63b.7 ༄༅༅། །རྒྱ་གར་སྐད་དུ། མ་ཧཱ་རཱ་ཛ་བཻ་ཤྲ་བ་ཎ་སཱ་དྷ་ནཾ། བོད་སྐད་དུ། རྒྱལ་པོ་ཆེན་པོ་རྣམ་ཐོས་སྲས་ཀྱི་སྒྲུབ་ཐབས། དཔལ་ཕྱག་ན་རྡོ་རྗེ་ལ་ཕྱག་འཚལ་

64a.1ལོ། །ནོར་གྱི་དབང་ཕྱུག་རིན་ཆེན་གཏེར་མངའ་བ། །གནོད་སྦྱིན་ཀུན་གྱི་ནོར་འཆང་ཀུན་གྱི་རྗེ། །བྱང་ཕྱོགས་སྐྱོང་བའི་རྒྱལ་པོ་རྣམ་ཐོས་སྲས། །དངོས་གྲུབ་མཆོག་སྩོལ་མཛད་ལ་ཕྱག་འཚལ་ཏེ། །ངལ་བསོ་དགེ་བ་སྟོབས་པོ་ཆེ། །སྦོམ་ཞིང་སེང་གེའི་གདན་ལ་བཞུགས། །

64a.2ཕྱག་གཉིས་བེ་ཅོན་ནེའུ་ལེ་བསྣམས། །དེ་སྒྲུབ་ཆོ་ག་བཤད་པར་བྱ། །ག་བུར་ལ་སོགས་ལྕི་བ་ཡིས། །སྔགས་བརྗོད་ས་གཞི་ལེགས་པར་བྱུག །ཚོམ་བུ་དགུར་ནི་མེ་ཏོག་དགོད། །དམ་ཚིག་བདུན་དང་ལྡན་པ་ཡིས། །རྒྱལ་པོའི་རྟེན་གསུམ་གཟུགས་པར་བྱ། །བདག་ཉིད་ཆོ་ག་

64a.3རྫོགས་བྱས་ལ། །སྔགས་བརྒྱ་བཅུ་པ་གསུམ་བཟླས་པས། །ཕྱོགས་མཚམས་ཀུན་དུ་བསང་གཏོར་བྱ། །སྙིང་གར་ས་བོན་བསམས་པ་ལས། །བྱང་ཕྱོགས་འོད་ཟེར་རབ་སྤྲོས་ཏེ། །གནོད་སྦྱིན་བྱེ་བ་འབུམ་གྱི་གཙོ། །རྒྱལ་པོ་རྣམ་ཐོས་སྤྱན་དྲངས་ཏེ། །མདུན་དུ་ལེགས་པར་བཞུགས་

64a.4པར་བསམ། །དེ་ལ་བསང་གཏོར་ནས་བརྩམས་ཏེ། །རྒྱལ་པོ་འཁོར་བཅས་ལེགས་པར་མཆོད། །ཨོཾ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། དེ་ལ་མཆོད་པའི་ཡི་གེ་ལ། །ཡི་གེ་གསུམ་དང་ལྡན་པ་ཡིས། །སོ་སོར་ལེགས་པར་སྦྱར་ཏེ་དབུལ། །སྤྱི་གཙུག་ལྐོག་མ་སྙིང་ག་ཡི། །ཨོཾ་ཨཱཿཧཱུཾ་

64a.5གི་འོད་ཟེར་གྱིས། །རྒྱལ་པོ་འཁོར་དང་བཅས་པ་རྣམས། །འོད་ཞུ་སྟོང་པའི་རང་བཞིན་བྱ། །དེ་ནས་མདུན་དུ་བྷྲཱུྃ་ལས་ནི། །རིན་ཆེན་ཁང་པ་བརྩེགས་མར་བསྒོམ། །ཟུར་བཞི་རིམ་གསུམ་ཁང་བརྩེགས་པ། །དབུས་མའི་ཕོ་བྲང་སུམ་བརྩེགས་ཏེ། །རྩེ་མོ་རིན་ཆེན་ནོར་བུས་བརྒྱན། །དྲ་བ་དྲ་བ་

64a.6ཕྱེད་པས་བསྐོར། །ཤར་ཕྱོགས་ཤེལ་དང་བཻ་ཌཱུརྱ། །པདྨ་རཱ་ག་གསེར་གྱི་ནི། །ཀ་བ་སྟོང་ཕྲག་བཅུ་ཡིས་བརྒྱན། །དེ་ཡི་ཕྱི་རོལ་ཕྱོགས་མཚམས་སུ། །བུམ་པ་བཟང་པོ་དཔག་བསམ་ཤིང་། །རིན་ཆེན་རྫིང་བུ་འདོད་འཇོ་བ། །བརྒྱད་བརྒྱད་ལྔ་ཡིས་རབ་ཏུ་མཛེས། །རིན་ཆེན་འབར་བས་

64a.7ཡོངས་སུ་བསྐོར། །དབུས་སུ་ས་བོན་ཡི་གེ་ལས། །འོད་ཟེར་སྣ་ཚོགས་རབ་འཕྲོས་ནས། །དོན་བྱས་སླར་འདུས་བཻ་ལ་ཐིམ། །དེ་ལས་རྒྱལ་ཆེན་འཁོར་བཅས་རྫོགས། །རིན་ཆེན་ཕོ་བྲང་དམ་པ་དང་། །མི་འཇིགས་སེང་གེའི་གདན་སྟེང་ན། །བཻ་ལས་བྱུང་བའི་མགོན་པོ་ནི། །ངལ་བསོ་

64b.1དགེ་བ་སྟོབས་པོ་ཆེ། །གཡས་ན་རིན་ཆེན་རྒྱལ་མཚན་འཛིན། །གཡོན་ན་གཏེར་གྱི་ནེའུ་ལེ་བསྣམས། །སྐུ་ནི་གསེར་གྱི་འོད་པས་མཛེས། །ཞལ་ནས་རིན་ཆེན་ཆར་པ་འབེབས། །ཐུགས་རྗེས་ཕོངས་པ་ལས་སྒྲོལ་མཛད། །སྐུ་ལ་རིན་ཆེན་རྒྱན་གྱིས་སྤྲས། །ཕྲག་གོང་གཡས་

64b.2གཡོན་ཉི་ཟླས་བརྒྱན། །ཉི་མ་འབུམ་གྱི་གཟི་མདངས་ཅན། །དབུ་ལ་རིན་ཆེན་རྒྱན་གྱིས་སྤྲས། །གནོད་སྦྱིན་བྱེ་བའི་འཁོར་རྣམས་དང་། །ནམ་མཁའི་སྤྲིན་ཚོགས་བཞིན་དུ་བསམ། །ནམ་མཁའ་མཛོད་ལ་མངའ་བརྙེས་པ། །སེམས་དཔའི་སྐྱིལ་མོ་ཀྲུང་གིས་བཞུགས། །དེ་ནས་རྒྱལ་

64b.3པོ་སྤྱན་དྲངས་ཏེ། །མགོན་པོ་ཀུན་གཤེགས་དམ་ཚིག་ཅན། །ད་ལྟ་སྙིགས་མ་ལྔ་ཡི་དུས། །མཚམས་མེད་ལྔ་ནི་ཀུན་སྤྱོད་ཅིང་། །ཐམས་ཅད་ཉོན་མོངས་འདམ་བྱིང་སར། །གཟིགས་ཤིང་གཤེགས་པའི་གནས་ངན་ཡང་། །ཤཱཀྱ་སེང་གེའི་སྤྱན་སྔར་ཁྱོད། །ཐུགས་དམ་གང་

64b.4བཞེས་དེ་དགོངས་ལ། །འདྲེན་པའི་བསྟན་པ་བསྲུང་བ་དང་། །སེམས་ཅན་ཀུན་ལ་སྨན་སླད་དུ། །བྱང་ཕྱོགས་གནས་ན་བཞུགས་པ་རྣམས། །སེམས་ཅན་དོན་ཕྱིར་གཤེགས་སུ་གསོལ། །ཕྱག་ན་རྡོ་རྗེ་ཐུགས་གནས་པའི། །ཧཱུྃ་ལས་སྤྲོས་པའི་འོད་རྣམས་ཀྱིས། །རང་བཞིན་རྒྱལ་པོ་

64b.5རྣམ་ཐོས་སྲས། །གནོད་སྦྱིན་འབུམ་བཅས་བཀུག་ནས་ནི། །ནོར་བུའི་གྲོང་ཁྱེར་དེ་དབུས་སུ། །མདུན་གནས་རྒྱལ་པོ་དེ་ལ་བཞུགས། །རིན་ཆེན་དབང་བསྐུར་བྱིན་བརླབས་ནས། །དེ་ནས་བསང་གཏོར་ནས་བརྩམས་ཏེ། །རིན་ཆེན་བདུན་དང་བཀྲ་ཤིས་བརྒྱད། །འདོད་པའི་

64b.6ཡོན་ཏན་ལྔ་ཡིས་མཆོད། །གུ་གུལ་དུད་པ་དབུལ་ཞིང་བསྟོད། །དེ་ནས་ཐུགས་ཀའི་ཟླ་བ་ལ། །ས་བོན་སྔགས་ཀྱིས་ཡོངས་བསྐོར་ཏེ། །ལྕེ་ལ་རྡོ་རྗེ་སྦུ་གུར་བསམ། །སྔགས་ཀྱི་བཟླས་པ་སྤྲོ་བསྡུ་ནི། །སོ་སོའི་ཐུགས་ཀར་དམིགས་ལ་བཟླས། །ཏདྱ་ཐཱ། ཨོཾ་ཧི་ལི་མ་ཎི་བྷ་དྲ། ཧི་ལི་ཧི་

64b.7ལི་མ་ཎི་བྷ་དྲ། ཀི་ལི་མ་ཎི་བྷ་དྲ། ཀི་ལི་ཀི་ལི་མ་ཎི་བྷ་དྲ། ཀུ་རུ་མ་ཎི་བྷ་དྲ། ཀུ་རུ་ཀུ་རུ་མ་ཎི་བྷ་དྲ། ཏུ་རུ་མ་ཎི་བྷ་དྲ། ཏུ་རུ་ཏུ་རུ་མ་ཎི་བྷ་དྲ། སུ་རུ་མ་ཎི་བྷ་དྲ། སུ་རུ་སུ་རུ་མ་ཎི་བྷ་དྲ། ཙུ་རུ་མ་ཎི་བྷ་དྲ། ཙུ་རུ་ཙུ་རུ་མ་ཎི་བྷ་དྲ། ཨོཾ་ཨེ་ཧྱེ་ཧི་ཏིཥྛ་ཏིཥྛ་ཨ་བ་ཏ་ར་ཏིཥྛ་ཨ་བ་ཏ་ར་ཏིཥྛ་མེ་ཙ་ཡ། ཏདྱ་ཐཱ། བུདྡྷ་

65a.1ནི་སུ་ཏེ་ནེེ། སུ་ར་མེ་ནེེ། སུ་པ་དེ་རེ། སུ་སུ་ཤྱེ། ཧི་ལི་མི་ལི་སྭཱ་ཧཱ། ཧཱུྃ་བཻ་ཤྲ་བ་ཎ་ཡེ་སྭཱ་ཧཱ། འདི་བརྗོད་བསྙེན་པ་འབུམ་ཕྲག་བཅུ། །ཟླ་བ་ཡར་ངོའི་བཅོ་ལྔ་ལ། །ཙནྡན་དཀར་པོའི་དཀྱིལ་འཁོར་བྱས། །དེར་ནི་རྒྱལ་པོ་ལ་དམིགས་ནས། །ཨ་ཀ་རུ་བསྲེགས་སྔགས་

65a.2བཟླས་བྱ། །འདིར་ནི་བརྒྱ་དང་རྩ་བརྒྱད་བཟླས། །ཉིན་དང་མཚན་མོ་ལན་དྲུག་ཏུ། །རྒྱལ་པོ་ལ་དམིགས་སྔགས་བཟླས་ན། །རྟག་ཏུ་རྗེས་སུ་འབྲང་བར་བགྱིད། །དཔག་ཚད་བརྒྱ་ནི་ཚུན་ཆད་དུ། །གནོད་སྦྱིན་རྣམས་ཀྱིས་སྲུང་བར་བྱེད། །བསམ་པ་ཐམས་ཅད་ཡོངས་རྫོགས་ཤིང་། །ཁ་ན་

65a.3མ་ཐོ་མེད་པ་ཡི། །ཟས་དང་སྐོམ་དང་བཅའ་བ་དང་། །ནོར་བུ་དབྱིག་དང་གསེར་སྩལ་བགྱིད། །རིན་པོ་ཆེ་ཡི་གཏེར་ལ་སོགས། །བསོད་ནམས་ཚད་མེད་འགྲུབ་པར་འགྱུར། །ཕུན་སུམ་ཚོགས་པ་ཐམས་ཅད་འགྲུབ། །དེ་ལ་སོགས་པ་མ་ལུས་འགྲུབ། །ངལ་བར་གྱུར་ན་གཤེགས་སུ་

65a.4གསོལ། །མཆོད་བསྟོད་བཟོད་པར་གསོལ་བ་དང་། །དཀར་གཏོར་བཏང་ལ་ཕྲིན་ལས་བཅོལ། །བྷྲཱུྃ་ལ་སོགས་པའི་སྣོད་བསྐྱེད་ལ། །ཁཾ་ལས་ཞལ་ཟས་བསྐྱེད་པར་བྱ། །ཨོཾ་ཨ་ཀཱ་རོ་མུ་ཁཾ་སརྦ་དྷརྨྨཱ་ཎཱཾ་ཨཱདྱ་ནུཏྤནྣ་ཏྭཱཏ་ཨོཾ་ཨཱཿཧཱུྃ། སངས་རྒྱས་སྤྱན་གྱིས་སྤེལ་བྱས་ལ། །སྔགས་རྒྱལ་

65a.5བཅུ་གསུམ་པ་བཟླས་བྱ། །ཧཱུྃ་བཻ་ཤྲ་བ་ཎ་ཡེ་ཨི་དཾ་བ་ལིཾ་གྲྀཧྣནྟུ་ས་མ་ཡ་རཀྵནྟུ་མ་མ་སི་དྷིམྨེ་པྲ་ཡཙྪ། མ་མ་སརྦ་ཀརྨ་སཱ་དྷུ་ཨ་མོ་གྷ་སྭཱ་ཧཱ། སོ་སོའི་སྔགས་ལ་བཏགས་ལ་དབུལ། །ཧཱུྃ་བྱང་ཕྱོགས་སྐྱོང་བའི་རྒྱལ་ཆེན་རྣམ་ཐོས་སྲས། །གཏོར་མ་ཕུལ་བ་འདི་དག་བཞེས་ནས་ཀྱང་། །

65a.6བདག་ཅག་འཁོར་དང་བཅས་པ་ལ། །བུ་སྡུག་བཞིན་དུ་བསྐྱང་བར་མཛོད། །བདག་ལ་གནོད་པར་སེམས་པ་ཡི། །ལོག་པར་ཞུགས་པའི་སེམས་ཅན་ཀུན། །དེ་ཡི་ཕྲུ་མ་གཞོམ་པ་དང་། །གཏན་ནས་བརླག་པའི་ཕྲིན་ལས་མཛོད། །བཻ་ཡིག་སུམ་ཅུ་རྩ་གཉིས་བསྲིང་། །སྙིང་གའི་

65a.7ལྕགས་ཀྱུ་བཀྲོལ་ལ་གཤེགས། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །བྱང་ཕྱོགས་གནས་སུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །དམ་ཚིག་སེམས་དཔའ་འོད་ཞུ་བྱ། །རྒྱལ་པོའི་གཟུགས་བརྙན་བྱས་པ་

65b.1ལ། །རང་བཞིན་རྒྱལ་པོ་བཀུག་ལ་བསྟིམ། །ཞབས་ཀྱིས་མནན་ལ་དབང་དུ་བསྡུ། །ཧཱུྃ་བཻ་ཤྲ་བ་ཎཱ་ཡ་ཨ་ནུ་ར་ཙ་ཀུ་རུ་ཧཱུྃ། དེ་ལྟར་རྫོགས་པར་བྱས་གྱུར་ན། །རྒྱལ་པོ་རྣམ་ཐོས་སྲས་བཅས་ཀྱིས། །འདོད་པ་ཐམས་ཅད་སྐོང་བར་བྱེད། །ནམ་མཁའ་མཛོད་ལ་མངའ་བརྙེས་འགྱུར། །

65b.2སློབ་དཔོན་ཆེན་པོ་འགྲོ་བཟང་སྙིང་པོས་མཛད་པའི་རྣམ་ཐོས་སྲས་ཀྱི་བདེ་བྱེད་ཀྱི་བརྟག་པ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་ཏེ་ཛ་དེ་བ་དང་བོད་ཀྱི་ལོ་ཙཱ་བ་དགེ་སློང་འཕགས་པ་ཤེས་རབ་ཀྱིས་བསྒྱུར་ཅིང་ཞུས་པའོ།།