ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ
ชื่อสันสกฤต (อักษรทิเบต ตามตัวบท) ཤཏ་སཱཧ་སྲི་ཀ་པྲད་ཉཱ་པཱར་མི་ཏཱ
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
เล่ม ๒๔ · หน้า 238a
རིག་པ་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །འདུ་བྱེད་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་
པོའི་སྤྲོས་པའོ། །རྣམ་པར་ཤེས་པ་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །མྱིང་དང་གཟུགས་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་དཔའ་
ཆེན་པོའི་སྤྲོས་པའོ། །སྐྱེ་མཆེད་དྲུག་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རེག་པ་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་
དཔའ་ཆེན་པོའི་སྤྲོས་པའོ། །ཚོར་བ་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སྲེད་པ་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་
དཔའ་ཆེན་པོའི་སྤྲོས་པའོ། །ལེན་པ་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སྲིད་པ་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་
དཔའ་ཆེན་པོའི་སྤྲོས་པའོ། །སྐྱེ་བ་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རྒ་ཤི་བདག་ཅེས་བྱ་བ་འམ། བདག་མྱེད་ཅེས་བྱ་བ་ནི་བྱང་ཆུབ་སེམས་དཔའ་སེམས་
དཔའ་ཆེན་པོའི་སྤྲོས་པའོ། །མ་རིག་པ་ཞི་ཞེས་བྱ་བ་འམ། མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །འདུ་བྱེད་ཞི་ཞེས་བྱ་བ་འམ། མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་
เล่ม ๒๔ · หน้า 238b
དཔའ་ཆེན་པོའི་སྤྲོས་པའོ། །རྣམ་པར་ཤེས་པ་ཞི་ཞེས་བྱ་བ་འམ། མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །མྱིང་དང་གཟུགས་ཞི་ཞེས་བྱ་བ་འམ། མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་
ཆེན་པོའི་སྤྲོས་པའོ། །སྐྱེ་མཆེད་དྲུག་ཞི་ཞེས་བྱ་བ་འམ། །མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རེག་པ་ཞི་ཞེས་བྱ་བ་འམ། མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་
པའོ། །ཚོར་བ་ཞི་ཞེས་བྱ་བ་འམ། མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སྲེད་པ་ཞི་ཞེས་བྱ་བ་འམ། མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ལེན་པ་ཞི་ཞེས་བྱ་བ་
འམ། མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སྲིད་པ་ཞི་ཞེས་བྱ་བ་འམ། མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སྐྱེ་བ་ཞི་ཞེས་བྱ་བ་འམ། མ་ཞི་ཞེས་བྱ་བ་
ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རྒ་ཤི་ཞི་ཞེས་བྱ་བ་འམ། མ་ཞི་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །མ་རིག་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་
མ་ཡིན་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །འདུ་བྱེད་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རྣམ་
པར་ཤེས་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །མྱིང་དང་གཟུགས་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་
เล่ม ๒๔ · หน้า 239a
ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སྐྱེ་མཆེད་དྲུག་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་
པའོ། །རེག་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ཚོར་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བ་ནི་
བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སྲེད་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ལེན་པ་ཡོངས་སུ་ཤེས་པར་བྱ་བ་དང་། ཡོངས་
སུ་ཤེས་པར་བྱ་བ་མ་ཡིན་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སྲིད་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །
སྐྱེ་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རྒ་ཤི་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བ་ནི་བྱང་ཆུབ་
སེམས་དཔའ་སེམས་དཔའ་ཆེན་པོའི་སྤྲོས་པའོ། །སྡུག་བསྔལ་ཡོངས་སུ་ཤེས་པར་བྱའོ་ཞེས་བྱ་བ་ནི། །བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ཀུན་འབྱུང་བ་སྤོང་བར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་
སེམས་དཔའ་ཆེན་པོའི་སྤྲོས་པའོ། །འགོག་པ་མངོན་དུ་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ལམ་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །
เล่ม ๒๔ · หน้า 239b
སྦྱིན་པའི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །
བཟོད་པའི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་
པའོ། །བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ཤེས་རབ་ཀྱི་ཕ་རོལད་ཏུ་ཕྱིནད་པ་ལ་སྤྱད་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་
ཆེན་པོའི་སྤྲོས་པའོ། །ནང་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ཕྱི་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །
ཕྱི་ནང་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སྟོང་པ་ཉིད་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ཆེན་པོ་
སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །དོན་དམ་པ་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །འདུས་བྱས་
སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །འདུས་མ་བྱས་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །མཐའ་ལས་འདས་
เล่ม ๒๔ · หน้า 240a
པ་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ཐོག་མ་དང་ཐ་མ་མྱེད་པ་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་
སྤྲོས་པའོ། །དོར་བ་མྱེད་པ་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རང་བཞིན་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་
སྤྲོས་པའོ། །ཆོས་ཐམས་ཅད་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རང་གི་མཚན་ཉིད་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་
ཆེན་པོའི་སྤྲོས་པའོ། །མི་དམིགས་པ་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །དངོས་པོ་མྱེད་པ་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་
སེམས་དཔའ་ཆེན་པོའི་སྤྲོས་པའོ། །ངོ་བོ་ཉིད་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་
སེམས་དཔའ་ཆེན་པོའི་སྤྲོས་པའོ། །དྲན་པ་ཉེ་བར་གཞག་པ་བཞི་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ཡང་དག་པར་སྤོང་བ་བཞི་བསྒོམ་པར་བྱའོ་ཞེས་བྱ་བ་ནི། བྱང་
ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རྫུ་འཕྲུལ་གྱི་རྐང་པ་བཞི་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །དབང་པོ་ལྔ་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་
เล่ม ๒๔ · หน้า 240b
དཔའ་སེམས་དཔའ་ཆེན་པོའི་སྤྲོས་པའོ། །སྟོབས་ལྔ་བསྒོམ་པར་བྱའོ་ཞེས་བྱ་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །བྱང་ཆུབ་ཀྱི་ཡན་ལག་བདུན་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་
ཆེན་པོའི་སྤྲོས་པའོ། །འཕགས་པའི་ལམ་ཡན་ལག་བརྒྱད་པ་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །འཕགས་པའི་བདེན་པ་བཞི་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་
དཔའ་སེམས་དཔའ་ཆེན་པོའི་སྤྲོས་པའོ། །བསམ་གཏན་བཞི་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ཚད་མྱེད་པ་བཞི་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་
སེམས་དཔའ་ཆེན་པོའི་སྤྲོས་པའོ། །གཟུགས་མྱེད་པའི་སྙོམས་པར་འཇུག་པ་བཞི་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རྣམ་པར་ཐར་པ་བརྒྱད་བསྒོམ་པར་བྱའོ་ཞེས་བྱ་བ་ནི། བྱང་
ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །མཐར་ཀྱིས་གནས་པའི་སྙོམས་པར་འཇུག་པ་དགུ་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རྣམ་པར་ཐར་པའི་སྒོ་སྟོང་
པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །མངོན་པར་ཤེས་པ་རྣམས་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་
དཔའ་སེམས་དཔའ་ཆེན་པོའི་སྤྲོས་པའོ། །ཏིང་ངེ་འཛིན་རྣམས་བསྒོམ་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །གཟུངས་ཀྱི་སྒོ་རྣམས་བསྒོམ་པར་བྱའོ་ཞེས་བྱ་བ་ནི། བྱང་ཆུབ་
เล่ม ๒๔ · หน้า 241a
སེམས་དཔའ་སེམས་དཔའ་ཆེན་པོའི་སྤྲོས་པའོ། །རྒྱུན་ཏུ་ཞུགས་པའི་འབྲས་བུ་ཤེས་པ་དང་། མཐོང་བས་བལྟས་ཏེ། དེ་ལས་འདའ་བར་བྱའོ་ཞེས་བྱུ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །
ལན་ཅིག་ཕྱིར་འོང་བའི་འབྲས་བུ་ཤེས་པ་དང་། མཐོང་བས་བལྟས་ཏེ། དེ་ལས་འདའ་བར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །ཕྱིར་མྱི་འོང་བའི་འབྲས་བུ་ཤེས་པ་དང་། མཐོང་བས་བལྟས་ཏེ། དེ་ལས་
འདའ་བར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །དགྲ་བཅོམ་པ་ཉིད་ཤེས་པ་དང་། མཐོང་བས་བལྟས་ཏེ། དེ་ལས་འདའ་བར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་
པའོ། །རང་བྱང་ཆུབ་ཤེས་པ་དང་། མཐོང་བས་བལྟས་ཏེ། དེ་ལས་འདའ་བར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །བྱང་ཆུབ་སེམས་དཔའི་ས་བཅུ་ཡོངས་སུ་རྫོགས་པར་བྱའོ་ཞེས་བྱ་བ་ནི། བྱང་ཆུབ་
སེམས་དཔའ་སེམས་དཔའ་ཆེན་པོའི་སྤྲོས་པའོ། །བྱང་ཆུབ་སེམས་དཔའི་སྐྱོན་མྱེད་པར་འཇུག་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སངས་རྒྱས་ཀྱི་ཞིང་ཡོངས་སུ་དག་པར་བྱའོ་ཞེས་བྱ་བ་ནི།
བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སེམས་ཅན་རྣམས་ཡོངས་སུ་སྨྱིན་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །དེ་བཞིན་གཤེགས་པའི་སྟོབས་བཅུ་བསྐྱེད་པར་བྱའོ་ཞེས་བྱ་བ་ནི།
བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །མྱི་འཇིགས་པ་བཞི་བསྐྱེད་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སོ་སོ་ཡང་དག་པར་རིག་པ་བཞི་བསྐྱེད་པར་བྱའོ་ཞེས་བྱ་བ་ནི།
เล่ม ๒๔ · หน้า 241b
བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །བྱམས་པ་ཆེན་པོ་བསྐྱེད་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །སྙིང་རྗེ་ཆེན་པོ་བསྐྱེད་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་
སེམས་དཔའ་ཆེན་པོའི་སྤྲོས་པའོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་བསྐྱེད་པར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །རྣམ་པ་ཐམས་ཅད་མཁྱེན་པ་ཉིད་ཐོབ་པར་བྱའོ་ཞེས་བྱ་བ་ནི།
བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ། །བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤང་བར་བྱའོ་ཞེས་བྱ་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྲོས་པའོ།། །།ཤེས་
རབ་ཀྱི་ཕ་རོལད་ཏུ་ཕྱིནད་པ་སྟོང་ཕྲག་བརྒྱ་པ། བམ་པོ་བཅོ་ལྔ་པ། །དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལད་ཏུ་ཕྱིནད་པ་ལ་སྤྱོད་པའི་ཚེ། གཟུགས་རྟག་པ་དང་། མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་
མྱི་བྱེད་དོ། །ཚོར་བ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་ཤེས་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་བྱེད་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་
པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །གཟུགས་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཚོར་བ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་ཤེས་བདེ་བ་དང་སྡུག་
བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་བྱེད་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །གཟུགས་བདག་དང་བདག་
เล่ม ๒๔ · หน้า 242a
མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཚོར་བ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་ཤེས་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་བྱེད་བདག་དང་བདག་མྱེད་
ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །གཟུགས་ཞི་བ་དང་མ་ཞི་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཚོར་བ་ཞི་བ་དང་མ་ཞི་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །
འདུ་ཤེས་ཞི་བ་དང་མ་ཞི་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་བྱེད་ཞི་བ་དང་མ་ཞི་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པ་ཞི་བ་དང་མ་ཞི་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །གཟུགས་ཡོངས་སུ་ཤེས་པར་བྱ་བ་
དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཚོར་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་ཤེས་ཡོངས་སུ་ཤེས་པར་བྱ་བ་དང་།
ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མི་བྱེད་དོ། །འདུ་བྱེད་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པ་ཡོངས་སུ་ཤེས་པར་བྱ་བ་དང་།
ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མི་བྱེད་དོ། །མྱིག་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་
བ་འཕྲོ་བར་མྱི་བྱེད་དོ། །ལྕེ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་བདེ་བ་
เล่ม ๒๔ · หน้า 242b
དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེ་བདེ་བ་དང་སྡུག་བསྔལ་ཞེས་བྱ་བར་
མི་སྤྲོ་བ་འཕྲོ་བར་མྱི་བྱེད་དོ། །ལུས་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་
མྱི་བྱེད་དོ། །རྣ་བ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་བདག་དང་
བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་
དོ། །སྣ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མི་བྱེད་དོ། །ལྕེ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་
མྱི་བྱེད་དོ། །མྱིག་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མི་བྱེད་དོ། །རྣ་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །
སྣ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཡོངས་སུ་
เล่ม ๒๔ · หน้า 243a
ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །གཟུགས་
རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྒྲ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དྲི་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རོ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་
དོ། །རེག་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཆོས་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །གཟུགས་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྒྲ་བདེ་བ་དང་སྡུག་བསྔལ་ཞེས་
བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དྲི་བདེ་བ་དང་སྡུག་བསྔལ་ཞིས་བྱ་བར་མི་སྤྲོ་བ་འཕྲོ་བར་མྱི་བྱེད་དོ། །རོ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རེག་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་
དོ། །ཆོས་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །གཟུགས་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྒྲ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དྲི་བདག་དང་བདག་མྱེད་ཅེས་
བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རོ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རེག་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཆོས་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །
གཟུགས་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྒྲ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དྲི་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རོ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་
เล่ม ๒๔ · หน้า 243b
བྱེད་དོ། །རེག་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཆོས་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །གཟུགས་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་
འཕྲོ་བར་མྱི་བྱེད་དོ། །སྒྲ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དྲི་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་
དོ། །རོ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རེག་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཆོས་ཡོངས་སུ་
ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་རྣམ་པར་ཤེས་པ་རྟག་པ་དང་། མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་རྣམ་པར་ཤེས་པ་རྟག་པ་དང་། མྱི་རྟག་ཅེས་བྱ་བར་
མི་སྤྲོ་བ་འཕྲོ་བར་མྱི་བྱེད་དོ། །སྣའི་རྣམ་པར་ཤེས་པ་རྟག་པ་དང་། མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་རྣམ་པར་ཤེས་པ་རྟག་པ་དང་། མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་རྣམ་པར་ཤེས་པ་རྟག་པ་དང་།
མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་རྣམ་པར་ཤེས་པ་རྟག་པ་དང་། མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་རྣམ་པར་ཤེས་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་རྣམ་
པར་ཤེས་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་རྣམ་པར་ཤེས་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་རྣམ་པར་ཤེས་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་
เล่ม ๒๔ · หน้า 244a
དོ། །ལུས་ཀྱི་རྣམ་པར་ཤེས་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་རྣམ་པར་ཤེས་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་རྣམ་པར་ཤེས་པ་བདག་
དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་རྣམ་པར་ཤེས་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་རྣམ་པར་ཤེས་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་
རྣམ་པར་ཤེས་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་རྣམ་པར་ཤེས་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་རྣམ་པར་ཤེས་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་
བར་མྱི་བྱེད་དོ། །མྱིག་གི་རྣམ་པར་ཤེས་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་རྣམ་པར་ཤེས་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་རྣམ་པར་ཤེས་པ་ཞི་བ་དང་མ་ཞི་བ་ཞེས་བྱ་བར་
མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་རྣམ་པར་ཤེས་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་རྣམ་པར་ཤེས་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་རྣམ་པར་ཤེས་པ་ཞི་བ་དང་མ་ཞི་བ་ཞེས་བྱ་
བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་རྣམ་པར་ཤེས་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་རྣམ་པར་ཤེས་པ་ཡོངས་སུ་ཤེས་པར་བྱ་བ་དང་། ཡོངས་སུ་
ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་རྣམ་པར་ཤེས་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་རྣམ་པར་ཤེས་པ་ཡོངས་སུ་
เล่ม ๒๔ · หน้า 244b
ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་རྣམ་པར་ཤེས་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་
རྣམ་པར་ཤེས་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་འདུས་ཏེ་རེག་པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་འདུས་ཏེ་རེག་
པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་འདུས་ཏེ་རེག་པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་འདུས་ཏེ་རེག་པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་
འདུས་ཏེ་རེག་པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་འདུས་ཏེ་རེག་པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་འདུས་ཏེ་རེག་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་
འཕྲོ་བར་མྱི་བྱེད་དོ། །རྣ་བའི་འདུས་ཏེ་རེག་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་འདུས་ཏེ་རེག་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་འདུས་ཏེ་རེག་པ་བདེ་བ་དང་སྡུག་
བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་འདུས་ཏེ་རེག་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་འདུས་ཏེ་རེག་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་
འདུས་ཏེ་རེག་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་འདུས་ཏེ་རེག་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་འདུས་ཏེ་རེག་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་
เล่ม ๒๔ · หน้า 245a
འཕྲོ་བར་མྱི་བྱེད་དོ། །ལྕེའི་འདུས་ཏེ་རེག་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་འདུས་ཏེ་རེག་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་འདུས་ཏེ་
རེག་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་འདུས་ཏེ་རེག་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་འདུས་ཏེ་རེག་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་
འདུས་ཏེ་རེག་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་འདུས་ཏེ་རེག་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་འདུས་ཏེ་རེག་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །
ཡིད་ཀྱི་འདུས་ཏེ་རེག་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་འདུས་ཏེ་རེག་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་འདུས་ཏེ་རེག་པ་ཡོངས་སུ་
ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་འདུས་ཏེ་རེག་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་འདུས་ཏེ་རེག་པ་
ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་འདུས་ཏེ་རེག་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་
ཀྱི་འདུས་ཏེ་རེག་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་འདུས་
เล่ม ๒๔ · หน้า 245b
ཏེ་རེག་པའི་རྐྱེན་ཀྱིས་ཚོར་བ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མི་བྱེད་དོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་རྟག་པ་དང་མྱི་རྟག་
ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བརྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །
མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་འདུས་ཏེ་རེག་པའི་
རྐྱེན་ཀྱིས་ཚོར་བ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་
བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་བདག་དང་བདག་མྱེད་ཅེས་
བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་
བྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་
เล่ม ๒๔ · หน้า 246a
འདུས་ཏེ་རེག་པའི་རྐྱེན་ཀྱིས་ཚོར་བ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་འདུས་ཏེ་རེག་པའི་
རྐྱེན་ཀྱིས་ཚོར་བ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ཞི་བ་དང་མ་ཞི་བ་ཞེས་བྱ་བར་མྱི་
སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིག་གི་འདུས་
ཏེ་རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་
བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་བྱ་བ་དང་།
ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡིད་ཀྱི་འདུས་ཏེ་
རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སའི་ཁམས་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཆུའི་ཁམས་རྟག་པ་དང་མྱི་རྟག་
เล่ม ๒๔ · หน้า 246b
ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱེའི་ཁམས་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རླུང་གི་ཁམས་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ནམ་མཁའི་ཁམས་རྟག་པ་དང་མྱི་རྟག་ཅེས་བྱ་བར་
མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པའི་ཁམས་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སའི་ཁམས་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཆུའི་ཁམས་བདེ་བ་དང་སྡུག་བསྔལ་ཞེས་བྱ་
བར་མྱི་སྤྲོ་བ་འཕྲོ་བར་མྱི་བྱེད་དོ། །མྱེའི་ཁམས་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རླུང་གི་ཁམས་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ནམ་མཁའི་ཁམས་བདེ་བ་དང་སྡུག་བསྔལ་ཞེས་
བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པའི་ཁམས་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སའི་ཁམས་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཆུའི་ཁམས་བདག་དང་བདག་
མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱེའི་ཁམས་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རླུང་གི་ཁམས་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ནམ་མཁའི་ཁམས་བདག་དང་བདག་
མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པའི་ཁམས་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སའི་ཁམས་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཆུའི་ཁམས་ཞི་བ་དང་མ་ཞི་བ་
ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱེའི་ཁམས་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རླུང་གི་ཁམས་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ནམ་མཁའི་ཁམས་ཞི་བ་དང་མ་ཞི་བ་
เล่ม ๒๔ · หน้า 247a
ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པའི་ཁམས་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སའི་ཁམས་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་
འཕྲོ་བར་མྱི་བྱེད་དོ། །ཆུའི་ཁམས་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱེའི་ཁམས་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་
འཕྲོ་བར་མྱི་བྱེད་དོ། །རླུང་གི་ཁམས་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ནམ་མཁའི་ཁམས་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་
སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པའི་ཁམས་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མ་རིག་པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་བྱེད་
རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པ་རྟག་པ་དང་མི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིང་དང་གཟུགས་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྐྱེ་མཆེད་དྲུག་རྟག་པ་དང་
མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རེག་པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཚོར་བ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྲེད་པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་
བྱེད་དོ། །ལེན་པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྲིད་པ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྐྱེ་བ་རྟག་པ་དང་མྱི་རྟག་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྒ་ཤི་རྟག་པ་དང་མྱི་རྟག་
เล่ม ๒๔ · หน้า 247b
ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མ་རིག་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་བྱེད་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པ་བདེ་བ་དང་སྡུག་བསྔལ་ཞེས་བྱ་བར་མྱི་
སྤྲོ་བ་འཕྲོ་བར་མྱི་བྱེད་དོ། །མྱིང་དང་གཟུགས་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྐྱེ་མཆེད་དྲུག་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རེག་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་
བར་མྱི་བྱེད་དོ། །ཚོར་བ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྲེད་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལེན་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །
སྲིད་པ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྐྱེ་བ་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྒ་ཤི་བདེ་བ་དང་སྡུག་བསྔལ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མ་རིག་པ་བདག་དང་
བདག་མྱེད་ཅེས་བྱ་བར་མི་སྤྲོ་བ་འཕྲོ་བར་མྱི་བྱེད་དོ། །འདུ་བྱེད་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིང་དང་གཟུགས་བདག་དང་
བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྐྱེ་མཆེད་དྲུག་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རེག་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཚོར་བ་བདག་དང་བདག་མྱེད་
ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྲེད་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལེན་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྲིད་པ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་
เล่ม ๒๔ · หน้า 248a
བར་མྱི་བྱེད་དོ། །སྐྱེ་བ་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྒ་ཤི་བདག་དང་བདག་མྱེད་ཅེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མ་རིག་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །
འདུ་བྱེད་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིང་དང་གཟུགས་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྐྱེ་མཆེད་དྲུག་ཞི་བ་
དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རེག་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཚོར་བ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྲེད་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་
བྱེད་དོ། །ལེན་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྲིད་པ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྐྱེ་བ་ཞི་བ་དང་མ་ཞི་བ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྒ་ཤི་ཞི་བ་དང་མ་ཞི་བ་ཞེས་
བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མ་རིག་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུ་བྱེད་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་
བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཤེས་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱིང་དང་གཟུགས་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་
བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྐྱེ་མཆེད་དྲུག་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རེག་པ་ཡོངས་སུ་ཤེས་པར་བྱ་བ་དང་། ཡོངས་སུ་
เล่ม ๒๔ · หน้า 248b
ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཚོར་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྲེད་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་
པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ལེན་པ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མི་བྱེད་དོ། །སྲིད་པ་ཡོངས་སུ་ཤེས་པར་བྱ་བ་དང་། ཡོངས་སུ་
ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྐྱེ་བ་ཡོངས་སུ་ཤེས་པར་བྱ་བ་དང་། ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མི་སྤྲོ་བ་འཕྲོ་བར་མྱི་བྱེད་དོ། །རྒ་ཤི་ཡོངས་སུ་ཤེས་པར་བྱ་བ་དང་།
ཡོངས་སུ་ཤེས་པར་བྱ་བ་མ་ཡིན་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྡུག་བསྔལ་འཕགས་པའི་བདེན་པ་ཡོངས་སུ་ཤེས་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཀུན་འབྱུང་བ་སྤང་བར་བྱའོ་ཞེས་བྱ་བར་མྱི་སྤྲོ་བ་འཕྲོ་
བར་མྱི་བྱེད་དོ། །འགོག་པ་མངོན་དུ་བྱའོ་ཞེས་བྱ་བར་མི་སྤྲོ་བ་འཕྲོ་བར་མྱི་བྱེད་དོ། །ལམ་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྦྱིན་པའི་ཕ་རོལད་ཏུ་ཕྱིནད་པ་ལ་སྤྱད་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་
དོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །བཟོད་པའི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་
ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ནང་སྟོང་པ་ཉིད་
เล่ม ๒๔ · หน้า 249a
བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཕྱི་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཕྱི་ནང་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྟོང་
པ་ཉིད་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཆེན་པོ་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དོན་དམ་པ་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །
འདུས་བྱས་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འདུས་མ་བྱས་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མཐའ་ལས་འདས་པ་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་
བར་མྱི་བྱེད་དོ། །ཐོག་མ་དང་ཐ་མ་མྱེད་པ་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དོར་བ་མྱེད་པ་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རང་བཞིན་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་
སྤྲོ་བ་འཕྲོ་བར་མྱི་བྱེད་དོ། །ཆོས་ཐམས་ཅད་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རང་གི་མཚན་ཉིད་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མྱི་དམྱིགས་པ་སྟོང་པ་ཉིད་བསྒོམ་པར་
བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དངོས་པོ་མྱེད་པ་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ངོ་བོ་ཉིད་སྟོང་པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དངོས་པོ་མྱེད་པའི་ངོ་བོ་ཉིད་སྟོང་
པ་ཉིད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དྲན་པ་ཉེ་བར་གཞག་པ་བཞི་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཡང་དག་པར་སྤོང་བ་བཞི་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྫུ་
เล่ม ๒๔ · หน้า 249b
འཕྲུལ་གྱི་རྐང་པ་བཞི་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དབང་པོ་ལྔ་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སྟོབས་ལྔ་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །བྱང་ཆུབ་ཀྱི་ཡན་ལག་
བདུན་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འཕགས་པའི་ལམ་ཡན་ལག་བརྒྱད་པ་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །འཕགས་པའི་བདེན་པ་བཞི་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མི་བྱེད་
དོ། །བསམ་གཏན་བཞི་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཚད་མྱེད་པ་བཞི་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །གཟུགས་མྱེད་པའི་སྙོམས་པར་འཇུག་པ་བཞི་བསྒོམ་པར་བྱའོ་ཞེས་བྱ་བར་མྱི་སྤྲོ་བ་
འཕྲོ་བར་མྱི་བྱེད་དོ། །རྣམ་པར་ཐར་པ་བརྒྱད་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མཐར་ཀྱིས་གནས་པའི་སྙོམས་པར་འཇུག་པ་དགུ་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པར་ཐར་པའི་སྒོ་སྟོང་པ་ཉིད་
དང་། མཚན་མ་མྱེད་པ་དང་། སྨོན་པ་མྱེད་པ་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །མངོན་པར་ཤེས་པ་རྣམས་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཏིང་ངེ་འཛིན་རྣམས་བསྒོམ་པར་བྱའོ་ཞེས་བྱ་བར་
མྱི་སྤྲོ་བ་འཕྲོ་བར་མྱི་བྱེད་དོ། །གཟུངས་ཀྱི་སྒོ་རྣམས་བསྒོམ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྒྱུན་ཏུ་ཞུགས་པའི་འབྲས་བུ་ཤེས་པ་དང་མཐོང་བས་བལྟས་ཏེ། དེ་ལས་འདའ་བར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །
ལན་ཅིག་ཕྱིར་འོང་བའི་འབྲས་བུ་ཤེས་པ་དང་མཐོང་བས་བལྟས་ཏེ། དེ་ལས་འདའ་བར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །ཕྱིར་མྱི་འོང་བའི་འབྲས་བུ་ཤེས་པ་དང་མཐོང་བས་བལྟས་ཏེ་དེ་ལས་འདའ་བར་བྱའོ་ཞེས་བྱ་བར་མྱི་སྤྲོ་བ་
เล่ม ๒๔ · หน้า 250a
འཕྲོ་བར་མྱི་བྱེད་དོ། །དགྲ་བཅོམ་པ་ཉིད་ཤེས་པ་དང་མཐོང་བས་བལྟས་ཏེ། དེ་ལས་འདའ་བར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རང་བྱང་ཆུབ་ཤེས་པ་དང་མཐོང་བས་བལྟས་ཏེ་དེ་ལས་འདའ་བར་བྱའོ་ཞེས་བྱ་
བར་མྱི་སྤྲོ་བ་འཕྲོ་བར་མྱི་བྱེད་དོ། །བྱང་ཆུབ་སེམས་དཔའི་ས་བཅུ་ཡོངས་སུ་རྫོགས་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །བྱང་ཆུབ་སེམས་དཔའི་སྐྱོན་མྱེད་པ་ལ་འཇུག་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སངས་
རྒྱས་ཀྱི་ཞིང་ཡོངས་སུ་དག་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སེམས་ཅན་རྣམས་ཡོངས་སུ་སྨྱིན་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དེ་བཞིན་གཤེགས་པའི་སྟོབས་བཅུ་བསྐྱེད་པར་བྱའོ་ཞེས་བྱ་བར་མྱི་སྤྲོ་བ་འཕྲོ་
བར་མྱི་བྱེད་དོ། །མྱི་འཇིགས་པ་བཞི་བསྐྱེད་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སོ་སོ་ཡང་དག་པར་རིག་པ་བཞི་བསྐྱེད་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །བྱམས་པ་ཆེན་པོ་བསྐྱེད་པར་བྱའོ་ཞེས་བྱ་བར་མྱི་
སྤྲོ་བ་འཕྲོ་བར་མྱི་བྱེད་དོ། །སྙིང་རྗེ་ཆེན་པོ་བསྐྱེད་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་བསྐྱེད་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །རྣམ་པ་ཐམས་ཅད་མཁྱེན་
པ་ཉིད་ཐོབ་པར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤང་བར་བྱའོ་ཞེས་བྱ་བར་མྱི་སྤྲོ་བ་འཕྲོ་བར་མྱི་བྱེད་དོ། །དེ་ཅིའི་ཕྱིར་ཞེ་ན། ངོ་བོ་ཉིད་ནི་ངོ་བོ་ཉིད་འཕྲོ་བར་མྱི་
བྱེད། དངོས་པོ་མྱེད་པ་ཡང་དངོས་པོ་མྱེད་པ་འཕྲོ་བར་མྱི་བྱེད་དེ། ངོ་བོ་ཉིད་དང་དངོས་པོ་མྱེད་པར་མ་གཏོགས་པར་ཆོས་གཞན་གང་འཕྲོ་བར་བྱེད་པའམ། གང་ལ་འཕྲོ་བར་བྱ་བ་དེ་ལྟ་བུ་གང་ཡང་མྱེད་དེ། རབ་འབྱོར་དེ་ལྟ་བས་ན། གཟུགས་
เล่ม ๒๔ · หน้า 250b
ནི་སྤྲོར་མྱེད་པའོ། །ཚོར་བ་ནི་སྤྲོར་མྱེད་པའོ། །འདུ་ཤེས་ནི་སྤྲོར་མྱེད་པའོ། །འདུ་བྱེད་ནི་སྤྲོར་མྱེད་པའོ། །རྣམ་པར་ཤེས་པ་ནི་སྤྲོར་མྱེད་པའོ། །མྱིག་ནི་སྤྲོར་མྱེད་པའོ། །རྣ་བ་ནི་སྤྲོར་མྱེད་པའོ། །སྣ་ནི་སྤྲོར་མྱེད་པའོ། །ལྕེ་ནི་སྤྲོར་མྱེད་
པའོ། །ལུས་ནི་སྤྲོར་མྱེད་པའོ། །ཡིད་ནི་སྤྲོར་མྱེད་པའོ། །གཟུགས་ནི་སྤྲོར་མྱེད་པའོ། །སྒྲ་ནི་སྤྲོར་མྱེད་པའོ། །དྲི་ནི་སྤྲོར་མྱེད་པའོ། །རོ་ནི་སྤྲོར་མྱེད་པའོ། །རེག་ནི་སྤྲོར་མྱེད་པའོ། །ཆོས་ནི་སྤྲོར་མྱེད་པའོ། །མྱིག་གི་རྣམ་པར་ཤེས་པ་
ནི་སྤྲོར་མྱེད་པའོ། །རྣ་བའི་རྣམ་པར་ཤེས་པ་ནི་སྤྲོར་མྱེད་པའོ། །སྣའི་རྣམ་པར་ཤེས་པ་ནི་སྤྲོར་མྱེད་པའོ། །ལྕེའི་རྣམ་པར་ཤེས་པ་ནི་སྤྲོར་མྱེད་པའོ། །ལུས་ཀྱི་རྣམ་པར་ཤེས་པ་ནི་སྤྲོར་མྱེད་པའོ། །ཡིད་ཀྱི་རྣམ་པར་ཤེས་པ་ནི་སྤྲོར་མྱེད་
པའོ། །མྱིག་གི་འདུས་ཏེ་རེག་པ་ནི་སྤྲོར་མྱེད་པའོ། །རྣ་བའི་འདུས་ཏེ་རེག་པ་ནི་སྤྲོར་མྱེད་པའོ། །སྣའི་འདུས་ཏེ་རེག་པ་ནི་སྤྲོར་མྱེད་པའོ། །ལྕེའི་འདུས་ཏེ་རེག་པ་ནི་སྤྲོར་མྱེད་པའོ། །ལུས་ཀྱི་འདུས་ཏེ་རེག་པ་ནི་སྤྲོར་མྱེད་པའོ། །
ཡིད་ཀྱི་འདུས་ཏེ་རེག་པ་ནི་སྤྲོར་མྱེད་པའོ། །མྱིག་གི་འདུས་ཏེ་རེག་པའི་རྐྱེནད་ཀྱིས་ཚོར་བ་ནི་སྤྲོར་མྱེད་པའོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ནི་སྤྲོར་མྱེད་པའོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ནི་སྤྲོར་མྱེད་
པའོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ནི་སྤྲོར་མྱེད་པའོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ནི་སྤྲོར་མྱེད་པའོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ནི་སྤྲོར་མྱེད་པའོ། །སའི་ཁམས་ནི་སྤྲོར་
མྱེད་པའོ། །ཆུའི་ཁམས་ནི་སྤྲོར་མྱེད་པའོ། །མྱེའི་ཁམས་ནི་སྤྲོར་མྱེད་པའོ། །རླུང་གི་ཁམས་ནི་སྤྲོར་མྱེད་པའོ། །ནམ་མཁའི་ཁམས་ནི་སྤྲོར་མྱེད་པའོ། །རྣམ་པར་ཤེས་པའི་ཁམས་ནི་སྤྲོར་མྱེད་པའོ། །མ་རིག་པ་ནི་
เล่ม ๒๔ · หน้า 251a
སྤྲོར་མྱེད་པའོ། །འདུ་བྱེད་ནི་སྤྲོར་མྱེད་པའོ། །རྣམ་པར་ཤེས་པ་ནི་སྤྲོར་མྱེད་པའོ། །མྱིང་དང་གཟུགས་ནི་སྤྲོར་མྱེད་པའོ། །སྐྱེ་མཆེད་དྲུག་ནི་སྤྲོར་མྱེད་པའོ། །རེག་པ་ནི་སྤྲོར་མྱེད་པའོ། །ཚོར་བ་ནི་སྤྲོར་མྱེད་པའོ། །
སྲེད་པ་ནི་སྤྲོར་མྱེད་པའོ། །ལེན་པ་ནི་སྤྲོར་མྱེད་པའོ། །སྲིད་པ་ནི་སྤྲོར་མྱེད་པའོ། །སྐྱེ་བ་ནི་སྤྲོར་མྱེད་པའོ། །རྒ་ཤི་ནི་སྤྲོར་མྱེད་པའོ། །སྦྱིན་པའི་ཕ་རོལད་ཏུ་ཕྱིནད་པ་ནི་སྤྲོར་མྱེད་པའོ། །ཚུལ་ཁྲིམས་ཀྱི་ཕ་རོལད་ཏུ་ཕྱིན་པ་ནི་སྤྲོར་མྱེད་པའོ། །
བཟོད་པའི་ཕ་རོལ་ཏུ་ཕྱིན་པ་ནི་སྤྲོར་མེད་པའོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི་སྤྲོར་མྱེད་པའོ། །བསམ་གཏན་གྱི་ཕ་རོལ་ཏུ་ཕྱིན་པ་ནི་སྤྲོར་མྱེད་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི་སྤྲོར་མྱེད་པའོ། །ནང་སྟོང་པ་ཉིད་ནི་སྤྲོར་མྱེད་པའོ། །
ཕྱི་སྟོང་པ་ཉིད་ནི་སྤྲོར་མྱེད་པའོ། །ཕྱི་ནང་སྟོང་པ་ཉིད་ནི་སྤྲོར་མྱེད་པའོ། །སྟོང་པ་ཉིད་སྟོང་པ་ཉིད་ནི་སྤྲོར་མྱེད་པའོ། །ཆེན་པོ་སྟོང་པ་ཉིད་ནི་སྤྲོར་མྱེད་པའོ། །དོན་དམ་པ་སྟོང་པ་ཉིད་ནི་སྤྲོར་མྱེད་པའོ། །འདུས་བྱས་སྟོང་པ་ཉིད་ནི་སྤྲོར་མྱེད་པའོ། །
འདུས་མ་བྱས་སྟོང་པ་ཉིད་ནི་སྤྲོར་མེད་པའོ། །མཐའ་ལས་འདས་པ་སྟོང་པ་ཉིད་ནི་སྤྲོར་མྱེད་པའོ། །ཐོག་མ་དང་ཐ་མ་མྱེད་པ་སྟོང་པ་ཉིད་ནི་སྤྲོར་མྱེད་པའོ། །དོར་བ་མྱེད་པ་སྟོང་པ་ཉིད་ནི་སྤྲོར་མྱེད་པའོ། །རང་བཞིན་སྟོང་པ་ཉིད་ནི་སྤྲོར་མྱེད་པའོ། །
ཆོས་ཐམས་ཅད་སྟོང་པ་ཉིད་ནི་སྤྲོར་མྱེད་པའོ། །རང་གི་མཚན་ཉིད་སྟོང་པ་ཉིད་ནི་སྤྲོར་མྱེད་པའོ། །མི་དམྱིགས་པ་སྟོང་པ་ཉིད་ནི་སྤྲོར་མྱེད་པའོ། །དངོས་པོ་མྱེད་པ་སྟོང་པ་ཉིད་ནི་སྤྲོར་མྱེད་པའོ། །ངོ་བོ་ཉིད་སྟོང་པ་ཉིད་ནི་སྤྲོར་མྱེད་པའོ། །དངོས་
པོ་མྱེད་པའི་ངོ་བོ་ཉིད་སྟོང་པ་ཉིད་ནི་སྤྲོར་མྱེད་པའོ། །དྲན་པ་ཉེ་བར་གཞག་པ་རྣམས་ནི་སྤྲོར་མྱེད་པའོ། །ཡང་དག་པར་སྤོང་བ་རྣམས་ནི་སྤྲོར་མྱེད་པའོ། །རྫུ་འཕྲུལ་གྱི་རྐང་པ་རྣམས་ནི་སྤྲོར་མྱེད་པའོ། །དབང་པོ་རྣམས་ནི་སྤྲོར་མྱེད་པའོ། །
เล่ม ๒๔ · หน้า 251b
སྟོབས་རྣམས་ནི་སྤྲོར་མྱེད་པའོ། །བྱང་ཆུབ་ཀྱི་ཡན་ལག་རྣམས་ནི་སྤྲོར་མྱེད་པའོ། །འཕགས་པའི་ལམ་ཡན་ལག་བརྒྱད་པ་ནི་སྤྲོར་མྱེད་པའོ། །འཕགས་པའི་བདེན་པ་རྣམས་ནི་སྤྲོར་མྱེད་པའོ། །བསམ་གཏན་རྣམས་ནི་སྤྲོར་མྱེད་པའོ། །ཚད་
མྱེད་པ་རྣམས་ནི་སྤྲོར་མྱེད་པའོ། །གཟུགས་མྱེད་པའི་སྙོམས་པར་འཇུག་པ་རྣམས་ནི་སྤྲོར་མྱེད་པའོ། །རྣམ་པར་ཐར་པ་རྣམས་ནི་སྤྲོར་མྱེད་པའོ། །མཐརད་ཀྱིས་གནས་པའི་སྙོམས་པར་འཇུག་པ་རྣམས་ནི་སྤྲོར་མྱེད་པའོ། །རྣམ་པར་ཐར་པའི་
སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ནི་སྤྲོར་མྱེད་པའོ། །མངོན་པར་ཤེས་པ་རྣམས་ནི་སྤྲོར་མྱེད་པའོ། །ཏིང་ངེ་འཛིན་རྣམས་ནི་སྤྲོར་མྱེད་པའོ། །གཟུངས་ཀྱི་སྒོ་རྣམས་ནི་སྤྲོར་མྱེད་པའོ། །རྒྱུན་ཏུ་ཞུགས་པའི་འབྲས་བུ་ནི་
སྤྲོར་མྱེད་པའོ། །ལན་ཅིག་ཕྱིར་འོང་བའི་འབྲས་བུ་ནི་སྤྲོར་མྱེད་པའོ། །ཕྱིར་མྱི་འོང་བའི་འབྲས་བུ་ནི་སྤྲོར་མྱེད་པའོ། །དགྲ་བཅོམ་པ་ཉིད་ནི་སྤྲོར་མྱེད་པའོ། །རང་བྱང་ཆུབ་ནི་སྤྲོར་མྱེད་པའོ། །བྱང་ཆུབ་སེམས་དཔའི་ས་རྣམས་ནི་སྤྲོར་མྱེད་
པའོ། །བྱང་ཆུབ་སེམས་དཔའི་སྐྱོན་མྱེད་པ་ནི་སྤྲོར་མྱེད་པའོ། །སངས་རྒྱས་ཀྱི་ཞིང་ཡོངས་སུ་དག་པར་བྱ་བ་ནི་སྤྲོར་མྱེད་པའོ། །སེམས་ཅན་ཡོངས་སུ་སྨིན་པར་བྱ་བ་ནི་སྤྲོར་མྱེད་པའོ། །དེ་བཞིན་གཤེགས་པའི་སྟོབས་རྣམས་ནི་སྤྲོར་
མྱེད་པའོ། །མྱི་འཇིགས་པ་རྣམས་ནི་སྤྲོར་མྱེད་པའོ། །སོ་སོ་ཡང་དག་པར་རིག་པ་རྣམས་ནི་སྤྲོར་མྱེད་པའོ། །བྱམས་པ་ཆེན་པོ་ནི་སྤྲོར་མྱེད་པའོ། །སྙིང་རྗེ་ཆེན་པོ་ནི་སྤྲོར་མྱེད་པའོ། །སངས་རྒྱས་ཀྱི་ཆོས་མ་འདྲེས་པ་རྣམས་ནི་སྤྲོར་
མྱེད་པའོ། །རྣམ་པ་ཐམས་ཅད་མཁྱེན་པ་ཉིད་ནི་སྤྲོར་མྱེད་པའོ། །བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤང་བ་ནི་སྤྲོར་མྱེད་པའོ། །རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་སྤྲོར་མྱེད་པའི་ཤེས་
เล่ม ๒๔ · หน้า 252a
རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ། །རབ་འབྱོར་འདི་ལྟར་ཡང་གཟུགས་ལ་ངོ་བོ་ཉིད་མྱེད་དོ། །ཚོར་བ་ལ་ངོ་བོ་ཉིད་མྱེད་དོ། །འདུ་ཤེས་ལ་ངོ་བོ་ཉིད་མྱེད་དོ། །འདུ་བྱེད་ལ་ངོ་བོ་ཉིད་མྱེད་དོ། །རྣམ་པར་ཤེས་པ་ལ་
ངོ་བོ་ཉིད་མྱེད་དོ། །མྱིག་ལ་ངོ་བོ་ཉིད་མྱེད་དོ། །རྣ་བ་ལ་ངོ་བོ་ཉིད་མྱེད་དོ། །སྣ་ལ་ངོ་བོ་ཉིད་མྱེད་དོ། །ལྕེ་ལ་ངོ་བོ་ཉིད་མྱེད་དོ། །ལུས་ལ་ངོ་བོ་ཉིད་མྱེད་དོ། །ཡིད་ལ་ངོ་བོ་ཉིད་མྱེད་དོ། །གཟུགས་ལ་ངོ་བོ་ཉིད་མྱེད་དོ། །སྒྲ་ལ་ངོ་བོ་ཉིད་མྱེད་དོ། །དྲི་ལ་
ངོ་བོ་ཉིད་མྱེད་དོ། །རོ་ལ་ངོ་བོ་ཉིད་མྱེད་དོ། །རེག་ལ་ངོ་བོ་ཉིད་མྱེད་དོ། །ཆོས་ལ་ངོ་བོ་ཉིད་མྱེད་དོ། །མྱིག་གི་རྣམ་པར་ཤེས་པ་ལ་ངོ་བོ་ཉིད་མྱེད་དོ། །རྣ་བའི་རྣམ་པར་ཤེས་པ་ལ་ངོ་བོ་ཉིད་མྱེད་དོ། །སྣའི་རྣམ་པར་ཤེས་པ་ལ་ངོ་བོ་ཉིད་མྱེད་དོ། །ལྕེའི་
རྣམ་པར་ཤེས་པ་ལ་ངོ་བོ་ཉིད་མྱེད་དོ། །ལུས་ཀྱི་རྣམ་པར་ཤེས་པ་ལ་ངོ་བོ་ཉིད་མྱེད་དོ། །ཡིད་ཀྱི་རྣམ་པར་ཤེས་པ་ལ་ངོ་བོ་ཉིད་མྱེད་དོ། །མྱིག་གི་འདུས་ཏེ་རེག་པ་ལ་ངོ་བོ་ཉིད་མྱེད་དོ། །རྣ་བའི་འདུས་ཏེ་རེག་པ་ལ་ངོ་བོ་ཉིད་མྱེད་དོ། །སྣའི་འདུས་
ཏེ་རེག་པ་ལ་ངོ་བོ་ཉིད་མྱེད་དོ། །ལྕེའི་འདུས་ཏེ་རེག་པ་ལ་ངོ་བོ་ཉིད་མྱེད་དོ། །ལུས་ཀྱི་འདུས་ཏེ་རེག་པ་ལ་ངོ་བོ་ཉིད་མྱེད་དོ། །ཡིད་ཀྱི་འདུས་ཏེ་རེག་པ་ལ་ངོ་བོ་ཉིད་མེད་དོ། །མིག་གི་འདུས་ཏེ་རེག་པའི་རྐྱེནད་ཀྱིས་ཚོར་བ་ལ་ངོ་བོ་ཉིད་མྱེད་
དོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་ངོ་བོ་ཉིད་མྱེད་དོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་ངོ་བོ་ཉིད་མྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་ངོ་བོ་ཉིད་མྱེད་དོ། །ལུས་ཀྱི་འདུས་ཏེ་རེག་པའི་རྐྱེནད་
ཀྱིས་ཚོར་བ་ལ་ངོ་བོ་ཉིད་མྱེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་ངོ་བོ་ཉིད་མྱེད་དོ། །སའི་ཁམས་ལ་ངོ་བོ་ཉིད་མྱེད་དོ། །ཆུའི་ཁམས་ལ་ངོ་བོ་ཉིད་མྱེད་དོ། །མྱེའི་ཁམས་ལ་ངོ་བོ་ཉིད་མྱེད་དོ། །རླུང་གི་ཁམས་ལ་ངོ་བོ་
เล่ม ๒๔ · หน้า 252b
ཉིད་མྱེད་དོ། །ནམ་མཁའི་ཁམས་ལ་ངོ་བོ་ཉིད་མྱེད་དོ། །རྣམ་པར་ཤེས་པའི་ཁམས་ལ་ངོ་བོ་ཉིད་མྱེད་དོ། །མ་རིག་པ་ལ་ངོ་བོ་ཉིད་མེད་དོ། །འདུ་བྱེད་ལ་ངོ་བོ་ཉིད་མེད་དོ། །རྣམ་པར་ཤེས་པ་ལ་ངོ་བོ་ཉིད་མྱེད་དོ། །མྱིང་དང་གཟུགས་ལ་ངོ་བོ་
ཉིད་མྱེད་དོ། །སྐྱེ་མཆེད་དྲུག་ལ་ངོ་བོ་ཉིད་མྱེད་དོ། །རེག་པ་ལ་ངོ་བོ་ཉིད་མྱེད་དོ། །ཚོར་བ་ལ་ངོ་བོ་ཉིད་མྱེད་དོ། །སྲེད་པ་ལ་ངོ་བོ་ཉིད་མྱེད་དོ། །ལེན་པ་ལ་ངོ་བོ་ཉིད་མྱེད་དོ། །སྲིད་པ་ལ་ངོ་བོ་ཉིད་མྱེད་དོ། །སྐྱེ་བ་ལ་ངོ་བོ་ཉིད་མྱེད་དོ། །རྒ་
ཤི་ལ་ངོ་བོ་ཉིད་མྱེད་དོ། །སྦྱིན་པའི་ཕ་རོལད་ཏུ་ཕྱིནད་པ་ལ་ངོ་བོ་ཉིད་མྱེད་དོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་ངོ་བོ་ཉིད་མྱེད་དོ། །བཟོད་པའི་ཕ་རོལ་ཏུ་ཕྱིན་པ་ལ་ངོ་བོ་ཉིད་མྱེད་དོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་ངོ་བོ་ཉིད་མྱེད་
དོ། །བསམ་གཏན་གྱི་ཕ་རོལ་ཏུ་ཕྱིན་པ་ལ་ངོ་བོ་ཉིད་མྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་ངོ་བོ་ཉིད་མྱེད་དོ། །ནང་སྟོང་པ་ཉིད་ལ་ངོ་བོ་ཉིད་མྱེད་དོ། །ཕྱི་སྟོང་པ་ཉིད་ལ་ངོ་བོ་ཉིད་མྱེད་དོ། །ཕྱི་ནང་སྟོང་པ་ཉིད་ལ་ངོ་བོ་ཉིད་མྱེད་དོ། །སྟོང་
པ་ཉིད་སྟོང་པ་ཉིད་ལ་ངོ་བོ་ཉིད་མྱེད་དོ། །ཆེན་པོ་སྟོང་པ་ཉིད་ལ་ངོ་བོ་ཉིད་མྱེད་དོ། །དོན་དམ་པ་སྟོང་པ་ཉིད་ལ་ངོ་བོ་ཉིད་མྱེད་དོ། །འདུས་བྱས་སྟོང་པ་ཉིད་ལ་ངོ་བོ་ཉིད་མྱེད་དོ། །འདུས་མ་བྱས་སྟོང་པ་ཉིད་ལ་ངོ་བོ་ཉིད་མྱེད་དོ། །མཐའ་ལས་
འདས་པ་སྟོང་པ་ཉིད་ལ་ངོ་བོ་ཉིད་མྱེད་དོ། །ཐོག་མ་དང་ཐ་མ་མྱེད་པ་སྟོང་པ་ཉིད་ལ་ངོ་བོ་ཉིད་མྱེད་དོ། །དོར་བ་མྱེད་པ་སྟོང་པ་ཉིད་ལ་ངོ་བོ་ཉིད་མྱེད་དོ། །རང་བཞིན་སྟོང་པ་ཉིད་ལ་ངོ་བོ་ཉིད་མྱེད་དོ། །ཆོས་ཐམས་ཅད་སྟོང་པ་ཉིད་ལ་ངོ་བོ་ཉིད་
མྱེད་དོ། །རང་གི་མཚན་ཉིད་སྟོང་པ་ཉིད་ལ་ངོ་བོ་ཉིད་མྱེད་དོ། །མྱི་དམྱིགས་པ་སྟོང་པ་ཉིད་ལ་ངོ་བོ་ཉིད་མྱེད་དོ། །དངོས་པོ་མྱེད་པ་སྟོང་པ་ཉིད་ལ་ངོ་བོ་ཉིད་མྱེད་དོ། །ངོ་བོ་ཉིད་སྟོང་པ་ཉིད་ལ་ངོ་བོ་ཉིད་མྱེད་དོ། །དངོས་པོ་མྱེད་པའི་ངོ་བོ་
เล่ม ๒๔ · หน้า 253a
ཉིད་སྟོང་པ་ཉིད་ལ་ངོ་བོ་ཉིད་མྱེད་དོ། །དྲན་པོ་ཉེ་བར་གཞག་པ་རྣམས་ལ་ངོ་བོ་ཉིད་མྱེད་དོ། །ཡང་དག་པར་སྤོང་བ་རྣམས་ལ་ངོ་བོ་ཉིད་མྱེད་དོ། །རྫུ་འཕྲུལ་གྱི་རྐང་པ་རྣམས་ལ་ངོ་བོ་ཉིད་མྱེད་དོ། །དབང་པོ་རྣམས་ལ་ངོ་བོ་ཉིད་མྱེད་
དོ། །སྟོབས་རྣམས་ལ་ངོ་བོ་ཉིད་མྱེད་དོ། །བྱང་ཆུབ་ཀྱི་ཡན་ལག་རྣམས་ལ་ངོ་བོ་ཉིད་མྱེད་དོ། །འཕགས་པའི་ལམ་ཡན་ལག་བརྒྱད་པ་ལ་ངོ་བོ་ཉིད་མྱེད་དོ། །འཕགས་པའི་བདེན་པ་རྣམས་ལ་ངོ་བོ་ཉིད་མྱེད་དོ། །བསམ་གཏན་རྣམས་ལ་ངོ་བོ་ཉིད་མྱེད་
དོ། །ཚད་མྱེད་པ་རྣམས་ལ་ངོ་བོ་ཉིད་མྱེད་དོ། །གཟུགས་མྱེད་པའི་སྙོམས་པར་འཇུག་པ་རྣམས་ལ་ངོ་བོ་ཉིད་མྱེད་དོ། །རྣམ་པར་ཐར་པ་རྣམས་ལ་ངོ་བོ་ཉིད་མྱེད་དོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ལ་ངོ་བོ་ཉིད་མྱེད་དོ། །
རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལ་ངོ་བོ་ཉིད་མྱེད་དོ། །མངོན་པར་ཤེས་པ་རྣམས་ལ་ངོ་བོ་ཉིད་མྱེད་དོ། །ཏིང་ངེ་འཛིན་རྣམས་ལ་ངོ་བོ་ཉིད་མྱེད་དོ། །གཟུངས་ཀྱི་སྒོ་རྣམས་ལ་ངོ་བོ་ཉིད་མྱེད་དོ། །རྒྱུན་
ཏུ་ཞུགས་པའི་འབྲས་བུ་ལ་ངོ་བོ་ཉིད་མྱེད་དོ། །ལན་ཅིག་ཕྱིར་འོང་བའི་འབྲས་བུ་ལ་ངོ་བོ་ཉིད་མྱེད་དོ། །ཕྱིར་མྱི་འོང་བའི་འབྲས་བུ་ལ་ངོ་བོ་ཉིད་མྱེད་དོ། །དགྲ་བཅོམ་པ་ཉིད་ལ་ངོ་བོ་ཉིད་མྱེད་དོ། །རང་བྱང་ཆུབ་ལ་ངོ་བོ་ཉིད་མྱེད་དོ། །བྱང་ཆུབ་
སེམས་དཔའི་ས་རྣམས་ལ་ངོ་བོ་ཉིད་མྱེད་དོ། །བྱང་ཆུབ་སེམས་དཔའི་སྐྱོན་མྱེད་པ་ལ་ངོ་བོ་ཉིད་མྱེད་དོ། །སངས་རྒྱས་ཀྱི་ཞིང་ཡོངས་སུ་དག་པར་བྱ་བ་ལ་ངོ་བོ་ཉིད་མྱེད་དོ། །སེམས་ཅན་ཡོངས་སུ་སྨྱིན་པར་བྱ་བ་ལ་ངོ་བོ་ཉིད་མྱེད་དོ། །དེ་བཞིན་
གཤེགས་པའི་སྟོབས་རྣམས་ལ་ངོ་བོ་ཉིད་མྱེད་དོ། །མྱི་འཇིགས་པ་རྣམས་ལ་ངོ་བོ་ཉིད་མྱེད་དོ། །སོ་སོ་ཡང་དག་པར་རིག་པ་རྣམས་ལ་ངོ་བོ་ཉིད་མྱེད་དོ། །བྱམས་པ་ཆེན་པོ་ལ་ངོ་བོ་ཉིད་མྱེད་དོ། །སྙིང་རྗེ་ཆེན་པོ་ལ་ངོ་བོ་ཉིད་མེད་དོ། །སངས་རྒྱས་ཀྱི་
เล่ม ๒๔ · หน้า 253b
ཆོས་མ་འདྲེས་པ་རྣམས་ལ་ངོ་བོ་ཉིད་མྱེད་དོ། །རྣམ་པ་ཐམས་ཅད་མཁྱེན་པ་ཉིད་ལ་ངོ་བོ་ཉིད་མྱེད་དོ། །གང་ལ་ངོ་བོ་ཉིད་མྱེད་པ་དེ་ནི་སྤྲོར་མྱེད་པ་སྟེ། རབ་འབྱོརད་དེའི་ཕྱིར། གཟུགས་ནི་སྤྲོར་མྱེད་པའོ། །ཚོར་བ་ནི་སྤྲོར་མྱེད་པའོ། །འདུ་ཤེས་ནི་སྤྲོར་
མྱེད་པའོ། །འདུ་བྱེད་ནི་སྤྲོར་མྱེད་པའོ། །རྣམ་པར་ཤེས་པ་ནི་སྤྲོར་མྱེད་པའོ། །མྱིག་ནི་སྤྲོར་མྱེད་པའོ། །རྣ་བ་ནི་སྤྲོར་མྱེད་པའོ། །སྣ་ནི་སྤྲོར་མྱེད་པའོ། །ལྕེ་ནི་སྤྲོར་མྱེད་པའོ། །ལུས་ནི་སྤྲོར་མྱེད་པའོ། །ཡིད་ནི་སྤྲོར་མྱེད་པའོ། །གཟུགས་
ནི་སྤྲོར་མྱེད་པའོ། །སྒྲ་ནི་སྤྲོར་མྱེད་པའོ། །དྲི་ནི་སྤྲོར་མྱེད་པའོ། །རོ་ནི་སྤྲོར་མྱེད་པའོ། །རེག་ནི་སྤྲོར་མྱེད་པའོ། །ཆོས་ནི་སྤྲོར་མྱེད་པའོ། །མྱིག་གི་རྣམ་པར་ཤེས་པ་ནི་སྤྲོར་མྱེད་པའོ། །རྣ་བའི་རྣམ་པར་ཤེས་པ་ནི་སྤྲོར་མྱེད་པའོ། །སྣའི་
རྣམ་པར་ཤེས་པ་ནི་སྤྲོར་མྱེད་པའོ། །ལྕེའི་རྣམ་པར་ཤེས་པ་ནི་སྤྲོར་མྱེད་པའོ། །ལུས་ཀྱི་རྣམ་པར་ཤེས་པ་ནི་སྤྲོར་མྱེད་པའོ། །ཡིད་ཀྱི་རྣམ་པར་ཤེས་པ་ནི་སྤྲོར་མྱེད་པའོ། །མྱིག་གི་འདུས་ཏེ་རེག་པ་ནི་སྤྲོར་མྱེད་པའོ། །རྣ་བའི་འདུས་ཏེ་རེག་པ་ནི་
སྤྲོར་མྱེད་པའོ། །སྣའི་འདུས་ཏེ་རེག་པ་ནི་སྤྲོར་མྱེད་པའོ། །ལྕེའི་འདུས་ཏེ་རེག་པ་ནི་སྤྲོར་མྱེད་པའོ། །ལུས་ཀྱི་འདུས་ཏེ་རེག་པ་ནི་སྤྲོར་མྱེད་པའོ། །ཡིད་ཀྱི་འདུས་ཏེ་རེག་པ་ནི་སྤྲོར་མྱེད་པའོ། །མྱིག་གི་འདུས་ཏེ་རེག་པའི་རྐྱེནད་ཀྱིས་ཚོར་བ་ནི་སྤྲོར་
མྱེད་པའོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ནི་སྤྲོར་མྱེད་པའོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ནི་སྤྲོར་མྱེད་པའོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ནི་སྤྲོར་མྱེད་པའོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ནི་
སྤྲོར་མྱེད་པའོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ནི་སྤྲོར་མྱེད་པའོ། །སའི་ཁམས་ནི་སྤྲོར་མྱེད་པའོ། །ཆུའི་ཁམས་ནི་སྤྲོར་མྱེད་པའོ། །མྱེའི་ཁམས་ནི་སྤྲོར་མྱེད་པའོ། །རླུང་གི་ཁམས་ནི་སྤྲོར་མྱེད་པའོ། །ནམ་མཁའི་ཁམས་ནི་
เล่ม ๒๔ · หน้า 254a
སྤྲོར་མྱེད་པའོ། །རྣམ་པར་ཤེས་པའི་ཁམས་ནི་སྤྲོར་མྱེད་པའོ། །མ་རིག་པ་ནི་སྤྲོར་མྱེད་པའོ། །འདུ་བྱེད་ནི་སྤྲོར་མྱེད་པའོ། །རྣམ་པར་ཤེས་པ་ནི་སྤྲོར་མྱེད་པའོ། །མྱིང་དང་གཟུགས་ནི་སྤྲོར་མྱེད་པའོ། །སྐྱེ་མཆེད་དྲུག་ནི་
སྤྲོར་མྱེད་པའོ། །རེག་པ་ནི་སྤྲོར་མྱེད་པའོ། །ཚོར་བ་ནི་སྤྲོར་མྱེད་པའོ། །སྲེད་པ་ནི་སྤྲོར་མྱེད་པའོ། །ལེན་པ་ནི་སྤྲོར་མྱེད་པའོ། །སྲིད་པ་ནི་སྤྲོར་མྱེད་པའོ། །སྐྱེ་བ་ནི་སྤྲོར་མྱེད་པའོ། །རྒ་ཤི་ནི་སྤྲོར་མྱེད་པའོ། །སྦྱིན་པའི་ཕ་རོལ་ཏུ་ཕྱིན་པ་
ནི་སྤྲོར་མྱེད་པའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་སྤྲོར་མྱེད་པའོ། །བཟོད་པའི་ཕ་རོལ་ཏུ་ཕྱིན་པ་ནི་སྤྲོར་མྱེད་པའོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི་སྤྲོར་མྱེད་པའོ། །བསམ་གཏན་གྱི་ཕ་རོལ་ཏུ་ཕྱིན་པ་ནི་སྤྲོར་མྱེད་པའོ། །ཤེས་
རབ་ཀྱི་ཕ་རོལ་ཏུ་ཕྱིན་པ་ནི་སྤྲོར་མྱེད་པའོ། །ནང་སྟོང་པ་ཉིད་ནི་སྤྲོར་མྱེད་པའོ། །ཕྱི་སྟོང་པ་ཉིད་ནི་སྤྲོར་མྱེད་པའོ། །ཕྱི་ནང་སྟོང་པ་ཉིད་ནི་སྤྲོར་མྱེད་པའོ། །སྟོང་པ་ཉིད་སྟོང་པ་ཉིད་ནི་སྤྲོར་མྱེད་པའོ། །ཆེན་པོ་སྟོང་པ་ཉིད་ནི་སྤྲོར་མྱེད་པའོ། །
དོན་དམ་པ་སྟོང་པ་ཉིད་ནི་སྤྲོར་མྱེད་པའོ། །འདུས་བྱས་སྟོང་པ་ཉིད་ནི་སྤྲོར་མྱེད་པའོ། །འདུས་མ་བྱས་སྟོང་པ་ཉིད་ནི་སྤྲོར་མྱེད་པའོ། །མཐའ་ལས་འདས་པ་སྟོང་པ་ཉིད་ནི་སྤྲོར་མྱེད་པའོ། །ཐོག་མ་དང་ཐ་མ་མྱེད་པ་སྟོང་པ་ཉིད་ནི་སྤྲོར་མྱེད་པའོ། །དོར་བ་
མྱེད་པ་སྟོང་པ་ཉིད་ནི་སྤྲོར་མྱེད་པའོ། །རང་བཞིན་སྟོང་པ་ཉིད་ནི་སྤྲོར་མྱེད་པའོ། །ཆོས་ཐམས་ཅད་སྟོང་པ་ཉིད་ནི་སྤྲོར་མྱེད་པའོ། །རང་གི་མཚན་ཉིད་སྟོང་པ་ཉིད་ནི་སྤྲོར་མྱེད་པའོ། །མྱི་དམྱིགས་པ་སྟོང་པ་ཉིད་ནི་སྤྲོར་མྱེད་པའོ། །དངོས་པོ་མྱེད་པ་
སྟོང་པ་ཉིད་ནི་སྤྲོར་མྱེད་པའོ། །ངོ་བོ་ཉིད་སྟོང་པ་ཉིད་ནི་སྤྲོར་མྱེད་པའོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ནི་སྤྲོར་མྱེད་པའོ། །དྲན་པ་ཉེ་བར་གཞག་པ་རྣམས་ནི་སྤྲོར་མྱེད་པའོ། །ཡང་དག་པར་སྤོང་བ་རྣམས་ནི་སྤྲོར་མྱེད་པའོ། །རྫུ་འཕྲུལ་
เล่ม ๒๔ · หน้า 254b
གྱི་རྐང་པ་རྣམས་ནི་སྤྲོར་མྱེད་པའོ། །དབང་པོ་རྣམས་ནི་སྤྲོར་མྱེད་པའོ། །སྟོབས་རྣམས་ནི་སྤྲོར་མྱེད་པའོ། །བྱང་ཆུབ་ཀྱི་ཡན་ལག་རྣམས་ནི་སྤྲོར་མྱེད་པའོ། །འཕགས་པའི་ལམ་ཡན་ལག་བརྒྱད་པ་ནི་སྤྲོར་མྱེད་པའོ། །འཕགས་པའི་
བདེན་པ་རྣམས་ནི་སྤྲོར་མྱེད་པའོ། །བསམ་གཏན་རྣམས་ནི་སྤྲོར་མྱེད་པའོ། །ཚད་མྱེད་པ་རྣམས་ནི་སྤྲོར་མྱེད་པའོ། །གཟུགས་མྱེད་པའི་སྙོམས་པར་འཇུག་པ་རྣམས་ནི་སྤྲོར་མྱེད་པའོ། །རྣམ་པར་ཐར་པ་རྣམས་ནི་སྤྲོར་མྱེད་པའོ། །
མཐར་ཀྱིས་གནས་པའི་སྙོམས་པར་འཇུག་པ་རྣམས་ནི་སྤྲོར་མྱེད་པའོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ནི་སྤྲོར་མྱེད་པའོ། །མངོན་པར་ཤེས་པ་རྣམས་ནི་སྤྲོར་མེད་པའོ། །ཏིང་ངེ་འཛིན་
རྣམས་ནི་སྤྲོར་མྱེད་པའོ། །གཟུངས་ཀྱི་སྒོ་རྣམས་ནི་སྤྲོར་མྱེད་པའོ། །རྒྱུན་ཏུ་ཞུགས་པའི་འབྲས་བུ་ནི་སྤྲོར་མྱེད་པའོ། །ལན་ཅིག་ཕྱིར་འོང་བའི་འབྲས་བུ་ནི་སྤྲོར་མྱེད་པའོ། །ཕྱིར་མྱི་འོང་བའི་འབྲས་བུ་ནི་སྤྲོར་མྱེད་པའོ། །དགྲ་བཅོམ་
པ་ཉིད་ནི་སྤྲོར་མྱེད་པའོ། །རང་བྱང་ཆུབ་ནི་སྤྲོར་མྱེད་པའོ། །བྱང་ཆུབ་སེམས་དཔའི་ས་རྣམས་ནི་སྤྲོར་མྱེད་པའོ། །བྱང་ཆུབ་སེམས་དཔའི་སྐྱོན་མྱེད་པ་ནི་སྤྲོར་མྱེད་པའོ། །སངས་རྒྱས་ཀྱི་ཞིང་ཡོངས་སུ་དག་པར་བྱ་བ་ནི་སྤྲོར་མྱེད་པའོ། །
སེམས་ཅན་ཡོངས་སུ་སྨྱིན་པར་བྱ་བ་ནི་སྤྲོར་མྱེད་པའོ། །དེ་བཞིན་གཤེགས་པའི་སྟོབས་རྣམས་ནི་སྤྲོར་མྱེད་པའོ། །མྱི་འཇིགས་པ་རྣམས་ནི་སྤྲོར་མྱེད་པའོ། །སོ་སོ་ཡང་དག་པར་རིག་པ་རྣམས་ནི་སྤྲོར་མྱེད་པའོ། །བྱམས་པ་ཆེན་པོ་ནི་སྤྲོར་
མྱེད་པའོ། །སྙིང་རྗེ་ཆེན་པོ་ནི་སྤྲོར་མྱེད་པའོ། །སངས་རྒྱས་ཀྱི་ཆོས་མ་འདྲེས་པ་རྣམས་ནི་སྤྲོར་མྱེད་པའོ། །རྣམ་པ་ཐམས་ཅད་མཁྱེན་པ་ཉིད་ནི་སྤྲོར་མྱེད་པའོ། །རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་
เล่ม ๒๔ · หน้า 255a
ཀྱི་ཕ་རོལད་ཏུ་ཕྱིནད་པ་ལ་སྤྱོད་པའི་ཚེ། བྱང་ཆུབ་སེམས་དཔའི་སྐྱོན་མྱེད་པ་ལ་འཇུག་གོ། །།ཤེས་རབ་ཀྱི་ཕ་རོལད་ཏུ་ཕྱིནད་པ་སྟོང་ཕྲག་བརྒྱ་པ། བམ་པོ་བཅུ་དྲུག་པ།
གསོལ་པ། བཅོམ་ལྡན་འདས་གལ་ཏེ་དེ་ལྟར་ཆོས་གང་ལ་ཡང་ངོ་བོ་ཉིད་དམྱིགས་སུ་མ་མཆིས་ན། བྱང་ཆུབ་སེམས་དཔའ་སེམས་དཔའ་ཆེན་པོ། ཉན་ཐོས་ཀྱི་ཤུལ་ཏམ། རང་སངས་རྒྱས་ཀྱི་ཤུལ་ཏམ། ཡང་དག་པར་རྫོགས་པའི་སངས་
རྒྱས་ཀྱི་ཤུལ་ཏམ། ཆོས་གང་གིས་བྱང་ཆུབ་སེམས་དཔའི་སྐྱོན་མྱེད་པར་འཇུག་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཉན་ཐོས་ཀྱི་ལམ་གྱིས་བྱང་ཆུབ་སེམས་དཔའི་
སྐྱོན་མྱེད་པར་མྱི་འཇུག །བྱང་ཆུབ་སེམས་དཔའ་སེམས་དཔའ་ཆེན་པོ་ནི་རང་སངས་རྒྱས་ཀྱི་ལམ་གྱིས་བྱང་ཆུབ་སེམས་དཔའི་སྐྱོན་མྱེད་པར་མྱི་འཇུག །བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཡང་དག་པར་རྫོགས་པའི་སངས་རྒྱས་ཀྱི་
ལམ་གྱིས་བྱང་ཆུབ་སེམས་དཔའི་སྐྱོན་མྱེད་པར་མྱི་འཇུག་གི །རབ་འབྱོར་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལམ་ཐམས་ཅད་ལ་བསླབས་ཤིང་། བྱང་ཆུབ་སེམས་དཔའི་སྐྱོན་མྱེད་པར་འཇུག་གོ །འདི་ལྟ་སྟེ་དཔེར་ན།
བརྒྱད་པ་ནི་ཆོས་ཐམས་ཅད་ལ་བསླབས་ཤིང་། ཡང་དག་པའི་སྐྱོན་མྱེད་པར་འཇུག་སྟེ། ནམ་འབྲས་བུའི་ལམ་མ་གྲུབ་ཀྱི་བར་དུ་འབྲས་བུ་ཐོབ་པར་མྱི་བྱེད་དེ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་ལམ་ཐམས་
ཅད་བསྒྲུབས་ཤིང་། བྱང་ཆུབ་སེམས་དཔའི་སྐྱོན་མྱེད་པར་འཇུག་སྟེ། ནམ་རྡོ་རྗེ་ལྟ་བུའི་ཏིང་ངེ་འཛིན་ཐོབ་པར་མ་གྱུར་ཀྱི་བར་དུ་རྣམ་པ་ཐམས་ཅད་མཁྱེན་པ་ཉིད་ཐོབ་པར་མྱི་བྱེད་དོ། །དེས་ཏིང་ངེ་འཛིན་དེ་ཐོབ་མ་ཐག་ཏུ་སྐད་ཅིག་གཅིག་དང་ལྡན་
เล่ม ๒๔ · หน้า 255b
པའི་ཤེས་རབ་ཀྱིས། རྣམ་པ་ཐམས་ཅད་མཁྱེན་པ་ཉིད་ཐོབ་པར་བྱེད་དོ། །གསོལ་པ། བཅོམ་ལྡན་འདས་གལ་ཏེ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཤུལ་ཐམས་ཅད་ཡོངས་སུ་རྫོགས་པར་བགྱིས་ཏེ། བྱང་ཆུབ་སེམས་
དཔའི་སྐྱོན་མ་མཆིས་པར་འཇུག་པར་བགྱིས་ན། བཅོམ་ལྡན་འདས་འདི་ལྟར་བརྒྱད་པའི་ཤུལ་ཡང་གཞན། རྒྱུན་ཏུ་ཞུགས་པའི་ཤུལ་ཡང་གཞན། ལན་ཅིག་ཕྱིར་འོང་བར་ཞུགས་པའི་ཤུལ་ཡང་གཞན། ལན་ཅིག་ཕྱིར་འོང་བའི་ཤུལ་ཡང་
གཞན། ཕྱིར་མྱི་འོང་བར་ཞུགས་པའི་ཤུལ་ཡང་གཞན། ཕྱིར་མྱི་འོང་བའི་ཤུལ་ཡང་གཞན། དགྲ་བཅོམ་པར་ཞུགས་པའི་ཤུལ་ཡང་གཞན། དགྲ་བཅོམ་པའི་ཤུལ་ཡང་གཞན། རང་སངས་རྒྱས་ཀྱི་ཤུལ་ཡང་གཞན། དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཤུལ་ཡང་གཞན་ཏེ། བཅོམ་ལྡན་འདས་གལ་ཏེ་ཤུལ་དེ་དག་གཞན་དང་གཞན་ན། ཇི་ལྟར། བྱང་ཆུབ་སེམས་དཔའ་སེམས་དཔའ་ཆེན་པོས་ཤུལ་ཐམས་ཅད་ཡོངས་སུ་རྫོགས་
པར་བགྱིས་ཏེ། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པར་བགྱི། བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་ཤུལ་ཐམས་ཅད་ཡོངས་སུ་རྫོགས་པར་བགྱི་ན། བྱང་ཆུབ་སེམས་དཔའ་སེམས་དཔའ་
ཆེན་པོ་དེ་དག་བརྒྱད་པའི་ཤུལ་བསྒྲུབས་ཤིང་། བརྒྱད་པར་མྱི་གྱུར་ཏམ། མཐོང་བའི་ཤུལ་བསྒྲུབས་ཤིང་། རྒྱུན་ཏུ་ཞུགས་པར་མྱི་གྱུར་ཏམ། བསྒོམ་པའི་ཤུལ་བསྒྲུབས་ཤིང་། ལན་ཅིག་ཕྱིར་འོང་བར་ཞུགས་པ་འམ། ལན་ཅིག་ཕྱིར་འོང་བར་
མྱི་གྱུར་ཏམ། ཕྱིར་མྱི་འོང་བར་ཞུགས་པ་འམ། ཕྱིར་མྱི་འོང་བར་མྱི་གྱུར་ཏམ། དགྲ་བཅོམ་པར་ཞུགས་པ་འམ། དགྲ་བཅོམ་པར་མྱི་གྱུར་ཏམ། རང་སངས་རྒྱས་ཀྱི་ཤུལ་བསྒྲུབས་ཤིང་། རང་སངས་རྒྱས་སུ་མྱི་འགྱུར་ཏམ། བཅོམ་ལྡན་
เล่ม ๒๔ · หน้า 256a
འདས་བྱང་ཆུབ་སེམས་དཔའ་སེམས་དཔའ་ཆེན་པོ་ནི། བརྒྱད་པར་གྱུར་ནས། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པའི་གནས་དང་། སྐབས་མ་མཆིས་ཏེ་དེ་ནི་གནས་མ་ལགས་སོ། །བྱང་ཆུབ་སེམས་དཔའི་
སྐྱོན་མ་མཆིས་པར་མ་ཆུད་པར་ཡང་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བའི་གནས་མ་མཆིས། རྒྱུན་ཏུ་ཞུགས་པའི་འབྲས་བུ་ཐོབ་ནས། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པའི་གནས་མ་མཆིས། བྱང་ཆུབ་སེམས་
དཔའི་སྐྱོན་མ་མཆིས་པར་མ་ཆུད་པར་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བའི་གནས་མ་མཆིས། ལན་ཅིག་ཕྱིར་འོང་བའི་འབྲས་བུ་ཐོབ་ནས། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པའི་གནས་མ་མཆིས། བྱང་ཆུབ་
སེམས་དཔའི་སྐྱོན་མ་མཆིས་པར་མ་ཆུད་པར་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བའི་གནས་མ་མཆིས། ཕྱིར་མྱི་འོང་བའི་འབྲས་བུ་ཐོབ་ནས། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པའི་གནས་མ་མཆིས། བྱང་
ཆུབ་སེམས་དཔའི་སྐྱོན་མ་མཆིས་པར་མ་ཆུད་པར་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བའི་གནས་མ་མཆིས། དགྲ་བཅོམ་པ་ཉིད་ཐོབ་ནས། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པའི་གནས་མ་མཆིས། བྱང་ཆུབ་
སེམས་དཔའི་སྐྱོན་མ་མཆིས་པར་མ་ཆུད་པར་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བའི་གནས་མ་མཆིས། རང་བྱང་ཆུབ་ཐོབ་ནས། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པའི་གནས་མ་མཆིས། བྱང་ཆུབ་སེམས་
དཔའི་སྐྱོན་མ་མཆིས་པར་མ་ཆུད་པར་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བའི་གནས་མ་མཆིས་ན། བཅོམ་ལྡན་འདས་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤུལ་ཐམས་ཅད་ཡོངས་སུ་རྫོགས་པར་བགྱིས་ཤིང་།
เล่ม ๒๔ · หน้า 256b
བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པར་འགྱུར་བ་དང་། བྱང་ཆུབ་སེམས་དཔའི་སྐྱོན་མ་མཆིས་པར་ཆུད་ནས། རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བ་དང་། བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་
ཅད་ཡོངས་སུ་སྤོང་བར་འགྱུར་བ་ཇི་ལྟར་འཚལ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོརད་དེ་དེ་བཞིན་ནོ། །དེ་དེ་བཞིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་བརྒྱད་པར་གྱུར་ཏེ། རྒྱུན་ཏུ་ཞུགས་པའི་
འབྲས་བུ་ཐོབ་པའམ། ལན་ཅིག་ཕྱིར་འོང་བའི་འབྲས་བུ་ཐོབ་པའམ། ཕྱིར་མྱི་འོང་བའི་འབྲས་བུ་ཐོབ་པ་འམ། དགྲ་བཅོམ་པ་ཉིད་ཐོབ་པའམ། རང་བྱང་ཆུབ་ཐོབ་པར་གྱུར་ནས། བྱང་ཆུབ་སེམས་དཔའི་སྐྱོན་མྱེད་པར་འཇུག་པའི་
གནས་དང་སྐབས་མྱེད་དེ། དེ་ནི་གནས་མ་ཡིན་ནོ། །བྱང་ཆུབ་སེམས་དཔའི་སྐྱོན་མྱེད་པར་མ་ཆུད་པར་ཡང་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བའི་གནས་མྱེད་དོ། །རབ་འབྱོར་འོན་ཀྱང་འདི་ལྟར་བྱང་ཆུབ་སེམས་དཔའ་སེམས་དཔའ་
ཆེན་པོ་ནི། སེམས་དང་པོ་བསྐྱེད་པ་ནས་ཉེ་བར་བཟུང་སྟེ། ཕ་རོལ་ཏུ་ཕྱིན་པ་དྲུག་ལ་སྤྱོད་པའི་ཚེ། ཤེས་པ་དང་མཐོང་བས་ས་བརྒྱད་ལས་ཡོངས་སུ་འདས་ཏེ། བརྒྱད་གང་ཞེ་ན། དཀར་པོ་རྣམ་པར་མཐོང་བའི་ས་དང་།
རིགས་ཀྱི་ས་དང་། བརྒྱད་པའི་ས་དང་། མཐོང་བའི་ས་དང་། བསྲབས་པའི་ས་དང་། འདོད་ཆགས་དང་བྲལ་བའི་ས་དང་། བྱས་པ་རྟོགས་པའི་ས་དང་། རང་སངས་རྒྱས་ཀྱི་ས་སྟེ། ས་བསྟན་པ་བརྒྱད་པོ་འདི་དག་ལས་ཤེས་པ་དང་། མཐོང་
བས་འདས་ནས། ལམ་གྱི་རྣམ་པ་ཤེས་པ་ཉིད་ཀྱིས་བྱང་ཆུབ་སེམས་དཔའི་སྐྱོན་མྱེད་པར་འཇུག་གོ །བྱང་ཆུབ་སེམས་དཔའི་སྐྱོན་མྱེད་པར་ཞུགས་ནས། རྣམ་པ་ཐམས་ཅད་མཁྱེན་པ་ཉིད་ཀྱི་ཡེ་ཤེས་ཀྱིས་བག་ཆགས་ཀྱི་མཚམས་སྦྱོར་བའི་ཉོན་
เล่ม ๒๔ · หน้า 257a
མོངས་པ་ཐམས་ཅད་རབ་ཏུ་སྤོང་ངོ་། །རབ་འབྱོར་དེ་ལ་བརྒྱད་པའི་ཡེ་ཤེས་གང་ཡིན་པ་དེ་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་བཟོད་པ་རྒྱུན་ཏུ་ཞུགས་པའི་ཡེ་ཤེས་དང་། སྤོང་བ་གང་ཡིན་པ་དེ་ཡང་བྱང་ཆུབ་
སེམས་དཔའ་སེམས་དཔའ་ཆེན་པོའི་བཟོད་པ་ལན་ཅིག་ཕྱིར་འོང་བའི་ཡེ་ཤེས་དང་། སྤོང་བ་གང་ཡིན་པ་དེ་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་བཟོད་པ། ཕྱིར་མྱི་འོང་བའི་ཡེ་ཤེས་དང་། སྤོང་བ་གང་ཡིན་པ་དེ་ཡང་བྱང་ཆུབ་
སེམས་དཔའ་སེམས་དཔའ་ཆེན་པོའི་བཟོད་པ། དགྲ་བཅོམ་པའི་ཡེ་ཤེས་དང་། སྤོང་བ་གང་ཡིན་པ་དེ་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་བཟོད་པ། རང་སངས་རྒྱས་ཀྱི་ཡེ་ཤེས་དང་། སྤོང་བ་གང་ཡིན་པ་དེ་ཡང་བྱང་ཆུབ་
སེམས་དཔའ་སེམས་དཔའ་ཆེན་པོའི་བཟོད་པ་ཆེན་པོ་སྟེ། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཉན་ཐོས་དང་རང་སངས་རྒྱས་ཀྱི་ལམ་ཡོངས་སུ་རྫོགས་པར་བྱས་ཤིང་། ལམ་གྱི་རྣམ་པ་ཤེས་པ་ཉིད་ཀྱི་ཡེ་ཤེས་ཀྱིས་བྱང་
ཆུབ་སེམས་དཔའི་སྐྱོན་མྱེད་པར་འཇུག་གོ །བྱང་ཆུབ་སེམས་དཔའི་སྐྱོན་མྱེད་པར་ཞུགས་ནས། རྣམ་པ་ཐམས་ཅད་མཁྱེན་པ་ཉིད་ཀྱིས་བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་རབ་ཏུ་སྤོང་ངོ་། །རབ་འབྱོར་དེ་ལྟ་བས་ན་བྱང་
ཆུབ་སེམས་དཔའ་སེམས་དཔའ་ཆེན་པོ་ལམ་ཐམས་ཅད་ཡོངས་སུ་རྫོགས་པར་བྱས་ནས། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཤིང་། འབྲས་བུ་ལྟར་སེམས་ཅན་ཐམས་ཅད་ཀྱི་ཉེ་བར་འཚོ་བར་
འགྱུར་རོ། །གསོལ་པ། བཅོམ་ལྡན་འདས་གང་ཉན་ཐོས་ཀྱི་ཤུལ་དང་། རང་སངས་རྒྱས་ཀྱི་ཤུལ་དང་། སངས་རྒྱས་ཀྱི་ཤུལ་དེ་དག་ལས་ལམ་གྱི་རྣམ་པ་ཤེས་པ་ཉིད་ཀྱི་ཤུལ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་
เล่ม ๒๔ · หน้า 257b
འབྱོར་བྱང་ཆུབ་སེམས་དཔའ་སེམས་དཔའ་ཆེན་པོས་ལམ་གྱི་རྣམ་པ་ཤེས་པ་ཉིད་རྣམ་པར་དག་པ་བསྒྲུབ་པར་བྱ་སྟེ། དེ་ལས་ལམ་གྱི་རྣམ་པ་ཤེས་པ་ཉིད་རྣམ་པར་དག་པ་ནི་རྣམ་པ་གང་དང་གང་དང་། ཚུལ་གང་དང་གང་དང་། མཚན་མ་གང་དང་གང་
གིས་ལམ་དུ་བརྗོད་པའི་རྣམ་པ་དེ་དག་དང་། ཚུལ་དེ་དག་དང་། མཚན་མ་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོས། མངོན་པར་རྫོགས་པར་འཚང་རྒྱ་བར་བྱ་བ་དང་། མངོན་པར་རྫོགས་པར་སངས་རྒྱས་ནས་ཇི་ནས་ཀྱང་གཞན་གྱིས་ཤེས་
པར་འགྱུར་བ་དང་། གཞན་འདུལ་བའི་དོན་དུ་གཞན་ལ་བརྗོད་པ་དང་བསྟན་པ་དང་། བཤད་པ་དང་། གདགས་པ་དང་། རྣམ་པར་དགོད་པ་སྟེ། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོས་སྒྲ་བརྙན་ལྟ་བུ་ཤེས་པར་བྱ་བའི་དོན་དུ་སྒྲ་སྐད་དང་།
བརྡར་བྱ་བ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་གོ་བར་འགྱུར་བ་ལྟ་བུའི་སྒྲ་སྐད་དང་། བརྡ་ཐམས་ཅད་བརྗོད་པར་བྱ། ཡོངས་སུ་གཟུང་བར་བྱ་སྟེ། རབ་འབྱོར་རྣམ་གྲངས་དེས་ཀྱང་བྱང་ཆུབ་སེམས་དཔའ་སེམས་དཔའ་
ཆེན་པོས། ལམ་ཐམས་ཅད་ཡོངས་སུ་རྫོགས་པར་བྱའོ། །ལམ་ཐམས་ཅད་ཤེས་པ་ཉིད་ཡོངས་སུ་རྫོགས་པར་བྱས་ནས། སེམས་ཅན་ཐམས་ཅད་ཀྱི་བསམ་པ་རིག་པར་བྱས་ནས། སེམས་ཅན་དམྱལ་བ་པའི་སེམས་ཅན་
རྣམས་ཀྱི་སེམས་ཅན་དམྱལ་བའི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །དེས་ཀྱང་སེམས་ཅན་དམྱལ་བའི་ལམ་བཟློག་པར་བྱ་སྟེ། རྒྱུ་ལས་ཀྱང་བཟློག་པར་བྱའོ། །འབྲས་བུ་ལས་ཀྱང་བཟློག་པར་བྱའོ། །བྱོལ་སོང་གི་སྐྱེ་གནས་
ཀྱི་སེམས་ཅན་རྣམས་ཀྱི་བྱོལ་སོང་གི་སྐྱེ་གནས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། འབྲས་བུ་ཤེས་པར་བྱའོ། །དེས་ཀྱང་བྱོལ་སོང་གི་སྐྱེ་གནས་ཀྱི་ལམ་བཟློག་པར་བྱ་སྟེ། རྒྱུ་ལས་ཀྱང་བཟློག་པར་བྱའོ། །འབྲས་བུ་ལས་ཀྱང་བཟློག་
เล่ม ๒๔ · หน้า 258a
པར་བྱའོ། །གཤིན་རྗེའི་འཇིག་རྟེན་པའི་སེམས་ཅན་རྣམས་ཀྱི་གཤིན་རྗེའི་འཇིག་རྟེན་གྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །དེས་ཀྱང་གཤིན་རྗེའི་འཇིག་རྟེན་གྱི་ལམ་བཟློག་པར་བྱ་སྟེ།
རྒྱུ་ལས་ཀྱང་བཟློག་པར་བྱའོ། །འབྲས་བུ་ལས་ཀྱང་བཟློག་པར་བྱའོ། །མྱི་འམ་ཅི་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །ལྟོ་འཕྱེ་ཆེན་པོ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །
འབྲས་བུ་ཤེས་པར་བྱའོ། །ཀླུ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །གནོད་སྦྱིན་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །མྱི་རྣམས་ཀྱི་ལམ་ཤེས་
པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །ཚངས་པ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་
པར་བྱའོ། །ཀུན་སྣང་དང་བའི་ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །དགེ་རྒྱས་ཀྱི་ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །འབྲས་བུ་ཆེ་བའི་ལྷ་
རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །འདུ་ཤེས་མྱེད་པའི་སེམས་ཅན་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །མྱི་ཆེ་བའི་ལྷ་རྣམས་ཀྱི་ལམ་ཤེས་པར་
བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །མྱི་གདུང་བའི་ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །ཤིན་ཏུ་མཐོང་བའི་ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །
เล่ม ๒๔ · หน้า 258b
འབྲས་བུ་ཤེས་པར་བྱའོ། །གྱ་ནོམ་སྣང་བའི་ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །འོག་མྱིན་གྱི་ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །ནམ་མཁའ་
མཐའ་ཡས་སྐྱེ་མཆེད་ཀྱི་ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །རྣམ་ཤེས་མཐའ་ཡས་སྐྱེ་མཆེད་ཀྱི་ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །ཆུང་
ཟད་མྱེད་པའི་སྐྱེ་མཆེད་ཀྱི་ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །འདུ་ཤེས་མྱེད་འདུ་ཤེས་མྱེད་མྱིན་སྐྱེ་མཆེད་ཀྱི་ལྷ་རྣམས་ཀྱི་ལམ་ཤེས་པར་བྱའོ། །རྒྱུ་ཤེས་པར་བྱའོ། །འབྲས་བུ་ཤེས་པར་བྱའོ། །
དྲན་པ་ཉེ་བར་གཞག་པ་བཞི་ཤེས་པར་བྱའོ། །ཡང་དག་པར་སྤོང་བ་བཞི་ཤེས་པར་བྱའོ། །རྫུ་འཕྲུལ་གྱི་རྐང་པ་བཞི་ཤེས་པར་བྱའོ། །དབང་པོ་ལྔ་ཤེས་པར་བྱའོ། །སྟོབས་ལྔ་ཤེས་པར་བྱའོ། །བྱང་ཆུབ་ཀྱི་ཡན་ལག་བདུན་ཤེས་པར་བྱའོ། །
འཕགས་པའི་ལམ་ཡན་ལག་བརྒྱད་པ་ཤེས་པར་བྱའོ། །རྣམ་པར་ཐར་པའི་སྒོ་གསུམ་ཤེས་པར་བྱའོ། །བསམ་གཏན་བཞི་ཤེས་པར་བྱའོ། །ཚད་མྱེད་པ་བཞི་ཤེས་པར་བྱའོ། །གཟུགས་མྱེད་པའི་སྙོམས་པར་འཇུག་པ་བཞི་ཤེས་པར་བྱའོ། །
རྣམ་པར་ཐར་པ་བརྒྱད་ཤེས་པར་བྱའོ། །མཐར་ཀྱིས་གནས་པའི་སྙོམས་པར་འཇུག་པ་དགུ་ཤེས་པར་བྱའོ། །ཏིང་ངེ་འཛིན་རྣམས་ཤེས་པར་བྱའོ། །གཟུངས་ཀྱི་སྒོ་རྣམས་ཤེས་པར་བྱའོ། །དེ་བཞིན་གཤེགས་པའི་སྟོབས་བཅུ་ཤེས་པར་
བྱའོ། །མྱི་འཇིགས་པ་བཞི་ཤེས་པར་བྱའོ། །སོ་སོ་ཡང་དག་པར་རིག་པ་བཞི་ཤེས་པར་བྱའོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཤེས་པར་བྱའོ། །བྱམས་པ་ཆེན་པོ་ཤེས་པར་བྱའོ། །སྙིང་རྗེ་ཆེན་པོ་ཤེས་པར་བྱའོ། །
เล่ม ๒๔ · หน้า 259a
ལམ་དེ་དག་གིས་ཀྱང་སེམས་ཅན་གང་རྒྱུན་ཏུ་ཞུགས་པའི་འབྲས་བུ་ལ་དགོད་པར་བྱ་བ་དེ་དག་ནི། རྒྱུན་ཏུ་ཞུགས་པའི་འབྲས་བུ་ལ་འགོད། གང་ལན་ཅིག་ཕྱིར་འོང་བའི་འབྲས་བུ་ལ་དགོད་པར་བྱ་བ་དེ་དག་ནི་ལན་ཅིག་
ཕྱིར་འོང་བའི་འབྲས་བུ་ལ་འགོད། གང་ཕྱིར་མྱི་འོང་བའི་འབྲས་བུ་ལ་དགོད་པར་བྱ་བ་དེ་དག་ནི། ཕྱིར་མྱི་འོང་བའི་འབྲས་བུ་ལ་འགོད། གང་དགྲ་བཅོམ་པ་ཉིད་ལ་དགོད་པར་བྱ་བ་དེ་དག་ནི་དགྲ་བཅོམ་པ་ཉིད་ལ་འགོད། གང་རང་བྱང་ཆུབ་ལ་
དགོད་པར་བྱ་བ་དེ་དག་ནི། རང་བྱང་ཆུབ་ལ་འགོད། གང་བྱང་ཆུབ་ལ་དགོད་པར་བྱ་བ་དེ་དག་ནི་བྱང་ཆུབ་ལ་འགོད་དོ། །རབ་འབྱོར་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལམ་གྱི་རྣམ་པ་ཤེས་པ་ཉིད་དོ། །དེ་དག་ལ་བསླབས་
ཤིང་། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་རྣམས་ཀྱི་བསམ་པ་ལ་འཇུག་གོ །སེམས་ཅན་རྣམས་ཀྱི་བསམ་པ་ལ་ཞུགས་ནས་དེ་བཞིན་དུ་ཆོས་སྟོན་ཏོ། །དེས་ཆོས་བསྟན་པ་དེ་ཡང་འབྲས་བུ་མྱེད་པར་མྱི་འགྱུར་རོ། །དེ་ཅིའི་
ཕྱིར་ཞེ་ན། དེ་ནི་འདི་ལྟར་དེས་གཞན་གྱི་དབང་པོ་ཤིན་ཏུ་ཤེས་པར་བྱས་པའི་ཕྱིར་ཏེ། དེ་ནི་སེམས་ཅན་རྣམས་ཀྱི་ལམ་དང་། ལམ་མ་ཡིན་པ་དང་། འཆི་འཕོ་དང་། སྐྱེ་བ་ཡང་རབ་ཏུ་ཤེས་སོ། །རབ་འབྱོརད་བྱང་ཆུབ་སེམས་དཔའ་སེམས་
དཔའ་ཆེན་པོས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱད་པར་བྱ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདིར་ནི། བྱང་ཆུབ་ཀྱི་ཕྱོགས་གང་ལ་བྱང་ཆུབ་སེམས་དཔའ་སེམས་དཔའ་ཆེན་པོས་བསླབ་པར་བྱ་བ་འམ། ཉན་ཐོས་ཀྱིས་བསླབ་
པར་བྱ་བ་འམ། རང་སངས་རྒྱས་ཀྱིས་བསླབ་པར་བྱ་བའི་ཆོས་ཐམས་ཅད་གང་ཡང་མ་འདུས་པ་མྱེད་དོ། །གསོལ་པ། བཅོམ་ལྡན་འདས་གལ་ཏེ་དེ་ལྟར་བྱང་ཆུབ་ཀྱི་ཕྱོགས་ཀྱི་ཆོས་གང་ལགས་པ་དང་། བྱང་ཆུབ་གང་ལགས་པའི་ཆོས་
เล่ม ๒๔ · หน้า 259b
དེ་དག་ཐམས་ཅད་ལྡན་པ་ཡང་མ་ལགས། མྱི་ལྡན་པ་ཡང་མ་ལགས། གཟུགས་མ་མཆིས་པ། བསྟན་ཏུ་མ་མཆིས། ཐོགས་པ་མ་མཆིས་པ་སྟེ། འདི་ལྟར་མཚན་ཉིད་མ་མཆིས་པར་མཚན་ཉིད་གཅིག་ན། ཇི་ལྟར་བྱང་ཆུབ་ཀྱི་ཕྱོགས་ཀྱི་ཆོས་
རྣམས་བྱང་ཆུབ་བསྒྲུབ་པར་འགྱུར་བ་ལགས། བཅོམ་ལྡན་འདས་ལྡན་པ་ཡང་མ་ལགས། མྱི་ལྡན་པ་ཡང་མ་ལགས་ལ། གཟུགས་མ་མཆིས་ཤིང་བསྟན་དུ་མ་མཆིས། ཐོགས་པ་མ་མཆིས་པ། འདི་ལྟར་མཚན་ཉིད་མ་མཆིས། མཚན་
ཉིད་གཅིག་པ་ནི་ཆོས་གང་ལ་ཡང་བསྒྲུབ་པ་འམ། འཇིག་པར་བགྱིད་པ་མ་མཆིས་སོ། །བཅོམ་ལྡན་འདས་འདི་ལྟ་སྟེ་དཔེར་ན། ནམ་མཁའ་ནི་ཆོས་གང་ལ་ཡང་བསྒྲུབ་པ་འམ། འཇིག་པར་མྱི་བགྱིད་དོ། །བཅོམ་ལྡན་འདས་དེ་བཞིན་དུ་རང་གི་
མཚན་ཉིད་ཀྱིས་སྟོང་པའི་ཆོས་ནི། ཆོས་གང་ལ་ཡང་བསྒྲུབ་པ་འམ། འཇིག་པར་བགྱིད་པ་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། །དེ་དེ་བཞིན་ཏེ། རབ་འབྱོར་རང་གི་མཚན་ཉིད་ཀྱིས་སྟོང་པའི་
ཆོས་ནི། ཆོས་གང་ལ་ཡང་བསྒྲུབ་པའམ། འཇིག་པར་བྱེད་པ་མྱེད་དོ། །རབ་འབྱོར་སེམས་ཅན་གང་རང་གི་མཚན་ཉིད་ཀྱིས་སྟོང་པའི་ཆོས་མྱི་ཤེས་པ་དེ་དག་གི་དོན་དུ་འདི་སྐད་དུ་འདི་དག་ནི། བྱང་ཆུབ་ཀྱི་ཕྱོགས་ཀྱི་ཆོས་བྱང་ཆུབ་ཏུ་ཐོབ་པར་བྱེད་པའོ་
ཞེས་བཤད་ཀྱི། རབ་འབྱོརད་དེ་ནི་འདི་ལྟར་གཟུགས་གང་ཡིན་པ་དང་། ཚོར་བ་གང་ཡིན་པ་དང་། འདུ་ཤེས་གང་ཡིན་པ་དང་། འདུ་བྱེད་གང་ཡིན་པ་དང་། རྣམ་པར་ཤེས་པ་གང་ཡིན་པ་དང་། མྱིག་གང་ཡིན་པ་དང་། རྣ་བ་གང་ཡིན་པ་དང་། སྣ་
གང་ཡིན་པ་དང་། ལྕེ་གང་ཡིན་པ་དང་། ལུས་གང་ཡིན་པ་དང་། ཡིད་གང་ཡིན་པ་དང་། གཟུགས་གང་ཡིན་པ་དང་། སྒྲ་གང་ཡིན་པ་དང་། དྲི་གང་ཡིན་པ་དང་། རོ་གང་ཡིན་པ་དང་། རེག་གང་ཡིན་པ་དང་། ཆོས་གང་ཡིན་པ་དང་། མྱིག་གི་རྣམ་
เล่ม ๒๔ · หน้า 260a
པར་ཤེས་པ་གང་ཡིན་པ་དང་། རྣ་བའི་རྣམ་པར་ཤེས་པ་གང་ཡིན་པ་དང་། སྣའི་རྣམ་པར་ཤེས་པ་གང་ཡིན་པ་དང་། ལྕེའི་རྣམ་པར་ཤེས་པ་གང་ཡིན་པ་དང་། ལུས་ཀྱི་རྣམ་པར་ཤེས་པ་གང་ཡིན་པ་དང་། ཡིད་ཀྱི་རྣམ་
པར་ཤེས་པ་གང་ཡིན་པ་དང་། མྱིག་གི་འདུས་ཏེ་རེག་པ་གང་ཡིན་པ་དང་། རྣ་བའི་འདུས་ཏེ་རེག་པ་གང་ཡིན་པ་དང་། སྣའི་འདུས་ཏེ་རེག་པ་གང་ཡིན་པ་དང་། ལྕེའི་འདུས་ཏེ་རེག་པ་གང་ཡིན་པ་དང་། ལུས་ཀྱི་འདུས་ཏེ་རེག་པ་གང་ཡིན་པ་དང་།
ཡིད་ཀྱི་འདུས་ཏེ་རེག་པ་གང་ཡིན་པ་དང་། མྱིག་གི་འདུས་ཏེ་རེག་པའི་རྐྱེནད་ཀྱིས་ཚོར་བ་གང་ཡིན་པ་དང་། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་གང་ཡིན་པ་དང་། སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་གང་ཡིན་པ་དང་། ལྕེའི་འདུས་
ཏེ་རེག་པའི་རྐྱེན་གྱིས་ཚོར་བ་གང་ཡིན་པ་དང་། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་གང་ཡིན་པ་དང་། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་གང་ཡིན་པ་དང་། སའི་ཁམས་གང་ཡིན་པ་དང་། ཆུའི་ཁམས་གང་ཡིན་པ་དང་། མྱེའི་
ཁམས་གང་ཡིན་པ་དང་། རླུང་གི་ཁམས་གང་ཡིན་པ་དང་། ནམ་མཁའི་ཁམས་གང་ཡིན་པ་དང་། རྣམ་པར་ཤེས་པའི་ཁམས་གང་ཡིན་པ་དང་། མ་རིག་པ་གང་ཡིན་པ་དང་། འདུ་བྱེད་གང་ཡིན་པ་དང་། རྣམ་པར་ཤེས་པ་གང་ཡིན་པ་དང་། མྱིང་
དང་གཟུགས་གང་ཡིན་པ་དང་། སྐྱེ་མཆེད་དྲུག་གང་ཡིན་པ་དང་། རེག་པ་གང་ཡིན་པ་དང་། ཚོར་བ་གང་ཡིན་པ་དང་། སྲེད་པ་གང་ཡིན་པ་དང་། ལེན་པ་གང་ཡིན་པ་དང་། སྲིད་པ་གང་ཡིན་པ་དང་། སྐྱེ་བ་གང་ཡིན་པ་དང་། རྒ་ཤི་གང་ཡིན་པ་དང་།
སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཡིན་པ་དང་། བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་གང་
เล่ม ๒๔ · หน้า 260b
ཡིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དང་། ནང་སྟོང་པ་ཉིད་གང་ཡིན་པ་དང་། ཕྱི་སྟོང་པ་ཉིད་གང་ཡིན་པ་དང་། ཕྱི་ནང་སྟོང་པ་ཉིད་གང་ཡིན་པ་དང་། སྟོང་པ་ཉིད་སྟོང་པ་ཉིད་གང་ཡིན་པ་དང་། ཆེན་པོ་སྟོང་པ་ཉིད་གང་ཡིན་པ་དང་། དོན་
དམ་པ་སྟོང་པ་ཉིད་གང་ཡིན་པ་དང་། འདུས་བྱས་སྟོང་པ་ཉིད་གང་ཡིན་པ་དང་། འདུས་མ་བྱས་སྟོང་པ་ཉིད་གང་ཡིན་པ་དང་། མཐའ་ལས་འདས་པ་སྟོང་པ་ཉིད་གང་ཡིན་པ་དང་། ཐོག་མ་དང་ཐ་མ་མྱེད་པ་སྟོང་པ་ཉིད་གང་ཡིན་པ་དང་། དོར་བ་
མྱེད་པ་སྟོང་པ་ཉིད་གང་ཡིན་པ་དང་། རང་བཞིན་སྟོང་པ་ཉིད་གང་ཡིན་པ་དང་། ཆོས་ཐམས་ཅད་སྟོང་པ་ཉིད་གང་ཡིན་པ་དང་། རང་གི་མཚན་ཉིད་སྟོང་པ་ཉིད་གང་ཡིན་པ་དང་། མྱི་དམྱིགས་པ་སྟོང་པ་ཉིད་གང་ཡིན་པ་དང་། དངོས་པོ་མྱེད་པ་
སྟོང་པ་ཉིད་གང་ཡིན་པ་དང་། ངོ་བོ་ཉིད་སྟོང་པ་ཉིད་གང་ཡིན་པ་དང་། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་གང་ཡིན་པ་དང་། བསམ་གཏན་དང་པོ་གང་ཡིན་པ་དང་། བསམ་གཏན་གཉིས་པ་གང་ཡིན་པ་དང་། །བསམ་གཏན་གསུམ་པ་གང་
ཡིན་པ་དང་། བསམ་གཏན་བཞི་པ་གང་ཡིན་པ་དང་། བྱམས་པ་གང་ཡིན་པ་དང་། སྙིང་རྗེ་གང་ཡིན་པ་དང་། དགའ་བ་གང་ཡིན་པ་དང་། བཏང་སྙོམས་གང་ཡིན་པ་དང་། ནམ་མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་གང་
ཡིན་པ་དང་། རྣམ་ཤེས་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་གང་ཡིན་པ་དང་། ཆུང་ཟད་མྱེད་པའི་སྐྱེ་མཆེད་ཀྱི་སྙོམས་པར་འཇུག་པ་གང་ཡིན་པ་དང་། འདུ་ཤེས་མྱེད་འདུ་ཤེས་མྱེད་མྱིན་སྐྱེ་མཆེད་ཀྱི་སྙོམས་པར་འཇུག་
པ་གང་ཡིན་པ་དང་། དྲན་པ་ཉེ་བར་གཞག་པ་རྣམས་གང་ཡིན་པ་དང་། ཡང་དག་པར་སྤོང་བ་རྣམས་གང་ཡིན་པ་དང་། རྫུ་འཕྲུལ་གྱི་རྐང་པ་རྣམས་གང་ཡིན་པ་དང་། དབང་པོ་རྣམས་གང་ཡིན་པ་དང་། སྟོབས་རྣམས་གང་ཡིན་པ་དང་།
เล่ม ๒๔ · หน้า 261a
བྱང་ཆུབ་ཀྱི་ཡན་ལག་རྣམས་གང་ཡིན་པ་དང་། འཕགས་པའི་ལམ་ཡན་ལག་བརྒྱད་པ་གང་ཡིན་པ་དང་། འཕགས་པའི་བདེན་པ་རྣམས་གང་ཡིན་པ་དང་། རྣམ་པར་ཐར་པའི་སྒོ་གསུམ་གང་ཡིན་པ་དང་། རྣམ་པར་ཐར་པ་བརྒྱད་
གང་ཡིན་པ་དང་། མཐར་ཀྱིས་གནས་པའི་སྙོམས་པར་འཇུག་པ་དགུ་གང་ཡིན་པ་དང་། ཏིང་ངེ་འཛིན་རྣམས་གང་ཡིན་པ་དང་། གཟུངས་ཀྱི་སྒོ་རྣམས་གང་ཡིན་པ་དང་། དེ་བཞིན་གཤེགས་པའི་སྟོབས་བཅུ་གང་ཡིན་པ་དང་། མྱི་
འཇིགས་པ་བཞི་གང་ཡིན་པ་དང་། སོ་སོ་ཡང་དག་པར་རིག་པ་བཞི་གང་ཡིན་པ་དང་། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་གང་ཡིན་པ་དང་། བྱམས་པ་ཆེན་པོ་གང་ཡིན་པ་དང་། སྙིང་རྗེ་ཆེན་པོ་གང་ཡིན་པ་དང་། རྒྱུན་ཏུ་
ཞུགས་པའི་འབྲས་བུ་གང་ཡིན་པ་དང་། ལན་ཅིག་ཕྱིར་འོང་བའི་འབྲས་བུ་གང་ཡིན་པ་དང་། ཕྱིར་མྱི་འོང་བའི་འབྲས་བུ་གང་ཡིན་པ་དང་། དགྲ་བཅོམ་པ་ཉིད་གང་ཡིན་པ་དང་། རང་བྱང་ཆུབ་གང་ཡིན་པ་དང་། ལམ་གྱི་རྣམ་པ་ཤེས་པ་
ཉིད་གང་ཡིན་པ་དང་། རྣམ་པ་ཐམས་ཅད་མཁྱེན་པ་ཉིད་གང་ཡིན་པའི་ཆོས་དེ་དག་ཐམས་ཅད་ནི་ཆོས་དང་། འདུལ་བ་འདི་ལ་ལྡན་པ་ཡང་མ་ཡིན། མི་ལྡན་པ་ཡང་མ་ཡིན། གཟུགས་མེད་པ། བསྟན་དུ་
མེད་པ། ཐོགས་པ་མྱེད་པ་སྟེ། འདི་ལྟར་མཚན་ཉིད་མྱེད་པར་མཚན་ཉིད་གཅིག་ཀྱང་དེ་དག་དེ་བཞིན་གཤེགས་པས། སེམས་ཅན་རྣམས་གཟུད་པར་བྱ་བའི་དོན་དུ་འཇིག་རྟེན་གྱི་ཐ་སྙད་ཀྱིས་དེ་སྐད་དུ་བརྗོད་དེ། དོན་དམ་པར་མ་ཡིན་
ནོ། །དེ་དག་ཐམས་ཅད་ལ་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་པ་དང་། མཐོང་བས་བསླབ་པར་བྱ་སྟེ། ཇི་ལྟ་བ་བཞིན་དུ་ཤེས་པ་དང་། མཐོང་བས་བསླབས་ནས། ཆོས་ལ་ལ་ནི་མངོན་དུ་བྱའོ། །ལ་ལ་ནི་མངོན་དུ་མྱི་
เล่ม ๒๔ · หน้า 261b
བྱའོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་གང་ནི་ཤེས་པ་དང་། མཐོང་བས་བསླབས་ཏེ་མངོན་དུ་བྱ། ཆོས་གང་ནི་ཤེས་པ་དང་། མཐོང་བས་བསླབས་ཏེ། མངོན་དུ་མྱི་བྱ་ཞེ་ན། ཉན་ཐོས་དང་རང་སངས་རྒྱས་ཀྱི་ཆོས་རྣམས་
ནི་ཤེས་པ་དང་མཐོང་བས་བསླབས་ཏེ། མངོན་དུ་མྱི་བྱའོ། །རྣམ་པ་ཐམས་ཅད་མཁྱེན་པ་ཉིད་ཀྱི་ཡེ་ཤེས་ཀྱིས་ཆོས་ཐམས་ཅད། རྣམ་པ་ཐམས་ཅད་དུ་མངོན་དུ་བྱ་སྟེ། རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས།
འཕགས་པའི་ཆོས་དང་འདུལ་བ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །གསོལ་པ། བཅོམ་ལྡན་འདས་འཕགས་པའི་ཆོས་དང་འདུལ་བ། འཕགས་པའི་ཆོས་དང་འདུལ་བ་ཞེས་བགྱི་བ་དེ་ཇི་ཙམ་གྱིས་ན། འཕགས་
པའི་ཆོས་དང་འདུལ་བ་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལ་ཉན་ཐོས་རྣམས་དང་། རང་སངས་རྒྱས་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་རྣམས་ནི། འདོད་ཆགས་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། ཞེ་སྡང་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། གཏི་མུག་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། འཇིག་
ཚོགས་སུ་ལྟ་བ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། ཐེ་ཙོམ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། ཚུལ་ཁྲིམས་དང་བརྟུལ་ཞུགས་བསྙེམས་པ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། འདོད་པའི་འདོད་ཆགས་དང་གནོད་
སེམས་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། གཟུགས་ཀྱི་འདོད་ཆགས་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། གཟུགས་མྱེད་པའི་འདོད་ཆགས་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། མ་རིག་པ་དང་ལྡན་པ་ཡང་མ་
เล่ม ๒๔ · หน้า 262a
ཡིན། བྲལ་བ་ཡང་མ་ཡིན། ང་རྒྱལ་དང་རྒོད་པ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། བསམ་གཏན་དང་པོ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། བསམ་གཏན་གཉིས་པ་དང་ལྡན་པ་ཡང་མ་ཡིན།
བྲལ་བ་ཡང་མ་ཡིན། བསམ་གཏན་གསུམ་པ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། བསམ་གཏན་བཞི་པ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། བྱམས་པ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། སྙིང་རྗེ་དང་
ལྡན་པ་ཡང་མ་ཡིན། བྲལ་བ་ཡང་མ་ཡིན། དགའ་བ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། བཏང་སྙོམས་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། ནམ་མཁའ་མཐའ་ཡས་སྐྱེ་མཆེད་ལ་སྙོམས་པར་འཇུག་པ་དང་ལྡན་པ་ཡང་མ་
ཡིན། བྲལ་བ་ཡང་མ་ཡིན། རྣམ་ཤེས་མཐའ་ཡས་སྐྱེ་མཆེད་ལ་སྙོམས་པར་འཇུག་པ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། ཆུང་ཟད་མྱེད་པའི་སྐྱེ་མཆེད་ལ་སྙོམས་པར་འཇུག་པ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན།
འདུ་ཤེས་མྱེད་འདུ་ཤེས་མྱེད་མྱིན་སྐྱེ་མཆེད་ལ་སྙོམས་པར་འཇུག་པ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། དྲན་པ་ཉེ་བར་གཞག་པ་བཞི་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། ཡང་དག་པར་སྤོང་བ་བཞི་དང་ལྡན་པ་ཡང་མ་
ཡིན། བྲལ་བ་ཡང་མ་ཡིན། རྫུ་འཕྲུལ་གྱི་རྐང་པ་བཞི་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། དབང་པོ་ལྔ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། སྟོབས་ལྔ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། བྱང་ཆུབ་
ཀྱི་ཡན་ལག་བདུན་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། འཕགས་པའི་ལམ་ཡན་ལག་བརྒྱད་པ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། འཕགས་པའི་བདེན་པ་བཞི་དང་ལྡན་པ་ཡང་མ་ཡིན། བྲལ་བ་ཡང་མ་ཡིན།
เล่ม ๒๔ · หน้า 262b
བསམ་གཏན་བཞི་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། ཚད་མྱེད་པ་བཞི་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། གཟུགས་མྱེད་པའི་སྙོམས་པར་འཇུག་པ་བཞི་དང་ལྡན་པ་ཡང་མ་ཡིན། བྲལ་བ་ཡང་མ་ཡིན།
རྣམ་པར་ཐར་པ་བརྒྱད་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། མཐར་ཀྱིས་གནས་པའི་སྙོམས་པར་འཇུག་པ་དགུ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་
དང་། སྨོན་པ་མྱེད་པ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། མངོན་པར་ཤེས་པ་ལྔ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། ཏིང་ངེ་འཛིན་རྣམས་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། གཟུངས་
ཀྱི་སྒོ་རྣམས་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། དེ་བཞིན་གཤེགས་པའི་སྟོབས་བཅུ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། མྱི་འཇིགས་པ་བཞི་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། སོ་སོ་ཡང་
དག་པར་རིག་པ་བཞི་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། བྱམས་པ་ཆེན་པོ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། སྙིང་
རྗེ་ཆེན་པོ་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། འདུས་བྱས་ཀྱི་ཁམས་དང་ལྡན་པ་ཡང་མ་ཡིན། བྲལ་བ་ཡང་མ་ཡིན། འདུས་མ་བྱས་ཀྱི་ཁམས་དང་ལྡན་པ་ཡང་མ་ཡིན། བྲལ་བ་ཡང་མ་ཡིན་པས་དེའི་ཕྱིར་དེ་དག་ནི་འཕགས་
པ་ཞེས་བྱ་སྟེ། འདི་ནི་དེ་དག་གི་ཆོས་དང་འདུལ་བ་ཡིན་པས། དེའི་ཕྱིར་འཕགས་པའི་ཆོས་འདུལ་བ་ཞེས་བྱའོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་ཆོས་དེ་དག་ཐམས་ཅད་གཟུགས་མྱེད་པ་བསྟན་དུ་མྱེད་པ་ཐོགས་པ་མྱེད་པ།
เล่ม ๒๔ · หน้า 263a
འདི་ལྟར་མཚན་ཉིད་མྱེད་པར་མཚན་ཉིད་གཅིག་པ་སྟེ། དེ་དག་ནི་གཟུགས་མྱེད་པ། གཟུགས་མྱེད་པར་ལྡན་པ་ཡང་མ་ཡིན། བྲལ་བ་ཡང་མ་ཡིན་ནོ། །བསྟན་ཏུ་མྱེད་པ་དང་། བསྟན་ཏུ་མྱེད་པར་ལྡན་པ་ཡང་མ་ཡིན།
བྲལ་བ་ཡང་མ་ཡིན་ནོ། །ཐོགས་པ་མྱེད་པ་དང་། ཐོགས་པ་མྱེད་པར་ལྡན་པ་ཡང་མ་ཡིན། བྲལ་བ་ཡང་མ་ཡིན་ནོ། །མཚན་ཉིད་མྱེད་པ་དང་། མཚན་ཉིད་མྱེད་པར་ལྡན་པ་ཡང་མ་ཡིན། བྲལ་བ་ཡང་མ་ཡིན་ནོ། །རབ་འབྱོརད་འདི་ནི་བྱང་
ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གཟུགས་མྱེད་པ། བསྟན་དུ་མེད་པ་ཐོགས་པ་མྱེད་པ། མཚན་ཉིད་གཅིག་པ་མཚན་ཉིད་མེད་པའི་ཕ་རོལ་ཏུ་ཕྱིན་པ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལ་བསླབ་པར་
བྱའོ། །དེས་དེ་ལ་བསླབས་ན། ཆོས་ཀྱི་མཚན་ཉིད་གང་ཡང་དམྱིགས་པར་མྱི་འགྱུར་རོ། །རབ་འབྱོར་གྱིས་གསོལ་པ། བཅོམ་ལྡན་འདས་འོ་ན། གཟུགས་ཀྱི་མཚན་ཉིད་ལ་བསླབ་པར་མྱི་བགྱི་འམ། ཚོར་བའི་མཚན་ཉིད་ལ་བསླབ་པར་
མྱི་བགྱི་འམ། འདུ་ཤེས་ཀྱི་མཚན་ཉིད་ལ་བསླབ་པར་མྱི་བགྱི་འམ། འདུ་བྱེད་ཀྱི་མཚན་ཉིད་ལ་བསླབ་པར་མྱི་བགྱི་འམ། རྣམ་པར་ཤེས་པའི་མཚན་ཉིད་ལ་བསླབ་པར་མྱི་བགྱི་འམ། མྱིག་གི་མཚན་ཉིད་ལ་བསླབ་པར་མྱི་བགྱི་འམ། རྣ་བའི་
མཚན་ཉིད་ལ་བསླབ་པར་མྱི་བགྱི་འམ། སྣའི་མཚན་ཉིད་ལ་བསླབ་པར་མྱི་བགྱི་འམ། ལྕེའི་མཚན་ཉིད་ལ་བསླབ་པར་མྱི་བགྱི་འམ། ལུས་ཀྱི་མཚན་ཉིད་ལ་བསླབ་པར་མྱི་བགྱི་འམ། ཡིད་ཀྱི་མཚན་ཉིད་ལ་བསླབ་པར་མྱི་བགྱི་འམ།
གཟུགས་ཀྱི་མཚན་ཉིད་ལ་བསླབ་པར་མྱི་བགྱི་འམ། སྒྲའི་མཚན་ཉིད་ལ་བསླབ་པར་མྱི་བགྱི་འམ། དྲིའི་མཚན་ཉིད་ལ་བསླབ་པར་མྱི་བགྱི་འམ། རོའི་མཚན་ཉིད་ལ་བསླབ་པར་མྱི་བགྱི་འམ། རེག་གི་མཚན་ཉིད་ལ་བསླབ་པར་མྱི་བགྱི་
เล่ม ๒๔ · หน้า 263b
འམ། ཆོས་ཀྱི་མཚན་ཉིད་ལ་བསླབ་པར་མྱི་བགྱི་འམ། མྱིག་གི་རྣམ་པར་ཤེས་པའི་མཚན་ཉིད་ལ་བསླབ་པར་མྱི་བགྱི་འམ། རྣ་བའི་རྣམ་པར་ཤེས་པའི་མཚན་ཉིད་ལ་བསླབ་པར་མྱི་བགྱི་འམ། སྣའི་རྣམ་པར་ཤེས་པའི་མཚན་ཉིད་ལ་བསླབ་
པར་མྱི་བགྱི་འམ། ལྕེའི་རྣམ་པར་ཤེས་པའི་མཚན་ཉིད་ལ་བསླབ་པར་མྱི་བགྱི་འམ། ལུས་ཀྱི་རྣམ་པར་ཤེས་པའི་མཚན་ཉིད་ལ་བསླབ་པར་མྱི་བགྱི་འམ། ཡིད་ཀྱི་རྣམ་པར་ཤེས་པའི་མཚན་ཉིད་ལ་བསླབ་པར་མྱི་བགྱི་འམ། མྱིག་གི་
འདུས་ཏེ་རེག་པའི་མཚན་ཉིད་ལ་བསླབ་པར་མྱི་འམ། རྣ་བའི་འདུས་ཏེ་རེག་པའི་མཚན་ཉིད་ལ་བསླབ་པར་མྱི་བགྱི་འམ། སྣའི་འདུས་ཏེ་རེག་པའི་མཚན་ཉིད་ལ་བསླབ་པར་མྱི་བགྱི་འམ། ལྕེའི་འདུས་ཏེ་རེག་པའི་མཚན་ཉིད་ལ་བསླབ་པར་མྱི་
བགྱི་འམ། ལུས་ཀྱི་འདུས་ཏེ་རེག་པའི་མཚན་ཉིད་ལ་བསླབ་པར་མྱི་བགྱི་འམ། ཡིད་ཀྱི་འདུས་ཏེ་རེག་པའི་མཚན་ཉིད་ལ་བསླབ་པར་མྱི་བགྱི་འམ། མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བའི་མཚན་ཉིད་ལ་བསླབ་པར་མྱི་བགྱི་འམ། རྣ་བའི་
འདུས་ཏེ་རེག་པའི་རྐྱེན་ཀྱིས་ཚོར་བའི་མཚན་ཉིད་ལ་བསླབ་པར་མྱི་བགྱི་འམ། སྣའི་འདུས་ཏེ་རེག་པའི་རྐྱེན་ཀྱིས་ཚོར་བའི་མཚན་ཉིད་ལ་བསླབ་པར་མྱི་བགྱི་འམ། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བའི་མཚན་ཉིད་ལ་བསླབ་པར་མྱི་
བགྱི་འམ། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བའི་མཚན་ཉིད་ལ་བསླབ་པར་མྱི་བགྱི་འམ། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བའི་མཚན་ཉིད་ལ་བསླབ་པར་མྱི་བགྱི་འམ། སའི་ཁམས་ཀྱི་མཚན་ཉིད་ལ་བསླབ་པར་མྱི་
བགྱི་འམ། ཆུའི་ཁམས་ཀྱི་མཚན་ཉིད་ལ་བསླབ་པར་མྱི་བགྱི་འམ། མྱེའི་ཁམས་ཀྱི་མཚན་ཉིད་ལ་བསླབ་པར་མྱི་བགྱི་འམ། རླུང་གི་ཁམས་ཀྱི་མཚན་ཉིད་ལ་བསླབ་པར་མྱི་བགྱི་འམ། ནམ་མཁའི་ཁམས་ཀྱི་མཚན་ཉིད་ལ་བསླབ་པར་མྱི་
เล่ม ๒๔ · หน้า 264a
བགྱི་འམ། རྣམ་པར་ཤེས་པའི་ཁམས་ཀྱི་མཚན་ཉིད་ལ་བསླབ་པར་མྱི་བགྱི་འམ། མ་རིག་པའི་མཚན་ཉིད་ལ་བསླབ་པར་མྱི་བགྱི་འམ། འདུ་བྱེད་ཀྱི་མཚན་ཉིད་ལ་བསླབ་པར་མྱི་བགྱི་འམ། རྣམ་པར་ཤེས་པའི་མཚན་
ཉིད་ལ་བསླབ་པར་མྱི་བགྱི་འམ། མྱིང་དང་གཟུགས་ཀྱི་མཚན་ཉིད་ལ་བསླབ་པར་མྱི་བགྱི་འམ། སྐྱེ་མཆེད་དྲུག་གི་མཚན་ཉིད་ལ་བསླབ་པར་མྱི་བགྱི་འམ། རེག་པའི་མཚན་ཉིད་ལ་བསླབ་པར་མྱི་བགྱི་འམ། ཚོར་བའི་མཚན་ཉིད་ལ་བསླབ་པར་
མྱི་བགྱི་འམ། སྲེད་པའི་མཚན་ཉིད་ལ་བསླབ་པར་མྱི་བགྱི་འམ། ལེན་པའི་མཚན་ཉིད་ལ་བསླབ་པར་མྱི་བགྱི་འམ། སྲིད་པའི་མཚན་ཉིད་ལ་བསླབ་པར་མྱི་བགྱི་འམ། སྐྱེ་བའི་མཚན་ཉིད་ལ་བསླབ་པར་མྱི་བགྱི་འམ། རྒ་ཤིའི་མཚན་
ཉིད་ལ་བསླབ་པར་མྱི་བགྱི་འམ། སྦྱིན་པའི་ཕ་རོལད་ཏུ་ཕྱིནད་པའི་མཚན་ཉིད་ལ་བསླབ་པར་མྱི་བགྱི་འམ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་མཚན་ཉིད་ལ་བསླབ་པར་མྱི་བགྱི་འམ། བཟོད་པའི་ཕ་རོལ་ཏུ་ཕྱིན་པའི་མཚན་ཉིད་ལ་བསླབ་པར་
མྱི་བགྱི་འམ། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་མཚན་ཉིད་ལ་བསླབ་པར་མྱི་བགྱི་འམ། བསམ་གཏན་གྱི་ཕ་རོལ་ཏུ་ཕྱིན་པའི་མཚན་ཉིད་ལ་བསླབ་པར་མྱི་བགྱི་འམ། ཤེས་རབ་ཀྱི་ཕ་རོལ་ཏུ་ཕྱིན་པའི་མཚན་ཉིད་ལ་བསླབ་པར་
མྱི་བགྱི་འམ། ནང་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། ཕྱི་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། ཕྱི་ནང་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། སྟོང་པ་ཉིད་སྟོང་པ་ཉིད་ཀྱི་མཚན་
ཉིད་ལ་བསླབ་པར་མྱི་བགྱི་འམ། ཆེན་པོ་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། དོན་དམ་པ་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། འདུས་བྱས་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ།
เล่ม ๒๔ · หน้า 264b
འདུས་མ་བྱས་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། མཐའ་ལས་འདས་པ་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། ཐོག་མ་དང་ཐ་མ་མྱེད་པ་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། དོར་བ་མྱེད་
པ་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། རང་བཞིན་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། ཆོས་ཐམས་ཅད་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། རང་གི་མཚན་ཉིད་སྟོང་པ་ཉིད་ཀྱི་མཚན་
ཉིད་ལ་བསླབ་པར་མྱི་བགྱི་འམ། མྱི་དམྱིགས་པ་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། དངོས་པོ་མྱེད་པ་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། ངོ་བོ་ཉིད་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ།
དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱི་མཚན་ཉིད་ལ་བསླབ་པར་མྱི་བགྱི་འམ། བསམ་གཏན་དང་པོའི་མཚན་ཉིད་ལ་བསླབ་པར་མྱི་བགྱི་འམ། བསམ་གཏན་གཉིས་པའི་མཚན་ཉིད་ལ་བསླབ་པར་མྱི་བགྱི་འམ། བསམ་གཏན་གསུམ་
པའི་མཚན་ཉིད་ལ་བསླབ་པར་མྱི་བགྱི་འམ། བསམ་གཏན་བཞི་པའི་མཚན་ཉིད་ལ་བསླབ་པར་མྱི་བགྱི་འམ། བྱམས་པ་ཆེན་པོའི་མཚན་ཉིད་ལ་བསླབ་པར་མྱི་བགྱི་འམ། སྙིང་རྗེ་ཆེན་པོའི་མཚན་ཉིད་ལ་བསླབ་པར་མྱི་བགྱི་འམ། དགའ་
བ་ཆེན་པོའི་མཚན་ཉིད་ལ་བསླབ་པར་མྱི་བགྱི་འམ། བཏང་སྙོམས་ཆེན་པོའི་མཚན་ཉིད་ལ་བསླབ་པར་མྱི་བགྱི་འམ། ནམ་མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པའི་མཚན་ཉིད་ལ་བསླབ་པར་མྱི་བགྱི་འམ། རྣམ་
ཤེས་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པའི་མཚན་ཉིད་ལ་བསླབ་པར་མྱི་བགྱི་འམ། ཆུང་ཟད་མྱེད་པའི་སྐྱེ་མཆེད་ཀྱི་སྙོམས་པར་འཇུག་པའི་མཚན་ཉིད་ལ་བསླབ་པར་མྱི་བགྱི་འམ། འདུ་ཤེས་མྱེད་འདུ་ཤེས་མྱེད་མྱིན་སྐྱེ་མཆེད་ཀྱི་
เล่ม ๒๔ · หน้า 265a
སྙོམས་པར་འཇུག་པའི་མཚན་ཉིད་ལ་བསླབ་པར་མྱི་བགྱི་འམ། དྲན་པ་ཉེ་བར་གཞག་པ་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། ཡང་དག་པར་སྤོང་བ་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། རྫུ་
འཕྲུལ་གྱི་རྐང་པ་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། དབང་པོ་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། སྟོབས་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། བྱང་ཆུབ་ཀྱི་ཡན་ལག་རྣམས་ཀྱི་མཚན་ཉིད་ལ་
བསླབ་པར་མྱི་བགྱི་འམ། འཕགས་པའི་ལམ་ཡན་ལག་བརྒྱད་པའི་མཚན་ཉིད་ལ་བསླབ་པར་མྱི་བགྱི་འམ། སྟོང་པ་ཉིད་ཀྱི་ཏིང་ངེ་འཛིན་གྱི་མཚན་ཉིད་ལ་བསླབ་པར་མྱི་བགྱི་འམ། མཚན་མ་མྱེད་པའི་ཏིང་ངེ་འཛིན་གྱི་མཚན་ཉིད་ལ་བསླབ་
པར་མྱི་བགྱི་འམ། སྨོན་པ་མྱེད་པའི་ཏིང་ངེ་འཛིན་ཀྱི་མཚན་ཉིད་ལ་བསླབ་པར་མྱི་བགྱི་འམ། རྣམ་པར་ཐར་པ་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱི་མཚན་
ཉིད་ལ་བསླབ་པར་མྱི་བགྱི་འམ། མངོན་པར་ཤེས་པ་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། ཏིང་ངེ་འཛིན་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། གཟུངས་ཀྱི་སྒོ་རྣམས་ཀྱི་མཚན་ཉིད་ལ་བསླབ་པར་མྱི་བགྱི་
འམ། དེ་བཞིན་གཤེགས་པའི་སྟོབས་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། མྱི་འཇིགས་པ་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། སོ་སོ་ཡང་དག་པར་རིག་པ་རྣམས་ཀྱི་མཚན་ཉིད་ལ་བསླབ་པར་མྱི་བགྱི་
འམ། སངས་རྒྱས་ཀྱི་ཆོས་མ་འདྲེས་པ་རྣམས་ཀྱི་མཚན་ཉིད་ལ་བསླབ་པར་མྱི་བགྱི་འམ། བྱམས་པ་ཆེན་པོའི་མཚན་ཉིད་ལ་བསླབ་པར་མྱི་བགྱི་འམ། སྙིང་རྗེ་ཆེན་པོའི་མཚན་ཉིད་ལ་བསླབ་པར་མྱི་བགྱི་འམ། སྡུག་བསྔལ་འཕགས་
เล่ม ๒๔ · หน้า 265b
པའི་བདེན་པའི་མཚན་ཉིད་ལ་བསླབ་པར་མྱི་བགྱི་འམ། ཀུན་འབྱུང་བའི་མཚན་ཉིད་ལ་བསླབ་པར་མྱི་བགྱི་འམ། འགོག་པའི་མཚན་ཉིད་ལ་བསླབ་པར་མྱི་བགྱི་འམ། ལམ་འཕགས་པའི་བདེན་པའི་མཚན་ཉིད་ལ་བསླབ་པར་མྱི་བགྱི་
འམ། རྟེན་ཅིང་འབྲེལ་པར་འབྱུང་བ་ལུགས་དང་མཐུན་པ་དང་། ལུགས་དང་མྱི་མཐུན་པའི་མཚན་ཉིད་ལ་བསླབ་པར་མྱི་བགྱི་འམ། འདུས་བྱས་ཀྱི་ཁམས་ཀྱི་མཚན་ཉིད་ལ་བསླབ་པར་མྱི་བགྱི་འམ། འདུས་མ་བྱས་ཀྱི་ཁམས་ཀྱི་མཚན་ཉིད་
ལ་བསླབ་པར་མྱི་བགྱི་འམ། བཅོམ་ལྡན་འདས་གལ་ཏེ་ཆོས་འདི་དག་གི་མཚན་ཉིད་ལ་བསླབ་པར་མྱི་བགྱི་འམ། བཅོམ་ལྡན་འདས་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས། ཆོས་ཐམས་ཅད་ཀྱི་མཚན་ཉིད་དང་།
འདུ་བྱེད་ཀྱི་མཚན་ཉིད་ལ་བསླབས་ཏེ། ཉན་ཐོས་དང་རང་སངས་རྒྱས་ཀྱིས་ལས་འདའ་བར་འགྱུར། ཉན་ཐོས་དང་རང་སངས་རྒྱས་ཀྱི་ས་ལས་མ་འདས་ན། ཇི་ལྟར་བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པར་འགྱུར། བྱང་
ཆུབ་སེམས་དཔའི་སྐྱོན་མ་མཆིས་པ་ལ་མ་ཞུགས་ན། ཇི་ལྟར་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར། རྣམ་པ་ཐམས་ཅད་མཁྱེན་པ་ཉིད་མ་ཐོབ་ན། ཇི་ལྟར་ཆོས་ཀྱི་འཁོར་ལོ་བསྐོར་བར་བགྱི། ཆོས་ཀྱི་འཁོར་ལོ་མ་བསྐོར་ན།
ཇི་ལྟར་ཉན་ཐོས་ཀྱི་ཐེག་པ་འམ། རང་སངས་རྒྱས་ཀྱི་ཐེག་པ་འམ། ཐེག་པ་ཆེན་པོས་སེམས་ཅན་རྣམས་འཁོར་བ་ལས་ཡོངས་སུ་དགྲོལ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་གལ་ཏེ། ཆོས་ལ་ལ་ཞིག་
ལ་མཚན་ཉིད་ཡོད་ན་ནི། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོས། མཚན་ཉིད་དེ་ལ་བསླབ་པར་ཡང་འགྱུར་ན། ཆོས་ཐམས་ཅད་ལ་མཚན་ཉིད་མྱེད་ཅིང་། གཟུགས་མྱེད་བསྟན་དུ་མེད། ཐོགས་པ་མྱེད་པ་སྟེ། འདི་
เล่ม ๒๔ · หน้า 266a
ལྟར་མཚན་ཉིད་མྱེད་པར་མཚན་ཉིད་གཅིག་པ་སྟེ། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོས་མཚན་ཉིད་ལ་ཡང་བསླབ་པར་མྱི་བྱ། མཚན་ཉིད་མྱེད་པ་ལ་ཡང་བསླབ་པར་མྱི་བྱའོ། །དེ་ཅིའི་ཕྱིར་ཞེ་
ན། སྔོན་ཆད་མཚན་ཉིད་ཡོད་པར་གྱུར་པའམ། ཕྱིས་མཚན་ཉིད་མྱེད་པར་གྱུར་པ་མ་ཡིན་གྱི། རབ་འབྱོར་ཆོས་འདི་དག་ནི་སྔོན་ཆད་ཀྱང་མཚན་ཉིད་མྱེད་ལ་ད་ལྟར་ཡང་མཚན་ཉིད་མྱེད་པས་ན་དེའི་ཕྱིར་བྱང་ཆུབ་སེམས་དཔའ་སེམས་དཔའ་
ཆེན་པོས། མཚན་ཉིད་ལ་ཡང་བསླབ་པར་མྱི་བྱ། མཚན་ཉིད་མེད་པ་ལ་ཡང་བསླབ་པར་མྱི་བྱའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་རྣམས་བྱུང་ཡང་རུང་། དེ་བཞིན་གཤེགས་པ་རྣམས་མ་བྱུང་ཡང་རུང་སྟེ། མཚན་ཉིད་མྱེད་
པའི་དབྱིངས་འདི་ནི་དེ་བཞིན་དུ་གནས་པའོ། །གསོལ་པ། བཅོམ་ལྡན་འདས་གལ་ཏེ། དེ་ལྟར་ཆོས་ཐམས་ཅད་ལ་མཚན་ཉིད་མ་མཆིས་ཤིང་། མཚན་ཉིད་ཐ་དད་པ་ཡང་མ་ལགས། མཚན་ཉིད་གཅིག་པ་ཡང་མ་ལགས་ན། དེ་ཇི་ལྟར་
བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་མཆིས་པར་འགྱུར། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་མ་བསྒོམས་པར་ནི། བྱང་ཆུབ་སེམས་དཔའ་སེམས་དཔའ་ཆེན་པོས་ཉན་
ཐོས་ཀྱི་ས་འམ། རང་སངས་རྒྱས་ཀྱིས་ལས་འདའ་བར་མྱི་ནུས་སོ། །ཉན་ཐོས་ཀྱི་ས་དང་། རང་སངས་རྒྱས་ཀྱི་ས་ལས་མ་འདས་པར་ནི། བྱང་ཆུབ་སེམས་དཔའ་སེམས་དཔའ་ཆེན་པོས་བྱང་ཆུབ་སེམས་དཔའི་སྐྱོན་མ་མཆིས་པར་འཇུག་
པར་མྱི་ནུས་སོ། །བྱང་ཆུབ་སེམས་དཔའི་སྐྱོན་མ་མཆིས་པར་མ་ཞུགས་པར་ནི། བྱང་ཆུབ་སེམས་དཔའ་སེམས་དཔའ་ཆེན་པོས། མྱི་སྐྱེ་བའི་ཆོས་ལ་བཟོད་པ་བསྐྱེད་པར་མྱི་ནུས་སོ། །མྱི་སྐྱེ་བའི་ཆོས་ལ་བཟོད་པ་མ་བསྐྱེད་པར་ནི།
เล่ม ๒๔ · หน้า 266b
མངོན་པར་ཤེས་པ་བསྒྲུབ་པར་མྱི་ནུས་སོ། །བྱང་ཆུབ་སེམས་དཔའི་མངོན་པར་ཤེས་པ་མ་བསྒྲུབས་པར་ནི། སངས་རྒྱས་ཀྱི་ཞིང་ཡོངས་སུ་དག་པར་བགྱི་བ་དང་། སེམས་ཅན་ཡོངས་སུ་སྨྱིན་པར་བགྱི་བར་མྱི་ནུས་སོ། །སངས་རྒྱས་ཀྱི་
ཞིང་ཡོངས་སུ་དག་པ་དང་། སེམས་ཅན་ཡོངས་སུ་སྨིན་པར་མ་བགྱིས་པར་ནི། རྣམ་པ་ཐམས་ཅད་མཁྱེན་པ་ཉིད་ཐོབ་པར་མྱི་ནུས་སོ། །རྣམ་པ་ཐམས་ཅད་མཁྱེན་པ་ཉིད་ཐོབ་པར་མ་བགྱིས་པར་ནི། ཆོས་ཀྱི་འཁོར་ལོ་བསྐོར་བར་མྱི་
ནུས་སོ། །ཆོས་ཀྱི་འཁོར་ལོ་མ་བསྐོར་བར་ནི་སེམས་ཅན་རྣམས་རྒྱུན་ཏུ་ཞུགས་པའི་འབྲས་བུ་ལ་དགོད་པར་མྱི་ནུས་སོ། །ལན་ཅིག་ཕྱིར་འོང་བའི་འབྲས་བུ་ལ་དགོད་པར་མི་ནུས་སོ། །ཕྱིར་མྱི་འོང་བའི་འབྲས་བུ་ལ་དགོད་པར་
མྱི་ནུས་སོ། །དགྲ་བཅོམ་པ་ཉིད་ལ་དགོད་པར་མྱི་ནུས་སོ། །རང་བྱང་ཆུབ་ལ་དགོད་པར་མྱི་ནུས་སོ། །བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ལ་དགོད་པར་མྱི་ནུས་སོ། །སེམས་ཅན་རྣམས་སྦྱིན་པ་ལས་བྱུང་བའི་བསོད་
ནམས་བགྱི་བའི་དངོས་པོ་ལ་དགོད་པར་མྱི་ནུས་སོ། །ཚུལ་ཁྲིམས་ལས་བྱུང་བའི་བསོད་ནམས་བགྱི་བའི་དངོས་པོ་ལ་དགོད་པར་མྱི་ནུས་སོ། །བསྒོམ་པ་ལས་བྱུང་བའི་བསོད་ནམས་བགྱི་བའི་དངོས་པོ་ལ་དགོད་པར་མྱི་ནུས་
སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། །དེ་དེ་བཞིན་ཏེ། རབ་འབྱོར་ཆོས་ཐམས་ཅད་ནི་མཚན་ཉིད་མྱེད་པ་སྟེ། མཚན་ཉིད་ཐ་དད་པ་ཡང་མ་ཡིན། མཚན་ཉིད་གཅིག་པ་ཡང་མ་
ཡིན་ནོ། །གསོལ་པ། དེ་ལྟར་ཆོས་ཐམས་ཅད་མཚན་ཉིད་མ་མཆིས་ན། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་
ที่มาและสัญญาอนุญาต
ตัวบท: e-text กังยูร์ฉบับเดเกของ Esukhia (Esukhia/derge-kangyur · commit a582cf47) · สาธารณสมบัติ
สัญญาอนุญาต Public Domain · หลักฐาน
README ของ Esukhia/derge-kangyur ที่ commit a582cf471b7c (เปิดอ่านแล้ว ๓ ต.ค. ๒๕๖๙): "This work is a mechanical reproduction of a Public Domain work, and as such is also in the Public Domain." · สำเนาคำต่อคำ: data/kangyur-src/SOURCE-README.md
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
- หน้านี้แสดงคำอ่านตามแผ่นไม้ — เครื่องหมายบรรณาธิการของ Esukhia ({เดิม,ปรับ} · (ผิด?,เสนอ) · […] · #) เก็บครบอยู่ในข้อมูล
- ตัวบทภาษาทิเบตยังไม่อยู่ในการค้นหาของคลัง — ตัวตัดคำที่มีตัดสระของอักษรทิเบตทิ้ง จึงให้ผลที่ผิด