གཤིན་རྗེ་མཐར་བྱེད་དམར་པོའི་བྱིན་གྱིས་བརླབ་པའི་རིམ་པ

ชื่อสันสกฤต (อักษรทิเบต ตามตัวบท) རཀྟ་ཡ་མ་ཨ་རི་དེ་ཤ་པ་ཨ་དྷིཥྛཱ་ན

ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)

เล่ม ๔๘ · หน้า 138b

༄༅༅། །རྒྱ་གར་སྐད་དུ། རཀྟ་ཡ་མ་ཨ་རི་དེ་ཤ་པ་ཨ་དྷིཥྛཱ་ན། བོད་སྐད་དུ།

เล่ม ๔๘ · หน้า 139a

གཤིན་རྗེ་མཐར་བྱེད་དམར་པོའི་བྱིན་གྱིས་བརླབ་པའི་རིམ་པ། ཁམས་གསུམ་པོ་ནི་མ་ལུས་པ། །སྙིང་རྗེས་ཆགས་པའི་ངོ་བོ་ཉིད། །བདེ་ཆེན་གཤིན་རྗེ་གཤེད་པོ་ལ། །བཏུད་དེ་འདིར་ནི་བྱིན་བརླབ་བཤད། །དེ་ལ་འདིར་ནི་རིམ་པ་འདིས། །རྣལ་འབྱོར་བྱང་ཆུབ་འདོད་

པ་ཡིས། །དད་པ་ཆེན་པོ་བརྟན་པར་བྱས། །བླ་མའི་ཁ་ལས་ཤེས་པར་བྱ། །རྡོ་རྗེ་འཛིན་རྒྱལ་གསང་སྔགས་དང་། །བླ་མ་བཀུར་དང་མཁའ་འགྲོ་བསྙེན། །ཇི་ལྟར་གསུངས་པའི་རྡོ་རྗེ་ལ། །མཆོད་སོགས་ལས་སུ་རུང་བར་བྱ། །མཎྜལ་ལ་སོགས་ཡོ་བྱད་དང་། །བུམ་པ་དཀྱིལ་

འཁོར་གསང་སྔགས་བྲི། །ལྷ་ཡི་གཟུགས་བརྙན་གསལ་བ་དང་། །བཟླས་དང་མཆོད་སོགས་སྔོན་འགྲོ་བས། །བགེགས་སྦྱང་གསོལ་བ་གདབ་པ་དང་། །དམ་ཚིག་གཟུང་དང་སེམས་བསྐྱེད་བྱ། །ཨོཾ་བཛྲ་ཡོ་ག་ཙིཏྟ་ཨུཏྤཱ་ད་ཡཱ་མི་སུ་ར་ཏ་ས་མ་ཡ་སྟྭཾ་ཧཾ། སིདྡྷི་བཛྲ་ཡ་ཐཱ་སུ་ཁཾ། དེ་ཉིད་

གསུམ་གྱི་སྐད་ཅིག་ལ། །ལུས་སོགས་ཡེ་ཤེས་གསུམ་དུ་བྱ། །ཇི་སྐད་གསུངས་པའི་མན་ངག་གིས། །རང་ཉིད་ཡེ་ཤེས་དྲན་པ་དང་། །རྡོ་རྗེ་སྒྲ་ནི་བརྗོད་པར་བྱ། །ཆོ་ག་ལས་བྱུང་ཆུ་སོགས་ལྔའི། །ཇི་བཞིན་དབང་ནི་སྦྱིན་བྱས་ལ། །འདོད་ན་རང་སྙིང་པད་འདབ་ལ། །ཡི་གེ་ལྔ་ནི་

དགོད་པར་བྱ། །ཧཱུྃ་བྷྲཱུཾ་ཨཱཾ་ཛྲཱིཾ་ཁཾ། ཁ་དོག་ལྔ་ཡི་འོད་ཟེར་གྱིས། །མ་ལུས་ལུས་པ་མེད་པ་ཡི། །སངས་རྒྱས་ལ་སོགས་ཡོན་ཏན་ཚོགས། །འོད་ནི་གསལ་བས་ཡང་དང་ཡང་། །བཀུག་ནས་སྤྲོ་དང་བརྟན་པར་བྱ། །རྡོ་རྗེ་རྣམས་དང་དབྱེར་མེད་པ། །སྐད་ཅིག་ཉིད་ལ་ཐོབ་པར་འགྱུར། །

ཨོཾ་ཧྲཱིཿཥྚྲྀཿཝི་ཀྲྀ་ཏཱ་ན་ན་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གསང་སྔགས་རྒྱལ་པོ་བྲིས་པ་ཡི། །མཎྜལ་བྱིན་ལ་འདི་སྐད་དོ། །གདོད་ནས་རང་བཞིན་རྣམ་དག་མཆོག །འོད་གསལ་སྲིད་གསུམ་ཀུན་གྱི་གཞི། །ཤིན་ཏུ་བདེ་བའི་བདེ་བ་སྟེ། །སེམས་ཀྱིས་ཡིད་ནི་དེ་ལྟར་བལྟ། །བསྡུས་ཏེ་དམར་པོས་

ཐིག་ལེ་བྱ། །བླ་མའི་མན་ངག་གི་རྗེས་འགྲོ། །རིག་པའི་རྒྱལ་པོའི་བཟླས་པའང་སྦྱིན། །བུ་གའི་སྦྱོར་བ་དམ་པ་ཡིས། །ཡིད་ནི་བདེ་བ་ཅན་དུ་འཕང་། །དེ་ལྟར་རྟེན་དང་བརྟེན་མེད་པར། །གང་ལ་གང་གིས་བདག་འཛིན་མེད། །གདོད་ནས་སྐྱེ་བ་མེད་པ་ཡི། །སྐྱེ་སོགས་སྤྲོས་

เล่ม ๔๘ · หน้า 139b

ལས་འདས་པས་ན། །སྤྲོས་པ་ཉིད་ནི་སྤྲོས་མེད་པས། །ཟུང་འཇུག་འོད་གསལ་བདེ་ཆེན་ཉིད། །བདེ་བས་བདེ་བ་རྟོགས་པའོ། །རྡོ་རྗེ་འཛིན་རྒྱལ་ཡེ་ཤེས་ཆེ། །གང་ན་བཙལ་ཡང་མི་རྙེད་དེ། །བླ་མ་མཉེས་ཐབས་ཁ་ལས་སོ། །དེ་ནི་རྟོགས་པ་ཙམ་གྱིས་ནི། །སྲིད་དང་མྱ་ངན་འདས་

པ་ཡི། །འཆིང་བ་ཀུན་སྤངས་རྣམ་གྲོལ་གྱི། །ཡེ་ཤེས་མཆོག་ནི་ཐོབ་པའོ། །འཇིག་རྟེན་གསུམ་ན་མཉམ་པ་སྤངས། །འདི་ནི་བླ་མ་གཤིན་རྗེའི་དགྲར་གྱུར་པས། །བདག་ལ་རྗེས་སུ་བཟུང་བས་དངོས་གྲུབ་ཐོབ། །དེ་དོན་གཞན་ལའང་སྦྱིན་ཕྱིར་ཡི་གེ་རུ། །བྲིས་ལ་བླ་མ་མཁའ་འགྲོ་

བཟོད་པར་མཛོད། །ཕོད་ལ་མ་ཡིན་མན་ངག་མེད་ལ་མིན། །ཤིན་ཏུ་གཅེས་པས་ཕངས་པས་ཕངས་པར་བྱ། །དེ་ལྟར་བླ་མའི་དྲིན་ལས་ཟབ་མོ་གསལ་ཕྱེ་བས། །འགྲོ་ཀུན་ལྷན་ཅིག་སྐྱེས་དགའ་བདེ་བའི་གཙོ། །ཀུན་ཁྱབ་བདེ་གསལ་མི་རྟོག་ཡེ་ཤེས་ཟུང་འཇུག་སྐུ། །ཐོབ་ནས་

བདེ་བས་བདེ་ལ་རྣམ་རོལ་དགྱེས་པར་ཤོག །གཤིན་རྗེ་མཐར་བྱེད་དམར་པོའི་བྱིན་གྱིས་བརླབ་པའི་རིམ་པ་གྲུབ་ཐོབ་ཀྱི་འཁོར་ལོས་སྒྱུར་བ་བྲམ་ཟེ་དཔལ་འཛིན་གྱི་ཞལ་སྔ་ནས་མཛད་པ་རྫོགས་སོ།། །།རྒྱ་གར་གྱི་མཁན་པོ་དརྤཎ་ཨཱ་ཙཱརྱ་དང་། གློ་བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱིས་

བསྒྱུར་བའོ།།

ที่มาและสัญญาอนุญาต

ตัวบท: e-text เตนยูร์ฉบับเดเกของ Esukhia (Esukhia/derge-tengyur · commit 17465313) · สาธารณสมบัติ

สัญญาอนุญาต Public Domain · หลักฐาน

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)

  • หน้านี้แสดงคำอ่านตามแผ่นไม้ — เครื่องหมายบรรณาธิการของ Esukhia ({เดิม,ปรับ} · (ผิด?,เสนอ) · […] · #) เก็บครบอยู่ในข้อมูล
  • ตัวบทภาษาทิเบตยังไม่อยู่ในการค้นหาของคลัง — ตัวตัดคำที่มีตัดสระของอักษรทิเบตทิ้ง จึงให้ผลที่ผิด