ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ

Sanskrit title (Tibetan script, as in the text) ཤཏ་སཱཧ་སྲི་ཀ་པྲད་ཉཱ་པཱར་མི་ཏཱ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 24 · folio 267a

དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ནི། མཚན་ཉིད་ཐ་དད་པ་ཡང་མ་ཡིན། མཚན་ཉིད་གཅིག་པ་ཡང་མ་ཡིན་ཏེ། རབ་འབྱོར་མཚན་ཉིད་མྱེད་པ་བསྒོམ་པ་ནི། བྱང་ཆུབ་སེམས་

དཔའ་སེམས་དཔའ་ཆེན་པོ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །གསོལ་པ། དེ་ཇི་ལྟར་ན་མཚན་ཉིད་མ་མཆིས་པ་བསྒོམ་པ་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ།

ཆོས་ཐམས་ཅད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །གསོལ་པ། བཅོམ་ལྡན་འདས་དེ་ཇི་ལྟར་ཆོས་ཐམས་ཅད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་

ལགས། བཅོམ་ལྡན་འདས་ཀྱིས་བཀའ་སྩལ་པ། གཟུགས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཚོར་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་

བསྒོམ་པའོ། །འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །འདུ་བྱེད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྣམ་པར་ཤེས་པ་རྣམ་པར་

བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མྱིག་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྣ་བ་རྣམ་པར་བསྒོམ་པ་བསྒོམ་པ་ནི། །ཤེས་རབ་ཀྱི་ཕ་རོལ་ཏུ་ཕྱིན་པ་

བསྒོམ་པའོ། །སྣ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལྕེ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལུས་རྣམ་པར་བསྒོམ་པ་བསྒོམ་པ་ནི།

Vol. 24 · folio 267b

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཡིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །གཟུགས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྒྲ་རྣམ་

པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དྲི་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རོ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་

ཕྱིན་པ་བསྒོམ་པའོ། །རེག་རྣམ་པར་བསྒོམ་པ་བསྒོམ་པ་ནི། །ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཆོས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མྱིག་གི་རྣམ་པར་ཤེས་པ་རྣམ་པར་

བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྣ་བའི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྣའི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ་ནི།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལྕེའི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལུས་ཀྱི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་

པ་བསྒོམ་པའོ། །ཡིད་ཀྱི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མྱིག་གི་འདུས་ཏེ་རེག་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྣ་

བའི་འདུས་ཏེ་རེག་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྣའི་འདུས་ཏེ་རེག་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལྕེའི་འདུས་ཏེ་རེག་པ་རྣམ་

Vol. 24 · folio 268a

པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལུས་ཀྱི་འདུས་ཏེ་རེག་པ་རྣམ་པར་བསྒོམ་པ་བསྒོམ་པ་ནི། །ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཡིད་ཀྱི་འདུས་ཏེ་རེག་པ་རྣམ་

པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྣ་བའི་འདུས་ཏེ་རེག་པའི་རྐྱེནད་

ཀྱིས་ཚོར་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལྕེའི་འདུས་ཏེ་

རེག་པའི་རྐྱེན་ཀྱིས་ཚོར་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །

ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སའི་ཁམས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཆུའི་

ཁམས་རྣམ་པར་བསྒོམ་པ་བསྒོམ་པ་ནི། །ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མྱེའི་ཁམས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རླུང་གི་ཁམས་རྣམ་པར་བསྒོམ་པ་

བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ནམ་མཁའི་ཁམས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྣམ་པར་ཤེས་པའི་ཁམས་རྣམ་པར་བསྒོམ་པ་

Vol. 24 · folio 268b

བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྟེན་ཅིང་འབྲེལ་བར་འབྱུང་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མ་རིག་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་

ཕ་རོལ་ཏུ་ཕྱིན་པ་བསྒོམ་པའོ། །འདུ་བྱེད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྣམ་པར་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མྱིང་

དང་གཟུགས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྐྱེ་མཆེད་དྲུག་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རེག་པ་རྣམ་པར་བསྒོམ་པ་བསྒོམ་པ་ནི།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཚོར་བ་རྣམ་པར་བསྒོམ་པ་བསྒོམ་པ་ནི། །ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྲེད་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལེན་

པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྲིད་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྐྱེ་བ་རྣམ་པར་བསྒོམ་པ་བསྒོམ་པ་ནི། ཤེས་

རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྒ་ཤི་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བླང་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དོར་

བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བསམ་གཏན་དང་པོ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བསམ་གཏན་གཉིས་པ་རྣམ་པར་བསྒོམ་

Vol. 24 · folio 269a

པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བསམ་གཏན་གསུམ་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བསམ་གཏན་བཞི་པ་རྣམ་པར་

བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བྱམས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྙིང་རྗེ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིནད་

པ་བསྒོམ་པའོ། །དགའ་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བཏང་སྙོམས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ནམ་མཁའ་མཐའ་ཡས་

སྐྱེ་མཆེད་ཀྱི་སྙོམས་པར་འཇུག་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྣམ་ཤེས་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལད་ཏུ་

ཕྱིན་པ་བསྒོམ་པའོ། །ཆུང་ཟད་མྱེད་པའི་སྐྱེ་མཆེད་ཀྱི་སྙོམས་པར་འཇུག་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །འདུ་ཤེས་མྱེད་འདུ་ཤེས་མྱེད་མྱིན་སྐྱེ་མཆེད་ཀྱི་སྙོམས་པར་འཇུག་པ་རྣམ་པར་

བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སངས་རྒྱས་རྗེས་སུ་དྲན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཆོས་རྗེས་སུ་དྲན་པ་རྣམ་པར་བསྒོམ་པ་བསྒོམ་པ་

ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དགེ་འདུན་རྗེས་སུ་དྲན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཚུལ་ཁྲིམས་རྗེས་སུ་དྲན་པ་རྣམ་པར་བསྒོམ་པ་བསྒོམ་པ་ནི། ཤེས་

Vol. 24 · folio 269b

རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །གཏོང་བ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལྷ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་

པའོ། །སྐྱོ་བ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དབུགས་ཕྱི་ནང་དུ་རྒྱུ་བ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་

པའོ། །འཆི་བ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལུས་ཀྱི་རྣམ་པ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །

མྱི་རྟག་པའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྡུག་བསྔལ་གྱི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བདག་

མྱེད་པའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མྱི་སྡུག་པའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དངོས་པོ་མྱེད་པའི་

འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བདག་གི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སེམས་ཅན་གྱི་འདུ་ཤེས་རྣམ་པར་

བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྲོག་གི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྐྱེ་བའི་འདུ་ཤེས་རྣམ་པར་བསྒོམ་པ་བསྒོམ་པ་

Vol. 24 · folio 270a

ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །གསོ་བའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྐྱེས་བུའི་འདུ་ཤེས་རྣམ་པར་བསྒོམ་པ་

བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །གང་ཟག་གི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཤེད་ཅན་གྱི་འདུ་ཤེས་རྣམ་པར་བསྒོམ་པ་བསྒོམ་པ་ནི་

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཤེད་བདག་གི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བྱེད་པ་པོའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་

ཕ་རོལ་ཏུ་ཕྱིན་པ་བསྒོམ་པའོ། །ཚོར་བ་པོའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཤེས་པ་པོའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་

ཕྱིན་པ་བསྒོམ་པའོ། །མཐོང་བ་པོའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྟག་པའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་

བསྒོམ་པའོ། །བདེ་བའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྡུག་པའི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །

བདག་གི་འདུ་ཤེས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། དྲན་པ་ཉེ་བར་གཞག་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཡང་དག་པར་

Vol. 24 · folio 270b

སྤོང་བ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྫུ་འཕྲུལ་གྱི་རྐང་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དབང་པོ་རྣམ་པར་བསྒོམ་པ་བསྒོམ་པ་ནི།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྟོབས་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བྱང་ཆུབ་ཀྱི་ཡན་ལག་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་

པའོ། །ལམ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྟོང་པ་ཉིད་ཀྱི་ཏིང་ངེ་འཛིན་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མཚན་མ་མྱེད་པའི་ཏིང་ངེ་འཛིན་

རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྨོན་པ་མྱེད་པའི་ཏིང་ངེ་འཛིན་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྣམ་པར་ཐར་པ་བརྒྱད་རྣམ་པར་བསྒོམ་པ་

བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མཐར་ཀྱིས་གནས་པའི་སྙོམས་པར་འཇུག་པ་དགུ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྟོག་པ་དང་བཅས་དཔྱོད་པ་དང་བཅས་

པའི་ཏིང་ངེ་འཛིན་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྟོག་པ་མྱེད་ལ་དཔྱོད་པ་ཙམ་གྱི་ཏིང་ངེ་འཛིན་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྟོག་པ་མྱེད་ཅིང་

དཔྱོད་པ་མྱེད་པའི་ཏིང་ངེ་འཛིན་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྡུག་བསྔལ་འཕགས་པའི་བདེན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །

Vol. 24 · folio 271a

ཀུན་འབྱུང་བ་འཕགས་པའི་བདེན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །འགོག་པ་འཕགས་པའི་བདེན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་

ཕྱིན་པ་བསྒོམ་པའོ། །ལམ་འཕགས་པའི་བདེན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྡུག་བསྔལ་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་

བསྒོམ་པའོ། །ཀུན་འབྱུང་བ་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །འགོག་པ་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལམ་

ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཟད་པ་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མྱི་སྐྱེ་བ་ཤེས་པ་རྣམ་པར་བསྒོམ་པ་

བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཆོས་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྗེས་སུ་འགྲོ་བ་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་

ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཀུན་རྫོབ་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །འདྲིས་པ་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་

པའོ། །སྒྲ་ཇི་བཞིན་ཤེས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལད་ཏུ་ཕྱིནད་པ་བསྒོམ་པའོ། །སྦྱིན་པའི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་

Vol. 24 · folio 271b

པའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལད་ཏུ་ཕྱིནད་པ་བསྒོམ་པའོ། །བཟོད་པའི་ཕ་རོལད་ཏུ་ཕྱིནད་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་

ཕ་རོལ་ཏུ་ཕྱིན་པ་བསྒོམ་པའོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་

རོལ་ཏུ་ཕྱིན་པ་བསྒོམ་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ནང་སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་

བསྒོམ་པའོ། །ཕྱི་སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཕྱི་ནང་སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྟོང་པ་ཉིད་

སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཆེན་པོ་སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དོན་དམ་པ་སྟོང་པ་ཉིད་རྣམ་པར་

བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །འདུས་བྱས་སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །འདུས་མ་བྱས་སྟོང་པ་ཉིད་རྣམ་པར་བསྒོམ་

པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མཐའ་ལས་འདས་པ་སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཐོག་མ་དང་ཐ་མ་མྱེད་པ་སྟོང་པ་ཉིད་རྣམ་པར་

Vol. 24 · folio 272a

བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དོར་བ་མྱེད་པ་སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རང་བཞིན་སྟོང་པ་ཉིད་

རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཆོས་ཐམས་ཅད་སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རང་གི་མཚན་ཉིད་སྟོང་པ་

ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མྱི་དམྱིགས་པ་སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དངོས་པོ་མྱེད་པ་སྟོང་པ་ཉིད་རྣམ་

པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ངོ་བོ་ཉིད་སྟོང་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་རྣམ་པར་

བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །མངོན་པར་ཤེས་པ་དྲུག་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཏིང་ངེ་འཛིན་ཐམས་ཅད་རྣམ་པར་བསྒོམ་པ་

བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །གཟུངས་ཀྱི་སྒོ་ཐམས་ཅད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དེ་བཞིན་གཤེགས་པའི་སྟོབས་བཅུ་རྣམ་པར་བསྒོམ་

པ་བསྒོམ་པ་ནི། །ཤེས་རབ་ཀྱི་ཕ་རོལ་ཏུ་ཕྱིནད་པ་བསྒོམ་པའོ། །མྱི་འཇིགས་པ་བཞི་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སོ་སོ་ཡང་དག་པར་རིག་པ་བཞི་རྣམ་པར་

Vol. 24 · folio 272b

བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །བྱམས་པ་ཆེན་པོ་རྣམ་པར་

བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །སྙིང་རྗེ་ཆེན་པོ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྒྱུན་ཏུ་ཞུགས་པའི་འབྲས་བུ་རྣམ་པར་བསྒོམ་པ་

བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ལན་ཅིག་ཕྱིར་འོང་བའི་འབྲས་བུ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །ཕྱིར་མྱི་འོང་བའི་འབྲས་བུ་རྣམ་པར་བསྒོམ་པ་བསྒོམ་

པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །དགྲ་བཅོམ་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རང་བྱང་ཆུབ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིནད་

པ་བསྒོམ་པའོ། ལམ་གྱི་རྣམ་པ་ཤེས་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རྣམ་པ་ཐམས་ཅད་མཁྱེན་པ་ཉིད་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་

པ་བསྒོམ་པའོ། །བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤངས་པ་རྣམ་པར་བསྒོམ་པ་བསྒོམ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པའོ། །རབ་འབྱོར་ཀྱིས་གསོལ་པ། བཅོམ་ལྡན་འདས་ཇི་ལྟར་

ན། གཟུགས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཚོར་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་འདུ་ཤེས་རྣམ་པར་

Vol. 24 · folio 273a

བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་འདུ་བྱེད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྣམ་པར་ཤེས་པ་རྣམ་པར་

བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མྱིག་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྣ་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་

རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྣ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ལྕེ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་

ལུས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཡིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་གཟུགས་རྣམ་པར་བསྒོམ་པ་བསྒོམ་པ།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྒྲ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་དྲི་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས།

ཇི་ལྟར་ན་རོ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རེག་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཆོས་རྣམ་པར་བསྒོམ་པ་བསྒོམ་པ།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མྱིག་གི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྣ་བའི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ། ཤེས་

Vol. 24 · folio 273b

རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྣའི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ལྕེའི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་

རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ལུས་ཀྱི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཡིད་ཀྱི་རྣམ་པར་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་

རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མྱིག་གི་འདུས་ཏེ་རེག་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིནད་པ་བསྒོམ་པ་ལགས། ཇི་ལྟར་ན་རྣ་བའི་འདུས་ཏེ་རེག་པ་རྣམ་པར་བསྒོམ་པ་བསྒོམ་པ། ཤེས་རབ་

ཀྱི་ཕ་རོལད་ཏུ་ཕྱིནད་པ་བསྒོམ་པ་ལགས། ཇི་ལྟར་ན་སྣའི་འདུས་ཏེ་རེག་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ལྕེའི་འདུས་ཏེ་རེག་པ་རྣམ་པར་བསྒོམ་པ་བསྒོམ་པ།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ལུས་ཀྱི་འདུས་ཏེ་རེག་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཡིད་ཀྱི་འདུས་ཏེ་རེག་པ་རྣམ་པར་བསྒོམ་པ་བསྒོམ་པ།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མྱིག་གི་འདུས་ཏེ་རེག་པའི་རྐྱེནད་ཀྱིས་ཚོར་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྣ་བའི་འདུས་ཏེ་

རེག་པའི་རྐྱེན་ཀྱིས་ཚོར་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིནད་

Vol. 24 · folio 274a

པ་བསྒོམ་པ་ལགས། ཇི་ལྟར་ན་ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་

རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་

སའི་ཁམས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཆུའི་ཁམས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མྱེའི་ཁམས་རྣམ་

པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རླུང་གི་ཁམས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ནམ་མཁའི་ཁམས་རྣམ་པར་

བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྣམ་པར་ཤེས་པའི་ཁམས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྟེན་ཅིང་འབྲེལ་པར་འབྱུང་

བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མ་རིག་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་འདུ་བྱེད་རྣམ་པར་བསྒོམ་པ་

བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྣམ་པར་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མྱིང་དང་གཟུགས་རྣམ་པར་བསྒོམ་པ་

Vol. 24 · folio 274b

བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྐྱེ་མཆེད་དྲུག་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རེག་པ་རྣམ་པར་བསྒོམ་པ་བསྒོམ་པ། ཤེས་

རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཚོར་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྲེད་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་

བསྒོམ་པ་ལགས། ཇི་ལྟར་ན་ལེན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྲིད་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས།

ཇི་ལྟར་ན་སྐྱེ་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྒ་ཤི་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བླང་བ་རྣམ་པར་

བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་དོར་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བསམ་གཏན་དང་པོ་རྣམ་པར་བསྒོམ་པ་བསྒོམ་

པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བསམ་གཏན་གཉིས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བསམ་གཏན་གསུམ་པ་རྣམ་པར་བསྒོམ་པ་བསྒོམ་

པ། ཤེས་རབ་ཀྱི་ཕ་རོལ་ཏུ་ཕྱིནད་པ་བསྒོམ་པ་ལགས། ཇི་ལྟར་ན་བསམ་གཏན་བཞི་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བྱམས་པ་རྣམ་པར་བསྒོམ་པ་བསྒོམ་པ།

Vol. 24 · folio 275a

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྙིང་རྗེ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་དགའ་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་

རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བཏང་སྙོམས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ནམ་མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་རྣམ་པར་བསྒོམ་པ་

བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྣམ་ཤེས་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་

ཆུང་ཟད་མྱེད་པའི་སྐྱེ་མཆེད་ཀྱི་སྙོམས་པར་འཇུག་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་འདུ་ཤེས་མྱེད་འདུ་ཤེས་མྱེད་མྱིན་སྐྱེ་མཆེད་ཀྱི་སྙོམས་པར་འཇུག་པ་རྣམ་

པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སངས་རྒྱས་རྗེས་སུ་དྲན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཆོས་རྗེས་

སུ་དྲན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་དགེ་འདུན་རྗེས་སུ་དྲན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་

ཚུལ་ཁྲིམས་རྗེས་སུ་དྲན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་གཏོང་བ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས།

Vol. 24 · folio 275b

ཇི་ལྟར་ན་ལྷ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྐྱོ་བ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལད་ཏུ་ཕྱིན་པ་བསྒོམ་པ་

ལགས། ཇི་ལྟར་ན་དབུགས་ཕྱི་ནང་དུ་རྒྱུ་བ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་འཆི་བ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་

ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ལུས་ཀྱི་རྣམ་པ་རྗེས་སུ་དྲན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མྱི་རྟག་པའི་འདུ་ཤེས་རྣམ་པར་བསྒོམ་པ་བསྒོམ་པ།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྡུག་བསྔལ་གྱི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བདག་མྱེད་པའི་འདུ་ཤེས་རྣམ་པར་

བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མྱི་སྡུག་པའི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་དངོས་པོ་མྱེད་པའི་འདུ་

ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བདག་གི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སེམས་

ཅན་གྱི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྲོག་གི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་

Vol. 24 · folio 276a

སྐྱེ་བའི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་གསོ་བའི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་

པ་ལགས། ཇི་ལྟར་ན་སྐྱེས་བུའི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལད་ཏུ་ཕྱིནད་པ་བསྒོམ་པ་ལགས། ཇི་ལྟར་ན་གང་ཟག་གི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་

ཕྱིན་པ་བསྒོམ་པ་ལགས། ཇི་ལྟར་ན་ཤེད་ཅན་གྱི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཤེད་བདག་གི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་

ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བྱེད་པ་པོའི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཚོར་བ་པོའི་འདུ་ཤེས་རྣམ་པར་བསྒོམ་པ་བསྒོམ་པ།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཤེས་པ་པོའི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མཐོང་པ་པོའི་འདུ་ཤེས་རྣམ་པར་བསྒོམ་པ་

བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྟག་པའི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བདེ་བའི་འདུ་ཤེས་རྣམ་པར་

བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྡུག་པའི་འདུ་ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བདག་གི་འདུ་

Vol. 24 · folio 276b

ཤེས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་དྲན་པ་ཉེ་བར་གཞག་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཡང་དག་པར་སྤོང་

བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྫུ་འཕྲུལ་གྱི་རྐང་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་དབང་པོ་རྣམ་པར་བསྒོམ་

པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྟོབས་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བྱང་ཆུབ་ཀྱི་ཡན་ལག་རྣམ་པར་བསྒོམ་པ་བསྒོམ་པ། ཤེས་

རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ལམ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྟོང་པ་ཉིད་ཀྱི་ཏིང་ངེ་འཛིན་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་

ཏུ་ཕྱིན་པ་བསྒོམ་པ་ལགས། ཇི་ལྟར་ན་མཚན་མ་མྱེད་པའི་ཏིང་ངེ་འཛིན་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྨོན་པ་མྱེད་པའི་ཏིང་ངེ་འཛིན་རྣམ་པར་བསྒོམ་པ་བསྒོམ་པ།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྣམ་པར་ཐར་པ་བརྒྱད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མཐར་ཀྱིས་གནས་པའི་སྙོམས་པར་འཇུག་པ་དགུ་

རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྟོག་པ་དང་བཅས་དཔྱོད་པ་དང་བཅས་པའི་ཏིང་ངེ་འཛིན་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་

Vol. 24 · folio 277a

ལགས། ཇི་ལྟར་ན་རྟོག་པ་མྱེད་ལ་དཔྱོད་པ་ཙམ་གྱི་ཏིང་ངེ་འཛིན་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྟོག་པ་མྱེད་ཅིང་དཔྱོད་པ་མྱེད་པའི་ཏིང་ངེ་འཛིན་

རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྡུག་བསྔལ་འཕགས་པའི་བདེན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཀུན་

འབྱུང་བ་འཕགས་པའི་བདེན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་འགོག་པ་འཕགས་པའི་བདེན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་

ལགས། ཇི་ལྟར་ན་ལམ་འཕགས་པའི་བདེན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྡུག་བསྔལ་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་

ཕྱིན་པ་བསྒོམ་པ་ལགས། ཇི་ལྟར་ན་ཀུན་འབྱུང་བ་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་འགོག་པ་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལད་ཏུ་

ཕྱིན་པ་བསྒོམ་པ་ལགས། ཇི་ལྟར་ན་ལམ་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཟད་པ་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་

བསྒོམ་པ་ལགས། ཇི་ལྟར་ན་མྱི་སྐྱེ་བ་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཆོས་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་

Vol. 24 · folio 277b

ལགས། ཇི་ལྟར་ན་རྗེས་སུ་འགྲོ་བ་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཀུན་རྫོབ་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་

ལགས། ཇི་ལྟར་ན་འདྲིས་པ་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྒྲ་ཇི་བཞིན་ཤེས་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་

ལགས། ཇི་ལྟར་ན་སྦྱིན་པའི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་

ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བཟོད་པའི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ། ཤེས་

རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་བསྒོམ་པ་བསྒོམ་པ།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ནང་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཕྱི་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་

ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཕྱི་ནང་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྟོང་པ་ཉིད་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་

Vol. 24 · folio 278a

རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཆེན་པོ་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་དོན་དམ་པ་སྟོང་པ་ཉིད་རྣམ་པར་བསྒོམ་པ་

བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་འདུས་བྱས་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིནད་པ་བསྒོམ་པ་ལགས། ཇི་ལྟར་ན་འདུས་མ་བྱས་སྟོང་པ་ཉིད་རྣམ་པར་

བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མཐའ་ལས་འདས་པ་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཐོག་མ་དང་ཐ་མ་

མྱེད་པ་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་དོར་བ་མྱེད་པ་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་

རང་བཞིན་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཆོས་ཐམས་ཅད་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་

ལྟར་ན་རང་གི་མཚན་ཉིད་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མྱི་དམྱིགས་པ་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་

པ་ལགས། ཇི་ལྟར་ན་དངོས་པོ་མྱེད་པ་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ངོ་བོ་ཉིད་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་

Vol. 24 · folio 278b

བསྒོམ་པ་ལགས། ཇི་ལྟར་ན་དངོས་པོ་མྱེད་པའི་ངོ་བོ་ཉིད་སྟོང་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མངོན་པར་ཤེས་པ་དྲུག་རྣམ་པར་བསྒོམ་པ་བསྒོམ་པ། ཤེས་རབ་

ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཏིང་ངེ་འཛིན་ཐམས་ཅད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་གཟུངས་ཀྱི་སྒོ་ཐམས་ཅད་རྣམ་པར་བསྒོམ་པ་བསྒོམ་པ།

ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་དེ་བཞིན་གཤེགས་པའི་སྟོབས་བཅུ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་མྱི་འཇིགས་པ་བཞི་རྣམ་པར་

བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སོ་སོ་ཡང་དག་པར་རིག་པ་བཞི་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སངས་རྒྱས་ཀྱི་ཆོས་མ་

འདྲེས་པ་བཅྭོ་བརྒྱད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བྱམས་པ་ཆེན་པོ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་སྙིང་རྗེ་ཆེན་པོ་

རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རྒྱུན་ཏུ་ཞུགས་པའི་འབྲས་བུ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ལན་ཅིག་ཕྱིར་

འོང་བའི་འབྲས་བུ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་ཕྱིར་མྱི་འོང་བའི་འབྲས་བུ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་

Vol. 24 · folio 279a

ལྟར་ན་དགྲ་བཅོམ་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་རང་བྱང་ཆུབ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་

ལགས། ཇི་ལྟར་ན་ལམ་གྱི་རྣམ་པ་ཤེས་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལད་ཏུ་ཕྱིནད་པ་བསྒོམ་པ་ལགས། ཇི་ལྟར་ན་རྣམ་པ་ཐམས་ཅད་མཁྱེན་པ་ཉིད་རྣམ་པར་བསྒོམ་པ་བསྒོམ་པ། ཤེས་རབ་ཀྱི་

ཕ་རོལ་ཏུ་ཕྱིན་པ་བསྒོམ་པ་ལགས། ཇི་ལྟར་ན་བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤོང་བ་རྣམ་པར་བསྒོམ་པ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ལགས།། །།ཤེས་

རབ་ཀྱི་ཕ་རོལད་ཏུ་ཕྱིནད་པ་སྟོང་ཕྲག་བརྒྱ་པ། བམ་པོ་བཅུ་བདུན་པ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོརད་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་

སྤྱོད་པའི་ཚེ། གཟུགས་དངོས་པོ་ཡོད་ཅེས་བྱ་བར་མྱི་སྒོམ་མོ། །ཚོར་བ་དངོས་པོ་ཡོད་ཅེས་བྱ་བར་མྱི་སྒོམ་མོ། །འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །འདུ་བྱེད་དངོས་པོ་ཡོད་ཅེས་བྱ་བར་མྱི་སྒོམ་མོ། །རྣམ་པར་

ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱིག་དངོས་པོ་ཡོད་ཅེས་བྱ་བར་མྱི་སྒོམ་མོ། །རྣ་བ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྣ་དངོས་པོ་ཡོད་ཅེས་བྱ་བར་མྱི་སྒོམ་མོ། །ལྕེ་དངོས་པོ་ཡོད་ཅེས་བྱ་བར་མྱི་སྒོམ་མོ། །

ལུས་དངོས་པོ་ཡོད་ཅེས་བྱ་བར་མྱི་སྒོམ་མོ། །ཡིད་དངོས་པོ་ཡོད་ཅེས་བྱ་བར་མྱི་སྒོམ་མོ། །གཟུགས་དངོས་པོ་ཡོད་ཅེས་བྱ་བར་མྱི་སྒོམ་མོ། །སྒྲ་དངོས་པོ་ཡོད་ཅེས་བྱ་བར་མྱི་སྒོམ་མོ། །དྲི་དངོས་པོ་ཡོད་ཅེས་བྱ་བར་མྱི་སྒོམ་མོ། །

Vol. 24 · folio 279b

རོ་དངོས་པོ་ཡོད་ཅེས་བྱ་བར་མྱི་སྒོམ་མོ། །རེག་དངོས་པོ་ཡོད་ཅེས་བྱ་བར་མྱི་སྒོམ་མོ། །ཆོས་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱིག་གི་རྣམ་པར་ཤེས་པ་དངོས་པོ་ཡོད་ཅེས་བྱ་བར་མི་སྒོམ་མོ། །རྣ་བའི་རྣམ་པར་ཤེས་པ་དངོས་

པོ་ཡོད་ཅེས་བྱ་བར་མྱི་སྒོམ་མོ། །སྣའི་རྣམ་པར་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ལྕེའི་རྣམ་པར་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ལུས་ཀྱི་རྣམ་པར་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཡིད་

ཀྱི་རྣམ་པར་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱིག་གི་འདུས་ཏེ་རེག་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །རྣ་བའི་འདུས་ཏེ་རེག་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྣའི་འདུས་ཏེ་རེག་པ་དངོས་པོ་ཡོད་

ཅེས་བྱ་བར་མྱི་སྒོམ་མོ། །ལྕེའི་འདུས་ཏེ་རེག་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ལུས་ཀྱི་འདུས་ཏེ་རེག་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཡིད་ཀྱི་འདུས་ཏེ་རེག་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱིག་གི་འདུས་

ཏེ་རེག་པའི་རྐྱེན་ཀྱིས་ཚོར་བ་དངོས་པོ་ཡོད་ཅེས་བྱ་བར་མྱི་སྒོམ་མོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་དངོས་པོ་ཡོད་ཅེས་བྱ་བར་མི་སྒོམ་མོ། །

ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་དངོས་པོ་ཡོད་ཅེས་བྱ་བར་མྱི་སྒོམ་མོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་དངོས་པོ་ཡོད་ཅེས་བྱ་བར་མི་སྒོམ་མོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་དངོས་པོ་ཡོད་ཅེས་

བྱ་བར་མྱི་སྒོམ་མོ། །སའི་ཁམས་དངོས་པོ་ཡོད་ཅེས་བྱ་བར་མྱི་སྒོམ་མོ། །ཆུའི་ཁམས་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱེའི་ཁམས་དངོས་པོ་ཡོད་ཅེས་བྱ་བར་མྱི་སྒོམ་མོ། །རླུང་གི་ཁམས་དངོས་པོ་ཡོད་ཅེས་བྱ་བར་མྱི་སྒོམ་མོ། །ནམ་

Vol. 24 · folio 280a

མཁའི་ཁམས་དངོས་པོ་ཡོད་ཅེས་བྱ་བར་མྱི་སྒོམ་མོ། །རྣམ་པར་ཤེས་པའི་ཁམས་དངོས་པོ་ཡོད་ཅེས་བྱ་བར་མྱི་སྒོམ་མོ། །རྟེན་ཅིང་འབྲེལ་པར་འབྱུང་བ་དངོས་པོ་ཡོད་ཅེས་བྱ་བར་མི་སྒོམ་མོ། །མ་རིག་

པ་དངོས་པོ་ཡོད་ཅེས་བྱ་བར་མྱི་སྒོམ་མོ། །འདུ་བྱེད་དངོས་པོ་ཡོད་ཅེས་བྱ་བར་མྱི་སྒོམ་མོ། །རྣམ་པར་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱིང་དང་གཟུགས་དངོས་པོ་ཡོད་ཅེས་བྱ་བར་མྱི་སྒོམ་མོ། །སྐྱེ་མཆེད་དྲུག་

དངོས་པོ་ཡོད་ཅེས་བྱ་བར་མྱི་སྒོམ་མོ། །རེག་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཚོར་བ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྲེད་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ལེན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །

སྲིད་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྐྱེ་བ་དངོས་པོ་ཡོད་ཅེས་བྱ་བར་མྱི་སྒོམ་མོ། །རྒ་ཤི་དངོས་པོ་ཡོད་ཅེས་བྱ་བར་མྱི་སྒོམ་མོ། །བླང་བ་དངོས་པོ་ཡོད་ཅེས་བྱ་བར་མྱི་སྒོམ་མོ། །དོར་བ་དངོས་པོ་ཡོད་ཅེས་བྱ་བར་མྱི་སྒོམ་མོ། །

བསམ་གཏན་དང་པོ་དངོས་པོ་ཡོད་ཅེས་བྱ་བར་མྱི་སྒོམ་མོ། །བསམ་གཏན་གཉིས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །བསམ་གཏན་གསུམ་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །བསམ་གཏན་བཞི་པ་དངོས་པོ་ཡོད་ཅེས་བྱ་

བར་མྱི་སྒོམ་མོ། །བྱམས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྙིང་རྗེ་དངོས་པོ་ཡོད་ཅེས་བྱ་བར་མྱི་སྒོམ་མོ། །དགའ་བ་དངོས་པོ་ཡོད་ཅེས་བྱ་བར་མྱི་སྒོམ་མོ། །བཏང་སྙོམས་དངོས་པོ་ཡོད་ཅེས་བྱ་བར་མྱི་སྒོམ་མོ། །ནམ་

མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །རྣམ་ཤེས་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཆུང་ཟད་མྱེད་པའི་སྐྱེ་མཆེད་ཀྱི་

Vol. 24 · folio 280b

སྙོམས་པར་འཇུག་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །འདུ་ཤེས་མྱེད་འདུ་ཤེས་མྱེད་མྱིན་སྐྱེ་མཆེད་ཀྱི་སྙོམས་པར་འཇུག་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །སངས་རྒྱས་རྗེས་སུ་དྲན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །

ཆོས་རྗེས་སུ་དྲན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །དགེ་འདུན་རྗེས་སུ་དྲན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཚུལ་ཁྲིམས་རྗེས་སུ་དྲན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །གཏོང་བ་རྗེས་སུ་དྲན་པ་དངོས་པོ་ཡོད་ཅེས་

བྱ་བར་མྱི་སྒོམ་མོ། །ལྷ་རྗེས་སུ་དྲན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྐྱོ་བ་རྗེས་སུ་དྲན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །དབུགས་ཕྱི་ནང་དུ་རྒྱུ་བ་རྗེས་སུ་དྲན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །འཆི་བ་རྗེས་

སུ་དྲན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ལུས་ཀྱི་རྣམ་པ་རྗེས་སུ་དྲན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱི་རྟག་པའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །སྡུག་བསྔལ་གྱི་འདུ་ཤེས་དངོས་པོ་ཡོད་ཅེས་བྱ་

བར་མྱི་སྒོམ་མོ། །བདག་མྱེད་པའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱི་སྡུག་པའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །དངོས་པོ་མྱེད་པའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །བདག་གི་

འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །སེམས་ཅན་གྱི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །སྲོག་གི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །སྐྱེ་བའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །གསོ་

བའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །སྐྱེས་བུའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །གང་ཟག་གི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །ཤེད་ཅན་གྱི་འདུ་ཤེས་དངོས་པོ་ཡོད་ཅེས་བྱ་བར་མྱི་

Vol. 24 · folio 281a

སྒོམ་མོ། །ཤེད་བདག་གི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །བྱེད་པ་པོའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །ཚོར་བ་པོའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །ཤེས་པ་

པོའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །མཐོང་བ་པོའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །རྟག་པའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །བདེ་བའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །སྡུག་

པའི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །བདག་གི་འདུ་ཤེས་དངོས་པོ་ཡོད་ཅེས་བྱ་བར་མྱི་སྒོམ་མོ། །དྲན་པ་ཉེ་བར་གཞག་པ་རྣམས་དངོས་པོ་ཡོད་ཅེས་བྱ་བར་མྱི་སྒོམ་མོ། །ཡང་དག་པར་སྤོང་བ་རྣམས་དངོས་པོ་ཡོད་ཅེས་བྱ་

བར་མྱི་སྒོམ་མོ། །རྫུ་འཕྲུལ་གྱི་རྐང་པ་རྣམས་དངོས་པོ་ཡོད་ཅེས་བྱ་བར་མྱི་སྒོམ་མོ། །དབང་པོ་རྣམས་དངོས་པོ་ཡོད་ཅེས་བྱ་བར་མྱི་སྒོམ་མོ། །སྟོབས་རྣམས་དངོས་པོ་ཡོད་ཅེས་བྱ་བར་མྱི་སྒོམ་མོ། །བྱང་ཆུབ་ཀྱི་ཡན་ལག་རྣམས་དངོས་པོ་

ཡོད་ཅེས་བྱ་བར་མྱི་སྒོམ་མོ། །ལམ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྟོང་པ་ཉིད་ཀྱི་ཏིང་ངེ་འཛིན་དངོས་པོ་ཡོད་ཅེས་བྱ་བར་མྱི་སྒོམ་མོ། །མཚན་མ་མྱེད་པའི་ཏིང་ངེ་འཛིན་དངོས་པོ་ཡོད་ཅེས་བྱ་བར་མི་སྒོམ་མོ། །སྨོན་པ་མྱེད་པའི་ཏིང་

ངེ་འཛིན་དངོས་པོ་ཡོད་ཅེས་བྱ་བར་མྱི་སྒོམ་མོ། །རྣམ་པར་ཐར་པ་བརྒྱད་དངོས་པོ་ཡོད་ཅེས་བྱ་བར་མྱི་སྒོམ་མོ། །མཐར་ཀྱིས་གནས་པའི་སྙོམས་པར་འཇུག་པ་དགུ་དངོས་པོ་ཡོད་ཅེས་བྱ་བར་མྱི་སྒོམ་མོ། །རྟོག་པ་དང་བཅས་དཔྱོད་པ་

དང་བཅས་པའི་ཏིང་ངེ་འཛིན་དངོས་པོ་ཡོད་ཅེས་བྱ་བར་མྱི་སྒོམ་མོ། །རྟོག་པ་མྱེད་ལ་དཔྱོད་པ་ཙམ་གྱི་ཏིང་ངེ་འཛིན་དངོས་པོ་ཡོད་ཅེས་བྱ་བར་མྱི་སྒོམ་མོ། །རྟོག་པ་མྱེད་ཅིང་དཔྱོད་པ་མྱེད་པའི་ཏིང་ངེ་འཛིན་དངོས་པོ་ཡོད་ཅེས་བྱ་བར་མྱི་སྒོམ་མོ། །

Vol. 24 · folio 281b

སྡུག་བསྔལ་འཕགས་པའི་བདེན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཀུན་འབྱུང་བ་འཕགས་པའི་བདེན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །འགོག་པ་འཕགས་པའི་བདེན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ལམ་

འཕགས་པའི་བདེན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྡུག་བསྔལ་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཀུན་འབྱུང་བ་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །འགོག་པ་ཤེས་པ་དངོས་པོ་ཡོད་ཅེས་བྱ་

བར་མྱི་སྒོམ་མོ། །ལམ་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཟད་པ་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱི་སྐྱེ་བ་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཆོས་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །

རྗེས་སུ་འགྲོ་བ་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཀུན་རྫོབ་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །འདྲིས་པ་ཤེས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྒྲ་ཇི་བཞིན་ཤེས་པ་དངོས་པོ་ཡོད་ཅེས་བྱ་བར་མྱི་

སྒོམ་མོ། །སྦྱིན་པའི་ཕ་རོལ་ཏུ་ཕྱིན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །བཟོད་པའི་ཕ་རོལ་ཏུ་ཕྱིན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །བརྩོན་

འགྲུས་ཀྱི་ཕ་རོལ་ཏུ་ཕྱིན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །བསམ་གཏན་གྱི་ཕ་རོལ་ཏུ་ཕྱིན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཤེས་རབ་ཀྱི་ཕ་རོལ་ཏུ་ཕྱིན་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །ནང་སྟོང་པ་ཉིད་དངོས་པོ་

ཡོད་ཅེས་བྱ་བར་མྱི་སྒོམ་མོ། །ཕྱི་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །ཕྱི་ནང་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །སྟོང་པ་ཉིད་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །ཆེན་པོ་སྟོང་པ་ཉིད་དངོས་

Vol. 24 · folio 282a

པོ་ཡོད་ཅེས་བྱ་བར་མྱི་སྒོམ་མོ། །དོན་དམ་པ་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །འདུས་བྱས་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །འདུས་མ་བྱས་སྟོང་པ་ཉིད་དངོས་པོ་ཡོད་ཅེས་བྱ་

བར་མྱི་སྒོམ་མོ། །མཐའ་ལས་འདས་པ་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །ཐོག་མ་དང་ཐ་མ་མྱེད་པ་སྟོང་པ་ཉིད་དངོས་པོ་ཡོད་ཅེས་བྱ་བར་མི་སྒོམ་མོ། །དོར་བ་མྱེད་པ་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །

རང་བཞིན་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །ཆོས་ཐམས་ཅད་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །རང་གི་མཚན་ཉིད་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱི་དམྱིགས་པ་སྟོང་པ་ཉིད་

དངོས་པོ་ཡོད་ཅེས་བྱ་བར་མྱི་སྒོམ་མོ། །དངོས་པོ་མྱེད་པ་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །ངོ་བོ་ཉིད་སྟོང་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་དངོས་པོ་ཡོད་ཅེས་བྱ་

བར་མྱི་སྒོམ་མོ། །མངོན་པར་ཤེས་པ་དྲུག་དངོས་པོ་ཡོད་ཅེས་བྱ་བར་མྱི་སྒོམ་མོ། །ཏིང་ངེ་འཛིན་ཐམས་ཅད་དངོས་པོ་ཡོད་ཅེས་བྱ་བར་མྱི་སྒོམ་མོ། །གཟུངས་ཀྱི་སྒོ་ཐམས་ཅད་དངོས་པོ་ཡོད་ཅེས་བྱ་བར་མྱི་སྒོམ་མོ། །དེ་བཞིན་

གཤེགས་པའི་སྟོབས་བཅུ་དངོས་པོ་ཡོད་ཅེས་བྱ་བར་མྱི་སྒོམ་མོ། །མྱི་འཇིགས་པ་བཞི་དངོས་པོ་ཡོད་ཅེས་བྱ་བར་མྱི་སྒོམ་མོ། །སོ་སོ་ཡང་དག་པར་རིག་པ་བཞི་དངོས་པོ་ཡོད་ཅེས་བྱ་བར་མྱི་སྒོམ་མོ། །སངས་རྒྱས་ཀྱི་ཆོས་

མ་འདྲེས་པ་བཅྭོ་བརྒྱད་དངོས་པོ་ཡོད་ཅེས་བྱ་བར་མྱི་སྒོམ་མོ། །བྱམས་པ་ཆེན་པོ་དངོས་པོ་ཡོད་ཅེས་བྱ་བར་མྱི་སྒོམ་མོ། །སྙིང་རྗེ་ཆེན་པོ་དངོས་པོ་ཡོད་ཅེས་བྱ་བར་མྱི་སྒོམ་མོ། །རྒྱུན་ཏུ་ཞུགས་པའི་འབྲས་བུ་དངོས་པོ་ཡོད་

Vol. 24 · folio 282b

ཅེས་བྱ་བར་མྱི་སྒོམ་མོ། །ལན་ཅིག་ཕྱིར་འོང་བའི་འབྲས་བུ་དངོས་པོ་ཡོད་ཅེས་བྱ་བར་མྱི་སྒོམ་མོ། །ཕྱིར་མྱི་འོང་བའི་འབྲས་བུ་དངོས་པོ་ཡོད་ཅེས་བྱ་བར་མི་སྒོམ་མོ། །དགྲ་བཅོམ་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །རང་བྱང་

ཆུབ་དངོས་པོ་ཡོད་ཅེས་བྱ་བར་མྱི་སྒོམ་མོ། །ལམ་གྱི་རྣམ་པ་ཤེས་པ་ཉིད་དངོས་པོ་ཡོད་ཅེས་བྱ་བར་མྱི་སྒོམ་མོ། །རྣམ་པ་ཐམས་ཅད་མཁྱེན་པ་ཉིད་དངོས་པོ་ཡོད་ཅེས་བྱ་བར་མི་སྒོམ་མོ། བག་ཆགས་ཀྱི་མཚམས་སྦྱོར་བའི་ཉོན་མོངས་

པ་ཐམས་ཅད་སྤངས་པ་དངོས་པོ་ཡོད་ཅེས་བྱ་བར་མྱི་སྒོམ་མོ། །དེ་ཅིའི་ཕྱིར་ཞེ་ན། རབ་འབྱོར་དངོས་པོའི་འདུ་ཤེས་ཅན་ལ་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་བསམ་གཏན་གྱི་ཕ་རོལ་ཏུ་ཕྱིན་

པ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་བཟོད་པའི་ཕ་རོལ་ཏུ་ཕྱིན་པ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་ཚུལ་ཁྲིམས་ཀྱི་ཕ་

རོལ་ཏུ་ཕྱིན་པ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་སྦྱིན་པའི་ཕ་རོལ་ཏུ་ཕྱིན་པ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་ནང་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་ཕྱི་སྟོང་པ་ཉིད་བསྒོམ་པ་

མྱེད་དོ། །དངོས་པོའི་འདུ་ཤེས་ཅན་ལ་ཕྱི་ནང་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་སྟོང་པ་ཉིད་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་ཆེན་པོ་སྟོང་པ་ཉིད་བསྒོམ་པ་མྱེད་དོ། །དངོས་པོའི་

འདུ་ཤེས་ཅན་ལ་དོན་དམ་པ་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་འདུས་བྱས་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་འདུས་མ་བྱས་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་

Vol. 24 · folio 283a

ཅན་ལ་མཐའ་ལས་འདས་པ་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་ཐོག་མ་དང་ཐ་མ་མྱེད་པ་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་དོར་བ་མྱེད་པ་སྟོང་པ་ཉིད་བསྒོམ་པ་

མྱེད་དོ། །དངོས་པོའི་འདུ་ཤེས་ཅན་ལ་རང་བཞིན་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་ཆོས་ཐམས་ཅད་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་རང་གི་མཚན་ཉིད་སྟོང་པ་ཉིད་བསྒོམ་

པ་མྱེད་དོ། །དངོས་པོའི་འདུ་ཤེས་ཅན་ལ་མྱི་དམྱིགས་པ་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་དངོས་པོ་མྱེད་པ་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་ངོ་བོ་ཉིད་སྟོང་པ་ཉིད་བསྒོམ་པ་མྱེད་དོ། །

དངོས་པོའི་འདུ་ཤེས་ཅན་ལ་དངོས་པོ་མྱེད་པའི་ངོ་བོ་ཉིད་སྟོང་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་མངོན་པར་ཤེས་པ་དྲུག་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་ཏིང་ངེ་འཛིན་ཐམས་ཅད་བསྒོམ་པ་མྱེད་དོ། །

དངོས་པོའི་འདུ་ཤེས་ཅན་ལ་གཟུངས་ཀྱི་སྒོ་ཐམས་ཅད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་དེ་བཞིན་གཤེགས་པའི་སྟོབས་བཅུ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་མྱི་འཇིགས་པ་བཞི་བསྒོམ་པ་མྱེད་དོ། །

དངོས་པོའི་འདུ་ཤེས་ཅན་ལ་སོ་སོ་ཡང་དག་པར་རིག་པ་བཞི་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་སངས་རྒྱས་ཀྱི་ཆོས་མ་འདྲེས་པ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་བྱམས་པ་ཆེན་པོ་བསྒོམ་པ་མྱེད་དོ། །

དངོས་པོའི་འདུ་ཤེས་ཅན་ལ་སྙིང་རྗེ་ཆེན་པོ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་རྒྱུན་ཏུ་ཞུགས་པའི་འབྲས་བུ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་ལན་ཅིག་ཕྱིར་འོང་བའི་འབྲས་བུ་བསྒོམ་པ་མྱེད་དོ། །དངོས་

Vol. 24 · folio 283b

པོའི་འདུ་ཤེས་ཅན་ལ་ཕྱིར་མྱི་འོང་བའི་འབྲས་བུ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་དགྲ་བཅོམ་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་རང་བྱང་ཆུབ་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་ལམ་གྱི་རྣམ་

པ་ཤེས་པ་ཉིད་བསྒོམ་པ་མེད་དོ། །དངོས་པོའི་འདུ་ཤེས་ཅན་ལ་རྣམ་པ་ཐམས་ཅད་མཁྱེན་པ་ཉིད་བསྒོམ་པ་མྱེད་དོ། །དངོས་པོའི་འདུ་ཤེས་ཅན་ལ་བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤོང་བ་བསྒོམ་པ་མྱེད་དོ། །དེ་ཅིའི་

ཕྱིར་ཞེ་ན། འདི་ལྟར་དེ་དངོས་པོ་ལ་འདི་ནི་བདག་གོ་ཞེས་བྱ་བར་མཐའ་གཉིས་ལ་ཆགས་ཏེ། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་། ནང་སྟོང་པ་ཉིད་དང་། ཕྱི་སྟོང་

པ་ཉིད་དང་། ཕྱི་ནང་སྟོང་པ་ཉིད་དང་། སྟོང་པ་ཉིད་སྟོང་པ་ཉིད་དང་། ཆེན་པོ་སྟོང་པ་ཉིད་དང་། དོན་དམ་པ་སྟོང་པ་ཉིད་དང་། འདུས་བྱས་སྟོང་པ་ཉིད་དང་། འདུས་མ་བྱས་སྟོང་པ་ཉིད་དང་། མཐའ་ལས་འདས་པ་སྟོང་པ་ཉིད་དང་། ཐོག་

མ་དང་ཐ་མ་མྱེད་པ་སྟོང་པ་ཉིད་དང་། དོར་བ་མྱེད་པ་སྟོང་པ་ཉིད་དང་། རང་བཞིན་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་དང་། མྱི་དམྱིགས་པ་སྟོང་པ་ཉིད་དང་། དངོས་པོ་མྱེད་པ་སྟོང་པ་ཉིད་དང་།

ངོ་བོ་ཉིད་སྟོང་པ་ཉིད་དང་། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་དང་། མངོན་པར་ཤེས་པ་དྲུག་དང་། ཏིང་ངེ་འཛིན་ཐམས་ཅད་དང་། གཟུངས་ཀྱི་སྒོ་ཐམས་ཅད་དང་། དེ་བཞིན་གཤེགས་པའི་སྟོབས་བཅུ་དང་། མྱི་འཇིགས་པ་བཞི་

དང་། སོ་སོ་ཡང་དག་པར་རིག་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། རྒྱུན་ཏུ་ཞུགས་པའི་འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་། ཕྱིར་

Vol. 24 · folio 284a

མྱི་འོང་བའི་འབྲས་བུ་དང་། དགྲ་བཅོམ་པ་ཉིད་དང་། རང་བྱང་ཆུབ་དང་། ལམ་གྱི་རྣམ་པ་ཤེས་པ་ཉིད་དང་། རྣམ་པ་ཐམས་ཅད་མཁྱེན་པ་ཉིད་དང་། བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤང་

བ་ལ། འདི་ནི་བདག་གོ་ཞེས་བྱ་བར་མཐའ་གཉིས་ལ་ཆགས་པར་གྱུར་པས། གང་མཐའ་གཉིས་ལ་ཆགས་པ་དེ་ལ་ནི་ཐར་པ་མྱེད་དེ། དེ་ཅིའི་ཕྱིར་ཞེ་ན། རབ་འབྱོར་དངོས་པོའི་འདུ་ཤེས་ཅན་ལ་ནི། སྦྱིན་པ་ཡང་མྱེད། ཚུལ་ཁྲིམས་ཀྱང་

མྱེད། བཟོད་པ་ཡང་མྱེད། བརྩོན་འགྲུས་ཀྱང་མྱེད། བསམ་གཏན་ཡང་མྱེད། ཤེས་རབ་ཀྱང་མྱེད། ལམ་ཡང་མྱེད། ཡེ་ཤེས་ཀྱང་མྱེད། འཐོབ་པ་ཡང་མྱེད། མངོན་པར་རྟོགས་པ་ཡང་མྱེད། མཐུན་པའི་བཟོད་པ་ཡང་མེད།

གཟུགས་ཀྱང་ཡོངས་སུ་ཤེས་པ་མྱེད། ཚོར་བ་ཡང་ཡོངས་སུ་ཤེས་པ་མྱེད། འདུ་ཤེས་ཀྱང་ཡོངས་སུ་ཤེས་པ་མྱེད། འདུ་བྱེད་ཀྱང་ཡོངས་སུ་ཤེས་པ་མྱེད། རྣམ་པར་ཤེས་པ་ཡང་ཡོངས་སུ་ཤེས་པ་མྱེད། མིག་ཀྱང་ཡོངས་སུ་

ཤེས་པ་མྱེད། རྣ་བ་ཡང་ཡོངས་སུ་ཤེས་པ་མྱེད། སྣ་ཡང་ཡོངས་སུ་ཤེས་པ་མྱེད། ལྕེ་ཡང་ཡོངས་སུ་ཤེས་པ་མྱེད། ལུས་ཀྱང་ཡོངས་སུ་ཤེས་པ་མྱེད། ཡིད་ཀྱང་ཡོངས་སུ་ཤེས་པ་མྱེད། གཟུགས་ཀྱང་ཡོངས་སུ་ཤེས་པ་

མྱེད། སྒྲ་ཡང་ཡོངས་སུ་ཤེས་པ་མྱེད། དྲི་ཡང་ཡོངས་སུ་ཤེས་པ་མྱེད། རོ་ཡང་ཡོངས་སུ་ཤེས་པ་མྱེད། རེག་ཀྱང་ཡོངས་སུ་ཤེས་པ་མྱེད། ཆོས་ཀྱང་ཡོངས་སུ་ཤེས་པ་མྱེད། མྱིག་གི་རྣམ་པར་ཤེས་པ་ཡང་ཡོངས་སུ་ཤེས་

པ་མྱེད། རྣ་བའི་རྣམ་པར་ཤེས་པ་ཡང་ཡོངས་སུ་ཤེས་པ་མྱེད། སྣའི་རྣམ་པར་ཤེས་པ་ཡང་ཡོངས་སུ་ཤེས་པ་མྱེད། ལྕེའི་རྣམ་པར་ཤེས་པ་ཡང་ཡོངས་སུ་ཤེས་པ་མྱེད། ལུས་ཀྱི་རྣམ་པར་ཤེས་པ་ཡང་ཡོངས་སུ་ཤེས་

Vol. 24 · folio 284b

པ་མྱེད། ཡིད་ཀྱི་རྣམ་པར་ཤེས་པ་ཡང་ཡོངས་སུ་ཤེས་པ་མྱེད། མྱིག་གི་འདུས་ཏེ་རེག་པ་ཡང་ཡོངས་སུ་ཤེས་པ་མྱེད། རྣ་བའི་འདུས་ཏེ་རེག་པ་ཡང་ཡོངས་སུ་ཤེས་པ་མྱེད། སྣའི་འདུས་ཏེ་རེག་པ་ཡང་ཡོངས་སུ་ཤེས་པ་མྱེད། ལྕེའི་འདུས་ཏེ་

རེག་པ་ཡང་ཡོངས་སུ་ཤེས་པ་མྱེད། ལུས་ཀྱི་འདུས་ཏེ་རེག་པ་ཡང་ཡོངས་སུ་ཤེས་པ་མྱེད། ཡིད་ཀྱི་འདུས་ཏེ་རེག་པ་ཡང་ཡོངས་སུ་ཤེས་པ་མྱེད། མྱིག་གི་འདུས་ཏེ་རེག་པའི་རྐྱེནད་ཀྱིས་ཚོར་བ་ཡང་ཡོངས་སུ་ཤེས་པ་མྱེད། །རྣ་བའི་འདུས་ཏེ་རེག་

པའི་རྐྱེན་ཀྱིས་ཚོར་བ་ཡང་ཡོངས་སུ་ཤེས་པ་མྱེད། སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཡོངས་སུ་ཤེས་པ་མྱེད། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཡོངས་སུ་ཤེས་པ་མྱེད། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་

བ་ཡང་ཡོངས་སུ་ཤེས་པ་མྱེད། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཡོངས་སུ་ཤེས་པ་མྱེད། སའི་ཁམས་ཀྱང་ཡོངས་སུ་ཤེས་པ་མྱེད། ཆུའི་ཁམས་ཀྱང་ཡོངས་སུ་ཤེས་པ་མྱེད། མྱེའི་ཁམས་ཀྱང་ཡོངས་སུ་ཤེས་པ་མྱེད།

རླུང་གི་ཁམས་ཀྱང་ཡོངས་སུ་ཤེས་པ་མྱེད། ནམ་མཁའི་ཁམས་ཀྱང་ཡོངས་སུ་ཤེས་པ་མྱེད། རྣམ་པར་ཤེས་པའི་ཁམས་ཀྱང་ཡོངས་སུ་ཤེས་པ་མྱེད། རྟེན་ཅིང་འབྲེལ་བར་འབྱུང་བ་ཡང་ཡོངས་སུ་ཤེས་པ་མྱེད། མ་རིག་པ་ཡང་ཡོངས་

སུ་ཤེས་པ་མྱེད། འདུ་བྱེད་ཀྱང་ཡོངས་སུ་ཤེས་པ་མྱེད། རྣམ་པར་ཤེས་པ་ཡང་ཡོངས་སུ་ཤེས་པ་མྱེད། མྱིང་དང་གཟུགས་ཀྱང་ཡོངས་སུ་ཤེས་པ་མྱེད། སྐྱེ་མཆེད་དྲུག་ཀྱང་ཡོངས་སུ་ཤེས་པ་མྱེད། རེག་པ་ཡང་ཡོངས་སུ་ཤེས་པ་

མྱེད། ཚོར་བ་ཡང་ཡོངས་སུ་ཤེས་པ་མྱེད། སྲེད་པ་ཡང་ཡོངས་སུ་ཤེས་པ་མྱེད། ལེན་པ་ཡང་ཡོངས་སུ་ཤེས་པ་མྱེད། སྲིད་པ་ཡང་ཡོངས་སུ་ཤེས་པ་མྱེད། སྐྱེ་བ་ཡང་ཡོངས་སུ་ཤེས་པ་མྱེད། རྒ་ཤི་ཡང་ཡོངས་སུ་ཤེས་པ་

Vol. 24 · folio 285a

མྱེད། བླང་བ་ཡང་ཡོངས་སུ་ཤེས་པ་མྱེད། དོར་བ་ཡང་ཡོངས་སུ་ཤེས་པ་མྱེད། བསམ་གཏན་དང་པོ་ཡང་ཡོངས་སུ་ཤེས་པ་མྱེད། བསམ་གཏན་གཉིས་པ་ཡང་ཡོངས་སུ་ཤེས་པ་མྱེད། བསམ་གཏན་གསུམ་པ་ཡང་ཡོངས་སུ་

ཤེས་པ་མྱེད། བསམ་གཏན་བཞི་པ་ཡང་ཡོངས་སུ་ཤེས་པ་མྱེད། བྱམས་པ་ཡང་ཡོངས་སུ་ཤེས་པ་མྱེད། སྙིང་རྗེ་ཡང་ཡོངས་སུ་ཤེས་པ་མྱེད། དགའ་བ་ཡང་ཡོངས་སུ་ཤེས་པ་མྱེད། བཏང་སྙོམས་ཀྱང་ཡོངས་སུ་ཤེས་པ་མྱེད། ནམ་མཁའ་མཐའ་

ཡས་སྐྱེ་མཆེད་ཀྱི་སྙོམས་པར་འཇུག་པ་ཡང་ཡོངས་སུ་ཤེས་པ་མྱེད། རྣམ་ཤེས་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་ཡང་ཡོངས་སུ་ཤེས་པ་མྱེད། ཆུང་ཟད་མྱེད་པའི་སྐྱེ་མཆེད་ཀྱི་སྙོམས་པར་འཇུག་པ་ཡང་ཡོངས་སུ་ཤེས་པ་མྱེད། འདུ་ཤེས་

མྱེད་འདུ་ཤེས་མྱེད་མྱིན་སྐྱེ་མཆེད་ཀྱི་སྙོམས་པར་འཇུག་པ་ཡང་ཡོངས་སུ་ཤེས་པ་མྱེད། སངས་རྒྱས་རྗེས་སུ་དྲན་པ་ཡང་ཡོངས་སུ་ཤེས་པ་མྱེད། ཆོས་རྗེས་སུ་དྲན་པ་ཡང་ཡོངས་སུ་ཤེས་པ་མྱེད། དགེ་འདུན་རྗེས་སུ་དྲན་པ་ཡང་ཡོངས་སུ་

ཤེས་པ་མྱེད། ཚུལ་ཁྲིམས་རྗེས་སུ་དྲན་པ་ཡང་ཡོངས་སུ་ཤེས་པ་མྱེད། གཏོང་བ་རྗེས་སུ་དྲན་པ་ཡང་ཡོངས་སུ་ཤེས་པ་མྱེད། ལྷ་རྗེས་སུ་དྲན་པ་ཡང་ཡོངས་སུ་ཤེས་པ་མྱེད། སྐྱོ་བ་རྗེས་སུ་དྲན་པ་ཡང་ཡོངས་སུ་ཤེས་པ་མྱེད། དབུགས་

ཕྱི་ནང་དུ་རྒྱུ་བ་རྗེས་སུ་དྲན་པ་ཡང་ཡོངས་སུ་ཤེས་པ་མྱེད། འཆི་བ་རྗེས་སུ་དྲན་པ་ཡང་ཡོངས་སུ་ཤེས་པ་མྱེད། ལུས་ཀྱི་རྣམ་པ་རྗེས་སུ་དྲན་པ་ཡང་ཡོངས་སུ་ཤེས་པ་མྱེད། མྱི་རྟག་པའི་འདུ་ཤེས་ཀྱང་ཡོངས་སུ་ཤེས་པ་མྱེད། སྡུག་བསྔལ་

གྱི་འདུ་ཤེས་ཀྱང་ཡོངས་སུ་ཤེས་པ་མྱེད། བདག་མྱེད་པའི་འདུ་ཤེས་ཀྱང་ཡོངས་སུ་ཤེས་པ་མྱེད། མྱི་སྡུག་པའི་འདུ་ཤེས་ཀྱང་ཡོངས་སུ་ཤེས་པ་མྱེད། དངོས་པོ་མྱེད་པའི་འདུ་ཤེས་ཀྱང་ཡོངས་སུ་ཤེས་པ་མྱེད། བདག་གི་འདུ་ཤེས་

Vol. 24 · folio 285b

ཀྱང་ཡོངས་སུ་ཤེས་པ་མྱེད། སེམས་ཅན་གྱི་འདུ་ཤེས་ཀྱང་ཡོངས་སུ་ཤེས་པ་མྱེད། སྲོག་གི་འདུ་ཤེས་ཀྱང་ཡོངས་སུ་ཤེས་པ་མྱེད། སྐྱེ་བའི་འདུ་ཤེས་ཀྱང་ཡོངས་སུ་ཤེས་པ་མྱེད། གསོ་བའི་འདུ་ཤེས་ཀྱང་ཡོངས་སུ་ཤེས་པ་མྱེད། སྐྱེས་

བུའི་འདུ་ཤེས་ཀྱང་ཡོངས་སུ་ཤེས་པ་མྱེད། གང་ཟག་གི་འདུ་ཤེས་ཀྱང་ཡོངས་སུ་ཤེས་པ་མྱེད། ཤེད་ཅན་གྱི་འདུ་ཤེས་ཀྱང་ཡོངས་སུ་ཤེས་པ་མྱེད། ཤེད་བདག་གི་འདུ་ཤེས་ཀྱང་ཡོངས་སུ་ཤེས་པ་མྱེད། བྱེད་པ་པོའི་འདུ་ཤེས་ཀྱང་

ཡོངས་སུ་ཤེས་པ་མྱེད། ཚོར་བ་པོའི་འདུ་ཤེས་ཀྱང་ཡོངས་སུ་ཤེས་པ་མྱེད། ཤེས་པ་པོའི་འདུ་ཤེས་ཀྱང་ཡོངས་སུ་ཤེས་པ་མྱེད། མཐོང་བ་པོའི་འདུ་ཤེས་ཀྱང་ཡོངས་སུ་ཤེས་པ་མྱེད། རྟག་པའི་འདུ་ཤེས་ཀྱང་ཡོངས་སུ་ཤེས་

པ་མྱེད། བདེ་བའི་འདུ་ཤེས་ཀྱང་ཡོངས་སུ་ཤེས་པ་མྱེད། སྡུག་པའི་འདུ་ཤེས་ཀྱང་ཡོངས་སུ་ཤེས་པ་མྱེད། བདག་གི་འདུ་ཤེས་ཀྱང་ཡོངས་སུ་ཤེས་པ་མྱེད། དྲན་པ་ཉེ་བར་གཞག་པ་རྣམས་ཀྱང་ཡོངས་སུ་ཤེས་པ་མྱེད། ཡང་དག་

པར་སྤོང་བ་རྣམས་ཀྱང་ཡོངས་སུ་ཤེས་པ་མྱེད། རྫུ་འཕྲུལ་གྱི་རྐང་པ་རྣམས་ཀྱང་ཡོངས་སུ་ཤེས་པ་མྱེད། དབང་པོ་རྣམས་ཀྱང་ཡོངས་སུ་ཤེས་པ་མྱེད། སྟོབས་རྣམས་ཀྱང་ཡོངས་སུ་ཤེས་པ་མྱེད། བྱང་ཆུབ་ཀྱི་ཡན་ལག་

རྣམས་ཀྱང་ཡོངས་སུ་ཤེས་པ་མྱེད། ལམ་ཡང་ཡོངས་སུ་ཤེས་པ་མྱེད། སྟོང་པ་ཉིད་ཀྱི་ཏིང་ངེ་འཛིན་ཀྱང་ཡོངས་སུ་ཤེས་པ་མྱེད། མཚན་མ་མྱེད་པའི་ཏིང་ངེ་འཛིན་ཀྱང་ཡོངས་སུ་ཤེས་པ་མྱེད། སྨོན་པ་མྱེད་པའི་ཏིང་ངེ་འཛིན་ཀྱང་

ཡོངས་སུ་ཤེས་པ་མྱེད། རྣམ་པར་ཐར་པ་ཡང་ཡོངས་སུ་ཤེས་པ་མྱེད། མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱང་ཡོངས་སུ་ཤེས་པ་མྱེད། རྟོག་པ་དང་བཅས་དཔྱོད་པ་དང་བཅས་པའི་ཏིང་ངེ་འཛིན་ཀྱང་ཡོངས་སུ་

Vol. 24 · folio 286a

ཤེས་པ་མྱེད། རྟོག་པ་མྱེད་ལ་དཔྱོད་པ་ཙམ་གྱི་ཏིང་ངེ་འཛིན་ཀྱང་ཡོངས་སུ་ཤེས་པ་མྱེད། རྟོག་པ་མྱེད་ཅིང་དཔྱོད་པ་མྱེད་པའི་ཏིང་ངེ་འཛིན་ཀྱང་ཡོངས་སུ་ཤེས་པ་མྱེད། སྡུག་བསྔལ་འཕགས་པའི་བདེན་པ་ཡང་ཡོངས་

སུ་ཤེས་པ་མྱེད། ཀུན་འབྱུང་བ་འཕགས་པའི་བདེན་པ་ཡང་ཡོངས་སུ་ཤེས་པ་མྱེད། འགོག་པ་འཕགས་པའི་བདེན་པ་ཡང་ཡོངས་སུ་ཤེས་པ་མྱེད། ལམ་འཕགས་པའི་བདེན་པ་ཡང་ཡོངས་སུ་ཤེས་པ་མྱེད། སྡུག་བསྔལ་

འཕགས་པའི་བདེན་པ་ཤེས་པ་ཡང་ཡོངས་སུ་ཤེས་པ་མྱེད། ཀུན་འབྱུང་བ་ཤེས་པ་ཡང་ཡོངས་སུ་ཤེས་པ་མྱེད། འགོག་པ་ཤེས་པ་ཡང་ཡོངས་སུ་ཤེས་པ་མྱེད། ལམ་ཤེས་པ་ཡང་ཡོངས་སུ་ཤེས་པ་མྱེད། ཟད་པ་ཤེས་པ་

ཡང་ཡོངས་སུ་ཤེས་པ་མྱེད། མྱི་སྐྱེ་བ་ཤེས་པ་ཡང་ཡོངས་སུ་ཤེས་པ་མེད། ཆོས་ཤེས་པ་ཡང་ཡོངས་སུ་ཤེས་པ་མྱེད། རྗེས་སུ་འགྲོ་བ་ཤེས་པ་ཡང་ཡོངས་སུ་ཤེས་པ་མྱེད། ཀུན་རྫོབ་ཤེས་པ་ཡང་ཡོངས་སུ་ཤེས་པ་མྱེད།

འདྲིས་པ་ཤེས་པ་ཡང་ཡོངས་སུ་ཤེས་པ་མྱེད། སྒྲ་ཇི་བཞིན་ཤེས་པ་ཡང་ཡོངས་སུ་ཤེས་པ་མྱེད། སྦྱིན་པའི་ཕ་རོལད་ཏུ་ཕྱིནད་པ་ཡང་ཡོངས་སུ་ཤེས་པ་མྱེད། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡང་ཡོངས་སུ་ཤེས་པ་མྱེད།

བཟོད་པའི་ཕ་རོལ་ཏུ་ཕྱིན་པ་ཡང་ཡོངས་སུ་ཤེས་པ་མྱེད། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡང་ཡོངས་སུ་ཤེས་པ་མྱེད། བསམ་གཏན་གྱི་ཕ་རོལ་ཏུ་ཕྱིན་པ་ཡང་ཡོངས་སུ་ཤེས་པ་མྱེད། ཤེས་རབ་ཀྱི་ཕ་རོལ་ཏུ་ཕྱིན་པ་

ཡང་ཡོངས་སུ་ཤེས་པ་མྱེད། ནང་སྟོང་པ་ཉིད་ཀྱང་ཡོངས་སུ་ཤེས་པ་མྱེད། ཕྱི་སྟོང་པ་ཉིད་ཀྱང་ཡོངས་སུ་ཤེས་པ་མྱེད། ཕྱི་ནང་སྟོང་པ་ཉིད་ཀྱང་ཡོངས་སུ་ཤེས་པ་མྱེད། སྟོང་པ་ཉིད་སྟོང་པ་ཉིད་ཀྱང་ཡོངས་སུ་ཤེས་པ་

Vol. 24 · folio 286b

མྱེད། ཆེན་པོ་སྟོང་པ་ཉིད་ཀྱང་ཡོངས་སུ་ཤེས་པ་མྱེད། དོན་དམ་པ་སྟོང་པ་ཉིད་ཀྱང་ཡོངས་སུ་ཤེས་པ་མྱེད། འདུས་བྱས་སྟོང་པ་ཉིད་ཀྱང་ཡོངས་སུ་ཤེས་པ་མྱེད། འདུས་མ་བྱས་སྟོང་པ་ཉིད་ཀྱང་ཡོངས་སུ་ཤེས་པ་མྱེད། མཐའ་ལས་འདས་པ་སྟོང་

པ་ཉིད་ཀྱང་ཡོངས་སུ་ཤེས་པ་མྱེད། ཐོག་མ་དང་ཐ་མ་མྱེད་པ་སྟོང་པ་ཉིད་ཀྱང་ཡོངས་སུ་ཤེས་པ་མྱེད། དོར་བ་མྱེད་པ་སྟོང་པ་ཉིད་ཀྱང་ཡོངས་སུ་ཤེས་པ་མྱེད། རང་བཞིན་སྟོང་པ་ཉིད་ཀྱང་ཡོངས་སུ་ཤེས་པ་མྱེད། ཆོས་ཐམས་ཅད་སྟོང་པ་ཉིད་ཀྱང་

ཡོངས་སུ་ཤེས་པ་མྱེད། རང་གི་མཚན་ཉིད་སྟོང་པ་ཉིད་ཀྱང་ཡོངས་སུ་ཤེས་པ་མྱེད། མྱི་དམྱིགས་པ་སྟོང་པ་ཉིད་ཀྱང་ཡོངས་སུ་ཤེས་པ་མྱེད། དངོས་པོ་མྱེད་པ་སྟོང་པ་ཉིད་ཀྱང་ཡོངས་སུ་ཤེས་པ་མྱེད། ངོ་བོ་ཉིད་སྟོང་པ་ཉིད་ཀྱང་ཡོངས་སུ་

ཤེས་པ་མྱེད། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱང་ཡོངས་སུ་ཤེས་པ་མྱེད། མངོན་པར་ཤེས་པ་དྲུག་ཀྱང་ཡོངས་སུ་ཤེས་པ་མྱེད། ཏིང་ངེ་འཛིན་ཐམས་ཅད་ཀྱང་ཡོངས་སུ་ཤེས་པ་མྱེད། གཟུངས་ཀྱི་སྒོ་ཐམས་ཅད་ཀྱང་ཡོངས་སུ་

ཤེས་པ་མྱེད། དེ་བཞིན་གཤེགས་པའི་སྟོབས་བཅུ་ཡང་ཡོངས་སུ་ཤེས་པ་མྱེད། མྱི་འཇིགས་པ་བཞི་ཡང་ཡོངས་སུ་ཤེས་པ་མྱེད། སོ་སོ་ཡང་དག་པར་རིག་པ་བཞི་ཡང་ཡོངས་སུ་ཤེས་པ་མྱེད། སངས་རྒྱས་ཀྱི་ཆོས་མ་འདྲེས་པ་བཅྭོ་

བརྒྱད་ཀྱང་ཡོངས་སུ་ཤེས་པ་མྱེད། བྱམས་པ་ཆེན་པོ་ཡང་ཡོངས་སུ་ཤེས་པ་མྱེད། སྙིང་རྗེ་ཆེན་པོ་ཡང་ཡོངས་སུ་ཤེས་པ་མྱེད། རྒྱུན་ཏུ་ཞུགས་པའི་འབྲས་བུ་ཡང་ཡོངས་སུ་ཤེས་པ་མྱེད། ལན་ཅིག་ཕྱིར་འོང་བའི་འབྲས་བུ་ཡང་

ཡོངས་སུ་ཤེས་པ་མྱེད། ཕྱིར་མྱི་འོང་བའི་འབྲས་བུ་ཡང་ཡོངས་སུ་ཤེས་པ་མྱེད། དགྲ་བཅོམ་པ་ཉིད་ཀྱང་ཡོངས་སུ་ཤེས་པ་མྱེད། རང་བྱང་ཆུབ་ཀྱང་ཡོངས་སུ་ཤེས་པ་མྱེད། ལམ་གྱི་རྣམ་པ་ཤེས་པ་ཉིད་ཀྱང་ཡོངས་སུ་ཤེས་པ་མྱེད།

Vol. 24 · folio 287a

རྣམ་པ་ཐམས་ཅད་མཁྱེན་པ་ཉིད་ཀྱང་ཡོངས་སུ་ཤེས་པ་མྱེད། བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤང་བ་ཡང་ཡོངས་སུ་ཤེས་པ་མྱེད་ན། དེ་ཐར་བར་འགྱུར་བ་ལྟ་ག་ལས་འོང་། གསོལ་པ།

བཅོམ་ལྡན་འདས། དངོས་པོ་མཆིས་ཞེས་བགྱི་བ་ནི་ཇི་ལགས། དངོས་པོ་མ་མཆིས་ཞེས་བགྱི་བ་ནི་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་གཉིས་ནི་དངོས་པོ་ཡོད་པའོ། །མྱི་གཉིས་པ་ནི་དངོས་པོ་མྱེད་པའོ། །གསོལ་

པ། བཅོམ་ལྡན་འདས་གཉིས་ཤེས་བགྱི་བ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་གཟུགས་ཀྱི་འདུ་ཤེས་ནི་གཉིས་སོ། །ཚོར་བའི་འདུ་ཤེས་ནི་གཉིས་སོ། །འདུ་ཤེས་ཀྱི་འདུ་ཤེས་ནི་གཉིས་སོ། །

འདུ་བྱེད་ཀྱི་འདུ་ཤེས་ནི་གཉིས་སོ། །རྣམ་པར་ཤེས་པའི་འདུ་ཤེས་ནི་གཉིས་སོ། །མྱིག་གི་འདུ་ཤེས་ནི་གཉིས་སོ། །རྣ་བའི་འདུ་ཤེས་ནི་གཉིས་སོ། །སྣའི་འདུ་ཤེས་ནི་གཉིས་སོ། །ལྕེའི་འདུ་ཤེས་ནི་གཉིས་སོ། །ལུས་ཀྱི་འདུ་ཤེས་ནི་གཉིས་

སོ། །ཡིད་ཀྱི་འདུ་ཤེས་ནི་གཉིས་སོ། །གཟུགས་ཀྱི་འདུ་ཤེས་ནི་གཉིས་སོ། །སྒྲའི་འདུ་ཤེས་ནི་གཉིས་སོ། །དྲིའི་འདུ་ཤེས་ནི་གཉིས་སོ། །རོའི་འདུ་ཤེས་ནི་གཉིས་སོ། །རེག་གི་འདུ་ཤེས་ནི་གཉིས་སོ། །ཆོས་ཀྱི་འདུ་ཤེས་ནི་གཉིས་སོ། །མྱིག་གི་རྣམ་

པར་ཤེས་པའི་འདུ་ཤེས་ནི་གཉིས་སོ། །རྣ་བའི་རྣམ་པར་ཤེས་པའི་འདུ་ཤེས་ནི་གཉིས་སོ། །སྣའི་རྣམ་པར་ཤེས་པའི་འདུ་ཤེས་ནི་གཉིས་སོ། །ལྕེའི་རྣམ་པར་ཤེས་པའི་འདུ་ཤེས་ནི་གཉིས་སོ། །ལུས་ཀྱི་རྣམ་པར་ཤེས་པའི་འདུ་ཤེས་

ནི་གཉིས་སོ། །ཡིད་ཀྱི་རྣམ་པར་ཤེས་པའི་འདུ་ཤེས་ནི་གཉིས་སོ། །མྱིག་གི་འདུས་ཏེ་རེག་པའི་འདུ་ཤེས་ནི་གཉིས་སོ། །རྣ་བའི་འདུས་ཏེ་རེག་པའི་འདུ་ཤེས་ནི་གཉིས་སོ། །སྣའི་འདུས་ཏེ་རེག་པའི་འདུ་ཤེས་ནི་གཉིས་སོ། །ལྕེའི་

Vol. 24 · folio 287b

འདུས་ཏེ་རེག་པའི་འདུ་ཤེས་ནི་གཉིས་སོ། །ལུས་ཀྱི་འདུས་ཏེ་རེག་པའི་འདུ་ཤེས་ནི་གཉིས་སོ། །ཡིད་ཀྱི་འདུས་ཏེ་རེག་པའི་འདུ་ཤེས་ནི་གཉིས་སོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བའི་འདུ་ཤེས་ནི་གཉིས་སོ། །རྣ་བའི་འདུས་ཏེ་

རེག་པའི་རྐྱེན་ཀྱིས་ཚོར་བའི་འདུ་ཤེས་ནི་གཉིས་སོ། སྣའི་འདུས་ཏེ་རེག་པའི་རྐྱེན་ཀྱིས་ཚོར་བའི་འདུ་ཤེས་ནི་གཉིས་སོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བའི་འདུ་ཤེས་ནི་གཉིས་སོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བའི་

འདུ་ཤེས་ནི་གཉིས་སོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བའི་འདུ་ཤེས་ནི་གཉིས་སོ། །སའི་ཁམས་ཀྱི་འདུ་ཤེས་ནི་གཉིས་སོ། །ཆུའི་ཁམས་ཀྱི་འདུ་ཤེས་ནི་གཉིས་སོ། །མྱེའི་ཁམས་ཀྱི་འདུ་ཤེས་ནི་གཉིས་སོ། །རླུང་གི་ཁམས་

ཀྱི་འདུ་ཤེས་ནི་གཉིས་སོ། །ནམ་མཁའི་ཁམས་ཀྱི་འདུ་ཤེས་ནི་གཉིས་སོ། །རྣམ་པར་ཤེས་པའི་ཁམས་ཀྱི་འདུ་ཤེས་ནི་གཉིས་སོ། །རྟེན་ཅིང་འབྲེལ་བར་འབྱུང་བའི་འདུ་ཤེས་ནི་གཉིས་སོ། །མ་རིག་པའི་འདུ་ཤེས་ནི་གཉིས་སོ། །འདུ་

བྱེད་ཀྱི་འདུ་ཤེས་ནི་གཉིས་སོ། །རྣམ་པར་ཤེས་པའི་འདུ་ཤེས་ནི་གཉིས་སོ། །མྱིང་དང་གཟུགས་ཀྱི་འདུ་ཤེས་ནི་གཉིས་སོ། །སྐྱེ་མཆེད་དྲུག་གི་འདུ་ཤེས་ནི་གཉིས་སོ། །རེག་པའི་འདུ་ཤེས་ནི་གཉིས་སོ། །ཚོར་བའི་འདུ་ཤེས་ནི་གཉིས་སོ། །

སྲེད་པའི་འདུ་ཤེས་ནི་གཉིས་སོ། །ལེན་པའི་འདུ་ཤེས་ནི་གཉིས་སོ། །སྲིད་པའི་འདུ་ཤེས་ནི་གཉིས་སོ། །སྐྱེ་བའི་འདུ་ཤེས་ནི་གཉིས་སོ། །རྒ་ཤིའི་འདུ་ཤེས་ནི་གཉིས་སོ། །བླང་བའི་འདུ་ཤེས་ནི་གཉིས་སོ། །དོར་བའི་འདུ་ཤེས་ནི་

གཉིས་སོ། །བསམ་གཏན་དང་པོའི་འདུ་ཤེས་ནི་གཉིས་སོ། །བསམ་གཏན་གཉིས་པའི་འདུ་ཤེས་ནི་གཉིས་སོ། །བསམ་གཏན་གསུམ་པའི་འདུ་ཤེས་ནི་གཉིས་སོ། །བསམ་གཏན་བཞི་པའི་འདུ་ཤེས་ནི་གཉིས་སོ། །བྱམས་པའི་འདུ་

Vol. 24 · folio 288a

ཤེས་ནི་གཉིས་སོ། །སྙིང་རྗེའི་འདུ་ཤེས་ནི་གཉིས་སོ། །དགའ་བའི་འདུ་ཤེས་ནི་གཉིས་སོ། །བཏང་སྙོམས་ཀྱི་འདུ་ཤེས་ནི་གཉིས་སོ། །ནམ་མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པའི་འདུ་ཤེས་ནི་

གཉིས་སོ། །རྣམ་ཤེས་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པའི་འདུ་ཤེས་ནི་གཉིས་སོ། །ཆུང་ཟད་མྱེད་པའི་སྐྱེ་མཆེད་ཀྱི་སྙོམས་པར་འཇུག་པའི་འདུ་ཤེས་ནི་གཉིས་སོ། །འདུ་ཤེས་མྱེད་འདུ་ཤེས་མྱེད་མྱིན་སྐྱེ་མཆེད་ཀྱི་སྙོམས་པར་

འཇུག་པའི་འདུ་ཤེས་ནི་གཉིས་སོ། །སངས་རྒྱས་རྗེས་སུ་དྲན་པའི་འདུ་ཤེས་ནི་གཉིས་སོ། །ཆོས་རྗེས་སུ་དྲན་པའི་འདུ་ཤེས་ནི་གཉིས་སོ། །དགེ་འདུན་རྗེས་སུ་དྲན་པའི་འདུ་ཤེས་ནི་གཉིས་སོ། །ཚུལ་ཁྲིམས་རྗེས་སུ་དྲན་པའི་འདུ་ཤེས་

ནི་གཉིས་སོ། །གཏོང་བ་རྗེས་སུ་དྲན་པའི་འདུ་ཤེས་ནི་གཉིས་སོ། །ལྷ་རྗེས་སུ་དྲན་པའི་འདུ་ཤེས་ནི་གཉིས་སོ། །སྐྱོ་བ་རྗེས་སུ་དྲན་པའི་འདུ་ཤེས་ནི་གཉིས་སོ། །དབུགས་ཕྱི་ནང་དུ་རྒྱུ་བ་རྗེས་སུ་དྲན་པའི་འདུ་ཤེས་ནི་གཉིས་སོ། །འཆི་

བ་རྗེས་སུ་དྲན་པའི་འདུ་ཤེས་ནི་གཉིས་སོ། །ལུས་ཀྱི་རྣམ་པ་རྗེས་སུ་དྲན་པའི་འདུ་ཤེས་ནི་གཉིས་སོ། །མྱི་རྟག་པའི་འདུ་ཤེས་ཀྱི་འདུ་ཤེས་ནི་གཉིས་སོ། །སྡུག་བསྔལ་གྱི་འདུ་ཤེས་ཀྱི་འདུ་ཤེས་ནི་གཉིས་སོ། །བདག་མྱེད་པའི་འདུ་

ཤེས་ཀྱི་འདུ་ཤེས་ནི་གཉིས་སོ། །མྱི་སྡུག་པའི་འདུ་ཤེས་ཀྱི་འདུ་ཤེས་ནི་གཉིས་སོ། །དངོས་པོ་མྱེད་པའི་འདུ་ཤེས་ཀྱི་འདུ་ཤེས་ནི་གཉིས་སོ། །བདག་གི་འདུ་ཤེས་ཀྱི་འདུ་ཤེས་ནི་གཉིས་སོ། །སེམས་ཅན་གྱི་འདུ་ཤེས་ཀྱི་འདུ་ཤེས་ནི་

གཉིས་སོ། །སྲོག་གི་འདུ་ཤེས་ཀྱི་འདུ་ཤེས་ནི་གཉིས་སོ། །སྐྱེ་བའི་འདུ་ཤེས་ཀྱི་འདུ་ཤེས་ནི་གཉིས་སོ། །གསོ་བའི་འདུ་ཤེས་ཀྱི་འདུ་ཤེས་ནི་གཉིས་སོ། །སྐྱེས་བུའི་འདུ་ཤེས་ཀྱི་འདུ་ཤེས་ནི་གཉིས་སོ། །གང་ཟག་གི་འདུ་ཤེས་ཀྱི་

Vol. 24 · folio 288b

འདུ་ཤེས་ནི་གཉིས་སོ། །ཤེད་ཅན་གྱི་འདུ་ཤེས་ཀྱི་འདུ་ཤེས་ནི་གཉིས་སོ། །ཤེད་བདག་གི་འདུ་ཤེས་ཀྱི་འདུ་ཤེས་ནི་གཉིས་སོ། །བྱེད་པ་པོའི་འདུ་ཤེས་ཀྱི་འདུ་ཤེས་ནི་གཉིས་སོ། །ཚོར་བ་པོའི་འདུ་ཤེས་ཀྱི་འདུ་ཤེས་ནི་གཉིས་སོ། །ཤེས་པ་

པོའི་འདུ་ཤེས་ཀྱི་འདུ་ཤེས་ནི་གཉིས་སོ། །མཐོང་བ་པོའི་འདུ་ཤེས་ཀྱི་འདུ་ཤེས་ནི་གཉིས་སོ། །རྟག་པའི་འདུ་ཤེས་ཀྱི་འདུ་ཤེས་ནི་གཉིས་སོ། །བདེ་བའི་འདུ་ཤེས་ཀྱི་འདུ་ཤེས་ནི་གཉིས་སོ། །སྡུག་པའི་འདུ་ཤེས་ཀྱི་འདུ་ཤེས་ནི་གཉིས་

སོ། །བདག་གི་འདུ་ཤེས་ཀྱི་འདུ་ཤེས་ནི་གཉིས་སོ། །དྲན་པ་ཉེ་བར་གཞག་པའི་འདུ་ཤེས་ནི་གཉིས་སོ། །ཡང་དག་པར་སྤོང་བའི་འདུ་ཤེས་ནི་གཉིས་སོ། །རྫུ་འཕྲུལ་གྱི་རྐང་པའི་འདུ་ཤེས་ནི་གཉིས་སོ། །དབང་པོའི་འདུ་ཤེས་

ནི་གཉིས་སོ། །སྟོབས་ཀྱི་འདུ་ཤེས་ནི་གཉིས་སོ། །བྱང་ཆུབ་ཀྱི་ཡན་ལག་གི་འདུ་ཤེས་ནི་གཉིས་སོ། །ལམ་གྱི་འདུ་ཤེས་ནི་གཉིས་སོ། །སྟོང་པ་ཉིད་ཀྱི་ཏིང་ངེ་འཛིན་གྱི་འདུ་ཤེས་ནི་གཉིས་སོ། །མཚན་མ་མྱེད་པའི་ཏིང་ངེ་

འཛིན་གྱི་འདུ་ཤེས་ནི་གཉིས་སོ། །སྨོན་པ་མྱེད་པའི་ཏིང་ངེ་འཛིན་གྱི་འདུ་ཤེས་ནི་གཉིས་སོ། །རྣམ་པར་ཐར་པའི་འདུ་ཤེས་ནི་གཉིས་སོ། །མཐར་ཀྱིས་གནས་པའི་སྙོམས་པར་འཇུག་པའི་འདུ་ཤེས་ནི་གཉིས་སོ། །རྟོག་པ་དང་

བཅས་དཔྱོད་པ་དང་བཅས་པའི་ཏིང་ངེ་འཛིན་གྱི་འདུ་ཤེས་ནི་གཉིས་སོ། །རྟོག་པ་མྱེད་ལ་དཔྱོད་པ་ཙམ་གྱི་ཏིང་ངེ་འཛིན་གྱི་འདུ་ཤེས་ནི་གཉིས་སོ། །རྟོག་པ་མྱེད་ཅིང་དཔྱོད་པ་མྱེད་པའི་ཏིང་ངེ་འཛིན་གྱི་འདུ་ཤེས་ནི་གཉིས་སོ། །སྡུག་

བསྔལ་འཕགས་པའི་བདེན་པའི་འདུ་ཤེས་ནི་གཉིས་སོ། །ཀུན་འབྱུང་བ་འཕགས་པའི་བདེན་པའི་འདུ་ཤེས་ནི་གཉིས་སོ། །འགོག་པ་འཕགས་པའི་བདེན་པའི་འདུ་ཤེས་ནི་གཉིས་སོ། །ལམ་འཕགས་པའི་བདེན་པའི་འདུ་

Vol. 24 · folio 289a

ཤེས་ནི་གཉིས་སོ། །སྡུག་བསྔལ་ཤེས་པའི་འདུ་ཤེས་ནི་གཉིས་སོ། །ཀུན་འབྱུང་བ་ཤེས་པའི་འདུ་ཤེས་ནི་གཉིས་སོ། །འགོག་པ་ཤེས་པའི་འདུ་ཤེས་ནི་གཉིས་སོ། །ལམ་ཤེས་པའི་འདུ་ཤེས་ནི་གཉིས་སོ། །

ཟད་པ་ཤེས་པའི་འདུ་ཤེས་ནི་གཉིས་སོ། །མྱི་སྐྱེ་བ་ཤེས་པའི་འདུ་ཤེས་ནི་གཉིས་སོ། །ཆོས་ཤེས་པའི་འདུ་ཤེས་ནི་གཉིས་སོ། །རྗེས་སུ་འགྲོ་བ་ཤེས་པའི་འདུ་ཤེས་ནི་གཉིས་སོ། །ཀུན་རྫོབ་ཤེས་པའི་འདུ་ཤེས་ནི་གཉིས་སོ། །

འདྲིས་པ་ཤེས་པའི་འདུ་ཤེས་ནི་གཉིས་སོ། །སྒྲ་ཇི་བཞིན་ཤེས་པའི་འདུ་ཤེས་ནི་གཉིས་སོ། །སྦྱིན་པའི་ཕ་རོལ་ཏུ་ཕྱིན་པའི་འདུ་ཤེས་ནི་གཉིས་སོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་འདུ་ཤེས་ནི་གཉིས་སོ། །བཟོད་པའི་ཕ་རོལ་

ཏུ་ཕྱིན་པའི་འདུ་ཤེས་ནི་གཉིས་སོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པའི་འདུ་ཤེས་ནི་གཉིས་སོ། །བསམ་གཏན་གྱི་ཕ་རོལ་ཏུ་ཕྱིན་པའི་འདུ་ཤེས་ནི་གཉིས་སོ། །ཤེས་རབ་ཀྱི་ཕ་རོལ་ཏུ་ཕྱིན་པའི་འདུ་ཤེས་ནི་གཉིས་སོ། །ནང་སྟོང་པ་

ཉིད་ཀྱི་འདུ་ཤེས་ནི་གཉིས་སོ། །ཕྱི་སྟོང་པ་ཉིད་ཀྱི་འདུ་ཤེས་ནི་གཉིས་སོ། །ཕྱི་ནང་སྟོང་པ་ཉིད་ཀྱི་འདུ་ཤེས་ནི་གཉིས་སོ། །སྟོང་པ་ཉིད་སྟོང་པ་ཉིད་ཀྱི་འདུ་ཤེས་ནི་གཉིས་སོ། །ཆེན་པོ་སྟོང་པ་ཉིད་ཀྱི་འདུ་ཤེས་ནི་གཉིས་སོ། །དོན་དམ་པ་

སྟོང་པ་ཉིད་ཀྱི་འདུ་ཤེས་ནི་གཉིས་སོ། །འདུས་བྱས་སྟོང་པ་ཉིད་ཀྱི་འདུ་ཤེས་ནི་གཉིས་སོ། །འདུས་མ་བྱས་སྟོང་པ་ཉིད་ཀྱི་འདུ་ཤེས་ནི་གཉིས་སོ། །མཐའ་ལས་འདས་པ་སྟོང་པ་ཉིད་ཀྱི་འདུ་ཤེས་ནི་གཉིས་སོ། །ཐོག་མ་དང་ཐ་མ་མྱེད་པ་

སྟོང་པ་ཉིད་ཀྱི་འདུ་ཤེས་ནི་གཉིས་སོ། །དོར་བ་མྱེད་པ་སྟོང་པ་ཉིད་ཀྱི་འདུ་ཤེས་ནི་གཉིས་སོ། །རང་བཞིན་སྟོང་པ་ཉིད་ཀྱི་འདུ་ཤེས་ནི་གཉིས་སོ། །ཆོས་ཐམས་ཅད་སྟོང་པ་ཉིད་ཀྱི་འདུ་ཤེས་ནི་གཉིས་སོ། །རང་གི་མཚན་ཉིད་སྟོང་པ་ཉིད་ཀྱི་

Vol. 24 · folio 289b

འདུ་ཤེས་ནི་གཉིས་སོ། །མྱི་དམྱིགས་པ་སྟོང་པ་ཉིད་ཀྱི་འདུ་ཤེས་ནི་གཉིས་སོ། །དངོས་པོ་མྱེད་པ་སྟོང་པ་ཉིད་ཀྱི་འདུ་ཤེས་ནི་གཉིས་སོ། །ངོ་བོ་ཉིད་སྟོང་པ་ཉིད་ཀྱི་འདུ་ཤེས་ནི་གཉིས་སོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱི་འདུ་ཤེས་

ནི་གཉིས་སོ། །མངོན་པར་ཤེས་པ་དྲུག་གི་འདུ་ཤེས་ནི་གཉིས་སོ། །ཏིང་ངེ་འཛིན་ཐམས་ཅད་ཀྱི་འདུ་ཤེས་ནི་གཉིས་སོ། །གཟུངས་ཀྱི་སྒོ་ཐམས་ཅད་ཀྱི་འདུ་ཤེས་ནི་གཉིས་སོ། །དེ་བཞིན་གཤེགས་པའི་སྟོབས་ཀྱི་འདུ་ཤེས་ནི་གཉིས་སོ། །མྱི་

འཇིགས་པའི་འདུ་ཤེས་ནི་གཉིས་སོ། །སོ་སོ་ཡང་དག་པར་རིག་པའི་འདུ་ཤེས་ནི་གཉིས་སོ། །སངས་རྒྱས་ཀྱི་ཆོས་མ་འདྲེས་པའི་འདུ་ཤེས་ནི་གཉིས་སོ། །བྱམས་པ་ཆེན་པོའི་འདུ་ཤེས་ནི་གཉིས་སོ། །སྙིང་རྗེ་ཆེན་པོའི་འདུ་ཤེས་ནི་

གཉིས་སོ། །རྒྱུན་ཏུ་ཞུགས་པའི་འབྲས་བུའི་འདུ་ཤེས་ནི་གཉིས་སོ། །ལན་ཅིག་ཕྱིར་འོང་བའི་འབྲས་བུའི་འདུ་ཤེས་ནི་གཉིས་སོ། །ཕྱིར་མྱི་འོང་བའི་འབྲས་བུའི་འདུ་ཤེས་ནི་གཉིས་སོ། །དགྲ་བཅོམ་པ་ཉིད་ཀྱི་འདུ་ཤེས་ནི་གཉིས་སོ། །

རང་བྱང་ཆུབ་ཀྱི་འདུ་ཤེས་ནི་གཉིས་སོ། །བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཀྱི་འདུ་ཤེས་ནི་གཉིས་སོ། །རྒྱུན་ཏུ་ཞུགས་པའི་འདུ་ཤེས་ནི་གཉིས་སོ། །ལན་ཅིག་ཕྱིར་འོང་བའི་འདུ་ཤེས་ནི་གཉིས་སོ། །ཕྱིར་མྱི་འོང་བའི་

འདུ་ཤེས་ནི་གཉིས་སོ། །དགྲ་བཅོམ་པའི་འདུ་ཤེས་ནི་གཉིས་སོ། །རང་སངས་རྒྱས་ཀྱི་འདུ་ཤེས་ནི་གཉིས་སོ། །སངས་རྒྱས་ཀྱི་འདུ་ཤེས་ནི་གཉིས་སོ། །འདུས་བྱས་ཀྱི་ཁམས་ཀྱི་འདུ་ཤེས་ནི་གཉིས་སོ། །འདུས་མ་བྱས་

ཀྱི་ཁམས་ཀྱི་འདུ་ཤེས་ནི་གཉིས་སོ། །རབ་འབྱོར་དེ་ལྟར་དེ་སྙེད་དུ་འདུ་ཤེས་དང་བཅས་པ་ཐམས་ཅད་དང་། ཇི་སྙེད་དུ་འདུ་ཤེས་མྱེད་པ་དེ་དག་ཐམས་ཅད་ནི་གཉིས་ཏེ། ཇི་ཙམ་དུ་གཉིས་པ་དེ་ཙམ་དུ་དངོས་པོའོ། །ཇི་ཙམ་དུ་དངོས་པོ་ཡོད་པ་དེ་ཙམ་དུ་འཁོར་

Vol. 24 · folio 290a

བའོ། །ཇི་ཙམ་དུ་འཁོར་བ་དེ་ཙམ་དུ་སེམས་ཅན་རྣམས་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མྱི་བདེ་བ་དང་། འཁྲུག་པ་ལས་

ཡོངས་སུ་མྱི་འགྲོལ་ལོ། །འདུ་ཤེས་ཐམས་ཅད་ཡིད་ལ་མྱི་བྱེད་པ་ནི་གཉིས་སུ་མྱེད་པ་སྟེ། རབ་འབྱོར་རྣམ་གྲངས་དེས་ཀྱང་འདི་ལྟར་གཉིས་ཀྱི་འདུ་ཤེས་ཅན་ལ་སྦྱིན་པ་མྱེད་པ་དང་། གཉིས་ཀྱི་འདུ་ཤེས་ཅན་ལ་ཚུལ་ཁྲིམས་མྱེད་པ་དང་།

གཉིས་ཀྱི་འདུ་ཤེས་ཅན་ལ་བཟོད་པ་མྱེད་པ་དང་། གཉིས་ཀྱི་འདུ་ཤེས་ཅན་ལ་བརྩོན་འགྲུས་མྱེད་པ་དང་། གཉིས་ཀྱི་འདུ་ཤེས་ཅན་ལ་བསམ་གཏན་མྱེད་པ་དང་། གཉིས་ཀྱི་འདུ་ཤེས་ཅན་ལ་ཤེས་རབ་མྱེད་པ་དང་། གཉིས་ཀྱི་འདུ་ཤེས་

ཅན་ལ་ལམ་མྱེད་པ་དང་། གཉིས་ཀྱི་འདུ་ཤེས་ཅན་ལ་འཐོབ་པ་མྱེད་པ་དང་། གཉིས་ཀྱི་འདུ་ཤེས་ཅན་ལ་མངོན་པར་རྟོགས་པ་མེད་པར་རིག་པར་བྱའོ། །རབ་འབྱོར་གཉིས་ཀྱི་འདུ་ཤེས་ཅན་ལ་ནི་ཆུང་ངུ་ན་མཐུན་པའི་བཟོད་པ་ཡང་མྱེད་

ན། གཟུགས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཚོར་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། འདུ་བྱེད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད།

རྣམ་པར་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མྱིག་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྣ་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྣ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལྕེ་ཡོངས་སུ་

ཤེས་པར་འགྱུར་བ་ལྟ་ག་ལ་ཡོད། ལུས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཡིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། གཟུགས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྒྲ་ཡོངས་སུ་ཤེས་

Vol. 24 · folio 290b

པར་འགྱུར་བ་ལྟ་ག་ལ་ཡོད། དྲི་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རོ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རེག་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཆོས་ཡོངས་སུ་ཤེས་པར་འགྱུར་བ་ལྟ་ག་

ལ་ཡོད། མྱིག་གི་རྣམ་པར་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྣ་བའི་རྣམ་པར་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྣའི་རྣམ་པར་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལྕེའི་

རྣམ་པར་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལུས་ཀྱི་རྣམ་པར་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཡིད་ཀྱི་རྣམ་པར་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མྱིག་གི་འདུས་ཏེ་རེག་

པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྣ་བའི་འདུས་ཏེ་རེག་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྣའི་འདུས་ཏེ་རེག་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལྕེའི་འདུས་ཏེ་རེག་པ་ཡོངས་སུ་ཤེས་པར་

འགྱུར་བ་ལྟ་ག་ལ་ཡོད། ལུས་ཀྱི་འདུས་ཏེ་རེག་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཡིད་ཀྱི་འདུས་ཏེ་རེག་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་

འགྱུར་བ་ལྟ་ག་ལ་ཡོད། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལྕེའི་འདུས་ཏེ་རེག་པའི་རྐྱེན་

ཀྱིས་ཚོར་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡོངས་སུ་ཤེས་པར་འགྱུར་བ་ལྟ་ག་ལ་

Vol. 24 · folio 291a

ཡོད། སའི་ཁམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཆུའི་ཁམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མྱེའི་ཁམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རླུང་གི་ཁམས་ཡོངས་

སུ་ཤེས་པར་འགྱུར་བ་ལྟ་ག་ལ་ཡོད། ནམ་མཁའི་ཁམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྣམ་པར་ཤེས་པའི་ཁམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྟེན་ཅིང་འབྲེལ་པར་འབྱུང་བ་ཡོངས་སུ་ཤེས་པར་

འགྱུར་བ་ལྟ་ག་ལ་ཡོད། མ་རིག་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། འདུ་བྱེད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྣམ་པར་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མྱིང་དང་གཟུགས་ཡོངས་སུ་

ཤེས་པར་འགྱུར་བ་ལྟ་ག་ལ་ཡོད། སྐྱེ་མཆེད་དྲུག་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རེག་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཚོར་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྲེད་པ་ཡོངས་སུ་ཤེས་པར་

འགྱུར་བ་ལྟ་ག་ལ་ཡོད། ལེན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྲིད་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྐྱེ་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྒ་ཤི་ཡོངས་སུ་ཤེས་པར་འགྱུར་བ་ལྟ་ག་

ལ་ཡོད། བླང་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། དོར་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བསམ་གཏན་དང་པོ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བསམ་གཏན་གཉིས་པ་ཡོངས་སུ་

ཤེས་པར་འགྱུར་བ་ལྟ་ག་ལ་ཡོད། བསམ་གཏན་གསུམ་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བསམ་གཏན་བཞི་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བྱམས་པ་ཡོངས་སུ་ཤེས་པར་འགྱུར་བ་ལྟ་ག་ལ་

Vol. 24 · folio 291b

ཡོད། སྙིང་རྗེ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། དགའ་བ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བཏང་སྙོམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ནམ་མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་ཡོངས་

སུ་ཤེས་པར་འགྱུར་བ་ལྟ་ག་ལ་ཡོད། རྣམ་ཤེས་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཆུང་ཟད་མྱེད་པའི་སྐྱེ་མཆེད་ཀྱི་སྙོམས་པར་འཇུག་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད།

འདུ་ཤེས་མྱེད་འདུ་ཤེས་མྱེད་མྱིན་སྐྱེ་མཆེད་ཀྱི་སྙོམས་པར་འཇུག་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སངས་རྒྱས་རྗེས་སུ་དྲན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཆོས་རྗེས་སུ་དྲན་པ་ཡོངས་སུ་ཤེས་པར་འགྱུར་བ་

ལྟ་ག་ལ་ཡོད། དགེ་འདུན་རྗེས་སུ་དྲན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཚུལ་ཁྲིམས་རྗེས་སུ་དྲན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། གཏོང་བ་རྗེས་སུ་དྲན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལྷ་

རྗེས་སུ་དྲན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྐྱོ་བ་རྗེས་སུ་དྲན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། དབུགས་ཕྱི་ནང་དུ་རྒྱུ་བ་རྗེས་སུ་དྲན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། འཆི་བ་རྗེས་སུ་དྲན་པ་

ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལུས་ཀྱི་རྣམ་པ་རྗེས་སུ་དྲན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མྱི་རྟག་པའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྡུག་བསྔལ་གྱི་འདུ་ཤེས་ཡོངས་སུ་

ཤེས་པར་འགྱུར་བ་ལྟ་ག་ལ་ཡོད། བདག་མྱེད་པའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མྱི་སྡུག་པའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། དངོས་པོ་མྱེད་པའི་འདུ་ཤེས་ཡོངས་སུ་ཤེས་

Vol. 24 · folio 292a

པར་འགྱུར་བ་ལྟ་ག་ལ་ཡོད། བདག་གི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སེམས་ཅན་གྱི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྲོག་གི་འདུ་ཤེས་ཡོངས་སུ་ཤེས་པར་འགྱུར་བ་

ལྟ་ག་ལ་ཡོད། སྐྱེ་བའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། གསོ་བའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྐྱེས་བུའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། གང་ཟག་གི་འདུ་ཤེས་

ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཤེད་ཅན་གྱི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཤེད་བདག་གི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བྱེད་པ་པོའི་འདུ་ཤེས་ཡོངས་སུ་ཤེས་པར་འགྱུར་

བ་ལྟ་ག་ལ་ཡོད། ཚོར་བ་པོའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཤེས་པ་པོའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མཐོང་བ་པོའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྟག་པའི་

འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བདེ་བའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྡུག་པའི་འདུ་ཤེས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བདག་གི་འདུ་ཤེས་ཡོངས་སུ་ཤེས་པར་འགྱུར་

བ་ལྟ་ག་ལ་ཡོད། དྲན་པ་ཉེ་བར་གཞག་པ་རྣམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཡང་དག་པར་སྤོང་བ་རྣམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྫུ་འཕྲུལ་གྱི་རྐང་པ་རྣམས་ཡོངས་སུ་ཤེས་པར་འགྱུར་

བ་ལྟ་ག་ལ་ཡོད། དབང་པོ་རྣམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྟོབས་རྣམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བྱང་ཆུབ་ཀྱི་ཡན་ལག་རྣམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད།

Vol. 24 · folio 292b

ལམ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྟོང་པ་ཉིད་ཀྱི་ཏིང་ངེ་འཛིན་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མཚན་མ་མྱེད་པའི་ཏིང་ངེ་འཛིན་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྨོན་པ་མྱེད་པའི་ཏིང་ངེ་

འཛིན་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྣམ་པར་ཐར་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མཐར་ཀྱིས་གནས་པའི་སྙོམས་པར་འཇུག་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྟོག་པ་དང་བཅས་

དཔྱོད་པ་དང་བཅས་པའི་ཏིང་ངེ་འཛིན་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྟོག་པ་མྱེད་ལ་དཔྱོད་པ་ཙམ་གྱི་ཏིང་ངེ་འཛིན་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྟོག་པ་མྱེད་ཅིང་དཔྱོད་པ་མྱེད་པའི་ཏིང་ངེ་འཛིན་ཡོངས་སུ་

ཤེས་པར་འགྱུར་བ་ལྟ་ག་ལ་ཡོད། སྡུག་བསྔལ་འཕགས་པའི་བདེན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཀུན་འབྱུང་བ་འཕགས་པའི་བདེན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། འགོག་པ་འཕགས་

པའི་བདེན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལམ་འཕགས་པའི་བདེན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྡུག་བསྔལ་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཀུན་འབྱུང་བ་ཤེས་

པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། འགོག་པ་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལམ་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཟད་པ་ཤེས་པ་ཡོངས་སུ་ཤེས་པར་འགྱུར་བ་ལྟ་

ག་ལ་ཡོད། མྱི་སྐྱེ་བ་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཆོས་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྗེས་སུ་འགྲོ་བ་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཀུན་རྫོབ་ཤེས་

Vol. 24 · folio 293a

པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། འདྲིས་པ་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྒྲ་ཇི་བཞིན་ཤེས་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྦྱིན་པའི་ཕ་རོལ་ཏུ་ཕྱིན་པ་ཡོངས་

སུ་ཤེས་པར་འགྱུར་བ་ལྟ་ག་ལ་ཡོད། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བཟོད་པའི་ཕ་རོལ་ཏུ་ཕྱིན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བརྩོན་འགྲུས་ཀྱི་ཕ་རོལ་ཏུ་ཕྱིན་པ་

ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ནང་སྟོང་པ་ཉིད་ཡོངས་

སུ་ཤེས་པར་འགྱུར་བ་ལྟ་ག་ལ་ཡོད། ཕྱི་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཕྱི་ནང་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སྟོང་པ་ཉིད་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་

ཡོད། ཆེན་པོ་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། དོན་དམ་པ་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། འདུས་བྱས་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། འདུས་

མ་བྱས་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མཐའ་ལས་འདས་པ་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཐོག་མ་དང་ཐ་མ་མྱེད་པ་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་

ཡོད། དོར་བ་མྱེད་པ་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རང་བཞིན་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཆོས་ཐམས་ཅད་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད།

Vol. 24 · folio 293b

རང་གི་མཚན་ཉིད་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མྱི་དམྱིགས་པ་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། དངོས་པོ་མྱེད་པ་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ངོ་བོ་ཉིད་སྟོང་པ་ཉིད་

ཡོངས་སུ་ཤེས་པར་འགྱུར་བ་ལྟ་ག་ལ་ཡོད། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མངོན་པར་ཤེས་པ་དྲུག་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ཏིང་ངེ་འཛིན་ཐམས་ཅད་ཡོངས་སུ་

ཤེས་པར་འགྱུར་བ་ལྟ་ག་ལ་ཡོད། གཟུངས་ཀྱི་སྒོ་ཐམས་ཅད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། དེ་བཞིན་གཤེགས་པའི་སྟོབས་རྣམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། མྱི་འཇིགས་པ་རྣམས་ཡོངས་སུ་ཤེས་པར་

འགྱུར་བ་ལྟ་ག་ལ་ཡོད། སོ་སོ་ཡང་དག་པར་རིག་པ་རྣམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། སངས་རྒྱས་ཀྱི་ཆོས་མ་འདྲེས་པ་རྣམས་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། བྱམས་པ་ཆེན་པོ་ཡོངས་སུ་ཤེས་པར་འགྱུར་

བ་ལྟ་ག་ལ་ཡོད། སྙིང་རྗེ་ཆེན་པོ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྒྱུན་ཏུ་ཞུགས་པའི་འབྲས་བུ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལན་ཅིག་ཕྱིར་འོང་བའི་འབྲས་བུ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད།

ཕྱིར་མྱི་འོང་བའི་འབྲས་བུ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། དགྲ་བཅོམ་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རང་བྱང་ཆུབ་ཡོངས་སུ་ཤེས་པར་འགྱུར་བ་ལྟ་ག་ལ་ཡོད། ལམ་གྱི་རྣམ་པ་ཤེས་པ་ཉིད་

ཡོངས་སུ་ཤེས་པར་འགྱུར་བ་ལྟ་ག་ལ་ཡོད། རྣམ་པ་ཐམས་ཅད་མཁྱེན་པ་ཉིད་ཡོངས་སུ་ཤེས་པར་འགྱུར་བ་ལྟ་ག་ལ་ཡོད་དེ། གང་ལ་ལམ་བསྒོམ་པ་མྱེད་པ་དེ་ལ། རྒྱུན་ཏུ་ཞུགས་པའི་འབྲས་བུ་ཡང་ག་ལ་ཡོད། ལན་ཅིག་ཕྱིར་འོང་

Vol. 24 · folio 294a

བའི་འབྲས་བུ་ཡང་ག་ལ་ཡོད། ཕྱིར་མྱི་འོང་བའི་འབྲས་བུ་ཡང་ག་ལ་ཡོད། དགྲ་བཅོམ་པ་ཉིད་ཀྱང་ག་ལ་ཡོད། རང་བྱང་ཆུབ་ཀྱང་ག་ལ་ཡོད། ལམ་གྱི་རྣམ་པ་ཤེས་པ་ཉིད་ཀྱང་ག་ལ་ཡོད། རྣམ་པ་ཐམས་ཅད་

མཁྱེན་པ་ཉིད་ཀྱང་ག་ལ་ཡོད། བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤངས་པ་ཡང་ག་ལ་ཡོད། །ཤེས་རབ་ཀྱི་ཕ་རོལ་ཏུ་ཕྱིནད་པ་སྟོང་ཕྲག་བརྒྱ་པ་ལས། ལེའུ་ལྔ་བཅུ་དགུའོ།། །།

། །དེ་ནས་ཚེ་དང་ལྡན་པ་རབ་འབྱོར་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་དེ་ལྟར་དངོས་པོའི་འདུ་ཤེས་ཅན་ལ་མཐུན་པའི་བཟོད་པ་ཡང་མ་མཆིས་པས། འཐོབ་པ་ལྟ་ག་ལ་

མཆིས་ཏེ་མ་མཆིས། མངོན་པར་རྟོགས་པ་ལྟ་ཡང་ག་ལ་མཆིས་ཏེ། མ་མཆིས་ན་ཅི་ལགས། བཅོམ་ལྡན་འདས་དངོས་པོ་མ་མཆིས་པའི་འདུ་ཤེས་ཅན་ལ་མཐུན་པའི་བཟོད་པའམ། དཀར་པོ་རྣམ་པར་མཐོང་བའི་སའམ། རིགས་

ཀྱི་ས་འམ། བརྒྱད་པའི་སའམ། མཐོང་བའི་ས་འམ། བསྲབས་པའི་སའམ། འདོད་ཆགས་དང་བྲལ་བའི་སའམ། བྱས་པ་རྟོགས་པའི་སའམ། རང་སངས་རྒྱས་ཀྱི་ས་འམ། བྱང་ཆུབ་སེམས་དཔའི་སའམ། སངས་རྒྱས་ཀྱི་

ས་འམ། ལམ་བསྒོམ་པ་གང་ལ་བརྟེན་ཅིང་། ཉོན་མོངས་པ་གང་གིས་བསྒྲིབས་པས། བྱང་ཆུབ་སེམས་དཔའི་སྐྱོན་མ་མཆིས་པར་ཆུད་པར་མྱི་འགྱུར་བ་དང་། བྱང་ཆུབ་སེམས་དཔའི་སྐྱོན་མ་མཆིས་པར་མ་ཆུད་པས། རྣམ་པ་

ཐམས་ཅད་མཁྱེན་པ་ཉིད་ཐོབ་པར་མྱི་འགྱུར་བ་དང་། རྣམ་པ་ཐམས་ཅད་མཁྱེན་པ་ཉིད་མ་ཐོབ་པས། བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་མི་སྤོངས་པའི་སྒྲིབ་པ་ཉན་ཐོས་དང་ལྡན་པའམ། རང་སངས་རྒྱས་

Vol. 24 · folio 294b

དང་ལྡན་པའི་ཉོན་མོངས་པ་དེ་དག་སྤོང་བར་འགྱུར་བའི་ལམ་མཆིས་སམ། བཅོམ་ལྡན་འདས་གལ་ཏེ་ཆོས་སྐྱེ་བར་འགྱུར་བ་གང་ཡང་སྐྱེ་བ་མ་མཆིས་ན་ཇི་ལྟར་ཆོས་དེ་དག་མ་སྐྱེས་པར་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར།

བཅོམ་ལྡན་འདས་ཀྱིས་བཀའ་སྩལ་པ། རབ་འབྱོརད་དེ་དེ་བཞིན་ནོ། །དེ་དེ་བཞིན་ཏེ། དངོས་པོ་མྱེད་པའི་འདུ་ཤེས་ཅན་ལ་མཐུན་པའི་བཟོད་པ་མྱེད་དོ། །དངོས་པོ་མྱེད་པའི་འདུ་ཤེས་ཅན་ལ་མངོན་པར་རྟོགས་པའི་ས་མྱེད་

དོ། །དངོས་པོ་མྱེད་པའི་འདུ་ཤེས་ཅན་ལ་དཀར་པོ་རྣམ་པར་མཐོང་བའི་ས་མྱེད་དོ། །དངོས་པོ་མྱེད་པའི་འདུ་ཤེས་ཅན་ལ་རིགས་ཀྱི་ས་མྱེད་དོ། །དངོས་པོ་མྱེད་པའི་འདུ་ཤེས་ཅན་ལ་བརྒྱད་པའི་ས་མྱེད་དོ། །དངོས་པོ་མྱེད་པའི་

འདུ་ཤེས་ཅན་ལ་མཐོང་བའི་ས་མྱེད་དོ། །དངོས་པོ་མྱེད་པའི་འདུ་ཤེས་ཅན་ལ་བསྲབས་པའི་ས་མྱེད་དོ། །དངོས་པོ་མྱེད་པའི་འདུ་ཤེས་ཅན་ལ་འདོད་ཆགས་དང་བྲལ་བའི་ས་མྱེད་དོ། །དངོས་པོ་མྱེད་པའི་འདུ་ཤེས་ཅན་ལ་བྱས་

པ་རྟོགས་པའི་ས་མྱེད་དོ། །དངོས་པོ་མྱེད་པའི་འདུ་ཤེས་ཅན་ལ་རང་སངས་རྒྱས་ཀྱི་ས་མྱེད་དོ། །དངོས་པོ་མྱེད་པའི་འདུ་ཤེས་ཅན་ལ་བྱང་ཆུབ་སེམས་དཔའི་ས་མྱེད་དོ། །དངོས་པོ་མྱེད་པའི་འདུ་ཤེས་ཅན་ལ་སངས་རྒྱས་ཀྱི་ས་

མེད་དོ། །དངོས་པོ་མྱེད་པའི་འདུ་ཤེས་ཅན་ལ་ལམ་བསྒོམ་པ་གང་ལ་བརྟེན་ཅིང་ཉོན་མོངས་པ་གང་གིས་བསྒྲིབས་པས། བྱང་ཆུབ་སེམས་དཔའི་སྐྱོན་མྱེད་པར་ཆུད་པར་མྱི་འགྱུར་བ་དང་། བྱང་ཆུབ་སེམས་དཔའི་སྐྱོན་མྱེད་པར་

མ་ཆུད་པས། རྣམ་པ་ཐམས་ཅད་མཁྱེན་པ་ཉིད་ཐོབ་པར་མྱི་འགྱུར་བ་དང་། རྣམ་པ་ཐམས་ཅད་མཁྱེན་པ་ཉིད་མ་ཐོབ་པས། བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་མྱི་སྤོང་བའི་སྒྲིབ་པ། ཉན་ཐོས་

Vol. 24 · folio 295a

དང་ལྡན་པ་འམ། རང་སངས་རྒྱས་དང་ལྡན་པའི་ཉོན་མོངས་པ་དེ་དག་སྤོང་བར་འགྱུར་བའི་ལམ་མྱེད་དོ། །གསོལ་པ། བཅོམ་ལྡན་འདས་ཅི་ལགས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་

ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། དངོས་པོ་མཆིས་པར་འདུ་ཤེས་པ་དང་། དངོས་པོ་མ་མཆིས་པར་འདུ་ཤེས་པ་མཆིས་སམ། གཟུགས་སུ་འདུ་ཤེས་པ་དང་། ཚོར་བར་འདུ་ཤེས་པ་དང་། འདུ་ཤེས་སུ་འདུ་ཤེས་པ་དང་།

འདུ་བྱེད་དུ་འདུ་ཤེས་པ་དང་། རྣམ་པར་ཤེས་པར་འདུ་ཤེས་པ་དང་། མྱིག་དུ་འདུ་ཤེས་པ་དང་། རྣ་བར་འདུ་ཤེས་པ་དང་། སྣར་འདུ་ཤེས་པ་དང་། ལྕེར་འདུ་ཤེས་པ་དང་། ལུས་སུ་འདུ་ཤེས་པ་དང་། ཡིད་དུ་འདུ་ཤེས་པ་དང་།

གཟུགས་སུ་འདུ་ཤེས་པ་དང་། སྒྲར་འདུ་ཤེས་པ་དང་། དྲིར་འདུ་ཤེས་པ་དང་། རོར་འདུ་ཤེས་པ་དང་། རེག་དུ་འདུ་ཤེས་པ་དང་། ཆོས་སུ་འདུ་ཤེས་པ་དང་། མྱིག་གི་རྣམ་པར་ཤེས་པར་འདུ་ཤེས་པ་དང་། རྣ་བའི་རྣམ་པར་

ཤེས་པར་འདུ་ཤེས་པ་དང་། སྣའི་རྣམ་པར་ཤེས་པར་འདུ་ཤེས་པ་དང་། ལྕེའི་རྣམ་པར་ཤེས་པར་འདུ་ཤེས་པ་དང་། ལུས་ཀྱི་རྣམ་པར་ཤེས་པར་འདུ་ཤེས་པ་དང་། ཡིད་ཀྱི་རྣམ་པར་ཤེས་པར་འདུ་ཤེས་པ་དང་། མྱིག་གི་འདུས་ཏེ་

རེག་པར་འདུ་ཤེས་པ་དང་། རྣ་བའི་འདུས་ཏེ་རེག་པར་འདུ་ཤེས་པ་དང་། སྣའི་འདུས་ཏེ་རེག་པར་འདུ་ཤེས་པ་དང་། ལྕེའི་འདུས་ཏེ་རེག་པར་འདུ་ཤེས་པ་དང་། ལུས་ཀྱི་འདུས་ཏེ་རེག་པར་འདུ་ཤེས་པ་དང་། ཡིད་ཀྱི་འདུས་ཏེ་རེག་

པར་འདུ་ཤེས་པ་དང་། མྱིག་གི་འདུས་ཏེ་རེག་པའི་རྐྱེནད་ཀྱིས་ཚོར་བར་འདུ་ཤེས་པ་དང་། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བར་འདུ་ཤེས་པ་དང་། སྣའི་འདུས་ཏེ་རེག་པའི་རྐྱེན་ཀྱིས་ཚོར་བར་འདུ་ཤེས་པ་དང་། ལྕེའི་འདུས་ཏེ་

Vol. 24 · folio 295b

རེག་པའི་རྐྱེན་ཀྱིས་ཚོར་བར་འདུ་ཤེས་པ་དང་། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བར་འདུ་ཤེས་པ་དང་། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བར་འདུ་ཤེས་པ་དང་། སའི་ཁམས་སུ་འདུ་ཤེས་པ་དང་། ཆུའི་ཁམས་

སུ་འདུ་ཤེས་པ་དང་། མྱེའི་ཁམས་སུ་འདུ་ཤེས་པ་དང་། རླུང་གི་ཁམས་སུ་འདུ་ཤེས་པ་དང་། ནམ་མཁའི་ཁམས་སུ་འདུ་ཤེས་པ་དང་། རྣམ་པར་ཤེས་པའི་ཁམས་སུ་འདུ་ཤེས་པ་དང་། འདོད་ཆགས་སུ་འདུ་ཤེས་པ་དང་།

འདོད་ཆགས་སྤང་བར་འདུ་ཤེས་པ་དང་། ཞེ་སྡང་དུ་འདུ་ཤེས་པ་དང་། ཞེ་སྡང་སྤང་བར་འདུ་ཤེས་པ་དང་། གཏི་མུག་ཏུ་འདུ་ཤེས་པ་དང་། གཏི་མུག་སྤང་བར་འདུ་ཤེས་པ་དང་། མ་རིག་པར་འདུ་ཤེས་པ་དང་། མ་རིག་པ་སྤང་

བར་འདུ་ཤེས་པ་དང་། འདུ་བྱེད་དུ་འདུ་ཤེས་པ་དང་། འདུ་བྱེད་སྤང་བར་འདུ་ཤེས་པ་དང་། རྣམ་པར་ཤེས་པར་འདུ་ཤེས་པ་དང་། རྣམ་པར་ཤེས་པ་སྤང་བར་འདུ་ཤེས་པ་དང་། མྱིང་དང་གཟུགས་སུ་འདུ་ཤེས་པ་དང་། མྱིང་དང་གཟུགས་

སྤང་བར་འདུ་ཤེས་པ་དང་། སྐྱེ་མཆེད་དྲུག་ཏུ་འདུ་ཤེས་པ་དང་། སྐྱེ་མཆེད་དྲུག་སྤང་བར་འདུ་ཤེས་པ་དང་། རེག་པར་འདུ་ཤེས་པ་དང་། རེག་པ་སྤང་བར་འདུ་ཤེས་པ་དང་། ཚོར་བར་འདུ་ཤེས་པ་དང་། ཚོར་བ་སྤང་བར་འདུ་ཤེས་

པ་དང་། སྲེད་པར་འདུ་ཤེས་པ་དང་། སྲེད་པ་སྤང་བར་འདུ་ཤེས་པ་དང་། ལེན་པར་འདུ་ཤེས་པ་དང་། ལེན་པ་སྤང་བར་འདུ་ཤེས་པ་དང་། སྲིད་པར་འདུ་ཤེས་པ་དང་། སྲིད་པ་སྤང་བར་འདུ་ཤེས་པ་དང་། སྐྱེ་བར་འདུ་ཤེས་པ་

དང་། སྐྱེ་བ་སྤང་བར་འདུ་ཤེས་པ་དང་། རྒ་ཤིར་འདུ་ཤེས་པ་དང་། རྒ་ཤི་སྤང་བར་འདུ་ཤེས་པ་དང་། མྱ་ངན་དང་སྨྲེ་སྔགས་འདོན་པར་འདུ་ཤེས་པ་དང་། མྱ་ངན་དང་སྨྲེ་སྔགས་འདོན་པ་སྤང་བར་འདུ་ཤེས་པ་དང་། སྡུག་

Vol. 24 · folio 296a

བསྔལ་བ་དང་། ཡིད་མྱི་བདེ་བར་འདུ་ཤེས་པ་དང་། སྡུག་བསྔལ་བ་དང་། ཡིད་མྱི་བདེ་བ་སྤང་བར་འདུ་ཤེས་པ་དང་། འཁྲུག་པར་འདུ་ཤེས་པ་དང་། འཁྲུག་པ་སྤང་བར་འདུ་ཤེས་པ་དང་། སྡུག་བསྔལ་དུ་འདུ་ཤེས་པ་

དང་། སྡུག་བསྔལ་ཀུན་ཤེས་པར་བྱ་བར་འདུ་ཤེས་པ་དང་། ཀུན་འབྱུང་བར་འདུ་ཤེས་པ་དང་། ཀུན་འབྱུང་བ་སྤང་བར་འདུ་ཤེས་པ་དང་། འགོག་པར་འདུ་ཤེས་པ་དང་། འགོག་པ་མངོན་དུ་བྱ་བར་འདུ་ཤེས་པ་དང་། ལམ་དུ་འདུ་

ཤེས་པ་དང་། ལམ་བསྒོམ་པར་འདུ་ཤེས་པ་དང་། རྣམ་པ་ཐམས་ཅད་མཁྱེན་པ་ཉིད་དུ་འདུ་ཤེས་པ་དང་། བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤང་བར་འདུ་ཤེས་པའི་བར་དུ་མཆིས་སམ། བཅོམ་ལྡན་

འདས་ཀྱིས་བཀའ་སྩལ་པ། རབ་འབྱོར་དེ་ནི་མྱེད་དོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ཆོས་གང་ལ་ཡང་དངོས་པོ་ཡོད་པར་འདུ་ཤེས་པ་འམ། དངོས་པོ་མྱེད་

པར་འདུ་ཤེས་པ་མྱེད་དོ། །གང་ལ་དངོས་པོ་ཡོད་པར་འདུ་ཤེས་པ་དང་། དངོས་པོ་མྱེད་པར་འདུ་ཤེས་པ་མྱེད་པ་དེ་ཉིད་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་མཐུན་པའི་བཟོད་པའོ། །གང་ལ་དངོས་པོ་ཡོད་པར་འདུ་ཤེས་པ་དང་། དངོས་

པོ་མྱེད་པར་འདུ་ཤེས་པ་མྱེད་པ་དེ་ཉིད་ནི་ལམ་བསྒོམ་པའོ། །གང་ལ་དངོས་པོ་ཡོད་པར་འདུ་ཤེས་པ་དང་། དངོས་པོ་མྱེད་པར་འདུ་ཤེས་པ་མྱེད་པ་དེ་ཉིད་ནི་འབྲས་བུའོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོའི་ལམ་ནི་

དངོས་པོ་མྱེད་པ་སྟེ། མངོན་པར་རྟོགས་པ་ཡང་དངོས་པོ་མྱེད་པའོ། །རབ་འབྱོར་དེ་ལྟར་རྣམ་གྲངས་དེས་ཀྱང་འདི་ལྟར་ཆོས་ཐམས་ཅད་ནི་དངོས་པོ་མྱེད་པའི་ངོ་བོ་ཉིད་དུ་རིག་པར་བྱའོ། །གསོལ་པ། བཅོམ་ལྡན་འདས་གལ་ཏེ་དེ་ལྟར་ཆོས་

Vol. 24 · folio 296b

ཐམས་ཅད་དངོས་པོ་མ་མཆིས་པའི་ངོ་བོ་ཉིད་ལགས་ན། བཅོམ་ལྡན་འདས་ཇི་ལྟར་དེ་བཞིན་གཤེགས་པས། ཆོས་ཐམས་ཅད་དངོས་པོ་མ་མཆིས་པའི་ངོ་བོ་ཉིད་དུ་མངོན་པར་རྫོགས་པར་སངས་རྒྱས་པར་གྱུར་ཏེ། །དེ་དག་མངོན་པར་རྫོགས་པར་

སངས་རྒྱས་པས། ཆོས་ཐམས་ཅད་ལ་དབང་སྒྱུར་བའི་ཡུལ་ལ། མངའ་བརྙེས་པར་གྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་འདི་ལ་ང་སྔོན་བྱང་

ཆུབ་སེམས་དཔའི་སྤྱད་པ་སྤྱོད་ཅིང་། ཕ་རོལ་ཏུ་ཕྱིན་པ་དྲུག་ལ་སྤྱོད་པའི་ཚེ། འདོད་པས་དབེན་སྡིག་ཏོ་མྱི་དགེ་བའི་ཆོས་ཀྱིས་དབེན་པ་རྟོག་པ་དང་བཅས་པ་དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང་བདེ་བ་ཅན་བསམ་

གཏན་དང་པོ་ལ་ཉེ་བར་བསྒྲུབས་ཏེ་གནས་སོ། །རྣམ་པར་རྟོག་པ་དང་རྣམ་པར་དཔྱོད་པ་ཉེ་བར་ཞི་ནས། ནང་ཡོངས་སུ་དང་སྟེ། སེམས་ཀྱི་རྒྱུད་གཅིག་ཏུ་གྱུར་པས། རྟོག་པ་མྱེད་པ་དཔྱོད་པ་མྱེད་པའི་ཏིང་ངེ་འཛིན་ལས་སྐྱེས་པའི་དགའ་བ་དང་

བདེ་བ་ཅན། བསམ་གཏན་གཉིས་པ་ལ་ཉེ་བར་བསྒྲུབས་ཏེ་གནས་སོ། །དགའ་བ་ལས་འདོད་ཆགས་དང་བྲལ་བས། དྲན་པ་དང་ལྡན་ཞིང་ཤེས་བཞིན་དུ་བཏང་སྙོམས་ལ་གནས་ཏེ། བདེ་བ་ལུས་ཀྱིས་མྱོང་ཞིང་འཕགས་པ་རྣམས་ཀྱིས་དྲན་

པ་དང་ལྡན་པ་བདེ་བ་ལ་རྣམ་པར་དཔྱོད་པ་བཏང་སྙོམས་པའོ། །ཞེས་བརྗོད་པ་སྟེ། དགའ་བ་མྱེད་པའི་བསམ་གཏན་གསུམ་པ་ལ་ཉེ་བར་བསྒྲུབས་ཏེ་གནས་སོ། །བདེ་བ་ཡང་སྤངས་སྡུག་བསྔལ་བ་ཡང་སྤངས་ཤིང་། སྔ་མའི་ཡིད་བདེ་བ་

དང་། ཡིད་མྱི་བདེ་བ་སྔ་ནས་ཀྱང་ནུབ་པས་བདེ་བ་ཡང་མྱེད། སྡུག་བསྔལ་ཡང་མྱེད་པ། བཏང་སྙོམས་དང་དྲན་པས་ཡོངས་སུ་དག་པའི་བསམ་གཏན་བཞི་པ་ལ་ཉེ་བར་བསྒྲུབས་ཤིང་གནས་པར་གྱུར་ཏེ། འོན་ཀྱང་ངས་བསམ་

Vol. 24 · folio 297a

གཏན་འདི་དག་དང་། བསམ་གཏན་གྱི་ཡན་ལག་དེ་དག་གི་མཚན་མ་བཟུང་སྟེ། བསམ་གཏན་དེ་དག་གིས་བསྙེམས་པར་མ་གྱུར། བསམ་གཏན་གྱི་རོ་མྱོང་བར་མ་གྱུར། བསམ་གཏན་དུ་དམྱིགས་པར་མ་

གྱུར་ཏེ། དེ་ལྟར་ན་ངས་བསམ་གཏན་དེ་དག་རྣམ་པ་ཡོངས་སུ་དག་པ་ལ་མཉམ་པར་བཞག་གོ །དེ་ལྟར་ན་ངས་བསམ་གཏན་དེ་དག་རྣམ་པར་སྨིན་པར་བྱས་ནས། ཤེས་པ་རྣམ་པ་ཐ་དད་པ་མངོན་དུ་བྱ་བའི་ཕྱིར་སེམས་གཞོལ་བར་

བྱས། ལྷའི་རྣ་བའི་ཤེས་པ་མངོན་དུ་བྱ་བའི་ཕྱིར་སེམས་གཞོལ་བར་བྱས། ཕ་རོལ་གྱི་སེམས་ཤེས་པ་མངོན་དུ་བྱ་བའི་ཕྱིར་སེམས་གཞོལ་བར་བྱས། སྔོན་གྱི་གནས་རྗེས་སུ་དྲན་པ་ཤེས་པ་མངོན་དུ་བྱ་བའི་ཕྱིར་སེམས་གཞོལ་

བར་བྱས། ལྷའི་མྱིག་གི་ཤེས་པ་མངོན་དུ་བྱ་བའི་ཕྱིར་སེམས་གཞོལ་བར་བྱས། འོན་ཀྱང་ངས་མངོན་པར་ཤེས་པ་མངོན་དུ་བྱ་བ་དེ་དག་ལ་མཚན་མར་བཟུང་སྟེ། མངོན་པར་ཤེས་པ་དེ་དག་གིས་ཤེས་པར་མ་གྱུར། རོ་མྱོང་བར་མ་གྱུར་

དམྱིགས་པར་མ་གྱུར་ཏེ། མངོན་པར་ཤེས་པ་ལྔ་པོ་དེ་དག་ནམ་མཁའ་ལྟ་བུར་ཡང་དག་པར་རྗེས་སུ་དྲན་པས་མཉམ་པར་གཞག་སྟེ། དེ་ལྟར་ངས་སྐད་ཅིག་གཅིག་དང་ལྡན་པའི་ཤེས་རབ་ཀྱིས་བླ་ན་མྱེད་པ་ཡང་དག་པར་རྫོགས་པའི་

བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས། འདི་ནི་སྡུག་བསྔལ་ལོ། །འདི་ནི་སྡུག་བསྔལ་ཀུན་འབྱུང་བའོ། །འདི་ནི་སྡུག་བསྔལ་འགོག་པའོ། །འདི་ནི་སྡུག་བསྔལ་འགོག་པར་འགྱུར་བའི་ལམ་མོ། །ཞེས་བྱ་བར་

ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པར་གྱུར་ཏེ། དེ་ལྟར་ང་དེ་བཞིན་གཤེགས་པའི་སྟོབས་བཅུ་དང་ལྡན་པར་གྱུར། མྱི་འཇིགས་པ་བཞི་དང་ལྡན་པར་གྱུར། སོ་སོ་ཡང་དག་པར་རིག་པ་བཞི་དང་ལྡན་པར་གྱུར། བྱམས་

Vol. 24 · folio 297b

པ་ཆེན་པོ་དང་ལྡན་པར་གྱུར། སྙིང་རྗེ་ཆེན་པོ་དང་ལྡན་པར་གྱུར། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་དང་ལྡན་པར་གྱུར་ནས། སེམས་ཅན་རྣམས་ཕུང་པོ་གསུམ་དུ་ལུང་བསྟན་པར་གྱུར་ཏོ། །རབ་འབྱོར་ཀྱིས་གསོལ་པ། བཅོམ་ལྡན་འདས་

ཇི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། དངོས་པོ་མ་མཆིས་པའི་ངོ་བོ་ཉིད་ཀྱི་བསམ་གཏན་བཞི་བསྐྱེད་པར་གྱུར། ཇི་ལྟར་དངོས་པོ་མ་མཆིས་པའི་ངོ་བོ་ཉིད་ཀྱི་མངོན་པར་ཤེས་པ་དྲུག་བསྐྱེད་

པར་གྱུར། ཇི་ལྟར་དངོས་པོ་མ་མཆིས་པའི་ངོ་བོ་ཉིད་ཀྱི་དེ་བཞིན་གཤེགས་པའི་སྟོབས་བཅུ་བསྐྱེད་པར་གྱུར། ཇི་ལྟར་དངོས་པོ་མ་མཆིས་པའི་ངོ་བོ་ཉིད་ཀྱི་མྱི་འཇིགས་པ་བཞི་བསྐྱེད་པར་གྱུར། ཇི་ལྟར་དངོས་པོ་མ་མཆིས་པའི་ངོ་བོ་ཉིད་

ཀྱི་སོ་སོ་ཡང་དག་པར་རིག་པ་བཞི་བསྐྱེད་པར་གྱུར། ཇི་ལྟར་དངོས་པོ་མ་མཆིས་པའི་ངོ་བོ་ཉིད་ཀྱི་བྱམས་པ་ཆེན་པོ་བསྐྱེད་པར་གྱུར། ཇི་ལྟར་དངོས་པོ་མ་མཆིས་པའི་ངོ་བོ་ཉིད་ཀྱི་སྙིང་རྗེ་ཆེན་པོ་བསྐྱེད་པར་གྱུར། ཇི་ལྟར་དངོས་པོ་མ་

མཆིས་པའི་ངོ་བོ་ཉིད་ཀྱི་སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་བསྐྱེད་པར་གྱུར། སེམས་ཅན་རྣམས་ཀྱང་སེམས་ཅན་མ་མཆིས་པར་ཇི་ལྟར་ཕུང་པོ་གསུམ་དུ་ལུང་བསྟན་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། རབ་

འབྱོར་གལ་ཏེ་འདོད་པ་རྣམས་དང་སྡིག་ཏོ་མྱི་དགེ་བའི་ཆོས་རྣམས་ལ་དངོས་པོ་ཞིག་ཡོད་དེ། ངོ་བོ་ཉིད་ཡོད་པ་འམ། གཞན་གྱི་དངོས་པོ་ཞིག་ཡོད་ན་ནི། རབ་འབྱོར་ངས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། འདོད་པ་རྣམས་

དངོས་པོ་མེད་པའི་ངོ་བོ་ཉིད་དང་། སྡིག་ཏོ་མྱི་དགེ་བའི་ཆོས་རྣམས་དངོས་པོ་མྱེད་པའི་ངོ་བོ་ཉིད་དུ་རིག་ནས། བསམ་གཏན་བཞི་ཉེ་བར་བསྒྲུབས་ཏེ་གནས་པར་ཡང་མྱི་འགྱུར་ཏེ། རབ་འབྱོར་འདི་ལྟར་འདོད་པ་རྣམས་དང་། སྡིག་

Vol. 24 · folio 298a

ཏོ་མྱི་དགེ་བའི་ཆོས་རྣམས་ལ་དངོས་པོ་མྱེད་པ། ངོ་བོ་ཉིད་མྱེད་པ། རང་གི་དངོས་པོ་མྱེད་པ། གཞན་གྱི་དངོས་པོ་མྱེད་པ་སྟེ། གཞན་དུ་ན་དངོས་པོ་མྱེད་པའི་ངོ་བོ་ཉིད་ཡིན་པས། རབ་འབྱོར་དེའི་ཕྱིར་ང་སྔོན་བྱང་

ཆུབ་སེམས་དཔའི་སྤྱད་པ་སྤྱོད་པའི་ཚེ། འདོད་པས་དབེན་སྡིག་ཏོ་མྱི་དགེ་བའི་ཆོས་ཀྱིས་དབེན་པ་རྟོག་པ་དང་བཅས་པ་དཔྱོད་པ་དང་བཅས་པ་དབེན་པ་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་དང་པོ་ལ་ཉེ་བར་བསྒྲུབས་ཏེ་གནས་པར་

གྱུར་ཏོ། །རྣམ་པར་རྟོག་པ་དང་། རྣམ་པར་དཔྱོད་པ་ཉེ་བར་ཞི་ནས། ནང་ཡོངས་སུ་དང་སྟེ། སེམས་ཀྱི་རྒྱུད་གཅིག་ཏུ་གྱུར་པས། རྟོག་པ་མྱེད་པ་དཔྱོད་པ་མྱེད་པ་ཏིང་ངེ་འཛིན་ལས་སྐྱེས་པའི་དགའ་བ་དང་། བདེ་བ་ཅན་བསམ་གཏན་

གཉིས་པ་ལ་ཉེ་བར་བསྒྲུབས་ཏེ་གནས་པར་གྱུར་ཏོ། །དགའ་བ་ལས་འདོད་ཆགས་དང་བྲལ་བས་དྲན་པ་དང་ལྡན་ཞིང་ཤེས་བཞིན་དུ་བཏང་སྙོམས་ལ་གནས་ཏེ། བདེ་བ་ལུས་ཀྱིས་མྱོང་ལ་འཕགས་པ་རྣམས་ཀྱིས་དྲན་པ་དང་ལྡན་པ་

བདེ་བ་ལ་རྣམ་པར་སྤྱོད་པ་བཏང་སྙོམས་པའོ་ཞེས་བརྗོད་པ་སྟེ། དགའ་བ་མྱེད་པའི་བསམ་གཏན་གསུམ་པ་ལ་ཉེ་བར་བསྒྲུབས་ཏེ་གནས་པར་གྱུར་ཏོ། །བདེ་བ་ཡང་སྤངས། སྡུག་བསྔལ་ཡང་སྤངས་ཤིང་། ཡིད་བདེ་བ་དང་།

ཡིད་མྱི་བདེ་བ་སྔ་ནས་ནུབ་པས། བདེ་བ་ཡང་མྱེད། སྡུག་བསྔལ་ཡང་མྱེད་པ་བཏང་སྙོམས་དང་དྲན་པས། ཡོངས་སུ་དག་པའི་བསམ་གཏན་བཞི་པ་ལ་ཉེ་བར་བསྒྲུབས་ཏེ་གནས་པར་གྱུར་ཏོ། །རབ་འབྱོར་གལ་ཏེ་མངོན་པར་ཤེས་པ་

རྣམས་ལ་དངོས་པོ་ཞིག་ཡོད་དེ། ངོ་བོ་ཉིད་ཡོད་པ་འམ། རང་གི་དངོས་པོ་ཡོད་པ་འམ། གཞན་གྱི་དངོས་པོ་ཞིག་ཡོད་ན་ནི། རབ་འབྱོར་ངས་ཀྱང་མངོན་པར་ཤེས་པ་ཐམས་ཅད་དངོས་པོ་མྱེད་པའི་ངོ་བོ་ཉིད་དུ་རིག་ནས། བླ་ན་མྱེད་པ་ཡང་

Vol. 24 · folio 298b

དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པར་མྱི་འགྱུར་ཏེ། རབ་འབྱོར་འདི་ལྟར་མངོན་པར་ཤེས་པ་རྣམས་ལ་དངོས་པོ་མྱེད་དེ། ངོ་བོ་ཉིད་མྱེད་པ་གཞན་གྱི་དངོས་པོ་མྱེད་པ་སྟེ། གཞན་དུ་ན་དངོས་པོ་མྱེད་པའི་

ངོ་བོ་ཉིད་ཡིན་པས། དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་མངོན་པར་ཤེས་པ་ཐམས་ཅད་དངོས་པོ་མྱེད་པའི་ངོ་བོ་ཉིད་དུ་ཐུགས་སུ་ཆུད་དེ། བླ་ན་མེད་པ་ཡང་དག་པར་རྫོགས་པའི་

བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། །རབ་འབྱོར་ཀྱིས་གསོལ་པ། བཅོམ་ལྡན་འདས་གལ་ཏེ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ། ཆོས་ཐམས་ཅད་དངོས་པོ་མ་མཆིས་པའི་ངོ་བོ་ཉིད་ལ་

བསམ་གཏན་བཞི་དང་། མངོན་པར་ཤེས་པ་ལྔས། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་ན། བཅོམ་ལྡན་འདས་དེ་ཅིའི་སླད་དུ། ཆོས་ཐམས་ཅད་དངོས་པོ་མ་

མཆིས་པའི་ངོ་བོ་ཉིད་ལ། བྱང་ཆུབ་སེམས་དཔའ་སེམས་དཔའ་ཆེན་པོ་མཐར་ཀྱིས་སྤྱོད་པ་དང་། མཐར་ཀྱིས་སློབ་པ་དང་། མཐར་ཀྱིས་ནན་ཏན་དུ་བགྱི་བ་གང་གིས་བླ་ན་མེད་པ་ཡང་དག་པར་རྫོགས་པའི་

བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བའི་མཐར་ཀྱིས་སྤྱོད་པ་དང་། མཐར་ཀྱིས་སློབ་པ་དང་། མཐར་ཀྱིས་ནན་ཏན་དུ་བགྱི་བ་མཆིས་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་

འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས། ཐོག་མར་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དག་དང་། སངས་རྒྱས་མང་པོ་ལ་བསྙེན་བཀུར་བའི་དགྲ་

Vol. 24 · folio 299a

བཅོམ་པ་དག་དང་། ཕྱིར་མྱི་འོང་བ་དང་། ལན་ཅིག་ཕྱིར་འོང་བ་དང་། རྒྱུན་ཏུ་ཞུགས་པ་དག་ལས། སངས་རྒྱས་བཅོམ་ལྡན་འདས་རྣམས་དངོས་པོ་མེད་པའི་ངོ་བོ་ཉིད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་

རྣམས་དངོས་པོ་མྱེད་པའི་ངོ་བོ་ཉིད་དང་། རང་སངས་རྒྱས་རྣམས་དངོས་པོ་མྱེད་པའི་ངོ་བོ་ཉིད་དང་། དགྲ་བཅོམ་པ་རྣམས་དངོས་པོ་མྱེད་པའི་ངོ་བོ་ཉིད་དང་། ཕྱིར་མྱི་འོང་བ་རྣམས་དངོས་པོ་མྱེད་པའི་ངོ་བོ་ཉིད་དང་། ལན་ཅིག་ཕྱིར་

འོང་བ་རྣམས་དངོས་པོ་མྱེད་པའི་ངོ་བོ་ཉིད་དང་། རྒྱུན་ཏུ་ཞུགས་པ་རྣམས་དངོས་པོ་མྱེད་པའི་ངོ་བོ་ཉིད་དང་། འཕགས་པ་ཐམས་ཅད་དངོས་པོ་མྱེད་པའི་ངོ་བོ་ཉིད་དང་། འདུ་བྱེད་རྣམས་ཀྱི་ངོ་བོ་ཉིད་ཆུང་ངུ་ན་སྐྲའི་རྩེ་མོའི་ཆ་ཤས་ཀྱི་

གནས་ཙམ་ཡང་མྱེད་དོ། །ཞེས་བྱ་བར་ཐོས་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཇི་སྟེ། སངས་རྒྱས་བཅོམ་ལྡན་འདས་རྣམས་ཀྱང་དངོས་པོ་མྱེད་པའི་ངོ་བོ་ཉིད་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་

ཀྱང་དངོས་པོ་མྱེད་པའི་ངོ་བོ་ཉིད། རང་སངས་རྒྱས་རྣམས་ཀྱང་དངོས་པོ་མྱེད་པའི་ངོ་བོ་ཉིད། དགྲ་བཅོམ་པ་རྣམས་ཀྱང་དངོས་པོ་མྱེད་པའི་ངོ་བོ་ཉིད། ཕྱིར་མྱི་འོང་བ་རྣམས་ཀྱང་དངོས་པོ་མྱེད་པའི་ངོ་བོ་ཉིད། ལན་ཅིག་ཕྱིར་འོང་

བ་རྣམས་ཀྱང་དངོས་པོ་མྱེད་པའི་ངོ་བོ་ཉིད། རྒྱུན་ཏུ་ཞུགས་པ་རྣམས་ཀྱང་དངོས་པོ་མྱེད་པའི་ངོ་བོ་ཉིད་ཡིན་ན། གལ་ཏེ་བདག་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱང་རུང་། གལ་ཏེ་

མངོན་པར་རྫོགས་པར་སངས་མ་རྒྱས་ཀྱང་རུང་སྟེ། ཆོས་ཐམས་ཅད་ནི་དངོས་པོ་མྱེད་པའི་ངོ་བོ་ཉིད་ཡིན་གྱིས། ཅི་ནས་ཀྱང་བདག་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པར་བྱས་ཏེ།

Source and licence

Text: Esukhia’s Derge Kangyur e-text (Esukhia/derge-kangyur · commit a582cf47) · public domain

Licence Public Domain · Evidence

README ของ Esukhia/derge-kangyur ที่ commit a582cf471b7c (เปิดอ่านแล้ว ๓ ต.ค. ๒๕๖๙): "This work is a mechanical reproduction of a Public Domain work, and as such is also in the Public Domain." · สำเนาคำต่อคำ: data/kangyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words