རལ་པ་གྱེན་བརྫེས་ཀྱི་རྟོག་པ་ཆེན་པོ
ชื่อสันสกฤต (อักษรทิเบต ตามตัวบท) ཨཱུརྡྷ་ཛ་ཊཱ་མ་ཧཱ་ཀལྤ་མ་ཧཱ་བོ་དྷི་སཏྭ་བི་ཀུརྦྦ་ཎ་པ་ཊ་ལ་བི་ས་རཱད་བྷ་ག་བ་ཏཱ་ཨཱརྱ་ཏཱ་རཱ་མཱུ་ལ་ཀལྤ་ནཱ་མ
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
เล่ม ๙๔ · หน้า 1a
༄༅། །རྒྱུད་འབུམ་ཚ་བཞུགས་སོ། །
เล่ม ๙๔ · หน้า 1b
༄༅༅། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ་བྱང་
ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་སྨྲས་པ། ཁྱོད་ཀྱི་རིགས་ཀྱི་ལྷ་རྣམ་པ་སྣ་ཚོགས་པའི་གཟུགས་ཅན་རྒྱུན་དུ་གནོད་སྦྱིན་དང་། གནོད་སྦྱིན་མོ་དང་། གནོད་སྦྱིན་
གྱི་སྡེ་དཔོན་ཆེན་མོ་དང་། ལྷའི་མེ་ཏོག་དང་། ཟླ་བ་ཉིད་དང་། ཞི་བར་འདོད་པ་དང་ལྡན་པའི་ཐབས་དེ་རྣམས་ཀྱང་དགུག་པའི་ཆེད་དུ། སྔགས་འདི་མངའ་བདག་ཏུ་བྱ་བར་འགྱུར་རོ། །
འདིར་གནོད་སྦྱིན་ཐམས་ཅད་དགུག་པར་བྱེད་པའི་སྔགས་ཆེན་པོའི་ཚིག་རྣམས་ནི། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ན་མཿསརྦ་སེ་ན་ས་ཏ་ཡེ། ན་མ་ཨཱརྱཱ་
བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧ་ས་ཏྭ་ཡ། མ་ཧཱ་ཀཱ་རུ་ཎི་ཀཱ་ཡ། ཡཀྵ་ཛྲིམྦྷ་ན་མུཀྟཱ་ཡ། སརྦཾ་ཡཀྵཾ་ཧྲྀ་ད་ཡཾ། གུ་ཧྱ་ཨ་དྷི་པ་ཏཱ་ཡ་བྷ་ག་བཱན་ཨཱརྱཱ་བ་ལོ་ཀི་ཏེ་ཤྭ་རཱ་ཡ།
เล่ม ๙๔ · หน้า 2a
ཧྲྀ་ད་ཡ། མ་ནུ་སྨ་ར། སཏྱ་མ་ནུ་སཱ་ལ། ཏདྱ་ཐཱ་ཤཱི་ལེ་ཤཱི་ལ་བ་ཏི་དཱ་ནི་པྲ་ཡེ་ཤནྟེ་སཏྭཱ་དརྵ་ནན་ཏ་ཐཱ་ག་ཏ་སརྦ་ཛྙཱ་ཛྙཱ་ན་དརྵ་ན་མ་མ་ས་རཾ་པྲ་ཡཙྪེ་སརྦ་སཏྭཱ་ཧི་ཏཱརྠཱ་ཡ་སྭཱ་ཧཱ། སྟོབས་ཆེན་པོས་ཕ་རོལ་གནོན་པའི་གསང་སྔགས་འདི་
གསུངས་པ་དང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གང་དུ་གནས་པ་བཀུག་ནས་གནོད་སྦྱིན་ཐམས་ཅད་ཀྱི་དབང་པོ་བྱང་ཆུབ་སེམས་དཔའི་མཐུ་ལས་ཕྱག་ན་རྡོ་རྗེས་གསང་བའི་དབང་པོ་ཕྲན་ཚེགས་མ་ཡིན་པ་ཉིད་ཀྱིས་རྫུ་འཕྲུལ་ཆེན་པོ་
དང་ལྡན་པས་ཚིག་འདི་སྨྲས་སོ། །སེམས་ཅན་གྱི་དོན་ལ་བརྩོན་པར་སེམས་པས་གང་ལ་ལ་སྒྲོལ་མ་སྒྲུབ་པ་དེའི་དངོས་གྲུབ་ངེས་པར་བྱིན་ཅིག་ཕྱེད་ཕྱེད་རྟག་ཏུ་ཕན་པས་བྱའོ། །སེམས་ཅན་ཐམས་ཅད་ཀྱིས་དེ་དྲན་པར་བྱས་ནས་ལྷ་མོ་སྒྲོལ་མ་འདི་
ལུས་ཅན་རྣམས་བསྲུང་བ་དང་། བསྐྱབ་པ་དང་། སྦ་བར་བྱའོ། །གང་བདག་གི་བཀའ་མི་བྱེད་ན་ཕྱག་ན་རྡོ་རྗེ་གསང་བའི་བདག་པོ་དང་། རྡོ་རྗེ་འཆང་བ་སྟོབས་ཆེན་པོས་མགོ་ཚལ་པ་བདུན་དུ་འགས་པར་འགྱུར་རོ། །ཐམས་ཅད་མཁྱེན་པའི་ཡེ་ཤེས་སྔོན་
མ་ཅན་འདི་ནི་མཐུ་ཆེན་པོ་ཐོབ་པ་གནོད་སྦྱིན་ཐམས་ཅད་འགུགས་པར་བྱེད་པ་ཞེས་བྱ་བའི་རིག་པའི་རྒྱལ་པོ་བཀླགས་པ་ཙམ་གྱིས་གདུག་པ་དང་འཇིགས་པ་ཐམས་ཅད་ལས་སྲུང་བའོ། །དེ་ནས་འདི་སྒྲུབ་པའི་ཐབས་བརྗོད་པར་བྱ་སྟེ། སྔར་གསུངས་
པའི་རས་རིས་ཀྱི་ཆོ་ག་འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། རལ་པ་གྱེན་དུ་བརྫེས་པ། པདྨའི་སྡོང་བུ་ཕྱག་ན་བསྣམས་པ། ཕྱག་ན་པདྨ་གཡང་གཞི་ནག་པོ་འཕྱང་བ། གོས་དཀར་པོ་ཅན་སྐྱིལ་ཀྲུང་གིས་བཞུགས་
เล่ม ๙๔ · หน้า 2b
པ་འདྲིར་གཞུག་པར་བྱའོ། །གཡས་ཀྱི་གཞོགས་སུ་གནོད་སྦྱིན་གྱི་སྡེ་དཔོན་ཆེན་པོ་དག་བྲི་བར་བྱ་བ་ལ་འདི་ལྟ་སྟེ། རྒྱལ་བ་དང་། རྣམ་པར་རྒྱལ་བ་དང་། རྟག་ཏུ་རི་བོ་དང་། གསང་ལྡན་གྱི་བུ་དང་། ནོར་བུ་བཟང་པོ་དང་། བཟང་འགྲོའི་བུ་དང་།
བྱམས་པའི་བུ་དང་། དཔའ་བོ་བཟང་པོའི་བུ་དང་། ཚངས་པ་དང་། ཆུ་ལ་སེམས་ཏེ་དེ་ལྟ་བུ་ལ་སོགས་པ་གནོད་སྦྱིན་གྱི་རྒྱལ་པོ་མང་པོ་འདྲིར་གཞུག་པར་བྱ་སྟེ། ཁུག་མ་དང་ས་བོན་གྱིས་གང་བ་ཕྱག་ན་བསྣམས་པའི་གནོད་སྦྱིན་གྱི་སྡེ་དཔོན་རྣམས་ཉེ་བར་འདུག་
པར་བྱའོ། །གཡོན་གྱི་གཞོགས་སུ་རྣམ་པར་རྒྱལ་བའི་མཐའ་དང་། སྡོང་པོ་དང་། རྣམ་རྒྱལ་ཐོབ་པ་དང་། མ་འགགས་པ་དང་། མཁའ་ལྡིང་རྒྱལ་པོ་ཞེས་པ་གནོད་སྦྱིན་གྱི་སྡེ་དཔོན་འདི་རྣམས་ཐམས་ཅད་སྔར་བཞིན་ཁ་དོག་ལྗང་གུའོ། །བཅོམ་
ལྡན་འདས་ཀྱི་གཡས་སུ་རིག་པ་འཛིན་པ་ཡང་ལག་ན་སྤོས་ཕོར་ཐོགས་པ་སྔར་བཞིན་ནོ། །རྒྱུ་སྐར་སྐག་ལ་འདྲིར་གཞུག་པར་བྱའོ། །དེ་ནས་རས་རིས་རིང་བསྲེལ་དང་བཅས་པའི་མཆོད་རྟེན་ནམ། ཕྱོགས་གཙང་མ་གཞན་དུ་བཞུགས་སུ་གསོལ་ནས།
སྔགས་འདིས་སྤྱན་དྲང་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ན་མཿཡཀྵ་སེ་ནཱ་པ་ཏ་ཡེ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཛ་ཡེ་བི་ཛ་ཡེ་ཨ་གུ་རུ་ཨེ་ཧི་ཨེ་ཧི་སྠཱ་ནཱཾ། ཨཱ་ཀྲ་མ། བི་ཛ་ཡེ།
བ་ཧ་ཤཱནྟི་ཀ་ར་སྭཱ་ཧཱ། སྔགས་འདིས་བཅོམ་ལྡན་འདས་དང་གནོད་སྦྱིན་ཐམས་ཅད་སྤྱན་དྲང་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ་ན་མཿསརྦ་ཡཀྵ་སེ་ན་པ་ཏ་ཡེ་ན་མོ་ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་
རུ་ཎི་ཀཱ་ཡ། ར་ར་ར་ར་ཤཱནྟི་བི་ཛ་ཡེ་སྭཱ་ཧཱ། འདིས་དྲི་དང་བདུག་པ་ལ་སོགས་པ་ཐམས་ཅད་དབུལ་བར་བྱའོ། །དེ་བཞིན་དུ་རས་རིས་ཀྱི་སྤྱན་སྔར་འབུམ་ཕྲག་གསུམ་བཟླས་པ་བྱའོ། །ཟླ་བ་ཉ་ལ་ཉིན་མཚན་དུ་སྨྱུང་བར་གནས་པས། བཅོམ་ལྡན་འདས་ལ་
เล่ม ๙๔ · หน้า 3a
ཞོ་དང་འོ་མའི་ཟན་གྱི་གཏོར་མ་དབུལ་བར་བྱའོ། །གཡས་ཀྱི་གཞོགས་སུ་གནས་པའི་གནོད་སྦྱིན་གྱི་སྡེ་དཔོན་ཆེན་པོ་རྣམས་ལ་ཞོ་དང་བུ་རམ་དབུལ་བར་བྱའོ། །གཡོན་གྱི་གཞོགས་སུ་བྲིས་པ་རྣམས་ལ་ཏིལ་དང་ཏིལ་གྱི་ཐུག་པ་དབུལ་
བར་བྱའོ། །སྤྱན་རས་གཟིགས་དབང་ཕྱུག་ལ་ཨ་ག་རུའི་བདུག་པ་དབུལ་ལོ། །དྲི་ཙནྡན་དབུལ་ལོ། །ཕྲེང་བ་སྣ་མའི་མེ་ཏོག་དབུལ་བར་བྱའོ། །གཡས་ཀྱི་གཞོགས་སུ་གནས་པའི་སྡེ་དཔོན་རྣམས་ལ་ཐང་ཆུ་ལྔའི་བདུག་པ་དང་། ཀ་ར་བཱི་ར་དཀར་པོའི་
མེ་ཏོག་གོ། །གཡོན་གྱི་གཞོགས་སུ་སྲ་རྩི་པོག་གི་བདུག་པ་དང་། ཨ་ཏི་མུཀྟ་ཀའི་མེ་ཏོག་དབུལ་བར་བྱའོ། །དེ་ལྟར་ཇི་ལྟར་ནུས་པའི་མཆོད་པ་བྱས་ནས་སྟོང་ཕྲག་བརྒྱད་བཟླས་པར་བྱའོ། །དེ་ནས་དུས་གསུམ་དུ་དེ་བཞིན་དུ་མཆོད་པ་བྱ་ཞིང་འོ་མ་དང་།
ནས་ཟན་བཟའ་ཞིང་པདྨ་དཀར་པོ་རེ་རེ་ལ་ཡོངས་སུ་བཟླས་ནས་རས་རིས་ཀྱི་སྤྱན་སྔར་བཅོམ་ལྡན་འདས་ལ་དབུལ་བར་བྱའོ། །དེ་ལྟར་ཇི་སྲིད་འབུམ་ཕྲག་གཅིག་གི་མཐར་བྲིས་པའི་གནོད་སྦྱིན་ཐམས་ཅད་རྫུ་འཕྲུལ་སྟོན་པར་བྱེད་དོ། །རས་རིས་འགུལ་བ་དང་།
མེ་ཏོག་གཡོ་བ་ཐུན་མཚམས་སུ་མཐོང་ངོ་། །དེ་ནས་གྲུབ་པར་འགྱུར་ཏེ་གནོད་སྦྱིན་ཐམས་ཅད་དབང་དུ་འགྱུར་རོ། །ནམ་མཁའ་ལ་ཡང་གྲུབ་བོ་ཞེས་པའི་སྒྲ་ཐོས་སོ། །རིག་པ་འཛིན་པའི་མཆོག་སྩོལ་བར་བྱེད་དོ། །ཚོལ་བ་དེ་གནོད་སྦྱིན་གྱི་བཀའ་བྱེད་པར་
འགྱུར་རོ། །མ་གྲུབ་ན་ལས་ཐམས་ཅད་ཀྱི་རྒྱལ་པོར་འགྱུར་རོ། །རྟག་ཏུ་རྨི་ལམ་དུ་གནོད་སྦྱིན་རྣམས་དགེ་བ་དང་མི་དགེ་བ་མཐོང་བ་སྦྱིན་པར་བྱེད་དོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་
ཏིང་ངེ་འཛིན་ལས་ངེས་པར་སྐྱེས་པ་གནོད་སྦྱིན་ཐམས་ཅད་ཀུན་ཏུ་འོང་བ་ཞེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ།། །།དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་འབྱུང་
เล่ม ๙๔ · หน้า 3b
པོའི་བདག་པོ་ལྷའི་བུ་དབང་ལྡན་ལ་སྨྲས་པ། ལྷའི་བུ་རྫུ་འཕྲུལ་ཆེན་པོ་ཅན་ཁྱོད་ཀྱིས་རིགས་བཞིན་དུ་འཇུག་པར་འགྱུར་བ། བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་རྟོག་པའི་རྒྱལ་པོ་ཆེན་པོ་བཤད་པར་བྱའོ། །དེ་ལ་སྔགས་ཀྱི་ཚིག་འདི་རྣམས་ནི་འཇིག་
རྟེན་པ་ཐམས་ཅད་ཀྱི་རིག་པའི་སྔགས་སུ་ཡང་དག་པར་འདོད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨཱི་ཤ་ན་ཀུ་ལ་མ་བཏུ་ཡི་ཥྱ་མི། བྷ་ག་བ་ཏེ། ཨཱརྱ་ཨ་བ་
ལོ་ཀི་ཏེ་ཤྭ་ར་ཏེ་ཛ་ན་ར་ར་ར་ར་ར་བི་པུ་ཙི་བི་པུ་ཙི། བྲ་མ་ཐཱ། པྲ་མ་པྲ་མ་ཐ། པྲ་མ་ཐཱ། གརྫ་གརྫ་གརྫ། ཊི་ཊི་ཊི། ས་ས་ས། ཨུ་ཨུ་ཨུ། ལ་ལ་ལ། ཙ་ཙ་ཙ། ཨཱ་གཙྪ་ཨ་གཙྪ། བྷ་ག་བཱ་ན། ཨཱ་རྱཱ་བ་ལོ་ཀི་ཏེ་ཤྭ་རཱ་ཡ། པ་ར་མ་ཧྲྀ་ད་ཡཾ། དྷཱ་ར་ཡི་ཥྱ་ཏི་ཨི་
ཤྭོ་རཱ་སྱ་བི་པོ་མ་ཏི་ཏྭཱཾ་པྲ་སཱཾ་ཐ། བ་རཾ་ངེ་ཡཾ། སརྦ་སཏྭཱ་ཧི་ཏི། དྷུ་ཏཾ། བ་ར། ཡཀྵ་ཡ། སརྐ་ར། མུ་ནི་མུ་ནི། ཨ་པྲ་ཏི་ཧ་ཏ། བཱི་ཏྱོ་ཀྲྀ་ཏ་ཧ་ཏི་ཀྲྀ་ཏ་ཡཀྵ་ཀྲྀ་ཏ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ་སྭཱ་ཧཱ། དབང་ལྡན་གྱི་རིགས་ཀུན་ནས་འདྲེན་པའི་
སྔགས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཞལ་ནས་གསུངས་པ་ལྷའི་བུ་རྫུ་འཕྲུལ་ཆེན་པོ་རྣམས་ཀྱིས་སྨྲས་པ། ས་སྟེངས་ཀྱི་མི་སེམས་ཅན་གྱི་དོན་འདོད་པ་རྣམས་ཀྱི་འདོད་པ་སྒྲུབ་པའི་དོན་དུ་སྔགས་འདི་རབ་ཏུ་གསུངས་སོ། །གང་འདི་
སྒྲུབ་པའི་སྒྲུབ་པ་པོ་གང་ལ་ལ་དངོས་གྲུབ་འདོད་པ་ལ་ཁྱོད་ཀྱིས་དེ་ལ་མཆོག་སྦྱིན་པར་བྱའོ། །སེམས་ཅན་གྱི་དོན་ལ་བརྩོན་པའི་བསམ་པ་ཅན་བྱེ་བ་ཕྲག་བཅུ་དང་། རང་གིས་རབ་ཏུ་གསུངས་པའི་སྔགས་རྣམས་ས་སྟེངས་སུ་སྒྲུབ་པ་ལ་ལྷ་རྣམས་འགུགས་པ་རབ་
ཏུ་བརྗོད་པའི་སྔགས་འདི་སྟོབས་ཆེན་པོ་སྒྲུབ་པ་དང་། རིག་པ་ཆེན་པོ་རྣམ་པ་སྣ་ཚོགས་པའི་གཟུགས་ཅན་གྱི་སྒྲོལ་མ་དེའི་གཟི་བརྗིད་དང་སྟོབས་སྦྱིན་པར་བྱ་ཞིང་། འབྱུང་པོའི་ཚོགས་ཐམས་ཅད་ཀྱིས་སྐྱོབས་ཤིག །དེ་ནས་འདིའི་སྒྲུབ་པའི་ཆོ་གར་འགྱུར་ཏེ།
เล่ม ๙๔ · หน้า 4a
སྔར་བརྗོད་པའི་ཆོ་གས་རས་ལ་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གསེར་གྱི་མདོག་ལྟར་སྣང་བ། ཕྱག་ན་པདྨ་གཡས་ཀྱིས་མཆོག་སྦྱིན་པ། ཕྱག་གཡོན་པས་པདྨ་བསྣམས་པ། རལ་པའི་ཅོད་པན་འཕྱང་བ། སྤྱི་བོར་
བཅོམ་ལྡན་འདས་འོད་དཔག་མེད་བཞུགས་པའོ། །འཕགས་པ་སྤྱན་རས་གཟིགས་དབང་ཕྱུག་གི་གཡས་སུ་ཡངས་པ་དང་ལྡན་པ་ཞེས་བྱ་བའི་ཏིང་ངེ་འཛིན་གྱི་གཟུགས་ཅན་གྱི་བྱང་ཆུབ་སེམས་དཔའ་ལ་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་བ་
བྲི་བར་བྱའོ། །གཡོན་གྱི་གཞོགས་སུ་དབང་ལྡན་ལ་སོགས་པའི་སེམས་དཔའ་ཆེན་པོ་རྣམས་བྲི་བར་བྱའོ། །གང་གི་ཚེ་མིག་གསུམ་པའོ། །སྔར་བརྗོད་པའི་གནས་སུ་རས་རིས་འདིའི་སྟེང་གི་ཕྱོགས་ཀྱི་ཆ་རྣམས་སུ་བཞག་ནས། ནག་པོའི་བཅུ་བཞི་པ་ནས་
བརྩམས་ཏེ་མཆོད་པའི་ཆོ་ག་བྱ་ཞིང་འདི་ཉིད་ཀྱིས་འབུམ་བཟླས་པར་བྱ་སྟེ་སྔོན་དུ་བསྙེན་པ་བྱས་པར་འགྱུར་རོ། །ཉིན་མཚན་དུ་སྨྱུང་བར་གནས་པ་ནག་པོའི་བཅུ་བཞི་པ་ལ་བྱང་ཆུབ་སེམས་དཔའ་ཐམས་ཅད་ལ་དཀར་པོའི་གཏོར་མ་དབུལ་བར་བྱ་ཞིང་ཨ་ག་རུ་
དང་ཏུ་རུཥྐའི་བདུག་པ་དབུལ་བར་བྱའོ། །འཕགས་པ་སྤྱན་རས་གཟིགས་དབང་ཕྱུག་ལ་འོ་མ་དང་ལྷན་ཅིག་པའི་བདུག་པ་དབུལ་བར་བྱ་ཞིང་ཁ་དོག་ཐམས་ཅད་དུ་སྣང་བ་ཐམས་ཅད་འདོད་པའི་རིགས་ལ་ཞོ་དང་བུ་རམ་གྱི་བཟའ་བ་དང་། གུ་གུལ་གྱི་བདུག་པ་
དབུལ་བར་བྱའོ། །རས་རིས་ཀྱི་ཕྱི་རོལ་དུ་འབྱུང་པོ་ཐམས་ཅད་པའི་གཏོར་མ་དབུལ་ཞིང་། དགེ་སློང་རྣམས་ལ་ཡོན་དང་བཅས་པའི་སྟོན་མོ་དབུལ་ལོ། །ཕྱུགས་བདག་རྣམས་ལ་ཞོ་ཟན་དབུལ་ཞིང་དེའི་ཞི་བ་ཐོབ་པར་བྱའོ། །ཇི་སྲིད་དུ་ཟླ་བ་ཉ་བའི་བར་དུ་དུས་གསུམ་
དུ་སྟོང་ཕྲག་བརྒྱད་བཟླས་པར་བྱའོ། །དེ་ནས་སྲོད་ནས་བརྩམས་ནས་ཇི་སྲིད་དངོས་གྲུབ་ཀྱི་མཚན་མ་དབང་ལྡན་གྱི་མིག་འཕྲོ་བར་བྱེད་པ་དེ་སྲིད་དུ་བཟླས་པ་བྱའོ། །འདིར་དངོས་གྲུབ་ཀྱི་མཚན་མ་བྱུང་བ་དེ་ནས་མེ་ཏོག་ཕྲེང་བ་དབུལ་བར་བྱ་ཞིང་། གུ་གུལ་གྱི་
เล่ม ๙๔ · หน้า 4b
བདུག་པ་དབུལ་ལོ། །གང་དཀའ་ཐུབ་པ་རྣམས་ཀྱིས་ཇི་ལྟར་བྱུང་བ་ཟོས་ནས་ཡོན་དབུལ་བར་བྱའོ། །དེ་ནས་ཐམས་ཅད་བྱེད་དོ། །མེ་ཏོག་གམ། འབྲས་བུའམ། དྲི་དང་། གོས་ལ་སོགས་པ་ལ་མངོན་པར་བསྔགས་ནས་གང་ལ་བྱིན་པ་དེ་བྲན་ཉིད་དུ་ཉེ་བར་
གནས་སོ། །རྒྱལ་སྲིད་ཀྱི་ལོངས་སྤྱོད་འདོད་ན་རས་རིས་ཀྱི་སྤྱན་སྔར་ཞོ་དང་མར་དང་འོ་ཐུག་གིས་སྦྱིན་སྲེག་བྱ་སྟེ། འབུམ་ཕྲག་གཅིག་གི་མཐར་རིག་པ་འཛིན་པའི་གཙུག་ཕུད་འབར་བར་འགྱུར་རོ། །ཆད་པ་དབང་དུ་བྱ་བར་འདོད་ན་རས་རིས་ཀྱི་སྤྱན་སྔར་མཚན་
མོ་གསུམ་ཐུན་གསུམ་དུ་ཏིལ་དང་། ཏིལ་གྱི་ཐུག་པའི་སྦྱིན་སྲེག་བྱས་ན་དབང་དུ་འགྱུར་རོ། །བུ་མོ་དབང་དུ་བྱ་བར་འདོད་ན་རས་རིས་ཀྱི་སྤྱན་སྔར་མཚན་མོ་གསུམ་ཐུན་གསུམ་དུ་དང་པོ་བཙས་པའི་འོ་མའི་སྦྱིན་སྲེག་སྟོང་ཕྲག་བརྒྱད་བྱས་ན་རྙེད་དོ། །ཕྱུགས་ཀྱི་བདག་
པོ་རྣམས་དབང་དུ་བྱ་བར་འདོད་ན་ཐལ་བའི་སྦྱིན་སྲེག་བྱས་ན་དབང་དུ་འགྱུར་ཏེ། ཞག་བདུན་ཐུན་གསུམ་དུ་སྟོང་ཕྲག་བརྒྱད་བཟླས་ན་དེ་ཇི་སྲིད་འཇིག་རྟེན་པའི་ལས་ལས་འདས་པ་རྣམ་པ་སྣ་ཚོགས་པའི་སའི་སྟེང་གི་མི་རྣམས་ཀྱི་ཏིང་ངེ་འཛིན་ཐམས་ཅད་བྱེད་དེ། སྔགས་འདི་
ལ་ཐེ་ཚོམ་མེད་དོ། །འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ་དབང་ལྡན་གྱི་རིགས་ཀུན་ཏུ་འོང་བའི་རིག་པའི་རྒྱལ་པོ་ཆེན་པོ་རྫོགས་སོ།། །།དེ་ནས་བྱང་ཆུབ་སེམས་
དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ་སེམས་ཅན་ལ་རྗེས་སུ་བརྩེ་བས་བཅོམ་ལྡན་འདས་མ་རྟོག་པའི་རྒྱལ་པོ་ཆེན་པོར་འཇུག་པར་བྱེད་བཞིན་པ་ཞེས་བྱ་བའི་རིག་པའི་རྒྱལ་པོ་རྗེས་
སུ་དྲན་ནས་གསུངས་པ། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བིདྱཱ་རཱ་ཛཱ་ཡ། ཏདྱ་ཐཱ། བི་ཤུདྡྷ་པྲ་བ། ཀཪྵ་ཀརྵ་བྷ་ཤི་ཥེ་བི་དྱཱ་དྷ་ར་གུ་ཧྱེ་ཀ་མ་ནུ་སྨཱ་ར་བུདྡྷ་སཏྱེ་ན་དྷརྨ་སཏྭཱ་ན། སཾ་གྷ་སཏྱེ་ན། ཨཱརྱ་ཨ་བ་
เล่ม ๙๔ · หน้า 5a
ལོ་ཀི་ཏེ་ཤྭ་ར་སཏྭེ་ན། སིདྷྱ་ནྟཱ་མེ་མནྟྲ་པ་དཱ་ཕཊ་ཕཊ་ཡཱ། །མུ་ནི་མུ་ནཱ་ཡ། ས་མ་ཐ་ས་མཱ་ཡ། ཨུདྡྷ་རཾ་ཏེ་ཀོ་ཀ་རཱ་ནྟེ་མ་ནུ་སྨཱ་ར་ཊ། ཧྲྀ་ད་ཏ་ས་ཀཱ་རཱ་ཊོ་ཊཾ། ཀ་ཊ་ཊེ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་འཇུག་པར་བྱེད་བཞིན་པ་ཞེས་བྱ་བའི་རིག་པའི་རྒྱལ་
པོ་ཆེན་པོ་བཟླས་པས་གདུག་པ་དེ་ཐམས་ཅད་འཇིགས་པར་བྱེད་པ། གདོན་དང་རིག་པ་ཐམས་ཅད་ཟློག་པར་བྱེད་པ། མདོར་ན་རེ་བ་ཐམས་ཅད་ཡོངས་སུ་རྫོགས་པར་བྱེད་པའོ། །དེ་ནས་འདིའི་སྒྲུབ་པ་འབྱུང་བར་འགྱུར་ཏེ། བཅོམ་ལྡན་འདས་སྤྱན་རས་གཟིགས་
དབང་ཕྱུག་འདྲིར་གཞུག་པར་བྱ་སྟེ། སྐུ་མདོག་དཀར་པོ། རལ་པ་དུད་ཁ། བཞིན་རབ་ཏུ་འཛུམ་པ། ཕྱག་གཡས་པས་མཆོག་སྦྱིན་པ། ཕྱག་གཡོན་པས་པདྨ་བསྣམས་པ། གསེར་གྱི་ཐེམ་སྐས་བཟང་པོ་ལ་འཇུག་བཞིན་པ་བྲི་བར་བྱའོ། །ངང་པ་དང་།
བྱ་ཀུ་ར་བ་དང་། ངུར་པ་དང་། ཤང་ཤང་ཏེའུ་དང་། ནེ་ཙོ་ལ་སོགས་པ་རབ་ཏུ་བསྔགས་པའི་བྱ་རྣམས་གཡས་ཀྱི་གཡས་སུ་འཇུག་པ་སྐོར་བ་བྱེད་པ་བྲི་བར་བྱའོ། །མིའམ་ཅི་གཉིས་གླུ་ལེན་བཞིན་པ་བྲི་བར་བྱ་སྟེ། གཡོན་པས་རྣ་བ་འགེབས་པ་བྲི་བར་བྱའོ། །
སྒྲུབ་པ་པོ་ཡང་འོག་ཏུ་ཁ་ཕྱོགས་པ་སྤོས་ཕོར་ལག་ན་ཐོགས་པ། བཅོམ་ལྡན་འདས་འཇུག་པར་བྱེད་བཞིན་པ་ལ་ལྟ་བར་བྱེད་པ། པུས་མོ་བཙུགས་པ། གཡས་ཀྱི་འོག་ཏུ་བྱང་ཆུབ་སེམས་དཔའི་ལུས་ལས་འོད་ཀྱིས་མནན་པ་བྲི་བར་བྱའོ། །རྣམ་པ་དེ་
ལྟ་བུའི་རས་རིས་འདྲིར་བཅུག་ནས། སྔར་བརྗོད་པའི་གནས་སུ་རས་རིས་བཞུགས་སུ་གསོལ་ཏེ། ཡང་དག་པར་བརྩམ་པར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་ར་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་སཏྭཱ་ཡ། ཛཱ་ཏི་ཧུ་ཏི་མ་མ་ཨ་བ་ཏཱ་དྱ་སྭཱ་ཧཱ།
དཀྱིལ་འཁོར་གྱི་སྔགས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ་མུ་ནེ་མུ་ནེ་སྭཱ་ཧཱ། འདིས་ཐམས་ཅད་བྱེད་པ་སྟེ། འབུམ་ཕྲག་ལྔར་བཟླས་བ་བྱའོ། །སྔོན་དུ་བསྙེན་པ་བྱས་པར་འགྱུར་རོ། །མཐར་ཞོ་དང་
เล่ม ๙๔ · หน้า 5b
སྦྲང་རྩི་དང་མར་གྱིས་བཏགས་པའི་པདྨ་སྟོང་ཕྲག་བརྒྱར་སྦྱིན་སྲེག་བྱའོ། །མཐར་ཉིན་མཚན་དུ་སྨྱུང་བར་གནས་པ་སྟེ། དཔག་ཏུ་མེད་པ་བཟླས་པས་དངོས་གྲུབ་ཀྱི་མཚན་མ་རས་རིས་རབ་ཏུ་འགུལ་ན་ས་ཆེན་པོའི་བདག་པོར་འགྱུར་རོ། །མི་འགུལ་ན་ཡུལ་
གྱི་བདག་པོར་འགྱུར་རོ། །རྟག་ཏུ་བཟླས་པས་གཏེར་མཐོང་བར་འགྱུར་རོ། །རས་རིས་ཀྱི་སྤྱན་སྔར་པདྨ་འབུམ་ཕྲག་བཅུ་དབུལ་བར་བྱ་སྟེ་གྲོང་རྙེད་དོ། །སྟོང་ཕྲག་སུམ་ཅུ་དབུལ་བར་བྱ་སྟེ་གྲོང་ལྔ་རྙེད་པར་འགྱུར་རོ། །རིག་པའི་རྒྱལ་པོའི་སྦྱོར་བས་རྟག་ཏུ་
འདོད་ཅིང་དྲན་པར་བྱེད་ན་དེ་དབུལ་བར་མི་འགྱུར་རོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་བྱུང་བའི་འཇུག་པར་བྱེད་བཞིན་པ་རིག་པའི་རྒྱལ་པོ་ཆེན་པོ་ཡོངས་སུ་རྫོགས་
སོ།། །།དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་པས་བཅོམ་ལྡན་འདས་ལ་རྟོག་པའི་རྒྱལ་པོ་ཆེན་པོ་ཡི་གེ་བཅུ་པ་ཞེས་བྱ་བའི་རིག་པའི་
རྒྱལ་པོ་ཆེན་པོར་དོན་ཆེན་པོ་རྨད་དུ་བྱུང་བ་སངས་རྒྱས་བྱེ་བ་ཕྲག་བཅུས་རྗེས་སུ་ཡི་རང་བར་མཛད་པ། ཕྲ་མོ་ཐམས་ཅད་སེལ་བར་བྱེད་པ། སེམས་ཅན་ཐམས་ཅད་སྲུང་བར་བྱེད་པའི་སྔགས་ཀྱི་རྒྱལ་པོ་ཆེན་པོ་གསུངས་པར་གྱུར་ཏོ། །ན་མོ་རཏྣ་ཏྲ་ཡཱ་ཡ།
ན་མ་ཨཱརྱ་ཨ་བ་ལོ་ཀི་ཏེ་ཤྭ་ར་ཡ། བོ་དྷི་སཏྭཱ་ཡ། །མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀ་ཡ། ཏདྱ་ཐཱ། ཨོྃ་གྷཊྚ་ནི་ཕུ་མ་ཏ་ན་སྭཱ་ཧཱ། འདི་ནི་མཐུ་ཆེན་པོ་ཐོབ་པ་ཡི་གེ་བཅུ་པ་ཞེས་བྱ་བའི་རིག་པའི་རྒྱལ་པོ་ཆེན་པོ་ཐོགས་པ་མེད་པ་ལས་ཐམས་ཅད་པ། སངས་རྒྱས་བྱེ་
བ་ཕྲག་བཅུས་གནང་བ། མངོན་པར་མཛེས་པ་སྲུང་བ་ལ། རྟག་པ་ཁོ་ནར་མཆོད་པ་བྱའོ། །དེ་ནས་འདི་སྒྲུབ་པའི་མཆོད་པར་འགྱུར་ཏེ། རིང་བསྲེལ་དང་བཅས་པའི་མཆོད་རྟེན་ལ་ཇི་ལྟར་འབྱོར་པའི་མཆོད་པ་བྱས་ནས་འདི་ཉིད་ཀྱི་དྲི་དང་བདུག་པ་ལ་སོགས་ཕུལ་ནས་
เล่ม ๙๔ · หน้า 6a
བྱེ་བ་བཟླས་པར་བྱའོ། །རྒྱལ་སྲིད་ཆེན་པོ་རྙེད་དོ། །འབུམ་ཕྲག་བཅུར་བཟླས་ན་གསེར་སྟོང་རྙེད་དོ། །མཆོད་རྟེན་གྱི་དྲུང་དུ་དཀྱིལ་འཁོར་སྟོང་ཉེ་བར་བྱུགས་ནས་དྲི་དང་བདུག་པ་ལ་སོགས་པ་ཕུལ་ཏེ་འབུམ་བཟླས་ན་གང་འདོད་པའི་རྒྱལ་
པོ་དེ་དབང་དུ་འགྱུར་རོ། །ཆུ་ཀླུང་ཆེན་པོ་དང་། ཆུ་གླིང་དང་། མཆོད་རྟེན་བདེ་བར་གཤེགས་པའི་མཐོ་གང་གི་ཚད་ལ་འབུམ་ཕྲག་གསུམ་བཟླས་པ་བྱའོ། །རྒྱལ་སྲིད་ཆེན་པོ་རྙེད་དེ་དོན་ཆེན་པོ་ཡང་དག་པར་འགྱུར་རོ། །གང་ཞིག་སྔགས་འདི་རྟག་ཏུ་དྲན་
པར་བྱེད་པ་དེ་ནི་སངས་རྒྱས་བྱེ་བ་ཕྲག་བཅུས་རྗེས་སུ་ཡི་རང་ཞིང་། རབ་ཏུ་བསྔགས་ལ་ཐམས་ཅད་དུ་སོན་པའོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ་
ཡི་གེ་བཅུ་བ་ཞེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ་སྤྱི་བོར་མངོན་པར་
དབང་བསྐུར་བ་ཞེས་བྱ་བའི་རིག་པའི་རྒྱལ་པོ་ཆེན་པོ་བཅོམ་ལྡན་འདས་མ་འཕགས་མ་སྒྲོལ་མའི་རྟོག་པའི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མོ་ཨཀྵོ་བྷྱ་ཡ། ཏདྱ་ཐཱ། ན་མོ་བི་མུཀྟ། དརྵ་ནཱ་ཡ། ཏ་ཐཱ་ག་ཏཱ་ཡ། ན་མོ་གམྦྷི་ར་གྷོ་ཥ་ཡ།
ཏ་ཐཱ་ག་ཏཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཀུ་མཱ་རི། ཀུ་མཱ་རི། མ་ནོ་ཛ་བེ་ཥུ་ནཱ་ཛ་ཡེ། ཤ་ར་ད་བི་ཛ་ཡཱ་ཡ། དུཾ་དུ་བྷི་སྭ་རཱ་ཡ། དེ་བི་དེ་བི་དེ་བི་པཱུ་ཛི་ཏཱ་ཡ། ན་མ་སྐྲྀ་ཏ་གརྫ་ཏཱ་
ཡ། ར་ར་ལ་ལ་ཁ་གཱ་ཡ་སྭཱ་ཧཱ། བ་རུ་ཎཱ་ཡ་སྭཱ་ཧཱ། ཨ་པྲ་ཏི་ཧ་ཏ། བ་ད་ནཱ་ཡ་སྭཱ་ཧཱ། བྲཧྨ་ཤྭ་ར་གྷོ་ཥ་རུ་ཏྲ་ཡ་སྭཱ་ཧཱ། བི་ས་ཏི། ས་ཏི་རཱ་ཛཱ་ཡ་སྭཱ་ཧཱ། ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། མཱུརྡྷཱ་ནཱ་བ་ར་ཎ་སྭཱ་ཧཱ། མ་མ་ཀརྱཾ་ཀུ་རུ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་སྤྱི་
เล่ม ๙๔ · หน้า 6b
བོར་མངོན་པར་དབང་བསྐུར་བ་ཞེས་བྱ་བའི་རིག་པའི་རྒྱལ་པོ་ཆེན་པོར་བདག་གི་སྤྱི་བོར་སྐྱེས་པ་སངས་རྒྱས་བྱེ་བ་ཕྲག་དུ་མས་གསུངས་པ། སངས་རྒྱས་དུ་མའི་ཕྱག་གིས་མངོན་པར་དབང་བསྐུར་བར། མངོན་པར་བསྐུར་བ། དེ་བཞིན་གཤེགས་པ་འོད་དཔག་
མེད་ཀྱི་གནས་སུ་གྱུར་པ། ལས་ཕྲན་ཚེགས་ཐམས་ཅད་མྱུར་དུ་བཀླགས་པས་གྲུབ་པའོ། །དེ་ནས་འདིའི་སྒྲུབ་ཐབས་ཀྱི་ཆོ་གར་འགྱུར་ཏེ། རིང་བསྲེལ་དང་བཅས་པའི་མཆོད་རྟེན་གྱི་དྲུང་དུ་གསོ་སྦྱོང་ལ་གནས་པས་འབུམ་བཟླས་སོ། །གླགས་ཚོལ་
བ་ཐམས་ཅད་ལས་རྣམ་པར་གྲོལ་བར་འགྱུར་རོ། །རྒྱུ་སྐར་ས་གའི་ཉི་མ་ལ་རིང་བསྲེལ་དང་བཅས་པའི་མཆོད་རྟེན་ལ་དྲི་དང་། མེ་ཏོག་ལ་སོགས་པ་ཕུལ་ནས་ཁ་ཚར་མ་བཅད་པའི་རས་ལ་འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ།
རལ་པ་གྱེན་དུ་བརྫེས་པ། པདྨ་ལ་བཞུགས་པ། བཅོམ་ལྡན་འདས་འོད་དཔག་མེད་ཐུབ་པ་ལ་ཐལ་མོ་སྦྱར་ནས་ཕྱག་འཚལ་བར་བྱེད་བཞིན་པ་བྲི་བར་བྱའོ། །རིག་པ་འཛིན་པ་ལག་ན་སྤོས་ཕོར་ཐོགས་པ་བཅོམ་ལྡན་འདས་ལ་ལྟ་བར་བྱེད་བཞིན་པའོ། །རྣམ་
པ་དེ་ལྟ་བུ་ཕྱོགས་སམ་ཉིན་ཞག་བཅུ་གཉིས་ཀྱི་ནང་དེར་འདྲིར་གཞུག་པར་བྱའོ། །རྣམ་པ་དེ་ལྟ་བུའི་རས་རིས་འདྲིར་བཅུག་ནས་མཆོད་རྟེན་གྱི་དྲུང་དུ་རས་རིས་བཞུགས་སུ་གསོལ་ཏེ། དེ་ལ་འདི་ཉིད་ཀྱིས་ཐམས་ཅད་བྱས་ལ་འབུམ་ཕྲག་ལྔ་བཟླས་པར་བྱའོ། །
མཐར་མཚན་མོ་སྨྱུང་བར་གནས་ཏེ་རས་རིས་ལ་མཆོད་པ་ཆེན་པོ་བྱས་ནས་སྣ་མའི་མེ་ཏོག་སྟོང་ཕྲག་བརྒྱད་ལ་རེ་རེ་ལ་ཡོངས་སུ་བཟླས་ནས་བཅོམ་ལྡན་འདས་ཀྱི་ཞབས་ལ་བསྣུན་པར་བྱའོ། །དེ་ལྟ་བུ་ཐུན་གསུམ་དུ་འབུམ་ཕྲག་གཅིག་བྱས་པའི་མཐར་བཅོམ་ལྡན་
འདས་ཀྱིས་མཆོག་སྩོལ་བར་འགྱུར་རོ། །གལ་ཏེ་རིག་པ་འཛིན་པ་ཉིད་ལུས་འབར་བར་བྱེད་དམ། རས་རིས་འགུལ་བ་དང་ལྡེག་པ་དང་མར་མེའི་རྩེ་མོ་འཕེལ་ན་རྒྱལ་སྲིད་དོ། །གལ་ཏེ་སྒྲུབ་པ་བྱེད་པར་འདོད་ན་ཐོས་པ་འཛིན་པ་ཉིད་དམ། སྨྲ་བའི་མཆོག་
เล่ม ๙๔ · หน้า 7a
ཉིད་དམ། མིག་སྨན་དང་། ལྡོང་རོས་དང་། གི་ཝང་ལ་བྱས་པ་རས་རིས་ཀྱི་སྤྱན་སྔར་ཐམས་ཅད་སྒྲུབ་པར་བྱེད་ན་དངོས་གྲུབ་རྣམ་པ་གསུམ་དུ་འགྱུར་རོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་
ལྡན་པའི་ཏིང་ངེ་འཛིན་ལས་སྐྱེས་པ་སྤྱི་བོར་མངོན་པར་དབང་བསྐུར་བ་ཞེས་བྱ་བའི་རྟོག་པའི་རྒྱལ་པོ་ཆེན་པོ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་
འཛིན་གྱི་རྒྱལ་པོ་གསུངས་ནས། བཅོམ་ལྡན་འདས་མ་རྟོག་པའི་རྒྱལ་པོ་ཆེན་པོར་འོད་དང་ལྡན་པའི་མཚན་ཉིད་ཞེས་བྱ་བའི་རིག་པའི་རྒྱལ་པོ་ཆེན་པོ་འདི་གསུངས་སོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ན་མོ་བི་པ་ཤྱཱཾ། ཤི་ཁཱི། བི་ཤྭ་བྷུཿན་མ་ཨཱརྱ་ཨ་བ་
ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། མ་ཧཱ་ཤཱནྟ་པྲ་བྷཱ་ཡ། པྲ་མུ་དི་ཏ། ཀཱ་པ་ཙ་ནཱ་ཡ་ནི་ཏྱོ་ཏཱ་བ། ཙིཏྟ་ཡ། བྷ་ག་བཱ་ན་ཧྲྀ་ད་ཡ་མ་ནུ་སྨ་ར། ཨ་ཙི་ཤྨ་ཏྱཾ་ལོ་ཀཱ་དྷཱ་ཏོ། །སརྦ་བོ་དྷི་སཏྭཱ་སརྵ་ཏྨ་དྷྱེ་བྷཱ་ཥི་ཏཾ། བུཎྜྷ་སཏྱཾ། དྷརྨ་སཏྱཾ། སཾགྷ་
སཏྱཾ། ཨ་ནཱ་གྷ་མི་སཏྱཾ། སྲོ་ཏ་ཨཱ་བ་ནྣི་སཏྱཾ། ཡཀྵ་སཏྱཾ། ཀུཤྨཱ་ཎྜཱ་སཏྱཾ། བཱུརྦ་བོ་དྷི་སཏྭཱཾ། ཧྲྀ་ད་ཡ་མ་ནུ་སྨ་ར་ཧེ་ཧེ་ཧེ་ཧེ་ཧེ་ཏྭེ་ཏྭེ་ཏྭེ་ཏྭེ་ཏྭེ་ར་ར་ར་ར་ར་ལ་ལ་ལ་ལ་ལ་ཨོྃ་ཀཱ་ར་པྲ་བྷེ་བྷེ་བྷྱཾ་པཉྩ་ཡ་བྷ་ཤྲི་ཏཾ་ཀལྤ་སརྦ་བུདྡྷ་ས་རཱ་ཛ་ཏཾ་ཏྭ་མེ་བ། རཀྵཾ་བཾ་ད་ཏྭཱ་སི་ར་སྭ་པྲ་ཎཱ་མྱ་ཧཾ་ཁ་ག་ཁ་ག །
བི་ཛ་ཨ་ས་ར་ཛ་ཏི་ཡ་སྭཱ་ཧཱ། ཨ་བ་ལོ་ཀི་ཏེ་ཤྭ་རཱ་བི་ཛ་ཡ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་འོད་ཟེར་དང་ལྡན་པ་ཞེས་བྱ་བའི་རིག་པའི་རྒྱལ་པོ་ཆེན་པོ་ལས་ཕྲན་ཚེགས་རྣམས་ཐམས་ཅད་བཀླགས་པས་གྲུབ་པའོ། །དེ་ནས་འདིའི་སྒྲུབ་ཐབས་སུ་འགྱུར་ཏེ། རིང་བསྲེལ་
དང་བཅས་པའི་མཆོད་རྟེན་གྱི་དྲུང་དུའམ། རིའི་རྩེ་མོའམ། རྒྱ་མཚོར་འགྲོ་བའི་ཆུ་ཀླུང་གི་འགྲམ་མམ། ཆུའི་དབུས་སམ། གླིང་དུ་འོ་མ་དང་ཟན་ཟ་བས་འདི་ཉིད་ཀྱིས་ཐམས་ཅད་བྱས་ལ་འབུམ་བཟླ་བར་བྱ་སྟེ་སྔོན་དུ་བསྙེན་པ་བྱས་པར་འགྱུར་རོ། །དེ་ནས་མིག་
เล่ม ๙๔ · หน้า 7b
སྨན་དང་ལྡོང་རོས་དང་གི་ཝང་སྟེ་དེ་རྣམས་གཅིག་ཏུ་བྱས་ལ་ཨ་ཤྭཏྠའི་འདབ་མས་བཏུམས་ཏེ་རིང་བསྲེལ་དང་བཅས་པའི་མཆོད་རྟེན་ལ་མཆོད་པ་བྱས་ནས་ཐུན་གསུམ་དུ་ཀུ་ཤའི་ཁྲེས་ལ་ཉེ་བར་འདུག་སྟེ་རྫས་ལ་ཉི་མ་ཉི་ཤུ་རྩ་གཅིག་ཁོ་ནར་བཟླས་པར་བྱའོ། །དྲོ་བར་
གྱུར་པ་དང་། དུ་བ་འཐུལ་བ་དང་། འབར་བར་གྱུར་ན་གྲུབ་པ་ཡིན་ཏེ། དང་པོས་ནི་དབང་དུ་བྱེད་དོ། །གཉིས་པས་ནི་མི་སྣང་བར་འགྱུར་རོ། །གསུམ་པས་ནི་ནམ་མཁའ་ལ་འགྲོའོ། །རས་རིས་རབ་ཏུ་འགུལ་ན་རྒྱལ་སྲིད་རྙེད་དོ། །བཅོམ་ལྡན་འདས་མ་
འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ་འོད་ཟེར་དང་ལྡན་པ་ཞེས་བྱ་བའི་རྟོག་པའི་རྒྱལ་པོ་ཆེན་པོ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་
རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་པར་བྱེད་བཞིན་དུ་བཅོམ་ལྡན་འདས་མ་རིག་པའི་རྒྱལ་མོ་ཆེན་པོར་རྟོག་པའི་རྒྱལ་པོར་པདྨ་ཀུན་ཏུ་སྣང་བ་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ། ན་མཿསུ་བརྣ་བ་བྷ་
སཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྨྱ་ཀྶཾ་བུདྡྷཱ་ཡ། བེཥྚི་ཀོ་ཊི་ཡཀྵ་པ་རི་བྲི་ཏི་ཡ་ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨུཏྡྡྷ་ཛྫ་ཊ། པྲ་ཛྭ་ལི་ཏ་ཡ། པདྨ་ཨ་བྷཱ་སཿཏ་ཐཱ་ག་ཏཱ་བ་ཙ་ནེ་ན་ཏྭ་ཡ་བྷ་ཤཱི་ཏཾ།
ཀལྤཾ། སརྦ་ཀྵཱ་ཡ། ཀཱིརྟ་ནཱ་ཡ། སརྦ་སཏྭཱ་ཧི་ཏ། ཨ་ནུ་ཀརྟ། སརྦ་སཏྭཱ་པ་ར་ཛི་ཏཱ་ཡ། སརྦ་སཏྭཱ་ཧི་ཏཱརྠཱ་ཡ། སརྦ་སིདྡྷཱ། ཙ་ཏཱ་ཡ་ག་ནིཿན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། ཏདྱ་ཐཱ། དྷ་མ་ནི་དྷ་མ་ནི། བྷུ་རྦྷུ་བ། ཨོྃ་ཨོྃ་ཨོྃ་ཨོྃ། །བི་པུ་རི་རི། པུ་ནེ་སྭཱ་ཧཱ། བི་ཛ་
ཡ་པ་ཊ་པ་ཊ་ཀཱ་ར་སྭཱ་ཧཱ། མ་ཧཱ་ཡ་ཤ་ཨ་ནུ་མུ་ནེ་སྭཱ་ཧཱ། ཨ་པྲ་ཏི་ཧ་ཏ་པ་ཙ་ནེ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་པདྨ་ཀུན་དུ་སྣང་བ་ཞེས་བྱ་བའི་རིག་པའི་རྒྱལ་པོ་ཆེན་པོ་པདྨ་ཀུན་ཏུ་སྣང་བས་དེ་བཞིན་དུ་བདག་གི་སྙིང་པོ་འདི་གང་དེ་དྲན་པ་ཙམ་གྱིས་འདིའི་འཇིགས་པ་
เล่ม ๙๔ · หน้า 8a
ཆེན་པོ་ཐམས་ཅད་མེད་པར་འགྱུར་རོ། །གང་ཡང་ཉིན་མཚན་གསུམ་དུ་འདི་བྱས་ནས་དེ་ཡུན་རིང་པོ་ནས་མཚམས་མེད་པ་ལྔ་བྱས་པ་ཐམས་ཅད་ཡོངས་སུ་སྦྱོང་བར་འགྱུར་རོ། །རྣམ་པ་སྣ་ཚོགས་པའི་རྨི་ལམ་མཐོང་བར་འགྱུར་རོ། །སྒྲུབ་
ཐབས་ཀྱི་ཆོ་ག་ནི་རིང་བསྲེལ་དང་བཅས་པའི་མཆོད་རྟེན་ལ་དྲི་དང་བདུག་པ་ལ་སོགས་པ་ཕུལ་ནས་འབུམ་ཕྲག་གསུམ་བཟླས་པར་བྱའོ། །མཐར་མཚན་མོ་སྨྱུང་བར་གནས་པས་ཟླ་བ་བཅུ་གཉིས་སུ་འོ་མ་བཅུ་གཉིས་དང་། ཞོ་བཅུ་གཉིས་དང་། བུམ་པ་གང་བ་བཅུ་
གཉིས་དང་། སྦྲང་རྩིའི་བུམ་པ་བཅུ་གཉིས་དང་། ཏིལ་དང་ཐུག་པའི་བུམ་པ་བཅུ་གཉིས་དང་། ཀུཥྨཱ་ཎྜའི་ཁམ་ཕོར་བཅུ་གཉིས་སུ་བདུག་པ་དང་། ཁམ་ཕོར་བཅུ་གཉིས་སུ་པདྨ་དང་། སློང་མོའི་ཟས་བཅུ་གཉིས་བཟའ་བར་བྱའོ། །དེ་ནས་སྲོད་དེར་དེ་ལྟ་བུ་ལ་སོགས་
པའི་མཆོད་པའི་ཆོ་ག་བྱས་ནས་དེ་ནས་གུར་གུམ་བྱུགས་ལ་དེར་ཨུཏྤལ་སྔོན་པོའི་ཁ་དོག་དང་མཚུངས་པའི་སྣ་མའི་མེ་ཏོག་གི་ཕྲེང་བ་ཕུལ་ནས་མཆོད་རྟེན་གྱི་སྤྱན་སྔར་ནག་པོའི་བཅུ་བཞིའམ། ཟླ་བ་ཉ་བ་ལ་ལག་པ་གཡས་པས་རལ་གྲི་བཟུང་ནས་ཀུ་ཤའི་ཁྲེས་ལ་ཉེ་བར་
འདུག་སྟེ་སྟོང་ཕྲག་བརྒྱད་བཟླས་པར་བྱའོ། །མཐར་གྲུབ་པའི་མཚན་མ་ནམ་མཁའ་ནས་ལེགས་སོ་ལེགས་སོ་ཞེས་བྱ་བའི་ཚིག་ཐོས་པར་འགྱུར་རོ། །དེ་ནས་རལ་གྲི་འབར་བར་འགྱུར་ཏེ་སྐད་ཅིག་དེ་ཉིད་ལ་ལྷའི་ལུས་འཁོར་དང་བཅས་པར་འགྱུར་རོ། །བསྐལ་པ་ཆེན་
པོར་གནས་སོ། །དེ་ནས་རལ་གྲི་འགུལ་ལམ། མཆོད་རྟེན་གཡོ་བར་བྱེད་ན་མིའི་རྒྱལ་པོར་འགྱུར་རོ། །ཡང་ན་གང་འདོད་ཅིང་དོན་དུ་གཉེར་བ་དེ་འགྲུབ་སྟེ། དངོས་གྲུབ་ཀྱི་ཡུལ་རྙེད་དོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་
བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་ལས་ངེས་པར་སྐྱེས་པ་པདྨ་ཀུན་ཏུ་སྣང་བ་ཞེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་
เล่ม ๙๔ · หน้า 8b
ཕྱུག་སླར་ཡང་ཡངས་བ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ་བཅོམ་ལྡན་འདས་མ་རིག་པའི་རྒྱལ་པོ་ཆེན་པོ་རྟོག་པའི་རྒྱལ་པོ་ཆེན་པོར་དཔེ་བྱད་བརྒྱད་ཅུས་རྗེས་སུ་བྱེད་པ་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་
ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨོྃ་དྲི་ཛ་ཊཱ་ཡ། ན་མཿཀ་མཎྜ་ལུ་ཧ་སྟཱ་ཡ། ན་མཿཔདྨ་བི་བྷུ་ཥི་ཏཱ་ཡ། ན་མཿཔདྨ་ཡཱ་ནཱ་ཡཱ། ན་མཿཔདྨ་ཧ་སྟཱ་ཡཱ། ན་མོ་མཎྜ་ལ་ཤི་ཁཱ་ཡ། ན་མོ་ཨ་ཤཱི་ཏྱ་ནཱུ་བྱཾ་ཛ་ན། ལཀྵ་ཎཱ་ཡ། ན་མོ་
ཨ་སུ་རཱ། རེ་ཀུཉྩི་ཏཱ་ཡ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དཔེ་བྱད་བརྒྱད་ཅུའི་རྗེས་སུ་བྱེད་པ་ཞེས་བྱ་བའི་རིག་པའི་རྒྱལ་པོ་ཆེན་པོ་སྒྲོལ་མའི་རྟོག་པ་དོན་ཆེན་པོ་སྦྱིན་པ་སྟེ་གང་ལ་ལ་འདི་དྲན་པར་བྱེད་པ་དེའི་དོན་ཐམས་ཅད་གྲུབ་པར་འགྱུར་རོ། །དེ་ནས་འདིའི་སྒྲུབ་ཐབས་
ཀྱི་ཆོ་ག་ནི་རྒྱ་མཚོར་འགྲོ་བའི་ཆུ་ཀླུང་ངམ། ཆུ་གླིང་ངམ། རྒྱ་མཚོའི་ཆུ་གླིང་དུ་གང་བདེ་བར་གཤེགས་པའི་མཐོ་གང་གི་ཚད་ཀྱི་བྱེ་མའི་རང་བཞིན་གྱི་མཆོད་རྟེན་བྱས་ཏེ། སྲོག་ཤིང་བཙུགས་ནས་དྲི་དང་བདུག་པ་ལ་སོགས་པ་ཇི་ལྟར་འབྱོར་པས་རེ་རེའི་སྤྱན་
སྔར་སྟོང་ཕྲག་བརྒྱད་བཟླས་བར་བྱའོ། །ཇི་སྲིད་དུ་མཆོད་རྟེན་སྟོང་ཕྲག་བརྒྱད་པོ་རྫོགས་ཀྱི་བར་དུའོ། །གལ་ཏེ་ཕྱིས་མཆོད་རྟེན་འབར་ནས་ཆེན་པོའི་བདག་པོར་འགྱུར་རོ། །དེ་ནས་འབར་ན་གྲུབ་པར་འགྱུར་རོ། །དེ་ནས་ལས་ཐམས་ཅད་དུ་འགྱུར་རོ། །
རྒྱལ་པོ་འམ། རྒྱལ་པོའི་བློན་པོའམ། བུད་མེད་དམ། སྐྱེས་པ་དབང་དུ་བྱ་བར་འདོད་ན་མཆོད་རྟེན་གྱི་སྤྱན་སྔར་དྲི་ལ་སོགས་པ་ཕུལ་ནས་སྟོང་ཕྲག་བརྒྱད་བཟླས་པ་བྱའོ། །ཉི་མ་བདུན་ཐུན་གསུམ་དུ་བྱས་ན་དགའ་བར་འགྱུར་རོ། །གང་བླངས་པ་དེ་རྙེད་དོ། །
འཇིགས་པ་ལ་དམ་ཚིག་ལ་གནས་ཏེ་བཟླས་པ་བྱས་ན་འཇིགས་པ་མེད་པར་འགྱུར་རོ། །ལས་ཕྲ་མོ་རྣམས་བཀླགས་པ་ཙམ་གྱིས་གྲུབ་སྟེ། ལས་ཐམས་ཅད་བྱེད་དོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་
เล่ม ๙๔ · หน้า 9a
པའི་ཏིང་ངེ་འཛིན་ལས་ངེས་པར་སྐྱེས་པ་དཔེ་བྱད་བརྒྱད་ཅུའི་རྗེས་སུ་བྱེད་པ་ཞེས་བྱ་བའི་རིག་པའི་རྒྱལ་པོ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཡངས་པ་དང་ལྡན་
པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ། བཅོམ་ལྡན་འདས་མ་རྟོག་པའི་རྒྱལ་པོ་ཆེན་པོ་ཡོན་ཏན་གྱི་རྒྱན་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་
ཀཱ་རུ་ཎི་ཀཱ་ཡ། ཏདྱ་ཐཱ། བི་མུ་ཀྟི་ཏེ་ཛེ། ཨ་བྷ་ཡ་དྷརྨ། ར་སི་གུ་ན་སཱ་ག་ར་པདྨེ་མ་ན་སི། པྲཧྨེ་ནྡྲ་པྲ་ཏི་པནྣ་མ་ཧོ་ཏྱ་ན། ཏདྱ་ཐཱ། དཱ་མ་ན། དཱ་མ་ནི། ཏུ་རུ་ཏུ་རུ། ཏིཥྠ་ཏིཥྠ། མ་དྷུ་མ་དྷུ། མད་དྷི། མད་དྷི། སརྦ་ཀཱ་ཏྱཾ་ཀུ་རུ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་ཡོན་
ཏན་གྱི་རྒྱན་ཞེས་བྱ་བ། སེམས་ཅན་ཐམས་ཅད་ཀྱི་འདོད་པའི་དོན་ཐམས་ཅད་སྦྱིན་པ། གང་རིག་པའི་རྒྱལ་པོ་ཡོན་ཏན་རྒྱན་འདི་རྟག་ཏུ་དྲན་པར་འགྱུར་བ་དེ་དུས་རིང་པོར་མི་ཐོགས་པར་ལས་ཐམས་ཅད་བྱེད་པར་འགྱུར་རོ། །དེ་ནས་འདིའི་སྒྲུབ་ཐབས་ཀྱི་ཆོ་གར་འགྱུར་
ཏེ། སྔར་བརྗོད་པའི་ཆོ་གས་བཅོམ་ལྡན་འདས་འོད་དཔག་མེད་ཐུབ་པའི་རས་རིས་འདྲིར་གཞུག་གོ། །འདབ་མ་སྟོང་པ་ལ་སྐྱིལ་མོ་ཀྲུང་གིས་བཞུགས་པ། ཆོས་སྟོན་པར་མཛད་བཞིན་པ་འདྲིར་གཞུག་པར་བྱའོ། །གཡས་ཀྱི་གཞོགས་སུ་འཕགས་པ་
སྤྱན་རས་གཟིགས་དབང་ཕྱུག་པདྨ་ལ་བཞུགས་པ་སྐུ་མདོག་དཀར་པོ་རལ་པའི་ཅོད་པན་འཆང་བ། བཅོམ་ལྡན་འདས་ལ་ཕྱག་འཚལ་བཞིན་པའོ། །དེའི་འོག་ཏུ་སྒྲུབ་པ་པོ་ལག་ན་སྤོས་ཕོར་ཐོགས་པ་པུས་མོ་བཙུགས་པ་སྟེ། སྔར་བཞིན་ནོ། །རིང་བསྲེལ་དང་
བཅས་པའི་མཆོད་རྟེན་དུ་རས་རིས་དེ་བཞུགས་སུ་གསོལ་ནས། ཚེས་གྲངས་དང་། བྱེད་པ་དང་། ཡུད་ཙམ་དགེ་བས་གསོ་སྦྱོང་ཡན་ལག་བརྒྱད་པ་དང་། བྱམས་པ་ལ་གནས་ཏེ་མཆོད་པ་རྒྱ་ཆེན་པོ་བྱས་ཏེ་ཟླ་བ་ཉ་ལ་སྟོང་ཕྲག་བཅུར་བཟླས་པར་བྱའོ། །འདིས་
เล่ม ๙๔ · หน้า 9b
སྔོན་དུ་བསྙེན་པ་བྱས་ན་མཆོད་རྟེན་དེ་ཉིད་ལ་པདྨ་རེ་རེ་ལ་ཡོངས་སུ་བཟླས་ནས་རས་རིས་ཀྱི་སྤྱན་སྔར་དབུལ་བར་བྱའོ། །ཉི་མ་རེ་རེ་ལ་སྟོང་དབུལ་བར་བྱ་སྟེ། གང་ཚེས་གཅིག་ནས་བརྩམས་ནས་ཇི་སྲིད་བཅུ་གཉིས་ཀྱི་བར་དུའོ། །མཚན་མོ་གསུམ་དུ་
སྨྱུང་བར་གནས་པས་རས་རིས་ལ་མཆོད་པ་རྒྱ་ཆེན་པོ་བྱས་ནས་ཞོ་དང་། སྦྲང་རྩི་དང་། མར་གྱིས་བཏགས་པའི་པདྨ་དཀར་པོ་སྟོང་ཕྲག་གསུམ་སྦྱིན་སྲེག་བྱའོ། །རས་རིས་ཀྱི་ཕྲེང་བ་གཡོ་བ་དང་། མར་མེ་འཕེལ་ཏེ་གཞན་དུ་འཕྲོ་བར་བྱེད་ན་འདི་ནི་དངོས་
གྲུབ་ཀྱི་མཚན་མ་སྟེ་རྒྱལ་སྲིད་ཆེན་པོ་རྙེད་དོ། །མ་གྲུབ་ན་ཡུལ་རྙེད་དོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་ལས་ངེས་པར་སྐྱེས་པ་ཡོན་ཏན་གྱི་རྒྱན་ཞེས་བྱ་བའི་རིག་པའི་
རྒྱལ་པོ་ཆེན་པོ་ཡོངས་སུ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་ཆེན་པོ་སྒོམ་བཞིན་དུ་བཅོམ་ལྡན་འདས་མ་རྟོག་
པའི་རྒྱལ་པོ་ཆེན་པོ་དེར་བདེ་བ་ཅན་གྱི་བཀོད་པ་ཞེས་བྱ་བའི་རིག་པའི་རྒྱལ་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱ་ཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། པོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་
ཀཱ་རུ་ཎི་ཀཱ་ཡ། ཨུདྡྷ་པྲ་ཛྭ་ལི་ཏ་ཛ་ཊཱ་ཡ་སུ་ཁཱ་བཏྱཾ། པྲ་མོ་ཙ་ཏེ། ཏདྱ་ཐཱ། བྷ་ག་བ་ཏོ། ཨ་མི་ཏཱ་བྷཱ་སཱ་ཡ། པཱ་དཱ་མཱུ་ལེ། མ་མ་ཙ་ཧྲྀ་ད་ཡ། པྲ་ཏི་གྲྀཧྞ་བྷ་ག་བཱ་ན། མ་མ་ཨ་ནུ། ཀམྤ་མུ་ས་ཏཱ་ཡ། ཏདྱ་ཐཱ། སཱ་དྷུ་ས་དྷུཾ། སུཥྛུ་པ་རི་ཥྱ་མི་ཏི་ལཾ་གྷ་ལངྒྷ་ཛྱོ་ཏིཥྤ་པ་
ཏི། བི་བྷུ་དྷ་པདྨ་ཧ་སྟ་ཡ་སུ་མེ་སུ་མེ། བི་སུ་མ་གི་རི་གི་རི་ཎི་སྭཱ་ཧཱ། འདི་ནི་མཐུ་ཆེན་པོ་ཐོབ་པ། བདེ་བ་ཅན་གྱི་བཀོད་པ་ཞེས་བྱ་བ་རིག་པའི་རྒྱལ་པོ་ཆེན་པོ་བཟླས་པ་ཙམ་གྱིས་འཇིགས་པ་ཐམས་ཅད་ལས་སྲུང་བའོ། །འདིའི་ཆོ་ག་ནི་བླ་གབ་མེད་པར་ཤིང་
เล่ม ๙๔ · หน้า 10a
གཅིག་གི་འོག་ཏུ་བུམ་པ་ཙམ་གྱི་མཆོད་རྟེན་བྱས་ནས་དེའི་སྤྱན་སྔར་ཨ་ག་རུ་འབུམ་གྱིས་སྦྱིན་སྲེག་བྱའོ། །གང་གི་དོན་དུ་སྦྱིན་སྲེག་བྱས་པ་དེའི་མཆོག་རྙེད་དོ། །རྒྱལ་པོའམ། རྒྱལ་པོའི་བློན་པོ་དབང་དུ་བྱ་བར་འདོད་པས་མཆོད་རྟེན་
གྱི་སྤྱན་སྔར་ལན་ཚྭའི་གཟུགས་བརྙན་གྱི་གཟུགས་བརྙན་བྱས་ནས་པ་ལཱ་ཤའི་མེ་ལ་ཉི་མ་གསུམ་ལ་ལན་བདུན་ཐུན་མཚམས་གསུམ་དུ་སྦྱིན་སྲེག་བྱས་ན་དབང་དུ་འགྱུར་རོ། །བུད་མེད་དབང་དུ་བྱ་བར་འདོད་ན་ཐང་གི་ཕྱོགས་སུ་ཡུངས་ཀར་ཁྲག་གིས་བཏགས་པ་
རྣམས་སེང་ལྡེང་གི་མེ་ལ་ཡུངས་ཀར་དང་སེང་ལྡེང་བཏགས་པ་རྣམས་ཀྱི་ཉི་མ་གསུམ་དུ་ཐུན་མཚམས་གསུམ་དུ་སྟོང་རྩ་བརྒྱད་སྦྱིན་སྲེག་བྱས་ན་དབང་དུ་འགྱུར་རོ། །རྒྱ་མཚོར་འགྲོ་བའི་ཆུ་ཀླུང་གི་བྱེ་མ་ལ་མཆོད་རྟེན་སོར་བཞི་ཙམ་མམ། མཐོ་གང་ཙམ་མམ།
བདེ་བར་གཤེགས་པའི་མཐོ་གང་གི་ཚད་ཙམ་པ་བརྒྱད་ལྷག་པའི་སྟོང་བྱས་ལ་སྲོག་ཤིང་ཕུལ་ཏེ་མཆོད་པ་ལ་སོགས་པའི་ཚོགས་རེ་རེའི་སྤྱན་སྔར་སྟོང་རྩ་བརྒྱད་བཟླས་པར་བྱ་སྟེ། ཇི་སྲིད་སྟོང་རྩ་བརྒྱད་གནས་པ་ན་དོང་ཙེ་སྟོང་སྟོང་རྙེད་པར་འགྱུར་རོ། །རྒྱ་མཚོའི་
ངོགས་སུ་མཆོད་རྟེན་རེ་རེའི་སྤྱན་སྔར་ཆོ་ག་སྔོན་དུ་འགྲོ་བས་སྟོང་ཕྲག་བརྒྱ་བཟླས་ན་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་མཐོང་སྟེ། མཆོག་ཅི་འདོད་པ་དེ་སྩོལ་བར་མཛད་ཅིང་གང་ཚོལ་བ་དེ་རྙེད་དོ། །བཅོམ་ལྡན་འདས་མ་འཕགས་མ་
སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་བདེ་བ་ཅན་གྱི་བཀོད་པ་ཞེས་བྱ་བའི་རིག་པའི་རྒྱལ་པོ་ཆེན་པོ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཏིང་ངེ་འཛིན་དེ་ཉིད་སྒོམ་བཞིན་
དུ་བཅོམ་ལྡན་འདས་མའི་རྟོག་པའི་རྒྱལ་པོ་ཆེན་པོར་དཔའ་བོ་ལྡན་མ་ཞེས་བྱ་བ་རིག་པའི་རྒྱལ་པོ་གསུངས་སོ།། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཤི་རི་བི་སི་རི་སྨྲྀ་ཏི་བ་ཙ་
เล่ม ๙๔ · หน้า 10b
ནེ། ཏེ་ཛོ་བ་དྷ་ནི་ཧ་ར་ཧ་ར་ཨ་མུ་ཀཾ་མེ་བ་ས་མཱ་གཙྪ་ཏུ་ར་མ་ནི། བི་ར་མ་ཎི། བི་ར་བཱ་སི། མི་ནི་སཽ། ཏ་མུ་ཏ་ཁེ་པཱ་ཏི་བརྞ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་དཔའ་བོ་དང་ལྡན་མ་ཞེས་བྱ་བའི་རིག་པའི་རྒྱལ་མོ་ཆེན་མོ་སེམས་ཅན་ཐམས་ཅད་རྗེས་སུ་སྲུང་
བར་བྱེད་པ། རྒྱལ་བ་མཆོག་གི་སྲས་རྣམས་ཀྱི་གང་དཔའ་བ་དང་ལྡན་པའི་རིག་པ་འདི་རྟག་ཏུ་དྲན་པ་དེ་ནོར་གྱི་དངོས་གྲུབ་ངེས་པར་དེའི་བརྩོན་པ་དང་བཅས་པ་དང་། དེའི་འདོད་པ་ལས་འགྲུབ་བོ། །འདིའི་སྒྲུབ་ཐབས་ཀྱི་ཆོ་གར་འགྱུར་ཏེ། བཅོམ་ལྡན་འདས་འཕགས་
པ་སྤྱན་རས་གཟིགས་དབང་ཕྱུག་གི་ཝང་གིས་འདྲིར་གཞུག་པར་བྱ་སྟེ། པདྨའི་གདན་ལ་ཕྱག་ན་པདྨ་སྟེ། གཡས་པས་མི་འཇིགས་པ་སྦྱིན་པ། རྒྱན་ཐམས་ཅད་ཀྱིས་རྣམ་པར་བརྒྱན་པའོ། །དེའི་གཡས་སུ་སྒྲུབ་པ་པོ་སྟེ་སྔར་བཞིན་ནོ། །རས་རིས་དེ་
རིང་བསྲེལ་དང་བཅས་པའི་མཆོད་རྟེན་ལ་དྲི་དང་བདུག་པ་དང་། ཕྲེང་བ་ཕུལ་ནས་ཉིན་མཚན་དུ་སྨྱུང་བར་གནས་པར་ཟླ་བ་ཉ་བ་ལ་འོ་ཐུག་གི་ཁམ་ཕོར་བཅུ་གཉིས་ཕུལ་ནས་ཨ་ག་རུའི་བདུག་སྤོས་དབུལ་ལོ། །དེ་ནས་ཀུ་ཤའི་ཁྲེས་ལ་འདུག་སྟེ་སྟོང་རྩ་བརྒྱད་བཟླས་པར་
བྱའོ། །སྔོན་དུ་བསྙེན་པ་བྱས་པར་འགྱུར་རོ། །ལས་ཐམས་ཅད་ཀྱི་དངོས་གྲུབ་ནི་འདི་ཉིད་ཀྱི་ཆོ་གས་འབུམ་བཟླས་པར་བྱའོ། །ཕྱི་ནས་རས་རིས་ཀྱི་སྤྱན་སྔར་དཀྱིལ་འཁོར་ཉེ་བར་བྱུགས་ཏེ་སྣ་མའི་མེ་ཏོག་རེ་རེ་ལ་ཡོངས་སུ་བཟླས་ནས་དཀྱིལ་འཁོར་དུ་གཏོར་བར་བྱའོ། །
དེ་ལྟ་བུ་ཉི་མ་བདུན་དུ་ཐུན་གསུམ་དུ་ཇི་སྲིད་སྟོང་རྩ་བརྒྱད་བྱས་ན་ཉི་མ་བདུན་པ་ལ་གང་འདོད་པ་དེ་དབང་དུ་འགྱུར་རོ། །རས་རིས་ཀྱི་སྤྱན་སྔར་ཨ་ག་རུ་ནག་པོ་འབུམ་ཕྲག་གསུམ་སྦྱིན་སྲེག་བྱས་ན་རྒྱལ་སྲིད་རྙེད་དོ། །མ་གྲུབ་ན་གྲོང་ངོ་། །བཅོམ་ལྡན་འདས་མ་འཕགས་
མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ་དཔའ་བོ་ལྡན་མ་ཞེས་བྱ་བའི་རིག་པའི་རྒྱལ་མོ་ཆེན་མོ་ཡོངས་སུ་རྫོགས་སོ།། །།དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་
เล่ม ๙๔ · หน้า 11a
རས་གཟིགས་དབང་ཕྱུག་ཏིང་ངེ་འཛིན་གྱི་རྒྱལ་པོ་དེ་ཉིད་སྒོམ་བཞིན་དུ་བཅོམ་ལྡན་འདས་མ་རྟོག་པའི་རྒྱལ་པོ་ཆེན་པོར་མི་འཇིགས་པ་རབ་ཏུ་སྦྱིན་པ་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་
ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། དཱིཔྟ་པིངྒ་ལེ་ཧ་རི་པིངྒ་ལེ་ཨ་སོ་ནི་ཏཱ་དྷ་དྲཱ་ལེ་ཧི་ཨེ་ཧི། མ་མ་པ་རཾ་པྲ་ཡཙྪ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་སྟེ། མི་འཇིགས་པ་རབ་ཏུ་སྦྱིན་པ་ཞེས་བྱ་བའི་རིག་པའི་རྒྱལ་པོའོ། །དེ་ནས་འདིའི་
ཆོ་ག་ནི། རས་སམ་འབྲས་བུ་ཅན་ལ་སེན་རྩིས་འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། པདྨའི་གདན་ལ་པདྨའི་ཕྱག་ཅན། མི་འཇིགས་པ་རབ་ཏུ་སྦྱིན་པའོ། །སྒྲུབ་པ་པོ་ཡང་སྔར་བཞིན་ནོ། །དེའི་སྤྱན་སྔར་ཐུན་གསུམ་དུ་མར་གྱིས་བཏགས་
པའི་ཙནྡན་དམར་པོའི་སྦྱིན་སྲེག་འབུམ་བྱས་ན་གསེར་བརྒྱ་རྙེད་དོ། །འབུམ་ཕྲག་བདུན་སྦྱིན་སྲེག་བྱས་ན་རྒྱལ་སྲིད་རྙེད་དོ། །འདིར་པདྨ་རཱ་ག་འབྱུང་བར་འགྱུར་བ་ནི། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་
ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཡི་གེ་ཙྪི་ཏྭེ་ཙ་པ་རི་པྲ་ཎ། ཨཻ་ཤྲ་ཏྱཾ། ད་དཱ་ཏི། མེ་བཛྲི་ཎི། གྷི་ཎི། མོ་ཧ་ནི། མོ་ཧ་ཛ། ཛཾ་བྷ་ནི། སྟཾ་བྷ་ནི། ཨ་བྷ་ཡ་པྲ་དི། ཨ་བྷ་ཡ་པྲ་དི། ལ་ལ་ལ་ལ། ལ་ལ་ལ་ལ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་པདྨ་རཱ་ག་སྦྱིན་པའི་སྔགས་སོ། །
འདིའི་ཆོ་ག་ནི་ཙནྡན་དམར་པོས་འཕགས་པ་སྤྱན་རས་གཟིགས་དབང་ཕྱུག་བྲི་བར་བྱའོ། །དེའི་སྤྱན་སྔར་མར་དང་སྦྲང་རྩིས་བཏགས་པའི་མེ་ཏོག་དམར་པོ་སྦྱིན་སྲེག་འབུམ་བྱས་ན། པདྨ་རཱ་ག་བརྒྱད་རྙེད་དོ། །ཟས་ཀྱི་སྔགས་ཀྱི་ཆོ་གར་འགྱུར་བ་ནི། ན་མོ་རཏྣ་ཏྲ་ཡཱ་ཡ།
ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། པྲ་བྱཱ་ཀ་རཱི། པྲ་བྷ་ཀཱ་རི། ཛྱོ་ཏི་ཥྨ་ཏི་སུ་ཙི་བི་མུ་ཙཱ་ཡ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་སྟེ། ཟས་གོས་སྦྱིན་པའི་སྔགས་སོ། །འདིའི་ཆོ་ག་ནི་ཁྲག་དང་
เล่ม ๙๔ · หน้า 11b
བ་བླ་ལས་འཕགས་པ་སྤྱན་རས་གཟིགས་དབང་ཕྱུག་བྲི་བར་བྱའོ། །དེའི་སྤྱན་སྔར་མར་གྱིས་བཏགས་པའི་འོ་ཐུག་གི་སྦྱིན་སྲེག་ཇི་སྲིད་འབུམ་ཕྲག་གཅིག་བྱས་ན་གནས་ཐམས་ཅད་དུ་ཟས་གོས་རྙེད་དོ། །འདི་ནི་དངུལ་སྦྱིན་པར་འགྱུར་ཏེ། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་
ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཛྭ་ལ་ཛྭ་ལ་པྲ་ཛྭ་ལ། བྷ་ན་གྷ་ན། ཧ་ཊཱ་ཡ། སཱ་ད་ཡ། སཱ་ད་ཡ། ཨེ་ཧི་ཨེ་ཧི། ཕུ་ཕུ་ཕུ་ཕུ། གྷུ་གྷུ། ཕུ་ར་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་དངུལ་སྦྱིན་པའི་སྔགས་
ཏེ། འདིའི་ཆོ་ག་ནི། གུར་གུམ་གྱིས་འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། དེའི་སྤྱན་སྔར་ཞོ་དང་། སྦྲང་རྩི་དང་། སྦྲང་རྩི་མར་གྱིས་བཏགས་པའི་ནཱ་ག་གེ་སར་གྱི་སྦྱིན་སྲེག་འབུམ་བྱས་ན་དངུལ་བརྒྱ་རྙེད་པར་འགྱུར་རོ། །ཡང་འདིར་
གསེར་རབ་ཏུ་སྦྱིན་པའི་སྔགས་ནི། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་བྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ག་རུ་རུ་ཕ་ར་བ་ར། བ་རི་ལི་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་སྟེ་གསེར་སྦྱིན་པའི་སྔགས་སོ། །
འདིའི་ཆོ་ག་ནི་རིང་བསྲེལ་དང་བཅས་པའི་མཆོད་རྟེན་ལ་མལླི་ཀའི་མེ་ཏོག་རེ་རེ་ལ་ཡོངས་སུ་བཟླས་ནས་མཆོད་རྟེན་གྱི་དྲུང་དུ་གཏོར་བར་བྱའོ། །ཐུན་གསུམ་དུ་སྟོང་ཕྲག་བརྒྱད་གཏོར་ན་ཟླ་བའི་ནང་དུ་གསེར་བརྒྱ་རྙེད་དོ། །རས་རིས་ཀྱི་ཆོ་གར་འགྱུར་བ་ནི་རས་ལ་བཅོམ་
ལྡན་འདས་འཕགས་པ་སྤྱན་རས་གཟིགས་དབང་ཕྱུག་རལ་པ་གྱེན་དུ་བརྫེས་པ། ཕྱག་ན་སྤྱི་བླུགས་བསྣམས་པ། པདྨའི་གདན་ལ་བཞུགས་པ་འདྲིར་གཞུག་པར་བྱའོ། །རས་རིས་ངེས་གྲོང་ངམ་དགོན་པར་ཨ་ཤྭ་ཏྠའི་ཤིང་གི་འོག་ཏུ་གཙང་མའི་ཕྱོགས་སུ་བཞུགས་ནས་སྲ་རྩི་
པོག་གི་སྲེག་བླུགས་འབུམ་ཕྲག་བདུན་སྦྱིན་སྲེག་བྱས་ན་བཅོམ་ལྡན་འདས་ཀྱིས་མྱུར་དུ་རྒྱལ་སྲིད་སྩོལ་བར་འགྱུར་རོ། །ཞེས་པ་དེ་རྣམས་ལྔ་པོ་ཙམ་ནི་བཅོམ་ལྡན་འདས་མ་སྒྲོལ་མའི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ་
เล่ม ๙๔ · หน้า 12a
མི་འཇིགས་པ་རབ་ཏུ་སྦྱིན་པ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་བསྒོམས་ནས། བཅོམ་ལྡན་འདས་མའི་
རྟོག་པའི་རྒྱལ་པོ་ཆེན་པོར་ཨོྃ་ཡིག་རབ་ཏུ་འབྱུང་བ་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷྱཱ་སྱ་ཏ་ཐཱ་ག་ཏཱ་ཡ། ཨཪྷ་ཏེ། སམྱཀྶཾ་བུདྡྷ་སྱ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ།
ཏདྱ་ཐཱ། ཨ་མུཀྟེ། ཨ་མུཀྟེ། ཙཙྪ་ད་ནེ། མཱ་དྷེ་ནི་མཱ་དྷེ་ནི། སུ་རུ་དྷི། རུ་ཏ་མཱ་ཡ། དྷ་རཱི། ཧུ་ཧུ། ཧུ་ཧུ། མ་ཐ་མ་ཐ་མ་ཐ། ཨོྃ་ར་པྲ་མུ་ཁ། པཱ་ལ་པཱ་ལ། མ་ཧཱ་པཱ་རི་པཱ་ལ། ཏེ་ཛ། ན་མ་སྟུ་ཏེ། སརྦ་དུཥྚ་ཏྭཾ་བཱ་སི་སཱ་ཏཱ་ཎི་མཱ་ནེ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་
སྟེ། འཁོར་བའི་སྣ་ཐག་གྲོལ་བར་བྱེད་པ་ཞེས་བྱ་བ་རིག་པའི་རྒྱལ་པོ་ཆེན་པོ་གང་འདི་རྟག་ཏུ་དྲན་པར་བྱེད་ན་འཁོར་བར་ཡུན་རིང་དུ་མི་འཁོར་རོ། །བཟླས་པ་ཉིད་ཀྱིས་མཚམས་མེད་པ་ལྔ་པོ་རྣམས་རྣམ་པར་སྦྱོང་བར་བྱེད་དོ། །དེ་ནས་འདིའི་སྒྲུབ་ཐབས་ཀྱི་ཆོ་ག་ནི་སྔར་བརྗོད་པའི་
རས་ལ་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་ནམ་མཁའ་ལ་འགྲོ་བ། ཀུན་ནས་འོད་འབར་བ། པདྨ་ཕྱག་ན་བསྣམས་པ། གཡས་པར་མི་འཇིགས་པ་སྦྱིན་པའོ། །སྒྲུབ་པ་པོ་ཡང་དག་པའི་ལུས་ཀྱི་མགོ་བོས་བདུག་པ་སྲེག་པ་ཆ་བྱད་དང་རྣམ་
པ་ཇི་ལྟ་བ་བཞིན་འདྲིར་གཞུག་པར་བྱའོ། །དེ་ནས་རས་རིས་དེ་སྔར་བརྗོད་པའི་གནས་སུ་བཞུགས་ནས་དྲི་དང་། མེ་ཏོག་དང་། བདུག་པ་ལ་སོགས་པ་འདི་ཉིད་ཀྱིས་ཕུལ་ལ་འབུམ་ཕྲག་གསུམ་བཟླས་པར་བྱའོ། །སྔོན་དུ་བསྙེན་པ་བྱས་པར་འགྱུར་རོ། །མཚམས་མེད་
པ་ལྔ་པོ་རྣམས་རྣམ་པར་སྦྱོང་བར་བྱེད་དོ། །འབུམ་ཕྲག་དྲུག་བཟླས་པས་དམ་བཅས་པ་རྙེད་པར་འགྱུར་རོ། །གདུག་པ་ཤ་ཟ་དང་སྲིན་པོ་རྣམས་འཆིང་བར་འདོད་ན་ཀུ་ཤའི་སྣ་ཐག་གིས་བསྐོར་ནས་སྟོང་ཕྲག་བརྒྱད་མངོན་པར་བསྔགས་ཏེ་གདུག་པ་གང་ན་གནས་པའི་
เล่ม ๙๔ · หน้า 12b
ཤིང་ངམ་ཁྱིམ་ལ་སོགས་པ་ལ་དཀྲི་བར་བྱའོ། །གདུག་པ་ཐམས་ཅད་བཅིངས་པར་འགྱུར་རོ། །གདུག་པའི་སེམས་དང་སེམས་ཅན་རྣམས་ཟིལ་གྱིས་གནོན་པར་འགྱུར་རོ། །རྣ་བའི་མིག་སྨན་སྒྲུབ་པར་འདོད་ན་རས་རིས་ཀྱི་སྤྱན་སྔར་སྟོང་ཕྲག་རྫོགས་པའི་སྲེག་
བླུགས་བྱས་ནས་ཨ་ཤྭཏྠའི་འདབ་མ་བདུན་གྱི་ནང་དུ་བཞག་ནས་དུ་བ་འཐུལ་ན་དེ་རྣམས་རྒྱལ་བའི་སྤྱན་དང་མཚུངས་པར་འགྱུར་རོ། །ལོ་སྟོང་ཕྲག་གསུམ་དུ་འཚོ་བར་བྱེད་དོ། །རས་རིས་ཀྱི་སྤྱན་སྔར་པདྨ་དཀར་པོ་འབུམ་ཕྲག་གསུམ་དབུལ་བར་བྱའོ། །རྒྱལ་སྲིད་རྙེད་དོ། །
མ་གྲུབ་ན་ཡུལ་རྙེད་དོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ། འཁོར་བའི་སྣ་ཐག་གྲོལ་བར་བྱེད་པ་ཞེས་བྱ་བ་རིག་པའི་རྒྱལ་པོ་ཆེན་པོ་རྫོགས་སོ།། །།
དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ་བཅོམ་ལྡན་འདས་མའི་རྟོག་པའི་རྒྱལ་པོ་ཆེན་པོར་ཡི་གེ་བཅུ་གཅིག་པ་ཞེས་བྱ་བའི་རིག་པའི་རྒྱལ་པོ་ཆེན་པོ་འདི་གསུངས་སོ། །
ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ད་ཤ་ནི། ཀ་ར་ཎི། བི་ཀ་ར་ཎི། བི་དྷུ་ལི། བཱི་ལ་ཡ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་ཡི་གེ་བཅུ་གཅིག་པ་ཞེས་བྱ་བའི་རིག་པའི་རྒྱལ་པོ་རྟག་ཏུ་
སངས་རྒྱས་བཅུ་གཅིག་ལའང་འདི་བདག་གིས་སྔོན་བཤད་པ་སྟེ་རྟག་ཏུ་བཟླས་པས་གསེར་རྙེད་དོ། །དེ་ནས་འདིའི་སྒྲུབ་ཐབས་ཀྱི་ཆོ་ག་ནི་སྒྲུབ་པའི་ཆེད་དུ་འགྱུར་ཏེ། སྔར་བརྗོད་པའི་རས་རིས་ནཱ་ག་གེ་སར་གྱི་ཕྱེ་མ་དང་པ་ལི་ཀ་བསྲེས་པས་འདྲིར་གཞུག་སྟེ། པདྨའི་གདན་ལ་
བཞུགས་པ། བསམ་གཏན་སྒོམ་པ། ཕྱག་ན་པདྨ་བསྣམས་པ། ཕྱག་གཡས་པས་བགྲང་ཕྲེང་བསྣམས་པ། སྐུ་མདོག་དཀར་པོའོ། །སྒྲུབ་པ་པོ་ཡང་སྔར་བཞིན་ནོ། །རས་རིས་དང་པོའི་གནས་སུ་བཞག་ནས། འབུམ་ཕྲག་ལྔ་བཟླས་པར་བྱའོ། །སྔོན་དུ་བསྙེན་
เล่ม ๙๔ · หน้า 13a
བ་བྱས་པར་འགྱུར་རོ། །རིའི་རྩེ་མོར་ཉི་མ་གསུམ་དུ་མི་བཟའ་བར་སྟོང་ཕྲག་ཉི་ཤུ་བཟླས་པར་བྱ་སྟེ། གསེར་སྟོང་རྙེད་པར་འགྱུར་རོ། །ཙནྡན་དཀར་པོའི་ཚོན་གྱིས་འཕགས་པ་སྤྱན་རས་གཟིགས་དབང་ཕྱུག་སྔར་བརྗོད་པ་བཞིན་འདྲིར་གཞུག་པར་བྱའོ། །དེའི་
སྤྱན་སྔར་ཙནྡན་དཀར་པོའི་ཞོགས་མ་དང་བཅས་པ་འབུམ་ཕྲག་གསུམ་སྦྱིན་སྲེག་བྱས་ན་རྒྱལ་སྲིད་རྙེད་དོ། །མ་གྲུབ་ན་གྲོང་རྙེད་དེ་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་པ་ལའོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་
འདོད་ཅིང་དོན་དུ་གཉེར་བ་སྦྱིན་པའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཡངས་བ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ་བཅོམ་ལྡན་འདས་
མ་སྒྲོལ་མ་རལ་པ་གྱེན་བརྫེས་རྟོག་པའི་རྒྱལ་པོ་ཆེན་པོར་རས་རིས་ཀྱི་གནས་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཀ་ཊེ་ནི་ཀ་ཊེ།
ཀ་ཊཱཾ་ཀ་ཊེ། ཛྱོ་ཏི། ཏིཥྨ་ཏཱི། བི་པུ་ལེ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་རས་རིས་ཀྱི་གནས་ཞེས་བྱ་བའི་རིག་པའི་རྒྱལ་པོ་ཆེན་པོའོ། །རྟག་ཏུ་བཟླས་པས་དོན་སྦྱིན་པར་བྱེད་ཅིང་སྡིག་པ་ཐམས་ཅད་རྣམ་པར་འཇོམས་པར་བྱེད་པ་གྲུབ་པར་ཡང་འགྱུར་རོ། །ཡང་འདིའི་ཆོ་
ག་ནི་སྔར་བརྗོད་པའི་རས་རིས་ལ་འོད་དཔག་མེད་འདྲིར་གཞུག་པར་བྱ་སྟེ། སྐྱིལ་མོ་ཀྲུང་གིས་བཞུགས་པ། ཏིང་ངེ་འཛིན་ལ་སྙོམས་པར་ཞུགས་པའོ། །བཅོམ་ལྡན་འདས་ཀྱི་གཡས་སུ་འཕགས་པ་སྤྱན་རས་གཟིགས་དབང་ཕྱུག་རལ་པའི་ཅོད་པན་འཆང་བ། དར་
དཀར་པོའི་སྟོད་གཡོགས་ཅན། བཅོམ་ལྡན་འདས་ལ་ཐལ་མོ་སྦྱོར་བར་བྱེད་བཞིན་པའོ། །གཡོན་དུ་འཕགས་པ་མཐུ་ཆེན་ཐོབ་པྲི་ཡང་ཀུ་ལྟར་སྔོ་བསངས་པདྨའི་གདན་ལ་བཞུགས་པ་བཅོམ་ལྡན་འདས་ལ་ཐལ་མོ་སྦྱོར་བར་བྱེད་པའོ། །དེ་ལྟ་བུའི་རས་རིས་འདྲིར་བཅུག་
เล่ม ๙๔ · หน้า 13b
ནས་གཙང་མའི་ཕྱོགས་སུ་པ་ཊའི་ཤིང་ལ་སོ་སོ་སོ་སོར་བཞག་ནས་འདི་ཉིད་ཀྱིས་དྲི་དང་མེ་ཏོག་ལ་སོགས་པ་ཕུལ་ལ་འབུམ་ཕྲག་བདུན་བཟླས་པར་བྱའོ། །སྔོན་དུ་བསྙེན་པ་བྱས་པར་འགྱུར་རོ། །མཐར་མཚན་མོ་གསུམ་དུ་སྨྱུང་བར་གནས་ཏེ། མེ་ཏོག་དཀར་པོ་སྟོང་
ཕྲག་བརྒྱད་ལ་རེ་རེ་ལ་ཡོངས་སུ་བཟླས་ནས་སྤྱན་རས་གཟིགས་དབང་ཕྱུག་གི་དྲུང་དུ་དབུལ་བར་བྱའོ། །དངོས་གྲུབ་ཀྱི་མཚན་མ་ནི་པདྨ་སྟོང་རྩ་བརྒྱད་པོ་དེ་རྣམས་གཅིག་ཏུ་གནས་པར་འགྱུར་ཏེ། འདི་ནི་དངོས་གྲུབ་ཀྱི་མཚན་མའོ། །འདི་དག་ཕྱེ་མར་བྱས་ནས་གཞན་ཤ་ལ་
དང་བསྲེས་ཏེ་རྒྱལ་པོའམ། རྒྱལ་པོའི་བློན་པོའམ། གང་ལ་བྱིན་པ་དེ་དབང་དུ་འགྱུར་རོ། །ནད་ཀྱིས་གདུངས་པ་ལ་བྱིན་ན་ནད་ཐམས་ཅད་ཉེ་བར་ཞི་བར་འགྱུར་རོ། །ཕྱེ་མ་དེས་མཚན་མ་དང་ལྡན་པ་མོ་ལ་རྡུལ་བཏབ་ན་བུ་རྙེད་དོ། །ཐོ་རངས་བདག་ཉིད་ཀྱི་སྤྱི་བོར་ཕྱེ་མ་དེས་རྡུལ་
བཏབ་ན་སྐྱེ་བོ་ཐམས་ཅད་དགའ་བར་འགྱུར་རོ། །དེ་ལྟར་གང་འདོད་པ་དེ་ཐམས་ཅད་ཕྱེ་མ་དེས་བྱེད་དོ། །གྲོལ་བར་བྱེད་ན་ཉེ་བར་གཞག་པའི་ནད་དམ། ཁྲག་འཛག་པའམ། མཚན་མར་གདོལ་པའམ། དེ་བཞིན་དུ་དུག་ལ་སོགས་པ་ཐམས་ཅད་ལ་འཐུང་དུ་བཅུག་པའམ། ཅུང་
ཟད་བྱུག་པར་སྦྱིན་པར་བྱ་སྟེ། ནད་ཐམས་ཅད་ཞི་བར་འགྱུར་རོ། །ཡང་འདིར་རས་ཀྱི་གནས་ཀྱི་ཕྱེ་མའི་ཆོ་ག་ནི་ནཱ་ག་གེ་སར་དང་། ཙནྡན་དང་། ད་མ་ན་ཀ་དང་། ཏ་མ་ལའི་འདབ་མ་དང་། པུ་ཤེལ་ཙེ་དང་། རུ་རྟ་དང་། མེ་ཏོག་བརྒྱ་པ་སྟེ། འདི་རྣམས་ཆ་མཉམ་པར་
སྦྱར་ནས་ཕྱེ་མར་བྱེད་དུ་གཞུག་གོ། །འདི་ནི་རས་རིས་ཀྱི་གནས་ཀྱི་ཕྱེ་མ་སྟེ་བརྒྱ་ཕྲག་བརྒྱད་མངོན་པར་བསྔགས་ནས་གང་ལ་བཏུང་བ་ལ་སོགས་པར་བྱིན་པ་དེ་དབང་དུ་འགྱུར་ཏེ། བྲན་ཉིད་དུ་ཉེ་བར་གནས་པ་དང་། མཚོན་ཆའི་འཇིགས་པ་མེད་པ་དང་། གཉིས་མཉམ་དུ་
རྙེད་ཅིང་རབ་ཏུ་འཇུག་གོ། །དེ་བཞིན་དུ་འཇིགས་པ་ལ་རས་རིས་ཀྱི་སྤྱན་སྔར་པདྨ་དཀར་པོ་འབུམ་ཕྲག་གསུམ་དབུལ་བར་བྱ་སྟེ་ཡུལ་ཆེན་པོ་རྙེད་དོ། །ཨརྒའི་ཤིང་གིས་མེ་རབ་ཏུ་སྦར་ནས་པདྨ་དམར་པོས་འབུམ་ཕྲག་བདུན་སྦྱིན་སྲེག་བྱས་ན་རྒྱལ་སྲིད་ཆེན་པོ་རྙེད་དོ། །མ་གྲུབ་
เล่ม ๙๔ · หน้า 14a
ན་གྲོང་ཁྱེར་ཆེན་པོ་རྙེད་དོ། །ཏིལ་གྱི་སྦྱིན་སྲེག་འབུམ་ཕྲག་གཅིག་བྱས་ན་གྲོང་གཅིག་རྙེད་དོ། །འབུམ་ཕྲག་ལྔ་སྦྱིན་སྲེག་བྱས་ན་ནོར་སྦྱིན་པ་དང་མཆོག་སྦྱིན་པར་བྱེད་ཅིང་། དེ་དབང་དུ་བྱེད་དོ། །དུང་ལ་བརྒྱ་བཟླས་པ་ཉིད་ཀྱིས་དོན་ཐམས་ཅད་ཐོབ་པར་
འགྱུར་རོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པའི་རྒྱུད་ཆེན་པོ་རས་རིས་ཀྱི་གནས་ཡོངས་སུ་རྫོགས་སོ།། །།སླར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཡངས་
པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ་པདྨའི་མཐའ་ཞེས་པའི་རིག་པའི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། བྱ་ཛ་ནི། བེ་ཛ་ནི། བེ་ཛ་ཧ་ཏེ། པདྨ་ཥཎྜ་ནི།
པཱ་སཱི་ནི་བུདྡྷེ། བུདྡྷཱ་ཡ། པ་རཾ་པ་རཱ་ཡ། སརྦ་ག་ཏི་བི་ཛ་ཡཱ་ཡ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་པདྨའི་མཐའ་ཞེས་བྱ་བའི་རིག་པ་ཆེན་པོ་སྟེ་འདི་རྟག་ཏུ་བཟླས་པས་ཕྱིར་བཟློག་པར་འགྱུར་ཞིང་ནད་ཐམས་ཅད་ལས་རྣམ་པར་གྲོལ་བར་འགྱུར་རོ། །དེ་ནས་འདིའི་སྒྲུབ་
ཐབས་ཀྱི་ཆོ་གར་འགྱུར་ཏེ་གྲོ་གའི་འདབ་མ་ལ་གི་བང་གིས་འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། པདྨ་ལ་བཞུགས་པ་ཐམས་ཅད་དཀར་པོ་རལ་པ་གྱེན་དུ་བརྫེས་པ་ཕྱག་གཡོན་པས་པདྨ་དང་། གཡས་པས་རིལ་བ་སྤྱི་བླུགས་བསྣམས་པའི་ཕྱག་
གོ། །དེ་ནས་རས་རིས་གཙང་མའི་གནས་སུ་བཞུགས་སུ་གསོལ་ནས་འདི་ཉིད་ཀྱིས་དྲི་དང་བདུག་པ་ལ་སོགས་པ་ཐམས་ཅད་བྱ་ཞིང་འབུམ་ཕྲག་གསུམ་བཟླས་པར་བྱའོ། །མཐར་ཉིན་མཚན་དུ་སྨྱུང་བར་གནས་ནས་དཀར་པོའི་ཚེས་གཅིག་ནས་བརྩམས་ཏེ་བཅོམ་ལྡན་
འདས་ལ་མེ་ཏོག་སྟོང་ཕྲག་བརྒྱད་ལ་ལན་རེ་བཟླས་ནས་བཅོམ་ལྡན་འདས་ཀྱི་ཞབས་ལ་བསྣུན་པར་བྱའོ། །དེ་ལྟར་ཇི་སྲིད་དུ་སྟོང་ཕྲག་བརྒྱད་ཅུ་རྫོགས་པའི་མཐར་མཆོད་པ་རྒྱ་ཆེན་པོ་བྱས་ནས་སྲོད་ནས་བརྩམས་ཏེ་བཟླས་པར་བྱའོ། །དེ་ནས་ནམ་མཁའ་ལས་གྲུབ་བོ་ཞེས་པའི་ཚིག་
เล่ม ๙๔ · หน้า 14b
འབྱུང་སྟེ། གལ་ཏེ་མངོན་པར་འདོད་པ་དེ་རྙེད་དོ། །རྒྱལ་པོ་དང་གང་དབང་དུ་བྱེད་པར་འདོད་ན་སྣ་མའི་ཕྲེང་བ་ཡོངས་སུ་བླངས་ནས་མེ་ཏོག་དེ་རེ་རེ་ལ་མངོན་པར་བསྔགས་ནས་རས་རིས་ཀྱི་སྤྱན་སྔར་དབུལ་ཏེ། ཉིན་ཞག་བདུན་ཐུན་གསུམ་དུ་དབུལ་བར་བྱས་ན་དབང་དུ་འགྱུར་
རོ། །བྲམ་ཟེ་དབང་དུ་བྱ་བར་འདོད་ན་རས་རིས་ཀྱི་སྤྱན་སྔར་པ་ལཱ་ཤའི་མེ་ལ་ཉིན་ཞག་བདུན་ཐུན་གསུམ་དུ་གཡང་གཞི་ནག་པོའི་པགས་པས་སྦྱིན་སྲེག་བྱས་ན་དབང་དུ་འགྱུར་རོ། །རས་རིས་ཀྱི་སྤྱན་སྔར་བི་ལ་བའི་མེ་ལ་ཨུ་དུམ་བཱ་རའི་མེ་ཏོག་གིས་སྦྱིན་སྲེག་བྱས་ན་ཞག་གསུམ་གྱིས་
དབང་དུ་འགྱུར་རོ། །དམངས་རིགས་དབང་དུ་བྱ་བར་འདོད་ན་རས་རིས་ཀྱི་སྤྱན་སྔར་ཨརྒའི་མེ་ལ་ལན་ཚྭའི་སྦྱིན་སྲེག་བྱས་ན་ཉི་མ་གསུམ་གྱིས་དབང་དུ་འགྱུར་རོ། །ཐུན་མོང་བའི་བུད་མེད་དབང་དུ་བྱ་བར་འདོད་ན་མེ་དེ་ལ་ནས་ཀྱི་སྦྱིན་སྲེག་བྱའོ། །དགེ་སློང་ངམ་བྲམ་ཟེ་དབང་དུ་བྱ་བར་
འདོད་ན་རས་རིས་ཀྱི་སྤྱན་སྔར་སེང་ལྡེང་གི་མེ་ལ་དཱུ་ར་བའི་སྦྱིན་སྲེག་ཐུན་གསུམ་ཉི་མ་བདུན་དུ་བྱས་ན་བདུན་པ་ལ་དབང་དུ་འགྱུར་ཏེ། གང་དབང་དུ་བྱ་བ་དེ་ལ་ཟླ་བ་གཅིག་ཏུ་བཟླས་པས་དེ་དབང་དུ་འགྱུར་རོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་
ཡངས་པ་དང་ལྡན་པའི་ཏིང་ངེ་འཛིན་ལས་སྐྱེས་པ་པདྨའི་མཐའ་ཞེས་བྱ་བའི་སྔགས་ཀྱི་རྒྱལ་པོ་ཆེན་པོ་ཡོངས་སུ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཡངས་པ་དང་ལྡན་པའི་ཏིང་ངེ་འཛིན་
གྱི་རྒྱལ་པོ་སྒོམ་བཞིན་དུ་བཅོམ་ལྡན་འདས་མ་འཕགས་མ་སྒྲོལ་མའི་རྟོག་པའི་རྒྱལ་པོར་པདྨ་གཟི་བརྗིད་ཅེས་བྱ་བའི་སྔགས་ཀྱི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ།
ད་མ་ནེ་ད་མ་ནེ། ཤཱནྟེ་ཤཱནྟེ། མཱ་ན་སེ། བི་ཛ་ཡེ། ཛ་ཡེ་བ་ཧེ། ཨན་གྷེ། ཨ་ཎརྒེ། དརྴ་ནེ། ཨ་པྲ་ཏི་ཧི་ཧ་ཏ། སཱ་ས་ནེ། ཏིཥྛ་ཏིཥྛ། བི་ཛ་ཡ་བ་ཧེ། མ་བ་བ་རཾ། ཤོ་བྷ་ནེ། རུ་རུ་རུ་རུ་རུ་རུ་རུ། རཱ་ཡ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་པདྨ་གཟི་བརྗིད་ཅེས་བྱ་
เล่ม ๙๔ · หน้า 15a
བའི་སྔགས་ཀྱི་རྒྱལ་པོ་ཆེན་པོའོ། །འདི་རྟག་ཏུ་བཟླས་པས་ནད་ཐམས་ཅད་མེད་པར་འགྱུར་རོ། །དེ་ནས་འདིའི་སྒྲུབ་ཐབས་ཀྱི་ཆོ་གར་འགྱུར་ཏེ། ལེ་བརྒན་རྩིའི་ཆུ་དང་འདྲེས་པའི་ཚོན་གྱིས་འཕགས་པ་སྤྱན་རས་གཟིགས་དབང་ཕྱུག་གི་རས་རིས་འདྲིར་གཞུག་པར་བྱའོ། །
དཀར་པོ་རལ་པ་གྱེན་དུ་བརྫེས་པ་ཕྱག་ན་པདྨ་བསྣམས་པ། པདྨའི་གདན་ལ་ཉེ་བར་འདུག་པ། ཀུན་ནས་འབར་བའི་ཕྲེང་བས་འཁྲུགས་པའོ། །དེ་ནས་གཙང་མའི་ཕྱོགས་སུ་བཞུགས་ནས། འདི་ཉིད་ཀྱི་དྲི་དང་། མེ་ཏོག་དང་། བདུག་པ་སྲེག་ཅིང་འབུམ་ཕྲག་ལྔ་བཟླས་པར་བྱའོ། །
དེ་ནས་ཙནྡན་དཀར་པོ་ཞོ་དང་། སྦྲང་རྩི་དང་། མར་ལ་བཏགས་པའི་སྦྱིན་སྲེག་འབུམ་ཕྲག་གསུམ་བྱའོ། །དེ་མ་ཐག་ཏུ་རྒྱལ་སྲིད་རྙེད་དོ། །མ་གྲུབ་ན་གྲོང་གཅིག་གོ། །རས་རིས་ཀྱི་སྤྱན་སྔར་པ་ལཱ་ཤའི་འམ། ཨ་ག་རུ་མར་གྱིས་བཏགས་པའི་སྦྱིན་སྲེག་བྱས་ན་གོས་བྱེ་བ་བརྒྱ་
རྙེད་དོ། །ལེ་བརྒན་རྩིའི་སྲེག་བླུགས་འབུམ་བྱས་ན་གཏེར་མཐོང་ངོ་། །གང་བསྟན་པ་ཟླ་བ་གཅིག་ཏུ་བཟླས་ན་དེའི་དོན་རྙེད་དོ་ཞེས་པ་སྟེ་འདོད་པས་ཉེ་བར་གཞག་པ་མ་གཏོགས་སོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་
ལྡན་པའི་ཏིང་ངེ་འཛིན་ལས་ངེས་པར་སྐྱེས་པ་པདྨ་གཟི་བརྗིད་ཅེས་བྱ་བའི་སྔགས་ཀྱི་རྒྱལ་པོ་ཆེན་པོ་ཡོངས་སུ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་བཅོམ་ལྡན་འདས་མ་རྟོག་པའི་རྒྱལ་པོར་དཔལ་བེའུ་
ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། བ་སུ་ར། མ་ར། བ་ན། གྷུ་གྷུ། ནཾ་པ་རཾ། པཱ་ར་ཡ་ནཾ། ཨེ་ཧི་ཨེ་ཧི། བུ་དྷྱ་བུདྷྱ། བོ་དྷྱ་ཡེ་སྭཱ་ཧཱ།
འདི་ནི་མཐུ་ཆེན་པོ་ཐོབ་པ་དང་བཅས་པ་སྟེ། དཔལ་བེའུ་ཞེས་བྱ་བའི་རིག་པའི་རྒྱལ་པོ་ཆེན་པོ་དྲན་པ་ཙམ་གྱིས་ཉེ་བར་འཚེ་བ་ཐམས་ཅད་འཇོམས་པར་བྱེད་པའོ། །འདིའི་ཆོ་ག་ནི་གུར་གུམ་དང་བསྲེས་པའི་ཚོན་གྱིས་འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱའོ། །
เล่ม ๙๔ · หน้า 15b
རལ་པ་གྱེན་དུ་བརྫེས་པ། པདྨ་ལ་བཞུགས་པ། ཕྱག་གཡོན་ན་པདྨ་བསྣམས་པ། གཡས་པས་མཆོག་སྦྱིན་པ། ཐུགས་ཀར་དཔལ་བེའུའི་མཚན་མས་བརྒྱན་པའོ། །གཡས་སུ་གུར་གུམ་གྱིས་དཔལ་བེའུ་བྲི་བར་བྱའོ། །རིང་བསྲེལ་དང་བཅས་པའི་མཆོད་རྟེན་ལ་རས་རིས་ཞལ་
ནུབ་ཏུ་ཕྱོགས་པར་བཞུགས་ནས། མཆོད་རྟེན་དེ་ཉིད་ཀྱིས་བདུག་པ་བསྲེགས་ཏེ་འབུམ་ཕྲག་གསུམ་བཟླས་པར་བྱའོ། །མཐར་ཉིན་མཚན་དུ་སྨྱུང་བར་གནས་ཏེ། ནཱ་ག་གེ་སར་རེ་རེ་ལ་ཡོངས་སུ་བཟླས་ནས་འཕགས་པ་སྤྱན་རས་གཟིགས་དབང་ཕྱུག་གི་ཐུགས་ཀར་བསྣུན་པར་བྱའོ། །
དེ་ལྟ་བུ་ཟླ་བར་རྫོགས་པར་བྱས་ན་གཏེར་ཆེན་པོ་མཐོང་བར་བྱེད་དོ། །ཉི་མ་བདུན་གྱིས་གསེར་སྟོང་རྙེད་དོ། །ཕྱོགས་ཀྱི་ཡུལ་རྙེད་དོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ་དཔལ་
བེའུ་ཞེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ་བཅོམ་ལྡན་འདས་མའི་རྟོག་པའི་རྒྱལ་པོར་མི་
འཇིགས་པ་སྦྱིན་པ་ཞེས་བྱ་བའི་སྔགས་ཀྱི་རྒྱལ་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། གོ་པ་ཏི་བ་ཏི། ཙ་ར་པ་ཏི་པ་ཏི། ཤ་ས་ནི། ཤ་སི་ནི། བྷཱུ་བྷཱུ། ཙི་ལི་ཅི་ལི་ཙི་ལྤ་ཡ་སྭཱ་ཧཱ།
འདི་ནི་མཐུ་ཆེན་པོ་ཐོབ་པ་དང་བཅས་པ་སྟེ། མི་འཇིགས་པ་སྦྱིན་པ་ཞེས་བྱ་བའི་སྔགས་ཀྱི་རྒྱལ་པོ་ཆེན་པོ་རྟག་ཏུ་བཟླས་པས་སའི་རྒྱལ་པོར་འགྱུར་རོ། །འདིའི་སྒྲུབ་ཐབས་ཀྱི་ཆོ་གར་འགྱུར་བ་ནི་རས་ལ་ལི་ཁྲིའི་ཕྱེ་མ་དང་བསྲེས་པའི་ཚོན་གྱིས་འཕགས་པ་སྤྱན་རས་གཟིགས་དབང་ཕྱུག་
འདྲིར་གཞུག་པར་བྱ་སྟེ། རལ་པ་གྱེན་དུ་བརྫེས་པ། རིལ་བ་སྤྱི་བླུགས་ཕྱག་ན་བསྣམས་པ། གཞོགས་སུ་སོན་པ། པདྨའི་གདན་ལ་བཞུགས་པ། མི་འཇིགས་པ་རབ་ཏུ་སྦྱིན་པའོ། །དེ་ནས་རས་རིས་དེ་རིང་བསྲེལ་དང་བཅས་པའི་མཆོད་རྟེན་ལ། མཆོད་རྟེན་གྱི་བྱང་དུ་
เล่ม ๙๔ · หน้า 16a
བཞུགས་ནས་འདི་ཉིད་ཀྱིས་ཇི་ལྟར་འབྱོར་པའི་མཆོད་པ་བྱས་ནས་འབུམ་བཟླས་སོ། །མཐར་ཉིན་མཚན་དུ་སྨྱུང་བར་གནས་པས་མཆོད་པ་རྒྱ་ཆེན་པོ་བྱས་ནས་སྲོད་ནས་བརྩམས་ནས་བཟླས་པར་བྱ། ནམ་མཁའ་ལས་གྲུབ་པོ་ཞེས་པའི་སྒྲ་ཐོས་པར་འགྱུར་ཏེ་གང་
དུ་མཆོད་པ་དེར་ཆར་ལྷུང་བར་འགྱུར་རོ། །མ་གྲུབ་ན་ཡུལ་རྙེད་དོ། །དེའི་སྤྱན་སྔར་པ་ལཱ་ཤའི་མེ་ལ་ཀླུ་ཤིང་གི་མེ་ཏོག་མར་ལ་བཏགས་པའི་སྦྱིན་སྲེག་འབུམ་བྱས་ན་དངུལ་འབུམ་རྙེད་དོ། །དོང་ཙེ་བརྒྱ་རྙེད་པར་འགྱུར་རོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་
བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པའི་མི་འཇིགས་པ་སྦྱིན་པ་ཞེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ།། །།བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོའི་མདོ་སྡེ་བཅོམ་ལྡན་འདས་མ་
འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ལས་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པའི་རིག་པའི་སྔགས་རྣམས་ཏེ་ལེའུ་རབ་འབྱམ་བཅུ་གསུམ་པ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་
པ་སྤྱན་རས་གཟིགས་དབང་ཕྱུག་སླར་ཡང་ཐམས་ཅད་དང་ལྡན་པའི་འཇིག་རྟེན་གྱི་ཁམས་སུ་བྱང་ཆུབ་སེམས་དཔའི་ཏིང་ངེ་འཛིན་དག་པའི་ཡུལ་རྣམ་པར་འཕྲོ་ཞིང་རྣམ་པར་འཇིག་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་ནས་རྟོག་
པའི་རྒྱལ་པོ་ཆེན་པོ་འདིར་བཅོམ་ལྡན་འདས་མ་འཕགས་མ་སྒྲོལ་མ་བསྒྲུབ་པར་བྱ་བའི་དོན་དུ་བདག་གིས་འཆད་བཞིན་པའི་ཆེད་དུ་ལྷ་ཐམས་ཅད་ཀུན་ཏུ་འགེགས་ཀྱི་བསམ་པ་དེ་བཞིན་གཤེགས་པ་ཉེ་བར་འཕོ་བར་འགྱུར་བ་དེ་ལ་བདག་གིས་སེམས་ཅན་ཐམས་ཅད་རབ་ཏུ་སྐྲག་པར་
བྱེད་པ་ལ་མི་འཇིགས་པ་རབ་ཏུ་སྦྱིན་པ་བཤད་ཀྱིས། ཀྱེ་ལྷའི་ཚོགས་རྣམས་འབྱུང་པོའི་ཚོགས་ཐམས་ཅད་དང་། བགེགས་དང་ལོག་པར་འདྲེན་པ་དང་། གནོད་སྦྱིན་གྱི་དབང་པོ་ཐམས་ཅད་དང་། གང་ཡང་གཞན་རིག་པའི་སྡེ་དཔོན་རྣམས་ཉོན་ཅིག །བདག་གིས་རིག་
เล่ม ๙๔ · หน้า 16b
པའི་རྒྱལ་པོ་ཆེན་པོ་ཁྲོ་གཉེར་ཅན་ཞེས་བྱ་བའི་རིག་པ་ཐམས་ཅད་ཀྱི་རྒྱལ་མོ་བཅོམ་ལྡན་འདས་མ་སྒྲོལ་མས་གསུངས་པ། རིག་པ་ཐམས་ཅད་ཀྱི་མངའ་བདག །དབང་དུ་གྱུར་པ། དེ་བཞིན་གཤེགས་པས་གསུངས་པ། གསོལ་བ་འདེབས་པ་མངོན་པར་འདུ་བྱེད་པ་ཉིད་དེ་
དང་མཐུན་པར་འཇིགས་པ་ཆེན་པོ་ཐམས་ཅད་འཕྲོག་པ་དང་། སྐེམས་པ་དང་། གསོད་པར་བྱེད་པ། རྟོག་པའི་རྒྱལ་པོ་འདིར་ལས་ཀྱི་ཆོ་ག་བཅོམ་ལྡན་འདས་མ་འཕགས་མ་སྒྲོལ་མའི་སྒྲུབ་ཐབས་ཀྱི་སྔ་དྲོ་ལངས་ནས་གཙང་མར་གྱུར་པས་ཤར་ལ་སོགས་པར་ཀུན་ཏུ་བལྟས་ཏེ་
ལག་མཐིལ་ལ་ཡོངས་སུ་བཟླས་ནས་ཉི་མའི་དཀྱིལ་འཁོར་ལ་ཡང་ཀུན་ཏུ་བལྟས་ནས་དེར་ལག་མཐིལ་ལ་བཟླས་པར་བྱའོ། །བགེགས་ཐམས་ཅད་རེངས་པར་འགྱུར་རོ། །གཞན་ཡང་གདུག་པའི་བསམ་པ་རྣམས་ལ་དེ་བཞིན་དུ་ཡང་ཉི་མ་སོ་སོར་བྱས་ན་ཐམས་ཅད་རིང་པོར་མི་
ཐོགས་པ་ཁོ་ནར་ཐམས་ཅད་ཞི་བའི་ལས་འགྲུབ་པར་འགྱུར་རོ། །རྒྱས་པ་ཅན་ཡང་ཉི་མ་ནུབ་པའི་དུས་ཚོད་ལ་དེ་ཉིད་ཀྱིས་ལས་བྱའོ། །མངོན་སྤྱོད་ཅན་ལ་མཚན་ཕྱེད་ན་གནས་གཅིག་ཏུ་གཙུག་ཕུད་དགྲོལ་ཞིང་ལན་བདུན་བརྗོད་ཅིང་ནམ་མཁའི་མཐིལ་དུ་བལྟས་ནས་བློ་རྩེ་
གཅིག་ཏུ་བསྒོམ་པར་བྱའོ། །དེའི་སེམས་ཅན་མངོན་སྤྱོད་ཅན་གྱི་ལས་རྣམས་འགྲུབ་པར་འགྱུར་རོ། །གང་ཡང་ལྷའི་ཚོགས་དང་། འབྱུང་པོའི་ཚོགས་ཐམས་ཅད་དང་། ལོག་པར་འདྲེན་པའི་ཚོགས་རྣམས་ཀྱང་འདི་སྐད་ཅེས་བདག་གིས་གསུངས་པའི་རིག་པའི་
རྒྱལ་པོ་གསང་ཆེན་གསང་བའི་སྦྱོར་བ་བྱེད་པར་འགྱུར་བ་དེའི་དངོས་གྲུབ་གདོན་མི་ཟ་བར་འགྱུར་བ་དང་། བཅོམ་ལྡན་འདས་མའི་སྒྲུབ་པ་པོ་དང་སྔགས་ཀྱི་རྟོག་པ་འདིར་གསུངས་པའི་སྒྲུབ་པ་པོས་གདོན་མི་ཟ་བར་བྱེད་པར་འགྱུར་རོ། །འདི་ལྟར་ཀུན་ཏུ་རྟོགས་པར་བྱའི་གཞན་
མ་ཡིན་ནོ་ཞེས་སོ། །ཀྱེ་ལྷའི་ཚོགས་རྣམས་རིག་པ་ཆེན་པོ་གང་མ་མོའི་གསང་ཆེན་གསང་བ་རྣམས་ཉོན་ཅིག །དེ་སྐྱིད་པར་བྱེད་པའི་ཆོ་གའི་རིག་པ་ཡང་བཤད་པར་བྱའོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་མཐའ་ཀུན་ཏུ་
เล่ม ๙๔ · หน้า 17a
སྣང་བ་ཞེས་བྱ་བའི་བྱང་ཆུབ་སེམས་དཔའི་ཏིང་ངེ་འཛིན་ལ་སྙོམས་པར་ཞུགས་པར་གྱུར་ཏོ། །ཏིང་ངེ་འཛིན་གང་ལ་སྙོམས་པར་ཞུགས་པས་སེམས་ཅན་ཐམས་ཅད་ཀྱང་སྐྱེ་བ་བརྗེས་ཏེ་སྟོབས་དང་བརྩོན་འགྲུས་དང་མཐུ་དང་རྣམ་པར་ཤེས་པ་ལྔ་དང་ལྡན་པར་
གྱུར་ཏོ། །སྙོམས་པར་ཞུགས་པ་དེ་ལས་དང་མཐུ་དང་བཅས་པར་ལངས་ནས་བཅོམ་ལྡན་འདས་གང་ན་བ་དེར་ཉེ་བར་སོང་ངོ་། །ཉེ་བར་སོང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་མཐའ་གཅིག་ཏུ་འདུག་གོ། །དེ་ནས་ཡང་བྱང་ཆུབ་སེམས་དཔའ་
སེམས་དཔའ་ཆེན་པོ་ཕྱག་ན་རྡོ་རྗེས་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེར་ཐལ་མོ་སྦྱར་ནས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་པ་འོང་བའམ་འགྲོ་བར་ག་ལ་འགྱུར། དེ་སྐད་ཅེས་གསོལ་པ་དང་།
བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ་གང་ཁྱོད་སེམས་ཅན་རྣམས་ཀྱི་དོན་དུ་འདི་ལྟ་བུ་ཡོངས་སུ་ཞུས་པ་ལེགས་སོ་ལེགས་སོ། །དེས་ན་རིགས་ཀྱི་བུ་ཉོན་ཅིག་དང་བཤད་པར་བྱའོ། །
ཤར་ཕྱོགས་སུ་སངས་རྒྱས་ཀྱི་ཞིང་སྟོང་ཕྲག་བརྒྱད་ཅུ་རྩ་བཞི་ཕྱིན་པའི་སངས་རྒྱས་ཀྱི་ཞིང་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་མི་འཁྲུགས་པ་ཞེས་བྱ་བ་རང་གི་སངས་རྒྱས་ཀྱི་ཞིང་དུ་རིག་པའི་རྒྱལ་མོ་འདི་ཉིད་རབ་ཏུ་སྟོན་པར་གྱུར་
ཏོ། །ལྷོ་ཕྱོགས་སུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་གསེར་ཀུན་ཏུ་སྣང་བ་ཞེས་བྱ་བ་དེ་ཡང་སྒྲོལ་མའི་རིག་པ་འདི་ཉིད་གསུངས་པར་གྱུར་ཏོ། །ནུབ་ཕྱོགས་སུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
པའི་སངས་རྒྱས་བཅོམ་ལྡན་འདས་ཚེ་དཔག་མེད་ཅེས་བྱ་བ་དེས་ཀྱང་རང་གི་སངས་རྒྱས་ཀྱི་ཞིང་དུ་རིག་པ་འདི་གསུངས་པར་གྱུར་ཏོ། །བྱང་ཕྱོགས་སུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ལུས་མཛེས་ཞེས་བྱ་བ་དེ་ཡང་རིག་པའི་
เล่ม ๙๔ · หน้า 17b
རྒྱལ་མོ་འདི་ཉིད་གསུངས་པར་གྱུར་ཏོ། །དེ་ལྟར་ཕྱོགས་བཅུ་རྣམས་སུ་ཡང་དེ་ལྟ་བུ་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱིས་གསུངས་པ་དང་ལྡན་པ་དེ་རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱང་སྙིང་པོ་འདི་ཉིད་ཀུན་ཏུ་བཤད་པར་མཛད་དོ། །རིགས་ཀྱི་བུ་
ཤར་ཕྱོགས་སུ་སངས་རྒྱས་ཀྱི་ཞིང་བགྲང་བ་ལས་འདས་པ་ན་འཇིག་རྟེན་གྱི་ཁམས་དྲི་མ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མ་མེད་པའི་འོད་ཅེས་བྱ་བ་དེའི་སངས་རྒྱས་ཀྱི་ཞིང་ན་བྱང་ཆུབ་སེམས་དཔའ་སེམས་
དཔའ་ཆེན་པོ་རིན་ཆེན་འབྱུང་གནས་ཞེས་བྱ་བ་ཡོད་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་དེ་ཡང་བྱང་ཆུབ་སེམས་དཔའ་རིན་ཆེན་འབྱུང་གནས་ལ་རིག་པ་འདིའི་རབ་ཏུ་སྟོན་ཏོ། །དེ་ནས་ཀྱང་སངས་རྒྱས་ཀྱི་ཞིང་ལས་འདས་
པ་ན་འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་རིན་ཆེན་རབ་སྣང་ཞེས་བྱ་བ་བཞུགས་ཏེ། དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་དཔལ་ཞེས་བྱ་བ་
ཡོད་དོ། །དེ་ནས་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་རིན་ཆེན་རབ་སྣང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་དཔལ་ལ་བཀའ་སྩལ་པ། རིགས་ཀྱི་བུ་རིག་པ་འདི་སེམས་ཅན་རྣམས་ཀྱི་དོན་གྱི་ཆེད་དུ་
ངས་བཤད་ཀྱིས་མཆོག་ཏུ་ཟུང་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་དཔལ་དེ་བཞིན་གཤེགས་པའི་བྱིན་གྱི་རླབས་ཀྱིས་རིག་པ་མཆོག་ཏུ་བཟུང་བར་གྱུར་ཏོ། །དེ་ནས་འཇིག་རྟེན་གྱི་ཁམས་དྲི་མ་མེད་པར་དེ་བཞིན་གཤེགས་པ་དགྲ་བཅོམ་པ་ཡང་
དག་པར་རྫོགས་པའི་སངས་རྒྱས་བཅོམ་ལྡན་འདས་དྲི་མ་མེད་པའི་འོད་ཅེས་བྱ་བ་དེའི་སངས་རྒྱས་ཀྱི་ཞིང་ན་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་ཞེས་བྱ་བ་སོ་སོར་འཁོད་དོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་
เล่ม ๙๔ · หน้า 18a
དཔའ་ཆེན་པོ་རིན་ཆེན་འབྱུང་གནས་ལ་བཀའ་སྩལ་པ། རིགས་ཀྱི་བུ་འདི་ནི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་སེམས་ཅན་རྣམས་ཀྱི་དོན་དང་ཕན་པ་དང་བདེ་བའི་ཆེད་དང་ལྷ་དང་མི་རྣམས་ཀྱང་རྗེས་སུ་གཟུང་བའི་ཆེད་དང་། སེམས་ཅན་ཐམས་ཅད་ཀྱི་
ཆེད་དུ་སེམས་ཅན་ཐམས་ཅད་ལ་བཤད་པར་བྱའི་མཆོག་ཏུ་ཟུང་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་ཀྱིས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རིག་པ་མཆོག་ཏུ་བཟུང་བར་གྱུར་ཏོ། །རིགས་ཀྱི་བུ་གང་ཡང་བྱང་
ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་ཞེས་བྱ་བ་དེ་གཞན་མ་ཡིན་ཏེ། དེའི་ཚེ་དེའི་དུས་ན་སངས་རྒྱས་ཀྱི་ཞིང་དེར་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་འདིར་གྱུར་པའོ། །གང་བྱང་ཆུབ་སེམས་དཔའ་སེམས་དཔའ་
ཆེན་པོ་རིན་ཆེན་དཔལ་ཞེས་པ་འདི་དེ་བཞིན་གཤེགས་པ་རིན་ཆེན་རབ་སྣང་གི་སངས་རྒྱས་ཀྱི་ཞིང་དུ་ལྷ་མོ་གོས་དཀར་མོ་དང་དེ་བཞིན་གཤེགས་པ་འོད་དཔག་མེད་ཀྱི་སངས་རྒྱས་ཀྱི་ཞིང་བྱས་པའི་གནས་སུ་རིགས་ཀྱི་བུ་རིག་པ་འདི་འགྲོ་བ་དང་འོང་བ་ཉིད་ཀྱང་རིགས་ཀྱི་བུ་རིག་པའི་
རྒྱལ་པོ་སྟོན་པར་བྱེད་དོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་གང་ན་བ་དེར་ཉེ་བར་སོང་སྟེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་བདག་ཕྱག་ན་རྡོ་རྗེ་ལ་དངོས་གྲུབ་ཀྱི་དོན་དུ་རིག་པ་སྦྱིན་པར་བགྱིའོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཕྱག་ན་
རྡོ་རྗེ་བདག་གིས་ཀྱང་གོས་དཀར་མོའི་སྙིང་པོའི་རིག་པ་སྦྱིན་པར་བགྱིའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་སེམས་ཅན་
เล่ม ๙๔ · หน้า 18b
རྣམས་ལ་གཅིག་ཏུ་སྙིང་བརྩེ་བ་ཤིན་ཏུ་སྙིང་བརྩེ་བ་ཅན་སེམས་ཅན་རྣམས་ལ་མི་འཇིགས་པ་རབ་ཏུ་སྩོལ་ཅིག །ཐུབ་པས་གསུངས་པའི་རིག་པ་སྟོན་ཅིག །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཅུང་ཟད་འཛུམ་པའི་བཞིན་གྱིས་
འཇིག་པར་བྱེད་པའི་མེ་ལྟར་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པར་གྱུར་ཏོ། །སངས་རྒྱས་ཀྱི་ཞིང་རྣམས་ཐམས་ཅད་ཀྱང་དེའི་འོད་ཟེར་གྱིས་ཀུན་ཏུ་སྐུལ་བར་བྱེད་པ་བྱུང་བ་ནི་བྱང་ཆུབ་སེམས་དཔའི་དཔྲལ་བར་སྤྱན་གསུམ་པ་བྱུང་སྟེ། སྤྱན་དེ་ལས་སྣ་ཚོགས་དབང་
དུ་བྱེད་པའི་འོད་ཟེར་བྱུང་བར་གྱུར་ཏོ། །འོད་ཟེར་དེ་རྣམས་ཀྱིས་སངས་རྒྱས་ཀྱི་ཞིང་རྣམས་ཀུན་ཏུ་སྣང་བར་གྱུར་ཏོ། །སངས་རྒྱས་ཀྱི་ཞིང་རྣམས་ཐམས་ཅད་དུ་ཡང་རིགས་ཀྱི་བུ་གང་ཁྱོད་འདི་ལྟ་བུའི་རིག་པ་སྨྲས་པ་ལེགས་སོ་ལེགས་སོ་ཞེས་པའི་ཚིག་ཐོས་སོ། །སངས་
རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡང་པདྨ་དང་། ཨུཏྤལ་དང་། ཀུ་མུ་ད་དང་། པུཎྜ་རཱི་ཀ་དང་། དྲི་བཟང་ལྡན་པ་དང་། ཀ་ཊོ་ར་དང་། མཉྫུ་ཥ་ཀ་དང་། མཉྫུ་ཥ་ཀ་ཆེན་པོའི་མེ་ཏོག་རྣམས་ཀྱིས་མངོན་པར་གཏོར་བར་གྱུར་ཏོ། །རིགས་ཀྱི་བུ་རིག་པའི་རྒྱལ་པོ་
སྨྲོས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སངས་རྒྱས་ཀྱི་བྱིན་གྱིས་རླབས་ཀྱིས་རིག་པ་གསུངས་པ། ན་མཿསརྦ་ཏ་ཐ་ག་ཏེ་བྷྱཿ། ཨརྷ་ཏེ་བྷྱཿ། སམྱ་ཀ་སཾ་བུདྡྷེ་བྷྱཿ། ཨོྃ་བྷ་ཡ་ནཱ་ཤ་ནི་ཏྲཱ་ས་ནི་ཏྲཱ་ས་ཏྲཱ་ས་ཡ། བྷྲྀ་
ཀུ་ཊི། ཏ་ཊི། བཻ་ཏ་ཊི། བཻ་ཏ་ཊི། སྭེ་ཏེ། ཛ་ཊི་ནི་སྭཱ་ཧཱ། རིག་པ་འདི་གསུངས་མ་ཐག་ཏུ་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་ནུབ་ཕྱོགས་མཐོ་ན་ཤར་ཕྱོགས་དམའ་བ་དང་། ལྷོ་ཕྱོགས་མཐོ་ན་བྱང་ཕྱོགས་དམའ་བ་དང་། བྱང་ཕྱོགས་མཐོ་ན་ལྷོ་ཕྱོགས་
དམའ་བ་དང་། ཤར་ཕྱོགས་མཐོ་ན་ནུབ་ཕྱོགས་དམའ་བར་གྱུར་ཏེ། དེ་ལྟར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པར་འགྱུར་བ་དྲུག་ཏུ་གཡོས་ཏེ་གཞལ་ཡས་ཁང་ན་གནས་པའི་ལྷ་རྣམས་ཀྱང་གདན་ལས་བསྐྱོད། དྲི་ཟ་རྣམས་ཁ་བུབ་ཏུ་གྱུར། ལྷ་མ་ཡིན་རྣམས་
เล่ม ๙๔ · หน้า 19a
ཀྱི་དབྱངས་ཉམས་པ་དང་། ནམ་མཁའ་ལྡིང་རྣམས་ཀྱི་སྒྱུ་མི་མགྱོགས་པ་དང་། སྲིན་པོ་རྣམས་ཀྱི་ཏྲུ་ཏ་ཏ་ར་དང་། གདུག་པ་རྣམས་ཉེ་བར་འགྲོ་བར་གྱུར་ཏོ། །མ་མོའི་ཚོགས་རྣམས་ངུ་འབོད་ཀྱི་ཉམ་ཐག་པའི་ང་རོ་དང་ངུ་འབོད་ཀྱི་ཀླག་ཅོར་སྨྲའོ། །དེ་བཞིན་
དུ་གནོད་སྦྱིན་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་སྐྱབས་མེད་དཔུང་གཉེན་མེད་དེ། ཇི་སྲིད་འོག་མིན་པའི་ལྷའི་རིས་རྣམས་ཀྱང་སྲེག་པར་གྱུར་ཏོ། །ལྷ་རྣམས་ཐམས་ཅད་རིངས་པ་རིངས་པར་དེ་བཞིན་གཤེགས་པའི་དྲུང་དུ་ཉེ་བར་ལྷགས་སོ། །དེ་ནས་ཕྱག་ན་རྡོ་རྗེ་ཡང་
དེ་བཞིན་གཤེགས་པའི་རྣམ་པར་འཕྲུལ་པའི་རྒྱན་གྱི་འོད་ཟེར་རྣམས་ཀྱིས་ཡིད་ཚིམ་ནས་སྟན་ལས་འཕོས་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་དྲུང་ན་ཉེ་བར་ལྷགས་སོ། །དེ་ནས་བཅོམ་ལྡན་འདས་ཀྱིས་ལྷ་ཐམས་ཅད་དང་། བྱང་
ཆུབ་སེམས་དཔའ་རྣམས་ལ་དབུགས་འབྱིན་པ་མཛད་དེ། མ་འཇིགས་ཤིག །གྲོགས་པོ་དག་མ་འཇིགས་ཤིག །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ་རབ་ཏུ་ཞུགས་ཤིག །དེ་བཞིན་གཤེགས་
པའི་གཙུག་ཏོར་སེམས་དཔའ་ཆེན་པོ་རབ་ཏུ་ཞུགས་པ་ཙམ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་རྣམ་པར་འགྱུར་བ་དྲུག་ཏུ་གཡོས་སོ། །དེ་ནས་ཡང་བཅོམ་ལྡན་འདས་ཀྱིས་ལྷ་ཐམས་ཅད་ལ་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པའི་སྙིང་པོ་
དང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་དབྱངས་སུ་གྱིས་ཤིག །དེ་ནས་ལྷ་དེ་རྣམས་ཐམས་ཅད་དང་། དྲི་ཟ་དང་། གནོད་སྦྱིན་ལ་སོགས་པ་དང་། བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་སྙིང་པོ་དང་། བྱང་ཆུབ་སེམས་
དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ཕྱག་འཚལ་བར་གྱུར་ཏོ། །དེ་ནས་འཁོར་ཐམས་ཅད་དང་བཅས་པ་ཉིད་ངོ་མཚར་ཐོབ་ནས་བཅོམ་ལྡན་འདས་གང་ན་བ་དེར་ཉེ་བར་ལྷགས་སོ། །ཉེ་བར་ལྷགས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་
เล่ม ๙๔ · หน้า 19b
ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འདི་ལྟ་བུའི་གསང་སྔགས་བྱང་ཆུབ་སེམས་དཔས་གསུངས་པ་ནི་བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་མཆོག་ཏུ་ངོ་མཚར་ཏོ། །དེ་ནས་ཡང་བྱང་ཆུབ་སེམས་དཔའ་སེམས་
དཔའ་ཆེན་པོ་ཕྱག་ན་རྡོ་རྗེས་གསུངས་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་གཙུག་ཏོར་ནས་ངེས་པར་འཐོན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བྱང་ཆུབ་སེམས་
དཔའ་ཆེན་པོའི་མཐུ་ལྷ་རྣམས་ཀྱིས་སྔོན་ཆད་མ་ཐོས་པ་གསུངས་པ་ནི་བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་ཏོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ནོ། །འདས་པའི་དུས་ན་ཤར་ཕྱོགས་ན་དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་སྤྱན་ཞེས་བྱ་བ་དེའི་སངས་རྒྱས་ཀྱི་ཞིང་ན་རིག་པ་འཛིན་པ་བྱེ་བ་ཕྲག་བརྒྱད་ཅུ་རྩ་བཞི་སོ་སོར་གནས་སོ། །སངས་རྒྱས་ཀྱི་ཞིང་དེ་ན་བུད་མེད་ཅེས་བྱ་བ་གདགས་པ་མེད་དེ། དེ་རྣམས་ཐམས་ཅད་ཀྱང་རིག་པ་འཛིན་པ་
སྐྱོན་མེད་པ་ཁོ་ན་སྟེ། རིག་པ་འཛིན་པར་གྱུར་པ་ལས་མ་འདས་ཏེ། རིགས་ཀྱི་བུ་ལྷ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། གནོད་སྦྱིན་གྱི་དབང་པོ་ཐམས་ཅད་དང་། དྲི་ཟ་དང་། འབྱུང་པོ་དང་། ཤ་ཟ་དང་། མིའམ་ཅི་དང་། ལྟོ་འཕྱེ་ཆེན་པོ་ལ་
སོགས་པ་འདི་རྣམས་མདོར་ན་རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་རིམ་པ་ལས་མ་འདས་པའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གང་ན་བ་དེར་སོང་ངོ་
ཉེ་བར་སོང་ནས་དགའ་ནས་གསང་སྔགས་གསུངས་སོ། །ན་མོ་རཏྣ་ཏྲ་ཡཱ་ཡ། ན་མཤྩ་ཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཨོྃ་ཊཀྐི་ཧཱུྃ་ཕཊ། འདི་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དང་། རིག་པའི་ཚོགས་ཐམས་ཅད་ཀྱི་སྙིང་པོར་གྱུར་པ་རིག་པ་མཆོག་
เล่ม ๙๔ · หน้า 20a
གི་རྒྱལ་པོའི་སྙིང་པོ་རིག་པའི་རྒྱལ་པོ་སྟོང་བཟླས་པར་བྱའོ། །རྒྱུད་ཕྱི་མ་བསྐྱེད་པ་ཞེས་བྱ་བའི་ལེའུ་དང་པོའོ།། །།དེ་ནས་ཡང་བྱང་ཆུབ་སེམས་དཔའ་ཐམས་ཅད་དང་། ལྷ་དང་། དྲི་ཟ་དང་། ཀླུ་དང་། གནོད་སྦྱིན་དང་། ལྷ་མ་ཡིན་
དང་། ནམ་མཁའ་ལྡིང་དང་། མིའམ་ཅི་དང་། ཡི་དགས་དང་། ཤ་ཟ་དང་། སྲུལ་པོ་དང་། ལུས་སྲུལ་པོ་དང་། སྐེམ་བྱད་དང་། སྨྱོ་བྱེད་དང་། གནོན་པོ་དང་། ལོག་འདྲེན་ཐམས་ཅད་དང་། ཐམས་ཅད་ནས་རྒྱལ་པོ་དང་། ལྷ་དང་སྒྲ་འམ། ཆུ་ཀླུང་དང་། རྒྱ་མཚོར་
བཅས་པའི་ལྷ་རྣམས་དང་། སྨན་ཆེན་པོ་རྣམས་བཅོམ་ལྡན་འདས་གང་ན་བ་དེར་ཉེ་བར་ལྷགས་སོ། །ཉེ་བར་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་མངོན་པར་ཕྱག་འཚལ་ནས་མཐའ་གཅིག་ཏུ་འདུག་གོ། །དེ་ནས་དེ་རྣམས་ཐམས་ཅད་ཀྱིས་བཅོམ་
ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཞུ་བ་འགའ་ཞིག་ཡོངས་སུ་ཞུ་བར་འཚལ་ལོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་
དཔའ་དང་། ལྷ་རྣམས་ལ་འདི་སྐད་ཅེས་བཀའ་སྩལ་ཏོ། །བཞིན་བཟང་དག་ལེགས་སོ། །གང་དང་གང་འདོད་པ་དྲིས་ཤིག །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་པ་རྣམས་
འཆར་བའམ། ནུབ་པར་འགྱུར་བ་གདགས་པ་དང་། གང་གི་དུས་སུ་རིག་པ་རྣམས་འགྲུབ་པར་འགྱུར། ལྷ་རྣམས་ཀྱིས་དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཀྱེ་ལྷ་རྣམས་རིགས་ཀྱི་བུ་གང་གི་ཚེ་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་བྱུང་བ་དེའི་ཚེ་རིག་པ་རྣམས་འཆར་བར་འགྱུར་ཏེ། བརྩོན་འགྲུས་དང་ལྡན་པ་དང་། དལ་ཞིང་དལ་བའི་བརྩོན་འགྲུས་དང་། སྙིང་སྟོབས་དང་། ལེ་ལོ་དང་། བརྫུན་དུ་སྨྲ་བ་དང་། ཚིག་རྩུབ་པོ་དང་། སྲོག་གཅོད་པ་དང་།
เล่ม ๙๔ · หน้า 20b
དྲག་པོ་ཅན་དང་། སྲེད་པ་དང་། བརྐམ་པ་རྣམས་ཏེ། དེ་རྣམས་རྟག་ཏུ་མར་མི་ཤེས་པ་དང་། ཕར་མི་ཤེས་པ་འདི་ལྟ་བུ་རྣམས་ཀྱིས་རིག་པའི་དངོས་གྲུབ་མི་རྙེད་དོ། །རིགས་ཀྱི་བུ་འདས་པའི་དུས་ན་བསྐལ་པ་བཟང་པོ་འདི་ཉིད་ལ་རིག་པ་འཛིན་པའི་རྒྱལ་པོ་བཅྭ་བརྒྱད་
འདས་པ་ན་རྫུ་འཕྲུལ་ཆེན་པོ་ཅན། མཐུ་ཆེན་པོ་ཅན། དེ་རྣམས་རིག་པ་འཛིན་པའི་མིང་དུ་གྲགས་པར་གྱུར་ཏོ། །དེ་རྣམས་ཐམས་ཅད་ཀྱང་རིག་པ་འཛིན་པ་ཉིད་དང་། རིག་པའི་མཐུ་ཡིས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །
རིགས་ཀྱི་བུ་ཤར་ཕྱོགས་སུ་སྡིག་མེད་ཅེས་བྱ་བའི་རིག་པ་འཛིན་པའི་རྒྱལ་པོ་རིག་པ་འཛིན་པ་བྱེ་བ་ཕྲག་བཞིའི་མངའ་བདག་གོ། །བྱང་ཕྱོགས་སུ་རི་རབ་ལྷུན་པོ་ཞེས་བྱ་བའི་རིག་པ་འཛིན་པའི་རྒྱལ་པོ་རིག་པ་འཛིན་པ་བྱེ་བ་ཕྲག་བཅུའི་མངའ་བདག་གོ། །རི་རབ་ལྷུན་པོ་རིའི་རྒྱལ་
པོའི་ཉེ་ལོགས་ན་གླང་པོའི་སྡེ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། ལྷ་མ་ཡིན་གྱི་དབང་པོ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། གཞོན་པ་དཀར་པོ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། ཆ་བྱད་བཟང་པོ་ཞེས་བྱ་བའི་རིག་པ་འཛིན་པའི་རྒྱལ་པོ་དང་།
གསེར་གྱི་ཡན་ལག་ཅེས་བྱ་བའི་རིག་པ་འཛིན་པའི་རྒྱལ་པོ་དང་། པདྨ་བཀོད་པའི་རྒྱན་ཞེས་བྱ་བའི་རིག་པ་འཛིན་པའི་རྒྱལ་པོ་དང་། རྡོ་རྗེའི་ཕྱག་ཅེས་བྱ་བའི་རིག་པ་འཛིན་པའི་རྒྱལ་པོ་དང་། རིན་ཆེན་ཀུན་ཏུ་སྣང་བ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། ཞགས་
པའི་ཕྱག་རྒྱ་ཅེས་བྱ་བའི་རིག་པ་འཛིན་པའི་རྒྱལ་པོ་དང་། མེ་ལྕེ་འབར་བའི་འོད་ཅེས་བྱ་བའི་རིག་པ་འཛིན་པའི་རྒྱལ་པོ་དང་། སྒྱུ་འཕྲུལ་ཀུན་ཏུ་སྟོན་པ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། རྟག་ཏུ་རབ་དགའ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། རིག་པ་འཛིན་
པའི་རྒྱལ་པོ་བཅྭ་བརྒྱད་པོ་འདི་རྣམས་རིག་པ་འཛིན་པ་སྟོང་ཕྲག་བཅུ་བཞིས་ཡོངས་སུ་བསྐོར་བ་མཐུ་ཆེན་པོ་དང་ལྡན་པ་དེ་རྣམས་ཐམས་ཅད་ཀྱང་བུད་མེད་རྣམས་ཀྱིས་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རིགས་ཀྱི་བུ་རིག་པ་
เล่ม ๙๔ · หน้า 21a
འཛིན་པ་འདི་རྣམས་སྐྱེ་བ་བདུན་གྱི་ནང་དུ་རིག་པའི་རྗེས་སུ་འབྲང་བར་འགྱུར་བ་སྟེ། གང་དང་གང་དུ་སྐྱེས་པ་དེ་དང་དེ་ཉིད་དུ་རིག་པ་འདིའི་མཐུས་དྲན་པ་སོ་སོར་རྙེད་དོ། །རིགས་ཀྱི་བུ་དེ་ལྟ་བུའི་གནས་སུ་གནས་པས་རིག་པ་འགྲུབ་པར་འགྱུར་རོ། །དེ་
ནས་ལྷ་དང་བྱང་ཆུབ་སེམས་དཔའི་འཁོར་དེ་རྣམས་ངོ་མཚར་ཐོབ་ནས་བཅོམ་ལྡན་འདས་ལ་རྣམ་པ་སྣ་ཚོགས་པའི་མེ་ཏོག་གིས་མངོན་པར་གཏོར་བར་གྱུར་ཏོ། །དེ་ནས་ལྷ་ཐམས་ཅད་དང་། བྱང་ཆུབ་སེམས་དཔའ་ལ་སོགས་པ་རབ་ཏུ་དགའ་བའི་ཡིད་ཀྱིས་རིག་པས་དགའ་བའི་
དོན་དུ་ཆོ་ག་གསུངས་སོ། །དེ་ནས་བྱང་ཆུབ་སེམས་དཔའ་དེས་རིག་སྔགས་གསུངས་པ། ཨོྃ་པདྨ་བཛྲི་ཧཱུྃ། སྙིང་པོའོ། །ག་ག་ན་བི་དཱ་རི་ཎི། ཉེ་བའི་སྙིང་པོའོ། །ཨོྃ་བྷ་ཡ་ན་ས་ནི་ཕཊ། མགོ་བོའོ། །ཨོྃ་ཏྲ་པ་ནི་ཧཱུྃ། གཙུག་ཏོར་དུའོ། །ཨོྃ་ཏ་ཊི་ཧཱུྃ། གོ་ཆའོ། །ཨོྃ་བཻ་ཏ་
ཊི་ཧཱུྃ། གུར་རོ། །ཨོྃ་སྭེ་ཏེ་ཛ་ཊི་ནི་ཕཊ། ར་བའོ། །ཞེས་པ་འདི་དག་རིག་པའི་འཁོར་གྱི་ལྷག་མའོ། །རྩ་བའི་རིག་པ་ཉིད་ཀྱིས་དྲི་དང་མེ་ཏོག་བདུག་པ་ལ་སོགས་པའོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་བཅོམ་ལྡན་
འདས་མའི་རས་རིས་ཀྱི་ཆོ་ག་གསུངས་སོ། །དང་པོ་རེ་ཞིག་ཚད་མེད་ཅིང་སྐྲ་དང་བྲལ་བའི་རས་བཀྲུས་པ་ཙནྡན་དཀར་པོ་དང་ཨ་ག་རུའི་འདབ་མ་སྤང་སྤོས་དང་ལྷན་ཅིག་སྦྱར་བ་བཅོམ་ལྡན་འདས་མས་ལན་བདུན་མངོན་པར་བསྔགས་པས་ལན་བདུན་བཀྲུ་བར་བྱའོ། །བཀྲུས་
པ་ལ་ཡང་བྱུག་པར་བྱའོ། །འབྱུང་པོའི་སྐྲ་དང་། ག་ཛ་ཧྭ་དང་། ཤ་ཏྲུ་གྷ་ནི་དང་། པྲི་ཡངྐུ་སྟེ་འདི་རྣམས་ཀྱིས་བདུག་པར་བྱའོ། །འདི་རྣམས་ཀྱིས་གང་འདོད་པ་དེ་གྲུབ་པར་མཚོན་ནོ། །མཚན་མོ་གཅིག་སྨྱུང་བར་གནས་པར་གྱུར་ནས་མི་བློ་དང་ལྡན་པས་མཉན་པར་
བྱའོ། །དེ་ནས་ཐོ་རངས་དང་མཚན་མོ་མེ་སྦར་ནས་རང་གི་ཁྲག་གིས་བཏགས་པའི་ཡུངས་ཀར་གྱི་སྦྱིན་སྲེག་སྟོང་ཕྲག་བརྒྱ་བྱའོ། །ཆོ་ག་འདི་ཉིད་ཀྱིས་རས་རིས་འདྲི་བཞིན་པ་ལ་བགེགས་མི་འབྱུང་ངོ་། །དེ་བས་ཀྱང་བྱུག་པར་བྱ་སྟེ་རྣམ་པ་གཞན་དུ་ན་ལོག་འདྲེན་གྱི་བྱིན་གྱིས་བརླབས་
เล่ม ๙๔ · หน้า 21b
པས་གྲུབ་པར་མི་འགྱུར་རོ། །དེ་ནས་རིག་པ་འཛིན་པ་རང་ཉིད་ཀྱིས་རིགས་སྔགས་ཟློས་བཞིན་པས་རི་མོ་མཁན་ཁྲུས་བྱེད་དུ་གཞུག་གོ། །བཀྲུས་ནས་དེ་ལ་ཡང་གོས་རབ་ཏུ་སྦྱིན་པར་བྱ་སྟེ་ཇི་སྲིད་འདྲི་བའི་བར་རོ། །རི་མོ་མཁན་གསོ་སྦྱོང་ལ་གནས་པར་བྱ་ཞིང་།
འདྲི་བཞིན་པ་ན་ཡང་རས་ཀྱི་མཐར་རྣམ་པ་སྣ་ཚོགས་པའི་གཏོར་མ་དབུལ་བར་བྱ་ཞིང་། བུམ་པ་གང་བ་བཞི་གཞག་པར་བྱའོ། །དབུས་སུ་ཡང་དཀྱིལ་འཁོར་གྲུ་བཞི་པ་བྱའོ། །དེར་ཡང་བུམ་པ་གང་བ་གཞག་པར་བྱའོ། །བུམ་པ་དེ་རྣམས་ཐམས་ཅད་ཀྱང་མེ་ཏོག་གིས་
བརྒྱན་པར་བྱའོ། །མར་མེའི་ཕྲེང་བ་ཡང་དབུལ་ལོ། །རིག་པ་འཛིན་པས་རིག་པ་ཡིད་ལ་བྱེད་ཅིང་བདུག་སྤོས་བསྲེག་པར་བྱའོ། །དེ་ནས་རི་མོ་མཁན་གྱིས་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་ཚངས་
པའི་རི་མོ་གདབ་པར་བྱའོ། །དེ་ནས་སླར་ཡང་རིག་པ་འཛིན་པས་ཁ་ཤར་དུ་མངོན་པར་ཕྱོགས་པས་ཉེ་བར་ཞུགས་ནས་རས་རིས་ཀྱི་སྤྱན་སྔར་ཨ་པཱ་མརྒའི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱའོ། །དེ་ནས་རི་མོ་མཁན་གྱིས་ལྷ་ལ་ཕུལ་བའི་སྟོན་མོ་ཟོས་པས་
མ་འདྲེས་པའི་ཚོན་གྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱི་གཟུགས་བརྙན་འདྲིར་གཞུག་པར་བྱའོ། །གསེར་མདོག་པདྨ་དཀར་པོའི་གདན་ལ་བཞུགས་པའོ། །གཡས་སུ་འཕགས་པ་སྤྱན་རས་གཟིགས་
དབང་ཕྱུག་སྟོན་ཀའི་སྤྲིན་ལྟར་དཀར་བ་ལ་རལ་པའི་ཅོད་པན་འཕྱང་བ། སྤྱན་གསུམ་པ། དཔྲལ་བ་ནས་འོད་ཟེར་འབྱུང་བ། པདྨ་ལ་གནས་པའོ། །དེའི་རྒྱབ་ཏུ་རིག་པའི་ལྷ་མོ་གོས་དཀར་པོ་བགོས་པ། པདྨ་རབ་ཏུ་འཐོར་བཞིན་པ་འདྲིར་གཞུག་པར་བྱའོ། །དེའི་བར་
མ་ཆད་པར་ཁྲོ་གཉེར་ཅན་མ་གོས་དཀར་པོ་འཆང་བ་འདྲིར་གཞུག་པར་བྱའོ། །གཡས་སུ་བཅོམ་ལྡན་འདས་མ་ཐུགས་རྗེ་ཆེན་པོ་པྲི་ཡངྐུ་ལྟར་སྔོ་བསངས་ཕྱག་ན་རིན་པོ་ཆེ་བསྣམས་པ་འདྲིར་གཞུག་པར་བྱའོ། །དེ་ནས་ཐམས་ཅད་ཀྱང་བདེ་བར་གཤེགས་པའི་མཐོ་
เล่ม ๙๔ · หน้า 22a
གང་གི་ཚད་དུ་བྱ་ཞིང་པདྨ་ལ་གནས་ཤིང་སོ་སོར་གནས་པའོ། །གཡོན་གྱི་གཞོགས་སུ་ཕྱག་ན་རྡོ་རྗེ་སྔོ་བསངས་རྒྱན་ཐམས་ཅད་ཀྱིས་བརྒྱན་པ་ཕྱག་ན་རྡོ་རྗེ་བསྣམས་པའོ། །གཡོན་གྱི་གཞོགས་སུ་རིག་པའི་རྒྱལ་པོ་དམ་པ་རྨ་བྱ་ལ་ཉེ་བར་འདུག་པའོ། །
རིག་པའི་རྒྱལ་པོའི་ཉེ་ལོགས་སུ་གསེར་ལྡན་མ་ཡང་རྡོ་རྗེ་ལྕགས་ཀྱུ་མ་འདྲིར་གཞུག་པར་བྱའོ། །རྡོ་རྗེ་ཁུ་ཚུར་སྔོ་བསངས་རྒྱན་ཐམས་ཅད་ཀྱིས་རྣམ་པར་བརྒྱན་པ། རྡོ་རྗེ་བསྣམས་པ་འདྲིར་གཞུག་པར་བྱའོ། །རྡོ་རྗེ་དབྱུག་པ་དབྱུག་པ་བསྣམས་པ་འདྲིར་གཞུག་པར་བྱའོ། །
རྡོ་རྗེ་བློ་གྲོས་རྡོ་རྗེ་མ་དང་གནམ་ལྕགས་མ་ཡང་རྡོ་རྗེ་དབྱུག་པའི་རྒྱབ་ཏུ་འདྲིར་གཞུག་པར་བྱའོ། །གཡོན་དུ་ལྷ་སྐྲག་པ་འདྲིར་གཞུག་པར་བྱའོ། །སྦྲུལ་གྱི་མཆོད་ཕྱིར་ཐོགས་པ་ཅན་རྡོ་རྗེ་དྲག་ཏུ་དགོད་པ་འདྲིར་གཞུག་ཅིང་། ཕྱག་ན་རྡོ་རྗེའི་ཉེ་ལོགས་སུ་རྡོ་རྗེ་སྡེ་དང་གཙུག་འཕྱང་རྒྱན་
ཐམས་ཅད་ཀྱིས་རྣམ་པར་བརྒྱན་པ་འདྲིར་གཞུག་པར་བྱའོ། །ཐམས་ཅད་ཀྱང་པདྨ་ལ་སོ་སོར་གནས་པའོ། །རྒྱལ་པོ་ཆེན་པོ་བཞི་བྱ་སྟེ། ལོག་འདྲེན་གྱི་རིགས་བཞི་རྣམས་རྣམ་པར་འགྱུར་བའི་གཟུགས་ཅན་འབྲོས་བཞིན་པ་འོག་ཏུ་བྲི་བར་བྱའོ། །དེ་རྣམས་ཀྱི་འོག་ཏུ་
པདྨའི་མཚོ་བྱའོ། །ཀླུ་ལག་ན་པདྨ་ཐོགས་པ་འདྲིར་གཞུག་པར་བྱའོ། །ལྷའི་ཚོགས་ཐམས་ཅད་ཀྱང་མེ་ཏོག་རབ་ཏུ་འཐོར་བཞིན་པ་འདྲིར་གཞུག་པར་བྱའོ། །ལྷའི་རྔ་བོ་ཆེ་འདྲིར་གཞུག་པར་བྱའོ། །ཚངས་པ་དང་ཁྱབ་འཇུག་དང་། དབང་ཕྱུག་ཆེན་པོ་ལ་སོགས་
པ་རྣམས་ཀྱང་མཚོན་ཆ་དང་བཅས་པ་འདྲིར་གཞུག་པར་བྱའོ། །རིག་པ་འཛིན་པའི་རྒྱལ་པོ་ལུས་མེད་འདྲིར་གཞུག་པར་བྱའོ། །ཀླུའི་རྒྱལ་པོའི་ཉེ་ལོགས་སུ་སྒྲུབ་པ་པོ་ལག་ན་སྤོས་ཕོར་ཐོགས་པ་འདྲིར་གཞུག་པར་བྱའོ། །རས་རིས་འདི་བྲིས་པ་ཙམ་ཉིད་ཀྱིས་སྡིག་པ་ཐམས་
ཅད་ལས་གྲོལ་བར་འགྱུར་རོ། །ཕྱི་ནས་ལྷ་རྣམས་བདེ་བླག་ཏུ་སྒྲུབ་བོ། །དེ་ནས་རིག་པ་འཛིན་པས་རས་རིས་ཀྱི་རྒྱལ་པོའི་མཆོག་དེའི་སྤྱན་སྔར་སློང་མོ་བཟའ་ཞིང་། རིག་པ་འབུམ་ཕྲག་བཅུ་གཉིས་སུ་བཟླས་པར་བྱའོ། །དེ་ནས་འདི་ལ་རིག་པ་འཛིན་པ་ལུས་མེད་ཀྱི་རྨི་ལམ་དུ་སྟོན་
เล่ม ๙๔ · หน้า 22b
པར་བྱེད་དེ། རིགས་ཀྱི་བུ་སྒྲུབས་ཤིག་སྒྲུབས་ཤིག་ཅེས་སོ། །དེ་ནས་རིག་པ་འཛིན་པས་ལྕགས་གསུམ་གྱི་པདྨ་གསེར་གྱི་སྙིང་པོ་ཅན་འདབ་མ་ཟངས་དང་ཆུ་བ་དངུལ་ལ་འདབ་མ་སྟོང་པའོ། །པདྨ་བཞིས་ཡོངས་སུ་བསྐོར་བ་བཞི་པོ་འདི། འདབ་མ་བརྒྱ་པར་བྱེད་དུ་གཞུག་གོ། །
ཕྱི་ནས་སྒྲུབ་པ་པོས་འོ་མ་དང་ཟན་ཟ་ཞིང་རིག་པ་བཟླས་པར་བྱའོ། །དེ་ནས་ཟླ་བ་ཉ་ལ་མཚན་མོ་གསུམ་སྨྱུང་བར་གནས་པར་བྱས་ལ་རས་རིས་ཞལ་ཤར་དུ་ཕྱོགས་པར་བཞུགས་ནས་པདྨའི་གཡས་ཀྱི་ལུས་ལ་བཅོམ་ལྡན་འདས་མའི་ལྷ་ཐམས་ཅད་སྤྱན་དྲང་བར་བྱའོ། །རབ་ཏུ་འབད་པས་
གཏོར་མ་དབུལ་བར་བྱའོ། །མེ་ཏོག་དཀར་པོ་དང་། ཨ་གྲ་རུ་དང་། རུ་རྟ་དང་། གུར་གུམ་དང་། མར་གྱི་མར་མེ་བརྒྱ་ཡང་རབ་ཏུ་སྦར་བར་བྱའོ། །ལྷ་མ་ཡིན་རྣམས་ལ་གཏོར་མ་དང་། གནོད་སྦྱིན་ལ་དཀར་གཏོར་དང་། མར་གྱི་མར་མེ་དང་། དྲི་ཟ་རྣམས་ལ་གཏོར་མ་དང་།
མར་གྱི་མར་མེ་དང་། ཤ་ཟ་རྣམས་ལ་གཏོར་མ་དང་། མེ་ཏོག་དམར་པོ་དང་། མར་གྱི་མར་མེ་དང་། ནམ་མཁའ་ལྡིང་རྣམས་དང་། གནོད་སྦྱིན་དང་། མིའམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་། ཡི་དགས་དང་། ཤ་ཟ་དང་། རོ་ལངས་དང་། སྲུལ་པོ་དང་།
ལུས་སྲུལ་པོ་དང་། སྨྱོ་བྱེད་དང་། གནོན་པོ་དང་། མ་མོའི་ཚོགས་རྣམས་དང་། ལོག་འདྲེན་དང་བཅས་པ་རྣམས་ལ་ཤ་དང་། ཛམ་བུ་ལི་ཀ་དང་། སྭ་ཏི་ཀ་ལ་སོགས་པ་རྣམས་སོ། །གནོད་སྦྱིན་རྣམས་ལ་ཤ་དང་། ཁྲག་དང་། སྡོང་བུ་དང་། འབྲས་བུ་དང་། མངར་
གསུམ་མོ། །ཀླུ་རྣམས་ལ་འབྲས་ཡོས་དང་། མུད་གའི་ལ་དུ་དང་། འབྲས་བུ་རྣམས་སོ། །རྣམ་པ་སྣ་ཚོགས་པའི་བཟའ་བར་བྱ་བ་དང་། སྒྲོན་མ་དང་བདུག་པ་རྣམས་ཀྱང་སོ་སོ་སོ་སོར་རོ། །ལྷ་རྣམ་པར་ཤེས་པ་ཉིད་འཕེལ་བཞིན་དུ་མཆོད་པ་བདུན་བྱའོ། །དེ་ནས་ཉི་མ་
བདུན་པ་ལ་གྲོགས་གཞག་པར་བྱའོ། །ལེགས་པར་བསམ་པའི་ཚེ་ན་བྱས་པ་གཟོ་བ། རྟག་ཏུ་སྙིང་རྗེའི་བདག་ཉིད་ཅན་ནད་མེད་པ་དེ་ལྟ་བུ་གཞག་པར་བྱའོ། །ཤེས་རབ་ཅན་གྱིས་དེ་ནས་ལས་ཡང་དག་པར་བརྩམས་ཏེ་ཀུ་ཤའི་ཁྲེས་ལ་མངོན་པར་བསྔགས་པ་ལ་ཉེ་བར་འདུག་ནས་
เล่ม ๙๔ · หน้า 23a
པདྨའི་ཟེ་འབྲུ་ལ་ལག་པ་གཡས་པས་མནན་ནས་སྟོང་ཕྲག་བརྒྱད་སྦྱིན་སྲེག་བྱའོ། །རས་རིས་རབ་ཏུ་འགུལ་བར་འགྱུར་རོ། །ཀླུ་རྣམས་ཀྱང་སྒྲ་སྒྲོགས་ཏེ་འཇིགས་པར་མི་བྱའོ། །སླར་ཡང་བརྒྱད་བརྒྱར་བཟླས་སོ། །ཕྱོགས་དང་ཕྱོགས་བྲལ་རྣམས་སུ་རྔ་
བོ་ཆེའི་སྒྲ་སྒྲོགས་སོ། །ལོག་འདྲེན་རྣམས་ཀྱང་རྣམ་པར་འབྲོས་ཏེ་ལྷན་ཅིག་འཇིག་རྟེན་གྱི་ཁམས་གང་དུ་འགྲོ་བར་བྱེད་པ་རིག་པ་འཛིན་པ་དེ་རྣམས་འོང་བར་བྱེད་དོ། །ལྷ་མ་ཡིན་གྱི་བུ་མོ་རྣམས་འདུས་པར་འགྱུར་རོ། །སྤྲིན་རྣམས་ཀྱང་འུར་འུར་པོའི་སྒྲ་སྒྲོགས་པར་བྱེད་དོ། །ལྷ་
རྣམས་ཀྱང་འོང་བར་འགྱུར་རོ། །གནོད་སྦྱིན་ཐམས་ཅད་དང་། རིག་པ་འཛིན་པའི་རྒྱལ་པོ་ཐམས་ཅད་ཀྱང་འདུས་པར་འགྱུར་རོ། །ས་རྣམ་པར་འགྱུར་བ་དྲུག་ཏུ་གཡོ་ཞིང་རིག་པའི་ཚོགས་ཐམས་ཅད་ཀྱང་སྙིང་པོ་མེད་པར་འགྱུར་རོ། །དེ་ནས་རིག་པ་འཛིན་པས་རིངས་ཐབས་
སུ་བྱང་ཆུབ་ཤིང་གི་ཡམ་ཤིང་གིས་སྦྱིན་སྲེག་བརྒྱད་བྱའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་ལྷ་རྣམས་དང་ལྷན་ཅིག་འབྱོན་པར་འགྱུར་རོ། །ལྷ་རྣམས་དང་ལྷན་ཅིག་བྱོན་པ་ལ་མཆོད་ཡོན་དབུལ་ལོ། །བྱོན་པ་ཙམ་གྱིས་ལྷ་ཐམས་ཅད་དང་། རིག་
པའི་རྒྱལ་པོ་ཐམས་ཅད་ཀྱང་མེ་ཏོག་གི་ཆར་རབ་ཏུ་འབེབས་སོ། །དེ་ནས་རིག་པ་འཛིན་པས་པདྨ་མནན་ནས་རིག་པ་ལན་བདུན་བཟླས་པར་བྱའོ། །པདྨ་རེ་རེ་ལ་པདྨ་བྱེ་བ་ཕྲག་བཞི་བཞི་འབྱུང་བར་འགྱུར་རོ། །རིག་པ་འཛིན་པ་སྟོང་ཕྲག་བཅུ་དྲུག་པོ་ཐམས་ཅད་ཀྱང་པདྨའི་
གདན་ལ་གནས་པ་ཤ་སྟག་འབྱུང་ངོ་། །དེ་ནས་རིག་པ་འཛིན་པས་ལན་ཅིག་བརྗོད་པར་བྱའོ། །དེ་ནས་བཅོམ་ལྡན་འདས་མའི་སྐུ་ལས་འོད་ཟེར་སྣ་ཚོགས་པ་འབྱུང་སྟེ། སྒྲུབ་པ་པོ་ལ་བྱུགས་ནས་པདྨའི་ཟེ་འབྲུར་ནུབ་པར་འགྱུར་རོ། །དེ་ནས་ཡང་པདྨ་ལ་ཉེ་བར་འདུག་
པ་རིག་པ་འཛིན་པ་བྱེ་བ་ཕྲག་བརྒྱད་ཅུ་རྩ་བཞི་འབྱུང་བར་འགྱུར་རོ། །དེ་ཡང་པདྨའི་བཀོད་པ་རིན་པོ་ཆེ་སྣ་བདུན་གྱིས་བརྒྱན་པ་འབྱུང་སྟེ། དཔག་ཚད་སྟོང་ཕྲག་བརྒྱད་ཅུ་རྩ་བཞིར་ཀུན་ནས་ཁྱབ་པའོ། །དེར་དེ་ལ་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་
เล่ม ๙๔ · หน้า 23b
དཔའ་ཐམས་ཅད་ཀྱིས་ཕྱག་བྱ་བའི་འོས་སུ་གྱུར་པ་ལྷ་རྣམས་ཀྱིས་ཀྱང་བསྟོད་པར་བྱ་བཞིན་པ། རིག་པ་འཛིན་པའི་རྒྱལ་པོ་རྣམས་ཀྱིས་ཀྱང་མཆོད་པར་བྱ་བཞིན་པ། རིག་པ་འཛིན་པ་བྱེ་བ་ཕྲག་བརྒྱས་ཡོངས་སུ་བསྐོར་ནས་འགྲོ་སྟེ་བདེ་བ་ཅན་གྱི་འཇིག་རྟེན་གྱི་ཁམས་སུ་སྐད་
ཅིག་ཐང་ཅིག་ཡུད་ཙམ་ཞིག་ལ་སངས་རྒྱས་ཀྱི་ཞིང་བདུན་འདའ་བར་བྱེད་དོ། །རང་གི་འདོད་པས་སྐྱེ་བ་འཛིན་པར་བྱེད་ཅིང་རང་གི་འདོད་པས་འཆི་བར་བྱེད་དོ། །ཡང་དག་པར་རྫོགས་པའི་སངས་རྒྱས་འོད་སྲུང་ལ་རྣམ་པར་གནོན་པ་ཞེས་བྱ་བའི་རིག་པ་འཛིན་པའི་རྒྱལ་པོ་ཡོད་
དེ། དེས་ལས་འདི་བསྒྲུབས་པའོ། །བཅོམ་ལྡན་འདས་མ་རིག་པའི་རྒྱལ་མོ་ཆེན་པོའི་ལེའུ་དང་པོ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་སྤྱན་རས་གཟིགས་དབང་ཕྱུག་ལ་དགའ་བས་ཆོ་ག་སྨྲས་པ། རི་མོ་མཁན་
གསོ་སྦྱོང་ལ་གནས་པས་བཅོམ་ལྡན་འདས་ཀྱི་གཟུགས་བརྙན་འདྲིར་གཞུག་པར་བྱ་སྟེ། གསེར་ལྟར་སེར་བ། ཆོས་སྟོན་པར་མཛད་བཞིན་པ། གཡས་སུ་འཕགས་པ་སྤྱན་རས་གཟིགས་དབང་ཕྱུག་སྟོན་ཀའི་སྤྲིན་ལྟར་དཀར་བ། དམ་པར་བྱས་པ་དམར་སེར་མཆོད་ཕྱིར་
ཐོགས་དཀར་པོ་དར་ལའི་སྟོད་གཡོགས་དང་། སྨད་གཡོགས་ཅན། ཕྱག་ན་ཤིང་གི་དབྱུག་པ་བསྣམས་པའོ། །གཡོན་དུ་རྡོ་རྗེ་འཆང་སྔོ་བསངས་རྣམ་པར་རྒྱན་དང་བཅས་པ་ཕྱག་གཡོན་པས་ཁྲོ་བོའི་རྡོ་རྗེ་འཕྱར་བཞིན་པའོ། །རྡོ་རྗེ་འཆང་གི་ཉེ་ལོགས་སུ་རྡོ་རྗེ་ལྕགས་
ཀྱུ་མ་དང་རྡོ་རྗེ་ཁུ་ཚུར་མ་འདྲིར་གཞུག་པར་བྱའོ། །འཕགས་པ་སྤྱན་རས་གཟིགས་ཀྱི་ཉེ་ལོགས་སུ་བཅོམ་ལྡན་འདས་མའི་སྙིང་པོ་མཉམ་པར་འགྲོ་མ་འདྲིར་གཞུག་པར་བྱ་སྟེ། པྲི་ཡངྐུ་ལྟར་སྔོ་བསངས་རྒྱན་ཐམས་ཅད་ཀྱིས་བརྒྱན་པ། སྐུ་མདོག་དཀར་པོ་ཕྱག་གཡོན་
པས་ཀུརྦ་འཛིན་པའི་སྙིང་པོ་མཆོག་བཅོམ་ལྡན་འདས་མའི་ཉེ་ལོགས་སུ་འདྲེར་གཞུག་པར་བྱའོ། །སྟེང་དུ་གནས་གཙང་མའི་ལྷའི་བུ་མེ་ཏོག་གི་ཕུར་མ་ལག་ན་ཐོགས་པ་འདྲིར་གཞུག་པར་བྱའོ། །ལྷའི་རྔ་བོ་ཆེ་འདྲིར་གཞུག་པར་བྱའོ། །འོག་ཏུ་སྤོས་ཕོར་ལག་ན་ཐོགས་པ་
เล่ม ๙๔ · หน้า 24a
འདྲིར་གཞུག་པར་བྱའོ། །དཀར་གསུམ་ཟ་ཞིང་རས་རིས་ཀྱི་སྤྱན་སྔར་རིག་པ་འབུམ་ཕྲག་བདུན་བཟླས་པར་བྱའོ། །དེ་ལྟ་བུ་སྔོན་སྤྱད་པ་བྱས་པར་འགྱུར་རོ། །དེ་ནས་ལས་ཡང་དག་པར་བརྩམས་ཏེ་སྔོན་དུ་ལྡོང་རོས་བླངས་ཏེ་གོས་ཀྱི་ནང་དུ་འོ་མ་བཀྲུ་བར་
བྱའོ། །དཀར་པོའི་བཅྭ་ལྔ་ལ་རས་རིས་ལ་མཆོད་པ་རྒྱ་ཆེན་པོ་བྱས་ནས་སྒོ་བཞི་རྣམས་སུ་བུམ་པ་གང་བ་བཞི་གཞག་པར་བྱའོ། །ཐམས་ཅད་ཀྱང་མེ་ཏོག་གིས་བརྒྱན་པར་བྱ། བཅོམ་ལྡན་འདས་མ་འདི་ཉིད་ཀྱིས་ལས་ཐམས་ཅད་བྱའོ། །དེ་ནས་ཀུ་ཤའི་ཁྲེས་ལ་ཉེ་བར་
འདུག་སྟེ་ཨ་ཤྭཏྠའི་འདབ་མ་བདུན་གྱིས་ལྡོང་རོས་བཏུམས་ཏེ་བཞག་ནས་ཇི་སྲིད་འཕགས་པ་ཕྱག་ན་རྡོ་རྗེ་གཡོ་བར་གྱུར་པ་དེ་སྲིད་དུ་བཟླས་པར་བྱའོ། །དེ་ནས་རིག་པ་འཛིན་པས་ཡིད་ཀྱིས་མཆོད་ཡོན་དབུལ་བར་བྱའོ། །སླར་ཡང་དུ་བ་འཐུལ་བ་དང་། འབར་བར་གྱུར་པ་དེ་
སྲིད་དུ་བཟླས་པར་བྱའོ། །འབར་བ་དང་བླངས་ནས་སྐྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པའི་རྣམ་པ་ཅན། རིག་པ་འཛིན་པ་བཅུ་དྲུག་གིས་ཡོངས་སུ་བསྐོར་བར་འགྱུར་ཏེ། ལོ་སྟོང་ཕྲག་བརྒྱད་ཅུ་འཚོ་བར་འགྱུར་རོ། །གང་གི་ཚེ་འཆི་བ་དེའི་ཚེ་རྡོ་རྗེའི་རིགས་སུ་སྐྱེ་
བར་འགྱུར་རོ། །ཚེས་གྲངས་མི་དགོས། རྒྱུ་སྐར་མི་དགོས། སྨྱུང་བར་གནས་པ་མི་དགོས་ཏེ་སྐྱེས་བུ་རྒྱ་མཚོའི་འགྲམ་དུ་མགོ་བོ་ཤར་དུ་བཞག་ནས་ཤི་བའི་རོ་བླངས་ནས་དྲི་དང་མེ་ཏོག་ལ་སོགས་པས་བརྒྱན་པར་བྱས་ནས་སྒྲུབ་པ་པོ་ཁ་ཤར་དུ་ཕྱོགས་པས་རེ་རེ་ལ་སོ་སོར་
བསམ་པའི་ཡིད་ཀྱིས་རྒྱུད་མཚུངས་པའི་བའི་མར་གསར་ལ་རིག་པ་བཟླས་པས་རོའི་ཁ་རུ་བླུགས་ནས་ཇི་སྲིད་ཀུན་ཏུ་གཡོ་ཞིང་ལྡང་བ་དེ་སྲིད་དུ་རིག་པ་བཟླས་པར་བྱའོ། །དེ་ནས་རིག་པ་འཛིན་པས་རྒྱ་མཚོར་འཇུག་པར་བྱ་སྟེ་ཇི་སྲིད་ཉི་མ་འཆར་བར་འགྱུར་བ་དེ་སྲིད་དུ་ཆུར་གནས་
པར་བྱའོ། །དེ་ཙམ་གྱིས་སྐྲ་ལི་ཞིང་འཁྱིལ་བ་ལོ་བརྒྱད་ལོན་པའི་རྣམ་པ་ཅན་སེམས་བསྐྱེད་པས་འདིའི་ཕྱག་ཅ་ཐམས་ཅད་འབྱུང་བར་འགྱུར་རོ། །ལོ་སྟོང་ཕྲག་དྲུག་ཅུར་འཚོ་བར་འགྱུར་རོ། །དཔག་ཚད་སྟོང་ཕྲག་བཅུ་གཅིག་ཏུ་འཕུར་བར་འགྱུར་རོ། །ཐོག་ཕོག་པའི་
เล่ม ๙๔ · หน้า 24b
ཤིང་ལས་བྱུང་བའི་ཕྱག་ན་རྡོ་རྗེ་བྱས་ལ། སྨན་གྱིས་གཟུགས་ཀྱི་རྣམ་པའི་བཅོམ་ལྡན་འདས་མ་པྲི་ཡངྐུའི་ཤིང་ལས་བྱས་པ་སྙིང་པོ་མཉམ་པར་འགྲོ་མ་བྱེད་དུ་གཞུག་གོ། །སྤྱན་རས་གཟིགས་དབང་ཕྱུག་ནིམ་པའི་ཤིང་ལས་བྱུང་བ་བྱེད་དུ་གཞུག་གོ། །ཐམས་ཅད་
ཀྱང་པན་ཀན་མཐར་བྱེད་ཀྱི་འབྲས་བུ་ལ་སོ་སོར་དགོད་པར་བྱའོ། །སྒྲུབ་པ་པོ་པུས་མོ་བཙུགས་པ་ལག་ན་སྤོག་པོར་ཐོགས་པ་བྱེད་དུ་གཞུག་གོ། །དེ་ནས་གོས་གཙང་མ་བགོས་ཏེ་མི་སྨྲ་བའི་བརྟུལ་ཞུགས་ཀྱིས་སྙིང་པོ་མཉམ་པར་འགྲོ་མ་འབུམ་ཕྲག་བཅུ་གཅིག་ཏུ་བཟླས་པར་
བྱའོ། །དེ་ལྟ་བུས་སྔོན་སྤྱད་པ་བྱས་བར་འགྱུར་རོ། །དེ་ནས་བཅྭ་ལྔ་པ་ལ་མཚན་མོ་གསུམ་སྨྱུང་བར་གནས་ཏེ་མཎྜལ་དང་བཅས་པ་བཟའ་ཞིང་དགེ་འདུན་ལ་སྟོན་མོ་དབུལ་བར་བྱའོ། །དེ་ནས་མཚན་མོ་སངས་རྒྱས་བཅོམ་ལྡན་འདས་ལ་མཆོད་པ་རྒྱ་ཆེན་པོ་བྱས་ནས་འབྲས་
བུ་དང་བཅས་པའི་གཏོར་མ་རྣམ་པ་སྣ་ཚོགས་པ་རྗེས་སུ་དབུལ་ཞིང་མར་མེ་སྟོང་སྦར་བར་བྱའོ། །དེ་ནས་བསྲུང་བ་བྱས་ནས་ཀུ་ཤའི་ཁྲེས་ལ་ཉེ་བར་འདུག་སྟེ་ཨུཏྤ་ལའི་ཕྲེང་བ་ཉི་ཤུ་བྱས་ཏེ་འཕགས་པ་སྤྱན་རས་གཟིགས་དབང་ཕྱུག་གི་ཕྱག་གཡས་སུ་ཕུལ་ལ་ཇི་སྲིད་
ཐམས་ཅད་མཐོང་བར་འགྱུར་བ་དེ་སྲིད་དུ་བཟླས་པར་བྱའོ། །འཇིགས་པར་མི་བྱ་བར་སླར་ཡང་རིག་པ་བཟླས་པར་བྱའོ། །གཡོ་བར་གྱུར་པ་དང་། དེ་དག་བླངས་པས་ཨུཏྤ་ལ་སྔོན་པོའི་འདབ་མ་ལྟར་སྔོ་བསངས་ཀྱིས་རྡོ་རྗེའི་ལུས་དང་། རིག་པ་འཛིན་པ་ཐམས་
ཅད་ཀྱི་སྐལ་བ་བཟང་པོར་འགྱུར་ཞིང་། ལོ་སྟོང་ཕྲག་བརྒྱད་ཅུར་འཚོ་བར་འགྱུར་རོ། །དཔག་ཚད་སྟོང་ཕྲག་བརྒྱད་ཅུ་རྩ་བཞིར་ལྡིང་བར་འགྱུར་རོ། །གང་གི་ཚེ་འཆི་བ་དེའི་ཚེ་རྡོ་རྗེའི་རིགས་སུ་སྐྱེ་བར་འགྱུར་རོ། །མཉམས་པའི་རས་ལ་རི་མོ་མཁན་གསོ་སྦྱོང་ཅན་གྱིས་
བཅོམ་ལྡན་འདས་མ་ཁྲོ་གཉེར་ཅན་མ་འདྲིར་གཞུག་པར་བྱ་སྟེ། སྔོ་བསངས་སྤྱན་གསུམ་པའི་ལྷ་མོ་ཆ་བྱད་དང་རྒྱན་མ་ཉམས་པ་འདྲིར་གཞུག་པར་བྱའོ། །འོག་ཏུ་རྗེས་སུ་སྒྲུབ་པ་པོ་ལག་ན་སྤོས་ཕོར་ཐོགས་པར་བྱའོ། །དེ་ནས་སྒྲུབ་པ་པོས་རས་རིས་ཀྱི་སྤྱན་སྔར་རིག་
เล่ม ๙๔ · หน้า 25a
བ་འབུམ་ཕྲག་གསུམ་བཟླས་པར་བྱའོ། །དེ་ནས་མཚན་མོ་དུར་ཁྲོད་དུ་སོང་ནས་རས་རིས་ཞལ་ཤར་དུ་ཕྱོགས་པར་བཞག་ནས་དྲི་དང་། མེ་ཏོག་དང་། བདུག་པ་ཕུལ་ཏེ་འབྱུང་པོ་ཐམས་ཅད་ས་ལ་དེ་ནས་རིག་པ་འཛིན་པས་ཀུ་ཤའི་ཁྲེས་ལ་ཉེ་བར་འདུག་པ་
གཅིག་པུ་ཐོད་པ་ལ་ཞག་ཆེན་པོའི་དུད་པ་བླངས་ནས་སྙིང་པོ་མཉམ་པར་འགྲོ་མའི་རིག་པ་བཟླས་པར་བྱའོ། །དེ་ནས་རིག་པ་འཛིན་པས་སླར་ཡང་ཇི་སྲིད་དུ་བ་འཐུལ་བ་དང་། འབར་བར་གྱུར་གྱི་བར་དུ་རིག་པ་བཟླས་པར་བྱའོ། །རྒྱལ་བའི་སྤྱན་གཉིས་པ་ལྟ་བུ་དང་།
དབང་ཕྱུག་ཆེན་པོའི་མདུང་གི་མཚོན་ཆ་ས་དབང་ཕྱུག་ཆེན་པོ་རྣམས་ཐམས་ཅད་རིག་པ་ལས་དབང་དུ་འགྱུར་རོ། །དེ་ནས་མིག་སྨན་སྒྲུབ་པར་འདོད་ན་རྒྱ་མཚོའི་འགྲམ་དུ་སོང་ནས་སྔོན་དུ་བསྙེན་པ་ནི་ཆུ་དང་འོ་མས་ཁྲུས་བྱས་ནས་མི་སྨྲ་བར་རིག་པ་སྟོང་ཕྲག་བརྒྱད་བཟླས་
པར་བྱའོ། །དེ་ནས་རིག་པ་འཛིན་པ་གཙང་མས་གོས་གཙང་མ་བགོས་ཏེ་བ་ལང་གི་པགས་པ་ཙམ་གྱི་གཞི་ལ་ཉེ་བར་བྱུག་བྱས་ནས་དེར་འཕགས་པ་ཕྱག་ན་རྡོ་རྗེའི་གཟུགས་བརྙན་རབ་ཏུ་སོ་སོར་གནས་པ་བྱེད་དུ་གཞུག་གོ། །དེ་ནས་མགོ་བོའི་ཐོད་པ་ལྔ་བླངས་ནས་དྲི་བཟང་
པོའི་ཏིལ་མར་གྱིས་རབ་ཏུ་སྦར་བར་བྱ་སྟེ་དུ་བ་མེད་པར་བྱའོ། །དེ་ནས་རྣམ་པ་སྣ་ཚོགས་གཏོར་མ་བྱས་ནས་མར་གྱི་མར་མེ་ཕུལ་ཏེ་དེ་ནས་མགོ་བོའི་ཐོད་པར་སོ་སོར་བཞག་ནས་ཕྱག་ན་རྡོ་རྗེའི་སྤྱན་སྔར་བསྲུང་བ་བྱས་པས་ཀུ་ཤའི་ཁྲེས་ལ་ཉེ་བར་འདུག་སྟེ་སྟོང་ཕྲག་བརྒྱད་བཟླས་
པར་བྱའོ། །མིག་སྨན་དེ་དྲོ་བར་འགྱུར་རོ། །དེ་ནས་རིག་པ་འཛིན་པ་རིངས་ཐབས་སུ་རིག་པ་ལན་བདུན་ཡོངས་སུ་བཟླས་བར་བྱའོ། །དུ་བ་འཐུལ་བ་དང་། འབར་བར་བྱེད་དོ། །འབར་བ་ན་ཐོད་པ་དེ་བླངས་ནས་ཕྱག་ན་རྡོ་རྗེའི་གནས་སུ་འགྲོའོ། །འདི་ཟར་མའི་མེ་ཏོག་
མཚུངས་པ་སྔོན་མེད་པའི་བྱེ་བ་ཕྲག་དགུའི་དབང་ཕྱུག་ཏུ་འགྱུར་རོ། །དེ་ནས་རྡོ་རྗེ་སྒྲུབ་པར་འདོད་ན་རི་མོ་མཁན་གསོ་སྦྱོང་ལ་གནས་པས་མ་འདྲེས་པའི་ཚོན་གྱིས་བཅོམ་ལྡན་འདས་མ་ཁྲོ་གཉེར་ཅན་མ་དང་། བཅོམ་ལྡན་འདས་མའི་སྙིང་པོ་མཉམ་པར་འགྲོ་མ་འདྲིར་གཞུག་པར་
เล่ม ๙๔ · หน้า 25b
བྱ་སྟེ། པྲི་ཡངྐུ་ལྟར་སྔོ་བསངས་རྒྱན་ཐམས་ཅད་ཀྱིས་རྣམ་པར་བརྒྱན་པ། སྙིང་པོའི་ཡང་གཡས་པའི་ཕྱག་གིས་རྡོ་རྗེའོ། །དེ་ནས་སྒྲུབ་པ་པོ་རིའི་རྩེ་མོར་མངོན་པར་འཛེགས་ཏེ་མི་སྨྲ་བས་གྲོགས་མེད་པར་ཡང་རུང་སྟེ་འབུམ་ཕྲག་བཅུ་དྲུག་བཟླས་པར་བྱའོ། །དེ་ནས་
བཅྭ་ལྔ་ལ་གཙང་མས་གོས་གཙང་མ་བགོས་ཏེ་རས་རིས་ལ་མཆོད་པ་རྒྱ་ཆེན་པོ་བྱས་ནས་མར་གྱི་མར་མེ་སྦར་ཏེ་དེ་ནས་སྒྲུབ་པ་པོས་བསྲུང་བའི་ཆོ་ག་བྱས་པས་ཀུ་ཤའི་ཁྲེས་ལ་ཉེ་བར་འདུག་སྟེ་རྩེ་མོ་མ་བཅད་པའི་ཀུ་ཤས་སོར་བརྒྱད་པའི་ཚད་ཀྱི་རྩེ་གསུམ་པའི་རྡོ་རྗེ་བྱེད་དུ་གཞུག་
གོ། །རྡོ་རྗེ་དེ་ལག་པ་གཡས་པས་མནན་ནས་ཇི་སྲིད་བཅོམ་ལྡན་འདས་མ་ལ་འོད་ཟེར་བྱུང་བ་དེ་སྲིད་དུ་བཟླས་པར་བྱའོ། །རྡོ་རྗེའི་ཙི་ཊི་ཙི་ཊིའི་སྒྲ་ཐོས་ཏེ་འཇིགས་པར་མི་བྱ་བར་སླར་ཡང་ཡུད་ཙམ་རིག་པ་བཟླས་པར་བྱའོ། །ཇི་སྲིད་རྔ་བོ་ཆེའི་སྒྲ་ཐོས་པ་ན་སླར་ཡང་ཡུད་
ཙམ་དུ་རིག་པ་བཟླས་པར་བྱའོ། །རིག་པ་འཛིན་པ་རིངས་ཐབས་སུ་མར་དང་སྦྲང་རྩིས་བཏགས་པའི་བྱང་ཆུབ་ཤིང་གི་ཡམ་ཤིང་གིས་སྦྱིན་སྲེག་བརྒྱད་བརྒྱ་བྱའོ། །སྦྱིན་སྲེག་ཡོངས་སུ་རྫོགས་ནས་ཀྱང་ཇི་སྲིད་རྡོ་རྗེ་ལ་འོད་ཟེར་འབྱུང་གི་བར་དེ་སྲིད་དུ་བཟླས་པར་བྱའོ། །དེས་
དུས་གསུམ་དུ་ཁྲུས་བྱས་པས་སྐྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པའི་རྣམ་པ། ཕྱག་ན་རྡོ་རྗེ་གཉིས་པ་ལྟ་བུ། སྔོ་བསངས་དང་བའི་ལུས་སུ་གྱུར་ནས་བསྐལ་བར་གནས་སོ། །གང་གི་ཚེ་འཆི་བ་དེའི་ཚེ་རྡོ་རྗེའི་རིགས་སུ་སྐྱེ་བར་འགྱུར་རོ། །དེ་ནས་ལྕགས་ཀྱུ་
སྒྲུབ་པར་འདོད་ན་སྔོན་བཞིན་དུ་སྒྲུབ་པ་པོས་སྔོན་སྤྱོད་པར་བྱའོ། །འོ་མ་དང་ཟན་ཟ་ཞིང་མི་སྨྲ་བས་བ་ལང་གི་གནས་སུ་ཀུ་ཤ་བཏིང་བའི་མལ་སྟན་ལ་གཙང་ཞིང་གོས་གཙང་མ་བགོས་ཏེ། དུས་གསུམ་དུ་ཁྲུས་བྱས་ལ་སྙིང་པོ་མཉམ་པར་འགྲོ་མ་བཟླས་པར་བྱའོ། །དེ་ནས་རྒྱ་
མཚོར་འགྲོ་བའི་ཆུ་ཀླུང་དུ་སོང་ནས་སློང་མོ་ཟ་ཞིང་རྐེད་པ་ཙམ་གྱི་ཆུར་ཞུགས་ནས་འབུམ་བཟླས་པར་བྱའོ། །དགེ་འདུན་ལ་བཟའ་བ་དབུལ་བར་བྱའོ། །དེ་ནས་རི་མོ་མཁན་གསོ་སྦྱོང་ལ་གནས་པས་གཟུགས་བརྙན་འདྲིར་གཞུག་པར་བྱ་སྟེ། གཡས་སུ་འཕགས་པ་སྤྱན་རས་
เล่ม ๙๔ · หน้า 26a
གཟིགས་དབང་ཕྱུག་གསེར་ལྟར་སེར་བ་སྤྱན་གསུམ་པའོ། །དེའི་ཉེ་ལོགས་སུ་བཅོམ་ལྡན་འདས་མ་ཁྲོ་གཉེར་ཅན་མ་འདྲིར་གཞུག་པར་བྱའོ། །རྡོ་རྗེ་འཛིན་པ་ཡང་དེ་བཞིན་གཤེགས་པའི་གཙུག་ཏོར་དུ་རབ་ཏུ་འཇུག་བཞིན་པ་འདྲིར་གཞུག་པར་བྱའོ། །
ཐམས་ཅད་ཀྱང་པདྨའི་གདན་ལ་རབ་ཏུ་གནས་པར་བྱའོ། །དེ་ནས་སྒྲུབ་པ་པོས་མཆོད་པ་རྒྱ་ཆེན་པོ་བྱས་ནས་བཅོམ་ལྡན་འདས་མས་ཀུ་ཤའི་ཁྲེས་ལ་མངོན་པར་བསྔགས་པ་ལ་ཉེ་བར་འདུག་པར་བྱའོ། །དེ་ནས་རིག་པ་འཛིན་པས་རྩེ་མོ་མ་བཅད་པའི་ཀུ་ཤས་ལྕགས་ཀྱུ་བྱས་ནས་
ལག་པ་གཡས་པས་བླངས་ཏེ་ཇི་སྲིད་ལྕགས་ཀྱུ་ལས་འོད་ཟེར་བྱུང་བ་དེ་སྲིད་དུ་དཔག་ཏུ་མེད་པ་བཟླས་པར་བྱའོ། །འོད་ཟེར་དེ་སྒྲུབ་པ་པོ་ལ་བསྐོར་བ་བྱས་ཏེ་ནུབ་པར་འགྱུར་ཏེ། དེ་བཟུང་བས་རིག་པ་འཛིན་པར་འགྱུར་ཏེ་རིག་པ་འཛིན་པ་ཐམས་ཅད་ཀྱང་རྗེས་སུ་འབྲང་བར་
འགྱུར་རོ། །ལྕགས་ཀྱུ་ལག་ན་ཐོགས་པས་རིག་པ་འཛིན་པ་སྟོང་ཕྲག་གི་མངའ་བདག་ཏུ་འགྱུར་རོ། །བསྐལ་པར་གནས་པ་དང་། རླུང་ལྟར་འགྲོ་བ་དང་། ལྷའི་ལུས་དང་། རང་འཆི་བ་ཤེས་པར་བྱེད་དོ། །གང་གི་ཚེ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། །བྱང་
ཆུབ་སེམས་དཔའ་ཆེན་པོ་འཕགས་པ་ཕྱག་ན་རྡོ་རྗེས་གསུངས་པ་བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་ལེའུ་བཞི་པའོ།། །།དེ་ནས་ཡང་མི་མཇེད་ཀྱི་བདག་པོ་ཚངས་པ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་
རས་གཟིགས་དབང་ཕྱུག་གང་ན་བ་དེར་ཉེ་བར་ལྷགས་སོ། །ཉེ་བར་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་མགོ་བོས་ཕྱག་བྱས་ནས་བསྐོར་བ་བྱས་ནས་མཐའ་གཅིག་ཏུ་འདུག་གོ། །དེ་ནས་ཡང་ཚངས་པ་ཆེན་པོས་བྱང་ཆུབ་སེམས་དཔའ་སེམས་དཔའ་
ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བདག་གི་རིག་པའི་རྒྱལ་མོའི་ཆོ་ག་འཆད་དོ། །བྱང་ཆུབ་སེམས་དཔས་སྨྲས་པ། ཚངས་པ་ཆེན་པོ་ལེགས་སོ་ལེགས་སོ། །སེམས་ཅན་ཐམས་ཅད་ལ་ཕན་པ་དང་བདེ་བའི་ཆེད་དུ་རིག་པའི་རྒྱལ་མོ་ཆེན་
เล่ม ๙๔ · หน้า 26b
མོའི་ཆོ་ག་གསུངས་ཤིག །དེ་ནས་ཡང་ཚངས་པ་ཆེན་པོས་ཆོ་ག་གསུངས་པ། རིགས་ཀྱི་བུ་གང་ལ་ལ་རིག་པའི་རྒྱལ་མོ་སྨྲ་བར་གྱུར་པའམ་འཆང་བར་གྱུར་པ་དེ་ལ་བདག་རྟག་ཏུ་རྗེས་སུ་འབྲང་བར་བགྱིའོ། །གང་དང་གང་དུ་སྐྱེ་བ་དེ་དང་དེར། བདག་འདི་ལ་སངས་རྒྱས་
རྗེས་སུ་དྲན་པ་རྗེས་སུ་སྦྱིན་པར་བགྱི་ཞིང་། རྟག་ཏུ་སྐྱེ་བ་དྲན་པར་འགྱུར་རོ། །རིགས་དམའ་བར་སྐྱེ་བར་མི་འགྱུར་རོ། །བཀླགས་པས་ལས་རྣམས་འགྲུབ་པར་འགྱུར་རོ། །ཆོམ་རྐུན་གྱི་དབུས་སུ་སོང་བས་ཡིད་ལ་བྱའོ། །སྦྲུལ་གྱི་འཇིགས་པ་དང་། གནམ་
ལྕགས་ལྟུང་བ་ལ་ལན་ཅིག་བརྗོད་པར་བྱའོ། །ཁྲོས་པའི་མདུན་དུ་དྲན་པར་བྱས་ན་དཔལ་རབ་ཏུ་སྟེར་རོ། །གདོན་གསོ་བར་འདོད་ན་ལན་བདུན་མངོན་པར་བསྔགས་ལ་སྲང་གིས་བསྲེགས་པར་བྱས་ན་གྲོལ་ལོ། །ཕྱག་རྒྱ་དབྱེ་བར་འདོད་ན་གདོང་ལ་ལན་བདུན་མངོན་པར་བསྔགས་
ནས་བལྟ་པར་བྱ་སྟེ་ཕྱག་རྒྱ་དབྱེ་བ་བྱས་པར་འགྱུར་རོ། །ཡུངས་ཀར་ལ་དཀྱིལ་འཁོར་བཅིངས་བའོ། །ཕུར་བུས་ཁང་བཟངས་སྦྱོང་བའོ། །ཕུར་བུ་ཉིད་ཀྱིས་མཚམས་བཅིངས་པའོ། །གང་དུ་རྡོ་རྗེ་གནས་པའི་གནས་དེར་བཅོམ་ལྡན་འདས་མའི་སྙིང་པོ་མཉམ་
པར་འགྲོ་མ་ལན་བརྒྱད་བརྒྱར་བཟླས་པར་བྱའོ། །རྡོ་རྗེ་རྣམས་བཅིངས་བ་བྱས་པར་འགྱུར་རོ། །རྡོ་རྗེ་དབྱེ་བར་བྱ་བར་འདོད་ན། དུག་དང་། ལིང་ག་དང་། ཀ་ར་བཱི་རའི་མེ་ཏོག་དང་། ལུག་གི་རྭ་སྟེ་འདི་རྣམས་ཆ་མཉམ་པར་བྱས་ལ་རིག་པ་བརྒྱད་བརྒྱར་མངོན་པར་
བསྔགས་པར་བྱས་ནས་རྡོ་རྗེའི་མེ་ལ་དེ་རབ་ཏུ་བྱུག་པར་བྱའོ། །རྡོ་རྗེ་རྣམ་པར་དབྱེ་བ་བྱས་པར་འགྱུར་རོ། །ནོར་སྒྲུབ་པར་འདོད་ན་སྔ་མ་བཞིན་དུ་སྔོན་སྤྱད་པ་བྱས་ལ་རི་མོ་མཁན་གསོ་སྦྱོང་ལ་གནས་པས་མ་ཉམས་པའི་རས་སྐྲ་དང་བྲལ་བ་ལ་སངས་རྒྱས་བཅོམ་ལྡན་
འདས་ཀྱི་གཟུགས་བརྙན་ཆོས་སྟོན་པར་མཛད་བཞིན་པ་འདྲིར་གཞུག་པར་བྱའོ། །གཡས་སུ་འཕགས་པ་སྤྱན་རས་གཟིགས་དབང་ཕྱུག་སྟོན་ཀའི་སྤྲིན་ལྟར་དཀར་བ་རལ་པའི་ཅོད་པན་འཆང་བ། འོད་དཔག་མེད་དབུ་ལ་བཞུགས་པ། རྒྱན་ཐམས་ཅད་ཀྱིས་རྣམ་
เล่ม ๙๔ · หน้า 27a
པར་བརྒྱན་པའོ། །གཡོན་དུ་རྡོ་རྗེ་འཛིན་པ་སྔོ་བསངས་རྒྱན་ཐམས་ཅད་ཀྱིས་རྣམ་པར་བརྒྱན་པ་ཕྱག་ན་རྡོ་རྗེ་ཐོགས་པའོ། །འཕགས་པ་སྤྱན་རས་གཟིགས་ཀྱི་ཉེ་ལོགས་ན་བཅོམ་ལྡན་འདས་མ་ཁྲོ་གཉེར་ཅན་པྲི་ཡངྐུ་ལྟར་སྔོ་བསངས་འདྲིར་གཞུག་པར་
བྱའོ། །བཅོམ་ལྡན་འདས་མའི་ཉེ་ལོགས་སུ་རིག་པའི་རྒྱལ་མོ་ཆེན་མོ་འདྲིར་གཞུག་པར་བྱའོ། །ཚངས་པ་ཡང་ལག་ན་རིལ་བ་སྤྱི་བླུགས་ཐོགས་པའོ། །འོག་ཏུ་ལོག་འདྲེན་སྣ་ཚོགས་པའི་གཟུགས་ཅན་འདྲིར་གཞུག་པར་བྱའོ། །ལྷ་ཐམས་ཅད་ཀྱང་པདྨའི་
གདན་ལ་གནས་པར་བྱའོ། །སྒྲུབ་པ་པོ་ནི་སྔོན་བཞིན་ནོ། །དེ་ནས་སྒྲུབ་པ་པོས་བཅྭ་ལྔ་ལ་གཞོན་ནུ་མས་བཀལ་བའི་སྲད་བུ་ལ་སྔར་བཞིན་རྒྱུ་སྐར་རྒྱལ་ལ་བསྒྲིལ་བའི་མཆོད་ཕྱིར་ཐོགས་བྱས་ལ་དེ་ནས་རས་རིས་ལ་མཆོད་པ་རྒྱ་ཆེན་པོ་བྱས་ནས་གཏོར་མ་རྣམ་པ་སྣ་ཚོགས་
དབུལ་ལ་མར་གྱི་མར་མེ་ཡང་སྦར་བར་བྱའོ། །དེ་ནས་རིག་པ་འཛིན་པས་ཀུ་ཤའི་ཁྲེས་ལ་ཉེ་བར་འདུག་སྟེ་མཆོད་ཕྱིར་ཐོགས་ལན་བདུན་མངོན་པར་བསྔགས་པ་བྱས་ནས་འཕགས་པ་སྤྱན་རས་གཟིགས་དབང་ཕྱུག་གི་ཕྱག་གཡས་པར་དབུལ་བར་བྱའོ། །རིག་པ་འཛིན་པ་རྣམས་
ཀྱང་གཡས་པའི་ཕྱག་བརྒྱད་ཀྱིས་རེག་གོ། །ཇི་སྲིད་དྲོ་བར་གྱུར་པའམ། དུ་བ་འཐུལ་བའམ། འབར་བར་གྱུར་པ་དེ་སྲིད་དུ་རིག་པ་བཟླས་པར་བྱའོ། །འབར་བ་ན་ཡིད་ཀྱིས་མཆོད་ཡོན་དབུལ་ལོ། །དེ་ནས་རིག་པ་འཛིན་པས་ཚངས་པ་ཡིད་ལ་བྱའོ། །དྲན་པ་
ཙམ་གྱིས་དབྱུག་པའི་ཤིང་དུ་འགྱུར་རོ། །ཡུངས་ཀར་ལ་ལན་བརྒྱ་བཟླས་པ་བསྣུན་པར་བྱ་སྟེ་མཆོད་ཕྱིར་ཐོགས་སུ་འགྱུར་རོ། །བཅོམ་ལྡན་འདས་མ་དྲན་པ་ཉིད་ཀྱི་རྗེས་སུ་བླང་བར་བྱ་སྟེ། བླངས་པ་ཙམ་གྱིས་སྐྲ་ལི་ཞིང་འཁྱིལ་པ་ལོ་བརྒྱད་གཉིས་ལོན་པའི་རྣམ་པ་
དཀར་ཞིང་དང་བའི་ལུས་རིག་པ་འཛིན་པ་ས་བཅུ་གཉིས་ཀྱི་མངའ་བདག་ཏུ་འགྱུར་རོ། །ཚངས་པའི་འཇིག་རྟེན་དུ་འགྲོའོ། །གང་གི་ཚེ་འཕོ་བ་དེའི་ཚེ་སླར་ཡང་རིག་པ་ཉམས་སུ་མྱོང་བར་འགྱུར་རོ། །སྒྲུབ་པ་གཞན་ཡང་སྔར་བཞིན་དུ་རིག་པ་འཛིན་པས་དུར་ཁྲོད་དུ་བཅོམ་
เล่ม ๙๔ · หน้า 27b
ལྡན་འདས་མའི་སྙིང་པོ་མཉམ་པར་འགྲོ་མ་བཟླས་པར་བྱའོ། །དེ་ནས་སློང་མོའི་ཟས་ཟ་ཞིང་ཤི་བའི་རས་བླངས་ནས་རྫས་འདི་རྣམས་ཀྱིས་བཀྲུ་བར་བྱ་སྟེ། ཙནྡན་དང་། རྒྱ་སྤོས་དང་། ཕུ་ཤེལ་ཙེ་དང་། བཱ་ལ་ཀ་དང་། རཱ་ཛ་ཧཱ་སྟེ་རྫས་འདི་རྣམས་གཅིག་ཏུ་བྱས་ནས་
བཀྲུ་བར་བྱའོ། །མི་བློ་གྲོས་དང་ལྡན་པས་བཀྲུས་པ་དེ་ལ་ཉི་མ་བདུན་དུ་བདུག་སྤོས་དབུལ་བར་བྱའོ། །དེ་ནས་རིག་པ་འཛིན་པས་བཅྭ་ལྔ་ལ་དུར་ཁྲོད་དུ་སོང་ནས་བ་ལང་གི་པགས་པ་ཙམ་གྱི་ཐང་ལ་ཉེ་བར་བྱུགས་ནས་དྲི་དང་མེ་ཏོག་ལ་སོགས་པས་མཆོད་དོ། །འབྱུང་པོ་
ཐམས་ཅད་པའི་གཏོར་མ་བྱས་ནས་དེ་ནས་སྒྲུབ་པ་པོས་ཐོད་པ་ལ་ཉེ་བར་འདུག་སྟེ་རས་དེས་ཀུན་ནས་གཡོགས་པས་སྲུང་བ་བྱས་པས་ཇི་སྲིད་དྲོ་བའམ། དུ་བ་འཐུལ་བ་དང་། འབར་བར་གྱུར་གྱི་བར་དུ་རིག་པ་བཟླས་པར་བྱའོ། །དྲོ་བར་གྱུར་པས་ནི་དབང་དུ་བྱེད་དོ། །དུ་བ་
འཐུལ་བས་ནི་མི་སྣང་བར་འགྱུར་རོ། །འབར་བས་ནི་སྐྲ་ལི་ཞིང་འཁྱིལ་པ་ལུས་དཀར་པོ་རིག་པ་འཛིན་པ་དྲུག་ཅུའི་མངའ་བདག་ཏུ་འགྱུར་རོ། །ཇི་ལྟར་ཡང་རས་དེ་ཀུན་ཏུ་གཡོགས་པ་ཙམ་གྱིས་ཀྱང་བདག་ཉིད་དུ་བྱེད་དོ། །དེའི་ཚེ་རིག་པ་འཛིན་པ་རྣམས་ལའང་ཆ་
ཤས་སྦྱིན་པར་འགྱུར་རོ། །གང་གི་ཚེ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། །དེ་ནས་བགྲང་ཕྲེང་སྒྲུབ་པར་འདོད་ན་སྔོན་བཞིན་དུ་རྒྱ་མཚོར་འབུམ་ཕྲག་ལྔ་བཟླས་པར་བྱའོ། །དེ་ནས་ཀུ་ཤ་ལས་བྱུང་བའི་བགྲང་ཕྲེང་བྱས་ལ་མདུད་པ་ཉི་ཤུ་རྩ་ལྔ་བྱའོ། །དེ་ནས་
དུར་ཁྲོད་དུ་སོང་ནས་དཀྱིལ་འཁོར་གྲུ་བཞི་པ་ཉེ་བར་བྱུགས་ཏེ་དེ་ནས་རིག་པ་འཛིན་པས་རོ་དང་སྐྱི་བུང་བཞག་ནས་བར་དུ་གཞག་པར་བྱའོ། །དྲི་དང་མེ་ཏོག་ལ་སོགས་པས་མཆོད་པ་བྱས་ནས་གཏོར་མ་རྒྱ་ཆེན་པོ་དབུལ་ལོ། །དེ་ནས་སྒྲུབ་པ་པོས་རོའི་བྲང་ཁར་ཉེ་བར་འདུག་སྟེ་
བཅོམ་ལྡན་འདས་མའི་སྙིང་པོ་མཉམ་པར་འགྲོ་མ་བཟླས་པར་བྱའོ། །རྣམ་པ་སྣ་ཚོགས་པའི་བགེགས་ཆར་ལྟ་བུ་ལ་འཇིགས་པར་མི་བྱའོ། །ཇི་སྲིད་ཙམ་གདུང་དུ་འགྱུར་ཏེ། ཡིད་ཀྱིས་མཆོད་ཡོན་ཕུལ་ནས་སླར་ཡང་ཇི་སྲིད་བགྲང་ཕྲེང་དུ་འགྱུར་གྱི་བར་དུ་བཟླས་
เล่ม ๙๔ · หน้า 28a
པར་བྱའོ། །སླར་ཡང་སྒྲུབ་པ་པོས་འཆད་བཞིན་པས་བཅོམ་ལྡན་འདས་མ་ལན་བདུན་བཟླས་པར་བྱའོ། །དེ་ནས་ཀུན་ནས་འོད་ཟེར་འབྱུང་སྟེ་རིག་པ་དྲན་པས་གཟུང་བར་བྱའོ། །བཟུང་བ་ཙམ་གྱིས་སྐྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པའི་
རྣམ་པ་འདོད་པའི་གཟུགས་ཅན་ཉི་མ་འཆར་ཀའི་འོད་རིག་པ་འཛིན་པ་སྟོང་ཕྲག་གིས་ཡོངས་སུ་བསྐོར་བ། སྐད་ཅིག་ཐང་ཅིག་ཡུད་ཙམ་ལ་ཚངས་པའི་འཇིག་རྟེན་དུ་འགྲོ་ཞིང་ཚངས་པར་ཡང་འགྱུར་རོ། །གང་གི་ཚེ་འཆི་བ་དེའི་ཚེ་དྲི་མ་མེད་པའི་འཇིག་རྟེན་དུ་སྐྱེ་བར་འགྱུར་རོ། །
དེ་ནས་ལྷ་མ་ཡིན་གྱི་བུ་མོ་ལ་ལོངས་སྤྱོད་པར་འདོད་ན་སློང་མོ་བཟའ་ཞིང་། རིའི་རྩེ་མོར་རིག་པ་སྙིང་པོ་མཉམ་པར་འགྲོ་མ་འབུམ་ཕྲག་ལྔ་བཟླས་པར་བྱའོ། །དེ་ནས་རི་མོ་མཁན་གསོ་སྦྱོང་ལ་གནས་པས་བཅོམ་ལྡན་འདས་ཀྱི་གཟུགས་བརྙན་ཆོས་འཆད་བཞིན་པ་འདྲིར་
གཞུག་པར་བྱའོ། །དེའི་སྤྱན་སྔར་ཡིད་ཀྱིས་སྔགས་ཐམས་ཅད་སྟེན་པར་བྱེད་ན། ལྷ་མ་ཡིན་གྱི་རྫས་རྣམས་དབང་དུ་འགྱུར་རོ། །བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་ཚངས་པས་གསུངས་པ་ལེའུ་ལྔ་པའོ།། །།དེ་ནས་གླང་པོའི་རྒྱལ་པོ་
ཕུར་བུ་གསུམ་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གང་ན་བ་དེར་ཉེ་བར་ལྷགས་སོ། །ཉེ་བར་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བསྐོར་བ་བྱས་ནས་ཞབས་གཉིས་ལ་མགོ་བོས་ཕྱག་བྱས་ནས་བྱང་ཆུབ་
སེམས་དཔའ་ཆེན་པོ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་རིག་པའི་རྒྱལ་པོ་འདིའི་ཆོ་ག་བཤད་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་གླང་པོའི་རྒྱལ་པོ་ཕུར་བུ་གསུམ་པ་ལ་འདི་སྐད་
ཅེས་སྨྲས་སོ། །གླང་པོའི་རྒྱལ་པོ་གང་ཁྱེད་སེམས་ཅན་གྱི་དོན་དུ་ཆོ་ག་འཆད་པ་ལེགས་སོ་ལེགས་སོ། །དེས་ན་གང་ཁྱོད་སྨྲོས་ཤིག །གླང་པོའི་རྒྱལ་པོ་ཕུར་བུ་གསུམ་པས་སྨྲས་པ། ཚེས་གྲངས་མེད་ཅིང་རྒྱུ་སྐར་མེད། སྨྱུང་བར་གནས་པ་མེད་པར་བསྒྲུབ་པར་བྱ་
เล่ม ๙๔ · หน้า 28b
སྟེ། བུད་མེད་ཀྱི་རོ་བླངས་ནས་དུར་ཁྲོད་དུ་བ་ལང་གི་པགས་པ་ཙམ་གྱི་ཐང་ལ་ཉེ་བར་བྱུག་པ་བྱས་ནས་ཤར་དུ་མགོ་བོ་བཞག་ནས་དྲི་དང་མེ་ཏོག་ལ་སོགས་པ་རྣམས་ཀྱི་མཆོད་པས་མཆོད་དེ། དེའི་བྷ་གར་མིག་སྨན་བཅུག་ནས་ཇི་སྲིད་དུ་འགྲོ་བར་གྱུར་པ་དེ་སྲིད་དུ་བཟླས་པར་བྱའོ། །
དེས་རྒྱལ་བའི་སྤྱན་དང་མཚུངས་པར་འགྱུར་ཏེ་ལོ་སྟོང་ཕྲག་བཞིར་འཚོ་བར་འགྱུར་རོ། །ནག་པོའི་བཅུ་བཞི་ལ་སྐྱེས་བུ་ཤི་བ་དེའི་ཡན་ལག་ལས་སྐྱེས་པ་བླངས་ནས་སྐམ་པོར་བྱས་ཏེ་བསྐ་བས་བཀྲུ་བར་བྱའོ། །དྲི་དང་མེ་ཏོག་ལ་སོགས་པ་རྣམས་ཀྱིས་མངོན་པར་མཆོད་
ནས། ཕྱི་མའི་ནག་པའི་བཅུ་བཞི་ལ་དབང་ཕྱུག་ཆེན་པོའི་གནས་སུ་སོང་ནས། འབྱུང་པོ་ཐམས་ཅད་པའི་གཏོར་མ་བྱས་ཏེ་དབང་ཕྱུག་ཆེན་པོ་གཡས་ཀྱི་ལུས་ལ་བཞག་ནས་ཁམ་ཕོར་ཁ་སྦྱར་དུ་གནས་པའི་དེའི་ཡན་ལག་ལས་སྐྱེས་པ་བྱས་ནས་རིག་པ་སྟོང་ཕྲག་བརྒྱད་
བཟླས་པར་བྱའོ། །དེ་ནས་དངོས་གྲུབ་ཀྱི་མཚན་མ་ཁམ་ཕོར་ཁ་སྦྱར་གཡོ་བར་བྱེད་དེ། རིག་པ་དྲན་པས་བླང་བར་བྱའོ། །བླངས་པ་ཙམ་ལ་མི་སྣང་བར་འགྱུར་རོ། །དཔག་ཚད་སྟོང་དུ་འགྲོའོ། །ལོ་སྟོང་ཕྲག་ལྔར་འཚོ་བར་བྱེད་དེ། ནག་པོའི་བརྒྱད་པའམ།
ནག་པོའི་བཅུ་བཞི་པ་ལ་དུར་ཁྲོད་དུ་སོང་ནས་མ་སྐྱེས་པར་ཤི་བའི་བྱིས་པའི་དབང་པོ་ལྔ་བླངས་ནས་རིལ་བུར་བྱས་ཏེ་ལྕགས་གསུམ་གྱིས་ཡོངས་སུ་དཀྲིས་ནས་དེ་ནས་དཀྱིལ་འཁོར་ཉེ་བར་བྱུགས་ཏེ་ཐོད་པའི་ནང་དུ་བཞག་ནས་རིག་པ་སྙིང་པོ་མཉམ་པར་འགྲོ་མ་སྟོང་ཕྲག་བརྒྱད་
བཟླས་པར་བྱའོ། །རིལ་བུ་ཁར་བཅུག་པས་མི་སྣང་བར་འགྱུར་རོ། །ལོ་སྟོང་ཕྲག་དྲུག་འཚོ་བར་འགྱུར་རོ། །དཔག་ཚད་བརྒྱར་འགྲོ་བར་འགྱུར་རོ། །མཉམས་པའི་རས་ལ་རི་མོ་མཁན་གསོ་སྦྱོང་ལ་གནས་པས་བཅོམ་ལྡན་འདས་མ་སྙིང་པོ་མཉམ་པར་འགྲོ་མ་འདྲིར་
གཞུག་པར་བྱའོ། །གླང་པོའི་རྒྱལ་པོ་ཕུར་བུ་གསུམ་པ་འདྲིར་གཞུག་པར་བྱའོ། །བགེགས་ཀྱི་གཟུགས་ཁ་འོག་ཏུ་བལྟས་པ་རྣམ་པར་འགྱུར་བའི་རྣམ་པ་འདྲིར་གཞུག་པར་བྱའོ། །འོག་ན་སྒྲུབ་པ་པོ་ལག་ན་སྤོས་ཕོར་ཐོགས་པའོ། །དེ་ནས་རས་རིས་ཀྱི་སྤྱན་སྔར་
เล่ม ๙๔ · หน้า 29a
འབུམ་ཕྲག་གསུམ་བཟླས་པར་བྱའོ། །དེ་ནས་རིག་པ་འཛིན་པས་ལེགས་པར་ངེས་པ་སྐྱེས་པའི་རོ་བླངས་ནས་དུར་ཁྲོད་དུ་དྲི་དང་མེ་ཏོག་ལ་སོགས་པས་བཅོམ་ལྡན་འདས་མ་མཆོད་ནས་འབྱུང་པོ་ཐམས་ཅད་པའི་གཏོར་མ་བྱས་ཏེ་གྲོགས་བཟང་པོས་བསྲུང་བ་
བྱས་པ། གཙང་མས་གོས་གཙང་མ་བགོས་ཏེ་རོའི་དཔྲལ་བར་རྐང་པ་བྱིན་ནས་གནས་པས་རིག་པ་བཟླས་པར་བྱའོ། །ཇི་སྲིད་ན་ལྡང་བར་བྱེད་དེ། འཇིགས་པར་མི་བྱའོ། །དེ་ནས་རིག་པ་འཛིན་པས་ཡུངས་ཀར་ལ་ལན་བདུན་བཟླས་ནས་བརྡེག་པར་བྱ་སྟེ་གནོན་པར་འགྱུར་
རོ། །དེ་ནས་རིག་པ་འཛིན་པས་རིག་པ་བཟླས་ཏེ་ལག་པ་གཡས་པས་རེག་པར་བྱའོ། །རེག་པ་ཙམ་གྱིས་ཁ་རུ་སྟ་མཐོང་བར་འགྱུར་རོ། །རིག་པ་བཟླས་ལ་བླང་བར་བྱའོ། །བླངས་པ་ཙམ་གྱིས་སྐྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པའི་རྣམ་པ། ལག་
པ་བཞི་པ། གླང་པོའི་རིག་པ་འཛིན་པ། རིག་པ་འཛིན་པ་དྲུག་གིས་བསྐོར་བ། རླུང་ལྟར་འགྲོ་བ། བསྐལ་པར་གནས་པར་འགྱུར་རོ། །གང་གི་ཚེ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། །བཅོམ་ལྡན་འདས་མ་རིག་པའི་རྒྱལ་མོ་ཕུར་བུ་གསུམ་པས་བཤད་
པ་ལེའུ་དྲུག་པའོ།། །།དེ་ནས་དབང་ལྡན་འབྱུང་པོའི་བདག་པོ་ནི་དེའི་རིག་པས་དགའ་ནས་ཆོ་ག་གསུངས་པ། རི་མོ་མཁན་གསོ་སྦྱོང་ལ་གནས་པས་སངས་རྒྱས་བཅོམ་ལྡན་འདས་ཀྱི་གཟུགས་བརྙན་འདྲིར་གཞུག་པར་བྱའོ། །འཕགས་པ་སྤྱན་རས་གཟིགས་
དབང་ཕྱུག་ཕྱག་ན་པདྨ་བསྣམས་པ་འདྲིར་གཞུག་པར་བྱའོ། །གཡོན་དུ་འཕགས་པ་ཕྱག་ན་རྡོ་རྗེ་ཟར་མའི་མེ་ཏོག་དང་འདྲ་བ་འདྲིར་གཞུག་པར་བྱའོ། །འཕགས་པ་སྤྱན་རས་གཟིགས་ཀྱི་ཉེ་ལོགས་སུ་བཅོམ་ལྡན་འདས་མ་པྲི་ཡངྐུ་ལྟར་སྔོ་བསངས་རྒྱན་ཐམས་ཅད་
ཀྱིས་རྣམ་པར་བརྒྱན་པ་འདྲིར་གཞུག་པར་བྱའོ། །ལྷའི་བུ་རྣམས་ཀྱང་མེ་ཏོག་རབ་ཏུ་འཐོར་བཞིན་པ་འདྲིར་གཞུག་པར་བྱའོ། །འོག་ཏུ་སྒྲུབ་པ་པོ་ལག་ན་སྤོས་པོར་ཐོགས་པ་འདྲིར་གཞུག་པར་བྱ། དེ་ནས་རིག་པ་འཛིན་པ་ཟླ་བ་གཅིག་ཏུ་འོ་མ་དང་ནས་ཟན་བཟའ་ཞིང་
เล่ม ๙๔ · หน้า 29b
རས་རིས་ཀྱི་སྤྱན་སྔར་རིག་པ་བཟླས་པར་བྱའོ། །དེ་ནས་མགོ་བོ་ལྔའི་ཐོད་པ་བླངས་ཏེ་གསུམ་གྱིས་སྒྱེད་པུ་གསུམ་བྱས་ཏེ་ཐོད་པ་གཅིག་ཞག་གིས་བཀང་ནས། །དེ་ནས་རིག་པ་འཛིན་པས་འབྱུང་པོ་ཐམས་ཅད་པའི་གཏོར་མ་བྱ། ཐོད་པ་ལྔ་པ་ལ་ཉེ་བར་འདུག་ནས་ཡུངས་ཀར་རེ་རེ་
ལ་ལན་བདུན་བདུན་མངོན་པར་བསྔགས་པ་བྱས་ནས་སྦྱིན་སྲེག་བརྒྱད་བརྒྱ་བྱའོ། །སྦྱིན་སྲེག་དེ་རྫོགས་པ་ན་ལྦུ་བ་འབྱུང་སྟེ་ལག་པ་གཡས་པས་མནན་ནས་བརྒྱད་བརྒྱ་བཟླས་པར་བྱའོ། །དེ་ནས་ངུ་བའི་སྒྲ་ཐོས་ཏེ་འཇིགས་པར་མི་བྱའོ། །དེ་ནས་རིག་པ་འཛིན་པས་རིངས་
ཐབས་སུ་ཡུངས་ཀར་དཀར་པོ་ལ་ལན་བདུན་བསྔགས་པས་གཞུ་བར་བྱ་སྟེ་སྐྱེས་བུར་འགྱུར་རོ། །རིག་པ་དྲན་པས་སྟོད་ཅིག་སྟོད་ཅིག་ཅེས་བརྗོད་པར་བྱའོ། །སྭ་ཏི་ཀ་རུ་འགྱུར་རོ། །དེ་ནས་རིག་པ་འཛིན་པས་ལྡོང་རོས་ལ་ལན་བདུན་བསྔགས་པས་དེ་ལ་ཐིག་ལེ་བྱས་
པས་གླང་པོའི་དབང་པོར་འགྱུར་རོ། །དེ་ལ་ཞོན་ཏེ་ཞོན་པ་ཙམ་ལ་སྐྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པའི་རྣམ་པ་ཅན། དཀར་ཞིང་དང་བའི་ལུས་གླང་པོ་ཆེ་ལ་ཞོན་པ་ལོ་སྟོང་ཕྲག་བརྒྱད་དུ་འཚོ་བར་འགྱུར་ཏེ། དཔག་ཚད་སྟོང་ཕྲག་བཅྭ་བརྒྱད་དུ་འཕུར་བར་
འགྱུར་རོ། །གང་གི་ཚེ་འཆི་བ་དེའི་ཚེ་དགའ་ལྡན་ལྷའི་གནས་སུ་སྐྱེ་བར་འགྱུར་རོ། །ཚེས་གྲངས་མེད་ཅིང་རྒྱུ་སྐར་མེད། སྨྱུང་བར་གནས་པ་མེད་དེ་བསྒྲུབ་པར་བྱའོ། །སྐྱེས་བུ་ཤི་བའི་རོ་བླངས་ཏེ་ཆུ་ཀླུང་གི་འགྲམ་དུ་དྲིའི་ཆུས་ཁྲུས་བྱས་ནས་རྣམ་པ་སྣ་ཚོགས་པའི་
གོས་གསར་པ་དང་། རྒྱན་གྱིས་བརྒྱན་པར་བྱས་ནས་མགོ་བོ་ཤར་དུ་གཞག་པར་བྱའོ། །སྒྲུབ་པ་པོས་གྲོགས་བཟང་པོ་བསྲུང་བ་བྱས་ལ་ཀུ་ཤའི་ཁྲེས་ལ་ཉེ་བར་འདུག་སྟེ་ཡུངས་ཀར་དཀར་པོ་ལ་ལན་བདུན་མངོན་པར་བསྔགས་ནས་ཁར་གཞུག་པར་བྱ་ཞིང་རིག་པ་བཟླས་སོ། །
ཇི་སྲིད་དུ་མི་རོའི་ཁ་གདངས་པར་འགྱུར་རོ། །དེ་ནས་སྒྲུབ་པ་པོ་འཇིགས་པ་མེད་པར་གྱུར་པས་རྐང་པ་གཡོན་པས་བྲང་ཁར་མནན་ནས་སྒྲ་དྲག་པོ་འབྱུང་བར་མི་བྱེད་པ་དེ་སྲིད་དུ་རིག་པ་བཟླས་པར་བྱའོ། །ཇི་སྲིད་དུ་དུ་བ་འཐུལ་བར་བྱེད་དེ། འཇིགས་པ་མེད་པས་དཔྲལ་
เล่ม ๙๔ · หน้า 30a
བར་ལན་བདུན་བཟླས་པའི་ཡུངས་ཀར་གྱིས་བཞུ་བར་བྱའོ། །ཁ་ནས་སྦྲུལ་མཐོང་བར་འགྱུར་ཏེ་འཇིགས་པར་མི་བྱ་བར་རིག་པ་དྲན་པས་རེག་པར་བྱའོ། །རེག་པ་ཙམ་གྱིས་རལ་གྲིར་འགྱུར་རོ། །སྙིང་པོ་དྲན་པས་གཟུང་བར་བྱའོ། །བཟུང་བ་ཙམ་གྱིས་སྐྲ་
ལི་ཞིང་ལོ་བརྒྱད་གཉིས་ལོན་པའི་རྣམ་པ་གླང་པོའི་རིག་པ་འཛིན་པ་ཐམས་ཅད་ཀྱི་བདག་པོར་ཐོགས་པ་མེད་པར་འགྱུར་ཏེ་ལོ་སྟོང་དྲུག་ཅུར་འཚོ་བར་འགྱུར་རོ། །མདུང་ཐུང་གི་སྒྲུབ་པར་འགྱུར་ཏེ་སྔར་བཞིན་དུ་འོ་མ་དང་། ནས་ཟན་བཟའ་ཞིང་རི་བོའི་རྩེ་མོར་འཛེགས་ཏེ་འབུམ་
ཕྲག་གསུམ་བཟླས་པར་བྱའོ། །དེ་ནས་རིག་པ་འཛིན་པས་དུར་ཁྲོད་ཀྱི་ཐལ་བ་དང་། གྲོག་མཁར་གྱིས་ལ་འོ་མས་སྦྲུས་ཏེ་སྔར་བཞིན་དུ་འོ་མ་དང་ནས་ཟན་བཟའ་ཞིང་། རིའི་རྩེ་མོར་འཛེགས་ཏེ་འབུམ་ཕྲག་གསུམ་བཟླས་པར་བྱའོ། །དེ་ནས་རིག་པ་འཛིན་པས་
དུར་ཁྲོད་ཀྱི་ཐལ་བ་དང་གྲོག་མཁར་གྱིས་ལ་འོ་མས་སྦྲུས་ཏེ་རྨ་བྱའི་གཟུགས་བྱ། བདེ་བར་གཤེགས་པའི་མཐོ་གང་གི་ཚད་ཀྱིས་མ་འདྲེས་པའི་ཚོན་གྱིས་འདྲིར་གཞུག་པར་བྱའོ། །དེ་ནས་དུར་ཁྲོད་དུ་སོང་ནས་བ་བྱུང་གིས་དཀྱིལ་འཁོར་ཉེ་བར་བྱུགས་ཏེ། དྲི་དང་།
མེ་ཏོག་དང་བདུག་པ་ལ་སོགས་པས་མངོན་པར་མཆོད་ནས་འབྱུང་པོའི་གཏོར་མ་བྱས་ནས། དེ་ནས་གཙང་མས་གོས་གཙང་མ་བགོས་ཏེ་ཐོད་པ་ལ་ཉེ་བར་འདུག་སྟེ། ཐོད་པ་གཉིས་པར་རྨ་བྱ་བཞག་ནས་ཇི་སྲིད་རྨ་བྱ་གཡོ་བར་བྱེད་པ་དེ་སྲིད་དུ་བཟླས་པར་བྱའོ། །དེ་ནས་
རིག་པ་འཛིན་པས་ས་ལ་མ་ལྷུང་བའི་མེ་ཏོག་ལ་ལན་བདུན་མངོན་པར་བསྔགས་པ་རྣམས་ཀྱིས་མཆོད་ཡོན་དབུལ་ལོ། །སླར་ཡང་རིག་པ་བཟླས་པར་བྱའོ། །ཕྱོགས་ནས་ལྷན་ཅིག་འོང་བར་བྱེད་དེ། འཇིགས་པར་མི་བྱ་བར་སྙིང་པོ་དྲན་པས་རྨ་བྱ་ལ་རེག་པར་བྱ་སྟེ།
བུད་མེད་དུ་འགྱུར་རོ། །དེས་བུ་ཅི་བགྱི་ཞེས་སྨྲ་བར་འགྱུར་རོ། །དེ་ལ་བདག་གི་ལུས་སུ་གནས་པར་མཛོད་ཅིག་ཅེས་བརྗོད་པར་བྱའོ། །དེ་ནས་དེ་རིག་པ་འཛིན་པའི་ལག་མཐིལ་དུ་མི་སྣང་བར་འགྱུར་རོ། །སྐད་ཅིག་དེ་ཉིད་ལ་སྐྲ་ལི་ཞིང་འཁྱིལ་པ་ལོ་བརྒྱད་གཉིས་
เล่ม ๙๔ · หน้า 30b
ལོན་པའི་རྣམ་པ། ལག་ན་མདུང་ཐུང་ཅན་རིག་པ་འཛིན་པ་ཐམས་ཅད་འདིའི་དབང་དུ་འགྱུར་ཏེ། འཁོར་ལོས་སྒྱུར་བ་རྣམས་ཀྱི་གང་མཐོང་ནས་ལྟ་བར་བྱེད་པ་ནི་མ་གཏོགས་སོ། །དེ་རྣམས་ཀྱིས་ལྷན་ཅིག་འཕུར་བར་བྱེད་དེ་སུམ་ཅུ་རྩ་གསུམ་དུ་རྣམ་པར་རྒྱུ་བར་འགྱུར་རོ། །
བསྐལ་པར་གནས་ཤིང་གང་གི་ཚེ་འཆི་བ་དེའི་ཚེ་འོག་མིན་པའི་ལྷའི་བུ་རྣམས་སུ་སྐྱེ་བར་འགྱུར་རོ། །སེང་གེ་སྒྲུབ་པར་འདོད་ན་སྔར་བཞིན་དུ་རིག་པ་འཛིན་པས་འོ་མའི་ཟས་དང་མི་སྨྲ་བའི་བརྟུལ་ཞུགས་ཀྱིས་རིག་པའི་སྤྱོད་པའི་རིག་པ་འབུམ་ཕྲག་ལྔ་བཟླས་པར་བྱའོ། །
དེ་ནས་ཐོག་ཕོག་པའི་ཤིང་འོ་མར་ཞག་བདུན་གཞག་པར་བྱའོ། །ས་དཀར་པོ་དང་ཙནྡན་གྱི་ཆུར་མཉེ་བར་བྱ་སྟེ་ཐོག་ཕོག་པའི་ཤིང་གིས་སོ། །དེ་ནས་རིག་པ་འཛིན་པས་རྒྱུ་སྐར་རྒྱལ་ལ་སེང་གེ་གཉིས་སོ། །ཕྱི་ནས་སངས་རྒྱས་དང་ཆོས་དང་དགེ་འདུན་
ལ་མཆོད་པ་རྒྱ་ཆེན་པོ་བྱ་ཞིང་རྣམ་པ་སྣ་ཚོགས་པའི་གཏོར་མ་བྱའོ། །དེ་ནས་རིག་པ་འཛིན་པ་གཙང་མས་གོས་གཙང་མ་བགོས་ཏེ་ཀུ་ཤའི་ཁྲེས་ལ་ཉེ་བར་འདུག་སྟེ། ལག་པ་གཡས་པས་སེང་གེ་མནན་ནས་རིག་པ་སྙིང་པོ་མཉམ་པར་འགྲོ་མ་བཟླས་པར་བྱའོ། །
ཇི་སྲིད་སེང་གེ་གཡོ་བའི་བར་དུའོ། །གཡོས་པ་ཙམ་ལ་ཡངས་འགུལ་ཏེ་ཡང་དག་པར་བཟླས་ལ་འཇིགས་པར་མི་བྱ་བར་སླར་ཡང་ལྷའི་རྔ་བོ་ཆེའི་སྒྲ་སྒྲོགས་ཀྱི་བར་དུ་རིག་པ་བཟླས་པར་བྱའོ། །དེ་ནས་རིག་པ་འཛིན་པས་ལན་བདུན་མངོན་པར་བསྔགས་པའི་མེ་ཏོག་
རྣམས་ཀྱིས་སེང་གེ་ལ་བསྣུན་པར་བྱའོ། །ཀུན་ཏུ་བསྣུན་པས་སེང་གེ་སེང་གེའི་སྒྲ་སྒྲོགས་པར་བྱེད་དེ། སྒྲུབ་པ་པོ་ཅན་གཞན་གྱིས་ངེས་པར་བསམ་པར་འགྱུར་རོ། །དེ་ནས་རིག་པ་སླར་ཡང་བཟླས་པར་བྱ་ཞིང་སེང་གེ་ལ་ཞོན་ནས་འགྲོ་བར་བྱའོ། །ཞོན་པ་ཙམ་
གྱིས་རིག་པ་འཛིན་པ་ཐམས་ཅད་མེ་ཏོག་མངོན་པར་འཐོར་བར་བྱེད་དོ། །སེང་གེ་ལ་ཞོན་བཞིན་དུ་རླུང་ལྟར་འགྲོའོ། །གང་གི་ཚེ་སེང་གེ་སྒྲ་སྒྲོགས་པར་བྱེད་པ་དེའི་ཚེ་སུམ་ཅུ་རྩ་གསུམ་པའི་ལྷ་རྣམས་སྟན་ལས་ལྷུང་ངོ་། །ལྷ་མ་ཡིན་གྱི་བུ་མོ་རྣམས་ཀྱང་དབང་དུ་
ที่มาและสัญญาอนุญาต
ตัวบท: e-text กังยูร์ฉบับเดเกของ Esukhia (Esukhia/derge-kangyur · commit a582cf47) · สาธารณสมบัติ
สัญญาอนุญาต Public Domain · หลักฐาน
README ของ Esukhia/derge-kangyur ที่ commit a582cf471b7c (เปิดอ่านแล้ว ๓ ต.ค. ๒๕๖๙): "This work is a mechanical reproduction of a Public Domain work, and as such is also in the Public Domain." · สำเนาคำต่อคำ: data/kangyur-src/SOURCE-README.md
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
- หน้านี้แสดงคำอ่านตามแผ่นไม้ — เครื่องหมายบรรณาธิการของ Esukhia ({เดิม,ปรับ} · (ผิด?,เสนอ) · […] · #) เก็บครบอยู่ในข้อมูล
- ตัวบทภาษาทิเบตยังไม่อยู่ในการค้นหาของคลัง — ตัวตัดคำที่มีตัดสระของอักษรทิเบตทิ้ง จึงให้ผลที่ผิด