིན་པའོ། །ལྷ་འདི་དཔའ་བོ་དཔའ་ཆེན་པོ། །བདུད་ཀྱི་དགྲ་ལས་རྣམ་རྒྱལ་ཞིང་། །གཞན་གྱིས་མི་ཐུབ་མཐུ་བོ་ཆེ། །ཕ་རོལ་དཔུང་རྣམས་འཇོམས་པ་ཡིན། །

སྔགས་པ་གང་ཞིག་ནད་དང་དགྲ། །སྔོན་བསགས་བསོད་ནམས་མ་ཡིན་དང་། །སྣ་ཚོགས་མྱ་ངན་འཇིགས་རྣམས་ལས། །སྒྲོལ་བ་མི་ཕམ་སྦྱོར་བ་འདི། །རྣལ་འབྱོར་བརྩོན་པར་བྱེད་པ་དེས། །ཟླ་བ་དྲུག་ནི་ལོན་པ་དང་། །སྟག་དང་སེང་གེ་གླང་ཆེན་དང་། །མཁའ་ལྡིང་ནོར་བུ་སྒྲོན་མཐོང་འགྱུར། །དེ་ཚེ་སྙིང་དཀྱིལ་པད་དམར་གྱི། །

འདབ་དྲུག་ཡི་གེ་དྲུག་དགོད་བྱ། །ཨོཾ་ཨཱཿཧྲཱིཿཧཱུཾ་ཕཊ་སྭཱ་ཧཱ། དེ་ཡིས་དེ་དབུས་སྙིང་པོ་ཡི། །སྙིང་པོ་ས་བོན་ཧྲཱིཿའཕྲོས་པའོ། །སྔགས་འདི་འཁོར་ལོ་བསྐོར་བ་ཡི། །ཚུལ་གྱིས་ཞག་བདུན་བཟླས་ནས་ནི། །གང་གང་བཟློག་པ་དེ་བསྒྲུབ་པས། །ལས་དེ་ལ་ནི་སྦྱར་བར་བྱ། །ལས་གང་ཡང་དག་གྲུབ་འགྲུབ་པ། །དེ་ཉིད་སྐྱེ་བོ་

Vol. 73 · folio 173b

གཞན་ལ་ཡང་། །སྔགས་དང་ཏིང་འཛིན་ཕྱག་རྒྱ་དང་། །ཁྲུས་ཀྱི་ཆོ་ག་སྦྱིན་པ་ཡི། །གློ་བུར་རིང་པོར་མི་ཐོགས་པར། །མ་ལུས་དབང་དུ་འགྱུར་བར་བཤད། །གཞན་ལས་རྣམ་པར་རྒྱལ་བའི་གདམས་ངག་རྫོགས་སོ།།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words