གསང་བ་རྣལ་འབྱོར་ཆེན་པོའི་རྒྱུད་རྡོ་རྗེ་རྩེ་མོ
ชื่อสันสกฤต (อักษรทิเบต ตามตัวบท) བཛྲ་ཤི་ཁར་མ་ཧཱ་གུ་ཧྱ་ཡོ་ག་ཏནྟྲ
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
เล่ม ๘๔ · หน้า 259a
མོ་ནི། །བཏེག་ཅིང་ཀུན་ཏུ་ཕྱེ་ནས་ཀྱང་། །རྡོ་རྗེ་སྒོ་ནི་བཞི་པོ་དག །ཡིད་ཀྱིས་དབྱེ་བར་བྱ་བ་ཡིན། །དེ་ལ་སྙིང་པོ་ནི་འདི་ཡིན་ཏེ། ཨོྃ་བཛྲ་དྷ་ར་ཨུད་གྷ་ཊ་ཡ་པྲ་བེ་ཤ་ཡ་ས་མ་ཡ་ཧཱུྃ། དཀྱིལ་འཁོར་ཕྱི་རོལ་གནས་རྣམས་སུ། །ཕྱི་ཡི་རྡོ་རྗེ་རིགས་དག་
བྲི། །ཁྱབ་འཇུག་ལ་སོགས་ལྷ་རྣམས་ནི། །ཁ་ཁྱེར་གྱི་ནི་ཕྱེད་ལ་གནས། །འཁོར་ལོ་དང་བཅས་རིགས་བཅས་ཏེ། །སེམས་ཅན་གདུག་པ་གདོན་ལ་སོགས། །རིམས་དང་འབྱུང་པོ་ཤ་ཟ་དང་། །མཁའ་འགྲོ་འབྱུང་པོ་མ་མོ་དང་། །ལྷ་མོ་མཚོན་ཆ་དང་ལྡན་ཀུན། །
ཇི་ལྟར་མངོན་པར་འདོད་པ་བྲི། །ཕྱི་རོལ་ཁ་ཁྱེར་གནས་སུ་ནི། །རྡོ་རྗེ་ཁ་ཁྱེར་མཛེས་པ་རྣམས། །དེ་ནས་སྔོན་ལ་སློབ་དཔོན་ཆེས། །དཀྱིལ་འཁོར་དབུས་སུ་འདུག་ནས་ནི། །རྡོ་རྗེ་སྐྱིལ་མོ་ཀྲུང་བཅས་ཏེ། །ཏིང་ངེ་འཛིན་ལ་སྙོམས་འཇུག་བྱ། །ཇི་ལྟར་རྡོ་རྗེ་རིགས་བྱུང་བ། །དེ་
བཞིན་བདག་ཉིད་རྣམ་པར་བསམ། །རྡོ་རྗེ་རིག་པ་མཆོག་རྒྱལ་པོ། །བདག་ཉིད་ཡང་དག་བྱིན་གྱིས་བརླབ། །རྡོ་རྗེ་ཁྲོ་བོ་རྒྱལ་པོ་མཆོག །ཅེས་བྱ་དེ་འདྲའི་ཏིང་འཛིན་ལ། །རྡོ་རྗེ་སེམས་དཔའི་ཏིང་འཛིན་གྱིས། །སྐལ་བ་ཆེན་པོ་སྙོམས་ཞུགས་ནས། །ཇི་སྐད་གོང་དུ་གྲགས་
པ་བཞིན། །ཤེས་རབ་ཅན་གྱིས་ཐམས་ཅད་བསམ། །ཇི་ལྟར་རྡོ་རྗེ་རིགས་འབྱུང་བ། །ཇི་ལྟར་དཀྱིལ་འཁོར་རྫོགས་པར་ནི། །རྒྱ་ཆེན་གསང་བ་ཆེན་པོ་དང་། །རྡོ་རྗེ་སློབ་དཔོན་ཆོ་ག་མཆོག །རྒྱུད་ཆེན་གསང་བ་ཞེས་བྱ་བ། །རྟོག་པ་འདི་ལས་རབ་ཏུ་བཤད། །དེ་ནས་དབུས་
སུ་འདུག་བྱས་ནས། །རྡོ་རྗེ་སློབ་དཔོན་དཀའ་ཐུབ་ཆེས། །ཁྲོ་བོའི་ཕྱག་རྒྱ་བཅིངས་ནས་ནི། །ཕྱག་རྒྱ་ཐམས་ཅད་ཡོངས་སུ་བཅིངས། །ཁྲོ་བོ་རྡོ་རྗེ་ལྕགས་ཀྱུ་བཅིངས། །སངས་རྒྱས་ཐམས་ཅད་སྤྱན་དྲང་བྱ། །མཚན་བརྒྱ་རྩ་བརྒྱད་དམ་པ་ནི། །ལན་ཅིག་ཏུ་ནི་བརྗོད་པར་
བྱ། །རྡོ་རྗེ་མེ་ཏོག་སོགས་མཆོད་པས། །འདྲེན་པ་ཐམས་ཅད་མཆོད་པར་བྱ། །གསང་བའི་མཆོད་པ་གང་བྱ་བ། །ཕྱག་རྒྱ་ཐམས་ཅད་ཡོངས་སུ་བཅིང་། །ཕྱག་རྒྱ་ཉེ་བའི་ཕྱག་རྒྱ་ལྡན། །དེ་བཞིན་དུ་ནི་མཆོད་པ་ཉིད། །ཕྱག་རྒྱའི་ལན་ལ་སོགས་པ་ཀུན། །ཆོ་ག་རབ་ཏུ་ལྡན་པ་འབུལ། །
เล่ม ๘๔ · หน้า 259b
རྡོ་རྗེ་དྲིལ་བུ་དཀྲོལ་བྱ་ཞིང་། །གདུག་པའི་དཀྱིལ་འཁོར་བསྡིགས་པར་བྱ། །གདུག་པའི་སེམས་ནི་གདུལ་བྱ་ཞིང་། །ཉོན་མོངས་མཆོག་ཏུ་གསད་པར་བྱ། །དབབ་ཅིང་བརྗོད་པ་ཉིད་དུ་བྱ། །རྡོ་རྗེ་མཆོད་པས་མཆོད་པར་བྱ། །གླུ་དང་མཆོད་པ་ཡང་དག་ལྡན། །རྡོ་རྗེ་
གླུ་ནི་བླང་བར་བྱ། །རྡོ་རྗེ་ཡི་ནི་གླུ་འདི་དག །བླང་ཞིང་མཆོག་རྣམས་མཉེས་པར་བྱ། །བཏུད་ཅིང་དབུལ་བར་བྱ་བ་ཉིད། །རྡོ་རྗེ་གླུ་ནི་བླང་བར་བྱ། །ཤ་ཏ་ཤ་ཏ་མ་ཏས་ཏ་ཏི་རི། ཊ་ཏ་ཊ་ཏ་བྲི་ཏི་ཧ་ཏ། མ་ཏ་ཤ་ཏ་བྲ་ཏ་ཀ་ཏ། ཏ་བི་ཊ་བི་ཊ་ཊ་ཊ་ཊ། བ་ཊ་ཨི་ཏི་ཏ་ཊ་
ཊ་ཊ། ཀ་ར་ཊ་ར་ཊ་ར་ར་ཊ། རྡོ་རྗེ་ཏི་རིན་ཏི་རི་ཡི། །ཕྱག་རྒྱས་བདག་ཉིད་དབང་བསྐུར་བྱ། །ཇི་ལྟར་འདོད་པ་བཀའ་མནོས་ནས། །རྡོ་རྗེའི་སྔགས་ནི་རབ་ཏུ་བསྐུལ། །སྔོན་པོ་གོས་ཀྱིས་སྟོད་གཡོགས་བྱ། །སྔོན་པོ་ཡིས་ནི་མིག་དགབ་བྱ། །རྡོ་རྗེ་ཏི་རིན་ཏི་རི་ཡི། །
ཕྱག་རྒྱ་རྡོ་རྗེ་སློབ་མ་བཅིང་། །ཨོྃ་གྲྀཧྣ་བཛྲ་ས་མ་ཡ་ཧཱུྃ་བྃ། ཅི་རིགས་པར་ནི་གཞུག་བྱ་ཞིང་། །རྡོ་རྗེའི་སྔགས་ནི་བསྐུལ་བར་བྱ། །རྡོ་རྗེ་ཡི་ནི་སྔགས་འདི་ཡིས། །རྡོ་རྗེ་སློབ་མ་གཞུག་པར་བྱ། །ཨོྃ་བཛྲ་ས་མ་ཡ་པྲ་བེ་ཤེ་ཡཱ་མི། རྡོ་རྗེ་དབྱིངས་སོགས་དཀྱིལ་འཁོར་དུ། །
རྒྱས་པར་ཇི་ལྟར་སྔ་མ་བཞིན། །ཡེ་ཤེས་དབབ་པའི་ལས་དག་ནི། །མཁས་པ་དག་གིས་བྱ་ཉིད་དོ། །མཆོད་པ་དང་ནི་གཏོར་མ་ཉིད། །རྡོ་རྗེ་ཅན་གྱིས་སྔར་གསུངས་ཉིད། །ཤེས་རབ་ཅན་གྱིས་ཀུན་བསླབ་ཅིང་། །བདག་ཉིད་དང་བས་རབ་ཏུ་བྱ། །རྡོ་རྗེ་ཧཱུྃ་མཛད་
ཕྱག་རྒྱ་ཡིས། །ཤེས་རབ་ཅན་གྱིས་ཧཱུྃ་བསྒྲུབ་བྱ། །ལྷ་ལ་སོགས་པ་གདུག་པ་ཀུན། །བཀུག་ཅིང་དེ་རུ་གཞུག་པར་བྱ། །རྡོ་རྗེའི་རྣལ་འབྱོར་བསླབ་བྱ་ཞིང་། །བདག་ཉིད་དམ་ནི་གཞན་ཡང་རུང་། །རྡོ་རྗེ་ཕྲེང་བས་དབང་བསྐུར་བྱ། །རྡོ་རྗེ་མནའ་ཡི་ཕྱག་རྒྱ་ཡིས། །སྔོན་
ལ་མནའ་ནི་བསྒག་པར་བྱ། །རྡོ་རྗེ་ཡེ་ཤེས་ཡེ་ཤེས་ཆེ། །རྡོ་རྗེ་ཡེ་ཤེས་རབ་བསྒྲུབ་བྱ། །ལག་པས་རྡོ་རྗེ་མཚན་མ་བཟུང་། །རྡོ་རྗེ་སྔགས་ནི་རབ་བསྒྲུབ་བྱ། །རྡོ་རྗེ་ཡི་ནི་སྔགས་འདི་ཡིས། །རྡོ་རྗེ་མཚན་མ་རབ་ཏུ་སྦྱིན། །ཨོྃ་བཛྲ་པཱ་ཎི་ཀརྨ་ཀཱ་རོད་བྷཱ་བ། དེ་ནས་མིང་གི་དབང་བསྐུར་
เล่ม ๘๔ · หน้า 260a
ཞིང་། །རྡོ་རྗེ་སྔགས་ནི་རབ་ཏུ་བསྐུལ། །རྡོ་རྗེ་ཡི་ནི་སྔགས་འདི་ཡིས། །རྡོ་རྗེ་མིང་གི་དབང་བསྐུར་བྱ། །ཨོྃ་བཛྲ་ཀྲོ་དྷ་སྟྭྃ་ཨ་བྷི་ཥིཉྩཱ་མི། ཨོྃ་བཛྲ་ནཱ་མ་ཨ་བྷི་ཥེ་ཀ་ཏ་ཧེ་བཛྲ་ནཱ་མ། ཡེ་ཤེས་འབྱུང་བ་ཕུན་སུམ་ཚོགས། །མཁས་པ་ཡིས་ནི་བསྒོམ་པར་བྱ། །ཤེས་རབ་མཆོག་
གིས་བསླབ་བྱ་ཞིང་། །རྡོ་རྗེ་རྣལ་འབྱོར་རབ་ཏུ་བསྒྲུབ། །སྙིང་གར་རྡོ་རྗེ་བྲིས་ནས་ནི། །སྣ་ཚོགས་ལས་རྣམས་ཡང་དག་ལྡན། །འབར་བའི་ཕྲེང་བས་ཁྱབ་ཅིང་འབར། །སྙིང་གར་རྡོ་རྗེ་བསྒོམ་པར་བྱ། །རྡོ་རྗེ་རིག་པ་མཆོག་རྒྱལ་པོ། །བདག་ཉིད་ཡོངས་སུ་བསྒོམ་པར་
བྱ། །རྒྱལ་པོ་ལས་རྣམས་ཐམས་ཅད་འཛིན། །བདག་ཉིད་ཡོངས་སུ་བསྒོམ་པར་བྱ། །ཡང་ན་ཁྲོ་བོའི་ནང་ནས་གཅིག །བདག་ཉིད་ཡོངས་སུ་བསྒོམ་པར་བྱ། །རྡོ་རྗེ་ཁྲོ་བོ་སྙོམས་འཇུག་པས། །འགྲོ་བ་ཐམས་ཅད་དབབ་པར་བྱ། །ཧཱུྃ་སཏྭ་བཛྲ་ཀྲོ་དྷ་ཨཱ་བེ་ཤ་ཨཿ།
ཁྲོ་བོ་རིན་ཆེན་ཏིང་འཛིན་གྱིས། །རྡོ་རྗེ་རིན་ཆེན་ཡང་དག་བྲིས། །བདག་ཉིད་རྡོ་རྗེ་རིན་ཆེན་ཏེ། །སངས་རྒྱས་ཐམས་ཅད་དབང་དུ་བྱ། །རྡོ་རྗེ་པདྨ་མགྲིན་བཅིངས་ནས། །ལྐོག་མའི་ཕྱོགས་སུ་ཡང་དག་བྲི། །བདག་ཉིད་རྡོ་རྗེ་ཆོས་བསྒོམས་ནས། །དེས་ནི་ཉོན་མོངས་
ཐམས་ཅད་འཇོམས། །སྤྱི་བོར་རྡོ་རྗེ་བྲི་བྱ་ཞིང་། །རྡོ་རྗེ་འབར་བ་འཛིན་པ་དགོད། །བདག་ཉིད་རྡོ་རྗེ་ལས་བསྒོམས་ནས། །གདུག་པ་ཐམས་ཅད་བསལ་བར་བྱ། །ཧོ་བཛྲ་རཏྣ་ཀྲོདྷ་བ་ཤ་མཱ་ནཱ་ཡ་ཏྲ། ཧྲིཿབཛྲ་དྷ་རྨ་ཀྲོ་དྷ་ནཱ་ཤ་ཡ་ཕཊ། །ཧཱུྃ་ཀརྨ་བཛྲ་ཀྲོ་དྷ་རཀྵ། ལྷ་ཚོགས་
སངས་རྒྱས་ཐམས་ཅད་ནི། །ཕྱག་རྒྱ་དང་བཅས་དགུག་པར་བྱ། །ཡེ་ཤེས་བརླབ་ཅིང་དེ་ནས་བཟུང་། །དེ་བཞིན་ཁོ་ནར་ཡང་དག་བརླབ། །ལག་པར་རྡོ་རྗེ་ལྕགས་ཀྱུ་བྲིས། །སྡིགས་མཛུབ་ཡི་གེ་ཧཱུྃ་ལྡན་པ། །ཁྲོ་བོ་ཡིས་ནི་སོར་མོ་བསྐྱོད། །ལྷ་རྣམས་འགུགས་པར་
བྱེད་པའི་མཆོག །ཨོྃ་བཛྲ་ཀྲོ་དྷ་ཨཱ་ཀརྵ་ཡ་ཧཱུྃ་ཕཊ། དེ་བཞིན་འོག་ཏུ་རྐང་མཐིལ་ལ། །རྡོ་རྗེ་ལྕགས་ཀྱུ་ཡང་དག་བྲི། །དེ་ཡིས་ལྷ་ནི་གང་ཞིག་མནན། །དེ་ཡི་དགུག་པའི་མཆོག་ཡིན་ནོ། །ཨོྃ་བཛྲ་ཀྲོ་དྷ་ཨ་གྲ་ཨཾ་ཀུ་ཤ་ཨཱ་ཀརྵ་ཡ་ཧཱུྃ་ཕཊ། དཔུང་པ་བརྐྱང་དང་ཡང་དག་ལྡན། །
เล่ม ๘๔ · หน้า 260b
རྡོ་རྗེ་ལྕགས་ཀྱུ་ཡང་དག་བྲིས། །ལྷ་ནི་གང་དང་གང་ལ་མནན། །དེ་དང་དེ་ནི་དགུག་པའི་མཆོག །ཨོྃ་བཛྲ་ཀྲོ་དྷ་ན་ཨཱ་ཀརྵ་ཡ་ཧཱུྃ་ཕཊ། སྟན་ལ་རྡོ་རྗེ་ལྕགས་ཀྱུ་ནི། །ཡང་དག་བྲིས་པས་དེ་མནན་ཞིང་། །ལྷ་ནི་གང་ཞིག་ཀུན་ཏུ་མནན། །དེ་དང་དེ་ནི་དགུག་པའི་མཆོག །ཨོྃ་བཛྲ་ཀྲོ་དྷ་
ཨཱ་ས་ན་ཨཱ་གཙྪ་ཡ་ཨཱ་ཀརྵ་ཡ་མི་ཏེ་ཧེ་བཛྲ་སམ་ཡ་མ་ནུ་སྨ་ར་ཧཱུྃ་ཕཊ། ཕྱག་རྒྱ་དབབ་པར་ཡང་དག་དབབ། །མཁས་པས་ཡེ་ཤེས་བསླབ་པར་བྱ། །རྡོ་རྗེ་སྦྱོར་བ་ཐམས་ཅད་ཀྱིས། །སྒྲུབ་པ་དག་ཀྱང་ཡང་དག་བརྩམ། །གཡོན་བརྐྱང་བ་ཡིས་གནས་རྣམས་སུ། །བདག་ཉིད་ཁྲོ་བོར་
བསྒོམ་པར་བྱ། །མྱུར་དུ་སངས་རྒྱས་ཡེ་ཤེས་ནི། །རིང་པོར་མི་ཐོགས་ཡང་དག་དབབ། །ཨོྃ་བཛྲ་ཀྲོ་དྷ་ཀཱ་ཡ་ཨཱ་བེ་ཤ་ཧཱུྃ་ཕཊ། །རྡོ་རྗེ་ཧཱུྃ་མཛད་ཡང་དག་སྦྱོར། །ཁྲོ་བོ་བདག་ཉིད་བསྒོམ་པར་བྱ། །སངས་རྒྱས་བྱང་ཆུབ་ཡང་དག་དགུག །རྡོ་རྗེ་སྔགས་ནི་རབ་ཏུ་
བསྐུལ། །ཨོྃ་བཛྲ་བི་དྱོཏྟ་མ་མ་ཧཱ་ཀྲོ་དྷ་ཨཱ་ན་ཡ་ཧོ་བྷ་ག་བན་བཛྲ་ཧཱུྃ་ཕཊ། བདག་ཉིད་ཁྲོ་བོ་བསྒོམ་བྱ་ཞིང་། །ཁྲོ་བོའི་ལྟ་བས་བལྟ་བར་བྱ། །འཁོར་བའི་བཙོན་ར་འཇིགས་རུང་བར། །སེམས་ཅན་ཐམས་ཅད་གསད་པར་བྱ། །ཨོྃ་དྲྀཥྚ་མ་ཧཱ་ཀྲོ་དྷ་མ་ར་ཡ་སརྦ་སཏྭ་
ཧཱུྃ། རྟག་ཏུ་རང་ཉིད་གོ་བགོས་པར། །ཡིད་ཀྱིས་བདག་ཉིད་བསྒོམ་བྱ་ཞིང་། །གཞན་དག་ཀྱང་ནི་བསྒོམ་བྱས་ནས། །འགྲོ་བ་འདི་ཀུན་བསྲུང་བར་འགྱུར། །ཨོྃ་བཛྲ་རཀྵ་རཀྵ་སརྦ་ས་ཏྭ་ཧཱུྃ་ཕཊ། གསང་བའི་ཕྱག་རྒྱ་རྣལ་འབྱོར་ཆེ། །རྣམ་པ་བཞི་ནི་བསླབ་
པར་བྱ། །རྡོ་རྗེ་ཡེ་ཤེས་དེ་ཉིད་ཆེ། །སངས་རྒྱས་བྱང་ཆུབ་ཡེ་ཤེས་བསམ། །རྡོ་རྗེ་ཁྲོ་བོ་སྙོམས་འཇུག་པས། །སེམས་ཅན་གང་ཕྱིར་ཀུན་དུ་ཆགས། །ཡིད་ཀྱིས་གཟུགས་ནི་བསྒོམ་བྱ་ཞིང་། །ཡི་གེ་ཧཱུྃ་ནི་རབ་ཏུ་བརྗོད། །རྡོ་རྗེའི་སྦྱོར་བ་འདི་དག་ནི། །རྡོ་རྗེ་མཁའ་
འགྲོའི་ཕྱག་རྒྱ་ཡིས། །སེམས་ཅན་གང་ལ་ཡོངས་སུ་ཆགས། །དེ་ཡི་ཉོན་མོངས་རྣམ་པར་ཉམས། །ཊཀྐི་ཨ་ས་ལ་བེ། །ཨ་ལ་བེ་ཨཙྪ་ཊཀྐི་ཧཱུྃ་ཕཊ། འདི་ནི་ལན་ཅིག་བརྗོད་པས་ཀྱང་། །ཀུན་ནས་ཉོན་མོངས་ཞུ་ཞིང་གཡོ། །ཊཀྐི་ཛ། སེམས་ཅན་གང་གི་
เล่ม ๘๔ · หน้า 261a
རྒྱུད་ལ་ནི། །རྡོ་རྗེ་ཡི་ནི་ལྟ་བས་བལྟས། །རྡོ་རྗེ་རྣལ་འབྱོར་སྤྱན་ཆེན་པོས། །དེ་ཡི་སྡུག་བསྔལ་ཉམས་པར་གྱུར། །ཊཀྐི་ཧཱུྃ། ཡི་གེ་ཧཱུྃ་ནི་གྱུར་པ་ལས། །ཉེ་བའི་སེམས་ཅན་གང་ཡིན་པ། །དེ་ཡི་སྙིང་གར་རྡོ་རྗེ་ཡང་། །ཤེས་རབ་ཅན་གྱིས་ཡིད་
ཀྱིས་བསམ། །དེ་ནས་འཇིགས་པ་ཐམས་ཅད་ལས། །ཕྱིར་མི་ལྡོག་པའི་ཕྱག་རྒྱ་ཡང་། །རྡོ་རྗེ་རྣལ་འབྱོར་མཁའ་འགྲོ་དང་། །རྡོ་རྗེ་ཕྱག་རྒྱས་གདབ་པར་བྱ། །ཊཀྐི་ཧོ། རྡོ་རྗེ་རྣལ་འབྱོར་རྨད་བྱུང་ཆེ། །རྡོ་རྗེ་རྣལ་འབྱོར་རྡོ་རྗེ་གང་། །རྣལ་འབྱོར་མཁའ་འགྲོ་དཀྱིལ་
འཁོར་ནི། །ཤེས་རབ་ཅན་གྱིས་མཆོག་གསང་བརླབ། །དབང་པོ་གཉིས་ནི་སྙོམས་འཇུག་པས། །ཡན་ལག་ཀུན་ལ་ཡོངས་སུ་འཁྱུད། །ཡི་གེ་ཧཱུྃ་ནི་སྦྱོར་བྱེད་པ། །སྡུག་བསྔལ་རྣམ་པར་ཉམས་པར་འགྱུར། །རྡོ་རྗེ་ཁྲོ་བོ་རབ་དྲག་འཛིན། །རྟག་ཏུ་བདག་ཉིད་བསྒོམ་
པར་བྱ། །དེ་ཡི་ཁྲོ་བོའི་སྐུ་གང་ཡིན། །གཅིག་ཏུ་མཆོག་ཏུ་གསང་བ་བདག །སངས་རྒྱས་བྱང་ཆུབ་སེམས་དཔའང་རུང་། །བདག་ཉིད་དང་ནི་མཚུངས་པ་རུ། །ལུས་ནི་ཡང་དག་སྦྱོར་བ་ནི། །དབང་པོ་སྙོམས་འཇུག་བརྗོད་པར་བྱའོ། །སངས་རྒྱས་བྱང་ཆུབ་སེམས་
དཔའ་འམ། །རྡོ་རྗེ་ཁྲོ་བོའམ་སེམས་དཔའ་གཞན། །དེའི་ལུས་གང་ཡིན་པ་དང་། བདག་གི་ལུས་གང་ཡིན་པ་མཚུངས་པར་ཤེས་པ་ཉིད། འདི་ནི་དབང་པོ་གཉིས་སྙོམས་པར་འཇུག་པ་ཞེས་བྱའོ། །ཡང་ན་རྣམ་པར་བསྒོམ་པ་ཡིས། །ཇི་སྐད་བཤད་བཞིན་ཡན་ལག་
འཁྱུད། །རྡོ་རྗེ་སེམས་དཔའ་རྒྱལ་པོ་ཆེ། །དཔུང་པ་དམ་པོར་བསྡམ་པར་བྱ། །ཡན་ལག་ཀུན་ལ་ཡོངས་འཁྱུད་པས། །སངས་རྒྱས་བྱང་ཆུབ་རབ་གྲུབ་འགྱུར། །དབང་པོ་གཉིས་ནི་སྙོམས་འཇུག་པ། །འདོད་པའི་འདོད་ཆགས་བརྟག་མི་བྱ། །འདི་ཡིས་མཚུངས་
པར་བསྒོམས་པ་ཡིས། །མཚུངས་པ་ཉིད་ནི་དབང་པོ་ཡིན། །ཧྃ་ཏྲྃ་ཧཱུྃ་གི་སྦྱོར་བའི་སོ་དག་གིས། །མཆུ་བཟུང་ནས་ནི་འོ་བྱ་ཞིང་། །སེམས་ཅན་གང་ཞིག་རྣམ་བསྒོམ་པ། །དེས་ནི་བདེ་བ་དོན་ཡོད་ཐོབ། །ཧཱུྃ་ཛ། སེམས་ཅན་ཐམས་ཅད་བདེ་བྱེད་པ། །ཡི་གེ་ཧཱུྃ་དེ་རབ་
เล่ม ๘๔ · หน้า 261b
སྦྱོར་ཞིང་། །བདག་ཉིད་ཁྲོ་བོར་རྣམ་སྦྱངས་ནས། །དེ་ནས་བདེ་བ་ཐོབ་པར་འགྱུར། །ཧཱུྃ། གང་གིས་ཧཱུྃ་ནི་རབ་སྦྱོར་ཞིང་། །སེམས་ཅན་དག་ནི་གང་དག་གིས། །ཡན་ལག་ཐམས་ཅད་བསྡུས་བྱས་ན། །དེ་ཡི་ཉོན་མོངས་བསྲབས་པར་འགྱུར། །ཧཱུྃ་ཕཊ། ཡེ་ཤེས་
ཆེན་པོས་ཐབས་ལྡན་པ། །རྡོ་རྗེའི་རིགས་ནི་ཐམས་ཅད་ཉིད། །དེ་བཞིན་འཁོར་ལོའི་འཁོར་བཅས་པས། །མཁས་པ་ཡིས་ནི་བསླབ་པར་བྱ། །སངས་རྒྱས་སྦྱོར་བའི་ཏིང་འཛིན་གྱིས། །རྟག་ཏུ་བདག་ནི་བསྒོམ་པར་བྱ། །རྣམ་སྨིན་མཆོག་རྣམས་ཀུན་ལྡན་
པ། །སངས་རྒྱས་སྐུ་ནི་རྣམ་པར་བསྒོམ། །བསྒོམ་པའི་སྦྱོར་བ་དེ་ཡིས་ནི། །སྐད་ཅིག་སངས་རྒྱས་ཉིད་ཐོབ་འགྱུར། །ཨ། རྡོ་རྗེའི་རིག་པ་མཆོག་རྒྱལ་པོ། །བདག་ཉིད་ཡོངས་སུ་བསྒོམ་པར་བྱ། །ཧཱུྃ། རྡོ་རྗེ་ཁྲོ་བོ་ཁྲོ་གཉེར་ཅན། །མཁས་པ་ཡིས་ནི་བསྒོམ་
པར་བྱ། །ཏྲྃ། །རྡོ་རྗེ་སྡེ་རུ་རང་བདག་ཉིད། །སངས་རྒྱས་ཐམས་ཅད་བསྒོམ་པར་བྱ། །ཧྲཱིཿ། རྡོ་རྗེ་དབབ་པ་ཁྲོ་བོ་ཆེ། །མཁས་པ་ཡིས་ནི་བསྒོམ་པར་བྱ། །ཨ། བདག་ཉིད་རྡོ་རྗེ་སེམས་ལ་ནི། །རྡོ་རྗེ་སེམས་དཔར་རྣམ་པར་བསྒོམ། །ཧཱུྃ་བཛྲ་སཏྭ། རྡོ་རྗེ་རྒྱལ་པོ་བདག་
བསྒོམ་བྱ། །ཛ་བཛྲ་རཱ་ཛ། རྡོ་རྗེ་ཆགས་པར་བསམ་པར་བྱ། །ར་བཛྲ་རཱ་ག །ཁྲོ་བོ་ལེགས་པ་བསྒོམ་པར་བྱ། །ས་བཛྲ་སཱ་དྷུ། དེ་ནས་རྡོ་རྗེ་རིན་ཆེན་ནོ། །ཨོྃ་བཛྲ་རཏྣ། རྡོ་རྗེ་གཟི་བརྗིད་དེ་བཞིན་ནོ། །ཛྭཱ་ལ་ཡ། བདག་ཉིད་རྡོ་རྗེ་རྒྱལ་མཚན་བསྒོམ། །དྷེ་ཧེ། རྡོ་རྗེ་བཞད་པ་
རྣམ་པར་བསྒོམ། །ཧཱ་ས་བཛྲ་ཧཱ་ས། རྡོ་རྗེ་ཆོས་ནི་བསྒོམ་པར་བྱ། །ཤོ་དྷ་ཡ། རྡོ་རྗེ་རྣོན་པོ་རྣམ་པར་བསྒོམ། །ཙྪིན་ད། རྡོ་རྗེ་རྒྱུ་ནི་འཁོར་ལོ་ཆེ། །པྲ་བེ་ཤ་ཡ། རྡོ་རྗེ་སྨྲ་བ་རྣམ་པར་བསྒོམ། །བྷཱ་ཥ། རྡོ་རྗེ་ལས་ནི་བསྒོམ་པར་བྱ། །ཀརྨ། རྡོ་རྗེ་གོ་ཆ་རྣམ་པར་བསྒོམ། །རཀྵ། རྡོ་རྗེ་
གནོད་སྦྱིན་བསྒོམ་པར་བྱ། །ཁཱ་ད། རྡོ་རྗེ་ཁུ་ཚུར་རྣམ་པར་བསྒོམ། །བྃ། གང་དང་གང་ལ་འདོད་པ་ཉིད། །རིགས་ཀྱི་ལྷ་ནི་ཅི་འདྲ་བར། །རང་བདག་ཉིད་ནི་བསྒོམ་པར་བྱ། །དེ་ནི་འདི་ཡིས་སྐད་ཅིག་འགྲུབ། །ཧཱུྃ། རྡོ་རྗེ་ཕྱག་རྒྱས་ལན་ཅིག་བཅིང་། །མཁས་པས་རྡོ་རྗེ་བཟླས་
เล่ม ๘๔ · หน้า 262a
པ་བརྗོད། །ཇི་སྐད་བཟླས་པའི་རྒྱུད་དུ་བཤད། །གཞན་དུ་ཁྲོ་བོ་གཟུང་བར་བྱ། །ཡིད་ཀྱིས་ཀྱང་ནི་བརྗོད་བྱ་ཞིང་། །ལུས་ཀྱི་ཕྱག་རྒྱས་བསྐུལ་བར་བྱ། །དཀྱིལ་འཁོར་གསུམ་ནི་མཉམ་སྦྱོར་བས། །སྐད་ཅིག་དེ་ལ་མཁས་པས་བསྒྲུབ། །དེ་ནས་
ཉམས་དགའ་རྡོ་རྗེའི་རིགས། །ཕྱག་རྒྱ་ཆེན་པོ་གྲངས་མེད་པ། །ལུས་ཀྱི་ཕྱག་རྒྱ་ཡང་དག་ལྡན། །གང་ཕྱིར་སེམས་ཅན་སྣོད་མིན་པ། །དེ་ཡི་ཕྱིར་ན་ཉུང་བར་གསུངས། །ཕྱག་རྒྱ་ཆེན་པོ་ཡོངས་བསྡུ་བ། །ཐེག་པ་ཆེན་པོ་མངོན་བསྡུས་ལས། །རྒྱུད་ཆེན་གསང་བ་ཞེས་བྱ་བ། །
རྒྱུད་དེར་རབ་ཏུ་བཤད་པ་ཡིན། །གསང་བའི་ཆོ་ག་འདི་ཡིས་ནི། །རྣལ་འབྱོར་བྱ་བ་བསྒྲུབ་པར་བྱ། །རྡོ་རྗེ་རྣལ་འབྱོར་སྦྱོར་བ་ཡིས། །སྐད་ཅིག་གིས་ནི་སངས་རྒྱས་འགྲུབ། །འདིར་ནི་ཕན་ཡོན་མང་པོ་དག །རང་གི་ལས་ལ་ངེས་པར་སྦྱར། །གང་ཞིག་བཏུལ་ཞིང་
མངོན་པར་སྦྱོར། །སྐད་ཅིག་གིས་ནི་སངས་རྒྱས་འགྲུབ། །མཚམས་མེད་ལྔ་པོ་བྱེད་པ་ཡང་། །ཞུགས་ནས་མངོན་པར་བརྩོན་འགྱུར་ཞིང་། །རྣལ་འབྱོར་ཆོ་ག་སྒྲུབ་བྱེད་ན། །འགྲུབ་པར་འགྱུར་བར་ཐེ་ཙོམ་མེད། །ཚེ་འདི་ལ་ནི་རྣལ་འབྱོར་པས། །རབ་ཏུ་དགའ་བའི་ས་
ཐོབ་འགྱུར། །གང་གིས་རྡོ་རྗེ་ཅན་སྦྱོར་བས། །གདོན་མི་ཟ་བར་ས་ཐོབ་འགྱུར། །བསྐལ་པ་གྲངས་མེད་དཀའ་བ་ནི། །སྤྱོད་པའི་བདག་ཉིད་མེད་པར་མིན། །རྣལ་འབྱོར་འདི་ལ་མངོན་པར་བརྩོན། །དེ་བས་ས་ནི་རྙེད་དཀའ་མིན། །ཐེག་ཆེན་འདི་ནི་གསང་བ་སྟེ། །
སངས་རྒྱས་ཆོས་ཀྱི་ཚུལ་བསྟན་པ། །སངས་རྒྱས་བྱང་ཆུབ་སྙིང་པོ་ཆེ། །དེ་ལས་ས་ནི་ཐོབ་དཀའ་མིན། །གཡོན་བརྐྱང་ཆ་ལུགས་གནས་ནས་ནི། །ཁྲོ་བོའི་ཚིག་ནི་རབ་ཏུ་བརྗོད། །ཁྲོ་བོའི་ལྟ་བས་ཡང་དག་ཁྲོས། །ལས་རྣམས་ཐམས་ཅད་བསྒྲུབ་པར་བྱ། །དེ་
བཞིན་གཤེགས་པ་ཐམས་ཅད་ཀྱི་མདོ་སྡེའི་དབང་པོ་གསང་བའི་རྣལ་འབྱོར་གསང་བ་དེ་ཁོ་ན་ཉིད་དམ་པ་མཆོག་ཏུ་གསང་བའི་རྟོག་པའི་རྒྱལ་པོ་རྡོ་རྗེ་རྩེ་མོ་ལས་ཁམས་གསུམ་རྣམ་པར་རྒྱལ་བ་ཞེས་བྱ་བ་རྣམ་པར་བཤད་པ་སྟེ་ལེའུ་གསུམ་པ་རྫོགས་སོ།། །།རྡོ་རྗེའི་
เล่ม ๘๔ · หน้า 262b
རིགས་ལས་ལེའུ་དང་པོའོ།། །།དེ་ནས་གསང་བ་དག་ནི་ཀུན་བསྡུས་མཆོག །སེམས་ཀྱི་དགའ་བ་ཀུན་སྦྱོར་ཡང་དག་བྱུང་། །བྱ་བ་བྱས་ཤིང་མཆོག་ཏུ་རྣམ་པར་མཛེས། །རྡོ་རྗེ་དབང་ཕྱུག་ཐམས་ཅད་རྣམ་འཕྲུལ་ཚོགས། །དེ་ནས་སངས་རྒྱས་ཀྱི་ནི་རིགས་
ཆེན་མཆོག །རྡོ་རྗེ་སྙིང་པོའི་ཐུགས་བྱུང་བདེ་ལྡན་པ། །ཤིན་ཏུ་གསང་བའི་ཡོན་ཏན་མཆོག་བསྡུས་པ། །རྡོ་རྗེ་རྒྱལ་པོ་བུད་མེད་གཟུགས་ཅན་གྱུར། །ཨེ་མའོ་བུད་མེད་དགའ་བ་མཆོག་སྤྱོད་པ། །གསང་བ་ཀུན་ཏུ་བསྡུས་པ་ལས་བྱུང་བ། །རྡོ་རྗེ་སེམས་དཔའ་
མཆོག་ཏུ་འཇིགས་མི་མངའ། །དེ་ཡིས་གསུངས་ནས་ཅང་མི་གསུང་བཞུགས་སོ། །གཟུངས་ཀྱི་དམ་ཚིག་ཡང་དག་བྱུང་བ་མཆོག །ཏིང་འཛིན་གནས་ནས་ཆོས་ཉིད་གསང་བ་ནི། །སྤྱི་བོ་རྐང་མཐིལ་ཀུན་བསྡུས་བསྟན་པ་ལས། །དེ་ཡི་རིགས་ཀྱི་དཀྱིལ་འཁོར་ཚོགས་
དག་ཕྱུང་། །ཧྲཱིཿ། དེ་ནས་དགའ་བའི་མིང་ཅན་དག་ཀྱང་ཕྱུང་། །རྡོ་རྗེ་བུད་མེད་ཐུགས་ལས་བྱུང་བ་མཆོག །གཟུགས་ཁམས་མཆོག་གི་ལྷ་ལས་ཤིན་ཏུ་འདས། །རྡོ་རྗེའི་མཚམས་རྣམས་ལྷ་མོའི་ཚིག་དག་གྲག །དགའ་བཅས་འཛུམ་པ་དང་ལྡན་སྤྱན་མངའ་བ། །
བཞད་ཅིང་སྒེག་དང་བཅས་པའི་ཞལ་ལྡན་པ། །ཚངས་སོགས་རིགས་ཀྱི་ལྷ་ཡི་ལྷ་མོ་སྟེ། །ཡིད་འོང་དགའ་བ་ཆེན་པོས་རྒྱལ་འགྱུར་བ། །ལྷ་མོ་རྡོ་རྗེ་རྣལ་འབྱོར་མ་དེ་ཡང་། །འཁོར་ལོའི་དབུས་སུ་གནས་ནས་རྟོག་བྱེད་པ། །དེ་ཡི་རིགས་བསྡུས་མཛེས་ཤིང་ཡིད་དུ་
འོང་། །རྡོ་རྗེ་ཆེན་མོ་རྡོ་རྗེ་རྨོངས་བྱེད་མ། །ཨོྃ་སརྦ་ཏ་ཐཱ་ག་ཏ་མ་ཧཱ་རཱ་ག་མོ་ཧ་ན་ཡ་ཧི། སྙིང་པོ་སངས་རྒྱས་རྨོངས་པར་བྱེད་པས་གསུངས། །དེ་བཞིན་གཤེགས་པ་མཆོག་ཀྱང་རྨོངས་པར་འགྱུར། །སངས་རྒྱས་ཀུན་གྱི་དགའ་བ་རྨོངས་བྱེད་དགའ། །སངས་རྒྱས་
གཟུགས་དག་ཡོངས་སུ་སྒྱུར་བ་མཆོག །རྣམ་སྣང་ཐུབ་པའི་དབང་ཕྱུག་མཆོག་དེ་ནི། །བུད་མེད་གཟུགས་ཀྱི་སྤྲུལ་པ་ཉིད་དུ་འགྱུར། །དབང་ཕྱུག་རྫུ་འཕྲུལ་མཆོག་མངའ་གང་དེ་ནི། །འཁོར་གྱི་སྲིང་མོ་གང་ཡིན་བཞི་བོར་གྱུར། །ཨོྃ་བཛྲ་ཀྲོ་དྷ་ས་མ་ཡེ་སྠི། དེ་ནས་
เล่ม ๘๔ · หน้า 263a
གསང་བ་བརྟན་པའི་ཚོགས་ཞི་བ། །ཆོས་དང་ལོངས་སྤྱོད་རྫོགས་སྐུས་ཀུན་ཁྱབ་པ། །རྡོ་རྗེ་གསང་བའི་དབང་ཕྱུག་རྨོངས་བྱེད་བདག །སངས་རྒྱས་བཙུན་མོ་དག་པའི་ཆོས་ཉིད་བཞུགས། །ས་ནི་རྣམ་པ་དྲུག་ཏུ་གཡོས་པར་གྱུར། །འོད་ཟེར་སྣ་ཚོགས་
ཕྱོགས་བཅུ་དག་ཏུ་གསལ། །ལྷ་མོ་ལྷ་དང་བཅས་པའི་ལྷ་མོ་རྣམས། །ཟིལ་གྱིས་མནན་ཅིང་ཤིན་ཏུ་རྒྱས་པར་འགྱུར། །རིགས་ཀྱི་དཀྱིལ་འཁོར་དང་མཚུངས་ལྷ་མོའི་ཚོགས། །དེ་དག་རང་གི་གཞལ་ཡས་ཁང་ན་གནས། །དེ་ནས་སངས་རྒྱས་རིན་ཆེན་འབྱུང་བ་ཡི། །
གསང་བའི་དབང་ཕྱུག་དམ་པ་འདྲེན་པ་སྟེ། །རྡོ་རྗེ་དགའ་བ་ཆེན་པོ་རྣམ་པར་དགོད། །གདུག་པ་ཀུན་གྱི་དབང་ཕྱུག་ཡི་གེ་ནི། །སྙིང་པོ་ལས་བྱུང་ཆོས་ཉིད་དག་པ་སྟེ། །རྡོ་རྗེ་བཙུན་མོ་བཞི་དང་དབུས་མ་ལྔ། །དཀྱིལ་འཁོར་ཚོགས་ཀྱི་ཤར་ཕྱོགས་ཆ་ལ་གནས། །མི་
བསྐྱོད་པ་ཡི་དབང་ཕྱུག་དམ་པའི་མཆོག །དེ་ནས་རྡོ་རྗེའི་རིགས་ཅན་ལས་བྱུང་བའི། །ཤར་གྱི་དཀྱིལ་འཁོར་ཁྲོ་བཅས་དཀྱིལ་འཁོར་བཅས། །མི་བསྐྱོད་དམ་པའི་དམ་ཚིག་བདག་ཉིད་ཅན། །དེ་ཡིས་སྙིང་པོ་བསྐུལ་བ་གསུངས་པར་གྱུར། །སྙིང་པོ་རབ་མཆོག་འབྱུང་
བ་གསུངས་པར་གྱུར། །ཨོྃ་བཛྲ་ཀྲོ་དྷ་ས་མ་ཡེ་ཛི། ཨོྃ་བཛྲ་རོ་ཥ་ཨྃ་ཀུ་ཤ་ཨཱ་ན་ཡ་སརྦ་ཛི། ཨོྃ་བཛྲ་རོ་ཥ་ཀརྨ་བཛྲི་བ་ཤྃ་མེ་ཨཱ་ན་ཡ་དི་ཛི། ཨོྃ་བཛྲ་དུཥྚི་ཀྲོ་དྷ་ཏིཥྛ་ཡ་སརྦ་ཛི། རིན་ཆེན་འབྱུང་ལྡན་དེ་ནི་བུད་མེད་གཟུགས། །རིན་ཆེན་མཆོག་ཏུ་ཡིད་དུ་འོང་བ་དེས། །
འཁོར་གྱི་སྙིང་པོ་དག་ནི་བཞི་པོ་གསུངས། །ཨོྃ་བཛྲ་བྷྲྀ་ཀུ་ཊཱི་ཀྲོ་དྷ་ཧ་ར་ཧ་ར་སརྦ་གརྦྷ་ཛི། ཨོྃ་བཛྲ་ཛྭ་ལ་མཱ་ལ་པྲ་བེ་ཤ་མ་ཧཱ་ཀྲོ་དྷ་ཨགྣི་ཛྭཱ་ལ་ཡ་སརྦ་ར་བྷི་ཥ་ཛ་ཛི། ཨོྃ་བཛྲ་དྷྭ་ཛ་ཨ་གྲ་ཀེ་ཡུ་རི་མ་ཧཱ་ཀྲོ་དྷི་དེ་ཧི་སརྦ་ཛི། ཨོྃ་བཛྲ་ཨཊྚཱཊྚ་ཧ་སི་ནི་ཧཱ་ས་མ་ཡཱ་ཊྚཱཊྚ་ཧ་ར་ཧ་ར་ཛི། ཡི་གེ་
ཛི་ནི་ཤིན་ཏུ་བརྟན་པར་གནས། །སྙིང་པོ་མཆོག་ཏུ་ཤིན་ཏུ་གྱུར་པ་གསུངས། །རིན་ཆེན་དབང་ཕྱུག་དམ་པ་དེ་ཡིས་ནི། །སྙིང་པོ་བསྐུལ་བར་བྱེད་པའི་མཆོག་དག་གསུངས། །སྙིང་པོ་མཆོག་གསུངས་རྨད་བྱུང་གསུངས་པར་གྱུར། །འོད་དཔག་མེད་དེ་བུད་མེད་གཟུགས་གྱུར་
เล่ม ๘๔ · หน้า 263b
པ། །རྡོ་རྗེ་བཙུན་མོ་དམ་པ་འབྱུང་བའི་མཆོག །སྙིང་པོ་བཞི་པོ་དག་ནི་གསུངས་པར་གྱུར། །ཨོྃ་བཛྲ་ཤུད་དྷི་ཧ་ན་དུཥྚི་དྷི། ཨོྃ་ཏཱིཀྵྞ་ཀྲོ་དྷ་ཙྪིན་ད་ན་སརྦ་དྷི་རི། བཛྲ་ཧེ་ཏུ་མ་ཧཱ་ཀྲོ་དྷ་བྲ་བེ་ཤ་ཡ་སརྦ་དྷི། ཨོྃ་བཛྲ་ཛི་ཧྭཱ་མ་ཧཱ་ཀྲོ་དྷ་བྷཱ་ཥི་པ་ཙ་ཨུངྒ་ར་ཡ་དྷིཿ། སྙིང་པོ་རིག་མཆོག་
བརྟན་པ་གསུངས་པར་གྱུར། །པདྨའི་དཀྱིལ་འཁོར་དབང་དང་ལྡན་པ་མཆོག །འོད་དཔག་མེད་པའི་གསང་མཆོག་བསྟན་པ་སྟེ། །སྙིང་པོ་བསྐུལ་བའི་མཆོག་ནི་གསུངས་པར་གྱུར། །ཎི། དགའ་བ་ཆེན་པོས་མཚན་མ་དག་ཀྱང་ཕྱུང་། །དོན་ཡོད་གྲུབ་པ་བུད་མེད་གཟུགས་གྱུར་
པས། །ལས་ལ་ཤིན་ཏུ་བསྐུལ་བ་དང་ལྡན་ཏེ། །འཁོར་གྱི་སྲིང་མོ་དག་ནི་བཞི་པོ་གསུངས། །ཨོྃ་སརྦ་མུ་ཁེ་ཀརྨ་བཛྲི་ཎི་མ་ཧཱ་ཀྲོ་དྷ་ཀུ་རུ་སརྦ་ཎི། ཨོྃ་བཛྲ་ཀ་བ་ཙ་ཀྲོ་དྷི་རཀྵ་མ་ཎི། ཨོྃ་བཛྲ་ཀྲོ་དྷེ་མ་ཧཱ་ཡཀྵི་ཎི་བཛྲེ་དྃཥྚཱ་ཀ་རཱ་ལི་བི་ལཱ་ས་སརྦ་ཎི། ཨོྃ་བཛྲ་མུཥྚི་བཛྲ་ཀྲོ་དྷ་ནི། དེ་ནས་
ལས་ཀྱི་དཀྱིལ་འཁོར་སྣ་ཚོགས་དག །མཆོག་ཏུ་གསང་བ་བསྡུས་པ་དགའ་ཆེན་པོ། །དབུས་ཀྱི་གཙོ་བོའི་དཀྱིལ་འཁོར་སྐུལ་བྱེད་པ། །ལས་ཀྱི་བཙུན་མོའི་སྙིང་པོ་མཆོག་འདི་གསུངས། །ཧཱུྃ། དབུས་ཀྱི་གསང་བ་སྣ་ཚོགས་འབྱུང་འགྱུར་བ། །གཙོ་བོ་འདི་དག་རྣམ་པར་སྣང་མཛད་
གསུངས། །ཨོྃ་བཛྲེ་ཤྭ་རཱི་ཧཱུྃ། ཨོྃ་རཏྣེ་ཤྭ་རཱི་ཧཱུྃ། ཨོྃ་པདྨེ་ཤྭ་རཱི་ཧཱུྃ། ཨོྃ་ཀརྨེ་ཤྭ་རཱི་ཧཱུྃ། རྡོ་རྗེ་རྒྱལ་མོ་དང་བཅས་བསྐུལ་བ་ལས་བྱུང་གང་ཡིན་པ། །རྡོ་རྗེ་བཙུན་མོ་རྣལ་འབྱོར་བཞི་ཡིས་དབུས་ཀྱི་དབང་ཕྱུག་ཉིད་དུ་གནས། །རྡོ་རྗེ་རིན་ཆེན་ཆོས་ལྡན་བཙུན་མོ་ཡན་ལག་མཛེས་པ་དང་
ལྡན་པ། །འདི་ནི་གསང་བའི་ཚོགས་ལས་གཞན་དུ་རྣལ་འབྱོར་མཆོག་ནི་འགའ་ཡང་མེད། །རྡོ་རྗེ་སེམས་དཔའ་མཆོག་ཏུ་འཇིགས་མི་མངའ། །དེ་ནི་རང་གི་འཁོར་ཚོགས་དབུས་ན་བཞུགས། །དེས་ནི་བརྩེ་དང་ཕན་པའི་སེམས་ཀྱིས་ནི། །རྡོ་རྗེ་གསང་བའི་དཀྱིལ་འཁོར་མཆོག་
གསུངས་གྱུར། །དེ་ནས་འཁོར་ལོའི་གྲོང་ཁྱེར་བསྟན་བྱས་ནས། །ཁམས་གསུམ་རྣམ་པར་རྒྱལ་བའི་བདག་ཉིད་དེས། །རྡོ་རྗེ་རྣལ་འབྱོར་དབང་ཕྱུག་བཙུན་མོ་ཡི། །དཀྱིལ་འཁོར་གསང་བའི་རྣལ་འབྱོར་ཡང་དག་བྲི། །གྲོང་ཁྱེར་རྣམ་པ་གཉིས་སུ་ཡང་དག་བྲི། །འཁོར་ལོ་རྣམ་པ་
เล่ม ๘๔ · หน้า 264a
གཉིས་སུ་སྦྱར་བར་བྱ། །དེ་བཞིན་གྲོང་ཁྱེར་འདི་རུ་ཡང་དག་འོང་བ་དང་། །ཡང་ན་ཇི་ལྟར་འདོད་བཞིན་ཡང་དག་བྲི། །དེ་ཡང་ཕྱག་རྒྱ་དག་གི་ཚོགས་དང་བཅས། །བསྒོམ་པར་འོས་པ་རྡོ་རྗེ་ཡང་དག་བྲི། །ཡང་ན་གསང་བའི་ཆོས་ཀྱིས་མཆོད་གྱུར་པ། །
ད་ནི་གཟུགས་དང་ལྡན་པ་ཡང་དག་བྲི། །དབུས་ཀྱི་རིམ་པར་རྡོ་རྗེ་སེམས་དཔའ་བཞུགས། །ཞགས་པ་དང་ལྡན་འཁོར་གྱི་ཕྱག་རྒྱ་བཅས། །རྡོ་རྗེ་འབར་བ་ནོར་བུ་པདྨ་ལས། །འབར་བའི་དང་བཅས་མེ་དང་ལྡན་པར་གཞག །ཤར་གྱི་དཀྱིལ་འཁོར་འཁོར་ལོ་ལྔ་ཡི་
བདག་ཉིད་ཆེ། །རྡོ་རྗེའི་དཀྱིལ་འཁོར་གང་དུ་མི་བསྐྱོད་གཙོ། །རྡོ་རྗེའི་ཕྱག་རྒྱ་ཆེ་དང་རོལ་པར་གྱུར། །དབང་ཕྱུག་ཆེན་པོ་རྩེ་གསུམ་ལྡན་ནོན་མཆོག །དེ་ནས་ཕྱོགས་བཞིའི་གནས་དག་དང་། །རྡོ་རྗེ་ལྕགས་ཀྱུ་མདའ་དང་དགའ་བ་དག །འབར་བའི་མེ་ཡི་
འོད་ཟེར་ཡང་དག་ལྡན། །འབར་བའི་དབུས་ན་གནས་པའི་ཕྱག་རྒྱ་མངའ། །དེ་ནི་རིན་ཆེན་རིགས་ན་ཡིད་འོང་བ། །རྡོ་རྗེའི་དབུས་ན་རྡོ་རྗེ་རིན་ཆེན་བཞུགས། །དེ་ནས་ཕྱོགས་བཞིའི་གནས་དག་ཏུ། །རིན་ཆེན་གཟི་བརྗིད་རྒྱལ་མཚན་བཞད་ཕྱག་རྒྱ། །དེ་བཞིན་པདྨའི་
རིགས་ནི་ཡིད་འོང་ལ། །རྡོ་རྗེ་པདྨའི་ཕྱག་རྒྱ་སྟེ། །དེ་ནས་ཕྱོགས་བཞིའི་མཚམས་དག་ཏུ། །པདྨའི་རལ་གྲི་འཁོར་ལོ་དེ་བཞིན་སྨྲ། །དེ་བཞིན་ལས་ཀྱིས་བྱས་པའི་རིགས་དེ་ལས། །རྡོ་རྗེ་རྣོན་པོ་མེ་ཆེན་དང་ལྡན་པ། །དེ་ཡི་ཕྱོགས་བཞིའི་མཚམས་ནི་བརྟན་པ་རུ། །
ལས་དང་གནོད་སྦྱིན་བསྲུང་བ་ཁུ་ཚུར་རྣམས། །དེ་ལས་རྒྱ་ཆེར་གཟུགས་ཀྱི་ཚོགས་དག་ལ། །རྡོ་རྗེ་བཙུན་མོའི་མཆོག་དྲག་མཁའ་འགྲོ་མ། །འབར་བའི་མཆེ་བ་ཆེན་པོ་འཇིགས་རུང་མ། །དབུས་ན་རྡོ་རྗེ་ཉི་མ་འབར་བ་ལྡན། །ས་དག་བསྲུང་བའི་ཆོ་གར་བཅས། །
རྒྱ་ཆེར་གཞུང་མཆོག་རྟག་ཏུ་བལྟ་བར་བྱ། །སྦྱང་དང་དབབ་པའི་ལས་རྣམས་ཐམས་ཅད་ནི། །ཡན་ལག་མཆོག་ལྡན་དམ་པ་ལས་གཟུང་བྱ། །དེ་ནས་ཕྱག་རྒྱ་ཕྱག་རྒྱའི་ཡན་ལག་བསླབ། །མཆོད་པའི་ཕྱག་རྒྱས་མཆོད་པའི་ཕྱག་རྒྱར་བརྗོད། །དེ་ནས་སྒོ་དང་མཚམས་
เล่ม ๘๔ · หน้า 264b
བཅས་དཀྱིལ་འཁོར་དུ། །བཙུན་མོ་དག་བོས་གནམ་ལྕགས་གནོད་སྦྱིན་མཆོག །དེ་ནས་སྒོར་འཇུག་པ་ཡི་ཚོགས་ལ་ནི། །བཛྲ་ཛཿཛཿ། དགུག་པའི་ཕེག་རྡོབ་སྤྲིན་ནི་རྒྱ་ཆེ་བ། །བཛྲ་ཧཱུྃ་ཧཱུྃ། དེ་བཞིན་འཆིང་བའི་ཆོས་ནི་སྟེར་བྱེད་པ། །བཛྲ་བྃ་བྃ། དེ་ནས་ཡེ་ཤེས་
ཆོས་ཉིད་སྣ་ཚོགས་པ། །བཛྲ་ཨཿཨཿ། དེ་ནས་གསང་བའི་སྒེག་པ་དང་བཅས་མཆོད། །བཛྲ་ཧཱུྃ་ཁྃ། དེ་ནས་ཡན་ལག་ཕྲེང་བ་སྣ་ཚོགས་ལྡན། །བཛྲ་ཧཱུྃ་གྷུྃ། དེ་ནས་གླུ་བླང་བ་དང་རོལ་མོ་དག །བཛྲ་ཧཱུྃ་ཏྃ། དེ་བཞིན་གཞན་དག་དཀྱིལ་འཁོར་དབང་
ཕྱུག་མཆོག །བཛྲ་ཧཱུྃ་སྟེ། དེ་ནས་ཕྱི་རོལ་མེ་ཏོག་རྒྱ་ཆེན་པོ། །བཛྲ་ཏི་ཏེ། དེ་བཞིན་རོལ་ཆ་སྟོང་ཕྲག་དག་བརྡུངས་པ། །བཛྲ་ཊྲྃ་ཏ། སྤོས་དང་དྲི་ལྡན་རོལ་མོ་དག་བྲི་བ། །བཛྲ་དྷཱ་ཏུ། དེ་ནས་འོད་ཟེར་སྣང་བ་རབ་ཏུ་སྤྲོ། །བཛྲ་ཀྲོ་དྷ། དེ་ནས་རྡོ་རྗེ་ལྕགས་ཀྱུའི་
ཚོགས་ཀྱིས་དགུག་པར་བྱ། །དགའ་བས་མཉེས་བྱ་རྡོ་རྗེ་ཡང་དག་ལྡན། །ཨོྃ་སིད་དྷི་ཡ་བཛྲ། །ཨཱ་ན་ཡ་བཛྲ། དེ་ནས་ཆགས་པའི་ས་ནི་འདོད་ཆགས་པ། །རཱ་ག་ཡ་བཛྲ་ཨ་ཧི་བཛྲ། དེ་བཞིན་ཉི་མ་ལ་ལྟ་བ། །ཛྭཱ་ལ་ཡ་བཛྲ། རྒྱལ་མཚན་གྱི་ནི། དེ་ཧི་བཛྲ།
བཞད་པ་ཡི་ནི། །ཧཱ་ས་བཛྲ། དེ་བཞིན་རྗེས་སུ་ཆགས་པ་ནི། །ཀཱ་མ་ཡ་བཛྲ། རལ་གྲི་གཟུང་བར་བྱ་བ་ནི། །ཙྪེ་ད་ཡ་བཛྲ། གཞན་ཡང་བསྐོར་བ་ཡི་ནི། བྷྲ་མ་ཡ་བཛྲ། དེ་ནས་ཚིག་གི་ཚོགས་དབྱུང་བ། །བྲཱུ་ཧི་བཛྲ། ལས་ཀྱི་མཆོད་པའི་དཀྱིལ་འཁོར་བརྟན་པའི་
ཚོགས་ནི། ཏྱི་བཛྲ། དེ་ནས་ཆོ་གའི་ཆའི་ནི། རཀྵ་བཛྲ། དེ་བཞིན་དུ་བཟའ་བའི་ནི། ཁཱ་ཧི་བཛྲ། ཡིད་འོང་ལུས་ནི་བརྟན་པར་བཅིང་བར་བྱ། །བནྡྷ་ཡ་བཛྲ། དེ་ནས་ཡེ་ཤེས་ཀྱི་ནི་དེ་བཞིན་བརྐྱང་། །དེ་ནས་ཁྲོས་པའི་ཡིད་ཀྱིས་བསྐུལ་བར་བྱ། །སོ་དག་གིས་ནི་མ་མཆུ་
བསྡམ་པར་བྱ། །དེ་བཞིན་མིག་དག་ཀྱང་ནི་བཙུམ་པར་བྱ། །དེ་ནས་ཁྲོ་བོའི་ཏིང་འཛིན་རབ་ཏུ་བསྒོམ། །གསང་བའི་ཕྱག་རྒྱ་དག་གིས་བདུད་བཞི་བཅོམ། །དེ་ནས་རྡོ་རྗེའི་ཚིག་གི་སྙིང་པོ་བརྗོད། །ཕྱག་རྒྱའི་ཚོགས་ནི་རྣམ་པ་སྣ་ཚོགས་བསླབ། །ལུས་ཀྱི་ཕྱག་རྒྱའི་ཚོགས་དག་ནི། །ཐེག་པ་
เล่ม ๘๔ · หน้า 265a
ཆེན་པོ་མངོན་བསྡུས་ལས། །རྡོ་རྗེ་སེམས་དཔའི་བཀའ་བཞིན་དུ། །རྒྱས་པ་རུ་ནི་ཡོངས་སུ་བརྗོད། །གསང་བ་མཆོག་རྫོགས་སོ།། །།དེ་ནས་རྒྱལ་པོ་རྡོ་རྗེ་འཛིན། །ཀུན་མཆོག་གནས་ཀྱི་དབང་ཕྱུག་ནི། །རྡོ་རྗེ་ཕྲ་མོ་ལ་བཞུགས་ནས། །
རྡོ་རྗེ་ཕྲ་མོ་བརྗོད་པར་གྱུར། །ཨོྃ་སརྦ་ཏ་ཐཱ་ག་ཏ་སཱུཀྵྨ་བཛྲ་ཀྲོ་དྷ་ཀྲ་མ་ཧཱུྃ་ཕཊ། བདག་ཉིད་སངས་རྒྱས་གཟུགས་སུ་ནི། །ཕན་པའི་དོན་དུ་རྣམ་བསམ་བྱ། །རྡོ་རྗེ་ཕྲ་མོ་འདི་ཡིས་ནི། །སེམས་ནི་ཞི་བ་ཉིད་དུ་གྱུར། །ཨོྃ་སཱུཀྵྨ་བཛྲ་ཀྲོ་དྷ་ཀྲ་མ་ཧཱུྃ་ཕཊ། རྡོ་རྗེ་རིག་
པ་མཆོག་རྒྱལ་པོ། །བདག་ཉིད་ཡོངས་སུ་བསྒོམ་པར་བྱ། །རྡོ་རྗེ་ཕྲ་མོ་འདི་ཡིས་ནི། །རང་སེམས་སྐད་ཅིག་གིས་འདུལ་འགྱུར། །ཨོྃ་སཱུཀྵྨ་བཛྲ་རཏྣ་ཀྲོ་དྷ་ཀྲ་མ་ཀ་ཧཱུྃ་ཕཊ། རྡོ་རྗེ་རིན་ཆེན་རང་བདག་ཉིད། །མཁས་པ་ཡིས་ནི་བསྒོམ་པར་བྱ། །སངས་རྒྱས་
ཆོས་ནི་མྱུར་ཐོབ་ཅིང་། །རིན་ཆེན་ཀུན་མཆོག་གཙོ་བོར་འགྱུར། །ཨོྃ་སཱུཀྵྨ་བཛྲ་དྷརྨ་ཀྲོ་དྷ་ཀྲ་མ་ཧཱུྃ་ཕཊ། བདག་ཉིད་དག་ནི་རྡོ་རྗེ་ཆོས། །གཟོད་ནས་དག་པ་རྣམ་པར་བསྒོམ། །གསུང་གི་ཕྱག་རྒྱ་འདི་ཡིས་ནི། །རྡོ་རྗེ་ཆོས་དང་མཚུངས་པར་འགྱུར། །ཨོྃ་སཱུཀྵྨ་བཛྲ་
ཀརྨ་ཀྲོ་དྷ་ཀྲ་མ་ཧཱུྃ་ཕཊ། བདག་ཉིད་རྡོ་རྗེ་ལས་སུ་ནི། །ཡང་དང་ཡང་དུ་བསྒོམ་བྱ་ཞིང་། །རྡོ་རྗེ་སྔགས་ཀྱིས་བསྐུལ་ནས་ནི། །རྡོ་རྗེ་ལས་དང་མཚུངས་པར་འགྱུར། །དབང་བསྐུར་བ་ཡི་སེམས་དཔའ་ཆེ། །འཁོར་ལོས་སྒྱུར་བ་བཞི་བོ་རུ། །རྟག་ཏུ་བདག་ཉིད་
བསྒོམ་བྱས་ན། །དབང་བསྐུར་བ་ཡང་ཐོབ་པར་འགྱུར། །ཧཱུྃ་ཨོྃ་སཱུཀྵྨ་ཛྙཱ་ན་ཀྲོ་དྷ་ཧཱུྃ་ཕཊ། རྡོ་རྗེ་རྒྱལ་པོ་རང་བདག་ཉིད། །རྣམ་པར་བསྒོམས་ན་རེངས་པར་འགྱུར། །སྙིང་པོ་འདི་དག་ཉིད་ཀྱིས་ནི། །སངས་རྒྱས་ཐམས་ཅད་ཀུན་ཏུ་དགུག །ཨོྃ་སཱུ་ཀྵྨ་བཛྲ་ཨྃ་ཀུ་ཤ་ཨཱ་
ཀརྵ་ཡ་མ་ཧཱ་ཀྲོ་དྷ་ཧཱུྃ་ཕཊ། མདའ་འགེངས་པ་ཡི་སྦྱོར་བ་ཡིས། །རྡོ་རྗེ་ཆགས་པ་བསྒོམ་པར་བྱ། །སྙིང་པོ་འདི་དག་ཉིད་ཀྱིས་ནི། །སངས་རྒྱས་ཐམས་ཅད་རྗེས་ཆགས་པ། །ཨོྃ་སཱུཀྵྨ་བཛྲ་ཀྲོ་དྷ་ཨ་ནུ་རཱ་ག་ཡ་ཧཱུྃ་ཕཊ། སངས་རྒྱས་ཐམས་ཅད་མཉེས་བྱས་ཤིང་། །
เล่ม ๘๔ · หน้า 265b
བདག་ཉིད་ཀྱང་ནི་རྣམ་པར་བསྒོམ། །རྡོ་རྗེ་དགའ་བ་བདག་ཉིད་དེ། །རྡོ་རྗེ་དངོས་གྲུབ་ཐོབ་པར་འགྱུར། །ཨོྃ་སཱུཀྵྨ་བཛྲ་དུཥྚི་ཀྲོ་དྷ་ཧཱུྃ་ཕཊ། རྡོ་རྗེ་རིན་ཆེན་རྒྱལ་པོ་ང་། །དབང་བསྐུར་བ་ནི་བརྟན་པའི་མཆོག །རྡོ་རྗེ་སྔགས་ཀྱིས་བསྐུལ་བྱས་ནས། །རྡོ་རྗེ་རིན་ཆེན་མཚུངས་པར་འགྱུར། །ཨོྃ་
སཱུཀྵྨ་བཛྲ་བྷྲྀ་ཀུ་ཊཱི་ཀྲོ་དྷ་ཧ་ར་ཧ་ར་ཧཱུྃ་ཕཊ། རྡོ་རྗེ་གཟི་བརྗིད་ཏིང་འཛིན་གྱིས། །རྟག་ཏུ་བདག་ཉིད་འབར་བར་བྱ། །ཕྱོགས་རྣམས་ཀུན་ཏུ་ཡོངས་སྤྲོས་ནས། །རྡོ་རྗེ་སྔགས་ནི་རབ་ཏུ་བསྐུལ། །ཨོྃ་སཱུཀྵྨ་ཛྭཱ་ལ་མཎྜ་ལ་ཀྲོ་དྷ་སཱུརྱ་ཛྭ་ལ་ཧཱུྃ་ཕཊ། སྦྱིན་པ་རིན་ཆེན་རྒྱལ་མཚན་དུ། །རྟག་ཏུ་
བདག་ཉིད་རྣམ་པར་བསམ། །སེམས་ཅན་ཐམས་ཅད་དག་བྱ་ཞིང་། །རྡོ་རྗེ་སྔགས་ནི་རབ་བསྐུལ་ཞིང་། །ཨོྃ་སཱུཀྵྨ་བཛྲ་དྷྭ་ཛ་ཀྲོ་དྷ་ཡ་ཤོ་དྷ་སརྦ་ཨཱཿཧཱུྃ་མེ་པྲ་ཡཙྪ་ཧཱུྃ་ཕཊ། ཆོས་ཆེན་པོ་ཡི་བཞད་པ་བཞད། །རྡོ་རྗེ་བཞད་པ་བདག་བརྟན་པའི། །རྡོ་རྗེ་སྔགས་ཀྱིས་བསྐུལ་བྱ་ཞིང་། །
བདག་ཉིད་ཁོ་ན་ཆོས་ཀྱི་གསུང་། །ཨོྃ་སཱུཀྵྨ་བཛྲ་ཧ་ས་ཀྲོ་དྷ་ཧ་ཧ་ཧཱུྃ་ཕཊ་ཧ་ཧ། གཟོད་ནས་ཞི་བ་སྐྱེ་བ་མེད། །ཆོས་རྣམས་ཐམས་ཅད་རྣམ་དག་པ། །བདག་ཉིད་རྡོ་རྗེ་ཆོས་རྒྱལ་པོ། །རྡོ་རྗེ་ཚིག་གིས་ལན་ཅིག་བརྗོད། །ཨོྃ་སཱུཀྵྨ་བཛྲ་ཀྲོ་དྷ་ཡ་ཤོ་དྷ་ཧཱུྃ་ཕཊ། ཤུགས་ཅན་རལ་
གྲི་དག་གི་ཚོགས། །རྡོ་རྗེ་རྣོན་པོ་ཤིན་ཏུ་བརྟན། །ཨོྃ་སཱུཀྵྨ་བཛྲ་ཙྪེ་ད་ཀྲོདྷ་ཙྪིནྡ་ཙྪིནྡ་ཧཱུྃ་ཕཊ། ཆོས་ཀྱི་འཁོར་ལོ་བསྐོར་བྱས་ནས། །རྡོ་རྗེ་འཁོར་ལོ་དང་མཚུངས་འགྱུར། །ཨོྃ་སཱུཀྵྨ་བཛྲ་ཀྲོ་དྷ་མ་ཧཱྃ་ཙཀྲ་ཙྪིནྡ་པ་ཧཱ་ཨི་ཤྭ་རི། པྲ་བེ་ཤ་ཧྲྀ་ད་ཡཾ་ཙྪིནྡ་ཧཱུྃ་ཕཊ། ད་ནི་རྗོད་བྱེད་བརྗོད་བྱ་མིན། །བདག་
ནི་རྡོ་རྗེ་སྨྲ་བ་བརྟན། །ཆོས་འདོད་པ་ཉིད་བརྟན་བྱས་ནས། །རྡོ་རྗེ་སྨྲ་བ་ཐོབ་པར་འགྱུར། །ཨོྃ་སཱུཀྵྨ་བཛྲ་ཧཱུྃ་ཀཱ་ར་ཀྲོ་དྷ་ཧ་ར་པ་ཙ་ཡ་ཝ་མུ་དྲེ་ཎ་ཧཱུྃ་ཕཊ། སངས་རྒྱས་ཐམས་ཅད་མཆོད་བྱ་ཞིང་། །རྡོ་རྗེ་ལས་ནི་བརྟན་པར་བརྟག །རྡོ་རྗེ་ཚིག་གིས་ཆོས་བཤད་ན། །རྡོ་རྗེ་ལས་ནི་ཐོབ་པར་འགྱུར། །
ཨོྃ་སཱུཀྵྨ་བཛྲ་ཀརྨ་སརྦ་ཀཱརྱ་ཧྲྀ་ད་ཡ་ཧཱུྃ། བདག་ནི་རྒྱལ་པོ་བྱམས་པ་ཆེ། །རྡོ་རྗེ་སྲུང་བ་བརྟན་པའི་བདག །རྟག་ཏུ་བདག་ཉིད་བསྒོམ་བྱས་ནས། །ངན་འགྲོ་ཐམས་ཅད་ཉམས་པར་འགྱུར། །ཨོྃ་སཱུཀྵྨ་བཛྲ་ཀ་བ་ཙ་ཀྲོ་དྷ་རཀྵ་ཧཱུྃ་ཕཊ། སྡིག་པ་ཐམས་ཅད་བཟའ་བྱ་ཞིང་། །རྡོ་རྗེ་སྲུང་བ་
เล่ม ๘๔ · หน้า 266a
བསྒོམ་པར་བྱ། །རྡོ་རྗེ་སྔགས་ནི་བསྐུལ་བྱས་ན། །རྡོ་རྗེ་ཉོན་མོངས་ཐམས་ཅད་འཇོམས། །ཨོྃ་སཱུཀྵྨ་བཛྲ་ཡཀྵ་ཧ་ར་བྷཀྵ་སརྦ་དུཥྚ་བཛྲ་ཡཀྵ་ཧཱུྃ་ཕཊ། རྡོ་རྗེ་ཁུ་ཚུར་རྒྱལ་པོ་བདག །བྱང་ཆུབ་སེམས་ནི་རྗེས་སུ་དྲན། །བགེགས་རྣམས་ཐམས་
ཅད་བཅིང་བྱས་ན། །རྡོ་རྗེ་ཁུ་ཚུར་དང་མཚུངས་འགྱུར། །ཨོྃ་སཱུཀྵྨ་བཛྲ་མུཥྚི་བནྡྷ་བནྡྷ་ཧཱུྃ་ཕཊ། སྣ་ཡི་རྩེ་མོའི་སེམས་དེ་ནི། །བརྟན་པར་བྱས་ནས་ཡང་དག་བརྩམ། །ཡི་གེ་ཧཱུྃ་ཉིད་སྦྱོར་བྱས་ནས། །ཉོན་མོངས་ཐམས་ཅད་རྣམ་ཉམས་འགྱུར། །ཧཱུྃ། དང་
པོ་སྙིང་ག་སྣ་རྩེ་རུ། །བརྟན་པར་བྱས་ནས་དེ་རང་བཞིན། །མཚན་མ་དེ་ནི་སྤྲོ་བྱས་ན། །ནད་སོགས་དགྲ་ནི་འཇིག་པར་འགྱུར། །ནཱ་ཤ་ཡ་བཛྲཱི་ཧཱུྃ། སེམས་དེ་བརྟན་པར་བྱས་ནས་ཀྱང་། །རྣལ་འབྱོར་འཛིན་པས་སྤྲོ་བྱ་ཞིང་། །ཤེས་རབ་ཅན་གྱིས་ཁྲོ་བདག་
བརྩམ། །གནས་ངན་དག་ནི་ངེས་པར་འཇིག །བི་ནཱ་ཤ་ཡ་སརྦ་བཛྲ་ཧཱུྃ། རྣལ་འབྱོར་རིག་པས་ཇི་སྲིད་འདོད། །མཚན་མ་དེ་ནི་བསྡུ་བྱས་ན། །མ་ལུས་སྡིག་པ་ཐམས་ཅད་ནི། །ཉམས་ཤིང་འབྱུང་བར་མི་འགྱུར་རོ། ཨོྃ་སཱུཀྵྨ་བཛྲ་པྲ་ཏྱ་ཤཱི་གྷཱྃ་ཧཱུྃ། གསལ་
བར་ཕྱོགས་རྣམས་མ་ལུས་པར། །སེམས་ཅན་ཀུན་ལ་བྱམས་པ་སྤྲོ། །ཇི་སྲིད་རྡོ་རྗེ་སྤྲོ་བྱས་པ། །དེ་སྲིད་སེམས་ཅན་བདེ་བར་འགྱུར། །བྷེ་ར་བ་བཛྲ་ཀྲོ་དྷ་ཧཱུྃ་ཕཊ། ཀྱེ་མའོ་མགོན་མེད་སེམས་ཅན་འདི། །འཇིགས་པ་ལས་ནི་སྐྱོབ་པ་དག །སྙིང་རྗེའི་སེམས་
དེ་སྤྲོ་བར་བྱ། །རྡོ་རྗེ་ཡེ་ཤེས་ཐོབ་པར་འགྱུར། །ཀཱ་རུ་ཎཱ་བཛྲ་ཀྲོ་དྷ་ཧཱུྃ་ཕཊ། དེ་བཞིན་གཤེགས་པ་ཀུན་སྙིང་པོ། །སེམས་ཅན་ཐམས་ཅད་གཟོད་ནས་དག །ཨེ་མའོ་བདེ་བ་ཨེ་མའོ་ཆོས། །ཕྱོགས་རྣམས་ཀུན་ཏུ་ཡོངས་སུ་སྤྲོ། །ཧཱུྃ་ཀཱ་ར་བི་ཤུདྡྷ་ཧཱུྃ་ཕཊ། །
འཁོར་བའི་སེམས་ཅན་ལ་དམིགས་ནས། །བདེ་བ་དང་བཅས་བཏང་སྙོམས་བྱ། །བཏང་སྙོམས་སྦྱོར་བ་འདི་ཡིས་ནི། །སེམས་ཅན་རྣམས་ལ་ཡོངས་སུ་སྤྲོ། །ཨོྃ་བི་ཤོ་དྷ་ཡ་བཛྲ་ཀྲོ་དྷ་ཧཱུྃ་ཕཊ། རྡོ་རྗེའི་གཟུགས་ནི་ཡང་དག་བྲིས། །གང་གི་སྟེང་དུ་ངེས་བཞག་པ། །
เล่ม ๘๔ · หน้า 266b
དེ་ཉིད་ཀྱིས་ནི་དྲི་མའི་ཚོགས། །ཐམས་ཅད་རྣལ་འབྱོར་པ་ཡིས་འཇོམས། །ཧཱུྃ་བཛྲ་པྲ་བརྟ། གང་ལ་བྱང་ཆུབ་སེམས་ཉིད་ནི། །རྗེས་སུ་དྲན་པས་རབ་ཕབ་ན། །སེམས་ཅན་དེ་ཡིས་སངས་རྒྱས་ཀྱི། །བྱང་ཆུབ་ཉིད་ནི་ཐོབ་པར་འགྱུར། །ཧཱུྃ་བོ་དྷི་སཏྭ་པྲ་བརྟ། ཕྱག་
ན་རྡོ་རྗེ་རྗེས་དྲན་ནས། །དག་པའི་ཆོས་ཉིད་ཕབ་བྱས་ནས། །སེམས་ཅན་དེ་ཡིས་བདེ་བ་ནི། །དམ་པའི་ཐོབ་འགྱུར་ཐེ་ཚོམ་མེད། །ཧཱུྃ་བཛྲ་དྷཱ་ར་པྲ་བརྟ། རྣམ་པའི་མཆོག་རྣམས་ཀུན་ལྡན་པ། །སངས་རྒྱས་གཟུགས་ནི་རྣམ་པར་བསྒོམ། །སངས་རྒྱས་ཆོས་
རྣམས་ཕམ་བྱས་ན། །འཇིགས་པ་ངེས་པར་འབྱུང་མི་འགྱུར། །ཧཱུྃ་བུདྡྷ་པྲ་བརྟ། ཟླ་བ་རྡོ་རྗེ་རང་བཞིན་དངོས། །བསྐྱེད་པ་བཞིན་དུ་བསྒོམ་བྱས་ན། །བློ་བཟང་ཟླ་བ་རྡོ་རྗེ་མཚུངས། །མྱུར་དུ་མཁའ་ལ་འགྲོ་བར་འགྱུར། །བུདྡྷ་པྲ་བརྟ་ཡ་ཧཱུྃ། ཟླ་བའི་དབུས་སུ་རང་
བདག་ཉིད། །བསྒོམ་ཞིང་གང་ལ་ཕབ་བྱས་པ། །སེམས་ཅན་དེ་རྣམས་མི་ལྡོག་པར། །འགྱུར་བ་རུ་ནི་ཐེ་ཚོམ་མེད། །ས་ཏྭ་པྲ་བརྟ་ཡ་ཧཱུྃ། ཕྱག་ན་རྡོ་རྗེ་རང་བདག་ཉིད། །མཁས་པ་ཡིས་ནི་བསྒོམ་བྱ་ཞིང་། །གང་དུ་ཕབ་པའི་གནས་དེ་ནི། །དཔལ་དང་བདེ་
བ་འཕེལ་བར་འགྱུར། །མྱུར་བ་ཉིད་དུ་ཐེ་ཚོམ་མེད། །བཛྲ་སཏྭ་པྲ་བརྟ་ཡ་ཧཱུྃ། སངས་རྒྱས་གཟུགས་སུ་རང་བདག་ཉིད། །མཉམ་པར་བཞག་པས་བསྒོམ་བྱ་ཞིང་། །རྡོ་རྗེ་དེ་ནི་གར་ཕབ་པ། །རྫུ་འཕྲུལ་རྒྱ་ནི་ཆེན་པོར་གྱུར། །བུདྡྷ་པྲ་བརྟ་ཡ་ཧཱུྃ། རྡོ་རྗེ་
ཁྲོ་བོ་སྙོམས་འཇུག་པས། །རང་གི་ལུས་ནི་རབ་བསྐོར་བ། །གང་གི་མིང་གིས་བྱས་པ་དེ། །ཐེ་ཚོམ་མེད་པར་བྱང་ཆུབ་ཐོབ། །ཨོྃ་བཛྲ་བ་ལི་ཏ་ཀྲོ་དྷ་མཱ་ར་ཡ་ཧཱུྃ། དབུགས་ནི་དབྱུང་དང་རྔུབ་པ་ལ། །ཡི་གེ་ཧཱུྃ་ནི་རབ་སྦྱོར་ཞིང་། །རྡོ་རྗེ་ཁྲོ་བོ་སྙོམས་འཇུག་པས། །འདོད་
ཆགས་ལ་སོགས་ཉེས་པ་གཞོམ། །ཨོྃ་བཛྲ་ཤྭཱ་ས་བི་བཱ་ཏ་ལ་ཧཱུྃ་ཕཊ། རྡོ་རྗེ་ལྟ་བས་བལྟ་བྱ་ཞིང་། །རྡོ་རྗེ་ཁྲོ་བོ་རབ་སྦྱོར་བས། །སེམས་ཅན་གང་ལ་བལྟ་བྱས་ན། །དེ་ནི་འཁོར་བ་ལས་གྲོལ་འགྱུར། །ཨོྃ་བཛྲ་དྲྀཥཱི་བི་ནཱ་ཤ་ཡ་ཧཱུྃ་ཕཊ། ལུས་ངག་གི་ནི་བདག་ཉིད་གནས། །རང་སེམས་
เล่ม ๘๔ · หน้า 267a
འགྲོ་བར་འགྱུར་བ་དང་། །བྱང་ཆུབ་སེམས་ནི་རྗེས་དྲན་ན། །དེས་ཀྱང་སངས་རྒྱས་ཉིད་ཐོབ་འགྱུར། །ཧཱུྃ་ཧྲྀ་ད་ཡ་ཨཱ་ཀརྵ་ཡ་བཛྲ་ཀྲོ་དྷ་ཧཱུྃ་ཕཊ། རྡོ་རྗེ་རིག་པ་མཆོག་རྒྱལ་པོར། །མཁས་པ་ཡིས་ནི་བདག་ཉིད་བསྒོམ། །འབར་བ་ཡིས་ནི་ཁྱབ་པའི་སྐུ། །རྡོ་རྗེ་
བསྒོམ་པས་འགྲུབ་པར་འགྱུར། །ཧཱུྃ་གསང་བའི་བདག་པོ་ཀུན་གྱི་སྙིང་པོའི་སྔགས་ནི་གསུངས་པར་འགྱུར། །དེ་ནས་རྡོ་རྗེ་འཆང་བས་རྣལ་འབྱོར་དབང་པོ་རྟོག་པར་མཛད། །གདུལ་བྱ་མིན་ལ་ཤིན་ཏུ་འཕྲོག་ཅིང་གདུལ་བྱ་ལ་ཆགས་བློ། །ས་འཛིན་མཆོག་གི་དབང་
པོ་བསླབ་པ་རྣམ་པར་རོལ་པའི་ས། །སཱུཀྵྨ་རྫོགས་སོ།། །།གསང་བ་སྐར་མ་ཉི་ཟླ་སྟེ། །རྡོ་རྗེ་དམ་ཚིག་བརྗོད་པར་བྱ། །རྣམ་རྟོག་གིས་བརྟགས་མཛེས་གྱུར་པ། །དེ་ནས་མཆོད་པའི་ཆོ་ག་བཤད། །བདག་ཉིད་སངས་རྒྱས་གཟུགས་དང་ནི། །སངས་རྒྱས་
རྣམ་འཕྲུལ་རབ་ཏུ་བསྒོམ། །དང་པོ་སྦྱོར་བྱུང་ཇི་སྐད་བཤད། །སངས་རྒྱས་ཐམས་ཅད་མཆོད་པར་བྱ། །ཨོྃ་སརྦ་ཏ་ཐཱ་ག་ཏ་བཛྲ་ཀརྨེ་ཤྭ་རི་ཧཱུྃ། རང་གི་སྙིང་ཁར་བྱང་ཆུབ་སེམས། །སངས་རྒྱས་ཀུན་གྱི་ཚོགས་བསམས་ནས། །མཆོད་པ་ཡི་ནི་མཆོག་འདི་ཡིས། །
འདྲེན་པ་ཐམས་ཅད་མཆོད་པ་བྱ། །ཧཱུྃ། དབང་ཕྱུག་ཆེན་པོ་དང་བཅས་པ། །ལྷ་རྣམས་ཐམས་ཅད་དགུག་བྱ་ཞིང་། །བདག་ཉིད་རྡོ་རྗེ་ཁྲོ་བོ་ཡིས། །ཁྲོ་བོའི་མཆོད་པས་རབ་ཏུ་མཆོད། །ཨོྃ་སརྦ་ཏ་ཐཱ་ག་ཏ་པཱུ་ཛཱ་ཀརྨ་ས་མ་ཡ་བི་སྟི་བི་སྟྭར་ཏྲཻ་ལོ་ཀྱ་བི་ཛ་ཡེ་ཤྭ་སརྦ་
དུཥྚཱ་ན་མ་ཧཱ་ས་མ་ཡ་བཛྲཱི་ཧཱུྃ། ཁྲོ་གཉེར་ཅན་ཀུན་ང་བདག་ཉིད། །ཁྲོ་བོ་རིན་ཆེན་གྱིས་བསྒོམ་བྱ། །སངས་རྒྱས་ཐམས་ཅད་འཇིགས་བྱ་ཞིང་། །རིན་ཆེན་མཆོད་པས་རབ་ཏུ་མཆོད། །ཨོྃ་སརྦ་ཏ་ཐཱ་ག་ཏ་ཀ་པཱ་ཤ་ས་མ་ཡ་སྥ་ར་ཎ་མ་ཧཱ་པཱུ་ཛཱ་ཨཱ་ཀརྵ་ཡ་བི་དྷི་བི་སྟྭ་ར་ས་མ་ཡ་
ཧཱུྃ། ཆོས་ཀྱི་དབྱིངས་དང་མཚུངས་པར་སྣང་། །རྡོ་རྗེ་ཆོས་ནི་བརྟན་པ་བདག །ཆོས་ཀྱི་མཆོད་པས་རབ་མཆོད་པས། །སངས་རྒྱས་ཐམས་ཅད་མཆོད་པར་བྱ། །ཨོྃ་སརྦ་ཏ་ཐཱ་ག་ཏ་དྷརྨ་དྷཱ་ཏུ་སྥ་ར་ཎ་མ་ཧཱ་པཱུ་ཛཱ་བི་དྷི་བི་སྟྭ་ར་ས་མ་ཡ་ཧཱུྃ། བདག་ཉིད་རྡོ་རྗེ་ལས་ཉིད་
เล่ม ๘๔ · หน้า 267b
ནས། །སངས་རྒྱས་རྣམ་འཕྲུལ་བསྒོམ་པར་བྱ། །སངས་རྒྱས་ཐམས་ཅད་མཆོད་བྱ་ཞིང་། །ལས་ཀྱི་མཆོད་པས་རབ་ཏུ་མཆོད། །ཨོྃ་སརྦ་ཏ་ཐཱ་ག་ཏ་ལོ་ཀ་དྷཱ་ཏུ་ཛཱི་བི་ཏ་མ་ཧཱ་ཀརྨ་པཱུ་ཛཱ་བེ་དྷི་བི་སྟྭ་ར་ས་མ་ཡེ་ཧཱུྃ། ཕྱག་ན་རྡོ་རྗེ་བདག་རྡོ་རྗེ། །དེ་བཞིན་གཤེགས་རྣམས་
དགུག་པར་བྱ། །རྡོ་རྗེ་སེམས་དཔའ་རབ་མཆོད་པས། །མཆོད་པ་རུ་ནི་བསྒོམ་པར་བྱ། །ཨོྃ་བཛྲ་སཏྭ་སིདྡྷི་ཛྙཱ་ན་ས་མ་ཡེ་ཧཱུྃ་ཛཿ། རྡོ་རྗེ་ལྕགས་ཀྱུ་བརྟན་པའི་མཆོག །རྟག་ཏུ་བདག་ཉིད་བསྒོམ་པར་བྱ། །བསྒོམ་པ་བསྒྲུབ་པར་བྱ་བའི་ཕྱིར། །སངས་
རྒྱས་ཐམས་ཅད་དགུག་པར་བྱ། །ཨོྃ་བཛྲ་ཨཱ་ཀརྵ་ཛྙཱ་ན་ས་མ་ཡ་ཧཱུྃ་ཛཿ། རྡོ་རྗེ་ཆགས་པ་བདག་ཉིད་དེ། །བཀུག་པ་རྣམས་ནི་མཉེས་པར་བྱ། །རྡོ་རྗེ་ཆགས་པས་རབ་མཆོད་པས། །བསྒྲུབ་བར་བྱ་ཞེས་ཡང་དག་སྦྱར། །ཨོྃ་བཛྲ་ར་ཏི་རཱ་ག་ས་མ་ཡེ་ཧཱུྃ་
ཛཿ། རྡོ་རྗེ་ལེགས་པ་རང་བདག་ཉིད། །བསྒོམ་ཞིང་རྒྱལ་བ་མཉེས་པར་བྱ། །རྡོ་རྗེ་ལེགས་པས་རབ་མཆོད་པས། །སངས་རྒྱས་ཐམས་ཅད་དགུག་པར་བྱ། །ཨོྃ་བཛྲ་སཱ་དྷུ་ཀརྨ་ཛྙཱ་ན་ས་མ་ཡེ་ཧཱུྃ་ཛཿ། རྡོ་རྗེ་རིན་ཆེན་རྒྱལ་པོ་ཆེ། །རང་བདག་ཉིད་ནི་བསྒོམ་པར་
བྱ། །དེ་བཞིན་གཤེགས་རྣམས་དབང་བྱ་ཞིང་། །རིན་ཆེན་ཆར་ནི་ཀུན་ཏུ་དབབ། །ཨོྃ་བཛྲ་བྷྲྀ་ཀུ་ཊཱི་བ་ཤཱི་ཀུ་རུ་ཧཱུྃ། རྡོ་རྗེ་ཉི་མར་རང་བདག་ཉིད། །འོད་ཟེར་ཕྲེང་བ་དང་ལྡན་བསྒོམ། །སངས་རྒྱས་རྣམས་ནི་དབང་བྱ་ཞིང་། །ཕྱོགས་རྣམས་སུ་ནི་འོད་ཟེར་སྤྲོ། །
ཨོྃ་བཛྲ་སཱུརྱ་མཎྜ་ལ་བ་ཤཱིཾ་ཀུ་རུ་ཧཱུྃ། དེ་བཞིན་གཤེགས་རྣམས་དབང་བྱ་ཞིང་། །བདག་ནི་པདྨའི་རྒྱལ་པོ་ཉིད། །སེམས་ཅན་བསམ་ཀུན་རྫོགས་པར་བྱ། །རིན་ཆེན་རྒྱལ་མཚན་རབ་ཏུ་མཆོད། །ཨོྃ་བཛྲ་དྷྭ་ཛཱ་གྲ་ཀེ་ཡཱུ་རེ་བ་ཤཱིཾ་ཀུ་རུ་ཧཱུྃ། ཧ་ཧ་ཞེས་དགོད་བཞད་བྱ་
ཞིང་། །རྡོ་རྗེ་བཞད་པ་བདག་ཉིད་དེ། །སངས་རྒྱས་ཐམས་ཅད་དབང་དུ་བྱ། །བཞད་པའི་མཆོད་པས་རབ་ཏུ་མཆོད། །ཨོྃ་བཛྲ་ཨཊྚ་ཧཱ་ས་ན་བ་ཤཱིཾ་ཀུ་རུ་ཧཱུྃ། བདག་ནི་པདྨའི་རྒྱལ་པོ་ཉིད། །བཙུན་མོ་བརྟན་པར་རང་བྱུང་བ། །བདག་གིས་སངས་རྒྱས་རྗེས་ཆགས་བྱ། །
เล่ม ๘๔ · หน้า 268a
འདོད་ལ་ཆགས་པས་རབ་ཏུ་མཆོད། །ཨོྃ་བཛྲ་པདྨ་རཱ་ག་ཡ་ཧཱུྃ། བདག་ནི་རང་ཉིད་རྣོན་པོ་སྟེ། །ཤེས་རབ་ཕ་རོལ་ཕྱིན་པ་བརྟན། །བདག་གིས་ཉོན་མོངས་གཅད་བྱ་ཞིང་། །དེ་བཞིན་གཤེགས་རྣམས་ཆགས་པར་བྱ། །ཨོྃ་བཛྲ་ཏིཀྵྞ་རཱ་ག་ཡེ་ཧཱུྃ། ལྷ་མོ་རྡོ་རྗེ་
སྒྲོལ་མ་བདག །ཆོས་ཀྱི་འཁོར་ལོ་རབ་བསྐོར་བ། །བདག་གིས་རྡོ་རྗེ་ཅན་མཉེས་བྱ། །འདོད་ཆགས་བརྟན་པས་རབ་ཏུ་མཆོད། །ཨོྃ་བཛྲ་མཎྜལ་རཱ་ག་རཱ་ག་ཡ་ཧཱུྃ། ནམ་མཁའི་ལྷ་མོ་ཆོས་སྨྲ་བ། །བརྗོད་དུ་མེད་པའི་བདག་ཉིད་བསྟན། །དག་པའི་ཆོས་ལ་དགའ་བྱ་
ཞིང་། །དེ་བཞིན་གཤེགས་རྣམས་མཉེས་པར་བྱ། །ཨོཾ་བཛྲ་བཱ་ཀ་རཱ་ག་རཱ་ག་ཡ་ཧཱུྃ། བདག་ནི་རང་ཉིད་ལས་ཡིན་ཏེ། །ཕྱོགས་རྣམས་ཀུན་དུ་རབ་ཏུ་གྲགས། །བདག་ནི་ནམ་མཁའི་མཛོད་ཀྱང་ཡིན། །མཆོད་པའི་ཆར་གྱིས་རབ་ཏུ་མཆོད། །ཨོྃ་བཛྲ་ཀརྨ་ས་མ་ཡེ་པཱུ་
ཛཱ་ཧཱུྃ། བདག་ནི་རང་ཉིད་བསྲུང་བ་སྟེ། །སངས་རྒྱས་བྱམས་པ་བརྟན་པ་དག །བདག་གིས་སངས་རྒྱས་མཆོད་པར་བྱ། །ཆོས་ཀྱི་མཆོད་བས་ཀུན་དུ་མཆོད། །ཨོྃ་བཛྲ་ཀ་བ་ཙ་བནྡྷ་ར་ཀཱ་ཧཱུྃ། བདག་གིས་ཉོན་མོངས་བཟའ་བར་བྱ། །རྡོ་རྗེ་གནོད་སྦྱིན་བརྟན་པ་བདག །
བདག་གིས་སངས་རྒྱས་མཆོད་པར་བྱ། །ཆོས་ཀྱི་མཆོད་པས་རབ་ཏུ་མཆོད། །ཨོྃ་བཛྲ་ཡཀྵ་མཱ་ར་ཡ་བཛྲ་དྃཥྚྲ་ཧཱུྃ་ཕཊ། ང་ནི་སངས་རྒྱས་བྱང་ཆུབ་ཡིན། །རྡོ་རྗེ་ཁུ་ཚུར་རང་བདག་ཉིད། །ཕྱིར་མི་ལྡོག་པའི་འཁོར་ལོ་སྟེ། །ལས་ཀྱི་མཆོད་པས་རབ་ཏུ་མཆོད། །ཨོྃ་
བཛྲ་ཀརྨ་མུཥྚི་སིད་དྷྱ་སིད་དྷྱ་ཧཱུྃ་ཕཊ། འདི་འདྲའི་སྣ་ཚོགས་མཆོད་པ་ཀུན། །ཡེ་ཤེས་གསང་སྔགས་རབ་ཐོབ་བ་བྱེད། །མ་ལུས་ལྷ་མོ་སེམས་དཔའ་ཀུན། །རྒྱལ་པོ་ཇི་བཞིན་རབ་སྙིང་ཧཱུྃ། སྒེག་མོ་ཕྲེང་བ་དེ་བཞིན་གླུ། །གར་མ་མེ་ཏོག་སོགས་སྦྱོར་བས། །སེམས་དཔའ་ལ་
སོགས་ལྷ་མོ་དག །ཤིན་ཏུ་བསྲུང་བའི་མཆོད་པའི་མཆོད་པའོ། །དེ་ནས་ལས་ནི་ཐབས་ཆེན་པོ། །གང་གིས་མྱུར་དུ་རབ་གྲུབ་འགྱུར། །གང་གིས་དགའ་བ་ལ་སྦྱོར་བ། །སྦྱིན་སྲེག་ལས་ཀྱི་ཆོ་གའོ། །ཇི་ལྟར་སྦྱིན་སྲེག་དངོས་གྲུབ་ཀྱིས། །ལས་ནི་བླ་མེད་བྱེད་པ་ལྟར། །དེ་
เล่ม ๘๔ · หน้า 268b
བཞིན་རིག་པའི་ལས་རྣམས་ཀུན། །དེ་ལྟ་བུ་ནི་བྱེད་པ་མིན། །སྦྱིན་སྲེག་རྣམ་པ་མང་ལྡན་པ། །མདོ་རུ་བསྡུ་ན་རྣམ་པ་ལྔ། །རྒྱས་པར་རྣལ་འབྱོར་ཆེན་པོ་ཡི། །གསང་བའི་མདོ་ལས་རབ་ཏུ་བཤད། །རིག་པ་འཛིན་པའི་རྣམ་འཕྲུལ་བ། །ཇི་ལྟར་སྦྱིན་སྲེག་རྣམ་པ་
ཡིས། །རིགས་ཀྱི་དཀྱིལ་འཁོར་འགྲུབ་འགྱུར་བ། །མདོར་བསྡུས་རབ་ཏུ་བཤད་པར་བྱ། །སྦྱིན་སྲེག་ལས་ནི་རྣམ་པ་ལྔ། །རེ་རེ་ཞིང་ཡང་རྣམ་པ་མང་། །ཞི་བ་དང་ནི་རྒྱས་པ་ཉིད། །མངོན་སྤྱོད་ཀྱི་ནི་གསུམ་པ་སྟེ། །དགུག་པ་ཡང་ནི་བཞི་པ་ཡིན། །ལྔ་པ་དབང་
དང་ཡང་དག་ལྡན། །སྦྱིན་སྲེག་ལྔ་པ་དེ་རྣམས་ནི། །དབང་དུ་བྱེད་པ་མཆོག་ཡིན་ནོ། །དེ་ནས་ཐབ་ཁུང་རབ་བཤད་བྱ། །སྦྱོར་བ་ཇི་བཞིན་སྦྱོར་བར་བྱ། །ཞི་ལ་ཐབ་ཁུང་ཟླུམ་པོ་སྟེ། །ཀུན་ནས་ཡོངས་སུ་ཟླུམ་པོ་ཡིན། །རྒྱས་པ་ལ་ནི་གྲུ་བཞི་སྟེ། །མངོན་སྤྱོད་
ལ་ནི་གྲུ་གསུམ་ཡིན། །ཐབ་ཁུང་རྡོ་རྗེའི་རྣམ་པ་ཅན། །ཀུན་དུ་དགུག་པར་བྱེད་པའི་མཆོག །དེ་བཞིན་ཐབ་ཁུང་རིང་བོར་བྱ། །དབང་དུ་བྱེད་པའི་མཆོག་ཡིན་ནོ། །དེ་དག་རྣམ་པ་ལྔ་རུ་བཤད། །ཐབ་ཁུང་ལས་ནི་བླ་ན་མེད། །སྲོད་ཀྱི་དུས་སུ་ཞི་བ་བྱ། །སྔ་དྲོའི་
དུས་སུ་རྒྱས་པའི་ལས། །ཉི་མ་ཕྱེད་ན་མངོན་སྤྱོད་ཀྱི། །དྲག་པོའི་ལས་ནི་ངེས་པར་བྱ། །དགུག་པ་དུས་རྣམས་ཐམས་ཅད་དུ། །མཚན་མོ་དབང་དུ་བྱ་བ་ཡིན། །སྦྱོར་བ་ལྔ་པོ་འདི་ཡིས་ནི། །མཉམ་པར་གཞག་པས་ལས་རྣམས་བྱ། །ཤར་དུ་ཁ་བལྟས་ཞི་དོན་དུ། །
རྒྱས་པ་བྱང་དུ་ཡང་དག་གནས། །ལྷོ་རུ་ཁ་བལྟས་གྱུར་པ་ཡིས། །མངོན་སྤྱོད་ཀྱི་ནི་ལས་རྣམས་སོ། །སྟེང་དུ་ཁ་བལྟས་དེ་བཞིན་དགུག །ཕྱོགས་རྣམས་ཀུན་དུ་དབང་དུ་བྱ། །ཕྱོགས་མཚམས་ཐམས་ཅད་མཉམ་སྦྱོར་བསམ། །ཡང་ན་ནུབ་ཀྱི་ཕྱོགས་སུ་བཤད། །
ཞི་ལ་སངས་རྒྱས་ཕྱག་རྒྱ་སྟེ། །རྒྱས་ལ་ནོར་བུའི་མཚན་མས་སོ། །རྡོ་རྗེ་ཁྲོ་བོ་མངོན་སྤྱོད་ལ། །དབང་ལ་པདྨའི་རིགས་ཀྱིས་སོ། །ཤིན་ཏུ་དགུག་པ་དང་ལྡན་པ། །རྡོ་རྗེ་ལྕགས་ཀྱུས་དགུག་པ་ལ། །སྦྱོར་བ་ལྔ་པོ་འདི་ཡིས་ནི། །སྦྱིན་སྲེག་ལས་ནི་རབ་ཏུ་བསྒྲུབ། །
เล่ม ๘๔ · หน้า 269a
ཞི་བའི་ཤིང་ནི་མངར་བ་སྟེ། །རྒྱས་པ་དེ་བཞིན་འབྲས་བུར་བཅས། །ཚ་བ་མངོན་སྤྱོད་ལས་དག་ལ། །དགུག་པ་ལ་ནི་ཚེར་མ་ཅན། །དབང་ལ་མེ་ཏོག་བཅས་པར་བཤད། །དེ་རྣམས་ཡམ་ཤིང་གོ་རིམས་བཞིན། །སྔོན་ལ་ཡམ་ཤིང་
རྣམ་པ་ལྔ། །རྣལ་འབྱོར་པ་ཡིས་ཡང་དག་སྦྱར། །དེ་ལ་འདམ་གྱིས་བྱུགས་པ་ཡི། །ཤིང་ལ་ཤི་བ་རབ་ཏུ་བསྒྲགས། །གང་དུ་སྡིག་པ་རྣམ་འཇིག་ཅིང་། །ཀུན་དུ་འཁྲུག་པར་སྲེག་འགྱུར་བ། །བུད་ཤིང་མངར་བ་དག་གི་མེ། །མཉམ་པར་
གཞག་པས་རབ་སྦར་ནས། །ཏིལ་མར་གྱིས་ནི་སྦྱིན་སྲེག་བྱས། །སྡིག་པ་ཐམས་ཅད་སྲེག་པར་འགྱུར། །ཨོྃ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། བུད་ཤིང་མངར་བ་དག་གིས་ནི། །ཤིན་ཏུ་མཉམ་པར་གཞག་པས་སྦར། །འབྲས་ཀྱི་སྦྱིན་སྲེག་བྱས་ནས་ནི། །
བསོད་ནམས་ཚོགས་ནི་འཕེལ་བར་འགྱུར། །ཨོྃ་བཛྲ་པུཥྚ་ཡེ་སྭཱ་ཧཱ། བུད་ཤིང་མངར་པོ་དག་གིས་ནི། །མཉམ་པར་གཞག་པས་མེ་སྦར་ནས། །མར་སྨྱུགས་དཱུར་བའི་སྦྱིན་སྲེག་གིས། །རྡོ་རྗེ་ཚེ་ནི་མངོན་འཕེལ་འགྱུར། །ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཡམ་
ཤིང་དེ་དག་ཉིད་ཀྱིས་ནི། །དགེ་བ་འབྱུང་བས་མེ་སྤར་ནས། །ཀུ་ཤའི་མྱུ་གུའི་ཏིལ་མར་གྱིས། །འཇིག་རྟེན་གསུམ་ཡང་སྲུང་བར་འགྱུར། །ཨོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། སྔོན་ལ་ཞི་བ་སྦྱར་བར་བྱ། །དབུས་ཀྱི་གཉིས་ལ་རྒྱས་དེ་བཞིན། །ཞི་བ་དང་ནི་རྒྱས་པ་
ཡི། །སྦྱིན་སྲེག་ལས་ནི་དང་པོར་འགྱུར། །ཤིང་ནི་ཚ་བའི་ཡམ་ཤིང་གིས། །མངོན་སྤྱོད་ཀྱི་ནི་ལས་དག་ལ། །མངོན་སྤྱོད་དང་ནི་བཅས་པ་ཡི། །དགུག་པ་ལ་ཡང་དེ་ཉིད་ཀྱི། །རྡོ་རྗེ་ཁྲོ་བོའི་ཏིང་འཛིན་གྱིས། །སྔོན་ལ་ཚ་བའི་ཡམ་ཤིང་གིས། །ཁྲོས་པས་མེ་ནི་
རབ་སྦར་ནས། །མཁས་པས་ཚེར་མས་སྦྱིན་སྲེག་བྱ། །ཚེར་མ་དང་བཅས་ཤིང་དག་ཀྱང་། །ཚེར་མ་ཅན་གྱིས་ངེས་པར་དགུག །གང་དང་གང་ནི་འདོད་གྱུར་པ། །སངས་རྒྱས་རྣམས་ནི་ངེས་པར་འགུགས། །ཨོཾ་བཛྲ་ཨཱ་ཀརྵ་ཡ་ཛཿ། བུད་ཤིང་མེ་ཏོག་དམར་སོགས་
เล่ม ๘๔ · หน้า 269b
ཀྱིས། །རབ་ཏུ་འབར་བའི་མེ་སྦར་ནས། །མེ་ཏོག་འབྲས་བུ་དམར་པོ་ཡང་། །སྦྱིན་སྲེག་བྱས་ན་དབང་བྱེད་མཆོག །ཧཱུྃ་བཛྲ་པཱ་ཤཱ་ཡ་ཛ། ཚ་བའི་ཡམ་ཤིང་དག་བྱ་ཞིང་། །རབ་ཏུ་དྲག་པའི་མེ་སྤར་ནས། །འབྲས་བུ་ཁ་བ་བསྲེག་བྱས་ན། །མངོན་སྤྱོད་ཀྱི་ནི་མཆོག་ཡིན་ནོ། །ཧཱུྃ་
བཛྲ་མཱ་ར་ཡ་ཕཊ། གསང་བའི་སྦྱིན་སྲེག་ཐམས་ཅད་ནི། །དེ་ནས་གཞན་ཡང་རབ་བཤད་བྱ། །སྦྱིན་སྲེག་འཁོར་ལོ་ཆོ་ག་ཡིས། །དེ་ཉིད་དུ་ནི་ཇི་བཞིན་སྦྱར། །ཡམ་ཤིང་ཚ་བ་དག་གིས་ནི། །ཤིན་ཏུ་དྲག་པས་མེ་སྦར་ནས། །འཇིགས་རུང་ལྕགས་ཀྱུས་སྦྱིན་སྲེག་
བྱ། །གདུག་པ་ཐམས་ཅད་རབ་འཇིགས་འགྱུར། །ཨོྃ་བཛྲ་བནྡྷ་ཡ་ཕཊ། མེ་ཏོག་དང་བཅས་ཤིང་མེ་ལ། །རྡོ་རྗེ་ཁྲོ་བོའི་ཏིང་འཛིན་གྱིས། །སྔགས་སོགས་འབྲས་བུའི་སྦྱིན་སྲེག་ནི། །དབང་དུ་བྱེད་པ་མཆོག་ཡིན་ནོ། །ཨོྃ་བཛྲ་བ་ཤྃ་ཀ་རཱ་ཡ་སྭཱ་ཧཱ། ཁ་བ་དང་ནི་མངར་བ་
ཉིད། །ཡམ་ཤིང་མངར་པོ་སྦྱར་བྱ་ཞིང་། །འདོད་པའི་མེ་ཏོག་འབྲས་བསྲེགས་ན། །འདོད་པའི་གཟུགས་ཅན་མཆོག་ཏུ་འགྱུར། །ཨོྃ་བཛྲ་ཀརྨ་རཱུ་པ་ཎེ་སྭཱ་ཧཱ། དེ་ནས་བུད་ཤིང་དེ་དག་ཉིད་ཀྱིས་ནི། །རབ་ཏུ་ཁྲོས་པས་མེ་སྦར་ནས། །སྨྱུག་མའི་འབྲས་བུ་ཕྲ་མོ་བསྲེགས། །མྱུར་དུ་མི་
སྣང་ཉིད་དུ་འགྱུར། །ཨོྃ་བཛྲ་ཨ་ཏྲི་ཥ་ཡ་སྭཱ་ཧཱ། ཤེས་རབ་བུད་ཤིང་དེ་ཉིད་ཀྱིས། །དྲག་པོའི་མེ་ནི་རབ་སྦྱར་ནས། །ནམ་མཁའ་སྟོབས་ཀྱི་མེ་ཏོག་དང་། །བསྲེགས་ན་མཁའ་ལ་འགྲོ་བར་འགྱུར། །ཨོྃ་བཛྲ་ཁེ་ཙ་རེ་ན་སྭཱ་ཧཱ། དེ་ནས་མངག་གཞུག་པ་དང་གཡོག །བཀའ་བཞིན་
བྱེད་པ་རབ་ཏུ་བསྐུལ། །ཅི་ནས་ཀྱང་ནི་མྱུར་འགྲུབ་པའི། །གོ་རིམས་བཞིན་དུ་རབ་བཤད་བྱ། །ཤིང་ནི་ཁ་བོས་བུད་ཤིང་བྱ། །ཐག་ཁུང་རྡོ་རྗེའི་དབྱིབས་སུ་བརྐོ། །ཁྲོས་པས་རྡོ་རྗེ་མེ་ཏོག་སྲེག །ཡི་གེ་ཛ་ནི་ཡོངས་སུ་བརྗོད། །སྔགས་ཀྱི་སྦྱོར་བ་འདི་ཡིས་ནི། །རྡོ་རྗེའི་སྔགས་ནི་རབ་ཏུ་བསྐུལ། །
རྡོ་རྗེ་མེ་ཏོག་དག་བསྲེགས་ན། །བཀའ་བྱེད་མཆོག་ནི་རྙེད་པར་འགྱུར། །ཨོྃ་བཛྲ་ཨཱ་ཛྙཱ་ཀ་རཱ་ཡ་ཛ། ཡམ་ཤིང་དེ་དག་ཉིད་དང་ནི། །ཐབ་ཁུང་དེ་ཉིད་བརྐོ་བྱ་ཞིང་། །བྱང་ཆུབ་སེམས་དཔའི་སྨན་མ་གང་། །བསྲེགས་ན་བཀའ་བཞིན་བྱེད་པར་འགྱུར། །ཨོཾ་བཛྲ་སཽ་རི་བ་ཤྃ་ཀཱ་རཱ་ཡ་ཛ། བུད་ཤིང་
เล่ม ๘๔ · หน้า 270a
དེ་དག་ཉིད་ཀྱིས་མེ། །ཀུན་དུ་ཐབ་ཁུང་དེ་ཁོ་ན། །རྡོ་རྗེ་སེམས་དཔའི་སྨན་མ་ནི། །བསྲེགས་ན་བཀའ་བཞིན་བྱེད་པར་འགྱུར། །ཧཱུྃ་བཛྲ་པཱ་ཎི་བ་ཤྃ་ཀ་རཱ་ཡ་ཛ། ཡང་ན་སངས་རྒྱས་སྨན་མའམ། །ཡང་ན་བདག་དང་མཚན་མ་དག །སྒྲུབ་པའི་སྦྱོར་བས་སྦྱིན་སྲེག་བྱ། །
སངས་རྒྱས་བཀའ་བཞིན་བྱེད་པར་འགྱུར། །ཨོྃ་བུདྡྷ་ཤྃ་ཀ་རཱ་ཡ་ཛ། ཚིག་གི་སྦྱོར་བ་འདི་ཡིས་ནི། །སྦྱིན་སྲེག་བྱ་ཞིང་མྱུར་དུ་འགྲུབ། །རྡོ་རྗེའི་སྦྱོར་བས་དངོས་གྲུབ་ཀུན། །ཐེ་ཚོམ་མེད་པར་འགྲུབ་པར་འགྱུར། །རྡོ་རྗེ་རིགས་ལ་སོགས་ཀུན་ཀྱང་། །དེ་ནས་གསང་བ་ཕྱག་རྒྱ་ཆེ། །
རྡོ་རྗེའི་རྣལ་འབྱོར་རབ་སྒྲུབ་ཕྱིར། །རྣལ་འབྱོར་ཆེན་པོ་བསྒྲུབ་པར་བྱ། །རིག་པ་གང་ཞིག་ཡིད་འོང་བ། །སྲིང་མོའི་རིགས་ནི་ཐོབ་བྱའི་ཕྱིར། །རིག་པའི་ལྷ་མོ་དང་ལྡན་པར། །ཤིན་ཏུ་རྣལ་འབྱོར་བསྒྲུབ་པར་བྱ། །བུད་མེད་སྡུག་དང་ལྷན་ཅིག་ཏུ། །མཁས་པས་འདུག་པ་བསྟེན་པར་
བྱ། །མདོ་སྡེ་གསང་དབང་རྒྱལ་པོ་ལས། །དེ་ཉིད་དུ་ནི་ཇི་སྐད་བཤད། །ཀུན་དུ་གུར་གུམ་ཕྱེ་མ་དང་། །བྷ་གར་མིག་སྨན་བཅུག་ནས་ནི། །དེ་ཡི་སེམས་དཔའ་ཤེས་པར་བྱ། །གང་ཕྱིར་དགོངས་པ་རབ་ཏུ་བསྒྲགས། །སྡུག་པ་དེ་ཡི་རིག་པ་ནི། །མངོན་པར་འདོད་པ་གང་ཡིད་འོང་། །
རང་གི་རིགས་ཀྱི་ལྷ་མོ་གང་། །དེ་ནི་བུད་མེད་ཅེས་བྱར་གྲགས། །རིག་པའི་སྦྱོར་བ་དེ་ཡིས་ནི། །རང་གི་རིགས་ཀྱི་ལྷ་དག་སྒྲུབ། །མིག་སྨན་ལ་སོགས་གཞུག་པ་ནི། །པདྨའི་སྟེང་དུ་ཡང་དག་དགོད། །བྷ་ག་པདྨ་ཞེས་བཤད་དེ། །གཞུག་པ་དགོད་པར་བཤད་པར་བྱ། །བྷ་གའི་
སྦྱོར་བ་འདི་ཡིས་ནི། །མིག་སྨན་དག་ནི་བསྒྲུབ་པར་བྱ། །བྷ་ག་མིག་སྨན་གཞུག་པ་ནི། །པདྨའི་སྟེང་དུ་ཡང་དག་དགོད། །པདྨ་དང་ནི་ལྷན་ཅིག་དགོད། །རྣམ་པ་བཞི་ནི་འགྲུབ་པར་འགྱུར། །ཨོྃ་གུ་ཧྱ་ར་ཏི་བཛྲ་བ་ཤྃ་ཀ་རཱི་སིདྡྷ་ཧཱུྃ། དྲོ་དང་དུ་བ་འབར་དང་རྡུལ། །རྣམ་པ་བཞི་ནི་འགྲུབ་
པར་འགྱུར། །ཨོྃ་གུ་ཧྱ་བཛྲ་སིདྡྷ་ཧཱུྃ། བྷ་གར་གི་ཝང་བཞག་ནས་ནི། །གསང་བའི་ཕྱག་རྒྱ་གཞག་པར་བྱ། །མཚན་མ་རྣམ་པ་བཞི་དག་གིས། །དངོས་གྲུབ་རྣམ་པ་བཞི་རུ་བཤད། །ཨོྃ་གུ་ཧྱ་བཛྲི་སིདྡྷི་ཧཱུྃ། རྡོ་རྗེ་སེམས་དཔའི་ཕྱག་རྒྱ་ཡིས། །བྷ་གར་གུར་གུམ་བཅུག་ནས་ནི། །དགབ་ཅིང་དེ་ནི་འབར་གྱུར་ན། །
เล่ม ๘๔ · หน้า 270b
རྣམ་པ་བཞི་ནི་འགྲུབ་པར་འགྱུར། །ཨོྃ་བཛྲ་དྷ་ར་གུ་ཧྱ་སིདྡྷ་ཧཱུྃ། རྡོ་རྗེ་བྱ་བའི་སྦྱོར་བ་དང་། །རྡོ་རྗེ་ཕྱག་རྒྱ་བསྡུས་པ་དང་། །རྡོ་རྗེ་ཁྲོ་བོ་སྙོམས་འཇུག་དང་། །རྡོ་རྗེ་ཁུ་ཚུར་སྦྱོར་བ་དང་། །དམ་ཚིག་མཆོག་ནི་འདི་དག་དང་། །ཧཱུྃ་གི་སོར་མོའི་སྦྱོར་བ་དང་། །ཆོས་ཀྱི་ཕྱག་རྒྱ་དེ་བཞིན་
འདིར། །ཨོཾ་ལ་སོགས་པའི་ཡི་གེ་དང་། །སྦྱིན་སྲེག་ཆོ་ག་འདི་ཡིས་ནི། །ཡེ་ཤེས་ཕྱག་རྒྱ་རབ་བསྒྲུབ་བྱ། །རྒྱས་པ་རུ་ནི་ཐམས་ཅད་དག །གསང་བའི་རྒྱུད་དུ་རབ་ཏུ་བཤད། །ཆོ་གའི་སྦྱོར་བ་འདི་ཡིས་ནི། །རྡོ་རྗེ་སློབ་དཔོན་དཀའ་ཐུབ་ཆེས། །ཚེ་འདི་ཉིད་ལ་སངས་རྒྱས་ནི། །
མཆོག་ཉིད་བསྒྲུབ་པར་འགྱུར་བ་ཡིན། །རྡོ་རྗེ་རིགས་ཆེན་ཡིད་འོང་བ། །རྒྱུད་ཆེན་ཀུན་ལས་བཏུས་པ་ལ། །གང་ཞིག་མངོན་པར་བརྩོན་འགྱུར་བ། །དོན་ཡོད་པ་ཡི་དངོས་གྲུབ་འགྱུར། །ཚོགས་ནི་བསགས་པ་མེད་པ་དང་། །སངས་རྒྱས་མཐོང་བ་མེད་པ་རུ། །གསང་བའི་སྙིང་པོ་ཆེན་པོ་འདི། །
ཐོས་པ་ཙམ་དུ་འང་མི་འགྱུར་རོ། །གསང་བའི་རྣལ་འབྱོར་གྱི་ཆོ་ག་རྫོགས་སོ།། །།དེ་ནས་གསང་བའི་ཕྱག་རྒྱ་བཞི། །དཀྱིལ་འཁོར་མཁས་པས་བསླབ་པར་བྱ། །ཡེ་ཤེས་དེ་ཉིད་གསང་བ་ཡང་། །ཡོངས་སུ་བསྒྲུབས་པར་རབ་ཏུ་བསྐོར། །ཤིན་ཏུ་གསང་བ་ཆེན་པོ་ནི། །དངོས་པོ་ཐམས་ཅད་
ཁྱབ་ལ་དགོད། །འདི་ནི་རྡོ་རྗེ་དྲག་པོ་བཞི། །རང་ཉིད་ལྔ་པ་དང་བཅས་པ། །གསང་བ་བརྗོད་དུ་མེད་པ་མཆོག །ཡེ་ཤེས་མཆོག་གི་ཚུལ་ཐོབ་བྱེད། །བདེ་བ་ཆེན་པོ་རབ་གྲུབ་དོན། །དགའ་བ་ཆེན་པོ་ཤིན་ཏུ་བརྟན། །ཨོྃ་སརྦ་ཏ་ཐཱ་ག་ཏ་བཛྲ་ས་མ་ཡེ་ཧཱུྃ། ཧཱུྃ་བཛྲ་མ་ཊ། ཨོྃ་བཛྲ་པྲ་ཏི་བྷྲྀ་ཀུ་ཊཱི་བཛྲ་ར་
ཏ། ཨོྃ་བཛྲ་པདྨ་བཛྲ་ཏི་ཏ། །ཨོྃ་བཛྲ་ཀརྨ་ཨ་ཏྲི་ཀྲོ་དྷ། ཤར་དང་ལྷོ་ཡི་ཕྱོགས་ཆ་དང་། །ནུབ་དང་བྱང་གི་ཕྱོགས་ཆ་དང་། །དབུས་དང་ཕྱོགས་བཞི་དག་དང་ནི། །སྦྱོར་བས་ཕྱག་རྒྱ་དགོད་པར་བྱ། །ཕྱག་རྒྱའི་དཀྱིལ་འཁོར་དམ་པ་ནི། །ཐམས་ཅད་བྲི་ཞིང་དགོད་པར་བྱ། །རྡོ་རྗེ་སེམས་དཔའ་རྒྱལ་
པོ་ཆེ། །མཐོང་འགྱུར་འདི་ལ་ཐེ་ཚོམ་མེད། །ཇི་སྐད་བཤད་པའི་རྣལ་འབྱོར་བཞིན། །རྡོ་རྗེ་རྣལ་འབྱོར་རྗེས་སྦྱོར་སྐྱེས། །རྣལ་འབྱོར་དག་ནི་ལྷག་མ་དག །དེ་དག་ཐམས་ཅད་བརྟན་པར་བྱ། །ཤིན་ཏུ་གསང་བ་དེ་ཉིད་ཆེ། །མཆོག་ཏུ་གསང་བ་དེ་ཉིད་མཆོག །གསང་བ་ཆེན་པོ་གསང་བ་འཛིན། །
เล่ม ๘๔ · หน้า 271a
རྡོ་རྗེ་གསང་བ་བརྟན་པ་ཆེ། །རིག་པ་མངོན་པར་འདོད་འགྱུར་བ། །རང་གི་ལག་གིས་ཡང་དག་བྲི། །རྒྱལ་མོ་ཆེན་མོ་བརྗོད་བྱས་ན། །དཀྱིལ་འཁོར་དུ་ནི་སྐད་ཅིག་འགྲུབ། །ཨོྃ་སརྦ་ཏ་ཐཱ་ག་ཏ་བི་ཤུདྡྷ་དྷ་རྨ་ཧོཿ། རང་གིས་དཀྱིལ་འཁོར་ཆེ་བྲིས་ནས། །རིག་པ་
བརྗོད་པ་ལ་བརྩོན་བྱ། །བྱམས་པས་དགུག་པའི་སྦྱོར་བ་ཡིས། །འཁོར་བ་སྙིང་རྗེ་སྦྱད་པར་བྱ། །ཨོྃ་བི་ཤུདྡྷ་དྷེཥྚི་ཛཿ། རང་གིས་གསང་སྔགས་བྲིས་ནས་ནི། །བུ་མོའི་མཆུ་ལ་འོ་བྱས་ཏེ། །འཇིག་རྟེན་དབང་ཕྱུག་བཙུན་མོ་ཆེ། །ཤེས་རབ་ཕ་རོལ་ཕྱིན་ལྷ་མོ། །ཨོྃ་སྭ་བྷཱ་བ་བི་
ཤུདྡྷཿ། མུ་ཁེ་ཧཱུྃ། ཕ་རོལ་ཕྱིན་དྲུག་སྤྱོད་པ་ཡིས། །བྱང་ཆུབ་སྦྱོད་པ་རབ་རྙེད་དཀའ། །སངས་རྒྱས་རྣལ་འབྱོར་བརྟན་གྱུར་ན། །འགྲུབ་འགྱུར་འདི་ལ་ཐེ་ཚོམ་མེད། །དཀྱིལ་འཁོར་འདིར་ནི་འཇུག་བྱ་ཞིང་། །འདོད་པའི་ཡོན་ཏན་མཆོག་ལྔ་ཡིས། །རོལ་ཅིང་དགའ་
བ་ཉིད་དུ་བྱ། །མདོ་སྡེ་གསང་དབང་ལས་བཤད་པ། །གསང་བ་ལྔ་ནི་རབ་སྒྲུབ་པ། །འདོད་པའི་ཡོན་ཏན་ལྔ་རུ་བཤད། །དེ་བཞིན་གཤེགས་པའི་རིགས་ལ་སོགས། །འདོད་པའི་ཡོན་ཏན་ལྔ་རུ་བརྗོད། །འདོད་པའི་སྦྱོར་བ་འདི་ཡིས་ནི། །སྐལ་བ་ཅན་
གྱིས་དངོས་གྲུབ་ཐོབ། །གསང་བ་དེ་ཉིད་ཆེན་པོ་སྟེ། །རིགས་ལྔ་དག་ནི་རབ་བསྒྲུབ་པ། །འདོད་ཆགས་ཆེན་པོ་རབ་བསྒྲུབ་ཕྱིར། །རོལ་ཅིང་རབ་ཏུ་དགའ་བར་བྱ། །བདེ་བ་ཆེན་པོ་གྲུབ་དོན་དུ། །སྤྱོད་པ་ཆེན་པོ་ཚུལ་ཆེན་པོ། །དེ་ཉིད་རྣལ་འབྱོར་ཀུན་
བསྡུས་པ། །དེ་ནས་ཡང་དག་བཤད་པར་བྱ། །རྡོ་རྗེ་ཧཱུྃ་མཛད་རྣལ་འབྱོར་གྱིས། །རྣལ་འབྱོར་བྱ་བ་བསྒྲུབ་པར་བྱ། །ཇི་ལྟར་ཡི་གེ་ཧཱུྃ་ལས་བྱུང་། །གསང་བ་རྒྱལ་པོ་ཆེན་པོ་བྱེད། །རྡོ་རྗེ་ཧཱུྃ་མཛད་སྦྱོར་བ་ཡིས། །རྣལ་འབྱོར་བྱ་བ་བསྒྲུབ་པར་བྱ། །དེ་ལྟར་
མིན་ན་ཕྱག་རྒྱ་ཆེ། །དམ་ཚིག་ཞེས་བྱ་གཏན་མི་འགྲུབ། །ཕྱག་རྒྱ་ཆེན་པོ་མདོར་བསྡུས་ནས། །རྡོ་རྗེ་ཕྱག་རྒྱ་ཡོངས་སུ་གཟུང་། །དེ་ནས་གྲུབ་པའི་ཕྱག་རྒྱ་ཆེ། །གྲུབ་པའི་ཡི་གེ་ཡང་དག་གིས། །མྱུར་དུ་རབ་ཏུ་འགྲུབ་འགྱུར་བ། །རྨད་བྱུང་ཆེན་པོ་རབ་བཤད་བྱ། །
เล่ม ๘๔ · หน้า 271b
ཨོྃ་སརྦ་ཏ་ཐཱ་ག་ཏ་བཛྲ་ས་མ་ཡེ་ཧཱུྃ། ཟླ་བའི་དཀྱིལ་འཁོར་གང་བར་བཞུགས། །ཕྱག་རྒྱ་ཆེན་པོ་ཡོངས་སུ་གཟུང་། །རྡོ་རྗེ་སྔགས་ཀྱིས་བསྐུལ་བྱ་ཞིང་། །སངས་རྒྱས་བྱང་ཆུབ་རབ་ཏུ་བསྒྲུབ། །ཧཱུྃ་བཛྲ་མ་ཊ། རྡོ་རྗེའི་རིག་པ་མཆོག་རྒྱལ་པོ། །བདག་ཉིད་ཡོངས་སུ་
བསྒོམ་བྱ་ཞིང་། །སངས་རྒྱས་ཐམས་ཅད་འཇིགས་བྱས་ན། །འགྲུབ་འགྱུར་འདི་ལ་ཐེ་ཚོམ་མེད། །ཨོྃ་བྷྲྀ་ཀུ་ཊཱི་བར་ཐ། རང་བདག་ཉིད་ནི་དབང་བསྐུར་བ། །རིན་ཆེན་ཕྱག་རྒྱ་ཡོངས་སུ་གཟུང་། །རིན་ཆེན་ཆར་ནི་དབབ་པ་ནས། །འགྲུབ་འགྱུར་འདི་ལ་ཐེ་ཚོམ་མེད། །
ཨོྃ་པདྨ་བཛྲི་ཧྲཱིཿཐ། ཤེས་རབ་སྤྱན་དུ་རང་བདག་ཉིད། །རྡོ་རྗེ་སྔགས་ཀྱིས་བསྐུལ་བྱ་ཞེས། །པདྨའི་རིགས་ཆེན་བསྐུལ་བར་བྱ། །ཧཱུྃ་ཀརྨ་བཛྲ་ཀྲི་ཏི་ཏ། སྣ་ཚོགས་རྡོ་རྗེ་རྒྱལ་པོ་ཆེ། །བྱ་བ་སྣ་ཚོགས་བདག་ཉིད་ཆེ། །སངས་རྒྱས་ཐམས་ཅད་མཆོད་བྱས་ན། །དངོས་
གྲུབ་ལས་ནི་ཐོབ་པར་འགྱུར། །བུད་མེད་སྡུག་དང་ལྷན་ཅིག་ཏུ། །དཀྱིལ་འཁོར་དག་ནི་ཡང་དག་བྱ། །མདོ་སྡེ་གསང་དབང་རྒྱལ་པོ་ལས། །རྣམ་པ་བཞི་ནི་རབ་ཏུ་བྱུང་། །དེ་ནས་མཚན་ཉིད་སྣ་ཚོགས་ཡོངས་བསྡུས་པ། །རབ་ཏུ་སྤྱན་ཡངས་དགའ་བ་ཆེན་པོ་མཆོག །
དེ་བཞིན་ཆོགས་དང་རྡོ་རྗེ་སྤྱན་ལྡན་མ། །ཤེས་རབ་སྤྱན་གྱིས་བཙུན་མོ་མཆོག་ཆེན་ལྡན། །ཨོྃ་བཛྲ་ཀརྨ་ཧོ། བཛྲ་ཧཱུྃ་ཧཱུྃ། ཀ་ཊ་མ་ཊ། ར་ཊ་བ་ཊ། ཀ་ར་ན་བཛྲཱི་གྲི། བཛྲ་གུ་རུ། བཛྲ་ཕཊ། ཀ་ར་ར་གྲི། ཤུདྡྷི་གྷི། ཤུདྡྷི། ཤུདྡྷཾ་གྲི། བུདྡྷ། སཏྭ་རཱ་ཛ། རཱ་ག་ཏུཥྚི། རཏྣ། ཏེ་ཛ། ཀེ་ཏུ།
ཧཱ་ས། དྷརྨ། ཏཱི་ཀྵྞ། ཧེ་ཏུ། གྷོ་ཥ། དྷརྨ། རཀྵ། ཡཀྵ། སནྦྷི། སིདྡྷི། ཡོ་ག །གུ་ཧྱ། བི་ཥ་ཀ །ཙཱརྱ། ཙ་རི། ཛྙཱ་ན། ར་ཏྭ། སུམ་བྷ། ཏ་ག་གྲུཾ། ཧཱུྃ་ཕཊ། ཧཱུྃ་བྃ། ཧཱུྃ་ཙ། ཧཱུྃ་མ། ཧཱུྃ་ས། ཧཱུྃ་ཧ། ཧཱུྃ་ཧཱུྃ། ཧཱུྃ་ཛ། ཧཱུྃ་ཧོ། ཧཱུྃ་ས། ཧཱུྃ་ཨྃ། ཧཱུྃ་ཨ། ཧཱུྃ་ཏྲྃ། ཧཱུྃ་ཏྃ། ཧཱུྃ་ཧྃ། ཧཱུྃ་དྷཾ། ཧཱུྃ་དྷི། ཧཱུྃ་མྃ།
ཧཱུྃ་རྃ། ཧཱུྃ་ཀྃ། ཧཱུྃ་ཧྃ། ཧཱུྃ་བྃ། ཨོྃ་སརྦ་ཏ་ཐཱ་ག་ཏ་ཨ་བྷི་ཛྙཱ། ཨོྃ་སརྦ་ཏ་ཐཱ་ག་ཏ་ཙ་གྲེ་ས། ཨོྃ་སརྦ་ཏ་ཐཱ་ག་ཏ་བི་ཤཱ་ཙ། ཨོྃ་སརྦ་ཏ་ཐཱ་ག་ཏ་ཙཀྲེ་དྷྃ། ཨོྃ་ཨ་ནུད་པ་ན་ནེ་ཨ། ཨོྃ་ཨ་ནུ་རུ་ཧེ་ཨཱ། ཨོྃ་ཨ་ན་ལེ་ཨི། ཨོྃ་ནཱི་ལེ་ཨཱི། ཨོྃ་རཏྣེ་ཨུ། ཨོྃ་རཏྟ་ཨཱུ། ཨོྃ་ས་ཨུ་རྀ། ཨོྃ་ལ་ཨེ་རཱྀ། ཨོྃ་ཨ་ཏ་ལྀ།
เล่ม ๘๔ · หน้า 272a
ཨོྃ་ཨཱ་ཧ་རེ་ར་ལཱྀ། ཨོྃ་ཨཱ་ཤ་ནེ་ཨེ། ཨོྃ་བྷེ་ཧེ་གྷེ་ཨཻ། ཨོྃ་སརྦཱ་ཤཱ་པ་རི་པཱུརྞེ་ཨོ། ཨོྃ་བྷ་ར་དེ་ཨཽ། ཨོྃ་སྥ་ར་ཎེ་ཨྃ། ཨོྃ་བི་ཤྭ་ཨཿ། ཨོྃ་མ་ཧོ་ཙེ་བྲེ་ཀ །ཨོྃ་ཏིཥྛ་ཁ། ཨོྃ་ཨ་མུ་ཁ་ག །ཨོྃ་ཨ་བྷི་ཥེ་གྷ། ཨོྃ་ཛྙཱ་ན་ང་། ཨོྃ་ཙྪེ་ད་ཙ། ཨོྃ་བཱ་རཱ་ཧི་རྱ་ཚ། ཨོྃ་བྷ་ཤེ་ཛ། ཨོྃ་བྷ་དྷེ་
ཛྷ། ཨོྃ་པྲ་ཤ་མེ་ཉ། ཨོྃ་ཀྲོ་དྷི་ཊ། ཨོྃ་ཧ་ར་ནེ་ཋ། ཨོྃ་བྷི་གྷ་ཌ། ཨོྃ་ཀྵ་བེ་ཌྷ། ཨོྃ་ཨ་ཎུ་ཎ། ཨོྃ་ཊཀྐི་ལེ་ཏ། ཨོྃ་བི་སུ་ལེ་ཐ། ཨོྃ་དྷཱ་ར་ཎཱི་ད། ཨོྃ་བ་ཏ་ཀེ་དྷ། ཨོྃ་བ་ལོ་ཀེ་ན། ཨོྃ་ཏྲ་ཏེ་པ། ཨོྃ་སརྦ་ཧ་ར་ནི་ཕ། ཨོྃ་བྷུ་ཤ་ནི་བ། ཨོྃ་བྷི་བ་ཤ་ནི་བྷ། ཨོྃ་ཨ་ར་ཏེ་མ། ཨོྃ་ཨ་ལི་ནི་ཡ།
ཨོྃ་ཏྲ་ཧ་ར། ཨོྃ་བི་ཤ་ལ། ཨོྃ་བུདྡྷེ་ཝ། ཨོྃ་དྷ་མེ་ཤ །ཨོྃ་ཡ་མ་བྷེ་ཥ། ཨོྃ་སརྦེ་ས། ཨོྃ་དྷ་ལི་ནི་ཧ། ཧོ་ཐ། ཧཱུྃ་ཛཿ། ཧཱ་ས། ཨོྃ་ཨ། བ་ཧ། ཨ་རོ། ནི་བི། ད་ཤ །ཏྲ་ར་དྷི། བྷུ་པ། ས་ཡ། ཨ་ཧི། ཀྲོདྷ། དྷ་མ་ཤ །བྷ་ར་ཡ། ཡུ་ག་ཏི། དརྴ་ན། ཧཱ་ས་ཡ། ཧེ་མ་ཧཱ་ནེ། དྷ་ར་ཎ།
ཨོྃ་སརྦ་ཏ་ཐཱ་ག་ཏ་ས་བི་ཛྙཱ་མ་ཧཱ་མུ་ནེ་རཱ་ཛཱ་གརྦྷོ་རཱ་ཛཱ་ཀྲ་ཡ་ཧི་ཧཱུྃ་ཧཱུྃ་ཧཱུྃ་ཧཱུྃ་ཧ། དེ་བཞིན་གཤེགས་པའི་གསང་བ་འདི། །མདོ་སྡེ་གསང་དབང་ལས་གསུངས་པས། །ཆོས་དབྱིངས་བརྟན་པའི་རང་བཞིན་ཏེ། །ཆོས་དང་ལོངས་སྤྱོད་རྫོགས་ལས་བྱུང་། །བདེ་ལེགས་བསྒོམ་པ་བྱས་དང་མཚུངས་
པ་མེད། །ཨེ་མའོ་སང་པ་ཆེན་པོ་གསང་བ་ཀུན་བསྡུས་པ། །རྣལ་འབྱོར་རྒྱ་ཆེར་བསྡུས་པའང་མཚུངས་པ་མེད། །བདེ་བ་ཆེན་པོ་འདི་ནི་བརྟན་ཞིང་བརྟན་པའི་དངོས་པོར་འགྱུར། །དགའ་བ་ཆེན་པོའི་སློབ་དཔོན་དགའ་ཆེན་ཉི་མ་སྟེ། །མཆོད་འོས་གསང་བའི་ཀུན་
བསྡུས་པ། །ཀུན་མཁྱེན་གསུང་ལས་བྱུང་བའི་དཀྱིལ་འཁོར་ཀུན་བསྡུས་པ། །ཚོགས་རྒྱས་རབ་ཏུ་འཕེལ་བར་གྱུར་པ་གསུངས་པ་ཡིན། །རྡོ་རྗེ་ཆེན་པོ་སྐལ་བ་ཆེས། །གསང་བ་ཐམས་ཅད་རྗེས་སུ་བསླབ། །དེ་ཉིད་ཆོས་ནི་རྣལ་འབྱོར་ཆེ། །སྟུག་པོ་བསྡུས་པར་འཇུག་པར་
བྱ། །བརྒྱ་དང་སུམ་ཅུ་རྩ་དྲུག་ལྷག །ཚོགས་ཀྱི་དཀྱིལ་འཁོར་ཀུན་བསྡུས་པ། །བྲི་དང་རྡོར་ཚིག་ཡི་གེ་ཡིས། །དཀྱིལ་འཁོར་གསང་བ་བསླབ་པར་བྱ། །རྒྱུད་ཀྱི་དཀྱིལ་འཁོར་ཀུན་བསྡུས་པ། །དཀྱིལ་འཁོར་གསང་བ་འདི་རུ་ནི། །དེ་ཉིད་ཡི་གེ་རྣམ་དག་པའི། །
เล่ม ๘๔ · หน้า 272b
རྣལ་འབྱོར་ཆེན་པོ་འཇུག་པར་བྱ། །གྲུ་བཞི་པ་ལ་སྒོ་བཞི་པ། །རྟ་བབས་བཞེས་ནི་རྣམ་པར་བརྒྱན། །ཐིག་བཞི་དང་ནི་ཡང་དག་ལྡན། །དར་གྱི་ཆུན་པོས་རྣམ་པར་བརྒྱན། །རྡོ་རྗེ་དབྱིངས་སོགས་སྦྱོར་བ་ཡི། །སྟུག་བོ་གསང་བ་ཤིན་ཏུ་བརྟན། །དེ་ཉིད་གསང་བ་
བསླབ་བྱའི་ཕྱིར། །ཤེས་རབ་ཅན་གྱིས་དཀྱིལ་འཁོར་བསླབ། །ཨེ་མའོ་དཀྱིལ་འཁོར་སྦྱོར་བ་ཡིས། །གསང་བའི་དཀྱིལ་འཁོར་ཀུན་བསྡུས་པ། །རྡོ་རྗེ་དབྱིངས་སོགས་སྦྱོར་བ་ཡིས། །མཁས་པས་ཡང་དག་བྲི་ཞིང་དགོད། །གྲུ་བཞི་མཉམ་པའི་རིམ་
པ་ནི། །དེ་ཉིད་ཀྱི་ནི་ནང་དུ་བྱ། །དཀྱིལ་འཁོར་གྱི་ནི་དབུས་ཀྱི་ཆར། །སངས་རྒྱས་གཟུགས་ནི་དགོད་པར་བྱ། །དེ་ཡི་ཕྱོགས་རྣམས་ཐམས་ཅད་དུ། །ཅི་རིགས་པར་ནི་ཡང་དག་བྲི། །ངོས་བཞིའི་རང་བཞིན་དཀྱིལ་འཁོར་ལ། །ཡི་གེ་སུམ་ཅུ་རྩ་དྲུག་དག་དགོད། །
སངས་རྒྱས་ཀྱི་ནི་ཕྱོགས་ཀུན་དུ། །ཡི་གེ་བཅུ་དྲུག་ཡང་དག་བྲི། །ཡི་གེ་བཅུ་དྲུག་རྒྱལ་པོ་ནི། །ཕྱག་རྒྱའི་ཚོགས་དང་འོད་བཅས་པ། །དཀྱིལ་འཁོར་ཆེན་པོའི་ལོགས་བཞི་རུ། །ཡི་གེ་རྣམས་ནི་ཡང་དག་བྲི། །ཡི་གེ་སུམ་ཅུ་སུམ་ཅུ་ནི། །ཕྱོགས་རྣམས་
ཀུན་དུ་དགོད་པར་བྱ། །སངས་རྒྱས་ཐུགས་ཀའི་དབུས་སུ་ནི། །ཡི་གེ་ཧཱུྃ་ནི་སྦྱར་བར་བྱ། །གང་ཞིག་སྦྱོར་བའི་མིང་ཅན་གྱི། །སངས་རྒྱས་དབུས་སུ་དགོད་པར་བྱ། །རྡོ་རྗེ་ཡི་གེ་རབ་སྦྱོར་བྱེད། །ཤེས་རབ་ཅན་གྱིས་ཡི་གེ་རྣམས། །རྡོ་རྗེའི་རིག་པ་འཛིན་པ་
ཡིས། །དབུས་སུ་རྡོ་རྗེ་རྡོ་རྗེ་བཞི། །ཤར་དུ་ཡི་གེ་སུམ་ཅུ་བྲི། །ཡི་གེ་སུམ་ཅུ་དེ་བཞིན་ལྷོར། །སུམ་ཅུ་བྱང་གི་ཕྱོགས་ཆ་རུ། །ནུབ་ཏུ་སུམ་ཅུ་སྦྱར་བར་བྱ། །ཡི་གེ་བཅུ་དྲུག་ཡང་དག་སྦྱོར། །དབུས་སུ་སངས་རྒྱས་བཞི་ལྡན་བྱ། །རྡོ་རྗེ་རྣལ་འབྱོར་རྣལ་
འབྱོར་ཆེ། །རྣལ་འབྱོར་དབང་ཕྱུག་དབང་ཕྱུག་ཆེ། །དཔལ་ལྡན་འཇིག་རྟེན་རྣལ་འབྱོར་ལྡན། །དབབ་པ་བརྟན་པའི་ཚོགས་གྱུར་པ། །སྨྲ་བ་ལས་བྱུང་རྒྱལ་བ་ཆེ། །སངས་རྒྱས་རྣལ་འབྱོར་འཇུག་པར་བྱ། །ཨུ་རོ་ཏི་ཀོ་ཏ་མ་ཧཱརྱ་ཡོ་དྷ་རྱ་བིར་ཏེ་ནཱ་མ་ནེ། དེ་ནས་སྦྱོར་བ་
เล่ม ๘๔ · หน้า 273a
འདི་ཡིས་ནི། །རྡོ་རྗེ་འཁོར་ལོ་གཞུག་པར་བྱ། །ཧ་ཧ་ཧོ་ཧོ་གསང་ཆེན་པོ། །རྩེ་གསུམ་རལ་པ་གསུམ་འཛིན་པ། །རྒྱལ་ཆེན་གཟི་བརྗིད་ཆེན་པོའི་དོན། །རྡོ་རྗེ་ཐིག་གིས་ཡོངས་སུ་བསྐོར། །སློབ་དཔོན་ཆེན་པོས་བལྟ་བྱས་ནས། །ཡི་གེ་རབ་
ཏུ་བརྗོད་པར་བྱ། །རྡོ་རྗེའི་དཀྱིལ་འཁོར་འཁོར་ལོ་ཡིས། །རྡོ་རྗེའི་འཁོར་ལོ་ཀུན་དུ་སྤྲོ། །ཨ་ཨཱའི་རྣལ་འབྱོར་ཡང་དག་གཟུང་། །ཨི་ཨཱི་དབང་ཕྱུག་ཆེན་པོའི་འོད། །ཨུ་ཨཱུ་རྣོན་པོ་འཆང་བ་སྟེ། །ཨེ་ཨཻ་སྒྲ་དབྱངས་རབ་བསྐུལ་བ། །ཨོ་ཨཽ་སྐྱབས་བྱེད་
རྩིབས་ཆེན་པོ། །ཨྃ་ཨཿཤེས་རབ་སྤྱན་བཟང་བ། །རྡོ་རྗེ་ལྕགས་ཀྱུ་འདི་ཡིས་ཀྱང་། །རྡོ་རྗེ་འཆང་ནི་བསྐུལ་བར་བྱ། །ཇི་ལྟར་འཁོར་ལོ་ཇི་ལྟར་རིགས། །ཅི་འོས་ཇི་ལྟར་རྡོ་རྗེའི་རིགས། །དེ་བཞིན་འཁོར་ལོ་ཡོངས་སུ་དགོད། །རྡོ་རྗེ་སློབ་དཔོན་དཀའ་
ཐུབ་ཆེ། །སྐལ་བ་ཆེན་པོ་གསང་བ་འདི། །རྡོ་རྗེ་འཁོར་ལོ་ཡང་དག་སྦྱོར། །རྣམ་འཕྲུལ་དེ་ནི་རབ་ཏུ་བསྐོར། །འཁོར་ལོ་དབབ་དང་གཞུག་པ་དང་། །ཆོ་ག་ཇི་བཞིན་འཇུག་པར་བྱ། །རྡོ་རྗེ་དབྱིངས་སོགས་དཀྱིལ་འཁོར་དུ། །རྒྱས་པར་ཇི་སྐད་བསྟན་པ་བཞིན། །
རིགས་ཀྱི་དཀྱིལ་འཁོར་འཁོར་ལོ་དང་། །འཁོར་ལོ་དཀྱིལ་འཁོར་དང་ལྡན་པ། །འཁོར་ལོའི་གནས་ནི་དབང་དུ་འགྱུར། །ཆོས་ཀྱི་འཁོར་ལོ་ཡང་དག་ལྡན། །རྡོ་རྗེ་འགུགས་དང་སྐལ་ལྡན་དང་། །ངས་བྱེད་རིན་ཆེན་གཟི་བརྗིད་དང་། །རྒྱལ་མཚན་བཞད་པ་
ཡང་དག་ལྡན། །ཆོས་དང་རྣོན་པོ་གཙོ་བོ་མཆོག །རྒྱུ་དང་གཏུམ་པོ་དྲག་པོ་ཆེ། །ལས་དང་བསྲུང་བ་གནོད་སྦྱིན་གྲུབ། །སྣ་ཚོགས་སྦྱོར་བ་ཡང་དག་ལྡན། །འཁོར་ལོའི་རྣམ་པར་འཕྲུལ་པ་བྱུང་། །དེ་ལྟ་བུ་ཡི་སྦྱོར་བ་ཡིས། །རྡོ་རྗེ་འཁོར་ལོ་ཀུན་དུ་
བྲི། །རྡོ་རྗེ་འཛིན་ཀུན་སློབ་དཔོན་གྱིས། །དཀྱིལ་འཁོར་འདིར་ནི་གཞུག་པར་བྱ། །བུ་དང་སློབ་མ་མིན་པ་ལ། །གསང་བའི་ཚོགས་ཆེན་སྦྱིན་མི་བྱ། །གཞན་དུ་སྐལ་བ་དང་ལྡན་པ། །གཞུང་འདི་ཁྱེད་ཀྱིས་ཅི་འདིར་བྱིན། །དེ་བཞིན་གཤེགས་པ་ཐམས་ཅད་
เล่ม ๘๔ · หน้า 273b
ཀྱི་གསང་བའི་མདོ་སྡེའི་དབང་པོའི་རྒྱལ་པོ་ཤིན་ཏུ་གསང་བའི་རྣལ་འབྱོར་མཆོག་ཏུ་གསང་བ་རྟོག་པའི་རྒྱལ་པོ་ཆེན་པོ་རྡོ་རྗེ་རྩེ་མོ་ལས། རྡོ་རྗེ་རིགས་ཀྱི་དེ་ཁོ་ན་ཉིད་ཤིན་ཏུ་གསང་བའི་རྣམ་པར་བཤད་པ་སྟེ། ལེའུ་བཞི་པ་རྫོགས་སོ།། །།དེ་ནས་བཅོམ་ལྡན་འདས་རྣམ་པར་
སྣང་མཛད་དེ་བཞིན་གཤེགས་པ་ཐམས་ཅད་དང་བཅས་པས། སླར་ཡང་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་རྡོ་རྗེ་སེམས་དཔའ་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་པར་གྱུར་ཏོ། །རྡོ་རྗེ་ཧཱུྃ་མཛད་རྡོ་རྗེ་མཆོག །རྡོ་རྗེ་མཆོག་འཛིན་རྡོ་རྗེའི་
མདའ། །རྡོ་རྗེ་ཁྲོ་གཉེར་རྡོ་རྗེའི་ལུས། །རྡོ་རྗེ་འབར་བ་རྒྱལ་མཚན་ཆེ། །རྡོ་རྗེ་གད་རྒྱངས་རྡོ་རྗེའི་བདག །རྡོ་རྗེ་སྡེ་སྟེ་ཆོས་མཆོག་འཛིན། །རྡོ་རྗེ་རྒྱལ་མཚན་ཤིན་ཏུ་རྣོ། །རྡོ་རྗེ་འཁོར་ལོ་བཟླས་པ་ཆེ། །ལས་ཀྱི་རྡོ་རྗེ་རྡོ་རྗེ་ཆེ། །རྡོ་རྗེ་གནོད་སྦྱིན་འཇིགས་ཆེན་པོ། །
རྡོ་རྗེ་ཕྱག་རྒྱ་སྒྲ་ཆེན་པོ། །རྡོ་རྗེ་ཁུ་ཚུར་བརྟན་པ་ཆེ། །རྡོ་རྗེ་འབར་བ་རྡོ་རྗེ་ཆེ། །ལས་ཆེན་པོ་སྟེ་མདའ་ཆེན་པོ། །རྡོ་རྗེ་ལེགས་པ་དགའ་བ་ཆེ། །རྡོ་རྗེ་རྒྱན་ནི་འཕྲོག་བྱེད་པ། །རྡོ་རྗེ་འོད་དེ་རྒྱལ་མཚན་ཆེ། །རྡོ་རྗེའི་ཚེམས་ནི་རབ་དགའ་བ། །རྡོ་རྗེ་པདྨ་ཤིན་ཏུ་གཅོད། །
རྡོ་རྗེ་དཀྱིལ་འཁོར་རྡོ་རྗེ་རིག །རྡོ་རྗེ་ལྗགས་ཏེ་སྣ་ཚོགས་ཆེ། །སྣ་ཚོགས་མཚོན་ཆེན་སྐྱེ་དགུ་མདའ། །གོ་ཆ་ཆེན་པོ་རྡོ་རྗེ་སྐུ། །རྡོ་རྗེ་མཆེ་བ་འཇིགས་བྱེད་པ། །རྡོ་རྗེ་བསྡམས་པ་རྡོ་རྗེ་ཆེ། །རྡོ་རྗེ་ཁྲོ་བོ་གཞུ་ཆེན་པོ། །རྡོ་རྗེ་ལྕགས་ཀྱུ་མཛོད་ཆེན་པོ། །ཞགས་
པ་ཆེན་པོ་དབང་ཆེན་པོ། །རྡོ་རྗེ་ལྕགས་སྒྲོག་འབེབས་པ་ཆེ། །རྡོ་རྗེ་དབབ་པ་འཇིགས་བྱེད་པ། །ཡི་གེ་ཛཿསྟེ་ཡི་གེ་ཧཱུྃ། །ཡི་གེ་ཧཱུྃ་ནི་དམ་དུ་འཆིང་། །ཡི་གེ་ཧོཿསྟེ་ཡི་གེ་ཧཿ། །རྡོ་རྗེ་ཕྱག་རྒྱ་དྲེགས་པ་མཆོག །རྡོ་རྗེ་སེམས་དཔའ་ཁྲོ་བོ་ཆེ། །ལྕགས་ཀྱུ་བསྡིགས་མེད་རྡོ་རྗེ་
ཁྲོ། །རྡོ་རྗེ་བདུད་དེ་བདུད་ཀྱི་མཆོག །བདུད་ཀྱི་བདུད་ནི་རབ་འཇོམས་པ། །རྡོ་རྗེ་དགའ་བ་ཞི་བ་ཆེ། །རྡོ་རྗེ་དཀའ་ཐུབ་ཤིས་མཛད་པ། །རྡོ་རྗེ་དྲག་པོ་ཤིན་ཏུ་གདུག །རྡོ་རྗེ་རང་དབང་རྡོ་རྗེ་མཛད། །རྡོ་རྗེ་འདོད་པ་ཁྲོ་བོ་ཆེ། །རྡོ་རྗེ་སྒྲ་སྟེ་སྒྲ་ཆེན་པོ། །སངས་རྒྱས་ཧཱུྃ་
เล่ม ๘๔ · หน้า 274a
མཛད་ཡི་གེ་ཧཱུྃ། ཡི་གེ་ཕཊ་སོགས་དང་མཉམ་པ། །ཡི་གེ་ཕཊ་ནི་འབར་བའི་བཀའ། །ཡི་གེ་སྭཱ་ཧཱ་རང་བཞིན་མེད། །གཙོ་བོ་གསོད་དང་སློང་མཛད་པ། །དྲི་མེད་སྐྲག་དང་དབུགས་འབྱིན་མཛད། །སངས་རྒྱས་སངས་རྒྱས་ཁྲོ་བོ་ཆེ། །
ཁྲོ་བོ་རྡོ་རྗེ་དེ་བཞིན་གཤེགས། །འདོད་ཆགས་ལས་བྱུང་དེ་བཞིན་ཉིད། །རྡོ་རྗེ་ཁྲོ་བོ་ཁྱེད་ཕྱག་འཚལ། །མཚན་བརྒྱ་རྩ་བརྒྱད་དམ་པ་འདི། །ཉིན་རེ་ཞིང་དུ་ལན་ཅིག་ནི། །གང་ཞིག་འདོན་པར་བྱེད་པ་དེ། །དངོས་གྲུབ་མཆོག་ནི་ཐོབ་པར་འགྱུར། །དེ་
དག་ལ་ནི་འཇིགས་པ་མེད། །ཕོངས་དང་བྲན་དག་ཉིད་མི་འགྱུར། །སངས་རྒྱས་རྡོ་རྗེ་འཛིན་བསྟན་པ། །དངོས་གྲུབ་མཆོག་ནི་ཐོབ་པར་འགྱུར། །དཔའ་བོ་ཁྱོད་ལ་གསོལ་བ་འདེབས། །གདུག་པ་རྣམས་ནི་གདུལ་བ་དང་། །དེ་བཞིན་སེམས་ཅན་དོན་བྱའི་
ཕྱིར། །ཚུལ་ཆེན་བསྐྱེད་པར་མཛད་དུ་གསོལ། །གསང་བ་རྣལ་འབྱོར་ཆེན་པོའི་རྒྱུད་རྡོ་རྗེ་རྩེ་མོ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་རྡོ་རྗེ་སློབ་དཔོན་ཆེན་པོ་ཀརྨ་བཛྲའི་ཞལ་སྔ་ནས་དང་། ལོ་ཙྪ་བ་དགེ་སློང་གཞོན་ནུ་ཚུལ་ཁྲིམས་
ཀྱིས་བསྒྱུར་ཅིང་ཞུས་པའོ།། །།བམ་པོ་བཅུ་གཉིས་པ།།
ที่มาและสัญญาอนุญาต
ตัวบท: e-text กังยูร์ฉบับเดเกของ Esukhia (Esukhia/derge-kangyur · commit a582cf47) · สาธารณสมบัติ
สัญญาอนุญาต Public Domain · หลักฐาน
README ของ Esukhia/derge-kangyur ที่ commit a582cf471b7c (เปิดอ่านแล้ว ๓ ต.ค. ๒๕๖๙): "This work is a mechanical reproduction of a Public Domain work, and as such is also in the Public Domain." · สำเนาคำต่อคำ: data/kangyur-src/SOURCE-README.md
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
- หน้านี้แสดงคำอ่านตามแผ่นไม้ — เครื่องหมายบรรณาธิการของ Esukhia ({เดิม,ปรับ} · (ผิด?,เสนอ) · […] · #) เก็บครบอยู่ในข้อมูล
- ตัวบทภาษาทิเบตยังไม่อยู่ในการค้นหาของคลัง — ตัวตัดคำที่มีตัดสระของอักษรทิเบตทิ้ง จึงให้ผลที่ผิด