དཀར་ཆག

This name comes from the volume’s file name in the source

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 103 · folio 94b

པཎ་ཆེན་ལ་འཕན་ཡུལ་གྲབ་སྒོམ་གྱིས་ཐུག་སྟེ། དུས་འཁོར་ལ་མཁས་གྲུབ་གཉིས་ལྡན་དུ་གྱུར། དེས་སྒྲོ་སྟོན་ལ་བཤད་པ་སོགས་ནས་དར་བ་འབྲོ་འགྱུར་གྱི་སྟེང་ནས་བཤད་པ་བྱེད་པའི་སྲོལ་ཡོད་པས། འབྲོ་ལུགས་དང་། ཙཱ་མི་སངས་རྒྱས་

གྲགས་ཀྱིས་དུས་ཞབས་པ་ལས་གསན་ཏེ་འགྲེལ་ཆེན་བསྒྱུར་ནས། རྒ་ལོ་སོགས་སློབ་མ་རྣམས་ལ་བཤད་པ་ཙཱ་མིའི་ལུགས་དང་། རྭ་ཆོས་རབ་ཀྱིས་བལ་པོའི་པཎྜི་ཏ་ས་མནྟ་ཤཱི་ལས་རྒྱུད་འགྲེལ་གསན་ནས་བསྒྱུར་བ་ལས། རྭ་ཡེ་ཤེས་སེང་གེ་

སོགས་ལ་མཆེད་པར་ལུགས་དང་། གཞན་ཡང་པཎ་ཆེན་ལུགས་དང་། ཆག་ལུགས་དང་། ཤ་བ་རི་པའི་མན་ངག་ལུགས་སོགས་མང་དུ་བྱུང་སྟེ། དེ་དག་གི་གདམས་ངག་གཙོ་བོར་གྱུར་པ་ནི། སྦྱོར་བ་ཡན་ལག་དྲུག་པ་ཡིན་ཞིང་། ཀྱེ་

རྡོར་ལ་སོགས་པ་མ་རྒྱུད་གཞན་ལའང་སྦྱོར་བ་དྲུག་གི་སྒོ་ནས། ཁྲིད་ཚུལ་ཡོད་པ་འགའ་ཞིག་བྱུང་མོད་ཀྱི་འདི་དངོས་མ་ཡིན་ནོ། །དེ་ལྟར་དཔལ་དུས་ཀྱི་འཁོར་ལོའི་སྐོར་རྣམས་གངས་རིའི་ཁྲོད་དུ་ཆེས་ཆེར་གསལ་བར་གྱུར་པ་ལ། ཕྱིས་བུ་སྟོན་ཐམས་ཅད་

མཁྱེན་པ་དང་། རང་བྱུང་ཞབས་དང་། ཇོ་མོ་ནང་པ་སོགས་མཁས་ཤིང་གྲུབ་པ་བརྙེས་པ་མང་པོས་ཀྱང་ལྷག་པར་གསལ་བར་མཛད་པ་ཡིན་ནོ། །དེ་ལྟར་བཤད་པ་ནི་རྒྱུད་གཙོ་ཆེ་བའི་བྱུང་ཚུལ་མགོ་སྨོས་རིགས་པ་ཙམ་ཡིན་ཞིང་། དེས་མཚོན་

ནས་ཤེས་པར་བྱ་བ་ལས། ཞིབ་པར་ན་བོད་དུ་འགྱུར་རོ་ཅོག་གི་རྒྱུད་རྣམས་ཕལ་ཆེར་ལ། སྔོན་དུས་དབང་རྗེས་གནང་བཤད་པ་མན་ངག་སོགས་མ་བྱུང་བ་མེད་པས་སྨོས་ཀྱིས་མི་ལང་ངོ༌། །མཐའ་གཅིག་ཏུ་མ་ངེས་པའི་བླ་མེད་ཀྱི་རྒྱུད་སྡེ་སྤྱིའི་མན་

ངག་གི་གནད་གསང་ཐམས་ཅད། གང་ཟག་སྐལ་བ་ཅན་གཅིག་གྲོལ་བའི་ཆ་རྐྱེན་དུ་ཚང་ལ། མ་ནོར་བར་བསྡུས་པའི་ཁྲིད་ཀྱི་སྲོལ་ནི་བོད་ཡུལ་འདིར་མང་དུ་བྱུང་སྣང་བ་ལས། ཇོ་བོ་བཀའ་གདམས་པ་རྣམས་ལ་སྤྱིར་གྲགས་པའི་ལམ་རིམ་ནི།

Vol. 103 · folio 95a

སྔགས་ཀྱི་ཐུན་མོང་མ་ཡིན་པར་མི་འགྱུར་བས་དེར་མི་གཏོགས་ལ། གཞན་ནི་འབྲོག་མི་ལོ་ཙཱས་ག་ཡ་དྷ་ར་ལས་གསན་ཏེ། དེས་རྒྱུད་ཀྱི་བཤད་པ་གཙོ་ཆེ་བ་འཁོན་དཀོན་མཆོག་རྒྱལ་པོ་ལ་གནང་། གདམས་ངག་ལམ་འབྲས་

བུ་དང་བཅས་པའི་སྐོར་རྣམས་སེ་སྟོན་ཀུན་རིག་ལ་གནང་། སེ་སྟོན་གྱིས་དཀོན་མཆོག་རྒྱལ་པོ་ལ་བཤད་སྐོར་རྣམས་ཀྱང་གསན། དེས་གདམས་ངག་རྣམས་རྫོགས་པར་ཞིང་སྟོན་ཆོས་འབར་དང་། ཕལ་ཆེར་ཞ་མ་ལྕམ་སྲིང་སོགས་ལ་གནང་།

ས་ཆེན་གྱིས་གསེ་སྟོན་མཇལ་ཏེ། གཞུང་བཤད་གསན་ཡང་གདམས་ངག་མ་གསན་པས། ཕྱིས་ཞིང་དགོན་པ་བ་ལས་གསན་ཏེ། ཐུགས་ཉམས་སུ་བཞེས་པས་གྲུབ་པའི་དབང་ཕྱུག་ཆེན་པོར་གྱུར། དེས་རྗེ་བཙུན་བསོད་ནམས་རྩེ་མོ་ལ་གནང་

སྟེ། ཟག་མེད་བདེ་བ་ཆེན་པོའི་སྐུ་བརྙེས་ནས་མཁའ་སྤྱོད་ཆེན་པོར་བྱོན། དེས་གྲགས་པ་རྒྱལ་མཚན་ལ་གནང་བས། གྲུབ་པ་ཆེན་པོའི་ངང་ཚུལ་འཛིན་པར་མཛད། དེས་ས་སྐྱ་པཎྜི་ཏ་ཀུན་དགའ་རྒྱལ་མཚན་དཔལ་བཟང་པོ་ལ་གནང་སྟེ།

འདི་ནི་རིག་པའི་གནས་ལྔ་ལ་ཐོགས་པ་མེད་པའི་མཁྱེན་རབ་ཀྱི་པདྨོ་བྱེ་བར་གྱུར་པས། རྗེ་བཙུན་འཇམ་པའི་དབྱངས་དང་མི་གཉིས་པར་ཁུམས་ཤིང་། བདེ་བར་གཤེགས་པའི་བསྟན་པ་སྣང་བར་བྱེད་པའི་ཉི་མ་གཅིག་པུ་པར་གྱུར། དེ་ནས་ཐུགས་

རྗེའི་བདག་ཉིད་བླ་མ་འཕགས་པ་སོགས་ལས་ཉེ་བར་བརྒྱུད་དེ། གངས་ཅན་གྱི་ལྗོངས་འདིར་དཔལ་ལྡན་ས་སྐྱ་པ་ཞེས། བསྟན་པའི་རྩ་ལག་མཆོག་ཏུ་གྱུར་པ་འདི་བྱུང་བ་ཡིན་ཞིང་། དེ་ལས་ཀྱང་ཚོགས་བཤད་ཀྱི་སྲོལ་འཛིན་ངོར་རྫོང་གོང་དཀར་བ་

རྣམས་དང་། སློབ་བཤད་ཐུན་མོང་མིན་པའི་སྲོལ་འཛིན་ཁའུ་བྲག་རྫོང་པ་སོགས་རྒྱ་ཆེར་རྒྱས་པར་གྱུར་པ་ཡིན་ནོ། །ཡང་མར་པ་ལོ་ཙཱས་ནཱ་རོ་པ་སོགས་བསྟེན་ཏེ། རྒྱུད་ཀྱི་དབང་བཤད་མན་ངག་སྣ་ཚོགས་དང་། ཁྱད་པར་ཟབ་ལམ་ནཱ་རོའི་ཆོས་

Vol. 103 · folio 95b

དྲུག་ཏུ་གྲགས་པ་གསན། སློབ་མ་ཀ་ཆེན་བཞི་གཙོ་བོར་གྱུར་པ་ལ་གནང་ཞིང་། གཞན་རྣམས་ལས་བཤད་བརྒྱུད་དང་། ཁྱད་པར་གྲུབ་པའི་དབང་ཕྱུག་ཆེན་པོ་མི་ལ་རས་པ་ལས་སྒྲུབ་བརྒྱུད་ཀྱི་བསྟན་པ་རྒྱ་ཆེར་རྒྱས་པ་བྱུང་། དེའང་མི་ལའི་སློབ་མ་

དྭགས་པོ་ལྷ་རྗེ། དེའི་སློབ་མ་ཁམས་པ་མི་གསུམ་ལས། གྲུབ་ཐོབ་དབུ་སེ་ནས་ཀརྨ་ཀཾ་ཚང་གི་ལུགས་དང་། ཕག་མོ་གྲུ་པ་ལས་འབྲི་འབྲུག་སྟག་ལུང་འབའ་རོམ་བཀའ་རྒྱུད་ཁྲོ་ཕུ་བཀའ་བརྒྱུད་སོགས་བྱུང་བ་ཡིན་ནོ། །གཞན་ཡང་མི་ལའི་

སློབ་མ་རས་ཆུང་པ་ནས་རས་ཆུང་སྙན་རྒྱུད་དུ་གྲགས་པ་དང་། ངན་རྫོང་རས་པ་ནས་ངན་རྫོང་སྙན་བརྒྱུད་དུ་གྲགས་པ་སོགས་མང་དུ་མཆེད་པ་རྣམས་ནི་སྨོས་ཀྱིས་མི་ལང་ངོ་། །ཡང་ནཱ་རོ་པའི་ལྕམ་ནི་གུ་མས་ཁྱུང་པོ་རྣལ་འབྱོར་རྗེས་སུ་བཟུང་སྟེ། དེ་ལས་

གདམས་ངག་ནི་གུ་ཆོས་དྲུག་སོགས། ཤང་པའི་ཆོས་སྐོར་དུ་གྲགས་པ་རྣམས་བྱུང་ཞིང་། སྲོལ་དེ་འཛིན་པ་ལ་ཤང་པ་བཀའ་རྒྱུད་དུ་གྲགས་སོ། ཡང་གྲུབ་ཆེན་དམ་པ་སངས་རྒྱས་སུ་གྲགས་པ་དེས། བོད་ཡུལ་དུ་ལན་མང་པོར་བྱོན་ནས།

ཆོས་བསྟན་པའི་གཙོ་བོ་ནི། དམ་ཆོས་སྡུག་བསྔལ་ཞི་བྱེད་ཀྱི་སྐོར་རྣམས་ཏེ། དེ་ལའང་བརྒྱུད་པ་སྔ་ཕྱི་བར་གསུམ་སོགས་ཀྱིས་རྒྱ་ཆེར་འཕེལ་བ་དང་། གཅོད་ཡུལ་དུ་གྲགས་པ་མ་གཅིག་ལབ་སྒྲོན་ནས་བརྒྱུད་པ་འདི་དག་ནི་མདོ་སྔགས་ཀྱི་ཕྱོགས་

གཉིས་ཀར་གཏོགས་པ་ལས་མཐའ་གཅིག་ཏུ་ཆད་པར་གཟུང་མི་ནུས་སོ། །དེ་ལྟ་བུའི་བདེ་བར་གཤེགས་པའི་བཀའ་སྲོལ་ཆེན་པོ་བོད་ཀྱི་ཡུལ་དུ་འདྲེན་ཞིང་སྐྱོང་བར་མཛད་པའི་ལོ་པཎ་གྱི་ཚོགས་ཅི་ཙམ་ཞིག་བྱོན་པ་ཡིན་ཅེ་ན། བསྟན་པ་སྔ་དར་གྱི་དུས་སུ་རྒྱ་

གར་གྱི་སློབ་དཔོན་ཀུ་ས་ར། བྲམ་ཟེ་ཤངྐ་ར། ཁ་ཆེ་ཏ་ནུ། བྲམ་ཟེ་ཨཱ་ནནྡ། བལ་པོ་ཤྲཱི་ལ་མཉྫ། བུདྡྷ་གུ་ཧུ། བུདྡྷ་ཤཱནྟ། ཤཱནྟ་རཀྵིཏ། པདྨ་སཾ་བྷ་ཝ། ཡོ་གའི་སློབ་དཔོན་དྷརྨ་ཀཱིརྟི། བི་མ་ལ་མི་ཏྲ། ཤཱནྟཾ་གནྡྷ། བི་ཤུདྡྷཱ་སིདྷ། ཀ་མ་ལ་ཤཱི་

Vol. 103 · folio 96a

ལ། ཀཝ་མི་ཏྲ། ཛི་ན་མི་ཏྲ། སུ་རེནྡྲ་བོདྷི། ཤྲཱི་ལེནྡྲ་བོདྷི། དཱ་ན་ཤཱི་ལ། བོདྷི་མི་ཏྲ། མུ་ནི་ཝརྨ། སརྦ་ཛྙ་དེ་ཝ། དི་ནྱ་པྲ་བྷ་སོགས་དང་། རྒྱའི་སློབ་དཔོན་ཧྭ་ཤང་མ་ཧཱ་དེ་བ་ཚེ། ཧཱ་ཤང་མ་ཀོ་སེ། ཧཱ་ཤང་མ་ཧཱ་ཡ་ན་སོགས་

སོ།། །།བསྟན་པ་ཕྱི་དར་གྱི་དུས་སུ་རྒྱ་གར་གྱི་པཎྜི་ཏ་ཤྲཱི་ཀ་ར་ཝརྨ། དྷརྨ་པཱ་ལ། །པྲཛྙཱ་པཱ་ལ། བུདྡྷ་པཱ་ལ། ཁ་ཆེ་ཤཱནྟ་བྷ་དྲ། ཐཱནྡྷ་ཀ་ར་ཝརྨ། པདྨ་གུཔྟ། མུ་ཁཱི་མི་ཏྲ། བུདྡྷ་ཤཱནྟ་ཤྲཱི། སུ་བྷཱ་ཥི་ཏི། པྲཛྙཱ་ཝརྨ། དཱི་པཾ་ཀཱ་ར་ཤྲཱི་ཛྙཱ་ན།

དེའི་དབོན་པོ་དཱ་ན་ཤྲཱི། སྨྲ་ཏི་ཛྙཱ་ན་ཀཱིརྟི། པཎྜི་ཏ་ཕྲ་ལ་རིང་བ། སུ་ན་ཡ་ཤྲཱི། ཁ་ཆེ་ཛྙཱ་ན་ཤྲཱི། ཙནྡ་རཱ་ཧུ་ལ། དྷཱི་ར་པཱ་ལ། ཨ་ཏུ་ལུ་ད་ཤ། སུ་མ་ཏི་ཀཱིརྟི། ཨ་མ་ར་ཙནྡྲ། ཐིག་ལེ་བུམ་པ། གཞོན་ནུ་བུམ་པ། ཀ་ན་ཀ་ཝརྨ། དམ་པ་རྒྱ་གར། ཛ་

ཡ་ཨཱ་ནནྡ། ག་ཡ་དྷ་ར། ཁ་ཆེ་ཟླ་བ་མགོན་པོ། སྟོང་ཉིད་ཏིང་འཛིན་རྡོ་རྗེ། ཡེ་ཤེས་རྡོ་རྗེ། ཤེས་རབ་གསང་བ། མ་ཧཱ་ཛ་ན། མནྡཱ་ཀ་ལཀྵ། ཀརྨ་བཛྲ། ཡ་མཱ་རི། དཔའ་བོ་རྡོ་རྗེ། རཱ་ཧུ་ལ་གུལྟ་བཛྲ། བི་རོ་ཙ་ན་བཛྲ། བལ་པོ་ཨ་སུ། རནྡྷ་ཀཱ་ར་ཤཱནྟི།

མཥྞ་གྷོཥ། སཱུརྱ་ཀཱིརྟི། ག་གན་དྷ་ར། ནོར་སྦས། ས་མནྟ་ཤྲཱི། ནིཀྐཱ་ལངྐ་དེ་པ། ཛ་གད་མི་ཏྲ་ཨཱ་ནནྡ། བུདྡྷ་ཤྲཱི་ཛྙཱ་ན། ཤཱཀྱ་ཤྲཱི་བྷ་དྲ། བི་བྷུ་ཏི་ཙནྡྲ། སུ་ག་ཏ་ཤྲཱི། ཛ་ཡ་དཏྟ། དཱ་ན་ཤཱི་ལ། སངྒྷ་ཤྲཱི། སུ་མ་ཏི་སཱ་ག་ར། ཀཱ་ལ་ཙནྡྲ། ཛི་ན་གུཔྟ།

མ་ཧཱ་བོ་དྷི། པཎྜི་ཏ་ཛ་བྷ་མ་ཤྲཱི། ཏྲི་ལོ་ཀྱ་ཨཱ་ནནྡ། ལོངས་སྤྱོད་རྡོ་རྗེ། རནྣ་ཤྲཱི། བལ་པོ་མ་ཧཱ་པ་ན། བལ་པོ་བཛྲ་ཀཱིརྟི། བལ་བོ་ཀཱ་ཡ་ཤྲཱི། བལ་པོ་གྲགས་པ་དཔལ། ཀུ་མཱ་ར་ཐམས་ཅད་མཁྱེན་པའི་དཔལ། སཱ་དྷ་ཀཱིརྟི། མངྒ་ལ་ཤཱི། དཱརྦན་

ཨཱ་ཙརྱ། ཛ་ཡ་དེ་ཝ། ལཀྵ་ཀ་ར། རཏྣ་ཤྲཱི། ཨཱ་ནནྡ་ཤིྲཱི ཟངས་གླིང་པ། ཀཱིརྟི་པཎྜི་ཏ། ཤཱ་རི་པུ་ཏྲ། པཎྜི་ཏ་ཤྲཱི་བ་ན་རན། བུདྡྷ་གུལྟ་སོགས་སོ། །དེ་བཞིན་དུ་ལོ་ཙཱ་བ་ཡང་བསྟན་པ་སྔ་དར་གྱི་དུས་སུ་ཐོན་མི་སཾབྷོ་ཊ། དྷརྨ་ཀོཥྛ།

Vol. 103 · folio 96b

ལྷ་ལུང་རྡོ་རྗེ་དཔལ། བྲན་ཀ་མཱུ་ལ་ཀོ་ཥ། ཁ་ཆེ་ཨཱ་ནནྡ། ཁྲི་བཞེར་སཾ་ཤི་ཏ། སྦྲང་རྒྱ་ར་ལེགས་གཟིགས། སེང་མ་གོང་ལྷ་ལུང་གཟིགས། རྦ་ཡེ་ཤེས་དབང་པོ། ངན་ལམ་རྒྱལ་བ་མཆོག་དབྱངས། དབས་མཉྩཱ་ཤྲཱི། པ་གོར་བཻ་

རོ་ཙ་ན། རྦ་མང་རྗེ་གསལ་སྣང་། སྣ་ནམ་རྡོ་རྗེ་བདུད་འཇོམས། གཉགས་ཛྙཱ་ན་ཀུ་མཱ་ར། ཅེ་ཛྙ་ན་སིདྡྷི། མཆིམས་ཤཱཀྱ་པྲ་བྷ། བྲང་ཏི་ཛ་ཡ་རཀྵི་ཏ། ཤུད་པུ་དཔལ་ཀྱི་སེང་གེ། རྩངས་དེ་བེནྡྲ་རཀྴི་ཏ། བྲན་ཀ་མུཀྟི་ཀ། ཁོན་ནཱ་གེནྡྲ་

རཀྵི་ཏ། རྨ་རིན་ཆེན་མཆོག །རྩངས་ས་པའི་བུ་རིན་ཆེན་ལེགས་གྲུབ། དྷརྨ་ཨཱ་ལོ་ཀ །དྲན་པ་ནམ་མཁའ། སྒྲོ་རིན་ཆེན་སྡེ། རྨ་རྣམ་པར་མི་རྟོག་པ། རྨ་ཤཱཀྱ་འོད། ཅེ་ཁྱི་འབྲུག །རླངས་ཁམས་པ་གོ་ཆ། གཉགས་དེ་ཝ་ཀོ་

ཥ། ཞང་རྒྱལ་ཉེན་ཉ་བཟང་། འགོས་ཆོས་འགྲུབ། སྟོང་ཨཱ་ཙརྱ། དྷརྨ་ཏཱ་ཤཱི་ལ། ཅོག་རོ་ཀླུའི་རྒྱལ་མཚན། སྐ་བ་དཔལ་བརྩེགས་སྲུང་བ། ཞང་ཡེ་ཤེས་སྡེ། རཏྣ་རཀྵི་ཏ། ཛ་ཡ་རཀྵི་ཏ། མཉྫ་ཤཱི་བརྨ། རཏྣནྡྲ་ཤཱི་ལ།

བཟང་སྐྱོང་། ལྷའི་ཟླ་བ། དཔལ་གྱི་ལྷུན་པོ། དཔལ་འབྱོར། ཡེ་ཤེས་སྙིང་པོ། རྒྱལ་བ་ཤེས་རབ། ཤཱཀྱ་བཤེས་གཉེན། དགེ་བ་དཔལ། ལེགས་པའི་སྡེ། གནུབས་ནམ་མཁའི་སྙིང་པོ། ཡི་གེ་པ་དགོན་གླིང་རྨ། གཞོན་ནུ་སྲུང་བ།

ནམ་མཁའ་སྐྱོང་རྣམས་སོ།། །།ཕྱི་དར་ལ་ལྷ་བླ་མ་ཡེ་ཤེས་འོད། ལོ་ཆེན་རིན་ཆེན་བཟང་པོ། གྲགས་འབྱོར་ཤེས་རབ། མགར་ཆོས་བཟང་། དགེ་ཚུལ་ཁྱུང་གྲགས། བལ་པོ་པདྨ་རུ་ཙེ། པ་ཚབ་ཚུལ་ཁྲིམས་རྒྱལ་མཚན། སེ་ཙ་བསོད་ནམས་

རྒྱལ་མཚན། རོང་པ་ཆོས་བཟང་། འབྲོ་སེང་དཀར་ཤཱཀྱ་འོད། ཁྱུང་པོ་ཆོས་བརྩོན། རྒྱ་བརྩོན་འགྲུས་སེང་གེ ནག་ཚོ་ཚུལ་ཁྲིམས་རྒྱལ་བ། རྔོག་ལེགས་པའི་ཤེས་རབ། འབྲོམ་སྟོན་རྒྱལ་བའི་འབྱུང་གནས། ཁྱུང་པོ་རྣལ་འབྱོར།

Vol. 103 · folio 97a

ཡོལ་ལྕགས་རྡོ་རྗེ་དབང་ཕྱུག །རྨ་དགེ་བའི་བློ་གྲོས། གྱི་ཇོ་ཟླ་བའི་འོད་ཟེར། ལྷ་ཞི་བ་འོད། ཁུ་དངོས་གྲུབ། ཆོས་ཀྱི་ཤེས་རབ། མར་ཐུང་ངད་པ་ཤེས་རབ། ག་རོད་ཚུལ་ཁྲིམས་འབྱུང་གནས། འབྲོག་མི་ཤཱཀྱ་བློ་གྲོས། འབྲོག་མི་ཤཱཀྱ་ཡེ་

ཤེས། སྟག་ལོ་གཞོན་བརྩོན། མར་པ་ཆོས་ཀྱི་བློ་གྲོས། འགོས་ཁུག་པ་ལྷས་བཙས། ཟངས་དཀར་འཕགས་པ་ཤེས་རབ། གཉན་དར་མ་གྲགས། རྭ་རྡོ་རྗེ་གྲགས། ཁེར་གད་འཁོར་ལོ་གྲགས། ལ་ཆིངས་ཡོན་ཏན་འབར། སྦོང་ཞོ་གསལ་བ་གྲགས། ཤེའུ་

བཛྲ་དེ་ཝ། རབ་ཞི་བཤེས་གཉེན། མར་པ་དོ་པ་ཆོས་ཀྱི་དབང་ཕྱུག །པུ་ཧྲང་ལོ་ཆུང་ལེགས་པའི་ཤེས་རབ། གཟུ་དགའ་བ་རྡོ་རྗེ། ཆོས་ཀྱི་ཡོན་ཏན། ཆོས་ཀྱི་རིན་ཆེན། གློག་སྐྱ་ཤེས་རབ་བརྩེགས། བ་རི་རིན་ཆེན་གྲགས། པ་ཚབ་ཉི་མ་གྲགས། ལྷ་བཙན་པོ་མུ་ནི་རཱ་ཛ།

དིང་རི་ཆོས་གྲགས། རྒྱུས་སྨོན་ལམ་གྲགས། མང་འོར་བྱང་ཆུབ་ཤེས་རབ། མལ་གྱོ་བློ་གྲོས་གྲགས། གྱི་ལྗང་དབུ་དཀར། འབྲོ་ཤེས་རབ་གྲགས། བ་རེག་ཐོས་པ་དགའ། རྨ་ཆོས་འབར། མཚུར་དབྱིག་གི་རྒྱལ་མཚན། རྩ་མི་སངས་རྒྱས་གྲགས། སྒ་ལོ་གཞོན་ནུ་

དཔལ། ཀྲེ་བོ་ཤེས་རབ་དཔལ། མཚུར་སྟོན་དབང་གི་རྡོ་རྗེ། རྭ་ཆོས་རབ། དཔྱལ་ཀུན་དགའ་རྡོ་རྗེ། དཔྱལ་ཀུན་དགའ་གྲགས། ཞང་ཤེས་རབ་བླ་མ། བཀྲ་ཤིས་རྒྱལ་མཚན། ཆོས་ཀྱི་སྙིང་པོ། ཀམ་ཆོས་ཀྱི་ཡེ་ཤེས། ཕྱུག་མཚམས་དབང་ཕྱུག་རྒྱ་མཚོ། ཚུལ་ཁྲིམས་ཡོན་

ཏན། ཁེར་གད་ཡོན་ཏན་དཔལ། བསོད་ནམས་བཟང་པོ། སུམ་བྷ་དཔལ་མཆོག་དང་པོའི་རྡོ་རྗེ། ཉི་མ་རྡོ་རྗེ། ཁུ་དགེ་བསྙེན་ནེ་ཙོ། གློག་སྐྱ་གཞོན་ནུ་འབར། ལྷ་ཡེ་ཤེས་རྒྱལ་མཚན། བྱང་ཆུབ་འབྱུང་གནས། གླན་ཆོས་ཀྱི་བློ་གྲོས། ཅོག་གྲུ་ཏིང་འཛིན་བཟང་པོ། ཤེས་རབ་ཡེ་ཤེས།

རིག་པ་གཞོན་ནུ། གཞོན་ཚུལ། ཁུ་མདོ་སྡེ་འབར། སྟེང་ལོ་ཚུལ་ཁྲིམས་འབྱུང་གནས། ཤེས་རབ་བརྩོན་འགྲུས། གཡུང་དྲུང་འོད། བསོད་ནམས་རྒྱལ་བ། ཅོག་གྲུ་ཤེས་རབ་བླ་མ། ཅོག་གྲུ་མྱ་ངན་མེད། བསོད་ནམས་མོས་པ། ཚུལ་ཁྲིམས་བརྩེགས། རྔོག་བུདྡྷ་པཱ་ལི་ཏ། རྒྱལ་ལོ་ཙཱ་བ།

Vol. 103 · folio 97b

སྦལ་རྡོ་རྗེ་རྒྱལ་པོ། ལྷ་རིན་པོ་ཆེ། ལྷ་ཆོས་ཀྱི་རིན་ཆེན། ཀྱུ་ར་ཚུལ་ཁྲིམས་འོད་ཟེར། དགེ་སློང་བྱའི་གདོང་ཅན། ར་བྱིད་ལོ་ཙཱ། ཕུར་བུ་འོད། ཤེས་རབ་ལེགས། ནག་ཚོ་དྷརྨ་གྲགས། མར་པ་བློ་གྲོས་བཟང་པོ། སེ་ལོ་ཙཱ། རོང་གླིང་ལོ་ཙཱ། ཤོ་རིམ་ལོ་ཙཱ། ཟླ་བ་གྲགས་པ། གཉལ་

མི་ཡེ་ཤེས་ཆོས། ཆོས་ཀྱི་ཟླ་བ། ཤེས་རབ་སྐྱབས། ནག་ཚོ་ཤེས་རབ་རྒྱལ་མཚན། འ་ཞ་རྒྱ་གར་བརྩེགས། གཉན་བསོད་ནམས། བ་རི་ཆོས་གྲགས། ཨོང་པོ་ལོ་ཙཱ། གཞོན་ནུ་ཤེས་རབ། མགར་ཤེས་འབྱུང་། འཇམ་དཔལ་གཞོན་ནུ། ཤེས་རབ་འོད་ཟེར། ཅེ་དགའ་

བ་དཔལ། ཡེ་ཤེས་འབྱུང་གནས། ཤཱཀྱ་བརྩོན་འགྲུས། ལོ་རྡོ་རྗེ་རྒྱལ་མཚན། ཞ་མ་དགེ་བསྙེན་སེང་རྒྱལ། ཅེ་བཀྲ་ཤིས། ཆག་དགྲ་བཅོམ། དཔྱལ་ཆོས་བཟང་། དཀར་ལོ་ཙཱ་བ། ཞང་དགེ་བ། གནུབས་བྱམས་པའི་དཔལ། ཆག་ཆོས་རྗེ་དཔལ། དཔྱལ་ཤེས་རབ་

འོད། ཞང་གྲུབ་པ་དཔལ། ས་སྐྱ་པཎྜི་ཏ་ཀུན་དགའ་རྒྱལ་མཚན། གློ་བོ་ཤེས་རབ་རིན་ཆེན། ལྷོ་བྲག་པ་འུ་རུ་དར་མ་སེང་གེ། མི་མཉམ་བཟང་པོ། ཨཽ་རྒྱུན་པ་རིན་ཆེན་དཔལ། ཤོང་རྡོ་རྗེ་རྒྱལ་མཚན། ཤོང་བློ་གྲོས་བརྟན་པ། ཁམས་པ་བློ་གྲོས་རྒྱལ་པོ། འདན་མ་

ཚུལ་སེང་། ར་པ་གཞོན་བརྩོན། ཤུད་ཀེ་གྲགས་པ་རྒྱལ་མཚན། ཐར་ལོ་ཉི་མ་རྒྱལ་མཚན། དཔང་བློ་གྲོས་བརྟན་པ། སྒྲ་ཚད་པ་རིན་རྒྱལ། དབུས་པ་བློ་གསལ། སྟག་ལུང་པ་ཤཱཀྱ་བཟང་པོ། ལེགས་པའི་བློ་གྲོས། བུ་སྟོན་ཐམས་ཅད་མཁྱེན་པ། ཐུགས་སྲས་ལོ་ཙཱ་བ་རིན་

ཆེན་རྣམ་རྒྱལ། ཇོ་ནང་ལོ་ཙཱ་བ་བློ་གྲོས་དཔལ། ས་བཟང་པ་བློ་གྲོས་རྒྱལ་མཚན། འབྲི་ཁུང་ལོ་ཙཱ་བ། ཀུན་སྤངས་གྲགས་པ་རྒྱལ་མཚན། ཡར་ལོ་གྲགས་པ་རྒྱལ་མཚན། ལོ་ཆེན་བྱང་ཆུབ་རྩེ་མོ། བོ་དོང་གྲགས་པ་རྒྱལ་མཚན། སྣར་ཐང་པ་སངྒྷ་ཤྲཱི། ལོ་ཆེན་སྐྱབས་

མཆོག་དཔལ་བཟང་། ཆོས་འཁོར་སྒང་པ་ཤེས་རབ་རིན་ཆེན། འགོས་ལོ་ཙཱ་བ་གཞོན་ནུ་དཔལ། ཁྲིམས་ཁང་པ་བསོད་ནམས་རྒྱ་མཚོ། ཆག་ལོ་རིན་ཆེན་ཆོས་རྒྱལ། ཞ་ལུ་ལོ་ཆེན་ཆོས་སྐྱོང་བཟང་པོ། ཇོ་ནང་ལོ་ཙཱ་བ་ཏཱ་ར་ནཱ་ཐ་སོགས་སོ།། །།འདིར་སྨྲས་པ། །གཏམ་

Vol. 103 · folio 98a

རིགས་ལས་འཁྲུངས་པའི་ཉིན་བྱེད་ཆེ། །ཐུབ་མཆོག་ཐུབ་པའི་ཚོགས་ཀྱིས་ཕྱག་བྱས་གང་། །ལེགས་གསུངས་འོད་ཟེར་བྱེ་བས་ཞིང་ཀུན་ཏུ། །རྒྱས་པར་འགེགས་པའི་ཕྲིན་ལས་འདི་རྨད་བྱུང་། །འོན་ཀྱང་སྐལ་ཆུང་རྣམས་ཀྱི་

བློ་གྲོས་ཀྱི། །བུ་ག་ཕྲ་མོའི་སྣོད་དང་མ་འཚམ་པས། །མ་རྟོགས་ལོག་པར་རྟོག་པའི་མུན་པ་དེས། །ཕྱོགས་རེ་ཙམ་ལ་བསླད་པར་བྱས་པ་ཡོད། །དེས་ན་འཕགས་ཡུལ་མཁས་པའི་རྣ་བ་ལ། །ཉེ་བར་བབས་ཤིང་མགྲིན་པའི་རྒྱན་གྱུར་པ། །

ལུང་བསྟན་བརྙེས་པའི་སྨྲ་མཁས་མཆོག་རྣམས་ཀྱིས། །ཡང་ཡང་བྱི་དོར་བྱས་འདི་འཁྲུལ་མེད་ཡིན། །གང་ལ་བདེར་གཤེགས་རྣམས་ཀྱིས་གཤེགས་གྱུར་ཅིང་། །གྲུབ་པ་རྣམས་ཀྱིས་སྙིང་པོར་བཅང་བའི་ལམ། །དེ་ལ་སེམས་ཡོད་སྐྱེ་བོས་སྨོས་

ཅི་དགོས། །བེམས་དངོས་རྣམས་ཀྱང་འདུད་པ་ལྷུར་ལེན་སྙམ། །ཚད་མེད་ཡོན་ཏན་གཏེར་གྱུར་བསྟན་པ་འདི། །གངས་ཅན་སྐྱེ་དགུའི་བསོད་ནམས་དོ་ར་རུ། །མངོན་པར་དྲངས་པའི་ཤིང་རྟ་ཆེར་གྱུར་པ། །ལོ་པཎ་ནོར་བུའི་ཕྲེང་བ་དངར་རྣམས་ཀྱི། །

བཀའ་དྲིན་ཚད་མེད་ཡིད་ལ་རྣམ་བཀོད་ན། །དད་པའི་སྤུ་ལོང་ཆེས་ཆེར་གཡོ་བཞིན་དུ། །ཞིང་གི་རྡུལ་སྙེད་ལུས་ཀྱིས་བྱང་ཆུབ་བར། །དེ་དག་སྤྱི་བོར་མཆོད་ལ་སུ་མི་སྤྲོ། །སྙིགས་མའི་གཟེབ་ནང་ལས་ཀྱི་ཞགས་པ་ཡིས། །དམ་པོར་བཅིངས་པའི་

དམན་པ་བདག་འདྲ་རྣམས། །དམ་པའི་མཛད་བཟང་འདི་ལྟའི་རྗེས་ཞུགས་ཏེ། །རྒྱལ་བསྟན་མ་ལུས་འཛིན་པའི་མཐུ་ཐོབ་ཤོག །བདེ་བར་གཤེགས་པའི་བཀའ་གངས་ཅན་གྱི་བརྡས་དྲངས་པའི་ཕྱི་མོའི་ཚོགས་ཇི་སྙེད་པ་པར་དུ་བསྒྲུབས་པའི་ཚུལ་

ལས་ཉེ་བར་བརྩམས་པའི་གཏམ་བཟང་པོ་བློ་ལྡན་མོས་པའི་ཀུནྡ་ཡོངས་སུ་ཁ་བྱེ་བའི་ཟླ་འོད་གཞོན་ནུའི་འཁྲི་ཤིང་ལས་བསྟན་པ་དེ་ཛམྦུའི་གླིང་དུ་ཇི་ལྟར་བསྐྱངས་པའི་ཚུལ་རགས་པ་ཙམ་ཞིག་བཤད་པའི་ཡལ་འདབ་སྟེ་གཉིས་པའོ།། །།

Vol. 103 · folio 98b

༄༅། །ཛཱཛྫཱཏེཥུསཪྻྻཾརཏྣཱརཛཱཿསུཡནཱཏྲ། །སུབྷྲདྷརྨྨསམཱཁཱཏམབྷཡནྣརེནྡྲམེརུཏཱ། །

སྐྱེས་ནས་སྐྱེ་བར་ལེགས་བྱས་ཀྱི། །རིན་ཆེན་རྡུལ་མང་བསགས་པ་ལས། །རབ་དཀར་ཆོས་ཀྱི་རྫིང་བཞིན་དུ། །གྱུར་པ་མི་དབང་ལྷུན་པོ་བྱུང་། །

Vol. 103 · folio 99a

མི་བདག་ཕལ་ཆེར་འདོད་པ་ཡིས། །ཆང་གིས་རབ་དྲེགས་གླང་པོ་བཞིན། །རང་ཉིད་བཟའ་བའི་འདམ་བུ་ཡང་། །ཉེས་པ་མེད་པར་འཇོམས་པ་ཡོད། །འདི་ནི་བསྐལ་པར་བསོད་ནམས་ལ། །གོམས་པས་ཐོག་མར་གཞན་བསྲུངས་ཤིང་། །དེ་

ཡིས་རང་ཉིད་བདེ་བའི་རྒྱུ། །འབད་པ་མེད་པར་གྲུབ་པ་མཐོང་། །འགྲོ་བའི་བདེ་བ་ལེགས་སྤྱད་ལས། །དེ་ཡང་ཐུབ་མཆོག་གསུང་ལས་སྐྱེས། །དེ་ཡང་ཡི་གེ་ལ་བརྟེན་ཕྱིར། །མི་བདག་བློ་གྲོས་དེ་རྗེས་སོང་། །སྙིང་སྟོབས་དྲི་མེད་སྟོན་ཟླ་བཞིན། །གསལ་བས་བརྩོན་

འགྲུས་ཚེ་རྩོམ་པ། །ཆུ་གཏེར་ལྟ་བུར་འཕེལ་གྱུར་པས། །དཔག་བསམ་སར་པ་འདི་བྱུང་ངོ༌། །དེ་ལྟར་བསིལ་ལྡན་གྱི་ལྗོངས་འདིར་དམ་པའི་ཆོས་ཀྱི་དབུ་བརྙེས་པ་ནས་བཟུང་སྟེ་ད་ལྟའི་བར་དུ་བདག་ཅག་གི་སྟོན་པ་མཉམ་མེད་ཡང་དག་པར་རྫོགས་པའི་སངས་རྒྱས་ཤཱཀྱའི་དབང་

པོའི་གསུང་རབ་འཁྲུལ་པ་མེད་པ་ཅི་ཙམ་ཞིག་སྣང་བར་གྱུར་པ་དེ་དག་ལས་དེང་སང་ཕྱི་མོ་ཇི་ཙམ་སྙེད་པ་དག་མིའི་དབང་པོ་བསྟན་པ་ཚེ་རིང་ཡབ་སྲས་ཀྱི་བདག་རྐྱེན་ལས་པར་དུ་བསྒྲུབས་པའི་ཚུལ་གླེང་བ་ལ་གཉིས་ཏེ་བདག་རྐྱེན་བྱེད་པ་པོའི་ལོ་རྒྱུས་འཆད་པ་དང་། རྣམ་དཀར་གྱི་བྱ་བ་དངོས་

སྨོས་པའོ། །དང་པོ་ལ་ཡུལ་རིགས་ཡོན་ཏན་གསུམ་གྱི་སྒོ་ནས་འཆད་པ་ལ། དང་པོ་ནི་སྤྱིར་ཀི་ལཱ་ཤའི་ར་བས་ཡོངས་སུ་བསྐོར་བའི་ལྗོངས་བྱང་ཕྱོགས་བོད་ཀྱི་ཡུལ་འདི་ཉིད། འཇམ་དཔལ་རྩ་རྒྱུད་ལས། ཁ་བ་ཅན་དུ་མཚོ་བྲི་ནས། །སཱ་ལའི་ནགས་ནི་འབྱུང་བར་འགྱུར། །ཞེས་

ལུང་བསྟན་པ་ལྟར་དང་པོར་མཚོ་ཡོད་པར་རིམ་གྱིས་བྲི་ནས་ནགས་ཚལ་སྟུག་པོ་རྒྱས་པར་གྱུར་པའི་སྐབས་ཤིག་ན། ཡུལ་གྲུ་འཛིན་ནས་ཐུགས་རྗེ་ཆེན་པོས་བྱིན་གྱིས་བརླབས་པའི་སྤྲེའུ་ཞིག་འོངས་པ་དེ་དང་བྲག་སྲིན་མོ་འདུས་པ་ལས། བོད་རྣམས་ཉེ་བར་མཆེད་པ་ཡིན་ཞེས་ཀྱང་ཟེར།

ལྷ་ལས་ཕུལ་བྱུང་གི་བསྟོད་འགྲེལ་ལས། ཁྱབ་འཇུག་གིས་ནི་འཐབ་དཀའ་ཞེས་བྱ་བ་ལ་སོགས་པའི་རིགས་བརྒྱུད་བརླག་པར་གྱུར་པ་ཡིན་ཏེ། འདི་ལྟར་ཁྱབ་འཇུག་གིས་འཐབ་དཀའ་ལ་དྲིས་པ། དཔུང་ཚོགས་བཅོ་བརྒྱད་ཁྱེར་རམ། འོན་ཏེ་ནོར་ལྷ་གཅིག་པུ་ཁྱེར་ཞེས་དྲིས་

Vol. 103 · folio 99b

པ་དང་། དེས་དཔུང་གི་ཚོགས་རྣམས་ཁྱེར་རོ་ཞེས་སྨྲས་པ་དང་། དེས་ཞེ་འགྲས་པར་གྱུར་ནས། ཁྱབ་འཇུག་གིས་སྐྱ་བསེང་གི་ཕྱོགས་བྱས་ཏེ་གཡུལ་ངོར་ཆས་པ་ན། སྲིད་སྒྲུབ་ཀྱིས་ཀུན་དུ་བལྟས་ཏེ་སྨྲས་པ། ཁོ་བོས་ནི་ཉེ་དུའི་ཚོགས་གསོད་པར་མི་ནུས་ཏེ། གང་

གི་དོན་དུ་རྒྱལ་སྲིད་ཐོབ་པར་འདོད་པའི་ཉེ་དུའི་ཚོགས་དེ་ཇི་ལྟར་གསད་པར་བྱ་ཞེས་སྨྲས་ཏེ་སྲིད་སྒྲུབ་འཐབ་པ་ལས་ལྡོག་པར་གྱུར་པ་དང་། ཁྱབ་འཇུག་གིས་སྨྲས་པ། ཁྱེད་ནི་བླུན་པ་ཡིན་ཏེ། གང་གིས་མི་ནི་གསད་པ་དང་། །གང་ཞིག་གསོད་པར་བྱེད་པ་དག །དེ་

དག་གཉི་ག་མི་དམིགས་ཏེ། །གསད་དང་གསོད་པ་པོ་ཡོད་མིན། །རིགས་དང་འདུལ་བ་ཕུན་སུམ་ཚོགས། །བྲམ་ཟེ་བ་ལང་གླང་པོ་དང་། །ཁྱི་དང་སྨེ་ཤ་ཅན་དག་དང་། །མཁས་པ་རྣམས་ནི་མཉམ་པར་ལྟ། །ཞེས་བྱ་བ་ལ་སོགས་པ་མེད་པར་ལྟ་བའི་ཚིགས་སུ་བཅད་པ་མང་

པོ་བསྟན་ཅིང་། སྣ་ཚོགས་པའི་གཟུགས་བསྟན་པས་བསླུས་ནས། སྲིད་སྒྲུབ་ཀྱི་ཁ་ལོ་བ་རང་ཉིད་ཀྱིས་བྱས་ཏེ། གཡུལ་བཀྱེ་བས་འཐབ་དཀའི་རིགས་དཔུང་གི་ཚོགས་བཅོ་བརྒྱད་དང་བཅས་པ་བརླག་པར་གྱུར་ཏོ། །རཱུ་པ་ཏི་ཞེས་བྱ་བའི་རྒྱལ་པོ་དཔུང་གི་ཚོགས་གཅིག་དང་བཅས་

པ་གཡུལ་འགྱེད་པའི་ཚེ་བུད་མེད་ཀྱི་ཆ་ལུགས་སུ་བྱས་ཏེ་བྲོས་ནས་རི་ཁ་བ་ཅན་གྱི་རི་ཁྲོད་དུ་ཞུགས་ཏེ་གནས་པའི་རིགས་ལས་དེང་སང་ནའང་བོད་ཅེས་བྱ་བར་གྲགས་པ་ཡིན་ནོ། །ཞེས་འབྱུང་བ་སོགས་འཆད་ཚུལ་སྣ་ཚོགས་ཞིག་སྣང་བ། གང་ལྟར་ཡང་ཡུལ་འདིའི་སྐྱེ་བོ་དག་ལ་འཕགས་

པ་ཐུགས་རྗེ་ཆེན་པོས་བྱིན་གྱིས་བརླབས་ཀྱིས་སྐྱོང་བར་མཛད་པ་ཞིག་ནི་གོར་མ་ཆག་ལ། དེ་ལྟ་བུའི་མི་ཡི་སྐྱེ་བོ་རྣམས་ཀྱིས་ཡུལ་ལྗོངས་རིམ་པས་ལོངས་སྤྱོད་དུ་གྱུར་པ་ནས་བཟུང་། ཡུལ་དབུས་དག་ཏུ་ནགས་ཚལ་ཡང་རིམ་གྱིས་མེད་པར་གྱུར་ཏེ། གྲོང་དང་གྲོང་ཚོམ་དང་གྲོང་རྡལ་

དང་རྒྱལ་པོའི་ཕོ་བྲང་དང་གཙུག་ལག་ཁང་ལ་སོགས་པས་ཀུན་ནས་བརྒྱན་པ་འདི་ལྟ་བུ་བྱུང་ངོ་། །དེའང་ཡུལ་སྤྱིའི་དགེ་མཚན་གྱི་དབང་དུ་བྱས་ན་ཆོས་རྒྱལ་སྲོང་བཙན་སྒམ་པོས། དེ་ལྟར་འཕགས་པའི་གང་ཟག་རྣམས་འབྱུང་ཞིང་། །འཁོར་ནི་ལེགས་གནས་སྟོན་པའི་གསུང་རབ་དང་། །

Vol. 103 · folio 100a

སྟོན་པའི་སྐུ་གཟུགས་དངོས་སུ་བཞུགས་པ་དང་། །རི་བོ་ཡོན་ཏན་ཅན་ཡང་དེ་ན་ཡོད། །ཙཱ་རི་ཙ་གོང་བདེ་མཆོག་རང་བྱུང་དང་། །རྡོ་ཆུ་རིན་པོ་ཆེ་ཡང་དེ་ན་ཡོད། །ཏི་སེའི་གངས་ལ་དགྲ་བཅོམ་ལྔ་བརྒྱ་བཞུགས། །བདུད་རྩིའི་ཆུ་ཡང་རི་བོ་དེ་ན་ཡོད། །

གྱེ་རེའི་བྲག་ལ་ཡིག་དྲུག་རང་བྱུང་དང་། །མཁའ་འགྲོའི་ཕྱག་རྒྱ་རི་བོ་དེ་ན་ཡོད། །མ་པང་མཚོ་ལ་ཀླུ་རྒྱལ་བྱང་སེམས་གནས། །ཆུ་བོ་ཡོན་ཏན་ཅན་ཡང་དེ་ན་ཡོད། །ཁྲི་བཤོས་རྒྱ་མཚོའི་ཀླུ་བློན་བྱང་ཆུབ་སེམས། །ཆུ་བོ་ཆེན་པོ་ཀུན་ལ་ཕན་པར་མཛད། །གནམ་མཚོ་

ཕྱུག་མོའི་ནང་ན་བྱང་ཆུབ་སེམས། །ཐང་ལྷའི་བྲག་ལ་དགྲ་བཅོམ་ལྔ་བརྒྱ་ཡོད། །སྦུབས་མཚོའི་གླིང་ན་ཀླུ་རྒྱལ་བྱང་ཆུབ་སེམས། །ཁའུའི་གངས་ལ་དགྲ་བཅོམ་མང་པོ་ཡོད། །རི་མཐོ་ས་གཙང་གངས་རི་གཉན་གྱིས་བསྐོར། །སྒྲ་དག་སྐད་སྙན་སཾ་སྐྲྀ་ཏ་དང་མཚུངས། །མི་

སྐད་ཆོས་ལ་བསྒྱུར་དུ་བཏུབ་པའི་སྒྲ། །ཡངས་ཤིང་མཐའ་ལེགས་ཡོན་ཏན་ཀུན་ལྡན་པ། །དེ་ལྟར་ཁ་བ་ཅན་གྱི་ཡུལ་དབུས་སུ། །ཞེས་སོགས་ཀྱིས་བསྔགས་པ་མཛད་པ་ལྟར་དང་། གམ་འབྲོག་རྒྱང་འབྲོག་རྩྭ་ཡི་དགེ། །ཁང་ས་ཞིང་ས་ས་ཡི་དགེ། །འཐུང་ཆུ་ཡུར་ཆུ་ཆུ་

ཡི་དགེ། །ཁང་རྡོ་འཐག་རྡོ་རྡོ་ཡི་དགེ། ཁང་ཤིང་བུད་ཤིང་ཤིང་གི་དགེ། །ཞེས་སོགས་བཤད་པ་ལྟར་དགེ་བཅུ་ཚང་ཞིང་ཁྱད་པར་དུ་མཁས་ཤིང་གྲུབ་པ་བརྙེས་པའི་སློབ་དཔོན་ཆེན་པོ་དང་། སྤྲུལ་པའི་ཆོས་ཀྱི་རྒྱལ་པོ་ལ་སོགས་པ་བྱང་ཆུབ་སེམས་དཔའ་ས་ཆེན་པོ་ལ་

གནས་པ་རྣམས་དང་། བདེ་བར་གཤེགས་པའི་སྤྲུལ་པའི་སྐུ་དུ་མ་བགྲང་བར་མི་སྤྱོད་པ་དག་གིས་བྱིན་གྱིས་བརླབས་ཤིང་ཡོངས་སུ་སྐྱོང་བར་མཛད་ཅིང་སྙིགས་མའི་དུས་སུ་སྟོན་པ་ཉིད་ཀྱིས་ལུང་དུ་བསྟན་པ་ལྟར་རྒྱལ་བའི་བསྟན་པ་ཆེས་ཆེར་གསལ་བར་གྱུར་པའི་གནས་ཕུན་སུམ་

ཚོགས་པ་སྟེ། གསང་སྔགས་རྡོ་རྗེ་ཐེག་པ་ལྟར་ན། རྡོ་རྗེ་མཁའ་འགྲོའི་རྒྱུད་ལས། བོད་ཡུལ་དུ་ནི་ལྷན་སྐྱེས་ཏེ། །ཞི་ཞིང་གསལ་བའི་གཟུགས་ཅན་མ། །ཆུ་སྲིན་རྒྱལ་མཚན་ལག་ན་ཐོགས། །བྲག་གི་ཁྱིམ་ལ་བརྟེན་ཏེ་གནས། །རང་བྱུང་གི་ནི་སྐྱེ་གནས་ཅན། །ཞེས་ཡུལ་

Vol. 103 · folio 100b

ཉི་ཤུ་རྩ་བཞིའི་ཡ་གྱལ་དུ་གསུངས་ཤིང་། བོད་ཉིད་ཀྱི་ནང་གསེས་སུའང་རྡོ་རྗེའི་གནས་ཆེན་པོ་རྣམས་ཅི་རིགས་པར་ཚང་བ་ཡིན་ཏེ་གྲུབ་པའི་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱིས་ནང་གི་རྟེན་འབྲེལ་ཁྱད་པར་བ་རྣམས་བསྒྲིགས་པའི་ཡུལ་གྱི་གནད་གསང་ཐམས་

ཅད་མ་ཚང་བ་མེད་པར་ཡོད་པའི་ཕྱིར་རོ། །དེ་ལྟ་བུའི་ཡོན་ཏན་དང་ལྡན་པའི་བསིལ་ལྡན་གྱི་ལྗོངས་སམ། ལྷ་མོ་དྲི་མ་མེད་པའི་འོད་ལུང་བསྟན་པའི་མདོ་ལས་གདོང་དམར་ཅན་གྱི་ཡུལ་དུ་གསུངས་པ་འདི་ཉིད་ལ་བོད་དང་བོད་ཆེན་པོ་ཞེས་གཉིས་སུ་གྲགས་པ་ལས། བོད་ཆེན་

པོའི་ལྗོངས་འདི་ནི་བོད་སྤྱིའི་འདྲ་དཔེ་སྟོད་དུ་མངའ་རིས་སྐོར་གསུམ་རྫིང་ལྟ་བུ་དང་། །བར་དུ་དབུས་གཙང་རུ་བཞི་ཡུར་བ་ལྟ་བུ་དང་། སྨད་དུ་མདོ་ཁམས་སྒང་དྲུག་ཞིང་ལྟ་བུའི་ཚུལ་དུ་བཤད་པའི་ཕྱི་མ་ཡིན་ཞིང་། དེ་ལས་མདོ་ཁམས་སྨད་དུ་གཏོགས་པའི་སའི་ཆ་གླིང་གི་ཡུལ་ཞེས་བྱ་བ་

འདི་ནི་སྒང་དྲུག་ལས་ཟལ་མོ་སྒང་དུ་གྲགས་པ་སྟེ། ཆུ་བོ་ཆེན་པོ་བཞི་ལས་འབྲི་དང་ཤར་ཟླའི་ཆུ་ཀླུང་ཆེན་པོ་གཉིས་ཀྱི་བར་དུ་ཆུད་པ། བདེ་གཤེགས་ཕག་མོ་གྲུ་པ་དང་། ཀཐོག་པ་དམ་པའི་མཚན་ཅན་དང་། གྲུབ་ཆེན་གསལ་སྟོང་ཤོ་སྒོམ་དང་། གྲུབ་པའི་དབང་ཕྱུག་ཀརྨ་

པཀྵི་དང་། རྒྱལ་བའི་སྲས་པོ་སྤོམ་བྲག་པ་ལ་སོགས་པ་གྲུབ་པ་བརྙེས་པའི་རྡོ་རྗེ་སློབ་དཔོན་མང་པོ་བསམ་བཞིན་དུ་སྲིད་པ་ཉེ་བར་བཟུང་ཞིང་། དེ་དག་ལ་སོགས་པ་མཁས་ཤིང་གྲུབ་པའི་རྒྱལ་བའི་སྲས་པོ་མང་པོས་ཞབས་ཀྱིས་བཅགས་ཤིང་བྱིན་གྱིས་བརླབས་པས་སྐྱེ་དགུ་རྣམས་རང་

བཞིན་གྱིས་དགེ་བ་ཅན་དུ་གནས་པའི་ཡུལ། སློབ་དཔོན་པདྨ་སཾ་བྷ་ཝ་ལ་སོགས་པའི་སྤྱན་སྔར་དམ་མནོས་པའི་འབྱུང་པོ་ཆེན་པོ་དཀར་ཕྱོགས་ལ་དགའ་བ་རྣམས་ཀྱིས་ཡོངས་སུ་སྲུང་ཞིང་བདེ་བར་གཤེགས་པའི་བསྟན་པ་གཙོ་བོར་སྒྲུབ་པ་ཉམས་ལེན་གྱི་སྒོ་ནས་ཆེས་ཤིན་ཏུ་གསལ་བའི་

ཕྱོགས། བསྔགས་པ་དུ་མས་བསྔགས་པར་འོས་པ་འདི་ཉིད་དོ། །དེ་ལས་ཀྱང་ལེགས་བྱས་རྒྱ་ཆེན་པོ་འདི་མངོན་པར་འདུ་བྱེད་པའི་ཡུལ་དངོས་ནི་གཡས་རི་གཡུ་འབྲུག་འགྱིང་བ་ལྟ་བུ། གཡོན་རི་སེང་གེ་གནམ་དུ་འཕྱོ་བ་ལྟ་བུ། རྒྱབ་རི་ཤེལ་གྱི་མཆོད་རྟེན་ལྟ་བུ། མདུན་རི་གླང་པོ་ཆེ་འདུད་

Vol. 103 · folio 101a

པ་ལྟ་བུ། གསེར་ལྡན་གྱི་རྒྱུན་དབང་གི་ཕྱོགས་ནས་དལ་བུའི་འབབ་པ་སོགས་སའི་དཔྱད་ལེགས་རྒུ་མ་ཚང་བ་མེད་པའི་དབུས་སུ་དཔལ་ས་ལྡན་ལྷུན་གྲུབ་སྟེང་གི་ཆོས་གྲྭ་ཆེན་པོ། དགེ་འདུན་གྱི་སྡེ་རྣམས་ཀྱང་། རྗེ་བཙུན་ས་སྐྱ་པ་ཆེན་པོ་ཡབ་སྲས་ནས་ཉེ་བར་

བརྒྱུད་དེ། རྗེ་བཙུན་ཐམས་ཅད་མཁྱེན་པ་རྡོ་རྗེ་འཆང་ཀུན་དགའ་བཟང་པོས་ངེས་གསང་གི་གནད་ཐམས་ཅད་ལེགས་པར་ཕྱེ་བའི་རྒྱུན་དྲི་མ་མེད་པ་འཛིན་པར་མཛད་ཅིང་། ཀློག་པ་ཐོས་བསམ་གྱི་འཁོར་ལོ་དང་། བྱ་བ་ནན་ཏན་གྱི་འཁོར་ལོ་རྣམ་པ་གཉིས་ཀྱིས་དུས་འདའ་བ་

རྒྱུད་སྡེ་མང་པོའི་བསྐྱེད་རྫོགས་ཀྱི་རྣལ་འབྱོར་ཟབ་མོ་དང་། དཀྱིལ་འཁོར་གྱི་ལས་རབ་འབྱམས་དང་། སྨིན་གྲོལ་གྱི་བཀའ་ཟབ་མོ་སོགས་མ་ནུབ་ཅིང་ཆེས་གསལ་བ་སོགས་རྣམ་གྲངས་དུ་མས་བསྔགས་པར་འོས་པ་འདི་ཉིད་དུ། རྒྱལ་ཁབ་ཀྱི་ཕོ་བྲང་ཆེན་པོ། བདེ་བར་གཤེགས་

པའི་སྐུ་གཟུགས་ལུགས་མ་དང་། རི་མོར་བྲིས་པ་སོགས་དང་། སྡེ་སྣོད་གསུམ་གྱི་པུསྟ་ཀ་དུ་མ་སོགས་རིན་ཐང་དང་བྲལ་བའི་རིན་པོ་ཆེའི་ཚོགས་དུ་མས་བྱུར་བུར་བཀང་བས་གཙུག་ལག་ཁང་ཆེན་པོར་གྱུར་པ། འཕགས་ཡུལ་གྱི་རནྡྷ་ཀུ་ཊ་བི་ཧ་ར་ཇི་ལྟ་བ་བཞིན་དུ་གྲགས་པ་

མངོན་པར་གསལ་བ་འདིའོ། །གཉིས་པ་དེ་ལྟ་བུའི་ཡུལ་དུ་བྱུང་བའི་མིའི་དབང་པོ་འདིའི་རིགས་རྒྱུད་ཀྱི་ཁྱད་པར་ནི། མི་དབང་འདི་ཉིད་ཀྱི་དྲུང་ཡིག་པ་འཇམ་དབྱངས་དགའ་བའི་བློ་གྲོས་ཀྱིས་ཡིག་ཚང་ཁུངས་མ་ལས་བཏུས་པའི་གཏམ་གྱི་སྦྱོར་བ་བྱས་པ་ལྟར་འགོད་ན། །དེའང་

བོད་ཆེན་པོའི་ལྗོངས་འདིར་སྤྱིར་སྒྲ་འབྲུ་སྟོང་སྒ་སྟེ་རུས་ཆེན་བཞི་དང་། སྒོ་ལྷ་སྡེ་དཀར་པོའི་རིགས་ཏེ་མི་རིགས་ལྔ་བྱུང་བར་གྲགས་པ་ལས་ཕྱི་མ། དེ་ལས་ཀྱང་བྱེ་བྲག་ཏུ་རྔུ་ཆེན་རྒྱལ་མོ་ཚོ་བཅོ་བརྒྱད་དུ་གྲགས་པ་འགར་ཀེ་འགོལ་གསུམ། གསུང་གསེར་འབྲོམ་གསུམ། ཅི་འབུ་

གཞག་གསུམ། ཤོལ་སྟག་ཕྱིང་གསུམ། གཅེ་སིང་རམ་གསུམ། ཕྱུག་པོ་བུ་གསུམ་རྣམས་ལས་འགར་གྱི་རིགས་འགར་ཆེན་ཡེ་ཤེས་བཟང་པོ་དང་། འགར་དམ་པར་གྲགས་པ་སྐུ་མཆེད་གཉིས་བྱུང་སྟེ། དེ་ལས་ཕྱི་མ་ནི། དྲུང་ཡིག་པས་བཀོད་པའི་ཡི་གེ་དེ་ཉིད་དང་བསྟུན་ན་སྤོ་བོ་ཕུ་ལུང་

Vol. 103 · folio 101b

དགོན་པ་སོགས་དང་སྦྱར་བས་ལོ་རྒྱུས་མ་དག་པ་མ་གཏོགས་འགར་དམ་པ་ཆོས་སྡིངས་པ་ཡིན་པར་མངོན་ཏེ། དེ་ནི་སིངྷ་ལའི་སློབ་དཔོན་ཨཱརྱ་དེ་ཝའི་རྣམ་འཕྲུལ་དུ་གྲགས། ཡབ་མེས་རྣམས་རྡོ་རྗེ་འཇིགས་བྱེད་ཀྱི་རྣལ་འབྱོར་པ་ཡིན་པས་སྐུ་ཆུང་ངུའི་དུས་ནས་འཇིགས་བྱེད་

ལ་ཐུགས་དམ་མཛད། འབྲི་ཁུང་དུ་བྱོན་ནས་འཇིག་རྟེན་གསུམ་གྱི་མགོན་པོ་བརྟེན་ཏེ་གྲུབ་པའི་དབང་ཕྱུག་ཆེན་པོར་གྱུར། ཙ་རིར་བྱོན་ཏེ་གསང་སྔགས་ཀྱི་སྤྱོད་པ་བསྐྱངས། དྭགས་པོ་འགར་ཕུག་ཏུ་བཞུགས་པའི་ཚེ་བོད་ཀྱི་ལྷ་འདྲེ་ཐམས་ཅད་འདུས་ནས་སྐུ་ལུས་ཟངས་ཐལ་

དུ་འགྲོ་བའི་མཚོན་ཆ་མང་པོ་བརྒྱབ་ཀྱང་ཉམ་ང་མེད་པས་ཐམས་ཅད་ཀྱིས་སྐྱབས་སུ་སོང་སྟེ་སྲོག་སྙིང་ཕུལ། ཕྲིན་ལས་མང་པོ་མཛད་ནས་ཕྱིས་སྤོ་བོར་ཕེབས། དེར་ཆོས་ཡེ་མི་དར་བ་ལ་རྫུ་འཕྲུལ་དང་ཐབས་མཁས་ཀྱིས་སྐྱེ་བོ་དད་པར་བྱས་ནས་ཕུ་ལུང་དགོན་པ་རིན་ཆེན་གླིང་གི་གཞི་

བཏིང་ནས་ཞི་བར་གཤེགས། དེ་ནས་ཉིད་ཀྱི་དབོན་པོ་ཨུ་རྒྱན་ལ་སོགས་པ་ཁམས་ནས་འོངས་ཏེ་དེའི་འཕྲོ་བསྐྱངས། དེ་ལས་དབོན་རྒྱུད་རིམ་བྱུང་བ་ཕུ་ལུང་སྡེ་པ་ཐོག་ཀ་བར་གྲགས་ཏེ་དུས་ཕྱིས་ཀྱི་བར་དུ་ཡོད་དོ། །འགར་ཆེན་ཡེ་ཤེས་བཟང་པོས་སླང་མདོ་དྲུག་གིས་འཆི་བདག་

གིར་མཛད་དེ། དེའི་སྲས་གཉིས་ཀྱི་བསོད་ནམས་རིན་ཆེན་གྱིས་འགྲོ་མགོན་ཆོས་རྒྱལ་འཕགས་པའི་ཞབས་པད་ས་བརྟེན་ནས་གསོལ་དཔོན་གྱི་ལས་ཀ་བཟུང་། གོང་མ་སེ་ཆེན་གན་གྱིས་དམག་དང་འཇའ་ས་སོགས་བྱིན་ཏེ་ཆེན་པོའི་གོ་སར་དབང་བསྐུར། དེ་ནས་སྐུ་ཚེའི་སྨད་ལ་ས་དམར་

ཡང་དགོན་དུ་ཚོགས་པ་སྟོང་ཕྲག་ཙམ་བསྐྱངས། དེའི་དབོན་པོ་རྔུ་རྒུ་རུ་ལ་སྲས་དགུ་བྱུང་བའི་ནང་ནས་སྟོང་དཔོན་ཟླ་བ་བཟང་པོ་ཞེས་པ་ལ་གོང་མ་མཆོད་ཡོན་གྱིས་ས་དམར་སྟོང་དཔོན་གྱི་ལས་ཀ་གནང་བས་མངོན་པར་མཐོ་བ་བྱུང་། དེའི་སྲས་གཉིས་ལས་རྡུ་རྒྱལ་བ་བཟང་པོའི་སྲས་པདྨ་

བསྟན་སྲུང་། དེའི་སྲས་དཀར་ཆེན་བྱང་ཆུབ་འབུམ། དེའི་སྲས་རྡུ་ཆོས་རྡོར་བ་ནི་གསང་ཆེན་རྙིང་མའི་གྲུབ་ཐོབ་ཆེན་པོར་གྱུར། དེའི་མཆེད་ཡོ་དགེ་འདུན་རྒྱལ་མཚན་གྱི་སྲས་མགོན་པོ་གཟུངས་སོགས་ལས་བརྒྱུད་དེ་དེང་སང་གི་བར་དུ་ས་དམར་ཕྱོགས་འདིར་རྒྱུན་མ་ཆད་པར་ཡོད་དོ། །

Vol. 103 · folio 102a

དཀར་ཆེན་བྱང་ཆུབ་འབུམ་གྱི་སྲས། བདེ་ཆེན་བསོད་ནམས་བཟང་པོ་ཞེས་པ་ཡུམ་འདས་པའི་དགོངས་རྫོགས་བསྒྲུབ་པར། ཀཐོག་རྡོ་རྗེ་གདན་དུ་བྱོན་ནས་ཕྱིར་མ་ལོག་པས། མཆེད་གཞན་གྱིས་སླར་འགུགས་པར་བཏང་རྩིས་

ལ། ཀརྨ་པ་ཆོས་གྲགས་རྒྱ་མཚོའི་ཞལ་སྔ་ནས་དང་། རྔུ་ཆོས་རྡོར་བ་དཔོན་སློབ་ཟུང་གིས་ཁོ་བོས་ཀྱང་འོང་བ་མི་ཡོང་མོད། འོན་ཀྱང་གྲུབ་ཐོབ་ཆེན་པོ་ཞིག་གིས་བྱིན་གྱིས་བརླབས་པའི་གནས་ས་བཀྲ་ཤིས་རྟགས་བརྒྱད་ཀྱི་དབྱིབས་སུ་བྱས་པ་

ཞིག་ཏུ་རིམ་གྱིས་དབང་བསྒྱུར་ནས། བརྒྱུད་པ་ཇེ་བཟང་དུ་འགྲོའོ་ཞེས་ལུང་བསྟན་མཛད། ཕྱིས་དེ་ཇི་ལྟ་བ་བཞིན་ཐོག་ཏུ་ཁེལ་བ་བྱུང་སྟེ། བསོད་ནམས་བཟང་པོ་དེ་ཉིད་རིམ་གྱིས་ལྕགས་ར་ན་གླིང་ཆེན་པོ་བདག་དྲུག་གི་སྤྱན་སྔར་འབྱོར། སྡེ་དགེ་

ཞེས་པའི་མཚན་ཡང་འདི་སྐབས་ཙམ་ནས་བྱུང་བར་གྲགས། དེ་ལ་སྲས་བཞི་བྱུང་བའི་གཉིས་པ་བོ་ཐར་དུ་གྲགས་པ་དེས་གྲུབ་པའི་དབང་ཕྱུག་ཐང་སྟོང་རྒྱལ་པོ་སྤྱན་དྲངས་ཏེ་གུས་པས་མཆོད། གྲུབ་ཆེན་གྱིས་དངུལ་མདའི་སྲིབ་རིའི་གཤམ་དུ་ཀླུ་གནས་

པའི་མཚོ་ཆུང་ངུ་ཞིག་ཡོད་པ་རྫུ་འཕྲུལ་གྱིས་བསུབས་ནས། དེར་གཙུག་ལག་ཁང་རྟེན་དང་བརྟེན་པར་བཅས་པ་བཞེངས་ཏེ། ཆོས་སྡེ་ཆེན་པོ་དཔལ་ལྷུན་གྲུབ་སྟེང་དུ་གྲགས་པ་འདིའི་བསྟན་པའི་རྨང་ཐོག་མར་ཚུགས། གཙུག་ལག་གཉི་གའི་རྟེན་འབྲེལ་གྱི་

སྒོ་ལྷུན་གྲུབ་ཏུ་འགྲིག་པར་གྱུར། དེའི་སྲས་གཉིས་ལས་བླ་མ་དཔལ་ལྡན་སེང་གེས་སྔར་གྱི་གཙུག་ལག་ཁང་ཡོད་པའི་ཉིན་རིའི་ཕྱོགས་སུ་འདུས་སྡེ་བཙུགས་པ་ལ་དེང་སང་ཉིན་དགོན་དུ་གྲགས། །ཅིག་ཤོས་རྒྱལ་མཚན་འབུམ་ལ་སྲས་བཞི་བྱུང་བའི་ཨ་སྔ་ཟེར་བ་

ལ་སྲས་བདུན་ཙམ་བྱུང་བའི་ཇོ་གདན་ནམ་མཁའ་ལྷུན་བཟང་གིས། རྡོ་རྗེ་འཇིགས་བྱེད་ལ་ཐུགས་དམ་ནན་ཏན་དུ་མཛད་པས། ཉེ་འཁོར་བ་རྣམས་ཀྱིས་རྡོ་རྗེ་འཇིགས་བྱེད་དུ་མཐོང་བ་དང་། བཟླས་པ་དུང་ཕྱུར་གྲུབ་པའི་ཚེ་ལྔགས་ཐོག་ཏུ་ལྕགས་ཀྱི་རིལ་བུ་རང་

Vol. 103 · folio 102b

རྡོལ་དུ་བྱུང་བ་སོགས་གྲུབ་པའི་མཚན་མ་བརྙེས། དེའི་མཆེད་ཡ་རྒྱལ་འཕེལ་ལ་སྲས་གསུམ་བྱུང་བའི་སྡེ་དགེ་ཀུན་དགའ་རིན་ཆེན་ནི་ལྷུན་གྲུབ་སྟེང་གི་བླ་བྲང་གི་ལྷ་ཁང་བཞེངས་པ་སོགས་སྐུ་བསོད་རྒྱས་པའི་འགོ་ཚུགས། བསྙེན་བསྒྲུབ་གནང་བའི་ཚེ་གཟིམས་

ཁང་ཐམས་ཅད་མེའི་ཕུང་པོར་གྱུར་པ་ཐམས་ཅད་ཀྱིས་མངོན་སུམ་དུ་མཐོང་བ་བྱུང་། དེའི་གཅུང་དབོན་ནམ་མཁའ་དང་རྡོ་རྗེ་ལྷུན་གྲུབ་གཉིས་བྱུང་བའི་ཕྱི་མ་ལས་ཉེ་བར་བརྒྱུད་དེ་ད་ལྟ་བླ་མ་བཀྲ་ཤིས་རྒྱ་མཚོ་སོགས་བཞུགས་པ་འདིའི་བར་རོ། །སྔ་མའི་སྲས་ལྷུན་

ཐུབ། དེ་ལ་སྲས་དྲུག་བྱུང་བའི་དང་པོ་ནི་རིག་འཛིན་རྒོད་ལྡེམ་ཅན་གྱི་སྤྲུལ་པའི་ཟློས་གར་དུ་གྲགས་པ་གྲུབ་ཐོབ་ཀུན་དགའ་རྒྱ་མཚོ་སྟེ། འདིས་གསང་སྔགས་གསར་རྙིང་སྤྱི་དང་། ཁྱད་པར་དུ་སྔགས་རྙིང་མའི་ཆོས་ཀྱིས་གྲུབ་པའི་མཚན་མ་བརྙེས། ལྐོག་

གྱུར་གྱི་གནས་ལུགས་སྟོན་པ་དང་། སྣང་བ་བདེན་མེད་དུ་གཟིགས་པས་སྲ་མཁྲེགས་ཀྱི་རྡོ་བ་འདམ་ལྟར་རྫི་བ་དང་། འབྱུང་པོ་གདུག་པ་ཅན་མང་པོ་འདུལ་བ་སོགས་ངོ་མཚར་གྱི་མཛད་པ་སྣ་ཚོགས་ཞིག་བསྟན་པར་གྲགས། གསུམ་པ་བླ་མ་དམ་ཆོས་ལྷུན་

གྲུབ་བམ། བྱམས་པ་ཕུན་ཚོགས་ཅེས་པ་དེས་སྔོན་གྱི་བསོད་ནམས་ཀྱི་ལས་ཤུགས་ཆེས་ཆེར་བདོ་བས་ཆབ་སྲིད་སྐྱོང་བའི་བྱ་བ་གཙོ་བོར་མཛད་ཅིང་། རིས་མེད་ཀྱི་ཆོས་སྡེ་མང་པོའི་བདག་པོར་གྱུར། ལྔ་བ་བླ་མ་ལྷ་སྲུང་ཐུགས་དམ་འབའ་ཞིག་ལ་བརྩོན་པར་

མཛད། དྲུག་པ་བླ་མ་ཀརྨ་བསམ་འགྲུབ་ཀརྨ་ཀཾ་ཚང་གི་གྲུབ་མཐའ་འཛིན་པ་ཞིག་སྟེ་དབོན་པོ་སྟོད་དུ་བཞུགས། སྲས་གཉིས་པ་དང་བཞི་བ་གཞིས་ཀར་བཞུགས་པའི་སྔ་མ་དབོན་ཀླུ་འཕེལ་གྱི་སྲས་རྣམས་ལས། དཔོན་ཆེན་ཀུན་དགའ་ཕུན་ཚོགས་ཀྱིས་ས་

སྐྱོང་དམ་པ་བྱམས་པ་ཕུན་ཚོགས་སྐུ་གཤེགས་ནས་གདན་སའི་ཁྲིར་ཕེབས་ཏེ། ལུགས་གཉིས་ཀྱི་སྲོལ་བཟང་པོ་བསྐྱངས་བར་མཛད་དོ། །ཁྱད་པར་གཏེར་གཞུང་འགའ་ཞིག་ལས་ཅོག་རོ་ཀླུའི་རྒྱལ་མཚན་གྱི་སྤྲུལ་པའི་ཟློས་གར་དུ་བཤད་པ་ཁྲི་ཆེན་སངས་རྒྱས་

Vol. 103 · folio 103a

བསྟན་པ་ནི། ལེགས་བྱས་ཀྱི་མཐུ་རྒྱ་ཆེན་པོས་འགྲན་དུ་མེད་པའི་དབང་བརྙེས་པར་གྱུར་ཏེ་གདན་སར་བཞུགས་ཁྲིར་ཕེབས་ནས་བདེ་བར་གཤེགས་པའི་བསྟན་པ་རིས་སུ་མ་ཆད་པ་ལ་མཆོད་པ་དང་བསྙེན་བཀུར་བ་དང་། གཙུག་ལག་ཁང་དང་འདུས་

པའི་སྡེ་མང་པོའི་ཉམས་གསོ་གསར་སྤེལ་སོགས་དང་། རྒྱལ་ཁམས་ལ་བྱམས་པས་གཟིགས་པའི་བཀའ་ཁྲིམས་དྲང་པོས་ཕན་བདེར་མཛད་པ་སོགས་ལུགས་གཉིས་ཀྱི་སྲོལ་བཟང་པོས་མངའ་རིས་ཐམས་ཅད་དཀར་པོར་བསྒྱུར་བར་མཛད། འདིའི་ཡུམ་མི་གཅིག་

པའི་གཅེན་པོ་དཔོན་ཨུ་རྒྱན་བཀྲ་ཤིས་སྲས་ས་སྐྱོང་བླ་མ་བསོད་ནམས་ཕུན་ཚོགས་ཀྱིས་དེའི་རྗེས་སུ་ཁྲི་བསྐྱངས་ཏེ། དེ་ནི་ཐུགས་སྒམ་ཞིང་ངང་རིང་བ། དཀྱེལ་ཆེ་བ་སོགས་ཡ་རབས་ཀྱི་སྐྱེས་བུའི་ཡོན་ཏན་དང་ལྡན་པ་ཞིག་གོ། །དེའི་མཆེད་ཡར་གྱུར་པ་དཔོན་དབང་

ཆེན་མགོན་པོའི་སྲས་མིའི་དབང་པོ་བསྟན་པ་ཚེ་རིང་ནི་ད་ལྟ་བཞུགས་ཁྲིར་ཕེབས་ནས་སྲིད་སྐྱོང་བཞིན་པ་ཡིན་ཏེ། འདི་ནི་རྣམ་དཀར་གྱི་བྱ་བ་རྒྱ་ཆེན་པོ་འདི་འགྲུབ་པའི་བདག་རྐྱེན་དངོས་སོ། །གསུམ་པ་བདག་རྐྱེན་བྱེད་པ་པོ་དེའི་ཡོན་ཏན་རང་ཉིད་ཀྱིས་ཇི་ལྟར་མཐོང་བ་

བཞིན་ངོ་བསྟོད་མེད་པར་བརྗོད་ན། ཚེ་རབས་མང་པོར་ལེགས་བྱས་རྒྱ་མཚོ་མངོན་པར་འདུ་བྱས་པའི་མཐུས་ཆུང་ངུ་ནས་དགེ་བའི་ངང་ཚུལ་ཅན། བླ་མ་དང་རྒན་རབས་སོགས་ཞེ་སར་འོས་པ་རྣམས་ལ་སྲི་ཞུ་ཆེ་བ། གསང་སྔགས་གསར་རྙིང་གི་ཡི་དམ་མང་པོའི་བསྐྱེད་

རྫོགས་ཀྱི་ཉམས་ལེན་ཐུན་གྲངས་སུ་བཅད་པའི་བཟླས་བརྗོད་དང་ཞལ་འདོན་སོགས་ཀྱི་བརྩོན་པ་མི་བཤོལ་བ།

སྟོབས་ཆེན་པོས་ངང་གིས་འཇུག་པ་ཞིག་སྟེ་བསྐལ་བཟང་སངས་རྒྱས་སྟོང་གི་སྐུ་བརྙན་སོ་སོའི་ཡབ་ཡུམ་སྲས་རིམ་གྲོ་པ་སོགས་འཁོར་དང་བཅས་པ་རི་མོར་བྲིས་པའི་ཞལ་ཐང་གྲངས་མང་ཞིང་སྤུས་ལེགས་པ་དང་། །རྒྱལ་བའི་བཀའ་འགྱུར་རོ་ཅོག་རིན་པོ་ཆེ་ལས་བཞེངས་པ་སོགས་

Vol. 103 · folio 103b

མཐའ་ཡས་ཤིང་སྲིད་སྐྱོང་གི་གོས་ཆེན་པོར་བཞུགས་པ་ནའང་། ཇི་སྐད་དུ། ལུགས་ཀྱི་བསྟན་བཅོས་ཤེས་རབ་སྡོང་བུ་ལས། །དམ་པ་མང་པོ་ཁས་འཆེ་མི་བྱེད་ལ། །གལ་ཏེ་དཀའ་བས་ཁས་ནི་བླངས་གྱུར་ན། །རྡོ་ལ་རི་མོ་བྲིས་པ་ལྟ་བུར་ནི། །ཤི་ཡང་གཞན་

དུ་བྱེད་པར་མི་འགྱུར་རོ། །ཞེས་གསུངས་པ་ལྟར་དམ་བཅས་པ་བརྟན་ཅིང་མི་འགྱུར་བ། ཤིན་ཏུ་ཐུགས་སྒམ་པས་སྒྲིན་པོ་རྣམས་ཀྱིས་ཀྱང་ཐུགས་བསམས་ཀྱི་གཏིང་མི་སླེབ་པ། སློབ་དཔོན་ཀླུས། དམན་པས་གང་ཚེ་ནོར་ནི་ཅུང་ཟད་རྙེད། །

འགྲོ་བ་ཐམས་ཅད་བརྙས་པའི་ང་རྒྱལ་ལྡན། །དམ་པ་ནོར་གྱི་འབྱོར་པ་ཐོབ་གྱུར་ཀྱང་། །སཱ་ལུ་སྨིན་པ་ལྟ་བུར་ཤིན་ཏུ་འདུད། །རིགས་དམའ་བ་ཡི་སེམས་ཅན་དག །ནོར་རམ་རིག་པ་རྙེད་གྱུར་ན། །འགྲོ་བ་ཀུན་ལ་རྩྭ་སྙམ་སེམས། །པགས་པ་

སྔོན་པོའི་ཝ་བཞིན་ནོ། །ནོར་རམ་རིག་པར་ལྡན་གྱུར་ན། །དམན་པ་རྣམས་ནི་དྲེགས་པར་འགྱུར། །གོ་འཕང་གཉིས་པོ་དེ་དག་གིས། །མཁས་པ་ཤིན་ཏུ་དུལ་བར་འགྱུར། །ཞེས་གསུངས་པ་ལྟར་འབྱོར་པའི་ཚོགས་ཤས་ཆེར་བདོ་བར་གྱུར་ཀྱང་ཐུགས་ཀུན་

ནས་དུལ་བས་ནམ་ཡང་དྲེགས་པ་མི་མངའ་བ། འབྱོར་པ་རྣམས་ཀྱང་འཕྲལ་འཕྲལ་དུ་དགེ་འདུན་གྱི་འདུ་སྒོ་དང་། དཀོན་མཆོག་གི་མཆོད་པ་དང་། སྐུ་གསུང་ཐུགས་ཀྱི་རྟེན་བཞེངས་པ་སོགས་ཆོས་ཀྱི་ཕྱོགས་སུ་ཟད་དུ་འཇུག་པ་ལས། དགྲ་འདུལ་

གཉེན་སྐྱོང་ལ་སོགས་པ་རྣམ་སྨིན་ཡིད་དུ་མི་འོང་བ་སྐྱེད་པའི་ཕྱོགས་ལ་ཟད་དུ་མི་འཇུག་པ་དང་། ཧ་ཅང་སོགས་འཇོག་ལ་སྲེད་པར་མི་མཛད་པ་སོགས་དམ་པའི་ཡོན་ཏན་ཐམས་ཅད་ཀྱིས་ཕྱུག་པ་སྟེ་དེའང་། གཙང་དུ་གདན་ས་ཆེན་པོ་ཨེ་ཝཾ་ཆོས་ལྡན་གྱི་གླིང་པ་སྤྱི་

ཁང་དང་འདི་གར་ཞབས་དྲུང་དཔལ་མཆོག་པས་བཞེངས་པའི་མཆོད་རྟེན་ཆེན་མོ་སོགས་གསར་བཞེངས་ལྟ་བུའི་རྟེན་དང་བརྟེན་པའི་ཉམས་པ་གསོ་བ་བགྲང་གིས་མི་ལང་བ་མཛད་པ་དང་། འགྲོ་བའི་མགོན་པོ་ས་སྐྱ་པ་གོང་མ་རྣམ་ལྔའི་བཀའ་འབུམ་སྐུ་པོད་དངོས་གཙང་བཅུ་

Vol. 103 · folio 104a

དྲུག །རིན་ཆེན་གཉིས་པ་ལས་གྲུབ་པའི་བསྟན་བཅོས་འགྱུར་རོ་འཚལ་གླེགས་བམ་ཉིས་བརྒྱ་དང་བདུན་ཡོད་པ་ཤིན་ཏུ་དངོས་གཙང་། རྒྱལ་བའི་བཀའ་འགྱུར་རོ་ཅོག་མཚལ་པར་མ་དང་། ཡང་རིན་ཆེན་དང་པོ་ཁོ་ན་ལས་བཞེངས་པའི་

བཀའ་འགྱུར་གླེགས་ཤིང་གླེགས་ཐག་ན་བཟའ་ཚུན་ཆོད་ཤིན་ཏུ་སྤུས་ལེགས་ལ་དངོས་གཙང་བ། ཙནྡན་དམར་པོ་ལས་གྲུབ་པའི་སངས་རྒྱས་སྟོང་སྐུ་ཐམས་ཅད་མཁྱིད་གང་ཙམ་པ། ཡང་ཙནྡན་དམར་པོའི་ཕྱེ་མའི་ལྡེ་གུ་ལས་གྲུབ་པའི་སངས་རྒྱས་སྟོང་སྐུ་ཐམས་ཅད་མཐོ་ཚད་

མ། ཙནྡན་དཀར་དམར་ལས་གྲུབ་པའི་སྐུ་གདུང་ཆ་བརྒྱད་བཟོ་བཀོད་ཕུན་སུམ་ཚོགས་པ། ཙན་འདམ་ལས་གྲུབ་པའི་ཆོས་རྒྱལ་ལོ་པཎ་བཞི་བཅུ་རྩ་ལྔའི་སྐུ་ཐམས་ཅད་བརྐྱང་ཁྲུ་གང་ལྷག་ཡོད་པ། ཙནྡན་དཀར་པོའི་ལྡེ་གུ་ཁོ་ན་ལས་གྲུབ་པའི་ལམ་འབྲས་ཀྱི་བླ་

རྒྱུད་ཐམས་ཅད་མཁྱིད་ཚད་མ། ཡང་གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་བླ་མ་བརྒྱུད་པ་རྣམས་ཀྱི་སྐུ་བརྙན་གསེར་ཟངས་ལས་གྲུབ་པ་ཐམས་ཅད་བརྐྱང་ཁྲུ་གང་དང་སོར་ལྔ་ལྷག་ཙམ་ཡོད་པ་ལྔ་བཅུ། ཁྱད་པར་གསེར་ཟངས་ལས་གྲུབ་པའི་བླ་མ་ཡི་དམ་སངས་

རྒྱས་བྱང་སེམས་ཆོས་སྲུང་ནོར་ལྷ་སོགས་ཀྱི་སྐུ་ལུགས་མ་ཤིན་ཏུ་དངོས་གཙང་བ་སུམ་བརྒྱ་ལྷག་ཙམ། ལྷུན་གྲུབ་སྟེང་གི་འདུ་ཁང་ཆུང་བ་གཉྫིར་བཅས། ལྕགས་རའི་འདུ་ཁང་རྒྱལ་མཚན་བཅས། སྤོམ་མཛངས་ཆོས་སྡེའི་འདུ་ཁང་། དཔལ་སྤུངས་སུ་ཁོ་བོ་ཅག་

གི་ལྷ་ཁང་འདུས་སྡེ་དང་བཅས་པ། །བླ་མ་ཀུན་ཆོས་པའི་སྐུ་གདུང་གཉྫིར་བཅས་སོགས་གསར་བཞེངས་ཁོ་ནའང་བགྲང་གིས་མི་ལང་ཞིང་ད་དུང་ཡང་སྒྲུབ་བཞིན་པ་དང་། ལོ་བསྟར་དུ་ཟབ་མོའི་རྣལ་འབྱོར་དང་ལྡན་པའི་དགེ་སྦྱོང་རྣམས་ལ་ཆོས་དང་མཐུན་པའི་ཡོན་ཕུན་

སུམ་ཚོགས་པ་སྩལ་ཏེ། ཡི་དམ་གྱི་ལྷ་རྣམས་ཀྱི་རྩ་སྔགས་དང་སྙིང་པོ་སོགས་དུང་ཕྱུར་ཕྲག་མང་པོར་ལང་བ་བཅད་རྒྱ་ཁོ་ནས་སོག་ཏུ་འཇུག་པ་སོགས་མཆོད་སྦྱིན་གྱི་ཁྱད་པར་རྒྱ་ཆེན་པོ་བསྒྲུབས་པ་རྣམས་ཀྱང་དེ་དང་མཚུངས་པ་སྟེ། སྐྱེས་རབས་དཔག་བསམ་འཁྲི་

Vol. 103 · folio 104b

ཤིང་ལས། མི་རྣམས་ནོར་ནི་དངུལ་ཆུའི་ཐིག་པ་ཁུ་ཚུར་དག་གིས་བསྡོམས་པའི་རྣམ་པར་མཐོང་། །དབུལ་དང་མགོན་མེད་རྣམས་ལ་སྟེར་ཞིང་ཉེ་བར་མཁོ་བར་གྱུར་པ་རབ་ཏུ་རྒྱས་པའི་དཔལ། །བསོད་ནམས་དགའ་ཚལ་གཙུག་ལག་ཁང་དང་མཆོད་རྟེན་

བཅོམ་ལྡན་སྐུ་གཟུགས་རབ་གནས་ལ་སོགས་ཀྱིས། །ནོར་ལྡན་འདི་ནི་གྲགས་པས་ལྷན་ཅིག་མི་བཟད་གནས་སུ་གང་ཞིག་གང་གིས་རྣམ་པར་མཛེས། །ཞེས་གསུངས་པ་ལྟ་བུ་དང་། སློབ་དཔོན་ཀླུས། ཕན་སེམས་ཆེ་བ་སྒྲིན་པའི་ཚུལ། །དྲང་པོའི་ཚུལ་

ནི་མི་སླུ་བ། །བག་ཡོད་ཉམ་ང་མེད་པ་ནི། །དེ་ནི་རྒྱལ་པོའི་ཚུལ་དུ་བཤད། །ཞེས་གསུངས་པ་ལྟར་ཐུགས་ཤིན་ཏུ་སྒྲིན་པས་ཕན་པའི་སེམས་ཀྱིས་མངའ་འབངས་ལ་སོགས་པ་བདེ་བར་སྐྱོང་བ། དྲང་པོའི་ཐུགས་དང་ལྡན་པས་གཡོ་སྒྱུས་སྐྱེ་བོ་སླུ་བར་མི་མཛད་པ།

བྱ་བ་ཐམས་ཅད་ལ་བག་ཡོད་ཅིང་ཉམ་ང་མེད་པའི་ཚུལ་གྱིས་སྤྱོད་པ་སྟེ། ཙ་ན་ཀའི་རྒྱལ་པོའི་ལུགས་ཀྱི་བསྟན་བཅོས་ལས། ཀུན་དགའ་ར་བའི་ཕྲེང་བརྒྱུད་ལྟར། །མེ་ཏོག་མེ་ཏོག་ཙམ་བཏུ་ཡི། །སོལ་བ་མཁན་ནི་ཇི་བཞིན་དུ། །རྩ་ནས་གཅད་པར་མི་བྱའོ། །འོ་

མ་བཞོས་ནས་འཐུང་བཞིན་དུ། །བ་ནི་གསད་པར་མི་བྱའོ། །དེ་བཞིན་རྒྱལ་པོས་ཡུལ་འཁོར་ནི། །དུས་ཤེས་ནས་ནི་ལོངས་སྤྱོད་བྱ། །བ་ཡི་བརླ་ནི་བཅག་གྱུར་ན། །བཞོ་བས་འོ་མ་ཐོབ་མི་འགྱུར། །དེ་བཞིན་ཡུལ་འཁོར་ཚུལ་མིན་པས། །གནོད་པ་བྱས་

ན་འཕེལ་མི་འགྱུར། །ཡུལ་འཁོར་སྦྲང་རྩི་ལྟར་སྤྱད་ཀྱི། སྦྲང་བུ་གསད་པར་མི་བྱའོ། །བ་ལས་བདག་པོས་བཞོ་བ་ལྟར། །རྒྱལ་པོས་ས་ནི་དེ་ལྟར་བསྐྱང་། །ཞེས་བཤད་པ་ལྟ་བུའི་ས་ལེགས་པར་སྐྱོང་བའི་ཚུལ་ཐམས་ཅད་ཕུན་སུམ་ཚོགས་པ། གཞན་

ཡང་། ས་བདག་རྟག་ཏུ་རྒྱུ་མེད་པར། ཁྲོ་གཉེར་དག་ནི་མི་བྱ་ཞིང་། །བྲན་གཡོག་ནོར་མེད་པར་མ་ཡིན། །རྒྱལ་པོས་ཆོས་ནི་བསྲུང་བར་བྱ། །ཞེས་སོགས་བཤད་པ་ལྟར་ཆོས་ཁོ་ནའི་རྗེས་སུ་སོང་བས་མཉེན་གཤིན་དེས་པའི་ངང་ཚུལ་ཅན། མ་བཏུལ་

Vol. 103 · folio 105a

བར་ཡང་ཕས་ཀྱི་རྒོལ་བ་རྣམས་རང་གི་ངང་གིས་འདུད་པ་ལྷུར་ལེན་པ་དང་། མངའ་ཞབས་ཀྱི་འབངས་རྣམས་ཀྱང་རྨ་མེད་པར་སྐྱོང་བཞིན་པ་ནས། དུས་ཕྱིས་གནམ་བསྐོས་འཇམ་དབྱངས་གོང་མ་ཆེན་པོས་བོད་ཡུལ་གྱི་ལྗོངས་འདི་ཉིད་བདག་

གིར་མངའ་བསྒྱུར་བ་ནའང་། མིའི་དབང་པོ་འདི་ཉིད་ཀྱི་ཡོན་ཏན་གྱི་ཁྱད་པར་རྣམས་སྙན་ལ་དེངས་པས་བསྔགས་བརྗོད་དང་བཅས་ཏེ་འབངས་ཀྱི་སྐྱེ་བོ་མི་ཁྱིམ་མང་པོ་ས་རིས་དང་བཅས་པ་གསར་དུ་སྦྱོར་འཇག་གི་བཀའ་དྲིན་མཛད་པ་སོགས་མཆོག་དམན་ཐམས་ཅད་ཀྱི་ཡིད་དམ་

པའི་ངང་ཚུལ་གྱིས་ཕྲོགས་པར་མཛད་པ་སྟེ་མདོར་ན་སྙིགས་མའི་མུན་ཀློང་སྟུག་པོར་གཡོ་བའི་དུས་འདི་ལྟ་བུར་ཆོས་ཀྱི་རྒྱལ་པོ་མྱ་ངན་མེད་སླར་ཡང་འོངས་པ་ལྟ་བུའི་ཕྲིན་ལས་ཅན་ཞིག་གོ། །མིའི་དབང་ཕྱུག་འདིའི་སྲས་གཉིས་པ་དང་གསུམ་པ་རབ་ཏུ་བྱུང་བའི་བརྟུལ་ཞུགས་

ཡང་དག་པར་ལེན་པར་མཛད་ལ། དང་པོས་སྲིད་འཛིན་པར་མཛད་པ་སྟེ་གསུམ་གའང་རང་བཞིན་གྱིས་དགེ་བ་ལ་འདུན་ཞིང་མི་འཕྲོག་བའི་བརྟན་པ་ཅན། །དཀྱེལ་ཆེ་ཞིང་གཟུ་བོར་གནས་པ། གཙུག་ལག་ལུགས་གཉིས་ཀྱི་མཁྱེན་པ་རྣམ་པར་རྒྱས་པ་སོགས། མ་སུ་

རཀྵས་བྱས་པའི་ལུགས་ཀྱི་བསྟན་བཅོས་ལས། བརྟན་ཞིང་ཟབ་མོའི་བློ་དང་ལྡན། །མདངས་ལྡན་ཆོས་དང་བསྟན་བཅོས་རིག །དུལ་ཞིང་བདེན་པར་སྨྲ་བ་དང་། །རྒྱལ་པོའི་འཁོར་ལ་ཕན་པར་སེམས། །རིགས་བཙུན་རྒྱུད་ནི་མཉེན་པ་དང་། །བླ་མ་ལ་ནི་གུས་ཉན་

དང་། །སྐྱེ་དགུ་རྗེས་བརྩེར་ལྡན་པ་ཡི། །རྒྱུད་བྱུང་དེ་ནི་རྒྱལ་སྲས་ཡིན། །ཞེས་བཤད་པ་ལྟ་བུའི་ཡོན་ཏན་དང་ལྡན་ཞིང་། བཙུན་མོ་དམ་པ་དག་ཀྱང་། རྒྱ་ཆེ་རོལ་པ་ལས། རྒྱགས་པ་མ་མཆིས་མི་གཡེང་ཟུངས་ཐུབ་ཚུལ་འཆང་ཞིང་། །ང་རྒྱལ་མ་མཆིས་འགྱིང་

དང་བྲལ་བས་བྲན་མོ་བཞིན། །སྒྲ་དྲི་རོ་ལ་མ་ཆགས་ཆང་ལ་མ་ཆགས་ཏེ། །འདོད་བྲལ་བརྣབ་སེམས་མ་མཆིས་རང་གི་ནོར་གྱིས་འཚལ། །བདེན་ལ་གནས་ཤིང་མི་འཕྱར་གཡེང་བ་མ་ལགས་པ། །ངོ་ཚའི་གོས་འཚལ་རྒོད་དང་ཁེངས་པ་མ་མཆིས་གནས། །

Vol. 103 · folio 105b

ལྟ་དང་བཀྲ་ཤིས་མ་ཆགས་རྟག་ཏུ་ཆོས་ལ་བརྩོན། །ཞེས་གསུངས་པའི་ཚུལ་དང་མཐུན་པ། དེ་བཞིན་དུ་མ་སུ་རཀྵས། ཚིག་གསལ་བློ་ནི་ཕུན་སུམ་ཚོགས། །ལུགས་ཀྱི་བསྟན་བཅོས་དག་ལ་མཁས། །ངང་འཇམ་དཔྱོད་པར་བྱེད་པ་སྟེ། །རྒྱལ་པོའི་

བློན་པོ་དེ་འདྲས་བྱ། །ཞེས་བཤད་པ་ལྟ་བུའི་བློན་པོ་དང་། ཚེ་ཡི་རིག་བྱེད་གོམས་པ་དང་། །ཆོས་རིག་ཡིད་འོང་སྙན་སྨྲ་ཞིང་། །ཆོ་ག་ངང་ཚུལ་ཕུན་སུམ་ཚོགས། །ཐང་ལ་འབར་བཞིན་གསོ་མཁས་ཤིང་། ནད་ཀྱི་མཚན་ཉིད་ཀུན་ལ་མཁས། །རྒྱལ་

པོ་དེ་འདྲའི་སྨན་པ་བསྟེན། །ཞེས་པ་ལྟ་བུའི་སྨན་པ་དང་། སྒྲ་རིག་རྩིས་ཀྱང་ཤེས་པ་སྟེ། །ཡི་གེ་བྱང་ཞིང་ལག་པ་མྱུར། །ཡིད་གཞུང་ཚིག་ནི་གསལ་བ་དང་། །གྲགས་དང་སྦྱིན་ལྡན་ཡི་གེ་པ། །ཞེས་པ་ལྟ་བུའི་དྲུང་ཡིག་པ་དང་། རིགས་དང་ངང་

ཚུལ་ཡོན་ཏན་ལྡན། །བདེན་དང་ཆོས་ལ་མཆོག་ཏུ་གཞོལ། །གཟུགས་བྱད་ཤིན་ཏུ་བཟང་བ་ནི། །རྒྱལ་པོའི་སྤྱན་མི་ཡིན་པར་བཤད། །ཅེས་པ་ལྟ་བུའི་ནང་བློན་རྣམས་དང་། མཚོན་ལ་གོམས་ཤིང་ནུས་དང་ལྡན། །བཞོན་པ་དག་ལ་བྱ་བཞིན་

གོམས། །དཔའ་ཞིང་བརྟན་པ་ཕུན་སུམ་ཚོགས། །དེ་འདྲ་དམག་དཔོན་ཡིན་པར་ཤེས། །ཞེས་པ་ལྟ་བུའི་དམག་དཔོན་དང་། ཕ་མེས་རྒྱུད་བྱུང་གྲིམས་པར་ཤེས། །བསྟན་བཅོས་རིག་ཅིང་ཞིམ་པར་འཚེད། །གཙང་སྦྲ་ཆེ་ཞིང་སྙིང་ཉེ་བ། །དེ་ལྟ་བུ་

ཡིས་ཕྱག་ཚང་བྱ། །ཞེས་པ་ལྟ་བུའི་ཕྱག་ཚང་པ་དང་། ཡིད་གཞུངས་ཚིག་གསལ་ཤེས་རབ་ལྡན། །གཞན་སེམས་ཉེ་བར་མཚོན་ནུས་དང་། །བརྟན་ཞིང་ཇི་སྐད་བསྒོ་བཞིན་སྨྲ། །རྒྱལ་པོའི་ཕོ་ཉ་དེ་འདྲས་བྱ། །ཞེས་པ་ལྟ་བུའི་མངག་གཞུག་པ་སོགས་མདོར་

ན་བསྟན་བཅོས་དང་མཐུན་པའི་རྒྱལ་པོའི་ཡན་ལག་རྣམས་ཀྱང་ལེགས་པར་ཚང་བ་ཡིན་ནོ། །རྩ་བའི་ས་བཅང་གཉིས་པ་རྒྱལ་བའི་གསུང་རབ་པར་དུ་འཁོད་པའི་རྣམ་དཀར་གྱི་བྱ་བ་དངོས་སྨོས་པ་ལ། བཞེངས་པའི་དུས་དང་། ཕྱི་མོ་ཇི་ལྟར་བསགས་ཤིང་དག་

Vol. 103 · folio 106a

པར་བགྱིས་པའི་ཚུལ་དང་། བཞེངས་ཚུལ་དངོས་སོ། །དང་པོ་ནི། སྤྱིར་བསྐལ་པ་ཆེན་པོ་བཟང་པོ་འདི་ལ་ཆགས་པའི་དུས་དང་། གནས་པའི་དུས་དང་། འཇིག་པའི་དུས་དང་གསུམ་གནས་པའི་བསྐལ་པ་དེ་ལའང་ཡ་ཐོག་རིང་མོ་དང་།

མ་ཐོག་རིང་མོ་དང་། བར་གྱི་ཁུག་པ་བཅོ་བརྒྱད་དུ་གྲགས་པ་སྟེ་བར་བསྐལ་ཉི་ཤུ་ཡོད་པ་ལས། ཡ་ཐོག་རིང་མོའི་གཤམ་གྱི་དུས་ཏེ། དེའང་ཐུབ་པའི་བསྟན་པ་ལུང་གི་དུས་ཀྱི་ལྔ་བརྒྱ་བ་ཕྲག་གསུམ་ལས་དཀྱིལ་སྨད་ཙམ་དུ་ཕྱིན་པ་བདག་ཅག་གི་སྟོན་པ་རྣམ་འདྲེན་

བཞི་བ་ཤཱཀྱའི་དབང་པོ་ས་དེ་ཉིད་ཞིང་འདིའི་ངོ་སྐལ་གྱི་སྤྲུལ་པའི་སྣང་བརྙན་ཉེ་བར་བསྟན་ནས་ད་ལྟའི་བར་གྱི་འདས་ལོའི་ཚུལ་ལ་མཁས་པ་དག་གིས་དཔྱད་པས་བཞེད་པ་མི་མཐུན་པ་མང་དུ་བྱུང་བ་ལས། དེང་སང་ཡོངས་སུ་གྲགས་པ་པད་དཀར་ཞལ་ལུང་པའི་ལུགས་ཀྱིས་སྟོན་

པ་དྲག་པོ་ལྕགས་སྤྲེལ་ས་ག་ཟླ་བའི་ཚེས་བདུན་ཟླ་སྐར་རྒྱལ་གྱི་དུས་སུ་སྐུ་བལྟམ་པ་ནས། བགྲང་བྱ་ཉིས་སྟོང་དང་དྲུག་བརྒྱ་བརྒྱད་ཅུ་རྩ་དགུ་འདས་ཤིང་། རྒྱལ་བ་ཤིང་རྟ་ས་ག་ཟླ་བའི་བཅོ་ལྔ་ལ་མངོན་པར་རྫོགས་པར་སངས་རྒྱས་ནས། ལོ་དེའི་ཆུ་སྟོད་ཅན་གྱི་

ཚེས་བཞིར་ལྔ་སྡེ་ལ་ཆོས་ཀྱི་འཁོར་ལོ་བསྐོར་ནས་ཉིས་སྟོང་དྲུག་བརྒྱ་ལྔ་བཅུ་རྩ་ལྔ་འདས་པ། དེ་བཞིན་དུ་ལྕགས་འབྲུག་ནག་ཉ་ས་ག་ཟླ་བའི་ཚེས་བཅོ་ལྔའི་གུང་ཐུན་ལ་དགོངས་པ་ཞི་དབྱིངས་སུ་མནལ་བའི་ཚུལ་བསྟན་ནས་ཉིས་སྟོང་དྲུག་བརྒྱ་དགུ་འདས་ཤིང་། ཆོས་རྗེ་

ས་སྐྱ་པའི་ལུགས་ཀྱིས་སྟོན་པ་རྣམ་འབྱུང་ས་འབྲུག་ལ་སྐུ་བལྟམ་ཞིང་། ཐམས་ཅད་འདུལ་ས་ཕག་ལོར་གཤེགས་ནས་སུམ་སྟོང་བརྒྱད་བརྒྱ་དྲུག་ཅུ་རྩ་གཅིག་འདས་པ། ཁ་ཆེ་པཎ་ཆེན་ཤཱཀྱ་ཤྲཱིའི་ལུགས་ཀྱིས་མེ་མོ་སྦྲུལ་ལ་སྐུ་བལྟམ་ཞིང་མེ་བྱི་ལོར་གཤེགས་ནས་

ཉིས་སྟོང་ཉིས་བརྒྱ་བདུན་ཅུ་དོན་གཅིག་འདས་པ། ཇོ་བོ་རྗེ་དཔལ་ལྡན་ཨ་ཏི་ཤའི་བཞེད་པས་ཤིང་མོ་གླང་ལ་སྐུ་བལྟམ་ཞིང་ཤིང་སྤྲེལ་ལ་གཤེགས་པའི་ཚུལ་བསྟན་ནས་སུམ་སྟོང་བརྒྱད་བརྒྱ་དྲུག་ཅུ་རྩ་བཞི་འདས་པ། སྟོབས་ཀྱི་འཁོར་ལོས་སྒྱུར་བ་གནམ་

Vol. 103 · folio 106b

སྐོས་གོང་མ་ཆེན་པོ་གཡུང་ཅིན་གསེར་ཁྲིར་ཕེབས་ནས་ཉག་མ་བདུན་ཐལ་བ། མིའི་དབང་པོ་འདི་ཉིད་དགུང་ལོ་ལྔ་བཅུ་རྩ་གཉིས་སུ་ཕེབས་པ། བདེ་མཆོག་སྟོད་འགྲེལ་ལྟར་ན་སཽ་མྱ་ཞེས་པ་ཞི་བར་གྲགས་ཤིང་། ཤར་ཕྱོགས་ཏོང་ཀུའི་རྒྱལ་ཁམས་སུ་གྱི་

ཡེའུར་བོད་པ་ས་མོ་བྱའི་ལོ་སྨེ་ཕྲེང་དང་པོ་འབྱུང་བ་སུམ་ལྡན་ཕུར་བུ་ཀླུང་དུ་ཞུགས་པའི་དུས། དེ་ལའང་ཉི་མ་ལྷོར་བསྒྲོད་པ་དང་བྱང་དུ་བསྒྲོད་པའི་དུས་གཉིས་ཡོད་པ་ལས་སྔ་མ།

པའི་ཡོན་ཏན་དང་ལྡན་པ་སྟོན་ཀའི་དུས། དགུན་དང་དཔྱིད་དང་དབྱར་དང་དབྱར་ཐུང་དང་དབྱར་རིང་པོ་སྟེ་དུས་ལྔ་ལས་ཕྱི་མ། ཟླ་བ་བཅུ་གཉིས་ལས་ཧོར་ལུགས་ཀྱི་ཟླ་བ་བདུན་པར་གྲགས་པ། ཏོང་ཀུའི་རྒྱལ་ཁམས་པའི་ལུགས་ཀྱིས་སྟོན་ར་བ་སྤྲེའུའི་

ཟླ་བ། འཕགས་པའི་ཡུལ་དུ་ཤྲབཎར་གྲགས་པ་རྒྱུ་སྐར་གྲོ་བཞིན་གྱིས་ཉ་བའི་དཀར་ཕྱོགས། གང་བ་གཉིས་པའི་ཚེས། རེས་གཟའ་མཛའ་ལྷའི་གྲོགས་པོའི་འཛུམ་མདངས་རྒྱུ་སྐར་གྱི་ལྷ་མོ་ཨ་ནུ་རཱ་དྷཱའི་བཞིན་གྱི་པདྨོར་འཕོས་པ། འཆི་མེད་གྲུབ་པའི་སྦྱོར་བ།

དུས་འཁོར་བའི་ལུགས་ཀྱི་དབྱངས་ཨོ། གསལ་བྱེད་ཕོ། འབྱུང་བ་ཆུ། འདོད་ཡོན་གཟུགས། དབྱངས་འཆར་བའི་ལུགས་ཀྱི་དབྱངས་ཨེ། གསལ་བྱེད་ར། འབྱུང་བ་རླུང་། འདོད་ཡོན་རེག་བྱ་སོགས་འཆར་བའི་དུས་ཕུན་སུམ་ཚོགས་པ་ལ། ས་སྐྱོང་

ཆེན་པོས་ཐོག་མ་མེད་པའི་དུས་ནས་བསགས་པའི་ལེགས་བྱས་ཀྱི་མཐུ་རྒྱ་ཆེན་པོ་བརྟས་པ་ལས་སླར་ཡང་ལེགས་བྱས་ཀྱི་ལམ་རྒྱ་ཆེན་པོ་འདི་ལྟ་བུ་བསྒྲུབ་པ་ལ་སྤྲོ་བ་ཆེན་པོ་ཟླ་བ་མཐོང་བའི་རྒྱ་མཚོ་བཞིན་དུ་འཕེལ་བར་གྱུར་ཏེ། རྒྱ་ཆེན་པོའི་གནས་འདི་ལྟ་བུ་ལ་སྤྱོད་མི་

ནུས་སོ་སྙམ་པའི་ཞུམ་པ་དང་། གནས་འདི་ཚེགས་ཀྱིས་སྤྱད་པ་གཞན་གྱིས་བསྒྲུབ་མི་ནུས་པས་བདག་ཉིད་ཁོ་ན་མཆོག་ཡིན་གྱི་གཞན་དག་ནི་སྦྲང་བུ་ལྟ་བུའོ་སྙམ་པའི་ཁེངས་པ་དང་། འདི་ལྟ་བུ་སྤྱད་པར་འོས་པ་ཡིན་མོད་ཀྱི་འོན་ཀྱང་རྒྱུ་འདི་ལས་མཛོད་དང་བང་བ་

Vol. 103 · folio 107a

རྣམས་ཧ་ཅང་འབྲི་བར་འགྱུར་རོ་སྙམ་པའི་སེར་སྣ་ལ་སོགས་པ་རིང་དུ་སྤངས་ནས། བདུད་དང་བདུད་ཀྱི་རིས་དག་གིས་དངོས་དང་བརྒྱུད་ནས་བར་ཆད་རྩོམ་ཞིང་ཐབས་དུ་མས་བཤོལ་བར་བྱེད་ཀྱང་སྙིང་སྟོབས་ཀྱི་གོ་ཆ་ལྷོད་པར་མི་འགྱུར་བའི་བརྟན་པའི་བློ་གྲོས་

ཆེན་པོས་ཐོག་མར་མགོ་རྩོམ་པའི་ལས་ཀྱི་གྲྭ་འཛུགས་པར་མཛད་ཡིན་ནོ། །གཉིས་པ་ནི་བྱ་བ་ལས་ཀྱི་འཁོར་ལོ་ཆེན་པོ་དེའི་ཐོག་མར་ཡི་གེའི་ཕྱི་མོ་རྣམ་པར་དག་པ་བསགས་ནས་ཞུས་དག་མཛད་པ་ཡིན་ཏེ། དེའང་གཙོ་བོར་དེང་སང་གངས་རིའི་ཁྲོད་འདིར་གྲགས་ཆེ་བ་ཚལ་

པ་བཀའ་འགྱུར་དང་། རྒྱལ་རྩེ་ཐེམ་སྤང་མར་གྲགས་པ་གཉིས་ཀྱི་རྒྱུན་ཡིན་པས་དེའི་ཁུངས་བཙལ་ཞིང་ཞུས་དག་གིས་གཏན་ལ་ཕབ་པའི་ཚུལ་ནི། བསྟན་པ་སྔ་དར་གྱི་དུས་སུ་ཆོས་ཀྱི་རྒྱལ་པོ་སད་ན་ལེགས་མཇིང་ཡོན་གྱི་སྐུ་རིང་ལ། ལོ་ཙཱ་བ་བནྡེ་དཔལ་བརྩེགས་

རཀྴི་ཏ། ཆོས་ཀྱི་སྙིང་པོ། དེ་ཝེནྡ། དཔལ་གྱི་ལྷུན་པོ་སོགས་ཀྱིས་འཕང་ཐང་ཀ་མེད་ཀྱི་གཙུག་ལག་ཁང་དུ་བཞུགས་པའི་གསུང་རབ་རྣམས་ལ། ཚེག་བར་བརྒྱད་བརྒྱད་ལ་ཚིག་རྐང་རེ་རེ། དེ་བཞི་ལ་ཤློ་ཀ །དེ་སུམ་བརྒྱ་ལ་སོགས་པ་ལ་བམ་པོའི་ཚད་དུ་

བྱས་ཏེ་གྲངས་དེས་གཞལ་བའི་ཐེམ་བྱང་མ་འཁྲུལ་བར་ཆོས་ཚན་འདི་དང་འདི་ལ་གྲངས་འདི་དང་འདིའོ་ཞེས་བཀོད་པ་དཀར་ཆག་འཕང་ཐང་མར་གྲགས་པ་སྟེ། གངས་ཅན་འདིར་རྒྱལ་བའི་བཀའ་འགྱུར་རོ་ཅོག་ཕྱོགས་གཅིག་ཏུ་བསྒྲིགས་པའི་ཐོག་མ་ནི་འདི་ཡིན་ནོ་ཞེས་

ཡོངས་སུ་གྲགས་ལ། དེའི་རྗེས་སུ་ལོ་ཙཱ་བ་དཔལ་བརྩེགས་དང་། འཁོན་ནཱ་གེནྡྲ་རཀྵི་ཏ་སོགས་ཀྱིས་སྟོང་ཐང་ལྡན་དཀར་གྱི་ཕོ་བྲང་ཆེན་པོ་ན་བཞུགས་པའི་གསུང་རབ་ཞུས་ཆེན་མཛད་ཟིན་པ་རྣམས་ཕྱོགས་གཅིག་ཏུ་བསྒྲིགས་ནས་དཀར་ཆག་མཛད་པ་ལ་ལྡན་དཀར་

མར་གྲགས་པ་བྱུང་། དེའི་རྗེས་སུ་བཙན་པོ་ཁྲི་ལྡེ་སྲོང་བཙན་རལ་པ་ཅན་གྱི་སྐུ་རིང་ལ་ཕོ་བྲང་འོན་ལྗང་རྡོ་རྒྱ་ཕུབས་དགུ་ཐོག་མར་སྔོན་རྒྱལ་བའི་གསུང་རབ་བསྒྱུར་བ་རྣམས་སྐད་གསར་བཅད་ཀྱིས་གཏན་ལ་ཕབ་པ་དང་གསར་དུའང་མང་པོ་བསྒྱུར་ཏེ་སྒྲ་སྦྱོར་བམ་གཉིས་སུ།

Vol. 103 · folio 107b

ཉི་འོག་གི་མཁན་པོ་ཨཱ་ཙཱརྱ་ཛི་ན་མི་ཏྲ་དང་། སུ་རེནྡྲ་བྷོ་དྷི་དང་། ཤཱི་ལེནྡྲ་བྷོ་དྷི་དང་། དཱ་ན་ཤཱི་ལ་དང་། བོ་དྷི་མི་ཏྲ་དང་། བོད་ཀྱི་མཁན་པོ་རཏྣ་རཀྵི་ཏ་དང་། དྷརྨ་ཏཱ་ཤཱི་ལ་དང་། ལོ་ཙཱ་བ་མཁས་པར་ཆུད་པ་ཛྙཱ་ན་སེ་ན་དང་། ཛ་ཡ་རཀྵི་ཏ་དང་། མཉྩ་ཤྲཱི་ཝརྨ་དང་།

རཏྣནྡྲ་ཤཱི་ལ་ལ་སོགས་པས་ཐེག་པ་ཆེ་ཆུང་ལས་བྱུང་བའི་རྒྱ་གར་གྱི་སྐད་ལས་བོད་ཀྱི་སྐད་དུ་བསྒྱུར་ཅིང་མིང་དུ་བཏགས་པ་རྣམས་དཀར་ཆག་ཏུ་བྲིས་ཏེ། ནམ་དུ་ཡང་གཞུང་ལུགས་དེ་ལས་མི་བསྒྱུར་ཞིང་ཀུན་གྱིས་བསླབ་ཏུ་རུང་བར་གྱིས་ཤིག་ཅེས་བཀའ་སྩལ་ནས། སྔོན་ལྷ་

སྲས་ཡབ་ཀྱི་རིང་ལ། ཨཱ་ཙཱརྱ་བོ་དྷི་ས་ཏྭ་དང་། ཡེ་ཤེས་དབང་པོ་དང་། ཞང་རྒྱལ་ཉེན་ཉ་བཟང་དང་། བློན་ཁྲི་བཞེར་སང་ཤི་དང་། ལོ་ཙཱ་བ་ཛྙཱ་དེ་ཝ་ཀོ་ཥ་དང་། ཅེ་ཁྱི་འབྲུག་དང་། བྲམ་ཟེ་ཨཱ་ནནྡ་ལ་སོགས་པས་ཆོས་ཀྱི་སྐད་བོད་ལ་མ་གྲགས་པ་ལས་མིང་དུ་བཏགས་

པའི་དག་ཅིག་མཆིས་པའི་ནང་ནས། ཁ་ཅིག་ཆོས་ཀྱི་གཞུང་དང་། བྱཱ་ཀ་ར་ཎའི་ལུགས་དང་མི་མཐུན་ཏེ། མི་བཅོས་སུ་མི་རུང་བ་རྣམས་ཀྱང་བཅོས། སྐད་ཀྱི་མིང་གཅེས་སོ་འཚལ་གྱིས་ཀྱང་བསྣན་ནས། ཐེག་པ་ཆེ་ཆུང་གི་གཞུང་ལས་ཇི་ལྟར་འབྱུང་བ་དང་།

གནའི་མཁན་པོ་ཆེན་པོ་ནཱ་ག་རྫུ་ན་དང་། བ་སུ་བནྡྷུ་ལ་སོགས་པས་ཇི་ལྟར་བཤད་པ་དང་། བྱཱ་ཀ་ར་ཎའི་སྒྲའི་ལུགས་ལས་ཇི་སྐད་དུ་འདྲེན་པ་དང་ཡང་བསྟུན་ཏེ། མཇལ་དཀའ་བ་རྣམས་ཀྱང་ཚིག་སོ་སོར་ཕྲལ་ནས་གཏན་ཚིགས་ཀྱིས་བཤད་དེ་གཞུང་དུ་བྲིས། སྐད་

རྐྱང་པ་བཤད་མི་འཚལ་བ་སྒྲ་བཞིན་དུ་བསྒྱུར་བར་རིགས་པ་རྣམས་ཀྱང་སྒྲ་བཙན་པར་བགྱིས་ཏེ་མིང་དུ་བཏགས། སྐད་ཁ་ཅིག་དོན་བཞིན་དུ་གདགས་པར་རིགས་པ་རྣམས་ཀྱང་དོན་བཙན་པར་བགྱིས་ཏེ་མིང་དུ་བཏགས་ནས་བཙན་པོའི་སྤྱན་སྔར་བནྡེ་ཆེན་པོ་ཡོན་ཏན་འོད་དང་།

བནྡེ་ཆེན་པོ་ཏིང་ངེ་འཛིན་ལ་སོགས་པ་ཡང་འཚོགས་ཏེ་རྗེ་བློན་གདན་འཛོམ་པ་ལ་ཞུས་ནས་དྷརྨ་བསྒྱུར་བའི་ཐབས་དང་། རྒྱ་གར་གྱི་སྐད་ལ་བོད་ཀྱི་སྐད་དུ་མིང་གདགས་པ་རྣམས་གཏན་ལ་ཕབ་སྟེ་བཀས་བཅད་པ། ཞེས་འབྱུང་ཞིང་། དཀར་ཆག་ཆེན་མོ་དེ་དག་མཛད་

Vol. 103 · folio 108a

པའི་སྐབས་སུ་གསང་སྔགས་ནང་གི་རྒྱུད་སྡེ་ཟབ་མོ་རྣམས་གསང་ནས་སྤྱོད་པ་ཉིད་ཡིན་པའི་ཕྱིར་ཡོངས་གྲགས་སུ་ཐེམ་བྱང་དུ་མ་བཏབ་བོ། །བསྟན་པ་ཕྱི་དར་གྱི་ཚེ་སྔར་གྱི་རྣམས་ཕལ་ཆེར་ཡོད་པའི་སྟེང་དུ་སྤྲུལ་པའི་ལོ་ཙཱ་བ་ཆེན་པོ་རྣམས་ཀྱིས་མདོ་

རྒྱུད་མང་དུ་བསྒྱུར་ཅིང་བསྣན་པར་མཛད་པ་ཡིན་མོད་ཀྱི་རེ་ཞིག་ཕྱོགས་གཅིག་ཏུ་བསྡུས་ནས་དཀར་ཆག་འདེབས་པ་པོ་མ་བྱུང་ལ། །ཕྱིས་མཁས་པ་བཅོམ་རལ་པའི་སློབ་མ་འཇམ་དགག་པཀྵིས་ཧོར་ཡུལ་ནས་བཀའ་འགྱུར་བཞེངས་པའི་མཐུན་རྐྱེན་གྱི་ཡོ་བྱད་མང་པོ་

བསྐུར་བ་ལ་བརྟེན་ནས་འདུལ་བ་ལུང་གི་མ་ཕྱི་མཆིམས་ཆེན་པོ་ནམ་མཁའ་གྲགས་ཀྱིས་དགེ་བའི་བཤེས་གཉེན་རྒྱ་འདུལ་བ་འཛིན་པ་ཞལ་བཞུགས་པའི་དུས་ན། དགེ་བའི་བཤེས་གཉེན་ཆེན་པོ་འདུལ་བ་འཛིན་པ་ཞིང་མོ་ཆེ་པ་བྱང་ཆུབ་སེང་གེས་གཉེར་མཛད་ནས། ལུང་

ཕྲན་ཚེགས་ཀྱི་བམ་པོ་བཅུ་གཉིས་མ་ཚང་བ་དང་། གཞུང་བླ་མའི་ཞུ་བ་མ་རྫོགས་པ་བམ་པོ་བཅུ་གཉིས་དང་། སྡོམ་ཚིག་ཡིག་ཚར་གཉིས་མ་ཚང་བ་རྣམས་བསམ་ཡས་མཆིམས་ཕུ་ལ་སོགས་པ་དབུས་གཙང་གི་གཙུག་ལག་ཁང་རྣམས་ནས་བཙལ་ཏེ། ལ་སྟོད་

འོལ་རྒོད་ཀྱི་གཙུག་ལག་ཁང་དུ་གནས་བརྟན་དྷརྨ་སེང་གེས་ལུང་སྡེ་བཞི་ཚང་བར་བཞེངས་པ་སྣར་ཐང་གི་གཙུག་ལག་ཁང་དུ་གདན་དྲངས་ཏེ་དེ་ལ་དཔེ་ཕྱི་མཛད་ནས་བཞེངས་པ་དང་། གཞན་ཡང་ཆུ་མིག་རིང་མོའི་གཙུག་ལག་ཁང་དང་། རུང་ཀླུང་ཤོད་གྲོག་གི་གཙུག་

ལག་ཁང་གི་འདུལ་བ་ལུང་ལ་སོགས་པ་རྣམས་ལ་གཏུགས་པ་ཡིན་ཞིང་། མདོ་མང་གི་སྐོར་རྣམས་ཀྱི་མ་ཕྱི་འགྲོ་མགོན་ཆོས་རྒྱལ་འཕགས་པའི་ཐུགས་དམ་རྟེན་ལྷ་མིའི་རྒྱན་མཆོག་ཏུ་གྲགས་པ་དང་། གཙང་ཆུ་མིག་རིང་མོའི་གཙུག་ལག་ཁང་གི་མདོ་མང་རྣམས་ཀྱི་

ནང་ནས་མཆོག་ཏུ་གྱུར་པ་དགེ་བའི་བཤེས་གཉེན་འདར་ཕྱར་གྱིས་བཞེངས་པའི་མདོ་མང་འདར་ཕྱིར་མ་ཞེས་གྲགས་པ་དང་། འབྲང་མཚམས་ཕུག་ཆུང་མ་ཞེས་གྲགས་པ་དང་། དགའ་འབར་མ་ཞེས་གྲགས་པ་དང་། དཔལ་སྣར་ཐང་གི་གཙུག་ལག་ཁང་གི་མདོ་

Vol. 103 · folio 108b

མང་རྣམས་ཀྱི་མཆོག་ཏུ་གྱུར་པ་མཁན་པོ་ཆེན་པོ་མཆིམས་ཀྱི་ཐུགས་དམ་མདོ་མང་གསེར་གཞུང་མ་དང་། ཕྱུག་རྒྱལ་མ་དང་། དགོན་གསར་མ་ལ་སོགས་པ་རྣམས་དང་། གཞན་ཡང་བླ་མ་གྲུ་སྤང་རྩ་བའི་ཐུགས་དམ་མདོ་མང་འཛམ་གླིང་རྒྱན་དང་། ཤོག་

ཆུང་གི་གཙུག་ལག་ཁང་གི་མདོ་མང་དྲུག་ཅུ་རྩ་གཉིས་དུ་མ་དང་། སྤུན་གསུམ་གྱི་གཙུག་ལག་ཁང་གི་མདོ་མང་དང་། ཞ་ལུ་གསེར་ཁང་གི་གཙུག་ལག་ཁང་གི་མདོ་མང་གཞི་མ་དང་། སྨོན་ད་རྡོ་ཞེས་གྲགས་པ་ལ་སོགས་པ་མདོ་སྣ་མང་ཞིང་གོ་རིམ་ལེགས་པ་རྣམས་དང་

བསྟུན་པ་དང་། ཤེར་ཕྱོགས་འབུམ་ལ། བཙན་པོ་ཁྲི་སྲོང་ལྡེའུ་བཙན་གྱི་སྐུ་རིང་ལ་རེག་ཟིག་སྔོ་དམར་སོགས་འབུམ་ཚར་དྲུག་ཙམ་ཡོད་པར་གྲགས་ཤིང་། དེ་ལས་མཆེད་པའི་ཁྲི་ལྡེ་སྲོང་བཙན་གྱི་དུས་སུ་བཞེངས་པའི་བླ་འབུམ་ཆེན་མོ་ཁྲི་གཙུག་གི་བླ་འབུམ་སྐྱ་

བོ། མཇིང་ཡོན་གྱི་སྡུག་འབུམ། གཙང་མིའི་བྱེ་འབུམ། རལ་པ་ཅན་གྱི་དྲུག་འབུམ། གནམ་སྡེ་ལྷའི་ཞལ་དམར་ཅན། དར་མའི་ཤོག་སེར་ཅན་སོགས་དང་། འབངས་ཀྱིས་བཞེངས་པའི་འབུམ་ཚར་བཅུ་དགུ་སོགས་དང་། དེ་དག་རྣམས་ལས་མཆེད་

པ་ཤིན་ཏུ་མང་བར་བཞུགས་པའི་རྒྱུན་ལས་བར་སྐབས་སུ་མ་ཉམས་མ་བསླད་པའི་ཕྱི་མོ་རྣམས་ལ་དབུས་པ་བློ་གསལ་དང་། ལོ་ཙཱ་བ་བསོད་ནམས་འོད་ཟེར་དང་། རྒྱང་རོ་བྱང་ཆུབ་འབུམ་སོགས་མཁས་པ་མང་པོས་སྒོ་བསྟུན་ཏེ་དག་པར་གཏན་ལ་ཕབ་པ་དང་།

གསང་སྔགས་རྒྱུད་འབུམ་གྱི་མ་ཕྱིའང་བླ་མ་རྗེ་བཙུན་ཆེན་པོ་གྲགས་པ་རྒྱལ་མཚན་གྱི་ཞལ་སྔ་ནས་དང་། བླ་མ་ཆེན་པོ་ཆོས་ཀྱི་རྒྱལ་པོས་མཛད་པའི་རྒྱུད་ཀྱི་དཀར་ཆག་དང་། སློབ་དཔོན་ཆེན་པོ་རིག་པའི་རལ་གྲིས་མཛད་པའི་རྒྱུད་ཀྱི་དཀར་ཆག་རྒྱུད་འབུམ་རྒྱན་

གྱི་མེ་ཏོག་སོགས་ལ་བརྟེན་ནས་གདན་ས་ཆེན་པོ་དཔལ་ས་སྐྱའི་རྒྱུད་འབུམ་དང་། ཤཱཀྱའི་དགེ་སློང་རྡོ་རྗེ་འཛིན་པ་ཆེན་པོ་གསེར་སྡིངས་པས་ཞུས་དག་གོ་རིམ་མཛད་ནས། དགེ་བའི་བཤེས་གཉེན་སྐྱེ་མེད་སྟོན་ཤེས་བཞེངས་པའི་རྒྱུད་འབུམ་དང་། དཔལ་

Vol. 103 · folio 109a

ཐར་པ་གླིང་གི་གཙུག་ལག་ཁང་གི་དགེ་བཤེས་འདར་ཕྱར་གྱིས་བཞེངས་པའི་རྒྱུད་འབུམ་དང་། བླ་མ་གྲུ་སྤང་རྩ་བའི་ཕྱག་དཔེ་དང་། འོད་དགའ་སྤུན་གསུམ་གྱི་གཙུག་ལག་ཁང་གི་རྒྱུད་འབུམ་ལ་སོགས་པ། རྒྱུད་ཡང་དག་པ་

གྲངས་མང་ཞིང་། གོ་རིམ་ལེགས་ལ་དག་པ་རྣམས་ཡིན་ཞིང་། གཞན་ཡང་དེར་མ་འདུས་པའི་ཕྱི་མོ་རྣམས་ཀྱང་ཁུངས་བཟང་ཞིང་། དཔྱད་པ་གསུམ་གྱིས་གཏན་ལ་ཕབ་པ་ཁོ་ན་ལ་དཔེར་མཛད་དེ། དཔལ་སྣར་ཐང་གི་གཙུག་ལག་ཁང་

ཆེན་པོར། ཤཱཀྱའི་དགེ་སློང་འཇམ་པའི་དབྱངས་ཀྱིས་བཞེངས་ནས་དཀར་ཆག་ཏུ་བཏབ་པ་སྣར་ཐང་བཀའ་འགྱུར་དུ་གྲགས། གཙོ་བོར་དེ་ཉིད་ལ་མ་ཕྱི་བྱས་ཏེ། ཚལ་པ་སི་ཏུ་དགེ་བའི་བློ་གྲོས་ཀྱིས་ཚལ་གུང་ཐང་གི་གཙུག་ལག་ཁང་དུ་བཞེངས་པ་

ཚལ་པ་བཀའ་འགྱུར་དུ་གྲགས་ཤིང་། །དེ་ཉིད་ལ་གཞོན་ཚུལ་ཤཱཀྱ་རྒྱལ་མཚན་དང་། ཀརྨ་པ་ཆོས་གྲགས་རྒྱ་མཚོ་དང་། ཀུན་མཁྱེན་མི་བསྐྱོད་རྡོ་རྗེ་དང་། ཞྭ་དམར་སྤྱན་སྔ་ཆོས་ཀྱི་གྲགས་པ་དང་། འགོས་ལོ་གཞོན་ནུ་དཔལ་སོགས་

མཁས་པ་མང་པོས་ལེགས་པར་བརྟགས་ཤིང་དཔྱད་ནས། ཞུས་དག་མཛད་ཅིང་མཚན་བུ་བཏབ་པ་སོགས་བོད་ཡུལ་དུ་འགྲན་ཟླ་ཐམས་ཅད་དང་བྲལ་བའི་ཁུངས་ཐུབ་ཀྱི་ཕྱི་མོ་དམ་པར་གྱུར་ཏེ་འཕྱིང་པ་སྟག་རྩེའི་ཕོ་བྲང་དུ་བཞུགས་པ། ཕྱིས་འཇང་

ཡུལ་གྱི་རྒྱལ་པོ་ཀརྨ་མི་ཕམ་བསོད་ནམས་རབ་བརྟན་གྱིས་བསོད་ནམས་ཀྱི་ལས་ཤུགས་ཆེན་པོས་སྤྱན་དྲངས་ཏེ། །གཙོ་བོར་མ་ཕྱི་དེ་ཉིད་དང་། རྒྱུད་ཀྱི་སྐོར་སྟག་ལུང་རྒྱུད་འབུམ་དང་ཡང་སྒོ་བསྟུན་ནས། ཐམས་ཅད་མཁྱེན་པ་ཞྭ་དམར་དྲུག་པས་ཀྱང་

ལྗགས་ཞུས་མཛད་དེ་པར་དུ་བསྒྲུབས་པ། དུས་དབང་གིས་ད་ལྟ་ལི་ཐང་བྱམས་ཆེན་རྣམ་པར་རྒྱལ་བའི་ཆོས་སྡེར་བཞུགས་པ་འདིའི་པར་མ་གཞིར་བཞག་ཅིང་། དེའི་སྟེང་དུ་ཨ་གཉེན་པཀྵིའི་ཐུགས་དམ་རྟེན་གྱི་བཀའ་འགྱུར་ཤིན་ཏུ་དག་པ་དང་། གཞན་

Vol. 103 · folio 109b

ཡང་དཔེ་རྒྱུན་རྙིང་མ་ཁུངས་བཙུན་འགའ་ཞིག་གོ་བསྡུར་ནས། མཁས་བཙུན་དམ་པ་བཀྲ་ཤིས་དབང་ཕྱུག་གིས་ཚིག་ཟུར་ཕྲ་མོའི་སྣོན་འབྲིད་ཁ་ཤས་མཛད་པ་དང་། ཡང་རྒྱལ་རྩེ་ཆོས་རྒྱལ་གྱིས་སྣར་ཐང་བཀའ་འགྱུར་ལ་མ་ཕྱི་བྱས་ཏེ་བཞེངས་པའི་ཚེ། སྙིགས་དུས་

ཀྱི་ཐམས་ཅད་མཁྱེན་པ་བུ་སྟོན་རིན་པོ་ཆེས། །དཔྱད་པ་གསུམ་གྱིས་གཏན་ལ་ཕབ་ཅིང་ཞུས་དག་མཛད་ནས་དཀར་ཆག་ཀྱང་བསྒྲིགས། དེ་ལ་མ་ཕྱི་བྱས་པའི་རྒྱུན་ལས། འཕགས་མཆོག་འཇིག་རྟེན་དབང་ཕྱུག་མིའི་ཟོལ་འཛིན་ངག་དབང་བློ་བཟང་རྒྱ་མཚོའི་ཞལ་སྔ་ནས་

དཀའ་སྩལ་པ་བཞིན། སའི་ཚངས་པ་བསོད་ནམས་རབ་བརྟན་གྱིས། དཔལ་ཐང་པོ་ཆེའི་གཙུག་ལག་ཁང་དུ་བཞེངས་པའི་བཀའ་འགྱུར་སྐྱ་པོད་ཤིན་ཏུ་དངོས་གཙང་བ། བོད་ཆེན་ལྗོངས་ཀྱི་སྐྱེ་དགུ་རྣམས་བསོད་ནམས་མངོན་པར་འཕེལ་བའི་སླད་

དང་། ཕྱི་མོ་ཕུན་སུམ་ཚོགས་པས་གསུང་རབ་རྣམས་ལ་ལོག་པར་བརྟགས་པའི་རྙོག་མ་བགྲུང་བར་བགྱིད་པའི་སླད་དུ་མདོ་སྟོད་ལྷོ་རྫོང་གི་ཕོ་བྲང་དུ་བཞུགས་སུ་བཅུག་པ་སྤྱན་དྲངས་ཏེ། དེ་དང་ཡང་སྒོ་བསྟུན་ནས་རིག་པར་སྨྲ་བའི་བློ་གསལ་དུ་མས་འབད་པ་ཆེན་པོས་

མི་བཅོས་སུ་མི་རུང་བ་འགའ་ཞིག་བཅོས་ཏེ་དག་པར་བགྱིས་པའི་ཐོག །ཁོ་བོ་ལའང་མིའི་དབང་པོའི་བཀའ་ནན་གསེར་སྦྲམ་ལྟར་ལྕི་བ་སྩལ་བས། ཐུན་མོང་ལྕགས་ཁྱི་ལོ། དབོ་ཟླ་བའི་དཀར་ཕྱོགས་ཀྱི་རྒྱལ་བ་དང་པོའི་ཚེས་ནས་བརྩམས་ཏེ།

སླར་ཡང་ཞུས་དག་གི་ཁུར་བླངས་པ་ཡིན་ནོ། །དེའང་སྤྱིར་འཇིང་པར་གྱི་བཀའ་འགྱུར་འདི་ཉིད། དམ་པ་མང་པོའི་དཔྱད་པ་ཐེམས་པ་གོང་སྨོས་ལྟར་གྱིས་གཞི་ཤིན་ཏུ་དག་པར་འདུག་ནའང་། པར་དུ་འཁོད་སྐབས་ཐམས་ཅད་མཁྱེན་པ་ཆོས་ཀྱི་དབང་

ཕྱུག་གིས་ཐར་ཆགས་སུ་ལྗགས་ཞུས་མ་གྲུབ་པ་དང་། །ཆོས་གཟབས་ཆེས་པས། དོ་དམ་པ་རྣམས་ཀྱི་དཔྱོད་པས་མ་ཁྱབ་པའི་ཤོག་བུ་གོང་འོག་འཁྲུགས་པ་དང་། ཆད་ལྷག་ཕྲན་བུ་སོགས་ཀྱི་སྐྱོན་ཅུང་ཟད་སྣང་བ། ལྷོ་རྫོང་

Vol. 103 · folio 110a

བཀའ་འགྱུར་ལ་བརྟེན་ནས་དག་པར་བཅོས། དེར་མི་བཞུགས་པའི་མདོ་རྒྱུད་ཚད་ལྡན་འགའ་ཞིག་ལྷོ་རྫོང་བཀའ་འགྱུར་དང་གཞན་ལས་རྙེད་པའང་བསབས། འདུལ་བ་ཕྲན་ཚེགས་སོགས་ལ་ཆད་ངེས་

པ་འགའ་ཞིག་འགྲེལ་པ་དང་བསྟུན་ནས་ཐེམ་སྤང་མ་བཞིན་བཅུག །ཁྱད་པར་སྔགས་ཀྱི་སྐོར་ལ། ངན་སོང་སྦྱོང་རྒྱུད་བརྟག་པ་ཕྱོགས་གཅིག་པ་དང་། གསང་བ་འདུས་པ་དང་། དཔལ་གཏུམ་པོ་ཁྲོ་བོའི་རྒྱུད་དང་། ཀྱེ་

རྡོར་བརྟག་གཉིས་དང་། བདེ་མཆོག་ཉུང་ངུ་དང་། བདེ་མཆོག་སྡོམ་འབྱུང་རྣམས་རྒྱ་དཔེའི་སྟེང་ནས་ཞུས་དག་བྱས་ཤིང་། རྒྱ་དཔེའི་ཁུངས་མི་གཅིག་པའི་ཚིག་ཁྱད་བྱུང་བ་རྣམས་སོ་སོའི་རྒྱ་འགྲེལ་ལ་ལེགས་པར་བརྟགས་

ནས་གཏན་ལ་ཕབ། གཞན་རྒྱ་འགྲེལ་ཡོད་རིགས་ཕལ་ཆེར་ལ་ཐེ་ཚོམ་གང་བྱུང་དུ་འགྲེལ་པ་ཉིད་ཀྱིས་བཅོས། གསང་སྔགས་རྣམས་ཀྱང་སྔགས་བཏུ་ཡོད་པའི་རིགས་ལ་དེ་ཉིད་དང་བསྟུན། མེད་པ་རྣམས་ལའང་མཐའ་

གཅིག་ཏུ་སཾ་སྐྲྀ་ཏའི་སྐད་དུ་ངོས་བཟུང་བྱར་མི་བཏུབ་པ་འགྲོ་ལྡིང་བའི་སྐད་དང་། པི་ཤཱ་ཙིའི་སྐད་དང་། ཟུར་ཆག་དང་། གསང་བའི་བརྡའི་སྐད་ལ་སོགས་པ་ཅན་རྣམས་ནི་དཔེ་མཐུན་ཤས་ཆེ་བ་གཙོ་བོར་བཟུང་། ལེགས་སྦྱར་དངོས་

ཡིན་པ་རྣམས་ལའང་སྒྲའི་གཞུང་རྣམས་དང་བསྟུན་པར་རང་ཉིད་ཀྱི་བློས་དཔོག་པ་རྣམས་དེ་བཞིན་དུ་བགྱིས། བློས་མི་དཔོག་པ་རྣམས་རང་སོར་བཞག །ཡིག་སྡེབ་ཀྱི་སྦྱོར་བའང་སྔོན་གྱི་དཔེ་རྒྱུན་རྣམས་སུ་འདྲ་མིན་མང་དུ་བྱུང་བ།

དེའང་དང་པོ་ཐུ་མི་སཾ་བྷོ་ཊས་བོད་ཀྱི་སྐད་ལ་ཉེ་བར་མཁོ་བའི་སྒྲའི་བསྟན་བཅོས་བརྒྱད་མཛད་པར་གྲགས་པ། ཕྱི་དར་གྱི་དུས་སུ་སུམ་རྟགས་གཉིས་ལས་གཞན་མི་བཞུགས་ཤིང་། ཕྱིས་ཀྱི་མཁས་པ་དག་གིས་གཞུང་དེ་

Vol. 103 · folio 110b

གཉིས་རང་ལ་བརྟེན་པ་དང་། ཡིག་རྙིང་རྣམས་དང་ཡང་སྒོ་བསྟུན་ནས་བརྡ་དག་གི་བསྟན་བཅོས་རྣམས་བརྩམས་པ་ཡིན་མོད། འོན་ཀྱང་རྩ་བར་ཡན་ལག་མ་ཚང་བའི་རྒྱུས་དོན་འགའ་ཞིག་མི་གསལ་བ་དང་། མ་རྫོགས་པ་

རྣམས་ལ་རང་སྟོབས་ཀྱིས་དཔྱད་པའི་ཚུལ་མི་མཚུངས་པ་སྣ་ཚོགས་བྱུང་བའི་རྒྱུ་མཚན་གྱིས་ཡིན་པས། འདིར་ཡང་མཐའ་གཅིག་ཏུ་ངེས་པ་མ་བྱས་པར། འདུལ་མདོ་རྒྱུད་གསུམ་སོ་སོར་སྡེབ་སྦྱོར་གྱི་སྲོལ་མཚུངས་པར་བྱས།

ནང་གསེས་སུ་སྡེབ་སྦྱོར་ཅུང་མི་འདྲ་བ་ཕྱོགས་གང་བྱས་ཀྱང་སྐྱོན་དུ་མི་འགྱུར་སྙམ་པ་རྣམས་འདྲ་མིན་དེ་ཀ་སོར་བཞག་ལས། གཅིག་འགྲོས་ཁོ་ན་མ་བྱས་ཤིང་། མ་མྱ་དང་ས་སྩོགས་དང་རལ་གྲི་ལ་རལ་གྱི་སོགས། ཡུལ་སྐད་

ལ་ཤོར་བར་གྲགས་པ་རྣམས་མཁས་པ་དག་གིས་ཀྱང་མི་བཞེད་པས་དོར། ད་དྲག་ནི་སུམ་རྟགས་ཀྱི་དགོངས་པར་འབྱོར་མོད་ཀྱི་ཕྱིས་བློ་ལྡན་ཤེས་རབ་སོགས་ཀྱིས་ཡི་གེ་ཟོར་ཡང་བའི་ཆེད་དུ་བསྡུས་པ་བཞིན་དུ་བྱས་ཏེ།

དབུའི་རྒྱ་སྐད་རྣམས་ལེགས་སྦྱར་ཁོ་ན་ལྟར་བཅོས་པ་དང་། གཞི་ཟུར་ཆག་ཅན་འགའ་ཞིག་རང་མལ་དུ་བཞག །ཡུལ་དང་མེ་ཏོག་དང་སྲོག་ཆགས་ལ་སོགས་པའི་མིང་ལེགས་སྦྱར་དུ་ཡོད་པ་རྣམས་དང་། མདོ་

ཕྱོགས་ལ་སྔོན་གྱི་ལོ་ཙཱ་བ་དག་གིས་བོད་ཀྱིས་ཇི་བཞིན་ཀློག་བདེ་བའི་ཁྱད་ཀྱིས། གོ་ཏ་མ་ལ་འགོའུ་ཏ་མ་སོགས་བྲིས་པ་ལྟ་བུ་དང་། ལེགས་སྦྱར་ཉིད་དང་མཐུན་པ་སོགས་ཅི་རིགས་པར་སྣང་བས་དེ་ག་ལྟར་སོར་བཞག་

ལ། མི་བཅོས་སུ་མི་རུང་བ་འགའ་ཞིག་བཅོས། སྔགས་སྐོར་རྣམས་ལ་དཔྱད་བཟོད་པ་དག་ལེགས་སྦྱར་ཉིད་དང་སྒོ་བསྟུན་ནས་བཅོས་པ་སོགས་མདོར་ན། བཀས་བཅད་བྱེ་བྲག་ཏུ་རྟོགས་བྱེད་ཆེན་མོ་དང་། སྒྲ་སྦྱོར་

Vol. 103 · folio 111a

བམ་པོ་གཉིས་པ་དང་། ཐོན་མིའི་སུམ་རྟགས་དང་། སྨྲ་སྒོ་རྩ་འགྲེལ་དང་། གཞན་ཡང་མཁས་པ་དག་གིས་བརྩམས་པའི་བརྡ་ལེགས་པར་སྦྱོར་བའི་བསྟན་བཅོས་རྣམས་དང་བསྟུན་ཏེ།

སྔོན་རྗེས་ཀྱི་འཇུག་པ་གཉིས། དེ་དགོས་པ་ཅིའི་ཕྱིར་ཚུལ་ཇི་ལྟར་འཇུག་པ། དེ་སོ་སོའི་རྟགས་ཀྱི་དབྱེ་བ་དང་དུས་གསུམ་གྱི་སྒྲུབ་པ་ཐ་དད་པ། དེ་ལའང་སྤྱིར་བཏང་དམིགས་བསལ། ཚིག་ཕྱི་མ་དང་སྦྲེལ་བའི་མཚམས་

སྦྱོར། རྣམ་དབྱེ་དང་ཚིག་ཕྲད་ལ་སོགས་པ་ཚུལ་ཇི་ལྟ་བ་བཞིན་དུ་བགྱིས་ཏེ། ཁོ་བོས་ངག་བཀོད་བྱས་པ་བཞིན་དུ་བློ་གསལ་གཞན་དག་གིས་ལན་མང་དུ་བསྒྲགས་ནས་ཞུས་དག་ལེགས་པར་བགྱིས་ཤིང་། དོགས་

གནས་ཆེ་བ་རྣམས་དཔྱིས་ཕྱིན་པར་རང་ཉིད་ཀྱིས་གཏན་ལ་ཕབ་སྟེ། གསུང་རབ་བཞུགས་ཚོགས་ཆེས་པ་དང་། ཞུས་དག་མཁན་པོ་བློ་གྲོས་དམན་པས་ཕྱེ་མ་ལེབ་ཀྱིས་ནམ་མཁའི་མཐའ་ཉུལ་བ་ལྟ་བུར་གྱུར་པའི་ཕྱིར་

མ་རྟོགས་པ་དང་། ལོག་པར་རྟོག་པ་གཏན་མེད་དོ་ཞེས་སྨྲ་བར་མི་ནུས་ཀྱང་། སྔོན་ཙཱི་ནའི་ཡུལ་དུ་གོང་མ་ཏཱ་མིན་གཡུང་ལོ་ཆེན་པོས་བཀའ་འགྱུར་རོ་ཅོག་གི་པར་བཞེངས་པ་དང་། འདི་ཉིད་ཀྱི་མ་ཕྱི་ས་ཐམ་རྒྱལ་པོས་བཞེངས་

པ་འདི་སོགས་ལས་ཁྱད་པར་དུ་འཕགས་ཤིང་དཔྱོད་ལྡན་གྱིས་ཡིད་རྟོན་པའི་གནས་སུ་འོས་པར་སེམས་སོ། །གསུམ་པ་བཞེངས་ཚུལ་དངོས་ནི་པར་ཡིག་འབྲི་བའི་ཡོ་བྱད་ཀྱི་ཤོག་བུ་དང་སྣག་ཚ་ལ་སོགས་པ་དང་། པར་གཞིའི་ཤིང་རྣམས་

དང་བཅས་པ་ཐམས་ཅད་ལ་དབང་ཡོད་ཀྱིས་མི་སེར་བསྐུལ་ཅིང་ཁྲལ་ལེན་པ་སོགས་མི་མཛད་པ་སྨོས་ཅི་དགོས། ཀོ་རིན་ཐང་ཡུལ་དུས་ལ་དཔག་པ་ལས་ལྷག་པར་སྩལ་ཏེ། ཐམས་ཅད་རྒྱུ་དག་ཅིང་ཕུན་སུམ་ཚོགས་པར་མཛད་ནས། གཟབས་མ་འདྲི་བའི་

Vol. 103 · folio 111b

ཡི་གེ་པ་སྔ་སོར་བོད་ཆེན་གྱི་ལྗོངས་འདིར་ཧ་ཅང་མཁས་པ་མེད་མོད་ཀྱི། ལེགས་བྱས་རྒྱ་ཆེན་པོ་འདིའི་དབུ་བཙུགས་པ་ཙམ་ནས་མ་བོས་པར་ཡང་བསོད་ནམས་ཆེན་པོའི་མགྲོན་དུ་འོངས་པའི་ཡི་གེ་པ་མང་པོ་འདུས་པ་ལ་སོ་སོའི་ཡོ་བྱད་ཐམས་ཅད་

བླ་ནས་སྦྱར་ཏེ། འཇམ་དབྱངས་སྤྲུལ་པ་ཐོན་མི་སཾ་བྷོ་ཊའི་རྣམ་དཔྱོད་ཀྱི་ཟློས་གར་ལས། བོད་ཡུལ་གྱི་ཡི་གེ་གསར་དུ་བྱོན་པ་ནས་བརྩམས་ཏེ། ཕྱིས་ཁྱུང་པོ་གཡུ་ཁྲིས་ཐིག་ཁོངས་ནས་དྲངས་ཤིང་རོང་པོས་ལྷན་ཐབས་མཛད་པའི་རྒྱུན་

ཇི་ལྟ་བ་བཞིན་དུ་མ་ཆོས་ཉི་ཤུ་རྩ་གཅིག །བུ་ཆོས་བཅུ་དྲུག །སྤྱི་ཆོས་གསུམ་བཅས་ཆོས་བཞི་བཅུའི་མཚན་ཉིད་ཚང་བར་འབད་པ་ཆེན་པོས་སྦྱོང་བརྡར་བྱེད་དུ་འཇུག་པ་གནང་ནས། དེ་དག་དུས་ཐུང་དུར་བྱངས་ཤིང་མཁས་པར་གྱུར་པ།

དཔོན་ཡིག་པ་དྲུག་ཅུ་ལྷག་ཙམ་གྱིས་ལྷུན་གྲུབ་སྟེང་གི་བླ་བྲང་ཆེན་པོའི་ནང་དུ་པར་ཡིག་འབྲི་བའི་གྲྭ་བཙུགས་པ་དང་། དེ་བཞིན་དུ་པར་བརྐོས་པ་བཞི་བརྒྱ་ལྷག་དང་། ཞུས་དག་པ་བཅུ་སྐོར། ཤིང་བཟོ་བ། ཤོག་བུ་མཁན་པོ།

སྣག་ལས་པ། ཤོག་ལས་པ་སོགས་ལས་ཚན་ཤིན་ཏུ་མང་བ་བར་མ་ཆད་དུ་བསྟེན་པའི་རིམ་པས་ཞུས་དག་ཟིན་པ་དང་པར་ཡིག་འདྲི། དེ་ཟིན་ནས་པར་ཡིག་ལ་ཡིག་མཁན་སོ་སོས་བར་ཞུས་ལན་གཉིས་དང་། ཞུས་དག་མཁན་པོ་རྣམས་ཀྱིས་

ལན་གཉིས་ཏེ་བཞི་བཞིར་ཞུས་དག་བྱེད། དེ་ཟིན་ནས་པར་བརྐོས་པ་རྣམས་ལ་སོ་སོར་སྤྲོད་པ་སོགས་ལས་སྤྱིའི་དོ་དམ་པ་གྲུབ་དབང་བྱང་ཆུབ་གླིང་པའི་དབོན་རྒྱུད་དུ་སྐྱེས་ཤིང་བརྡ་དག་པར་བྱེད་པའི་སྦྱོར་བ་སོགས་ལ་མཁས་པས་གསུང་རབ་ལ་ལྟ་བའི་མིག་གྲུངས་པོར་གྱུར་པ་དགེ་སློང་ཀརྨ་

དཔལ་གྲུབ་དང་། མི་དབང་ཉིད་ཀྱི་ཞབས་ཕྱི་ནང་འཁོར་བ་ཡིག་རྩིས་དང་སྒྱུ་རྩལ་སོགས་ལ་བྱང་ཞིང་གཞུང་དྲང་ལ་ཚུགས་ཐུབ་པ། ཁོག་ཡངས་ལ་དཀྱེལ་ཆེ་བ། ཕྱི་རྒྱ་བསྲུངས་ནས་ཞིབ་ཏིག་མི་འཆོར་བ་སོགས་ཡ་རབས་ཀྱི་ཡོན་ཏན་དང་ལྡན་པ་དྲུང་ཡིག་ཚེ་རིང་འཕེལ་གྱིས་བྱས་

Vol. 103 · folio 112a

ཏེ་ས་བྱ་ནས་ཆུ་གླང་བར་བགྲང་བྱ་ལྔའི་ངོ་མཐོང་བར་བརྩོན་པ་ཆེན་པོས་བསྒྲུབས་པ་ཡིན་ནོ། །དེ་ལ་དེ་དེ་དག་གི་ཚེ་ན་དུས་ནར་མར་སྦྱར་དགོས་པའི་བཟའ་བཏུང་དང་། བར་བར་དུ་སྟོན་མོ་དང་། དགའ་སྤྲོའི་གསོལ་རས་སོགས་བཟང་ཞིང་རྒྱ་ཆེ་བ་མི་བགྲང་བར་ལས་ཚན་སོ་སོའི་ཡོན་དང་

པར་ཤིང་སོགས་ཀྱི་རིན་ཐང་རགས་པ་ཞིག་བསྡོམས་པར་གླེགས་བམ་བརྒྱ་ཕྲག་གཅིག་དང་རྙིང་རྒྱུད་དུམ་གསུམ་བཅས་ལ་བཟང་ཇ་སྤོབ་རྩེ་སྟོང་ཕྲག་བདུན་དང་དྲུག་བརྒྱ་ཉེར་གཉིས་སོང་བས་མཚོན། །ནམ་ཡང་ཞུམ་པ་མེད་པའི་གཏོང་བ་ཆེན་པོའི་ཕྱག་ལེགས་པར་བརྐྱངས་པས་

ཐམས་ཅད་དགའ་བ་དང་མགུ་བ་དང་རངས་པའི་མཆོག་ཏུ་གྱུར་ཏོ། །དེ་ལྟར་པར་དུ་བསྒྲུབས་ཟིན་ནས་ཀྱང་ཞུས་དག་ལན་མང་དུ་བགྱིས་ཏེ་ཡིད་རྟོན་རུང་བར་གྱུར་པ་དེ་མ་ཐག་ཐམས་ཅད་མཁྱེན་པ་རྡོ་རྗེ་འཆང་ཀུན་དགའ་བཟང་པོའི་རྒྱལ་ཚབ་ཏུ་སེང་གེའི་ཁྲི་ཆེན་པོར་མངའ་

གསོལ་བ་མཁན་ཆེན་མངྒ་ལའི་མཚན་ཅན་གྱིས་རྡོ་རྗེའི་སློབ་དཔོན་གྱི་བྱ་བ་མཛད་དེ་ལྷ་སྔགས་ཏིང་ངེ་འཛིན་གྱི་རྣལ་འབྱོར་ལ་གོམས་པ་བརྟས་པའི་རིག་པ་འཛིན་པ་མང་པོ་དང་ཐབས་ཅིག་ཏུ་དཔལ་དགྱེས་པ་རྡོ་རྗེའི་དཀྱིལ་འཁོར་ལ་བརྟེན་ནས་ཡེ་ཤེས་པ་མངོན་སུམ་དུ་གཞུག་

པར་མཛད་པ་སོགས་རབ་ཏུ་གནས་པའི་ཆོ་ག་སྦྱོར་དངོས་མཇུག་གི་རིམ་པ་ཚང་ཞིང་མ་འཁྲུགས་པ་ལན་དུ་མར་བསྐྱར་ནས་འགྲོ་བ་ལྷ་དང་བཅས་པ་ཐམས་ཅད་ཀྱིས་མཆོད་པའི་གནས་ཟླ་མེད་པ། འདོད་པ་ལེགས་དགུ་ཅོག་ཐམས་ཅད་འབྱོར་པར་བྱེད་པའི་རིན་པོ་ཆེ་ཆེན་པོ་སྐྱེ་

འགྲོའི་བདེ་སྐྱིད་དང་། སངས་རྒྱས་ཀྱི་བསྟན་པའི་རྩ་ལག་ཆེན་པོར་གྱུར་པ་འདི་གྲུབ་པ་ཡིན་ནོ། །འདིར་སྨྲས་པ། མི་བདག་ས་ཡི་ཚངས་པ་ཆེས། །ཆོས་དོན་འདོད་ཐར་གདོང་བཞི་ལས། །ལེགས་སྤྱད་རིག་བྱེད་འདི་ཕྱུང་བས། །ནོར་འཛིན་དཔལ་མོ་ཀུན་དགར་གྱུར། །གང་གི་གྲགས་

པ་གངྒཱའི་རྒྱུན། །ལམ་གསུམ་ཉིད་དུ་འོངས་པ་ན། །སྲིད་པ་དགུ་ཅན་ལས་སྐྱེས་པའི། །ཉེས་པ་དེ་དག་རིང་དུ་སོང་། །ལེགས་བྱས་རྒྱ་ཆེན་འདི་བསྟེན་པའི། །ཀུན་བཟོད་དཀྱིལ་འཁོར་ཕྲག་པ་ལ། །མངོན་པར་བཀོད་པའི་ལྷག་མ་ཅན། །ལྟོས་འགྲོའི་སྙེམས་པ་འདིར་ལྟོས་ཤིག །

Vol. 103 · folio 112b

དབྲོག་པར་བྱས་སོ་སྙིགས་མའི་དུས། །མཚན་མོར་གྱུར་ལ་མི་སྦྱིན་སྐྱེས། །རྩོད་པའི་ཐ་མར་མཆོད་སྡོང་ཆེ། །སྔ་ན་མེད་པར་འཁྲུངས་འདིས་སོ། །ཨེ་མ་སྐྱེ་འགྲོར་ཕན་བདེ་ཡི། །གཏོང་བ་ཆེན་པོ་སྒྲུབ་པའི་ཕྱག །སྙིང་སྟོབས་འོ་མཚོ་ལས་བྱུང་

བས། །འདོད་འབྱུང་ས་བརྟོལ་དབང་པོ་བཞིན། །གང་གི་རང་བཞིན་སྙིང་སྟོབས་རྨ་མེད་གཞིག་པར་མི་ནུས་རྡོ་རྗེ་ཉིད་ཡིན་ཞོ་འཐུང་རུས་པ་དེ་མ་ཡིན། །གང་གི་ལེགས་བྱས་ཤིན་ཏུ་དཀར་བ་བཞེད་དགུའི་འདོད་འཇོ་དཔག་བསམ་དངོས་ཡིན་ཀོ་བི་ད་ར་དེ་མ་ཡིན། །གང་

གི་གྲགས་པ་སྐྱེ་དགུའི་སྙིང་ལ་སིམ་པ་སྟེར་བྱེད་ཟླ་བ་ཉིད་ཡིན་རི་བོང་འཛིན་པ་དེ་མ་ཡིན། །གང་དག་ཡོན་ཏན་བྱེ་བའི་རང་བཞིན་ནོར་བུའི་དོ་ཤལ་སྤེལ་ལེགས་འདི་ཡིན་མུཀྟི་ཀ་ཕྲེང་དེ་མ་ཡིན། །བྱ་དཀའི་རྒྱ་མཚོ་རླབས་ཆེན་རྒལ་དཀའ་གེགས་བྱེད་འཇིགས་རུང་འཛིན་

ཁྲིའི་གནས། །དུས་ཀྱི་རྦ་རླབས་གནམ་དུ་སྐྱོང་ཚེ་བྱིས་པ་རྣམས་ནི་དོགས་པ་སྐྱེ། །དཔལ་རྣམས་བློ་གྲོས་ནམ་ཡང་མི་ཉམས་ཐབས་ཤེས་གདོས་པ་འཛིན་པ་ཅན། །འབད་པ་ཆེན་པོའི་གྲུ་ཆེན་ཚགས་བཅུག་བདེ་བར་ཕ་རོལ་ཕྱིན་པར་འགྱུར། །དྲག་པོས་བསྲེགས་པའི་

ལུས་ཀྱི་ལྷག་མས་བྱེ་བ་ཁྲག་ཁྲིག་དཔུང་བཤམས་ཏེ། །མི་བཟད་ཆེ་ཆར་དྲུག་པོ་ཕབ་ཀྱང་དམ་པ་རྣམས་ཀྱི་སྙིང་སྟོབས་ནི། །ཟླ་བ་མཐོང་བའི་ཀུནྡ་བཞིན་དུ་ཕྱིར་ཞིང་རྒྱས་པ་ཁོ་ན་ལས། །བྲི་བར་འགྱུར་མིན་དེས་ན་དེ་རིང་བདུད་ལས་རྣམ་པར་རྒྱལ་

འདི་ལྟོས། །བདེ་བར་གཤེགས་པའི་བཀའ་གངས་ཅན་བརྡས་དྲངས་པའི་ཕྱི་མོའི་ཚོགས་ཇི་སྙེད་པ་པར་དུ་བསྒྲུབས་པའི་ཚུལ་ལས་ཉེ་བར་བརྩམས་པའི་གཏམ་བཟང་པོ་བློ་ལྡན་མོས་པའི་ཀུནྡ་ཡོངས་སུ་ཁ་བྱེ་བའི་ཟླ་འོད་གཞོན་ནུའི་འཁྲི་ཤིང་

ལས་རྒྱལ་བའི་གསུང་རབ་གངས་རིའི་ཁྲོད་དུ་དེང་སང་ཇི་ཙམ་སྣང་བ་པར་དུ་བསྒྲུབས་པའི་བྱུང་བ་དངོས་ལེགས་པར་བཤད་པའི་ཡལ་འདབ་སྟེ་གསུམ་པའོ།།

Vol. 103 · folio 113a

༄༅། །ཨབྷྱུཏྦཱདིཏྭཱཛིནམབྷིནབཾདྷརྨྨསཽཔྲྀཥྚམཽནེཿ། །ཀཱརུཎྱསྠཱུལཾཀྵུཔཔྲྀཐུདྲྀཊྟཾབོངྷིཙིཏྟསྱམཱུལཾ།།

༄༅། །ཐུབ་པའི་ཆོས་ཀྱི་གྲུ་ཆར་འདི་ཡིས་རྒྱལ་བའི་མྱུ་གུ་བསྐྱེད་པ་སྲིངས་ནས། །བྱང་ཆུབ་སེམས་ཀྱི་རྩ་བ་རབ་བརྟན་སྙིང་རྗེ་ཆེན་པོའི་ཡལ་རྻས།།

Vol. 103 · folio 113b

སརྦྦཛྟཽཔཱཡཾོཊུདལགྷནཱནྱཱསྟིསརྦྦཱཀརཱབྷུཏྲ། །སཾཔཱུརྞྞཱཏྤཱུརྦྦཔྲྀ་ཐུལཙཕལཾསྟོཏྲསངྔྷརྨྨཏཱརྷ།།

ཐབས་ལ་མཁས་པའི་ལོ་མ་སྟུག་ལྡན་རྣམ་ཀུན་ཐམས་ཅད་མཁྱེན་གྱུར་པའི། །འབྲས་བུ་ཆེན་པོ་ཡོངས་སུ་རྫོགས་ཕྱིར་ཐོག་མར་དམ་ཆོས་བསྔགས་པའི་འོས།།

Vol. 103 · folio 114a

གང་ཞིག་མཚན་མོའི་སྨག་རུམ་སྟུག་པོས་སྨན་གྱི་ནགས་ཚལ་མཛེས་བྱེད་ཅིང་། །གཟི་བྱིན་མཚུངས་མེད་ཉིན་མོའི་དཔལ་ཡང་འབྱུང་པོའི་བྱ་རྣམས་མུན་པར་བྱེད། །ལུགས་རྣམས་སྣ་ཚོགས་བློ་ལྡན་དག་ལ་ཕན་པའི་མཛའ་བཞིན་ཉེར་གནས་ཀྱང་། །

ཕྱི་མའི་དུས་འདིར་ཐུབ་པའི་བསྟན་ཡང་ཕྱོགས་རེའི་མིག་ཅན་འཁྲུལ་པའི་རྒྱུ། །ཁོ་བོའི་ལྷག་བསམ་པད་རྩ་ལྟ་བུས་དྲང་པོའི་གནས་སུ་རྐང་བཀོད་ཀྱང་། །གྱ་གྱུར་རྒྱུ་བའི་ལམ་སྲོལ་ལ་བརྟེན་གཞན་གྱི་འདོད་པ་དང་དུ་བླངས། །དེ་ཕྱིར་འདི་ན་འཚམས་པར་བསྡུས་

པའི་རྒྱལ་གསུང་མཱ་ལི་ཀ་ཡི་ཕྲེང་། །དྲི་མེད་སྤེལ་འདི་སྨྲ་མཁས་རྣམས་ཀྱིས་མགྲིན་པའི་རྒྱན་དུ་ད་ལོངས་ཤིག །དེ་ལྟར་པར་དུ་བསྒྲུབ་པར་བྱ་བའི་ཆོས་ཀྱི་རྣམ་གྲངས་དེ་དག་གི་བཞུགས་བྱང་དཀར་ཆག་ཏུ་བཀོད་པ་དངོས་ལ་མདོ་སྔགས་ཀྱི་ཚན་གཉིས་ལས། དང་པོ་

ལའང་འཁོར་ལོ་དང་པོར་གཏོགས་པ་འདུལ་བ་ལུང་གི་སྐོར་དང་། འཁོར་ལོ་བར་བ་ཤེས་ཕྱིན་ཀྱི་སྐོར་དང་། འཁོར་ལོ་ཐ་མའི་མདོ་གཞུང་བཞུགས་ཚོགས་ཆེ་བའི་སྐོར་དང་། མདོ་མང་དུ་གྲགས་པ་ཐེག་པ་ཆེ་ཆུང་གི་མདོ་ཅི་རིགས་པ་ཕྱོགས་གཅིག་ཏུ་བསྒྲིགས་པའི་

སྐོར་དང་བཞིའོ། །དང་པོ་ནི། ཐམས་ཅད་མཁྱེན་པ་བུ་སྟོན་གྱིས་དང་པོར་ཕའི་སོ་ཐར་དང་རྣམ་འབྱེད། དེ་ནས་མའི་སོ་ཐར་དང་རྣམ་འབྱེད། ལུང་གཞི། ཕྲན་ཚེགས། ལུང་ཞུ་བ་རྣམས་ཀྱི་འགྲིག་རིམ་མཛད་ཅིང་། གོང་དཀར་བས། ཐོག་མར་སོ་ཐར་

གཉིས། དེ་ནས་ལུང་གཞི། རྣམ་འབྱེད། ཞུ་བ། ཕྲ་ཚེགས་རྣམས་ཀྱི་གོ་རིམ་མཛད་མོད་ཀྱི། འདིར་སྔོན་གྱི་དཀར་ཆག་འཕང་ཐང་མ་སོགས་དང་མཐུན་པར་བྱུང་བའི་ཚལ་པ་བཀའ་འགྱུར་སོར་བཞག་ལྟར་གྱི་སྒྲིག་རིམ་བྱས་པར། འདུལ་བ་གཞི།

ཕའི་སོ་ཐར་དང་རྣམ་འབྱེད། མའི་སོ་ཐར་དང་རྣམ་འབྱེད། ཕྲན་ཚེགས། གཞུང་བླ་མ་རྣམས་རིམ་པར་བཞག་པའི་དང་པོ་གཞི་བཅུ་བདུན་རྒྱས་པར་སྟོན་པ་ལུང་གཞིར་གྲགས་པ་ལ་ཤློཀ་སུམ་ཁྲི་ཉིས་སྟོང་བདུན་བརྒྱ་བམ་པོ་བརྒྱ་དང་དགུ་བཞུགས་པའི་གླེགས་

Vol. 103 · folio 114b

བམ་ཀ་པ་ལ། རབ་བྱུང་གི་གཞི། གསོ་སྦྱོང་གི་གཞི། དགག་དབྱེའི་གཞི། དབྱར་གནས་ཀྱི་གཞི། ཀོ་ལྤགས་ཀྱི་གཞིའི་སྟོད་ཡན་བམ་པོ་ཉི་ཤུ་བཞི་བའི་བར་བཞུགས་སོ། །ཁ་པ་ལ། ཀོ་ལྤགས་ཀྱི་གཞིའི་སྨད། སྨན་གྱི་གཞིའི་སྟོད་

ཡན་བམ་པོ་ཉི་ཤུ་རྩ་ལྔ་བ་ནས་ལྔ་བཅུ་རྩ་བཞི་བའི་བར་བཞུགས་སོ། །ག་པ་ལ། སྨན་གྱི་གཞིའི་སྨད། གོས་ཀྱི་གཞི། སྲ་བརྐྱང་གི་གཞི། ཀཽ་ཤཱམྦྷིའི་གཞི། ལས་ཀྱི་གཞི། དམར་སེར་ཅན་གྱི་གཞི། གང་ཟག་གི་གཞི། སྤོ་བའི་གཞི།

གསོ་སྦྱོང་གཞག་པའི་གཞི། གནས་མལ་གྱི་གཞི། རྩོད་པའི་གཞི། དབྱེན་གྱི་གཞིའི་སྟོད་ཆ་ཡན་བམ་པོ་ལྔ་བཅུ་རྩ་ལྔ་བ་ནས་བརྒྱད་ཅུ་རྩ་གཉིས་པའི་བར་བཞུགས་སོ། །ང་པ་ལ། དབྱེན་གྱི་གཞིའི་མཇུག་བམ་པོ་གྱ་གསུམ་པ་ནས་བམ་པོ་བརྒྱ་དང་།

དགུའི་བར་གྱིས་ཡོངས་སུ་རྫོགས་པ་བཞུགས་ཏེ་ཁ་ཆེའི་པཎྜི་ཏ་སརྦ་ཛྙཱ་དེ་ཝ་དང་། །རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་། ཁ་ཆེའི་མཁན་པོ་དྷརྨ་ཀ་ར་དང་། བོད་ཀྱི་ལོ་ཙཱ་བ་བནྡེ་དབལ་གྱི་ལྟུག་པོའི་འགྱུར་ལ། སླར་ཡང་རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་།

ལོ་ཙཱ་བ་བནྡེ་དཔལ་བརྩེགས་ཀྱིས་བསྒྱུར་ཅིང་ཞུས་པའོ། །ཅ་པ་ལ། །དགེ་སློང་ཕའི་ཁྲིམས་ཉིས་བརྒྱ་ལྔ་བཅུ་རྩ་གསུམ་མདོར་བསྡུས་ནས་སྟོན་པ་ཕའི་སོ་ཐར་གྱི་མདོ་བློ་ཀ་བདུན་བརྒྱ། བམ་པོ་གཉིས་པ། ཁ་ཆེའི་བྱེ་བྲག་ཏུ་སྨྲ་བའི་སློབ་དཔོན་ཛི་ན་མི་ཏྲ་

དང་། ལོ་ཙཱ་བ་ཅོག་རོ་ཀླུའི་རྒྱལ་མཚན་གྱིས་བསྒྱུར་ཅིང་ཞུས་པ། དེའི་དོན་རྒྱ་ཆེར་བཤད་པ་ཕའི་རྣམ་འབྱེད་བློ་ཀ་ཉི་ཁྲི་བཞི་སྟོང་དགུ་བརྒྱ་བམ་པོ་བརྒྱད་ཅུ་རྩ་གསུམ་པ་ལས་ཕམ་པ་བཞི་དང་ལྷག་མ་བཅུ་གསུམ་ལས་དབྱེན་བྱེད་པའི་ལྷག་མ་ཡན་ཆད་བམ་པོ་

ཉེར་གཅིག་པའི་བར་བཞུགས་སོ། །ཆ་པ་ལ། ལྷག་མའི་འཕྲོ་གསུམ་དང་། མ་ངེས་པའི་ཆོས་གཉིས། སྤང་ལྟུང་སུམ་ཅུ། ལྟུང་བྱེད་འབའ་ཞིག་པ་དགུ་བཅུ་ལས་བཅུ་གཅིག་པ་ཡན་བམ་པོ་ཉེར་གཉིས་པ་ནས་བམ་པོ་བཞི་བཅུ་རྩ་གཉིས་པའི་

Vol. 103 · folio 115a

བར་བཞུགས་སོ། །ཇ་པ་ལ། ལྟུང་བྱེད་བཅུ་གཉིས་པ་ནས་བདུན་ཅུ་རྩ་གཉིས་པ་ཡན་བམ་པོ་ཞེ་གསུམ་པ་ནས་བམ་པོ་རེ་གཉིས་པའི་བར་བཞུགས་སོ། །ཉ་པ་ལ། ལྟུང་བྱེད་བདུན་ཅུ་རྩ་གསུམ་པ་མན་ཚང་བ། སོར་བཤགས་

བཞི། བསླབ་པའི་ཆོས་མང་པོ། རྩོད་པ་ཞི་བྱེད་ཀྱི་ཆོས་མང་པོ་སྟེ་ཕའི་རྣམ་འབྱེད་ཡོངས་སུ་རྫོགས་པ་བམ་པོ་རེ་གསུམ་པ་ནས་བམ་པོ་གྱ་གསུམ་པ་རྫོགས་པའི་བར་སློབ་དཔོན་ཛི་ན་མི་ཏྲ་དང་། ལོ་ཙཱ་བ་བནྡེ་ཀླུའི་རྒྱལ་མཚན་གྱིས་བསྒྱུར་བ་བཞུགས་སོ། །

ཏ་པ་ལ། དགེ་སློང་མའི་ཁྲིམས་སུམ་བརྒྱད་དྲུག་ཅུ་རྩ་བཞི་བསྡུས་ནས་སྟོན་པ་མའི་སོ་ཐར་གྱི་མདོ་ཤློ་ཀ་བརྒྱད་བརྒྱ་བམ་པོ་གཉིས་པ་འགྱུར་བྱང་སྔ་མ་དང་འདྲ་བ། །དེའི་དོན་རྒྱས་པར་སྟོན་པ་དགེ་སློང་མའི་འདུལ་བ་རྣམ་འབྱེད་ཤློ་ཀ་བརྒྱད་སྟོང་བཞི་བརྒྱ་དང་བམ་པོ་ཉི་ཤུ་

རྩ་བརྒྱད་པ་འགྱུར་བྱང་ལུང་གཞི་དང་མཚུངས་པ་དག་བཞུགས་སོ། །ཐ་པ་ལ། མ་ཚང་བ་ཁ་བསྐང་བ་འདུལ་བ་ལུང་ཕྲན་ཚེགས་སྒོ་བརྒྱད་ཀར་རྫོགས་པ་ཤློ་ཀ་ཆིག་ཁྲི་བདུན་སྟོང་བདུན་བརྒྱ་དང་བམ་པོ་ལྔ་བཅུ་རྩ་དགུ་པ་ལས་བམ་པོ་ཉི་ཤུ་རྩ་བདུན་པ་ཡན་

བཞུགས་སོ། །ད་པ་ལ། དེའི་འཕྲོས་བམ་པོ་ཉི་ཤུ་རྩ་བརྒྱད་པ་ནས་བམ་པོ་ལྔ་བཅུ་རྩ་དགུ་བའི་བར་རྫོགས་པ་རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་། དྷརྨ་ཤྲཱི་བྷ་དྲ་དང་། ལོ་ཙཱ་བ་བནྡེ་དཔལ་འབྱོར་གྱིས་བསྒྱུར་བ་བཞུགས་སོ། །ཕྲན་ཚེགས་འདི་

སྐབས་སྔོན་གྱི་དཀར་ཆག་རྣམས་སུ་བམ་ཚད་སོགས་སྣ་ཚོགས་བྱུང་བ་ནི་ལོ་ཙཱ་བ་མང་པོས་དུམ་བུར་བསྒྱུར་བས་ཕྱོགས་གཅིག་ཏུ་བསྡོམས་པའི་ཚེ་ཚང་མ་ཚང་ཅི་རིགས་བྱུང་བའི་རྐྱེན་གྱིས་ཡིན་ལ་སྒོ་བརྒྱད་ཀ་ཡོངས་སུ་རྫོགས་པ་འདི་ནི་ལ་སྟོད་འོལ་རྒོད་ཀྱི་གཙུག་

ལག་ཁང་དུ་གནས་བརྟན་དར་མ་སེང་གེས་ལུང་སྡེ་བཞི་བཞེངས་པའི་ཚེ་དགེ་བའི་བཤེས་གཉེན་འདུལ་བ་འཛིན་པ་ཞིང་མོ་ཆེ་བ་བྱང་ཆུབ་སེང་གེས་ཕྱག་ལེན་མཛད་ནས་སྤྱིར་དབུས་གཙང་གི་གཙུག་ལག་ཁང་རྣམས་ན་བཞུགས་པ་དང་། ཁྱད་པར་དུ་བསམ་

Vol. 103 · folio 115b

ཡས་མཆིམས་ཕུ་ནས་དག་ཆུང་པ་དང་། དགེ་སློང་ཚུལ་ཁྲིམས་ཡོན་ཏན་གྱིས་རྙེད་པའི་ལུང་རྣམས་དཔེ་ཡོན་དང་འབད་རྩོལ་ཆེན་པོས་བཙལ་ཏེ། དེ་དག་ལ་གཏུགས་པས་ལུང་ཕྲན་ཚེགས་ཁ་ཅིག་ལ་མི་བཞུགས་པ། ཁ་ཅིག་ལ་བཞུགས་པ་རྣམས་ཀྱིས་

བསྐངས་ནས་བསབས་པ་ནི་བམ་པོ་སུམ་ཅུ་རྩ་གསུམ་སྨན་ཆེན་པོའི་གཏམ་རྒྱུད་ཀྱི་སྐབས་ནས། སྨན་ཆེན་པོས་སྨྲས་པ། གལ་ཏེ་དེ་ལྟ་ན་སྐྱུགས་ཤིག་དང་བདེན་ནམ་རྫུན་བལྟའོ་ཞེས་སྨྲས་པ་དང་ཞེས་བྱ་བ་ནས་བམ་པོ་སུམ་ཅུ་རྩ་བཞི་བའི་དབུ། ཇི་ཙམ་ན་དེ་གྲོང་

ཁྱེར་ནས་བྱུང་བ་དང་། བྲམ་ཟེ་མོང་བརྟུལ་ཞེས་བྱ་བས་གོས་ཀྱི་མཐའ་མ་ནས་འཇུས་ནས་ཞེས་བྱ་བའི་བར་དུ་བམ་པོ་གཅིག་ཆད་པ་བསྐངས། སྡོམ་ནི་ང་ཡང་སྨན་གྱིས་དེ་བཞིན་ནོ་ཞེས་བྱ་བའི་འོག་ཏུ་ཡིག་ཚར་གཅིག་ཆད་པ་བསྐངས། དེ་ནས་བམ་པོ་སུམ་

ཅུ་རྩ་བཞི་པའི་སྨད་ནེ་ཙོ་སྤྱོད་གསལ་གྱི་སྐབས་རྫོགས་པའི། །ཨེ་མའོ་འདི་ལྟར་ཁྱོད་མཁས་པ་ཤ་སྟག་དང་ཕྲད་པ་ནི་བསོད་ནམས་དང་ལྡན་ནོ་ཞེས་སྨྲས་སོ། །ཞེས་བྱ་བ་ནས་བམ་པོ་བཞི་བཅུ་རྩ་གསུམ་པའི་སྟོད། སྤྱིའི་སྡོམ་ནི། དགེ་སློང་མའི་བཀུར་སྟི་

བྲི་ཞེས་བྱ་བའི་བར་དུ་བམ་པོ་སུམ་ཅུ་རྩ་བཞི་བའི་སྨད་ནས་བཞི་བཅུ་རྩ་གསུམ་པའི་སྟོད་ཀྱི་བར་བམ་པོ་དགུ་ཆད་པ་བསྐངས། སྡོམ་ཚིག་དེའི་འོག་ཏུ་སྡོམ་ཚིག་ཡིག་ཚར་གཅིག་ཆད་པ་བསྐངས། དེ་ནས་བམ་པོ་བཞི་བཅུ་རྩ་དྲུག་པའི་མཇུག་བྲམ་ཟེའི་ཁྱེའུ་མ་

སྡུག་གི་གླེང་གཞིའི་སྐབས་ཀྱི། དགེ་སྦྱོང་རྣམས་ཀྱི་ཡོན་པོའི་སྤྱད་ཀྱིས་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ་ཞེས་བྱ་བ་ནས། བམ་པོ་བཞི་བཅུ་རྩ་བརྒྱད་པའི་དབུ།དེ་ནས་དེའི་ཚེ་བྲམ་ཟེ་པདྨའི་སྙིང་པོ་ཁྱིམ་མཆོག་གི་ས་མཐོན་པོ་

ཞིག་ན་ཤས་ཆེ་བའི་བྲམ་ཟེ་རྒན་རབས་རྣམས་དང་ལྷན་ཅིག་ཏུ་འདུས་ཤིང་འཁོད་པར་གྱུར་ཏོ། །ཞེས་བྱ་བའི་བར་དུ་བམ་པོ་བཞི་བཅུ་རྩ་བདུན་པ་ཆད་པ་བསྐངས་སོ། །བདེ་ནས་བམ་པོ་ལྔ་བཅུ་བའི་མཇུག་ཀུན་དགའ་བོ་ལ་གདམས་པའི་སྐབས་ཀྱི།

Vol. 103 · folio 116a

ཀུན་དགའ་བོ་དགེ་སློང་འདི་ལྟ་བུ་ནི་བདག་ཉིད་གླིང་དང་བདག་ཉིད་སྐྱབས་དང་། ཆོས་ཀྱི་གླིང་དང་། ཆོས་ཀྱི་སྐྱབས་གནས་པར་བྱའི། གླིང་གཞན་དང་སྐྱབས་གཞན་གྱིས་མ་ཡིན་ནོ་ཞེས་བྱ་བ་ནས་བམ་པོ་ལྔ་བཅུ་གཉིས་པའི་སྟོད།

བར་སྡོམ་ནི། ཙ་པ་ལ་དང་ཚེའི་འདུ་བྱེད་མཛད།ཅེས་བྱ་བའི་བར་དུ་བམ་པོ་གཅིག་ཆད་པ་བསྐངས་ཏེ། སྤྱིར་བསྡོམས་ན་བམ་པོ་བཅུ་གཉིས་དང་། སྡོམ་ཚིག་ཡིག་ཚར་གཉིས་ཆད་པ་བསྐངས་པར་བཤད་ཅིང་། ཕྱིས་བུ་སྟོན་ཐམས་ཅད་

མཁྱེན་པས་ཀྱང་སློབ་དཔོན་ཚུལ་ཁྲིམས་བསྐྱངས་ཀྱི་འགྲེལ་པ་ལ་གཏུགས་ཏེ་ཞུས་དག་མཛད་པར་གྲགས་པ་ལྟར་ཁོ་བོས་ཐེམ་སྤངས་མའི་དཔེ་རྒྱུན་དང་འགྲེལ་པ་གཉི་ག་སྒོ་བསྟུན་ནས་ཆད་པ་རྣམས་བསབས་པ་ཡིན་ནོ། །ན་པ་ལ། དེ་དག་གི་དཀའ་བའི་

གནས་རྣམས་ཞུ་ལེན་གྱི་སྒོ་ནས་གཏན་ལ་ཕབ་པ་འདུལ་བ་གཞུང་ཕྱི་མའམ། གཞུང་བླ་མའམ་གཞུང་དམ་པར་གྲགས་པ་ཞུ་བ་མ་རྫོགས་པ་ཤློ་ཀ་སུམ་སྟོང་དྲུག་བརྒྱ་དང་བམ་པོ་བཅུ་གཉིས་པ། ལོ་ཙཱ་བ་བནྡེ་ཀླུའི་རྒྱལ་མཚན་ལ་སོགས་པའི་དུས་སུ་

བསྒྱུར་བ། ཞུ་བ་རྫོགས་པ་ཤློ་ཀ་ཆིག་ཁྲི་ལྔ་སྟོང་དགུ་བརྒྱ་དང་བམ་པོ་ལྔ་བཅུ་རྩ་གསུམ་ཡོད་པ་ལས། བམ་པོ་ཉེར་གཉིས་པ་ཡན་བཞུགས་སོ། །པ་པ་ལ། སྔ་མའི་འཕྲོས་བམ་པོ་ཉེར་གསུམ་པ་ནས་བམ་པོ་ལྔ་བཅུ་རྩ་གསུམ་པ་རྫོགས་པ།

ལོ་ཙཱ་བ་བནྡེ་ཀླུའི་རྒྱལ་མཚན་ལ་སོགས་པའི་དུས་སུ་བསྒྱུར་བ་རྣམས་བཞུགས་སོ། །དེ་ལྟར་ལུང་ཞུ་བ་མ་རྫོགས་པ་དང་རྫོགས་པའི་ཁྱད་པར་ནི། །ལུང་ཞུ་བའི་འགྲེལ་པ་ལས། སྟོན་པ་འདས་པའི་གསུང་རབ་ལ་བྲམ་ཟེ་རྒྱལ་པོ་རྒྱལ་བཤེས་ཞེས་

བྱ་བ་བསྟན་པ་ལ་སྡང་བ་ཞིག་བྱུང་བར་གྱུར་ནས། དེས་བསྟན་པ་ལ་གནོད་པ་མང་པོ་བྱས་པར་གྱུར་ཏེ། མཆོད་རྟེན་དག་ཀྱང་བཤིག །དགེ་འདུན་གྱི་ཀུན་དགའ་ར་བ་དག་ཀྱང་བསྲེགས། དགེ་སློང་རྣམས་ཀྱང་བསད། སངས་རྒྱས་ཀྱི་བཀའི་

Vol. 103 · folio 116b

གླེགས་བམ་རྣམས་ཀྱང་ཕུང་པོར་བཅེར་ནས་བསྲེགས་སོ། །དེ་ནས་རིམ་གྱིས་དགེ་སློང་རྣམས་ཀྱིས་ཡུལ་དང་གནས་སྣ་ཚོགས་དག་ནས་སྡེ་སྣོད་གསུམ་གྱི་གླེགས་བམ་ཐམས་ཅད་བསྡུས་ནས་བཅོམ་བརླག་ཏུ་ཡང་དག་པར་བསྡུ་བ་བྱས་ཏེ། གཞུང་བླ་མའི་

གླེགས་བམ་ནི་མ་རྙེད་དོ། །དེ་དག་གིས་འདི་ལྟར་ཁ་ཆེའི་ཡུལ་ན་དགེ་སློང་ཞིག་གཞུང་བླ་མ་འདོན་ཏོ་ཞེས་ཐོས་ནས་དེ་དག་དེའི་ཕྱིར་ཁ་ཆེའི་ཡུལ་དུ་དོང་སྟེ། དེའི་དྲུང་དུ་ཕྱིན་ནས་སྨྲས་པ། ཁོ་བོ་ཅག་གིས་ཁྱོད་གཞུང་བླ་མ་འདོན་ཏོ་ཞེས་ཐོས་པ་གང་ཡིན་པ།

དེ་ཇི་ཁ་ཏོན་གྱིས་ཤིག །དེས་སྨྲས་པ། ཅུང་ཟད་ཅིག་ནི་དྲན། ཅུང་ཟད་ཅིག་ནི་མི་དྲན་ནོ། །དེ་ནས་དེ་དག་གིས་ཇི་ལྟ་བུ་ཞིག་དྲན་པ་དེ་ཁོ་ན་བཞིན་དུ་སྨྲོས་ཤིག་ཅེས་སྨྲས་པ་དང་། དེས་དེ་ཁོ་ན་བཞིན་དུ་ཁ་ཏོན་བྱས་སོ། །དགེ་སློང་རྣམས་

ཀྱིས་ཀྱང་རེ་ཞིག་གཞུང་བསྡུ་བར་བྱ་སྟེ། ཕྱིས་ཚིག་དང་ཚིག་གི་དོན་རྣམ་པར་དཔྱད་པའི་སྒོ་ནས་སྦྱར་བར་བྱའོ་སྙམ་དུ་བསམས་ནས་བྲིས་པ་ལས། ཕྱིས་འཕྲལ་གྱི་བྱ་བས་རྣམ་པར་གཡེངས་ནས་དུས་རིང་མོ་ཞིག་གི་བར་དུ་ཇི་ལྟ་བ་བཞིན་དུ་

མ་སྦྱར་ཏོ། །དགེ་སློང་གཞན་དག་ཀྱང་ཡུལ་གཞན་དག་ན་གཞན་དུ་འདོན་པར་གྱུར་ཏོ། །དེ་ཉིད་ཀྱི་ཕྱིར་ཡང་དག་པར་བསྡུས་པའི་གཞི་བོ་ཉམས་པས་གཞུང་བླ་མ་འདི་ལ་འདོན་པའང་རྣམ་པ་དུ་མ་ལ་དོན་ཀྱང་རྣམ་པ་དུ་མ་སྟེ། དེའི་ཕྱིར་བཙུན་པ་ཡོན་

ཏན་འོད་ཀྱིས་འདུལ་བའི་བཤད་པ་ལས་ཡང་དང་ཡང་དུ་ཞུས་པ་ལ་ལ་ལས་འདི་སྐད་དུ་འབྱུང་ངོ་ཞེས་བཤད་དོ། །དེ་བས་ན་འཕགས་པ་ཉེ་བར་འཁོར་གྱིས་ཞུས་པ་ཁ་ཆེ་བ་ཞེས་བྱ་སྟེ་ཞེས་འབྱུང་བས་ཞུ་བ་རྫོགས་པ་དང་བཅས་པའི་གཞུང་བླ་མ་ནི་ཡང་དག་པར་

བསྡུས་པའི་གཞི་བོ་ཉམས་པས་མ་དག་ཅིང་། ཞུ་བ་མ་རྫོགས་པ་ནི་ཡུལ་དབུས་ཀྱི་དགེ་སློང་འགའ་ཞིག་གི་བློ་ལ་སྣང་བའམ། མེས་མ་ཚིག་པར་ཕྱིས་ཐལ་བའི་གསེབ་ནས་རྙེད་པར་གྲགས་པས་དང་པོའི་གཞུང་མ་ཉམས་པ་ཉིད་ཡིན་པས་ཤིན་ཏུ་དག་གོ། །

Vol. 103 · folio 117a

འདི་སྐབས་འདུལ་ལུང་སྡེ་བཞི་སོ་ཐར་གྱི་མདོ་གཉིས་དང་བཅས་པ་ཁྱོན་བསྡོམས་ཤློ་ཀ་ཆིག་འབུམ་བཞི་སྟོང་བརྒྱད་བརྒྱ། རྣམ་འབྱེད་ཡན་ཆད་ལ་ཤློ་ཀ་ཕྱེད་དང་བཞི་བརྒྱ་ལ་བམ་པོ་དང་། དེ་ཕྱིན་བཞི་བརྒྱ་ལ་བམ་པོར་བྱས་པའི་བམ་

པོ་སུམ་བརྒྱ་དང་བཞི་བཅུ་རྩ་བཞི་དང་བམ་པོའི་སུམ་ཆ་གཅིག་བཅས་བཞུགས་པ་ཡིན་ནོ། །གཉིས་པ་བཀའ་བར་པ་ཤེས་ཕྱིན་གྱི་སྐོར་ལ། དང་པོ་ཡུམ་རྒྱས་པ་འབུམ་ནི་སྔོན་གྱི་གོང་དུ་སྨོས་ཟིན་པ་ལྟར་འགྱུར་རྙིང་གཞིར་བཞག་ནས་ཕྱིས་རྔོག་ཡོ་

ཆེན་པོས་བལ་པོ་ཕམ་ཐིང་གི་གཙུག་ལག་ཁང་གི་འབུམ་ལ་གཏུགས་ནས། ཤེས་རབ་སྒྲོན་མ། སྣང་བ་གསལ་བ། ཟླ་བའི་སྒྲོན་མེ་སྟེ་ཏིང་ངེ་འཛིན་གསུམ་གྱི་མིང་གསར་དུ་བཅུག་པ་སོགས་དག་པར་མཛད་པ་ནས།ཏིང་ངེ་འཛིན་བརྒྱ་ཉེར་

གཅིག །སྒོ་གསུམ་རྣམ་གྲངས་བཅུ་གཅིག །ཞུས་ལན་བརྒྱ་དང་ཉི་ཤུ་འགྲེས་རིང་བརྒྱ་ལྔ་བཅུ། ཕྱོགས་སྐོར་བདུན་ཅུ་རྩ་བཞི། མཚོན་བྱེད་ཀྱི་ཆོས་བདུན་ཅུ། འགྲེས་རྩ་བདུན་བརྒྱ་དང་བཅུ་གཅིག །འགྲེས་ཐུང་བསྣན་པའི་འགྲེས་རྩ་

ཁྲི་དང་བཞི་བརྒྱ་ཉེར་དགུ་ཞེས་དཔྱོད་ལྡན་རྣམས་ལ་ཡོངས་སུ་གྲགས་པ།ཤློ་ཀ་སྟོང་ཕྲག་བརྒྱ་སྟེ་འབུམ་ཕྲག་གཅིག་ཡོད་པས་མཚན་ཡང་དེ་ལྟར་སྨོས་པ་སྟེ། ཀླུ་སྒྲུབ་ཀྱིས་ཀླུའི་གནས་ནས་སྤྱན་དྲངས་པའི་ཚེ་བྱམས་ཞུས། ཆོས་འཕགས།

རྟག་ངུ་། ཡོངས་གཏད་དེ་ལེའུ་བཞི་ཀླུས་མ་བསྐུར་བས་མ་ཚང་བ། ཕྱིས་ཉི་ཁྲི་དང་བརྒྱད་སྟོང་ནས་ཁ་བསྐང་བའི་ལུགས་ཀྱང་ཡོད་དེ། །འདིར་ཁ་མ་བསྐངས་པའི་ལུགས་ཀྱིས་བམ་པོ་སུམ་བརྒྱ་དང་གཅིག་ལེའུ་དོན་གཉིས་སུ་ཡོད་པ་ལས།

ཀ་པ་ལ། དབུ་ནས་བམ་པོ་ཉི་ཤུ་རྩ་བཞི། ལེའུ་ལྔ་བའི་སྟོད་ཡན་བཞུགས། ཁ་པ་ལ། བམ་པོ་ཉི་ཤུ་རྩ་བདུན། ལེའུ་ལྔ་བའི་སྨད་ནས་བདུན་པའི་སྟོད་ཡན་བཞུགས། ག་པ་ལ། བམ་པོ་ཉི་ཤུ་རྩ་དྲུག །ལེའུ་བདུན་པའི་

Vol. 103 · folio 117b

སྨད་ནས་བཅུ་གཉིས་པའི་སྟོད་ཡན་བཞུགས། ད་པ་ལ། བམ་པོ་ཉེར་ལྔ། ལེའུ་བཅུ་གཉིས་པའི་སྨད་ནས་བཅོ་ལྔ་བའི་སྟོད་ཡན་བཞུགས།ཅ་པ་ལ། བམ་པོ་ཉི་ཤུ་རྩ་བདུན། ལེའུ་བཅོ་ལྔ་བའི་སྨད་ནས་ཉེར་གསུམ་པའི་སྟོད་

ཡན་བཞུགས། ཆ་པ་ལ། བམ་པོ་ཉི་ཤུ་རྩ་ལྔ། ལེའུ་ཉེར་གསུམ་པའི་སྨད་ནས་ཉེར་དྲུག་པའི་སྟོད་ཡན་བཞུགས། ཇ་པ་ལ། བམ་པོ་ཉི་ཤུ་རྩ་གཉིས་ཐམས་ཅད་ལེའུ་ཉེར་དྲུག་པར་གཏོགས་པ་བཞུགས། ཉ་པ་ལ། བམ་པོ་

ཉེར་དྲུག་ལེའུ་ཉེར་དྲུག་པའི་སྨད་ནས་སུམ་ཅུ་པའི་སྟོད་ཡིན་བཞུགས། ཏ་པ་ལ། བམ་པོ་ཉེར་ལྔ་ལེའུ་སུམ་ཅུ་པའི་སྨད་ནས་སོ་བརྒྱད་པའི་སྟོད་ཡན་བཞུགས། ཐ་པ་ལ། བམ་པོ་ཉེར་དྲུག །ལེའུ་སོ་བརྒྱད་པའི་སྨད་ནས་ལྔ་བཅུ་རྩ་གཉིས་པའི་

སྟོད་ཡན་བཞུགས། ད་པ་ལ། བམ་པོ་ཉི་ཤུ་རྩ་གསུམ། ལེའུ་ལྔ་བཅུ་རྩ་གཉིས་པའི་སྨད་ནས་དྲུག་ཅུ་རྩ་གཉིས་པའི་སྟོད་ཡིན་བཞུགས། ཨ་པ་ལ། བམ་པོ་ཉེར་ལྔ། ལེའུ་དྲུག་ཅུ་རྩ་གཉིས་པའི་སྨད་ནས་བདུན་ཅུ་རྩ་གཉིས་ཡོངས་སུ་

རྫོགས་པ་བཞུགས་སོ།། །།ཡུམ་འབྲིང་པོ་སྟོང་ཕྲག་ཉི་ཤུ་ལྔ་པ། ལེའུ་བདུན་ཅུ་རྩ་དྲུག །བམ་པོ་བདུན་ཅུ་རྩ་བརྒྱད་ཡོད་པ་ལས་ཀ་པ་ལ། བམ་པོ་ཉེར་དྲུག་དང་ལེའུ་སུམ་ཅུ་པ་ཡན་བཞུགས། ཁ་པ་ལ། བམ་པོ་ཉེར་བདུན་པ་

ནས་ལྔ་བཅུ་ང་གཉིས་ཡན་ལེའུ་བཞི་བཅུ་རྩ་གཅིག་པའི་བར་བཞུགས། ཨ་པ་ལ། བམ་པོ་ལྔ་བཅུ་རྩ་གསུམ་པ་ནས་བདུན་ཅུ་རྩ་བརྒྱད་པའི་བར་དང་། ལེའུ་བདུན་ཅུ་རྩ་དྲུག་པ་ཡན་རྫོགས་པ་སྟེ་འགྱུར་བྱང་དངོས་སུ་མ་འཁོད་ཀྱང་ལོ་ཙཱ་བ་

ཡེ་ཤེས་སྡེ་ལ་སོགས་པའི་དུས་སུ་བསྒྱུར་བ་བཞུགས་སོ།། །།ཁྲི་བརྒྱད་སྟོང་པ་བམ་པོ་དྲུག་ཅུ། ལེའུ་བརྒྱད་ཅུ་རྩ་གཉིས་ཡོད་པ་ལས། ཀ་པ་ལ་བམ་པོ་ཉེར་གཉིས་པ་ཡན་བཞུགས། ཁ་པ་ལ། བམ་པོ་ཉེར་གསུམ་པ་ནས་བམ་པོ་

Vol. 103 · folio 118a

བཞི་བཅུ་རྩ་བཞི་ཡན་བཞུགས། ག་པ་ལ། བམ་པོ་བཞི་བཅུ་རྩ་ལྔ་པ་ནས་བམ་པོ་དྲུག་ཅུ་པའི་བར་ཡོངས་སུ་རྫོགས་པ་འགྱུར་བྱང་མ་འཁོར་ཀྱང་ཡེ་ཤེས་སྡེ་ལ་སོགས་ཀྱིས་བསྒྱུར་བ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་བམ་པོ་སུམ་

ཅུ་རྩ་བཞི་བ། ལེའུ་སུམ་ཅུ་རྩ་གསུམ་ཡོད་པ་ལས་བམ་པོ་བརྒྱད་པ་ཡན་བཞུགས། ང་པ་ལ། དེ་འཕྲོས་བམ་པོ་དགུ་བ་ནས་བམ་པོ་སུམ་ཅུ་རྩ་བཞི་བའི་བར་རྫོགས་པ། རྒྱ་གར་མཁན་པོ་ཛི་ན་མི་ཏྲ་དང་། པྲ་ཛྙཱ་ཝ་རྨ་དང་། ལོ་ཙཱ་བ་པནྡེ་ཡེ་ཤེས་སྡེ་

སོགས་ཀྱིས་བསྒྱུར་བ་བཞུགས་སོ།། །།ཡུམ་བསྡུས་པ་བརྒྱད་སྟོང་པ་རྒྱ་དཔེ་ཐ་དད་པའི་དབང་གིས་འཕྲེང་བ་ཅན། གཟོ་སྦྱངས། སྡེ་ཅན་ཏེ་ཚིག་སྣ་རིང་ཐུང་དང་འགྱུར་ཁྱད་མི་འདྲ་བ་གསུམ་ཡོད་པ་ལས། རྒྱུས་པ་ཕྲེང་བ་ཅན་གྱི་ལུགས་པུསྟ་ཀ་གཅིག་

ལ་བམ་པོ་ཉི་ཤུ་རྩ་བཞི་དང་། ལེའུ་སུམ་ཅུ་རྩ་གཉིས་པ། རྒྱ་གར་གྱི་མཁན་པོ་ཤཱཀྱ་སེ་ན་དང་། ཛྙཱ་ན་སིདྷི་དང་། ལོ་ཙཱ་བ་བནྡེ་དྷརྨ་ཏཱ་ཤཱི་ལ་ལ་སོགས་པས་བསྒྱུར་ཅིང་། སླད་ཀྱིས་དབང་ཕྱུག་དམ་པའི་མངའ་བདག་བོད་ཀྱི་དཔལ་ལྷ་བཙན་པོ་བཀྲ་ཤིས་སྡེ་

བཙན་གྱི་བཀས། རྒྱ་གར་གྱི་མཁན་པོ་སུ་བྷཱ་ཥི་ཏ་དང་། ལོ་ཙཱ་བ་རིན་ཆེན་བཟང་པོས་འགྲེལ་པ་དང་མཐུན་པར་བསྒྱུར། སླར་ཡང་རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་རིན་ཆེན་བཟང་པོས་ཡུལ་དབུས་ཀྱི་འགྲེལ་བ་དང་བསྟུན་ནས་

བཅོས་ཤིང་ཞུས་ཏེ། ཕྱི་ནས་སྐྱི་སྨད་སྙེ་ཐང་ན་མོ་ཆེར་པཎྜི་ཏ་ཆེན་པོ་དེ་ཉིད་དང་། ལོ་ཙཱ་བ་འབྲོམ་རྒྱལ་བའི་འབྱུང་གནས་གཉིས་ཀྱིས་བརྒྱད་སྟོང་པ་བཤད་པའི་དུས་སུ་ཆེ་ལོང་ཞིག་གཏན་ལ་ཕབ། ཡང་ཕྱིས་རྭ་སྒྲེང་གི་གཙུག་ལག་ཁང་དུ་ལོ་ཙཱ་བ་འབྲོམ་རྒྱལ་བའི་འབྱུང་

གནས་ཉིད་ཀྱིས་རྒྱ་དཔེ་གསུམ་ལ་གཏུགས་ནས་ལན་གཉིས་སུ་གཏན་ལ་ཕབ། སླད་ཀྱིས་ཡང་ལོ་ཙཱ་བ་དེ་ཉིད་ཀྱིས་བཤད་པ་མཛད་ཅིང་ཕྲན་ཚེགས་གཏན་ལ་ཕབ། དུས་ཕྱིས་ལོ་ཙཱ་བ་ཆེན་པོ་ཤཱཀྱའི་དགེ་སློང་བློ་ལྡན་ཤེས་རབ་ཀྱིས་ཁ་ཆེའི་དཔེ་དང་ཡུལ་དབུས་

Vol. 103 · folio 118b

ཀྱི་དཔེ་དུ་མ་བསགས་ནས་གཏན་ལ་ཕབ་པ་བཞུགས་སོ།། །།ཤེས་རབ་སྣ་ཚོགས་དང་མདོ་གསར་འགྱུར་གྱི་སྐོར་པུསྟ་ཀ་གཅིག་ལ། ཤེས་རབ་ཀྱི་ཕ་རོལ་ཏུ་ཕྱིན་པའི་བསྡུས་དོན་གྱི་ཚིགས་སུ་བཅད་པ་སྡུད་པ་བམ་པོ་ཕྱེད་དང་གཉིས་པ། པཎྜི་ཏ་བིདྱཱ་ཀ་ར་སིང་ཧ་དང་།

ལོ་ཙ་བ་བནྡེ་དཔལ་བརྩེགས་ཀྱིས་བསྒྱུར་ཅིང་ཞུས་པ། ཤེས་རབ་ཀྱི་ཕ་རོལ་ཏུ་ཕྱིན་པ་རབ་ཀྱི་རྩལ་གྱིས་རྣམ་པར་གནོན་པས་ཞུས་པ་བམ་པོ་བདུན་དང་ཤློ་ཀ་དྲུག་ཅུ་ལེའུ་བདུན་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེས་

བསྒྱུར་ཅིང་སྐད་གསར་བཅད་ཀྱིས་བཅོས་པ། ཤེས་ཕྱིན་ལྔ་བརྒྱ་པ་འགྱུར་སྔ་མ་དང་མཚུངས་ཤིང་སྐད་གསར་བཅད་ཀྱིས་བཅོས་པ། ཤེས་རབ་ཀྱི་ཕ་རོལ་ཏུ་ཕྱིན་པ་སུམ་བརྒྱ་བར་གྲགས་པ་རྡོ་རྗེ་གཅོད་པ་བམ་པོ་གཅིག་པ་ཤཱི་ལེནྡྲ་བོ་དྷི་དང་ཡེ་ཤེས་སྡེའི་འགྱུར་ལ་

སྐད་གསར་བཅད་ཀྱིས་བཅོས་པ། ཤེས་ཕྱིན་ཚུལ་བརྒྱ་ལྔ་བཅུ་པ། ཤེས་ཕྱིན་ལྔ་བཅུ་པ། ཤེས་ཕྱིན་ཀཽ་ཤི་ཀ་རྣམས་འགྱུར་བྱང་མེད་པ། ཤེས་ཕྱིན་སྒོ་ཉི་ཤུ་རྩ་ལྔ་པ་སྐད་གསར་བཅད་ཀྱིས་བཅོས་པ། ཤེས་རབ་སྙིང་པོ་ཤློ་ཀ་ཉེར་ལྔ་པ་པཎྜིཏ་བི་

མ་ལ་མི་ཏྲ་དང་ལོ་ཙཱ་བ་དགེ་སློང་རིན་ཆེན་སྡེས་བསྒྱུར་ཅིང་། ལོ་ཙཱ་བ་དགེ་བློ་དང་ནམ་མཁའ་ལ་སོགས་པས་ཞུས་ཏེ་གཏན་ལ་ཕབ་པ། སླར་ཡང་དུས་ཕྱིས་དཔལ་བསམ་ཡས་ལྷུན་གྱིས་གྲུབ་པའི་གཙུག་ལག་གི་རྒྱ་དཔེ་དགེ་རྒྱས་བྱེ་མ་གླིང་གི་རྩིག་ངོས་ལ་བྲིས་པ་

དང་ཞུས་དག་བགྱིས་པ། ཤེས་ཕྱིན་ཡི་གེ་ཉུང་ངུ་། ཤེས་ཕྱིན་ཡི་གེ་གཅིག་མ་རྣམས་འགྱུར་བྱང་མེད་པ། དཀོན་མཆོག་བརྩེགས་པའི་འདུས་པ་ཞེ་དྲུག་པ་ལས་བྱུང་བ་ཤེས་ཕྱིན་བདུན་བརྒྱ་བ་འགྱུར་རྙིང་ལ་སྐད་གསར་བཅད་ཀྱིས་བཅོས་པ། ཤེས་ཕྱིན་མཚན་

བརྒྱ་རྩ་བརྒྱད་པ། ཤེས་ཕྱིན་ཉི་མའི་སྙིང་པོ། ཤེས་ཕྱིན་ཟླ་བའི་སྙིང་པོ། ཤེས་ཕྱིན་ཀུན་ཏུ་བཟང་པོ། ཤེས་ཕྱིན་ལག་ན་རྡོ་རྗེ། ཤེས་ཕྱིན་རྡོ་རྗེ་རྒྱལ་མཚན་རྣམས་ལ་འགྱུར་བྱང་མེད་པ་སྟེ་དེ་དག་ཤེས་ཕྱིན་གྱི་སྐོར་དེང་སང་ཇི་ཙམ་བཞུགས་པ་ཡོངས་སུ་

Vol. 103 · folio 119a

རྫོགས་པའོ།། །།དེ་ནས་གསར་འགྱུར་གྱི་མདོ་རྣམས་ནི་ཤེས་ཕྱིན་དུ་གཏོགས་པ་མ་ཡིན་མོད་ཀྱི། དུས་ཕྱིས་འགྱུར་བ་རྣམས་ཕྱོགས་གཅིག་ཏུ་སྔར་ནས་གླེགས་བམ་འདིའི་གཤམ་དུ་བཀོད་འདུག་ཅིང་། ཐེག་པ་

ཆེ་ཆུང་གང་ཡིན་དང་། སྔ་འགྱུར་དང་ཟློས་པ་ཡོད་མེད་སོགས་ཀྱང་མ་བརྟགས་པར་བཞག་སྣང་བ་བཞིན། འདིར་ཡང་དེ་ལྟར་བྱས་པ་ལ། ཆོས་ཀྱི་འཁོར་ལོ་བསྐོར་བའི་མདོ། སྐྱེས་པ་རབ་ཀྱི་གླེང་གཞིའི་མདོ། ལྕང་ལོ་ཅན་གྱི་ཕོ་བྲང་

གི་མདོ། འདུས་པ་ཆེན་པོའི་མདོ། བྱམས་པའི་མདོ། བྱམས་པ་བསྒོམ་པའི་མདོ། བསླབ་པ་ལྔའི་ཕན་ཡོན་གྱི་མདོ། རིའི་ཀུན་དགའ་བོའི་མདོ། ཀླུའི་རྒྱལ་པོ་དགའ་བོ་དང་ཉེ་དགའ་བོ་བཏུལ་བའི་མདོ། འོད་སྲུང་ཆེན་པོའི་

མདོ། ཉི་མའི་མདོ། ཟླ་བའི་མདོ། བཀྲ་ཤིས་ཆེན་པོའི་མདོ་རྣམས་པཎྜི་ཏ་ཆེན་པོ་ཨཱ་ནནྡ་ཤྲཱིའི་ཞལ་སྔ་ནས། མང་དུ་ཐོས་པའི་ལོ་ཙཱ་བ་ཤཱཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས། སྐད་གཉིས་སྨྲ་བ་རྣམས་ཀྱི་གདན་ས། གཙུག་

ལག་ཁང་ཆེན་པོ་དཔལ་ཐར་པ་གླིང་དུ་བསྒྱུར་ཅིང་ཞུས་པ་རྣམས་བཞུགས་སོ།། །།གསུམ་པ་འཁོར་ལོ་ཐ་མའི་མདོ་བཞུགས་ཚོགས་ཆེ་བའི་སྐོར་ལ། ཕལ་ཆེན་དང་དཀོན་བརྩེགས་གཉིས་ལས། དང་པོ་ཤིན་ཏུ་རྒྱས་པ་ཆེན་པོའི་མདོ་སྡེ་

སངས་རྒྱས་ཕལ་པོ་ཆེ་ནི། བརྡ་རྙིང་དུ་སངས་རྒྱས་རྨ་ག་ཆད་དུ་གྲགས་ཤིང་། ཡང་སྙན་གྱི་གོང་རྒྱན་དུའང་བསྒྱུར་བ་ཡོད་དེ། དེ་ལྟ་བུའི་མཚན་དེའུང་བྱེ་བྲག་གི་མིང་སྤྱི་ལ་བཏགས་པར་གསལ་ཏེ། མདོ་འདིའི་ལེའུ་ཉི་ཤུ་རྩ་དགུའི་བར་དུ་ཕལ་

པོ་ཆེ་ཞེས་དཀར་ཆག་ལྡན་དཀར་མ་སོགས་སུ་བཤད་པ་གང་ཞིག །དེས་ལྷག་མ་རྣམས་ལའང་མཚན་དེ་ལྟར་གྲགས་པའི་ཕྱིར་རོ། །དེས་ན་མཚན་དེ་ལྟ་བུ་དང་ལྡན་པའི་མདོ་སྡེ་འདི་ལ། སྤྱིར་ཤློ་ཀ་འབུམ་དང་། ལེའུ་བརྒྱ་ཡོད་པ་ལས། སྔོན་

Vol. 103 · folio 119b

ན་ལནྡ་བི་ཧ་ར་ལ་མེའི་དགྲ་བྱུང་བའི་རྐྱེན་གྱིས། མ་ཚང་བའི་འཕྲོ་ཇི་ཙམ་བཞུགས་པ་བསྒྱུར་བ་ལ། གླེགས་བམ་ཀ་པ་ལ། ཕལ་པོ་ཆེ་ལེའུ་ཉེར་དགུ། ཤློ་ཀ་བཞི་སྟོང་ཉིས་བརྒྱ། བམ་པོ་ཉི་ཤུ་རྩ་དགུ་རྣམས་སུ་ཡོད་པ་ཡོངས་སུ་རྫོགས་པ་

དང་། ལེའུ་སུམ་ཅུ་པ་རྡོ་རྗེ་རྒྱལ་མཚན་གྱི་ལེའུ་ལ། ཤློ་ཀ་སུམ་སྟོང་དགུ་བརྒྱ། བམ་པོ་བཅུ་གསུམ་ཡོད་པའི་སྟོད་ནས་བམ་པོ་གཅིག་སྟེ། ཡོངས་བསྡོམས་བམ་པོ་སུམ་ཅུ་བཞུགས་སོ། ཁ་པ་ལ། རྡོ་རྗེ་རྒྱལ་མཚན་གྱི་ལེའུའི་

གཤམ། བམ་པོ་བཅུ་གཉིས་རྫོགས་པ་དང་། སོ་གཅིག་པས་བཅུ་པའི་ལེའུ། ཤློ་ཀ་ཉིས་སྟོང་བཞི་བརྒྱ། བམ་པོ་དགུ། སོ་གཉིས་པ་ཀུན་བཟང་གིས་བསྟན་པའི་ལེའུ། སོ་གསུམ་པ་ཏིང་ངེ་འཛིན་བཅུ་བའི་ལེའུ། སོ་བཞི་པ་

མངོན་ཤེས་བསྟན་པའི་ལེའུ། སོ་ལྔ་པ་བཟང་པོའི་ལེའུ། སོ་དྲུག་པ་གྲངས་ལ་འཇུག་པའི་ལེའུ། སོ་བདུན་པ་ཚེའི་ཚད་ཀྱི་ལེའུ། སོ་བརྒྱད་པ་བྱང་ཆུབ་སེམས་དཔའི་གནས་བསྟན་པའི་ལེའུ་ཡན་བམ་པོ་བརྒྱད་དེ། ཡོངས་བསྡོམས་བམ་

པོ་ཉི་ཤུ་རྩ་དགུ་བཞུགས་སོ། །ག་པ་ལ། ལེའུ་སོ་དགུ་བ་སངས་རྒྱས་ཀྱི་ཆོས་བསམ་གྱིས་མི་ཁྱབ་པར་བསྟན་པའི་ལེའུ། བཞི་བཅུ་བ་དེ་བཞིན་གཤེགས་པའི་མཚན་རྒྱ་མཚོ་བསྟན་པའི་ལེའུ། ཞེ་གཅིག་པ་དཔེ་བྱད་བཟང་པོ་བསྟན་པའི་

ལེའུ། ཞེས་གཉིས་པ་ཀུན་བཟང་གི་སྤྱོད་པ་བསྟན་པའི་ལེའུ་རྣམས་ལ་བམ་པོ་བརྒྱད་དེ། གླེགས་བམ་སྔ་མའི་ཀུན་ཏུ་བཟང་པོས་བསྟན་པའི་ལེའུ་ནས། འདིའི་བར་ཁྱོན་བསྡོམས་ཤློ་ཀ་སྟོང་བརྒྱད་བརྒྱ། བམ་པོ་བཅུ་དྲུག་ཡོད་དེ་ཀུན་ཏུ་བཟང་

པོའི་སྤྱོད་པ་བསྟན་པའི་ལེའུར་གྲགས་སོ། །ཞེ་གསུམ་པ་དེ་བཞིན་གཤེགས་པའི་སྐྱེ་བ་དང་བྱུང་བ་བསྟན་པའི་ལེའུ། ཤློ་ཀ་སྟོང་ལྔ་བརྒྱ། བམ་པོ་ལྔ། ཞེ་བཞི་པ་འཇིག་རྟེན་ལས་འདས་པའི་ལེའུ་ཤློ་ཀ་སུམ་སྟོང་སུམ་བརྒྱ། བམ་པོ་བཅུ་གཅིག

Vol. 103 · folio 120a

ཞེ་ལྔ་པ་སྡོང་པོ་བཀོད་པ་འཕྲོས་དོན་དང་བཅས་པ་ལས་སྡོང་པོས་བརྒྱན་པའི་ལེའུ། ཤློ་ཀ་བརྒྱད་སྟོང་བདུན་བརྒྱ་བམ་པོ་ཉི་ཤུ་རྩ་དགུ་བའི་སྟོད་ནས་བམ་པོ་བརྒྱད་དེ་ཁྱོན་བམ་པོ་ཉེར་བདུན་རྣམས་བཞུགས་སོ། །ཨ་པ་ལ། སྡོང་པོས་

བརྒྱན་པའི་ལེའུའི་འཕྲོ་བམ་པོ་ཉི་ཤུ་རྩ་གཅིག་དང་། དེའི་གཤམ་དུ་ནོར་བཟང་གིས་ཀུན་ཏུ་བཟང་པོ་བསྟེན་ནས་བཟང་སྤྱོད་སྨོན་ལམ་གསུངས་པའི་མཐར་སྡོང་པོས་བརྒྱན་པའི་ཆོས་ཀྱི་རྣམ་གྲངས་ཆེན་པོ་ལས་ནོར་བཟང་གིས་དགེ་བའི་བཤེས་གཉེན་བསྟེན་

པའི་སྤྱོད་པ་ཕྱོགས་གཅིག་པ་གསུངས་པ་ལ་བམ་པོ་གཅིག་སྟེ་ཁྱོན་བམ་པོ་སུམ་ཅུ་རྣམས་བཞུགས་སོ། །དེ་ལྟར་ཕལ་པོ་ཆེའི་ལེའུ་ཇི་སྙེད་པ་འདི་ལ་ཀུན་མཁྱེན་བུས་ལེའུ་བཞི་བཅུ་རྩ་ལྔ་པ་ཡན་ཆད་དུ་ཤློ་ཀ་སུམ་ཁྲི་དགུ་སྟོང་སུམ་ཅུ། བམ་པོ་བརྒྱ་དང་སུམ་

ཅུ་དང་ཤློ་ཀ་སུམ་ཅུ་ཡོད་པར་གསུངས་སྣང་བ་ཤློ་ཀ་སུམ་བརྒྱ་ལ་བམ་པོར་བཅད་པའི་དབང་གིས་ཡིན་ལ། དཀར་ཆག་ལྡན་དཀར་མར་བམ་པོ་བརྒྱ་དང་ཉི་ཤུ་རྩ་བདུན་དུ་མཛད་སྣང་། འདིར་ནི་ཚལ་པ་བཀའ་འགྱུར་གྱི་དཀར་ཆག་དང་མཐུན་པར་ལེའུ་ཞེ་ལྔ་བ་ཡན་

བམ་པོ་བརྒྱ་དང་བཅོ་ལྔ། དེ་ཕྱིན་བམ་པོ་གཅིག་བཅས་བརྒྱ་དང་བཅུ་དྲུག་ཡོད་ཅིང་། བམ་ཚད་ནི་ཕར་ཆེར་ཤློ་ཀ་སུམ་བརྒྱ་ཙམ་དང་། འགའ་ཞིག་བཞི་བརྒྱ་དང་བྱེད་བཞི་བརྒྱ་པའང་ཡོད་པར་འདུག་གོ། །སྒྱུར་བྱེད་ནི་རྒྱ་གར་གི་མཁན་པོ་ཛི་ན་མི་ཏྲ་དང་།

སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ལོ་ཆེན་བཻ་རོ་ཙ་ནས་ཞུས་ཆེན་མཛད་པར་བཤད་དོ།། །།གཉིས་པ་འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ནི། སྔོན་ལེའུ་སྟོང་ཕྲག་བརྒྱ་ཡོད་

པར་གྲགས་པ་གོང་དུ་ཕལ་ཆེན་གྱི་སྐབས་སུ་བཤད་པ་ལྟར་འཕགས་ཡུལ་དུ་མ་ཚང་བར་གྱུར་པ་ལས་ཕྱིས་ཇི་ཙམ་རྙེད་པ་བསྡུས་ནས་ལེའུ་བཞི་བཅུ་རྩ་དགུའི་བདག་ཉིད་ཅན་འདི་ལ། ཐོག་མར་ཀ་པ་ལ། སྡོམ་པ་གསུམ་བསྟན་པའི་ལེའུ་བམ་པོ་གསུམ་པ་

Vol. 103 · folio 120b

རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ། སྒོ་མཐའ་ཡས་པ་རྣམ་པར་སྦྱང་བའི་ལེའུ་བམ་པོ་བཞི་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་

དཔལ་བརྩེགས་རཀྵི་ཏས་བསྒྱུར་ཅིང་ཞུས་པ། གསང་བ་བསམ་གྱིས་མི་ཁྱབ་པ་བསྟན་པའི་ལེའུ། བམ་པོ་བཅུ་དང་ལེའུ་ཉེར་ལྔ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་

ཅིང་སྐད་གསར་བཅད་ཀྱིས་བཅོས་པ། རྨི་ལམ་བསྟན་པའི་ལེའུ་ཤློ་ཀ་དགུ་བརྒྱ་དང་བམ་པོ་གསུམ་པ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ།

འོད་དཔག་མེད་ཀྱི་ཞིང་བཀོད་པའི་ལེའུ་བམ་པོ་གསུམ་པ་རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །ཁ་པ་ལ། དེ་བཞིན་གཤེགས་པ་

མི་འཁྲུགས་པའི་བཀོད་པའི་ལེའུ་བམ་པོ་ལྔ་དང་ལེའུ་ལྔ་རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། གོ་ཆའི་བཀོད་པ་བསྟན་པའི་ལེའུ་བམ་པོ་དྲུག་པ། ལོ་ཙཱ་བ་འགོས་ཆོས་གྲུབ་ཀྱིས་རྒྱ་དཔེ་ལས་

བསྒྱུར་བ། ཆོས་ཀྱི་དབྱིངས་ཀྱི་རང་བཞིན་དབྱེར་མེད་པར་བསྟན་པའི་ལེའུ་བམ་པོ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་ཆོས་བཅུ་པའི་ལེའུ་བམ་པོ་གཉིས་པ།

ཤློ་ཀ་ལྔ་བཅུ་རྩ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་ལ་སོགས་པས་བསྒྱུར་ཅིང་ཞུས་པ། འཕགས་པ་ཀུན་ནས་སྒོའི་ལེའུ་བམ་པོ་གཅིག་པ། ཤློ་ཀ་ཉིས་བརྒྱ་དྲུག་ཅུ་པ། རྒྱ་གར་གྱི་མཁན་པོ་

Vol. 103 · folio 121a

ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་འོད་ཟེར་ཀུན་ནས་བཀྱེ་བའི་ལེའུ་བམ་པོ་ལྔ་དང་། ཤློ་ཀ་སྟོང་ལྔ་བརྒྱ་བ་འགྱུར་བྱང་མ་འཁོད་པ། བྱང་ཆུབ་སེམས་དཔའི་སྡེ་

སྣོད་བསྟན་པའི་ལེའུ་བམ་པོ་གསུམ་པ་ཡན་དང་། ལེའུ་བཞི་བའི་སྟོད་ཡན་བཞུགས་སོ། །ག་པ་ལ། བྱང་ཆུབ་སེམས་དཔའི་སྡེ་སྣོད་བསྟན་པའི་ལེའུའི་བམ་པོ་བཞི་བ་ནས་ཉི་ཤུ་པ་ཡན་དང་། ལེའུ་བཞི་པའི་སྨད་ནས་བཅུ་གཉིས་པ་ཡན་ཁྱོན་བསྡོམས་

ཤློ་ཀ་སྟོང་ཕྲག་དྲུག་པ། རྒྱ་གར་གྱི་མཁན་པོ་ཨཱ་ཙརྱ་སུ་རེནྡྲ་བོ་དྷི་དང་། ཨཱ་ཙཱརྱ་དྷརྨ་ཏཱ་ཤཱི་ལས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ། འཕགས་པ་དགའ་བོ་མངལ་ན་གནས་པ་བསྟན་པའི་ལེའུ་བམ་པོ་གསུམ་པ་འགྱུར་བྱང་མ་འཁོད་པ།

འཕགས་པ་དགའ་བོ་མངལ་དུ་འཇུག་པ་བསྟན་པའི་ལེའུ་བམ་པོ་གཅིག་པ་འགྱུར་བྱང་མེད་པ། འཇམ་དཔལ་གྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་བསྟན་པའི་ལེའུ་བམ་པོ་བཞི་བ། རྒྱ་གར་གྱི་མཁན་པོ་ཤཱི་ལེནྡྲབོ་དྷི་དང་། ཛི་ན་མི་ཏྲ་དང་། ལོ་ཙཱ་

བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །ང་པ་ལ། ཡབ་སྲས་མཇལ་བ་དེ་ཁོ་ན་ངེས་པར་བསྟན་པའི་ལེའུ་བམ་པོ་བཅོ་ལྔ་བ། ལེའུ་ཉེར་དྲུག །ཤློོ་ཀ་བཞི་སྟོང་ལྔ་བརྒྱ་སྟེ། རྒྱ་གར་གྱི་མཁན་པོ་ཤཱི་

ལེནྡྲ་བོ་དྷི་དང་། ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ། འཕགས་པ་གང་པོས་ཞུས་པའི་ལེའུ་བམ་པོ་དྲུག་དང་ལེའུ་བརྒྱད་པ་འགྱུར་བྱང་མ་འཁོད་པ། ཡུལ་འཁོར་སྐྱོང་

གིས་ཞུས་པའི་ལེའུ་བམ་པོ་གསུམ་དང་ལེའུ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ། ཁྱིམ་བདག་དྲག་ཤུལ་ཅན་གྱིས་ཞུས་

Vol. 103 · folio 121b

པའི་ལེའུ་བམ་པོ་གསུམ་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། ཤློ་ཀ་དགུ་བརྒྱ་བ་རྣམས་བཞུགས་སོ། །ཅ་པ་ལ། གློག་ཐོབ་ཀྱིས་ཞུས་པའི་ལེའུ་བམ་པོ་གཉིས་པ་འགྱུར་བྱང་མ་འཁོད་པ། སྒྱུ་མ་མཁན་

བཟང་པོ་ལུང་བསྟན་པའི་ལེའུ་བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། ཤློ་ཀ་བཞི་བརྒྱ་སུམ་ཅུ་པ། འཕགས་པ་ཆོ་འཕྲུལ་ཆེན་པོ་བསྟན་པའི་ལེའུ་བམ་པོ་

གསུམ་པ། ཤློ་ཀ་དགུ་བརྒྱ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་བྱམས་པའི་སེང་གེའི་སྒྲ་ཆེན་པོ་བསྟན་པའི་ལེའུ་བམ་པོ་བཞི་བ། ཤློ་ཀ་སྟོང་

ཉིས་བརྒྱ་བ་རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། འདུལ་བ་རྣམ་པར་གཏན་ལ་དབབ་པ་ཉེ་བར་འཁོར་གྱིས་ཞུས་པའི་ལེའུ་བམ་པོ་གཉིས་པ། ཤློ་

ཀ་དྲུག་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། ལྷག་པའི་བསམ་པ་བསྐུལ་བའི་ལེའུ་བམ་པོ་གཉིས་པ། ཤློ་ཀ་དྲུག་བརྒྱ་བ། རྒྱ་གར་གྱི་མཁན་པོ་ཛི་ན་མི་

ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། འཕགས་པ་ལག་བཟང་གིས་ཞུས་པའི་ལེའུ་བམ་པོ་གཉིས་དང་ཤློ་ཀ་བརྒྱ་རྩ་བརྒྱད་པ། རྒྱ་གར་གྱི་མཁན་པོ་དཱ་ན་ཤཱི་ལ་དང་། ཛི་ན་མི་ཏྲ་དང་། ལོ་ཙཱ་བ་

བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་སྐད་གསར་བཅད་ཀྱིས་བཅོས་པ། དེས་པས་ཞུས་པའི་ལེའུ་བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། ཁྱིམ་

Vol. 103 · folio 122a

བདག་དཔལ་བྱིན་གྱིས་ཞུས་པའི་ལེའུ་བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། བཏུའི་རྒྱལ་པོ་འཆར་བྱེད་ཀྱིས་ཞུས་པའི་ལེའུ་

བམ་པོ་གཅིག་པ། ཤློ་ཀ་ཉིས་བརྒྱ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། བུ་མོ་བློ་གྲོས་བཟང་མོས་ཞུས་པའི་ལེའུ་བམ་པོ་ཕྱེད་པ། །འགྱུར་གོང་དང་འདྲ་བ།

གངྒཱའི་མཆོག་གིས་ཞུས་པའི་ལེའུ། ཤློ་ཀ་བརྒྱ་དང་བཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་སྐད་གསར་བཅད་ཀྱིས་བཅོས་པ། མྱ་ངན་མེད་ཀྱིས་བྱིན་པས་ཞུས་པ་ལུང་

བསྟན་པའི་ལེའུ་བམ་པོ་གཅིག་པ། ཤློ་ཀ་སུམ་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། དྲི་མ་མེད་ཀྱིས་བྱིན་པས་ཞུས་པའི་ལེའུ་བམ་པོ་གཉིས་པ། འགྱུར་

སྔ་མ་དང་འདྲ་བ།

མི་ཁྱབ་པ་བསྟན་པའི་ལེའུ་བམ་པོ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ། བློ་གྲོས་རབ་གནས་ཀྱིས་ཞུས་པའི་ལེའུ་

ལས་བམ་པོ་གཉིས་པ་ཡན་རྣམས་བཞུགས་སོ། །ཆ་པ་ལ། ལྷའི་བུ་བློ་གྲོས་རབ་གནས་ཀྱིས་ཞུས་པའི་ལེའུ་བམ་པོ་གསུམ་པ་ནས་བཞི་བའི་བར་རྫོགས་པ་སྟེ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། པྲ་ཛྷཱ་ཝརྨ་དང་། ལོ་ཙཱ་བཞང་ཡེ་ཤེས་

Vol. 103 · folio 122b

སྡེ་ལ་སོགས་པས་བསྒྱུར་ཅིང་ཞུས་པ་ཡོངས་བསྡོམས་ཤློ་ཀ་སྟོང་ཉིས་བརྒྱ་བ། སེང་གེས་ཞུས་པའི་ལེའུ། ཤློ་ཀ་དྲུག་ཅུ་པ། རྒྱ་གར་གྱི་མཁན་པོ་དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་

ཀྱིས་བཅོས་པ། སངས་རྒྱས་ཐམས་ཅད་ཀྱི་གསང་ཆེན་ཐབས་ལ་མཁས་པ་བྱང་ཆུབ་སེམས་དཔའ་ཡེ་ཤེས་དམ་པས་ཞུས་པའི་ལེའུ་བམ་པོ་བཞི་བ། རྒྱ་གར་གྱི་མཁན་པོ་དཱ་ན་ཤཱི་ལ་དང་། ཀརྨ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་

སྐད་གསར་བཅད་ཀྱིས་བཅོས་པ། ཤློ་ཀ་སྟོང་ཉིས་བརྒྱ་སུམ་ཅུ་པ། ཚོང་དཔོན་བཟང་སྐྱོང་གིས་ཞུས་པའི་ལེའུ་བམ་པོ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ།

བུ་མོ་རྣམ་དག་དད་པས་ཞུས་པའི་ལེའུ་བམ་པོ་གཅིག་པ། འགྱུར་བྱུང་མ་འཁོད་པ། བྱམས་པས་ཞུས་པའི་ལེའུ་བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ།

བྱམས་པས་ཆོས་བརྒྱད་ཞུས་པའི་ལེའུ་བམ་པོ་ཕྱེད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འོད་སྲུང་གིས་ཞུས་པའི་ལེའུ་བམ་པོ་གསུམ་པ། ཤློ་ཀ་

དྲུག་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། ‘’རིན་པོ་ཆེའི་ཕུང་པོ་ལུང་བསྟན་པའི་ལེའུ་བམ་པོ་གཉིས་པ། ལེའུ་བདུན་དང་། ཤློ་ཀ་དྲུག་

བརྒྱ་བདུན་ཅུ་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་བློ་གྲོས་མི་ཟད་པས་ཞུས་པའི་ལེའུ་བམ་པོ་གཅིག་དང་། ཤློ་ཀ་ཉིས་བརྒྱ་བ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་།

Vol. 103 · folio 123a

ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། ལོ་ཙཱ་བ་དྷརྨ་ཏཱ་ཤཱི་ལས་སྐད་གསར་བཅད་ཀྱིས་བཅོས་པས། འཕགས་པ་ཤེས་ཕྱིན་བདུན་བརྒྱ་བ་ལུང་བསྟན་པའི་ལེའུ་བམ་པོ་གཉིས་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་

བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་གཙུག་ན་རིན་པོ་ཆེས་ཞུས་པའི་ལེའུ་བམ་པོ་གསུམ་པ། རྒྱ་གར་གྱི་མཁན་པོ་ཀ་མ་ལ་ཤཱི་ལ་དང་། ལོ་ཙཱ་བ་བནྡེ་དྷརྨ་ཏཱ་ཤཱི་ལས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་ལྷ་མོ་

དཔལ་འཕྲེང་གིས་སེང་གེའི་སྒྲ་བསྟན་པའི་ལེའུ་བམ་པོ་གཉིས་པ། ཤློ་ཀ་དྲུག་བརྒྱ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། དྲང་སྲོང་རྒྱས་པས་ཞུས་པའི་ལེའུ་བམ་པོ་གཉིས་པ།

རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །དེ་ལྟར་འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལས་

འདུས་པ་ཞེ་དགུ་པོ་ཡོངས་སུ་རྫོགས་པའི་སྤྱིའི་འགྱུར་བྱང་དུ་རྒྱ་གར་ཡུལ་དང་། ལི་ཡུལ་དང་། རྒྱ་ལས་དཔེ་རྙེད་པ་ལས་ལེའུ་ཚང་ཞིང་བསྒྱུར་དུ་རུང་བ་རྣམས་བསྒྱུར་བ། ཞེས་འབྱུང་ངོ༌།། །།བཞི་པ་མདོ་མང་དུ་གྲགས་པ་ཐེག་པ་

ཆེ་ཆུང་གི་མདོ་ཅི་རིགས་པ་ཕྱོགས་གཅིག་ཏུ་བསྒྲིགས་པའི་སྐོར་ནི། ཚལ་པ་བཀའ་འགྱུར་གྱི་སྒྲིག་རིམ་དངོས་ལྟར་དགོད་པ་ལ་ཐེག་ཆེན་དང་ཐེག་དམན་གཉིས་ལས་སྔ་མ་ལ་འཁོར་ལོ་ཐ་མ་ཤས་ཆེ་ཞིང་བར་པར་ཡང་གཏོགས་པ་ཅི་རིགས་པ་ཡོད་མོད་ཀྱི་

སྔོན་གྱི་མཁས་པ་རྣམས་ཀྱིས་ཀྱང་མ་ཕྱེ་བར་བཞག་པ་ལྟར་ལ། ཐོག་མའི་གླེགས་བམ་ཀ་པ་ལ་འཕགས་པ་བསྐལ་པ་བཟང་པོའི་མདོ་བམ་པོ་ཉེར་དྲུག་པ། རྒྱ་གར་གྱི་མཁན་པོ་བིདྱ་ཀ་ར་སིདྷ་དང་། ལོ་ཙཱ་བ་བནྡེ་དཔལ་དབྱངས་ཀྱིས་བསྒྱུར་བ་ལ་སླར་

Vol. 103 · folio 123b

ཡང་སྐ་བ་དཔལ་བརྩེགས་ཀྱིས་ཞུས་པ་བཞུགས་སོ། །ཁ་པ་ལ། འཕགས་པ་རྒྱ་ཆེ་རོལ་པ་བམ་པོ་བཅོ་བརྒྱད་དང་ལེའུ་ཉེར་བདུན་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་རྣམས་དང་། ལོ་ཙཱ་བ་བནྡེ་ཡེ་ཤེས་

སྡེས་བསྒྱུར་ཅིང་སྐད་གསར་བཅད་ཀྱིས་ཀྱང་བཅོས་པ། འཕགས་པ་འཇམ་དཔལ་རྣམ་པར་རོལ་པ་བམ་པོ་གཉིས་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་འཇམ་དཔལ་རྣམ་པར་

འཕྲུལ་པའི་ལེའུ། བམ་པོ་གཅིག་དང་ཤློ་ཀ་གོ་བཞི་པ་རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་དེ་བཞིན་གཤེགས་པ་ཐམས་ཅད་ཀྱི་

བྱིན་གྱིས་བརླབས་སེམས་ཅན་ཐམས་ཅད་ལ་གཟིགས་ཤིང་སངས་རྒྱས་ཀྱི་ཞིང་གི་བཀོད་པ་བསྟན་པའི་མདོ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་དང་ཅོག་རོ་ཀླུའི་རྒྱལ་མཚན་གྱིས་བསྒྱུར་བ་རྣམས་

བཞུགས་སོ། །ག་པ་ལ། འཕགས་པ་བཅོམ་ལྡན་འདས་ཀྱི་ཡེ་ཤེས་རྒྱས་པའི་མདོ་རིན་པོ་ཆེ་མཐའ་ཡས་པ་མཐར་ཕྱིན་པ་ཞེས་བྱ་བ་བམ་པོ་ཉི་ཤུ་རྩ་ལྔ་བ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྙིང་པོས་བསྒྱུར་བ་ལ་

སླད་ཀྱིས་བཎྜི་ཏ་བི ཤུདྡྷ་སིདྷ་དང་། སརྦ་ཛྙཱ་དེ་བ་དང་། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་རྣམས་ཀྱིས་ཞུས་པ། འཕགས་པ་སངས་རྒྱས་ཐམས་ཅད་ཀྱི་ཡུལ་ལ་འཇུག་པ་ཡེ་ཤེས་སྣང་བའི་རྒྱན་ཞེས་བྱ་བའི་མདོ་བམ་པོ་གསུམ་དང་ཤློ་ཀ་

ལྔ་བཅུ་བ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་ལ་སོགས་པས་བསྒྱུར་བ་རྣམས་བཞུགས་སོ། །པ་ལ། འཕགས་པ་དགེ་བའི་རྩ་བ་ཡོངས་སུ་འཛིན་པའི་མདོ་བམ་པོ་བཅོ་བརྒྱད་དང་ལེའུ་བཅོ་ལྔ་བ། རྒྱ་གར་གྱི་

Vol. 103 · folio 124a

མཁན་པོ་པྲ་ཙཱ་ཝརྨ་དང་། ལོ་ཙཱ་བ་བནྡེ་ལེགས་ཀྱི་སྡེས་བསྒྱུར་བ་ལ། སླད་ཀྱིས་པཎྜི་ཏ་པྲ་ཛྙཱ་ཝརྨ་དང་། ཛྙཱ་ན་གབྷ་དང་ལོ་ཙཱ་བ་བནྡེ་ཡེ་ཤེས་སྡེ་རྣམས་ཀྱིས་ཞུས་པ། འཕགས་པ་ཟུང་གི་མདོའི་ཆོས་ཀྱི་རྣམ་གྲངས་བམ་

པོ་བཞི་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་ཁྱེའུ་སྣང་བ་བསམ་གྱིས་མི་ཁྱབ་པས་བསྟན་པའི་ཆོས་ཀྱི་རྣམ་གྲངས་ཤློ་ཀ་ཉིས་བརྒྱ་

བདུན་ཅུ་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། འཕགས་པ་དེ་བཞིན་གཤེགས་པ་རྣམས་ཀྱི་སངས་རྒྱས་ཀྱི་ཞིང་གི་ཡོན་ཏན་བརྗོད་པའི་ཆོས་ཀྱི་རྣམ་གྲངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་

ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་དཀྱིལ་འཁོར་བརྒྱད་པའི་ཆོས་ཀྱི་རྣམ་གྲངས་ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ་རྣམས་བཞུགས་སོ། །ཅ་པ་ལ། འཕགས་པ་དགོངས་པ་ངེས་

པར་འགྲེལ་པ་ཞེས་བྱ་བའི་མདོ་ལེའུ་བཅུ་བ་སྐད་གསར་བཅད་ཀྱིས་བཅོས་ནས་གཏན་ལ་ཕབ་པ། འཕགས་པ་ལང་ཀར་གཤེགས་པ་བམ་པོ་དགུ་དང་ལེའུ་ཉེར་བརྒྱད་པ་རྒྱ་གར་ནས་འགྱུར་བར་གྲགས་ཀྱང་སྒྱུར་མཁན་གྱི་གསལ་ཀ་མ་བྱུང་། འཕགས་

པ་ལང་ཀར་གཤེགས་པ་རིན་པོ་ཆེའི་མདོ་སངས་རྒྱས་ཐམས་ཅད་ཀྱི་གསུང་གི་སྙིང་པོའི་ལེའུ་བམ་པོ་བརྒྱད་པ། རྒྱའི་སློབ་དཔོན་ཝེན་ཧཱི་ཡིས་མཛད་པའི་འགྲེལ་པ་དང་སྦྱར་ནས་ལོ་ཙཱ་བ་འགོས་ཆོས་འགྲུབ་ཀྱིས་རྒྱའི་དཔེ་ལས་བསྒྱུར་བ། འཕགས་པ་ག་

ཡ་མགོ་རིའི་ཤློ་ཀ་བརྒྱ་བརྒྱད་ཅུ་རྩ་བརྒྱད་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ་རྣམས་བཞུགས་སོ། །ཆ་པ་ལ། འཕགས་པ་རྒྱན་སྟུག་པོ་བཀོད་པ་ཇི་སྙེད་པ་བམ་པོ་བཞི་དང་ལེའུ་དགུ་གཤམ་མ་

Vol. 103 · folio 124b

ཚང་བར་བཞེད་པ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། བནྡེ་ཡེ་ཤེས་སྡེས་བསྒྱུར་བ། འཕགས་པ་སྙིང་རྗེ་ཆེན་པོ་པདྨ་དཀར་པོ་བམ་པོ་དྲུག་དང་ལེའུ་བཅུ་གསུམ་པ་ཛི་ན་མི་ཏྲ་ལ་སོགས་ཀྱིས་བསྒྱུར་བ། འཕགས་པ་སྙིང་རྗེ་པད་དཀར་ཞེས་བྱ་བ་བམ་པོ་

བཅོ་ལྔ་དང་ལེའུ་དྲུག་པ། པཎྜི་ཏ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། པྲ་ཙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ་རྣམས་བཞུགས་སོ། །ཇ་པ་ལ། དམ་པའི་ཆོས་པདྨ་དཀར་པོ་བམ་པོ་བཅུ་གསུམ་དང་ལེའུ་ཉེར་བདུན་

པ་པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་སྣ་ནམ་ཡེ་ཤེས་སྡེས་བསྒྱུར་ཅིང་ཞུས་པ། ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོའི་མདོ་པཎྜི་ཏ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། བདེ་བ་ཅན་གྱི་

བཀོད་པ་ཤློ་ཀ་སུམ་ཅུ་པ་པཎྜི་ཏ་དཱ་ན་ཤི་ལ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། ཟ་མ་ཏོག་བཀོད་པ་བམ་པོ་ཕྱེད་དང་ལྔ་ལེའུ་གཉིས་པ། པཎྜི་ཏ་ཛི་ན་མི་ཏྲ་སོགས་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། དཀོན་

མཆོག་གི་ཟ་མ་ཏོག་བམ་པོ་བཞི་པ། ལོ་ཙཱ་བ་བནྡེ་རཏྣ་རཀྵི་ཏས་བསྒྱུར་ཅིང་སྐད་གསར་བཅད་ཀྱིས་བཅོས་པ། རིན་པོ་ཆེའི་མཐའི་མདོ། ཤློ་ཀ་ཉིས་བརྒྱ་བཅུ་བ། པཎྜི་ཏ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ་

རྣམས་བཞུགས་སོ། །ཉ་པ་པ་ལ། མྱ་ངན་ལས་འདས་པ་ཆེན་པོའི་མདོ། བམ་པོ་ལྔ་བཅུ་རྩ་དྲུག་དང་ལེའུ་བཅོ་ལྔ་བ་རྒྱ་ནག་གི་མཁན་པོ་ཝང་ཕན་ཞུན་དང་དྷརྨའི་གཞི་འཛིན་དགེ་བའི་བློ་གྲོས། ལོ་ཙཱ་བ་རྒྱ་མཚོའི་སྡེས་བསྒྱུར་བ་ལས་བམ་པོ་ཉེར་

བརྒྱད་དང་ལེའུ་དགུ་བ་ཡན་བཞུགས། ཏ་པ་ལ། དེའི་འཕྲོས་ཡོངས་སུ་རྫོགས་པ་བཞུགས་སོ། །ཐ་པ་ལ། འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། ལེའུ་ཉི་ཁྲི་ལྔ་སྟོང་པ་ལས། ལྷ་དང་མི་ལ་སོགས་པས་

Vol. 103 · folio 125a

ཞུས་པའི་ལེའུ་ཉི་ཚེ་བམ་པོ་བཅུ་གསུམ་དང་། ལེའུ་ལྔ་པ་རྒྱ་གར་གྱི་མཁན་པོ་ཛི་ན་མི་ཏྲ་དང་། ཛྷ་ན་གརྦྷ་དང་། ལོ་ཙཱ་བ་བནྡེ་དེ་བ་ཙནྡས་བསྒྱུར་ཏེ་གཏན་ལ་ཕབ་པ། འཕགས་པ་མྱ་ངན་ལས་འདས་པའི་མདོ་ཆུང་བ་ཤློ་ཀ་

དྲུག་ཅུའི་ཚད་ཙམ་པ། པཎྜི་ཏ་ཀ་མ་ལ་གུབྷ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། འཕགས་པ་འདའ་ཀ་ཡེ་ཤེས་ཤློ་ཀ་བཅུ་བ། དཀར་ཆག་ལྡན་དཀར་མར་རྒྱ་ལས་འགྱུར་བར་བཤད་པ། སངས་རྒྱས་ཀྱི་མཛོད་ཀྱི་ཆོས་

ཀྱི་ཡི་གེ་བམ་པོ་བཞི། ལེའུ་བཅུ་གཅིག་པ། ཤློ་ཀ་སྟོང་ཉིས་བརྒྱ་སྟེ། ཐེམ་སྤངས་མ་ལ་རྒྱ་ལས་འགྱུར་བའི་བརྡ་རྙིང་པར་སྣང་ཟེར་བ་ལས་འགྱུར་བྱང་གསལ་ཁ་མེད་པ། འདི་ལ་སྔོན་གྱི་མཁས་པ་དག་གིས་ཚད་མར་མཛད་མོད་ཀྱི། ཕྱི་ནས་

འགའ་ཞིག་གིས་དཔྱད་གཞིར་བྱས་སྣང་ངོ༌། །འཕགས་པ་དཀོན་མཆོག་འབྱུང་གནས་བམ་པོ་བདུན་པ། པཎྜི་ཏ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་གསེར་གྱི་

མདོ་འགྱུར་བྱང་མེད་པ། འཕགས་པ་གསེར་གྱི་བྱེ་བ་ལྟ་བུའི་མདོ་ཤློ་ཀ་བརྒྱད་ཅུ་པ་པཎྜི་ཏ་སུ་རེནྡྲ་བོ་དྷི་དང་། པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ་རྣམས་བཞུགས་སོ། །ད་པ་ལ། འཕགས་པ་ཆོས་ཐམས་ཅད་ཀྱི་རང་བཞིན་

མཉམ་པ་ཉིད་རྣམ་པར་སྤྲོས་པའི་ཏིང་ངེ་འཛིན་གྱི་རྒྱལ་པོའི་མདོ་བམ་པོ་བཅོ་ལྔ་དང་ལེའུ་སོ་དགུ་བ། པཎྜི་ཏ་ཤཱི་ལེནྡྲ་པོ་དྷི་དང་། ལོ་ཙཱ་བ་བནྡེ་དྷརྨ་ཏཱ་ཤཱི་ལས་བསྒྱུར་ཅིང་། སྐད་གསར་བཅད་ཀྱིས་བཅོས་པ། འཕགས་པ་ཆོས་ཉིད་རང་གི་ངོ་བོ་ཉིད་

ལས་མི་གཡོ་བར་ཐ་དད་པར་ཐམས་ཅད་ལ་སྣང་བའི་མདོ། པཎྜི་ཏ་དཱ་ན་ཤཱི་ལ་དང་། བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་གྱི་མདོ། བམ་པོ་གསུམ་དང་། ལེའུ་སོ་

Vol. 103 · folio 125b

བརྒྱད་པ། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་སྒྱུ་མ་ལྟ་བུའི་ཏིང་ངེ་འཛིན་གྱི་མདོ་བམ་པོ་ཕྱེད་དང་གཉིས་དང་ལེའུ་དགུ་བ། པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་

སྡེའི་འགྱུར་དང་། འཕགས་པ་དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་གྱི་མདོ་བམ་པོ་གཉིས་དང་ཤློ་ཀ་དྲུག་ཅུ་པ། པཎྜི་ཏ་ཛི་ན་མི་ཏྲ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ།

འཕགས་པ་དཔའ་བར་འགྲོ་བའི་ཏིང་ངེ་འཛིན་གྱི་མདོ་བམ་པོ་ལྔ་དང་ལེའུ་དགུ་བ། རྒྱ་གར་གྱི་མཁན་པོ་ཤཱཀྱ་པྲ་བྷ་དང་། ལོ་ཙཱ་བ་བནྡེ་རཏྣ་རཀྵི་ཏས་བསྒྱུར་ཅིང་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །ན་པ་ལ། འཕགས་པ་ད་ལྟར་གྱི་སངས་

རྒྱས་མངོན་སུམ་དུ་བཞུགས་པའི་ཏིང་ངེ་འཛིན་གྱི་མདོ་བམ་པོ་བདུན་དང་ལེའུ་ཉེར་ལྔ་པ། འགྱུར་བྱང་སྔ་མ་དང་མཚུངས་པ། འཕགས་པ་བསོད་ནམས་ཐམས་ཅད་བསྡུས་པའི་ཏིང་ངེ་འཛིན་གྱི་མདོ་བམ་པོ་བཞི་དང་ལེའུ་ལྔ་བཅུ་པ། པཎྜི་ཏ་པྲ་ཛྙཱ་ཝརྨ་དང་། ཤཱི་

ལེནྡབོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེ་བམ་པོ་གཉིས་དང་ལེའུ་དགུ་པ་འགྱུར་བྱང་མེད་པ། འཕགས་པ་ཁྱེའུ་བཞིའི་ཏིང་ངེ་འཛིན་གྱི་མདོ་བམ་པོ་གསུམ་པ། པཎྜི་ཏ་ཛི་ན་མི་ཏྲ་

དང་། པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་ཏིང་ངེ་འཛིན་མཆོག་དམ་པའི་མདོ་བམ་པོ་གཅིག་པ། འགྱུར་བྱང་མེད་པ། འཕགས་པ་འདུས་པ་ཆེན་པོ་རིན་པོ་ཆེ་ཏོག་གི་གཟུངས་བམ་པོ་བརྒྱད་དང་ལེའུ་བཅུ་གསུམ་

པ། པཎྜི་ཏ་ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་ཞུས་ཏེ་སྐད་གསར་བཅད་ཀྱིས་བཅོས་པ། འཕགས་པ་རྡོ་རྗེ་སྙིང་པོའི་མདོ་གཟུངས་བམ་པོ་གཅིག་པ། འགྱུར་སྔ་མ་དང་འདྲ་བ། འཕགས་པ་སྒོ་མཐའ་ཡས་པ་བསྒྲུབ་པའི་མདོ་གཟུངས་ཤློ་ཀ་ཉིས་

Vol. 103 · folio 126a

བརྒྱ་དང་བཅུ་བ་འགྱུར་བྱང་མེད་པ། འཕགས་པ་སྒོ་དྲུག་པའི་མདོ་གཟུངས་འགྱུར་བྱང་མེད་པ་རྣམས་བཞུགས་སོ། །པ་པ་ལ། འཕགས་པ་རྣམ་པར་མི་རྟོག་པར་འཇུག་པའི་གཟུངས་ཤློ་ཀ་བརྒྱ་ཉི་ཤུ་པ། པཎྜི་ཏ་ཛི་ན་མི་ཏྲ་དང་། དཱ་

ན་ཤཱི་ལ་དང་། ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་བ། ཚིགས་སུ་བཅད་པ་གཉིས་པའི་གཟུངས་འགྱུར་བྱང་མེད་པ། འཕགས་པ་ཐེག་པ་ཆེན་པོ་ལ་དད་པ་རབ་ཏུ་སྒོམ་པའི་མདོ། བམ་པོ་གཉིས་དང་ལེའུ་བཞི་བ། རྒྱ་གར་གྱི་མཁན་པོ་ཛི་ན་མི་

ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། འཕགས་པ་དཀོན་མཆོག་ཏ་ལ་ལའི་གཟུངས། པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་བྱང་ཆུབ་སེམས་དཔའི་སྤྱོད་

ཡུལ་ཐབས་ཀྱི་ཡུལ་ལ་རྣམ་པར་འཕྲུལ་པ་བསྟན་པ་ཞེས་བྱ་བའི་མདོ་བམ་པོ་ལྔ་དང་ལེའུ་བཅུ་བ། པཎྜི་ཏ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་དེ་བཞིན་གཤེགས་པའི་སྙིང་རྗེ་ཆེན་པོ་ངེས་པར་བསྟན་པ་ཞེས་

བྱ་བ་གཟུངས་ཀྱི་དབང་ཕྱུག་རྒྱལ་པོས་ཞུས་པའི་མདོ་བམས་པོ་བདུན་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་ནམ་མཁའི་མཛོད་ཀྱིས་ཞུས་པའི་མདོ་བམ་

པོ་བརྒྱད་པ། རྒྱ་གར་གྱི་མཁན་པོ་བི་ཛ་ཡ་ཤཱི་ལ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཏེ་སྐད་གསར་བཅད་ཀྱིས་བཅོས་པ། འཕགས་པ་བྱམས་པས་ཞུས་པའི་མདོ། ཤློ་ཀ་བདུན་ཅུ་པ་འགྱུར་བྱང་མེད་པ། འཕགས་པ་

སྤྱན་རས་གཟིགས་ཀྱིས་ཞུས་པའི་ཆོས་བདུན་པའི་མདོ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་བའི་བློ་གྲོས་ཀྱི་འགྱུར། འཕགས་པ་སྤོབས་པའི་བློ་གྲོས་ཀྱིས་ཞུས་པའི་མདོ་བམ་པོ་གཅིག་པ། པཎྜི་ཏ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་

Vol. 103 · folio 126b

ཤེས་སྡེ་ལ་སོགས་པས་བསྒྱུར་བ་རྣམས་བཞུགས་སོ། །ཕ་པ་ལ། འཕགས་པ་བློ་གྲོས་རྒྱ་མཚོས་ཞུས་པའི་མདོ་བམ་པོ་བཅུ་དང་ལེའུ་བཅུ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། བུདྡྷ་པྲ་བྷ་དང་། ལོ་ཙཱ་བ་བནྡེ་ཡེ་ཤེས་

སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་ཀླུའི་རྒྱལ་པོ་རྒྱ་མཚོས་ཞུས་པའི་མདོ་རྒྱས་པ་བམ་པོ་བདུན་དང་ལེའུ་བཅུ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། ཀླུའི་

རྒྱལ་པོ་རྒྱ་མཚོས་ཞུས་པའི་མདོ་འབྲིང་པོ་དགེ་བ་བཅུ་བསྟན་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཏེ་སྐད་གསར་བཅད་ཀྱིས་བཅོས་པ། འཕགས་པ་ཀླུའི་རྒྱལ་པོ་

རྒྱ་མཚོས་ཞུས་པའི་མདོ་བསྡུས་པ་ཤློ་ཀ་བཅུ་གཉིས་པ། པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། འཕགས་པ་ཀླུའི་རྒྱལ་པོ་མ་དྲོས་པས་ཞུས་པའི་མདོ་བམ་པོ་བཞི་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་།

ལོ་ཙཱ་བ་བནྡེ་ཡེ་ཤེས་སྡེ་དང་། ཡི་གེ་པ་དགོན་གླི་པརྨ་ལ་སོགས་པས་བསྒྱུར་ཅིང་ཞུས་ཆེན་བགྱིས་པ། འཕགས་པ་མིའམ་ཅིའི་རྒྱལ་པོ་སྡོང་པོས་ཞུས་པ་བམ་པོ་ལྔ་བ། བྱང་ཆུབ་སེམས་དཔའ་ལྷའི་ཅོད་པན་དང་། ལོ་ཙཱ་བ་བནྡེ་དཔལ་གྱི་ལྷུན་པོ་

དང་། དཔལ་བརྩེགས་ཀྱི་འགྱུར་རྣམས་བཞུགས་སོ། །བ་པ་ལ། འཕགས་པ་ཚངས་པས་ཞུས་པའི་མདོ་ཤློ་ཀ་ཉིས་བརྒྱ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་ཚངས་པས་བྱིན་གྱིས་

ཞུས་པའི་མདོ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། པྲཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་ཚངས་པ་ཁྱད་པར་སེམས་ཀྱིས་ཞུས་པའི་མདོ་བམ་པོ་དྲུག་པ། རྒྱ་གར་གྱི་མཁན་པོ་ཤཱཀྱ་པྲ་བྷ་དང་། དྷརྨ་པཱ་ལ་

Source and licence

Text: Esukhia’s Derge Kangyur e-text (Esukhia/derge-kangyur · commit a582cf47) · public domain

Licence Public Domain · Evidence

README ของ Esukhia/derge-kangyur ที่ commit a582cf471b7c (เปิดอ่านแล้ว ๓ ต.ค. ๒๕๖๙): "This work is a mechanical reproduction of a Public Domain work, and as such is also in the Public Domain." · สำเนาคำต่อคำ: data/kangyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words