ཙུནྡའི་སྒྲུབ་པའི་ཐབས

Sanskrit title (Tibetan script, as in the text) ཙུནྡ་སཱ་དྷ་ནཾ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 77 · folio 33a

༄༅༅། །རྒྱ་གར་སྐད་དུ། ཙུནྡ་སཱ་དྷ་ནཾ།

བོད་སྐད་དུ། ཙུནྡའི་སྒྲུབ་པའི་ཐབས། འཕགས་མ་ཙུནྡ་ལ་ཕྱག་འཚལ་ལོ། །ལྷ་མོ་ཙུནྡ་ཕྱོགས་སྐྱོང་ཆེ། །ཡང་དག་རྒྱལ་བ་དེ་བཏུད་ནས། །མདོར་བསྡུས་མྱུར་དུ་སྒྲུབ་པའི་ཐབས། །དེ་ཡི་མཉེས་ཐབས་བརྗོད་པར་བྱ། །དང་པོར་རེ་ཞིག་སྔགས་པས་རང་གི་སྙིང་གར་ཟླ་བའི་དབུས་སུ་ས་བོན་སྡེ་

ཚན་གསུམ་པའི་དང་པོ་དང་པོའི་ལྔ་པས་བརྒྱན་ལ། ཟླ་ཕྱེད་དང་ཐིག་ལེས་བརྒྱན་པ། ཟླ་བ་ལས་འབབ་པའི་འོད་ཟེར་གྱི་ཕྲེང་བ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་མཛེས་པ། དེ་ནས་འོད་ཟེར་ལས་ཡོངས་སུ་རྫོགས་པའི་བཅོམ་ལྡན་འདས་མ་དང་། བླ་མ་དང་། རྫོགས་པའི་

སངས་རྒྱས་ལ་སོགས་པ་བལྟས་ལ། མངོན་དུ་ཕྱག་འཚལ་ལ། སྔགས་འདིས་མཆོད་པར་བྱའོ། །ཨོཾ་བཛྲ་པུཥྤེ་ཧཱུཾ། ཨོཾ་བཛྲ་དྷཱུ་པེ་ཧཱུཾ། ཨོཾ་བཛྲ་དཱི་པེ་ཧཱུཾ། ཨོཾ་བཛྲ་གན་དྷེ་ཧཱུཾ། ཨོཾ་བཛྲ་ནཻ་བི་དྱེ་ཧཱུཾ། དེ་ནས། དཀོན་མཆོག་གསུམ་ལ་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །

Vol. 77 · folio 33b

འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །ཞེས་བྱ་བ་ལ་སོགས་པ་བརྗོད་པར་བྱའོ། །དེ་ནས་སྨོན་ལམ་སྔོན་དུ་སོང་བས་སྔགས་འདིས་ཆོས་ཐམས་ཅད་བདག་མེད་པར་བསྒོམ་པར་བྱའོ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། དེ་ནས་ས་བོན་སྒྱུ་མ་ལྟ་བུའི་རྣམ་

པར་བསམས་ལ། ཁམས་གསུམ་མ་ལུས་པ་ཡང་ངོ་། །ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་བ་ཤུདྡྷོ྅ཧཾ། དེ་ནས་སྔོན་དུ་བསྟན་པའི་ས་བོན་ལས་ཡོངས་སུ་རྫོགས་པའི་དཔལ་ལྷ་མོ་ཙུནྡའི་བདག་ཉིད་དུ་བསྒོམ་པར་བྱའོ། །སྟོན་ཀའི་ཟླ་བ་ལྟ་བུ་ཕྱག་བཞི་པ་གཡས་ན་མཆོག་སྦྱིན་པ། གཡོན་ན་པོ་

ཏིས་མཚན་པའི་པདྨ་བསྣམས་པ། ཕྱག་གཉིས་ན་ལྷུང་བཟེད་བསྣམས་ཤིང་རྒྱན་ཐམས་ཅད་ཀྱིས་བརྒྱན་པ། པདྨ་དང་ཟླ་བའི་སྟེང་ན་བཞུགས་པ་བསྒོམ་པར་བྱའོ། །ཕྱིས་ནི་ཕྱག་རྒྱ་བཅིང་བར་བྱ་སྟེ། སྙིང་ག་དང་། སྨིན་མཚམས་དང་། མགྲིན་པ་དང་། སྤྱི་བོ་རྣམས་སུ་བསྲུང་བར་

བྱས་ལ་བཟླས་པ་བྱའོ། །དེ་ལ་ཕྱག་རྒྱ་ནི་འདི་ཡིན་ཏེ། ལག་པ་གཉིས་ཐལ་མོ་སྦྱར་བ་བྱས་ནས། སྡིགས་མཛུབ་གཉིས་ཀྱིས་གུང་མོ་དཀྱིལ་དུ་འཁྲིལ་བའི་ཚུལ་དུ་སྦྱར་ཞིང་མཐེབ་ཆེན་གཉིས་ལོགས་སུ་བཅེར་བ་ནི་ཙུནྡའི་ཕྱག་རྒྱའོ། །སྔགས་ནི་འདི་ཡིན་ཏེ། ཨོཾ་ཙ་ལེ་ཙུ་ལེ་ཙུནྡེ་སྭཱ་ཧཱ།

ཙུནྡའི་སྒྲུབ་པའི་ཐབས་རྫོགས་སོ། །པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་ཅིང་ཞུས་པའོ།།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words