གསུང་གི་མངའ་བདག་གི་སྒྲུབ་ཐབས

Sanskrit title (Tibetan script, as in the text) ཝཱ་གཱི་རཱ་ཊ་སཱ་དྷ་ནཾ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 75 · folio 188b

༄༅༅། །རྒྱ་གར་སྐད་དུ། ཝཱ་གཱི་རཱ་ཊ་སཱ་དྷ་ནཾ། བོད་སྐད་དུ། གསུང་གི་མངའ་བདག་གི་སྒྲུབ་ཐབས། སྔགས་པས་རེ་ཞིག་ཐོག་མ་ཉིད་དུ་ས་གཞིའི་ཆ་དྲི་ཞིམ་པོས་ཉེ་བར་བྱུགས་པ་དང་། མེ་ཏོག་སྣ་ཚོགས་

ཀྱིས་ཀྱང་ལེགས་པར་བཀང་ལ། དེའི་དབུས་སུ་སྟན་བདེ་བ་ལ་ལེགས་པར་གནས་ཏེ། གསུམ་ལ་སྐྱབས་སུ་འགྲོ་བའི་ཚིགས་སུ་བཅད་པ་བརྗོད་པར་བྱའོ། །དེའི་ཕྱི་ནས་ནི་རང་གི་སྙིང་གར་ཡི་གེ་ཨ་བལྟ་བར་བྱའོ། །དེ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་རོ། །དེའི་དབུས་སུ་ཡི་གེ་མུཿ

རྣམ་པར་བསམ་པར་བྱའོ། །ཡི་གེ་མུཿདེ་ལས་བྱུང་བའི་ཁ་དོག་ལྔ་དང་ལྡན་པའི་འོད་ཟེར་གྱི་ཚོགས་རྣམས་རང་གི་བ་སྤུའི་བུ་ག་རྣམས་ནས་སྤྲོ་བར་བྱ་སྟེ། འོད་ཟེར་དེ་དག་རྣམས་ཀྱིས་ཀྱང་འཇམ་པའི་དབྱངས་ཀྱི་སྐུས་ནམ་མཁའ་གང་བར་བལྟ་བར་བྱའོ། །དེ་ནས་དེ་དག་རྣམས་མེ་ཏོག་ལ་སོགས་པས་

མཆོད་པར་བྱ་བའོ། །དེ་ནས་དེའི་རྗེས་ལ་སྡིག་པ་བཤགས་པ་དང་བསོད་ནམས་ལ་རྗེས་སུ་ཡི་རང་བ་དང་། སྨོན་ལམ་ལ་སོགས་པ་རྣམས་བྱ་བའོ། །དེ་ནས་ཚངས་པའི་གནས་བཞི་བསྒོམ་པར་བྱ་བའོ། །ཕྱིས་དེ་དག་རྣམས་ཐམས་ཅད་ཀྱང་སྟོང་པ་ཉིད་དུ་བསྒོམས་ཏེ། ཨོཾ་སྟོང་པ་ཉིད་ཀྱི་ཡེ་ཤེས་ཀྱི་

རྡོ་རྗེའི་རང་བཞིན་གྱི་བདག་ཉིད་ནི་ང་ཡིན་ནོ་ཞེས་སྔགས་བརྗོད་པར་བྱའོ། །དེ་ནས་ཡང་རང་གི་སྙིང་གར་ཡི་གེ་ཨ་བལྟ་བར་བྱའོ། །དེ་ཡོངས་སུ་སྨིན་པས་ཟླ་བའི་དཀྱིལ་འཁོར་རོ། །དེའི་དབུས་ན་ཡི་གེ་མུཿའོ། །དེ་དག་ཡོངས་སུ་གྱུར་པ་ལས་འཇམ་པའི་དབྱངས་ཀྱི་སྐུར་བདག་ཉིད་བལྟ་བར་བྱ་སྟེ།

Vol. 75 · folio 189a

སེང་གེ་ལ་བཞུགས་པ། །གསེར་གྱི་མདོག་ཏུ་སེར་བའི་སྐུ་རྒྱན་ཐམས་ཅད་ཀྱིས་བརྒྱན་པ་ཕྱག་ཆོས་བཤད་པའི་ཕྱག་རྒྱས་བྲེལ་ཅིང་གཡོན་ངོས་ན་ཨུཏྤ་ལ་འཛིན་པ་མི་བསྐྱོད་པས་དབུ་བརྒྱན་ཅིང་། གཡས་ཕྱོགས་ན་གཞོན་ནུ་ནོར་བཟངས། གཡོན་དུ་ནི་གཤིན་རྗེའི་གཤེད་བལྟ་

བར་བྱ་བ་ཡིན་ནོ། །བསྒོམས་པས་དུབ་ན་སྔགས་བཟླས་པར་བྱ་བ་ནི། ཨོཾ་ཝཱ་གཱི་ཤྭ་རི་མུཿགསུང་གི་མངའ་བདག་གི་སྒྲུབ་ཐབས་རྫོགས་སོ།། །།ཚུལ་ཁྲིམས་རྒྱལ་མཚན་གྱིས་བསྒྱུར་བའོ།།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words