ལས་ཀྱི་ཕྱག་རྒྱ་བརྟག་པའི་མན་ངག་ཅེས་བྱ་བ

Sanskrit title (Tibetan script, as in the text) ཀརྨ་མུ་དྲ་པ་རཱིཀྵ་ཨུ་པ་དེ་ཤ་ནཱ་མ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 28 · folio 116a

༄༅༅། །རྒྱ་གར་སྐད་དུ།

ཀརྨ་མུ་དྲ་པ་རཱིཀྵ་ཨུ་པ་དེ་ཤ་ནཱ་མ། བོད་སྐད་དུ། ལས་ཀྱི་ཕྱག་རྒྱ་བརྟག་པའི་མན་ངག་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །མི་མོ་དུང་གི་རྣལ་བཀོད་དང་། །བ་ལང་པདྨོའི་རིགས་ལས་བྱུང་། །བྱེ་བ་སུམ་ཅུ་རྩ་གཉིས་ལས། །ཐ་མ་རྣམ་པར་སྤང་བར་

བྱ། །དེ་དག་སོ་སོའི་སྤྱོད་པ་དང་། །ཁ་དོག་དབྱིབས་དང་མཚན་མ་དང་། །ངང་ཚུལ་རྣམས་ལས་སོ་སོ་ཡི། །རིགས་ཀྱི་མཚན་ཉིད་ཤེས་པར་བྱ། །སེར་ཞིང་དམར་པའི་བུད་མེད་གང་། །ཚིག་སྙན་རྟག་པར་སྤྱོད་ལམ་མཁས། །སྐད་གདངས་མཐོན་པོས་སྨྲ་བྱེད་ཅིང་། །

ཅོག་ཅོག་པོར་ནི་འདུག་ལ་དགའ། །ལྟ་བ་ཟུར་གྱིས་གསལ་པོར་འཛིན། །ཚིག་ཀྱང་ཟུར་གྱིས་ངེས་རྟོགས་པའི། །བུད་མེད་བློ་མཆོག་དེ་ལྟ་བུ། །རྟག་པར་དངོས་གྲུབ་རྣམས་ཀྱི་རྒྱུ། །སེར་ཞིང་དཀར་བའི་བུད་མེད་གང་། །ལུས་ནི་དགྱེ་མིན་སྒུ་བོ་མིན། །བྱིན་དུ་ཡན་ལག་

ཐམས་ཅད་ལེགས། །ཁྱད་པར་དུ་ཡང་སྨིན་ཕྲག་མཛེས། །བཞིན་འཕེལ་ཆུང་ཞིང་རྔོམ་ཆུང་ལ། །ཨོ་སྐོའི་དབྱིབས་ནི་ཆུང་དགྱེ་ཡི། །མཛའ་བོ་རྟག་ཏུ་སྡུག་གྱུར་པ། །དབང་ཕྱུག་མི་མོ་གཉིས་པ་ཡིན། །བུད་མེད་སེར་བའི་མདོག་ལྡན་ཞིང་། །རྟག་པར་དེའི་མིག་པོ་མ་

Vol. 28 · folio 116b

ཆེ། །བྱ་བྱེད་མང་ཞིང་འགྲོ་འདུག་དགའ། །ནམ་ཡང་དེ་ཡི་ཚིག་མི་བརྟན། །དབང་པོ་རྣོ་ཞིང་བརྗེད་ངས་ཆུང་། །ཡིད་དུ་འོང་བའི་སྐྱེས་བུ་ལ། །ལྟ་བརྩོན་བྱེད་ཀྱང་ཆད་མི་བཙན། །མི་མོ་བསྟེན་བྱ་མིན་པར་གསུངས། །ཡིད་འོང་སྔོ་བསངས་ཁ་དོག་ཅན། །མིག་དཀྱུས་

རིང་ཞིང་དེ་རབ་མཛེས། །བྱད་ཀྱི་གཟང་རིང་མཆུ་སྐོར་ཆེ། །བཞིན་དང་ལག་པར་རི་མོ་མང་། །དུལ་ཞིང་ངག་སྙན་མཉེན་དེས་ཆེ། །ཆོས་སམ་འཇིག་རྟེན་མཐུན་འཇུག་གིས། །འདྲིས་པ་རྣམས་ལ་གཞུངས་བཟང་ཞིང་། །བཀྲ་ཤིས་ཡན་ལག་མི་མོ་མཆོག །བུད་མེད་ཨུཏྤལ་

མདོག་འདྲ་ཞིང་། །ལུས་གཟར་འདྲིལ་ཞིང་སེན་མོ་ཟླུམ། །མིག་ཡངས་དཀར་ཞིང་ཡིད་དུ་འོང་། །སྐྲ་མཉེན་སྨྲ་བ་ཉུང་བའི་བདག །སྐྱེས་བུ་རྣམས་ལ་གུས་བྱེད་ཅིང་། །བརྩོན་པ་མཐར་ཕྱིན་བྱེད་ལ་བརྩོན། །ཁོང་ཡངས་སྟོན་ལ་མཁས་གྱུར་པ། །བསྟེན་ན་དངོས་གྲུབ་

འཕེལ་བར་འགྱུར། །བྱིན་དུ་མདོག་ནག་དཔྲལ་བ་སེར། །མཚམས་མཐའ་དམའ་ཞིང་རྫི་མ་མཐུག །བོང་ཐུང་ཡན་ལག་རྩུབ་པ་དང་། །མིག་མི་སྡུག་ཅིང་སྨྲ་བ་མང་། །འདུམ་ཁ་ཡང་ཞིང་ཆགས་ལ་དགའ། །གང་ལ་སྐྱེས་བུ་བཟང་ངན་མེད། །དྲི་དང་མི་བཟད་པར་ལྡན་

པའི། །བུད་མེད་བསྟེན་པ་ཉམས་པར་འགྱུར། །བུད་གང་ཟངས་འོད་རབ་མཛེས་ཤིང་། །གང་གི་མགུལ་པ་ཡན་ལག་རིང་། །ཐུང་ངུ་རིང་པོ་མ་ཡིན་ཞིང་། །སྨིན་མ་ཕྲ་ཞིང་སྨིན་ཕྲག་ཡངས། །ཁོང་དལ་རྟག་པར་སྤྱོད་ལམ་གཅིག །རྣ་བ་བཟང་དང་རབ་ལྡན་ཞིང་། །

སོ་ཐགས་མཉམ་པའི་བུད་མེད་ནི། །རྟག་ཏུ་ཡོན་ཏན་རིང་མི་འགྲོ། །དམར་བའི་ཟངས་ཀྱིས་མཚོན་པ་ཡི། །བཞིན་བཟངས་སྡོམ་ཞིང་ཅུང་ཟད་སྦོམ། །དྲང་ཞིང་ལུས་ཁྱིམ་ལེགས་པ་དང་། །ཤིན་ཏུ་བརླ་དང་རོ་སྨད་རྒྱས། །རང་དོན་ཉམས་པ་རྣམ་པར་སྤང་། །བསླུ་

བར་མི་ནུས་ཁོང་ཤེས་ཆེ། །སྐྲ་དང་བ་སྤུ་རིང་ལྡན་པའི། །བུ་མོ་ལོངས་སྤྱོད་པ་ཞིག་ཡིན། །མདོག་དམར་སྤྱོད་ལམ་ཆོས་ལ་དགའ། །མཐོ་དམན་ཚིག་དང་སྤྱོད་ལམ་ཅན། །རྟག་པར་སྨྲ་ལ་དགའ་བྱེད་ཅིང་། །ཕྱིན་ཅི་ལོག་ཏུ་སྟོན་པར་བྱེད། །བརྣབ་སེམས་རྟག་ཏུ་

Vol. 28 · folio 117a

སྟེན་བྱེད་ཅིང་། །གཏོང་དང་མི་ལྡན་འཇུངས་པ་དང་། །ཆགས་དང་སྡང་བ་མང་བ་ཡི། །བུད་མེད་སྐྱོན་གྱི་དྲི་མ་ཅན། །དམར་ཞིང་དཀར་བའི་བུད་མེད་གང་། །སྦོམ་ཞིང་ཕྲ་བའི་སྐབས་དང་ལྡན། །ནུ་མ་བརླ་དང་རོ་སྨད་རྒྱས། །སྐེ་དང་རྐེད་པ་སོར་མོ་རིང་། །

སོ་དང་སེན་མོ་མཉམ་ལྡན་ཞིང་། །ཚིགས་ཟླུམ་བྱིན་པ་བགས་ཀྱི་ཕྲ། །ལྟེ་བའི་འོག་ཕྱོགས་དྲང་ལྡན་པའི། །བ་སྤུའི་ཕྲེང་བ་གྱེན་དུ་ལངས། །ལྟེ་ཁུང་ཟབ་ཅིང་པད་དབྱིབས་འདྲ། །སྐྱེ་གནས་མཐོ་ཞིང་བུ་ག་རུབ། །དལ་གྱིས་མིག་ནི་རྡེབ་བྱེད་པའི། །མི་མོ་དབང་ཕྱུག་དཔལ་གྱི་

གཞི། །བུད་གང་ཀུནྡ་ལྟར་དཀར་ཞིང་། །རུས་པ་རགས་ཤིང་ལུས་སྟོབས་ཅན། །རྟག་པར་མངལ་དུ་བུ་ཕོ་འཆགས། །སྤྱོད་ལམ་དལ་ཞིང་མཛེས་དང་ལྡན། །འཇིག་རྟེན་བྱ་བ་འཇུག་མཁས་ཤིང་། །ཕྲད་པར་དཀའ་ཞིང་བྲལ་དཀའ་བའི། །བུ་མོ་གསང་ཐུབ་བློ་གྲོས་ཅན། །

སྔགས་པ་རྣམས་ཀྱིས་སྨད་མི་བྱ། །བུད་གང་དཀར་ཞིང་དྲེགས་དང་ལྡན། །དེ་ནི་ངོ་བཞིན་སྐྱོན་མེད་ཀྱང་། །སྐྱེས་བུ་རྣམས་ཀྱིས་སྤོང་བར་འགྱུར། །ཕྲ་ཞིང་མིག་ནི་བསྒྱུར་ལ་དགའ། །རྐེད་རགས་རྐེད་པ་སྦོམ་པ་དང་། །བྱད་སོགས་འཆོས་ཤིང་བྱི་དོར་བརྩོན། །རྒོད་ཅིང་བསླུ་བར་

སླ་བ་ཡི། །བུ་མོ་བསྟེན་པར་མ་གསུངས་སོ། །རིགས་རྣམས་ལས་ནི་ཐམས་ཅད་ལ། །བསྟེན་དང་བསྟེན་མིན་ཤེས་བྱས་ནས། །ཡོན་ཏན་ལྡན་པའི་སྐྱེ་གནས་སུ། །མཁས་པ་རྣམས་ཀྱིས་བདེ་བ་བཙལ། །དེ་རྙེད་གྱུར་ནས་རྣལ་འབྱོར་པས། །འདུ་ལོངས་གཡེང་བ་ཀུན་སྡངས་

ནས། །ཀུན་སྟོང་རབ་ཏུ་ཞུ་མཉམ་པ། །མན་ངག་ཅན་གྱིས་རྟག་ཏུ་བསམ། །འཇིག་རྟེན་ཀུན་ནས་ཁྱབ་གནས་པའི། །ཇི་སྙེད་མི་མོར་འགྱུར་བ་ཡི། །བྷ་ག་རྩ་ཡི་ཁྱད་པར་གྱིས། །བཅུ་ཕྱེད་དུ་ནི་རྣམ་པར་གྲགས། །རླུགས་དང་དུང་དང་ཁྭ་གདོང་དང་། །ཟ་བྱེད་གདོང་དང་

པདྨོ་ཅན། །གང་དག་པདྨའི་རྩ་སྦུབས་ནི། །ཤིན་ཏུ་ཡངས་མ་རླུགས་མར་བརྗོད། །རྩ་སྦུབས་འབྲོས་ཤིང་དོག་པ་ཡིས། །ཟུག་རྔུ་སྐྱེ་འགྱུར་དུང་ཅན་མ། །བུད་མེད་གང་གི་པདྨའི་ནང་། །རྩུབ་ཅིང་ཚ་བ་ཁྭ་གདོང་ཅན། །བདེ་བ་ཡོད་དང་མེད་པའི་བདག །རྩ་སྦུབས་ཞ་

Vol. 28 · folio 117b

བོ་ཟ་བྱེད་གདོང་། །བྷ་ག་པདྨོ་ལྟར་སྡུད་ཅིང་། །པདྨ་སྣལ་ལྟར་ཕྲ་མོ་ཅན། །དེ་ལྟར་པདྨའི་ཁྱད་པར་ལས། །བྷ་ག་རབ་འབྲིང་ཐ་མར་འགྱུར། །པདྨོ་ཅན་མཆོག་རླུགས་མ་དང་། །དུང་ཅན་མ་ནི་བར་མའོ། །ཟ་བྱེད་གདོང་དང་ཁྭ་ཏའི་གདོང་། །སྐྱོན་རྣམས་སྤང་བར་དཀའ་བའི་

ཕྱིར། །བྷ་ག་རྣམས་ལས་ཐ་མར་འགྱུར། །ཐ་མ་སྨད་པས་མི་བླང་ངོ་། །བྷ་གའི་ནང་ན་གནས་པ་ཡི། །རྩ་ཡང་རབ་འབྲིང་གསུམ་དུ་འགྱུར། །རབ་ཏུ་ཤིན་ཏུ་ཕྲ་བའི་རྩ། །རིང་པོ་འབྲིང་དུ་གསུངས་པ་ཡིན། །དེ་ལྟར་རིགས་དང་བྷ་ག་དང་། །རྩ་རྣམས་རབ་འབྲིང་ཐ་མ་

ལས། །རབ་དང་འབྲིང་པོའང་བསྟེན་བྱ་ཞིང་། །ཐ་མ་རྟག་ཏུ་སྤང་བར་བྱ། །ཐ་མ་རྟགས་ཀྱིས་ལུས་ཟུངས་ཉམས། །དེ་ཉམས་བདེ་བ་ཉམས་པར་འགྱུར། །དེ་ཡིས་ཏིང་འཛིན་མཆོག་ལས་ཉམས། །དེ་ཕྱིར་མཁས་པས་སྨན་པ་ཡིན། །རྣལ་འབྱོར་མ་ཡི་རྒྱུད་ཆེན་ལས། །

རིགས་ཀྱི་དབྱེ་བ་རྒྱས་པ་དང་། །མཚན་མ་ལ་སོགས་གསུངས་པ་ལས། །འདིར་ནི་མན་ངག་བསྡུས་པ་ཡིན། །ལས་ཀྱི་ཕྱག་རྒྱ་བརྟག་པའི་མན་ངག་ཅེས་བྱ་བ། པཎྜི་ཏ་ཨ་མོ་གྷ་བཛྲ་ལས་བྱུང་བ་རྫོགས་སོ།། །།རྒྱ་གར་གྱི་མཁན་པོ་དེ་ཉིད་དང་། བོད་ཀྱི་ལོ་

ཙཱ་བ་འགོས་ལྷས་བཙས་ཀྱིས་བསྒྱུར་བའོ།།

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words