ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ
ชื่อสันสกฤต (อักษรทิเบต ตามตัวบท) ཤཏ་སཱཧ་སྲི་ཀ་པྲད་ཉཱ་པཱར་མི་ཏཱ
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
เล่ม ๑๘ · หน้า 221a
དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་མཐའ་ཡས་པ་སྟེ། དེ་ནི་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའོ། །ཀཽ་ཤི་ཀ་གཞན་ཡང་དེ་བཞིན་ཉིད་དང་དམྱིགས་པ་མཐའ་ཡས་པའི་ཕྱིར། བྱང་ཆུབ་སེམས་དཔའ་
སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་མཐའ་ཡས་པ་སྟེ། དེ་ནི་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའོ། །བརྒྱ་བྱིན་གྱིས་སྨྲས་པ། བཙུན་པ་རབ་འབྱོར་དེ་རྣམ་པ་གང་གིས་ན་དམྱིགས་པ་མཐའ་ཡས་པའི་ཕྱིར། བྱང་ཆུབ་སེམས་
དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་མཐའ་ཡས་པ་སྟེ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ཞེས་བྱ། །རབ་འབྱོརད་ཀྱིས་སྨྲས་པ། ཀཽ་ཤི་ཀ་དེ་ནི་འདི་ལྟར་དེ་བཞིན་ཉིད་མཐའ་ཡས་པའི་ཕྱིར་དམྱིགས་པ་མཐའ་ཡས་
སོ། །དམྱིགས་པ་མཐའ་ཡས་པའི་ཕྱིར། དེ་བཞིན་ཉིད་མཐའ་ཡས་སོ། །ཀཽ་ཤི་ཀ་དེ་བཞིན་ཉིད་དང་དམྱིགས་པ་མཐའ་ཡས་པའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་མཐའ་ཡས་སོ། །ཀཽ་ཤི་
ཀ་གཞན་ཡང་སེམས་ཅན་མཐའ་ཡས་པའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་མཐའ་ཡས་སོ། །བརྒྱ་བྱིན་གྱིས་སྨྲས་པ། བཙུན་པ་རབ་འབྱོར་དེ་རྣམ་པ་གང་གིས་ན་སེམས་ཅན་མཐའ་ཡས་པའི་ཕྱིར།
བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་མཐའ་ཡས་པ་ཡིན་ཞེས་བྱ། །རབ་འབྱོར་གྱིས་སྨྲས་པ། ཀཽ་ཤི་ཀ་དེ་ཇི་སྙམ་དུ་སེམས། འདི་ལྟ་སྟེ་སེམས་ཅན་སེམས་ཅན་ཞེས་བྱ་བ་དེ་ཆོས་གང་གི་ཚིག་བླ་དགས་ཡིན། །
བརྒྱ་བྱིན་གྱིས་སྨྲས་པ། བཙུན་པ་རབ་འབྱོར་དེ་ནི་ཆོས་ཀྱི་ཚིག་བླ་དགས་ཀྱང་མ་ཡིན། ཆོས་མ་ཡིན་པའི་ཚིག་བླ་དགས་ཀྱང་མེ་ཡིན་ཏེ། འདི་ལྟར་སེམས་ཅན་སེམས་ཅན་ཞེས་བྱ་བ་འདི་ནི་གློ་བུར་དུ་མིང་དུ་བཏགས་པ། དངོས་པོ་མྱེད་པར་མྱིང་དུ་བཏགས་
เล่ม ๑๘ · หน้า 221b
པ། དམྱིགས་པ་མྱེད་པར་མིང་དུ་བཏགས་པའོ། །རབ་འབྱོརད་ཀྱིས་སྨྲས་པ། ཀཽ་ཤི་ཀ་དེ་ཇི་སྙམ་དུ་སེམས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལས་སེམས་ཅན་དུ་བཤད་པ་གང་ཡང་ཡོད་དམ། །བརྒྱ་བྱིན་གྱིས་སྨྲས་པ། བཙུན་པ་རབ་འབྱོར་དེ་ནི་མྱེད་དོ།
རབ་འབྱོར་གྱིས་སྨྲས་པ། ཀཽ་ཤི་ཀ་གང་ལ་སེམས་ཅན་དུ་བཤད་པ་གང་ཡང་མྱེད་པ་དེ་ལ། སེམས་ཅན་མཐའ་ཡས་པ་ཡོད་དེ། ཀཽ་ཤི་ཀ་གལ་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྐལ་པ་གང་གཱའི་ཀླུང་གི་བྱེ་
མ་སྙེད་དུ་བཞུགས་ཏེ། སེམས་ཅན་སེམས་ཅན་ཞེས་གསུང་དུ་བརྗོད་ན། ཀཽ་ཤི་ཀ་དེ་ཇི་སྙམ་དུ་སེམས། དེ་ལ་སེམས་ཅན་གང་ཡང་སྐྱེ་བ་འམ། འགག་པར་གྱུར་པ་ཡོད་དམ། །སྨྲས་པ། བཙུན་པ་རབ་འབྱོར་དེ་ནི་མྱེད་དེ། དེ་ཅིའི་ཕྱིར་ཞེ་ན། སེམས་ཅན་ཐོག་མ་
ནས་རྣམ་པར་དག་པའི་ཕྱིར་རོ། །རབ་འབྱོར་གྱིས་སྨྲས་པ། ཀཽ་ཤི་ཀ་དེ་ལྟར་རྣམ་གྲངས་དེས་ན། སེམས་ཅན་མཐའ་ཡས་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་མཐའ་ཡས་པར་རིག་པར་བྱའོ། །དེ་ནས་དབང་པོ་དང་བཅས་པའི་ལྷ་རྣམས་དང་
ཚངས་པ་དང་བཅས་པའི་ལྷ་རྣམས་དང་། སྐྱེ་དགུའི་བདག་པོ་དང་བཅས་པའི་ལྷ་རྣམས་དང་། སྐྱེས་པ་དང་བུད་མྱེད་དུ་བཅས་པ་དག་གིས་ལན་གསུམ་དུ་ཆེད་དུ་བརྗོད་པ་ཆེད་དུ་བརྗོད་དེ་གང་གནས་བརྟན་རབ་འབྱོར་གྱིས་འདི་ལྟར་དེ་བཞིན་གཤེགས་པ་འབྱུང་བའི་དོན་དུ་དེ་
བཞིན་གཤེགས་པའི་བྱིན་གྱི་རླབས་དང་། དེ་བཞིན་གཤེགས་པའི་མཐུས་བཤད་ཅིང་བརྗོད་དེ། བསྟན་པའི་ཆོས་འདི་ནི་ཀྱེ་མ་ལེགས་པར་བཤད་དོ། །ཀྱེ་མ་ཆོས་འདི་ལེགས་པར་བཤད་དོ། །ཀྱེ་མ་ཆོས་ཀྱི་ཆོས་ཉིད་ནི་ལེགས་པར་བཤད་དོ། །བཅོམ་ལྡན་
འདས་བདག་ཅག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་མ་བྲལ་བ་དེ་ནི་དེ་བཞིན་གཤེགས་པ་ཉིད་དུ་གཟུང་བར་བགྱིའོ། །ཆོས་གང་ཡང་དམྱིགས་སུ་མ་མཆིས་ཏེ། གཟུགས་སམ། ཚོར་བ་འམ།
เล่ม ๑๘ · หน้า 222a
འདུ་ཤེས་སམ། འདུ་བྱེད་དམ། རྣམ་པར་ཤེས་པ་འམ། མྱིག་གམ། རྣ་བ་འམ། སྣ་འམ། ལྕེ་འམ། ལུས་སམ། ཡིད་དམ། གཟུགས་སམ། སྒྲ་འམ། དྲིའམ། རོ་འམ། རེག་གམ། ཆོས་སམ། མྱིག་གི་རྣམ་པར་ཤེས་པ་འམ་
རྣ་བའི་རྣམ་པར་ཤེས་པ་འམ། སྣའི་རྣམ་པར་ཤེས་པ་འམ། ལྕེའི་རྣམ་པར་ཤེས་པ་འམ། ལུས་ཀྱི་རྣམ་པར་ཤེས་པའམ། ཡིད་ཀྱི་རྣམ་པར་ཤེས་པ་འམ། མྱིག་གི་འདུས་ཏེ་རེག་པ་འམ། རྣ་བའི་འདུས་ཏེ་རེག་པའམ། སྣའི་འདུས་ཏེ་རེག་པ་འམ། ལྕེའི་འདུས་
ཏེ་རེག་པ་འམ། ལུས་ཀྱི་འདུས་ཏེ་རེག་པ་འམ། ཡིད་ཀྱི་འདུས་ཏེ་རེག་པ་འམ། མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་འམ། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་འམ། སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་འམ། ལྕེའི་འདུས་ཏེ་རེག་པའི་རྐྱེན་ཀྱིས་
ཚོར་བ་འམ། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་འམ། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་འམ། སའི་ཁམས་སམ། ཆུའི་ཁམས་སམ། མྱེའི་ཁམས་སམ། རླུང་གི་ཁམས་སམ། ནམ་མཁའི་ཁམས་སམ། རྣམ་པར་ཤེས་པའི་ཁམས་
སམ། མ་རིག་པ་འམ། འདུ་བྱེད་དམ། རྣམ་པར་ཤེས་པའམ། མྱིང་དང་གཟུགས་སམ། སྐྱེ་མཆེད་དྲུག་གམ། རེག་པའམ། ཚོར་བའམ། སྲེད་པའམ། ལེན་པའམ། སྲིད་པའམ། སྐྱེ་བའམ། རྒ་ཤིའམ། སྦྱིན་པའི་ཕ་རོལད་དུ་ཕྱིནད་པའམ། ཚུལ་
ཁྲིམས་ཀྱི་ཕ་རོལད་ཏུ་ཕྱིནད་པའམ། བཟོད་པའི་ཕ་རོལ་ཏུ་ཕྱིན་པ་འམ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་འམ། བསམ་གཏན་གྱི་ཕ་རོལ་ཏུ་ཕྱིན་པ་འམ། ཤེས་རབ་ཀྱི་ཕ་རོལ་ཏུ་ཕྱིན་པ་འམ། ནང་སྟོང་པ་ཉིད་དམ། ཕྱི་སྟོང་པ་ཉིད་དམ། ཕྱི་ནང་སྟོང་
པ་ཉིད་དམ། སྟོང་པ་ཉིད་སྟོང་པ་ཉིད་དམ། ཆེན་པོ་སྟོང་པ་ཉིད་དམ། དོན་དམ་པ་སྟོང་པ་ཉིད་དམ། འདུས་བྱས་སྟོང་པ་ཉིད་དམ། འདུས་མ་བྱས་སྟོང་པ་ཉིད་དམ། མཐའ་ལས་འདས་པ་སྟོང་པ་ཉིད་དམ། ཐོག་མ་དང་ཐ་མ་མྱེད་པ་སྟོང་པ་ཉིད་དམ། དོར་
เล่ม ๑๘ · หน้า 222b
བ་མྱེད་པ་སྟོང་པ་ཉིད་དམ། རང་བཞིན་སྟོང་པ་ཉིད་དམ། ཆོས་ཐམས་ཅད་སྟོང་པ་ཉིད་དམ། རང་གི་མཚན་ཉིད་སྟོང་པ་ཉིད་དམ། མྱི་དམྱིགས་པ་སྟོང་པ་ཉིད་དམ། དངོས་པོ་མྱེད་པ་སྟོང་པ་ཉིད་དམ། ངོ་བོ་ཉིད་སྟོང་པ་ཉིད་དམ། དངོས་པོ་མྱེད་པའི་ངོ་བོ་ཉིད་སྟོང་པ་
ཉིད་དམ། དྲན་པ་ཉེ་བར་གཞག་པ་རྣམས་སམ། ཡང་དག་པར་སྤོང་བ་རྣམས་སམ། རྫུ་འཕྲུལ་གྱི་རྐང་པ་རྣམས་སམ། དབང་པོ་རྣམས་སམ། སྟོབས་རྣམས་སམ། བྱང་ཆུབ་ཀྱི་ཡན་ལག་རྣམས་སམ། འཕགས་པའི་ལམ་ཡན་ལག་བརྒྱད་པའམ།
འཕགས་པའི་བདེན་པ་རྣམས་སམ། བསམ་གཏན་རྣམས་སམ། ཚད་མྱེད་པ་རྣམས་སམ། གཟུགས་མྱེད་པའི་སྙོམས་པར་འཇུག་པ་རྣམས་སམ། རྣམ་པར་ཐར་པ་རྣམས་སམ། མཐར་ཀྱིས་གནས་པའི་སྙོམས་པར་འཇུག་པ་རྣམས་སམ། རྣམ་པར་ཐར་
པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་འམ། མངོན་པར་ཤེས་པ་རྣམས་སམ། ཏིང་ངེ་འཛིན་རྣམས་སམ། གཟུངས་ཀྱི་སྒོ་རྣམས་སམ། དེ་བཞིན་གཤེགས་པའི་སྟོབས་རྣམས་སམ། མྱི་འཇིགས་པ་རྣམས་སམ། སོ་སོ་ཡང་
དག་པར་རིག་པ་རྣམས་སམ། བྱམས་པ་ཆེན་པོ་འམ། སྙིང་རྗེ་ཆེན་པོ་འམ། སངས་རྒྱས་ཀྱི་ཆོས་མ་འདྲེས་པ་རྣམས་སམ། རྒྱུན་ཏུ་ཞུགས་པའི་འབྲས་བུ་འམ། ལན་ཅིག་ཕྱིར་འོང་བའི་འབྲས་བུ་འམ། ཕྱིར་མྱི་འོང་བའི་འབྲས་བུ་འམ། དགྲ་
བཅོམ་པ་ཉིད་དམ། རང་བྱང་ཆུབ་འམ། ཐམས་ཅད་ཤེས་པ་ཉིད་དམ། ལམ་གྱི་རྣམ་པ་ཤེས་པ་ཉིད་དམ། རྣམ་པ་ཐམས་ཅད་མཁྱེན་པ་ཉིད་དམ། ཆོས་གང་ཡང་དམྱིགས་སུ་མ་མཆིས་ཀྱིས་ཀྱང་ཐེག་པ་གསུམ་རྣམ་པར་དགོད་པ་མཆིས་ཏེ།
གསུམ་གང་ཞེ་ན། འདི་ལྟ་སྟེ་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ཡང་དག་པར་རྫོགས་པའི་སངས་རྒྱས་ཀྱི་ཐེག་པའོ། །དེ་ནས་བཅོམ་ལྡན་འདས་ཀྱིས་ལྷའི་བུ་དབང་པོ་དང་བཅས་པ་རྣམས་ལ་བཀའ་སྩལ་པ། ལྷའི་བུ་དག་དེ་དེ་བཞིན་
เล่ม ๑๘ · หน้า 223a
ནོ། ཇི་སྐད་སྨྲས་པ་དེ་བཞིན་ནོ། །ཆོས་གང་ཡང་དམྱིགས་སུ་མྱེད་དེ། གཟུགས་སམ། ཚོར་བའམ། འདུ་ཤེས་སམ། འདུ་བྱེད་དམ། རྣམ་པར་ཤེས་པ་འམ། མྱིག་གམ། རྣ་བ་འམ། སྣ་འམ། ལྕེ་འམ། ལུས་སམ། ཡིད་དམ།
གཟུགས་སམ། སྒྲ་འམ། དྲི་འམ། རོ་འམ། རེག་གམ། ཆོས་སམ། མྱིག་གི་རྣམ་པར་ཤེས་པའམ། རྣ་བའི་རྣམ་པར་ཤེས་པ་འམ། སྣའི་རྣམ་པར་ཤེས་པ་འམ། ལྕེའི་རྣམ་པར་ཤེས་པ་འམ། ལུས་ཀྱི་རྣམ་པར་ཤེས་པ་འམ། ཡིད་ཀྱི་རྣམ་པར་ཤེས་པ་
འམ། མྱིག་གི་འདུས་ཏེ་རེག་པ་འམ། །རྣ་བའི་འདུས་ཏེ་རེག་པ་འམ། སྣའི་འདུས་ཏེ་རེག་པའམ། ལྕེའི་འདུས་ཏེ་རེག་པ་འམ། ལུས་ཀྱི་འདུས་ཏེ་རེག་པ་འམ། ཡིད་ཀྱི་འདུས་ཏེ་རེག་པ་འམ། མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བའམ། རྣ་བའི་འདུས་ཏེ་
རེག་པའི་རྐྱེན་ཀྱིས་ཚོར་བ་འམ། སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་འམ། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་འམ། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་འམ། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་འམ། སའི་ཁམས་སམ། ཆུའི་
ཁམས་སམ། མྱེའི་ཁམས་སམ། རླུང་གི་ཁམས་སམ། ནམ་མཁའི་ཁམས་སམ། རྣམ་པར་ཤེས་པའི་ཁམས་སམ། མ་རིག་པ་འམ། འདུ་བྱེད་དམ། རྣམ་པར་ཤེས་པ་འམ། མྱིང་དང་གཟུགས་སམ། སྐྱེ་མཆེད་དྲུག་གམ། རེག་པ་འམ། ཚོར་བ་
འམ། སྲེད་པ་འམ། ལེན་པ་འམ། སྲིད་པ་འམ། སྐྱེ་བ་འམ། རྒ་ཤི་འམ། སྦྱིན་པའི་ཕ་རོལ་ཏུ་ཕྱིན་པ་འམ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་འམ། བཟོད་པའི་ཕ་རོལ་ཏུ་ཕྱིན་པ་འམ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་འམ། བསམ་གཏན་གྱི་ཕ་རོལ་
ཏུ་ཕྱིནད་པ་འམ། ཤེས་རབ་ཀྱི་ཕ་རོལད་ཏུ་ཕྱིནད་པ་འམ། ནང་སྟོང་པ་ཉིད་དམ། ཕྱི་སྟོང་པ་ཉིད་དམ། ཕྱི་ནང་སྟོང་པ་ཉིད་དམ། སྟོང་པ་ཉིད་སྟོང་པ་ཉིད་དམ། ཆེན་པོ་སྟོང་པ་ཉིད་དམ། དོན་དམ་པ་སྟོང་པ་ཉིད་དམ། འདུས་བྱས་སྟོང་པ་ཉིད་དམ། འདུས་
เล่ม ๑๘ · หน้า 223b
མ་བྱས་སྟོང་པ་ཉིད་དམ། མཐའ་ལས་འདས་པ་སྟོང་པ་ཉིད་དམ། ཐོག་མ་དང་ཐ་མ་མྱེད་པ་སྟོང་པ་ཉིད་དམ། དོར་བ་མྱེད་པ་སྟོང་པ་ཉིད་དམ། རང་བཞིན་སྟོང་པ་ཉིད་དམ། ཆོས་ཐམས་ཅད་སྟོང་པ་ཉིད་དམ། རང་གི་མཚན་ཉིད་སྟོང་པ་ཉིད་དམ། མྱི་དམྱིགས་པ་
སྟོང་པ་ཉིད་དམ། དངོས་པོ་མྱེད་པ་སྟོང་པ་ཉིད་དམ། ངོ་བོ་ཉིད་སྟོང་པ་ཉིད་དམ། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་དམ། དྲན་པ་ཉེ་བར་གཞག་པ་རྣམས་སམ། ཡང་དག་པར་སྤོང་བ་རྣམས་སམ། རྫུ་འཕྲུལ་གྱི་རྐང་པ་རྣམས་སམ། དབང་པོ་
རྣམས་སམ། སྟོབས་རྣམས་སམ། བྱང་ཆུབ་ཀྱི་ཡན་ལག་རྣམས་སམ། འཕགས་པའི་ལམ་ཡན་ལག་བརྒྱད་པའམ། འཕགས་པའི་བདེན་པ་རྣམས་སམ། བསམ་གཏན་རྣམས་སམ། ཚད་མྱེད་པ་རྣམས་སམ། གཟུགས་མྱེད་པའི་སྙོམས་
པར་འཇུག་པ་རྣམས་སམ། རྣམ་པར་ཐར་པ་རྣམས་སམ། མཐརད་ཀྱིས་གནས་པའི་སྙོམས་པར་འཇུག་པ་རྣམས་སམ། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པའམ། མངོན་པར་ཤེས་པ་རྣམས་སམ། ཏིང་
ངེ་འཛིན་རྣམས་སམ། གཟུངས་ཀྱི་སྒོ་རྣམས་སམ། དེ་བཞིན་གཤེགས་པའི་སྟོབས་རྣམས་སམ། མྱི་འཇིགས་པ་རྣམས་སམ། སོ་སོ་ཡང་དག་པར་རིག་པ་རྣམས་སམ། བྱམས་པ་ཆེན་པོ་འམ། སྙིང་རྗེ་ཆེན་པོའམ། སངས་རྒྱས་ཀྱི་ཆོས་མ་
འདྲེས་པ་རྣམས་སམ། རྒྱུན་ཏུ་ཞུགས་པའི་འབྲས་བུ་འམ། ལན་ཅིག་ཕྱིར་འོང་བའི་འབྲས་བུ་འམ། ཕྱིར་མྱི་འོང་བའི་འབྲས་བུ་འམ། དགྲ་བཅོམ་པ་ཉིད་དམ། རང་བྱང་ཆུབ་བམ། ལམ་གྱི་རྣམ་པ་ཤེས་པ་ཉིད་དམ། རྣམ་པ་ཐམས་ཅད་མཁྱེན་
པ་ཉིད་དམ། ཆོས་གང་ཡང་མྱི་དམྱིགས་མོད་ཀྱི། ཐེག་པ་གསུམ་རྣམ་པར་དགོད་པ་ཡང་ཡོད་དེ། གསུམ་གང་ཞེ་ན། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐག་པ་དང་། བླ་ན་མྱེད་པ་ཡང་དག་པར་རྫོགས་པའི་སངས་རྒྱས་ཀྱི་ཐེག་པའོ། །
เล่ม ๑๘ · หน้า 224a
ལྷའི་བུ་དག་བྱང་ཆུབ་སེམས་དཔའ་སེམས་དཔའ་ཆེན་པོ་གང་མྱི་དམྱིགས་པའི་ཚུལ་གྱིས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་མ་བྲལ་བ་དེ་ནི། དེ་བཞིན་གཤེགས་པ་ཉིད་དུ་གཟུང་བར་བྱའོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་ཤེས་རབ་
ཀྱི་ཕ་རོལ་ཏུ་ཕྱིན་པ་འདི་ལས་ཐེག་པ་གསུམ་རྒྱ་ཆེར་བསྟན་ཏེ། གསུམ་གང་ཞེ་ན། འདི་ལྟར་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ཡང་དག་པར་རྫོགས་པའི་སངས་རྒྱས་ཀྱི་ཐེག་པ་བཤད་དོ། །སྦྱིན་པའི་ཕ་རོལ་ཏུ་ཕྱིན་པ་ལས་གཞན་དུ་
ཡང་དེ་བཞིན་གཤེགས་པ་མྱི་དམྱིགས་སོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །བཟོད་པའི་ཕ་རོལ་ཏུ་ཕྱིན་པ་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །བརྩོན་འགྲུས་ཀྱི་ཕ་
རོལ་ཏུ་ཕྱིན་པ་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །བསམ་གཏན་གྱི་ཕ་རོལ་ཏུ་ཕྱིན་པ་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་
སོ། །ནང་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །ཕྱི་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །ཕྱི་ནང་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །སྟོང་པ་ཉིད་
སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །ཆེན་པོ་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །དོན་དམ་པ་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །འདུས་བྱས་སྟོང་
པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །འདུས་མ་བྱས་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །མཐའ་ལས་འདས་པ་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །
เล่ม ๑๘ · หน้า 224b
ཐོག་མ་དང་ཐ་མ་མྱེད་པ་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །དོར་བ་མྱེད་པ་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །རང་བཞིན་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མི་དམྱིགས་
སོ། །ཆོས་ཐམས་ཅད་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །རང་གི་མཚན་ཉིད་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །མྱི་དམྱིགས་པ་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་
པ་མྱི་དམྱིགས་སོ། །དངོས་པོ་མྱེད་པ་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །ངོ་བོ་ཉིད་སྟོང་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ལས་གཞན་དུ་ཡང་དེ་
བཞིན་གཤེགས་པ་མྱི་དམྱིགས་སོ། །དྲན་པ་ཉེ་བར་གཞག་པ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །ཡང་དག་པར་སྤོང་བ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །རྫུ་འཕྲུལ་གྱི་རྐང་པ་རྣམས་
ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །དབང་པོ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །སྟོབས་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །བྱང་ཆུབ་ཀྱི་ཡན་ལག་རྣམས་ལས་གཞན་
དུ་ཡང་དེ་བཞིན་གཤེགས་པ་མྱི་དམྱིགས་སོ། །འཕགས་པའི་ལམ་ཡན་ལག་བརྒྱད་པ་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །འཕགས་པའི་བདེན་པ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །བསམ་
གཏན་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །ཚད་མྱེད་པ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །གཟུགས་མྱེད་པའི་སྙོམས་པར་འཇུག་པ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་
เล่ม ๑๘ · หน้า 225a
དམྱིགས་སོ། །རྣམ་པར་ཐར་པ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །རྣམ་པར་
ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །མངོན་པར་ཤེས་པ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །ཏིང་ངེ་འཛིན་རྣམས་ལས་གཞན་
དུ་ཡང་དེ་བཞིན་གཤེགས་པ་མྱི་དམྱིགས་སོ། །གཟུངས་ཀྱི་སྒོ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པའི་སྟོབས་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །མྱི་
འཇིགས་པ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །སོ་སོ་ཡང་དག་པར་རིག་པ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །བྱམས་པ་ཆེན་པོ་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །
སྙིང་རྗེ་ཆེན་པོ་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །སངས་རྒྱས་ཀྱི་ཆོས་མ་འདྲེས་པ་རྣམས་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །ཐམས་ཅད་ཤེས་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་
དམྱིགས་སོ། །ལམ་གྱི་རྣམ་པ་ཤེས་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ། །རྣམ་པ་ཐམས་ཅད་མཁྱེན་པ་ཉིད་ལས་གཞན་དུ་ཡང་དེ་བཞིན་གཤེགས་པ་མྱི་དམྱིགས་སོ།། །།ཤེས་རབ་ཀྱི་ཕ་རོལད་ཏུ་
ཕྱིནད་པ་སྟོང་ཕྲག་བརྒྱ་པ། བམ་པོ་བཅུ་བདུན་པ། །ལྷའི་བུ་དག་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཆོས་འདི་དག་ཐམས་ཅད་ལ་སློབ་སྟེ། སྦྱིན་པའི་ཕ་རོལད་ཏུ་ཕྱིནད་པ་ལ་སློབ་བོ། །ཚུལ་ཁྲིམས་ཀྱི་ཕ་རོལད་ཏུ་
เล่ม ๑๘ · หน้า 225b
ཕྱིནད་པ་ལ་སློབ་བོ། །བཟོད་པའི་ཕ་རོལ་ཏུ་ཕྱིན་པ་ལ་སློབ་བོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སློབ་བོ། །བསམ་གཏན་གྱི་ཕ་རོལ་ཏུ་ཕྱིན་པ་ལ་སློབ་བོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་བོ། །ནང་སྟོང་པ་ཉིད་ལ་སློབ་བོ། །ཕྱི་སྟོང་པ་ཉིད་ལ་
སློབ་བོ། །ཕྱི་ནང་སྟོང་པ་ཉིད་ལ་སློབ་བོ། །སྟོང་པ་ཉིད་སྟོང་པ་ཉིད་ལ་སློབ་བོ། །ཆེན་པོ་སྟོང་པ་ཉིད་ལ་སློབ་བོ། །དོན་དམ་པ་སྟོང་པ་ཉིད་ལ་སློབ་བོ། །འདུས་བྱས་སྟོང་པ་ཉིད་ལ་སློབ་བོ། །འདུས་མ་བྱས་སྟོང་པ་ཉིད་ལ་སློབ་བོ། །མཐའ་ལས་
འདས་པ་སྟོང་པ་ཉིད་ལ་སློབ་བོ། །ཐོག་མ་དང་ཐ་མ་མྱེད་པ་སྟོང་པ་ཉིད་ལ་སློབ་བོ། །དོར་བ་མྱེད་པ་སྟོང་པ་ཉིད་ལ་སློབ་བོ། །རང་བཞིན་སྟོང་པ་ཉིད་ལ་སློབ་བོ། །ཆོས་ཐམས་ཅད་སྟོང་པ་ཉིད་ལ་སློབ་བོ། །རང་གི་མཚན་ཉིད་སྟོང་པ་ཉིད་ལ་སློབ་བོ། །མྱི་
དམྱིགས་པ་སྟོང་པ་ཉིད་ལ་སློབ་བོ། །དངོས་པོ་མྱེད་པ་སྟོང་པ་ཉིད་ལ་སློབ་བོ། །ངོ་བོ་ཉིད་སྟོང་པ་ཉིད་ལ་སློབ་བོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ལ་སློབ་བོ། །དྲན་པ་ཉེ་བར་གཞག་པ་རྣམས་ལ་སློབ་བོ། །ཡང་དག་པར་སྤོང་བ་རྣམས་ལ་སློབ་བོ། །
རྫུ་འཕྲུལ་གྱི་རྐང་པ་རྣམས་ལ་སློབ་བོ། །དབང་པོ་རྣམས་ལ་སློབ་བོ། །སྟོབས་རྣམས་ལ་སློབ་བོ། །བྱང་ཆུབ་ཀྱི་ཡན་ལག་རྣམས་ལ་སློབ་བོ། །འཕགས་པའི་ལམ་ཡན་ལག་བརྒྱད་པ་ལ་སློབ་བོ། །འཕགས་པའི་བདེན་པ་རྣམས་ལ་སློབ་བོ། །
བསམ་གཏན་རྣམས་ལ་སློབ་བོ། །ཚད་མྱེད་པ་རྣམས་ལ་སློབ་བོ། །གཟུགས་མྱེད་པའི་སྙོམས་པར་འཇུག་པ་རྣམས་ལ་སློབ་བོ། །རྣམ་པར་ཐར་པ་རྣམས་ལ་སློབ་བོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ལ་སློབ་བོ། །
རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལ་སློབ་བོ། །མངོན་པར་ཤེས་པ་རྣམས་ལ་སློབ་བོ། །ཏིང་ངེ་འཛིན་རྣམས་ལ་སློབ་བོ། །གཟུངས་ཀྱི་སྒོ་རྣམས་ལ་སློབ་བོ། །དེ་བཞིན་གཤེགས་པའི་སྟོབས་རྣམས་
เล่ม ๑๘ · หน้า 226a
ལ་སློབ་བོ། །མྱི་འཇིགས་པ་རྣམས་ལ་སློབ་བོ། །སོ་སོ་ཡང་དག་པར་རིག་པ་རྣམས་ལ་སློབ་བོ། །བྱམས་པ་ཆེན་པོ་ལ་སློབ་བོ། །སྙིང་རྗེ་ཆེན་པོ་ལ་སློབ་བོ། །སངས་རྒྱས་ཀྱི་ཆོས་མ་འདྲེས་པ་རྣམས་ལ་སློབ་བོ། །རྒྱུན་ཏུ་ཞུགས་
པའི་འབྲས་བུ་ལ་སློབ་བོ། །ལན་ཅིག་ཕྱིར་འོང་བའི་འབྲས་བུ་ལ་སློབ་བོ། །ཕྱིད་མྱི་འོང་བའི་འབྲས་བུ་ལ་སློབ་བོ། །དགྲ་བཅོམ་པ་ཉིད་ལ་སློབ་བོ། །རང་བྱང་ཆུབ་ལ་སློབ་བོ། །ལམ་གྱི་རྣམ་པ་ཤེས་པ་ཉིད་ལ་སློབ་བོ། །རྣམ་པ་ཐམས་ཅད་མཁྱེན་པ་
ཉིད་ལ་སློབ་བོ། །ལྷའི་བུ་དག་དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་མྱི་འབྲལ་བར་སྤྱོད་པ་ནི། དེ་བཞིན་གཤེགས་པ་ཉིད་ཅེས་བྱ་སྟེ། ལྷའི་བུ་དག་གང་གི་ཚེ། ང་དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ཀྱི་ཞམ་འབྲིང་བྱེད་ཅིང་། རྒྱལ་པོའི་ཁབ་པདྨོ་ཡོད་པའི་ནང་གི་ཚོང་དུས་ཀྱི་དབུས་ན་འདུག་པའི་ཚེ། སྦྱིན་པའི་ཕ་རོལད་ཏུ་ཕྱིནད་པ་དང་བྲལ་བར་མ་གྱུར་ཏོ། །ཚུལ་ཁྲིམས་ཀྱི་ཕ་རོལ་
ཏུ་ཕྱིན་པ་དང་བྲལ་བར་མ་གྱུར་ཏོ། །བཟོད་པའི་ཕ་རོལ་ཏུ་ཕྱིན་པ་དང་བྲལ་བར་མ་གྱུར་ཏོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་བྲལ་བར་མ་གྱུར་ཏོ། །བསམ་གཏན་གྱི་ཕ་རོལ་ཏུ་ཕྱིན་པ་དང་བྲལ་བར་མ་གྱུར་ཏོ། །ཤེས་རབ་ཀྱི་ཕ་རོལ་ཏུ་ཕྱིནད་
པ་དང་བྲལ་བར་མ་གྱུར་ཏོ། །ནང་སྟོང་པ་ཉིད་དང་བྲལ་བར་མ་གྱུར་ཏོ། །ཕྱི་སྟོང་པ་ཉིད་དང་བྲལ་བར་མ་གྱུར་ཏོ། །ཕྱི་ནང་སྟོང་པ་ཉིད་དང་བྲལ་བར་མ་གྱུར་ཏོ། །སྟོང་པ་ཉིད་སྟོང་པ་ཉིད་དང་བྲལ་བར་མ་གྱུར་ཏོ། །ཆེན་པོ་སྟོང་པ་ཉིད་དང་བྲལ་བར་
མ་གྱུར་ཏོ། །དོན་དམ་པ་སྟོང་པ་ཉིད་དང་བྲལ་བར་མ་གྱུར་ཏོ། །འདུས་བྱས་སྟོང་པ་ཉིད་དང་བྲལ་བར་མ་གྱུར་ཏོ། །འདུས་མ་བྱས་སྟོང་པ་ཉིད་དང་བྲལ་བར་མ་གྱུར་ཏོ། །མཐའ་ལས་འདས་པ་སྟོང་པ་ཉིད་དང་བྲལ་བར་མ་གྱུར་ཏོ། །ཐོག་མ་དང་
เล่ม ๑๘ · หน้า 226b
ཐ་མ་མྱེད་པ་སྟོང་པ་ཉིད་དང་བྲལ་བར་མ་གྱུར་ཏོ། །དོར་བ་མྱེད་པ་སྟོང་པ་ཉིད་དང་བྲལ་བར་མ་གྱུར་ཏོ། །རང་བཞིན་སྟོང་པ་ཉིད་དང་བྲལ་བར་མ་གྱུར་ཏོ། །ཆོས་ཐམས་ཅད་སྟོང་པ་ཉིད་དང་བྲལ་བར་མ་གྱུར་ཏོ། །རང་གི་མཚན་ཉིད་སྟོང་པ་ཉིད་དང་བྲལ་བར་མ་གྱུར་
ཏོ། །མྱི་དམྱིགས་པ་སྟོང་པ་ཉིད་དང་བྲལ་བར་མ་གྱུར་ཏོ། །དངོས་པོ་མྱེད་པ་སྟོང་པ་ཉིད་དང་བྲལ་བར་མ་གྱུར་ཏོ། །ངོ་བོ་ཉིད་སྟོང་པ་ཉིད་དང་བྲལ་བར་མ་གྱུར་ཏོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་དང་བྲལ་བར་མ་གྱུར་ཏོ། །དྲན་པ་ཉེ་བར་གཞག་
པ་རྣམས་དང་བྲལ་བར་མ་གྱུར་ཏོ། །ཡང་དག་པར་སྤོང་བ་རྣམས་དང་བྲལ་བར་མ་གྱུར་ཏོ། །རྫུ་འཕྲུལ་གྱི་རྐང་པ་རྣམས་དང་བྲལ་བར་མ་གྱུར་ཏོ། །དབང་པོ་རྣམས་དང་བྲལ་བར་མ་གྱུར་ཏོ། །སྟོབས་རྣམས་དང་བྲལ་བར་མ་གྱུར་ཏོ། །བྱང་ཆུབ་ཀྱི་ཡན་ལག་རྣམས་
དང་བྲལ་བར་མ་གྱུར་ཏོ། །འཕགས་པའི་ལམ་ཡན་ལག་བརྒྱད་པ་དང་བྲལ་བར་མ་གྱུར་ཏོ། །འཕགས་པའི་བདེན་པ་རྣམས་དང་བྲལ་བར་མ་གྱུར་ཏོ། །བསམ་གཏན་རྣམས་དང་བྲལ་བར་མ་གྱུར་ཏོ། །ཚད་མྱེད་པ་རྣམས་དང་བྲལ་བར་མ་གྱུར་ཏོ། །གཟུགས་
མྱེད་པའི་སྙོམས་པར་འཇུག་པ་རྣམས་དང་བྲལ་བར་མ་གྱུར་ཏོ། །རྣམ་པར་ཐར་པ་རྣམས་དང་བྲལ་བར་མ་གྱུར་ཏོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་དང་བྲལ་བར་མ་གྱུར་ཏོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་།
སྨོན་པ་མྱེད་པ་དང་བྲལ་བར་མ་གྱུར་ཏོ། །མངོན་པར་ཤེས་པ་རྣམས་དང་བྲལ་བར་མ་གྱུར་ཏོ། །ཏིང་ངེ་འཛིན་རྣམས་དང་བྲལ་བར་མ་གྱུར་ཏོ། །གཟུངས་ཀྱི་སྒོ་རྣམས་དང་བྲལ་བར་མ་གྱུར་ཏོ། །དེ་བཞིན་གཤེགས་པའི་སྟོབས་རྣམས་དང་བྲལ་བར་
མ་གྱུར་ཏོ། །མྱི་འཇིགས་པ་རྣམས་དང་བྲལ་བར་མ་གྱུར་ཏོ། །སོ་སོ་ཡང་དག་པར་རིག་པ་རྣམས་དང་བྲལ་བར་མ་གྱུར་ཏོ། །བྱམས་པ་ཆེན་པོ་དང་བྲལ་བར་མ་གྱུར་ཏོ། །སྙིང་རྗེ་ཆེན་པོ་དང་བྲལ་བར་མ་གྱུར་ཏོ། །སངས་རྒྱས་ཀྱི་ཆོས་མ་འདྲེས་པ་རྣམས་
เล่ม ๑๘ · หน้า 227a
དང་ཡང་བྲལ་བར་མ་གྱུར་ཏེ། དེ་མྱི་དམྱིགས་པའི་ཚུལ་གྱིས། སངས་རྒྱས་ཀྱི་ཆོས་ཚད་མྱེད་པ་གཞན་དག་དང་ཡང་བྲལ་བར་མ་གྱུར་ཏོ། །ལྷའི་བུ་དག་དེའི་ཚེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
མར་མེ་མཛད་ཀྱིས་ང་ལ་ཁྱེའུ་ཁྱོད་ནི། མ་འོངས་པའི་དུས་ཀྱི་བསྐལ་པ་གྲངས་མྱེད་པ་ན། བསྐལ་པ་བཟང་པོའི་ཚེ། འཇིག་རྟེན་གྱི་ཁམས་འདི་ཉིད་དུ་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
མཁྱེན་པ་དང་རྐང་པར་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མྱེད་པ། སྐྱེས་བུ་འདུལ་བའི། ཁ་ལོ་སྒྱུར་བ། ལྷ་དང་མྱི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སུ་འགྱུར་རོ་ཞེས། བླ་ན་མྱེད་པ་ཡང་དག་པར་རྫོགས་པའི་
བྱང་ཆུབ་ཏུ་ལུང་བསྟན་ཏོ། །དེ་ནས་ལྷའི་བུ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་ལྟར་གཟུགས་མྱི་ལེན་མྱི་འདོར་བའི་
ཚུལ་དང་། ཚོར་བ་མྱི་ལེན་མྱི་འདོར་བའི་ཚུལ་དང་། འདུ་ཤེས་མི་ལེན་མི་འདོར་བའི་ཚུལ་དང་། འདུ་བྱེད་མྱི་ལེན་མྱི་འདོར་བའི་ཚུལ་དང་། རྣམ་པར་ཤེས་པ་མྱི་ལེན་མྱི་འདོར་བའི་ཚུལ་དང་། མྱིག་མྱི་ལེན་མྱི་འདོར་བའི་ཚུལ་དང་། རྣ་བ་མྱི་ལེན་མྱི་
འདོར་བའི་ཚུལ་དང་། སྣ་མྱི་ལེན་མྱི་འདོར་བའི་ཚུལ་དང་། ལྕེ་མྱི་ལེན་མྱི་འདོར་བའི་ཚུལ་དང་། ལུས་མྱི་ལེན་མྱི་འདོར་བའི་ཚུལ་དང་། ཡིད་མྱི་ལེན་མྱི་འདོར་བའི་ཚུལ་དང་། གཟུགས་མྱི་ལེན་མྱི་འདོར་བའི་ཚུལ་དང་། སྒྲ་མྱི་ལེན་མྱི་འདོར་བའི་
ཚུལ་དང་། དྲི་མྱི་ལེན་མྱི་འདོར་བའི་ཚུལ་དང་། རོ་མྱི་ལེན་མྱི་འདོར་བའི་ཚུལ་དང་། རེག་མྱི་ལེན་མྱི་འདོར་བའི་ཚུལ་དང་། ཆོས་མྱི་ལེན་མྱི་འདོར་བའི་ཚུལ་དང་། མྱིག་གི་རྣམ་པར་ཤེས་པ་མྱི་ལེན་མྱི་འདོར་བའི་ཚུལ་དང་། རྣ་བའི་རྣམ་པར་
เล่ม ๑๘ · หน้า 227b
ཤེས་པ་མྱི་ལེན་མྱི་འདོར་བའི་ཚུལ་དང་། སྣའི་རྣམ་པར་ཤེས་པ་མྱི་ལེན་མྱི་འདོར་བའི་ཚུལ་དང་། ལྕེའི་རྣམ་པར་ཤེས་པ་མྱི་ལེན་མྱི་འདོར་བའི་ཚུལ་དང་། ལུས་ཀྱི་རྣམ་པར་ཤེས་པ་མྱི་ལེན་མྱི་འདོར་བའི་ཚུལ་དང་། ཡིད་ཀྱི་རྣམ་པར་ཤེས་པ་མྱི་ལེན་མྱི་
འདོར་བའི་ཚུལ་དང་། མྱིག་གི་འདུས་ཏེ་རེག་པ་མྱི་ལེན་མྱི་འདོར་བའི་ཚུལ་དང་། རྣ་བའི་འདུས་ཏེ་རེག་པ་མྱི་ལེན་མྱི་འདོར་བའི་ཚུལ་དང་། སྣའི་འདུས་ཏེ་རེག་པ་མྱི་ལེན་མྱི་འདོར་བའི་ཚུལ་དང་། ལྕེའི་འདུས་ཏེ་རེག་པ་མྱི་ལེན་མྱི་འདོར་བའི་ཚུལ་དང་། ལུས་
ཀྱི་འདུས་ཏེ་རེག་པ་མི་ལེན་མྱི་འདོར་བའི་ཚུལ་དང་། ཡིད་ཀྱི་འདུས་ཏེ་རེག་པ་མྱི་ལེན་མྱི་འདོར་བའི་ཚུལ་དང་། མྱིག་གི་འདུས་ཏེ་རེག་པའི་རྐྱེནད་ཀྱིས་ཚོར་བ་མྱི་ལན་མྱི་འདོར་བའི་ཚུལ་དང་། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་མྱི་ལེན་མྱི་འདོར་བའི་ཚུལ་
དང་། སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་མྱི་ལེན་མྱི་འདོར་བའི་ཚུལ་དང་། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་མྱི་ལེན་མྱི་འདོར་བའི་ཚུལ་དང་། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་མྱི་ལེན་མྱི་འདོར་བའི་ཚུལ་དང་། ཡིད་ཀྱི་འདུས་ཏེ་རེག་
པའི་རྐྱེན་ཀྱིས་ཚོར་བ་མི་ལེན་མྱི་འདོར་བའི་ཚུལ་དང་། སའི་ཁམས་མྱི་ལེན་མྱི་འདོར་བའི་ཚུལ་དང་། ཆུའི་ཁམས་མྱི་ལེན་མྱི་འདོར་བའི་ཚུལ་དང་། མྱེའི་ཁམས་མྱི་ལེན་མྱི་འདོར་བའི་ཚུལ་དང་། རླུང་གི་ཁམས་མྱི་ལེན་མྱི་འདོར་བའི་ཚུལ་དང་། ནམ་
མཁའི་ཁམས་མི་ལེན་མྱི་འདོར་བའི་ཚུལ་དང་། རྣམ་པར་ཤེས་པའི་ཁམས་མྱི་ལེན་མྱི་འདོར་བའི་ཚུལ་དང་། མ་རིག་པ་མྱི་ལེན་མྱི་འདོར་བའི་ཚུལ་དང་། འདུ་བྱེད་མྱི་ལེན་མྱི་འདོར་བའི་ཚུལ་དང་། རྣམ་པར་ཤེས་པ་མྱི་ལེན་མྱི་འདོར་བའི་ཚུལ་དང་། མྱིང་
དང་གཟུགས་མྱི་ལེན་མྱི་འདོར་བའི་ཚུལ་དང་། སྐྱེ་མཆེད་དྲུག་མྱི་ལེན་མྱི་འདོར་བའི་ཚུལ་དང་། རེག་པ་མྱི་ལེན་མྱི་འདོར་བའི་ཚུལ་དང་། ཚོར་བ་མྱི་ལེན་མྱི་འདོར་བའི་ཚུལ་དང་། སྲེད་པ་མྱི་ལེན་མྱི་འདོར་བའི་ཚུལ་དང་། ལེན་པ་མྱི་ལེན་མྱི་འདོར་
เล่ม ๑๘ · หน้า 228a
བའི་ཚུལ་དང་། སྲིད་པ་མྱི་ལེན་མྱི་འདོར་བའི་ཚུལ་དང་། སྐྱེ་བ་མྱི་ལེན་མྱི་འདོར་བའི་ཚུལ་དང་། རྒ་ཤི་མྱི་ལེན་མྱི་འདོར་བའི་ཚུལ་དང་། སྦྱིན་པའི་ཕ་རོལ་ཏུ་ཕྱིན་པ་མྱི་ལེན་མྱི་འདོར་བའི་ཚུལ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མྱི་ལེན་
མྱི་འདོར་བའི་ཚུལ་དང་། བཟོད་པའི་ཕ་རོལ་ཏུ་ཕྱིན་པ་མྱི་ལེན་མྱི་འདོར་བའི་ཚུལ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་མྱི་ལེན་མྱི་འདོར་བའི་ཚུལ་དང་། བསམ་གཏན་གྱི་ཕ་རོལ་ཏུ་ཕྱིན་པ་མྱི་ལེན་མྱི་འདོར་བའི་ཚུལ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་མྱི་ལེན་
མྱི་འདོར་བའི་ཚུལ་དང་། ནང་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། ཕྱི་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། ཕྱི་ནང་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། སྟོང་པ་ཉིད་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། ཆེན་པོ་སྟོང་པ་ཉིད་
མྱི་ལེན་མྱི་འདོར་བའི་ཚུལ་དང་། དོན་དམ་པ་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། འདུས་བྱས་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། འདུས་མ་བྱས་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། མཐའ་ལས་འདས་པ་སྟོང་པ་ཉིད་མྱི་
ལེན་མྱི་འདོར་བའི་ཚུལ་དང་། ཐོག་མ་དང་ཐ་མ་མྱེད་པ་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། དོར་བ་མྱེད་པ་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། རང་བཞིན་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། ཆོས་ཐམས་ཅད་སྟོང་པ་ཉིད་མྱི་ལེན་
མྱི་འདོར་བའི་ཚུལ་དང་། རང་གི་མཚན་ཉིད་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། མྱི་དམྱིགས་པ་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། དངོས་པོ་མྱེད་པ་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། ངོ་བོ་ཉིད་སྟོང་པ་ཉིད་མྱི་ལེན་མྱི་
འདོར་བའི་ཚུལ་དང་། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་མྱི་ལེན་མྱི་འདོར་བའི་ཚུལ་དང་། དྲན་པ་ཉེ་བར་གཞག་པ་རྣམས་མྱི་ལེན་མྱི་འདོར་བའི་ཚུལ་དང་། ཡང་དག་པར་སྤོང་བ་རྣམས་མྱི་ལེན་མྱི་འདོར་བའི་ཚུལ་དང་། རྫུ་འཕྲུལ་གྱི་རྐང་པ་རྣམས་
เล่ม ๑๘ · หน้า 228b
མྱི་ལེན་མྱི་འདོར་བའི་ཚུལ་དང་། དབང་པོ་རྣམས་མྱི་ལེན་མྱི་འདོར་བའི་ཚུལ་དང་། སྟོབས་རྣམས་མྱི་ལེན་མྱི་འདོར་བའི་ཚུལ་དང་། བྱང་ཆུབ་ཀྱི་ཡན་ལག་རྣམས་མྱི་ལེན་མྱི་འདོར་བའི་ཚུལ་དང་། འཕགས་པའི་ལམ་ཡན་ལག་བརྒྱད་པ་མྱི་ལེན་མྱི་འདོར་བའི་
ཚུལ་དང་། འཕགས་པའི་བདེན་པ་རྣམས་མྱི་ལེན་མྱི་འདོར་བའི་ཚུལ་དང་། བསམ་གཏན་རྣམས་མྱི་ལེན་མྱི་འདོར་བའི་ཚུལ་དང་། ཚད་མྱེད་པ་རྣམས་མྱི་ལེན་མྱི་འདོར་བའི་ཚུལ་དང་། གཟུགས་མྱེད་པའི་སྙོམས་པར་འཇུག་པ་རྣམས་མྱི་ལེན་མྱི་འདོར་
བའི་ཚུལ་དང་། རྣམ་པར་ཐར་པ་རྣམས་མྱི་ལེན་མྱི་འདོར་བའི་ཚུལ་དང་། མཐར་ཀྱིས་གནས་པའི་སྙོམས་པར་འཇུག་པ་རྣམས་མྱི་ལེན་མྱི་འདོར་བའི་ཚུལ་དང་། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་མྱི་ལེན་མྱི་
འདོར་བའི་ཚུལ་དང་། མངོན་པར་ཤེས་པ་རྣམས་མྱི་ལེན་མྱི་འདོར་བའི་ཚུལ་དང་། ཏིང་ངེ་འཛིན་རྣམས་མྱི་ལེན་མྱི་འདོར་བའི་ཚུལ་དང་། གཟུངས་ཀྱི་སྒོ་རྣམས་མྱི་ལེན་མྱི་འདོར་བའི་ཚུལ་དང་། དེ་བཞིན་གཤེགས་པའི་སྟོབས་རྣམས་མྱི་ལེན་མྱི་འདོར་
བའི་ཚུལ་དང་། མྱི་འཇིགས་པ་རྣམས་མྱི་ལེན་མྱི་འདོར་བའི་ཚུལ་དང་། སོ་སོ་ཡང་དག་པར་རིག་པ་རྣམས་མྱི་ལེན་མྱི་འདོར་བའི་ཚུལ་དང་། བྱམས་པ་ཆེན་པོ་མྱི་ལེན་མྱི་འདོར་བའི་ཚུལ་དང་། སྙིང་རྗེ་ཆེན་པོ་མྱི་ལེན་མྱི་འདོར་བའི་ཚུལ་དང་། སངས་
རྒྱས་ཀྱི་ཆོས་མ་འདྲེས་པ་རྣམས་མྱི་ལེན་མྱི་འདོར་བའི་ཚུལ་དང་། ཐམས་ཅད་ཤེས་པ་ཉིད་མྱི་ལེན་མྱི་འདོར་བའི་ཚུལ་དང་། ལམ་གྱི་རྣམ་པ་ཤེས་པ་ཉིད་མྱི་ལེན་མྱི་འདོར་བའི་ཚུལ་དང་། རྣམ་པ་ཐམས་ཅད་མཁྱེན་པ་ཉིད་མྱི་ལེན་མྱི་འདོར་བའི་ཚུལད་གྱིས།
བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་རྣམ་པ་ཐམས་ཅད་མཁྱེན་པ་ཉིད་མཐུན་པར་ཡོངས་སུ་འཛིན་པ་ནི་ངོ་མཚར་ཆེའོ། །དེ་ནས་བཅོམ་ལྡན་འདས་ཀྱིས། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མའི་
เล่ม ๑๘ · หน้า 229a
འཁོར་བཞི་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། རྒྱལ་ཆེན་བཞིའི་རིས་ཀྱི་ལྷའི་བུ་དང་། སུམ་ཅུ་རྩ་གསུམ་གྱི་ལྷའི་བུ་དང་། མཚེ་མའི་ལྷའི་བུ་དང་། དགའ་ལྡན་གྱི་ལྷའི་བུ་དང་། འཕྲུལ་
དགའི་ལྷའི་བུ་དང་། གཞན་འཕྲུལ་དབང་བྱེད་ཀྱི་ལྷའི་བུ་དང་། ཚངས་རིས་ཀྱི་ལྷའི་བུ་དང་། ཚངས་ལྷ་ཉེ་ཕན་གྱི་ལྷའི་བུ་དང་། ཚངས་པ་ཀུན་འཁོར་གྱི་ལྷའི་བུ་དང་། ཚངས་ཆེན་གྱི་ལྷའི་བུ་དང་། སྣང་བའི་ལྷའི་བུ་དང་། ཆུང་སྣང་གི་ལྷའི་བུ་དང་།
ཚད་མྱེད་སྣང་བའི་ལྷའི་བུ་དང་། ཀུན་སྣང་དང་བའི་ལྷའི་བུ་དང་། དགེ་བའི་ལྷའི་བུ་དང་། ཆུང་དགེའི་ལྷའི་བུ་དང་། ཚད་མྱེད་དགེ་བའི་ལྷའི་བུ་དང་། དགེ་རྒྱས་ཀྱི་ལྷའི་བུ་དང་། ཆེ་བའི་ལྷའི་བུ་དང་། ཆུང་ཆེའི་ལྷའི་བུ་དང་། ཚད་མྱེད་ཆེ་བའི་ལྷའི་བུ་
དང་། འབྲས་བུ་ཆེ་བའི་ལྷའི་བུ་དང་། མྱི་ཆེ་བའི་ལྷའི་བུ་དང་། མྱི་གདུང་བའི་ལྷའི་བུ་དང་། ཤིན་ཏུ་མཐོང་བའི་ལྷའི་བུ་དང་། གྱ་ནོམ་སྣང་བའི་ལྷའི་བུ་དང་། འོག་མྱིན་གྱི་ལྷའི་བུ་དེ་དག་འདུས་ཤིང་ཚོགས་པར་མཁྱེན་ནས། དེ་དག་ཐམས་ཅད་
དཔང་དུ་བཙུགས་ཏེ། ལྷའི་དབང་པོ་བརྒྱ་བྱིན་ལ་བཀའ་སྩལ་པ། ཀཽ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། རིགས་ཀྱི་བུ་འམ། རིགས་ཀྱི་བུ་མོ་
འམ། ལྷའི་བུ་འམ། ལྷའི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། སྒོམ་པ་དང་། གཞན་ལ་རྒྱ་ཆེར་འཆད་པ་དང་། ཚུལ་བཞིན་དུ་ཡིད་ལ་བྱེད་ཅིང་། རྣམ་པ་ཐམས་ཅད་
མཁྱེན་པ་ཉིད་ཀྱི་སེམས་དང་ཡང་། མྱི་འབྲལ་བ་དེ་དག་ནི། བདུད་སྡིག་ཅན་དང་། བདུད་ཀྱི་རིས་ཀྱི་ལྷ་རྣམས་ཀྱིས་གླགས་རྙེད་པར་མྱི་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། གཟུགས་
เล่ม ๑๘ · หน้า 229b
སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཚོར་བ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། འདུ་ཤེས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། འདུ་བྱེད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རྣམ་པར་ཤེས་
པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙྷེད། མཚན་མ་མྱེད་པས་མཚན་མ་མྱེད་པ་ལ་གླགས་མྱི་རྙྷེད་དོ། །སྨོན་པ་མྱེད་པས་སྨོན་པ་མྱེད་པ་ལ་གླགས་མྱི་རྙྷེད་
དོ། །དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། མྱིག་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རྣ་བ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སྣ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར།
ལྕེ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ལུས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཡིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན་དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙྷེད།
མཚན་མ་མྱེད་པས། མཚན་མ་མྱེད་པ་ལ་གླགས་མྱི་རྙྷེད། སྨོན་པ་མྱེད་པས། སྨོན་པ་མྱེད་པ་ལ་གླགས་མྱི་རྙྷེད་དོ། །དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། གཟུགས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར།
སྒྲ་སྟོང་པ་ཉིད་ཤིན་ཏུ་བྱིན་ཀྱིས་བརླབས་པར་འགྱུར། དྲི་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རོ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རེག་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཆོས་སྟོང་པ་ཉིད་
ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙྷེད། མཚན་མ་མྱེད་པས་མཚན་མ་མྱེད་པ་ལ་གླགས་མྱི་རྙྷེད། སྨོན་པ་མྱེད་པས་སྨོན་པ་མྱེད་པ་ལ་གླགས་མྱི་རྙྷེད་དོ། །
เล่ม ๑๘ · หน้า 230a
དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། མྱིག་གི་རྣམ་པར་ཤེས་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རྣ་བའི་རྣམ་པར་ཤེས་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སྣའི་རྣམ་
པར་ཤེས་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ལྕེའི་རྣམ་པར་ཤེས་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ལུས་ཀྱི་རྣམ་པར་ཤེས་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཡིད་ཀྱི་རྣམ་པར་ཤེས་པ་སྟོང་
པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙྷེད། མཚན་མ་མྱེད་པས་མཚན་མ་མྱེད་པ་ལ་གླགས་མྱི་རྙྷེད། སྨོན་པ་མྱེད་པས་སྨོན་པ་མྱེད་པ་ལ་གླགས་མྱི་རྙྷེད་
དོ། །དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། མྱིག་གི་འདུས་ཏེ་རེག་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རྣ་བའི་འདུས་ཏེ་རེག་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སྣའི་འདུས་ཏེ་
རེག་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ལྕེའི་འདུས་ཏེ་རེག་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ལུས་ཀྱི་འདུས་ཏེ་རེག་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཡིད་ཀྱི་འདུས་ཏེ་རེག་པ་སྟོང་པ་ཉིད་
ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙྷེད། མཚན་མ་མྱེད་པས་མཚན་མ་མྱེད་པ་ལ་གླགས་མྱི་རྙྷེད་དོ། སྨོན་པ་མྱེད་པས་སྨོན་པ་མྱེད་པ་ལ་གླགས་མྱི་རྙྷེད་དོ། །དེ་ནི་འདི་ལྟར་
རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས་མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སྣའི་
เล่ม ๑๘ · หน้า 230b
འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ཤིན་ཏུ་བྱིན་གྱིས་བརླབས་
པར་འགྱུར། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙེད། མཚན་མ་མྱེད་པས་མཚན་མ་མྱེད་པ་ལ་གླགས་མྱི་རྙེད།
སྨོན་པ་མྱེད་པས་སྨོན་པ་མྱེད་པ་ལ་གླགས་མྱི་རྙེད་དོ། །དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། སའི་ཁམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཆུའི་ཁམས་སྟོང་པ་ཉིད་ཤིན་ཏུ་བྱིན་ཀྱིས་བརླབས་པར་འགྱུར།
མྱེའི་ཁམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རླུང་གི་ཁམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ནམ་མཁའི་ཁམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རྣམ་པར་ཤེས་པའི་ཁམས་སྟོང་པ་ཉིད་
ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙེད། མཚན་མ་མྱེད་པས་མཚན་མ་མྱེད་པ་ལ་གླགས་མྱི་རྙེད། སྨོན་པ་མྱེད་པས་སྨོན་པ་མྱེད་པ་ལ་གླགས་མྱི་རྙེད་དོ། །དེ་ནི་
འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། མ་རིག་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། འདུ་བྱེད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རྣམ་པར་ཤེས་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་
འགྱུར། མྱིང་དང་གཟུགས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སྐྱེ་མཆེད་དྲུག་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རེག་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཚོར་བ་སྟོང་པ་ཉིད་ཤིན་ཏུ་བྱིན་
เล่ม ๑๘ · หน้า 231a
གྱིས་བརླབས་པར་འགྱུར། སྲེད་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ལེན་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སྲིད་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སྐྱེ་བ་སྟོང་པ་ཉིད་
ཤིན་ཏུ་བྱིན་གྱིས་བརླབས་པར་འགྱུར། རྒ་ཤི་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙེད། མཚན་མ་མྱེད་པས་མཚན་མ་མྱེད་པ་ལ་གླགས་མྱི་རྙེད། སྨོན་པ་མྱེད་
པས་སྨོན་པ་མྱེད་པ་ལ་གླགས་མྱི་རྙེད་དོ། །དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། སྦྱིན་པའི་ཕ་རོལ་ཏུ་ཕྱིན་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་ཤིན་ཏུ་བྱིན་གྱིས་
བརླབས་པར་འགྱུར། བཟོད་པའི་ཕ་རོལ་ཏུ་ཕྱིན་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། བསམ་གཏན་གྱི་ཕ་རོལ་ཏུ་ཕྱིན་པ་སྟོང་པ་ཉིད་ཤིན་ཏུ་
བྱིན་གྱིས་བརླབས་པར་འགྱུར། ཤེས་རབ་ཀྱི་ཕ་རོལད་ཏུ་ཕྱིནད་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙེད། མཚན་མ་མྱེད་པས་མཚན་མ་མྱེད་པ་ལ་
གླགས་མྱི་རྙེད། སྨོན་པ་མྱེད་པས་སྨོན་པ་མྱེད་པ་ལ་གླགས་མྱི་རྙེད་དོ། །དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས་ནང་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཕྱི་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་
བརླབས་པར་འགྱུར། ཕྱི་ནང་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སྟོང་པ་ཉིད་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཆེན་པོ་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར།
เล่ม ๑๘ · หน้า 231b
དོན་དམ་པ་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། འདུས་བྱས་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། འདུས་མ་བྱས་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། མཐའ་ལས་
འདས་པ་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཐོག་མ་དང་ཐ་མ་མྱེད་པ་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། དོར་བ་མྱེད་པ་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར།
རང་བཞིན་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཆོས་ཐམས་ཅད་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རང་གི་མཚན་ཉིད་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། མྱི་
དམྱིགས་པ་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། དངོས་པོ་མྱེད་པ་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ངོ་བོ་ཉིད་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། དངོས་
པོ་མྱེད་པའི་ངོ་བོ་ཉིད་སྟོང་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙེད། མཚན་མ་མྱེད་པས་མཚན་མ་མྱེད་པ་ལ་གླགས་མྱི་རྙེད། སྨོན་པ་མྱེད་པས་
སྨོན་པ་མྱེད་པ་ལ་གླགས་མྱི་རྙེད་དོ། །དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས་དྲན་པ་ཉེ་བར་གཞག་པ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཡང་དག་པར་སྤོང་བ་རྣམས་སྟོང་པ་ཉིད་ཤིན་ཏུ་བྱིན་གྱིས་
བརླབས་པར་འགྱུར། རྫུ་འཕྲུལ་གྱི་རྐང་པ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། དབང་པོ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སྟོབས་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར།
เล่ม ๑๘ · หน้า 232a
བྱང་ཆུབ་ཀྱི་ཡན་ལག་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། འཕགས་པའི་ལམ་ཡན་ལག་བརྒྱད་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་
སྟོང་པ་ཉིད་ལ་གླགས་མྱི་རྙེད། མཚན་མ་མྱེད་པས་མཚན་མ་མྱེད་པ་ལ་གླགས་མྱི་རྙེད། སྨོན་པ་མེད་པས་སྨོན་པ་མྱེད་པ་ལ་གླགས་མྱི་རྙེད་དོ། །དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། འཕགས་པའི་བདེན་པ་རྣམས་
སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། བསམ་གཏན་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཚད་མྱེད་པ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། གཟུགས་མྱེད་པའི་སྙོམས་པར་འཇུག་པ་རྣམས་
སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། རྣམ་པར་ཐར་པ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། མཐར་གྱིས་གནས་པའི་སྙོམས་པར་འཇུག་པ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར།
རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། མངོན་པར་ཤེས་པ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ཏིང་ངེ་འཛིན་རྣམས་སྟོང་པ་
ཉིད་ཤིན་ཏུ་བྱིན་གྱིས་བརླབས་པར་འགྱུར། གཟུངས་ཀྱི་སྒོ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙེད། མཚན་མ་མྱེད་པས་མཚན་མ་མྱེད་པ་ལ་
གླགས་མྱི་རྙེད། སྨོན་པ་མྱེད་པས་སྨོན་པ་མྱེད་པ་ལ་གླགས་མྱི་རྙེད་དོ། །དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། དེ་བཞིན་གཤེགས་པའི་སྟོབས་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། མྱི་འཇིགས་
เล่ม ๑๘ · หน้า 232b
པ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སོ་སོ་ཡང་དག་པར་རིག་པ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། བྱམས་པ་ཆེན་པོ་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། སྙིང་རྗེ་ཆེན་པོ་སྟོང་པ་ཉིད་ཤིན་ཏུ་
བྱིན་གྱིས་བརླབས་པར་འགྱུར། སངས་རྒྱས་ཀྱི་ཆོས་མ་འདྲེས་པ་རྣམས་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙེད། མཚན་མ་མྱེད་པས་མཚན་མ་མྱེད་པ་ལ་
གླགས་མྱི་རྙེད། སྨོན་པ་མྱེད་པས་སྨོན་པ་མྱེད་པ་ལ་གླགས་མྱི་རྙེད་དོ། །དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས། ཐམས་ཅད་ཤེས་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར། ལམ་གྱི་རྣམ་པ་ཤེས་པ་ཉིད་སྟོང་པ་
ཉིད་ཤིན་ཏུ་བྱིན་གྱིས་བརླབས་པར་འགྱུར། རྣམ་པ་ཐམས་ཅད་མཁྱེན་པ་ཉིད་སྟོང་པ་ཉིད་ཤིན་ཏུ་བྱིན་གྱིས་བརླབས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མྱི་རྙེད། མཚན་མ་མྱེད་པས་མཚན་མ་
མྱེད་པ་ལ་གླགས་མྱི་རྙེད། སྨོན་པ་མྱེད་པས་སྨོན་པ་མྱེད་པ་ལ་གླགས་མྱི་རྙེད་དོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་གང་གིས་གླགས་རྙེད་པར་འགྱུར་བ་དང་། གང་དུ་གླགས་རྙེད་པར་འགྱུར་བ་དང་། གང་ལ་གླགས་རྙེད་པར་འགྱུར་བ་དེ་དག་གི་
ངོ་བོ་ཉིད་མྱེད་དོ། །ཀཽ་ཤི་ཀ་རིགས་ཀྱི་བུ་འམ། རིགས་ཀྱི་བུ་མོ་དེ་དག་ལ་ནི་མྱིའམ། མྱི་མ་ཡིན་པ་གླགས་ལྟ་ཞིང་གླགས་ཚོལ་བ་དེ་དག་གིས་གླགས་རྙེད་པར་མྱི་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་
གིས་དེ་མྱི་དམྱིགས་པའི་ཚུལ་གྱིས། སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཤིན་ཏུ་བསྒོམས་པའི་ཕྱིར་རོ། །རིགས་ཀྱི་བུ་དང་། རིགས་ཀྱི་བུ་མོ་དེ་དག་ནི་ཉམ་ང་བ་མྱི་སྤོངས་བས་དུས་བྱེད་པར་
เล่ม ๑๘ · หน้า 233a
ཡང་མྱི་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་རིགས་ཀྱི་བུ་དང་། རིགས་ཀྱི་བུ་མོ། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་དེ་དག་གིས། སེམས་ཅན་ཐམས་ཅད་ལ་ཡང་དག་པར་སྤང་བས་བསྙེན་བཀུར་བྱས་པའི་ཕྱིར་
རོ། །ཀཽ་ཤི་ཀ་གང་ཡང་སྟོང་གསུམ་གྱི་སྟོང་ཆེན་པོའི་འཇིགས་རྟེན་གྱི་ཁམས་ན། རྒྱལ་ཆེན་བཞིའི་རིས་ཀྱི་ལྷ་དང་། སུམ་ཅུ་རྩ་གསུམ་གྱི་ལྷ་དང་། མཚེ་མའི་ལྷ་དང་། དགའ་ལྡན་གྱི་ལྷ་དང་། འཕྲུལ་དགའི་ལྷ་དང་། གཞན་འཕྲུལ་དབང་བྱེད་ཀྱི་
ལྷ་དང་། ཚངས་རིས་ཀྱི་ལྷ་དང་། ཀུན་སྣང་དང་བའི་ལྷ་དང་། དགེ་རྒྱས་ཀྱི་ལྷ་དང་། འབྲས་བུ་ཆེ་བའི་ལྷ་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ཇི་སྙེད་ཅིག་ཡོད་པ་དང་། ལྷའི་བུ་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་
འདི་མ་ཐོས་པ་དང་། མ་བཟུང་བ་དང་། མ་བཅངས་པ་དང་། ཀུན་ཆུབ་པར་མ་བྱས་པ་དེ་དག་གིས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མཉན་པར་བྱའོ། །གཟུང་བར་བྱའོ། །བཅང་བར་བྱའོ། །ཀླག་པར་བྱའོ། །ཀུན་ཆུབ་པར་བྱའོ། །ཚུལ་
བཞིན་དུ་ཡིད་ལ་བྱའོ། །རྣམ་པ་ཐམས་ཅད་མཁྱེན་པའི་སེམས་དང་ཡང་མ་བྲལ་བར་བྱའོ། །ཀཽ་ཤི་ཀ་གཞན་ཡང་རིགས་ཀྱི་བུ་དང་། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་ཅིང་། འཆང་བ་དང་། ཀློག་ཅིང་ཀུན་ཆུབ་པར་བྱེད་
པ་དང་། ཚུལ་བཞིན་དུ་ཡིད་ལ་བྱེད་ཅིང་། རྣམ་པ་ཐམས་ཅད་མཁྱེན་པའི་སེམས་དང་ཡང་མ་བྲལ་བར་བྱེད་པ་དེ་དག་ནི་ཁྱིམ་སྟོང་པ་ན་འདུག་ཀྱང་རུང་། བླ་གབ་མྱེད་པ་ན་འདུག་ཀྱང་རུང་། ལམ་གོལ་བ་ན་འདུག་ཀྱང་རུང་སྟེ། འཇིགས་པའམ།
སྔང་བར་མྱི་འགྱུར་རོ། །དེ་ཅིའི་ཕྱིར་ཞེ་ན། དེ་ལྟར་རིགས་ཀྱི་བུ་དང་། རིགས་ཀྱི་བུ་མོ་དེ་དག་གིས་ནང་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །ཕྱི་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །ཕྱི་
เล่ม ๑๘ · หน้า 233b
ནང་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །སྟོང་པ་ཉིད་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །ཆེན་པོ་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །དོན་དམ་པ་སྟོང་པ་ཉིད་དེ་
མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །འདུས་བྱས་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །འདུས་མ་བྱས་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །མཐའ་ལས་འདས་པ་སྟོང་པ་
ཉིད་དེ་མི་དམིགས་པའི་ཚུལ་གྱིས་ཤིན་ཏུ་བསྒོམས་སོ། །ཐོག་མ་དང་ཐ་མ་མྱེད་པ་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །དོར་བ་མྱེད་པ་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །རང་བཞིན་སྟོང་པ་
ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །ཆོས་ཐམས་ཅད་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །རང་གི་མཚན་ཉིད་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །མྱི་དམྱིགས་པ་
སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །དངོས་པོ་མྱེད་པ་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །ངོ་བོ་ཉིད་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །དངོས་པོ་མྱེད་པའི་ངོ་
བོ་ཉིད་སྟོང་པ་ཉིད་དེ་མྱི་དམྱིགས་པའི་ཚུལ་གྱིས་ཤིན་ཏུ་བསྒོམས་སོ། །དེ་ནས་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། རྒྱལ་ཆེན་བཞིའི་རིས་ཀྱི་ལྷ་དང་། སུམ་ཅུ་རྩ་གསུམ་གྱི་ལྷ་དང་། མཚེ་མའི་ལྷ་དང་། དགའ་ལྡན་གྱི་
ལྷ་དང་། འཕྲུལ་དགའི་ལྷ་དང་། གཞན་འཕྲུལ་དབང་བྱེད་ཀྱི་ལྷ་དང་། ཚངས་རིས་ཀྱི་ལྷ་དང་། ཀུན་སྣང་དང་བའི་ལྷ་དང་། དགེ་རྒྱས་ཀྱི་ལྷ་དང་། འབྲས་བུ་ཆེ་བའི་ལྷ་དང་། གནས་གཙང་མའི་རིས་ཀྱི་ལྷ་ཇི་སྙེད་ཅིག་ཡོད་པ་དེ་དག་ཐམས་ཅད་
เล่ม ๑๘ · หน้า 234a
ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་རིགས་ཀྱི་བུ་དང་། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་མོས་ཤིང་འཛིན་པ་དང་། འཆང་བ་དང་། ཀློག་པ་དང་།
ཀུན་ཆུབ་པར་བགྱིད་པ་དང་། ཚུལ་བཞིན་དུ་ཡིད་ལ་བགྱིད་ཅིང་། གཞན་ལ་འང་རྒྱ་ཆེར་སྟོན་པ་དང་། རྣམ་པ་ཐམས་ཅད་མཁྱེན་པ་ཉིད་དུ་ཡིད་ལ་བགྱི་བ་དང་། མྱི་འབྲལ་བ་དེ་དག་ལ་རྟག་ཏུ་རྒྱུན་མྱི་འཆད་པར་བསྲུང་བ་དང་། བསྐྱང་བ་དང་། བསྐྱབ་པར་
བགྱིའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་མཆིས་ན། སེམས་ཅན་དམྱལ་བ་རྣམས་ཀྱང་རྒྱུན་ཆད་པར་འགྱུར། བྱོལ་སོང་གི་སྐྱེ་གནས་རྣམས་ཀྱང་རྒྱུན་ཆད་པར་འགྱུར། གཤིན་རྗེའི་འཇིག་རྟེན་
རྣམས་ཀྱང་རྒྱུན་ཆད་པར་འགྱུར། ལྷ་ལས་ཕོངས་པ་རྣམས་ཀྱང་རྒྱུན་ཆད་པར་འགྱུར། མྱི་ལས་དབུལ་བ་རྣམས་ཀྱང་རྒྱུན་ཆད་པར་འགྱུར། ནད་དང་གནོད་པ་དང་། འགོ་བའི་ནད་ཐམས་ཅད་ཀྱང་རྒྱུན་འཆད་ཅིང་འཇིག་པ་དང་། མ་མཆིས་པར་འགྱུར།
མུ་གེའི་ཞུགས་ངམ་ཐམས་ཅད་ཀྱང་རྒྱུན་ཆད་པར་འགྱུར། བྱང་ཆུབ་སེམས་དཔའ་སེམས་དཔའ་ཆེན་པོ་མཆིས་ན། དགེ་བ་བཅུའི་ལས་ཀྱི་ལམ་རྣམས་འཇིག་རྟེན་དུ་འབྱུང་བར་འགྱུར། བསམ་གཏན་བཞི་འཇིག་རྟེན་དུ་འབྱུང་བར་འགྱུར། ཚད་མྱེད་
པ་བཞི་འཇིག་རྟེན་དུ་འབྱུང་བར་འགྱུར། གཟུགས་མྱེད་པའི་སྙོམས་པར་འཇུག་པ་བཞི་འཇིག་རྟེན་དུ་འབྱུང་བར་འགྱུར། མངོན་པར་ཤེས་པ་ལྔ་འཇིག་རྟེན་དུ་འབྱུང་བར་འགྱུར། སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར།
ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར། བཟོད་པའི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར། བརྩོན་འགྲུས་ཀྱི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར། བསམ་གཏན་གྱི་ཕ་རོལ་ཏུ་ཕྱིནད་པ་འཇིག་
เล่ม ๑๘ · หน้า 234b
རྟེན་དུ་འབྱུང་བར་འགྱུར། ཤེས་རབ་ཀྱི་ཕ་རོལད་ཏུ་ཕྱིནད་པ་འཇིག་རྟེན་དུ་འབྱུང་བར་འགྱུར། ནང་སྟོང་པ་ཉིད་འཇིག་རྟེན་དུ་འབྱུང་བར་འགྱུར། ཕྱི་སྟོང་པ་ཉིད་འཇིག་རྟེན་དུ་འབྱུང་བར་འགྱུར། ཕྱི་ནང་སྟོང་པ་ཉིད་འཇིག་རྟེན་དུ་འབྱུང་བར་འགྱུར།
སྟོང་པ་ཉིད་སྟོང་པ་ཉིད་འཇིག་རྟེན་དུ་འབྱུང་བར་འགྱུར། ཆེན་པོ་སྟོང་པ་ཉིད་འཇིག་རྟེན་དུ་འབྱུང་བར་འགྱུར། དོན་དམ་པ་སྟོང་པ་ཉིད་འཇིག་རྟེན་དུ་འབྱུང་བར་འགྱུར། འདུས་བྱས་སྟོང་པ་ཉིད་འཇིག་རྟེན་དུ་འབྱུང་བར་འགྱུར། འདུས་
མ་བྱས་སྟོང་པ་ཉིད་འཇིག་རྟེན་དུ་འབྱུང་བར་འགྱུར། མཐའ་ལས་འདས་པ་སྟོང་པ་ཉིད་འཇིག་རྟེན་དུ་འབྱུང་བར་འགྱུར། ཐོག་མ་དང་ཐ་མ་མྱེད་པ་སྟོང་པ་ཉིད་འཇིག་རྟེན་དུ་འབྱུང་བར་འགྱུར། དོར་བ་མྱེད་པ་སྟོང་པ་ཉིད་འཇིག་རྟེན་དུ་འབྱུང་བར་
འགྱུར། རང་བཞིན་སྟོང་པ་ཉིད་འཇིག་རྟེན་དུ་འབྱུང་བར་འགྱུར། ཆོས་ཐམས་ཅད་སྟོང་པ་ཉིད་འཇིག་རྟེན་དུ་འབྱུང་བར་འགྱུར། རང་གི་མཚན་ཉིད་སྟོང་པ་ཉིད་འཇིག་རྟེན་དུ་འབྱུང་བར་འགྱུར། མྱི་དམྱིགས་པ་སྟོང་པ་ཉིད་འཇིག་རྟེན་དུ་འབྱུང་
བར་འགྱུར། དངོས་པོ་མྱེད་པ་སྟོང་པ་ཉིད་འཇིག་རྟེན་དུ་འབྱུང་བར་འགྱུར། ངོ་བོ་ཉིད་སྟོང་པ་ཉིད་འཇིག་རྟེན་དུ་འབྱུང་བར་འགྱུར། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་འཇིག་རྟེན་དུ་འབྱུང་བར་འགྱུར། དྲན་པ་ཉེ་བར་གཞག་པ་བཞི་
འཇིག་རྟེན་དུ་འབྱུང་བར་འགྱུར། ཡང་དག་པར་སྤོང་བ་བཞི་འཇིག་རྟེན་དུ་འབྱུང་བར་འགྱུར། རྫུ་འཕྲུལ་གྱི་རྐང་པ་བཞི་འཇིག་རྟེན་དུ་འབྱུང་བར་འགྱུར། དབང་པོ་ལྔ་འཇིག་རྟེན་དུ་འབྱུང་བར་འགྱུར། སྟོབས་ལྔ་འཇིག་རྟེན་དུ་འབྱུང་བར་འགྱུར།
བྱང་ཆུབ་ཀྱི་ཡན་ལག་བདུན་འཇིག་རྟེན་དུ་འབྱུང་བར་འགྱུར། འཕགས་པའི་ལམ་ཡན་ལག་བརྒྱད་པ་འཇིག་རྟེན་དུ་འབྱུང་བར་འགྱུར། འཕགས་པའི་བདེན་པ་བཞི་འཇིག་རྟེན་དུ་འབྱུང་བར་འགྱུར། རྣམ་པར་ཐར་པ་བརྒྱད་འཇིག་རྟེན་
เล่ม ๑๘ · หน้า 235a
དུ་འབྱུང་བར་འགྱུར། མཐར་ཀྱིས་གནས་པའི་སྙོམས་པར་འཇུག་པ་དགུ་འཇིག་རྟེན་དུ་འབྱུང་བར་འགྱུར། རྣམ་པར་ཐར་པའི་སྒོ་གསུམ་འཇིག་རྟེན་དུ་འབྱུང་བར་འགྱུར། ཏིང་ངེ་འཛིན་ཐམས་ཅད་འཇིག་རྟེན་དུ་
འབྱུང་བར་འགྱུར། གཟུངས་ཀྱི་སྒོ་ཐམས་ཅད་འཇིག་རྟེན་དུ་འབྱུང་བར་འགྱུར། དེ་བཞིན་གཤེགས་པའི་སྟོབས་བཅུ་འཇིག་རྟེན་དུ་འབྱུང་བར་འགྱུར། མྱི་འཇིག་པ་བཞི་འཇིག་རྟེན་དུ་འབྱུང་བར་འགྱུར། སོ་སོ་ཡང་དག་པར་རིག་པ་བཞི་
འཇིག་རྟེན་དུ་འབྱུང་བར་འགྱུར། བྱམས་པ་ཆེན་པོ་འཇིག་རྟེན་དུ་འབྱུང་བར་འགྱུར། སྙིང་རྗེ་ཆེན་པོ་འཇིག་རྟེན་དུ་འབྱུང་བར་འགྱུར། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་འཇིག་རྟེན་དུ་འབྱུང་བར་འགྱུར། ཐམས་ཅད་ཤེས་པ་ཉིད་
འཇིག་རྟེན་དུ་འབྱུང་བར་འགྱུར། ལམ་གྱི་རྣམ་པ་ཤེས་པ་ཉིད་འཇིག་རྟེན་དུ་འབྱུང་བར་འགྱུར། རྣམ་པ་ཐམས་ཅད་མཁྱེན་པ་ཉིད་འཇིག་རྟེན་དུ་འབྱུང་བར་འགྱུར། བྱང་ཆུབ་སེམས་དཔའ་སེམས་དཔའ་ཆེན་པོ་མཆིས་ན། རྒྱལ་རིགས་ཆེ་
ཞིང་མཐོ་བ་མཆིས་པར་འགྱུར། བྲམ་ཟེའི་རིགས་ཆེ་ཞིང་མཐོ་བ་མཆིས་པར་འགྱུར། ཁྱིམ་བདག་གི་རིགས་ཆེ་ཞིང་མཐོ་བ་མཆིས་པ་འགྱུར། འཁོར་ལོས་སྒྱུར་བའི་རྒྱལ་པོ་རྣམས་མཆིས་པར་འགྱུར། རྒྱལ་ཆེན་བཞིའི་རིས་ཀྱི་ལྷ་
རྣམས་མཆིས་པར་འགྱུར། སུམ་ཅུ་རྩ་གསུམ་གྱི་ལྷ་རྣམས་མཆིས་པར་འགྱུར། མཚེ་མའི་ལྷ་རྣམས་མཆིས་པར་འགྱུར། དགའ་ལྡན་གྱི་ལྷ་རྣམས་མཆིས་པར་འགྱུར། འཕྲུལ་དགའི་ལྷ་རྣམས་མཆིས་པར་འགྱུར། གཞན་
འཕྲུལ་དབང་བྱེད་ཀྱི་ལྷ་རྣམས་མཆིས་པར་འགྱུར། ཚངས་རིས་ཀྱི་ལྷ་རྣམས་མཆིས་པར་འགྱུར། ཚངས་ལྷ་ཉེ་ཕན་གྱི་ལྷ་རྣམས་མཆིས་པར་འགྱུར། ཚངས་པ་ཀུན་འཁོར་གྱི་ལྷ་རྣམས་མཆིས་པར་འགྱུར། ཚངས་ཆེན་གྱི་ལྷ་
เล่ม ๑๘ · หน้า 235b
རྣམས་མཆིས་པར་འགྱུར། སྣང་བའི་ལྷ་རྣམས་མཆིས་པར་འགྱུར། ཆུང་སྣང་གི་ལྷ་རྣམས་མཆིས་པར་འགྱུར། ཚད་མྱེད་སྣང་བའི་ལྷ་རྣམས་མཆིས་པར་འགྱུར། ཀུན་སྣང་དང་བའི་ལྷ་རྣམས་མཆིས་པར་འགྱུར། དགེ་བའི་ལྷ་རྣམས་
མཆིས་པར་འགྱུར། ཆུང་དགེའི་ལྷ་རྣམས་མཆིས་པར་འགྱུར། ཚད་མྱེད་དགེ་བའི་ལྷ་རྣམས་མཆིས་པར་འགྱུར། དགེ་རྒྱས་ཀྱི་ལྷ་རྣམས་མཆིས་པར་འགྱུར། ཆེ་བའི་ལྷ་རྣམས་མཆིས་པར་འགྱུར། ཆུང་ཆེའི་ལྷ་རྣམས་མཆིས་པར་
འགྱུར། ཚད་མྱེད་ཆེ་བའི་ལྷ་རྣམས་མཆིས་པར་འགྱུར། འབྲས་བུ་ཆེ་བའི་ལྷ་རྣམས་མཆིས་པར་འགྱུར། མྱི་ཆེ་བའི་ལྷ་རྣམས་མཆིས་པར་འགྱུར། མྱི་གདུང་བའི་ལྷ་རྣམས་མཆིས་པར་འགྱུར། ཤིན་ཏུ་མཐོང་བའི་ལྷ་རྣམས་མཆིས་པར་
འགྱུར། གྱ་ནོམ་སྣང་བའི་ལྷ་རྣམས་མཆིས་པར་འགྱུར། འོག་མྱིན་གྱི་ལྷ་རྣམས་མཆིས་པར་འགྱུར། བྱང་ཆུབ་སེམས་དཔའ་སེམས་དཔའ་ཆེན་པོ་མཆིས་ན། རྒྱུན་ཏུ་ཞུགས་པའི་འབྲས་བུ་མཆིས་པར་འགྱུར། རྒྱུན་ཏུ་ཞུགས་པ་
མཆིས་པར་འགྱུར། ལན་ཅིག་ཕྱིར་འོང་བའི་འབྲས་བུ་མཆིས་པར་འགྱུར། ལན་ཅིག་ཕྱིར་འོང་བ་མཆིས་པར་འགྱུར། ཕྱིར་མྱི་འོང་བའི་འབྲས་བུ་མཆིས་པར་འགྱུར། ཕྱིར་མྱི་འོང་བ་མཆིས་པར་འགྱུར། དགྲ་བཅོམ་པ་ཉིད་མཆིས་
པར་འགྱུར། དགྲ་བཅོམ་པ་མཆིས་པར་འགྱུར། རང་བྱང་ཆུབ་མཆིས་པར་འགྱུར། རང་སངས་རྒྱས་མཆིས་པར་འགྱུར། བྱང་ཆུབ་སེམས་དཔའ་སེམས་དཔའ་ཆེན་པོ་མཆིས་ན། སེམས་ཅན་ཡོངས་སུ་སྨྱིན་པ་མཆིས་པར་འགྱུར།
སངས་རྒྱས་ཀྱི་ཞིང་ཡོངས་སུ་དག་པ་མཆིས་པར་འགྱུར། འཇིག་རྟེན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འབྱུང་བར་འགྱུར། ཆོས་ཀྱི་འཁོར་ལོ་བསྐོར་བ་མཆིས་པར་འགྱུར། སངས་རྒྱས་
เล่ม ๑๘ · หน้า 236a
དཀོན་མཆོག་འབྱུང་བར་འགྱུར། ཆོས་དཀོན་མཆོག་འབྱུང་བར་འགྱུར། དགེ་འདུན་དཀོན་མཆོག་འབྱུང་བར་འགྱུར། བཅོམ་ལྡན་འདས་རྣམ་གྲངས་དེས་ན་ལྷ་དང་མྱི་དང་ལྷ་མ་ཡིན་དུ་བཅས་པའི་འཇིག་རྟེན་གྱིས། བྱང་
ཆུབ་སེམས་དཔའ་སེམས་དཔའ་ཆེན་པོ་ལ་བསྲུང་བ་དང་། བསྐྱང་བ་དང་། བསྐྱབ་པར་བགྱིའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ཀཽ་ཤི་ཀ་དེ་དེ་བཞིན་ནོ། དེ་དེ་བཞིན་
ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཡོད་ན། སེམས་ཅན་དམྱལ་བ་ཐམས་ཅད་རྒྱུན་ཆད་པར་འགྱུར་རོ། །བྱོལ་སོང་གི་སྐྱེ་གནས་ཐམས་ཅད་རྒྱུན་ཆད་པར་འགྱུར་རོ། །གཤིན་རྗེའི་འཇིག་རྟེན་ཐམས་ཅད་རྒྱུན་ཆད་པར་འགྱུར་རོ། །ལྷ་
ལས་ཕོངས་པ་རྒྱུན་ཆད་པར་འགྱུར་རོ། །མྱི་ལས་དབུལ་བ་རྒྱུན་ཆད་པར་འགྱུར་རོ། །ནད་དང་། གནོད་པ་དང་། འགོ་བའི་ནད་ཐམས་ཅད་རྒྱུན་འཆད་པ་དང་། འཇིག་པ་དང་། མྱེད་པར་འགྱུར་རོ། །མུ་གེའི་མྱ་ངམ་ཐམས་ཅད་
རྒྱུན་ཆད་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡོད་ན། དགེ་བ་བཅུའི་ལས་ཀྱི་ལམ་རྣམས་འཇིག་རྟེན་དུ་འབྱུང་བར་འགྱུར་རོ། །བསམ་གཏན་བཞི་འཇིག་རྟེན་དུ་འབྱུང་བར་འགྱུར་རོ། །ཚད་མྱེད་པ་བཞི་འཇིག་རྟེན་དུ་
འབྱུང་བར་འགྱུར་རོ། །གཟུགས་མྱེད་པའི་སྙོམས་པར་འཇུག་པ་བཞི་འཇིག་རྟེན་དུ་འབྱུང་བར་འགྱུར་རོ། །མངོན་པར་ཤེས་པ་ལྔ་འཇིག་རྟེན་དུ་འབྱུང་བར་འགྱུར་རོ། །སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར་རོ། །ཚུལ་
ཁྲིམས་ཀྱི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར་རོ། །བཟོད་པའི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར་རོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར་རོ། །བསམ་གཏན་ཀྱི་ཕ་རོལ་ཏུ་ཕྱིན་པ་
เล่ม ๑๘ · หน้า 236b
འཇིག་རྟེན་དུ་འབྱུང་བར་འགྱུར་རོ། །ཤེས་རབ་ཀྱི་ཕ་རོལ་ཏུ་ཕྱིནད་པ་འཇིག་རྟེན་དུ་འབྱུང་བར་འགྱུར་རོ། །ནང་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །ཕྱི་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །ཕྱི་ནང་སྟོང་པ་ཉིད་འཇིག་རྟེན་དུ་འབྱུང་
བར་འགྱུར་རོ། །སྟོང་པ་ཉིད་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །ཆེན་པོ་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །དོན་དམ་པ་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །འདུས་བྱས་སྟོང་པ་ཉིད་འཇིག་རྟེན་དུ་འབྱུང་བར་འགྱུར་
རོ། །འདུས་མ་བྱས་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །མཐའ་ལས་འདས་པ་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །ཐོག་མ་དང་ཐ་མ་མྱེད་པ་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །དོར་བ་མྱེད་པ་སྟོང་པ་ཉིད་
འཇིག་རྟེན་དུ་འབྱུང་བར་འགྱུར་རོ། །རང་བཞིན་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །ཆོས་ཐམས་ཅད་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །རང་གི་མཚན་ཉིད་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །མྱི་
དམྱིགས་པ་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །དངོས་པོ་མྱེད་པ་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །ངོ་བོ་ཉིད་སྟོང་པ་ཉིད་འཇིག་རྟེན་དུ་འབྱུང་བར་འགྱུར་རོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་འཇིག་རྟེན་དུ་
འབྱུང་བར་འགྱུར་རོ། །དྲན་པ་ཉེ་བར་གཞག་པ་བཞི་འཇིག་རྟེན་དུ་འབྱུང་བར་འགྱུར་རོ། །ཡང་དག་པར་སྤོང་བ་བཞི་འཇིག་རྟེན་དུ་འབྱུང་བར་འགྱུར་རོ། །རྫུ་འཕྲུལ་གྱི་རྐང་པ་བཞི་འཇིག་རྟེན་དུ་འབྱུང་བར་འགྱུར་རོ། །དབང་པོ་ལྔ་འཇིག་
རྟེན་དུ་འབྱུང་བར་འགྱུར་རོ། །སྟོབས་ལྔ་འཇིག་རྟེན་དུ་འབྱུང་བར་འགྱུར་རོ། །བྱང་ཆུབ་ཀྱི་ཡན་ལག་བདུན་འཇིག་རྟེན་དུ་འབྱུང་བར་འགྱུར་རོ། །འཕགས་པའི་ལམ་ཡན་ལག་བརྒྱད་པ་འཇིག་རྟེན་དུ་འབྱུང་བར་འགྱུར་རོ། །འཕགས་
เล่ม ๑๘ · หน้า 237a
པའི་བདེན་པ་བཞི་འཇིག་རྟེན་དུ་འབྱུང་བར་འགྱུར་རོ། །རྣམ་པར་ཐར་པ་བརྒྱད་འཇིག་རྟེན་དུ་འབྱུང་བར་འགྱུར་རོ། །མཐར་ཀྱིས་གནས་པའི་སྙོམས་པར་འཇུག་པ་དགུ་འཇིག་རྟེན་དུ་འབྱུང་བར་འགྱུར་རོ། །རྣམ་
པར་ཐར་པའི་སྒོ་གསུམ་འཇིག་རྟེན་དུ་འབྱུང་བར་འགྱུར་རོ། །ཏིང་ངེ་འཛིན་ཐམས་ཅད་འཇིག་རྟེན་དུ་འབྱུང་བར་འགྱུར་རོ། །གཟུངས་ཀྱི་སྒོ་ཐམས་ཅད་འཇིག་རྟེན་དུ་འབྱུང་བར་འགྱུར་རོ། །དེ་བཞིན་གཤེགས་པའི་སྟོབས་བཅུ་འཇིག་རྟེན་དུ་
འབྱུང་བར་འགྱུར་རོ། །མྱི་འཇིགས་པ་བཞི་འཇིག་རྟེན་དུ་འབྱུང་བར་འགྱུར་རོ། །སོ་སོ་ཡང་དག་པར་རིག་པ་བཞི་འཇིག་རྟེན་དུ་འབྱུང་བར་འགྱུར་རོ། །བྱམས་པ་ཆེན་པོ་འཇིག་རྟེན་དུ་འབྱུང་བར་འགྱུར་རོ། །སྙིང་རྗེ་ཆེན་པོ་འཇིག་རྟེན་དུ་འབྱུང་
བར་འགྱུར་རོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་འཇིག་རྟེན་དུ་འབྱུང་བར་འགྱུར་རོ། །ཐམས་ཅད་ཤེས་པ་ཉིད་འཇིག་རྟེན་དུ་འབྱུང་བར་འགྱུར་རོ། །ལམ་གྱི་རྣམ་པ་ཤེས་པ་ཉིད་འཇིག་རྟེན་དུ་འབྱུང་བར་འགྱུར་རོ། །རྣམ་པ་ཐམས་
ཅད་མཁྱེན་པ་ཉིད་འཇིག་རྟེན་དུ་འབྱུང་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡོད་ན། རྒྱལ་རིགས་ཆེ་ཞིང་མཐོ་བ་ཡོད་པར་འགྱུར་རོ། །བྲམ་ཟེའི་རིགས་ཆེ་ཞིང་མཐོ་བ་ཡོད་པར་འགྱུར་རོ། །ཁྱིམ་བདག་གི་རིགས་ཆེ་
ཞིང་མཐོ་བ་ཡོད་པར་འགྱུར་རོ། །འཁོར་ལོས་སྒྱུར་བའི་རྒྱལ་པོ་རྣམས་ཡོད་པར་འགྱུར་རོ། །རྒྱལ་ཆེན་བཞིའི་རིས་ཀྱི་ལྷ་རྣམས་ཡོད་པར་འགྱུར་རོ། །སུམ་ཅུ་རྩ་གསུམ་གྱི་ལྷ་རྣམས་ཡོད་པར་འགྱུར་རོ། །མཚེ་མའི་ལྷ་རྣམས་ཡོད་པར་
འགྱུར་རོ། །དགའ་ལྡན་གྱི་ལྷ་རྣམས་ཡོད་པར་འགྱུར་རོ། །འཕྲུལ་དགའི་ལྷ་རྣམས་ཡོད་པར་འགྱུར་རོ། །གཞན་འཕྲུལ་དབང་བྱེད་ཀྱི་ལྷ་རྣམས་ཡོད་པར་འགྱུར་རོ། །ཚངས་རིས་ཀྱི་ལྷ་རྣམས་ཡོད་པར་འགྱུར་རོ། །ཚངས་ལྷ་ཉེ་ཕན་གྱི་
เล่ม ๑๘ · หน้า 237b
ལྷ་རྣམས་ཡོད་པར་འགྱུར་རོ། །ཚངས་པ་ཀུན་འཁོར་གྱི་ལྷ་རྣམས་ཡོད་པར་འགྱུར་རོ། །ཚངས་ཆེན་གྱི་ལྷ་རྣམས་ཡོད་པར་འགྱུར་རོ། །སྣང་བའི་ལྷ་རྣམས་ཡོད་པར་འགྱུར་རོ། །ཆུང་སྣང་གི་ལྷ་རྣམས་ཡོད་པར་འགྱུར་རོ། །ཚད་མྱེད་སྣང་བའི་
ལྷ་རྣམས་ཡོད་པར་འགྱུར་རོ། །ཀུན་སྣང་དང་བའི་ལྷ་རྣམས་ཡོད་པར་འགྱུར་རོ། །དགེ་བའི་ལྷ་རྣམས་ཡོད་པར་འགྱུར་རོ། །ཆུང་དགེའི་ལྷ་རྣམས་ཡོད་པར་འགྱུར་རོ། །ཚད་མྱེད་དགེ་བའི་ལྷ་རྣམས་ཡོད་པར་འགྱུར་རོ། །དགེ་རྒྱས་ཀྱི་ལྷ་
རྣམས་ཡོད་པར་འགྱུར་རོ། །ཆེ་བའི་ལྷ་རྣམས་ཡོད་པར་འགྱུར་རོ། །ཆུང་ཆེའི་ལྷ་རྣམས་ཡོད་པར་འགྱུར་རོ། །ཚད་མྱེད་ཆེ་བའི་ལྷ་རྣམས་ཡོད་པར་འགྱུར་རོ། །འབྲས་བུ་ཆེ་བའི་ལྷ་རྣམས་ཡོད་པར་འགྱུར་རོ། །མྱི་ཆེ་བའི་ལྷ་རྣམས་
ཡོད་པར་འགྱུར་རོ། །མྱི་གདུང་བའི་ལྷ་རྣམས་ཡོད་པར་འགྱུར་རོ། །ཤིན་ཏུ་མཐོང་བའི་ལྷ་རྣམས་ཡོད་པར་འགྱུར་རོ། །གྱ་ནོམ་སྣང་བའི་ལྷ་རྣམས་ཡོད་པར་འགྱུར་རོ། །འོག་མྱིན་གྱི་ལྷ་རྣམས་ཡོད་པར་འགྱུར་རོ། །བྱང་ཆུབ་སེམས་དཔའ་
སེམས་དཔའ་ཆེན་པོ་ཡོད་ན། རྒྱུན་ཏུ་ཞུགས་པའི་འབྲས་བུ་ཡོད་པར་འགྱུར་རོ། །རྒྱུན་ཏུ་ཞུགས་པ་ཡོད་པར་འགྱུར་རོ། །ལན་ཅིག་ཕྱིར་འོང་བའི་འབྲས་བུ་ཡོད་པར་འགྱུར་རོ། །ལན་ཅིག་ཕྱིར་འོང་བ་ཡོད་པར་འགྱུར་རོ། །ཕྱིར་མྱི་འོང་བའི་
འབྲས་བུ་ཡོད་པར་འགྱུར་རོ། །ཕྱིར་མྱི་འོང་བ་ཡོད་པར་འགྱུར་རོ། །དགྲ་བཅོམ་པ་ཉིད་ཡོད་པར་འགྱུར་རོ། །དགྲ་བཅོམ་པ་ཡོད་པར་འགྱུར་རོ། །རང་བྱང་ཆུབ་ཡོད་པར་འགྱུར་རོ། །རང་སངས་རྒྱས་ཡོད་པར་འགྱུར་རོ། །བྱང་ཆུབ་སེམས་
དཔའ་སེམས་དཔའ་ཆེན་པོ་ཡོད་ན། སེམས་ཅན་ཡོངས་སུ་སྨྱིན་པ་ཡོད་པར་འགྱུར་རོ། །སངས་རྒྱས་ཀྱི་ཞིང་ཡོངས་སུ་དག་པ་ཡོད་པར་འགྱུར་རོ། །འཇིག་རྟེན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
เล่ม ๑๘ · หน้า 238a
འབྱུང་བར་འགྱུར་རོ། །ཆོས་ཀྱི་འཁོར་ལོ་བསྐོར་བ་ཡོད་པར་འགྱུར་རོ། །སངས་རྒྱས་དཀོན་མཆོག་འབྱུང་བར་འགྱུར་རོ། །ཆོས་དཀོན་མཆོག་འབྱུང་བར་འགྱུར་རོ། །དགེ་འདུན་དཀོན་མཆོག་འབྱུང་བར་འགྱུར་རོ། །དེ་
བས་ན་ལྷ་དང་། མྱི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ལ་རིམ་གྲོར་བྱའོ། བཀུར་སྟིར་བྱའོ། །ཕུ་དུད་དུ་བྱའོ། །མཆོད་པར་བྱའོ། །རྟག་ཏུ་རྒྱུན་མྱི་འཆད་པར་དེ་ལ་བསྲུང་པ་
དང་། བསྐྱང་བ་དང་། བསྐྱབ་པར་བྱའོ། །ཀཽ་ཤི་ཀ་གང་བྱང་ཆུབ་སེམས་དཔའ་སེམས་དཔའ་ཆེན་པོ་ལ་རིམ་གྲོར་བྱ་བ་དང་། བཀུར་སྟིར་བྱ་བ་དང་། ཕུ་དུད་དུ་བྱ་བ་དང་། མཆོད་པར་བྱ་བར་སེམས་པ་དེ་ནི། ང་ལ་རིམ་གྲོར་བྱ་བ་དང་། བཀུར་
སྟིར་བྱ་བ་དང་། ཕུ་དུད་དུ་བྱ་བ་དང་། མཆོད་པར་བྱ་བར་སེམས་སོ། །དེ་བས་ན་ལྷ་དང་། མྱི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ལ་རིམ་གྲོར་བྱའོ། །བཀུར་སྟིར་བྱའོ། །ཕུ་
དུད་དུ་བྱའོ། །མཆོད་པར་བྱའོ། །རྟག་ཏུ་རྒྱུན་མྱི་འཆད་པར་དེ་ལ་བསྲུང་བ་དང་། བསྐྱང་བ་དང་། བསྐྱབ་པར་བྱའོ། །ཀཽ་ཤི་ཀ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་འདི་ལྟ་སྟེ་དཔེར་ན། འདམ་བུའི་ཚལ་ལམ། སྨྱིག་མའི་ཚལ་ལམ་
བུ་རམ་ཤིང་གི་ཚལ་ལམ། འོད་མའི་ཚལ་ལམ། རྩི་སྐྱང་གི་ཚལ་ལམ། འབྲས་ཀྱི་ཞིང་ངམ། ཏིལ་གྱི་ཞིང་བཞིན་དུ་ཉན་ཐོས་དང་། རང་སངས་རྒྱས་ཀྱིས་གང་བར་གྱུར་ལ། དེ་དག་ལ་རིགས་ཀྱི་བུའམ། རིགས་ཀྱི་བུ་མོ་ལ་ལ་ཞིག་གིས་ནམ་
འཚོའི་བར་དུ་ཡོ་བྱད་ཐམས་ཅད་ཀྱིས་རིམ་གྲོར་བྱས་པ་དང་། བཀུར་སྟིར་བྱས་པ་དང་། ཕུ་དུད་དུ་བྱས་པ་དང་། མཆོད་པར་བྱས་པ་བས། གང་ལ་ལས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ། ཕ་རོལ་ཏུ་ཕྱིན་
เล่ม ๑๘ · หน้า 238b
པ་དྲུག་དང་མ་བྲལ་བ་ཞིག་ལ་རིམ་གྲོར་བྱས། བཀུར་སྟིར་བྱས། ཕུ་དུད་དུ་བྱས། མཆོད་པར་བྱས་ན། དེ་ནི་དེ་བས་བསོད་ནམས་ཆེས་མང་དུ་འཕེལ་ལོ། །དེ་ཅིའི་ཕྱིར་ཞེ་ན། ཀཽ་ཤི་ཀ་ཉན་ཐོས་དང་། རང་སངས་རྒྱས་དེ་དག་ཡོད་པས། བྱང་ཆུབ་
སེམས་དཔའ་སེམས་དཔའ་ཆེན་པོ་འཇིག་རྟེན་དུ་འབྱུང་བར་འགྱུར་བ་མ་ཡིན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་བར་འགྱུར་བ་མ་ཡིན་གྱི། ཀཽ་ཤི་ཀ་བྱང་ཆུབ་སེམས་དཔའ་སེམས་དཔའ་
ཆེན་པོ་ཡོད་ན། ཉན་ཐོས་དང་། རང་སངས་རྒྱས་ཐམས་ཅད་འཇིག་རྟེན་ན་ཡོད་པར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་བར་འགྱུར་རོ། །ཀཽ་ཤི་ཀ་དེ་བས་ན་ལྷ་དང་།
མྱི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་རིམ་གྲོར་བྱའོ། །བཀུར་སྟིར་བྱའོ། །ཕུ་དུད་དུ་བྱའོ། །མཆོད་པར་བྱའོ། །རྟག་ཏུ་རྒྱུན་མྱི་འཆད་པར་དེ་ལ་བསྲུང་བ་དང་། བསྐྱང་བ་དང་།
བསྐྱབ་པར་བྱའོ། །ཤེས་རབ་ཀྱི་ཕ་རོལད་ཏུ་ཕྱིནད་པ་སྟོང་ཕྲག་བརྒྱ་པ་ལས་ལེའུ་བཅུ་དྲུག་གོ།། །།ཤེས་རབ་ཀྱི་ཕ་རོལད་ཏུ་ཕྱིནད་པ་སྟོང་ཕྲག་བརྒྱ་པ། བམ་པོ་བཅྭོ་བརྒྱད་པ། །དེ་ནས་
ལྷའི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལད་ཏུ་ཕྱིནད་པ་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་
པར་བགྱིད་པ་དང་། ཚུལ་བཞིན་དུ་ཡིད་ལ་བགྱིད་པ་དེ་དག་གིས་ཚེ་འདི་ལ་འཐོབ་པའི་ཡོན་ཏན་འདི་དག་ཡོངས་སུ་ཟིན་པར་འགྱུར་ཞིང་། སེམས་ཅན་རྣམས་ཡོངས་སུ་སྨྱིན་པར་བགྱིད་པ་དང་། སངས་རྒྱས་ཀྱི་ཞིང་ཡོངས་སུ་དག་པར་བགྱིད་པ་
เล่ม ๑๘ · หน้า 239a
དང་། སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བའི་སླད་དུ། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་མཆི་བ་དང་། དགེ་བའི་རྩ་བ་གང་གིས་སངས་རྒྱས་བཅོམ་ལྡན་འདས་དེ་དག་ལ་རིམ་གྲོར་བགྱི་བ་དང་།
བཀུར་སྟིར་བགྱི་བ་དང་། ཕུ་དུད་དུ་བགྱི་བ་དང་། མཆོད་པར་བགྱི་བར་འཚལ་བ་དེ་ལྟ་བུའི་དགེ་བའི་རྩ་བ་དེ་དག་ཀྱང་ཕུན་སུམ་ཚོགས་པར་འགྱུར་བ་དང་། སངས་རྒྱས་བཅོམ་ལྡན་འདས་དེ་དག་ལས་ཆོས་གང་ཐོས་པ་དེ་དག་ཀྱང་བླ་ན་མྱེད་པ་ཡང་དག་
པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པར་མ་གྱུར་གྱི་བར་དུ་དྲན་པ་མི་ཉམས་པ་དང་རིགས་ཕུན་སུམ་ཚོགས་པ་ཡོངས་སུ་འཛིན་པ་དང་། སྐྱེ་བ་ཕུན་སུམ་ཚོགས་པ་ཡོངས་སུ་འཛིན་པ་དང་། ཚེ་ཕུན་སུམ་ཚོགས་པ་ཡོངས་སུ་
འཛིན་པ་དང་། འཁོར་ཕུན་སུམ་ཚོགས་པ་ཡོངས་སུ་འཛིན་པ་དང་། མཚན་ཕུན་སུམ་ཚོགས་པ་ཡོངས་སུ་འཛིན་པ་དང་། འོད་ཕུན་སུམ་ཚོགས་པ་ཡོངས་སུ་འཛིན་པ་དང་། མྱིག་ཕུན་སུམ་ཚོགས་པ་ཡོངས་སུ་འཛིན་པ་དང་། དབྱངས་ཕུན་སུམ་
ཚོགས་པ་ཡོངས་སུ་འཛིན་པ་དང་། །ཏིང་ངེ་འཛིན་ཕུན་སུམ་ཚོགས་པ་ཡོངས་སུ་འཛིན་པ་དང་། གཟུངས་ཕུན་སུམ་ཚོགས་པ་ཡོངས་སུ་འཛིན་པ་དང་། ཐབས་མཁས་པས་བདག་ཀྱང་སངས་རྒྱས་ཀྱི་སྐུར་མངོན་པར་སྤྲུལ་ཅིང་། འཇིག་
རྟེན་གྱི་ཁམས་ནས་འཇིག་རྟེན་གྱི་ཁམས་སུ་མཆི་བ་དང་། གང་དུ་སངས་རྒྱས་བཅོམ་ལྡན་འདས་རྣམས་སྐྱེ་ཞིང་བྱུང་བར་མ་གྱུར་པ་དེ་དང་དེ་དག་ཏུ་མཆིས་ཤིང་། སྦྱིན་པའི་ཕ་རོལད་ཏུ་ཕྱིནད་པའི་ཡོན་ཏན་རྗོད་པ་དང་། ཚུལ་ཁྲིམས་ཀྱི་ཕ་རོལ་
ཏུ་ཕྱིན་པའི་ཡོན་ཏན་རྗོད་པ་དང་། བཟོད་པའི་ཕ་རོལ་ཏུ་ཕྱིནད་པའི་ཡོན་ཏན་རྗོད་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་ཡོན་ཏན་རྗོད་པ་དང་། བསམ་གཏན་གྱི་ཕ་རོལ་ཏུ་ཕྱིན་པའི་ཡོན་ཏན་རྗོད་པ་དང་། ཤེས་རབ་ཀྱི་ཕ་རོལ་ཏུ་
เล่ม ๑๘ · หน้า 239b
ཕྱིནད་པའི་ཡོན་ཏན་རྗོད་པ་དང་། ནང་སྟོང་པ་ཉིད་ཀྱི་ཡོན་ཏན་རྗོད་པ་དང་། ཕྱི་སྟོང་པ་ཉིད་ཀྱི་ཡོན་ཏན་རྗོད་པ་དང་། ཕྱི་ནང་སྟོང་པ་ཉིད་ཀྱི་ཡོན་ཏན་རྗོད་པ་དང་། སྟོང་པ་ཉིད་སྟོང་པ་ཉིད་ཀྱི་ཡོན་ཏན་རྗོད་པ་དང་། ཆེན་པོ་སྟོང་པ་ཉིད་ཀྱི་ཡོན་ཏན་རྗོད་པ་དང་།
དོན་དམ་པ་སྟོང་པ་ཉིད་ཀྱི་ཡོན་ཏན་རྗོད་པ་དང་། འདུས་བྱས་སྟོང་པ་ཉིད་ཀྱི་ཡོན་ཏན་རྗོད་པ་དང་། འདུས་མ་བྱས་སྟོང་པ་ཉིད་ཀྱི་ཡོན་ཏན་རྗོད་པ་དང་། མཐའ་ལས་འདས་པ་སྟོང་པ་ཉིད་ཀྱི་ཡོན་ཏན་རྗོད་པ་དང་། ཐོག་མ་དང་ཐ་མ་མྱེད་པ་སྟོང་པ་ཉིད་
ཀྱི་ཡོན་ཏན་རྗོད་པ་དང་། དོར་བ་མྱེད་པ་སྟོང་པ་ཉིད་ཀྱི་ཡོན་ཏན་རྗོད་པ་དང་། རང་བཞིན་སྟོང་པ་ཉིད་ཀྱི་ཡོན་ཏན་རྗོད་པ་དང་། ཆོས་ཐམས་ཅད་སྟོང་པ་ཉིད་ཀྱི་ཡོན་ཏན་རྗོད་པ་དང་། རང་གི་མཚན་ཉིད་སྟོང་པ་ཉིད་ཀྱི་ཡོན་ཏན་རྗོད་པ་དང་། མྱི་
དམྱིགས་པ་སྟོང་པ་ཉིད་ཀྱི་ཡོན་ཏན་རྗོད་པ་དང་། དངོས་པོ་མྱེད་པ་སྟོང་པ་ཉིད་ཀྱི་ཡོན་ཏན་རྗོད་པ་དང་། ངོ་བོ་ཉིད་སྟོང་པ་ཉིད་ཀྱི་ཡོན་ཏན་རྗོད་པ་དང་། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱི་ཡོན་ཏན་རྗོད་པ་དང་། བསམ་གཏན་བཞིའི་ཡོན་ཏན་
རྗོད་པ་དང་། ཚད་མྱེད་པ་བཞིའི་ཡོན་ཏན་རྗོད་པ་དང་། གཟུགས་མེད་པའི་སྙོམས་པར་འཇུག་པ་བཞིའི་ཡོན་ཏན་རྗོད་པ་དང་། མངོན་པར་ཤེས་པ་ལྔའི་ཡོན་ཏན་རྗོད་པ་དང་། དྲན་པ་ཉེ་བར་གཞག་པ་བཞིའི་ཡོན་ཏན་རྗོད་པ་དང་། ཡང་
དག་པར་སྤོང་བ་བཞིའི་ཡོན་ཏན་རྗོད་པ་དང་། རྫུ་འཕྲུལ་གྱི་རྐང་པ་བཞིའི་ཡོན་ཏན་རྗོད་པ་དང་། དབང་པོ་ལྔའི་ཡོན་ཏན་རྗོད་པ་དང་། སྟོབས་ལྔའི་ཡོན་ཏན་རྗོད་པ་དང་། བྱང་ཆུབ་ཀྱི་ཡན་ལག་བདུན་གྱི་ཡོན་ཏན་རྗོད་པ་དང་། འཕགས་པའི་
ལམ་ཡན་ལག་བརྒྱད་པའི་ཡོན་ཏན་རྗོད་པ་དང་། འཕགས་པའི་བདེན་པ་བཞིའི་ཡོན་ཏན་རྗོད་པ་དང་། རྣམ་པར་ཐར་པ་བརྒྱད་ཀྱི་ཡོན་ཏན་རྗོད་པ་དང་། མཐར་ཀྱིས་གནས་པའི་སྙོམས་པར་འཇུག་པ་དགུའི་ཡོན་ཏན་རྗོད་པ་དང་། རྣམ་
เล่ม ๑๘ · หน้า 240a
པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པའི་ཡོན་ཏན་རྗོད་པ་དང་། མངོན་པར་ཤེས་པ་རྣམས་ཀྱི་ཡོན་ཏན་རྗོད་པ་དང་། ཏིང་ངེ་འཛིན་རྣམས་ཀྱི་ཡོན་ཏན་རྗོད་པ་དང་། གཟུངས་ཀྱི་སྒོ་རྣམས་ཀྱི་ཡོན་ཏན་
རྗོད་པ་དང་། དེ་བཞིན་གཤེགས་པའི་སྟོབས་བཅུའི་ཡོན་ཏན་རྗོད་པ་དང་། མྱི་འཇིགས་པ་བཞིའི་ཡོན་ཏན་རྗོད་པ་དང་། སོ་སོ་ཡང་དག་པར་རིག་པ་བཞིའི་ཡོན་ཏན་རྗོད་པ་དང་། བྱམས་པ་ཆེན་པོའི་ཡོན་ཏན་རྗོད་པ་དང་། སྙིང་རྗེ་ཆེན་པོའི་ཡོན་ཏན་
རྗོད་པ་དང་། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཀྱི་ཡོན་ཏན་རྗོད་པ་དང་། ཐབས་མཁས་པས་སེམས་ཅན་རྣམས་ལ་ཆོས་སྟོན་པ་དང་། སེམས་ཅན་རྣམས་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། སངས་རྒྱས་ཀྱི་ཐེག་པ་དང་།
ཐེག་པ་གསུམ་ལ་འདུལ་བ་ནི་ངོ་མཚར་ཆེའོ། །དེ་ནས་ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡོངས་སུ་བཟུང་ན། ཕ་རོལ་ཏུ་ཕྱིན་པ་དྲུག་པོ་ཐམས་
ཅད་ཡོངས་སུ་བཟུང་བར་འགྱུར་བ་དང་། ནང་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། ཕྱི་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། ཕྱི་ནང་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། སྟོང་པ་ཉིད་སྟོང་པ་ཉིད་ཡོངས་སུ་བཟུང་བར་འགྱུར་བ་
དང་། ཆེན་པོ་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། དོན་དམ་པ་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། འདུས་བྱས་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། འདུས་མ་བྱས་སྟོང་པ་ཉིད་ཡོངས་སུ་བཟུང་བར་འགྱུར་བ་དང་།
མཐའ་ལས་འདས་པ་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། ཐོག་མ་དང་ཐ་མ་མྱེད་པ་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། དོར་བ་མྱེད་པ་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། རང་བཞིན་སྟོང་པ་ཉིད་ཡོངས་སུ་བཟུང་
เล่ม ๑๘ · หน้า 240b
བར་འགྱུར་བ་དང་། ཆོས་ཐམས་ཅད་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། རང་གི་མཚན་ཉིད་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། མྱི་དམྱིགས་པ་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། དངོས་པོ་མྱེད་པ་སྟོང་པ་ཉིད་ཡོངས་སུ་
བཟུང་བར་འགྱུར་བ་དང་། ངོ་བོ་ཉིད་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཡོངས་སུ་བཟུང་བར་འགྱུར་བ་དང་། དྲན་པ་ཉེ་བར་གཞག་པ་རྣམས་ཡོངས་སུ་བཟུང་བར་འགྱུར་བ་དང་། ཡང་དག་པར་སྤོང་བ་
རྣམས་ཡོངས་སུ་བཟུང་བར་འགྱུར་བ་དང་། རྫུ་འཕྲུལ་གྱི་རྐང་པ་རྣམས་ཡོངས་སུ་བཟུང་བར་འགྱུར་བ་དང་། དབང་པོ་རྣམས་ཡོངས་སུ་བཟུང་བར་འགྱུར་བ་དང་། སྟོབས་རྣམས་ཡོངས་སུ་བཟུང་བར་འགྱུར་བ་དང་། བྱང་ཆུབ་ཀྱི་ཡན་ལག་རྣམས་
ཡོངས་སུ་བཟུང་བར་འགྱུར་བ་དང་། འཕགས་པའི་ལམ་ཡན་ལག་བརྒྱད་པ་ཡོངས་སུ་བཟུང་བར་འགྱུར་བ་དང་། འཕགས་པའི་བདེན་པ་རྣམས་ཡོངས་སུ་བཟུང་བར་འགྱུར་བ་དང་། བསམ་གཏན་རྣམས་ཡོངས་སུ་བཟུང་བར་འགྱུར་བ་དང་། ཚད་
མྱེད་པ་རྣམས་ཡོངས་སུ་བཟུང་བར་འགྱུར་བ་དང་། གཟུགས་མྱེད་པའི་སྙོམས་པར་འཇུག་པ་རྣམས་ཡོངས་སུ་བཟུང་བར་འགྱུར་བ་དང་། རྣམ་པར་ཐར་པ་རྣམས་ཡོངས་སུ་བཟུང་བར་འགྱུར་བ་དང་། མཐརད་ཀྱིས་གནས་པའི་སྙོམས་པར་འཇུག་པ་
རྣམས་ཡོངས་སུ་བཟུང་བར་འགྱུར་བ་དང་། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ཡོངས་སུ་བཟུང་བར་འགྱུར་བ་དང་། མངོན་པར་ཤེས་པ་རྣམས་ཡོངས་སུ་བཟུང་བར་འགྱུར་བ་དང་། ཏིང་ངེ་འཛིན་
རྣམས་ཡོངས་སུ་བཟུང་བར་འགྱུར་བ་དང་། གཟུངས་ཀྱི་སྒོ་རྣམས་ཡོངས་སུ་བཟུང་བར་འགྱུར་བ་དང་། དེ་བཞིན་གཤེགས་པའི་སྟོབས་རྣམས་ཡོངས་སུ་བཟུང་བར་འགྱུར་བ་དང་། མྱི་འཇིགས་པ་རྣམས་ཡོངས་སུ་བཟུང་བར་འགྱུར་བ་དང་།
เล่ม ๑๘ · หน้า 241a
སོ་སོ་ཡང་དག་པར་རིག་པ་རྣམས་ཡོངས་སུ་བཟུང་བར་འགྱུར་བ་དང་། བྱམས་པ་ཆེན་པོ་ཡོངས་སུ་བཟུང་བར་འགྱུར་བ་དང་། སྙིང་རྗེ་ཆེན་པོ་ཡོངས་སུ་བཟུང་བར་འགྱུར་བ་དང་། སངས་རྒྱས་ཀྱི་ཆོས་མ་འདྲེས་པ་རྣམས་ཡོངས་སུ་
བཟུང་བར་འགྱུར་བ་དང་། རྒྱུན་ཏུ་ཞུགས་པའི་འབྲས་བུ་ཡོངས་སུ་བཟུང་བར་འགྱུར་བ་དང་། ལན་ཅིག་ཕྱིར་འོང་བའི་འབྲས་བུ་ཡོངས་སུ་བཟུང་བར་འགྱུར་བ་དང་། ཕྱིར་མྱི་འོང་བའི་འབྲས་བུ་ཡོངས་སུ་བཟུང་བར་འགྱུར་བ་དང་། དགྲ་བཅོམ་པ་ཉིད་ཡོངས་
སུ་བཟུང་བར་འགྱུར་བ་དང་། རང་བྱང་ཆུབ་ཡོངས་སུ་བཟུང་བར་འགྱུར་བ་དང་། ལམ་གྱི་རྣམ་པ་ཤེས་པ་ཉིད་ཡོངས་སུ་བཟུང་བར་འགྱུར་བ་དང་། རྣམ་པ་ཐམས་ཅད་མཁྱེན་པ་ཉིད་ཡོངས་སུ་བཟུང་བར་འགྱུར་བ་ཡང་། ངོ་མཚར་ཆེའོ། །དེ་
སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ཀཽ་ཤི་ཀ་དེ་དེ་བཞིན་ནོ། །དེ་དེ་བཞིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་བཟུང་བས། ཕ་རོལ་ཏུ་ཕྱིན་པ་དྲུག་པོ་ཐམས་ཅད་
ཡོངས་སུ་བཟུང་བར་འགྱུར་རོ། །ནང་སྟོང་པ་ཉིད་ཡོངས་སུ་བཟུང་བར་འགྱུར་རོ། །ཕྱི་སྟོང་པ་ཉིད་ཡོངས་སུ་བཟུང་བར་འགྱུར་རོ། །ཕྱི་ནང་སྟོང་པ་ཉིད་ཡོངས་སུ་བཟུང་བར་འགྱུར་རོ། །སྟོང་པ་ཉིད་སྟོང་པ་ཉིད་ཡོངས་སུ་བཟུང་བར་འགྱུར་རོ། །ཆེན་པོ་
སྟོང་པ་ཉིད་ཡོངས་སུ་བཟུང་བར་འགྱུར་རོ། །དོན་དམ་པ་སྟོང་པ་ཉིད་ཡོངས་སུ་བཟུང་བར་འགྱུར་རོ། །འདུས་བྱས་སྟོང་པ་ཉིད་ཡོངས་སུ་བཟུང་བར་འགྱུར་རོ། །འདུས་མ་བྱས་སྟོང་པ་ཉིད་ཡོངས་སུ་བཟུང་བར་འགྱུར་རོ། །མཐའ་ལས་འདས་པ་
སྟོང་པ་ཉིད་ཡོངས་སུ་བཟུང་བར་འགྱུར་རོ། །ཐོག་མ་དང་ཐ་མ་མྱེད་པ་སྟོང་པ་ཉིད་ཡོངས་སུ་བཟུང་བར་འགྱུར་རོ། །དོར་བ་མྱེད་པ་སྟོང་པ་ཉིད་ཡོངས་སུ་བཟུང་བར་འགྱུར་རོ། །རང་བཞིན་སྟོང་པ་ཉིད་ཡོངས་སུ་བཟུང་བར་འགྱུར་རོ། །ཆོས་ཐམས་
เล่ม ๑๘ · หน้า 241b
ཅད་སྟོང་པ་ཉིད་ཡོངས་སུ་བཟུང་བར་འགྱུར་རོ། །རང་གི་མཚན་ཉིད་སྟོང་པ་ཉིད་ཡོངས་སུ་བཟུང་བར་འགྱུར་རོ། །མྱི་དམྱིགས་པ་སྟོང་པ་ཉིད་ཡོངས་སུ་བཟུང་བར་འགྱུར་རོ། །དངོས་པོ་མྱེད་པ་སྟོང་པ་ཉིད་ཡོངས་སུ་བཟུང་བར་འགྱུར་རོ། །ངོ་བོ་ཉིད་སྟོང་
པ་ཉིད་ཡོངས་སུ་བཟུང་བར་འགྱུར་རོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཡོངས་སུ་བཟུང་བར་འགྱུར་རོ། །དྲན་པ་ཉེ་བར་གཞག་པ་རྣམས་ཡོངས་སུ་བཟུང་བར་འགྱུར་རོ། །ཡང་དག་པར་སྤོང་བ་རྣམས་ཡོངས་སུ་བཟུང་བར་འགྱུར་རོ། །
རྫུ་འཕྲུལ་གྱི་རྐང་པ་རྣམས་ཡོངས་སུ་བཟུང་བར་འགྱུར་རོ། །དབང་པོ་རྣམས་ཡོངས་སུ་བཟུང་བར་འགྱུར་རོ། །སྟོབས་རྣམས་ཡོངས་སུ་བཟུང་བར་འགྱུར་རོ། །བྱང་ཆུབ་ཀྱི་ཡན་ལག་རྣམས་ཡོངས་སུ་བཟུང་བར་འགྱུར་རོ། །འཕགས་པའི་ལམ་ཡན་
ལག་བརྒྱད་པ་ཡོངས་སུ་བཟུང་བར་འགྱུར་རོ། །འཕགས་པའི་བདེན་པ་རྣམས་ཡོངས་སུ་བཟུང་བར་འགྱུར་རོ། །བསམ་གཏན་རྣམས་ཡོངས་སུ་བཟུང་བར་འགྱུར་རོ། །ཚད་མྱེད་པ་རྣམས་ཡོངས་སུ་བཟུང་བར་འགྱུར་རོ། །གཟུགས་མྱེད་
པའི་སྙོམས་པར་འཇུག་པ་རྣམས་ཡོངས་སུ་བཟུང་བར་འགྱུར་རོ། །རྣམ་པར་ཐར་པ་རྣམས་ཡོངས་སུ་གཟུང་བར་འགྱུར་རོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ཡོངས་སུ་གཟུང་བར་འགྱུར་རོ། །རྣམ་པར་ཐར་པའི་སྒོ་
སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ཡོངས་སུ་བཟུང་བར་འགྱུར་རོ། །མངོན་པར་ཤེས་པ་རྣམས་ཡོངས་སུ་བཟུང་བར་འགྱུར་རོ། །ཏིང་ངེ་འཛིན་རྣམས་ཡོངས་སུ་བཟུང་བར་འགྱུར་རོ། །གཟུངས་ཀྱི་སྒོ་རྣམས་ཡོངས་སུ་
བཟུང་བར་འགྱུར་རོ། །དེ་བཞིན་གཤེགས་པའི་སྟོབས་རྣམས་ཡོངས་སུ་བཟུང་བར་འགྱུར་རོ། །མྱི་འཇིགས་པ་རྣམས་ཡོངས་སུ་བཟུང་བར་འགྱུར་རོ། །སོ་སོ་ཡང་དག་པར་རིག་པ་རྣམས་ཡོངས་སུ་བཟུང་བར་འགྱུར་རོ། །བྱམས་པ་ཆེན་
เล่ม ๑๘ · หน้า 242a
པོ་ཡོངས་སུ་བཟུང་བར་འགྱུར་རོ། །སྙིང་རྗེ་ཆེན་པོ་ཡོངས་སུ་བཟུང་བར་འགྱུར་རོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཡོངས་སུ་བཟུང་བར་འགྱུར་རོ། །རྒྱུན་ཏུ་ཞུགས་པའི་འབྲས་བུ་ཡོངས་སུ་བཟུང་བར་
འགྱུར་རོ། །ལན་ཅིག་ཕྱིར་འོང་བའི་འབྲས་བུ་ཡོངས་སུ་བཟུང་བར་འགྱུར་རོ། །ཕྱིར་མྱི་འོང་བའི་འབྲས་བུ་ཡོངས་སུ་བཟུང་བར་འགྱུར་རོ། །དགྲ་བཅོམ་པ་ཉིད་ཡོངས་སུ་བཟུང་བར་འགྱུར་རོ། །རང་བྱང་ཆུབ་ཡོངས་སུ་བཟུང་བར་འགྱུར་
རོ། །ལམ་གྱི་རྣམ་པ་ཤེས་པ་ཉིད་ཡོངས་སུ་བཟུང་བར་འགྱུར་རོ། །རྣམ་པ་ཐམས་ཅད་མཁྱེན་པ་ཉིད་ཡོངས་སུ་བཟུང་བར་འགྱུར་རོ། །ཀཽ་ཤི་ཀ་གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བཟུང་བ་དང་། ཡོངས་སུ་བཟུང་བ་དང་།
བཅངས་པ་དང་། བླགས་པ་དང་། ཀུན་ཆུབ་པར་བྱས་པ་དང་། ཚུལ་བཞིན་དུ་ཡིད་ལ་བྱས་ན། རིགས་ཀྱི་བུ་འམ། རིགས་ཀྱི་བུ་མོ་དེ་དག་གིས་ཚེ་འདི་ལ་ཡོན་ཏན་གང་དང་གང་ཡོངས་སུ་ཟིན་པར་འགྱུར་བ། དེ་དག་བསྟན་ཀྱིས། ཤིན་ཏུ་
ལེགས་པར་ཉོན་ལ་ཡིད་ལ་གྱིས་ཤིག །བཅོམ་ལྡན་འདས་དེ་ལྟར་བགྱིའོ་ཞེས་ནས། ལྷའི་དབང་པོ་བརྒྱ་བྱིན་བཅོམ་ལྡན་འདས་ལ་ཕྱིར་ཉན་ཏོ། །བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །ཀཽ་ཤི་ཀ་མུ་སྟེགས་ཅན་གཞན་དང་།
མུ་སྟེགས་སྤྱོད་པ་དང་། ཀུན་ཏུ་རྒྱུ་བ་དང་། བདུད་དམ། བདུད་ཀྱི་རིགས་སུ་གཏོགས་པའི་ལྷ་འམ། གང་ཟག་ང་རྒྱལ་ཅན་གང་ལ་ལ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བརྒལ་བར་འདོད་པ་དང་། འདི་དང་དབྲལ་བར་འདོད་པ་དང་། འདི་ལ་
བརྩད་པར་འདོད་པ་དང་། དགལ་བར་འདོད་པ་ཞིག་བྱུང་ན། བརྒལ་བར་འདོད་པ་དང་། དབྲལ་བར་འདོད་པ་དང་། བརྩད་པར་འདོད་པ་དང་། དགལ་བར་འདོད་པ་དེ་དག་གིས་རྒོལ་བ་དང་། དབྲལ་བར་བྱ་བ་དང་། བརྩད་པ་དང་། འགལ་བར་བྱེད་
เล่ม ๑๘ · หน้า 242b
པ་གང་དང་གང་བྱུང་བ་ཀུན་ཀྱང་མྱུར་དུ་ནུབ་ཅིང་མྱེད་པར་འགྱུར་ཏེ། བརྒལ་བར་དགའ་བ་དང་། དབྲལ་བར་དགའ་བ་དང་། བརྩད་པར་དགའ་བ་དང་། དགལ་བར་དགའ་བ་དེ་དག་གི་བསམ་པ་ཡང་ཡོངས་སུ་རྫོགས་པར་མྱི་འགྱུར་རོ། །དེ་ཅིའི་ཕྱིར་ཞེ་ན།
ཀཽ་ཤི་ཀ་དེ་ནི་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཡུན་རིང་པོར་སྦྱིན་པའི་ཕ་རོལད་ཏུ་ཕྱིནད་པ་ལ་སྤྱོད་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དང་། བཟོད་པའི་ཕ་རོལ་ཏུ་ཕྱིན་པ་ལ་སྤྱོད་པ་དང་། བརྩོན་འགྲུས་ཀྱི་ཕ་
རོལ་ཏུ་ཕྱིན་པ་ལ་སྤྱོད་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ་གང་གི་དོན་དུ་སེམས་ཅན་རྣམས་ཡུན་རིང་པོར་འཐབ་པ་དང་། རྩོད་པ་དང་། འཁྲུག་པ་དང་། ཤགས་སུ་གྱུར་པའི་ཕྱི་ནང་
གི་ཆོས་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོས་ཡོངས་སུ་བཏང་སྟེ། སེམས་ཅན་དེ་དག་སྦྱིན་པའི་ཕ་རོལ་ཏུ་ཕྱིན་པ་ལ་རབ་ཏུ་བཀོད་པའི་ཕྱིར་རོ། །གང་གི་དོན་དུ་སེམས་ཅན་དེ་དག་ཡུན་རིང་པོར་ཚུལ་ཁྲིམས་ངན་པར་གྱུར་པའི་ཕྱི་ནང་གི་ཆོས་
དེ་དག་བྱང་ཆུབ་སེམས་དཔའ་སེམས་དཔའ་ཆེན་པོས་ཡོངས་སུ་བཏང་སྟེ། སེམས་ཅན་དེ་དག་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་རབ་ཏུ་བཀོད་པའི་ཕྱིར་རོ། །གང་གི་དོན་དུ་སེམས་ཅན་དེ་དག་ཡུན་རིང་པོར་ཁྲོ་བ་དང་། གནོད་སེམས་དང་། འཚེ་བར་
གྱུར་པའི་ཕྱི་ནང་གི་ཆོས་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོས་ཡོངས་སུ་བཏང་སྟེ། སེམས་ཅན་དེ་དག་བཟོད་པའི་ཕ་རོལ་ཏུ་ཕྱིན་པ་ལ་རབ་ཏུ་བཀོད་པའི་ཕྱིར་རོ། །གང་གི་དོན་དུ་སེམས་ཅན་དེ་དག་ཡུན་རིང་པོར་ལེ་ལོ་བྱེད་པར་གྱུར་
པའི་ཕྱི་ནང་གི་ཆོས་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོས་ཡོངས་སུ་བཏང་སྟེ། སེམས་ཅན་དེ་དག་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་རབ་ཏུ་བཀོད་པའི་ཕྱིར་རོ། །གང་གི་དོན་དུ་སེམས་ཅན་དེ་དག་ཡུན་རིང་པོར་སེམས་
เล่ม ๑๘ · หน้า 243a
གཡེངས་པར་གྱུར་པའི་ཕྱི་ནང་གི་ཆོས་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོས་ཡོངས་སུ་བཏང་སྟེ། སེམས་ཅན་དེ་དག་བསམ་གཏན་གྱི་ཕ་རོལ་ཏུ་ཕྱིན་པ་ལ་རབ་ཏུ་བཀོད་པའི་ཕྱིར་རོ། །གང་གི་དོན་དུ་སེམས་
ཅན་དེ་དག་ཡུན་རིང་པོར་ཤེས་རབ་འཆལ་པར་གྱུར་པའི་ཕྱི་ནང་གི་ཆོས་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོས་ཡོངས་སུ་བཏང་སྟེ། སེམས་ཅན་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་རབ་ཏུ་བཀོད་པ་དང་། ཡང་དག་པར་བསྐུལ་བའི་
ཕྱིར་རོ། །ཀཽ་ཤི་ཀ་གང་གི་དོན་དུ་སེམས་ཅན་དེ་དག་འདི་ལྟ་སྟེ། བག་ལ་ཉལ་བ་དང་། ཀུན་ནས་ལྡང་བས། འཁོར་བ་ན་འཁོར་བར་གྱུར་པའི་བག་ལ་ཉལ་བ་དང་། ཀུན་ནས་ལྡང་བ་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོས་རྣམ་པར་
བཅིལ་ཏེ། སེམས་ཅན་དེ་དག་བསམ་གཏན་བཞི་ལ་ཡང་དག་པར་བསྐུལ་བའི་ཕྱིར་རོ། །ཚད་མྱེད་པ་བཞི་ལ་ཡང་དག་པར་བསྐུལ་བའི་ཕྱིར་རོ། །གཟུགས་མྱེད་པའི་སྙོམས་པར་འཇུག་པ་བཞི་ལ་ཡང་དག་པར་བསྐུལ་བའི་ཕྱིར་རོ། །མངོན་
པར་ཤེས་པ་ལྔ་ལ་ཡང་དག་པར་བསྐུལ་བའི་ཕྱིར་རོ། །དྲན་པ་ཉེ་བར་གཞག་པ་བཞི་པ་ཡང་དག་པར་བསྐུལ་བའི་ཕྱིར་རོ། །ཡང་དག་པར་སྤོང་བ་བཞི་ལ་ཡང་དག་པར་བསྐུལ་བའི་ཕྱིར་རོ། །རྫུ་འཕྲུལ་གྱི་རྐང་པ་བཞི་ལ་ཡང་དག་པར་
བསྐུལ་བའི་ཕྱིར་རོ། །དབང་པོ་ལྔ་ལ་ཡང་དག་པར་བསྐུལ་བའི་ཕྱིར་རོ། །སྟོབས་ལྔ་ལ་ཡང་དག་པར་བསྐུལ་བའི་ཕྱིར་རོ། །བྱང་ཆུབ་ཀྱི་ཡན་ལག་བདུན་ལ་ཡང་དག་པར་བསྐུལ་བའི་ཕྱིར་རོ། །འཕགས་པའི་ལམ་ཡན་ལག་བརྒྱད་པ་
ལ་ཡང་དག་པར་བསྐུལ་བའི་ཕྱིར་རོ། །འཕགས་པའི་བདེན་པ་བཞི་ལ་ཡང་དག་པར་བསྐུལ་བའི་ཕྱིར་རོ། །རྣམ་པར་ཐར་པ་བརྒྱད་ལ་ཡང་དག་པར་བསྐུལ་བའི་ཕྱིར་རོ། །མཐརད་ཀྱིས་གནས་པའི་སྙོམས་པར་འཇུག་པ་དགུ་ལ་ཡང་དག་
เล่ม ๑๘ · หน้า 243b
པར་བསྐུལ་བའི་ཕྱིར་རོ། །རྣམ་པར་ཐར་པའི་སྒོ་གསུམ་ལ་ཡང་དག་པར་བསྐུལ་བའི་ཕྱིར་རོ། །ཏིང་ངེ་འཛིན་ཐམས་ཅད་ལ་ཡང་དག་པར་བསྐུལ་བའི་ཕྱིར་རོ། །གཟུངས་ཀྱི་སྒོ་ཐམས་ཅད་ལ་ཡང་དག་པར་བསྐུལ་བའི་ཕྱིར་རོ། དེ་བཞིན་གཤེགས་
པའི་སྟོབས་བཅུ་ལ་ཡང་དག་པར་བསྐུལ་བའི་ཕྱིར་རོ། །མྱི་འཇིགས་པ་བཞི་ལ་ཡང་དག་པར་བསྐུལ་བའི་ཕྱིར་རོ། །སོ་སོ་ཡང་དག་པར་རིག་པ་བཞི་ལ་ཡང་དག་པར་བསྐུལ་བའི་ཕྱིར་རོ། །བྱམས་པ་ཆེན་པོ་ལ་ཡང་དག་པར་བསྐུལ་བའི་ཕྱིར་
རོ། །སྙིང་རྗེ་ཆེན་པོ་ལ་ཡང་དག་པར་བསྐུལ་བའི་ཕྱིར་རོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ལ་ཡང་དག་པར་བསྐུལ་བའི་ཕྱིར་རོ། །རྒྱུན་ཏུ་ཞུགས་པའི་འབྲས་བུ་ལ་ཡང་དག་པར་བསྐུལ་བའི་ཕྱིར་རོ། །ལན་ཅིག་ཕྱིར་འོང་བའི་འབྲས་བུ་
ལ་ཡང་དག་པར་བསྐུལ་བའི་ཕྱིར་རོ། །ཕྱིར་མྱི་འོང་བའི་འབྲས་བུ་ལ་ཡང་དག་པར་བསྐུལ་བའི་ཕྱིར་རོ། །དགྲ་བཅོམ་པ་ཉིད་ལ་ཡང་དག་པར་བསྐུལ་བའི་ཕྱིར་རོ། །རང་བྱང་ཆུབ་ལ་ཡང་དག་པར་བསྐུལ་བའི་ཕྱིར་རོ། །བླ་ན་མྱེད་པ་ཡང་དག་
པར་རྫོགས་པའི་བྱང་ཆུབ་ལ་ཡང་དག་པར་བསྐུལ་བའི་ཕྱིར་རོ། །ཀཽ་ཤི་ཀ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། འདི་ལ་ཡོན་ཏན་དེ་དག་འབྱུང་སྟེ། ཚེ་རབས་གཞན་ལ་
ཡང་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས། ཆོས་ཀྱི་འཁོར་ལོ་བསྐོར་ཏེ། སེམས་ཅན་རྣམས་སྨོན་ལམ་གྱི་ཚུལ་བཞིན་དུ་རབ་ཏུ་བཀོད་ནས། ཕུང་པོ་མ་ལུས་པའི་མྱ་ངན་ལས་
འདས་པའི་དབྱིངས་སུ་མྱ་ངན་ལས་འདའ་བར་འགྱུར་ཏེ། ཀཽ་ཤི་ཀ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཚེ་རབས་གཞན་ལ་འབྱུང་བའི་ཡོན་ཏན་དང་ལེགས་པ་དག་གོ །ཀཽ་ཤི་ཀ་གཞན་ཡང་སའི་ཕྱོགས་
เล่ม ๑๘ · หน้า 244a
གང་ན་རིགས་ཀྱི་བུ་འམ། རིགས་ཀྱི་བུ་མོ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་ཅིང་འཆང་བ་དང་། ཀློག་ཅིང་ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་ཡོད་པའི་སའི་ཕྱོགས་དེར་བདུད་དམ། བདུད་ཀྱི་
རིས་སུ་གཏོགས་པའི་ལྷ་འམ། མུ་སྟེགས་ཅན་གཞན་དང་། ཀུན་ཏུ་རྒྱུ་བའམ། གང་ཟག་ང་རྒྱལ་ཅན་རྣམས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བརྒལ་བའམ། བརྩད་པ་འམ། དགལ་བ་འམ། མྱེད་པར་བྱ་བའི་ཕྱིར། འོང་བར་མྱི་
ནུས་ཏེ། དེའི་གོང་དུ་དེ་དག་ལ་ཡོན་ཏན་དང་ལེགས་པར་འགྱུར་བ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མཉན་པ་དང་། གཟུང་བ་དང་བསྒོམ་པས། ཐེག་པ་གསུམ་གྱིས་བྱུང་ནས། སྡུག་བསྔལ་མཐར་འབྱིན་པར་འགྱུར་རོ། །ཀཽ་ཤི་ཀ་འདི་ལྟ་སྟེ་
དཔེར་ན། རྩི་མ་གི་ཞེས་བྱ་བ། དུག་ཐམས་ཅད་ཞི་བར་བྱད་པ་ཡོད་དེ། དེར་སྦྲུལ་ལམ། སྲོག་ཆགས་བཀྲེས་པས་མནར་ཅིང་ཟས་ཚོལ་བ་ཞིག་གིས། སྲོག་ཆགས་ཀྱི་རིགས་ལ་ལ་མཐོང་བར་གྱུར་ཏེ། དེས་སྲོག་ཆགས་ཀྱི་རིགས་དེ་བཟའ་
བའི་ཕྱིར། དེའི་རྗེས་སུ་འབྲང་སྟེ། བསྙགས་པར་གྱུར་ན། དེ་ནས་སྲོག་ཆགས་ཀྱི་རིགས་དེ་འཆི་བས་འཇིགས་ཤིང་སྐྲག་སྟེ། རྩི་མ་གི་གང་ན་ཡོད་པ་དེར་སོང་ན། དེ་ནས་སྦྲུལ་དེ་རྩི་དེའི་དྲི་ཚོར་བ་ཙམ་གྱིས་ཕྱིར་ལྡོག་པར་འགྱུར་རོ། དེ་ཅིའི་ཕྱིར་
ཞེ་ན། ཀཽ་ཤི་ཀ་དེ་ལྟར་སྦྲུལ་གྱི་གདུག་པ་ཟིལ་གྱིས་གནོན་པ་དེ་ནི། རྩི་མ་གིའི་ཡོན་ཏན་ཏེ། ཀཽ་ཤི་ཀ་རྩི་མ་གི་དེ་ནི་དེ་ལྟ་བུའི་མཐུ་དང་ལྡན་ནོ། །ཀཽ་ཤི་ཀ་དེ་བཞིན་དུ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིནད་
པ་འདི་འཛིན་ཅིང་འཆང་བ་དང་། ཀློག་ཅིང་ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དེ་ལ་ནི། ཀཽ་ཤི་ཀ་རྒོལ་བ་དང་། རྩོད་པ་དང་། འགལ་བར་བྱེད་པ་གང་དང་གང་བྱུང་བ་དེ་དག་ཐམས་ཅད་ཤེས་རབ་ཀྱི་ཕ་རོལ་ཏུ་ཕྱིན་པའི་གཟི་
เล่ม ๑๘ · หน้า 244b
བརྗིད་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་མཐུས་དེ་དག་ཉེ་བར་ཞི་བ་དང་མྱེད་པར་འགྱུར་ཏེ། གང་དང་གང་ནས་བྱུང་བ་དེ་དང་དེ་ཉིད་དུ་མྱེད་པར་འགྱུར་ཏེ། རྣམ་པར་འཕེལ་བར་མྱི་འགྱུར་རོ། །དེ་ཅིའི་ཕྱིར་ཞེ་ན། ཀཽ་ཤི་ཀ་དེ་ནི་འདི་ལྟར་ཤེས་རབ་
ཀྱི་ཕ་རོལ་ཏུ་ཕྱིན་པ་ནི་སྡིག་ཏོ་མྱི་དགེ་བའི་ཆོས་ཐམས་ཅད་ཉེ་བར་ཞི་བར་བྱེད་པ་སྟེ། རྣམ་པར་འཕེལ་བར་བྱེད་པ་མ་ཡིན་ནོ། །སྡིག་ཏོ་མྱི་དགེ་བའི་ཆོས་གང་ཐམས་ཅད་ཉེ་བར་ཞི་བར་བྱེད་ཅིང་། རྣམ་པར་འཕེལ་བར་བྱེད་པ་མ་ཡིན་ཞེ་ན།
འདི་ལྟ་སྟེ་འདོད་ཆགས་དང་། ཞེ་སྡང་དང་། གཏི་མུག་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །མ་རིག་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །འདུ་བྱེད་ཉེ་བར་ཞི་བར་བྱེད་དེ། རྣམ་པར་འཕེལ་
བར་བྱེད་པ་མ་ཡིན་ནོ། །རྣམ་པར་ཤེས་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །མྱིང་དང་གཟུགས་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྐྱེ་མཆེད་དྲག་ཉེ་བར་ཞི་བར་བྱེད་དེ། རྣམ་
པར་འཕེལ་བར་བྱེད་པ་མ་ཡིན་ནོ། །རེག་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཚོར་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྲེད་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་
བྱེད་པ་མ་ཡིན་ནོ། །ལེན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྲིད་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྐྱེ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །རྒ་
ཤི་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མྱི་བདེ་བ་དང་། འཁྲུག་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྡུག་
เล่ม ๑๘ · หน้า 245a
བསྔལ་གྱི་ཕུང་པོ་ཆེན་པོ་འབའ་ཞིག་གི་བར་དུ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །བར་དུ་གཅོད་པ་རྣམས་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྒྲིབ་པ་རྣམས་ཉེ་
བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །བག་ལ་ཉལ་བ་རྣམས་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཀུན་ནས་ལྡང་བ་རྣམས་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །བདག་ཏུ་ལྟ་བ་ཉེ་
བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སེམས་ཅན་དུ་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྲོག་ཏུ་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །འགྲོ་བར་ལྟ་བ་
ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །གསོ་བར་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྐྱེས་བུར་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །གང་ཟག་ཏུ་ལྟ་བ་ཉེ་
བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཤེད་ཅན་དུ་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཤེད་བདག་ཏུ་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །བྱེད་པ་པོར་ལྟ་བ་
ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཚོར་བ་པོར་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཤེས་པ་པོར་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །མཐོང་པ་
པོར་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཆད་པར་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །རྟག་པར་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། ཡོད་པར་ལྟ་བ་ཉེ་བར་
เล่ม ๑๘ · หน้า 245b
ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །མྱེད་པར་ལྟ་བ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ལྟ་བའི་རྣམ་པ་ཐམས་ཅད་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སེར་སྣ་ཉེ་བར་ཞི་བར་བྱེད་དེ་
རྣམ་པར་འཕེལ་བར་བྱེད་པ་མ་ཡིན་ནོ། །ཚུལ་ཁྲིམས་ངན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །གནོད་སེམས་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ལེ་ལོ་ཉེ་བར་ཞི་བར་བྱེད་དེ། རྣམ་
པར་འཕེལ་བར་བྱེད་པ་མ་ཡིན་ནོ། །འཁྲུག་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཤེས་རབ་འཆལ་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །རྟག་པར་འདུ་ཤེས་པ་ཉེ་བར་ཞི་བར་བྱེད་དེ།
རྣམ་པར་འཕེལ་བར་བྱེད་པ་མ་ཡིན་ནོ། །བདེ་བར་འདུ་ཤེས་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །བདག་ཏུ་འདུ་ཤེས་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །
སྡུག་པར་འདུ་ཤེས་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྲེད་པས་སྲེད་པའི་རྣམ་པར་སྤྱོད་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །གཟུགས་སུ་འཛིན་པ་ཉེ་བར་ཞི་བར་བྱེད་དེ། རྣམ་པར་
འཕེལ་བར་བྱེད་པ་མ་ཡིན་ནོ། །ཚོར་བར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །འདུ་ཤེས་སུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །འདུ་བྱེད་དུ་འཛིན་པ་ཉེ་བར་ཞི་བར་
བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །རྣམ་པར་ཤེས་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྦྱིན་པའི་ཕ་རོལད་ཏུ་ཕྱིནད་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་
เล่ม ๑๘ · หน้า 246a
བར་བྱེད་པ་མ་ཡིན་ནོ། །ཚུལ་ཁྲིམས་ཀྱི་ཕ་རོལད་ཏུ་ཕྱིནད་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །བཟོད་པའི་ཕ་རོལ་ཏུ་ཕྱིན་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་
བྱེད་པ་མ་ཡིན་ནོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །བསམ་གཏན་གྱི་ཕ་རོལ་ཏུ་ཕྱིན་པར་འཛིན་པ་ཉེ་བར་ཞི་བར་བྱེད་དེ། །རྣམ་པར་འཕེལ་བར་བྱེད་པ་མ་ཡིན་ནོ། །
ཤེས་རབ་ཀྱི་ཕ་རོལ་ཏུ་ཕྱིན་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ནང་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཕྱི་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ།
རྣམ་པར་འཕེལ་བར་བྱེད་པ་མ་ཡིན་ནོ། །ཕྱི་ནང་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྟོང་པ་ཉིད་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཆེན་པོ་
སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །དོན་དམ་པ་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །འདུས་བྱས་སྟོང་པ་ཉིད་དུ་འཛིན་པ་ཉེ་བར་ཞི་བར་
བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །འདུས་མ་བྱས་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །མཐའ་ལས་འདས་པ་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་
འཕེལ་བར་བྱེད་པ་མ་ཡིན་ནོ། །ཐོག་མ་དང་ཐ་མ་མྱེད་པ་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །དོར་བ་མྱེད་པ་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་
เล่ม ๑๘ · หน้า 246b
མ་ཡིན་ནོ། །རང་བཞིན་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཆོས་ཐམས་ཅད་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །རང་གི་མཚན་ཉིད་སྟོང་པ་ཉིད་
དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །མྱི་དམྱིགས་པ་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །དངོས་པོ་མྱེད་པ་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ།
རྣམ་པར་འཕེལ་བར་བྱེད་པ་མ་ཡིན་ནོ། །ངོ་བོ་ཉིད་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་
མ་ཡིན་ནོ། །དྲན་པ་ཉེ་བར་གཞག་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཡང་དག་པར་སྤོང་བར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །རྫུ་འཕྲུལ་གྱི་རྐང་པར་འཛིན་
པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །དབང་པོར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སྟོབས་སུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །བྱང་
ཆུབ་ཀྱི་ཡན་ལག་ཏུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །འཕགས་པའི་ལམ་ཡན་ལག་བརྒྱད་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །འཕགས་པའི་བདེན་
པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །བསམ་གཏན་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཚད་མྱེད་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་
เล่ม ๑๘ · หน้า 247a
བར་བྱེད་པ་མ་ཡིན་ནོ། །གཟུགས་མྱེད་པའི་སྙོམས་པར་འཇུག་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། རྣམ་པར་ཐར་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་
པ་མ་ཡིན་ནོ། །མཐརད་ཀྱིས་གནས་པའི་སྙོམས་པར་འཇུག་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པར་འཛིན་པ་ཉེ་བར་ཞི་
བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །མངོན་པར་ཤེས་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཏིང་ངེ་འཛིན་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །
གཟུངས་ཀྱི་སྒོར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །དེ་བཞིན་གཤེགས་པའི་སྟོབས་སུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །མྱི་འཇིགས་པར་འཛིན་པ་ཉེ་བར་ཞི་བར་བྱེད་
དེ། རྣམ་པར་འཕེལ་བར་བྱེད་པ་མ་ཡིན་ནོ། །སོ་སོ་ཡང་དག་པར་རིག་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །བྱམས་པ་ཆེན་པོར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །
སྙིང་རྗེ་ཆེན་པོར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །སངས་རྒྱས་ཀྱི་ཆོས་མ་འདྲེས་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ཐམས་ཅད་ཤེས་པ་ཉིད་དུ་འཛིན་པ་ཉེ་
བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །ལམ་གྱི་རྣམ་པ་ཤེས་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ནོ། །རྣམ་པ་ཐམས་ཅད་མཁྱེན་པ་ཉིད་དུ་འཛིན་པ་ཉེ་བར་ཞི་བར་བྱེད་དེ། རྣམ་
เล่ม ๑๘ · หน้า 247b
པར་འཕེལ་བར་བྱེད་པ་མ་ཡིན་ནོ། །མྱ་ངན་ལས་འདས་པར་འཛིན་པ་ཉེ་བར་ཞི་བར་བྱེད་དེ། རྣམ་པར་འཕེལ་བར་བྱེད་པ་མ་ཡིན་ཏེ། །ཀཽ་ཤི་ཀ་ཤེས་རབ་ཀྱི་ཕ་རོལད་ཏུ་ཕྱིནད་པ་འདི་ནི་སྡིག་ཏོ་མི་དགེ་བའི་ཆོས་དེ་དག་ཐམས་ཅད་ཞི་བར་བྱེད་པ་
ཡིན་ཏེ། རྣམ་པར་འཕེལ་བར་བྱེད་པ་མ་ཡིན་ནོ། །ཀཽ་ཤི་ཀ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། རྒྱལ་པོ་ཆེན་པོ་བཞི་དང་། ལྷའི་དབང་པོ་བརྒྱ་བྱིན་དང་། མྱི་མཇེད་ཀྱི་བདག་པོ་ཚངས་པ་དང་། ཀུན་སྣང་དང་བའི་ལྷ་
རྣམས་དང་། དགེ་རྒྱས་ཀྱི་ལྷ་རྣམས་དང་། འབྲས་བུ་ཆེ་བའི་ལྷ་རྣམས་དང་། གནས་གཙང་མའི་རིས་ཀྱི་ལྷ་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་རིགས་ཀྱི་བུ་འམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་ཅིང་འཆང་
བ་དང་། ཀློག་ཅིང་ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དེ་ལ་རྟག་ཏུ་རྒྱུན་མྱི་ཆད་པར་བསྲུང་བ་དང་། བསྐྱབ་པ་དང་། བསྐྱང་བ་བྱེད་དོ། །ཕྱོགས་བཅུའི་འཇིག་རྟེན་གྱི་ཁམས་ན། སངས་རྒྱས་བཅོམ་ལྡན་འདས་གང་བཞུགས་
ཤིང་འཚོ་སྐྱོང་བ་དེ་དག་ཀྱང་རིགས་ཀྱི་བུ་འམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་ཅིང་འཆང་བ་དང་། ཀློག་ཅིང་ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དེ་ལ་རྟག་ཏུ་རྒྱུན་མྱི་ཆད་པར་བསྲུང་བ་དང་།
བསྐྱབ་པ་དང་། བསྐྱང་བ་མཛད་དེ། དེ་ནི་མྱི་དགེ་བའི་ཆོས་རྣམས་ཡོངས་སུ་སྤངས་ཤིང་དགེ་བའི་ཆོས་རྣམས་རྣམ་པར་འཕེལ་བར་འགྱུར་ཏེ། འདི་ལྟར་མྱི་དམྱིགས་པའི་ཚུལ་གྱིས། སྦྱིན་པའི་ཕ་རོལ་ཏུ་ཕྱིན་པས་རྣམ་པར་འཕེལ་བར་
འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། བཟོད་པའི་
เล่ม ๑๘ · หน้า 248a
ཕ་རོལ་ཏུ་ཕྱིན་པས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། བརྩོན་འགྲུས་ཀྱི་ཕ་རོལ་ཏུ་ཕྱིན་པས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་
འགྱུར་རོ། །མྱི་དམྱིགས་པའི་ཚུལ་གྱིས། བསམ་གཏན་གྱི་ཕ་རོལ་ཏུ་ཕྱིན་པས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། ཤེས་རབ་ཀྱི་ཕ་རོལ་ཏུ་ཕྱིན་པས་རྣམ་པར་འཕེལ་
བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། ནང་སྟོང་པ་ཉིད་ཀྱིས། རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། ཕྱི་སྟོང་པ་ཉིད་ཀྱིས་རྣམ་
པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། ཕྱི་ནང་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། སྟོང་པ་ཉིད་
སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། ཆེན་པོ་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་
གྱིས་དོན་དམ་པ་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། འདུས་བྱས་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །
མྱི་དམྱིགས་པའི་ཚུལ་གྱིས། འདུས་མ་བྱས་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། མཐའ་ལས་འདས་པ་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི།
เล่ม ๑๘ · หน้า 248b
ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། ཐོག་མ་དང་ཐ་མ་མྱེད་པ་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། དོར་བ་མྱེད་པ་སྟོང་པ་ཉིད་
ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། རང་བཞིན་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས།
ཆོས་ཐམས་ཅད་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། རང་གི་མཚན་ཉིད་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་
མྱི་འགྱུར་རོ། །མྱི་དམྱིགས་པའི་ཚུལ་གྱིས། མྱི་དམྱིགས་པ་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། དངོས་པོ་མྱེད་པ་སྟོང་པ་ཉིད་ཀྱིས་རྣམ་པར་འཕེལ་
བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས་ངོ་བོ་ཉིད་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། དངོས་པོ་མྱེད་པའི་
ངོ་བོ་ཉིད་སྟོང་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། དྲན་པ་ཉེ་བར་གཞག་པ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་
རོ། །མྱི་དམྱིགས་པའི་ཚུལ་གྱིས། ཡང་དག་པར་སྤོང་བ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། རྫུ་འཕྲུལ་གྱི་རྐང་པ་རྣམས་ཀྱིས་རྣམ་པར་འཕེལ་
เล่ม ๑๘ · หน้า 249a
བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། དབང་པོ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། སྟོབས་
རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། བྱང་ཆུབ་ཀྱི་ཡན་ལག་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་
ཚུལ་གྱིས། འཕགས་པའི་ལམ་ཡན་ལག་བརྒྱད་པས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། འཕགས་པའི་བདེན་པ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་
སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། བསམ་གཏན་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། ཚད་མྱེད་པ་རྣམས་ཀྱིས་རྣམ་པར་འཕེལ་
བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། གཟུགས་མྱེད་པའི་སྙོམས་པར་འཇུག་པ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་
ཚུལ་གྱིས། རྣམ་པར་ཐར་པ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་
སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། མྱི་
เล่ม ๑๘ · หน้า 249b
དམྱིགས་པའི་ཚུལ་གྱིས། མངོན་པར་ཤེས་པ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། ཏིང་ངེ་འཛིན་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་
པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། གཟུངས་ཀྱི་སྒོ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། དེ་བཞིན་གཤེགས་པའི་སྟོབས་རྣམས་ཀྱིས་རྣམ་པར་འཕེལ་
བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། མྱི་འཇིགས་པ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། སོ་སོ་ཡང་དག་པར་རིག་
པ་རྣམས་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། བྱམས་པ་ཆེན་པོས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས་
སྙིང་རྗེ་ཆེན་པོས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་
རོ། །མྱི་དམྱིགས་པའི་ཚུལ་གྱིས། ཐམས་ཅད་ཤེས་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས་ལམ་གྱི་རྣམ་པ་ཤེས་པ་ཉིད་ཀྱིས་རྣམ་པར་འཕེལ་བར་འགྱུར་གྱི། ཡོངས་
སུ་འགྲིབ་པར་མྱི་འགྱུར་རོ། །མྱི་དམྱིགས་པའི་ཚུལ་གྱིས། རྣམ་པ་ཐམས་ཅད་མཁྱེན་པ་ཉིད་ཀྱིས་རྣམ་པར་འཕེལ་བར་འགྱུར་གྱི། །ཡོངས་སུ་འགྲིབ་པར་མྱི་འགྱུར་རོ། །དེ་ཚིག་བླང་བར་འོས་པ་དང་ལྡན་པར་འགྱུར་རོ། །ཚིག་རན་པ་
เล่ม ๑๘ · หน้า 250a
དང་ལྡན་པར་འགྱུར་རོ། །ཚིག་འཆལ་བ་མྱེད་པ་དང་ལྡན་པར་འགྱུར་རོ། །ཁྲོ་བའི་ཟིལ་ཀྱིས་ནོན་པ་མྱེད་པར་འགྱུར་རོ། །ང་རྒྱལ་གྱི་ཟིལད་ཀྱིས་ནོན་པ་མྱེད་པར་འགྱུར་རོ། །སེར་སྣ་ཅན་དུ་མྱི་འགྱུར་རོ། །ཕྲག་དོག་ཅན་
དུ་མྱི་འགྱུར་རོ། །བདག་ཀྱང་སྲོག་གཅོད་པ་སྤངས་པར་འགྱུར། གཞན་ཡང་སྲོག་གཅོད་པ་སྤོང་བ་ལ་ཡང་དག་པར་སྐུལ་བར་འགྱུར། སྲོག་གཅོད་པ་སྤོང་བའི་ལེགས་པ་རྗོད་པར་འགྱུར། གཞན་གྱིས་སྲོག་གཅོད་པ་སྤངས་ན་ཡང་དེ་དག་
གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་མ་བྱིན་པར་ལེན་པ་སྤོངས་པར་འགྱུར། གཞན་ཡང་མ་བྱིན་པར་ལེན་པ་སྤང་བ་ལ་ཡང་དག་པར་སྐུལ་བར་འགྱུར། མ་བྱིན་པར་ལེན་པ་སྤོང་བའི་ལེགས་པ་རྗོད་པར་འགྱུར།
གཞན་གྱིས་མ་བྱིན་པར་ལེན་པ་སྤངས་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་འདོད་པས་ལོག་པར་གཡེམ་པ་སྤངས་པར་འགྱུར། གཞན་ཡང་འདོད་པས་ལོག་པར་གཡེམ་པ་སྤོང་བ་ལ་ཡང་དག་
པར་སྐུལ་བར་འགྱུར། འདོད་པས་ལོག་པར་གཡེམ་པ་སྤོང་བའི་ལེགས་པ་རྗོད་པར་འགྱུར། གཞན་གྱིས་འདོད་པས་ལོག་པར་གཡེམ་པ་སྤངས་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་བརྫུན་དུ་སྨྲ་བ་
སྤངས་པར་འགྱུར། གཞན་ཡང་བརྫུན་དུ་སྨྲ་བ་སྤང་བ་ལ་ཡང་དག་པར་སྐུལ་བར་འགྱུར། བརྫུན་དུ་སྨྲ་བ་སྤོང་བའི་ལེགས་པ་རྗོད་པར་འགྱུར། གཞན་གྱིས་བརྫུན་དུ་སྨྲ་བ་སྤངས་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་
འགྱུར་རོ། །བདག་ཀྱང་ཕྲ་མ་སྤངས་པར་འགྱུར། གཞན་ཡང་ཕྲ་མ་སྤང་བ་ལ་ཡང་དག་པར་སྐུལ་བར་འགྱུར། ཕྲ་མ་སྤོང་བའི་ལེགས་པ་རྗོད་པར་འགྱུར། གཞན་གྱིས་ཕྲ་མ་སྤངས་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་
เล่ม ๑๘ · หน้า 250b
འགྱུར་རོ། །བདག་ཀྱང་ཞེ་གཅོད་པ་སྤངས་པར་འགྱུར། གཞན་ཡང་ཞེ་གཅོད་པ་སྤོང་བ་ལ་ཡང་དག་པར་སྐུལ་བར་འགྱུར། ཞེ་གཅོད་པ་སྤོང་བའི་ལེགས་པ་རྗོད་པར་འགྱུར། གཞན་གྱིས་ཞེ་གཅོད་པ་སྤངས་ན་ཡང་དེ་དག་གི་ལེགས་
པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་ཚིག་ཀྱལ་པ་སྤངས་པར་འགྱུར། གཞན་ཡང་ཚིག་ཀྱལ་པ་སྤོང་བ་ལ་ཡང་དག་པར་སྐུལ་བར་འགྱུར། ཚིག་ཀྱལ་པ་སྤོང་བའི་ལེགས་པ་རྗོད་པར་འགྱུར། གཞན་གྱིས་ཚིག་ཀྱལ་པ་
སྤངས་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་ཆགས་སེམས་སྤངས་བར་འགྱུར། གཞན་ཡང་ཆགས་སེམས་སྤང་བ་ལ་ཡང་དག་པར་སྐུལ་བར་འགྱུར། ཆགས་སེམས་སྤོང་བའི་ལེགས་པ་རྗོད་
པར་འགྱུར། གཞན་གྱིས་ཆགས་སེམས་སྤངས་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་གནོད་སེམས་སྤངས་པར་འགྱུར། གཞན་ཡང་གནོད་སེམས་སྤོང་བ་ལ་ཡང་དག་པར་སྐུལ་བར་འགྱུར།
གནོད་སེམས་སྤོང་བའི་ལེགས་པ་རྗོད་པར་འགྱུར། གཞན་གྱིས་གནོད་སེམས་སྤངས་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་ལོག་པར་ལྟ་བ་སྤངས་པར་འགྱུར། གཞན་ཡང་ལོག་པར་ལྟ་བ་
སྤོང་བ་ལ་ཡང་དག་པར་སྐུལ་བར་འགྱུར། ལོག་པར་ལྟ་བ་སྤོང་བའི་ལེགས་པ་རྗོད་པར་འགྱུར། གཞན་གྱིས་ལོག་པར་ལྟ་བ་སྤངས་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་སྦྱིན་པའི་ཕ་རོལ་ཏུ་
ཕྱིན་པ་ལ་འཇུག་པར་འགྱུར། གཞན་ཡང་སྦྱིན་པའི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་བར་འགྱུར། སྦྱིན་པའི་ཕ་རོལ་ཏུ་ཕྱིན་པའི་ལེགས་པ་རྗོད་པར་འགྱུར། གཞན་སྦྱིན་པའི་ཕ་རོལ་ཏུ་ཕྱིན་པ་ལ་འཇུག་ན་ཡང་དེ་
เล่ม ๑๘ · หน้า 251a
དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་འཇུག་པར་འགྱུར། གཞན་ཡང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་བར་འགྱུར། ཚུལ་
ཁྲིམས་ཀྱི་ཕ་རོལ་ཏུ་ཕྱིན་པའི་ལེགས་པ་རྗོད་པར་འགྱུར། གཞན་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་འཇུག་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་བཟོད་པའི་ཕ་རོལ་ཏུ་ཕྱིན་པ་ལ་འཇུག་པར་
འགྱུར། གཞན་ཡང་བཟོད་པའི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་བར་འགྱུར། བཟོད་པའི་ཕ་རོལ་ཏུ་ཕྱིན་པའི་ལེགས་པ་རྗོད་པར་འགྱུར། གཞན་བཟོད་པའི་ཕ་རོལ་ཏུ་ཕྱིན་པ་ལ་འཇུག་ན་ཡང་དེ་དག་གི་ལེགས་པ་རྗོད་
ཅིང་རྗེས་སུ་དགའ་བར་འགྱུར་རོ། །བདག་ཀྱང་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་འཇུག་པར་འགྱུར། གཞན་ཡང་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་བར་འགྱུར། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་
ལེགས་པ་རྗོད་པར་འགྱུར། གཞན་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་འཇུག་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་བསམ་གཏན་གྱི་ཕ་རོལ་ཏུ་ཕྱིན་པ་ལ་འཇུག་པར་འགྱུར། གཞན་
ཡང་བསམ་གཏན་གྱི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་བར་འགྱུར། བསམ་གཏན་གྱི་ཕ་རོལ་ཏུ་ཕྱིན་པའི་ལེགས་པ་རྗོད་པར་འགྱུར། གཞན་བསམ་གཏན་གྱི་ཕ་རོལ་ཏུ་ཕྱིན་པ་ལ་འཇུག་ན་ཡང་དེ་དག་གི་ལེགས་པ་རྗོད་
ཅིང་རྗེས་སུ་དགའ་བར་འགྱུར་རོ། །བདག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་འཇུག་པར་འགྱུར། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་བར་འགྱུར། ཤེས་རབ་ཀྱི་ཕ་རོལ་ཏུ་ཕྱིན་པའི་ལེགས་
ที่มาและสัญญาอนุญาต
ตัวบท: e-text กังยูร์ฉบับเดเกของ Esukhia (Esukhia/derge-kangyur · commit a582cf47) · สาธารณสมบัติ
สัญญาอนุญาต Public Domain · หลักฐาน
README ของ Esukhia/derge-kangyur ที่ commit a582cf471b7c (เปิดอ่านแล้ว ๓ ต.ค. ๒๕๖๙): "This work is a mechanical reproduction of a Public Domain work, and as such is also in the Public Domain." · สำเนาคำต่อคำ: data/kangyur-src/SOURCE-README.md
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
- หน้านี้แสดงคำอ่านตามแผ่นไม้ — เครื่องหมายบรรณาธิการของ Esukhia ({เดิม,ปรับ} · (ผิด?,เสนอ) · […] · #) เก็บครบอยู่ในข้อมูล
- ตัวบทภาษาทิเบตยังไม่อยู่ในการค้นหาของคลัง — ตัวตัดคำที่มีตัดสระของอักษรทิเบตทิ้ง จึงให้ผลที่ผิด