ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ
ชื่อสันสกฤต (อักษรทิเบต ตามตัวบท) ཤཏ་སཱཧ་སྲི་ཀ་པྲད་ཉཱ་པཱར་མི་ཏཱ
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
เล่ม ๒๒ · หน้า 213b
པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་
པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱར་དེ་ཇི་སྙམ་དུ་སེམས།
ཁྱོད་ཀྱིས་བཟོད་པའི་ཕ་རོལ་ཏུ་ཕྱིན་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་
བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་བརྩོན་འགྲུས་ཀྱི་ཕ་
རོལ་ཏུ་ཕྱིན་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ།
མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་བསམ་གཏན་གྱི་ཕ་རོལ་ཏུ་ཕྱིན་པ་
གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་
เล่ม ๒๒ · หน้า 214a
པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡོངས་སུ་
གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་
མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ནང་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་
བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་
ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ཕྱི་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་
ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །
བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ཕྱི་ནང་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་
เล่ม ๒๒ · หน้า 214b
པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་
སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་སྟོང་པ་ཉིད་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་
པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་
ཀྱིས་ཆེན་པོ་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་
པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་དོན་དམ་པ་སྟོང་པ་ཉིད་གང་ཡོངས་སུ་གཟུང་
བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་
མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་འདུས་བྱས་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་
เล่ม ๒๒ · หน้า 215a
ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ།
གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་འདུས་མ་བྱས་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་
ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་
ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་མཐའ་ལས་འདས་པ་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་
སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་
བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ཐོག་མ་དང་ཐ་མ་མྱེད་པ་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་།
མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ།
เล่ม ๒๒ · หน้า 215b
རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་དོར་བ་མྱེད་པ་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་
གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱར་དེ་ཇི་སྙམ་དུ་སེམས། ཁྱོད་ཀྱིས་རང་
བཞིན་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ།
མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ཆོས་ཐམས་ཅད་སྟོང་པ་ཉིད་གང་ཡོངས་སུ་
གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་
བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་རང་གི་མཚན་ཉིད་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་
པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ།
เล่ม ๒๒ · หน้า 216a
གསོལ་པ། བཅོམ་ལྡན་འདས་དེ་ནི་མ་ལགས་མོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་མྱི་དམྱིགས་པ་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་
པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་
འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་དངོས་པོ་མྱེད་པ་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་
གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་
ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ངོ་བོ་ཉིད་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་།
མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ།
རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་དངོས་པོ་མྱེད་པའི་ངོ་བོ་ཉིད་སྟོང་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་
เล่ม ๒๒ · หน้า 216b
པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས།
ཁྱོད་ཀྱིས་དྲན་པ་ཉེ་བར་གཞག་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་
གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ཡང་དག་
པར་སྤོང་བ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ།
མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་རྫུ་འཕྲུལ་གྱི་རྐང་པ་གང་ཡོངས་སུ་
གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་
དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་དབང་པོ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་
เล่ม ๒๒ · หน้า 217a
བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་
པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་སྟོབས་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་
གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་
ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་བྱང་ཆུབ་ཀྱི་ཡན་ལག་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་།
མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ།
རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་འཕགས་པའི་ལམ་ཡན་ལག་བརྒྱད་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་
པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་
เล่ม ๒๒ · หน้า 217b
འབྱོར་དེ་ཇི་སྙམ་དུ་སེམས། ཁྱོད་ཀྱིས་འཕགས་པའི་བདེན་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་
ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་བསམ་གཏན་
གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་
བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ཚད་མྱེད་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་
པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་
ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་གཟུགས་མྱེད་པའི་སྙོམས་པར་འཇུག་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་
མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་
เล่ม ๒๒ · หน้า 218a
ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་རྣམ་པར་ཐར་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་
གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་
ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་མཐར་ཀྱིས་གནས་པའི་སྙོམས་པར་འཇུག་པ་གང་མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་
འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་
འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་
བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ།
བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་མངོན་པར་ཤེས་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་
เล่ม ๒๒ · หน้า 218b
མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་
སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ཏིང་ངེ་འཛིན་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་།
མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ།
རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་གཟུངས་ཀྱི་སྒོ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ།
གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་
ཀྱིས་དེ་བཞིན་གཤེགས་པའི་སྟོབས་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་
སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་མྱི་
เล่ม ๒๒ · หน้า 219a
འཇིགས་པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་
བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་སོ་སོ་ཡང་དག་པར་རིག་
པ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་
པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་བྱམས་པ་ཆེན་པོ་གང་ཡོངས་སུ་གཟུང་
བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་
དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་སྙིང་རྗེ་ཆེན་པོ་གང་ཡོངས་སུ་གཟུང་བར་བྱ་བ་འམ།
མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་
เล่ม ๒๒ · หน้า 219b
ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་སངས་རྒྱས་ཀྱི་ཆོས་མ་འདྲེས་པ་གང་ཡོངས་སུ་གཟུང་བར་བྱ་བ་འམ། མངོན་པར་
ཆགས་པར་བྱ་བ་དེ་ལྟ་བུ་དག་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ།
བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་རྒྱུན་ཏུ་ཞུགས་པའི་འབྲས་བུ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་
ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་
ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ལན་ཅིག་ཕྱིར་འོང་བའི་འབྲས་བུ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་
ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །
བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་ཕྱིར་མྱི་འོང་བའི་འབྲས་བུ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་
เล่ม ๒๒ · หน้า 220a
པར་བྱེད་པ་དང་། མངོན་པར་ཆགས་པར་བྱེད་པའམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །
བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་དགྲ་བཅོམ་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་།
མངོན་པར་ཆགས་པར་བྱེད་པ་འམ། གང་གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ།
རབ་འབྱོར་དེ་ཇི་སྙམ་དུ་སེམས། ཁྱོད་ཀྱི་རང་བྱང་ཆུབ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པའམ། གང་
གིས་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་
ཀྱིས་ལམ་གྱི་རྣམ་པ་ཤེས་པ་ཉིད་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་སུ་
གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་ཡང་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ཁྱོད་ཀྱིས་བླ་
เล่ม ๒๒ · หน้า 220b
ན་མྱེད་པ་ཡང་དག་པར་རྫོགས་པའི་བྱང་ཆུབ་གང་ཡོངས་སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། ཆོས་གང་ཡོངས་སུ་འཛིན་པར་བྱེད་པ་དང་། མངོན་པར་ཆགས་པར་བྱེད་པ་འམ། གང་གིས་ཡོངས་
སུ་གཟུང་བར་བྱ་བ་འམ། མངོན་པར་ཆགས་པར་བྱ་བ་དེ་ལྟ་བུ་མཐོང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་
བཅོ་ལྔ་པ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ལེགས་སོ། །ལེགས་སོ། །རབ་འབྱོར་ངས་ཀྱང་གཟུགས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས།
ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཚོར་བ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས། ཉེ་
བར་མྱི་ལེན་ཏོ། །རབ་འབྱོར་ངས་ཀྱང་འདུ་ཤེས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན་ཡོངས་སུ་མྱི་འཛིན་པས། ཉེ་བར་མྱི་ལེན་ཏོ། །རབ་འབྱོར་ངས་ཀྱང་འདུ་བྱེད་ཡང་དག་
པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྣམ་པར་ཤེས་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་
རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་མྱིག་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་
เล่ม ๒๒ · หน้า 221a
འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྣ་བ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་
སྣ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མེ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ལྕེ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་
མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ལུས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་
མྱི་ལེན་ཏོ། །རབ་འབྱོར་ངས་ཀྱང་ཡིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས། ཉེ་བར་མྱི་ལེན་ཏོ། །རབ་འབྱོར་ངས་ཀྱང་གཟུགས་ཡང་དག་པར་རྗེས་
སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སྒྲ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་
མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་དྲི་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་
འབྱོར་ངས་ཀྱང་རོ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རེག་ཡང་དག་པར་རྗེས་སུ་མ་མཐོང་སྟེ། ཡང་
เล่ม ๒๒ · หน้า 221b
དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཆོས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་
པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་མྱིག་གི་རྣམ་པར་ཤེས་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྣ་བའི་རྣམ་
པར་ཤེས་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སྣའི་རྣམ་པར་ཤེས་པ་ཡང་དག་པར་རྗེས་སུ་མ་མཐོང་སྟེ། ཡང་དག་
པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ལྕེའི་རྣམ་པར་ཤེས་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན།
ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ལུས་ཀྱི་རྣམ་པར་ཤེས་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་
འབྱོར་ངས་ཀྱང་ཡིད་ཀྱི་རྣམ་པར་ཤེས་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་མྱིག་གི་འདུས་ཏེ་རེག་པ་ཡང་
དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ཕེན་ཏོ། །རབ་འབྱོར་ངས་ཀྱང་རྣ་བའི་འདུས་ཏེ་རེག་པ་ཡང་དག་པར་རྗེས་སུ་མ་མཐོང་སྟེ། ཡང་དག་
เล่ม ๒๒ · หน้า 222a
པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སྣའི་འདུས་ཏེ་རེག་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་
སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ལྕེའི་འདུས་ཏེ་རེག་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །
རབ་འབྱོར་ངས་ཀྱང་ལུས་ཀྱི་འདུས་ཏེ་རེག་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཡིད་ཀྱི་འདུས་ཏེ་རེག་པ་
ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་དག་པར་རྗེས་སུ་མ་མཐོང་སྟེ།
ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་
བས་ཡོངས་སུ་མྱི་འཛིན་ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་
འཛིན་ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་
เล่ม ๒๒ · หน้า 222b
མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས། ཉེ་བར་མྱི་ལེན་ཏོ། །
རབ་འབྱོར་ངས་ཀྱང་ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་
སའི་ཁམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཆུའི་ཁམས་ཡང་དག་པར་རྗེས་སུ་མ་མཐོང་སྟེ། ཡང་དག་
པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་མྱེའི་ཁམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་
སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རླུང་གི་ཁམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་
ནམ་མཁའི་ཁམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྣམ་པར་ཤེས་པའི་ཁམས་ཡང་དག་པར་
རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་མ་རིག་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་
เล่ม ๒๒ · หน้า 223a
བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་འདུ་བྱེད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་
ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྣམ་པར་ཤེས་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་མྱིང་དང་གཟུགས་
ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སྐྱེ་མཆེད་དྲུག་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་
མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རེག་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་
པས་ཉེ་བར་མྱི་ཕེན་ཏོ། །རབ་འབྱོར་ངས་ཀྱང་ཚོར་བ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ཕེན་ཏོ། །རབ་འབྱོར་ངས་ཀྱང་སྲེད་པ་ཡང་དག་པར་
རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ལེན་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་
ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སྲིད་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །
เล่ม ๒๒ · หน้า 223b
རབ་འབྱོར་ངས་ཀྱང་སྐྱེ་བ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྒ་ཤི་ཡང་དག་པར་རྗེས་སུ་མ་མཐོང་སྟེ། ཡང་དག་པར་
རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སྦྱིན་པའི་ཕ་རོལ་ཏུ་ཕྱིན་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན།
ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །
རབ་འབྱོར་ངས་ཀྱང་བཟོད་པའི་ཕ་རོལ་ཏུ་ཕྱིན་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་བརྩོན་འགྲུས་ཀྱི་ཕ་རོལ་
ཏུ་ཕྱིན་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་བསམ་གཏན་གྱི་ཕ་རོལ་ཏུ་ཕྱིན་པ་ཡང་དག་པར་རྗེས་སུ་མ་
མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་
སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ནང་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་
เล่ม ๒๒ · หน้า 224a
མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཕྱི་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་
ཏོ། །རབ་འབྱོར་ངས་ཀྱང་ཕྱི་ནང་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སྟོང་པ་ཉིད་སྟོང་པ་ཉིད་
ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཆེན་པོ་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་
སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་དོན་དམ་པ་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་
མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་འདུས་བྱས་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་
ཀྱང་འདུས་མ་བྱས་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་མཐའ་ལས་འདས་པ་སྟོང་པ་ཉིད་ཡང་
དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཐོག་མ་དང་ཐ་མ་མྱེད་པ་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་
เล่ม ๒๒ · หน้า 224b
དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་དོར་བ་མྱེད་པ་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་
མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རང་བཞིན་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་
ཆོས་ཐམས་ཅད་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ཕེན་ཏོ། །རབ་འབྱོར་ངས་ཀྱང་རང་གི་མཚན་ཉིད་སྟོང་པ་ཉིད་ཡང་དག་
པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་མྱི་དམྱིགས་པ་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་
རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་དངོས་པོ་མྱེད་པ་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན།
ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ངོ་བོ་ཉིད་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །
རབ་འབྱོར་ངས་ཀྱང་དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་
เล่ม ๒๒ · หน้า 225a
དྲན་པ་ཉེ་བར་གཞག་པ་རྣམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཡང་དག་པར་སྤོང་
བ་རྣམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྫུ་འཕྲུལ་གྱི་རྐང་པ་རྣམས་ཡང་དག་པར་རྗེས་སུ་མ་མཐོང་སྟེ།
ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་དབང་པོ་རྣམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་
འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སྟོབས་རྣམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་
ཏོ། །རབ་འབྱོར་ངས་ཀྱང་བྱང་ཆུབ་ཀྱི་ཡན་ལག་རྣམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་
འཕགས་པའི་ལམ་ཡན་ལག་བརྒྱད་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་འཕགས་པའི་
བདེན་པ་རྣམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་བསམ་གཏན་རྣམས་ཡང་དག་པར་རྗེས་སུ་མ་
เล่ม ๒๒ · หน้า 225b
མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཚད་མྱེད་པ་རྣམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་
མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་གཟུགས་མྱེད་པའི་སྙོམས་པར་འཇུག་པ་རྣམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་
མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྣམ་པར་ཐར་པ་བརྒྱད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་
ཀྱང་མཐར་ཀྱིས་གནས་པའི་སྙོམས་པར་འཇུག་པ་དགུ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྣམ་པར་ཐར་
པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མི་འཛིན། ཡོངས་སུ་མྱི་འཛིན་པས་ཉེ་བར་མི་ལེན་ཏོ། །རབ་འབྱོར་ངས་ཀྱང་མངོན་པར་ཤེས་པ་རྣམས་ཡང་དག་
པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ཏིང་ངེ་འཛིན་རྣམས་ཡང་དག་པར་རྗེས་སུ་མ་མཐོང་སྟེ། ཡང་དག་
པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་གཟུངས་ཀྱི་སྒོ་རྣམས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་
เล่ม ๒๒ · หน้า 226a
མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་དེ་བཞིན་གཤེགས་པའི་སྟོབས་བཅུ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་
འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་མྱི་འཇིགས་པ་བཞི་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས། ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་
སོ་སོ་ཡང་དག་པར་རིག་པ་བཞི་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་བྱམས་པ་ཆེན་པོ་ཡང་དག་པར་རྗེས་
སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སྙིང་རྗེ་ཆེན་པོ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་
བས། ཡོངས་སུ་མྱི་འཛིན། ཡོངས་སུ་མྱི་འཛིན་པས། ཉེ་བར་མྱི་ལེན་ཏོ། །རབ་འབྱོར་ངས་ཀྱང་སངས་རྒྱས་ཀྱེ་ཆོས་མ་འདྲེས་པ་བཅྭོ་བརྒྱད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་
བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྒྱུན་ཏུ་ཞུགས་པའི་འབྲས་བུ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་
སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ལན་ཅིག་ཕྱིར་འོང་བའི་འབྲས་བུ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །
เล่ม ๒๒ · หน้า 226b
རབ་འབྱོར་ངས་ཀྱང་ཕྱིར་མྱི་འོང་བའི་འབྲས་བུ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་དགྲ་བཅོམ་པ་ཉིད་ཡང་དག་
པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རང་བྱང་ཆུབ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་
སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་ལམ་གྱི་རྣམ་པ་ཤེས་པ་ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན།
ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་
འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་སངས་རྒྱས་ཀྱིས་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་
ཀྱང་ཐམས་ཅད་མཁྱེན་པ་ཉིད་ཡང་དག་པར་རྗེས་ཅ་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་རྣམ་པ་ཐམས་ཅད་མཁྱེན་པ་
ཉིད་ཡང་དག་པར་རྗེས་སུ་མ་མཐོང་སྟེ། ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་ངས་ཀྱང་དེ་བཞིན་གཤེགས་པ་ཉིད་ཡང་དག་པར་རྗེས་སུ་མ་མཐོང་སྟེ།
เล่ม ๒๒ · หน้า 227a
ཡང་དག་པར་རྗེས་སུ་མ་མཐོང་བས་ཡོངས་སུ་མྱི་འཛིན། ཡོངས་སུ་མྱི་འཛིན་པས་ཉེ་བར་མྱི་ལེན་ཏོ། །རབ་འབྱོར་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་གཟུགས་ལ་མངོན་པར་ཆགས་པར་མྱི་བྱའོ། །
ཡོངས་སུ་གཟུང་བར་མྱི་བྱའོ། །ཚོར་བ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །འདུ་ཤེས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །འདུ་བྱེད་ལ་མངོན་པར་ཆགས་པར་མྱི་བྱའོ། །
ཡོངས་སུ་གཟུང་བར་མྱི་བྱའོ། །རྣམ་པར་ཤེས་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །མྱིག་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རྣ་བ་ལ་མངོན་པར་ཆགས་པར་མྱི་
བྱའོ། །ཡོངས་སུ་གཟུང་བར་མྱི་བྱའོ། །སྣ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ལྕེ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ལུས་ལ་མངོན་པར་ཆགས་པར་མྱི་བྱའོ། །
ཡོངས་སུ་གཟུང་བར་མྱི་བྱའོ། །ཡིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མི་བྱའོ། །གཟུགས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སྒྲ་ལ་མངོན་པར་ཆགས་པར་མྱི་བྱའོ། །ཡོངས་སུ་
གཟུང་བར་མྱི་བྱའོ། །དྲི་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རོ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རེག་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཆོས་ལ་མངོན་པར་ཆགས་པར་མྱི་བྱའོ། །
ཡོངས་སུ་གཟུང་བར་མྱི་བྱའོ། །ཆོས་ལ་མངོན་པར་ཆགས་པར་མྱི་བྲའོ། །ཡོངས་སུ་གཟུང་བར་མྱི་བྱའོ། །མྱིག་གི་རྣམ་པར་ཤེས་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རྣ་བའི་རྣམ་
เล่ม ๒๒ · หน้า 227b
པར་ཤེས་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སྣའི་རྣམ་པར་ཤེས་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ལྕེའི་རྣམ་པར་ཤེས་པ་ལ་མངོན་པར་ཆགས་པར་མྱི་བྱའོ། །ཡོངས་
སུ་གཟུང་བར་མྱི་བྱའོ། །ལུས་ཀྱི་རྣམ་པར་ཤེས་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཡིད་ཀྱི་རྣམ་པར་ཤེས་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །མྱིག་གི་འདུས་ཏེ་རེག་པ་
ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རྣ་བའི་འདུས་ཏེ་རེག་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སྣའི་འདུས་ཏེ་རེག་པ་ལ་མངོན་པར་ཆགས་པར་མྱི་བྱའོ། །ཡོངས་སུ་
གཟུང་བར་མྱི་བྱའོ། །ལྕེའི་འདུས་ཏེ་རེག་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ལུས་ཀྱི་འདུས་ཏེ་རེག་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཡིད་ཀྱི་འདུས་
ཏེ་རེག་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རྣ་བའི་འདུས་ཏེ་རེག་པའི་
རྐྱེན་ཀྱིས་ཚོར་བ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ལྕེའི་འདུས་ཏེ་རེག་པའི་རྐྱེན་ཀྱིས་
ཚོར་བ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་
เล่ม ๒๒ · หน้า 228a
ཚོར་བ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སའི་ཁམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཆུའི་ཁམས་ལ་མངོན་པར་ཆགས་པར་མྱི་བྱའོ། །ཡོངས་
སུ་གཟུང་བར་མྱི་བྱའོ། །མྱེའི་ཁམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རླུང་གི་ཁམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ནམ་མཁའི་ཁམས་ལ་མངོན་པར་
ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རྣམ་པར་ཤེས་པའི་ཁམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །མ་རིག་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །
འདུ་བྱེད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རྣམ་པར་ཤེས་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །མྱིང་དང་གཟུགས་ལ་མངོན་པར་ཆགས་པར་མྱི་བྱའོ། །ཡོངས་སུ་
གཟུང་བར་མྱི་བྱའོ། །སྐྱེ་མཆེད་དྲུག་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རེག་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཚོར་བ་ལ་མངོན་པར་ཆགས་པར་མྱི་བྱའོ། །
ཡོངས་སུ་གཟུང་བར་མྱི་བྱའོ། །སྲེད་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ལེན་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སྲིད་པ་ལ་མངོན་པར་ཆགས་པར་མྱི་བྱའོ། །
ཡོངས་སུ་གཟུང་བར་མྱི་བྱའོ། །སྐྱེ་བ་ལ་མངོན་པར་ཆགས་པར་མི་བྱའོ། །ཡོངས་སུ་གཟུང་བར་མྱི་བྱའོ། །རྒ་ཤི་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སྦྱིན་པའི་ཕ་རོལ་ཏུ་ཕྱིན་པ་ལ་མངོན་པར་
เล่ม ๒๒ · หน้า 228b
ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །བཟོད་པའི་ཕ་རོལ་ཏུ་ཕྱིན་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །
བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །བསམ་གཏན་གྱི་ཕ་རོལ་ཏུ་ཕྱིན་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་མངོན་
པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ནང་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཕྱི་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཕྱི་ནང་སྟོང་པ་
ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སྟོང་པ་ཉིད་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཆེན་པོ་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་
བར་མྱི་བྱའོ། །དོན་དམ་པ་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །འདུས་བྱས་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །འདུས་མ་བྱས་སྟོང་པ་ཉིད་ལ་མངོན་པར་
ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །མཐའ་ལས་འདས་པ་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཐོག་མ་དང་ཐ་མ་མྱེད་པ་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་
བར་མྱི་བྱའོ། །དོར་བ་མྱེད་པ་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རང་བཞིན་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཆོས་ཐམས་ཅད་སྟོང་པ་ཉིད་ལ་མངོན་པར་ཆགས་
เล่ม ๒๒ · หน้า 229a
པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རང་གི་མཚན་ཉིད་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །མྱི་དམྱིགས་པ་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་
བྱའོ། །དངོས་པོ་མྱེད་པ་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ངོ་བོ་ཉིད་སྟོང་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ལ་མངོན་པར་
ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །དྲན་པ་ཉེ་བར་གཞག་པ་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཡང་དག་པར་སྤོང་བ་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་
བྱའོ། །རྫུ་འཕྲུལ་གྱི་རྐང་པ་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །དབང་པོ་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སྟོབས་རྣམས་ལ་མངོན་པར་ཆགས་པར་མྱི་བྱའོ། །
ཡོངས་སུ་གཟུང་བར་མྱི་བྱའོ། །བྱང་ཆུབ་ཀྱི་ཡན་ལག་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །འཕགས་པའི་ལམ་ཡན་ལག་བརྒྱད་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །
འཕགས་པའི་བདེན་པ་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །བསམ་གཏན་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཚད་མྱེད་པ་རྣམས་ལ་མངོན་པར་ཆགས་པར་མྱི་བྱའོ། །
ཡོངས་སུ་གཟུང་བར་མྱི་བྱའོ། །གཟུགས་མྱེད་པའི་སྙོམས་པར་འཇུག་པ་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རྣམ་པར་ཐར་པ་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །མཐར་
เล่ม ๒๒ · หน้า 229b
གྱིས་གནས་པའི་སྙོམས་པར་འཇུག་པ་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །
མངོན་པར་ཤེས་པ་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཏིང་ངེ་འཛིན་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །གཟུངས་ཀྱི་སྒོ་རྣམས་ལ་མངོན་པར་ཆགས་པར་མྱི་བྱའོ། །ཡོངས་སུ་
གཟུང་བར་མྱི་བྱའོ། །དེ་བཞིན་གཤེགས་པའི་སྟོབས་བཅུ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །མྱི་འཇིགས་པ་བཞི་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སོ་སོ་ཡང་དག་པར་རིག་པ་
བཞི་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །བྱམས་པ་ཆེན་པོ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སྙིང་རྗེ་ཆེན་པོ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །
སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །རྒྱུན་ཏུ་ཞུགས་པའི་འབྲས་བུ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ལན་ཅིག་ཕྱིར་འོང་བའི་འབྲས་བུ་ལ་
མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཕྱིར་མྱི་འོང་བའི་འབྲས་བུ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །དགྲ་བཅོམ་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་
བྱའོ། །རང་བྱང་ཆུབ་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ལམ་གྱི་རྣམ་པ་ཤེས་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ལ་མངོན་པར་
เล่ม ๒๒ · หน้า 230a
ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །སངས་རྒྱས་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །ཐམས་ཅད་ཤེས་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །
རྣམ་པ་ཐམས་ཅད་མཁྱེན་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །དེ་བཞིན་གཤེགས་པ་ཉིད་ལ་མངོན་པར་ཆགས་པར་མྱི་བྱའོ། །ཡོངས་སུ་གཟུང་བར་མྱི་བྱའོ། །དེ་ནས་འདོད་པ་ན་སྤྱོད་པ་དང་། གཟུགས་ཡོད་པ་ན་
སྤྱོད་པའི་ལྷའི་བུ་དག་གིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཟབ་ཅིང་བལྟ་དཀའ་ལ། རྟོགས་པར་དཀའ་བ་སྟེ། མྱི་བརྟག་པ། བརྟག་པའི་སྤྱོད་ཡུལ་མ་ལགས་པ།
ཞི་ཞིང་ཕྲ་ལ་མཁས་པ་དང་། བྱང་བ་དང་ཡིད་གསལ་བས་འཚལ་བར་བགྱི་བའོ། །བཅོམ་ལྡན་འདས་སེམས་ཅན་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མོས་པ་དེ་དག་ནི་སྔོན་གྱི་རྒྱལ་བ་ལ་བགྱི་བ་བགྱིས་པའོ། །བཅོམ་ལྡན་འདས་
སེམས་ཅན་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མོས་པ་དེ་དག་ནི། དགེ་བའི་བཤེས་གཉེན་གྱིས་ཡོངས་སུ་བཟུང་བ་དགེ་བའི་རྩ་བ་བསྐྱེད་པའོ། །བཅོམ་ལྡན་འདས་གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་
ཀྱི་སེམས་ཅན་གང་ཇི་སྙེད་པ་དེ་དག་ཐམས་ཅད་དད་པའི་རྗེས་སུ་འབྲང་བ་དང་། ཆོས་ཀྱི་རྗེས་སུ་འབྲང་བ་དང་། བརྒྱད་པ་དང་། རྒྱུན་ཏུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མྱི་འོང་བ་དང་། དགྲ་བཅོམ་པ་དང་། རང་སངས་རྒྱས་སུ་
གྱུར་ཏེ། དེ་དག་ཐམས་ཅད་ལ་ཡེ་ཤེས་དང་སྤོང་བ་གང་ཇི་སྙེད་ཅིག་མཆིས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་རྨོ་འདི་ལ་གདུགས་གཅིག་ཏུ་མོས་ཤིང་། བསམས་ཏེ་གཞལ་བ་དང་། བརྟག་པ་དང་དཔྱད་པ་གཉིས་ན། གང་ཤེས་རབ་
เล่ม ๒๒ · หน้า 230b
ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་གདུགས་གཅིག་ཏུ་མོས་པ་དེ་ཉིད་ཆེས་ལེགས་པའི་མཆོག་ཏུ་འགྱུར་རོ། །དེ་ཅིའི་སླད་དུ་ཞེ་ན། དེ་ནི་འདི་ལྟར་དད་པའི་རྗེས་སུ་འབྲང་བའི་ཡེ་ཤེས་གང་ཅི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་
དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །ཆོས་ཀྱི་རྗེས་སུ་འབྲང་བའི་ཡེ་ཤེས་གང་ཅི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་
བཟོད་པ་ཐོབ་པའི་བཟོད་པར་འདུས་སོ། །བརྒྱད་པའི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟད་པ་ཐོབ་པའི་བཟོད་པར་འདུས་སོ། །རྒྱུན་ཏུ་ཞུགས་
པའི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །ལན་ཅིག་ཕྱིར་འོང་བའི་ཡེ་ཤེས་གང་ཅི་ཙམ་པ་དང་། སྤོང་བ་
གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །ཕྱིར་མྱི་འོང་བའི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་
ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །དགྲ་བཅོམ་པའི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་
བཟོད་པར་འདུས་སོ། །རང་སངས་རྒྱས་ཀྱི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །དེ་ནས་བཅོམ་ལྡན་འདས་
เล่ม ๒๒ · หน้า 231a
ཀྱིས་འདོད་པ་ན་སྤྱོད་པ་དང་། གཟུགས་ཡོད་པ་ན་སྤྱོད་པའི་ལྷའི་བུ་དེ་དག་ལ་བཀའ་སྩལ་པ། ལྷའི་བུ་དག་དེ་དེ་བཞིན་ནོ། །དེ་དེ་བཞིན་ཏེ། དད་པའི་རྗེས་སུ་འབྲང་བའི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་
པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །ཆོས་ཀྱི་རྗེས་སུ་འབྲང་བའི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་
ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །བརྒྱད་པའི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་
འདུས་སོ། །རྒྱུན་ཏུ་ཞུགས་པའི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །ལན་ཅིག་ཕྱིར་འོང་བའི་ཡེ་ཤེས་
གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །ཕྱིར་མྱི་འོང་བའི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་
བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །དགྲ་བཅོམ་པའི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་
སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་འདུས་སོ། །རང་སངས་རྒྱས་ཀྱི་ཡེ་ཤེས་གང་ཇི་ཙམ་པ་དང་། སྤོང་བ་གང་ཇི་ཙམ་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མྱི་སྐྱེ་བའི་ཆོས་ལ་བཟོད་པ་ཐོབ་པའི་བཟོད་པར་
เล่ม ๒๒ · หน้า 231b
འདུས་སོ། །ལྷའི་བུ་དག་རིགས་ཀྱི་བུ་འམ། རིགས་ཀྱི་བུ་མོ་གང་སུས་ཀྱང་རུང་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཉན་ཅིང་ཐོས་ནས་འདྲི་བ་དང་། བྲིས་ནས་ལུང་འབོག་པ་དང་། ཁ་ཏོན་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དེ་དག་ནི་
མྱུར་དུ་འབྱུང་བར་ཤེས་པར་བྱ་ཡི། ཉན་ཐོས་དང་། རང་སངས་རྒྱས་ཀྱི་ཐེག་པ་པའི་རིགས་ཀྱི་བུ་འམ་རིགས་ཀྱི་བུ་མོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ། མདོ་སྡེ་གཞན་ལ་བསྐལ་པའམ། བསྐལ་པའི་ལྷག་མར་སྤྱོད་པ་དག་ནི་མ་ཡིན་ནོ། །དེ་
ཅིའི་ཕྱིར་ཞེ་ན། དེ་ནི་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལས་ཕུལ་དུ་བྱ་བའི་ཆོས་གང་ལ་དད་པའི་རྗེས་སུ་འབྲང་བ་དང་། ཆོས་ཀྱི་རྗེས་སུ་འབྲང་བ་དང་། བརྒྱད་པ་དང་། རྒྱུན་ཏུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མྱི་
འོང་བ་དང་། དགྲ་བཅོམ་པ་དང་། རང་སངས་རྒྱས་རྣམས་ཀྱིས་བསླབ་པར་བྱ་བ་དང་། གང་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་བསླབ་པར་བྱ་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་རྣམས་ཀྱིས་བསླབས་ཏེ། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པ་དང་། མངོན་པར་རྫོགས་པར་འཚང་རྒྱ་བ་དང་། མངོན་པར་རྫོགས་པར་འཚང་རྒྱ་བར་འགྱུར་བ་དེ་དག་རྒྱ་ཆེར་བསྟན་
ཏོ། །དེ་ནས་འདོད་པ་ན་སྤྱོད་པ་དང་། གཟུགས་ཡོད་པ་ན་སྤྱོད་པའི་ལྷའི་བུ་དེ་དག་གིས་ཆེད་དུ་བརྗོད་པ་ཆེད་དུ་བརྗོད་དེ། བཅོམ་ལྡན་འདས་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཕ་རོལ་ཏུ་ཕྱིན་པ་ཆེན་མོ་སྟེ། བཅོམ་ལྡན་འདས་
འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་དཔག་ཏུ་མ་མཆིས་པའི་ཕ་རོལ་ཏུ་ཕྱིན་པའོ། །འདི་ནི་གཞལ་དུ་མ་མཆིས་པའི་ཕ་རོལ་ཏུ་ཕྱིན་པའོ། །འདི་ནི་མྱི་མཉམ་པ་དང་མཉམ་པའི་ཕ་རོལ་ཏུ་ཕྱིན་པ་སྟེ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་
เล่ม ๒๒ · หน้า 232a
ཕྱིན་པ་ཟབ་མོ་འདི་ལ་བསླབས་ཤིང་། དད་པའི་རྗེས་སུ་འབྲང་བ་རྣམས་བྱུང་བར་གྱུར་ཏེ། འབྱུང་ཞིང་འབྱུང་བར་འགྱུར། ཆོས་ཀྱི་རྗེས་སུ་འབྲང་བ་རྣམས་བྱུང་བར་གྱུར་ཏེ། འབྱུང་ཞིང་འབྱུང་བར་འགྱུར། བརྒྱད་པ་རྣམས་
བྱུང་བར་གྱུར་ཏེ། འབྱུང་ཞིང་འབྱུང་བར་འགྱུར། རྒྱུན་ཏུ་ཞུགས་པ་རྣམས་བྱུང་བར་གྱུར་ཏེ། འབྱུང་ཞིང་འབྱུང་བར་འགྱུར། ལན་ཅིག་ཕྱིར་འོང་བ་རྣམས་བྱུང་བར་གྱུར་ཏེ། འབྱུང་ཞིང་འབྱུང་བར་འགྱུར། ཕྱིར་མྱི་འོང་བ་རྣམས་བྱུང་བར་གྱུར་ཏེ།
འབྱུང་ཞིང་འབྱུང་བར་འགྱུར། དགྲ་བཅོམ་པ་རྣམས་བྱུང་བར་གྱུར་ཏེ། འབྱུང་ཞིང་འབྱུང་བར་འགྱུར། དེ་ལ་བསླབས་ཤིང་རང་སངས་རྒྱས་རྣམས་བྱུང་བར་གྱུར་ཏེ། འབྱུང་ཞིང་འབྱུང་བར་འགྱུར། དེ་ལ་བསླབས་ཤིང་བྱང་ཆུབ་སེམས་དཔའ་
སེམས་དཔའ་ཆེན་པོ་རྣམས་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་བྱུང་བར་གྱུར་ཏེ། འབྱུང་ཞིང་འབྱུང་བར་འགྱུར་ཡང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ནི་འགྲིབ་པའམ། འཕེལ་བར་ཡང་མྱི་གདའ་འོ་ཞེས་ནས།
འདོད་པ་ན་སྤྱོད་པ་དང་། གཟུགས་ཡོད་པ་ན་སྤྱོད་པའི་ལྷའི་བུ་དེ་དག་གིས། བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་བྱས་ཏེ། བཅོམ་ལྡན་འདས་ལ་ལན་གསུམ་དུ་གཡས་ཕྱོགས་སུ་བསྐོར་ནས། བཅོམ་ལྡན་འདས་ཀྱི་སྤྱན་
སྔ་ནས་དོང་སྟེ། དེ་དག་ཤིན་ཏུ་ཡང་མྱི་རིང་བ་ཞིག་ཏུ་ཕྱིན་ནས་མྱི་སྣང་བར་གྱུར་ཏེ། འདོད་པ་ན་སྤྱོད་པའི་ལྷའི་བུ་དག་ནི། འདོད་པའི་ཁམས་སུ་འཁོད་དོ། །གཟུགས་ཡོད་པ་ན་སྤྱོད་པའི་ལྷའི་བུ་དག་ནི་གཟུགས་ཡོད་པའི་ཁམས་སུ་འཁོད་
དོ། །དེ་ནས་ཚེ་དང་ལྡན་པ་རབ་འབྱོར་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་མ་ཐག་ཏུ་མོས་པར་འགྱུར་ཞིང་། གོང་དུ་
เล่ม ๒๒ · หน้า 232b
འདྲི་བ་དང་། འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་ཅིང་། ཚུལ་བཞིན་དུ་ཡིད་ལ་བགྱིད་ན། དེ་གང་ནས་ཤི་འཕོས་ཏེ། འདིར་སྐྱེས་པར་གྱུར་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་
བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་མ་ཐག་ཏུ་མོས་ཤིང་ཞུམ་པར་མྱི་འགྱུར། ཡོངས་སུ་ཞུམ་པར་མྱི་འགྱུར་ལ། རྨོངས་པར་མྱི་འགྱུར་ཞིང་ཐེ་ཙོམ་མྱི་ཟ། ནེམ་ནུར་མྱི་བྱེད་ལ། ཤེས་རབ་
ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཉན་པར་མངོན་པར་དགའ་ཞིང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས་ཀྱང་ཡིད་ལ་བྱ་བ་དེ་དག་དང་མྱི་འབྲལ་བར་མྱི་བྱེད་ལ། ཡིད་ལ་བྱ་བ་དེ་དག་འགྲོའམ། འོང་ངམ་འགྲེང་ངམ། འདུག་གམ་ཉལ་ཡང་
རུང་སྟེ། རྟག་ཏུ་རྒྱུན་མྱི་འཆད་པར་འཇིག་པར་མྱི་བྱེད་ཅིང་། ཆོས་སྨྲ་བའི་གང་ཟག་དེ་ལ་ཡང་རྟག་ཏུ་རྒྱུན་མྱི་འཆད་པར་འབྲང་སྟེ། རབ་འབྱོར་དཔེར་ན་བ་དྲུས་མ་བེའུ་མྱི་འདོར་བ་ལྟར། བྱང་ཆུབ་སེམས་དཔའ་སེམས་དཔའ་ཆེན་པོས་
ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིའི་དོན་དུ། ནམ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མངོན་དུ་མ་བྱས། དྲན་པས་འདྲིས་པར་མ་བྱས། ཡིད་ཀྱིས་རྟོགས་པར་མ་བྱས། ལྟ་བས་ཤིན་ཏུ་ཁོང་དུ་ཆུད་པར་མ་བྱས་ཀྱི་བར་དུ་ཆོས་སྨྲ་བ་དེ་མྱི་
གཏོང་ན། རབ་འབྱོར་བྱང་ཆུབ་སེམས་དཔའི་ཐེག་པ་པའི་གང་ཟག་དེ་ནི་མྱིའི་ནང་ནས་ཤི་འཕོས་ནས་མྱིའི་ནང་དུ་སྐྱེས་པའོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་དེས་སྔོན་ཡང་ཤེས་རབ་
ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས་བཟུང་བ་དང་། བཅངས་པ་དང་། བླགས་པ་དང་། ཀུན་ཆུབ་པར་བྱས་པ་དང་། ཚུལ་བཞིན་དུ་ཡིད་ལ་བྱས་པར་གྱུར་ཏོ། །གོང་དུ་ཡང་བྲིས་ཤིང་གླེགས་བམ་དུ་བྱས་ཏེ། མེ་ཏོག་དང་། ཕྲེང་བ་
เล่ม ๒๒ · หน้า 233a
དང་། སྤོས་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་མང་པོས་རིམ་གྲོར་བྱས་པར་གྱུར་ཏོ། །བཀུར་སྟི་དང་ཕུ་དུད་དང་། མཆོད་པ་བྱས་པར་གྱུར་ཏོ། །དགེ་བའི་རྩ་བ་དེ་ཉིད་
ཀྱིས་མྱིའི་ནང་ནས་ཤི་འཕོས་ནས། མྱིའི་ནང་དུ་སྐྱེས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཡང་ཐོས་མ་ཐག་ཏུ་མོས་པར་གྱུར་པར་བལྟའོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་
ཕ་རོལ་ཏུ་ཕྱིན་པ་ཟབ་མོ་འདི་ལ་ཐོས་མ་ཐག་ཏུ་མོས་ཤིང་། རྨོས་པར་གྱུར་ནས་ཀྱང་འདྲི་བ་དང་། བྲིས་ནས་ལུང་འབོག་པ་དང་། ཁ་ཏོན་བགྱིད་ཅིང་། ཚུལ་བཞིན་དུ་ཡིད་ལ་བགྱིད་པ་ལས་ཡོན་ཏན་འདི་དག་ཉིད་དང་ལྡན་ཞིང་། སངས་རྒྱས་
བཅོམ་ལྡན་འདས་གཞན་དག་ལ་བསྙེན་བཀུར་བགྱིད་བགྱིད་པ་ལས་ཤི་འཕོས་ཏེ། འདིར་སྐྱེས་པ་དེ་ལྟ་བུའི་རྣམ་གྲངས་མཆིས་སམ། མ་མཆིས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། དེ་དེ་བཞིན་ཏེ།
བྱང་ཆུབ་སེམས་དཔའ་སེམས་དཔའ་ཆེན་པོ་གང་སངས་རྒྱས་བཅོམ་ལྡན་འདས་གཞན་དག་ལ་བསྙེན་བཀུར་བྱེད་བྱེད་པ་ལས། དེ་ནས་ཤི་འཕོས་ཏེ། འདིར་སྐྱེས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་མ་ཐག་ཏུ་མོས་
པར་འགྱུར་རོ། །མོས་པར་གྱུར་ནས་ཀྱང་འདྲིའོ། །བྲིས་ནས་ཀྱང་ལུང་འབོག་གོ། ཁ་ཏོན་བྱེད་དོ། །ཚུལ་བཞིན་དུ་ཡིད་ལ་བྱེད་དོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས། སངས་རྒྱས་བཅོམ་ལྡན་འདས་
དེ་དག་ལས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་སོ། །ཐོས་ནས་ཀྱང་བཟུང་ངོ་བཅངས་སོ། །ཡོངས་སུ་བཅངས་མོ། །བླགས་སོ། །ཀུན་ཆུབ་པར་བྱས་སོ། །ཁ་ཏོན་དུ་བྱས་སོ། །ཚུལ་བཞིན་དུ་ཡིད་ལ་བྱས་སོ། །དེ་ནི་དགེ་བའི་རྩ་བ་དེ་ཉིད་དང་
เล่ม ๒๒ · หน้า 233b
ཡིད་ལ་བྱེད་པ་དེ་ཉིད་ཀྱིས་འདིར་སྐྱེས་པའོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་ལྡན་གྱི་ལྷ་རྣམས་དང་། སྐལ་བ་མཉམ་པ་ལས་ཤི་འཕོས་ནས། མྱིའི་ནང་དུ་སྐལ་བ་མཉམ་པར་སྐྱེས་ན་ཡང་དེ་
ནི་ཡོན་ཏན་དེ་དག་ཉིད་དང་ལྡན་པར་རིག་པར་བྱའོ། །དེ་ཅིའི་ཕྱིར་ཞེ་ན། རབ་འབྱོར་དེ་ནི་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ནི། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་ཤེས་རབ་ཀྱི་ཕ་རོལ་ཏུ་
ཕྱིན་པ་ཟབ་མོ་འདི་ཡོངས་སུ་འདྲི་བ་དང་། ཡོངས་སུ་བརྟག་པར་བྱས་པས། དེ་ནི་དགེ་བའི་རྩ་བ་དེས་འདིར་སྐྱེས་པར་རིག་པར་བྱའོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་བཅུ་དྲུག་པ།
རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་ཤེས་རབ་ཀྱི་ཕ་རོལ་ཏུ་ཕྱིན་པ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་
པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྡོན་གྱི་མཐར་བསམ་གཏན་གྱི་ཕ་རོལ་
ཏུ་ཕྱིན་པ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་
འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་
เล่ม ๒๒ · หน้า 234a
འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་བཟོད་པའི་ཕ་
རོལ་ཏུ་ཕྱིན་པ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་
འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ།
ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་སྦྱིན་པའི་ཕ་རོལ་ཏུ་ཕྱིན་པ་ཐོས་ཀྱང་ཡོངས་
སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་
ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་ནང་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་
འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ།།རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་ཕྱི་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི།
เล่ม ๒๒ · หน้า 234b
ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་
སྡོན་གྱི་མཐར་ཕྱི་ནང་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་
གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་སྟོང་པ་ཉིད་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་
བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་ཏྲ་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་ཆེན་པོ་སྟོང་པ་ཉིད་
ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །
རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་དོན་དམ་པ་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ།
ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྡོན་གྱི་མཐར་འདུས་བྱས་སྟོང་པ་ཉིད་ཐོས་ཀྱང་ཡོངས་སུ་མ་དྲིས།
เล่ม ๒๒ · หน้า 235a
ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་
བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་འདུས་མ་བྱས་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་
ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་མཐའ་ལས་འདས་པ་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་
རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་
གྱི་མཐར་ཐོག་མ་དང་ཐ་མ་མྱེད་པ་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར།
སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་དོར་བ་མྱེད་པ་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་རབ་ཀྱི་
ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་
เล่ม ๒๒ · หน้า 235b
མཐར་རང་བཞིན་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་
འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་ཆོས་ཐམས་ཅད་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར།
རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་རང་གི་མཚན་ཉིད་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་
སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་
ཐེག་པ་པ་གང་གིས་སྔོན་གྱི་མཐར་མྱི་དམྱིགས་པ་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་
འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་དངོས་པོ་མྱེད་པ་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་
རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་
เล่ม ๒๒ · หน้า 236a
གང་གིས་སྔོན་གྱི་མཐར་ངོ་བོ་ཉིད་སྟོང་པ་ཉིད་ཐོས་ཀྱང་། ཡོངས་སུ་མ་དྲིས་ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་
ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་
པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་
སེམས་དཔའི་ཐེག་པ་པ་གང་གིས་སྔོན་གྱི་མཐར་དྲན་པ་ཉེ་བར་གཞག་པ་བཞི་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་
འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་ཡང་དག་པར་སྤོང་བ་བཞི་ཐོས་ཀྱང་ཡོངས་སུ་མ་དྲིས། ཡོངས་སུ་
བརྟག་པ་མ་བྱས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་
སེམས་དཔའི་ཐེག་པ་པ་གང་གིས་སྔོན་གྱི་མཐར་རྫུ་འཕྲུལ་གྱི་རྐང་པ་བཞི་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར།
เล่ม ๒๒ · หน้า 236b
སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་དབང་པོ་ལྔ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་རབ་ཀྱི་
ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་
མཐར་སྟོབས་ལྔ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །
རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་བྱང་ཆུབ་ཀྱི་ཡན་ལག་བདུན་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ།
ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་འཕགས་པའི་ལམ་ཡན་ལག་བརྒྱད་པ་
ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་
གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྡོན་གྱི་མཐར་འཕགས་པའི་བདེན་པ་བཞི་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་
เล่ม ๒๒ · หน้า 237a
ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་བསམ་གཏན་བཞི་ཐོས་ཀྱང་ཡོངས་
སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་
ཟག་བྱང་ཆུབ་སེམས་དཔའི་ཐེག་པ་པ་གང་གིས་སྡོན་གྱི་མཐར་ཚད་མྱེད་པ་བཞི་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར་
སེམས་ཞུམ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྡོན་གྱི་མཐར་རྣམ་པར་ཐར་པ་བརྒྱད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི།
ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་རྨོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་
གིས་སྔོན་གྱི་མཐར་མཐར་ཀྱིས་གནས་པའི་སྙོམས་པར་འཇུག་པ་དགུ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར།
སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་
เล่ม ๒๒ · หน้า 237b
པ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །
རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྡོན་གྱི་མཐར་མངོན་པར་ཤེས་པ་ལྔ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་
ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་ཏིང་ངེ་འཛིན་རྣམས་ཐོས་ཀྱང་
ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་དི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །
རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་གཟུངས་ཀྱི་སྒོ་རྣམས་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་
པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་
དེ་བཞིན་གཤེགས་པའི་སྟོབས་བཅུ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར།
เล่ม ๒๒ · หน้า 238a
སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་མྱི་འཇིགས་པ་བཞི་ཐོས་ཀྱང་ཡོངས་སུ་མ་དྲིས།
ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་
ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་སོ་སོ་ཡང་དག་པར་རིག་པ་བཞི་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་
འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་བྱམས་པ་ཆེན་པོ་ཐོས་ཀྱང་ཡོངས་
སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་
ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་སྙིང་རྗེ་ཆེན་པོ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར།
སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཐོས་ཀྱང་ཡོངས་སུ་མ་དྲིས། ཡོངས་སུ་
เล่ม ๒๒ · หน้า 238b
བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་
དཔའི་ཐེག་པ་པ་གང་གིས་སྡོན་གྱི་མཐར་ཐམས་ཅད་ཤེས་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར་
སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་ལམ་གྱི་རྣམ་པ་ཤེས་པ་ཉིད་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་
མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར། སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་
དཔའི་ཐེག་པ་པ་གང་གིས་སྡོན་གྱི་མཐར་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཐོས་ཀྱང་ཡོངས་སུ་མ་དྲིས། ཡོངས་སུ་བརྟག་པ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསྟན་པའི་ཚེ། ནེམ་ནུར་དུ་འགྱུར། རྨོངས་པར་འགྱུར།
སེམས་ཞུ་མ་པར་འགྱུར། སེམས་ཀྱི་རྣམ་པ་གཞན་དུ་འགྱུར་རོ། །རབ་འབྱོར་གཞན་ཡང་གང་ཟག་བྱང་ཆུབ་སེམས་དཔའི་ཐེག་པ་པ་གང་གིས་སྔོན་གྱི་མཐར་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས་ཡོངས་སུ་མ་དྲིས། ཡོངས་སུ་བརྟག་པ་
མ་བྱས་ཏེ། ཉི་མ་གཅིག་གམ། གཉིས་སམ། གསུམ་མམ། བཞིའམ། ལྔར་རྗེས་སུ་མ་འབྲངས་ན། གང་ཟག་བྱང་ཆུབ་སེམས་དཔའི་ཐེག་པ་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདྲི་ཞིང་རྟོག་པ་དང་། ཉི་མ་གཅིག་གམ། གཉིས་སམ། གསུམ་མམ། བཞི་
เล่ม ๒๒ · หน้า 239a
འམ་ལྔར་རྗེས་སུ་འབྲང་བར་བྱེད་པའི་ཚེ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་མྱི་འཕྲོགས་པར་མྱི་འགྱུར་ཏེ། ཡོངས་སུ་དྲི་བ་དང་ཡང་ཡང་མྱི་ལྡན་པར་འགྱུར་རོ། །དེ་ཅིའི་ཕྱིར་ཞེ་ན། རབ་འབྱོར་དེ་ནི་དེ་ལྟར་ཡང་འགྱུར་ཏེ། གང་གིས་
ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡོངས་སུ་མ་དྲིས། ཡོངས་སུ་མ་བརྟགས། རྗེས་སུ་འབྲང་བ་མ་བྱས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་མཉན་པ་ལ་དེ་ཙམ་གྱི་དགེ་བའི་བསམ་པ་དང་། མོས་པ་སྐྱེ་བར་འགྱུར་ཏེ། དེ་ནི་བར་
བར་མོས་ཤིང་། བར་བར་མོས་པ་མྱེད་པར་འགྱུར་ཏེ། དེ་ནི་ལྡམ་ལྡེམ་གྱི་བློ་དེས་འཕྲོགས་ཤིང་། ཤིང་བལ་གྱི་གཟེགས་མ་བཞིན་དུ་འགྱུར་རོ། །རབ་འབྱོར་གང་ཟག་བྱང་ཆུབ་སེམས་དཔའི་ཐེག་པ་པ་དེ་ནི་ཡུན་རིང་པོ་ནས། ཐེག་པ་
ལ་ཞུགས་པ་མ་ཡིན་པར་རིག་པར་བྱའོ། །དགེ་བའི་བཤེས་གཉེན་གྱིས་ཡོངས་སུ་མ་བཟུང་བའོ། །ཡང་དག་པར་རྫོགས་པའི་སངས་རྒྱས་ལ་བསྙེན་བཀུར་མ་བྱས་པའོ། །རབ་འབྱོར་གང་ཟག་བྱང་ཆུབ་སེམས་དཔའི་ཐེག་པ་པ་དེས་ནི་ཤེས་རབ་ཀྱི་
ཕ་རོལ་ཏུ་ཕྱིན་པ་ཟབ་མོ་འདིའི་ལུང་མ་མནོས། ཁ་ཏོན་དུ་མ་བྱས་ལ་ཚུལ་བཞིན་དུ་ཡིད་ལ་མ་བྱས་ཏེ། དེས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མ་བསླབས་སོ། །བསམ་གཏན་གྱི་ཕ་རོལ་ཏུ་ཕྱིན་པ་ལ་མ་བསླབས་སོ། །བརྩོན་འགྲུས་ཀྱི་ཕ་རོལ་
ཏུ་ཕྱིན་པ་ལ་མ་བསླབས་སོ། །བཟོད་པའི་ཕ་རོལ་ཏུ་ཕྱིན་པ་ལ་མ་བསླབས་སོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་མ་བསླབས་སོ། །སྦྱིན་པའི་ཕ་རོལ་ཏུ་ཕྱིན་པ་ལ་མ་བསླབས་སོ། །ནང་སྟོང་པ་ཉིད་ལ་མ་བསླབས་སོ། །ཕྱི་སྟོང་པ་
ཉིད་ལ་མ་བསླབས་སོ། །ཕྱི་ནང་སྟོང་པ་ཉིད་ལ་མ་བསླབས་སོ། །སྟོང་པ་ཉིད་སྟོང་པ་ཉིད་ལ་མ་བསླབས་སོ། །ཆེན་པོ་སྟོང་པ་ཉིད་ལ་མ་བསླབས་སོ། །དོན་དམ་པ་སྟོང་པ་ཉིད་ལ་མ་བསླབས་སོ། །འདུས་བྱས་སྟོང་པ་ཉིད་
เล่ม ๒๒ · หน้า 239b
ལ་མ་བསླབས་སོ། །འདུས་མ་བྱས་སྟོང་པ་ཉིད་ལ་མ་བསླབས་སོ། །མཐའ་ལས་འདས་པ་སྟོང་པ་ཉིད་ལ་མ་བསླབས་སོ། །ཐོག་མ་དང་ཐ་མ་མྱེད་པ་སྟོང་པ་ཉིད་ལ་མ་བསླབས་སོ། །དོར་བ་མྱེད་པ་སྟོང་པ་ཉིད་ལ་མ་བསླབས་སོ། །རང་བཞིན་སྟོང་པ་
ཉིད་ལ་མ་བསླབས་སོ། །ཆོས་ཐམས་ཅད་སྟོང་པ་ཉིད་ལ་མ་བསླབས་སོ། །རང་གི་མཚན་ཉིད་སྟོང་པ་ཉིད་ལ་མ་བསླབས་སོ། །མྱི་དམྱིགས་པ་སྟོང་པ་ཉིད་ལ་མ་བསླབས་སོ། །དངོས་པོ་མྱེད་པ་སྟོང་པ་ཉིད་ལ་མ་བསླབས་སོ། །ངོ་བོ་ཉིད་སྟོང་
པ་ཉིད་ལ་མ་བསླབས་སོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ལ་མ་བསླབས་སོ། །དྲན་པ་ཉེ་བར་གཞག་པ་རྣམས་ལ་མ་བསླབས་སོ། །ཡང་དག་པར་སྤོང་བ་རྣམས་ལ་མ་བསླབས་སོ། །རྫུ་འཕྲུལ་གྱི་རྐང་པ་
རྣམས་ལ་མ་བསླབས་སོ། །དབང་པོ་རྣམས་ལ་མ་བསླབས་སོ། །སྟོབས་རྣམས་ལ་མ་བསླབས་སོ། །བྱང་ཆུབ་ཀྱི་ཡན་ལག་རྣམས་ལ་མ་བསླབས་སོ། །འཕགས་པའི་ལམ་ཡན་ལག་བརྒྱད་པ་ལ་མ་བསླབས་སོ། །འཕགས་པའི་བདེན་པ་རྣམས་
ལ་མ་བསླབས་སོ། །བསམ་གཏན་རྣམས་ལ་མ་བསླབས་སོ། །ཚད་མྱེད་པ་རྣམས་ལ་མ་བསླབས་སོ། །གཟུགས་མྱེད་པའི་སྙོམས་པར་འཇུག་པ་རྣམས་ལ་མ་བསླབས་སོ། །རྣམ་པར་ཐར་པ་བརྒྱད་ལ་མ་བསླབས་སོ། །མཐར་ཀྱིས་གནས་པའི་
སྙོམས་པར་འཇུག་པ་དགུ་ལ་མ་བསླབས་སོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལ་མ་བསླབས་སོ། །མངོན་པར་ཤེས་པ་རྣམས་ལ་མ་བསླབས་སོ། །ཏིང་ངེ་འཛིན་རྣམས་ལ་མ་བསླབས་སོ། །
གཟུངས་ཀྱི་སྒོ་རྣམས་ལ་མ་བསླབས་སོ། །དེ་བཞིན་གཤེགས་པའི་སྟོབས་བཅུ་ལ་མ་བསླབས་སོ། །མྱི་འཇིགས་པ་བཞི་ལ་མ་བསླབས་སོ། །སོ་སོ་ཡང་དག་པར་རིག་པ་བཞི་ལ་མ་བསླབས་སོ། །བྱམས་པ་ཆེན་པོ་ལ་མ་བསླབས་སོ། །སྙིང་
เล่ม ๒๒ · หน้า 240a
རྗེ་ཆེན་པོ་ལ་མ་བསླབས་སོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་མ་བསླབས་སོ། །རྒྱུན་ཏུ་ཞུགས་པའི་འབྲས་བུ་ལ་མ་བསླབས་སོ། །ལན་ཅིག་ཕྱིར་འོང་བའི་འབྲས་བུ་ལ་མ་བསླབས་སོ། །ཕྱིར་མྱི་འོང་བའི་
འབྲས་བུ་ལ་མ་བསླབས་སོ། །དགྲ་བཅོམ་པ་ཉིད་ལ་མ་བསླབས་སོ། །རང་བྱང་ཆུབ་ལ་མ་བསླབས་སོ། །ལམ་གྱི་རྣམ་པ་ཤེས་པ་ཉིད་ལ་མ་བསླབས་སོ། །རྣམ་པ་ཐམས་ཅད་མཁྱེན་པ་ཉིད་ལ་མ་བསླབས་སོ། །རབ་འབྱོར་གང་ཟག་བྱང་ཆུབ་སེམས་
དཔའི་ཐེག་པ་པ་དེ་ནི་ཐེག་པ་ལ་གསར་དུ་ཞུགས་པར་རིག་པར་བྱ་སྟེ། དེ་ནི་དད་པ་ཙམ་དང་། དགའ་བ་ཙམ་དང་། མོས་པ་ཙམ་དང་ལྡན་པར་ཟད་དེ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འདྲི་བ་འམ། ཀླག་པ་འམ། ལུང་འབོག་པ་འམ། ཁ་
ཏོན་བྱ་བ་འམ། ཚུལ་བཞིན་དུ་ཡིད་ལ་བྱ་བར་མྱི་ནུས་སོ། །རབ་འབྱོར་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ་རིགས་ཀྱི་བུ་མོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་མྱི་འདྲི་ཞིང་ལུང་མྱི་འབོག་པ་དང་། ཁ་ཏོན་མྱི་བྱེད་ཅིང་ཚུལ་བཞིན་དུ་ཡིད་ལ་
མྱི་བྱེད་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིས་གཞན་ལ་ཕན་མྱི་འདོགས་པ་དང་། བསམ་གཏན་གྱི་ཕ་རོལ་ཏུ་ཕྱིན་པས་གཞན་ལ་ཕན་མྱི་འདོགས་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པས་གཞན་ལ་ཕན་མྱི་འདོགས་པ་དང་། བཟོད་པའི་ཕ་
རོལ་ཏུ་ཕྱིན་པས་གཞན་ལ་ཕན་མྱི་འདོགས་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པས་གཞན་ལ་ཕན་མྱི་འདོགས་པ་དང་། སྦྱིན་པའི་ཕ་རོལ་ཏུ་ཕྱིན་པས་གཞན་ལ་ཕན་མྱི་འདོགས་པ་དང་། ནང་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་།
ཕྱི་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། ཕྱི་ནང་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། སྟོང་པ་ཉིད་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། ཆེན་པོ་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་
เล่ม ๒๒ · หน้า 240b
དོན་དམ་པ་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། འདུས་བྱས་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། འདུས་མ་བྱས་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། མཐའ་ལས་འདས་པ་སྟོང་པ་ཉིད་ཀྱིས་གཞན་ལ་ཕན་མྱི་
འདོགས་པ་དང་། ཐོག་མ་དང་ཐ་མ་མྱེད་པ་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པོ་དང་། དོར་བ་མྱེད་པ་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། རང་བཞིན་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། ཆོས་ཐམས་ཅད་སྟོང་པ་
ཉིད་ཀྱིས་གཞན་ལ་ཕན་མྱི་འདོགས་པ་དང་། རང་གི་མཚན་ཉིད་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། མྱི་དམྱིགས་པ་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། དངོས་པོ་མྱེད་པ་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་།
ངོ་བོ་ཉིད་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། དྲན་པ་ཉེ་བར་གཞག་པ་རྣམས་ཀྱིས་གཞན་ལ་ཕན་མྱི་འདོགས་པ་དང་། ཡང་དག་པར་སྤོང་བ་རྣམས་
ཀྱིས་གཞན་ལ་ཕན་མྱི་འདོགས་པ་དང་། རྫུ་འཕྲུལ་གྱི་རྐང་པ་རྣམས་ཀྱིས་གཞན་ལ་ཕན་མྱི་འདོགས་པ་དང་། དབང་པོ་རྣམས་ཀྱིས་གཞན་ལ་ཕན་མྱི་འདོགས་པ་དང་། སྟོབས་རྣམས་ཀྱིས་གཞན་ལ་ཕན་མྱི་འདོགས་པ་དང་། བྱང་ཆུབ་
ཀྱི་ཡན་ལག་རྣམས་ཀྱིས་གཞན་ལ་ཕན་མྱི་འདོགས་པ་དང་། འཕགས་པའི་ལམ་ཡན་ལག་བརྒྱད་པས་གཞན་ལ་ཕན་མྱི་འདོགས་པ་དང་། འཕགས་པའི་བདེན་པ་རྣམས་ཀྱིས་གཞན་ལ་ཕན་མྱི་འདོགས་པ་དང་། བསམ་གཏན་
རྣམས་ཀྱིས་གཞན་ལ་ཕན་མྱི་འདོགས་པ་དང་། ཚད་མྱེད་པ་རྣམས་ཀྱིས་གཞན་ལ་ཕན་མྱི་འདོགས་པ་དང་། གཟུགས་མྱེད་པའི་སྙོམས་པར་འཇུག་པ་རྣམས་ཀྱིས་གཞན་ལ་ཕན་མྱི་འདོགས་པ་དང་། རྣམ་པར་ཐར་པ་བརྒྱད་ཀྱིས་གཞན་
เล่ม ๒๒ · หน้า 241a
ལ་ཕན་མྱི་འདོགས་པ་དང་། མཐར་ཀྱིས་གནས་པའི་སྙོམས་པར་འཇུག་པ་དགུས་གཞན་ལ་ཕན་མྱི་འདོགས་པ་དང་། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པས་གཞན་ལ་ཕན་
མྱི་འདོགས་པ་དང་། མངོན་པར་ཤེས་པ་རྣམས་ཀྱིས་གཞན་ལ་ཕན་མྱི་འདོགས་པ་དང་། ཏིང་ངེ་འཛིན་རྣམས་ཀྱིས་གཞན་ལ་ཕན་མྱི་འདོགས་པ་དང་། གཟུངས་ཀྱི་སྒོ་རྣམས་ཀྱིས་གཞན་ལ་ཕན་མྱི་འདོགས་པ་དང་། དེ་བཞིན་གཤེགས་
པའི་སྟོབས་བཅུས་གཞན་ལ་ཕན་མྱི་འདོགས་པ་དང་། མྱི་འཇིགས་པ་བཞེས་གཞན་ལ་ཕན་མྱི་འདོགས་པ་དང་། སོ་སོ་ཡང་དག་པར་རིག་པ་བཞེས་གཞན་ལ་ཕན་མྱི་འདོགས་པ་དང་། བྱམས་པ་ཆེན་པོས་གཞན་ལ་ཕན་མྱི་
འདོགས་པ་དང་། སྙིང་རྗེ་ཆེན་པོས་གཞན་ལ་ཕན་མྱི་འདོགས་པ་དང་། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཀྱིས་གཞན་ལ་ཕན་མྱི་འདོགས་པ་དང་། རྒྱུན་ཏུ་ཞུགས་པའི་འབྲས་བུས་གཞན་ལ་ཕན་མྱི་འདོགས་པ་དང་། ལན་ཅིག་
ཕྱིར་འོང་བའི་འབྲས་བུས་གཞན་ལ་ཕན་མི་འདོགས་པ་དང་། ཕྱིར་མྱི་འོང་བའི་འབྲས་བུས་གཞན་ལ་ཕན་མྱི་འདོགས་པ་དང་། དགྲ་བཅོམ་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། རང་བྱང་ཆུབ་ཀྱིས་གཞན་ལ་ཕན་མྱི་འདོགས་པ་དང་།
ལམ་གྱི་རྣམ་པ་ཤེས་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱིས་གཞན་ལ་ཕན་མྱི་འདོགས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་མཐུན་པར་མྱི་སྤྱོད། བསམ་གཏན་གྱི་ཕ་རོལ་ཏུ་ཕྱིན་པ་དང་
མཐུན་པར་མྱི་སྤྱོད། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་མཐུན་པར་མྱི་སྤྱོད། བཟོད་པའི་ཕ་རོལ་ཏུ་ཕྱིན་པ་དང་མཐུན་པར་མྱི་སྤྱོད། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་མཐུན་པར་མྱི་སྤྱོད། སྦྱིན་པའི་ཕ་རོལ་ཏུ་ཕྱིན་པ་དང་མཐུན་
เล่ม ๒๒ · หน้า 241b
པར་མྱི་སྤྱོད། ནང་སྟོང་པ་ཉིད་དང་མཐུན་པར་མྱི་སྤྱོད། ཕྱི་སྟོང་པ་ཉིད་དང་མཐུན་པར་མྱི་སྤྱོད། ཕྱི་ནང་སྟོང་པ་ཉིད་དང་མཐུན་པར་མྱི་སྤྱོད། སྟོང་པ་ཉིད་སྟོང་པ་ཉིད་དང་མཐུན་པར་མྱི་སྤྱོད། ཆེན་པོ་སྟོང་པ་ཉིད་དང་མཐུན་པར་མྱི་སྤྱོད། དོན་
དམ་པ་སྟོང་པ་ཉིད་དང་མཐུན་པར་མྱི་སྤྱོད། འདུས་བྱས་སྟོང་པ་ཉིད་དང་མཐུན་པར་མྱི་སྤྱོད། འདུས་མ་བྱས་སྟོང་པ་ཉིད་དང་མཐུན་པར་མྱི་སྤྱོད། མཐའ་ལས་འདས་པ་སྟོང་པ་ཉིད་དང་མཐུན་པར་མྱི་སྤྱོད། ཐོག་མ་དང་ཐ་མ་མྱེད་པ་སྟོང་པ་ཉིད་
དང་མཐུན་པར་མྱི་སྤྱོད། དོར་བ་མྱེད་པ་སྟོང་པ་ཉིད་དང་མཐུན་པར་མྱི་སྤྱོད། རང་བཞིན་སྟོང་པ་ཉིད་དང་མཐུན་པར་མྱི་སྤྱོད། ཆོས་ཐམས་ཅད་སྟོང་པ་ཉིད་དང་མཐུན་པར་མྱི་སྤྱོད། རང་གི་མཚན་ཉིད་སྟོང་པ་ཉིད་དང་མཐུན་པར་མྱི་སྤྱོད། མྱི་
དམྱིགས་པ་སྟོང་པ་ཉིད་དང་མཐུན་པར་མྱི་སྤྱོད། དངོས་པོ་མྱེད་པ་སྟོང་པ་ཉིད་དང་མཐུན་པར་མྱི་སྤྱོད། ངོ་བོ་ཉིད་སྟོང་པ་ཉིད་དང་མཐུན་པར་མྱི་སྤྱོད། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་དང་མཐུན་པར་མྱི་སྤྱོད། དྲན་པ་ཉེ་བར་གཞག་པ་
རྣམས་དང་མཐུན་པར་མྱི་སྤྱོད། ཡང་དག་པར་སྤོང་བ་རྣམས་དང་མཐུན་པར་མྱི་སྤྱོད། རྫུ་འཕྲུལ་གྱི་རྐང་པ་རྣམས་དང་མཐུན་པར་མྱི་སྤྱོད། དབང་པོ་རྣམས་དང་མཐུན་པར་མཐུན་པར་མྱི་སྤྱོད། སྟོབས་རྣམས་དང་མཐུན་པར་མྱི་སྤྱོད། བྱང་ཆུབ་ཀྱི་
ཡན་ལག་རྣམས་དང་མཐུན་པར་མྱི་སྤྱོད། འཕགས་པའི་ལམ་ཡན་ལག་བརྒྱད་པ་དང་མཐུན་པར་མྱི་སྤྱོད། འཕགས་པའི་བདེན་པ་རྣམས་དང་མཐུན་པར་མྱི་སྤྱོད། བསམ་གཏན་རྣམས་དང་མཐུན་པར་མྱི་སྤྱོད། ཚད་མྱེད་པ་རྣམས་དང་
མཐུན་པར་མི་སྤྱོད། གཟུགས་མྱེད་པའི་སྙོམས་པར་འཇུག་པ་རྣམས་དང་མཐུན་པར་མྱི་སྤྱོད། རྣམ་པར་ཐར་པ་བརྒྱད་དང་མཐུན་པར་མྱི་སྤྱོད། མཐར་ཀྱིས་གནས་པའི་སྙོམས་པར་འཇུག་པ་དགུ་དང་མཐུན་པར་མྱི་སྤྱོད། རྣམ་པར་
เล่ม ๒๒ · หน้า 242a
ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་དང་མཐུན་པར་མི་སྤྱོད། མངོན་པར་ཤེས་པ་རྣམས་དང་མཐུན་པར་མྱི་སྤྱོད། ཏིང་ངེ་འཛིན་རྣམས་དང་མཐུན་པར་མྱི་སྤྱོད། གཟུངས་ཀྱི་སྒོ་
རྣམས་དང་མཐུན་པར་མྱི་སྤྱོད། དེ་བཞིན་གཤེགས་པའི་སྟོབས་བཅུ་དང་མཐུན་པར་མྱི་སྤྱོད། མྱི་འཇིགས་པ་བཞི་དང་མཐུན་པར་མྱི་སྤྱོད། སོ་སོ་ཡང་དག་པར་རིག་པ་བཞི་དང་མཐུན་པར་མྱི་སྤྱོད། སྙིང་རྗེ་ཆེན་པོ་དང་མཐུན་པར་མྱི་
སྤྱོད། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་དང་མཐུན་པར་མྱི་སྤྱོད། རྒྱུན་ཏུ་ཞུགས་པའི་འབྲས་བུ་དང་མཐུན་པར་མྱི་སྤྱོད། ལན་ཅིག་ཕྱིར་འོང་བའི་འབྲས་བུ་དང་མཐུན་པར་མྱི་སྤྱོད། ཕྱིར་མྱི་འོང་བའི་འབྲས་བུ་དང་མཐུན་
པར་མྱི་སྤྱོད། དགྲ་བཅོམ་པ་ཉིད་དང་མཐུན་པར་མྱི་སྤྱོད། རང་བྱང་ཆུབ་དང་མཐུན་པར་མྱི་སྤྱོད། ལམ་གྱི་རྣམ་པ་ཤེས་པ་ཉིད་དང་མཐུན་པར་མྱི་སྤྱོད། རྣམ་པ་ཐམས་ཅད་མཁྱེན་པ་ཉིད་དང་མཐུན་པར་མྱི་སྤྱོད་ན། དེ་ནི་
གནས་གཉིས་དང་། ས་གཉིས་པོ་ལས་ས་གཅིག་ལ་གནས་པར་འགྱུར་ཏེ། དེ་ནི་འདི་ལྟར་ཉན་ཐོས་ཀྱིས་འམ། རང་སངས་རྒྱས་ཀྱི་ས་འོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་རིགས་ཀྱི་བུ་འམ་རིགས་ཀྱི་བུ་མོ་དེ་དག་གིས་
སྔོན་གྱི་མཐར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་མ་བྲིས་མ་བསྟན། ཁ་ཏོན་དུ་མ་བྱས། ཚུལ་བཞིན་དུ་ཡིད་ལ་མ་བྱས་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ཀྱང་ཕ་རོལ་ལ་ཕན་མ་བཏགས། བྱང་ཆུབ་སེམས་དཔའི་ཐེག་པ་
པའི་རིགས་ཀྱི་བུ་འམ་རིགས་ཀྱི་བུ་མོ་དེ་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་མཐུན་པར་མ་སྤྱོད་པས། དེའི་ཕྱིར་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་འམ་རིགས་ཀྱི་བུ་མོ་དེས་གནས་གཉིས་དང་། ས་གཉིས་པོ་དེ་
เล่ม ๒๒ · หน้า 242b
ལས་གཅིག་ལ་གནས་པར་འགྱུར་བར་རིག་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་ལས། ལེའུ་སུམ་ཅུ་བཞིའོ།། །།རབ་འབྱོར་འདི་ལྟ་སྟེ། དཔེར་ན། རྒྱ་མཚོའི་དབུས་སུ་གྲུ་
ཞིག་ལ་མྱི་རྣམས་ཤིང་ངམ། ཤིང་དུམ་མམ། ཤིང་ལེབ་བམ། རྐྱལ་པའམ། རོ་ལ་མྱི་འཇུ་མྱི་འཛིན་ན། རབ་འབྱོར་མྱི་དེ་དག་ནི་རྒྱ་མཚོ་ཆེན་པོའི་ཕ་རོལ་གྱི་འགྲམ་དུ་མ་ཕྱིན་པར་དུས་བྱེད་པར་རིག་པར་བྱའོ། །རབ་འབྱོར་མྱི་
གང་རྒྱ་མཚོའི་དབུས་སུ་གྲུ་ཞིག་པའི་ཚེ། ཤིང་ངམ་ཤིང་དུམ་མམ། ཤིང་ལེབ་བམ། རྐྱལ་པ་འམ། རོ་ལ་འཇུ་ཞིང་འཛིན་པ་དེ་དག་ནི་རྒྱ་མཚོར་དུས་བྱེད་པར་མྱི་འགྱུར་ཏེ། བདེ་ཞིང་ཉམ་ཉེས་མྱེད་པར་རྒྱ་མཚོ་ཆེན་པོ་ནས་ཕ་རོལ་
གྱི་འགྲམ་དུ་ཕྱིན་པར་འགྱུར་ཏེ། མ་ཉེས་མཉམས་པར་ཐང་ལ་ཕྱིན་པར་འགྱུར་རོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའི་ཐེག་པ་པའི་རིགས་བུ་དང་རིགས་ཀྱི་བུ་མོ་དད་པ་ཙམ་དང་དགའ་བཅོམ་དང་། མོས་པ་ཙམ་དང་ལྡན་
པ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་མི་འདྲི་མྱི་སྟོན་ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་
ཅིང་མྱི་རྟེན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། བཟོད་པའི་ཕ་རོལ་ཏུ་ཕྱིན་པ་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་
མྱི་བྱེད་ཅིང་མྱི་རྟེན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་། མྱི་རྟེན་པ་དང་། སྦྱིན་པའི་ཕ་རོལ་ཏུ་ཕྱིན་པ་མྱི་འདྲི་མྱི་སྟོན། ཁ་ཏོན་དུ་མྱི་བྱེད་ཚུལ་
เล่ม ๒๒ · หน้า 243a
བཞིན་དུ་ཡིད་ལ་མྱི་བྱེད་ཅིང་མི་རྟེན་པ་དང་། ནང་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། ཕྱི་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་
ཡིད་ལ་མྱི་བྱེད་ཅིང་མྱི་རྟེན་པ་དང་། ཕྱི་ནང་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། སྟོང་པ་ཉིད་སྟོང་པ་ཉིད་མི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་
བྱེད་ཅིང་མྱི་རྟེན་པ་དང་། ཆེན་པོ་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། དོན་དམ་པ་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་
རྟེན་པ་དང་། འདུས་བྱས་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། འདུས་མ་བྱས་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་
མཐའ་ལས་འདས་པ་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། ཐོག་མ་དང་ཐ་མ་མྱེད་པ་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་
རྟེན་པ་དང་། དོར་བ་མྱེད་པ་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། རང་བཞིན་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་
དང་། ཆོས་ཐམས་ཅད་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། རང་གི་མཚན་ཉིད་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་
เล่ม ๒๒ · หน้า 243b
དང་། མྱི་དམྱིགས་པ་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མི་བྱེད་ཅིང་མྱི་རྟེན་པ་དང་། དངོས་པོ་མྱེད་པ་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་། མྱི་རྟེན་པ་དང་།
ངོ་བོ་ཉིད་སྟོང་པ་ཉིད་མི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་། མྱི་རྟེན་པ་དང་།
དྲན་པ་ཉེ་བར་གཞག་པ་རྣམས་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། ཡང་དག་པར་སྤོང་བ་རྣམས་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་།
རྫུ་འཕྲུལ་གྱི་རྐང་པ་རྣམས་མི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། དབང་པོ་རྣམས་མྱི་འདྲི་མྱི་སྟོན་ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། སྟོབས་རྣམས་མྱི་འདྲི་
མྱི་སྟོན་ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། བྱང་ཆུབ་ཀྱི་ཡན་ལག་རྣམས་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། འཕགས་པའི་ལམ་ཡན་ལག་བརྒྱད་པ་མྱི་
འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། འཕགས་པའི་བདེན་པ་རྣམས་མྱི་འདྲི་མྱི་སྟོན། ཁ་ཏོན་དུ་མྱི་བྱེད་ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། བསམ་གཏན་རྣམས་མྱི་
འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། ཚད་མྱེད་པ་རྣམས་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། གཟུགས་མྱེད་པའི་སྙོམས་པར་
เล่ม ๒๒ · หน้า 244a
འཇུག་པ་རྣམས་མྱི་འདྲི་མྱི་སྟོན། ཁ་ཏོན་དུ་མྱི་བྱེད་ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། རྣམ་པར་ཐར་པ་བརྒྱད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། མཐར་
ཀྱིས་གནས་པའི་སྙོམས་པར་འཇུག་པ་དགུ་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་མྱི་འདྲི་མྱི་སྟོན། ཁ་ཏོན་དུ་མྱི་
བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། མངོན་པར་ཤེས་པ་རྣམས་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་། མྱི་རྟེན་པ་དང་། ཏིང་ངེ་འཛིན་རྣམས་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་
བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། གཟུངས་ཀྱི་སྒོ་རྣམས་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། དེ་བཞིན་གཤེགས་པའི་སྟོབས་བཅུ་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་
ཡིད་ལ་མྱི་བྱེད་ཅིང་མྱི་རྟེན་པ་དང་། མྱི་འཇིགས་པ་བཞི་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། སོ་སོ་ཡང་དག་པར་རིག་པ་བཞི་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་
མྱི་རྟེན་པ་དང་། བྱམས་པ་ཆེན་པོ་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་། མྱི་རྟེན་པ་དང་། སྙིང་རྗེ་ཆེན་པོ་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། སངས་
རྒྱས་ཀྱི་ཆོས་མ་འདྲེས་པ་བཅོ་བརྒྱད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་། མྱི་རྟེན་པ་དང་། ཐམས་ཅད་ཤེས་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་།
เล่ม ๒๒ · หน้า 244b
ལམ་གྱི་རྣམ་པ་ཤེས་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དང་། རྣམ་པ་ཐམས་ཅད་མཁྱེན་པ་ཉིད་མྱི་འདྲི་མྱི་སྟོན། ཁ་ཏོན་དུ་མྱི་བྱེད། ཚུལ་བཞིན་དུ་ཡིད་ལ་མྱི་བྱེད་ཅིང་མྱི་རྟེན་པ་དེ་དག་ནི་བར་མ་
དོར་བྱང་ཆུབ་ལས་ཉམས་པར་འགྱུར་ཏེ། རྣམ་པ་ཐམས་ཅད་མཁྱེན་པ་ཉིད་མ་ཐོབ་པར་ཉན་ཐོས་ཀྱི་ས་འམ། རང་སངས་རྒྱས་ཀྱིས་མངོན་དུ་བྱེད་པར་འགྱུར། རབ་འབྱོར་གང་ཟག་བྱང་ཆུབ་སེམས་དཔའི་ཐེག་པ་པ་གང་བླ་ན་མྱེད་པ་ཡང་དག་
པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བའི་དོན་དུ་དད་པ་ཡོད་ཅིང་། བཟོད་པ་དང་མོས་པ་དང་། ལྷག་པའི་བསམ་པ་དང་། དགའ་བ་དང་། སྤྲོ་བ་དང་། མྱི་གཏོང་བ་ཡོད་ཅིང་། བརྩོན་འགྲུས་མི་འདོར་བ་དེ་དག་ནི་ཤེས་
རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འདྲིའོ། །ལུང་འབོག་གོ །ཁ་ཏོན་བྱེད་དོ། །ཚུལ་བཞིན་དུ་ཡིད་ལ་བྱེད་དོ། །རྟེན་པར་བྱེད་དོ། །དེ་ལྟར་ན་རིགས་ཀྱི་བུ་འམ་རིགས་ཀྱི་བུ་མོ་དེ་དག་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་
དད་པ་ཡོད། བཟོད་པ་ཡོད། མོས་པ་ཡོད། ལྷག་པའི་བསམ་པ་ཡོད། དགའ་བ་ཡོད། སྤྲོ་བ་ཡོད། མྱི་གཏོང་བ་ཡོད། བརྩོན་འགྲུས་མྱི་འདོར་བ་ཡོད་པ་ཡིན་ཏེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པས།
ཡོངས་སུ་བཟུང་བ་དང་། བསམ་གཏན་གྱི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང་། བཟོད་པའི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང་། ཚུལ་ཁྲིམས་
ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང་། སྦྱིན་པའི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང་། ནང་སྟོང་པ་ཉིད་ཀྱིས་ཡོངས་སུ་བཟུང་བ་དང་། ཕྱི་སྟོང་པ་ཉིད་ཀྱིས་ཡོངས་སུ་བཟུང་བ་དང་། ཕྱི་ནང་སྟོང་པ་ཉིད་ཀྱིས་ཡོངས་
เล่ม ๒๒ · หน้า 245a
སུ་བཟུང་བ་དང་། སྟོང་པ་ཉིད་སྟོང་པ་ཉིད་ཀྱིས་ཡོངས་སུ་བཟུང་བ་དང་། ཆེན་པོ་སྟོང་པ་ཉིད་ཀྱིས་ཡོངས་སུ་བཟུང་བ་དང་། དོན་དམ་པ་སྟོང་པ་ཉིད་ཀྱིས་ཡོངས་སུ་བཟུང་བ་དང་། འདུས་བྱས་སྟོང་པ་ཉིད་
ཀྱིས་ཡོངས་སུ་བཟུང་བ་དང་། འདུས་མ་བྱས་སྟོང་པ་ཉིད་ཀྱིས་ཡོངས་སུ་བཟུང་བ་དང་། མཐའ་ལས་འདས་པ་སྟོང་པ་ཉིད་ཀྱིས་ཡོངས་སུ་བཟུང་བ་དང་། ཐོག་མ་དང་ཐ་མ་མྱེད་པ་སྟོང་པ་ཉིད་ཀྱིས་ཡོངས་སུ་བཟུང་བ་དང་།
དོར་བ་མྱེད་པ་སྟོང་པ་ཉིད་ཀྱིས་ཡོངས་སུ་བཟུང་བ་དང་། རང་བཞིན་སྟོང་པ་ཉིད་ཀྱིས་ཡོངས་སུ་བཟུང་བ་དང་། ཆོས་ཐམས་ཅད་སྟོང་པ་ཉིད་ཀྱིས་ཡོངས་སུ་བཟུང་བ་དང་། རང་གི་མཚན་ཉིད་སྟོང་པ་ཉིད་ཀྱིས་ཡོངས་སུ་བཟུང་བ་དང་། མྱི་
དམྱིགས་པ་སྟོང་པ་ཉིད་ཀྱིས་ཡོངས་སུ་བཟུང་བ་དང་། དངོས་པོ་མྱེད་པ་སྟོང་པ་ཉིད་ཀྱིས་ཡོངས་སུ་བཟུང་བ་དང་། ངོ་བོ་ཉིད་སྟོང་པ་ཉིད་ཀྱིས་ཡོངས་སུ་བཟུང་བ་དང་། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱིས་ཡོངས་སུ་བཟུང་བ་དང་། དྲན་
པ་ཉེ་བར་གཞག་པས་ཡོངས་སུ་བཟུང་བ་དང་། ཡང་དག་པར་སྤོང་བས་ཡོངས་སུ་བཟུང་བ་དང་། རྫུ་འཕྲུལ་གྱི་རྐང་པས་ཡོངས་སུ་བཟུང་བ་དང་། དབང་པོས་ཡོངས་སུ་བཟུང་བ་དང་། སྟོབས་ཀྱིས་ཡོངས་སུ་བཟུང་བ་དང་། བྱང་
ཆུབ་ཀྱི་ཡན་ལག་གིས་ཡོངས་སུ་བཟུང་བ་དང་། འཕགས་པའི་ལམ་ཡན་ལག་བརྒྱད་པས་ཡོངས་སུ་བཟུང་བ་དང་། འཕགས་པའི་བདེན་པས་ཡོངས་སུ་བཟུང་བ་དང་། བསམ་གཏན་གྱིས་ཡོངས་སུ་བཟུང་བ་དང་། ཚད་མྱེད་པས་
ཡོངས་སུ་བཟུང་བ་དང་། གཟུགས་མྱེད་པའི་སྙོམས་པར་འཇུག་པས་ཡོངས་སུ་བཟུང་བ་དང་། རྣམ་པར་ཐར་པ་བརྒྱད་ཀྱིས་ཡོངས་སུ་བཟུང་བ་དང་། མཐར་ཀྱིས་གནས་པའི་སྙོམས་པར་འཇུག་པ་དགུས་ཡོངས་སུ་བཟུང་བ་དང་།
ที่มาและสัญญาอนุญาต
ตัวบท: e-text กังยูร์ฉบับเดเกของ Esukhia (Esukhia/derge-kangyur · commit a582cf47) · สาธารณสมบัติ
สัญญาอนุญาต Public Domain · หลักฐาน
README ของ Esukhia/derge-kangyur ที่ commit a582cf471b7c (เปิดอ่านแล้ว ๓ ต.ค. ๒๕๖๙): "This work is a mechanical reproduction of a Public Domain work, and as such is also in the Public Domain." · สำเนาคำต่อคำ: data/kangyur-src/SOURCE-README.md
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
- หน้านี้แสดงคำอ่านตามแผ่นไม้ — เครื่องหมายบรรณาธิการของ Esukhia ({เดิม,ปรับ} · (ผิด?,เสนอ) · […] · #) เก็บครบอยู่ในข้อมูล
- ตัวบทภาษาทิเบตยังไม่อยู่ในการค้นหาของคลัง — ตัวตัดคำที่มีตัดสระของอักษรทิเบตทิ้ง จึงให้ผลที่ผิด