འཆི་བ་མེད་པའི་མཛོད་ཀྱི་རྒྱ་ཆེར་འགྲེལ་པ་འདོད་འཇོའི་བ་མོ་ཞེས་བྱ་བ

Sanskrit title (Tibetan script, as in the text) ཨ་མ་ར་ཀོ་ཥཊཱི་ཀཱ་ཀཱ་མ་དྷེ་ནུ་ནཱ་མ

No translation — Tibetan only: there is no translation we are licensed to publish (84000’s translations are no-derivatives, non-commercial)

Vol. 197 · folio 244b

༄༅། །རྒྱ་གར་སྐད་དུ། ཨ་མ་ར་ཀོ་ཥཊཱི་ཀཱ་ཀཱ་མ་དྷེ་ནུ་ནཱ་མ། བོད་སྐད་དུ། འཆི་བ་མེད་པའི་མཛོད་ཀྱི་རྒྱ་ཆེར་འགྲེལ་པ་འདོད་འཇོའི་བ་མོ་ཞེས་བྱ་བ། བཅོམ་ལྡན་འདས་གསུང་གི་དབང་ཕྱུག་ལ་ཕྱག་འཚལ་ལོ། །ས་མཆོག་ཆེན་པོ་བརྙེས་ལས་འཁྲུངས། །བདུད་རྩི་རྫུ་འཕྲུལ་

ཡལ་འདབ་ལྡན། །ཐམས་ཅད་མཁྱེན་པའི་དཔག་བསམ་ཤིང་། །ཁྱེད་ལ་མེ་ཏོག་འབྲས་བུར་ཤོག །གང་གཱའི་ཆུ་བོ་རབ་འབབ་བཞིན། །གང་གི་ཐུགས་རྗེ་ལམ་གསུམ་གཤེགས། །དཔལ་གྱི་རྒྱ་མཚོ་བདུད་རྩིའི་གཏེར། །སྲིད་པའི་ཟླ་ཕྱེད་བདག་ཕྱག་འཚལ། །སྲིད་པའི་མཚོ་ཆེན་དེ་

ལས་སྒྲོལ་བྱེད་ཆོས་ཀྱི་གྲུ། །སྙིང་རྗེའི་དཔག་བསམ་ལྗོན་པའི་ཤིང་ལས་གྲུབ་གྱུར་པ། །རབ་ཏུ་དང་སེམས་དད་པའི་སྐྱོ་བ་རབ་བསྐྱོད་དེ། །ཕ་རོལ་ཕྱིན་ནས་མངོན་འདོད་རིན་ཆེན་ཐོབ་པར་ཤོག །བུང་བས་མེ་ཏོག་རྩི་བླངས་ཐིགས་པ་རབ་བསགས་ལྟར། །གང་ཞིག་བློ་གྲོས་བཟང་པོའི་བཏུང་བ་

འཇོ་ཞིང་སྟེར། །སྙན་དངགས་མཁན་དབང་ཡིད་འོང་གཙུག་གི་མེ་ཏོག་བཞིན། །དཔལ་ལྡན་འཆི་མེད་གསུང་པ་དེ་ཉིད་གཅིག་པུ་རྒྱལ། །མཐའ་ཡས་རྒྱུད་ཀྱི་མངོན་བརྗོད་ཆུ་གཏེར་རིན་ཆེན་གང་། །སྙན་དངགས་མགྲིན་པའི་དོ་ཤལ་བང་མཛོད་རྣམ་བཀོད་རྣམས། །དཔལ་ལྡན་ཙཎྜ་གོ་མིས་

སྦྱར་བའང་ཕུལ་བྱུང་མོད། །དེས་ན་རབ་ཏུ་བསྒྲུབ་པའི་ཆོ་ག་བདག་གིས་བརྩམ། །དེ་ནས་གཞན་ལ་ཕན་པ་རྗེས་སུ་སྟོན་པས་སྡིག་པ་རབ་ཏུ་ཞི་བ་དང་། །བསོད་ནམས་ཕུན་སུམ་ཚོགས་པ་བསག་པའི་ཕྱིར་བཅོམ་ལྡན་འདས་ཀུན་ཏུ་བཟང་པོ་ལ་མཆོད་པར་བརྗོད་པ་ནི། གང་གི་ཞེས་པ་ལ་སོགས་

པ་སྟེ། མཁྱེན་པ་ནི་ཡུལ་གྱི་དངོས་པོ་མཐའ་དག་ཡོངས་སུ་མཁྱེན་པའོ། །བརྩེ་བ་ནི་སྡུག་བསྔལ་ལས་ཡང་དག་པར་འདོན་པར་བཞེད་པའོ། །དེ་གཉིས་ནི་རྒྱ་མཚོ་དང་འདྲ་བས་རྒྱ་མཚོ་སྟེ། སངས་རྒྱས་བཅོམ་ལྡན་འདས་དེའི་མཁྱེན་པ་དང་བརྩེ་བ་ནི་རྒྱ་མཚོའོ། །འདིར་རྒྱ་མཚོའི་སྒྲས་གཏིང་

མེད་པ་ལ་སོགས་པའི་ཡོན་ཏན་མཚུངས་པ་ཉེ་བར་འཇལ་བའོ། །མཁྱེན་པ་དང་བརྩེ་བས་བྱས་པ་དེ་ནི་གཏིང་མེད་པ་ལ་སོགས་པ་ཅན་ཞེས་པ་སྟེ། བྱེད་པ་པོ་ལ་མང་པོའོ་ཞེས་པའི་བསྡུ་བའོ། །བྱ་བ་ནི་མ་འོངས་པའི་དོན་ཅན་ཡིན་པའི་ཕྱིར་འདིར་དགོས་པ་མེད་དོ། །མཁྱེན་པ་དང་བརྩེ་བ་དག་ནི་རྒྱ་

Vol. 197 · folio 245a

མཚོའོ་ཞེས་བཤད་པ་ནི་བྱེད་པ་པོ་སྒྲུབ་པ་སྟེ། དེའི་ཚིག་མི་མངོན་པའམ་ཡང་ན་དྲུག་པ་འབྲེལ་པའི་བསྡུ་བའོ། །མཁྱེན་པ་དང་བརྩེ་བ་དག་ནི་རྒྱ་མཚོ་ལྟ་བུར་གྱུར་པ་སྟེ། རྒྱ་མཚོ་ནི་གཞི་ཡངས་པའོ། །རྒྱ་མཚོ་ནི་བརྟན་ཞིང་ཡངས་པའོ་ཞེས་ལྷ་རྣམས་ལ་རབ་ཏུ་གྲགས་སོ། །

གཏིང་མེད་པ་ནི་གཞན་གྱིས་མི་རྟོགས་པ་སྟེ། གང་གི་མཁྱེན་པ་དང་བརྩེ་བའི་རྒྱ་མཚོའི་ཕ་རོལ་ཟབ་མོ་ཡོངས་སུ་དཔྱོད་མི་ནུས་པའོ། །གང་གི་ཕྱིར་བཅོམ་ལྡན་འདས་དེའི་མཁྱེན་པ་དང་བརྩེ་བ་ཤེས་བྱའི་དཀྱིལ་འཁོར་མཐའ་དག་ལ་ཁྱབ་པས། གང་ཡང་སྡུག་བསྔལ་གྱི་རྒྱ་མཚོ་གཏིང་མཐའ་མེད་

པ་སྐྱབས་མེད་པའི་འགྲོ་བ་རྣམས་ཀྱིས་མངོན་པར་ཁྱབ་ཅིང་གང་བ་དེ་དག་གང་གིས་མཐར་ཐུག་པར་སྒྲོལ་ནུས་པ་དེ་ལྟ་བུར་གྱུར་པ་གང་ཡིན་པ་དེ་ནི་སྡིག་མེད་དེ། འདོད་ཆགས་ལ་སོགས་པའི་ཉེས་པ་རྣམས་སྤངས་པའོ། །ཡོན་ཏན་ནི་བྱམས་པ་དང་བཟོད་པ་དང་ཉེ་བར་ཞི་བ་ལ་སོགས་པ་སྟེ།

གུ་ཎ་བོད་པ་ལའོ་ཞེས་པ་ཨཏ་མཐའ་ཅན་གྱི་བྱིངས་ཙུར་སོགས་ཀྱི་ལྷག་མ་ཡིན་ཏེ། ཚོགས་དང་བཅས་པ་ཡོངས་སུ་མ་རྫོགས་པར་བྲྀཏ་བྱས་པས་སོ། །བོད་པ་དང་གོམས་པ་དང་བསྔགས་པའི་དོན་རྣམས་ལ་ཞེས་པས་ཨེ་ར་ཙའོ། །ཀྱེ་བློ་ལྡན་ཁྱེད་ཅག་རྣམས་ཀྱིས་དེ་བསྟན་པར་བྱ་བ་ཉིད་ཡིན་

ནོ་ཞེས་རྟོགས་པར་བྱའོ། །ཁྱད་པར་དུ་འཕགས་པ་དོན་དམ་པ་གྲུབ་པའི་ཕྱིར་དུ་བརྩེ་བ་དང་བློས་ཕ་རོལ་ཏུ་སོན་པ་ཚོལ་བར་བྱེད་པ་དང་མཆོག་གི་སྙིང་རྗེ་ལ་སོགས་པ་ཡོན་ཏན་ཆེན་པོ་དེ་ལྟ་བུ་ནི་གཞན་ལ་ཕན་པ་དང་བདེ་བ་ཡང་དག་པར་སྒྲུབ་པ་ལ་ཟད་པ་མི་མངའ་ཞིང་བསྙེལ་བ་མི་མངའ་བས་ན་

མི་ཟད་པའོ། །ཡང་ན་འཁོར་བར་གནས་པ་ཉིད་ན་ཡང་འདི་ལ་རྒ་ཤི་མི་མངའ་བས་མི་ཟད་པའོ། །གཏིང་མེད་པ་ནི་རྒྱ་མཚོའི་མཐིལ་ལ་མི་རེག་པ་ཉིད་དོ། །སྡིག་མེད་ཀྱི་ཡོན་ཏན་ཉིད་རིན་པོ་ཆེའི་འབྱུང་གནས་སུ་གྱུར་པས་ན་མི་ཟད་པ་སྟེ་ཡོངས་སུ་གང་བ་ཉིད་དོ། །སྐྱེ་བོ་མཐའ་དག་འབྲས་བུ་ལ་

གཞོལ་བར་རབ་ཏུ་འཛུད་པས་ན་རབ་ཏུ་འཇུག་པའི་འབྲས་བུ་སྟོན་ཏོ། །དཔལ་དང་བདུད་རྩིའི་ཕྱིར་དུ་ཡང་ཞེས་པ་ནི། འཚེད་པའི་ཕྱིར་དུ་འགྲོ་བར་བྱེད་པ་བཞིན་དུ་དེའི་དོན་ཉིད་ལ་བཞི་པའི་རྣམ་དབྱེའོ། །གང་གི་ཡི་གེ་ནི་ཕན་ཚུན་སྡུད་པའི་ཚིག་གོ། །དཔལ་ནི་ཕུན་སུམ་ཚོགས་པའོ། །བདུད་

Vol. 197 · folio 245b

རྩིའི་ཆེད་དུ་ཞེས་པ་བཅུད་ལེན་གྱི་ཕྱིར་བསྟེན་པའོ། །མཁྱེན་པ་དང་བརྩེ་བའི་རྒྱ་མཚོ་ནི་སྲིད་པར་བདེ་བ་འདོད་པའི་མཁས་པ་རྣམས་ཀྱིས་དཔལ་གྱི་ཕྱིར་ཏེ། སྡེ་ཚན་གསུམ་གྱི་ཕུན་སུམ་ཚོགས་པའི་ཕྱིར་དང་། ཐར་པ་འདོད་པ་རྣམས་ཀྱིས་བདུད་རྩིའི་ཕྱིར་ཏེ་ཐར་པའི་ཆེད་དུ་བསྟེན་པར་བྱ་བ་

ཉིད་དོ་ཞེས་པའོ། །འདིར་མཁྱེན་པ་དང་བརྩེ་བའི་རྒྱ་མཚོ་ལ་སོགས་པ་རྣམས་ཀྱིས་ཐམས་ཅད་མཁྱེན་པ་སེམས་ཅན་ཐམས་ཅད་ལ་རྒྱུ་མེད་པར་མཆོག་ཏུ་མཉེས་གཤིན་པའི་རང་བཞིན་ཅན་བཅོམ་ལྡན་འདས་བདེ་བར་གཤེགས་པ་དེ་ཉིད་ཉེ་བར་མཚོན་པར་བྱེད་པས་ན། །འདི་ནི་རབ་ཏུ་དངས་

པ་ཞེས་བྱ་བའི་སྙན་དངགས་ཀྱི་ཡོན་ཏན་ཏེ། ཇི་སྐད་དུ། དབྱངས་ཅན་གྱི་མགུལ་རྒྱན་གྱི་སྙན་དངགས་ཀྱི་རྒྱན་ལས། གང་གི་དོན་ནི་རབ་གསལ་བ། །དེ་ནི་རབ་ཏུ་དངས་པར་བརྗོད། །དཔེར་ན། འདི་ཤར་གྱུར་པས་རྒྱ་གྲོལ་པདྨ་ཅན་རྣམས་རྒྱས་གྱུར་ཅིང་། །རི་དང་ནགས་ཚལ་མནྡྲ་ར་བའི་

མེ་ཏོག་གཞོན་ནུ་བཞིན། །དུར་བ་ལྷན་ཅིག་མི་གནས་རབ་ཏུ་བཅོམ་ཞིང་གཉིས་གཉིས་གཉེན། །སྤྲེའུ་རབ་ཏུ་ཁྲོས་པས་མཁུར་ཚོས་འགྲམ་པ་ཟངས་མདོག་བཞིན། །ཞེས་པ་འདིར་མུན་པ་བསལ་བས་དུར་བའི་མྱ་ངན་བསལ་ཏེ། ངུར་པ་ཕོ་མོ་མཚན་མོ་ལྷན་ཅིག་མི་གནས་པ་ཡིན་ལ། དེ་ལ་

སོགས་པ་བསལ་བས། ཉི་མའི་མཚན་ཉིད་མ་བཤད་ཀྱང་དོན་གྱིས་རབ་ཏུ་གསལ་བར་མཚོན་པར་བྱེད་པ་བཞིན་ནོ། །ཚིགས་སུ་བཅད་པ་འདི་བསྟན་བཅོས་ལ་ཡང་སྦྱར་ཏེ། འདིར་སྙན་དངགས་སྨྲ་བ་ཉིད་ཀྱིས་དང་པོར་རིག་པའི་གནས་མཐའ་དག་ལ་ཤེས་པ་སྦྱིན་པ་དང་། དེའི་དཔལ་ནི་ཕུན་སུམ་

ཚོགས་པའོ། །ཤེས་པ་སྦྱིན་པ་ཉིད་ཀྱིས་ཕུན་སུམ་ཚོགས་པའི་རྒྱུར་གྱུར་པའི་ཕྱིར་རྒྱ་མཚོ་དང་འདྲ་བས། རྒྱ་མཚོ་སྟེ་བསྟན་བཅོས་སོ། །འདི་ནི་རྒྱུའི་གཟུགས་ཅན་གྱི་རྒྱན་ཏེ། ཇི་ལྟར། ཟབ་པས་རྒྱ་མཚོ་དང་མཚུངས་ཞེས་པ་བཞིན་ནོ། །དེའི་གཏིང་མེད་པ་ཉིད་ནི་ཇི་སྐད་བཤད་པའི་ཡོན་ཏན་དང་ལྡན་

པས་མཚུངས་པ་མེད་པ་ཉིད་དོ། །སྡུག་བསྔལ་གྱིས་གཟིར་བ་རྣམས་ལ་སྡིག་པ་ཞེས་མངོན་པར་བརྗོད་དེ། སྡིག་མེད་ནི་ཡོན་ཏན་ཉིད་དང་། བདེ་བའི་རྒྱུར་ཉུང་བ་དང་གསལ་བ་ཉིད་ལ་སོགས་པའོ། །བསྟེན་པ་ནི་ཐོས་པ་དང་བསམ་པ་དང་འཆད་པ་ལ་སོགས་པས་སོ། །མི་ཟད་པ་ནི་ཡང་དག་པར་

Vol. 197 · folio 246a

རྫོགས་པ་ཉིད་དོ། །ཡང་ན་མིང་གི་སྒྲ་ཐམས་ཅད་ཀྱི་གོ་རིམས་དང་། རྟགས་གསལ་བར་བརྗོད་པའི་གོ་རིམས་ཀྱི་ཚད་དོ། །འདི་ལྟར་ལས་དང་མངོན་པར་འདོད་པ་དག་ལ་དེ་ཡང་དག་པར་རབ་ཏུ་སྦྱིན་པའོ། །གང་ཡང་ལས་དང་བྱེད་པ་པོ་དག་ལས་ཨཎ་དག་གོ། །དེ་ལ་འདིར་

འདོད་པ་ན་སྤྱོད་པའི་ཐོས་པའི་དོན་གྱི་གོ་རིམས་ཉིད་རྒྱ་མཚོའི་སྒྲ་སྟེ་དེ་ནི་རྟགས་ཞེས་ངེས་པར་བསྟན་ཏེ། མིང་དང་རྟགས་རྗེས་སུ་བསྟན་པའི་སྒྲའིའོ། །དཔལ་ནི་སྡེ་ཚན་གསུམ་གྱི་ཕུན་སུམ་ཚོགས་པའོ། །དེ་ཡང་སློབ་དཔོན་བྱཱ་ཌས། དཔལ་དང་དབྱངས་དང་བློ་ཡི་སྡེ་གསུམ་གྱི། །ཕུན་ཚོགས་

འབྱོར་པས་མཛེས་པར་གྱུར་རྣམས་ལ། །འཇིགས་པ་མེད་པའི་ཡོ་བྱད་གང་ཡིན་པའི། །ཡོན་ཏན་དེ་ཡང་དཔལ་ཞེས་རབ་ཏུ་བཤད། །ཅེས་གསུངས་སོ། །ཡང་ན་ཐམས་ཅད་མཁྱེན་པའི་གསུང་གི་རང་བཞིན་གྱི་མཚན་ཉིད་གང་ཡིན་པ་ནི་རང་གི་དོན་ཕུན་སུམ་ཚོགས་པ་ཡིན་ཞིང་། དེའི་རྒྱུ་

ཅན་སྡེ་ཚན་གསུམ་གྱི་རྒྱུ་ནི་གཞན་གྱི་དོན་ཕུན་སུམ་ཚོགས་པ་སྟེ། དེ་གཉིས་ཀ་ནི་དཔལ་ལོ། །རང་དང་གཞན་གྱི་དོན་ཕུན་སུམ་ཚོགས་པ་དང་བསོད་ནམས་དང་ཡེ་ཤེས་ཀྱི་ཚོགས་ལ་འབད་པ་ལས་ཐར་པ་ཐོབ་པ་ནི་བདུད་རྩིའོ་ཞེས་སོ། །དེ་ནས་བསྟན་བཅོས་གང་ཞིག་བསྟེན་པས་སྐྱེས་བུ་རྣམས་ཀྱི་

དོན་སྒྲུབ་པར་བྱེད་པ་གསུངས་པ། མིང་དང་རྟགས་རྗེས་སུ་བསྟན་པ་བརྗོད་པར་བྱ་ཞེས་ཏེ། ཐུན་མོང་པའི་རྟགས་འཆད་པར་འདོད་པ་ཉིད་ལས་མ་ནིང་གི་རྟགས་ཉིད་ཀྱི་གོ་རིམས་མེད་དེ། དཔེར་ན། ངག་གཉིས་ཀྱིས་ཚིག་གཅིག་ཅེས་པ་བཞིན་ནོ། །མཐོ་རིས་ལ་སོགས་པའི་མིང་རྣམས་ལ་

འཇུག་པའི་སྒྲ་གང་ཞིག་ཡིན་ཞེ་ན། བྱོམ་ལ་སོགས་པ་རྣམས་སོ་ཞེས་པས་མ་ནཱའི་བྱིངས་ལས། མ་ནིང་དང་མ་དབྱི་བ་ཡང་ངོ་། །ཡང་ན་ན་མི་སྟེ་སྒྲ་ཡང་དོན་དུ་མ་ཉིད་ཀྱི་ཕྱིར་རོ། །དེ་བཤད་པ། ཎ་མ་རབ་ཏུ་འདུད་པ་དང་སྒྲ་ལའོ་ཞེས་སོ། །འདུད་པར་བྱེད་པ་མངོན་པར་བརྗོད་པ་ལ་འདི་ཡིས་

ནཱ་མ་ལ་སྔ་མ་བཞིན་མ་ནིང་ལ་སོགས་པའོ། །ཡང་ན་རྟགས་གང་དཱི་པ་དང་ཨ་ཙལ་སོགས་པ་རྣམས་ཀྱིས་གསལ་བར་བྱེད་པའི་བུད་མེད་ལ་སོགས་པའི་རྟགས་གང་ཡིན་པ་དེ་ནི་བུད་མེད་དང་སྐྱེས་པ་དང་མ་ནིང་ཉིད་དོ། །དེ་དག་རྗེས་སུ་སྟོན་པའི་བསྟན་བཅོས་སོ། །མིང་དང་རྟགས་འདི་དག་གིས་

Vol. 197 · folio 246b

སློབ་མ་རྣམས་ལ་རྗེས་སུ་སྟོན་པར་བྱེད་ཅིང་བྱེ་བྲག་ཏུ་རྟོགས་པར་བྱེད་པས་ན་བརྗོད་པར་བྱ་ཞེས་ཏེ་ནང་གི་དེ་ཉིད་ཀྱིས་གྲུབ་པ་ལ་ཕྱིའི་དེ་ཉིད་ཀྱིས་རབ་ཏུ་གསལ་བར་བྱེད་པའོ། །ཡང་ན་བསྔགས་པ་ལ་འབྱུང་འགྱུར་དང་ད་ལྟར་བ་དང་ཉེ་བར་སྤྱོད་པ་ལས་ལཊའོ། །དེ་བཞིན་དུ་ཡང་། འཇིག་རྟེན་

ན་ངེས་པར་འབྱུང་བ་བཞིན་གྲུབ་པ་ལ་མངོན་པར་འདོད་པའི་ངོ་བོ་ཡང་ད་ལྟར་བའི་དོན་བཞིན་ནམ་ཡང་ན་སྲིད་པ་བཞིན་ཐ་སྙད་བྱེད་དོ། །དཔེར་ན། འགའ་ཞིག་འགའ་ཞིག་འཆད་དེ། བདག་ནི་ཕལ་ཆེར་འདིའོ་ཞེས་པ་བཞིན་ནོ། །དེ་ངེས་པར་ཡོད་ཅེས་སེམས་པར་བྱེད་པ་དང་། ཡང་ན་

ཕལ་ཆེར་ཐོབ་ཅེས་སོ་སོར་སྨྲའོ་ཞེས་སོ། །དེ་ཉིད་ཀྱི་ཕྱིར་བསྔགས་པ་བྱེད་པ་ལ་སྲིད་པ་བཞིན་ཞེས་ཤིན་ཏུ་བསྟན་པའི་ཚིག་སོ་སོར་འཆད་དོ། །འོ་ན་སྔོན་གྱི་སློབ་དཔོན་རྣམས་ཀྱི་མིང་དང་རྟགས་རྗེས་སུ་བསྟན་པའི་ཕྱིར་ཅིའི་དོན་དུ་འདི་རྗོད་པར་བྱེད་ཅེ་ན་གསུངས་པ། རྒྱུད་གཞན་རྣམས་ལས་

བསྡུས་བྱས་ནས། །ཞེས་པ་སྟེ། འདིར་རྒྱུད་གཞན་དང་གཞན་ནི་སྐབས་གསུམ་གྱི་མངོན་བརྗོད་ཀྱི་བསྟན་བཅོས་ཨུཏྤ་ལི་ལ་སོགས་པ་དང་། སློབ་དཔོན་བྱཱ་ཊཱི་དང་། མཆོག་སྲེད་དང་། ཙནྡྲ་གོ་མི་དང་། བཱ་མ་ན་ལ་སོགས་པས་བཤད་པའི་རྟགས་ཀྱི་བསྟན་བཅོས་རྣམས་

ཡང་དག་པར་བསྡུས་ཏེ་ཕུང་པོར་བྱས་ནས་འདིར་བརྗོད་པ་ཡིན་ནོ། །དེའི་ཕྱིར་འདི་ནི་ཡོངས་སུ་རྫོགས་པ་སྟེ། དོན་གང་ཇི་སྙེད་པའི་མིང་གང་ཡིན་པའི་མིང་དེ་ཐམས་ཅད་རྒྱུད་གཞན་རྣམས་ལས་ཡང་དག་པར་བསྡུས་ནས་མངོན་པར་བརྗོད་པའི་ཕྱིར་རོ། །མི་ཟད་པ་དང་ན་ཉའི་ཚིག་དང་

ཅུང་ཟད་ཀྱི་དོན་དང་དགོས་པ་རྣམས་དོན་དང་བཅས་པར་རྫོགས་པར་བཤད་དོ། །རབ་ཏུ་བྱེད་པས་བཅིངས་ན་མིང་རྣམས་བདེ་བླག་ཏུ་རྟོགས་པར་བྱེད་པས་སྡེ་ཚན་གྱིས་མངོན་པར་བརྗོད་པ་སྟེ། མཚན་ཉིད་གསུམ་གྱི་སྡེ་ཚན་གྱིས་མཚོན་པར་བྱེད་དོ་ཞེས་པའི་དོན་ཏོ། །མཚུངས་

པ་རྣམས་འདུས་པའི་ཕྱིར་སྡེ་ཚན་ཏེ། རིགས་དང་བྱ་བ་དང་ཡོན་ཏན་དང་རྫས་རྣམས་མཚུངས་པའི་ཕྱིར་རོ། །གལ་ཏེ་ཡང་རྒྱུད་གཞན་རྣམས་ལས་བསྡུས་ནས་འདི་བརྗོད་པ་སྟེ། དེ་ལྟ་ན་ཡང་འདི་སྡེ་ཚན་གྱི་ཁྱད་པར་གྱིས་མང་པོར་འགྱུར་རོ་ཞེ་ན། མི་འགྱུར་ཏེ་རྐང་པ་ཁ་སྐོང་བ་ལ་སོགས་

Vol. 197 · folio 247a

པ་སྙིང་པོ་མེད་པའི་ཚིག་ཕྲད་རྣམས་སྤངས་ནས་སླར་ཡང་རྗོད་བྱེད་ཉུང་ཤས་སུ་བསྡུས་པའི་གཞུང་མདོར་བསྡུས་ཀྱིས་བཤད་དོ། །ཁྱད་པར་དུ་བརྗོད་པ་ལེགས་བཤད་མ་ཡིན་པ་སྤངས་པ་ནི་ལེགས་སྦྱར་སྡེ་རྣམས་སོ། །མདོར་བསྡུས་ལེགས་སྦྱར་སྡེ་རྣམས་ནི་སྡེ་ཚན་གྱི་ཆ་

ཤས་ཉིད་ཀྱི་ཕྱིར་ཏེ་མདོར་བསྡུས་པའི་དོན་བཤད་པ། ཨུཏྤ་ལི་ལ་སོགས་པ་ལ་མདོར་བསྡུས་མེད་པ་དང་། མིང་གི་ཕྲེང་བ་ལ་སོགས་པ་རྟགས་ཀྱིས་དམན་པ་དང་། རྟགས་ཀྱི་རབ་ཏུ་བྱེད་པ་ལ་སོགས་པ་མིང་གིས་དམན་པ་དང་། འཆི་བ་མེད་པའི་ཕྲེང་བ་ལ་སོགས་པ་མ་རྫོགས་པ་དང་།

བོ་སཱ་ལི་ཏ་ལ་སོགས་པ་སྡེ་ཚན་གྱིས་སྟོང་པ་སྟེ་དེ་རྣམས་ལས་ཁྱད་པར་དུ་གྱུར་པའི་ཕྱིར་འབྲས་བུ་དང་བཅས་པ་ཉིད་དོ། །འོན་ཀྱང་མིང་རྣམས་ཀྱི་རྟགས་དང་། བརྗོད་བྱ་ལ་སླར་ཡང་མིང་དེ་བཞིན་དུ་བརྗོད་ན་ནི་གཞན་རྣམས་ལ་ཡོངས་སུ་རྫོགས་པ་དགག་པའི་ཕྱིར་དང་། དེ་བཞིན་དུ་

ཡང་མིང་ཇི་སྙེད་པའི་ཚིག་རྣམས་དང་། དེ་སྙེད་ཀྱི་རྟགས་ཀྱི་ཚིག་རྣམས་སུ་བྱས་ན་ནི་གཞུང་མངས་པར་ཐལ་བར་འགྱུར་བས། ཕལ་ཆེར་ཏེ་མང་པོར་སྒྲ་རྣམས་ཀྱི་གཟུགས་ཀྱི་དབྱེ་བ་དང་། བུད་མེད་ཀྱི་རྐྱེན་ལ་ཨཱ་པ་ལ་སོགས་པའི་བྱ་བ་བྱས་པ་དེས་བུད་མེད་དང་སྐྱེས་པ་དང་མ་ནིང་དུ་ཤེས་

པར་བྱའོ། །དེ་ཡང་མིང་རྣམས་དང་མིང་གི་ཁྱད་པར་རྣམས་དང་ཕ་རོལ་གྱི་མིང་བོས་པས་མིང་ཐམས་ཅད་པའི་སྒྲ་ཡང་རབ་ཏུ་དབྱེ་བ་གཞན་དུ་འགྱུར་རོ། །དེ་ལ་མིང་རྣམས་ཀྱི་གཟུགས་ཀྱི་དབྱེ་བ་ནི་དཔེར་ན། ཀཽ་མོ་ད་ཀཱི། མོའོ། ཀུ་མུད་ཅན། རྔོ་འོ། །ག་དཱ། བ་ཅོན། ཁཌྒོ། རལ་གྲི། ནནྡ་ཀྷྥཿ དགའ་བྱེད། ས་ལི་ལཾ། ཆུ། ཀ་མ་ལཾ། པད་མ་ཛ་ལཾ། ཆུ་མ་ནིང་ཞེས་སོ། །

མིང་གི་ཁྱད་པར་གྱི་འགྱུར་བ་ནི་དཔེར་ན། གཎྜཽ་ཀ་པོ་ལཽ་ཏཏྤ་ར་ཧ་ནུ། ཕ་རོལ་གྱི་མིང་བོས་པས་མིང་ཐམས་ཅད་པར་འགྱུར་བ་ནི་དཔེར་ན། ཀ་ཏུཿ ཀུཏྟཿ སྣེ་ཧ་ཡཱ་ཏྲཾ་སེ་བཱལྤཱ་ཀུཏྟ་ཡཿསུ་མཱན། འགའ་ཞིག་ལྷན་ཅིག་

སྤྱོད་ལས་ཏེ། །འགའ་ཞིག་ཅེས་པ་ནི་གང་དུ་གཟུགས་ཀྱི་དབྱེ་བ་མེད་པའོ། །འདིར་རྟགས་ངེས་པར་བྱ་བའི་ཕྱིར་ཁྱད་པར་གྱི་རྟགས་བསྟན་པར་བྱ་སྟེ། དེ་ཡང་དཔེར་ན། ཨ་ཤྭ་ཡུ་ག་ཤྭི་ནཱི། བྷཱ་ནུཿཀརཿབི་ཡདྦིཥྞུ་པ་དཾ། ཨ་ཤྭ་ཡུཀ་ལ་སོགས་རྣམས་ལ་གཟུགས་ཀྱི་དབྱེ་བ་མེད་པའི་

Vol. 197 · folio 247b

ཕྱིར་མཐའི་རྟགས་ཀྱིས་ངེས་པར་བྱའོ། །གཟུགས་ཀྱི་དབྱེ་བ་ངེས་པར་བྱེད་པའི་རྟགས་ཨ་ཤྭ་ནཱི་དང་ཀ་ར་དང་། བིཥྞུ་པད་རྣམས་དང་ལྷན་ཅིག་སྤྱོད་པའི་རྟགས་དེ་རྣམས་ནི་ངེས་པར་བྱ་བའོ། །དེའི་ཁྱད་པར་སྒྲུབ་པ་ལས་ཞེས་པ་ཕོ་མོ་མ་ནིང་དེའི་ཁྱད་པར་ལས་ཉེ་བར་བླངས་པས་འགའ་ཞིག་ཕོ་མོ་མ་ནིང་དུ་ཤེས་པར་བྱ་

བ་སྟེ། འགའ་ཞིག་ཅེས་པ་ནི་གང་དུ་གཟུགས་ཀྱི་དབྱེ་བ་མེད་པ་འམ། ལྷན་ཅིག་སྤྱོད་པས་རྟགས་ངེས་པར་བྱེད་པའི་མཚན་མ་མེད་པའམ། ལྷན་ཅིག་སྤྱོད་པའི་རྟགས་ཀྱི་དམིགས་བསལ་མངོན་པར་འདོད་པ་དུ་མ་ཅན་ཉིད་ཀྱི་རྟགས་སུ་འདོད་དེ་དཔེར་ན། བལླ་རི་རྨྨཉྫ་རིཿ སྟེ་ཡོ་སྟྲི་ཡཿ སུ་མ་ན་

སཿ པུཥྤཾ་ཁ་ནིཿ མོ་དང་འབྱུང་ཁུངས་ཡིན་ནོ། །བི་ཊངྐཾ་སྐྱེས་པ་དང་མ་ནིང་ཞེས་སོ། །འོ་ན་གཟུགས་ཀྱི་དབྱེ་བས་རྟགས་ངེས་པའི་མངོན་པར་འདོད་པ་འདི་ཟླས་དབྱེའི་ཆ་ཤས་རྣམས་ལ་མེད་དེ། དེ་ལྟ་ན་ཀུན་སྡུད་པའི་ཟླས་དབྱེ་ལ་གཟུགས་ཀྱི་དབྱེ་བས་རྟགས་དེའི་སྒྲུབ་པ་གང་གིས་

གསལ་བར་བྱེད་ཅེ་ན། ཀུན་སྡུད་པ་ལ་མ་ནིང་ངོ་ཞེས་མ་ནིང་དུ་སྒྲུབ་པས་སོ །ཅིག་ཤོས་དང་། ཅིག་ཤོས་སྦྱོར་བའི་ཟླས་དབྱེ་ལ་ཡང་གཟུགས་ཀྱི་དབྱེ་བས་རྟགས་གསལ་བར་བྱེད་པ་གང་ཡིན་ན། དེའི་སྒྲུབ་པ་ཡང་དེ་ཉིད་དོ། །རྟ་དང་རྒོད་མ་དག་གོ་ཞེས་རྟགས་གཞན་གྱི་དམིགས་

བསལ་ཅན་སྐྱེས་པར་བསྒྲུབས་ཏེ། ཅིག་ཤོས་དང་། ཅིག་ཤོས་སྦྱོར་བའི་ཟླས་དབྱེ་བའི་རྟགས་གཞན་ཉིད་ཀྱིས་ཤེས་པར་བྱེད་པས་སོ། །དེའི་ཕྱིར་ཚིག་སྔ་མ་རྣམས་དང་འདི་ནི་རྟགས་ཐ་དད་པར་ཡང་འགྱུར་ལ། རྟགས་ཐ་དད་པ་རྣམས་ཀྱང་བསྡུས་པར་འགྱུར་རོ། །གཅིག་གི་

ལྷག་མ་ལ་ཡང་ངེས་པར་ཞུགས་པའི་ཚིག་རྣམས་ལ་རྟགས་ངེས་པར་བྱེད་པ་མེད་དོ། །དེ་ཡང་རྟགས་ཐ་དད་པ་རྣམས་སུ་འགྱུར་ཏེ། དཔེར་ན། ལྷ་མོ་དང་ལྷ་ནི་ལྷ་དག་གོ། །བྱ་གག་མོ་དང་བྱ་གག་ནི་བྱ་གག་དག་གོ། །བ་ལང་མོ་དང་བ་ལང་ནི་བ་ལང་དག་གོ་ཞེས་པ་འདི་རྣམས་དང་།

སྣམ་བུ་དཀར་པོ་དང་། རས་དཀར་པོ་དག་ནི་གོས་དཀར་པོ་སྟེ་དེ་ལ་འདི་དཀར་པོ་ཉིད་དང་ཡང་ན་འདི་རྣམས་དཀར་པོ་ཞེས་འཆད་དོ། །དབྱེ་བ་བཤད་པའི་ཆེད་དུ་ཞེས་པ་ལ་གང་ཕན་ཚུན་ཐ་དད་པའི་རྟགས་རྣམས་དང་ཟླས་དབྱེ་དང་གཅིག་གི་ལྷག་མ་དག་སྟེ་མིང་དང་རྟགས་ཀྱི་དབྱེ་བ་དེ་རྣམས་

Vol. 197 · folio 248a

བཤད་པའི་ཕྱིར། ཟླས་དབྱེ་བྱས་མིན་གཅིག་ལྷག་མིན་ཏེ། རྟགས་དང་མིང་རྣམས་ཐ་དད་ཉིད་དུ་མ་བྱས་སོ་ཞེས་དགོངས་པའོ། །དཔེར་ན། གྲེ་ཧ་དང་གེ་ཧ་དག་ཁྱིམ་མོ། །ཛ་ན་དང་ཛ་ན་མ་དག་སྐྱེ་བ་ལའོ། །མི་བདེན་པ་དང་མི་རྟག་པ་གཉིས་ཀ་མི་བདེན་པའོ། །

ཛཱི་མཱུ་ཏ་སྤྲིན་དང་རི་བོ་དག་ལའོ། །ཞེས་པ་ལྟ་བུ་སྟེ། མཐའི་དེ་ཉིད་ཀྱིས་བྱེད་པ་ཞེས་སོ། །ཡང་ན་ངེས་པར་བསམས་པའི་མངོན་པར་འདོད་པ་གྲུབ་པ་བསྔགས་པར་གྱུར་པ་ལ་ཉེ་བར་སྤྱོད་པ་ལས་ཀྟའོ། །འོ་ན་རྟགས་ཐ་དད་པ་རྣམས་ཀྱང་ཟླས་དབྱེ་དང་གཅིག་གི་ལྷག་མར་བྱས་པ་དཔེར་ན། །

རིག་འཛིན་ཆུ་སྐྱེས་གནོད་སྦྱིན་དང་། །སྲིན་པོ་དྲི་ཟ་མི་འམ་ཅི། །ཞེས་དང་། ཤྭ་ཤུ་དང་ཤྭ་ཤྲུ་ར་ནི་ཤྭ་ཤྲུ་ར་དག་གོ་ཞེས་པ་ལྟ་བུའོ་ཞེ་ན། མ་བཤད་པའི་ཞེས་བྱ་བ་གསུངས་ཏེ། རབ་ཏུ་གྲགས་པ་ལས་གཞན་པའི་དབྱེ་བ་བཤད་པ་མ་བསྟན་ཅིང་ཟླས་དབྱེ་དང་གཅིག་གི་ལྷག་མར་ཡང་

མ་བྱས་སོ། །བཤད་པ་རྣམས་ཀྱང་རང་བཞིན་གྱི་གོ་རིམས་ལས་གཞན་པ་མ་བཤད་དོ། །དེ་ལྟར་སྦྱར་བ་ཉིད་རྟགས་ཀྱི་ཁྱད་པར་དང་བྲལ་བའི་ཕྱིར་གཅིག་གི་ལྷག་མ་ཡོངས་སུ་སྤང་བ་འདི་ནི་པ་ཎི་ནི་ལ་སོགས་པར་སོ་སོར་བལྟ་བར་བྱ་སྟེ། དེ་རྣམས་སུ་བུད་མེད་དང་སྐྱེས་པ་དང་

མ་ནིང་ལ་སོགས་པའི་གཅིག་གི་ལྷག་མའི་མཚན་ཉིད་རབ་ཏུ་གསལ་བའི་ཕྱིར་རོ། །སློབ་དཔོན་ཙནྡྲ་གོ་མིས་གཅིག་གི་ལྷག་མ་མིན་པའི་སྒྲའི་ནུས་པ་བསྟན་པ་ཤེས་པར་བྱེད་པ་ནི། གང་གི་ཕྱིར་སྒྲའི་ནུས་པ་གཅིག་ཀྱང་དོན་དུ་མ་བརྗོད་པའི་སྒྲར་འགྱུར་ཏེ་དཔེར་ན། རོ་ད་སཱིའི་སྒྲས་

ནམ་མཁའ་དང་ས་དག་བརྗོད་པ་བཞིན་ནོ། །དེས་ན་ཅིའི་ཕྱིར་རྟགས་ཐ་དད་པ་རྣམས་འདྲེས་པར་བྱེད། ཇི་ལྟར་རིན་ཆེན་མཛོད་ལ་སོགས་པ་བཞིན་བུད་མེད་ཀྱི་སྐབས་དང་སྐྱེས་པའི་སྐབས་ཀྱི་མིང་རྣམས་ཅི་རིགས་པར་རྣམ་པར་དབྱེ་ནས་སོ། །དེ་ལྟར་ཁྱད་པར་སྒྲུབ་པ་དང་

གཟུགས་ཀྱིས་དབྱེ་བ་ལ་སོགས་པ་བྱས་ན་གཞུང་མངས་པར་འགྱུར་བས་བརྗོད་པའི་ཁུར་ལྕི་བ་ཡོངས་སུ་བོར་ནས་བཤད་དོ་ཞེས་པ་ལ། རིམ་པ་མ་གཏོགས་འདྲེས་པ་མིན། །ཞེས་གསུངས་ཏེ། རིམ་པ་ནི་རྗེས་སུ་རིམ་པའི་རབ་ཏུ་རིམ་པ་སྟེ་གོ་རིམས་དང་གནས་སྐབས་ཞེས་པའི་

Vol. 197 · folio 248b

དོན་ཏོ། །དེ་མ་གཏོགས་འདིར་འདྲེས་པ་སྟེ་ཡང་དག་པར་བསྲེས་པའི་ངོ་བོར་བྱས་པ་མེད་དེ་རིམ་པ་དང་འགལ་བ་སླར་ཡང་བྱས་པ་ལྟ་བུ་ནི་མེད་དོ་ཞེས་དགོངས་པའོ། །འདིར་ནི་མཐོ་རིས་དང་ནམ་མཁའ་དང་ཕྱོགས་དང་དུས་ལ་སོགས་པ་ཇི་ལྟ་བའི་གོ་རིམས་ཀྱི་དེ་དང་འབྲེལ་པའི་ལྷ་ལ་སོགས་

པའི་དོན་རྣམས་རང་རང་གི་འབྲེལ་པ་དང་བཅས་པ་རྣམས་ཇི་ལྟར་གཙོ་བོའི་རང་བཞིན་གྱིས་བརྗོད་བྱའི་དོན་རྟོགས་པའི་ཕྱིར་ཏེ། དེ་ལ་གང་གི་རྣམ་གྲངས་རྣམས་དང་འབྲེལ་པ་རྣམས་དང་མིང་རྣམས་དེའི་བརྗོད་བྱའི་གནས་སྐབས་གང་དང་གང་ལ་བརྟེན་པ་དེ་དང་དེའི་གོ་རིམས་རྣམས་བསྟན་པས། གཅིག་

དང་གཉིས་དང་མང་པོའི་ཚིག་རྣམས་བདེ་བླག་ཏུ་རྟོགས་ཏེ་རང་བཞིན་ཇི་ལྟ་བ་བཞིན་རྟོགས་པར་འགྱུར་བས་དེ་ལྟ་བུའི་རིམ་པའི་དབང་དུ་བྱས་སོ། །དེ་ཡང་མཐོ་རིས་ལ་སོགས་པའི་རྣམ་གྲངས་ངེས་པར་ཡོད་པའི་ཡང་ངོའི་སྒྲ་ལ་སོགས་པ་དང་། སེང་གེ་དང་འཕྲོག་བྱེད་ལ་སོགས་པའི་སྐབས་སུ་དཔལ་

མོ་དང་གཽ་རི་ལ་སོགས་པ་བརྗོད་པ་ནི། རིམ་པ་དང་མི་འགལ་བའི་རྟགས་འདྲེས་པ་སྟེ། རིམ་པ་མ་གཏོགས་འདིར་འདྲེས་པ་མ་བྱས་ཞེས་ཇི་སྐད་བཤད་པ་བཞིན་ནོ། །རྣམ་གྲངས་སོ་སོ་ནི་བུད་མེད་ཀྱི་སྐབས་ལ་སོགས་པའི་རིམ་པས་ཇི་ལྟར་སྲིད་པ་བཞིན་མངོན་པར་བརྗོད་དོ། །འདིར་རྟགས་གང་

ཡིན་པའི་རྟགས་ཀྱི་གནས་སྐབས་དང་འབྲེལ་པ་དེ་ཉིད་ནི་ཚོགས་སུ་བཀླགས་པ་བཞིན་མཐོ་བར་བརྗོད་དེ། དེ་ལྟར་ཐམས་ཅད་དུ་ཇི་ལྟར་སྲིད་པ་བཞིན་རྟོགས་པར་བྱའོ། །ཡང་རིན་ཆེན་མཛོད་དུ། སྭརྒྒ་མཐོ་རིས་དང་། མཁའ་གསུམ་ཏྲི་དེ་བ་དང་། གཞི་གསུམ་ཏྲི་པིཥྚ་ཡ་རྣམས་ནི་མ་ནིང་ངོ་ཞེས་པ་ལ་སོགས་པ་ཅི་ཞེ་ན། ཏྲི་པིཥྜ་ཡ་དང་

སྭརྒ་དང་ཏྲི་དི་བ་རྣམས་མ་ནིང་ཉིད་དོ། །ལྷའི་གནས་ཞེས་པ་ལ་སོགས་པ་ནི་འཆི་བ་མེད་པའི་གནས་སོ། །སྐྱེས་པའི་སྐབས་ལ་སོགས་པ་རིམ་པ་སོ་སོར་ཤེས་པ་ཡང་མང་པོ་འདྲེས་པར་བལྟ་བར་བྱའོ། །དེ་ལྟར་རྟགས་འདྲེས་པར་གྱུར་པ་རྣམས་ནི་རིམ་པ་ལས་རིང་དུ་

གྱུར་པའོ། །དེས་ན་མཐོ་རིས་དང་ནམ་མཁའ་དང་ཕྱོགས་དང་དུས་ལ་སོགས་པའི་རིམ་པས་རྣམ་གྲངས་སོ་སོ་ཡང་སྟེ། བུད་མེད་ཀྱི་རབ་ཏུ་བྱེད་པ་ལ་སོགས་པའི་རིམ་པས་མངོན་པར་བརྗོད་དོ། །རིན་ཆེན་མཛོད་ལ་སོགས་པ་བཞིན་སྐབས་སོ་སོར་རྣམ་གྲངས་བརྗོད་པ་ནི་སྙིང་པོ་མེད་ཅིང་བཤད་

Vol. 197 · folio 249a

པ་མངས་པའི་རྒྱུར་འགྱུར་བས་ཅི་ཞིག་བྱ་ཞེས་པའོ། །ཁྱད་པར་སྒྲུབ་པ་ཡང་གཞུང་ཟོར་ཡང་བའི་ཆེད་དུ་ཡོངས་སུ་བཤད་པ་ནི། རྟགས་གསུམ་ཞེས་པ་ལ་སོགས་པ་སྟེ། གསུམ་རྣམས་དང་རྟགས་རྣམས་ནི་རྟགས་གསུམ་ཅན་ཞེས་ཀུན་སྡུད་པ་སྟེ་རྟགས་གསུམ་

མོ། །དེའི་ཡུལ་ལ་གསུམ་རྣམས་ལ་ཞེས་པའི་ཚིག་རིག་པར་བྱའོ། །དཔེར་ན་ཏ་ཊཾ་ཏྲིཥུ་ཞེས་བྱ་སྟེ། ཏ་ཊཾ་ནི་འགྲམ་ལ། ཏྲྀཥུ་ནི་གསུམ་མོ། །དེ་ལ་གཉིས་ལ་ནི་འཁྲིག་ཅེས་པ་ཕོ་མོ་དག་གི་ཚིག་སྟེ། དཔེར་ན། ཨ་ཤ་ནི་རྡྭ་ཡོཿཞེས་པ་ལྟ་བུ་སྟེ། ཨ་ཤ་ནིཿཞེས་པ་གནམ་ལྕགས་

དང་། དྭ་ཡོཿཞེས་པ་གཉིས་སོ། །གལ་ཏེ་ཡང་གཉིས་དང་གསུམ་གྱི་སྒྲ་དག་གྲངས་ཀྱི་སྤྱི་བརྗོད་པ་དེ་ལྟ་ན་ཡང་འདིར་ཇི་སྐད་བཤད་པའི་གྲངས་ཀྱི་ཁྱད་པར་ཉིད་ལ་འཇུག་གོ། །གཉིས་ཀྱིས་དམན་པའི་སྲ་ས་བེ། སྦྲང་རྩི་ཅན་ཐམས་ཅད་གཉིས་སུ་མེད་ཅེས་པ་ལ་སོགས་པར་ཡང་ཐུན་མོང་

དུ་བལྟས་ཤིང་། རྗེས་སུ་དཔག་པ་ལས་འཁྲིག་པ་རྟོགས་པར་བྱེད་དོ། །མགྲིན་པ་ནས་མ་བརྗོད་ཀྱང་གྲངས་ཀྱི་ཁྱད་པར་ལ་གནམ་ལྕགས་གཉིས་ཤེས་པ་ལ་སོགས་པའི་གྲངས་ཀྱི་ཁྱད་པར་ཉིད་གཉིས་ཀྱི་སྒྲར་བལྟའོ་ཞེས་པ་འདིར་ཡང་དེ་དང་འདྲ་བ་རྗེས་སུ་དཔག་པར་བྱའོ། །ཨརྡྷ་

རཱ་ཏྲ་དང་ནི་ཤི་ཐི་དག་གཉིས་དག་གོ་ཞེས་པ་ལ་སོགས་པ་ནི་གྲངས་ཀྱི་ཁྱད་པར་ཐོས་པར་བྱེད་པ་ཉིད་ཡོད་དོ་ཞེས་པ་ཧ་ཅང་ཐལ་བ་མེད་དོ། །རྟགས་བཀག་པ་ནི་རྟགས་ཀྱི་ཁྱད་པར་གང་ཡིན་པ་སྟེ། དེ་ནི་མིང་གི་ལྷག་མའི་དོན་དང་ལྷག་མའི་རྟགས་ཡོངས་སུ་ཤེས་པར་བྱའོ། །ལྷག་

མ་བཀག་པའི་རྟགས་ཀྱི་དོན་མངོན་པར་བརྗོད་པས་ན་ལྷག་མའི་དོན་ཏེ། དཔེར་ན། དྭི་པོ྅སྟྲི་ཡཾ། འདིར་མོ་བཀག་པས་ཕོ་དང་མ་ནིང་དུ་ཤེས་པར་བྱ་ཞིང་དེ་བཞིན་དུ་ཕོའི་རྟགས་ལ་སོགས་པ་བཀག་པ་ལས་ཡང་ངོ་། འདིར་ཡང་རྟགས་གཅིག་འགོག་པའི་ཟོལ་གྱིས་རྟགས་གཉིས་སྒྲུབ་པ་ནི་གཞུང་ཟོར་ཡང་བའི་ཆེད་དོ། །ད་ནི་གཞུང་ཉུང་དུས་རྟོགས་པའི་ཕྱིར་བཤད་པ། ཏུ་མཐའ་དང་། ཨ་ཐ་དང་པོ་སྔོན་ཆ་

མིན། ཞེས་པ་སྟེ། །དྭེ་པཿནི་གླིང་སྟེ་འདི་མོ་ཡིན་ཞེས་པ་ཨ་སྟྲི་ཡཾའོ། །ཏུ་མཐའ་ཅན་དང་། ཨ་ཐ་དང་པོ་ཅན་ནི་མིང་དང་། རྟགས་ལ་སོགས་པའི་ཚིག་སྔ་མ་དང་ལྷན་ཅིག་འབྲེལ་ཡང་སྔོན་མའི་

Vol. 197 · folio 249b

ཆ་མ་ཡིན་པའོ། །དེ་ལ་མིང་གི་ཚིག་ནི་དཔེར་ན། ཤ་བྷཱ་ཀརྙི་དྷུ་ཏིཤྩ་བི་ར་བ་ཤྱ་ཡསྟུ་ནཱི་ཧཱ་ར། པྲ་ལེ་ཡཾ་མ་ཧི་ཀཱ་ཙཱ་ཐ་ཧི་མཱ་ནཱི་ཧི་མ་ཡཾ་ཧ་ཏི། འདིར་ཤྩ་བི་ཡན་ཆོད་ནི་མཛེས་པའི་རྣམ་གྲངས་སོ། །ཨ་བ་ཤྱ་ཡསྟུ་ཞེས་པའི་ཏུའི་མཐའ་མར་བཅད་ནས་ཁ་བའི་རྣམ་གྲངས་ཏེ་མ་ཧཱི་ཀཱ་ཙ།

དོན་གཞན་ཕྱི་མ་ཅིག་སྟོན་པའོ་ཞེས་སོ། །ཡན་ཆོད་དོ། །ཨ་ཐ་དོན་གཞིན་སྟོན་པས་ཧི་མཱ་ནཱི་ཧི་མ་སཾ་ཧ་ཏིཿཞེས་པ་ནི་ཁ་བའི་ཕུང་པོའོ། །རྟགས་ལ་སོགས་པའི་འདི་རྣམས་སྔ་འགྱུར་ལ་སྡང་རྒྱ་དཔེ་ལ་མེད། ཚིག་ནི་དཔེར་ན། ཨནྟརྡྷཱ་བྱ་བ་དྷཱ་སུཾ་སི་ཏྭནྟདྷིཿ བྷཱརྱ་ཛཱ་ཡཱ་ཐ་སུཾ་བྷུནྣི་དཱ་རཱ། ཞེས་པ་ལྟ་བུའོ། །བུ་

མོ་དང་བྲན་བཟའ་དག་ཅེས་པ་འདིར་ཏུའི་སྒྲ་ནི་དབྱུག་པ་དང་འཁུར་བའི་རིགས་པས་བྱ་བའི་ཚིག་འདྲེན་ཏེ། དེ་དང་འབྲེལ་བའི་མིང་གི་ཚིག་ཉིད་ཀྱང་འདྲེན་པར་བྱེད་དོ། །དེ་བཞིན་དུ་གྷ་སྲོ་དི་ནཱ་ཧ་དཱི་བ་རུ་ཏྤཱ་བེེ་དི་བ་ས་བཱ་ས་ར་དག་གོ་ཞེས་པ་འདིར་རྟགས་ཀྱི་ཚིག་འདྲེན་པར་བྱེད་དོ། །དོན་གྱི་ཚིག་

ཀྱང་དཔེར་ན། ཤཱ་སེ་ཏྭ་བི་ཥངྒཿཀོཥཱ་ཏ་ཀྱ་ཐ་ཀཊྨ་ལཿཞེས་པ་ལྟ་བུའོ། །ཨ་ཐའི་སྒྲ་ནི་དེ་མ་ཐག་པའི་དོན་ཏེ་རང་གི་རྣམ་གྲངས་ཀྱི་མཚན་ཉིད་ཀྱི་ཕྱིར་ཨ་ཐའི་སྒྲ་དང་པོ་ཅན་ཡང་སྔ་མའི་ཆ་མ་ཡིན་ནོ། །ཨ་ནུ་ཀྲོ་ཤོ་སྱ་ཎྭཱ་ཧ་སཿ པོ་ཏཱ་བཱ་ན་མ་ཐོ་ཛྷ་ཥཿ པུཾ་སྱེ་བཱནྡྷུ་པྲ་ཧཱི་ཁྲོན་པ་ནས་འབྱུང་

བ་ནི་སྐྱེས་བུའོ་ཞེས་པ་འདིར་ཏུའི་སྒྲ་འབྱུང་བ་སྐྱེས་བུ་ལ་འཇུག་པ་མི་འགོག་གོ། །གཞན་ལ་ལྟོས་པ་ནི་སྔ་མར་འགྱུར་རོ། །དེ་ལ་རྟགས་གཞན་ཡང་ཞེས་པ་དེ་སོ་སོར་སྦྱོར་བའི་ཕྱིར་རྟགས་སྔ་མ་ཉིད་ཀྱང་རྣམ་པར་ཤེས་པར་བྱེད་དོ། །དེ་ལ་གཟུགས་ཀྱི་དབྱེ་བ་འབྱུང་བ་ནི་མི་འཇུག་ཅེས་པ་དགག་པའི་

ཆོ་གའི་ངེས་པའི་དོན་ནོ། །དེ་འབྱུང་བ་ཉིད་སྔ་མའི་ཆ་མ་ཡིན་པ་ནི་ཁྲོན་པའི་ཆུ་ལ་ཞེས་པ་ལྟ་བུ་ཁྲོན་པ་སྐྱེས་བུའི་རྟགས་སུ་བྱས་པ་ན་འདི་དང་ལྷན་ཅིག་འབྲེལ་བའི་སྐྱེས་བུ་མ་ཡིན་པ་རྣམས་ཀྱང་འདིས་ངེས་པ་ནི་འབྲས་བུའོ། །རི་བོའི་ཁམས་ནི་ལྡོང་རོས་སོགས། །བཙག་ཅན་དང་ནི་ཁྱད་པར་

ཅན། །ཞེས་པ་འདིར་ནི་དགག་པའི་ཁྱད་པར་གྱི་ཆོགས་གནོད་དོ། །རིགས་པ་གཞན་ཡང་རིའི་སྡེ་ཚན་དུ་བཤད་པར་བྱའོ། །བསྟན་བཅོས་ཀྱི་རྣམ་པར་གཞག་པའི་དོན་ཡོངས་སུ་བཤད་པ་མདོར་བསྟན་ནས་ད་ནི་མཐོ་རིས་ཞེས་པ་ལ་སོགས་པས་བསྟན་བཅོས་བརྩམ་པར་མཛད་དེ། འདིར་བསྟན་

Vol. 197 · folio 250a

བཅོས་ཀྱི་བརྗོད་པར་བྱ་བ་ནི་ས་གསུམ་མོ། །དེ་ལ་དང་པོར་ཐམས་ཅད་ཀྱི་གཙོ་བོ་ཉིད་ཀྱི་ཕྱིར་མཐོ་རིས་མངོན་པར་བརྗོད་དེ། དེ་ནས་དེ་ལ་བརྟེན་པའི་ལྷ་སྤྱི་རྣམས་དང་། །དེའི་ཁྱད་པར་གཙོ་བོ་ཉིད་དུ་མངོན་པར་བརྗོད་པ་བསྟན་པས་ན་སངས་རྒྱས་དང་ཚངས་པ་དང་ཁྱབ་འཇུག་

དང་དྲག་པོ་རྣམས་མངོན་པར་བརྗོད་པར་བྱའོ། །དེ་ཡང་དང་པོ་ཕྱོགས་ཀྱི་ཞེས་པ་དེའི་གོ་རིམས་ངེས་པ་ས་ཕྱོགས་ཀྱི་རྗེས་སུ་ཤར་དང་མེ་ལ་སོགས་པ་ལུས་ངན་གྱི་མཐར་ཐུག་པའི་ཕྱོགས་ཀྱི་བདག་པོ་རྣམས་དང་། ཕྱོགས་ཀྱི་གོ་རིམས་དང་ངེས་པར་སྟེང་གི་ཕྱོགས་ནམ་མཁའ་དང་དེའི་བདག་པོ་རྒྱུ་སྐར་གྱི་

བདག་པོ་ཟླ་བ་དང་། དེའི་གོ་རིམས་ངེས་པས་རྒྱུ་སྐར་རྣམས་དང་། གཟའ་ཆེན་པོ་རྣམས་ཀྱི་བདག་པོ་ཉི་མ་དང་། དེ་ནས་ཡང་དེའི་ཞར་ལས་བྱུང་བ་སྔ་དྲོ་ལ་སོགས་པ་དང་། དུས་ཀྱི་གོ་རིམས་ཀྱིས་འཇིག་པ་དང་འཆགས་པའི་བསྐལ་པ་དག་ཀྱང་མངོན་པར་བརྗོད་དོ། །དེ་ལ་རིགས་པ་ཅན་ལ་སོགས་

པའི་འདོད་པས་ཆོས་ལ་སོགས་པའི་བྱེད་པ་པོ་མ་མཐོང་བའི་བདག་ལྟ་བུ་འགྲོ་བ་ཐམས་ཅད་ཀྱི་བྱེད་པ་ནི་ཐམས་ཅད་མཁྱེན་པ་དབང་ཕྱུག་གོ། །གྲངས་ཅན་གྱི་འདོད་པས་སྐྱེས་བུ་ལོངས་སྤྱོད་པར་བྱེད་པའི་ས་གསུམ་པོ་འདི་རང་བཞིན་གྱི་གཙོ་བོས་བསྐྱེད་ཅིང་མཐར་འཇིག་པའི་ཆོས་ལ་སོགས་

པའི་བྱེད་པ་པོའི་ཚོགས་སུ་མངོན་པར་འདོད་དོ། །དེ་ནས་ལུས་དང་བློ་དང་ཡུལ་དང་དབང་པོའི་མཚན་ཉིད་དང་། དེའི་རྗེས་སུ་ཡུལ་ལྔ་པོ་རྣམས་ལ་སྤྱོད་པར་བྱེད་པ་དང་། སྒྲའི་གོ་རིམས་ངེས་པར་གླུ་དང་རིམ་པ་དེའི་ཞར་ལ་སིལ་སྙན་དང་གར་ལ་སོགས་པ་རྣམས་ཀྱང་དང་པོའི་སྡེ་ཚན་ལ་ཡོངས་སུ་རྫོགས་པ་ཞར་

ལ་ཐོབ་པར་འགྱུར་རོ། །ཕྱོགས་ཀྱི་གོ་རིམས་ལས་བྱུང་བ་འོག་གི་ཕྱོགས་ས་འོག་དང་དེའི་བདག་པོ་ཀླུའི་རྒྱལ་པོ་རྣམས་ཀྱང་དང་པོའི་སྐབས་ཉིད་དུ་མངོན་པར་བརྗོད་དེ། སའི་སྐབས་སུ་སྔོན་ལ་ས་འོག་བརྗོད་དོ། །སླར་ཡང་བྷཱ་གུ་རི་བཞིན་དུ་མཐོ་རིས་ལ་སོགས་པའི་གནས་གསུམ་གྱི་རིམ་

པས་སྐབས་གསུམ་དུ་བྱས་པ་མ་ཡིན་ཞེས་པའོ། །སྐབས་གཉིས་པར་སའི་གོ་རིམས་ཀྱིས་གྲོང་ཁྱེར་དང་། གྲོང་གི་གོ་རིམས་ངེས་པར་གྲོང་རྡལ་དང་། རྔོན་པའི་གནས་ཀྱང་གྲོང་གི་བྱེ་བྲག་ཏེ། དེ་ཡང་རི་དང་ནགས་ཚལ་ལ་བརྟེན་པའོ། །དེའི་རྗེས་སུ་རི་དང་ནགས་ལ་བརྟེན་པའི་

Vol. 197 · folio 250b

སེང་གེ་ལ་སོགས་པ་གཞན་མཐའ་ཡས་པ་དག་ཀྱང་དེའི་ཞར་ལ་ཐོབ་པོ། །མི་སྤྱི་རྣམས་དང་དེའི་ཁྱད་པར་བྲམ་ཟེ་དང་རྒྱལ་རིགས་དང་རྗེའུ་རིགས་དང་དམངས་རིགས་རྣམས་ཀྱང་སྐབས་གསུམ་པར་སྔར་གསུངས་པའི་སྐབས་གཉིས་ལ་བརྟེན་ནས་དེ་ལྟར་བརྗོད་དོ། །དེ་བཞིན་དུ་དགེ་བ་ལ་

སོགས་པ་དང་འཆི་བ་མེད་པའི་ཁྱད་པར་འཚེ་བ་མེད་པ་དང་འབྲེལ་པ་དང་། ལས་ལ་སོགས་པའི་བྱ་བྱེད་རྣམས་དང་། ནམ་མཁའ་ལ་སོགས་པ་དོན་དུ་མ་ཅན་གྱི་ཚིག་རྣམས་དང་། ཨཱང་ལ་སོགས་པ་མི་ཟད་པའི་སྡེ་རྣམས་དང་། རྟགས་བསྡུས་པའི་རྟགས་རྟོགས་པར་བྱེད་པ་རྣམས་ཏེ། འདི་

ནི་བསྟན་བཅོས་ཀྱི་བསྡུས་པའི་དོན་ཏོ། །ཡན་ལག་གི་དོན་རྣམས་ཀྱང་རིམ་པས་བརྗོད་པར་བྱ་སྟེ། མཐོ་རིས་ལ་སོགས་པ་ནས་གཞི་གསུམ་པའི་མཐར་ཐུག་པ་ནི་མཐོ་རིས་ཀྱི་མིང་ངོ་། །དེ་ལ་སྭཿཡ་སྒྲ་ནི་སྭརྒྒའི་སྒྲ་དང་ལྷན་ཅིག་སྤྱོད་པའི་ཕྱིར་ཕོ་ཉིད་དུ་ཐོབ་པོ། །མི་ཟད་པའི་ཚིག་

གི་རྟགས་དང་གྲངས་སུ་བྱས་པ་རྣམས་ལ་ཟད་པ་མེད་པས་གཟུགས་སྣ་ཚོགས་པར་འགྱུར་ཞིང་དོན་དང་རྗེས་སུ་མཐུན་པའི་དབང་ལས་མི་གསལ་བའི་རྟགས་ཉིད་དུ་འགྱུར་རོ། །གང་ལ་རྟགས་ཀྱི་བྱ་བ་ཅི་ཡང་ཡོད་པ་མ་ཡིན་པ་དེ་མི་གསལ་བའི་རྟགས་རྣམས་ཏེ་མཐའ་ཡས་སོ། །དེ་ཡང་སྒེག་

པ་གསལ་བ་ལས་བཤད་པ། ཨི་འདི་ཡམ་དང་འདི་ཨ་འདི་ཡམ་དང་འདི་ཨི་འདི་དམ་ཞེས་པ་རྣམས་དོན་གསལ་བར་གྱུར་པའི་སྒྲའི་འདུ་བྱེད་ཀྱི་རྒྱུ་སྒྲའི་ཆོས་ཀྱི་རྟགས་བུད་མེད་དང་སྐྱེས་པ་དང་མ་ནིང་རྣམས་སོ། །དེ་རྣམས་ལ་དཱི་ལ་སོགས་པའི་འདུ་བྱེད་ཀྱི་རྒྱུ་ཨི་ཡམ་ཞེས་པས་དོན་གསལ་བར་སྟོན་པར་བྱེད་པ་ནི་བུད་

མེད་དོ། །དེ་ནས་ཤས་ཀྱི་ན་ནི་སྐྱེས་པ་ལའོ་ཞེས་པ་ལ་སོགས་པའི་སྒྲའི་འདུ་བྱེད་ཀྱི་རྒྱུ་ཨ་ཡམ་ཞེས་པས་དོན་གསལ་བར་སྟོན་པར་བྱེད་པ་ནི་སྐྱེས་པའོ། །ཨི་ཀའི་ཨ་ཙ་ལ་སུ་པ་ལའོ་ཞེས་པ་ལ་སོགས་པའི་སྒྲའི་འདུ་བྱེད་ཀྱི་རྒྱུ་ཨི་དམ་ཞེས་པས་དོན་གསལ་བར་སྟོན་པར་བྱེད་པ་ནི་མ་ནིང་ངོ་། །དེ་

ལ་འདི་རྣམས་ནི་མ་ནིང་གི་རྟགས་ཏེ། ཤུདྡྷཾ། དག་པ་མི་ཤྲཾ། འདྲེས་པ་སཾ་ཀཱིརྞྞཾ། ཀུན་ཏུ་བཀྲམ་པ་ཨུ་པ་སརྫ་ནཾ། ཉེ་བར་བསྒྲུབ་པ་ཨཱ་བིཥྚཾ། ཀུན་ཏུ་ཞུགས་པ། ཨ་བྱཀྟཾ། མི་གསལ་བ་རྣམས་སོ། །དེ་རྣམས་ལ་གཅིག་གི་འདུ་བྱེད་པའི་རྒྱུ་ནི་ཤུདྡྷཾ་སྟེ། ཁ་ཊྭཱཾ། བྲྀཀྵཿཀུཎྜཾ། མོ་དང་ཕོ་དང་མ་ནིང་གི་རྟགས་སོ། །

Vol. 197 · folio 251a

གཉིས་ཀྱི་འདུ་བྱེད་ཉེ་བར་སྨོས་པ་ནི་མི་ཤྲཾ་སྟེ། མ་རཱི་ཙིཿ ཨཱུ་རྨིཿ ཨུརྩིཿ ཚརྡིཿ ཀ་ཥཱ་ཡཾ། ཀ་པཱཊཾ། གསུམ་གྱི་འདུ་བྱེད་ཉེ་བར་སྨོས་པ་ནི་སཾ་ཀིརྞྞཾ་སྟེ། ཏ་ཊཱི། ཏ་ཊཿ ཏ་ཊཾ། ཤྲི་ཁ་ལཱ། ཤྲྀཾ་ཁ་ལཾ། ཁྱད་པར་གྱི་སྒྲའི་འདུ་བྱེད་སྨོས་པ་ནི། ཁྱད་པར་གྱི་གཟུགས་

ཅན་ཨུ་པ་སརྫ་ནཾ་སྟེ། ཤུཀླ། ཤུཀླཿ། ཤུཀླཾ། པ་ཊྭཱི། པ་ཊུཿ པ་ཊུ། འོད་ཟེར་དབའ་རླབས་འོད་ཟེར་སྐྱུགས་པ་སྙིགས་མ་ཁྱད་པར་ཉིད་ཀྱང་ངེས་པར་འདུ་བྱེད་པར་འོས་པ་ནི་ཨཱ་བིཥྚཾ་སྟེ། འདྲལ་རང་བཞིན་གྱི་ཡུལ་ལ་ལྕགས་སྒྲོག་གཙོ་བོའོ། །བྷཪྻཱཿདཱ་རཱཿཀ་ལ་ཏྲཾ། རྟགས་ཀྱི་རྒྱུ་མཚན་གྱི་སྒྲ་འདུ་བྱེད་

པར་འོས་པ་ནི། ཨ་བྱཀྟོ་སྟེ། བཉྩ། ཥ་ཊ། །ཀ་ཏི། ཨུཙྩཻཿཝ་ཡཾ་ཞེས་པ་རྣམས་སོ། །གལ་ཏེ་དེ་ལྟར་བརྗོད་པ་དེའི་ཁྱད་པར་ནི་མ་ནིང་ཉིད་དེ། ར་མྱཾ་སྭཿབི་མ་ལ་ནཀྟཾ། ཞེས་འཇིག་རྟེན་ལ་བརྟེན་པའི་རྟགས་ཀྱི་ཕྱིར་རོ། །འོན་ཀྱང་མི་ཆུང་མ་ཟད་པའི་སྡེ་དང་དོན་སྣ་ཚོགས་པར་ཡང་སྭའི་སྒྲ་

བཀླགས་པས་ན་བདེ་འགྲོ་དང་འཇིག་རྟེན་གཞན་ལ་ཡང་མཐོ་བ་ཁྱེད་རྣམས་དེད་རྣམས་མཐོ་རིས་ཀྱི་སྒྲ་ཡོད་དོ། །དེ་སླར་ཡང་འདིར་བསྟན་པ་ཅི་ཞེ་ན། སྐྱོན་མེད་ཀྱི་རྣམ་གྲངས་ཀྱི་ཕྱིར་ཞེས་པ་འགའ་ཞིག་གོ། །དེ་ལ་མཚན་མོའི་རྣམ་གྲངས་བརྗོད་པ་ནཀྟཾ་གྱི་སྒྲ་ཡང་སྟེ་འདིར་བརྗོད་པ། སྭའི་སྒྲ་འདི་ནི་

པྲ་ཙུ་ར་རབ་ཏུ་སྦྱོར་བའོ། །འདི་ལྟ་སྟེ། མཱ་གྷཱ། ཨཱ་དྲྀ་ཤྱ་ཏཱ་དཪྴ་ཏ་ལཱ་མ་ལེ་ཚ་ཡེ་བཱ་བཱི་སྭཿཆུ་གཏེར་ཆུ་རྣམས་ལའོ། །ཀ་ཕི་ནཱ་མངོན་པར་འབྱུང་བར་མཐོ་རིས་ནི་མཛེས་པ་སྟེ། བཀྲ་ཤིས་པ་མང་པོའི་རིན་པོ་ཆེའི་མེ་ལོང་ལྟ་བུ་ཉིད་དུ་འཐོབ་ཅིང་ཀུན་ཏུ་བརྟགས་ཤིང་བརྟགས་པའོ་ཞེས་སོ། །

དེ་ནི་རྣམ་གྲངས་ཀྱིས་ཀྱང་ཉེ་བར་བསྟན་ཏེ། དེ་བཞིན་དུ་ཕལ་ཆེར་རབ་ཏུ་སྦྱོར་བའི་རྣམ་གྲངས་རྣམས་ཀྱིས་ཀྱང་དོན་སྣ་ཚོགས་པའི་སྡེ་ཚན་དུ་འཆད་དོ། །བཤད་པ་དང་བརྗོད་པ་དག་ཀྱང་དྲན་པ་གསལ་བར་བྱ་བའི་དོན་དང་ཡང་ན་མི་ཟད་པའི་ཚིག་གང་ཡིན་པ་ཉེ་བར་བླང་བའི་དོན་དུ་མཐོ་རིས་ཀྱི་

སྒྲ་འདིར་ཡང་ཉེ་བར་བསྟན་ཏོ། །དེ་དང་པོར་ཉེ་བར་བླངས་པ་ནི་བཀྲ་ཤིས་པའི་དོན་དུའོ། །སྭྲྀ་སྒྲ་ལའོ། །ཀྭི་པ་བཙི་ཞེས་པ་ལ་སོགས་པས་བཙིའོ། །རྀ་ཛ་འགྲོ་བ་ལའོ། །དོན་དུ་མ་ཉིད་ཀྱི་ཕྱིར་གནས་པ་ལ་ཡང་ངོ་། །དེ་སྐད་དུ་རྀ་ཛ་འགྲོ་བ་དང་གནས་པ་དང་ཉེ་བར་སྒྲུབ་པ་རྣམས་ལའོ་ཞེས་སོ། །

Vol. 197 · folio 251b

འདིར་གནས་པར་བྱེད་པ་སྟེ། ཨརྒྒ་ནི་གནས་སོ། །བྱེད་པ་པོ་ལའང་གྷ་ཉའོ། །ལེགས་པར་གནས་པས་ན་སྭརྒྒའོ། །ཡང་ན་བསོད་ནམས་ཕུལ་དུ་བྱུང་བས་བསྒྲུབས་པས་ན་སྭརྒའོ། ཤཾ་བདེ་བའོ། །དེ་ལས་བཟློག་པ་ཨ་ཀཾའོ། །དེ་འདི་ལ་མེད་པས་ནཱ་ཀཿསྟེ། དོན་གཞན་དུ་མ་ལའོ་ཞེས་

པ་འདིར། སུ་པ་ལ་ཞེས་པ་འདི་རྗེས་སུ་འཇུག་པས་ཚིག་གཉིས་ཀྱི་བསྡུ་བའོ། །ན་ཁ་ལ་སོགས་པ་རྣམས་སོ་གནས་བཟང་ཞེས་པས་ན་དབྱི་བ་མེད་དོ། །གསུམ་རྩེ་ན་ཞེས་པ་ནི་བོད་འགྲོ་གསུམ་རྩེ་བར་བྱེད་པས་ཏེ། དི་བའི་སྒྲ་ལ་ཨི་ཀ་མཐའ་ཉེ་ལས་བདེ་ལྡན་ནས་སྐྱོ་མད་ཀའི་རྐྱེན་མཐར་བྱིན་ཏེ།

དོན་གཞན་གྱི་བསྡུ་བའོ། །ཡང་ན་ཀཱ་ཀ་གུ་ཧ་ལ་སོགས་པ་བཞིན་མང་པོ་ལ་པྲ་ལ་སོགས་པ་མེད་པ་ལས་ཀའོ། །ལྷའི་གཙོ་བོ་ཚངས་པ་དང་དབང་ཕྱུག་དང་ཁྱབ་འཇུག་གསུམ་རྩེ་བའི་གནས་སོ། །སྐབས་གསུམ་གནས་དང་ལྷའི་འཇིག་རྟེན་ནི་དྲུག་པའི་བསྡུ་བའོ། །གནས་ནི་གཞིའོ། །

འཇིག་རྟེན་ནི་གནས་སོ། །རོལ་པ་ཞེས་པ་ནི། མང་པོ་ལ་ག་མི་ལེས་ཌོ་པའོ། །གོ་རཽ་ལས་རང་གི་དོན་ལ་ཞེས་པས་གོའི་སྒྲས་ཉེ་བར་མཚོན་པའི་ཕྱིར་དྻཾ་ལས་ཀྱང་ཨཽ་ཉིད་དོ། །དློཿ དྻཱབཽ་དེར་རྩེ་བར་བྱེད་པས་ན་རོལ་པའོ། །འདི་ནི་ཨུཎ་ལ་སོགས་པས་དི་བི་ཏེ་ཞེས་པས་ཡིན་ལ། པུརྞ་ཙནྡྲ་

ནི་འདིར་དི་ཝའི་ཨུཏ་ཅེས་བཞེད་དོ་ཞེས་ཨུཎ་སོགས་ཀྱི་ཌིཔ་ལ་རྐྱེན་གྱིས་དི་ཝའི་སྒྲ་གཅིག་ཐོས་པ་རིང་ནས་བོད་པ་ལའོ་ཞེས་པ་འདིར་མདོ་ཡིས་བསྒྲུབས་སོ། །སྒྲའི་ཆོས་ཉིད་ཀྱི་ཕྱིར་རྟགས་གཉིས་ཞེས་པ་དེའི་ཁྱད་པར་གྱིས་བུད་མེད་ཉིད་དོ། །དེ་ལྟར་ཡང་ཤས་ཀྱི་ན་ནི་སྐྱེས་པ་ལའོ་

ཞེས་པ་འདིར་རདྣམ་ཏིའི་འོ། །མ་ནིང་ཥཎྜ་ཀཱན། །པཎྜ་ཀཱན། དོན་ལ་སྐྱེས་པའི་དངོས་པོ་མེད་པ་ལ་ཡང་རང་བཞིན་གྱི་སྐྱེས་པའི་རྟགས་མངོན་པར་བརྗོད་པ་ནི་སྒྲའི་ཆོས་ལས་རྟགས་སུ་གྱུར་པའོ། །དཔེར་ན། དང་པོར་རང་ལས་བུ་གཉིས་སྐྱེས་གྱུར་ཏེ། །ན་ར་དང་ནི་སྲེད་མེད་བུ་དག་གོ །

ཙནྡྲ་པ་ལྦ་འགྲེལ་བཤད་སྟོང་ཕྲག་བཅུ་གཉིས་པར་ཛར་བའི་སློབ་དཔོན་མ་ནིང་། །ཞེས་པ་ལ་སོགས་པའི་བཤད་པའི་དོན་གཉིས་ཀྱི་སྒྲ་སྦྱར་བ་ལྟ་བུའོ། །གཞི་གསུམ་ཞེས་པ་ལ་གཞི་ནི་གནས་ཏེ། གཞིའི་སྒྲ་ལ་པིཥྚ་ཡ་ཞེས་པ་ཡང་སྐྱེས་པ་དང་མ་ནིང་གི་རྟགས་ཉིད་ཀྱི་ཕྱིར་དྲུག་པའི་བསྡུ་བ་དང་། ཚིག་ཕྱི་མའི་

Vol. 197 · folio 252a

དོན་གཙོ་བོ་ཉིད་ཡིན་པའི་ཕྱིར་རྟགས་ཀྱི་གཙོ་བོའི་གཟུགས་ཀྱི་དབྱེ་བས་མ་ནིང་ཉིད་དང་དམིགས་བསལ་ལ་སྐྱེས་པ་དང་། མ་ནིང་ཉིད་དུ་ཡང་ཐོབ་པས་སླར་ཡང་མ་ནིང་ཉིད་དུ་བསྒྲུབ་པའོ། །འདི་ཉིད་མ་ནིང་གི་ཚིག་ཏུ་ཤེས་པར་བྱེད་པ་ཡང་། ལོ་ཀཿཔིཥྚ་ཡཾ། བྷུ་བ་ནཾ།

ཞེས་གཟུགས་ཀྱི་དབྱེ་བ་བཤད་པས་རྟགས་གཞན་གྱི་ཡང་རྟགས་ཀྱི་གཞིའི་སྒྲ་གསལ་བར་བྱེད་ཅེས་སོ། །གཞི་ནི་འཇིག་རྟེན་ཏེ་མེའི་འགྲོ་བའི་གནས་སོ་ཞེས་རིན་ཆེན་མཛོད་དུའོ། །འཆི་མེད་ཕྲེང་བར་ཡང་གནས་དང་གཞི་ནི་སྐྱེས་བུའི་རྟགས་སོ་ཞེས་པ་སྟེ་འདི་ནི་རྟགས་གཞི་གནས་

སམས་བསྡུས་པའི་སྡེ་ཚན་གྱི་མཐར་ཐུག་པ་མ་ལུས་པར་ཤེས་པར་བྱ་ཞིང་ཁྱད་པར་རབ་ཏུ་སྦྱར་ཏེ་འཆད་པར་བྱེད་དོ། །འཆི་མེད་ཅེས་པ་ནས་ལྷའི་མཐར་ཐུག་པ་ཚིགས་སུ་བཅད་པ་གསུམ་གྱིས་ལྷ་སྤྱི་རྣམས་ཏེ། རིགས་ཀྱི་སྒྲ་ཡིས་རིགས་དང་ལྡན་པ་གསལ་བར་མངོན་པར་བརྗོད་པས་ན་གསལ་བ་རྣམས་

ནི་མང་པོ་ཉིད་ཀྱི་ཕྱིར་མང་པོའི་ཚིག་གིས་ངེས་པར་བསྟན་ཏོ། །འཆི་བར་བྱེད་པས་ན་འཆི་བའོ། །ན་ཉ་ལས་ཛ་ར་མ་ར་མི་ཏྲ་མྲྀ་ཏ་ལ་ཞེས་སྭར་དང་པཱུ་ཏྲའི་ཚིག་ཕྲད་ལས་མྲྀང་ལས་ཨས་ཀྱི་རྐྱེན་ནོ། །འདི་ལ་འཆི་བ་མེད་པས་འཆི་མེད་རྣམས་སོ། །རྟག་ཏུ་ལོ་ཉི་ཤུ་རྩ་ལྔ་ལོན་པ་ལྟ་བུར་གནས་པའི་ཕྱིར་

འདི་ལ་རྒ་བ་མི་སྣང་བས་ན་རྒས་མེད་དེ་དོན་གཞན་གྱི་བསྡུ་བའོ། །རྩེ་བར་བྱེད་པས་ན་བྱེད་པ་པོ་ལ་སོགས་པས་ཨ་ཙ་རྐྱེན་ནོ། །འདི་ལ་སྐྱེ་བ་དང་གནས་པ་དང་འཇིགས་པའི་བདག་ཉིད་ཡོད་པས་སྐབས་གསུམ་མོ། །མི་རྣམས་ཀྱི་བཞིན་དུ་ན་བ་དང་རྒ་བས་ཡོངས་སུ་འགྱུར་ཞིང་ཟད་པ་ནི་མི་ལྡན་ཏེ་

ལོ་ཉི་ཤུ་རྩ་ལྔ་ལོན་པ་ལྟ་བུས་སྐྱེ་ཞིང་གནས་པ་དང་འཆི་བར་ཡང་བྱེད་པས་སོ། །རྣམས་སད་ནི་གཉིད་མེད་དེ་རྟག་ཏུ་བླ་ཐབས་སད་པའོ། །ཛྙཱ་ཀྲཱྀ་པྲཱྀ་ཨི་ཀ་ཉེ་ལས་ཀའོ། །བཅུད་ལྡན་ཞེས་པ་ལྷ་དང་ལྷ་མ་ཡིན་རྣམས་ཀྱིས་རྒྱ་མཚོ་བསྲུབས་ཏེ། །ལྷ་མོ་དཔལ་མོ་བྱུང་བ་ཁྱབ་འཇུག་གིས་ཁྱེར། ཟླ་བ་

ཕྱེད་པ་བྱུང་བ་དབང་ཕྱུག་གིས་སྤྱི་བོའི་རྒྱན་དུ་བྱས། དུག་བུམ་པ་གང་བྱུང་བ་དབང་ཕྱུག་གིས་མགྲིན་པར་བཞག་པས་མགྲིན་པ་སྔོན་པོར་སོང་། ཆང་བུམ་པ་གང་བྱུང་བ་དེ་ལྷ་རྣམས་ཀྱིས་ཁྱེར་བས་སུ་ར་སུ་ར་ཞེས་གྲགས་ཏེ་ཆང་ངམ་རྒྱ་མཚོའི་བཅུད་དམ་བདུད་རྩིར་ཡང་རུང་ངོ་། །རྒྱ་མཚོ་བསྲུབས་པ་

Vol. 197 · folio 252b

ལས་བྱུང་བའི་ཆང་འདི་ལ་ཡོད་པས་བཅུད་ལྡན་ཏེ་ཨཪྴ་སོགས་ལས་ཨཙའོ། །དེ་ཡང་ཆང་ཡོངས་སུ་གཟུང་བས་ལྷ་རྣམས་ལ་བཅུད་ལྡན་ཞེས་མངོན་པར་གྲགས་སོ་ཞེས་བཤད་དོ། །ལྷའི་སོར་མོ་ལ་སོགས་པའི་ཚིགས་རྣམས་མཛེས་པས་ན་ཚིགས་བཟང་ངོ་། །ཡང་ན་འདི་རྣམས་ཀྱི་ལུས་

ཤིན་ཏུ་བཟང་བས་སོ། །འདི་རྣམས་ཀྱི་ཡིད་ལ་བསམ་པ་ཙམ་གྱིས་དགོས་འདོད་ཐམས་ཅད་འགྲུབ་པས་ཡིད་བཟང་ངོ་། །སུམ་རྩེན་དབང་ནི་བདེ་འགྲོའི་དབང་པོ་སྟེ་གཙོ་བོ་རྣམས་སོ། །མཐོ་རིས་ཀྱི་སྒྲ་དྻཽ་ཞེས་པ་ནམ་མཁའ་ལ་བརྟེན་པས་ཏེ། པྲྀ་ཥོ་ད་ར་ལ་སོགས་པ་ཉིད་ཀྱི་ཕྱིར་ཨོ་

ཡིག་ནི་ཨཽ་ཉིད་དུ་བྱས་པའོ། །སྐབས་གསུམ་གྱི་ལྷག་མར་ནི་དི་ཝ་ཨཏ་མཐའ་ཅན་དུ་བཤད་དོ། །གཞན་ཡང་མཐོ་རིས་ཀྱི་འཇིག་རྟེན་ལ། ལྷའི་འཇིག་རྟེན་དང་། སྱཱ་ད་བ་རོ་ཧ་དང་། འབྲས་བུ་འབྱུང་བ་དང་། མནྡ་ར་དང་། སཻ་བི་ཀ་དང་། བརྒྱ་བྱིན་གྱི་གནས་དང་། མཁའ་དང་།

གནམ་དང་། ནམ་མཁའ་ཞེས་སོ། །ཨར་དང་ཨུཎ་དང་ཨཏ་མཐའ་རྣམས་ཀྱང་རྟགས་རྗེས་སུ་བསྟན་པར་ཀློག་སྟེ། དེ་བ་ཌིམྦ་ནི་ཀུ་ཏུམྦ་དི་བོ་ལྭ་མྲ་ཞེས་རྟ་དབྱངས་ཀྱིས་ཀྱང་སངས་རྒྱས་ཀྱི་སྤྱོད་པ་རབ་ཏུ་སྦྱོར། མི་མཛེས་པ་མེད་པ་དང་ནོ་བི་ནཱ་པུ་རཾ་མ་རུ་ཏྭཱ་ཏཱ་བྲྀཏྟ་བ་དྷི་ཡ་ཐཱ་དི་ཝཾ་ཞེས་སོ། །

བྲྀ་ཥི་ཏཀྵི་ར་ཛི་བནྡྷི་པྲ་ཏི་དི་བི་ཡུ་རྣམས་ལ་ཀ་ནི་ནའོ་ཞེས་པས་མང་པོ་ཉིད་དང་འབའ་ཞིག་པ་ལས་ཀྱང་དི་བི་ལས་ཀ་ནི་ནའོ། །དེ་ཡིས་དི་བཽ་ཀ་ས་ཞེས་པ་ནི་བྷ་གའི་འགྲེལ་པ་མཛད་པའི་འོ། །དི་བི་ལས་ཨུཏ་ལ་བྱས་པའི་སྒྲ་ཕ་རོལ་ལ་དགག་པ་མེད་པའི་ཕྱིར་ཨུ་ཡིག་ཉིད་ཡཎ་ཏུ་བསྒྱུར་

བས་དི་བཽ་ཀ་ས་ཞེས་པ་ནི་སློབ་དཔོན་བྱམས་པ་སྲུང་བའོ། །མིང་གི་ཕྲེང་བར་ཡང་སྒྲ་ཕ་རོལ་ལ་དགག་པ་མེད་པའི་ཕྱིར་ཡཎ་མཐོ་རིས་སྣང་བྱེད་རབ་ཏུ་སྦྱར་བས་མཐོ་རིས་ལ་ནམ་མཁའ་དང་གནམ་ཞེས་བཤད་པ་མཐོང་ངོ་། །ཨ་དི་ཏི་ནི་མི་སྦྱིན་ཏེ་དྲང་སྲོང་འོད་སྲུངས་ཞེས་བྱ་བའི་ཆུང་

མའོ། །དེ་ལ་ཨེ་ར་ཀིནྟ་ཞེས་པས་དཱི་ཤ་ཨིཏ་ལ་དང་ཨཱས་ཨཱུད་ཅེས་པས་བུ་རྒྱུད་ལ་ཨེདྷ་ཀའོ། །དི་བ་ས་ལས་ཨནྟི་འཇུག་པ་ལས་ཀྭི་པའོ། །སཔྟ་མི་ལས་མང་པོ་ལའོ་ཞེས་པས་འཇིག་གོ། །སུ་ཥ་མ་ལ་སོགས་པ་ཉིད་ཀྱི་ཕྱིར་ཥ་ཉིད་དོ། །འཇིག་པ་ཡང་འདོད་དོ། །འདིའི་

Vol. 197 · folio 253a

མགྲིན་པ་དང་ལག་པ་དང་། རྐང་པ་རྣམས་ལ་བཀྲ་ཤིས་པའི་རི་མོ་ཡོད་པས་ལེགས་བྲིས་སོ། །བསྔགས་པ་ལ་ཨཪྴ་སོགས་ལས་ཨ་ཙའོ། །མི་སྦྱིན་དགའ་ཞེས་པ་དེའི་བུ་རྣམས་སོ། །ཨ་དི་ཏིའི་བུ་ཡིན་པས་ན་ཨ་དི་ཏིའི་བུ་སྟེ། འདིར་ཨ་དི་ཏི་ལ་ཎྱའོ། །

རྀ་ཡིག་ཞེས་བྱ་བ་ལྷ་རྣམས་ཀྱི་དང་པོའི་མའི་མིང་སྟེ་དེ་ལས་བྱུང་བས་རྀ་ཡིག་བུ་ཞེས་སྐབས་གསུམ་གྱི་ལྷག་མ་ལས་འབྱུང་ངོ་། །དེའི་ཕྱིར་བྷ་བནྟི་ལའོ་ཞེས་པ་དང་ཤཾ་ཀུ་ལ་སོགས་པ་རྣམས་སོ་ཞེས་པས་ཀུ་རཏ་དང་ཏ་དབྱི་བ་འང་ངོ་། །གཉིད་མེད་པས་རྨི་ལམ་ཡང་མེད་དོ། །མརྟྱཱ་ནི་

འཆི་བ་སྟེ། མྲྀ། གྲཱྀ། བཱ་ཧ་སི། ཎ་མི། ད་མི། ལླ་སཱི། ཧུརྦི་རྣམས་ལས་ཏནའོ། །སྲུ་ར་སརྣྟ་ཀྵེ་མ་པ་བིཥྛ་ལས་སོ་ཞེས་པས་རང་དོན་ལ་ཡ་ཏའོ། །མི་འཆི་བས་འཆི་མེད་དེ་འཆི་བ་མེད་པའི་ཆོས་ཅན་རྣམས་སོ། །འདིའི་ཟས་བདུད་རྩི་ཡིན་པས་ནི་བདུད་རྩི་ཟས་སོ། །མེ་ལ་སྲེག་བླུགས་

བྱས་པ་ལྷ་རྣམས་ཀྱིས་ཐོབ་པས་ན་བསྲེག་བྱ་ཟ་བའི་དོན་དུ་འདིའི་ཞལ་མེ་ཡིན་པས་ན་མེ་ཞལ་ལོ། །མཆོད་སྦྱིན་ཟས་ཞེས་ཀྱང་བྱའོ། །ཀྲ་ཏུ་ལ་ཟ་བར་བྱེད་པ་ལ་ཀྭི་པའོ། །འདི་རྣམས་ཁྲོས་པའི་དམོད་པའི་མཚན་ཉིད་ཅན་གྱི་ཚིག་ནི་མདའ་སྟེ་མདའི་བྱ་བ་བྱེད་པའི་ཕྱིར་ཚིག་མདའོ། །ལྷ་མ་

ཡིན་རྣམས་འཇོམས་པས་ན་ལྷ་མིན་དགྲའོ། །འདི་རྣམས་ལ་ཚོགས་བཟང་པོ་ཡོད་པས་ན་ཚོགས་བཟང་ངོ་། །དེ་འདིའི་ལྷ་ཞེས་པས་ཚིག་ཕྲད་ལས་དེ་བ་ལས་རང་གི་དོན་ལ་ཏ་ལའོ། །ཏལ་ལ་ཨཱི་ཏ་ཨཱུཏ་ལས་ཀྱང་ངོ་ཞེས་པས་བུད་མེད་ཉིད་དོ། །ལྷ་ཉིད་ཁོ་ན་ལྷ་སྟེ་པྲ་ཛྙཱ་ལ་སོགས་

པ་རྣམས་ལས་ཡང་ནའོ་ཞེས་པས་ཨཎའོ། །རང་གི་དོན་ཅན་གྱི་རང་བཞིན་ལས་རྟགས་རྣམས་ཨཔ་ལ་རྗེས་སུ་མི་འཇུག་ཅེས་པས་སྐྱེས་པ་དང་མ་ནིང་ཉིད་དོ། །ཉི་མ་སྣ་ཚོགས་ཞེས་བྱ་བ་ལ་སོགས་པ་ནི་ཚོགས་པའི་ལྷ་སྟེ་འདུས་པར་གྱུར་པའི་ལྷ་རྣམས་སོ། །དེ་ནི་ལྷ་རྣམས་

འདུས་པའི་བྱེ་བྲག་ཏུ་བཤད་པས་ཚོགས་པའི་ལྷའི་སྒྲར་བརྗོད་དོ་ཞེས་པའི་དོན་ཏོ། །དེ་ལ་ཉི་མ་བཅུ་གཉིས་ཏེ། །སྣ་ཚོགས་ལྷ་རྣམས་བཅུ་རུ་དྲན། །ནོར་ལྷ་བརྒྱད་དུ་ཡང་དག་བཤད། །དེ་བཞིན་དགའ་ལྡན་སུམ་ཅུ་དྲུག །འོད་གསལ་དྲུག་ཅུ་རྩ་བཞི་དང་། །རླུང་ལྷ་ཞེས་བྱ་བཞི་བཅུ་

Vol. 197 · folio 253b

དགུ། །ཕྲེང་བ་ཆེན་པོ་ཞེས་བྱ་བ། །དེ་བཞིན་ཉིས་བརྒྱ་ཉི་ཤུའོ། །གྲུབ་པ་ཞེས་བྱ་བཅུ་གཉིས་བཤད། །དྲག་པོ་རྣམས་ནི་བཅུ་གཅིག་བརྗོད། །འདི་དག་ཚོགས་པའི་ལྷ་རྣམས་སོ། །དེ་ལ་ཉི་མའི་སོ་རང་མིང་རྣམས། །དབང་པོ་བྱེད་༢་པོ་ལམ་༣་པ་དང་། །ཆར་༤་འབབ་སྟོད་༥་བྱེད་སྔོན་༦་མིན་

འཕགས་༧། །མི་༨་གཟུགས་ཁྱབ༩་འཇུག་འོད་ཅན་༡༠་དང་། །ཆུ་༡༡་བདག་བཤེས་༡༢་གཉེན་ཉིད་ཀྱང་ངོ་། །ནོར་༡་དང་སེམས་༢དཔའ་མཆོད་སྦྱིན་དང་། །གསལ་༤་བ་༥་དུས་དང་འདོད་༦་ཁུར་མིག་༧། །སྐྱེས་༨་བུ་རང་གི་ནི་འདི་ལྡ་སྟེ་གཡོན་༩་དང་དངོས་༡༡་པོ་སྟེ། །དེ་རྣམས་སྣ་ཚོགས་ལྷ་རུ་བསྒྲགས། །

ཆུ་༡་དང་བརྟན་པ་༢་ཟླ་བ་དང་། །འཛིན་༤་བྱེད་རླུང་༥་དང་མེ་༦་དང་ནི། །ནམ་༧་ལངས་འོད་བྱེད་ཅེས་བྱ་བ། །བརྒྱད་པོ་ནོར་གྱི་ལྷ་རུ་དྲན། །ཤེད་༡་དང་ཡིད་༢་རྗེས་ཁྱབ་༣་འཇུག་དང་། །ཤེད་༤་བུ་མི་ཡི་བུ་རྣམས་ནི། །དེ་བཞིན་དུ་ནི་དཀའ་༥་ཐུབ་གཏེར། །༦་མུ་ཁྱུད་༧་ངང་པ་ཆོས་༨་དང་གྲགས་༩། །ཉིན་༡༠་མཚན་

མཉམ་༡༡་བྱེད་ལས་༡༢་སྐྱེས་ཏེ། །གྲུབ་པའི་ལྷ་རྣམས་བཅུ་གཉིས་གྲགས། །༡་མ་སྐྱེས་རྐང་གཅིག་འཕེལ་༢་དང་བསྟོད་༣། །དྲག་༤་པོ་དང་ནི་༥་བརྩོན་འགྲུས་ལྡན། །༦་འཕྲོག་བྱེད་དེ་ནས་བདེ་༧་འབྱུང་དང་། །སྤྱན་༨་གསུམ་གཞན་༩་ལས་རྒྱལ་བ་དང་། །༡༠་དབང་ལྡན་དང་ནི་༡༡་ས་གསུམ་པ། །དྲག་པོ་བཅུ་

གཅིག་ཤེས་པར་བྱ། །ལྷག་མ་རྣམས་ནི་ལུང་ལས་ཤེས་པར་བྱ་སྟེ། འདིར་ནི་མངས་པའི་འཇིགས་པས་མ་བརྗོད་དོ། །ཨ་ཤིང་ལ་ཊི་ཀ་ཤི་ཁ་ཊི་བི་ཤ་ལས་ཀྭ་ནའོ། །འདི་ལ་དུག་སྣ་ཚོགས་ཡོད་པས་རྟགས་གཞན་དུ་འགྱུར་བ་མ་ཡིན་པའོ། །ན་ནཱ་ཤུ་ཎྠྱཱཾ་སྐྱེས་པ་སྟེ་ལྷའི་རབ་ཏུ་དབྱེ་བ་

མ་ལུས་པ་ལ་གསུམ་རྣམས་ཞེས་དྲག་པོའོ། །གྲུབ་པ་དང་སྣ་ཚོགས་ལ་ཡང་དྲག་པོ་རྣམས་ཀྱང་ཞེས་པ་ལ་སོགས་པ་སྔོན་གྱི་རབ་ཏུ་སྦྱོར་བ་བསྟན་པའི་ཕྱིར་དང་། རབ་ཏུ་བྱེད་པ་མ་ལུས་པ་འགྲེལ་པར་བྱེད་པའི་ཕྱིར་དང་མིང་གི་གཙོ་བོ་གཞན་མ་ཡིན་པའི་ཕྱིར་སརྦ་ལ་སོགས་པའི་བྱ་བ་རྣམས་

མི་འགོག་གོ་ཞེས་རྟོག་པར་བྱེད་དོ། །བ་ས་གནས་ལའོ། །པ་ཊ་ཨ་སི་བ་སི་ཏྲ་པི། ཧ་ནི། མ་ནི། ཨནྡི། ཀནྡི། བནྡི་རྣམས་ལས་སོ་ཞེས་པས་ཨུའོ། །དགའ་བར་བྱེད་པ་ལ་ཏུཊའོ། །དེ་རྣམས་ལ་བྱེད་པ་ལྡན་པ་ལས་རང་རང་ཡོངས་སུ་སྨོས་པས་ཏུ་ཥྚ་དགའ་བ་ཉིད་ལས་ཞེས་པས་སུབའོ། །

Vol. 197 · folio 254a

བྱིངས་ལས་འགྲོ་བའི་དོན་མེད་པ་དང་ལས་མེད་པ་དང་གཞི་ལ་ཡང་ངོ་ཞེས་པས་ཀྟའོ། །ཤིན་ཏུ་ཕུལ་དུ་བྱུང་ཞིང་མཛེས་པ་ལ་གསལ་བའི་ངང་ཚུལ་གྱི་ཕྱིར་འོད་གསལ་ལོ། །སྠཱ། བྷཱས། ཞེས་པས་ཝ་རའི་རྐྱེན་ཡང་ངོ་། །ཕྲེང་ཆེན་ཞེས་པ་འདི་རྣམས་ཀྱི་གྲལ་བསྒྲིགས་པ་

སྟེ། ཐུན་མོང་བའི་སྒྲུབ་པ་ལས་མིང་ལ་ཡང་ཡཱ་བ་སོགས་རྣམས་ལས་ཀནའོ། །ཕྲེང་ཆེན་ཞེས་པའི་ལྷ་འདི་རྣམས་ལ་རྒྱལ་པོ་ཆེན་པོ་ཞེས་པ་ནི་ལེགས་པའི་ལམ་ལ་བསྔགས་པར་སློབ་དཔོན་དཔའ་བོས་སོ། །བྲཱྀ་ཧྱ་ལས་ཡ་ཏ་དང་ཨི་ནིས་ཀྱང་ངོ་ཞེས་པས་ཋ་ནའོ། །བསྒྲུབ་པར་བྱ་བས་ན་བསྒྲུབ་

བྱ་སྟེ། རྀ་དང་ཧལ་ལས་ཎྱ་ཏའོ། །རིག་པ་ནི་མིག་སྨན་དང་སྔགས་ལ་སོགས་པ་སྟེ། འཛིན་པར་བྱེད་པ་ལ་ཨ་ཙའི་རྐྱེན་ནོ། །རིག་པ་འཛིན་པ་ནི་མེ་ཏོག་སོ་ཅན་ལ་སོགས་པ་རྣམས་སོ། །འདི་གནས་གཞན་དུ་མ་བཤད་པས་ན་རྟགས་ཀྱི་དབྱེ་བ་བཤད་པའི་ཕྱིར་དུ་ཟླས་དབྱེར་གསལ་ལོ། །

རྣམ་གྲངས་ནི་ར་བྷ་སའི་མཛོད་ལས། རིག་འཛིན་འདོད་པའི་གཟུགས་ཅན་དང་། །མཁའ་སྤྱོད་བདེན་དང་ལང་ཚོ་ཅན། །ཞེས་སོ། །ཆུ་སྐྱེས་ནི་ལྷའི་བཙུན་མོ་སྟེ་ལྷའི་སྨད་འཚོང་ཨུརྦ་ཤི་ལ་སོགས་པའོ། །ཡཀྵ་མཆོད་པ་ལའོ་ཞེས་པ་ཙུ་ར་ལ་སོགས་པའི་ལྷག་མ་ལ་མཆོད་པ་བྱེད་དོ་

ཞེས་པས་ཨ་ཙ་རྐྱེན་ནོ། །ཡཀྵ་གནོད་སྦྱིན་ཏེ་ལུས་ངན་ལ་སོགས་པ་རྣམས་སོ། །སྲིན་པོ་ནི་འཇིགས་སུ་རུང་བ་ལ་སོགས་པ་རྣམས་སོ། །དྲི་ཟ་ནི་ལྷའི་གླུ་མཁན་ཏེ་སྒྲ་ངན་སྤངས་དང་དབྱངས་འདེམ་ལ་སོགས་པའོ། །མི་འམ་ཅི་ནི་མིའི་ལུས་པོ་ལ་རྟའི་གདོང་པ་ཅན་ལ་སོགས་པ་གླུ་

དབྱངས་ཀྱི་རྩེ་བའོ། །ཤ་ཟ་ནི་སེམས་ཅན་གྱི་བྱེ་བྲག་ཤ་རྗེན་ཟ་བ་ལུས་ངན་པོའི་རྗེས་སུ་སྤྱོད་པ་རྣམས་སོ། །པྲྀ་ཥོ་ད་ར་ལ་སོགས་པ་ཉིད་ཀྱི་ཕྱིར་པི་ཤི་ཏ་ནི་པི་རུ་བསྒྱུར་ཞིང་། ཨཱ་ཤ་ཡང་ཤཱ་ཙ་རུ་བསྒྱུར་བ་པི་ཤཱ་ཙའོ། །ཤ་ཀུ་ནི། ཤ་ཀུནྟི། པི་ཤཱ་ཙ། པི་ཤཾ་གཱ། ཤ་པ་ཐ། ནི་ཤཱ་ཐ།

ཀྲྀ་ཤ །ཨ་ནུ་ཀི་ཤོ་ར་རྣམས་སོ་ཞེས་དྲོ་བའི་དབྱེའོ། །གཏེར་རྣམས་འཛིན་པར་བྱེད་པས་ན། ཀྲྀ་བྲྀ་ཥི། མྲྀ་ཛི། ཤཾ་སི། དུ་ཧི། གུ་ཧ་ལས་ཞེས་པས་ཀྱང་སའི་རྐྱེན་ནོ། །མིང་ལ་ཡཱ་བ་སོགས་ལས་ཀ་ནའོ། །ཡང་ན་གསང་བར་བྱེད་པས་ན་ཌ་ཞེས་པས་ཌའི་རྐྱེན་ནོ། །གུ་ཧྱ་ཀ་

Vol. 197 · folio 254b

གསང་བ་པ་རྣམས་ཏེ་ནོར་བུ་བཟང་པོ་ལ་སོགས་པ་ལུས་ངན་པོའི་རྗེས་སུ་སྤྱོད་པ་རྣམས་སོ། །གྲུབ་པ་ནི་ཆུང་ངུ་ལ་སོགས་པའི་ཡོན་ཏན་དང་ལྡན་པའོ། །འབྱུང་པོ་ནི་འགའ་ཞིག་སྐད་ཆེན་པོས་སྨྲ་བར་བྱེད་པ་ཤ་ཟའི་བྱེ་བྲག་སྟེ། ཁ་འོག་ཏུ་ལྟ་བ་དང་སྟེང་དུ་ལྟ་བ་ལ་སོགས་པ་རྣམས་

སོ། །བྷཱུ་ཏ་ལ་སྦྱོར་བ་ལས་ཨཪྴ་སོགས་ལ་ཨཙ་རྐྱེན་ནོ། །དེ་རྣམས་ལ་ལྷ་ལས་བྱུང་བའི་སྒྲ་བརྗོད་པར་བྱ་སྟེ། དེ་རྣམས་ཉིད་དང་པོ་ལྷ་རྣམས་ཀྱི་རྒྱུར་བྱས་པ་ལས་བྱུང་བའི་ཕྱིར་རོ། །ཡང་ན་ལྷ་རྣམས་བཞིན་དུ་མའི་སྐྱེ་གནས་ལས་མ་བྱུང་བས་ན་ལྷའི་སྐྱེ་གནས་ཅན་ཞེས་པའོ། །

ཚིགས་སུ་བཅད་པ་གཅིག་གིས་ལྷ་མ་ཡིན་གྱི་མིང་སྟེ། །རྒྱ་མཚོ་བསྲུབས་པ་ལས་བྱུང་བའི་བཅུད་ལྷ་རྣམས་ཀྱིས་བདག་ཏུ་བྱས་ཏེ། །ལྷ་མ་ཡིན་རྣམས་ཀྱིས་མ་ཐོབ་པས་ཨ་སུ་ར་ཞེས་བྱ་སྟེ། བཅུད་མི་ལྡན་པ་ཞེས་པའོ། །དོ་ཀུན་ཏུ་འགེམས་པ་ལའོ། །མིང་ལཀྟི་ཡང་ངོ་། །དོ། སོ། མཱ།

སྠཱ་རྣམས་ཀྱི་ཏི་ལ་ཨ་ཏིའོ་ཞེས་སོ། །ཕ་དྲང་སྲོང་འགྲོ་སྐྱོང་གསེར་ཅན་ལ་སོགས་པ་དང་། མ་སྦྱིན་བྱེད་མའི་བུ་ཡིན་པས་ན་སྦྱིན་སྐྱེས་སོ། །དི་ཏྱ་ལ་དི་ཏྱ་ལས་ཞེས་པས་འདིས་ཎྱཱི་རྐྱེན་ནོ། །ཚིག་ལས་ནི་ཨེ་ར་ཀིནྟ་ཞེས་པ་དང་དཱི་ཥ་ཨཱུཏ་ཨཱ་ས་ཞེས་སོགས་ཀྱིས་དྷ་ཀ་རྐྱེན་ནོ། །གཞུ་སྐྱེས་ནི་

གཞུ་ཞེས་བྱ་བའི་མ་ལས་སྐྱེས་པ་ལྷ་མ་ཡིན་བདེ་མཆོག་ལ་སོགས་པའོ། །སྔོན་དྲང་སྲོང་གསལ་བ་ཞེས་བྱ་བ་ལ་མི་སྦྱིན་དང་སྦྱིན་མ་དང་ད་ནུ་ཞེས་བྱ་བ་ལ་སོགས་པ་བུ་མོ་བཅུ་གསུམ་ཡོད་པ་ལས་དི་ཏི་སྟེ། སྦྱིན་མ་ཞེས་བྱ་བ་ནི་ལྷ་མ་ཡིན་རྣམས་ཀྱི་དང་པོའི་མའོ། །སྦྱིན་སྐྱེས་དང་སྦྱིན་བྱུང་ཞེས་པ་

ལ་སོགས་པའི་ལྷ་མ་ཡིན་གྱི་མིང་གི་དབྱེ་བ་ནི་མའི་མིང་ལས་དྲངས་པའི་ཁྱད་པར་ཏེ། མཚུངས་པའི་ངང་ཚུལ་གྱི་ཕྱིར་དང་ལྷན་ཅིག་སྤྱོད་པའི་ཕྱིར་ཐ་སྙད་གཅིག་པ་ཉིད་དུ་བསྟན་པ་ལས་དབྱེ་བ་མེད་པར་འབྲེལ་ལོ། །དེ་བཞིན་དུ་སྒྲོལ་བ་པོས་བཤད་པའི་སྦྱིན་བྱུང་དང་སྦྱིན་སྐྱེས་རབ་ཏུ་སྦྱར་བ་དེ་ཡང་སྦྱིན་

སྐྱེས་ཐོབ་པ་ལ་དཔལ་ཞེས་དྲངས་པ་ཉིད་འོས་པར་ཟད་དོ། །སྦྱིན་སྐྱེས་དང་སྦྱིན་བྱུང་ནི་དཔེར་ན། གསེར་ཅན་གྱིས་བཤད་པ། དཱ་ན་བ་མི་བ་དཱཾ་ཥྚ་བི་བྷིནྣ་བཀྵཿསྠ་ལམ་ཞེས་སོ། །དོན་དམ་པའི་དབྱེ་བ་ལ་བརྟེན་ནས་ནི་ཐུབ་པ་དང་མི་དག་བཞིན་སྦྱིན་སྐྱེས་དང་སྦྱིན་བྱུང་ངོ་ཞེས་པ་མཱ་གྷ་བཞེད་དོ། །

Vol. 197 · folio 255a

དབང་པོའི་དགྲ་ཞེས་ཀྱང་བྱའོ། །བ་སངས་སློབ་མ་ནི་ལྷ་མ་ཡིན་རྣམས་གཟའ་པ་བ་སངས་ཀྱི་སློབ་མའོ། །སྔོན་གྱི་ལྷ་ཞེས་པ་ཁྱད་པར་གྱི་བསྡུ་བ་སྟེ། སྔོན་ལྷའི་གནས་ལྷ་མ་ཡིན་གྱི་ཡིན་པ་ལ་དེ་ལྷ་རྣམས་ཀྱིས་ཕྲོགས་ནས་ལྷ་མ་ཡིན་རྣམས་རི་རབ་ཀྱི་རྒང་ན་

མར་བསྐྲད་དོ་ཞེས་གྲག་གོ། །ལྷ་ལ་སྨོད་ནི་ལྷ་རྣམས་ལ་མངོན་པར་མི་དགའ་བར་བྱེད་པ་སྟེ། དྭི་ཥ་ལ་ཀྭི་པའོ། །ཚིག་མཐའ་ལས་མིང་མ་ཡིན་པ་ལ་ཊ་མ་ཡིན་ཞེས་པས་ཏྲ་སྡེ་ཕ་རོལ་གྱི་བདུན་པའི་མང་པོའི་ཚིག་གི་ཥྚུ་ཉིད་ནི་སློབ་དཔོན་པཱ་ཎི་ནིས་བཀག་གོ། །སུ་ལ་སོགས་པ་རྣམས་སརྦ་

ནཱ་མའི་གནས་ལ་མ་ཡིན་པས་རང་བཞིན་གྱིས་དེ་རྣམས་ཚིག་གི་མིང་ཅན་ནོ། །སུ་ར་བིཊྶུ། སྭཱ་རཱ་ཊུ། ས་མྲཱཊྶུ། ཥ་ཊྶུ། ཞེས་པ་ལ་སོགས་པ་ལ་ནི། སློབ་དཔོན་ཙནྡྲ་གོ་མིས། ཊ་མ་ཡིན་པ་ལ་ཡང་། ན་བ་ཏི། ན་ག་ར། དག་གི་དང་པོའི་འོ་ཞེས་ཚིག་དང་པོའི་ཥྚུ་ཉིད་དགག་པ་བྱས་པས་

ན་སུ་པ་ཀྱི་པ་ཡིག་ཥྚུ་ཉིད་མི་ཐོབ་ན། ཅིའི་ཕྱིར་ཨེའི་དབྱིངས་ཀྱི་ཚོགས་ཉིད་ཨ་ཏ་མཐའི་ས་ཡིག་ཏུ་བསྒྱུར་བས་གནོད། ཋའི་རྐྱེན་ནི་བྷཱ་ཥའི་རྒྱ་ཆེར་འགྲེལ་པ་དང་། བྱམས་པ་སྲུང་བས་ཀྱང་པྲྀ་ཥོ་ད་ར་ལ་སོགས་པར་ཥཌྜྷ་ཥཌྜྷ་ཞེས་རྣམ་པར་བརྟགས་ཏེ་ཥྚུ་ཉིད་དཔེར་བརྗོད་དོ། །ཡང་

འདིར་སྨྲས་པ། ཥྚུ་ཉིད་སྒྲུབ་པ་ལ་རིགས་ལ་བརྟེན་པ་ལས་སུ་པ་ཀྱི་པ་ཡིག་དེའི་ངོ་བོར་མེད་དེ། དཔེར་ན་སྤྲིན་གྱི་ཕོ་ཉར། ཏྲ་ཀྵུ་སི་བྷཱ་ཏྲི་ཛ་ཡཾ་ཞེས་པ་དང་། རྀཏ་ལས་བིད་ལ་ཞེས་པ་ལ་སོགས་པར་ཥ་ཥྛིའི་འཇིགས་པ་མེད་དོ། །དེ་ལྟར་ཡང་ལྔ་པ་ཕ་རོལ་གྱིའོ་ཞེས་པ་འདིར་རཏྣ་མ་

ཏིས་སོ། །རིགས་ཀྱིས་ནི་འདོད་པ་ན་སྤྱོད་པའི་ཡུལ་ཇི་སྲིད་པ་ཡོངས་སུ་རྫོགས་པ་དེ་སྲིད་དུ་འདོད་དོ་ཞེས་སོ། །བྷ་བ་ཏཱི་སུ་ཏ་ལ་སོགས་པ་ཙམ་སྨོས་པ་ནི་འབྲས་བུ་མེད་དོ། །འགྲེལ་པར་སྨོས་པ་ནི་རྐྱེན་ལ་ཡང་ཇི་ལྟ་བ་བཞིན་འགྱུར་རོ། །ཨེ་ཀ་ཀཱ་མྱ་ཏི། སརྦ་ཀཱ་མྱ་ཏི་ཙམ་སྨོས་པ་ནི་

དགག་པའི་ཡུལ་ལ་ཡང་ཇི་ལྟ་བ་བཞིན་འགྱུར་རོ། །འདིའི་ཐམས་ཅད་དགག་པ་ནི་དགའ་བ་ཐམས་ཅད་པ་སྟེ། ཐམས་ཅད་ཀྱི་ཡིད་དུ་འོང་བ་ཞེས་པའོ། །མ་ཏཱནྟ་རཾ་ཡང་དཔེར་ན། བ་ཀུ་ལའི་སྡེབ་སྦྱོར་ལའོ་ཞེས་པའི་འདིར་ཚིགས་སུ་བཅད་པའི་རྣམ་གྲངས་ཀྱི་སྡེབ་སྦྱོར་གྱི་སྒྲ་ཉེ་བར་

Vol. 197 · folio 255b

བླངས་པས་ན་དེར་ཡང་ཇི་ལྟར་བསྟན་པའི་སྒྲུབ་པ་ཐམས་ཅད་རྣམ་པར་བརྟགས་པའི་ཕྱིར་འདི་དག་རྒྱལ་པོ་ལ་སོགས་པ་བཞིན་རབ་ཏུ་སྦྱར་རོ་ཞེས་སོ། །ཐམས་ཅད་མཁྱེན་པ་ཞེས་པ་ནས་ཐུབ་པའི་མཐར་ཐུག་པ་ཐམས་ཅད་ནི་སངས་རྒྱས་ཀྱི་མཚན་ནོ། །སརྦཾ་ཛཱ་ན་ཏི་ལས་པྲ་ལ་སོགས་པ་

མེད་པ་ལས་ཀའོ། །སརྦ་ཛྙཱ། ཀུན་མཁྱེན་ནོ། །འདིའི་ཡེ་ཤེས་ཀྱིས་ལེགས་པར་རྟོགས་པའམ། ཡང་ན་འཁོར་བར་སླར་མི་ལྡོག་པར་ལེགས་པར་གཤེགས་སོ། །ཡང་ན་མཆོག་ཏུ་བདེ་བའི་བདག་ཉིད་གྲུབ་པར་གཤེགས་པས་ན་བདེ་གཤེགས་སོ། །

དེ་སྐད་དུ་ཡང་། ལེགས་པའི་ལམ་ལ་བསྔགས་པར། ཐུགས་ཀྱིས་ཕན་དང་བདེ་བ་མཆོག་བརྙེས་པས། །བརྩེ་ཆེན་ཡེ་ཤེས་རྣམ་པར་དག་དང་ལྡན། །རྨད་བྱུང་གྲོང་དུ་རིམ་དང་རིམ་མིན་གྱིས། །ཇི་བཞིན་གཤེགས་པ་དེ་ནི་བདེ་གཤེགས་བརྗོད། །ཅེས་སོ། །སངས་རྒྱས་

ཐམས་ཅད་དང་ལྡན་པས་སངས་རྒྱས་ཏེ། དེ་སྐད་དུ་ཡང་མདོ་སྡེའི་མན་ངག་གི་རྒྱན་དུ། གཡོ་དང་མི་གཡོ་ཟད་དང་མ་ཟད་མཐའ་དག་གི །འདས་ལ་ཉེ་བར་རྟོགས་པ་མངོན་པར་མི་ལྡན་པ། །གང་ཡིན་འདི་དེ་རྣམ་རྟོག་བྱང་ཆུབ་རྩ་བ་སྟེ། །དེ་ཕྱིར་བློ་ཆེན་བཅོམ་ལྡན་འདས་ཏེ་སངས་

རྒྱས་སོ། །ཞེས་སོ། །མང་པོ་ལས། ལས་དང་བཅས་པ་ལས་ཀྱང་དེ་འགྲོ་བའི་དོན་དང་ལས་མེད་པ་དང་གཞི་ལ་ཡང་ངོ་ཞེས་པས་ཀྟའོ། །ཆོས་ཀྱི་རྒྱལ་པོ་ནི་ཆོས་ཀྱི་འཁོར་ལོ་རབ་ཏུ་བསྐོར་བའི་ཆོས་ཀྱི་རྒྱལ་པོའོ། །ས་ཁི་ཨ་ཧ་ས་རཱ་ཛ་ན་རྣམས་ཞེས་པས་ཊ་ཙ་རྐྱེན་ནོ། །ཨུ་ཎ་

སོགས་རྣམས་ལ་མ་ཡིན་ནོ་ཞེས་པས་ཨནྟིའི་ཨཙ་ལ་སོགས་པ་དབྱིའོ། །ཐུབ་པ་རྣམས་ཇི་ལྟར་བྱོན་པ་དེ་བཞིན་དུ་ཞི་བར་གཤེགས་པས་ན་དེ་བཞིན་གཤེགས་པ་སྟེ་དེའི་ཕྱིར་དེ་བཞིན་གཤེགས་པའོ། །ཡང་ན་ཡང་དང་ཡང་དུ་སྲིད་པར་བྱོན་པ་དེ་ལྟར་རབ་ཏུ་ཞི་བར་གཤེགས་པས་ན།

དེ་བཞིན་གཤེགས་པའོ། །ཡང་ན་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་ལ་སོགས་པའི་ཡོན་ཏན་རྣམས་ཀྱིས་འཇིག་རྟེན་ལ་ཕན་པའི་རྣམ་པ་དེ་དག་གིས་གཤེགས་པས་ན་དེ་བཞིན་གཤེགས་པའོ། །ཇི་ལྟ་ཇི་ལྟར་གང་དང་གང་ལ་ཕན་པའི་རྣམ་པ་དེ་ལྟ་དེ་

Vol. 197 · folio 256a

ལྟར་དེར་གཤེགས་པའི་བརྩེ་བ་ལྡན་པ་དེ་ནི་དེ་བཞིན་གཤེགས་པ་སྟེ། སྦྱིན་པ་ལ་སོགས་པའི་ཡོན་ཏན་དང་ལྡན་ཞིང་འདོད་པའི་སྐྱོན་ལས་ཐུགས་རྣམ་པར་གྲོལ་བའོ། །བརྗོད་པ་གཉིས་བཞིན་སུ་པ་དང་སུ་པ་དོན་གཅིག་ཅེས་པའི་བསྡུ་བའོ། །ཀུན་ཏུ་བཟང་པོ་

ཞེས་པ་ལ་ཀུན་དུ་ནི་བསོད་ནམས་ཚོགས་དང་ཡེ་ཤེས་ཀྱི་ཚོགས་སོ། །བཟང་པོ་ནི་གཙོ་བོའོ། །བཅོམ་ལྡན་འདས་ཞེས་པ་ལ། ཆེ་བའི་བདག་ཉིད་ཡང་དག་པའི་མཆོག་ནི་བཅོམ་ལྡན་ཏེ། དེ་སྐད་དུ། ཡོན་ཏན་མཚུངས་མེད་མ་ལུས་ཡང་དག་ལྡན། །མ་ལུས་ཉེས་པ་དང་བྲལ་བླ་

མ་ནི། །གང་ཕྱིར་ཆེ་བདག་མཆོག་གིས་རྣམ་བརྒྱན་པ། །དེ་ཕྱིར་འདི་ནི་བཅོམ་ལྡན་འདས་ཞེས་བསྒྲགས། །ཞེས་སོ། །བརྩོན་འགྲུས་ལ་སོགས་པ་ཡང་བཅོམ་ལྡན་ཏེ། དེ་སྐད་དུ་རྣམ་བཤད་རིགས་པར། །དབང་ཕྱུག་དང་ནི་གཟུགས་བཟང་དང་། །དཔལ་དང་གྲགས་

དང་ཡེ་ཤེས་དང་། །བརྩོན་འགྲུས་ཕུན་སུམ་ཚོགས་པ་སྟེ། །དྲུག་པོ་རྣམས་ལ་སྐལ་ཞེས་བྱ། །དེ་དག་དང་ལྡན་པས་ཀྱང་བཅོམ་ལྡན་འདས་སོ། །ཉོན་མོངས་པ་ལ་སོགས་པའི་བདུད་དང་འདོད་པའི་ཁམས་ཀྱི་བདག་པོ་བདུད་ཡིད་སྲུབ་འདུལ་བས་ན་བདུད་འདུལ་ཏེ། ཛི་ལ་ཀྭི་པའོ། །

འཇིག་རྟེན་ནི་འདོད་པ་དང་གཟུགས་དང་གཟུགས་མེད་པའི་རང་བཞིན་ཏེ་འཇིག་རྟེན་དུ་རབ་ཏུ་གྲགས་སོ། །ཡང་ན་མཐོ་རིས་ལ་སོགས་པའི་རང་བཞིན་རྣམས་སོ། །ཕུལ་དུ་བྱུང་བར་འདུལ་བར་བྱེད་པས་ཛི་ལ་ཀྭི་པ་རྐྱེན་ནོ། །བདུད་འདུལ་བས་ན་རྒྱལ་བའོ། །རཱ་སྣ་ལ་སོགས་པ་

རྣམས་སོ་ཞེས་པས་ཛི་ལ་ན་ཀ་རྐྱེན་དུའོ། །ལྷའི་སྤྱན་དང་། ལྷའི་སྙན་དང་། ཕ་རོལ་གྱི་སེམས་མཁྱེན་པ་དང་། སྔོན་གྱི་གནས་རྗེས་སུ་དྲན་པ་དང་། ཟག་པ་ཟད་པ་མཁྱེན་པ་དང་། ནམ་མཁའ་ལ་འགྲོ་འོང་མཛད་པའི་སྐུའི་བཀོད་པ་ལ་སོགས་པའི་མཚན་ཉིད་ཀྱི་རྫུ་འཕྲུལ་རྣམས་

ནི་མངོན་ཤེས་དྲུག་གོ། །འདིའི་སྟོབས་བཅུ་རྣམས་ནི་གནས་དང་གནས་མ་ཡིན་པ་མཁྱེན་པ་ལ་སོགས་པ་སྟེ་ལུང་ལས་ཤེས་པར་བྱའོ། །འདིར་ནི་མངས་པའི་འཇིགས་པས་རྒྱས་པར་མ་བྱས་སོ། །གཉིས་མ་ཡིན་པ་ནི་གཉིས་མེད་དེ། དེ་ཁོ་ན་ཉིད་གསུང་བའི་ངང་ཚུལ་འདི་ལ་མངའ་

Vol. 197 · folio 256b

བས་གཉིས་མེད་གསུང་བའོ། །རིགས་མ་ཡིན་པ་ལས་ངང་ཚུལ་དང་ཡང་ཡང་དག་ལའོ་ཞེས་པས་བ་ད་ལ་ཎི་ནིའོ། །སེམས་ཅན་རྣམས་འདུལ་བར་མཛད་ཅིང་ཕན་པ་རྗེས་སུ་སྟོན་པར་མཛད་པས་རྣམ་འདྲེན་ཏེ། ཎཱི་ལ། ཎཱུ་ལའོ། །ཐུབ་པ་རྣམས་ཀྱི་རྒྱལ་པོར་གྱུར་པས་ན་ཐུབ་དབང་ངོ་། །

དཔལ་གྱིས་གང་བས་ན་དཔལ་སྟུག་སྟེ། ཀྵུ་བྷྣཱ་སྭཱ་ཧཱ་ལས་ཚིག་སྔ་མ་ལས་མིང་ལའོ་ཞེས་པས་ནཎ་ཉིད་དོ། །དེ་ཡང་། དཔེ་བྱད་བརྒྱད་ཅུའི་རིན་པོ་ཆེ་ཡིས་བཀྲ། །སུམ་ཅུ་རྩ་གཉིས་མཚན་བི་ནཱ་ཡ་གྱིས་མཚན་པ་གང་། །དེ་ནི་ཚངས་མིན་ལྷ་བདག་རྣམས་ཀྱི་མིན། །དེ་བཞིན་གཤེགས་

པ་རྣམས་ཀྱི་དཔལ་གྱི་སྐུ། །ཞེས་བཤད་དོ། །སྟུག་པོ་ནི་ཚོགས་པ་སྟེ་དེས་བྱས་པའི་ཕྱིར་བྱེད་པ་པོའི་བསྡུ་བའོ། །སེམས་ཅན་རྣམས་ལ་སྟོན་ཅིང་འདུལ་བར་བྱེད་པས་ན་བྱེད་པ་པོ་ལ་ཞེས་པས་ཏྲི་ཙའོ། །དེ་བཞིན་དུ་ཀྟི་ཏི་ཤི་ལ་ཞེས་པ་འདིར་ཤཱསྟཱ་ཞེས་དཔེར་བརྗོད་སོ་སོར་བྱས་པས་

འདི་ཉིད་ལ་ཡང་ན་ཏྲྀ་ཙ་བཤད་ཅེས་རཏྣ་མ་ཏིའོ། །དེ་ཉིད་ཀྱི་ཕྱིར་ཨཱ་པ་ཏྲི་སོགས་ཉིད་ལས་རིང་པོ་ཉིད་དོ། །ཤཱསྟཱ་རཽ། ཤསྟཱ་རཾ། དེ་ནི་རིགས་ཁོ་ན་ངེས་པ་ལ་འཇུག་སྟེ། དཔེར་ན་བྲམ་ཟེ་ཀཽཎྜི་ནྱ་ཉིད་ཟས་ཟ་བས་བྲམ་ཟེ་ཟས་ཟ་བ་མི་འགོག་པར་རྒྱལ་རིགས་ལ་སོགས་པ་ཟ་བ་འགོག་པ་

བཞིན་ནོ། །དེ་ཁོ་ན་རྒྱུད་རབ་ཏུ་གསལ་བར་སློབ་དཔོན་སྲུང་བས་བཤད་དོ། །བྱེ་བྲག་ཏུ་བཤད་པའི་ཕྱོགས་ལ་ཚིག་འདི་དག་ན་སྟཱ་སོགས་སྨོས་པ་ཚིག་ངེས་པའི་དོན་དུ་བཤད་པ་དེས་མིང་གི་སྒྲ་ཉིད་ལས་གཞན་མ་ཡིན་པ་ལ་འཇུག་གོ་ཞེས་སོ། །སྔོན་གྱི་དྲང་སྲོང་ལས་སོ་ཞེས་པའི་ཤེས་བྱེད་

ལས་ལུང་ལས་བསྟན་པ་རྣམས་ལ་ཞེས་པའི་དོན་ལ་ཞེས་པས་བོད་རྐྱེན་ནོ། །རྣམ་པ་ཐམས་ཅད་དུ་ཆོས་ཐམས་ཅད་མཁྱེན་ཚིའོ་པའམ་ཡང་ན་ཐུབ་པ་བཞིན་དུ་ཆོས་མི་གསུང་བས་ཐུབ་པའོ། །མ་ནི་ལས་ཨུཏ་ཀྱང་ངོ་ཞེས་པས་ཨིའི་རྐྱེན་དང་ཨཏའི་ཨུཏ་ཉིད་ཀྱང་ངོ་། །སངས་རྒྱས་

ཀྱི་ཡོན་ཏན་དཔག་ཏུ་མེད་པ་རྣམས་ནི་ལུང་ལས་ཤེས་པར་བྱ་སྟེ། འདི་རྣམས་སངས་རྒྱས་སྤྱི་ཙམ་གྱི་རྣམ་གྲངས་སོ། །ཚིགས་སུ་བཅད་པ་གཅིག་གིས་རྫོགས་པའི་སངས་རྒྱས་ཤཱཀྱ་ཐུབ་པའི་མཚན་ནོ། །ཤཱཀྱའི་རིགས་སུ་འཁྲུངས་པའི་ཕྱིར་ན་སངས་རྒྱས་ཤཱཀྱ་ཐུབ་པ་ཞེས་བྱ་བ་ལ་སོགས་

Vol. 197 · folio 257a

པ་སྟེ། བུ་རམ་ཤིང་པའི་རིགས་ལས་བྱུང་བའི་རྒྱལ་པོ་ཀེ་ཙ་ན་ཞེས་བྱའི་བུ་ཕས་ནགས་སུ་བསྐྲད་དེ། ནགས་དེ་ན་ཐུབ་པ་སེར་སྐྱ་ཞེས་བྱ་བ་ལ་བརྟེན་ནས་ཤིང་ཤཱཀ་ཞེས་བྱ་བའི་དྲུང་དུ་གནས་བཅས་ཏེ་སེར་སྐྱའི་སློབ་མར་གྱུར་ཏེ་རིག་པ་དང་ལྡན་ནོ། །དེས་ན་ཤཱཀྱ་སྟེ། དི་ཀ་

སོགས་ཉིད་ལས་ཡཏའོ། །དེ་ཡང་མཛེས་ཤིང་དགའ་བའི་སྤྱོད་པའི་སྙན་དངགས་ལས། ཤཱ་ཀའི་ཤིང་གིས་ཁེབས་པ་ཡི། །གནས་སུ་གང་ཕྱིར་འཆག་བྱེད་པ། །དེ་ཕྱིར་བུ་རམ་ཤིང་རིགས་ལས། །བྱུང་སྟེ་ཤཱཀྱ་ཞེས་སུ་བཤད། །ཅེས་གསུངས་སོ། །ཤཱཀྱའི་རིགས་ལས་

འཁྲུངས་པས་ཤཱཀྱ་ཡང་འདི་ཡིན་ལ་ཐུབ་པ་ཡང་ཡིན་པས་ཤཱཀྱ་ཐུབ་པ་སྟེ། ཁྱད་པར་གྱི་བསྡུ་བའོ། །ཤཱཀྱ་སེང་གེ་ནི་ཤཱཀྱའི་གཙོ་བོའོ། །འདི་འཁྲུངས་མ་ཐག་ཏུ་རིན་པོ་ཆེའི་གཏེར་དག་བྱུང་ཞིང་དོན་ཐམས་ཅད་གྲུབ་པས་དོན་གྲུབ་ཅེས་མཚན་དུ་བྱས་པའོ། །འདིའི་དོན་གཞན་

དང་ཁྱད་པར་དང་ཁྱད་པར་ཅན་གྱི་ལམ་དུ་འདོད་པ་ལས་ཨགྣི་ལ་བྱས་པ་ལ་སོགས་པ་བཞིན་དུ་མཐའི་ལྷག་མ་ཉིད་ཅེས་པས་གྲུབ་པའི་སྒྲ་ནི་སྔ་མའི་ཚིག་ཕྲད་མ་ཡིན་ནོ། །ཟས་གཙང་ནི་རིག་པ་བཞིན་དུ་ཟ་བར་བྱེད་པས་ཟས་གཙང་ཞེས་གཙུག་ལག་ལས་མངོན་པར་བརྗོད་དོ། །འདིའི་ཟས་

གཙང་བས་ན། ཤ་ཀནྡྷཱུ་ལ་སོགས་པ་ཉིད་ཀྱི་ཕྱིར་གཞན་གྱི་གཟུགས་ཉིད་དང་། དེའི་བུ་རྒྱུད་ལ་ཨཏ་ལས་ཨིཉའོ། །གཽ་ཏ་མ་ནི་ཐུབ་པ་སེར་སྐྱའི་རིགས་སུ་སྐྱེས་པའོ། །དེའི་སློབ་མ་ནི་ཤཱཀྱ་གཽ་ཏ་མ་སྟེ་བཅོམ་ལྡན་འདས་ཀྱང་དེའི་རིགས་ལས་འཁྲུངས་པས་ན་གཽ་ཏ་མ་སྟེ། དེའི་བདག་པོ་ལ་ཞེས་

པས་ཨཎ་རྐྱེན་ནོ། །གོ་ཏྲ་ནི་རིགས་ལ་ཨུཏྟ་མ་ནི་མཆོག་གོ། །དེས་ན་བླ་མའི་རིགས་དང་ལྡན་པ་ཞེས་ཀྱང་བྱ་སྟེ། དེ་ཡང་མཛེས་དགའི་སྤྱོད་པ་ལས། །དེ་ནི་བླ་མ་ཀཽཏྶའི་རིགས། །དེ་ལས་བྱུང་བ་གཽ་ཏ་མ། །ཞེས་བཤད་དོ། །ཇི་སྐད་དུ། ཟས་སྟེར་འཇིགས་པ་སྐྱོབ་པ་དང་། །གང་ཡིན་རིག་པ་

སྦྱིན་བྱེད་དང་། །སྐྱེད་པར་བྱེད་དང་བག་སྟེར་པ། །ལྔ་པོ་དེ་རྣམས་པ་ཞེས་བྱ། །ཞེས་དྲན་པའི་གཞུང་ལ་བརྟེན་ནས་སོ། །བུ་རྒྱུད་ཀྱི་རྐྱེན་འཆད་པར་འདོད་པ་ལ་རྀ་ཥི། ཀུ་རུ། བྲྀཥྞི། ཨནྡྷ་ཀ་ལས་ཨཎའོ། །དེའི་ཚེ་ཨ་ཏྲི་རྒྱུན་ཤེས་དང་བྷྲྀ་གུ་ངན་སྤོང་ལ་སོགས་པ་མང་པོ་ལ་བུད་མེད་མིན་པ་ལ་འཇིགས་

Vol. 197 · folio 257b

པས་གཽ་ཏ་མའོ། །ཇི་ལྟར་བྷ་ར་ཏའི་སློབ་མ་རྣམས་ཀྱི་བུ་རྒྱུད་འཆད་པར་འདོད་པ་ལ། ཨུཏྤ་སོགས་ལ་ཨ་ཉ་དང་ཡཉ་དང་ཨིཉ་རྣམས་མང་པོ་རྣམས་ལ་བུད་མེད་མིན་པ་ལ་ཞེས་པས་འཇིགས་པས་ཞེས་སོ། །ཛ་ན་སྐྱེ་བ་དང་ཏ་ནོ་ཏི་དང་ཀ་རོ་ཏི་ལ་བི་ཙའོ། །ཛ་ནི་ཏ། ཏྲི་ཙ་ལས་ཨུཎ་ལ་ཨིཊ་དབྱི་བ་

མེད་པས་ཛ་ན་ཡི་ཏཱ་ཞེས་པར་འགྱུར་རོ། །ཉི་མའི་གཉེན་དང་ལྷ་མོ་སྒྱུ་འཕྲུལ་སྲས་རྣམས་ཏེ་རྒྱས་པར་ལུང་ལས་ཤེས་པར་བྱའོ། །ཚིགས་སུ་བཅད་པ་གཉིས་ཀྱིས་ཚངས་པ་སྟེ་འདིའི་ལུས་ཀྱི་ཚད། ཚད་མེད་ཅིང་ཁྱད་པར་དུ་འཕགས་པ་གང་ཡིན་པ་སྟེ། བྲྀ་ཧ་ཏ་རྒྱ་ཆེ་བའོ་ཞེས་བཤད་པས་

ཚངས་པ་ཞེས་སཱམྦ་སུ་རཱ་ཎ་ལས་བཤད་དོ། །བྱོ་མ་ལ་སོགས་པ་རྣམས་སོ་ཞེས་པས་བྲྀ་ཧི་ལས་མ་ནིང་དང་ནམ་ཨཱ་ག་མ་ཡང་ངོ་། །དེ་ནི་ཚངས་པ་ཞེས་བཏགས་ཏེ་དེའི་ལུས་ཀྱི་ཚད་ཁྱབ་འཇུག་གིས་སྟེང་ནས་མར་བལྟས། དབང་ཕྱུག་གིས་འོག་ན་ཡར་བལྟས་ཀྱང་མ་རྙེད་དོ་ཞེས་གྲག་གོ། །

བདག་སྐྱེས་ནི་ལས་ཀྱི་རླུང་གིས་མ་འཕངས་པས་ཏེ་ཀྭི་པ་རྐྱེན་ནོ། །ལྷ་ལས་རྒན་ནི་ལྷ་རྣམས་ཀྱི་ཆེ་ཤོས་ཡིན་པའི་ཕྱིར་རོ། །གནས་རྣམས་ཀྱི་མཆོག་ལ་གནས་པས་མཆོག་གནས་ཏེ། ཨུཎ་སོགས་ཀྱི་ཚིག་ཕྲད་ཀྱི་མདོས་ཨ་ནའི་ན་དབྱི་བ་ཡང་ངོ་། །བདུན་པ་ལ་མང་པོ་ལ་ཞེས་པས་མི་

འཇིག་གོ། །སྐྱེ་དགུའི་བདག་པོ་རྣམས་ཀྱི་ཡང་ཕ་ཡིན་པས་ན་མེས་པོའོ། །གསེར་གྱི་མངལ་ནི་དྲན་པའི་གཞུང་ལས། །ཁྱབ་འཇུག་རང་བྱུང་བཅོམ་ལྡན་གྱིས། །སྐྱེ་དགུ་སྣ་ཚོགས་བསྒྲུབ་འདོད་པས། །དང་བོར་ཆུ་རྣམས་བསྐྱེད་བྱས་ནས། །དེ་ལ་ས་བོན་རབ་ཏུ་འཕངས། །གསེར་གྱི་

མདོག་ཅན་རབ་མཛེས་པའི། །སྒོ་ང་ཆུ་ལས་རང་བྱུང་སྟེ། །དེ་ལས་མཆོད་སྦྱིན་རང་བྱུང་བ། །ཚངས་པ་རང་བྱུང་རྣམ་པར་གྲགས། །གསེར་གྱི་མདོག་ཅན་དེ་ཉིད་ལ། །བཅོམ་ལྡན་དེ་ནི་ལོ་གཅིག་གནས། །སྒོ་ང་དུམ་བུ་གཉིས་གྱུར་པས། །སྟེང་དང་འོག་ཏུ་དེ་ནས་ཆགས། །ཞེས་སོ། །

ཉེ་བར་སྤྱོད་པ་ལས་གསེར་གྱི་མདོག་ཅན་གྱི་སྒོ་ང་ནི་གསེར་ཡིན་ལ་དེའི་སྙིང་པོ་ནི་མངལ་ལོ། །འཇིག་རྟེན་དབང་ནི་གཙོ་བོའོ། །རང་བྱུང་ཞེས་ཀྱང་བྱ་སྟེ་ཀྭི་པ་རྐྱེན་སྭ་ཡཾ་བྷཱུ་ལ་ནོ། །གདོང་བཞི་ནི་ཚངས་པས་ཐིག་ལེ་མཆོག་མ་ཞེས་པའི་བུ་མོ་ཞིག་སྤྲུལ་པས་དེ་ལ་རང་ཉིད་ཆགས་ཏེ། བུ་མོ་དེ་

Vol. 197 · folio 258a

གཡས་གཡོན་ལ་སོགས་པའི་ཕྱོགས་བཞིར་སོང་བ་ལ་བལྟས་པས་གདོང་པ་བཞི་བྱུང་ངོ་། །སྟེང་གི་ཕྱོགས་སུ་སོང་བ་ལ་བལྟས་པས་སྟེང་གི་གདོང་པ་དང་ལྔ་བྱུང་སྟེ། དབང་ཕྱུག་གིས་ནམ་མཁའ་ནས་མཐོང་ནས་དེར་ངོ་ཚ་བའི་ཆད་ལས་ལ་སྟེང་གི་གདོང་པ་བཅད་

དོ། །དེ་ནས་གདོང་བཞིར་གྲགས་ཏེ། འདི་ལ་གདོང་བཞི་ཡོད་པས་སོ། །དྷ་ཏཱ་བྱེད་པ་པོ་ཞེས་ཀྱང་བྱ་སྟེ། ད་དྷ་ཏིའི་བྱིངས་ལ་རྣམ་པར་འཛིན་པར་བྱེད་པ་ལ་ཏྲྀ་ཙ་རྐྱེན་ནོ། །ཁྱབ་འཇུག་གི་ལྟེ་བའི་པདྨ་ལས་བྱུང་བའི་ཕྱིར་འདི་ལ་པདྨའི་སྐྱེ་གནས་ཅན་ཞེས་བྱའོ། །ཉེས་ཅན་ནི་རང་གིས་སྤྲུལ་པའི་བུ་

མོ་ལ་ཆགས་པས་ན་སྟེང་གི་གདོང་པ་ཡང་བཅད་དེ་དེས་ན་ཉེས་ཅན་ཏེ། དྲུ་ཧི་ལ་མང་པོ་ལས་སོ་ཞེས་པས་དྲུ། དཀྵི་དག་ལ་ཨིན་ཡང་ངོ་། །འབྱུང་བ་རྣམས་རྣམ་པར་བསྒྲུབ་པར་འདོད་པས་ན་སྣ་ཚོགས་སྒྲུབ་བྱེད་ཅེས་ཏེ། ར་ཙ་སོ་སོར་འབད་པ་ལའོ་ཞེས་ཙུར་ལ་སོགས་པར་འཇུག་པ་ལས་

བརྗོད་དོ། །བྱེད་པ་པོ་ལ་ཨ་ཙ་རྐྱེན་ནོ། །པྲྀ་ཥོ་ད་ར་དྲུ་ཧི་ཌ་ལ་སོགས་པ་ཉིད་ཀྱི་ཕྱིར་ཨ་ཡིག་གི་ཨི་ཉིད་དང་ནུ་མ་ཨཱ་ག་མ་ཡང་ངོ་། །བི་རིཉྪ་ཞེས་པ་སྣ་ཚོགས་སྐྱེད་པར་བྱེད་པས་སྣ་ཚོགས་སྒྲུབ་བྱེད་དོ། །པདྨའི་གདན་ཅན་ཞེས་ཀྱང་བྱ་སྟེ། སློབ་དཔོན་ར་བྷ་སའི་བཞེད་པའོ། །སྲིད་པ་

གསུམ་གྱི་གྲོང་ཁྱེར་སྒྲུབ་པ་ལ་མཁས་ཤིང་མངོན་པར་བྱ་བ་ཉིད་ཀྱིས་ན་སྣ་ཚོགས་སྒྲུབ་བྱེད་ཅེས་པ་ནི་སློབ་དཔོན་སམྦ་ལཱིའི་བཞེད་པ་ཡང་ངོ་། །འབྱིན་བྱེད་ནི་འགྲོ་བ་ཐམས་ཅད་དེ་ལས་བྱུང་བར་འདོད་པའོ། །སྲྀ་ཛ་ཏཱི་ནི། ཏྲི་ཙ་ལ་སྲྀ་ཛི་དྲི་ཤ་དག་གི་ཛྷ་ལ་ལ་ཨ་མའོ། །སྐྱེ་དགུའི་བདག་པོ་

ནི་སྐྱེ་འགྲོ་ཐམས་ཅད་ཀྱི་གཙོ་བོའོ། །རིག་བྱེད་པ་ཞེས་ཀྱང་བྱ་སྟེ། བིད་རིག་པར་བྱེད་པ་ལའོ། །བི་དྷིའི་ཨིན་ལས་ཨ་སིའོ། །སྣ་ཚོགས་བྱེད་ནི་ལྷ་ཚངས་པས་བསྐལ་པ་འཆགས་པའི་དུས་སུ་སྐྱེ་བོ་གཞན་ཡང་བདག་གིས་བསྐྱེད་པར་བྱའོ་སྙམ་དུ་བསམས་པ་ལས་བྱུང་བའོ། །བི་ཤྭ་ལ་སྲྀ་

ཇ་ཏི་ལས་ཀྭི་པའོ། །ནྱངྐུ་ལ་སོགས་པ་ཉིད་ཀྱི་ཕྱིར་ཚིག་མཐའ་ལ་ཝལ་དང་པོའི་ཙ་ཀུ་ཉིད་དང་། ཨ་ཙ་དང་པོ་མ་ཡིན་པ་ལ་ནི་པཱ་ཏའི་ན་མི་འདོད་པའི་ཡུལ་གྱི་ཕྱིར། བི་ཤྭ་སྲྀ་ཀའོ། །གང་དག་ནྱངྐུ་ལ་སོགས་པར་སྲྀ་ཛི་མི་འདོད་པ་དེ་དག་གི་ལུགས་ལས་ཥ་ཉིད་དོ། །བི་ཤྭ་སྲྀ་ཌ། སློབ་དཔོན་པཱ་ཎི་ནི་པ་

Vol. 197 · folio 258b

རྣམས་ཀྭིན་གྱི་རྐྱེན་གྱི་ཀུ་ཞེས་པ་འདིར་ཀྭི་ནའི་རྐྱེན་དེ་གང་ལས་ཀྭི་ནའི་རྐྱེན་ཞེས་དེར་བསྒྱུར་བ་ཡང་དག་པར་ཤེས་པར་བྱེད་པའི་ཕྱོགས་ལ་ཀྭི་ནའི་རྐྱེན་མཐའི་ཀུ་ཉིད་དོ། །སྭགྦྷྱ་མ། ཀྭི་ས་པའི་མཐའ་མ་ཡིན་པའི་ནི། རཛྫུ་སྲྀགྦྷྱཱ་མ། དེ་མ་བསྒྱུར་བ་ཡང་དག་པར་ཤེས་པར་བྱེད་པ་ལ་ནི་ཀྭི་པའི་མཐའི། རཛྫུ་

སྲྀགྦྷྱཱ་མ། བི་ཤྭ་སྲྀབྷྱཱ་མ། དེ་བཞིན་དུ། པྲ་ཛཱ་སྲྀ་ཀ་ལ་སོགས་པའོ། །བི་ད་དྷཱ་ཏི་ལ། པྲ་མ་ལ་སོགས་པ་རྣམས་ལས་ད་དྷཱ་ལས་ཀི་བི་དྷིའོ། །དེ་རྣམས་ཀྱིས་ཚངས་པའི་མིང་རྣམས་སོ། །ཕྱེད་དང་བཅས་པའི་ཚིགས་སུ་བཅད་པ་བཞིས་ཁྱབ་འཇུག་སྟེ། ཁྱབ་འཇུག་ཅེས་པ་འགྲོ་བ་

མཐའ་དག་དེ་ཡིས་ཁྱབ་ཅིང་བཅིངས་པའི་ཕྱིར་ན་ཁྱབ་འཇུག་གོ། །སྲྀ། བི་ཥི་དག་ལས་ཀིཏ་ཅེས་པས་ནུབ་བོ། །ལམ་སྣ་ཚོགས་ལ་བརྟེན་པས་ན་སྲེད་མེད་དེ། དེ་ཉིད་གཅིག་བུའི་བུ་ཡིན་པས་སྲེད་མེད་ཀྱི་བུའོ། །ཚིག་སྔ་མ་ལས་མིང་ལའོ་ཞེས་པས་ཎ་ཉིད་དོ། །གཞན་རྣམས་ཀྱིས་ཡང་ངོ་

ཞེས་པའི་ཕྱོགས་ལ་རིང་པོའོ། །ནོར་ལྷའི་བུ་དང་སྲེད་མེད་ཀྱི་བུ་ཡང་སྟེ། ནོར་ལྷ་ནི་སྣ་ཚོགས་གཟུགས་སོ་ཞེས་སྐབས་གསུམ་གྱི་ལྷག་མར་རོ། །ནག་པོའི་ཡོན་ཏན་དང་ལྡན་པའི་ཕྱིར་ནག་པོའོ། །རྟུལ་མོའི་བུ་ནི་མའི་མིང་ལས་ཏེ་བི་ཀུཎྛ་ཞེས་པའི་མ་ལས་སྐྱེས་པས་ན། ལྷག་མ་

ལས་ཨཎའོ། །ཨ་ཤྭཏྠ་ཐོས་ནི་བིཥྚ་རའི་ཤིང་དྲུང་ན་གནས་པར་ཐོས་སོ། །ཨ་སུན་རྐྱེན་ནོ། །དབང་པོའི་དབང་ཕྱུག་ནི་དབང་པོ་རྣམས་ཀྱི་བདག་པོའོ། །མེ་ཏོག་ལྟོ་ནི་ལྷ་མོ་གྲགས་མ་ཞེས་བྱ་བ་ཁྱབ་འཇུག་གི་ཆུང་མའོ། །དེས་མེ་ཏོག་ཕྲེང་བ་མགོ་ལ་འཇོག་པར་འདོད་པ་ལ་མ་སླེབ་པས་

ལྟོ་བ་ལ་བཞག་གོ། །དེ་ཡིས་ཉེ་བར་མཚོན་པས་མེ་ཏོག་ལྟོ་ཅན་ནོ། །སྐྲ་ཅན་གསོད་ནི་ལྷ་མ་ཡིན་སྐྲ་ཅན་ཞེས་བྱ་བ་ཁྱབ་འཇུག་གིས་བསད་དོ་ཞེས་གྲག་གོ། །ཀེ་ཤི་ནི་ཞེས་པ་ལ་ལྷ་མ་ཡིན་བསད་དོ་ཞེས་པས་ཌ་རྐྱེན་ནོ། །པྲྀ་ཥོ་ད་ར་སོགས་པ་ཉིད་ཀྱི་ཕྱིར་ཡི་གེའི་རྣམ་འགྱུར་དག་

གོ། །དེ་ལྟར་ཡང་། གང་ཕྱིར་ཁྱོད་ཀྱིས་སྐྲ་ཅན་བསད། །དེ་ཕྱིར་བདག་གིས་བསྟན་པ་ཐོས། །སྐྲ་ཅན་ཞེས་བྱ་འཇིག་རྟེན་དུ། །བྱུང་བ་མིང་གི་བསྙད་པ་ཉིད། །ཅེས་བཤད་དོ། །སྒྱེས་བུ་སྦྲང་རྩི་ཞེས་བྱ་བའི་རིགས་ལས་བརྒྱུད་ནས་བྱུང་བས་སྦྲང་རྩིའི་བུ་ཞེས་གྲགས་སོ། །སྐྱེ་བོ་

Vol. 197 · folio 259a

རྣམས་རང་གིས་བསད་ཅིང་འབྱིན་པའི་ཕྱིར་ན་བདག་སྐྱེས་སོ། །ཀྭིས་རྐྱེན་ནོ། །སྦྱིན་དགྲ་ནི་ལྷ་མ་ཡིན་སྦྱིན་བྱེད་ཅེས་བྱ་བ་དེ་ཡིས་བསད་དེ་དེས་ན་སྦྱིན་དགྲའོ། །པད་དཀར་མིག་ནི་ཁྱབ་འཇུག་གིས་དྲག་པོ་མཆོད་པའི་ཕྱིར་པདྨ་དཀར་པོ་སྟོང་གི་གཏོར་མའི་གཟུགས་བྱས་

པ་ལ། དྲག་པོས་དེ་ལ་གཅིག་མི་སྣང་བར་བྱས་པ་ན། འདིས་མིག་གཅིག་ཕྱུང་ནས་པདྨ་དཀར་པོའི་གནས་སུ་བཞག་པས་པད་དཀར་མིག་ཅེས་གྲགས་སོ། །ཀླྀ་སྐླྀ་ལས་རང་གི་ཡན་ལག་ལ་ཥ་ཙའོ། །གླང་རྫི་ནི་འདི་བ་ལང་སྐྱོང་བའི་རིགས་སུ་གྱུར་པ་ན་ཆར་ཆེན་པོ་འབབ་པའི་ཚེ་འདིས་རི་བོ་

བཏེག་ནས་བསྲུངས་པས། དེ་ནས་བྲམ་ཟེ་རྣམས་ཀྱིས་པ་ལང་སྐྱོང་བའི་དཔོན་དུ་བསྐོས་སོ། །དྷཱ་རི་པཱ་རི་ཞེས་པ་ལ་སོགས་པས་ཤའོ། །ཤ་ལ་མུ་ཙ་ལ་སོགས་པ་རྣམས་ཀྱི་ཞེས་པས་ནུ་མའོ། །མཁའ་ལྡིང་རྒྱལ་མཚན་ནི་འདིའི་རྟགས་མཚན་ནོ། །གོས་སེར་ཅན་ནི་འདིའི་གོས་ལས་སོ། །

མི་འཛག་ཅེས་པ་འདིའི་གོ་འཕང་རྟག་པས་ཉམས་པ་དང་འགྱུར་བ་མེད་པའོ། །རྭ་གཞུ་ཞེས་པ་ཁྱབ་འཇུག་གི་གཞུ་སྟེ་དེ་དང་ལྡན་པས་ཨིནའོ། །བི་ཥུའི་སྒྲ་ལས་མང་པའི་ཚིག་གི་དོན་རྣམས་རྒྱས་པས་མི་ཟད་པའོ། །བིཥུ་དོན་སྣ་ཚོགས་པར་བཤད་པའི་ཕྱིར་འདིར་ཅིའི་ཕྱིར་མི་ཟད་པའི་སྡེ་

ཚན་དུ་རྣམ་པར་བརྟགས་ཏེ་སྤྲོས་ཞེས་པ་ནི་སློབ་དཔོན་པོ་པཱ་ལི་ཏའོ། །དེས་ན་བིཥུ་ཉིད་ཀྱང་དེ་ལས་ལྔ་སྦྱོར་བ་ཞེས་དང་ཀིནྟ་ཞེས་ལོ་མ་སོགས་ཀྱི་མདོར་རཏྣ་མ་ཏིས་བཤད་དོ། །འགྲོ་བ་ཐམས་ཅད་ལ་འདིས་ཁྱབ་པས་སྣ་ཚོགས་ཏེ་བི་ཤྭཀླེ་ནའོ། །འདིར་མིང་ལ་ཀུ་མ་ཡིན་པ་ལས་

ཞེས་པས་ཀ་སྡེ་ལས་ཕ་རོལ་གྱི་ཥ་ཉིད་མེད་དོ། །འགྲོ་བ་འཇོམས་ནི་རྒྱ་མཚོའི་ནང་ན་གནས་པའི་ལྷ་མ་ཡིན་གྱི་འགྲོ་བ་ཞེས་པ་འདིས་བསད་པས་འགྲོ་བ་འཇོམས་ཏེ། ནནྡི་སོགས་ལས་ལྥུའོ། །གཞན་དག་བསྐལ་པ་འཇིག་པའི་དུས་སུ་འགྲོ་བ་འཇོམས་ཞེས་སོ། །སྟེང་གི་དབང་པོ་ནི་

ས་གཞིའི་སྟེང་གི་དབང་པོ་འཇིག་རྟེན་གྱི་གཙོ་བོ་སྟེ། ཨུ་པ་རཱནྟྲ་ལ་སྲྀ་ཥོ་ད་ར་ལ་སོགས་པ་ཉིད་ཀྱིས་ཨུ་པེནྡྲ་ཞེས་བྱས་པའོ། །དེ་ཡང་། བདག་གི་སྟེང་ལམ་དབང་པོ་ནི། །ས་ཡི་དབང་ཕྱུག་ཁྱོད་གནས་པ། །ནག་པོ་ཞེས་པ་སྟེང་གི་དབང་། །འདི་ནི་གནམ་གྱི་ལྷ་ཉིད་དོ། །ཞེས་བཤད་དོ། །

Vol. 197 · folio 259b

ཡང་ན་དབང་པོ་དང་ཉེ་བས་ཉེ་དབང་ཞེས་པ་སྟེ་གཞན་གྱི་དོན་གྱི་བསྡུ་བའོ། །དབང་པོ་གཞན་སྐྱེས་ནི་ལྷའི་དབང་པོའི་ནུ་བོ་སྟེ། ལྷ་རྣམས་ཀྱི་དགྲ་ལྷ་མ་ཡིན་རྣམས་བསད་པས་དབང་པོ་གཞན་སྐྱེས་སོ་ཞེས་གྲག་གོ། །དེ་ཉེ་བར་མཚོན་པ་དང་དེའི་ཉེ་བར་སྤྱོད་པ་ལས་འདིའི་ལག་ན་འཁོར་ལོ་སྟེ། །

ཕྱག་བཞིའི་གཡས་དང་པོ་འཁོར་ལོའོ། །ཁྱབ་འཇུག་གི་ལྟེ་བ་ནི་པདྨའི་ལྟེ་བ་སྟེ། ནཱ་བྷི་ལས་ཞེས་པས་ཨཙ་རྐྱེན་ནོ། །ལྷ་མ་ཡིན་སྦྲང་རྩི་ཞེས་བྱ་བའི་དགྲ་ཡིན་པས་སྦྲང་རྩིའི་དགྲའོ། །གནས་གང་དང་གང་ཡིན་པ་ཐམས་ཅད་ཁྱབ་འཇུག་གིས་ཁྱབ་པས་འདུག་གནས་ལྷ་སྟེ་མང་པོ་ལ་ཀྲྀ།

བཱ། པཱ། ཛི། མི། སྭ་དི། སཱ་བྷྱ། སྲྀ་རྣམས་ལས་ཨུཎའོ། །འདུག་གནས་ཀྱང་འདི་ཡིན་པས་འདུག་གནས་ལྷའོ། །ནོར་ལྷའི་བུ་ཞེས་པ་ཡང་འདིའི་མིང་སྟེ་སྔར་སྲེད་མེད་ཀྱི་བུ་བཤད་པའི་སྐབས་སུ་བཤད་ཟིན་ཏོ། །གོམ་གསུམ་གནོན་ཞེས་པ་ལྷ་མ་ཡིན་སྟོབས་ལྡན་བསླུ་བའི་དོན་དུ་འདིས་

གོམ་པ་གསུམ་གྱིས་མནན་པ་སྟེ། ལྷ་མ་ཡིན་སྟོབས་ལྡན་ལ་ཁྱབ་འཇུག་གིས་མིའུ་ཐུང་གི་གཟུགས་སུ་བྱས་ཏེ་ས་གཞི་གོམ་པ་རེ་བླངས་པས་གསུམ་ཡང་ཁྱེར་ཟེར་བས་ལུས་བསྐྱེད་དེ་རི་རབ་དང་རྒྱ་མཚོའི་མཐིལ་ལ་རྐང་པ་གཉིས་གཞག་ནས་གཅིག་གིས་ས་མེད་པས་སྟོབས་ལྡན་གྱི་མགོ་

ལ་བཞག་གོ། །དེས་ན་གོམ་གསུམ་གནོན་ཞེས་གྲག་གོ། །།ལྷ་མོ་དགའ་བྱེད་ཅེས་བྱ་བ་ཁྱབ་འཇུག་གི་མའི་མིང་གིས་བཏགས་ཏེ། དེ་བ་ལ། བུ་རྒྱུད་ལ་ཨ་ཏ་ལས་ཨིཉའོ། །ཀིཏ་ལ་ཡང་ངོ་ཞེས་པས་ལ་སོགས་པས་ཨ་ཏ་ཨེ་ཙའོ། །མིང་སྔོན་མ་ཉིད་ཀྱི་ཕྱིར་བྲྀཌྜྷྱཾ་བྷཱ་བ་ཨི་ཏྱ་

ནཱཪྵཾ་ཞེས་པ་རིགས་སྟོན་པའོ། །འདི་ལས་མིའི་རིགས་ལའོ་ཞེས་པས་དཱི་ཥའོ། །དཻ་བི་ཀི་ལྷ་མོ་སྟེ་དེ་དགའ་བར་བྱེད་པ་ནི་དེའི་བུའོ། །དཔའ་བོའི་རྒྱུད་ནི་ཁྱབ་འཇུག་གི་མེས་པོའི་རྒྱུད་ལ་དཔའ་བོ་ཞེས་བྱ་བ་བྱུང་བས་དེའི་བརྒྱུད་པའོ། །དཔལ་གྱི་བདག་པོ་ཞེས་ཀྱང་བྱའོ། །སྐྱེས་བུའི་མཆོག་ནི་

བདག་ཡིན་ཏེ་དེས་ན་མཆོག་གི་བདག་ཉིད་ཀྱི་ཕྱིར་སྐྱེས་བུ་མཆོག་ཅེས་བྱའོ། །མེ་ཏོག་ཕྲེང་ལྡན་ནི་དེ་ནགས་ཀྱི་མེ་ཏོག་གི་ཕྲེང་བ་དང་ལྡན་པས་བྲྀ་ཧྱ་མ་ལཱ་ལ་སོགས་ལས་ཨི་ཎིའོ། །སྟོབས་ལྡན་འཇོམས་ཞེས་ཀྱང་བྱ་སྟེ། འདི་ལ་ལྷ་མ་ཡིན་སྟོབས་ལྡན་འཇོམས་པའི་ངང་ཚུལ་ལྡན་པས་

Vol. 197 · folio 260a

རིགས་ལས་ཞེས་སོགས་ཀྱི་ཎི་ནིའོ། །འཁར་བའི་སྒྲ་ནི་ལྷ་མ་ཡིན་འཁར་བ་ཞེས་པ། རྐང་པ་གཉིས་ནས་འཐེན་ནས་བཀས་ནས་བསད་པས་སོ། །འོག་དབང་སྐྱེས་ནི་ཚངས་པ་སྒོ་ང་ལས་སྐྱེས་ཤིང་དབང་ཕྱུག་རང་འབྱུང་ཡིན་ལ། འདི་ཉིད་འོག་གི་དབང་པོ་

ལས་སྐྱེས་པ་སྟེ་མངལ་སྐྱེས་སོ། །ཀུན་འགེངས་ནི་འགྲོ་བ་ཐམས་ཅད་དེས་ཁྱབ་ཅིང་གང་བའི་ཕྱིར་ན་ཀུན་འགེངས་ཏེ། བྷྲྀ་བྲྀ་ཏྲྀ་ཛི། ཞེས་པ་ལ་སོགས་པ་ཁ་རྐྱེན་ནོ། །ལྷ་མིན་འཇོམས་ནི་ལྷ་མ་ཡིན་ཀཻ་ཊ་བྷ་ཞེས་བྱ་བ་བསད་པས་སོ། །རྡེབ་བྱེད་ནི་ལྷ་མ་ཡིན་རྣམས་བྲག་དང་ས་ལ་རྡེབ་

ཅིང་གསོད་པ་སྟེ། ཨི་ཥི། བྱཱ་དྷ། བྷི་དི། གྲྀ་དྷི། དྷྲྀ་ཥི། པྲྀ་ཐི། མྲྀ་དི་ལས་ཀུའོ་ཀ་འགྲོ་བ་དེ་རྣམས་ཀྱིའོ་ཞེས་པས་ཡཎ་ཨིཀ་ཏུ་བསྒྱུར་བས་བི་དྷུཿདཔལ་གྱི་བྷྲི་ལ་བེའུས་མཚན་པ་ཞེས་པ་ནི་འདིའི་སྙིང་ག་ལ་སྤུའི་བྱེ་བྲག་དཔལ་བེའུས་དབྱིབས་ཀྱིས་བྱས་པ་སྐྱེས་བུ་ཆེན་པོའི་མཚན་གྱི་ཁྱད་

པར་ཞིག་ཡོད་པས་དེའི་རྟགས་ཀྱིས་མཚན་པས་ན་དཔལ་བེའུས་ཞེས་པས་བྱུ་དྷི་མ་མཚན་པ་ཞེས་སོ། །དཔལ་བེའུས་མཚན་པ་དང་འོག་སྡེབ་བགྱེད་དབང་སྐྱེས་དང་སྦྲང་རྩིའི་བུ་དང་རང་བྱུང་ཞེས་པ་རྣམས་རིན་ཆེན་མཛོད་ཀྱིའོ། །དེ་ལ་དེ་དག་གིས་ཉེ་བར་མཚོན་པ་དང་ཉེ་བར་སྤྱོད་པ་ལས་དཔལ་

བེའུས་མཚན་པ་ཞེས་སོགས་ཚིག་རྣམ་པར་སྦྱར་རོ། །དེ་རྣམས་ཀྱིས་ཁྱབ་འཇུག་གི་མིང་གི་རྣམ་གྲངས་སོ། །ནོར་གྱི་ལྷ་ནི་རིན་པོ་ཆེ་ལ་རྩེའོ། །བྱ་བ་ལས་ཨཎའོ། །ཨཎ་ཀའི་རྔ་ཅན་ནོ་ཞེས་ཕ་རོལ་མོའི་བཟོ་ཁྱད་པར་ཕུལ་དུ་བྱུང་བ་ཤེས་པ་སྟེ། ཁྱབ་འཇུག་གི་ཕའི་མིང་ངོ་། །ཚིགས་

སུ་བཅད་པ་གཉིས་ཀྱིས་སྟོབས་བཟང་སྟེ་ཁྱབ་འཇུག་གི་ཕུ་བོ་ཡིན་ནོ། །སྟོབས་བཟང་ནི་འདི་ལ་སྟོབས་ཕུལ་དུ་བྱུང་བ་ཡོད་པའོ། །ལྷ་མ་ཡིན་རབ་འཕྱང་བསད་པས་ན་རབ་འཕྱང་གསོད་ཅེས་ཏེ། ཊཀ་ལ་ཞེས་པས་ཊཀ་རྐྱེན་ནོ། །ཀ་འགྲོ་བ་ལ་ཡང་ཧ་ན་ལས་སོ་ཞེས་པས་ཨཏ་དབྱིའོ། །

ཀྫིནྣ་ཧ་ནའི་ཧ་ཞེས་པས་ཀུ་ཉིད་དོ། །སྟོབས་ལྷ་ནི་གང་ལ་སྟོབས་ཕུལ་དུ་བྱུང་བ་ལྡན་པ་སྟེ། སྟོབས་ཀྱང་འདི་ཡིན་ལ་ལྷ་ཡང་ཡིན་པས་སྟོབས་ལྷའོ། །འདིར་ཨཪྴ་སོགས་ལས་ཨཙ་རྐྱེན་ནོ། །མི་འཛག་ཅེས་པ་ནི་ཁྱབ་འཇུག་སྟེ་དེའི་སྔོན་དུ་སྐྱེས་པས་ན་མི་འཛག་སྔོན་སྐྱེས་ཞེས་བྱའོ། །

Vol. 197 · folio 260b

རཱིང་ཉན་པ་ལའོ། །བི་ཙའི་མཐའ་ལས་མ་ཏུབ་ལ་རྒྱུ་སྐར་ནམ་གྲུ་ལ་ཞེས་གོ་ར་སོགས་སུ་བཀླགས་པའི་ཕྱིར་མིང་ལའོ་ཞེས་པས་བ་ཉིད་ཡང་ནའོ། །རེ་བ་ཏཱི་དེས་ཉེ་བར་མཚོན་པ་དང་ཟླ་བ་དང་ལྡན་པའི་དུས་སུ་སྐྱེས་པས་ན་ནམ་གྲུ་སྐྱེས་ཞེས་བྱའོ། །དུས་ཀྱི་ཐུན་མཚམས་ལས་རྒྱུ་སྐར་ལ་ཨ་ཎའོ། །

བཏྶ་ཤཱ་ལ་རྒྱུ་སྐར་རྣམས་ལས་མང་པོ་ལ་ཞེས་པས་འཇིག་གོ། །ཨཎ་ལ་སོགས་པ་འཇིག་པ་ལ་ལུཀྱ་གོ་ཎྱཱ་དི་ནཱཾ་ཞེས་པས་དཱིཥ་ཡང་འཇིག་པ་ལ་སླར་ཡང་གོ་ར་སོགས་ཉིད་ལས་དཱི་ཥའོ། །དེ་དགའ་བར་བྱེད་པ་ནི་བདག་པོ་སྟེ་གཟུགས་ཕུན་སུམ་ཚོགས་པས་དགའ་བར་བྱེད་པའོ། །མཐར་

འཛིན་པར་བྱེད་པའི་དོན་ལ་ཛྭ་ལ་སོགས་པ་རྣམས་ལས་ཨཎ་ལའོ་ཞེས་པས་ཎའོ། །འདོད་པ་རྣམས་སྐྱོང་བར་བྱེད་ཅིང་རྣམ་པར་རོལ་པའི་ཕྱིར་ཞེས་པས་ཨཎའོ། །འདིའི་མཚོན་ཆ་ཐོང་ཤོལ་ཡིན་པས་ན་ཤོལ་གྱི་མཚོན་ནོ། །གོས་སྔོན་ཅན་ནི་འདིའི་གོས་ལས་སོ། །སྣར་མ་ཞེས་བྱ་

བ་ནོར་ལྷའི་ཆུང་མའོ། །དེའི་བུ་ཡིན་པས་ན་སྣར་མའི་བུ་རྒྱུད་ལ་ཤུ་བྷྲ་སོགས་ལས་ཌྷ་ཀའོ། །ཏཱ་ལ་ནི་ཤིང་གི་ཁྱད་པར་ཏེ། དེ་ཡང་སམྦ་སུ་རཱ་ཎ་ལས། རྒྱལ་མཚན་བསྒྲེང་བའི་སྐབས་སུ་ནི། །ཏཱ་ལ་ཏཱ་ལའི་རྣམ་པར་བྱ། །ཆུ་སྲིན་ཆུ་སྲིན་དབྱིབས་ཅན་ནོ། །ཞེས་བཤད་དོ། །གཏུན་

ཤིང་དང་གཤོལ་དང་ཏཱ་ལ་རྣམས་འཛིན་པས་ན་ཞེས་སློབ་དཔོན་ར་བྷ་སས་ཀྱང་བཤད་དོ། །གཤོལ་གྱིས་དགྲ་བོ་ཡང་དག་པར་འགུགས་པར་བྱེད་པས་ན་ལེགས་འགུགས་ཏེ་ནནྡི་སོགས་ལས་ལྤུའོ། །ཐོང་པའི་ལག་ཅེས་ཀྱང་བྱ་སྟེ། འདིར་སི་ར་དང་ལྒང་ལ་དང་ཧ་ལ་ཞེས་པ་ལ་སོགས་པ་

ནི་དེས་ཉེ་བར་མཚོན་པ་དང་ཉེ་བར་སྤྱོད་པ་ལས་འདིའི་ཕྱག་མཚན་ནོ། །ཀླུ་འཇོམས་ནི། ཆུ་བོ་ཡ་མུ་ནཱ་ཞེས་བྱ་བའི་ཀླུ་ཀཱ་ལིནྡཱི་ཞེས་པ་དེ་གཤོལ་གྱི་མཚོན་ཆས་དྲལ་ནས་བསད་ཞེས་གྲག་གོ། །ནནྡི་སོགས་ལས་ལྻུའོ། །སྟོབས་ལྡན་ནི་ཐོང་ཤོལ་སྟོབས་ཕུལ་དུ་བྱུང་བ་དང་

ལྡན་པ་སྟེ། ཨཪྴ་སོགས་ལས་ཨཙའོ། །དེ་རྣམས་ཀྱིས་སྟོབས་ལྡན་གྱི་མིང་ངོ་། །མྱོས་བྱེད་ཅེས་པ་ནས་ཚངས་སྤོང་ཞེས་པའི་མཐར་ཐུག་པ་ཁྱབ་འཇུག་གི་བུ་འདོད་པའི་མིང་ངོ་། །འདོད་པས་མྱོས་བྷི་ད་ལ་པར་བྱེད་པའི་ཕྱིར་མྱོས་བྱེད་དེ། ནནྡཱི་སོགས་ལས་ལྻུའོ། །མྱོས་པར་བྱེད་དོ་

Vol. 197 · folio 261a

ཞེས་པས་ཀིཔའོ། །ཡིད་སྲུབ་ནི་སེམས་གཡེང་བར་བྱེད་པའོ། །གསོད་བྱེད་ཅེས་པ་ནི་འདོད་པའི་གནས་སྐབས་བཅུ་ལ་སོགས་ཏེ་ཆགས་པའི་དབང་གིས་འཆི་བར་ཡང་བྱེད་དོ། །འདི་ནི་ཀུན་གྱིས་བཟློག་པར་དཀའ་བའི་ཕྱིར་ན་རབ་སྟོབས་སོ། །ཉའི་རིགས་ཀྱི་ཆུ་སྲིན་

ཉིད་ཉ་སྟེ། འདིས་མཚན་པས་ན་ཉའི་ཏོག་ཅན་ནོ། །ཚངས་འཇོམས་ནི་ཚངས་པ་ཡང་ཀུན་ཏུ་རྨོངས་པའི་མཚོན་ཆས་རང་གི་སྤྲུལ་པའི་བུ་མོ་ལ་ཆགས་པར་གྲག་གོ། །འདིར་བྲཧྨ་ཎིདྲྀསྟ་བཱན། ཞེས་པ་ཀནྡཱརྦཿཞེས་པར་བསྒྱུར་བ་ནི་པྲྀ་ཥོ་ད་ར་ལ་སོགས་པའོ། །ཡང་ན་ཀ་མ་ཞེས་པ་ཨམ་

མཐའ་ཅན་ནི་མི་ཟད་པ་བདེ་བ་བརྗོད་པའོ། །བདེ་བ་དང་ལྡན་པས་ན་བདེ་བ་ཅན་ནོ། །དེ་རྣམས་ལ་དྲྀ་ཥྱ་ཏི་ཨུརྞྞ་ས་ཏི་ཞེས་པ་ཨཙའོ། །དྲྀསྟ་ཉིད་ལས་དརྤཱ་ཀཿའོ། །སྙེམས་པ་ནི་ཐམས་ཅད་འདོད་པ་ལ་དགའ་བར་བྱེད་པའོ། །ལུས་མེད་ནི་དབང་ཕྱུག་རི་བོ་གངས་ཅན་ལ་ལྷ་མོ་གཽ་རཱིས་མཆོད་

པ་བྱེད་ཅིང་གནས་པ་ན་ལྷ་རྣམས་ཐེ་ཚོམ་དུ་གྱུར་ཏེ། གཽ་རཱི་དང་ལྷན་ཅིག་དཀའ་ཐུབ་བྱེད་པ་བདེན་ནམ་ཟེར་ནས་དེར་འདོད་པའི་ལྷ་བལྟར་བཏང་བ་དང་། འདོད་པའི་ལྷའི་མདའ་ལྔ་རིམ་གྱིས་འཕངས་པས། དང་པོ་དང་གཉིས་པ་ལ་རྟོག་པ་ཙམ་ཡང་མ་བྱུང་། གསུམ་པ་དང་བཞི་པ་ལ་

རྟོག་པ་ཙམ་དུ་གྱུར་ཏེ་ལྔ་པ་ཕོག་པ་དང་གཽ་རཱི་དང་གནས་པས་དཀའ་ཐུབ་ཞིག་གོ། །དེའི་སྐད་ཅིག་ཕྱི་མ་ལ་འགྱོད་ནས་ཅི་ཉེས་སྙམ་དུ་བསམས་པས་འདོད་པས་ཉེས་པར་ཤེས་ནས་མིག་གསུམ་ནས་མེ་བྱུང་སྟེ་འདོད་པའི་ལྷ་བསྲེགས་སོ། །དེ་ནས་འདོད་པ་གཏན་ནས་མེད་ན་སྐྱེ་བ་ལེན་པ་

མེད་པས་ལུས་མེད་པའི་སེམས་ཅན་དུ་བྱས་སོ། །འདོད་པ་ནི་སྦྱོར་བ་ལ་སོགས་པའི་འདོད་པའོ། །ཀ་མ་ཡ་ཏི་ལ་སུར་ཏེཙྪམ་སྐྱེད་པར་བྱེད་པ་དང་སྦྱོར་བ་པོ་ལ་ཎིའི་མཐའ་ལས་ཨ་ཙའོ། །ཨ་མའི་མཐའ་ལས་ཀྱང་ངོ་ཞེས་པས་ཐུང་ངུ་ནི། ཀ་མི་ཨ་མི་ཙམ་རྣམས་ཀྱི་མ་ཡིན་ནོ་

ཞེས་པས་མེད་དོ། །འདིའི་མདའ་ལྔ་ནི། སྨྱོ་བྱེད་དང་། སྲེད་བྱེད་དང་། ཀུན་དུ་རྨོངས་བྱེད་དང་། སྐེམ་ཀ་མུལ་ཀཱ་མ་བསྒྲུབ་པའོ་བྱེད་དང་། འཆི་བྱེད་ཅེས་པ་རྣམས་སོ། །དེ་ཡང་རྒྱལ་བའི་ལྷའི་སྡེབ་སྦྱོར་གྱི་རྒྱ་བསྟན་བཅོས་ཀྱི་ཆེར་འགྲེལ་པ་ལས། དགའ་བྱེད་རབ་ཏུ་སྲེད་བྱེད་དང་། །རྨོངས་

Vol. 197 · folio 261b

བྱེད་དེ་བཞིན་བརྒྱལ་བར་བྱེད། །འཆི་བྱེད་རྣམས་ནི་འདོད་དབང་གི། །མདའ་ལྔ་རྣམས་སུ་རབ་ཏུ་བསྒྲགས། །ཞེས་བཤད་དོ། །རང་གི་ཡིད་ལ་དྲན་པའི་ཕྱིར། དྲན་པ་སྟེ་སྨྲ་ར་ཡ་ཎྱུ་ཀཎྛེ་ཡ་ཏི་ཨཙའོ། །སྡོམ་པའི་སྒྲ་ནི་ལྷ་མ་ཡིན་སྡོམ་པ་ཞེས་བྱ་བ་འདིས་བསད་པས་དེའི་ཕྱིར་ན་སྡོམ་

པའི་དགྲའོ། །ཡང་འདོད་ཆགས་ལ་སོགས་པས་དབང་པོ་ལྔ་པོ་གསོད་པའི་ཕྱིར་ན་ཡང་སྡོམ་པའི་དགྲའོ། །རང་གི་ཡིད་ལས་ཕོ་མོ་སྦྱོར་བ་ལ་སོགས་པ་འབྱུང་བའི་ཕྱིར་ན་ཡིད་ལས་སྐྱེས་ཏེ། ཞེས་སྨྲྀ་ལ། སྒེག་པའི་ཚུལ་གྱིས་སྲོག་ཆགས་རྣམས་ཀྱི་ཡིད་ལས་སྐྱེས་སོ་ཞེས་པས་ཌ་རྐྱེན་ནོ། །

བདུན་པ་མང་པོ་ཞེས་པས་འཇིག་གོ། །མེ་ཏོག་མདའ་ཅན་ནི་བྱིའི་ལུས་ལ་རྨ་མེད་པར་སྙིང་ལ་འབགས་པའོ། །རང་ལས་བྱུང་བས་ན་གཞན་ལས་མ་སྐྱེས་པའོ། །འདོད་པ་འཕེལ་བས་མེ་ཏོག་གཞུ་ཅན་ནོ། །དགའ་མ་ནི་འདོད་ལྷའི་ཆུང་མའོ། །དེ་ནས་དགའ་མའི་བདག་གོ། །དགའ་རབ་དབང་

ཕྱུག་ཅེས་ཀྱང་བྱའོ། །ཆུ་སྲིན་རྒྱལ་མཚན་ཞེས་ཀྱང་བྱའོ། །བདག་ལས་བྱུང་ནི་གཞན་མ་ཡིན་པའོ། །ཚངས་སྤོང་ནི་དཀའ་ཐུབ་རྒྱང་དུ་འཕེན་པའོ། །སཱུ་དེད་པ་ལའོ། །པྲཧྨ་ཏ་པཿསུ་བ་ཏི་ཞེས་པས་ཀྭི་པའོ། །ཚངས་སྤོང་སྟེ་འདོད་པའོ། །འཆི་མེད་ཕྲེང་བར་བྲཧྨ་སཱུའི་སྒྲ་ལས་ཕ་རོལ་དུ་

འདོད་པ་བརྗོད་པ་ལས་ཨིའི་སྒྲ་བཀླགས་སོ། །ཀྲྀཙྪ་ཡོཿ ཉའི་ཏོག་དང་མདའ་ལྔ་པ་དང་མེ་ཏོག་མདའ་ཅན་དང་། ཚངས་སྤོང་དང་། ཨི་དང་། མ་འགགས་པ་དང་། ཨུ་ཥའི་བདག་ཅེས་པ་རྣམས་སོ། །དྲག་པོའི་འབངས་ཀྱིས་སྦྱར་བའི་མཁས་པའི་མགུལ་རྒྱན་གྱི་དྲིས་ལན་ལས། ཆོས་ཐམས་

ཅད་ལ་འཇིགས་པ་མེད་པ་ནི་ཚངས་པ་རང་ཉིད་ཅེས་སོ། །ར་བྷ་སས་ནི་དེའི་བུམ་འགགས་པ་ལ་བརྗོད་དོ། །མ་འགགས་པ་ཚངས་པའི་ལྟེ་བའི་པདྨ་ལས་བྱུང་ངོ་ཞེས་ལུང་དུའོ། །འགྲོ་བའི་ཏོག་ནི་ཁམས་གསུམ་ཐམས་ཅད་དེའི་འོད་ཟེར་གྱིས་ཁྱབ་པས་འགྲོ་བའི་ཏོག་གོ། །བ་དན་གསལ་

བ་ལ་ཏོག་བཟུང་བས་ན་མཚོན་པར་བྱེད་དོ་ཞེས་སློབ་དཔོན་ར་བྷ་སའོ། །སྣ་ཚོགས་ནི་ཁྱབ་བྱ་ལ་ཏོག་ནི་འདིའི་གཟི་བརྗིད་གསལ་བའོ། །མངོན་པར་ཁྱབ་པ་དང་གཞི་ལ་བདུན་པའི་བསྡུ་བའོ། །རང་ལས་མི་འགག་པར་སྣང་བས་ན་ཏོག་གོ་ཞེས་སྐབས་གསུམ་གྱི་ལྷག་མ་ལས་སོ། །

Vol. 197 · folio 262a

དེ་ལ་རྀ་ཤྱོ་མྲྀ་ག་ནི་འདིའི་རྒྱལ་མཚན་གྱི་སྟོག་ཏེ་ཞེས་ཚིག་རྣམ་པར་སྦྱོར་རོ། །རལ་གྲིའི་མཚོན་ཆ་ནི་མ་འགགས་པ་སྟེ་དེ་བཞིན་དུ་ཨེ་བཪྵྱ་ཀེ་ཏ་ན་ཞེས་པ་ཡང་ལུང་ལས་སོ་ཞེས་པས་རྀ་ཤྱའི་སྒྲའི་རེ་ཕ་དང་པོ་དབྱངས་དང་པོ་ཡང་ངོ་། །དེ་ཡང་སཱམྦ་སུ་ར་ཎ་ལས་བཤད་དེ་

ཏཱ་ལ་ཏཱ་ལའི་རྣམ་པར་བྱ། །ཆུ་སྲིན་ཆུ་སྲིན་དབྱིབས་སུ་བྱ། །དེ་ལྟར་ཉེ་བར་ཞུགས་པ་ནི། །རྀ་ཤྱའི་ཉེ་བར་དེ་བརྗོད་དོ། །ཞེས་སོ། །གཞན་གྱིས་འགོག་མི་ནུས་པས་མ་འགགས་པའོ། །ཨུཥཱ་ནི་ལྷ་མ་ཡིན་མདའ་ཞེས་བྱ་བའི་བུ་མོའོ། །དེ་རྣམས་འདོད་ལྷའི་བུའོ། །མཚོན་བྱེད་ཅེས་པ་

ནས་འཕྲོག་བྱེད་ཡུམ་ཞེས་པའི་བར་གྱིས་ཁྱབ་འཇུག་གི་ཆུང་མའོ། །ཐམས་ཅད་འདིས་མཚོན་ཏེ་སྟོན་པས་མཚོན་བྱེད་མའོ། །ལཀྵི་ལས་མུད་ཡང་ནའོ་ཞེས་པས་ཨི་རྐྱེན་ནོ། །ཨ་རྱནྟ་ཉིད་ལས་སུ་དབྱི་བ་མེད་དོ། །ཇི་ལྟར་འདི་ལཀྵྨཱི་ཡིན་ཞེ་ན། ཀྱེ་དཔལ་མོ་ཞེས་བརྗོད་པ་འདི་ནི་འདིར་

འགྱུར་ཏེ། མ་ཏལླཀྵྨཱི་བ་ཛ་སྭ་ཀཉྩི་ད་པ་ར་མི་ཏི། ཨེ་ར་ཀནྟི་ལས་དཱི་ཥའོ་ཞེས་སློབ་དཔོན་བསྲུང་བས་སོ། །གསལ་བར་ལྷན་ཅིག་བརྗོད་པ་ལའོ་ཞེས་པས་འདིར་ལུས་མཆོག་ཡང་དག་པར་བརྗོད་པ་ལ་ཀུཀྐུ་ཊ་ཞེས་དཔེར་བརྗོད་སོ་སོར་བསྒྲུབ་པ་ཉིད་སློབ་དཔོན་པཱུརྞ་ཙནྡྲི་ན་ས་དཱི་ཨུང་ཞེས་

པ་འདིར་རབ་ཏུ་སྦྱར་ཏེ་བསྟན་པ་ལས་ཨང་ཨིཏ་ལས་ཨས་ཨཱིཏ་ཨཱུཏ་སྨོས་པར་བཤད་དོ། །དེའི་ལུགས་ལ་དཱི་ཥ་མེད་ཀྱང་བོད་པ་ལ་ཐུང་དུ་ཉིད་དོ། །ལུགས་གཞན་ལས་ནི་དབྱིངས་ཀྱི་དཔུང་གཉེན་དུ་ལཀྵྨཱི་ལ་སོགས་པའི་མིང་འདི་དག་ཐུང་དུ་མ་ཡིན་པ་ཉིད་བཤད་དོ། །ལག་པར་རྟག་ཏུ་པདྨ་

ལྡན་པའི་ཕྱིར་ཨཪྵ་སོགས་ལས་ཨཙའོ། །པདྨ་ནི་ཀ་མ་ལའོ། །ཁྱད་པར་མེད་པ་ལའང་བརྗོད་པ་འདིའི་དགོངས་པ་ནི་འདམ་སྐྱེས་དང་མཚོ་སྐྱེས་ཞེས་པར་མི་སྦྱོར་རོ་ཞེས་པའོ། །བསྟན་པར་བྱ་བས་ན་དཔལ་ལོ། །ཤྲྀ། སྲུ། དྲུ། པྲུ། ཛུ་རྣམས་ལ་ཀྭིས་སྟེ་རིང་པོའོ། །ཨེ་ར་ཀནྟི་ལས་དཱིཥ་ལ་ཤྲྀ་

ཞེས་པ་དང་ཨས་ལ་ཞེས་དབྱིངས་རབ་ཏུ་གསལ་བའི་ཊཱི་ཀ་ལས་སློབ་དཔོན་བྱམས་པ་སྲུང་བས་སོ། །དཔལ་མོའི་བདག་པོའི་དུང་དང་འཁོར་ལོ་དང་བེ་ཅོན་དང་རལ་གྲི་དང་ནོར་བུ་རྣམས་རིམ་པ་ཇི་ལྟ་བར་ལྔ་སྐྱེས་ལ་སོགས་པའི་མིང་ཅན་ནོ། །ནུབ་ཕྱོགས་ཀྱི་རྒྱ་མཚོ་ནི་ཉ་ཏི་མིའི་གཟུགས་འཛིན་པའི་ལྷ་

Vol. 197 · folio 262b

མ་ཡིན་ལྔ་སྐྱེས་ཞེས་བྱ་བ་གནས་པ་དེའི་རུས་པ་ལས་སྐྱེས་པས་ལྔ་སྐྱེས་ལས་བྱུང་བ་ཞེས་བྱ་བ་སྟེ། གམྦྷཱི་ར་དང་པཉྩ་ཛ་ན་ལས་ཉྱའོ། །དད་པ་ཅན་རྣམས་ཀྱིས་བདེ་བླག་ཏུ་མཐོང་བའི་ཕྱིར་ལེགས་མཐོང་སྟེ། ཤཱ་སི་ཡུ་དྷི། དྲྀ་ཤི དྷྲྀ་ཥི། མྲྀ་ཥ་ལས་ཞེས་པས་ཡུ་ཙའོ། །ཁྱབ་འཇུག་འདིའི་

དབྱུག་པ་ནི་སའི་ནང་དུ་ཞུགས་པས་ས་རྣམས་དགའ་བར་བྱེད་པས་ནས་མོས་ཏེ། ལྷག་མ་ལས་ཞེས་པས་ཨཎའོ། །རལ་གྲི་པཉྩ་ཛ་ནྱ་ནི་དགའ་བྱེད་དེ། སྨོན་པ་ལ་ཝུནའོ། །ཥྚུ་བྷ་རེངས་པ་ལའོ། །ས་རྣམས་རེངས་པར་བྱེད་པས་ན་ས་རེངས་བྱེད་དེ་འཕྲོག་བྱེད་དོ། །ཀ་བ་བཞིན་དུ་མི་གཡོ་ཞིང་

བརྟན་པར་བྱེད་པའོ། །ནཱ་རྱནྟ་དག་ལས་ཞེས་པས་ཥ་ཉིད་མེད་ལ། ཨིཀ་མཐའ་ཉེ་ལས་ཀཽམ་དཀ་ལ། ཀའོ། །དེ་འདིའི་ལྷག་མ་ལས་ཨཎའོ། །དེ་རྣམས་ཁྱབ་འཇུག་གི་རྟགས་རྣམས་སོ། །ཚིགས་སུ་བཅད་པ་གཅིག་གིས་བྱ་ཁྱུང་གི་མིང་ངོ་། །འདབ་བཟང་ཞེས་པ་གཤོག་པ་མཆོག་དང་ལྡན་

པ་སྟེ། ཡོད་པའི་དོན་ལ་མ་ཏུས་རྐྱེན་ནོ། །རྀ་པ་ཞེས་པས་ཝ་ཉིད་ནི། ཀོ་སྟུ་བྷ། །ཡ་ཝ་སོགས་ཉིད་ལས་བཀག་གོ། །ག་རུ་དུག་ཡིན་ལ། འཇོམས་པས་ན་ཌ་སྟེ། པྲྀ་ཥོ་ད་ར་སོགས་ཀྱིས་ག་རུ་ཌའོ། །དྲང་སྲོང་ཏྲི་ཀྵའི་བུ་རྒྱུད་ཡིན་པས་སྐར་མིག་བུ་སྟེ། གརྒ་སོགས་ལས་ཡཉའོ། །འདུལ་བྱེད་སྐྱེས་

ནི་མ་འདུལ་བྱེད་མའི་བུ་རྒྱུད་ཡིན་པས་ན་སྟེ། དཱི་ཨཱས་ཏི་ཨཱུད་ལས་ཞེས་པས་ཌྷ་ཀའོ། །དེ་ཡང་འདུལ་བྱེད་མ་དང་བཀྲ་ཤིས་མ་ཞེས་པ་གཉིས་ཀྱིས་རྒྱལ་པོ་ཞིག་གི་ཆུང་མ་བྱས་པ་ན་ལན་ཅིག་གི་ཚེ་ཉི་མའི་ཤིང་སྐར་མིག་རྟ་མཐོང་བས། འདུལ་བྱེད་མ་དཀར་པོ་ཞེས་ཏྲིཀྵ་ལསྨྲ། བཀྲ་ཤིས་མ་ནི་ནག་

པོ་ཞེས་སྨྲ། དེ་གཉིས་རྒྱལ་བྱས་ཏེ་གང་བདེན་པས་རྒྱལ་པོའི་བཙུན་མོ་བྱེད་པར་བྱས། མི་བདེན་པས་གཡོག་མོ་བྱེད་པར་བྱས་ནས་བལྟ་བར་བྱའོ། །དེ་ནས་ཀླུ་ཞིག་ཡོད་པ་ལ་བཀྲ་ཤིས་མས་བསྙེན་བཀུར་བྱས་ཏེ། ཁྱོད་ཀྱིས་ཉི་མའི་རྟ་ནག་པོར་མཐོང་བར་གྱིས་ཤིག །དེ་ལྟར་མ་བྱས་ན་ཁོ་

མོ་གཡོག་བྱ་དགོས་པར་ཡོད་དོ་བྱས་པས་དེས་ཁས་བླངས་སོ། །ཉི་མའི་རྟ་ནག་པོར་མཐོང་ནས་འདུལ་བྱེད་མས་གཡོག་མོ་བྱས་སོ། །ཤིན་ཏུ་སྡུག་བསྔལ་བར་གྱུར་པ་ན་དྲང་སྲོང་ཏྲིཀྵས་སྒོ་ང་གསུམ་བྱིན་ཏེ། འདིས་ཁྱོད་ལ་ཕན་པར་འགྱུར་གྱི་ཞག་བདུན་མ་བརྟོལ་ཅིག་ཟེར་རོ། །དེ་རིངས་ཏེ་ཉི་མ་གསུམ་

Vol. 197 · folio 263a

ན་གཅིག་བརྟོལ་བ་ན་གློག་ཏུ་གྱུར་ཏེ་ནམ་མཁའ་ལ་སོང་ངོ་། །ཡང་དྲུག་ན་གཅིག་བརྟོལ་བ་དང་སྐར་མ་སྐྱ་རེངས་སུ་སོང་། བདུན་པ་ན་གཅིག་བརྟོལ་བ་དང་བྱ་ཁྱུང་དུ་སོང་སྟེ་མ་ལ་ཕྱག་བྱས་ཏེ་ཁྱོད་ཀྱི་བྱ་བ་གང་དགོས་པ་བདག་གིས་བྱའོ་ཞེས་ཟེར་རོ། །ཀླུའི་ཉེས་པས་ཀླུ་

རྣམས་མེད་པར་གྱིས་ཤིག་ཅེས་སྨྲས་ཏེ། དེ་ནས་ཀླུ་རྣམས་བྱ་ཁྱུང་གིས་ཟ་བར་བྱེད་དོ། །མཁའ་འགྲོའི་དབང་ཕྱུག་ཅེས་ཀྱང་བྱའོ། །ཁྱབ་འཇུག་གི་ཤིང་རྟ་ནི་བྱ་ཏྲི་ཏྲིའི་སྒོ་ང་རྒྱ་མཚོའི་འགྲམ་ན་ཡོད་པ་ཆུའི་རླབས་ཀྱིས་མཚོ་ནང་དུ་སོང་ངོ་། །དེར་རྒྱ་མཚོ་ཟད་པར་འདོད་པས་གཤོག་

པ་ཆུར་བཅུག་ཅིང་འདོན་པ་ན། དྲང་སྲོང་ཅིག་ན་རེ་དུད་འགྲོ་ནི་མཐུ་ཆུང་བ་ཟེར་བས། བྱ་ཁྱུང་ཡང་དེ་ན་གནས་པས་ཐོས་ཏེ་ཁྲོས་ནས་འདབ་མ་ཕྱེད་ཀྱིས་རྒྱ་མཚོ་བཀབ། ཕྱེད་ནམ་མཁའ་ལ་ཕྱར་བས་དེ་ན་གནས་པའི་ཀླུ་རྣམས་སྐྲག་སྟེ་ཕྱག་འཚལ་ནས་དེ་མ་ཐག་ཏུ་གཏད་དོ། །དེ་ནས་ལྷ་

རྣམས་ཀྱང་ཤིན་ཏུ་སྐྲག་པར་གྱུར་པ་ན་ཁྱབ་འཇུག་གིས་ཤིན་ཏུ་རིད་པའི་དྲང་སྲོང་གཅིག་ཏུ་སྤྲུལ་ནས་དེའི་དྲུང་དུ་ཕྱིན་པ་ན་དེ་ཡང་བརྩེ་བ་སྐྱེས་ཏེ་གནས་སོ། །དི་ལ་ཁྱོད་ཀྱིས་བདག་གི་བྱ་བ་དོན་ཆེན་པོ་ཞིག་ཡོད་པ་ལ་ལུས་ཀྱིས་མི་སྤྱོད་པས་དེ་ཁྱོད་ཀྱིས་སྒྲུབས་ཤིག་ཅེས་སྨྲས་སོ། །དེ་བདག་གིས་

བྱའོ་ཞེས་ཁས་བླངས་སོ། །དེའི་ཚེ་སྣ་ལ་བཅུག་ནས་འགྱུར་བ་མེད་པར་བྱས་སོ། །དེ་ནས་ཁྱོད་ཀྱིས་བདག་ལྷའི་ཡུལ་དུ་ཁུར་ཅིག་ཅེས་སྨྲས་སོ། །འདིར་ནི་ཁྱབ་འཇུག་གི་བཞོན་པར་གྱུར་པ་སྨོས་སོ། །ཀླུ་མཐར་བྱེད་པ་ནི་རླག་པར་བྱེད་པའོ། །གསེར་འདབ་ཅན་ནི་འདིའི་གཤོག་པ་གསེར་གྱི་

མདོག་ལྟར་མཛེས་པའི་ཕྱིར་རོ། །ལྟོས་འགྲོ་ཟ་ནི་སྦྲུལ་རྣམས་ཟ་བའོ། །དེ་རྣམས་བྱ་ཁྱུང་གི་མིང་ངོ་། །ད་ནི་དབང་ལྡན་ནས་བརྩམས་ཏེ་ཕྱོགས་ཀྱི་ལྷ་ལ་སོགས་པ་བཤད་པར་བྱའོ། །ཚིགས་སུ་བཅད་པ་ལྔའི་དབང་ཕྱུག་གི་མིང་གི་རྣམ་གྲངས་སོ། །ཤམ་ཞེས་པ་ནི་མི་ཟད་པའི་དགེ་བའོ། །དེ་དང་

ལྡན་པའི་ཕྱིར་བདེ་ལྡན་ཀྱང་ངོ་། །བདེ་འབྱུང་ནི་མཆོག་ཏུ་དགའ་བའི་གཟུགས་ཀྱིས་རྟག་ཏུ་གནས་པས་ན་བདེ་འབྱུང་ངོ་། །ཤངྐུ་ལ་སོགས་པ་རྣམས་སོ་ཞེས་པས་ཀུ་དང་མཐའ་དབྱི་བ་འོང་ངོ་། །སུས་དང་སུཔ་དོན་གཅིག་ཅེས་པས་བསྡུ་བའོ། །འདོད་པ་རབ་ཏུ་འབྱུང་བས་འབྱུང་པོ་རྣམས་ཞེས་

Vol. 197 · folio 263b

པས་དབང་པོ་དང་དབང་ཕྱུག་དང་དབང་ལྡན་རྣམས་ཀྱི་ཨཱི་ཤ་དང་། ཨཱི་ཤྭ་ར་དང་། ཨཱི་ཤ་ན་ཡང་ངོ་། །ཨཀ་མཐའ་ཉེ་ལས་ཀ་དང་། ཨཱི་ཤྭ་ར་ནི་རང་དོན་ལས་ཞེས་པའི་ཚིག་ཕྲད་ལས་བར་ཡང་ངོ་། །ནུས་པ་དང་ན་ཚོད་དང་ངང་ཚུལ་རྣམས་ལའོ་ཞེས་པས་ཤཱ་ན་ཡང་ནའོ། །ཕྱུགས་བདག་ནི་ར་དང་རི་

དགས་ལ་སོགས་པ་ཐག་པས་བཏགས་པ་བཞིན་དུ་འདིས་ཀྱང་འཇོམས་བྱེད་ལ་སོགས་པའི་འཁོར་རྣམས་བཏགས་པས་བདག་པོ་ཞེས་སློབ་དཔོན་ར་བྷ་སའོ། །ཕྱུགས་ནི་སྐྱེས་བུ་རྣམས་ཏེ་དེ་རྣམས་འཁོར་བའི་འཆིང་བ་ལས་སྐྱོབ་བ་ན་ཞིང་གི་བདག་པོའོ་ཞེས་གཞན་དག་གོ། །ཞི་བ་ནི་ཡོན་ཏན་

གྱི་གནས་སྐབས་དང་བྲལ་བ་མཆོག་ཏུ་དགའ་བའི་རང་བཞིན་གྱི་ཕྱིར་རྣམ་འགྱུར་མེད་པར་གྱུར་པ་སྟེ། ཤི་བ་ལ་སོགས་པ་རྣམས་སོ་ཞེས་པས་ཀྭན་དང་། ཨི་ཉིད་དང་མ་དབྱི་བ་ཡང་ངོ་། །དེའི་མཚོན་ཆ་ནི་མདུང་ངོ་། །དབང་ཕྱུག་ཆེན་པོ་ནི་གོང་ན་རྒྱལ་པོ་གཞན་མེད་པའོ། །གསོད་བྱེད་ནི་

བསྐལ་པ་འཇིག་པའི་དུས་ན་འདིས་ཐམས་ཅད་འཇིག་པའོ། །འབྱུང་བ་རྣམས་འཇིག་པ་ལ་ཤྲི་ཎོ་ཏི་སྟེ། གྲཱྀ། ཤྲྀ་དག་ལས་ཝའོ། །བདེ་བ་ནི་ངེས་པར་ལེགས་པའི་མཚན་ཉིད་ཀྱི་དགའ་བའོ། །དེ་བྱེད་པས་ན་བདེ་བྱེད་དེ་ཀ་རོ་ཏི་ལ་ཨ་ཙའོ། །གཙུག་ན་ཟླ་བ་ནི་རྒྱ་མཚོ་བསྲུབས་པ་ལས་བྱུང་

བའི་ཟླ་བའི་དབུ་རྒྱན་ནོ། །འབྱུང་པོའི་དབང་པོ་ནི་ས་ལ་སོགས་པ་འབྱུང་བ་ལྔ་པོ་རྣམས་ཀྱིས་མི་རྣམས་རིགས་པ་བཞིན་སྐྱེད་ཅིང་རབ་ཏུ་འཇོམས་པས་སོ་ཞེས་པ་རིན་ཆེན་མཛོད་དུའོ། །ཡང་ན་འཇོམས་བྱེད་ལ་སོགས་པས་འབྱུང་པོ་རྣམས་ཀྱི་དབང་པོའོ། །དགྲ་སྟའི་དུམ་བུ་ནི་གཡུལ་གྱི་

དུས་སུ་དབང་ཕྱུག་གི་དགྲ་སྟ་ཁ་ཆག་གོ་ཞེས་གྲག་གོ། །རི་དབང་ནི་རི་བོ་ཀེ་ལ་ཤའི་བདག་པོའོ། །རི་སྨོད་ནི་འཇོམས་བྱེད་ལ་སོགས་པའི་འཁོར་རྣམས་རི་བོ་གངས་ཅན་ལ་ཉེ་བར་སྤྱོད་པའི་ཚེ་སྤྲུལ་པས་རིའི་གཟུགས་ཆུང་ངུར་བྱས་སོ། །པྲ་ལ་སོགས་པ་མེད་པ་ལས་ཀའོ། །ཡང་ན་རི་ལ་ཉལ་

ཞིང་གནས་པར་བྱེད་པ་སྟེ་ཌ་རྐྱེན་ནོ། །ཚིམ་བྱེད་ནི་སྙིང་སྟོབས་ཀྱི་ཡོན་ཏན་རྫོགས་པར་གྱུར་པས་བདེ་བར་བྱེད་པ་སྟེ་ཨིཀ་མཐའ་ཉེ་ལས་ཀའོ། །འཆི་ལས་རྒྱལ་ནི་དྲང་སྲོང་དཀར་པོ་ཞེས་པ་ལ་འཆི་རྟགས་བྱུང་བ་ལ་དབང་ཕྱུག་གི་བྱིན་གྱིས་བརླབས་པའི་གཞུང་འཆི་ལས་རྒྱལ་བཀླགས་

Vol. 197 · folio 264a

པས་འཆི་རྟགས་ལས་རྒྱལ་བས་ན་འཆི་ལས་རྒྱལ་ཏེ། བྷྲྀ་བྲྀ་ཏྲཱྀ་ཞེས་པ་ལ་སོགས་པས་ཁ་རྐྱེན་ནོ། །གཟིག་གོས་ནི་དེའི་པགས་པ་ལས་བྱས་པའི་གོས་སོ། །སྐྱོ་མེད་གཞུ་ནི་པི་ནཱ་ཀཱི་ཞེས་འབྱུང་སྟེ་དབང་ཕྱུག་ཁོ་ནའི་གཞུའི་མིང་ངོ་། །འཇོམས་བྱེད་ནི་དབང་ཕྱུག་གི་

འཁོར་རོ། །དྲག་ཤུལ་ནི་ཁྲོས་པའི་དུས་སུ་ངའི་སྟེང་ན་སུ་ཡང་མེད་དོ་སྙམ་པའོ། །ཨུན་ཚོགས་པ་ལའོ། །ཛིལ དཱུ་ར་ལ་སོགས་པ་རྣམས་སོ་ཞེས་པ་སར་ཀའོ། ཉིད་ཀྱང་ངོ་། །དཔལ་གྱི་མགྲིན་ནི་རྒྱ་མཚོ་བསྲུབས་པ་ལས་དུག་ནག་པོ་བརྩེགས་པ་བུམ་པ་གང་བྱུང་བ་དེ་གཞན་དུ་

བཞག་ན་སེམས་ཅན་འཆི་བར་བྱེད་ཅིང་ལྟོ་བར་སོང་ན་འཚིག་པར་བྱེད་པས་དབང་ཨུ་ཐ་སྒྲུབ་པ་ཕྱུག་གི་མགྲིན་པར་བཞག་གོ། །དེའི་སྟོབས་ཀྱིས་མགྲིན་པ། ཙུའ་ བེེ་ཌཱུརྱའི་མདོག་ལྟར་ཤིན་ཏུ་ལེགས་པར་གྱུར་པས་ན་དཔལ་གྱི་མགྲིན་པ་སྟེ། དཔེར་ན་བདག་གི་ཁ་ནི་དབྱངས་ཅན་

དང་མགྲིན་པ་ནི་དཔལ་ཞེས་པ་བཞིན་གཞན་གྱི་དོན་གྱི་བསྡུ་བའོ། །དེ་ཉིད་ཀྱི་ཕྱིར་འདི་ལ་མགུལ་ནག་ཅེས་ཀྱང་བྱའོ། །ཐོད་པ་འཆང་བ་ཡང་ངོ་། །གཡོན་ཕྱོགས་ལྷ་ནི་ཆགས་ཅན་ཟུར་གྱིས་ལྟ་བས་མཛེས་པ་བཞིན། འཇིག་རྟེན་ལས་འདས་པ་ལ་གནས་པས་འཇིག་རྟེན་ལས་ཕྱིར་ལོག་

པའམ་ཤིན་ཏུ་ལེགས་པའི་ཕྱིར་གཡོན་ཕྱོགས་ལྷའོ། །ལྷ་ཆེན་པོ་ནི་ལྷ་ཐམས་ཅད་ཀྱིས་ཀྱང་མཆོད་པའི་ཕྱིར་རོ། །གང་ཞིག་ལྷ་རྣམས་ཐམས་ཅད་ཀྱིས། །མཆོད་པའི་ཚད་ནི་ཆེན་པོས་མཆོད། །མ་ཧཱ་ཞེས་པ་མཆོད་པའི་བྱིངས། །དེ་ཕྱིར་ལྷ་ཆེན་མཆོད་ཆེན་བརྗོད། །ཞེས་སཱསྦྲ་སུ་ར་ཎ་

ལས་སོ། །སྣ་ཚོགས་མིག་ནི་བི་ཏུ་པཱཀྵ་ཞེས་འབྱུང་སྟེ་འདིའི་མིག་གཡས་པ་ཉི་མ། གཡོན་པ་ཟླ་བ། དབུས་མེའི་མིག་གོ། །སཀྠི་ཨཀྵི་ལས་རང་གི་ཡན་ལག་ལས་ཥ་ཙའོ། །མིག་གསུམ་པ་ཞེས་ཀྱང་བྱའོ། །མེའི་ཁུ་བ་ཞེས་པ་ནི་གཞོན་ནུ་སྨིན་དྲུག་གི་སྐབས་སུ་བཤད་པར་བྱའོ། །སྔོན་རབས་སྡོང་བུ། །

ཀུན་མཁྱེན་དང་རལ་ཁུར་ཅན་ཞེས་ཀྱང་བྱ་སྟེ། ཛ་ཊ་ཚོགས་པ་ལའོ། །ཨིར་ཞེས་པས་ཨུཎ་སོགས་ཅན་གྱི་ཨའོ། །ཁུར་ནི་ཚོགས་ཏེ་འདིའི་རལ་པའི་ཚོགས་སོ། །ཚངས་པས་སྦྱིན་སྲེག་བྱས་པ་ན་མེའི་ནང་དུ་དཔྲལ་བ་ནས་རྡུལ་ལྷུང་བས་མེ་སྔོན་པོ་དང་དམར་པོར་སོང་། །དེ་ལས་དབང་ཕྱུག་

Vol. 197 · folio 264b

སྐྱེས་པས་སྔོན་དམར་ཅན་ཞེས་བྱའོ། །དེ་ཡང་། རྟ་ནི་དམར་པོར་བྱུང་གྱུར་ཅིང་། །དེ་ཚེ་སླར་ཡང་སྔོན་པོར་གྱུར། །སྔོན་དམར་ཞེས་པ་འདི་དག་ལས། །གཙོ་བོ་འདི་ནི་བྱུང་བར་གྱུར། །ཞེས་བཤད་དོ། །འཕྲོག་པ་ནི་མུན་པའི་ཡོན་ཏན་གྱིས་འགྲོ་བ་ཐམས་ཅད་འཕྲོག་པར་བྱེད་པ་སྟེ་ཨཙ་རྐྱེན་

ནོ། །དྲན་པ་ནི་འདོད་པའི་ལྷའོ། །དེ་མིག་ནས་མེ་ཕྱུང་བས་བསྲེགས་པས་ན་དྲན་འཇོམས་སོ། །བསྐལ་པ་འཇིག་པའི་དུས་ན་འགྲོ་བ་ཐམས་ཅད་ཀྱང་འདིས་འཇོམས་པས་ན་འཇོམས་བྱེད་དོ། །བྱེད་པ་པོ་ལའང་གྷ་ཉའོ། །བྲསྠའི་བྷ་རྫའོ། །ཨམྦ་ཀ་ནི་མིག་གོ། །ལྷ་མ་ཡིན་གྱི་གྲོང་ཁྱེར་སུམ་

བརྩེགས་མདའི་མེས་བསྲེགས་པས་གྲོང་གསུམ་མཐར་བྱེད་དོ། །གང་གཱ་འཛིན་པ་ནི་མཐོ་རིས་ཀྱི་གནས་ཐམས་ཅད་བསྐལ་པའི་མེས་བསྲེགས་པའི་དུས་སུ་ལྷ་མོ་གང་གཱ་ལྷུང་ནས་བྱུང་བ་ན་ནམ་མཁའ་ལ་རལ་བ་བརྐྱང་ནས་རལ་པའི་སྟེང་དུ་གཟུང་ངོ་། །སྒྲའི་བསྒྲུབ་ཚུལ་གྱིས་འདིར་ཡང་མིག་གསུམ་པ་སྨོས་པ་སྟེ། སྔ་མ་ནི་ཏྲི་

ལོ་ཙ་ན་ཡིན་ལ། འདིར་ནི་ཏྲི་དང་ཨམྦ་ཀ་སྦྱར་བ་ཏྲྱ་མྦ་ཀ་ཞེས་པའོ། །དེ་ནས་གང་གཱ་འཛིན་དུ་གྲགས་སོ། །ལྷ་མ་ཡིན་ལོང་བ་ཞེས་པ་བསད་པས་ལོང་བའི་དགྲའོ། །ཁྱུ་མཆོག་རྒྱལ་མཚན་ནི་གླང་གི་རྒྱལ་མཚན་ནོ། །མཆོད་སྦྱིན་འཇོམས་ནི་ཨུ་མའི་ཕ་དྲང་སྲོང་གསལ་བ་ཞེས་བྱ་བས་མཆོད་སྦྱིན་བྱེད་པའི་ཕྱིར་ལྷ་

ཐམས་ཅད་གདན་དྲངས་ལ། དབང་ཕྱུག་གཅེར་བུར་གནས་པས་ངོ་ཚ་སྙམ་སྟེ་མ་བོས་སོ། །དེར་དབང་ཕྱུག་ཁྲོས་ཏེ་བསད་དོ་ཞེས་གྲག་གོ། །ནམ་མཁའི་སྐྲ་ཅན་ནི་ནམ་མཁའ་ལ་རལ་པ་བརྐྱང་པ་སྟེ། མངོན་ཁྱབ་དང་གཞི་ལ་བདུན་པའི་བསྡུ་བའོ། །ཞུགས་པར་གྱུར་པའི་དོན་ཅན་

ཉིད་ཀྱི་ཕྱིར་བྱ་བའི་ཚིག་མི་སྦྱར་རོ། །སྲིད་པ་ནི་ཡོན་ཏན་རྫོགས་པས་འདི་ལས་སྣ་ཚོགས་འབྱུང་བས་སྲིད་པ་སྟེ། ཨསྟི་བསྒྱུར་བའི་བྷཱུ་ལས་རྀཏ་ཀྱི་ཨུཏ་ཀྱི་ཨ་སའོ། །ཤྲི་བྷུ་དག་ལས་པྲ་ལ་སོགས་པ་མེད་པ་ཞེས་པས་ཤྲི་དང་ལྷན་ཅིག་སྤྱོད་པའི་བྷུ་སོགས་ཉིད་ལ་གྷ་ཉའོ། །འདིས་འཇིགས་

བྱེད་ཆེན་པོའི་གཟུགས་སུ་བྱས་ཏེ་ཁམས་གསུམ་པོ་འཇིགས་པར་བྱེད་པར་བྱེད་པས་ན་འཇིགས་བྱེད་དེ། བྷཱི་ལས་ཥུཀ་ཀྱང་ངོ་ཞེས་པས་མ་བྷཱི་མ་ཀའོ། །བྷ་བ་གནས་བྱེད་ནི་བསྐལ་པ་ཞིག་ཀྱང་གནས་པ་སྟེ། དྷེ་ནུ་ལ་སོགས་པ་རྣམས་སོ་ཞེས་ས་ནུའི་ཎ་ཉིད་ཀྱང་ངོ་། །རུའི་ཞེས་པས་ར་དབྱི་ཞིང་

Vol. 197 · folio 265a

དྲ་ཕྱིས་པ་ལ་ཨཎ་ལས་ཞེས་པས་རིང་པོའོ། །དུ་བྱེད་ནི་རུ་དྲ་སྟེ། ཚངས་པས་དབང་ཕྱུག་སྐྱེ་བ་ལེན་དུ་བཅུག་པས་དེ་ནས་དབང་ཕྱུག་དུས་སོ། །དེས་ན་དུ་བྱེད་དུ་གྲགས་སོ། །དེ་ཡང་། ཁྱོད་ལ་རུ་དྲ་ཞེས་པའི་མིང་། །དུ་བའི་ཕྱིར་ན་ཐོབ་པ་ཡིན། །ཞེས་བཤད་དོ། །ཏཉྩི་

བཉྩི། །ཤ་ཀི། ཀྵི་པི། ཀྵུ་དི། ཏུ་དི། མ་དི། མནྡི། ཙནྡ་རྣམས་ལས་ར་ཀའོ། །ཨུ་མཱ་ནི་དབང་ཕྱུག་ན་རེ། གངས་ལྡན་ལ་དཀའ་ཐུབ་ལ་འགྲོ་ཞེས་སྨྲས་པས་ཨུ་མཱ་རེངས་ཏེ་ཨུ་ཞེས་སྨྲས་ཏེ། ཨུ་མཱ་རུ་གཞན་དུ་དྲག་པོར་གྲགས་སོ། །གྲགས་སོ། །དེའི་བདག་པོ་དབང་ཕྱུག་གོ། །དེ་རྣམས་ཀྱི་དབང་ཕྱུག་

གི་མིང་ངོ་། །ཏུ་དྲའི་བསྒྲུབ་ཚུལ་གི་མིང་ངོ་། །ཆུས་གང་དག་བྱེད་ནི་དབང་ཕྱུག་གི་ཁོ་ནའི་རལ་པའི་མིང་སྟེ། ཀ་སརྡ་ཞེས་འབྱུང་ངོ་། །སརྦྦ་རྫོགས་པ་ལའོ། །སམྤད་ལ་སོགས་པས་ཀྭི་པའོ། །ཝའི་ར་ལས་དབྱིའོ། །ཀ་ནི་གང་གཱའི་ཆུ་ལ། པཱུ་ར་ནི་གང་བ་སྟེ་སྒྲ་སྒྲོགས་པར་བྱེད་དག་པར་བྱེད་པས་ན་སུས་ལས་ཞེས་པས་

ཀའོ། །ཡང་ན་ཀ་ནི་རྒྱན་དུ་གྱུར་པ་སྟེ་ཚངས་པའི་མགོའོ། །གང་ལ་འཛིན་པར་བྱེད་པ་ལ་ཌ་རྐྱེན། ཀ་སརྡྡཿའོ། །རལ་པ་བཅིངས་པ་ཞེས་ཀྱང་བྱའོ། །སྐྱོ་མེད་ཁྱབ་ཅེས་པ་ནི་དབང་ཕྱུག་གི་གཞུའི་མིང་སྟེ། གྲོང་ཁྱེར་གསུམ་སྲེག་པའི་མདའ་མེ་འབར་བའི་ཚོགས་ནམ་མཁར་ཁྱབ་པས་

བཅོམ་པས་ན་པ་ནཱ་ཀའོ། །ཨ་སི་ཉིད་འདིར་ཨ་སི་ཧི་ཏར་བཤད་པ་ནི་བྱ་བ་བརྗོད་པ་སྟེ། པྲ་ལ་སོགས་པའི་བསྡུ་བ་བརྗོད་པའོ། །ཤ་ཀནྟུ་ལ་སོགས་པ་ཉིད་ཀྱི་ཕྱིར་ཨ་ཡིག་ནི་ཕ་རོལ་གྱི་གཟུགས་ཉིད་དོ། །དེའི་རྣམ་གྲངས་སྒྲ་ལྡན་གཞུ་སྟེ། གཱཎྜི་ཨ་ཛ་ག་ལས་མིང་ལའོ་ཞེས་པས་ཝ་རྐྱེན་དང་

གཞན་རྣམས་ལ་སྐྱེ་མེད་ཁྱབ་ཡང་ངོ་ཞེས་པས་རང་བཞིན་གྱི་མཐའ་རིང་པོ་ཉིད་དོ། །ཨཛ་གཱ་ཝཾ་ཞེས་ཀེ་ཤ་ལ་སོགས་པའི་མདོར་པཱུརྞ་ཙནྡྲ་ནས་དཔེར་བརྗོད་དོ། །མིང་གི་བྲེང་བར་ནི་དང་པོ་རིང་པོར་སྣང་སྟེ། སྠ་ཎརྡྷ་ནུ་ར་ཛ་གཱ་ཝཾ་ཞེས་སོ། །ཤངྒ། དྷ་ནུ། སྨ་རཱ་རི། ཨ་ཛ་གཱ་ཝཾ། ཨ་ཛ་སྱ་བཱ་

པཻ་ཀཾ། ཞེས་པ་རྣམས་རིན་ཆེན་མཛོད་དང་བྷ་ཥའི་འགྲེལ་པར་སྐྱེས་བུ་མཆོག་གིས་ཀྱང་བཤད་དོ། །གཞན་དག་ནི་གཎྜི་ཨ་ཛ་ཀ་ལས་མིང་ལའོ་ཞེས་པ་ཨ་ཛ་ཁྱབ་འཇུག་གོ། །ཀ་ཚངས་པའོ། །དེ་དང་ལྡན་པས་ཝའོ་ཞེས་སོ། །དེ་ཡི་འཁོར་ནི་རབ་འཇོམས་སོགས་ཞེས་པ་འདིར་སཱ་རི་ཥ་འཁོར་

Vol. 197 · folio 265b

དེ་ནི་སཱ་རི་ཥ་ད་ཞེས་པར་བསྒྲུབས་པ་སྟེ། འདི་རྣམས་ཀྱི་དབང་ཕྱུག་གི་མི་མཐུན་པའི་ཕྱོགས་འཇོམས་པ་གཏུམ་པོ་དང་། དགའ་བྱེད་དབང་ཕྱུག་དང་། ནག་པོ་ཆེན་པོ་དང་། བྷྲྀང་གི་ཎི་ལ་སོགས་པའི་ཚོགས་རྣམས་སོ། །སཱ་རི་ཥ་ད་ལས་ཨརྒྱཤྩ་ཞེས་པས་ཎའོ། །དེ་རྣམས་རབ་འཇོམས་

འཁོར་རྣམས་སུ་བཤད་དེ། དྲག་པོ་ལ་སྡང་བ་རྣམས་རབ་ཏུ་འཇོམས་པར་བྱེད་པས་ཨ་ཙ་རྐྱེན་ནོ། །ཚངས་མ་ལ་སོགས་མ་མོ་རྣམས་ཞེས་པ་ནི། ལྷ་མ་ཡིན་ཏུ་ཏུ་དང་དབང་ཕྱུག་འཐབས་པ་ན་དེའི་དུས་སུ་དབང་ཕྱུག་གི་རྡུལ་ས་ལ་ལྷུང་བ་ལས་ཚངས་མ་ལ་སོགས་པའི་མ་མོ་བདུན་དུ་གྱུར་

ཏེ། དེ་ཡང་འདི་ལྟར། ཚངས་མ་དང་། ཁྱབ་འཇུག་མ་དང་། དབང་མོ་དང་། ཕག་མོ་དང་། ལུས་ངན་མོ་དང་། དྲག་མོ་དང་། གཞོན་ནུ་མ་རྣམས་སོ། །ཚངས་མ་ནི་རྒྱལ་རིགས་མ་རུ་བརྗོད་དེ། ཎིའི་མཐའ་ལས་བྱེ་བ་ལས་ཨཎ་ལའོ་ཞེས་པར་མཚོན་བྱ་དང་མཚོན་བྱེད་དུ་སློབ་དཔོན་

སྐྱེས་བུ་མཆོག་གིས་བྱས་སོ། །ཚིག་སྔ་མ་ལས་མིང་ལའོ་ཞེས་པས་ཎ་ཉིད་དོ། །ཊིཏ་ཌྷ་ཨཎ་ལ་སོགས་པར་དཱི་པའོ། །ཚངས་པའི་མཐུ་ལས་བྱུང་བ་ནི། །ཚངས་མ་ཞེས་པར་མངོན་པར་བརྗོད། །ཅེས་པ་སྟེ། གཏུམ་མོ་བདག་ཉིད་ཆེན་མོའོ། །ཚངས་མ་ཞེས་པ་ལ་སོགས་པར་ཨསྟུ་

ཞེས་བཀླགས་པ་ནི་ཚངས་པ་འདི་ཚངས་མ་སྟེ། ལྷག་མ་ལས་ཨཎའོ། །ཨུཎ་སོགས་ལ་མ་ཡིན་ཞེས་པས་ཨནྟིའི་ཨ་ཙ་ལ་སོགས་པ་དབྱིའོ། །ཚངས་མར་གྱུར་པ་ནི་ཚངས་པའི་ནུས་པ་དང་བྷ་ར་ཏཱི་དང་སོ་མ་བལླ་རཱི་ཞེས་པ་དྲག་པོས་ཀྱང་ངོ་། །ཀ་ཡེ་ཚངས་མ་ལུས་ངན་མ། །ཁྱབ་

འཇུག་དྲག་མོ་སྐེམ་བྱེད་མ། །གཏུམ་མོ་ཟླ་བ་མ་ཁྱོད་འདུད། །ཅེས་བཱ་ལ་རཱ་མ་ཡ་ཎ་སློབ་དཔོན་མངོན་པར་དགའ་བས་ཀྱང་ངོ་། །ཁྱབ་བདག་ནི་ཕུན་སུམ་ཚོགས་པ་རྣམས་ཀྱི་བདག་པོའོ། །རྣམ་གྲངས་ནི་ཁྱབ་བྱེད་དོ། །ཆུང་ངུ་ལ་སོགས་པ་ནི་དབང་ཕྱུག་གི་ཡོན་ཏན་བརྒྱད་དེ། ཆུང་ངུ་

དང་། ཡང་བ་དང་། ཐོབ་པ་དང་། རབ་ཏུ་ཐོབ་པ་དང་། དེ་བཞིན་དུ་མཆོད་པར་བྱ་བ་དང་། དབང་བ་དང་། དབང་སྒྱུར་བྱེད་པ་དང་། འདོད་པ་བཞིན་གནས་པ་སྟེ། ཕྲ་བ་ལ་སོགས་པའི་རབ་ཏུ་དབྱེ་བས་དབང་ཕྱུག་གི་ཡོན་ཏན་གྱི་འབྱོར་པ་བརྒྱད་དུ་མངོན་པར་བརྗོད་དོ། །དེ་ལ་ཕྲ་བ་ནི་གང་

Vol. 197 · folio 266a

གི་ཡོན་ཏན་ཕྲ་བར་གྱུར་པས་རྒྱུ་དང་འབྲས་བུ་དང་བཅས་པའི་ཉེར་སྤྱོད་རྣམ་པར་སྤྱོད་པས་ན་ཕྲ་བ་ཞེས་བརྗོད་དོ། །ཡང་བ་ནི་ཡང་བ་དེ་ཉིད་རླུང་བཞིན་དུ་ཆེས་ཡང་བ་གང་ཡིན་པའོ། །ཐོབ་པ་ནི་གང་འདོད་པ་རབ་ཏུ་ཐོབ་པ་སྟེ། དཔེར་ན་སོར་མོའི་རྩེ་མོས་ཀྱང་ཟླ་བ་ལ་

རེག་པའོ། །རབ་ཏུ་ཐོབ་པ་ནི་འདོད་པ་ལ་གེགས་མེད་པ་སྟེ། དཔེར་ན་ཆུ་ལ་བྱ་བ་བཞིན་དུ་ས་ལ་ཡང་བྱིའུ་ཟུལ་བྱེད་པའོ། །མཆོད་པར་བྱ་བ་ནི་མཆོད་པ་ཉིད་དོ། །འཁོར་གྱིས་བརྗེད་པར་བྱ་བ་གང་ཡིན་པའོ། །དབང་བ་ནི་གཙོ་བོར་གྱུར་པ་ཉིད་དེ། བརྟན་པ་དང་གཡོ་བའི་འབྱུང་པོ་རྣམས་

སྒྱུར་བར་བྱེད་པ་གང་ཡིན་པའོ། །དབང་སྒྱུར་བར་བྱེད་པ་ནི་དབང་བྱེད་དེ། རང་གི་རྒྱུད་ལ་སྤྱོད་པ་གང་ཡིན་པའོ། །འདོད་པ་ལ་འདོད་པས་གནས་པའི་ངང་ཚུལ་གང་ཡིན་པ་དེའི་དངོས་པོ་ནི་འདོད་པ་བཞིན་གནས་པ་ཉིད་དོ། །བྱིངས་རྣམས་ནི་དོན་དུ་མ་ཅན་ཉིད་ཀྱི་ཕྱིར་འདིར་ཤཱི་ངའི་བྱིངས་

ནི་གནས་པར་བྱེད་པའི་དོན་ཏེ། ས་དང་ནམ་མཁའ་དང་བར་སྣང་ལ་ཀུན་དུ་གནས་པའི་ཡོན་ཏན་གང་ཡིན་པའོ་ཞེས་པའི་དོན་ཏོ། །དེ་དག་ནི་གྲངས་བདུན་ཅུ་པའི་རྒྱ་ཆེར་འགྲེལ་དུ་སློབ་དཔོན་ཛ་ཡ་མཾ་ག་ལས་རྣམ་པར་ཕྱེ་བའོ། །ཚིགས་སུ་བཅད་པ་ཕྱེད་དང་གཉིས་ཀྱི་ཨཱུ་མཱའི་མིང་ངོ་། །

ཨུ་མཱ་ཞེས་པ་མ་མ་སྟེ། དཀའ་ཐུབ་བཀག་པས་དེ་ནས་ཨུ་མར་གྲགས་ཏེ། བཞིན་བཟང་མར་འགྲོའོ། །ཀ་ཏྱཱ་ཞེས་པའི་བུ་མོ་ཡིན་པས་ཀ་ཏྱཱའི་བུ་མོའོ། །གརྒ་སོགས་ལས་ཡཉའོ། །ལོ་ཧི་ཏ་སོགས་རྣམས་དང་ཤ་ཀ་ལའི་མཐའ་རྣམས་ལ་ཞེས་པས་ཥྥའོ། །ཥི་ཏ་ལས་དཱི་ཥའོ་

སེར་སྐྱ་མ་ནི་དབང་ཕྱུག་དཀའ་ཐུབ་ལ་ཞུགས་ནས་སེར་སྐྱ་མ་ཁྱོད་དང་ལྷན་ཅིག་མི་གནས་པའི་དཀའ་ཐུབ་བྱེད་དོ་ཞེས་ཟེར་ནས། དབྱར་ཟླ་ར་བ་ལ་ཕྱོགས་བཞི་ནས་མེ་བཞི་དང་། སྟེང་ནས་ཉི་མ་དང་ལྡས་གདུངས་པ་ན། དེར་དབང་ཕྱུག་འོངས་ཏེ་ས་འོག་ནས་གངྒཱ་བཏོན་ནས་མེ་ཞི་བར་བྱས་

སོ། །དེར་ཁ་དོག་ནག་མོར་སོང་བ་དང་ནག་མོ་ཞེས་སྨྲས་པ་ན། སླར་ཁྲོས་ཏེ་སྡུག་བསྔལ་སྤྱད་པས་ཁ་དོག་སེར་སྐྱར་སོང་ཞེས་གྲག་གོ། །གཽ་རཱི་ལ་སོགས་པ་ལས་དཱི་ཥ་དང་། བྷ་ཛ་གོ་ཎ་སོགས་ལས་དཱི་ཥའོ། །གནས་སྐབས་ཀྱི་དབྱེ་བས་དཀར་མོ་དང་ནག་མོར་བརྗོད་དོ། །གངས་ལྡན་བུ་

Vol. 197 · folio 266b

མོ་ནི་གངས་རིའི་ལྷའི་བུ་མོ་ཡིན་པས་གངས་ལྡན་བུ་མོ་སྟེ། བུ་བརྒྱུད་ལ་ཞེས་པས་ཨཎའོ། །འདོད་པ་རབ་ཏུ་བྱུང་བར་གྱུར་པ་རྣམས་ལས་ཞེས་པས་སྔ་མ་བཞིན་ཝ་ར་ཙའོ། །སཱི་བ་ར་ལ་སོགས་པ་རྣམས་སོ་ཞེས་པས་ཊཱ་ར་ཙི་དང་ཨི་ཤྭ་རཱི་ཞེས་བྱ་བ་ཡང་འདིའི་མིང་ངོ་། །ཡཱ་བ་བཱི། ཀརྦ་རཱི་དང་།

ཨི་ཤྭ་རཱི་དང་། ཨི་ཤྭ་རཱ་ཞེས་པ་སྐབས་གསུམ་གྱི་ལྷག་མར་རོ། །ནུས་པ་དང་ནུས་པ་ལྡན་པ་དབྱེར་མེད་པ་ནི་ཞི་བའི་ནུས་པ་སྟེ་ཞི་མའོ། །ཨིནྡྲ་པ་རུ་ཎི་ལ་སོགས་པ་རྣམས་སོ་ཞེས་པས་སྲིད་མ་དང་། འཚེ་བྱེད་མ་དང་། དྲག་མོ་དང་། ཚིམ་བྱེད་མ་རྣམས་ནི་སྐྱེས་བུའི་རྟགས་ཀྱི་ཚུལ་གྱིས་དཱི་ཥ་

རྗེས་སུ་ལྡན་པའོ། །བཀྲ་ཤིས་ཐམས་ཅད་འདི་ལ་ཡོད་པ་དེ་ལ་གསལ་བར་བྱེད་པ་ནི། ཀུན་ལ་བཀྲ་ཤིས་མའོ། །ལོ་མ་མེད་ནི། འདི་དཀའ་ཐུབ་ལ་གནས་པ་ན་ལྗོན་ཤིང་གི་ལོ་མ་རྙིངས་པ་ལ་ཡང་ཡོངས་སུ་མི་སྤྱོད་པས་སོ། །རི་སྐྱེས་ནི་རིའི་བུ་མོ་སྟེ་ལྷག་མ་ལ་ཞེས་པས་ཨཎའོ། །

རྫོང་ན་གནས་ནི་བགྲོད་དཀའ་བའི་རིལ་དཀའ་ཐུབ་ཀྱིས་གནས་པ་སྟེ། ཨཪྴས་སོགས་ལ་ཨཙའོ། །གཏུམ་མོ་ནི་དྲག་པོའི་ཉམས་དང་ལྡན་པ་སྟེ། ཨཙ་རྐྱེན་ནོ། །ཡང་ན་ཤྭ་ན་སོགས་ཉིད་ཀྱི་ཕྱིར་དཱི་ཥའོ། །གཏུམ་མོ་ནི་གཏུམ་བྱེད་མའོ། །ཡ་བ་སོགས་ལས་ཀནའོ། །ཀ་ལ་ཨུཎའི་ཐུང་

དུའོ། །འགྲོ་བའི་མ་ཞེས་ཀྱང་བྱ་སྟེ། འདིར་ཨམྦི་ཀཱ་ནི་མའོ། །དེ་ལ་ནག་མོ་དང་སེར་སྐྱ་མ་ཞེས་པ་ནི་སྐབས་གསུམ་གྱི་ལྷག་མ་ལས་སོ། །ཨུ་ནི་བདེ་བྱེད་དེ། དེ་འདི་དང་ལྷན་ཅིག་གནས་པས་ལྷན་ཅིག་གཞན་གྱི་དོན་གྱི་བསྡུ་བའོ། །གཽ་རཱི་ནི་ངག་གི་དོན་ལ་ཞེས་པ་གོའི་སྒྲ་ལ་ཨུཎ་སོགས་ཅན་

ལ་མ་ཡིན་ཞེས་སོ་སོར་གནས་པ་ལ། ཨུཎ་སོགས་མ་ཡིན་པའི་ཌོའོ། །རྐྱེན་མཐའ་ཉེ་བར་མཚོན་པར་དྱཽ་རཽ་ཉིད་འདིར་མ་ཡིན་ནོ། །འགའ་ཞིག་ནི་ག་ཡིག་མི་བརྗོད་དོ་ཞེས་པཱ་ཎི་ནིའི་འགྲེལ་པ་མཛད་པ་སློབ་དཔོན་བཱ་མ་ནས་བཤད་དོ། །ཨོཏ་ཨཽཏ་ཅེས་ཤཱ་ཀ་ཊཱ་ཡ་ནའི་མདོར་ཡང་ངོ་། །ཤཱ་ཀ་

ཊ་ཡ་ནིའི་ལུགས་ཀྱང་འདིར་ཨཽ་ཉིད་མེད་པ་ཅི་ཞེ་ན། གང་གི་ཚེ་མཚན་ཉིད་ཅན་དུ་བཤད་པའི་ཕྱིར་ཧེ་ཙི་ཏྲ་གོ། །ཧེ་ཙི་ཏྲ་ག་བ་ཞེས་པ་འདིར་མིན་ནོ། །བཤད་པ་ལས་མ་བརྗོད་པའི་ཕྱིར་འདིར་ཨཽ་ཉིད་མེད་དོ་ཞེས་སློབ་དཔོན་སྲུང་བས་ཀྱང་སྟེ། གཉིས་པ་འདི་ཉིད་རིགས་སོ། །དེ་བཞིན་དུ་

Vol. 197 · folio 267a

གཟུགས་ཀྱི་སྙེ་མར་ཡང་སློབ་དཔོན་དྲག་པོའི་འབངས་ཀྱིས་ཨཱང་ཤ་སུའི་ཨོ་ཨ་ཝར་བསྒྱུར་ཏེ་དཔེར་བརྗོད་པར་ས་བཾ་ས་བ་ཞེས་ཡོད་ཀྱི་ཙི་ཏྲ་གཽ་ནི་མེད་པ་ཉིད་དོ། །དེ་རྣམས་ཀྱིས་ཨུ་མའི་མིང་གི་རྣམ་གྲངས་སོ། །ཚིགས་སུ་བཅད་པ་གཅིག་གིས་ལོག་འདྲེན་གྱི་མིང་

གི་རྣམ་གྲངས་སོ། །བགེགས་རྣམས་ཀྱི་གཙོ་བོ་ཡིན་པའི་ཕྱིར་ལོག་འདྲེན་ཏེ། པྲ་ལ་སོགས་པའི་བསྡུ་བའོ། །བགེགས་རྣམས་ཀྱི་བདག་པོ་ཡིན་པའི་ཕྱིར་བགེགས་ཀྱི་རྒྱལ་པོའོ། །སྔ་མ་བཞིན་དུ་ཊ་ཙ་ལ་སོགས་པའོ། །མ་གཉིས་ནི་དབང་ཕྱུག་ལ་ཆུང་མ་གཉིས་ཏེ་གཅིག་གངྒཱའོ། །

དེ་ལ་བུ་གཅིག་སྐྱེས་པ་ན་ཨུ་མས་བལྟར་ཕྱིན་ཏེ། བུ་སྟོན་ཅེས་སྨྲས་པས་བུ་ལ་མགོ་མེད་དོ་ཟེར་ནས་སྟོན་དུ་མ་འདོད་དོ། །ཨུ་མཱ་ཁྲོས་ཏེ་མགོ་མེད་པར་གྱུར་ཅིག་ཅེས་སྨྲས་པས། དེར་བུ་ལ་བལྟས་པས་མགོ་མེད་པར་སོང་འདུག་སྟེ། སླར་ཨུ་མ་ལ་ཞུས་པས་མགོ་བྱང་དུ་བསྟན་པའི་རོ་གང་

རྙེད་པ་ཅིག་གི་མགོ་ཆོད་ལ་སྦྱོར་ཅིག་དང་བུའི་མགོ་ཡོད་པར་འགྱུར་རོ་ཞེས་ཟེར་བས། དེར་མིའི་མགོ་མ་རྙེད་ནས་གླང་པོ་ཆེའི་རོ་གཅིག་དང་ཕྲད་དེ། དེའི་མགོ་བཅད་ནས་སྦྱར་བས་གླང་པོའི་མགོ་ཅན་དུ་གྱུར་ཏོ་ཞེས་གྲག་གོ། །དེ་ནས་ཨུ་མཱ་དང་གཾ་གཱ་གཉིས་ཀྱིས་བསྐྱངས་པའི་ཕྱིར་མ་གཉིས་

པ་སྟེ། བུ་བརྒྱུད་ལ་མཱ་ཏྲི་ལས་སཾ་ཁྱཱ་སཾ་བྷ་དྲ་ལ་སོགས་པ་ལས་སོ་ཞེས་པས་ཨཎའོ། །ཨུཏ་ཉིད་ཀྱང་ངོ་། །ཚོགས་ནི་གཏུམ་མ་ལ་སོགས་པ་འཇོམས་བྱེད་ཀྱི་ཚོགས་རྣམས་སོ། །དེ་རྣམས་ཀྱི་བདག་པོར་གྱུར་པ་ན་ཚོགས་བདག་གོ། །མཆེ་བ་གཅིག་པ་ནི་སྨིན་དྲུག་གི་བུས་མཆེ་བ་ཕྱུང་བའི་

ཕྱིར་མཆེ་བ་གཅིག་པ་སྟེ། དེ་ཡང་ཨུ་མའི་བུ་སྨིན་དྲུག་དང་རྩེས་པ་ན། སྨིན་དྲུག་གིས་མཆེ་བ་ལ་འཕྱངས་པས་ན་ཆག་གོ། །དེ་ནས་སྨིན་དྲུག་བདས་པ་ན་མའི་དྲུང་དུ་བྲོས་ཏེ། མ་ན་རེ་ཆུང་བ་ལ་བསམ་པ་མེད་པས་དེ་ལྟར་མ་བྱེད་ཟེར། །འོ་ན་ཆེར་སོང་པ་དང་གསོད་ཅེས་ཟེར་བས། ཇི་སྲིད་ཁྱོད་

ཀྱི་པུས་མོ་ལམ་སླེབས་ཀྱི་བར་མ་བསད་ཅིག་ཟེར་རོ། །དེ་ནས་སྨིན་དྲུག་དུས་རྟག་ཏུ་གཞོན་ནུར་གནས་སོ། །ཙནྡྲ་པཱི་ཏ་དང་མ་ཧཱ་ན་ཌཽ་དང་། ཞི་བསྐྱེས་དང་། རི་བོ་འཆིང་དང་། ཛ་ཊཱ་ཊི་ར་དང་། ཨ་ཐརྦ་ར་ནརྡྷ་དང་། ན་གུ་ཧ་ཀེ་ཤོ་གྲ་དང་། དུས་ཀྱིས་རྒན་ཞེས་པ་རྣམས་སྐབས་གསུམ་གྱི་ལྷག་མར་རོ། །

Vol. 197 · folio 267b

ཧེ་ནི་བདེ་བྱེད་དང་རམྦ་ནི་ཉེ་བར་གནས་པར་བྱེད་བ་སྟེ། ཧེ་རམྦའོ། །བདུན་པ་ལ་མང་པོ་ལ་ཞེས་པས་མི་འཇིག་གོ། །ཆ་ཤས་དང་ཚོགས་པའི་ཉེ་བར་སྤྱོད་པ་ལས་འདི་ལ་གླང་པོའི་གདོང་ཞེས་ཀྱང་བྱའོ། །དེ་རྣམས་ཀྱིས་ཚོགས་བདག་གི་མིང་ངོ་། །ཚིགས་སུ་བཅད་པ་གཉིས་ཀྱིས་སྨིན་དྲུག་གི་བུའི་

མིང་ངོ་། །སྨིན་དྲུག་ནི་ནུ་མ་བསྣུན་པའི་མའོ། །ཀྲྀ་ཏི་ཀཱ་ལ་བུ་བརྒྱུད་ལ་དཱི་པ་ཨཱས་ཏི་ཨཱུང་ཞེས་པས་ཌྷཀའོ། །སྡེ་ཚན་ནི་འདི་དམག་གི་དཔུང་ཆེན་པོ་དང་ལྡན་པའོ། །འདམ་བུའི་ཚལ་དུ་སྐྱེས་པའི་ཕྱིར་འདམ་བུ་སྐྱེས་སོ། །གདོང་པ་དྲུག་ཡོད་པས་གདོང་དྲུག་གོ། །སྐེམ་བྱེད་ནི་ལྷ་མ་ཡིན་གྱི་སྟོབས་

སྐེམས་པར་བྱེད་པ་སྟེ་ཨཙ་རྐྱེན་ནོ། །ལྷའི་དམག་རྣམས་ཀྱིས་འདྲེན་པར་གྱུར་པའི་ཕྱིར་དམག་དཔོན་ནོ། །དམག་རྣམས་འདྲེན་པར་བྱེད། རབ་ཏུ་ཁྱབ་པར་བྱེད་དོ་ལ་ཀྭི་པ་རྐྱེན་ནོ། །མེ་སྐྱེས་ནི་སྔོན་ལྷ་ཆེན་པོ་དྲག་པོ་དང་ཨུ་མ་སྙོམས་འཇུག་བྱེད་པའི་དུས་སུ། མེ་ལྷ་ན་རེ་ས་བོན་རྣམས་ཨུ་མཱའི་

མངལ་དུ་སོང་ན་བུ་ཤིན་ཏུ་ཐུབ་འབྱུང་བས་མ་བཏང་ཟེར་རོ། །དེ་ནས་དྲག་པོས་ས་བོན་ས་ལ་ཕོ་བ་ན་ཨུ་མཱས་མེ་ལྷ་ཁྱོད་ཀྱི་མངལ་དུ་གྱུར་ཅེས་དམོད་པ་བཏབ་པས། དེའི་མངལ་དུ་སོང་སྟེ་ཤིན་ཏུ་མི་བཟོད་པས་སྐྱོ་ཞིང་དུ་བ་སྟེ། ལྷ་མོ་གཾ་གཱའི་དྲུང་དུ་ཕྱིན་ཏེ་ཕྱུང་ནས་དེའི་མངལ་དུ་བཅོལ་ལོ། །དེས་

སྨྱུག་མའི་ཚལ་དུ་ཕྱིན་ནས་སྐྱེས་པས་སྨྱིག་མའི་ཚལ་སྐྱེས་སོ། །མེ་ལྷའི་མངལ་དུ་སོང་བས་མེ་སྐྱེས་སོ། །དེ་ཡང་སྨིན་དྲུག་གིས་ནུ་མ་བསྣུན་ཏེ་ཡང་དག་པར་བསྐྱེད་པས་སྨིན་དྲུག་གི་བུ་ཞེས་བརྗོད་དོ། །དབང་ཕྱུག་ལ་མེའི་ས་བོན་ཞེས་ཀྱང་དེ་ནས་གྲགས་སོ། །སྦེད་བྱེད་ནི་ལྷའི་དམག་རྣམས་

བསྲུངས་ཏེ། ཨིཀ་མཐའ་ཉེ་ལས་ཀའོ། །མང་པོ་སྐྱེས་ནི་སྨིན་དྲུག་ལ་མ་དྲུག་ཡོད་པས་སོ། །བུ་བརྒྱུད་ལ་སྔ་མ་བཞིན་ཌྷ་ཀའོ། །མ་དྲུག་པ་ཡང་དེས་བཤད་དོ། །སྒྲོལ་བྱེད་ནི་ལྷ་མ་ཡིན་གྱི་བྱེ་བྲག་སྟེ་དེ་བསད་པས་སྒྲོལ་བྱེད་འདུལ་ལོ། །སྐར་མ་ས་ག་དང་ཟླ་བ་ལྡན་པས་མཚོན་པའི་

དུས་སུ་འདི་སྐྱེས་པས་ན་ས་ག་སྐྱེས་ཏེ། ཨུ་མཱ། མེ་ལྷ། གཾ་གཱ། འདམ་བུའི་ཚལ། སྨིན་དྲུག། ས་ག། སཾ་དྷྱ་སོགས་ལས་ནི་རྒྱུ་སྐར་ལས་ཨཎའོ། །བཏྨ་ཤཱ་ལ་རྒྱུ་སྐར་རྣམས་ལས་མང་པོ་ལའོ་ཞེས་པས་དེ་འཇིག་གོ། །འཇིག་པའི་ཨཎ་ལ་སོགས་པས་ལུཀྱ་གོ་ཎཱ་འདི་རྣམས་ཀྱི་ཞེས་པས་དཱི་པ་ཡང་ངོ་འཇིག་གོ། །

Vol. 197 · folio 268a

གཙུག་ཕུད་ཅན་ནི་རྨ་བྱ་སྟེ་དེའི་བཞོན་པ་ཅན་ནོ། །སྨིན་དྲུག་ནི་དྲུག་གོ། །དེའི་ཕྱིར་མ་དྲུག་པ་སྟེ་བུ་བརྒྱུད་ལ་མ་གཉིས་པ་བཞིན་ཨཎའོ། །ཛྷ་ལའི་ཛ་ཤ་ཕ་རོལ་ལ་ཉམ་ཉིད་ཡང་ནའོ་ཞེས་པས་ཎ་ཉིད་དོ། །མདུང་ཐུང་ནི་མཚོན་ཆའི་ཁྱད་པར་ཏེ་འཛིན་པར་བྱེད་པ་ལ་

ཨཙ་རྐྱེན་ནོ། །གཞོན་ནུ་ནི་འདི་ལ་ཚངས་པས་རྟག་ཏུ་བྱིས་པ་གཞོན་ནུ་ལྟ་བུ་བྱིན་པ་སྟེ། དེ་སྐད་དུ་སྐེམས་བྱེད་ཀྱི་སྔོན་རབས་ལས། །དེ་ནི་ལྷ་ཡི་བུར་གྱུར་ཏེ། །སྟོབས་ཆེན་སྦྱོར་བ་དང་ལྡན་པ། །བྱིས་པ་བཞིན་དུ་རྟག་ཏུ་མཛེས། །འདི་ནི་ཆོས་ཀྱི་སྲས་ཡིན་ཏེ། །བཅུ་དྲུག་ལོ་ལོན་བྱིས་པ་

ལྟར། །ཇི་སྲིད་དུས་སུ་བཅུ་དྲུག་ལོ། །བཅུ་དྲུག་ལོ་ལོན་བྱིས་པ་བཞིན། །བསྟན་ཕྱིར་འདི་ནི་གཞོན་ནུར་བཤད། །ཅེས་སོ། །རླུང་གི་སྔོན་རབས་ལས་ནི་འདིའི་ལྷའི་དམག་གིས་བརྒྱ་བྱིན་གྱི་བུ་མོ་བླངས་པས་ཞེས་ཐོས་སོ། །ཆེར་སྐྱེས་ན་ཚོགས་བདག་གིས་གསོད་པས་གཞོན་ནུར་གནས་

སོ་ཞེས་ཀྱང་འབྱུང་ངོ་། །ཁྲུང་ཁྲུང་འཇོམས་ཞེས་པ་ནི་ལྷ་མ་ཡིན་ཁྲུང་ཁྲུང་ཞེས་པ་བསད་པ་སྟེ། དེའི་ཆུང་མ་ན་རེ་གདོང་དྲུག་གིས་གསོད་ཅེས་ཟེར་རོ། །དེ་འཇོམས་པར་བྱེད་པ་ལ་ནནྡི་སོགས་ལས་ལྻུའོ། །དབང་པོ་ཞེས་པ་ནས་རི་སྐྱེས་ལྡན་ཞེས་པའི་མཐར་ཐུག་པ་ནི་བརྒྱ་བྱིན་གྱི་མིང་ངོ་། །

དབང་པོ་ནི་ལྷ་རྣམས་ཀྱི་རྒྱལ་པོ་ཡིན་པའི་ཕྱིར་རོ། །ཨི་དི་མཆོག་གི་དབང་ཕྱུག་ལའོ། །ཝ་སི། བ་ཛི། བྲྀ་དྷི། ཨིནྡི་རྣམས་ལས་རཀའོ། །ལྷ་ལྡན་ནི་འདི་ལ་ལྷ་ཡོད་པ་སྟེ། མ་རུཏ་ཡང་འདི་ལ་ལྷོ་ཡོད་པས་མ་ཏུས་རྐྱེན་ནོ། །ཛྷ་ལ་ལས་ཞེས་པས་ཝ་ཉིད་དོ། །ལྷ་ཐམས་ཅད་དེས་

མཆོད་པའི་ཕྱིར་མཆོད་བྱེད་དེ་ཤྭ་ལ་སོགས་པ་རྣམས་སོ་ཞེས་པས་མ་ཧི་ལས་ཀ་ནིན་ཏེ་མ་གྷ་བ་རུ་བསྒྱུར་བ་ཡང་ངོ་། །སྐྱེས་བུའི་ཚུལ་གྱིས་དཱི་ཥ་ལ་མ་གྷོ་ནི་ཞེས་པ་ནི། ཤྭ་ཡུ་བན་ཞེས་པ་ལ་སོགས་པའི་མདོར་པཱུརྞ་ཙནྡྲ་ནས་སོ། །ཅི་ལྟར། མ་གྷ་བནྟཽ། མ་གྷ་བནྟོ། མ་གྷ་བ་ཏི། མ་གྷ་

བད་བཛྲ་ལཛྫ་ནི་མགྷ་ལྦན་ད་ནཾ་ཞེ་ན། མ་གྷ་ཝ་ད་ནཾ་ཞེ་ན། མ་གྷ་ལྷ་མཆོད་སྦྱིན་ནོ་ཞེས་པཱུརྞ་ཙནྡྲ་ནས་བྱིངས་ཀྱི་དཔུང་གཉེན་ལས་སོ། །དེ་དང་ལྡན་པའི་ཕྱིར་མ་ཏུ་སའོ། །ཁྱབ་བི་ཌོ་ཛ་སྟོབས་ནི་མཐའ་དག་ལ་ཁྱབ་པའི་སྟོབས་ཡོད་པ་སྟེ་བིཊ་ནི་ཁྱབ་པ་དང་ཨོ་ཛ་ནི་སྟོབས་ཏེ་འདི་ཡང་པྲྀ་ཥོ་ད་ར་སོགས་ཉིད་ཀྱི་

Vol. 197 · folio 268b

ཕྱིར་ཨོ་ཉིད་དུ་ཡི་གེ་བསྒྱུར་རོ། །པི་ཝ་ཏི་དྲུ། དྷུ་ཏི་ཞེས་པ་དང་། ཨིཎ། བྷཱི། ཀཱ། པཱ། ཤ་ལི། མ་རྩི་རྣམས་ལས་ཀ་ནའོ། །པཱ་ཀ་སྨིན་པ་ཞེས་པ་སྟེ་ལྷ་མ་ཡིན་འཕེལ་བའི་སྤུན་ནོ། །དེ་ཚར་བཅད་པའི་ཕྱིར་སྨིན་པ་འཇོམས་ཏེ། ནནྡི་སོགས་སོ། །རྒན་ལས་ཉན་ནི་བརྒྱ་བྱིན་ལ་དྲང་སྲོང་གི་འཁོར་སྟོང་

ཡོད་དེ། རྒན་པ་ནི་དེ་རྣམས་རིག་པས་རྒན་པའོ། །དེ་རྣམས་ཀྱིས་གང་བསྒོ་བ་བཞིན་དུ་ཉན་པས་ན་རྒན་ལས་ཉན་ནོ། །ཤིས་བརྗོད་ཉན་ནི་བརྒྱ་བྱིན་ལ་ལྷ་རྒྱལ་བར་གྱུར་ཅིག་འཚོ་བར་གྱུར་ཅིག་ཅེས་པ་ལ་སོགས་པ་དྲང་སྲོང་རྣམས་ཀྱིས་ཤིས་པ་བརྗོད་པའོ། །ནཱ་ཤྲཱི་སྒྲ་ལའོ། །དནྟི་སོགས་

སོ། །གམྦྷི་ར་ལ་སོགས་པ་རྣམས་སོ་ཞེས་པས་ཨི་རན་འོ། །བརྒྱ་བྱིན་ནམ་མཁའ་བཞིན་དུ་རྣམ་པར་གྲགས་པ་ཤིས་བརྗོད་ཉན་ཞེས་ངོ་མཚར་བའི་སྙེ་མར་སྦྱར་རོ། །ལུས་ཀྱི་སྦྱིན་པའི་འོད་ཟེར་རྣམས་ཁོ་ན་ཤིས་བརྗོད་ཀྱི་སྔོན་དུ་འགྲོ་བར་མཐོང་སྟེ། སློབ་དཔོན་ཤེས་རབ་འབྱུང་གནས་

སྦས་པས་གྲགས་པའི་བཞེད་པའི་རྒྱན་མཛད་པ་རྣམ་པར་ཕྱེའོ། །དེའི་ཕྱིར། ཨཾ་ཤུའི་སྒྲ་ནི་རྗེས་སུ་ང་རོའི་དབུས་སུ་ཏེ་ཀ་སྡེའི་ལྔ་པ་དབུས་སུ་མ་ཡིན་ནོ། །ལྷ་མ་ཡིན་གང་པོ་ཞེས་བྱ་བ་འདིས་བོས་པས་གང་པོ་འབོད་ཅེས་པ་ཡིད་བཞིན་གྱི་ནོར་བུའི་བསྟོད་པའི་རྒྱ་ཆེར་འགྲེལ་དུ་སློབ་དཔོན་

ཤཱཀྱ་བློས་སོ། །དེ་ཉིད་ཀྱི་ཕྱིར་དེ་བསད་པས་གང་པོ་འཇོམས་པར་ཡང་མངོན་པར་བརྗོད་དོ། །དེ་ལྟར་གང་པོ་འཇོམས་དང་གང་པོ་འབོད་ཅེས་བྱ། དགའ་བྱེད་འབངས་ཀྱི་སུ་བནྟའི་ཊཱི་ཀཱར་དྲག་པོའི་འབངས་ཀྱིས་རྣམ་པར་ཕྱེའོ། །གྲོང་འཇོམས་ནི་ལྷ་མ་ཡིན་གྱི་གྲོང་རྣམས་འདིས་བཅོམ་པའོ། །

གྲོང་བཅོམ་མོ་ལ་ཨ་སུན་རྀཏ་ཨུ་ཤ་ནས་ཞེས་སོགས་ཀྱི་ཨ་ནང་དང་། ཨཙ་ཞེས་པ་ལ་སོགས་པས་ཤ་ཥ་ལས་དྭི་ཏཱི་ཡའི་ཡང་འཇིག་གོ། །རྒྱལ་བྱེད་ནི་རྒྱལ་བར་བྱེད་པའི་ངང་ཚུལ་ལོ། །ཛི་ལ་ཀྶྣུའོ། །ལེགས་བྲིས་ནི་ལྷ་སྟེ་དེ་རྣམས་ཀྱི་གཙོ་བོའོ། །ནུས་ལྡན་ཞེས་ཀྱང་བྱ་སྟེ། ཤནྣོ་ཏིའོ་

ཞེས་པས་རུ་ཏྲ་བཞིན་རཀ་རྐྱེན་ནོ། །མཆོད་སྦྱིན་བརྒྱ་བ་ནི་མུ་སྟེགས་པ་རྣམས་ཀྱི་ལུགས་ཀྱིས་མཆོད་སྦྱིན་བརྒྱ་བྱས་ན་ལྷའི་དབང་པོ་འཐོབ་ཅིང་ཛིཥྞུ་དབང་པོས་སྔོན་མཆོད་སྦྱིན་བརྒྱ་བྱས་པས་དེ་ལ་གྲགས་སོ། །འདིར་ཤ་ཏ་མ་ནུ་ནི་བརྒྱ་ཕྲག་མཆོད་སྦྱིན་ནོ། །ཤྭེཀ་དིབབ་ཏི་ནི་མཐོ་རིས་བདག་པོའོ། །

Vol. 197 · folio 269a

སྡེབ་སྦྱོར་ལས་མང་པོ་ལའོ་ཞེས་པས་དྲུག་པ་མི་འཇིག་གོ། །སྡེབ་སྦྱོར་ཡང་སྙན་དངགས་མཁན་རྣམས་ཀྱིའོ། །མིང་གི་སྒྲ་ཉིད་ཀྱི་ཕྱིར་བཤད་པ་ལ་རབ་ཏུ་སྦྱར་ཞེས་པ་འདིར་བརྗོད་པ་འདིའོ། །ས་མཐའ་དག་སྐྱོང་བའི་ཕྱིར་ན་ལེགས་སྐྱོབ་སྟེ། ས་གཞི་ལེགས་པར་སྐྱོང་བར་བྱེད་

དོ་ལ་ཀྭིཔ་ཝ་ཙི་ཞེས་པ་ལ་སོགས་པས་དེ་བསྤ་ཏི་མ་ནིང་ངོ་། །གཞན་རྣམས་ལ་ཡང་ངོ་ཞེས་པས་ཚིག་སྔ་མའི་རིང་པོའོ། །སློབ་དཔོན་སྐྱེས་བུ་མཆོག་གིས་ཨུཎ་ལ་སོགས་པའི་འགྲེལ་པར་ནི་སུ་ཏྲ་མ་ཞེས་དང་པོ་མི་རིང་བ་ཉིད་དཔེར་བརྗོད་དོ། །རི་འཇོམས་ཞེས་པ་ནི་རི་རྣམས་སྔོན་གྱི་དུས་ན་འགྲོ་

འདུག་བྱེད་པ་ན་སྐྱེ་བོ་མང་པོ་འཇོམས་པས། བརྒྱ་བྱིན་གྱི་རྡོ་རྗེས་བསྣུན་ནས་རྐང་པ་བཅད་པས་དེ་ཚུན་ཆད་འགྲོ་མ་ཤེས་སོ། །མཱི་ན་ཞེས་པའི་རི་ནི་བྲོས་ནས་རྒྱ་མཚོའི་ནང་ན་ཡོད་དོ་ཞེས་གྲག་གོ། །རྡོ་རྗེ་མཚོན་ཆ་དང་དབྱིག་ནི་རིན་པོ་ཆེ་ལ་སོགས་པའི་ནོར་དང་ལྡན་པའོ། །ཛྱོརྶྣ་ལ་སོགས་པ་

རྣམས་སོ་ཞེས་པས་མང་པོ་ལ་ཨཎའོ། །ལྷ་མ་ཡིན་འཕེལ་བ་ཞེས་བྱ་བ་བརྒྱ་བྱིན་གྱིས་བསད་པས་ན་འཕེལ་འཇོམས་ཏེ། བྲྀ་ཏྲ་ལ། འཇོམས་སོ་ལ་སྔ་མ་བཞིན་ཀྭིཔའོ། །ཆར་འབེེབས་ནི་བརྒྱ་བྱིན་གྱི་སྤྲིན་གྱི་གླང་པོ་ཆེས་རྒྱ་མཚོ་བརྡབས་ནས་ནམ་མཁའ་ལས་ཆར་འབེབས་བ་སུ་ལ་སོ། །ཆར་

འབེབས་སོ་ཞེས་པ་ལ། བྲྀ་ཥི། དཀྵི། རཱ་ཛི། དྷ་ནྲི། པྲ་ཏི། དི་པི། ཡུ་བ་ལས་ཀ་ནི་ནའོ། །བཱ་སྟོཿནི་གནས་ཏེ་སའོ། །བདག་པོ་ནི་ལྷག་པར་གནས་པའི་ལྷའོ། །དེ་ལྟར་དེའི་སྔགས་ཀྱིས་རེངས་པར་ཡང་བྱེད་པ་སྟེ། གནས་ཀྱི་བདག་པོ་སྟེ་ཁྱིམ་དུ་ཡིད་གཞུངས་པ་དང་གསལ་བར་བྱེད་

པའོ། །ཚིག་ཕྲད་ལས་དྲུག་པ་མི་འཇིག་པས་སའི་ཡང་ཥ་ཉིད་དེ་བཱསྟོཥྛ་ཏིའོ། །ཡང་ཁང་པ་ལ་སོགས་པའི་གཞི་རྣམས་ཀྱི་བདག་པོ་བརྒྱ་བྱིན་ཏེ། དེ་བརྩིག་པའི་ཚེ་ན་བརྒྱ་བྱིན་ལས་བླངས་ན་བྱིན་གྱིས་རློབ་ཅིང་སྟེར་བར་འགྱུར་རོ་ཞེས་སོ། །ལྷ་རྣམས་ཀྱི་བདག་པོའོ། །ལྷ་མ་ཡིན་

སྟོབས་ལྡན་དང་འཕེལ་བ་དང་རྨུགས་བྱེད་དང་གྲོལ་མེད་ཅེས་པ་རྣམས་གནས་བདག་བསད་པས་དགྲའོ། །ལེགས་བརྗོད་མ་ནི་བརྒྱ་བྱིན་གྱི་ཆུང་མ་སྟེ་དབྱངས་ཤིན་ཏུ་སྙན་པའོ། །དེས་ན་ལེགས་བརྗོད་བདག་གོ། །འཕྲོག་བྱེད་རྟ་ནི་བརྒྱ་བྱིན་ཁོ་ནའི་རྟ་སྟེ་ཧ་རི་དང་ཀ་ན་ཀ་དང་སིངྒ་ལ་རྣམས་འདིའི་

Vol. 197 · folio 269b

རྟའོ་ཞེས་འབྱུང་ངོ་། །མཐོ་རིས་ཀྱི་རྒྱལ་པོ་སྟེ། སྭཿརཱ་ཛ་ཏི་ལ་ཀྭི་པ་དང་སྔ་མ་བཞིན་ར་དབྱི་བ་དང་རིང་པོའོ། །ན་ཡིག་ཕ་རོལ་ལས་ཨུ་ཡིག་གི་ཉམ་ཕ་རོལ་ལ་ཉམ་ཡང་ནའོ་ཞེས་པའི་ཕྱོགས་ལ་ཎ་ཉིད་དོ། །ན་ཊོ་ར་ན་བ་ཏི་ཞེས་པས་ནའི་ཡུ་ཉིད་མེད་དོ། །ལྷ་མ་ཡིན་གྲོལ་མེད་འདིས་བསད་པས་

ན་གྲོལ་མེད་འཇོམས་སོ། །ཨིཀ་མཐའ་ཉེ་ལས་ཞེས་པ་ས་ཀིའོ། །ན་ཁ་སོགས་ཀྱི་ཕྱིར་ན་དབྱི་བ་མེད་དོ། །དེ་འཇོམས་པར་བྱེད་དོ་ལ་ནནྡི་སོགས་ལས་ལྻུ། །ཡང་དག་ཏུ་ཞེས་པ་ནི་ལྷ་མ་ཡིན་གྱི་མ་དེ་ཏྱ་ཞེས་པའི་བུ་ཐམས་ཅད་བརྒྱ་བྱིན་གྱིས་བསད་པས་མ་དགའ་ནས་དྲང་སྲོང་འོད་སྲུང་

ཞེས་པ་ལ་བསྙེན་བཀུར་མང་དུ་བྱས་པས། དེ་ན་རེ་ཁྱོད་ཅི་འདོད་ཟེར་བས་བརྒྱ་བྱིན་ཐུབ་པའི་བུ་གཅིག་འདོད་ཟེར་རོ། །དེས་ཆུ་ཐིགས་པ་ཅིག་བྱིན་ཏེ་མངལ་དུ་བཟུང་ངོ་། །དེ་བརྒྱ་བྱིན་གྱེས་ཐོས་ནས་ད་ལྟ་ཉིད་དུ་མེད་པར་བྱའོ་ཞེས་ཟེར་ཏེ། དེའི་མངལ་དུ་ཞུགས་ནས་དེ་དུམ་བུ་བདུན་

དུ་བྱས་ཀྱང་མ་ཤི་བས་དུས་སོ། །ཡང་ཁྲོས་ཏེ་དེ་རེ་རེ་ཡང་བདུན་བདུན་དུ་བྱས་སོ། །དེ་དག་ལྷན་ཅིག་ཏུ་རླུང་གི་ལྷ་བཞི་བཅུ་རྩ་དགུར་གྱུར་ཏེ། དེར་མ་ན་རེ་ཤིན་ཏུ་དུའོ་ཞེས་ཟེར་རོ། །དེའི་ཕྱིར་དུ་བྱེད་དོ་ཞེས་སོ། །བཟོད་དཀས་རེངས་ནི། དྲང་སྲོང་ལུས་ཤིན་ཏུ་བཟོད་པར་དཀའ་

ཞིང་རྒན་པ་ཅིག་ཡོད་པ་དེ་ཐ་སྐར་གྱི་བུ་གཉིས་ལས་ལྷའི་སྨན་པ་ཞེས་བྱ་བས་གསོས་པས་ཤིན་ཏུ་གཞོན་པར་གྱུར་པས་དེ་དགའ་ནས་ད་ཅི་འདོད་ཅེས་སྨྲས་སོ། །སྦྱིན་སྲེག་བྱས་པའི་ཤིང་མདོག་ཅིག་བསླང་ཟེར་ཏེ། དེས་ནི་ཕྱི་རོལ་པ་རྣམས་ཀྱིས་བརྒྱ་བྱིན་གྱི་གོ་འཕང་ཐོབ་པར་

འདོད་དོ། །དེ་སྟེར་བར་གཟས་པ་ན་བརྒྱ་བྱིན་ཁྲོས་ཏེ། གསོད་པའི་ཕྱིར་རྡོ་རྗེ་སྟེང་དུ་འཕྱར་བ་ན་བརྒྱ་བྱིན་གྱི་ལག་པ་རེངས་སོ། །དེའི་ཕྱིར་བཟོད་དཀས་རེངས་ཞེས་བྷ་ར་ཏའི་གཏམ་ལས་སྨྲས་སོ། །གཞན་སྙེམས་བཟོད་ནི་ཕ་རོལ་གྱི་ང་རྒྱལ་དང་ཁེངས་པ་རྣམས་བརྒྱ་བྱིན་གྱིས་བཟོད་

པར་ནུས་པའོ་ཞེས་བསྟོད་པ་ཡིད་བཞིན་གྱི་ནོར་བུའི་ཊི་ཀཱར་སློབ་དཔོན་ཤཱཀྱ་བློས་སོ། །ས་ཧི་ཏུ་ར་ས་ཧ་ལ་ལས་ཎཱིའོ་ཞེས་པས་སྡེབ་སྤྱོར་ལས་ཎཱིའོ། །གཞན་རྣམས་ལ་ཡང་ངོ་ཞེས་པས་ཚིག་སྔ་མའི་རིང་པོ་ཉིད་དོ། །མང་པོ་ལ་སྡེབ་སྦྱོར་ལའོ་ཞེས་པས་ཛ་ཤའི་ཡུལ་ལ་ཨ་ཙ་དང་པོ་མ་

Vol. 197 · folio 270a

ཡིན་པའི་སའི་ཥ་ཉིད་དོ། །ཏུ་ར་སཱ་ཧཽ་ཏུ་རཱ་སཱ་ཧཱ་ཞེས་པ་ནི་ས་ཧིའི་སཱ་ཧཱ་ལས་སའོ་ཞེས་པ་འདིར་ཥ་ཉིད་སྒྲུབ་པའི་མདོར་སློབ་དཔོན་བཱ་མ་ནས་དེ་ལྟར་བཤད་དོ། །དེར་ནི་འདིའི་གཟུགས་ཇི་ལྟ་བ་དེ་ལྟར་འགྱུར་རོ། །སྤྲིན་ལ་ཞོན་ནི། གླང་པོ་ཆེ་ས་སྲུང་གི་བུ་སྤྲིན་

ཆེན་པོ་ལྟ་བུའི་གཟུགས་འཛིན་པ་དེ་འདིའི་བཞོན་པ་ཡིན་པ་སྟེ་བཞོན་པས་བདག་པོ་མཚོན་པའོ། །ཀུན་འཇོམས་ནི་ཕ་རོལ་གྱི་སྟོབས་ཐམས་ཅད་བརྒྱ་བྱིན་གྱིས་འཇོམས་པ་སྟེ། བྲྀ་ཥ་ལ་སོགས་རྣམས་ལས་ཀྱང་ངོ་ཞེས་པས་ཀ་ལ་རྐྱེན་ནོ། །མིག་སྟོང་ནི་དྲང་སྲོང་གཽ་ཏ་མའི་ཆུང་མ་ཤོལ་

མེད་མ་ཞེས་བྱ་བ་ཤིན་ཏུ་སྡུག་ཅིང་ཡིད་དུ་འོང་བ་ཅིག་ཡོད་པ་ལ། ཤིང་གི་ཁོང་སེང་དུ་སྦས་པས་དེ་མི་དགའ་ནས། ད་འདི་ཚུན་ཆད་སོང་ཅིག་འདི་ཕན་ཆད་མ་འགྲོ་ཞིག་ཅེས་ཟེར་རོ། །དེ་ནས་དྲང་སྲོང་གཞན་དུ་སོང་བའི་ཤུལ་དུ་བརྒྱ་བྱིན་དེ་དང་ལྷན་ཅིག་གནས་སོ། །དེར་དྲང་སྲོང་འོང་བ་

དང་འདོམས་ནས་དེའི་མངལ་དུ་ཞུགས་སོ། །དེར་སུ་འོངས་ཞེས་དྲིས་པ་དང་སུའང་མ་འོངས་སོ་ཞེས་ཟེར་རོ། །དེ་དྲང་སྲོང་གིས་ཤེས་ཏེ་བདག་གི་དམོད་པའི་མེས་བསྲེག་པར་བྱའོ་ཞེས་སྨྲས་པས་དེ་འཇིགས་ནས་ཕྱིར་བྱུང་ངོ་། །དེར་ཁྱོད་ལྷའི་དབང་པོ་ཡིན་པས་གསད་པར་མི་བྱའི།

ལུས་ནི་མོ་མཚན་སྟོང་དུ་གྱུར་ཅིག་ཅེས་སོ། །དེ་ནས་ལུས་ནི་མོ་མཚན་སྟོང་དུ་སོང་བ་སླར་བཟོད་པར་གསོལ་བས་མིག་སྟོང་དུ་བྱས་སོ། །དེ་ནས་མིག་སྟོང་པའོ། །ཡང་ན་འཁོར་དྲང་སྲོང་སྟོང་པོའི་བཀའ་ཉན་པས་མིག་སྟོང་པ་སྟེ། རིག་པ་ཅན་ནི་མིག་དང་འདྲ་བའི་ཕྱིར་རོ། །ཨཀྵ་ནི་

དབང་པོ་སྟེ་སྔ་མ་བཞིན་ཥཙ་རྐྱེན་ནོ། །རྒན་ལས་ཉན་ཞེས་ཀྱང་བཤད་དོ། །རྀབྷུཀྵ་ནི་རྡོ་རྗེའོ་ཞེས་པཱུརྞ་ཙནྡྲས་བྱིངས་ཀྱི་དཔུང་གཉེན་ལས་སོ། །གཞན་དག་ནི་རི་སྐྱེས་མཐོ་རིས་ལ་འདོད་དོ། །མང་པོ་ལ་ཞེས་པས་ཌ་རྐྱེན་ནོ། །དེ་དང་ལྡན་པས་ཨི་ཎིའོ། །པ་ཐི་མ་ཐི་རྀ་བྷུཀྵ་རྣམས་ཀྱི་

ཨཱཏའོ། །ཤི་སུཊ་ལས་སོ་ཞེས་པས་ཨི་ཡིག་གིའོ། །དེ་རྣམས་ཀྱིས་ལྷའི་དབང་པོའི་མིང་ངོ་། །དེའི་ཆུང་མ་ནི་ལྷ་མ་ཡིན་པུ་ལོ་མ་ཞེས་པ་ལས་སྐྱེས་པས་པུ་ལོ་མ་སྐྱེས་སོ། །བྷུ་སོགས་ལས་ཤ་ཙ་བརྗོད་པའོ་ཞེས་པཱུརྞ་ཙནྡྲས་བཤད་ཅིང་། བྱིངས་རབ་ཏུ་གསལ་བར་ཡང་དེ་ཉིད་

Vol. 197 · folio 270b

ལས་ཤ་རྩི་དཔེར་བརྗོད་དོ། །དེ་ཉིད་ལ་ཨེ་ར་ཀནྟི་ཞེས་པས་དཱི་ཥ་ཏེ། འདི་ནི་སློབ་དཔོན་རྒྱལ་བ་ཉིད་མས་དཔེར་བརྗོད་དོ། །ཀཽ་ཤི་ཀ་དང་། ལེགས་བརྗོད་མ་དག་ནི་ཀཽ་ཤ་ཏ་ཀཱི་ཞེས་ཡི་གེ་བསྟན་པ་ལ་ཡང་ཏཱ་ལ་བྱ་ཤ་རྣམས་སུ་བརྗོད། ཨིནྡྲ་བ་ཏུ་ཎ་ཞེས་པས་སྐྱེས་བུ་སྦྱོར་བ་ལ་དཱི་ཥ་རྗེས་སུ་ལྡན་

ལེགས་བརྗོད་པའོ། །དབང་མོ་ནི་ར་བྷ་སའི་མཛོད་དུ་དབང་ཆེན་མ་དང་བརྒྱ་བྱིན་མར་ཡང་བརྗོད་དོ། །དེ་དག་ནི་ཚངས་མ་བཞིན་དུ་ལེགས་པ་ཉིད་དོ། །འདིའི་གྲོང་ཁྱེར་ནི་འཆི་བ་མེད་ལྡན་ཞེས་བྱ་སྟེ། ཨ་མ་ར་ལ་ལྡན་པའི་དོན་ལ་མ་ཏུས་སོ། །མ་ཏུའི་ཝ་ཉིད་དང་ཨ་ན་ཛི་ར་ལ་སོགས་པ་རྣམས་

སོ་ཞེས་པས་རིང་པོའོ། །རྟ་ནི་མཐོར་ཐོས་ཞེས་པ་སྟེ་ཨ་སུན་རྐྱེན་ནོ། །སཱུ་ཏ་ནི་ཁ་ལོ་བསྒྱུར་བའོ། །མཱ་ཏ་ལི་ནི་རྟ་འགུགས་པ་ཞེས་ར་བྷ་སའོ། །དགའ་བར་བྱེད་པས་ན་དགའ་བྱེད་དེ་ནནྡི་སོགས་ལས་ལྻུའོ། །རྣམ་པར་རྒྱལ་བྱེད་ནི་བ་དན་ལ་བསྔགས་པར་གྱུར་པ་སྟེ། འདིར་ཨཪྴས་

སོགས་ལས་ཨཙའོ། །རྒྱལ་བར་བྱེད་དོ་ཞེས་པ་ལ། བྷུ་ཛི། བ་སི། བ་ཧི། སཱ་དྷི། བྷཱ་སི། ས་ཧི། མཎྜི། ཧེ་མི་རྣམས་ལས་སོ་ཞེས་པས་ཨནྟ་རྐྱེན་ནོ། །སྨིན་པ་འཇོམས་པའི་བུ་བརྒྱུད་ལ་ཨཏ་ལས་ཨིཉའོ། །ས་སྲུང་ནི་རྒྱ་མཚོ་སྟེ། དེ་ལས་སྐྱེས་པས་ན་ལྷག་མ་ལས་ཨཎའོ། །

ས་སྲུང་བུའོ། །སྤྲིན་གྱི་གླང་པོ་ནི་དཀར་བའི་བདག་ཉིད་མ་ཏཾ་གཱའི་གླང་པོ་ལྟ་བུའོ། །པྲྀ་ཥོ་ད་ར་ལ་སོགས་པས་ཨེ་ར་བ་ཎ་སྟེ་མཚོ་སྐྱེས་སོ། །ཆུ་འཛིན་ནི་སྤྲིན་ཏེ་དེའི་གླང་པོ་ཞེས་ཀྱང་བྱའོ། །དེ་རྣམས་ས་སྲུང་གི་རྣམ་གྲངས་ཨི་རཱ་པ་ཏི་སོ། །ཚིགས་སུ་བཅད་པ་གཅིག་གིས་དབང་པོའི་

རྡོ་རྗེ་བཤད་དོ། །སྒྲ་སྒྲོགས་ནི་རྡོ་རྗེ་འབབ་པ་ལས་སྒྲ་འབྱུང་བའི་ཕྱིར་རོ། །ཎི་ནི་རྐྱེན་ཏེ་རང་བཞིན་གྱིས་བུད་མེད་ཉིད་དོ། །གང་གིས་ཀྱང་འཇོམས་མི་ནུས་པར་འགྲོ་བས་འགྲོ་ལྡན་ཞེས་ཀྱང་བྱའོ། །ཨིནྡྲ་བཞིན་རཀའོ། །རྡོ་རྗེ་མོ་མིན་ཞེས་པ་ཧཱི་ར་ཀ་དང་པ་བི་དག་གོ་ཞེས་དོན་སྣ་ཚོགས་

པའི་སྡེ་ཚན་དུ་འཆད་དོ་ཞེས་པ་སྟེ་ཀུ་ལི་ཤ་དང་འབྲེལ་ལོ། །ཀུ་ལི་ཤ་དག་ཧྲཱ་ད་ལ་གིས་སྐྱེས་པར་བཤད་དེ་སྦྱར་རོ། །ཀུ་ལི་ནི་ལག་པ་སྟེ། བྷུ་ཛཱ་ད་ལ་ཞེས་སྐབས་གསུམ་གྱི་ལྷག་མ་ལས་སོ། །ལག་པར་ཉལ་བ་སྟེ་གནས་པར་བྱེད་དོ་ལ་ཌ་ཤཱིང་ལ་རྐྱེན། ཡང་ན་ཀཽ་ནི་ས་དང་། ནི་ཤྱ་

Source and licence

Text: Esukhia’s Derge Tengyur e-text (Esukhia/derge-tengyur · commit 17465313) · public domain

Licence Public Domain · Evidence

README ของ Esukhia/derge-tengyur ที่ commit 174653137d62 ส่วน "License" (เปิดอ่านแล้ว ๔ ต.ค. ๒๕๖๙): "This work is a mechanical reproduction of a Public domain work, and as such is also in the Public domain." · GitHub license = null (ไม่มีไฟล์ LICENSE) · สำเนาคำต่อคำ: data/tengyur-src/SOURCE-README.md

No translation — Tibetan only: there is no translation we are licensed to publish (84000’s translations are no-derivatives, non-commercial)

  • Shown: the woodblock reading — Esukhia’s editorial marks ({original,normalised} · (error?,suggestion) · […] · #) are all kept in the data
  • The Tibetan text is not in the collection search yet — the available tokenizer drops Tibetan vowel signs and would match the wrong words