རལ་པ་གྱེན་བརྫེས་ཀྱི་རྟོག་པ་ཆེན་པོ
ชื่อสันสกฤต (อักษรทิเบต ตามตัวบท) ཨཱུརྡྷ་ཛ་ཊཱ་མ་ཧཱ་ཀལྤ་མ་ཧཱ་བོ་དྷི་སཏྭ་བི་ཀུརྦྦ་ཎ་པ་ཊ་ལ་བི་ས་རཱད་བྷ་ག་བ་ཏཱ་ཨཱརྱ་ཏཱ་རཱ་མཱུ་ལ་ཀལྤ་ནཱ་མ
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
เล่ม ๙๔ · หน้า 31a
འགྱུར་རོ། །རིག་པ་འཛིན་པ་བྱེ་བས་ཡོངས་སུ་བསྐོར་ཞིང་བསྐལ་པར་གནས་སོ། །གང་གི་ཚེ་འཆི་བ་དེའི་ཚེ་དྲི་མ་མེད་པའི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །པྲི་ཡངྐུའི་ཤིང་ལས་བྱུང་བའི་བཅོམ་ལྡན་འདས་མ་ཁྲོ་གཉེར་ཅན་མ་རི་མོ་
མཁན་གསོ་སྦྱོང་ལ་གནས་པས་རྒྱུ་སྐར་རྒྱལ་ལ་མ་འདྲེས་པའི་ཚོན་གྱིས་འདྲིར་བཅུག་ནས་དེའི་སྤྱན་སྔར་རིག་པ་འཛིན་པས་མི་སྨྲ་བས་རིག་པ་འབུམ་ཕྲག་དྲུག་བཟླས་པར་བྱའོ། །དེ་ནས་དུར་ཁྲོད་ནས་སྐྱེས་པའི་རོ་བླངས་ནས་དྲི་བཟང་པོའི་དྲི་རྣམས་ཀྱིས་ཁྲུས་བྱས་ནས་
ལེགས་པར་བསྡམས་པ་ཤར་དུ་མངོན་པར་ཕྱོགས་པར་གཞག་པར་བྱའོ། །དེ་ནས་སྒྲུབ་པ་པོས་མེ་ཏོག་ལ་སོགས་པས་མངོན་པར་མཆོད་ནས་གཏོར་མ་རྒྱ་ཆེན་པོ་བྱིན་ཏེ་ཀུ་ཤའི་ཁྲེས་ལ་ཉེ་བར་འདུག་པས་རིན་པོ་ཆེས་བཀབ་ལ་བཅོམ་ལྡན་འདས་མས་ལན་བདུན་བསྔགས་
པ་བྱས་ལ་རོ་ལངས་ཀྱི་ཁར་སྲེག་བླུགས་ལན་ཉི་ཤུ་རྩ་བརྒྱད་སྦྱིན་སྲེག་བྱའོ། །རོའི་ཁ་གདངས་པར་འགྱུར་རོ། །སྒྲུབ་པ་པོས་རིངས་ཐབས་སུ་རྐང་པའི་མཐེ་བོང་ལ་སེང་ལྡེང་གི་ཕུར་བུ་སོར་བརྒྱད་པ་བཅོམ་ལྡན་འདས་མས་ལན་བདུན་མངོན་པར་བསྔགས་ནས་
གཟུགས་པར་བྱའོ། །སླར་ཡང་སྒྲུབ་པ་པོས་ཇི་སྲིད་ཁྲུ་གང་གི་ཚད་ཀྱི་ལྕེར་སོང་གི་བར་དུ་རིག་པ་བཟླས་པར་བྱའོ། །འབྲུག་གི་སྒྲ་གྲགས་ཀྱང་སྐྲག་པར་མི་བྱའོ། །དེ་ནས་རིག་པ་འཛིན་པས་རིངས་ཐབས་སུ་བཟླས་པ་བྱ་ཞིང་ཀ་ར་བཱི་ར་དཀར་པོའི་མེ་ཏོག་གིས་རོ་ལངས་
ཀྱི་དཔྲལ་བའི་ཕྱོགས་སུ་གཞུ་བར་བྱ་སྟེ་གནོན་པར་འགྱུར་རོ། །དེའི་ལྕེའི་རྩེ་མོ་རིན་པོ་ཆེ་ཀུན་ཏུ་མཐོང་སྟེ་འབར་བའི་ཕྲེང་བ་དང་ལྡན་པ་མཛེས་བཞིན་པ་རིག་པ་བཟླས་ལ་བླང་བར་བྱའོ། །བླངས་པ་ཙམ་གྱིས་སྐྲ་ལི་ཞིང་འཁྱིལ་བ་དང་ལོ་བརྒྱད་གཉིས་ལོན་པའི་རིག་པ་
འཛིན་པའི་འཁོར་ལོས་སྒྱུར་བར་འགྱུར་ཏེ། གང་ཞིག་བསམ་པ་དེ་ཐམས་ཅད་དུ་སྐྱེ་བ་ནི་མ་གཏོགས་སོ། །ཟག་པ་ཟད་པ་ཉིད། བསྐལ་པར་གནས་ཤིང་རིན་པོ་ཆེས་ཀྱང་མགོ་དང་། མགོ་ལ་བརྒྱན་པར་དཔག་ཚད་བརྒྱ་སྟོང་ཕྲག་བརྒྱད་ཅུར་ཀུན་ཏུ་སྣང་བར་བྱེད་དོ། །
เล่ม ๙๔ · หน้า 31b
རིག་པ་འཛིན་པ་ཐམས་ཅད་ཀྱང་ཀུན་ཏུ་དབང་བར་འགྱུར་རོ། །གང་གི་ཚེ་འདི་འཕོ་བའི་དུས་ལ་བབ་པ་དེའི་ཚེ་བཅོམ་ལྡན་འདས་མ་ཡང་དག་པར་བྱོན་ནས་སྐུལ་བར་བྱེད་དོ། །བུ་རིན་པོ་ཆེའི་མཐུ་དེ་རྣམས་ཟད་ནས་སླར་ཡང་བསྒྲུབ་པར་བྱའོ་ཞེས་བརྗོད་ནས་མི་སྣང་བར་འགྱུར་རོ། །ཕྱིས་
རིག་པའི་རྒྱལ་མོ་འདི་དྲན་པར་འགྱུར་རོ། །ངན་འགྲོ་ལོག་པར་ལྟུང་བ་རྣམས་སུ་འགྲོ་བ་དང་སྐྱེ་བར་མི་འགྱུར་རོ། །ཐམས་ཅད་ཀྱི་ཚེ་ཡང་འདི་སངས་རྒྱས་རྗེས་སུ་དྲན་པ་སྦྱིན་པར་འགྱུར་རོ། །དབང་ལྡན་གྱིས་རབ་ཏུ་བཤད་པའི་བཅོམ་ལྡན་འདས་མ་རིག་པའི་རྒྱལ་
མོའི་ལེའུ་རྫོགས་སོ།། །།འཇིག་རྟེན་སྐྱོང་བ་བཞིས་བཅོམ་ལྡན་འདས་མའི་ཆོ་ག་གསུངས་སོ། །རིག་པའི་རྒྱལ་མོ་འདི་དྲན་པ་ཙམ་གྱིས་བགེགས་ཐམས་ཅད་རེངས་པར་འགྱུར་རོ། །འཇིག་རྟེན་གྱི་ཁམས་འདི་ན་མར་མི་ཤེས་པ་དང་། ཕར་
མི་ཤེས་པ་ཡང་ཡོད་དེ། ཆོས་དང་མི་ལྡན་པ། སྡིག་པའི་སེམས། ཤེས་རབ་ཆུང་བ། སྲོག་ཆགས་གསོད་པ། དྲག་པོ་ཁ་དོག་ངན་པ། སྟོབས་ཆུང་བ། ཀྱོག་པོ། སྒུར་པོ། རྗེ་ངར་སྦོམ་པ། གཞན་ཡང་བྱ་རོག་གི་རྗེ་ངར་འདྲ་བ། བོང་ཐུང་དང་། རི་དགས་དང་། རྔ་
མོ་དང་། གཡག་ནག་པོ་ལྟ་བུ། སྐྲ་སེར་སྐྱ། སེན་མོ་ངན་པ་དང་། བྱ་རོག་གི་སྐད་དང་། དེ་བཞིན་དུ་གཞན་ཡང་བུམ་ལྟོ་ཅན་དང་། དྲི་མ་ཅན་དང་། གང་ཡང་གཞན་ནད་ཀྱིས་གཟིར་བ་རྣམས་ཏེ། འདི་རྣམས་ཀྱིས་ཇི་སྐད་བཤད་པའི་རིག་པ་མི་འགྲུབ་བོ།། །།བདག་ཅག་གི་
བདེན་པའི་ཚིག་གིས་ཇི་ལྟར་སྔར་གྱི་ལས་ཟད་པར་བྱས་ནས་དེ་ནས་རིག་པ་བསྒྲུབ་པར་བྱའོ། །རྒན་པོའམ། ཞར་བའམ། ལོང་བའམ། རྒུར་པོའམ། ཀྱོག་པོའམ། དེ་ལྟ་བུ་རྣམས་ཀྱིས་སོ། །སླར་ཡང་ཙནྡན་དཀར་པོ་ལ་བྱས་པའི་བཅོམ་ལྡན་འདས་མ་བདེ་བར་
གཤེགས་པའི་ཁྲུ་གང་གི་ཚད་དུ་བྱེད་དུ་གཞུག་སྟེ། རི་མོ་མཁན་གསོ་སྦྱོང་ལ་གནས་པས་མ་འདྲེས་པའི་ཚོན་གྱིས་འདྲིར་གཞུག་པར་བྱའོ། །དེ་ནས་དེས་རྒྱ་མཚོའི་འགྲམ་དུ་བཞུགས་སུ་གསོལ་ནས་དུས་གསུམ་དུ་ཁྲུས་བྱ་ཞིང་སློང་མོ་ཟ་ཞིང་། གུ་གུལ་གྱི་བདུག་པ་བསྲེགས་
เล่ม ๙๔ · หน้า 32a
ལ་འབུམ་ཕྲག་ཉི་ཤུ་བཟླས་པ་དབུལ་བར་བྱའོ། །བཟླས་པ་ཡོངས་སུ་རྫོགས་པ་ན་གུ་གུལ་དང་། ཀུན་ཛི་ཀའི་སྦྱིན་སྲེག་བརྒྱད་བརྒྱ་བཅོམ་ལྡན་འདས་མས་བྱའོ། །དེ་ནས་ལས་ཟད་པར་འགྱུར་རོ། །དེ་ནས་རྒྱལ་པོ་ཆེན་པོ་བཞིས་ལོག་འདྲེན་ལ་
ལྟ་བཞིན་འདི་སྐད་སྨྲས་སོ། །ཀྱེ་ལོག་པར་འདྲེན་པ་ཁྱོད་མཉན་པར་གྱིས་ཤིག །གང་རིག་པའི་རྒྱལ་མོ་འདི་འཆང་བར་བྱེད་པའི་རིག་པ་འཛིན་པ་དེ་ལ་ཁྱེད་ཅག་རྣམས་ཀྱིས་ཉེ་བར་འགྲོ་བར་མི་བྱའོ། །ལོག་འདྲེན་གྱིས་འདི་སྐད་ཅེས་སྨྲས་སོ། །རིག་པ་འཛིན་པ་
གང་སླར་ཡང་ཆོ་ག་ལས་འདས་ནས་མངོན་པའི་ང་རྒྱལ་གྱིས་སྒྲུབ་པར་མི་འགྱུར་བའི་རིག་པ་འཛིན་པ་དེ་ལ་བགེགས་ཀྱི་དོན་དུ་ཉེ་བར་འགྲོ་བར་བྱ་སྟེ། ལོ་བརྒྱར་བསགས་པ་འདིའི་བསོད་ནམས་ཀྱང་རྣམ་པར་གཞོམ་པར་བགྱིའོ། །ལྷའི་རྒྱལ་པོས་སྨྲས་པ། ཀྱེ་ཀྱེ་གདུག་
པའི་ལོག་འདྲེན་ཁྱེད་ཅག་རྣམ་པར་གཞོམ་པའི་དོན་དུ་སྨན་འདི་རྣམས་བཤད་པར་བྱའོ། །ཟླ་བཅས་ལྟོ་བ་བྱམས་པ་དང་། །སྟག་འཇོམས་པ་དང་ལག་བཞིར་བཅས། །ཕག་གི་རྣ་བ་གླང་པོ་འབོད། །སྤྱོད་རལ་རུ་རྟ་གུར་གུམ་ཉིད། །ལྕགས་ཀྱི་ཕྱེ་མ་དང་བཅས་
པ། །གླང་པོ་ཆེ་ཡི་གཅིན་གྱིས་བཏབ། །བཏགས་ནས་ཇི་ལྟར་འདོད་པ་བཞིན། །མཁས་པས་རིལ་བུར་བྱ་བའོ། །མེ་ཏོག་སྒྲོན་མ་གཏོར་མ་དྲི། །བཤང་བ་གཅི་བར་བོང་བ་ཡིས། །ཁྲུས་བྱ་མལ་སྟན་གོས་བཅིང་བྱས། །དྲི་དང་མེ་ཏོག་སོགས་ཐམས་ཅད། །
རབ་སྦྱར་བྱའོ་རྣམ་གཞན་དུ། །ལོག་འདྲེན་གླགས་ནི་ཚོལ་བར་འགྱུར། །གསུངས་པའི་དེ་མ་ཐག་ཏུ་ཡང་། །ལོག་འདྲེན་ཐམས་ཅད་རྣམ་འཁྲུགས་པར། །གྱུར་པའི་ཡིད་ཀྱིས་ཕན་ཚུན་དུ། །ལྟ་ངན་ཕྱོགས་བཞིན་འབྲོས་པར་བྱེད། །སླར་ཡང་བགེགས་བྱེད་
མི་འགྱུར་རོ། །གང་དུ་སྨན་མཆོག་འདི་གནས་པ། །དེར་ནི་ཉེ་བར་འགྲོ་མི་འགྱུར། །དཔག་ཚད་བརྒྱ་ཡི་ནང་དུ་ཡང་། །འདི་ལ་བགེགས་ནི་བྱེད་མི་འགྱུར། །འདི་ཡི་རྟོག་པ་ཐམས་ཅད་ཀྱི། །དངོས་གྲུབ་འབྱུང་བར་འགྱུར་བ་ཡིན། །རིག་པ་འཛིན་པ་གང་ཞིག་སླར། །
เล่ม ๙๔ · หน้า 32b
དུས་གསུམ་མཉམ་པར་དམིགས་པ་ཡིས། །སྒྲུབ་པོ་དེ་ལ་འགའ་ཞིག་གིས། །གླགས་སྐབས་རྙེད་པར་མི་འགྱུར་རོ། །རི་མོ་མཁན་གསོ་སྦྱོང་ལ་གནས་པས་བཅོམ་ལྡན་འདས་ཀྱི་གཟུགས་བརྙན་འདྲིར་གཞུག་པར་བྱ་སྟེ། གསེར་ལྟར་སེར་བ། ཆོས་སྟོན་པར་
མཛད་བཞིན་པའོ། །གཡས་སུ་འཕགས་པ་སྤྱན་རས་གཟིགས་དབང་ཕྱུག་རལ་པའི་ཅོད་པན་འཆང་བ་སྔོ་བསངས་ལུས་མཆོད་ཕྱིར་ཐོགས་ཀྱིས་བརྒྱན་པ་ཕྱག་ན་པདྨ་བསྣམས་པའོ། །ཕྱག་ན་རྡོ་རྗེ་ཟར་མའི་མེ་ཏོག་དང་མཚུངས་པ་ཕྱག་ན་རྡོ་རྗེ་བསྣམས་པ་ཀུན་ནས་འོད་འཕྲོ་བ་
འདྲིར་གཞུག་པར་བྱའོ། །ཕྱག་ན་རྡོ་རྗེའི་ཉེ་ལོགས་སུ་རྒྱལ་པོ་ཆེན་པོ་བཞི་མཚོན་ཆ་དང་བཅས་འདྲིར་གཞུག་པར་བྱའོ། །སྤྱན་རས་གཟིགས་དབང་ཕྱུག་གི་ཉེ་ལོགས་སུ་བཅོམ་ལྡན་འདས་མ་ཁྲོ་གཉེར་ཅན་མ་པྲི་ཡངྐུ་སྔོ་བསངས་འདྲིར་གཞུག་པར་བྱའོ། །འོག་ཏུ་
སྒྲུབ་པ་པོ་ལག་ན་སྤོས་ཕོར་ཐོགས་པའོ། །དེ་ནས་སྒྲུབ་པ་པོས་རས་རིས་ཀྱི་སྤྱན་སྔར་སློང་མོ་ཟ་ཞིང་། གཙང་མའི་ཕྱོགས་སུ་འབུམ་ཕྲག་གསུམ་བཟླས་པར་བྱའོ། །དེ་ནས་རས་རིས་བླངས་ནས་རིའི་རྩེ་མོ་ལ་འཛེགས་ཏེ་ས་ནག་པོ་ལ་མ་ཧེ་བྱས་ལ་རས་རིས་ལ་མཆོད་པ་རྒྱ་
ཆེན་པོ་དང་འབྱུང་པོ་ཐམས་ཅད་ལ་གཏོར་མ་བྱའོ། །དེ་ནས་སྒྲུབ་པ་པོས་བསྲུང་བ་བྱས་ཏེ་གོས་གཙང་མ་བགོས་ཏེ། ཀུ་ཤའི་ཁྲེས་ལ་ཉེ་བར་འདུག་པ་སྙིང་པོ་མཉམ་པར་འགྲོ་མ་བཟླས་པར་བྱའོ། །ཇི་སྲིད་མ་ཧེའི་རྭ་གཡས་པ་ལ་འོད་ཟེར་འཕྲོ་བ་དེ་སྲིད་དུ་བཟླས་པར་བྱའོ། །
དེ་ནས་ཡིད་ཀྱིས་མཆོད་ཡོན་དབུལ་ལོ། །དེ་ནས་མ་ཧེ་ལ་ཞོན་ཏེ་ཞོན་པ་ཙམ་གྱིས་རིག་པ་འཛིན་པ་བཅུ་བདུན་གྱིས་ཡོངས་སུ་བསྐོར་བའི་ལྷའི་ལུས་སུ་འགྱུར་རོ། །དཔག་ཚད་སྟོང་ཕྲག་དྲུག་ཅུར་འཕུར་བར་འགྱུར་རོ། །ལྷ་མ་ཡིན་གྱི་བུ་མོ་རྣམས་ཀྱང་དབང་དུ་འདུ་བར་
འགྱུར་རོ། །ལོ་སྟོང་ཕྲག་ལྔ་བརྒྱར་འཚོ་བར་འགྱུར་རོ། །ལུས་སྦྱང་བ་བྱས་ནས་རས་རིས་ལ་མཆོད་པ་རྒྱ་ཆེན་པོ་དང་། རྣམ་པ་སྣ་ཚོགས་པའི་གཏོར་མ་བྱ་སྟེ་དེ་ནས་སྒྲུབ་པ་པོས་ཀུ་ཤ་ལས་བྱུང་བའི་ཞགས་པ་བྱས་ནས་ལག་པ་གཡས་པས་མནན་ཏེ་ཇི་སྲིད་འབར་བར་གྱུར་
เล่ม ๙๔ · หน้า 33a
པ་དེ་སྲིད་དུ་བཟླས་པར་བྱའོ། །རིག་པ་དྲན་པས་རེག་སྟེ། བླངས་པ་དེ་སྐྲ་ལི་ཞིང་འཁྱིལ་པ་ལོ་བརྒྱད་གཉིས་ལོན་པའི་རྣམ་པ་ལག་ན་ཞགས་པ་ཐོགས་པ་རིག་པ་འཛིན་པ་བཅུ་དྲུག་གིས་ཡོངས་སུ་བསྐོར་བ། དཔག་ཚད་སྟོང་ཕྲག་ལྔར་འཕུར་
བར་འགྱུར་རོ། །ལོ་སྟོང་ཕྲག་བཅུ་བཞིར་འཚོ་བར་འགྱུར་རོ། །གང་གི་ཚེ་འཆི་བ་དེའི་ཚེ་རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེ་བར་འགྱུར་རོ། །རིའི་རྩེ་མོར་འཛེགས་ཏེ་སློང་མོ་ཟ་ཞིང་། སྙིང་པོ་མཉམ་པར་འགྲོ་མ་བྱེ་བ་བཟླས་ན་རིག་པ་འཛིན་པར་འགྱུར་རོ། །
རིག་པ་འཛིན་པ་ལྔས་ཡོངས་སུ་བསྐོར་བ་ཐོགས་པ་མེད་པར་འགྲོ་སྟེ། སྐད་ཅིག་ཐང་ཅིག་ཡུད་ཙམ་གྱིས་མི་མཇེད་འཇིག་རྟེན་གྱི་ཁམས་སུ་འགྲོ་བར་བྱེད་ཅིང་སོང་ནས་བསྐལ་པར་གནས་པར་འགྱུར་རོ། །གང་གི་ཚེ་འཆི་བ་དེའི་ཚེ་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །
བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་རྒྱལ་ཆེན་བཞིས་གསུངས་པའི་ལེའུ་བརྒྱད་པའོ།། །།དེ་ནས་ཡང་ནམ་མཁའ་ལྡིང་གི་རྒྱལ་པོ་ཐམས་ཅད་ཀྱིས་བཅོམ་ལྡན་འདས་མའི་ཆོ་ག་གསུངས་སོ། །དུག་གསོ་བ་ནི་ཡལ་འདབ་ལས་བབ་པའི་
ཆུས་ཚོན་བྱ་ཞིང་སེ་གོལ་དང་། གར་བྱེད་བཞིན་པས་ཡིད་ཀྱིས་བཟླས་པ་བྱས་པའི་མེ་ཏོག་དཀར་པོ་ལ་ལན་བདུན་བཟླས་པས་གདུང་བ་གསོ་བར་བྱེད་དོ། །སྲད་བུས་གདོན་སྐྲག་པར་བྱེད་དོ། །གུ་གུལ་གྱི་བདུག་པས་མཆེ་བ་འབེས་པར་བྱེད་དོ། །སྣ་མའི་མེ་ཏོག་གིས་
སྐྲོད་པར་བྱེད་དོ། །ཡུངས་ཀར་ཁྲག་དང་བཅས་པ་ལ་བཟླས་པས་སྡང་བ་རྣམས་ཕྱིར་ཟློག་པར་བྱེད་དོ། །བ་ལང་གི་ཤས་སྐེམས་པར་བྱེད་དོ། །ཨ་རིཥྚའི་འདབ་མ་དང་། ཁྲག་འཛག་པ་དང་། སྐྱེ་ཚེ་རྣམས་ཀྱིས་དབང་དུ་བྱེད་དོ། །ཨརྒའི་མེ་ཏོག་གིས་ནོར་སྦྱིན་ནོ། །
མེ་ཏོག་བརྒྱ་པས་ཤ་ཟ་རྣམས་སྐྲག་པའི་ཡིད་ཀྱིས་འབྲོས་པར་བྱེད་དོ། །འཁྲིལ་ཤིང་གིས་རིགས་སམ་ཁྱིམ་སྐྲོད་པར་བྱེད་དོ། །ཀླུ་རྣམས་ནི་ཀླུ་ཤིང་གི་མེ་ཏོག་གིས་སོ། །ཕུབ་མས་རིག་པ་གཅོད་པར་བྱེད་དོ། །འདིས་ཕ་རོལ་གྱི་རིག་པ་སྒྲུབ་པར་འགྱུར་རོ། །གཙང་
เล่ม ๙๔ · หน้า 33b
མས་གོས་གཙང་མ་བགོས་ཏེ་དུས་གསུམ་དུ་ཁྲུས་བྱས་ནས་གོས་ལན་གསུམ་དུ་བརྗེ་ཞིང་། འོ་མ་དང་ནས་ཟན་ཟ་བས་འབུམ་ཕྲག་བཅུར་བཟླས་པ་བྱ་སྟེ་ལུས་སྦྱོང་བར་འགྱུར་རོ། །དེ་ནས་སྒྲུབ་པ་པོས་རྒྱུ་སྐར་རྒྱལ་ལ་ས་སེར་པོ་དང་། བའི་གཅིན་དང་། ལྗང་ཁུས་ནམ་
མཁའ་ལྡིང་འདྲིར་གཞུག་པ་སྟེ། འདིའི་མགྲིན་པ་ལ་པདྨའི་ཕྲེང་བ་སྦྱིན་པར་བྱའོ། །དེ་ལ་སྒྲུབ་པ་པོས་རིན་པོ་ཆེ་གསུམ་གྱིས་མཆོད་པ་བྱས་ནས་དེ་ནས་སྒྲུབ་པ་པོས་བ་ལས་བྱུང་བས་དཀྱིལ་འཁོར་ཉེ་བར་བྱུགས་ཏེ། སྒོ་བཞི་རྣམས་སུ་བུམ་པ་གང་བ་བཞི་གཞག་པར་བྱའོ། །
བུམ་པ་གང་བ་བཞི་པོ་རྣམས་ལ་ཀླུའི་རྒྱལ་པོ་བཞི་འདྲིར་གཞུག་པར་བྱའོ། །དེ་ནས་རྒྱུད་མཚུངས་པའི་བའི་མར་སར་བླངས་ནས་ཟངས་ཀྱི་སྣོད་དུ་བཞག་སྟེ། ལག་པ་གཡས་པས་མནན་ནས་ཇི་སྲིད་དུ་དུ་བ་འཐུལ་བ་དང་། འབར་བར་བྱེད་པ་དེ་སྲིད་དུ་རིག་པ་བཟླས་
པར་བྱའོ། །དུ་བ་འཐུལ་བ་ན་འཐུངས་བས་མི་སྣང་བར་འགྱུར་རོ། །ལོ་སྟོང་ཕྲག་བཅུ་བཞིར་འཚོ་བར་འགྱུར་རོ། །དཔག་ཚད་སྟོང་དུ་འགྲོའོ། །འབར་ན་ལྷའི་ལུས་དང་ཡིད་དུ་འགྱུར་རོ། །ཐམས་ཅད་དབུགས་འབྱིན་པར་བྱེད་དོ། །རིག་པ་འཛིན་པ་བཅུས་
ཡོངས་སུ་བསྐོར་རོ། །གང་གི་ཚེ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། །རྒྱ་མཚོར་འགྲོ་བའི་ཆུ་ཀླུང་དུ་སོང་ནས་སློང་མོ་ཟ་ཞིང་། ཀླུ་ཤིང་གི་མེ་ཏོག་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་འབུམ་བྱས་ན་ཀླུ་རྣམས་ལང་ངོ་། །དེ་ནས་སྒྲུབ་པ་པོས་
འཇིགས་པ་མེད་པས་དབུས་སུ་མེ་ཏོག་གིས་བརྒྱན་པའི་བུམ་པ་གཞག་པར་བྱ། དེའི་སྟེང་དུ་འཁོར་ལོ་གཞག་པར་བྱ། དེ་ནས་སྒྲུབ་པ་པོས་བསྲུང་བ་བྱས་ཏེ་ཀླུའི་སྟན་ལ་ཉེ་བར་འདུག་པས་ཇི་སྲིད་ནམ་མཁའ་ལྡིང་ལས་འོད་ཟེར་འཕྲོ་བ་དེ་སྲིད་དུ་རིག་པ་བཟླས་པར་བྱའོ། །སྒྲུབ་
པ་པོ་ལ་བསྐོར་བ་བྱས་ནས་དེ་ཉིད་ཀྱི་སྤྱི་བོར་ནུབ་པར་འགྱུར་རོ། །རིག་པ་བཟླས་པས་བླང་བར་བྱའོ། །དེ་ལ་ཞོན་པས་རིག་པ་འཛིན་པ་སྟོང་ཕྲག་དྲུག་ཅུ་ཉེ་བར་འགྲོ་སྟེ། ཡིད་ཀྱིས་རླུང་ལྟར་འགྲོའོ། །ཉི་མ་འཆར་ཀའི་འོད་དང་མཚུངས་པ་ཀླུའི་རིག་པ་འཛིན་པ་ཐམས་
เล่ม ๙๔ · หน้า 34a
ཅད་ཀྱང་དཔག་ཚད་སྟོང་དུ་འབྲོས་པར་བྱེད་དོ། །དྲི་མནམས་པས་ལོ་སྟོང་ཕྲག་བརྒྱད་ཅུར་འཚོ་བར་བྱེད་དོ། །གང་གི་ཚེ་འཆི་བ་དེའི་ཚེ་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །སྔོན་སྤྱད་པ་བྱས་ནས་དེ་ནས་རིག་པ་འཛིན་པས་དུར་
ཁྲོད་དུ་སོང་ནས་བ་བྱུང་གིས་བ་ལང་གི་པགས་པའི་ཚད་ཙམ་དུས་གཞི་བྱུག་པར་བྱས་ནས་དྲི་དང་མེ་ཏོག་ལ་སོགས་པ་རྣམས་ཀྱིས་མཆོད་པ་བྱས་ཏེ། གཏོར་མ་རྒྱ་ཆེན་པོ་བྱའོ། །གཞན་པའི་ནག་པོའི་ཚེས་བརྒྱད་པ་ལ་དུར་ཁྲོད་དུ་སོང་ནས་བ་ལང་གི་པགས་པའི་ཚད་ཙམ་གྱིས་གཞི་
ཉེ་བར་བྱུགས་ཏེ། མཆོད་པ་རྒྱ་ཆེན་པོ་བྱས་ནས་སྒྲུབ་པ་པོས་རིག་པ་སྟོང་ཕྲག་བརྒྱད་བཟླས་པ་བྱས་ན་འགྲུབ་པར་འགྱུར་རོ། །ཁར་བཅུག་ན་མི་སྣང་བར་འགྱུར་རོ། །ལོ་སྟོང་ཕྲག་ལྔར་འཚོ་བར་འགྱུར་རོ། །བཅོམ་ལྡན་འདས་མ་རིག་པའི་རྒྱལ་མོ་ནམ་མཁའ་ལྡིང་གིས་བཤད་པའི་
ལེའུ་དགུ་པའོ།། །།དེ་ནས་མ་མོའི་ཚོགས་རྣམས་ཐམས་ཅད་དང་། གནོད་སྦྱིན་དང་། སྲིན་པོ་དང་། ཡི་དགས་དང་། ཤ་ཟ་དང་། གྲུལ་བུམ་དང་། སྲུལ་པོ་དང་། ལུས་སྲུལ་པོ་རྣམས་སྟན་ལས་ལངས་ནས་འཕགས་པ་སྤྱན་རས་གཟིགས་དབང་ཕྱུག་གང་
ན་བ་དེར་ཉེ་བར་ལྷགས་སོ། །ཉེ་བར་ལྷགས་ནས་བྱང་ཆུབ་སེམས་དཔའི་ཞབས་གཉིས་ལ་མགོ་བོས་ཕྱག་འཚལ་ནས་རིག་པའི་ཆོ་ག་སྨྲས་སོ། །ཚེས་གྲངས་མེད་ཅིང་རྒྱུ་སྐར་མེད་པས་སྨྱུང་བར་གནས་པ་མེད་པར་བྱ་སྟེ། རིག་པ་གང་ཁོ་ན་ཚང་མའོ། །དུར་ཁྲོད་དུ་དབང་ཕྱུག་ཆེན་
པོའི་གཡས་ཀྱི་ལུས་ལ་རིག་པ་བརྒྱད་བརྒྱར་བཟླས་ཏེ་ཁར་བཅུག་ན་མི་སྣང་བར་འགྱུར་རོ། །སའི་ཆ་དྲུག་འཕྲོག་པར་འགྱུར་རོ། །འོད་མ་ལྷགས་པ་བླངས་ནས་ལྕགས་གསུམ་གྱིས་དེ་ལ་དཀྲི་བར་བྱའོ། །དེ་ནས་གཙང་མས་གོས་གཙང་མ་བགོས་ཏེ། དུར་ཁྲོད་དུ་སོང་ནས་དྲི་དང་།
མེ་ཏོག་དང་། བདུག་པ་ལ་སོགས་པས་མཆོད་པ་དང་། འབྱུང་པོ་ཐམས་ཅད་པའི་གཏོར་མ་ཡང་བྱས་ནས། དེ་ནས་སྒྲུབ་པ་པོས་ཐོད་པ་ལག་པ་གཡོན་པས་བླངས་ཏེ་ལག་པ་གཡས་པས་མནན་ནས་ཇི་སྲིད་ཅ་ཅོའི་སྒྲ་སྒྲོགས་པ་དེ་སྲིད་དུ་རིག་པ་བཟླས་པར་བྱའོ། །རིག་པ་དྲན་
เล่ม ๙๔ · หน้า 34b
པས་བླང་བར་བྱ་སྟེ་བླངས་པ་ཙམ་གྱིས་མི་སྣང་བར་འགྱུར་རོ། །སའི་ཆ་དྲུག་འཕྲོག་ཅིང་ལོ་སྟོང་དུ་འཚོའོ། །ལྷ་དང་ལྷ་མ་ཡིན་གྱི་བུ་མོ་རྣམས་དང་ལྷན་ཅིག་དགའ་བར་བྱེད་དོ། །ནག་པོའི་བརྒྱད་པ་ལ་བུད་མེད་ཤི་བ་དེའི་ལྕེ་བླངས་ནས་ལྕགས་གསུམ་གྱིས་དཀྲིས་ཏེ་ཡིད་རླུང་ལྟར་
འགྲོའོ། །འདིའི་ཚངས་པར་སྤྱད་པས་འདོད་པ་རྣམས་ལ་སེམས་བསྐྱེད་ན་དེ་གཅིག་པུ་འཇིག་རྟེན་གྱི་ཁམས་སུ་འགྲོ་ཞིང་བསྐལ་པ་ཆེན་པོར་གནས་སོ། །ཡིད་ཀྱིས་སྐྱེ་བ་འཛིན་པར་བྱེད་དོ། །གཙང་མས་གོས་གཙང་མ་བགོས་ཏེ་དུར་ཁྲོད་དུ་ཟླ་བ་དྲུག་རིག་པ་བཟླས་ན་མི་
སྣང་བར་འགྱུར་རོ། །ལོ་ལྔ་བརྒྱར་འཚོའོ། །འུག་པའི་མིག་སྨན་དང་ལྷན་ཅིག་བཏག་པར་བྱ། ལྕགས་གསུམ་གྱིས་དཀྲིས་པའི་རིལ་བུ་བྱས་ནས་དབང་ཕྱུག་ཆེན་པོའི་གཡས་ཀྱི་ལུས་ལ་ཁམ་ཕོར་ཁ་སྦྱར་དུ་བཞག་པར་བྱས་ནས་ལག་པ་གཡས་པས་མནན་ཏེ་རིག་པ་
དམ་པ་དཔག་ཏུ་མེད་པ་བཟླས་པར་བྱ་སྟེ་ཇི་སྲིད་དུ་རྣམ་པར་ཆད་དོའི་སྒྲ་ཐོས་པ་དེ་སྲིད་དུ་བཟླས་པར་བྱའོ། །རིག་པ་དྲན་པས་རིལ་བུ་བླངས་ཏེ་ཁར་བཅུག་ན་མི་སྣང་བར་འགྱུར་རོ། །ལོ་སྟོང་ཕྲག་གཉིས་སུ་འཚོ་བར་འགྱུར་རོ། །མིག་སྨན་དང་། ལྡོང་རོས་དང་།
འོ་མ་དང་། པདྨ་གེ་སར་མཉམ་པར་འགྲོ་བའི་རྫས་མཉམ་པར་བྱས་ཏེ། ལྕགས་གསུམ་གྱིས་དཀྲི་བར་བྱའོ། །རྒྱལ་ལ་སྦྱོར་བ་རྣམ་པར་ཤེས་པར་བྱ་ཞིང་། དེ་ནས་བསྒྲུབ་པར་བྱ་ཞིང་། ཤ་ཟ་སྒྲུབ་པར་འདོད་པས་དུར་ཁྲོད་དུ་བ་ལང་གི་པགས་པའི་ཚད་ཙམ་གྱི་དཀྱིལ་
འཁོར་ཉེ་བར་ཕྱུག་པ་བྱས་ནས་ཤ་དང་ཆང་ལ་སོགས་པའི་གཏོར་མ་བྱས་ཏེ། ཁ་ཤར་དུ་ཕྱོགས་པར་མིའི་སྐྲ་ལ་ཁྲག་གིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན་ཤ་ཟ་ཐམས་ཅད་འོང་སྟེ། འཇིགས་པར་མི་བྱ་ཞིང་སྲུང་བར་ཡང་མི་བྱ་བར་འདི་སྐད་ཅེས་བརྗོད་པར་བྱའོ། །
བདག་གི་དབང་དུ་གྱུར་ཅིག་ཅེས་བརྗོད་པ་དང་། དེ་རྣམས་ཀྱིས་སྨྲས་པ། དེ་བཞིན་དུ་གྱུར་ཅིག་ཅེས་བརྗོད་པ་དང་མི་སྣང་བར་འགྱུར་རོ། །ཉི་མ་རེ་རེ་ལའང་དོང་ཙེ་ལྔ་ལྔ་སྟེར་བར་བྱེད་དེ། དེ་རྣམས་ཀྱང་ཟད་པར་བྱའོ། །དུར་ཁྲོད་དུ་ཡི་དགས་དྲི་མེད་ཉིད་ཀྱི་མིང་ནས་སྨོས་
เล่ม ๙๔ · หน้า 35a
པ་དབང་དུ་འགྱུར་རོ། །དུར་ཁྲོད་དུ་གཟུགས་བརྙན་བྱས་ནས་རྐང་པ་ལ་ཕུར་བུས་གདབ་པར་བྱའོ། །དེ་ནས་རིག་པ་བཟླས་པར་བྱའོ། །དེ་ལ་ཡང་བ་ལང་གི་པགས་པའི་ཚད་ཙམ་གྱི་དཀྱིལ་འཁོར་ཉེ་བར་བྱུགས་ནས་མཆོད་པ་རྒྱ་ཆེན་པོ་བྱས་ནས་རིག་
པ་འབུམ་བཟླས་པར་བྱའོ། །དུར་ཁྲོད་དུ་ཏིལ་གྱི་སྦྱིན་སྲེག་སྟོང་ཕྲག་བརྒྱད་བྱ་སྟེ་ཉི་མ་བདུན་དུ་མཚན་མོ་སྦྱིན་སྲེག་བྱའོ། །ཉི་མ་རེ་རེ་ལ་དངུལ་ལྔ་ལྔ་སྦྱིན་པར་བྱེད་དོ། །ཀུ་མུ་ཏ་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་འབུམ་བྱས་ན་ངེས་པར་མཐོང་ངོ་། །
དུར་ཁྲོད་ཀྱི་ཐལ་བ་ལ་གཟུགས་བརྙན་བྱས་ཏེ་དེ་ལ་ཉེ་བར་འདུག་ནས་ཨརྒའི་ཤིང་ལ་མེ་སྦར་ནས་དྲི་ཞིམ་པོའི་ཏིལ་མར་གྱིས་བཏགས་པའི་སྣ་མའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱད་བྱས་ན་མི་སྣང་བར་འགྱུར་རོ། །ཆོ་ག་འདི་ཁོ་ནས་མིང་ནས་སྨོས་ན་ལཱནྫའི་རྒྱལ་པོ་དང་བློན་པོར་
འགྱུར་རོ། །བུད་མེད་དབང་དུ་བྱེད་ན་ཨ་ཏི་མུཀྟའི་མེ་ཏོག་གི་སྦྱིན་སྲེག་བྱས་ན་དབང་དུ་འགྱུར་ཏེ། ཉི་མ་བདུན་ནས་ཡིད་ཀྱིས་གང་གི་ཚེ་བསམས་པ་དེའི་ཚེ་འོང་ངོ་། །དུར་ཁྲོད་དུ་སོང་ནས་དཀྱིལ་འཁོར་ཉེ་བར་བྱུགས་ཏེ། ཤ་ཆེན་གྱིས་སྦྱིན་སྲེག་བྱས་ནས་ཉི་མ་བདུན་པ་ལ་ཤ་
ཟས་ཟིན་པ་རྣམས་བལྟས་པས་ཐར་བར་འགྱུར་རོ། །དུར་ཁྲོད་དུ་ཤ་ཆེན་གྱིས་སྦྱིན་སྲེག་སྟོང་ཕྲག་བཅུ་བྱས་ན་ཤ་ཟ་ཐམས་ཅད་ཀྱང་དབང་དུ་འགྱུར་རོ། །ནེ་ལེའི་སྤུའི་སྦྱིན་སྲེག་སྟོང་ཕྲག་བརྒྱད་བྱས་ན་འབྱུང་པོ་ཐམས་ཅད་ཀྱང་དབང་དུ་འགྱུར་རོ། །དུར་ཁྲོད་དུ་བཤང་བའི་སྦྱིན་
སྲེག་བྱས་ན་སྲུལ་པོས་ཟིན་པ་རྣམས་ཡིད་ཀྱིས་ཀྱང་ཐར་རོ། །ཁྲག་གིས་སྦྱིན་སྲེག་བྱས་ན་མཁའ་འགྲོ་མ་རྣམས་དབང་དུ་འགྱུར་རོ། །དུར་ཁྲོད་དུ་བོཌྜ་ཀའི་སྦྱིན་སྲེག་བྱས་ནའང་ཤ་ཟ་མི་འོང་ངོ་། །སྦྲུལ་གྱི་ཤུན་པའི་སྦྱིན་སྲེག་བྱས་ན་སྦྲུལ་རྣམས་འབྲོས་པར་བྱེད་དོ། །དེ་ནས་
སྒྲུབ་པ་པོས་གཏོར་མ་བྱས་ནས་ཨརྒའི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱའོ། །རྣམ་པར་འགྱུར་བའི་གཟུགས་ཅན་གྱི་གནོད་སྦྱིན་མ་འོང་བར་འགྱུར་ཏེ་འཇིགས་པར་མི་བྱ་བར་རིག་པ་དྲན་པས་སྟོད་ཅིག་སྟོང་ཅིག་ཅེས་སོ། །དེ་དེའི་ཚེ་མཆོག་གསུམ་པོ་རྣམས་ཀྱི་གཅིག་
เล่ม ๙๔ · หน้า 35b
འདམ་དུ་སྩལ་ཏེ། མ་དང་། སྲིང་མོ་དང་། ཆུང་མར་འགྱུར་བའོ། །མ་ནི་བུའི་བྱ་བ་ཐམས་ཅད་བྱེད་དོ། །སྲིང་མོ་ནི་ཉི་མ་རེ་རེ་ལ་དོང་ཙེ་རེ་སྟེར་བར་བྱེད་དོ། །ཆུང་མ་ནི་དེ་དང་ལྷན་ཅིག་རྩེ་བར་བྱེད་དེ། ལོ་ལྔ་བརྒྱར་འཚོ་བར་འགྱུར་རོ། །གང་གི་ཚེ་རིག་པ་འཛིན་པ་ཉམས་པ་
དེའི་ཚེ་འདི་བྱའོ། །མཚན་མོ་གཙང་མས་གོས་གཙང་མ་བགོས་ཏེ། བསྲུང་བ་བྱས་པས་སངས་རྒྱས་བཅོམ་ལྡན་འདས་དང་། འཕགས་པ་སྤྱན་རས་གཟིགས་དབང་ཕྱུག་དང་། ཕྱག་ན་རྡོ་རྗེ་དང་། བཅོམ་ལྡན་འདས་མ་ལ་མཆོད་པ་བྱས་ནས་ཤར་དུ་ཕྱོགས་པས་རིག་པའི་
ལྷ་ཐམས་ཅད་ལ་བདུག་སྤོས་ཕུལ་ནས་རིག་པ་འཛིན་པས་དུག་ལ་ཁྲག་གིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །ཀུ་ཤ་བཏིང་བ་ལ་ཉལ་ལོ། །གལ་ཏེ་གཞོན་ནུ་མདུང་ཐུང་ཐོགས་པ་མཐོང་ན་དེའི་ཚེ་དྲི་ཟས་རྫས་ཉམས་པར་བྱས་པའོ། །གང་གི་ཚེ་བྲམ་ཟེ་མཐོང་
ན། དེའི་ཚེ་ལྷ་རྣམས་ཀྱིས་ཉམས་པར་བྱས་པར་འགྱུར་རོ། །གང་གི་ཚེ་རྡོ་རྗེ་སྡེ་མཐོང་ན་དེའི་ཚེ་རྡོ་རྗེའི་རིགས་ཀྱིས་རྫས་ཉམས་པར་བྱས་པར་འགྱུར་རོ། །གང་གི་ཚེ་དགའ་བ་མཐོང་ན་དེའི་ཚེ་ནམ་མཁའ་ལྡིང་གིས་ཉམས་པར་བྱས་པའོ། །གང་གི་ཚེ་ལྷ་མིན་
རྣམས་ཀྱིས་ཉམས་པར་བྱས་པ་དེའི་ཚེ་རྒྱུ་མི་མཐོང་ངོ་། །གང་གི་ཚེ་ཀླུ་རྣམས་ཀྱིས་ཉམས་པར་བྱས་པ་དེའི་ཚེ་སྤོས་ཀྱི་གླང་པོའི་རྒྱལ་པོ་མཐོང་ངོ་། །གང་གི་ཚེ་ཕ་རྣམས་ཀྱིས་ཉམས་པར་བྱས་པ་དེའི་ཚེ་མཐོང་ངོ་། །གང་གི་ཚེ་མི་གཙང་བས་ཉམས་པར་བྱས་པ་
དེའི་ཚེ་གླང་པོའི་པགས་པ་གྱོན་པའི་དབང་ཕྱུག་ཆེན་པོ་མཐོང་ངོ་། །གང་གི་ཚེ་གནོད་སྦྱིན་རྣམས་ཀྱིས་ཉམས་པར་བྱས་པ་དེའི་ཚེ་ནོར་བུ་བཟང་པོ་མཐོང་ངོ་། །གང་གི་ཚེ་ཤ་ཟ་རྣམས་ཀྱིས་ཉམས་པར་བྱས་པ་དེའི་ཚེ་སྐྱེས་བུ་གཅེར་བུ་མཐོང་ངོ་། །གང་གི་ཚེ་འབྱུང་པོ་
རྣམས་ཀྱིས་ཉམས་པར་བྱས་པ་དེའི་ཚེ་སྤྲིན་མཐོང་ངོ་། །ཨརྒའི་ཡམ་ཤིང་གིས་མེ་སྦར་ནས་མར་དང་སྦྲང་རྩིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །སྦྱིན་སྲེག་ཡོངས་སུ་རྫོགས་པ་ན་རྫས་ལག་ཏུ་ཕྱིན་པར་འགྱུར་རོ། །དྲི་ཟ་རྣམས་ཀྱི་སྦྱིན་སྲེག་ནི་
เล่ม ๙๔ · หน้า 36a
རྣམ་པར་དབེན་པའི་ཕྱོགས་སུ་བ་བྱུང་གིས་དཀྱིལ་འཁོར་ཉེ་བར་བྱུགས་ཏེ་བཅོམ་ལྡན་འདས་ལ་གཏོར་མ་ཡང་ཕུལ་ནས། ཀུ་ཤའི་ཁྲེས་ལ་ཉེ་བར་འདུག་སྟེ་ཀཱ་མཱ་ཛའི་ཡམ་ཤིང་ལ་ཞོ་དང་སྦྲང་རྩི་དང་། མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་
བྱའོ། །སྦྱིན་སྲེག་ཡོངས་སུ་རྫོགས་པ་ན་རྫས་ལག་ཏུ་ཕྱིན་པར་འགྱུར་རོ། །རྡོ་རྗེའི་རིགས་ལ་ཡང་སྦྱིན་སྲེག་ནི་རིང་བསྲེལ་དང་བཅས་པའི་མཆོད་རྟེན་ལ་དྲི་དང་མེ་ཏོག་དང་བདུག་པ་ལ་སོགས་པ་རྣམས་ཀྱིས་མཆོད་ཅིང་། བཅོམ་ལྡན་འདས་ལ་ཡང་གཏོར་མའི་ཆོ་ག་བྱས་ལ།
དེ་ནས་སྒྲུབ་པ་པོས་ཁ་ཤར་དུ་ཕྱོགས་ལ་གུ་གུལ་གྱི་རིལ་བུས་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །ནམ་མཁའ་ལྡིང་རྣམས་ལ་དུར་ཁྲོད་དུ་མཎྜལ་ལ་ཉེ་བར་བྱུགས་པ་བྱས་ནས་མཆོད་པ་དང་། གཏོར་མ་ཡང་ཇི་ལྟར་འབྱོར་པ་བྱ་སྟེ་ཀ་ར་བཱི་རའི་མེ་
ཏོག་ལ་སོགས་པའི་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །ལྷ་མ་ཡིན་རྣམས་ཀྱི་སྦྱིན་སྲེག་ནི་དབང་ཕྱུག་ཆེན་པོ་ལ་དྲི་སྣ་ཚོགས་ཀྱིས་མཆོད་པ་དང་། བཅོམ་ལྡན་འདས་ལ་ཡང་གཏོར་མ་བྱས་ནས་གཡས་ཀྱི་ལུས་ལ་ཤར་
དུ་ཕྱོགས་པས་ཀ་ར་བཱི་རའི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །མ་མོའི་སྦྱིན་སྲེག་ནི་སྨིན་པའི་ཟས་དང་། ཤའི་གཏོར་མ་ཕུལ་ནས་ཕག་པའི་རུལ་མ་ལ་ཆང་གིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་
ཕྱིན་པར་འགྱུར་རོ། །གནོད་སྦྱིན་རྣམས་ཀྱི་སྦྱིན་སྲེག་བྱ་བ་ནི་ཕྱག་ན་རྡོ་རྗེའི་སྤྱན་སྔར་རྣམ་པ་སྣ་ཚོགས་པའི་གཏོར་མ་ཕུལ་ནས་ཁ་ཤར་དུ་ཕྱོགས་པས་ཨརྒའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །ཤ་ཟ་རྣམས་ཀྱི་སྦྱིན་སྲེག་ནི་དུར་ཁྲོད་
དུ་དཀྱིལ་འཁོར་ཉེ་བར་བྱུག་པ་བྱས་ནས་ཏིལ་གྱི་ཏིལ་མར་གྱིས་བཏགས་པའི་ནི་མ་པའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །འབྱུང་པོ་རྣམས་ཀྱི་སྦྱིན་སྲེག་ནི་དུར་ཁྲོད་ཀྱི་ཐལ་བས་དཀྱིལ་འཁོར་ཉེ་བར་བྱུགས་ནས་གཏོར་མ་ཡང་ཅི་འབྱོར་
เล่ม ๙๔ · หน้า 36b
པ་ཕུལ་ཏེ་བ་ལང་གི་ཤའི་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །ཡི་དགས་རྣམས་ལ་ནཱི་མ་ལའི་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་མ་མོ་དང་། གནོད་སྦྱིན་དང་།
སྲིན་པོ་དང་། འབྱུང་པོ་དང་། ཤ་ཟ་ཐམས་ཅད་ཀྱིས་གསུངས་པའི་མཚན་ཉིད་ཀྱི་ལེའུ་བཅུ་པ་རྫོགས་སོ།། །།མ་བསྒྲུབས་པར་ཡང་ལས་སུ་འགྱུར་ཏེ། ཆར་མ་བབས་པ་ལ་ཆུར་ཞུགས་ཏེ་རིག་པ་བཟླས་ན་ཉི་མ་བདུན་གྱིས་ཆར་འབབ་བོ། །
ཁུ་བ་འཆིང་བ་ལ་སྲད་བུས་སོ། །མྱོས་པ་རྣམ་པར་འཇོམས་པ་རྣམས་ལ་དུར་ཁྲོད་ཀྱི་ཐལ་བས་སོ། །བསུད་པ་ལ་ནི་རྒྱ་སྐྱེགས་ཀྱིས་སོ། །གཟེར་གྱིས་ཉམ་ཐག་པ་ལ་ཨརྫ་ནས་ཟུག་རྔུ་དང་བྲལ་བར་བྱེད་དོ། །ཏིལ་གྱི་ཏིལ་མར་གྱིས་བྱ་རྒོད་དང་གཅོད་པར་བྱེད་ཆུ་གྲི་
དང་གསུམ་གྱིས་མཆེ་བ་འཇུག་པར་བྱེད་དོ། །གུ་གུལ་གྱི་བདུག་པས་གནས་ནས་སྐྲོད་པར་བྱེད་དོ། །འདི་རྣམས་མ་སྒྲུབ་པར་ཡང་བྱེད་དོ། །བཅོམ་ལྡན་འདས་མ་འདི་ཉིད་ཀྱིས་ཐམས་ཅད་བསྒྲུབ་པར་བྱའོ། །དཔེར་ན་འདི་བདག་དཔེའི་དོན་དུ་འཆང་བར་བྱེད། ཀློག་
པར་བྱེད་པ་དེ་བཞིན་དུ་འདི་ཡང་གཙང་མ་བགོས་པས་ཀུ་ཤའི་ཁྲེས་ལ་ཉེ་བར་འདུག་སྟེ་བཀླག་པར་བྱ་སྟེ། ཆོ་ག་འདི་ཉི་མ་བདུན་དུ་བཀླག་པར་བྱས་ན་ཞི་བར་འགྱུར་རོ། །ཆར་ཆེས་ན་གྲོག་མཁར་ལ་འཛེགས་ཏེ་བཅོམ་ལྡན་འདས་མ་སྟོང་ཕྲག་བརྒྱད་ཉེ་བར་བཟླས་ན་དེ་ནས་ཉེ་
བར་ཞི་བར་འགྱུར་རོ། །དྲི་དང་། མེ་ཏོག་དང་། བདུག་པ་གང་ལ་སྦྱིན་པར་བྱ་སྟེ་རིག་པ་ཐམས་ཅད་འགུགས་པ་དང་། འཆིང་བ་དང་། རེངས་པ་དང་། གཅོད་པ་དང་། རིག་པ་ཐམས་ཅད་གསོད་པ་དང་། གདུག་པའི་ཡིད་སྐྲག་པ་དང་། ཁ་འཆིང་བར་བྱེད་དོ། །དེས་འདིའི་
ལས་བྱ་སྟེ་གུར་གུམ་གྱི་ཆུས་རྨོངས་པར་བྱེད་དོ། །སེར་མོས་སྦྲུལ་འགུགས་པར་བྱེད་དོ། །ཡུངས་ཀར་དང་། པདྨའི་རྩ་བ་ལས་སྐྱེས་པ་དང་། མེ་ཏོག་བཟང་པོ་རྣམས་ཀྱིས་འབྱིན་པར་བྱེད་དོ། །བདུག་སྤོས་ཀྱིས་སྨྲ་བར་བྱེད་དོ། །ཀར་བཱི་རའི་མེ་ཏོག་གིས་དཀྱིལ་འཁོར་
เล่ม ๙๔ · หน้า 37a
དུ་འཇུག་པར་བྱེད་དོ། །ཨ་ག་རུའི་བདུག་པས་འཕྲལ་དུ་བདུག་པ་དང་། བཅོམ་ལྡན་འདས་མའི་ལས་སྟོང་རྩ་བརྒྱད་པོ་འདི་རྣམས་རབ་ཏུ་སྦྱར་བར་བྱ་སྟེ་ཡམ་ཤིང་གི་མཚན་ཉིད་འཆད་པར་འགྱུར་བ་རྩ་བ་དང་། རྐེད་པ་དང་། རྩེ་མོ་ཡང་བསྐྲད་པའི་དོན་གྱིས་སྡོང་
བུ་དང་རྩ་བས་སྦྱིན་སྲེག་བྱའོ། །རྐེད་པས་ནི་ནོར་འདོད་པས་སོ། །རྩེ་མོས་ནི་ཞི་བ་ཅན་དང་རྒྱས་པ་ཅན་ལའོ། །ནོར་འདོད་པས་ཐོ་རངས་ཀྱི་དུས་སུ་གནོད་སྦྱིན་ཡོངས་སུ་རྒྱུ་བར་བྱེད་དོ། །དེས་ན་དེའི་ནོར་སྦྱིན་པའི་ལས་ཀྱི་དངོས་གྲུབ་ཏུ་འགྱུར་རོ། །བསྒྲད་པར་འདོད་པས་
བར་དུ་གནས་པས་མཚན་མོའི་སྔ་མ་ལ་རྩ་བའི་སྦྱིན་སྲེག་བྱའོ། །སྡིགས་མཛུབ་ཀྱི་ཚད་ཙམ་ལ་དུག་དང་ཁྲག་གིས་བཏགས་པས་དུར་ཁྲོད་ཀྱི་མེ་ལ་སྦྱིན་སྲེག་བྱའོ། །མཚན་མོ་ཕྱེད་ནས་ཡི་དགས་རབ་ཏུ་རྒྱུ་སྟེ། དེས་དེ་ལས་མངོན་སྤྱོད་ཀྱི་ལས་རབ་ཏུ་བསྒྲུབ་པར་བྱའོ། །
སྒྲུབ་པ་ཆེན་པོ་ལ་ཁྲུའི་ཚད་ཀྱི་ཡམ་ཤིང་ལ་ཞོ་དང་སྦྲང་རྩི་དང་། མར་གྱིས་བཏགས་པས་ཁ་ཤར་དུ་ཕྱོགས་པས་སྦྱིན་སྲེག་བྱའོ། །དེས་སྒྲུབ་པ་པོ་དེའི་སྒྲུབ་པ་ཆེན་པོ་སྒྲུབ་པར་བྱེད་དོ། །དབང་དུ་བྱེད་པ་ལ་བྱང་ཆུབ་ཀྱི་ཤིང་གི་ཡམ་ཤིང་གིས་སྦྱིན་སྲེག་བྱའོ། །སྡིགས་
མཛུབ་ཀྱི་ཚད་ཙམ་འདིས་སོ། །ཉིན་ཞག་བདུན་དུ་ཉི་མ་འཆར་ཀར་ཨ་བཱ་མརྒའི་ཡམ་ཤིང་ཁྲག་གིས་བཏགས་པའི་སྦྱིན་སྲེག་བྱས་ན་འཆི་བར་འགྱུར་རོ། །རྣམ་པ་གཞན་དུ་མ་ཡིན་ནོ། །ནད་བསྐྱེད་པར་འདོད་ན་པཱ་ནཱ་ཡའི་རིལ་མའི་སྦྱིན་སྲེག་ཉི་མ་བདུན་དུ་བྱས་ན་ནད་སྐྱེད་པར་
བྱེད་དོ། །མིང་ནས་སྨོས་ནས་སྒྲུབ་པར་འགྱུར་ཏེ། རབ་ཏུ་སྦྱར་བར་བྱའོ། །བཅོམ་ལྡན་འདས་མ་རིག་པའི་རྒྱལ་མོ་ཆེན་མོའི་ལེའུ་བཅུ་གཅིག་པའོ།། །།དེ་ནས་ལྷ་མ་ཡིན་གྱི་དབང་པོ་ཐགས་ཟངས་རིས་ཀྱིས་བཅོམ་ལྡན་འདས་མའི་ཆོ་ག་
གསུངས་སོ། །སྒྲུབ་པ་པོས་ཕུག་གི་སྒོ་རུ་དུར་ཁྲོད་དུ་གོས་གཙང་མ་བགོས་པས་ཀུ་ཤའི་ཁྲེས་ལ་ཉེ་བར་འདུག་སྟེ་ཕུག་གི་སྒོ་ལ་མངོན་པར་ཕྱོགས་ནས་བཅོམ་ལྡན་འདས་མའི་སྙིང་པོ་མཉམ་པར་འགྲོ་མ་སྟོང་ཕྲག་བརྒྱད་བཟླས་པར་བྱ་སྟེ། ཐམས་ཅད་གནས་ནས་འབྱེར་
เล่ม ๙๔ · หน้า 37b
བར་འགྱུར་རོ། །དོགས་པ་མེད་པར་རབ་ཏུ་འཇུག་པར་བྱ་སྟེ། ལྷ་མ་ཡིན་སེལ་བ་ཞེས་བྱ་བའི་རིག་པ་དྲན་བཞིན་པས་རབ་ཏུ་བླང་བར་བྱའོ། །བུད་མེད་ལ་དགའ་བ་དང་བཅས་པས་ཡོངས་སུ་བཟླས་ནས་གཏོགས་པར་བྱ་སྟེ་དབང་དུ་འགྱུར་རོ། །དེ་ནས་སྒྲུབ་པ་པོས་
གསུམ་པོས་འདི་བྱེད་པར་འདོད་པས་རིའི་རྩེ་མོར་འཛེགས་ཏེ་སྙིང་པོ་མཉམ་པར་འགྲོ་མ་འབུམ་ཕྲག་གསུམ་བཟླས་པར་བྱའོ། །དེ་ནས་བ་ལང་གི་པགས་པའི་ཚད་ཙམ་གྱི་དཀྱིལ་འཁོར་ལ་ཙནྡན་དམར་པོས་ཉེ་བར་བྱུགས་ཏེ་སྲུང་བ་བྱས་ནས་ཀུ་ཤའི་ཁྲེས་ལ་ཉེ་བར་འདུག་སྟེ་ཕུག་གི་སྒོ་
ལ་མངོན་པར་ཕྱོགས་པས་རིག་པ་སྙིང་པོ་མཉམ་པར་འགྲོ་མས་ཨ་པཱ་མརྒའི་ཡམ་ཤིང་ལ་དུག་དང་ཁྲག་གིས་བཏགས་པའི་སྦྱིན་སྲེག་སྟོང་ཕྲག་བཅུ་བྱའོ། །དེ་ནས་སྦྱིན་སྲེག་ཡོངས་སུ་རྫོགས་པ་ནས་ཐལ་བ་ལ་ཡོངས་སུ་བཟླས་ནས་གཏོར་བར་བྱའོ། །གསུམ་པོ་འདིར་འགྱུར་
ཏེ་དོགས་པ་མེད་པར་རབ་ཏུ་འཇུག་པར་བྱ་ཞིང་ལྷ་མ་ཡིན་གྱི་བུ་མོ་དེས་མཐོང་ནས་དབང་དུ་འགྱུར་རོ། །དེ་ནས་སྒྲུབ་པའི་རྫས་ཏེ་བླང་བར་བྱ་སྟེ། གང་འདོད་པ་དེ་རིག་པས་མངོན་པར་བསྔགས་ནས་བླང་བར་བྱའོ། །འཁོར་ལོས་སེམས་ཅན་ཐམས་ཅད་དང་རིག་
པ་འཛིན་པ་ཐམས་ཅད་ཀྱི་འཁོར་ལོས་སྒྱུར་བར་འགྱུར་རོ། །ཉི་མ་ཟླ་བ་དང་སྐར་མ་གནས་ཀྱི་བར་དུ་འགྱུར་རོ། །དེ་བཞིན་དུ་ལྡོང་རོས་དང་། བེ་ད་དང་། དགྲ་སྟ་དང་། པཊྚ་ཀ་དང་། ཤཀྟི་སྟེ་མདུང་ཐུང་དང་། རལ་གྲི་དང་། རལ་གྲིའི་ཡུ་བ་དང་། མཆིལ་ལྷམ་དང་།
གྲི་དང་། སྲད་བུ་དང་། མཆོད་ཕྱིར་ཐོགས་དང་། བགྲང་ཕྲེང་དང་། ཆོས་ཀྱི་ཕྱག་རྒྱ་ལ་སོགས་པ་རྣམས་ཀྱིས་ཟླ་བ་ཉི་མ་དང་། སྐར་མའི་བར་དུ་འཚོ་བར་བྱེད་དོ། །བཅོམ་ལྡན་འདས་མ་དང་། དེ་བཞིན་གཤེགས་པ་དང་། ས་བཅུ་ལ་གནས་པའི་བྱང་ཆུབ་སེམས་དཔའ་
དང་། བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་རྣམས་སུ་ལ་ཡང་ཕྱག་འཚལ་བར་མི་བྱེད་པ་མ་གཏོགས་ལྷའི་འཁོར་ལོས་སྒྱུར་བར་འགྱུར་རོ། །དེ་ནས་རྣམ་པ་གཞན་ནི་བཅོམ་ལྡན་འདས་མའི་སྔགས་འདི་རྣམས་ཐམས་ཅད་བགགས་པར་བྱེད་པ་ནི་ཡུངས་ཀར་གྱིས་སོ། །
เล่ม ๙๔ · หน้า 38a
དེ་ནས་ལྷ་མ་ཡིན་གྱི་དབང་པོ་ཐགས་ཟངས་རིས་ཀྱིས་དམ་པ་མཆོག་ཏུ་གསང་བ་གསུངས་པ། ལྷ་མ་ཡིན་གྱི་བུ་གའི་སྒོར་སོང་ནས་འོ་མ་དང་ནས་ཟན་ཟ་བས་བཅོམ་ལྡན་འདས་མའི་སྙིང་པོ་མཉམ་པར་འགྲོ་མ་འབུམ་བཟླས་པར་བྱའོ། །ལྷ་མ་ཡིན་
གྱི་བུ་མོ་མཐོང་བར་འགྱུར་རོ། །དེ་རྣམས་རལ་གྲི་སྦྱིན་པའམ། གྲུབ་པའི་རྫས་གཞན་སྣང་བར་བྱེད་དེ། དེ་བླངས་པས་རིག་པ་འཛིན་པ་ཇི་ལྟར་འདོད་པ་བཞིན་དུ་འགྱུར་རོ། །ལྷ་མ་ཡིན་གྱི་དབང་པོ་ཐགས་ཟངས་རིས་ཀྱིས་བཤད་པའི་བཅོམ་ལྡན་འདས་མ་རིག་པའི་རྒྱལ་
མོ་ཆེན་མོའི་ལེའུ་བཅུ་གཉིས་པའོ།། །།བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ལས་བཅོམ་ལྡན་འདས་མ་རིག་པའི་རྒྱལ་མོའི་སྐྱེད་པར་བྱེད་པའི་གསང་ཆེན་ཞེས་པའོ། །དེ་ནས་ཡང་སེམས་དཔའ་ཆེན་པོས་ཐམས་ཅད་དང་ལྡན་པའི་འཁོར་གྱི་དཀྱིལ་
འཁོར་ལ་གཟིགས་ནས་བསམ་པ་རྣམ་པར་དག་པས་འདིར་བཅོམ་ལྡན་འདས་མ་འཕགས་མ་སྒྲོལ་མ་སྒྲུབ་པའི་དོན་དུ་རྟོག་པའི་རྒྱལ་པོས་རིག་པའི་སྔགས་འཇིག་རྟེན་གསུམ་ལས་རྣམ་པར་རྒྱལ་བ་ཞེས་བྱ་བའི་སྔགས་ཀྱི་རྒྱལ་པོ་ཆེན་པོ་གསུངས་སོ། །བར་སྐབས་
འདིར་བྱང་ཆུབ་སེམས་དཔའ་ཆེན་པོའི་ཐུགས་ཀའི་ཕྱོགས་ནས་བདུད་རྩི་ཐམས་ཅད་ཡང་དག་པར་སྦྱོར་བ་ཞེས་བྱ་བའི་འོད་ཟེར་བྱུང་བར་གྱུར་ཏོ། །འོད་ཟེར་དེས་ཐམས་ཅད་དང་ལྡན་པའི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ཡོངས་སུ་བསྐོར་ནས་སེམས་
ཅན་རྣམས་སྣང་བར་བྱས་ཏེ་སླར་ཡང་བྱང་ཆུབ་སེམས་དཔའ་ཆེན་པོའི་ལུས་སུ་ནུབ་པར་གྱུར་ཏོ། །བར་སྐབས་འདིར་གསུངས་པར་གྱུར་པ་དེ་གང་ཞེ་ན། ན་མོ་རཏྣ་ཏྲ་ཡཱ་ཡ་ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ་ཨཱ་རོ་ལི་ཀ །འདི་ནི་
མཆོག་གི་སྙིང་པོ་འཇིག་རྟེན་གསུམ་ལས་རྣམ་པར་རྒྱལ་བ་ཞེས་བྱ་བ་དེ་ཡིན་ཏེ། བཅོམ་ལྡན་འདས་མ་འཕགས་མ་སྒྲོལ་མ་སྒྲུབ་པའི་ཆོ་ག་གདོན་མི་ཟ་བར་ཁོ་ནར་སྒྲུབ་པ་པོ་རབ་ཏུ་སྦྱར་བར་བྱའོ། །དོན་མེད་པ་ཐམས་ཅད་ཟློག་པར་བྱེད་པ། སྡིག་པ་ཐམས་ཅད་ཟད་པར་
เล่ม ๙๔ · หน้า 38b
བྱེད་པ། བཀྲ་ཤིས་རབ་ཏུ་འཇུག་པ། སངས་རྒྱས་ཐམས་ཅད་ཀྱིས་རབ་ཏུ་བསྔགས་པ། དེའི་སྔགས་སོ། །ཐོ་རངས་སྟན་ལས་ལངས་ནས་གཙང་མར་གྱུར་པས་ཁྱོར་བའི་ཆུ་ལ་ལན་བདུན་མངོན་པར་བསྔགས་ཏེ་ཤར་དུ་མངོན་པར་ཕྱོགས་ཏེ་བཏུང་བར་བྱའོ། །
ལས་ཀྱི་སྒྲིབ་པ་རྣམ་པར་དག་པར་འགྱུར་རོ། །བཅོམ་ལྡན་འདས་མའི་རྟོག་པའི་རྒྱལ་པོར་ཞི་བ་ཅན་གྱིས་ལས་ཐམས་ཅད་འགྲུབ་པར་བྱེད་དོ། །ཉེ་བར་གནོད་པ་མེད་པར་དྲན་པར་འགྱུར་ཞིང་སྟོབས་དང་ལྡན་པ་དང་། གཟི་བརྗིད་དང་ལྡན་པ་དང་། ལྷ་རྣམས་ཀྱིས་
བྱིན་གྱིས་བརླབས་པར་འགྱུར་རོ། །དེ་བཞིན་དུ་རྒྱས་བ་ཅན་ནི་ཉི་མ་གཞན་ལ་འདི་རྣམས་བྱའོ། །བར་མ་ལ་མངོན་སྤྱོད་ཅན་བརྞ་ཏ་རབ་ཏུ་འཇུག་པ་ལ་མིང་མེད་ཀྱི་སོར་མོ་ལན་བདུན་མངོན་པར་བསྔགས་པར་བྱའོ། །ཞི་བ་ཅན་དང་རྒྱས་པ་ཅན་ལ་ཡང་ངོ་། །མངོན་
སྤྱོད་ཅན་ལ་སྡིགས་མཛུབ་ལ་བཟླས་པ་ཉིད་ཀྱིས་དེ་བརྩམ་པར་བྱའོ། །གང་ལ་ལ་རྣམ་པ་དེ་ལྟའི་ཆོ་ག་བྱེད་པ་དེ་ལ་དངོས་གྲུབ་འབྱུང་བར་འགྱུར་རོ། །བཟླས་པའི་དུས་སུ་བདག་ཉིད་ཀྱི་སྙིང་གར་འདིས་མངོན་པར་བསྔགས་པར་བྱའོ། །དེའི་དངོས་གྲུབ་ངེས་པར་བརྗོད་དོ། །
སྒྲོལ་མའི་ཆེད་དུ་སྒྲུབ་པ་ནི་ངེས་པར་མྱུར་བར་བཤད་པ་དེ་བཞིན་དུ་བྱའོ། །སྒྲུབ་པ་པོ་བློ་དང་ལྡན་པས་རིག་པ་ཐམས་ཅད་ལ་དེ་བཞིན་དུ་རིག་པའི་རྒྱལ་པོ་སྟོབས་ཆེན་པོ་བདག་གི་སྔགས་ཀྱི་རིག་པ་ཤིན་ཏུ་དགེ་བ་དགའ་བར་རབ་ཏུ་བསྒྲགས་སོ། །སྒྲུབ་པ་པོས་ཀྱང་བདག་ཉིད་
སྲུང་བ་དང་། དག་པ་བྱས་ལ་དེ་རྟག་ཏུ་རིག་པའི་རྒྱལ་པོ་ཆེན་པོ་འདིར་རྟོག་པའི་རྒྱལ་པོ་ཆེན་པོ་འདིར་བཅོམ་ལྡན་འདས་མ་སྒྲོལ་མ་སྒྲུབ་པའི་ཐབས་ཀྱི་ཆོ་ག་འཇིག་རྟེན་གསུམ་ལས་རྣམ་པར་རྒྱལ་བ་ཆེན་པོའི་སྒྲུབ་ཐབས་ཀྱི་ཆོ་གའི་ལས་འགའ་ཞིག་བཤད་པར་བྱའོ། །གང་ལ་
ལ་སྒྲུབ་པ་བྱེད་པར་འགྱུར་བ་དེ་རྣམས་གདོན་མི་ཟ་བར་རིག་པ་འཛིན་པས་བྱང་ཆུབ་ཏུ་སེམས་བསྐྱེད་དེ། དཀོན་མཆོག་གསུམ་ལ་མངོན་པར་དང་བས་འབྱུང་བར་བྱའོ། །ཡང་འདིའི་ཆོ་གར་འགྱུར་ཏེ་རིང་བསྲེལ་དང་བཅས་པའི་མཆོད་རྟེན་ནམ། རིའི་རྩེ་མོ་འམ། གཞན་
เล่ม ๙๔ · หน้า 39a
དུ་ཡང་རུང་སྟེ་གཙང་མའི་ཕྱོགས་སུ་གཟུགས་བརྙན་གྱི་སྤྱན་སྔར་འོ་མ་དང་ནས་ཟན་བཟའ་བའམ། རིག་པ་སོ་སོར་སྒྲུབ་པའི་སྟོན་མོའི་བཟའ་བ་ཡོངས་སུ་སྤངས་ལ་མཆོད་པ་ཡོངས་སུ་རྫོགས་པས་གསོ་སྦྱོང་ལ་གནས་པའམ། གསོ་སྦྱོང་ལ་མི་
གནས་པར་ཡང་རུང་སྟེ་འབུམ་ཕྲག་ཕྱེད་དང་གསུམ་བཟླས་པར་བྱའོ། །སྔོན་སྤྱད་པ་བྱས་པར་འགྱུར་རོ། །མཆོད་པ་བྱས་ནས་བསྙེན་པ་ཡང་ས་གའི་ཉ་འམ་ཆོ་འཕྲུལ་གྱི་ཕྱོགས་ཀྱི་ཉ་ལ་མཆོད་པ་བྱས་ནས་སྟོང་ཕྲག་བརྒྱད་བཟླས་པར་བྱའོ། །སྙིང་པོ་སྒྲུབ་པར་འགྱུར་རོ། །དེ་
ནས་ལས་རྣམས་སུ་འགྱུར་ཏེ། ཆོ་འཕྲུལ་གྱི་ཕྱོགས་ཀྱི་ཉ་ལ་ཨ་ག་རུའི་ཡམ་ཤིང་ཞོ་དང་སྦྲང་རྩི་དང་མར་ལས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །མེ་ཏོག་སྟོང་ཕྲག་བརྒྱད་རྣམས་ཀྱིས་བཅོམ་ལྡན་འདས་མཐོང་བར་འགྱུར་རོ། །མེ་ཏོག་སྟོང་ཕྲག་བརྒྱད་པོ་རྣམས་
ཀྱིས་གཟུགས་བརྙན་ལ་བསྣུན་པར་བྱའོ། །ཡང་ན་སླར་ཡང་མཚན་མོ་ཐམས་ཅད་དུ་བཟླས་ན་བཅོམ་ལྡན་འདས་མཐོང་བར་འགྱུར་རོ། །དེ་ནས་མཐོང་ན་དོང་ཙེ་ལྔ་རྟག་ཏུ་རྙེད་དོ། །མཚན་མོ་བདུན་དུ་ཐུན་མཚམས་གསུམ་དུ་མར་གྱིས་བཏགས་པའི་སྦྱིན་སྲེག་སྟོང་
ཕྲག་བརྒྱད་བྱས་ན་རྒྱལ་པོ་དབང་དུ་འགྱུར་རོ། །མྱོས་བྱེད་ཀྱི་ཤིང་ལ་གཟུགས་བརྙན་བྱས་ནས་རྒྱན་ཐམས་ཅད་ཀྱིས་རྣམ་པར་བརྒྱན་ལ། རྒྱལ་པོའི་ཡམ་ཤིང་གིས་མེ་སྦར་ནས་ཐུར་མས་རྐང་པ་ཕུག་སྟེ་ཐུན་མཚམས་གསུམ་དུ་བརྒྱད་བརྒྱར་སྦྱིན་སྲེག་བྱས་ན་ཉི་མ་གཉིས་པ་
ལ་རྐང་པ་དག་གིས་འོང་བར་བྱེད་དོ། །མྱ་ངན་མེད་པའི་ཤིང་གིས་སོར་མོ་དྲུག་པའི་ཤ་ལ་བྷཉྫི་ཀ་བྱས་ནས་རིའི་རྩེ་མོར་གནས་ཏེ་འོ་མ་དང་ནས་ཟན་བཟའ་ཞིང་འབུམ་ཕྲག་གསུམ་བཟླས་པར་བྱའོ། །མཐར་ཟླ་བ་ཉ་ལ་མཆོད་པ་བྱ་སྟེ་མཚན་མོ་གསུམ་སྨྱུང་བར་གནས་
པས་རིང་བསྲེལ་དང་བཅས་པའི་མཆོད་རྟེན་དུ་ཨ་ཤྭཏྠའི་འདབ་མར་བཞག་སྟེ་ཇི་སྲིད་འོངས་པ་དེ་སྲིད་བཟླས་པར་བྱའོ། །ལེགས་པར་འོངས་སམ་ཞེས་བརྗོད་པར་བྱ་ཞིང་མཆོག་སྦྱིན་པར་བྱའོ་ཞེས་ཟེར་ན་ཆུང་མའམ་སྲིང་མོ་འམ་གྲོགས་མོའང་རུང་སྟེ། བདག་ཉིད་དང་
เล่ม ๙๔ · หน้า 39b
བཅུ་གཉིས་ལ་བཟའ་བ་དང་བགོ་བ་དང་། དོང་ཙེའང་རབ་ཏུ་སྩོལ་བར་བྱེད་དོ། །ལོ་སྟོང་དུ་འཚོ་བར་འགྱུར་རོ། །ཟླ་བ་གཟས་ཟིན་པ་ན་རྒྱུད་མཚུངས་པའི་བའི་མར་སར་བླངས་ནས་སོར་དྲུག་པའི་གཟུགས་བརྙན་བྱས་ཏེ་ཟས་བཞིན་དང་སྨྱུང་བར་གནས་པས་ཨ་ཤྭཏྠའི་
འདབ་མར་བཞག་ནས་ཇི་སྲིད་ཟླ་བ་གྲོལ་གྱི་བར་བཟླས་པར་བྱའོ། །དེ་ལ་དངོས་གྲུབ་རྣམ་པ་གསུམ་སྟེ། དྲོ་བཞིན་པ་ལ་རྐང་པས་རབ་ཏུ་རྒྱུ་བ་དང་། ཚེ་ལོ་ལྔ་བརྒྱ་ཐུབ་པ་དང་། དཔག་ཚད་ལྔ་བརྒྱར་འགྲོ་བར་བྱེད་དོ། །ཐམས་ཅད་དུ་མི་སྣང་བར་གདོན་མི་ཟ་བར་འགྱུར་
རོ། །དུ་བ་འཐུལ་བཞིན་པ་ལ་མི་སྣང་བ་དང་། སོར་མོ་ཉི་ཤུ་རྩ་བཞི་པ་ལ་མི་རེག་པ་དང་། ལོ་སྟོང་དུ་འཚོ་བ་དང་། དཔག་ཚད་སྟོང་དུ་འགྲོ་བར་བྱེད་དོ། །སྐྱེས་བུ་བཅུའི་སྟོབས་འབར་ཏེ་ལོ་སྟོང་ཕྲག་གཉིས་སུ་འཚོ་བར་འགྱུར་རོ། །རིག་པ་འཛིན་པ་རྣམས་ཀྱིས་མི་
ཚུགས་སོ། །ཞོ་དང་སྦྲང་རྩི་དང་མར་གྱིས་བཏགས་པའི་པདྨའི་སྦྱིན་སྲེག་སྟོང་ཕྲག་བཅུ་བྱའོ། །སོལ་བའི་དབུས་སུ་དཔལ་ལྷ་མོའི་གཟུགས་པདྨ་ཕྱག་ན་བསྣམས་པ་ཀུན་ཏུ་བཀོད་དོ། །དེ་མཆོག་སྦྱིན་པར་བྱེད་དེ། མ་འམ་སྲིང་མོ་འམ། གྲོགས་མོ་གྱིས་ཤིག་
ཅེས་བྱ་བར་བརྗོད་པར་བྱའོ། །དེས་དོང་ཙེ་སྟོང་སྩོལ་བར་འགྱུར་རོ། །ནད་ཐམས་ཅད་རབ་ཏུ་ཞི་བར་འགྱུར་རོ། །གསོ་སྦྱོང་ལ་གནས་པས་འོ་མ་དང་ནས་ཟན་བཟའ་ཞིང་དཀར་པོའི་ཕྱོགས་ཀྱི་ཚེས་གཅིག་ནས་བརྩམས་ནས་སྔར་གྱི་ནས་ཡམ་ཤིང་གི་སྦྱིན་སྲེག་སྟོང་
ཕྲག་བརྒྱད་བྱའོ། །ནད་ཐམས་ཅད་ཉེ་བར་ཞི་བར་འགྱུར་རོ། །ལྟེ་བ་ཙམ་གྱི་ཆུར་ཞུགས་ནས་འབུམ་ཕྲག་གསུམ་བཟླས་པར་བྱའོ། །གཏེར་ཐམས་ཅད་མཐོང་བར་བྱེད་དོ། །འཁྲུལ་འཁོར་ཐམས་ཅད་འགེམས་པར་བྱེད་དོ། །རེངས་པར་བྱེད་དོ། །སྲུང་བར་
བྱེད་དོ། །མི་ཡང་འགུགས་པར་བྱེད་དོ། །ཤི་བ་སོས་པར་བྱེད་དོ། །དུག་མེད་པར་བྱེད་དོ། །ཞི་བར་ཡང་བྱེད་དོ། །འགུགས་པར་བྱེད་དོ། །མོ་གཤམ་ལ་བུ་སྟེར་བར་བྱེད་དོ། །སྟོང་ཕྲག་བརྒྱད་དུ་མངོན་པར་བསྔགས་ན་སྡང་བ་གཞན་གྱིས་མི་ཐུབ་པར་
เล่ม ๙๔ · หน้า 40a
འགྱུར་རོ། །རྒྱལ་པོའི་སྒོར་སྲུང་བ་བྱས་ན་དགྲ་རྣམས་ལ་མཚམས་བཅད་པར་འགྱུར་རོ། །རིང་བསྲེལ་དང་བཅས་པའི་མཆོད་རྟེན་གྱི་དྲུང་དུ་འབུམ་ཕྲག་དྲུག་བཟླས་པར་བྱའོ། །རས་དཀར་པོས་བགོ་བར་བྱས་ནས་ཇི་སྲིད་དུ་འབར་བ་དེ་སྲིད་དུ་བཟླས་
པར་བྱའོ། །འཁོར་སྟོང་དང་བཅས་པར་འཕུར་བར་འགྱུར་རོ། །རྣམ་པ་སྣ་ཚོགས་པའི་ལས་རྣམས་བྱའོ། །སྟོན་ཀའི་སྤྲིན་ལྟར་དཀར་བ། རྒྱན་ཐམས་ཅད་ཀྱིས་རྣམ་པར་བརྒྱན་པ། རལ་པའི་ཅོད་པན་འཆང་བ། མཆོད་ཕྱིར་ཐོགས་དཀར་པོ་ཅན་འཕགས་པ་སྤྱན་
རས་གཟིགས་དབང་ཕྱུག་ལ་ཕྱག་འཚལ་བར་བྱེད་བཞིན་པ་འདི་ལ་མཆོད་པ་ཆེན་པོ་བྱས་ནས་འབུམ་ཕྲག་གསུམ་བཟླས་པར་བྱའོ། །ཡིད་ཀྱིས་འགྲུབ་བོ། །གཙང་མའི་ཕྱོགས་སུ་ཆུ་ཀླུང་འགྲམ་དུ་གསོ་སྦྱོང་ལ་གནས་པས་མཆོད་རྟེན་རྟེན་ཅིང་འབྲེལ་པར་འབྱུང་བའི་
སྙིང་པོ་ཅན་བྱས་ནས་དེ་ལ་མཆོད་པ་བྱས་ཏེ་སྙིང་པོ་བཟླས་པར་བྱའོ། །བར་མ་སླར་ཡང་མཆོད་རྟེན་བྱས་ནས་ཉི་མ་ནུབ་པ་ནས་ཇི་སྲིད་སྟོང་ཕྲག་བརྒྱད་དེ་སྲིད་དུ་བཟླས་སོ། །དེ་ནས་ཆོ་ག་འདིས་རིག་པ་འཛིན་པའི་འཁོར་ལོས་སྒྱུར་བར་འགྱུར་རོ། །འཕགས་པ་སྤྱན་
རས་གཟིགས་དབང་ཕྱུག་དང་ཐབས་ཅིག་ཏུ་བདེ་བ་ཅན་དུ་འགྲོ་བར་བྱེད་ཅིང་སངས་རྒྱས་མཐོང་ངོ་། །བསྐལ་པར་གནས་པར་འགྱུར་རོ། །རིག་པ་འཛིན་པ་རྒྱལ་པོའམ། རྒྱལ་པོའི་བློན་པོ་དབང་དུ་བྱེད་ན་ཨ་པ་མརྒའི་ཡམ་ཤིང་ལ་མར་དང་སྦྲང་རྩིས་བཏགས་པའི་
སྦྱིན་སྲེག་སྟོང་ཕྲག་བརྒྱད་བྱས་ན་རྒྱལ་པོ་དབང་དུ་འགྱུར་རོ། །བུད་མེད་དང་སྐྱེས་པ་དབང་དུ་བྱེད་པ་ལ་ཐུན་གསུམ་དུ་གུ་གུལ་གྱི་རིལ་བུའི་སྦྱིན་སྲེག་སྟོང་ཕྲག་བརྒྱད་བྱ་སྟེ་དབང་དུ་འགྱུར་རོ། །ཨ་ག་རུའི་རིལ་བུས་སྟོང་ཕྲག་བརྒྱད་སྦྱིན་སྲེག་བྱ་སྟེ། སྐྱེ་བོ་ཐམས་ཅད་
དགའ་བར་འགྱུར་རོ། །རྒྱལ་པོའི་ཁབ་ཏུ་ཡང་སྨྲ་བའི་མཆོག་ཏུ་འགྱུར་རོ། །ཤུ་དག་ཁར་བཅུག་ནས་ཇི་སྲིད་དངོས་གྲུབ་རྣམ་པ་གསུམ་དུ་གྱུར་གྱི་བར་དུ་བཟླས་པར་བྱའོ། །དྲོ་བཞིན་པས་ནི་ཡིད་གཞུངས་ཤིང་དཔའ་བར་བྱེད་དོ། །དུ་བ་འཐུལ་བས་ནི་མི་སྣང་བ་
เล่ม ๙๔ · หน้า 40b
དང་འབར་བར་བྱེད་དོ། །རིག་པ་འཛིན་པས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་འབུམ་ཕྲག་བཅུ་དྲུག་བཟླས་པར་བྱའོ། །སློང་མོ་ཟ་ཞིང་དུས་གསུམ་དུ་ཁྲུས་བྱས་ནས་དཔའ་བོའི་སྟན་ལ་ཉེ་བར་འདུག་སྟེ་འབུམ་ཕྲག་ལྔ་བཟླས་པར་བྱའོ། །དེ་
ནས་ཡིད་ཀྱིས་འདོད་པའི་དངོས་གྲུབ་འབྱུང་སྟེ་ལྷ་རྣམས་ཀྱིས་ལྷན་ཅིག་གནས་ཤིང་གང་འདོད་པ་དེ་རྙེད་དོ། །དེ་ནས་ཟ་མ་ཏོག་དཀར་པོ་ཡི་གེས་དཀྲིས་པ་ལྡོང་རོས་བཅུག་ནས་ཇི་སྲིད་དངོས་གྲུབ་རྣམ་པ་གསུམ་དུ་གྱུར་པ་དེ་སྲིད་དུ་བཟླས་པར་བྱའོ། །དྲོ་བཞིན་པ་ལ་ཡིད་གཞུངས་པར་
འགྱུར་རོ། །དུ་བ་འཐུལ་བཞིན་པ་ལ་མི་སྣང་བ་དང་འབར་བར་འགྱུར་རོ། །རིག་པ་འཛིན་པས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་འབུམ་ཕྲག་བཅུ་དྲུག་བཟླས་པར་བྱའོ། །སློང་མོ་ཟ་ཞིང་མི་སྨྲ་བར་ཀུ་ཤ་བཏིང་བ་ལ་ཉལ་ནས། ནཱ་ག་གེ་སར་
གྱིས་སྦྱིན་སྲེག་སྟོང་ཕྲག་བརྒྱད་བྱའོ། །ཉི་མ་བདུན་པ་ལ་འདོད་པའི་བུ་མོ་རྙེད་དོ། །མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །ཉི་མ་བདུན་པ་ལ་མཆོག་ཏུ་ཡིད་གཞུངས་ཤིང་དཔའ་བར་འགྱུར་རོ། །དགའ་བ་འཁྱིལ་པའི་མེ་ཏོག་གིས་སྟོང་ཕྲག་བརྒྱད་
སྦྱིན་སྲེག་བྱས་ན་བུད་མེད་དང་སྐྱེས་པ་རྣམ་པར་ལྡང་བར་འགྱུར་རོ། །དབང་དུ་བྱེད་པ་ལ་ཟླ་བ་ཉ་ལ་ཉིན་མཚན་དུ་སྨྱུང་བར་གནས་པས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་བྱང་ཆུབ་ཤིང་གི་ཡམ་ཤིང་གིས་མེ་སྦར་ནས་ཏིལ་གྱིས་སྦྱིན་སྲེག་སྟོང་ཕྲག་བརྒྱད་བྱས་ན་
དབང་དུ་འགྱུར་རོ། །སེང་ལྡེང་ལ་ཕུར་བུ་སོར་བཞི་པའི་ཚད་བྱས་ནས་ཕྱོགས་བཞིར་གདབ་པར་བྱས་ཏེ་མཚམས་བཅིངས་བ་བྱས་པར་འགྱུར་རོ། །མིག་སྨན་ལྡོང་རོས་གྲུབ་པར་འདོད་པས་ཟླ་བ་གཅིག་ཏུ་འོ་མ་དང་ནས་ཟན་བཟའ་ཞིང་ནག་པོའི་བརྒྱད་པ་ལ་མཚན་མོ་གསུམ་
དུ་སྨྱུང་བར་གནས་པས་རིང་བསྲེལ་དང་བཅས་པའི་མཆོད་རྟེན་དུ་གཟུགས་བརྙན་གྱི་སྤྱན་སྔར་ཨ་ཤྭཏྠའི་འདབ་མ་བཞི་ལ་བཞག་ནས་བཞི་པས་མནན་ཏེ་ཇི་སྲིད་དངོས་གྲུབ་རྣམ་པ་གསུམ་དུ་གྱུར་པ་དེ་སྲིད་དུ་བཟླས་པར་བྱའོ། །ཞལ་ཆེ་བ་ལ་རིག་པ་བཟླས་པ་ཉིད་དང་གདོང་ལ་
เล่ม ๙๔ · หน้า 41a
ཡོངས་སུ་བཟླས་པས་རྒྱལ་བར་འགྱུར་རོ། །ཁྲོས་པའི་མདུན་དུ་ཡོངས་སུ་བཟླས་ན་རབ་ཏུ་ཞུམ་པར་འགྱུར་རོ། །ཡུགས་ས་མོ་དབང་དུ་བྱ་བར་འདོད་ན་ནག་པོའི་བརྒྱད་པ་ལ་མཚན་མོ་གསུམ་དུ་སྨྱུང་བར་གནས་ཏེ་འཕགས་པ་སྤྱན་རས་གཟིགས་དབང་ཕྱུག་
གི་སྤྱན་སྔར་མེ་ཏོག་དཀར་པོའི་སྦྱིན་སྲེག་སྟོང་ཕྲག་བརྒྱད་བྱ་སྟེ་གང་དོན་དུ་གཉེར་བ་དེ་ལ་མཆོག་སྦྱིན་པར་བྱེད་དོ། །ཡུངས་ཀར་དཀར་པོས་མཆེ་བ་ཅན་ཐམས་ཅད་ཀྱི་དཀྱིལ་འཁོར་འཆིང་བ་ནི། སེང་གེ་དང་། སྟག་དང་། ཆོམ་རྐུན་དང་། གླང་པོ་ཆེའི་ནང་དུ་སོང་བས་དྲན་པར་
བྱ་ཞིང་གསོ་སྦྱོང་ལ་གནས་པས་དུས་གསུམ་དུ་ཁྲུས་བྱ་ཞིང་བྱང་ཆུབ་ཏུ་སེམས་བསྐྱེད་ཅིང་བྱམས་པ་ལ་གནས་པས་སེམས་ཅན་ཐམས་ཅད་ལ་ཕན་པར་འདོད་པས་རིང་བསྲེལ་དང་བཅས་པའི་མཆོད་རྟེན་དང་གཟུགས་བརྙན་གྱི་སྤྱན་སྔར་འབུམ་ཕྲག་གསུམ་བཟླས་སོ། །དེ་ནས་འཕགས་
པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། མ་ཉམས་པའི་རས་མཉེན་པ་ལ་སྟོན་ཁའི་སྤྲིན་ལྟར་དཀར་བ་པདྨ་ལ་གནས་པ། པདྨ་ཕྱག་ན་བསྣམས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། རལ་པའི་ཅོད་པན་འཆང་བ། དར་དང་རས་ཀྱི་ཤམ་ཐབས་
ཅན་ནོ། །རིང་བསྲེལ་དང་བཅས་པའི་མཆོད་རྟེན་དང་། གཟུགས་བརྙན་གྱི་སྤྱན་སྔར་རས་རིས་བཞུགས་སུ་གསོལ་ནས་འབུམ་ཕྲག་གསུམ་བཟླས་པར་བྱའོ། །དེ་ནས་ཟླ་བ་ཉ་ལ་སངས་རྒྱས་བཅོམ་ལྡན་འདས་ལ་མཆོད་པ་ཆེན་པོ་བྱས་ནས། དེ་ནས་མཚན་མོ་གསུམ་དུ་སྨྱུང་
བར་གནས་ཏེ། ཨ་རིཥྚའི་ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་ཉི་ཤུ་རྩ་བཞི་བྱའོ། །འཕགས་པ་སྤྱན་རས་གཟིགས་དབང་ཕྱུག་ལས་འོད་ཟེར་འབྱུང་སྟེ། ས་གཡོ་བར་འབྱུང་ཞིང་རྔ་བོ་ཆེའི་སྒྲ་སྒྲོགས་བར་བྱེད་པ་དང་། མར་མེའི་རྩེ་མོ་
འཕེལ་བ་དང་། མེ་ཏོག་གི་ཆུན་པོ་གཡོ་བ་དང་། རས་རིས་འགུལ་བར་བྱེད་དེ། དེ་ནས་གྲུབ་པར་འགྱུར་རོ། །དེ་ནས་ལས་རྣམས་དགེ་བར་འགྱུར་རོ། །ནོར་སྦྱིན་པར་བྱེད་དོ། །དངོས་གྲུབ་ཐམས་ཅད་ཀྱིས་དགའ་བར་འགྱུར་རོ། །དབང་དུ་གྱུར་ནས་གནས་སོ། །དེ་ནས་
เล่ม ๙๔ · หน้า 41b
མིག་སྨན་སྒྲུབ་པར་འདོད་ན་རྣ་བའི་མིག་སྨན་ཨ་ཤྭཏྠའི་འདབ་མའི་ནང་དུ་བཏུམ་པར་བྱས་ནས་ཇི་སྲིད་དངོས་གྲུབ་རྣམ་པ་གསུམ་དུ་གྱུར་པ་དེ་སྲིད་དུ་བཟླས་པར་བྱའོ། །ཙནྡན་དམར་པོ་ལས་བྱུང་བའི་སོར་བཅུ་དྲུག་པའམ། སོར་བཅུ་པའི་དབྱུག་པའི་ཤིང་བྱེད་དུ་གཞུག་གོ། །
འཕགས་པ་སྤྱན་རས་གཟིགས་དབང་ཕྱུག་གི་དྲུང་དུ་ཇི་སྲིད་དངོས་གྲུབ་རྣམ་པ་གསུམ་དུ་གྱུར་གྱི་བར་དུ་འབུམ་ཕྲག་གསུམ་བཟླས་པར་བྱའོ། །གང་བྱེད་པ་དེ་ཐམས་ཅད་དེ་བྱེད་དུ་གཞུག་པར་བྱའོ། །ཆོ་འཕྲུལ་གྱི་ཕྱོགས་ནས་བརྩམས་ནས་གསོ་སྦྱོང་ཅན་གྱིས་དུས་གསུམ་དུ་
ཁྲུས་བྱ་ཞིང་གོས་ལན་གསུམ་དུ་བརྗེས་ལ་འབུམ་བཟླས་པར་བྱའོ། །བསྙམས་པའི་རས་ལ་ལྷ་འདྲིར་གཞུག་པར་བྱ་སྟེ། སྟོན་ཀའི་སྤྲིན་ལྟར་དཀར་བ། ཕྱག་ན་པདྨ་བསྣམས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། རིང་བསྲེལ་དང་བཅས་པའི་མཆོད་རྟེན་དུ་དབུགས་
རྔུབ་བཞིན་པས་ལག་པ་གཉིས་སུ་ཛཱི་པས་བཀང་ལ་རལ་པའི་ཅོད་པན་འཛིན་ཅིང་མཆོད་ཕྱིར་ཐོགས་དཀར་པོ་ཅན་པདྨའི་ཕྲེང་བ་འཆང་བའོ། །དེ་ནས་དཀར་པོའི་བརྒྱད་ནས་བརྩམས་ནས་རིང་བསྲེལ་དང་བཅས་པའི་མཆོད་རྟེན་དང་། རས་རིས་ལ་པདྨ་དཀར་པོའི་སྦྱིན་སྲེག་བྱ་ཞིང་
འབུམ་ཕྲག་བཅུ་གཉིས་བཟླས་པར་བྱའོ། །ཆོ་ག་གཞན་ནི་རིག་པ་འཛིན་པས་སྒྲུབ་པ་བྱེད་པར་འདོད་པས་ལོག་འདྲེན་རྣམ་པར་འཇོམས་པའི་ཆོ་གའི་རྒྱལ་པོ་ནི་ཡུངས་ཀར་ལ་ཚ་བའི་ཏིལ་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱ་སྟེ་དཔག་ཚད་སྟོང་དུ་འབྲོས་པར་བྱེད་
དོ། །དེ་ནས་རིག་པ་བསྒྲུབ་པར་བྱའོ། །རྣམ་པ་གཞན་དུ་དུག་འཇོམས་པར་བྱེད་དོ། །ཕ་རོལ་གྱི་རིག་པ་བཅིང་བར་འདོད་ན། མིང་ནས་སྨོས་ཏེ་རས་ཀྱི་ཁ་ཚར་ལ་བརྒྱད་བརྒྱར་མངོན་པར་བསྔགས་ནས་མདུད་པ་བཅིང་བར་བྱའོ། །གལ་ཏེ་སངས་རྒྱས་བཅོམ་ལྡན་འདས་
རང་བྱུང་དུ་བྱོན་ཡང་། དེས་ཀྱང་ཇི་སྲིད་རིག་པ་འཛིན་པས་བཀྲོལ་གྱི་བར་དུ་དགྲོལ་བར་མི་ནུས་སོ། །ཞི་བར་འདོད་པས་སྣ་མའི་མེ་ཏོག་སྟོང་ཕྲག་བརྒྱད་དབུལ་བར་བྱ་སྟེ། ཞི་བར་འགྱུར་རོ། །སློང་མོ་ཟ་བས་བྱེ་བ་ཡོངས་སུ་བཟླས་པར་བྱ་སྟེ། མངོན་སུམ་དུ་བཅོམ་ལྡན་
เล่ม ๙๔ · หน้า 42a
འདས་འོད་དཔག་མེད་པདྨའི་གདན་ལ་བཞུགས་པ་མཐོང་བར་འགྱུར་རོ། །རིག་པ་འདི་སྟོང་ཕྲག་བཅུར་བཟླས་པས་གཞན་ནད་ཀྱིས་བཏབ་པ་རབ་ཏུ་འཇོམས་པར་བྱེད་དོ། །སློང་མོ་ཟ་ཞིང་བྱེ་བ་ཡོངས་སུ་བཟླས་ན་བཅོམ་ལྡན་འདས་མཐོང་སྟེ་མཆོག་
གསུམ་སྩོལ་བར་མཛད་དོ། །སེམས་ཅན་ཐམས་ཅད་དབང་དུ་བྱེད་པ་དང་། མི་སྣང་བ་དང་། ལྷ་མ་ཡིན་གྱི་ཁྱིམ་དུ་འཇུག་པའོ། །རིའི་རྩེ་མོར་འཛེགས་ནས་བྱེ་བ་ཡོངས་སུ་བཟླས་ན་ལྷ་ཐམས་ཅད་དབང་དུ་འགྱུར་ཞིང་རྟག་ཏུ་ཡང་མཐོང་བ་སྩོལ་བར་བྱེད། པདྨ་ཅན་གྱི་
མཚོར་པདྨ་དཀར་པོའི་སྦྱིན་སྲེག་སྟོང་ཕྲག་བཅུ་བྱའོ། །རྒྱལ་པོ་དབང་དུ་འགྱུར་རོ། །བཀླགས་པ་ཙམ་གྱིས་ཐམས་ཅད་ཡོངས་སུ་འགྲུབ་པར་འགྱུར་ཏེ་འདོད་པས་ཉེ་བར་བཞག་པ་ནི་མ་གཏོགས་སོ། །མཚན་མོ་གསུམ་དུ་སྨྱུང་བར་གནས་ཏེ་མེ་ལོང་ལ་ཡོངས་སུ་བཟླས་
ནས་སྦྱིན་སྲེག་གི་ཐལ་བས་ཁྱེའུ་འམ་བུ་མོ་ལ་བསྟན་པར་བྱ་སྟེ། མཉམས་མ་ཟད་པར་མཐོང་ངོ་། །མཐེ་བོའི་སེན་རྩི་དང་དྲིའི་ཏིལ་མར་གྱིས་བྱུགས་ནས་བྱིས་པ་རྣམས་ལ་བསྟན་པར་བྱའོ། །སྣོད་ཆུས་གང་བར་བྱས་ནས་ཐམས་ཅད་ལ་བསྟན་པར་བྱ་སྟེ། ཐམས་ཅད་མཐོང་
ཞིང་སེམས་ཅན་ཐམས་ཅད་དབང་དུ་བྱེད་དོ། །ལན་བདུན་དུ་བཟླས་པས་དབང་དུ་འགྱུར་རོ། །གྲོང་དུ་རབ་ཏུ་ཞུགས་ནས་བཟའ་བ་དོན་དུ་གཉེར་ན་སྟོང་བཟླས་པར་བྱའོ། །བཟའ་བ་རྙེད་པར་འགྱུར་རོ། །ཆོམ་རྐུན་གྱི་འཇིགས་པ་ལ་བཟླས་པས་རེངས་པར་བྱེད་དོ། །བྱེ་བ་
བཟླས་པས་ལས་ཐམས་ཅད་ནུས་པར་འགྱུར་རོ། །ཟླ་བ་གཟས་བཟུང་བ་ནས་བར་ཧ་ཀ་མི་ཀའི་རྩ་བ་བླངས་ནས་ལག་པ་ཁ་སྦྱར་བས་མནན་ཏེ་ཇི་སྲིད་དངོས་གྲུབ་རྣམ་པ་གསུམ་དུ་གྱུར་པ་དེ་སྲིད་དུ་བཟླས་པར་བྱའོ། །ཉི་མ་གཟས་བཟུང་བ་ན་འཕགས་པ་སྤྱན་རས་གཟིགས་
དབང་ཕྱུག་གི་སྤྱན་སྔར་ཇི་སྲིད་དངོས་གྲུབ་རྣམ་པ་གསུམ་དུ་གྱུར་པ་དེ་སྲིད་དུ་བཟླས་པར་བྱའོ། །ཆུ་ཀླུང་དུ་སོང་ཞིང་འོ་མ་དང་། ནས་ཟན་ཟ་ཞིང་བྱེ་བ་བཟླས་ན་ཀླུ་ཐམས་ཅད་འོང་བར་བྱེད་ཅིང་དེ་རྣམས་དབང་དུ་འགྱུར་རོ། །དེ་ནས་སྒྲུབ་པ་པོས་ཀླུའི་གནས་ཀྱི་དངོས་གྲུབ་འབྱུང་བར་
เล่ม ๙๔ · หน้า 42b
བྱ་སྟེ། ཀླུའི་གནས་ཐམས་ཅད་དུ་ཇི་ལྟར་འདོད་པ་བཞིན་རང་གི་ཁྱིམ་བཞིན་དུ་རྣམ་པར་རྒྱུ་བར་བྱེད་དོ། །ཀླུའི་གནས་སུ་སོང་ནས་འོ་ཐུག་གིས་ལྷུང་བཟེད་བཀང་ནས་ཇི་སྲིད་ཀླུ་མགོ་བོ་བདུན་པ་འོང་བར་བྱེད་པ་དེ་སྲིད་དུ་རིག་པ་བཟླས་པར་བྱའོ། །རིན་པོ་ཆེ་རྣམས་ཀྱང་
སྦྱིན་པར་བྱེད་དོ། །ས་ལ་རྒྱལ་པོའི་གཏེར་འདོན་པ་འམ་འཆིང་བར་བྱེད་དོ། །དེ་ནས་གཅིག་ཏུ་ཡང་དག་པར་བླང་བར་བྱ་སྟེ། མ་བླངས་ན་ཀླུའི་འཆིང་བ་ལྔ་འོང་བར་བྱེད་དོ། །སྔགས་འདི་ཉིད་ཀྱིས་སྟོང་ཕྲག་ཉི་ཤུ་རྩ་གཅིག་ཏུ་ཆུ་ཀླུང་གི་འགྲམ་དུ་བཟླས་པ་དབུལ་བར་བྱའོ། །
རྒྱུན་འབབ་པའི་ཆུ་ཀླུང་ཆེན་པོའི་མེ་ཏོག་རྣམས་གཡས་སུ་འཁོར་བར་བྱེད་ན། རིག་པ་འཛིན་པས་གྲུབ་བོ་ཞེས་ཤེས་པར་བྱའོ། །དེ་ནས་ཆུའི་ནང་དུ་འོང་བ་དང་འགྲོ་བར་བྱེད་དོ། །རིང་བསྲེལ་དང་བཅས་པའི་མཆོད་རྟེན་ནམ། བྱང་ཆུབ་ཀྱི་ཤིང་དྲུང་དུ་བྱེ་བ་བཟླས་པར་བྱའོ། །
ཚུལ་ཁྲིམས་དང་ལྡན་པ་སྤོབས་པ་ཕུན་སུམ་ཚོགས་པའི་རྒྱལ་པོར་འགྱུར་ཏེ། འཛམ་བུའི་གླིང་གི་དབང་ཕྱུག །རིག་པ་འཛིན་པའི་འཁོར་ལོས་སྒྱུར་བ་རྫུ་འཕྲུལ་ཆེན་པོ་དང་མཐུ་ཆེན་པོ་ཅན་ཇི་སྲིད་དུ་བསྒྲུབས་པ་གཉིས་པའོ། །ཞེས་པ་གཉིས་པ་སངས་རྒྱས་བཅོམ་ལྡན་འདས་
ཀྱི་ཞལ་གྱི་སྒོ་ནས་པདྨ་འབྱུང་སྟེ་འདབ་མ་དགའ་བ་དང་བཅས་པ་དྲི་ཡིད་དུ་འོང་བའི་པདྨ་དེ་བླངས་པས་ཟས་སུ་དགའ་བ་ཟ་བའི་ལང་ཚོ་དང་ལྡན་པ་སྐྲ་ལི་ཞིང་འཁྱིལ་པ་ལོ་བརྒྱད་གཉིས་ལོན་པའི་རྣམ་པ་ལྷ་གཞོན་ནུ་རྣམས་ལས་ལྷག་པའི་གཟི་བརྗིད་དང་། བདེ་བ་དང་། ཡིད་བདེ་བ་
མང་བར་འགྱུར་རོ། །ལོ་བྱེ་བ་བརྒྱ་སྟོང་ཕྲག་ཏུ་འཚོ་ཞིང་འཕུར་བར་བྱེད་དོ། །བཱ་ཤ་ཀའི་མེ་ཏོག་སྟོང་ཕྲག་བརྒྱར་སྦྱིན་སྲེག་བྱ་སྟེ། གསེར་སྟོང་རྙེད་དོ། །སེང་ལྡེང་གི་ཤིང་གི་མེ་སྦར་ནས་མྱ་ངན་མེད་པའི་མེ་ཏོག་མར་ལ་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན་
གནོད་སྦྱིན་དབང་དུ་འགྱུར་རོ། །ཟློས་བཞིན་པས་ནི་ཡིད་ཀྱིས་སྟོང་ཕྲག་བརྒྱད་ཅུ་སྦྱིན་སྲེག་བྱས་ན་ཡིད་རྩེ་གཅིག་པ་ཉིད་ལུས་མེ་དང་མཚུངས་པ་སྟོབས་དང་ཕ་རོལ་གནོན་པ་ཐོགས་པ་མེད་པའི་རིག་པ་འཛིན་པར་འགྱུར་རོ། །སླར་ཡང་བྱེ་བ་བཟླས་པར་བྱ་སྟེ། མངོན་སུམ་དུ་
เล่ม ๙๔ · หน้า 43a
སྤྱན་རས་གཟིགས་དབང་ཕྱུག་མཐོང་ངོ་། །གང་འདོད་པ་དེ་རྙེད་དོ། །ཡིད་ཀྱིས་འབུམ་ཕྲག་བརྒྱད་ཅུ་རྣམས་ཀྱིས་མི་སྣང་བར་འགྱུར་རོ། །དཔག་ཚད་བརྒྱད་དུ་འཕུར་བར་བྱེད་དོ། །འོག་ཏུ་ཡང་དཔག་ཚད་བརྒྱར་འགྲོ་བར་བྱེད་དོ། །ས་ལ་ཡང་སྟེང་
དུ་འབྱིན་པར་བྱེད་དོ། །གཏེར་ཐམས་ཅད་མཐོང་བར་བྱེད་དོ། །གནོད་སྦྱིན་མོ་རྣམས་དབང་དུ་བྱ་བར་འདོད་པས་མྱ་ངན་མེད་པའི་ཤིང་གི་འོག་ཏུ་དཀྱིལ་འཁོར་ཉེ་བར་བྱུགས་པ་བྱས་ནས་འདི་གསོལ་ཅིག་ཅེས་བརྗོད་པར་བྱའོ། །གཞན་ཡང་འཇིག་རྟེན་གསུམ་ལས་རྣམ་པར་
རྒྱལ་བའི་ཆོ་གར་འགྱུར་ཏེ་སྔོན་སྤྱད་པ་བྱ་ཞིང་གསོ་སྦྱོང་ལ་གནས་པས་དུས་གསུམ་དུ་ཁྲུས་བྱ་ཞིང་། དེ་བཞིན་གཤེགས་པ་དགྲ་བཅོམ་པ་ལ་དཀྱིལ་འཁོར་བྱས་ནས་འབུམ་ཕྲག་གསུམ་བཟླས་པར་བྱའོ། །བཟླས་པ་ཡོངས་སུ་རྫོགས་པ་ན་གསོ་སྦྱོང་ལ་གནས་པ་ཉིད་ཀྱིས་
ཇི་ལྟར་ནུས་པའི་མཆོད་པ་བྱས་ནས་ཆུ་སྟོད་ཅན་གྱི་ཟླ་བ་ཉ་ལ་དགེ་འདུན་གྱིས་བསྟན་པའི་བསོད་སྙོམས་ཀྱི་ཟས་བཟའ་བར་བྱ་ཞིང་ཤ་དང་བྲལ་བའི་ཤིན་ཏུ་གྱ་ནོམ་པས་དྲི་གཙང་ཁང་དུ་དཀྱིལ་འཁོར་ཉེ་བར་བྱུགས་པ་བྱས་ནས་རིང་བསྲེལ་དང་བཅས་པའི་སྐུ་འམ། གཟུགས་བརྙན་
ལ་དྲི་དང་། མེ་ཏོག་དང་། བདུག་པ་རྣམས་ཀྱིས་མཆོད་པ་བྱས་ནས་ཀུ་ཤ་བཏིང་བ་ལ་སྐྱིལ་ཀྲུང་བཅིངས་ཏེ་བསོད་སྙོམས་ཀྱི་ཟས་ཀྱིས་ལས་ཀྱི་དཔག་ཏུ་མེད་པའི་བཟླས་པ་དབུལ་བར་བྱའོ། །ཇི་སྲིད་སྒྲུབ་པ་གཉིས་པའོ། །ཞེས་པ་དེའི་ཚེ་བཅོམ་ལྡན་འདས་མཐོང་བར་བྱེད་
དོ། །གང་འདོད་ཅིང་འདོད་པ་རྙེད་དོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་འཇིག་རྟེན་གསུམ་ལས་རྣམ་པར་རྒྱལ་བ་རིག་པའི་རྒྱལ་པོ་ཆེན་པོའི་རྟོག་པ་རྫོགས་སོ།། །།
དེ་ནས་ཡང་སེམས་དཔའ་ཆེན་པོས་སླར་ཡང་རིག་པ་ཐམས་ཅད་ཡང་དག་པར་སྐུལ་བར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས་སྒྲུབ་ཐབས་ཀྱི་ཆོ་ག་རིག་པའི་ལེའུ་གསུངས་པར་གྱུར་ཏོ། །བཀླགས་པས་གྲུབ་པ་མྱུར་དུ་གྲུབ་ཅིང་རང་གིས་བདག་ཉིད་གྲུབ་པ་གཡེང་བའི་
เล่ม ๙๔ · หน้า 43b
དོན་གྲུབ་པ། མདོར་ན་ཇི་ལྟ་ཇི་ལྟར་རབ་ཏུ་སྦྱར་བ། དེ་ལྟ་དེ་ལྟར་འགྲུབ་པར་འགྱུར་ཏེ། དེ་ཇི་ལྟ་བ་བཞིན་རྟོག་པར་བྱ་བར་འགྱུར་རོ། །ཡང་འདིར་རིག་པ་ནི། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བིདྱཱ་དེ་བ་ཏཱ་ཡ།
ན་མོ་བིདྱཱ་དེ་བ་ཏཱ་ནཱཾ་ན་མ། སརྦ་སྱཻ་བ། བཱི་དྱཱ་ཀུ་ལ་བཾ་ཤ་སྱེ། ཏདྱ་ཐཱ། སརྦ་ཨཪྠ་བི་གྷྣ་བི་ནཱ་ཤ་ཡ་ཨཱ་ཧ་རི། ཧ་རེ་ཧ་རེ། བི་ཧ་རེ། པི་ཧཱ་ཏེ་ཛ་བི་མ་ལེ། ཨ་བྷ་ཡེ། ཙ་ལོ། སྟམྦྷ་ནི། པུཥྐ་རེ། ཤུདྡྷེ་མུཀྐེ་མུཀྐེ། བི་ཀུར་བི་ཏེ། པྲ་བྷཱ་སྭ་རེ་ཨཱ་ལོ་ཀི་ཏེ་བྷྱཿ། བི་ལཱ་ཀ་ལ། སརྦ་
སཏྭ། ཨ་བ་ལོ་ཀ་ནི་སྭཱ་ཧཱ། རིག་པ་འདིས་ལས་འདི་རྣམས་སུ་འགྱུར་ཏེ་བསྙེན་པའི་དུས་དང་སྒྲུབ་པའི་དུས་སུ་ཡང་དང་པོ་ཉིད་དུ་བདག་ཉིད་བསྲུང་བར་བྱའོ། །བསླབ་པས་བཅིང་བའི་གྲོགས་རྣམས་ཀྱང་ལན་བདུན་ནས་ལན་གསུམ་བཟླས་པའི་ཆུ་སྤྱི་བོར་བླུགས་པས་ཐམས་ཅད་དུ་
བསྲུང་བ་བྱས་པར་འགྱུར་རོ། །དྲི་དང་། མེ་ཏོག་དང་། བདུག་པ་དང་། བསྔགས་པ་ལ་སོགས་པ་ཡང་འདི་ཉིད་ཀྱིས་བྱའོ། །རས་རིས་བླངས་ཏེ་ལྷ་རྣམས་དང་རས་རིས་ལ་ཀུན་ཏུ་བསྲུང་བ་དང་། རས་རིས་ཀྱི་གནས་སུ་ཚོན་གཞན་དང་མ་འདྲེས་པ་དང་། སྤྱན་དྲངས་པའི་
ལྷ་རྣམས་ལ་མཆོད་ཡོན་དབུལ་བ་དང་། ཡང་དག་པར་གནས་པ་དང་། བདག་ཉིད་དང་གྲོགས་བྱེད་པ་རྣམས་ཀྱང་འདི་ཉིད་ཀྱིས་ཁུ་བ་བཅིང་བར་བྱའོ། །ཁུ་བ་བཅིངས་པས་ལོག་འདྲེན་ཐམས་ཅད་འཇོམས་པ་དང་། གནས་ཀུན་ཏུ་བསྲུང་བའོ། །འདི་ཉིད་ཀྱིས་ཚ་བའི་
ཏིལ་མར་གྱིས་བཏགས་པའི་ཡུངས་ཀར་དཀར་པོའི་སྦྱིན་སྲེག་སྟོང་ཕྲག་བརྒྱད་བྱའོ། །བདག་ཉིད་དང་གྲོགས་བྱེད་པ་རྣམས་ཀྱང་རུང་སྟེ་ལན་ཉི་ཤུ་རྩ་གཅིག་ཏུ་ཕྱོགས་གང་དུ་སྔོན་དུ་བསྙེན་པ་དང་། སྒྲུབ་པ་དང་། ཞི་བ་ཅན་དང་། རྒྱས་པ་ཅན་དང་། མངོན་སྤྱོད་ཅན་ཅི་ཡིན་
པ་དེ་ཉིད་དུ་གདོན་མི་ཟ་བར་བྱའོ། །ཡང་ན་གཞན་དུ་ཐང་གི་ཕྱོགས་སམ། སའི་གནས་བཅོམ་ལྡན་འདས་བསྒྲུབ་པར་བྱ་བའམ། གཞན་ལས་བྱ་བ་དེར་བྱི་དོར་དང་པོར་བྱའོ། །རྣམ་པ་འདིས་གཏོར་མ་སྦྱོང་བ་དང་། བདག་ཉིད་སྲུང་བ་དང་། གཞན་སྲུང་བ་དང་། ཆུ་བླུགས་
เล่ม ๙๔ · หน้า 44a
པ་དང་། མདོར་ན་སྒྲུབ་པ་དང་། ལས་གང་ཅུང་ཟད་ཡིན་པ་དེ་འདིས་བསྲུང་བ་ལ་སོགས་པ་བྱའོ། །སྲུང་བའི་རིག་པ་ནི། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་
ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མོ་བྷ་ག་བ་ཏྱཻ། ཏཱ་རཱ་ཡཻ། ཨཱ་གཙྪ་དེ་བི། པདྨ་ཧ་སྟེ་ན། བ་དེ། པདྨ་ཧསྟེ། ཡ་ཤོ་བ་ཏི། རོ་ཥ་ཎ་ཤཱི་གྷྲཾ་ཨཱ་གཙྪ། མ་ཧ་དེ་བི་གི །མ་ཧཱ་བི་གི །ཧ་ར་ཧ་ར། ས་ར་ས་ར། ཙ་ལ་ཙ་ལ། ཨཱ་གཙྪ་ཨཱ་གཙྪ། བྷ་ག་བ་ཏེ། ཨི་དཾ་གནྡྷ་པུཥྤ།
མཱ་ལྱ། སརྦ་ནཱི་ཡཾ། པྲ་ཡཙྪ་ཐ། བུདྡྷ་སཏྱེ་ན། དྷ་རྨས་ཏྱེ་ན། སཾ་གྷ་སཏྱེ་ན་སྭཱ་ཧཱ། རིག་པ་དང་པོ་གང་ཡིན་པ་དེས་དཀྱིལ་འཁོར་གྱི་ཆོ་གས་དཀྱིལ་འཁོར་ལ་རབ་ཏུ་སྦྱར་བར་བྱའོ། །རིག་པ་འདིས་ཨ་ག་རུའི་བདུག་པ་དང་སྔར་བརྗོད་པའི་རིག་པས་ལན་གསུམ་མམ་བདུན་བཟླས་
པས་བྱི་དོར་དང་ལན་ཉི་ཤུ་རྩ་གཅིག་མངོན་པར་བསྔགས་ནས་སྒྲུབ་པ་ནི་རིག་པ་བཟླས་པར་བྱའོ། །བཅོམ་ལྡན་འདས་མ་འཕགས་མ་སྒྲོལ་མ་སྤྱན་དྲང་བར་བྱ་སྟེ། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་
རཱ་ཡ། བོ་དྷཱི་སཏྭཱ་ཡ། མ་ཧཱ་སཏྭཱ་ཡ། ན་མོ་བྷ་ག་བ་ཏྱཻ། ཨཱརྱ་ཏཱ་རཱ་ཡཻ། ཨརྷ་ཏྟེ། སུ་གནྡྷ། མཱ་ལྱ། པྲི་ཡེ། ཙནྟྲ། ཙནྟྲ་མ་ཏི། གནྡྷ་ནུ་ལེ་པ་ནཱཾ། པྲ་ཏཱི་ཙྪི་སྭཱ་ཧཱ། འདིས་མཆོད་ཡོན་དབུལ་ཞིང་དྲི་དང་གདན་ཡང་ངོ་། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ།
ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མ་ཨཱརྱ་ཏཱ་རཱ་ཡཻ། ཧི་ལི་ཧི་ལི། མི་ལི་མི་ལི། མ་ཧཱ་པྲ་བྷཱ་ཡེ། པྲཧྨ་སུ་མ་ནོ་ནུ་རུ་ཧ། ཧ་ར་ཧ་ར། ས་ར་ས་ར། ཀ་ར་ཀ་ར། དེ་བི་པྲ་སཱ་དྷ་ཀུ་རུ་པྲ་ཏཱིཙྪ་ཐ་པུཥྤ་སྭཱ་ཧཱ། མེ་ཏོག་གི་རིག་པ་སྟེ་འདིས་
མེ་ཏོག་རྣམས་དབུལ་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བྷ་ག་བ་ཏྱཻ། ཨཱརྱ་ཏཱ་རཱ་ཡཻ། བོ་དྷི་སཏྭཱ་ཡ། མནྟྲ། མ་ནུ་སྨར། སརྦ་དེ་བ། པྲི་
เล่ม ๙๔ · หน้า 44b
ཡེ་བྷ་ག་བ་ཏི། ཨ་བ་ལོ་ཀི་ནི། སིདྡྷ་སིདྡྷ་པྲ་ཐཱ་ནེ། བུདྡྷ་སཏྱེ་ན། དྷརྨ་སཏྱེ་ན། སཾ་གྷ་སཏྱེ་ན་སྭཱ་ཧཱ། བདུག་པའི་རིག་པའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་
ཡ། ན་མོ་བྷ་ག་བ་ཏེ་ཨཱརྱ་ཏཱ་རཱ་དཱུ་ཏེ། བཛྲ་དྷུ་ན། ཨ་ནུ་ཛཻ། བེ་གི། བེ་གི། དྷུ་རུ་དྷུ་རུ་སརྦ་ཛཱི་བ། པྲི་ཡེ། བུདྡྷཱ་ས་ཏྱེ་ན། དྷརྨ་སཏྱེ་ན། སཾ་གྷ་སཏྱེ་ན་སྭཱ་ཧཱ། གཏོར་མའི་རིག་པའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ།
ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ན་མོ་བྷ་ག་བ་ཏྱེ། ཨཱརྱ་ཏཱ་རཱ་ཡཻ། ཨ་པྲ་ཏི་ཧ་ཏེ། བྷ་ག་བ་ཏེ་ཨཱ་ཧ་རེ་ཧ་རེ་པདྨ་བྷ་སི་ནི་ཤཱི་ཏཱཾ་གེ། ཤེ་ཏ་པྷུ་ཛེ། དྷུ་མེ་དྷུ་མེ། བུདྡྷ་ས་ཏྱེ་ན། དྷརྨ་སཏྱེ་ན། སཾ་གྷ་སཏྱེ་ན་སྭཱ་ཧཱ། འདི་ནི་མར་
མེའི་རིག་པའོ། །དེ་བཞིན་དུ་རིག་པ་འདིས་རབ་ཏུ་སྦྱར་བར་བྱའོ། །སྔོན་དུ་བསྙེན་པ་དང་སྒྲུབ་པ་ལ་ཐམས་ཅད་མཚུངས་པ་ཉིད་དུ་སྒྲོལ་མའི་སྒྲུབ་ཐབས་ཀྱི་ཆོ་གའི་རིག་པ་ནི། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་
ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བྷ་ག་བ་ཏེ་ཨཱརྱ་ཏཱ་རཱ་ཡཻ། ཏདྱ་ཐཱ། ཨཱ་ག་མ། ཨཱ་ག་མ། ག་ག་ན་ཏ་ལ། སཾ་པྲ་ཙོ། དི་ཏྱཻ། སརྦ་བིདྱཱ། དྷ་ར། བི་ཤོ་དྷ་ནི་སྭཱ་ཧཱ། རིག་པ་འདིས་ལན་ཉི་ཤུ་རྩ་གཅིག་ཏུ་ཆུ་ལ་ཡོངས་སུ་བཟླས་ནས་བུམ་པ་ལ་སོགས་པ་བདག་
ཉིད་ལ་མངོན་པར་གཏོར་བར་བྱ་སྟེ་ཁྲུས་ཀྱི་རིག་པའོ། །འདི་ཉིད་ཀྱིས་ལྷ་རྣམས་ལ་ཡང་ཁྲུས་གསོལ་བའི་རིག་པའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བྷ་
ག་བ་ཏེ་ཨཱརྱ་ཏཱ་རཱ་ཡཻ། དྷུ་དྷུ་མེ། དྷུ་དྷུ་མེ། ཁུ་ཁུ་མེ། ཁུ་ཁུ་མེ། ནཱ་ཤུདྡྷ། སིདྡྷི་ཀཉྩ་ནི། ཤུདྡྷི་ཀཱ་རེ། ཤུ་ཙ་ནི་སྭཱ་ཧཱ། རིག་པ་འདི་སྒྲུབ་པ་པོས་རྟག་ཏུ་གོས་ལ་ལན་ཅིག་གམ། ལན་བདུན་བཟླས་ལ་ཡོངས་སུ་བཅང་བར་བྱའོ། །རྣམ་པ་གཞན་དུ་ལོག་པར་འདྲེན་པ་རྣམས་
เล่ม ๙๔ · หน้า 45a
ཀྱིས་ངེས་པར་སྟོན་ནོ། །གདོན་མི་ཟ་བ་ཁོ་ནར་སྒྲུབ་པ་པོས་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བྷ་ག་བ་ཏེ། ཨཱརྱ་ཏཱ་རཱ་ཡཻ།
ཤཱནྟིཾ། མེ་ཀ་རོ་ཧི། ཤནྟི་མཱ་ཏེ། ཤི་ཤཱནྟ། ནི་ཤཱནྟ། ཀ་ལྱཱ་ཎི་ནི་ཤཱནྟ། བི་ཛ་ཡེ། དེ་བི་བ་ར་དེ་སྭཱ་ཧཱ། རིག་པ་འདིས་བདག་ཉིད་ལ་ལན་བདུན་བཟླས་ནས་གཉིད་ལོག་པར་བྱའོ། །རྨི་ལམ་དུ་ལོག་པར་འདྲེན་པ་མི་མཐོང་ངོ་། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་
ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བྷ་ག་བ་ཏི་ཨཱརྱ་ཏཱ་རཱ་ཡཻ། སཱུརྱ་ཏ་ཨུ་པ་རི། ཏྲ་བྱཾ། དྷ་ར་ཎི། བནྡྷི་ཏི། ཀརྡྷ་ཤོ་དྷ་ནི། ཀུ་ཙ་མཱ་ལི་ནི། ཤུ་ཏྲ་བི་ཤོ་དྷ་ནི་སྭཱ་ཧཱ། ཀུ་ཤ་བི་ཤོདྷ་ནི་སྭཱ་ཧཱ། ཀུ་ཤས་མདུད་པ་ཉི་ཤུ་རྩ་གཅིག་
བྱས་ཏེ། ཁུ་བ་འཆིང་བ་བྱས་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བྷ་ག་བ་ཏ་ཨཱརྱ་ཏཱ་རཱ་ཡཻ། ཧ་རི་པིངྒ་ལི། ཧ་རི་ཧ་རི། ཧི་བྷ་ག་པྷ་པ་ཏི། ཨ་
ཙ་ལ་པྲ་ཏིཥྛ་ཏེ། རཀྵ་རཀྵ་མཱཾ། ཀུ་ཤ་པིཎྜ་མ་བ་སྠི་ཏ་སྱ། བུདྡྷ་སཏྱེ་ན། དྷརྨ་སཏྱེ་ན། དྷརྨ་ས་ཏྱེ་ན། སཾ་གྷ་སཏྱེ་ན་སྭཱ་ཧཱ། རིག་པ་འདིས་ཀུ་ཤའི་ཁྲེས་ལ་མངོན་པར་བསྔགས་ནས་ཉེ་བར་འདུག་པར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་
ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བྷ་ག་བ་ཏེ་ཨཱརྱ་ཏཱ་རཱ་ཡཻ། དི་ཤི་བ་དི་ཤི་བནྡྷ་ནི། སུ་དེ་བི་སུ་པྲ་སཱ་སྟེ། སུ་རུ་སུ་རུ། མུ་རུ་མུ་རུ། ཧསྟ། ཀ་ལ་བ་ལ། ཀ་ལ་བ་ལ། བ་བ། ཧེ་ལ་ཧེ་ལ། ཀུ་རུ་ཀུ་རུ། བུདྡྷ་སཏྱེ་ན། དྷརྨ་སཏྱེ་ན། སཾ་གྷ་
སཏྱེ་ན་གནྡྷ་གནྡྷ། བི་མ་ལེ་སྭཱ་ཧཱ། དཀྱིལ་འཁོར་བཅིང་བའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མོ་བྷ་ག་བ་ཏེ་ཨཱརྱ་ཏཱ་རཱ་ཡཻ།
เล่ม ๙๔ · หน้า 45b
ཛ་ལ་ཛ་ལ། ཛ་ལ། ཀྵོ་བྷ་ཡ། ན་ཤ་ནི་ཛ་ལ་ཤོ་དྷ་ནི། ས་མི་རི་ཎི། ཛ་ལ་ཧཱ་སི་ཎི། བི་ཤོ་དྷ་ཎི་སྭཱ་ཧཱ། ཉེ་རེག་གི་རིག་པའོ། །སྒྲུབ་པ་པོ་དངོས་གྲུབ་འདོད་པས་རིག་པ་འདིས་བདག་ཉིད་ལ་ངེས་པར་སྦྱར་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་
ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བྷ་ག་བ་ཏེ་ཨཱརྱ་ཏཱ་རཱ་ཡཻ། སརྦ་དེ་བཱ་སུ་མནྟེ་ཨ་སཾ་ག་ཏཱ་རེ། ཨ་སཾ་ག་བི་མུ། ཨ་སཾ་ག་ཏི་མུཀྟ་བི་མུཀྟ། བི་ཛ་ཡེ། ནིར་མཱ་ལྱཻ། ཨ་པ་རི་ཀལྤེ་ནི། པུཥྤ་
གནྡྷ་བི་ཤོ་དྷ་ནི། བི་ཤོ་ཥ་ཡ། ཧི་ད་མ་ཎི། ད་མ་ནི་སྭཱ་ཧཱ། རིག་པ་འདིས་དྲི་མེད་ཉིད་གསལ་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་
ཎི་ཀཱ་ཡ། ན་མོ་བྷ་ག་བ་ཏེ་ཨཱརྱ་ཏཱ་རཱ་ཡཻ། སརྦ་སཏྭཱ་ཀྲི་ཏ། པྲི་ཀྲི་ཏ། པྲཽ་ཀྡྱ། ཀྲི་ཏ། ས་ཀ་ལེ་ད་སེ། ས་ཀ་ལོ་བི་ཤོ་དྷ་ནི་སྭཱ་ཧཱ། རིག་པ་འདིས་ལྷ་བཤོས་དབུལ་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་
ཨ་བ་ལོ་ཀི་ཏེ་ཤྲ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མོ་བྷ་ག་བ་ཏི་ཨཱརྱ་ཏཱ་རཱ་ཡཻ། སྭཔྣ་པ་ཎི། བརྫཱ། གརྫཱ། མི་རྴ་ཡ། པྲ་ཏྱཀྵཾ། བཱ་ཨེ་བཾ། བྱཱ་ཧཱ་ར། ཀ་ཐཱ་ཡ་སྭཱ་ཧཱ། རིག་པ་འདིས་བཅོམ་ལྡན་འདས་མ་ལ་མཆོད་པ་བྱས་ནས་སེང་ལྡེང་གི་
ཤིང་གིས་མེ་སྦར་ནས་ནཱུ་ལ་ཀ་བརྟི་ལ་མར་གྱིས་བཏགས་པའི་སྦྱིན་སྲེག་སྟོང་བརྒྱད་བརྒྱ་བྱས་ན། རྨི་ལམ་སྟོན་པར་བྱེད་དོ། །ན་མོ་རཏྣ་ཏྲ་ཡཱ་ཡ། ན་མོ་བྷ་ག་བ་ཏེ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་
ཡ། མ་ཧཱ་སཏྭཱ་ཡ། ན་མོ་བྷ་ག་བ་ཏེ་ཨཱརྱ་ཏཱ་རཱ་ཡཻ། ཨེ་ཧི་བྷ་ག་བཱ་ན། ཨཱརྱ་ཨ་བ་ལོ་ཀི་ཏེ་ཤྭ་རཱ་བྷ་ཏཱི་ན་མ་བྷ་ཡཾ་ཀ་ར་བཱ་ལཱ་ནཱ་མ་བྷཱ་ཡཾ། ད་ད། བྷཀྟ་ནཱ། མརྠཾ་ཀ་ར། ཨ་ཏྲ་ཎཱི་ནཱཾ། ཏྲ་ཡ་ཀ །དུཿཁི་ཏཱ་ནཱཾ། སཽ་ཁྱཾ། ཀ་ར་མ་མ། བྷ་ག་བ་ཏེ། མ་ནུ་ཀཾ་སཾ། ཀ་རེ་ཧི། བྷ་ག་བཱ་ན།
เล่ม ๙๔ · หน้า 46a
ཨཱ་གཙྪ་ཨཱ་གཙྪ་ཨི་མཾ། གནྡྷ་པུཥྤ། བ་ལི། དྷུ་པཉྩེ་ཏ། གྲྀ་ཧྣ། ཏདྱ་ཐཱ། པྲ་སཱ་དེ་པྲ་སཱ་དེ་བ་ཏི། མ་ཧཱ། དེ་བི། མ་ཧཱ་པྲ་བྷེ། སཱུརྱ་པྲ་བྷེ། ཨ་མོ་གྷེ། ཨ་མོ་གྷ་ས་ཏི། ཡ་ཤོ་བ་ཏི། ཨ་མོ་གྷ་སཾ་དརྴ་ན། ཨ་མོ་གྷ་བི་མ་ལཾ། ཨ་མོ་གྷ་ཧ་ལཾ། ཙ་ལ་ཙ་ལ། སར་སར།
ཧ་ར་ཧ་ར། ཏྲ་ཡེ། ཧི་མཾ། སིདྡྷི་ར་མེ། དད་སྭཱ་ཧཱ། ནུས་པ་དང་ལྡན་པའི་སྒྲུབ་པ་པོས་རིག་པ་འདིས་དྲི་དང་། མེ་ཏོག་དང་། གཏོར་མ་རབ་ཏུ་དབུལ་བར་བྱ་ཞིང་། བསྙེན་པའི་དུས་དང་སྒྲུབ་པའི་དུས་དེར་རམ་གཞན་གང་ཅུང་ཟད་འབྲས་བུ་ལ་སོགས་པ་དེ་ཐམས་ཅད་འདི་ཉིད་ཀྱིས་
དབུལ་བར་བྱའོ། །འདིས་ལྷ་རྣམས་སྦྱོང་བ་དང་། དགེ་བའི་རྨི་ལམ་དང་། དབུལ་བ་དང་། བསྟོད་པ་དང་། སྒྲུབ་པ་པོས་གླེགས་བམ་ཀློག་པ་དང་། མཆོད་རྟེན་གྱི་ལས་ལ་སོགས་པ་ཐམས་ཅད་འདི་ཉིད་ཀྱིས་དབུལ་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་
མི་ཏཱ་བྷཱ་ཡ་ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མོ་བྷ་ག་བ་ཏེ་ཨཱརྱ་ད་རཱ་ཡཻ། ཏདྱ་ཐཱ། མ་ར་མ་ར། བནྡྷ་བནྡྷ། ཧ་ན་ཧ་ན། པུ་ར་པུ་ར། ལ་ལ། ལ་ལ། ར་ར། ར་ར།
ཙ་ལ་ཙ་ལ། ཁ་ཁ། ཁ་ཁ། པ་ཙ་པ་ཙ། ཏིཥྛ་ཏིཥྛ། བུདྡྷ་སཏྱེ་ན། དྷརྨ་སཏྱེ་ན། སཾ་གྷ་སཏྱེ་ན་སྭཱ་ཧཱ། རིག་པ་འདིའི་ཐལ་བས་སྒྲུབ་པ་པོའི་དཀྱིལ་འཁོར་བཅིང་པའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་
མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བྷ་ག་བ་ཏེ་ཨཱརྱ་ཏཱ་རཱ་ཡཻ། ཏདྱ་ཐཱ། ཧི་རི་ཧི་རི། མི་རི་མི་རི། ཀི་རི་ཀི་རི། གྷི་རི་གྷི་རི། གྷུ་རུ་གྷུ་རུ། བ་ར་བ་ར། ད་ར་ད་ར། གཙྪ་གཙྪ། བྷ་ག་བཱ་ན། ཨཱརྱ་ཨ་བ་ལོ་ཀི་ཏེ་ཤྭ་ར་ཡ། བོ་དྷི་སཏྭཱ་ཡ། མ་
ཧཱ་སཏྭཱ་ཡ། ཡ་ཐཱ་སུ་ཁྃ། རིག་པ་འདིས་མེ་ཏོག་གི་སྙིམ་པའི་ཕྱག་རྒྱ་དང་ལྷན་ཅིག་པས་བསྐུལ་བར་འགྱུར་ཏེ། གཤེགས་སུ་གསོལ་བའི་རིག་པའོ། །ན་མོ་རཏྣ་ཏྲ་ཡཱ་ཡ། ན་མཿསརྦ་དེ་བ་ནི། ན་མོ་བིདྱཱ་དེ་བཱ་ནཱཾ། ན་མ་ཨཱརྱ་ཨ་བ་ལོ་ཀི་ཏེ་ཤ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ།
เล่ม ๙๔ · หน้า 46b
མ་ཧཱ་ཀཱ་རུ་ཎི་ཀཱ་ཡ། ཨེ་ཧི་བྷ་ག་བ་ཏེ་མ་ཧཱ་རཀྵ་སི་ཙ་སེ་ཊི། ཨཱི་ཊི་མིཥྚི། ཨ་སུ་ར་པྲ་མརྡ་ནི། ཨེ་ཀ་ཛ་ཊི། ཏི་རཱཀྵ་སི། ས་ཧི་ཏ་དེ་བི་མ་ཙ་མ་སཱ། བི་ཧེ་ཐི་ཡ། ཀི་རི་སི་ཏི། རཱ་ཀ་པཱ་ལི། ཀ་ར་པ་རི། ཀཱ་མཱ་རི་ཀཾ་པ་ར་ཀཱ་ལིཙྪ་ཊ་པྲི་ཡེ། མ་ཧཱ་ཀ་པཱ་ལི་ཙཎྜ་ལི། མ་ཧཱ་ཙཎྜ་ལི། མ་ཧཱ་ཙཎྜ་ལི། སིདྡྷི་སརྦ་
ཨརྠ། སཱ་དྷ་ནི། སརྦ་བི་གྷྣ། པྲ་ཎཱ་ས་ནི་སྭཱ་ཧཱ། འདི་ནི་སྲིན་མོ་རལ་པ་གཅིག་མ་ཞེས་བྱ་བ་སྟེ། དེའི་སྤྱན་སྔར་དཀྱིལ་འཁོར་ཉེ་བར་བྱུགས་ཏེ་རིག་པ་འདིས་དྲི་དང་མེ་ཏོག་དང་གཏོར་མ་དང་བདུག་པ་ལ་ཉི་མ་སོ་སོར་མངོན་པར་བསྔགས་ནས་མཆོད་པར་བྱའོ། །འདི་སྐད་ཅེས་
བརྗོད་པར་བྱ་ཞིང་། བདག་ལ་བགེགས་ཐམས་ཅད་མི་གཡོ་བར་གྱུར་ཅིག །དེ་ཡང་བདག་ལ་བགེགས་གྱིས་ཤིག །དེ་ལྟ་བུའི་སྒྲུབ་པ་པོ་ལ་བགེགས་མེད་པར་འགྱུར་རོ། །སྒྲུབ་པ་པོ་གང་ཅུང་ཟད་སྒྲུབ་པ་རྩོམ་པ་ན་བགེགས་མེད་པར་འགྱུར་རོ། །རྣམ་པ་གཞན་དུ་
རྣམ་པར་འཇོམས་པར་བྱེད་དོ། །ཞེས་པ་སྒྲུབ་པའི་ཐབས་ཀྱི་ཆོ་གའི་རིག་པ་འདི་རྣམས་རྟོག་པའི་རྒྱལ་པོ་བཀླགས་པས་གྲུབ་པ། འདིར་ཇི་ལྟར་རབ་ཏུ་སྦྱར་བ་དེ་ལྟར་སྒྲུབ་པ་པོའི་ལས་ཐམས་ཅད་འགྲུབ་པར་བྱེད་དོ། །ཞེས་པ་དེ་བཞིན་དུ་རྟོགས་པར་བྱའོ། །བཅོམ་
ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་སྒྲུབ་ཐབས་ཀྱི་ཆོ་གའི་རིམ་པའི་ལེའུ་ཡོངས་སུ་རྫོགས་སོ།། །།དེ་ནས་ཡང་སེམས་དཔའ་ཆེན་པོས་སེམས་ཅན་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ནས་སེམས་
ཅན་ཐམས་ཅད་ཀུན་ཏུ་སྣང་བར་གྱུར་པས། རིག་པ་ཐམས་ཅད་བསྐུལ་བའི་ཏིང་ངེ་འཛིན་ལ་སྙོམས་པར་ཞུགས་ནས་སེམས་དཔའ་ཆེན་པོའི་སྒྲུབ་ཐབས་ཀྱི་རིག་པ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ།
ཧཱ་རེ་སྭཱ་ཧཱ། རིག་པ་འདིས་རིའི་རྩེ་མོར་སློང་མོ་ཟ་བས་མཆོད་རྟེན་དང་། ཁྱིམ་དུ་ཐུན་གསུམ་དུ་རིག་པ་སྟོང་ཕྲག་བརྒྱད་བཟླས་པར་བྱའོ། །མི་སྨྲ་བས་འོ་མ་དང་ནས་ཟན་ཟ་བའམ་སློང་མོ་ཟ་བས་ཀུ་ཤ་བཏིང་པ་ལ་ཉལ་ཏེ་ཟླ་བ་གསུམ་མ་མ་ཟླ་བ་གཅིག་གིས་འཕགས་པ་
เล่ม ๙๔ · หน้า 47a
སྤྱན་རས་གཟིགས་དབང་ཕྱུག་དང་ལྷན་ཅིག་ཏུ་ལྷ་མོ་སྒྲོལ་མ་མཐོང་བར་བྱེད་དོ། །མཆོག་གང་སློང་པ་རྒྱལ་སྲིད་དམ། མི་སྣང་བའམ། ཕུག་ཏུ་འཇུག་པའམ། གཏེར་འཕོ་བའམ། ཡུལ་གྱི་བདག་པོ་ཡང་རུང་སྟེ། གང་བསླངས་པ་དེ་རྙེད་ཅིང་རྟག་ཏུ་
རྙེད་དོ། །མ་བསྒྲུབས་པར་ཡང་རིག་པས་གཏན་ལ་འགེམས་པར་བྱེད་པ་དང་། རྡུལ་དུ་བྱེད་པ་དང་། གནོན་པར་བྱེད་པ་དང་། འབྱིན་པ་དང་། མཚོན་ཆ་འཆང་བ་དང་། ཕུག་གི་འཁྲུལ་འཁོར་ཐམས་ཅད་འགེམས་པར་བྱེད་པ་ལ་བདག་ཉིད་བསྲུང་བ་བྱས་ཏེ། གཡུལ་
དུ་མངོན་པར་ཞུགས་ན་རྣམ་པར་རྒྱལ་བར་བྱེད་དོ། །གཞན་སྲུང་ན་གྲུབ་པའི་བྱ་བ་ཐམས་ཅད་བྱེད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། པོ་དྷི་སཏྭཱ་ཡ། མ་ཧཱ་སཏྭཱ་ཡ། ཏ་དྱ་ཐཱ། ཏཱ་རེ་ཏཱ་རེ་སྭཱ་ཧཱ། རིག་པ་འདིས་ཟླ་བ་གཟས་བཟུང་བའི་དུས་
སུ་མཚན་མོ་གསུམ་དུ་སྨྱུང་བར་གནས་པ་སྔོན་དུ་བསྙེན་པ་བྱས་པའམ། བསྙེན་པ་མ་བྱས་པ་ཡང་རུང་སྟེ། རིང་བསྲེལ་དང་བཅས་པའི་མཆོད་རྟེན་དུ་བྱང་ཆུབ་ཤིང་གི་ཡམ་ཤིང་གིས་མེ་སྦར་ནས་སྣ་མའི་མེ་ཏོག་དཀར་པོའི་སྦྱིན་སྲེག་སྟོང་ཕྲག་བརྒྱད་བྱས་ན་དངུལ་སྟོང་ཕྲག་བརྒྱ་
རྙེད་དེ་ཡང་ན་མཐོང་ངོ་། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཏཱ་རེ། ཏུ་ཏྟཱ་རེ་ཏུ་རེ་སྭཱ་ཧཱ། རིག་པ་འདིས་དཀར་པོའི་ཕྱོགས་ཀྱི་ཚེས་གཅིག་ནས་བརྩམས་ནས་སྔར་བརྗོད་པའི་བྲིས་སྐུའི་མཆོག་བྱ་སྟེ་མཐར་ཟླ་བ་ཉ་བ་ལ་དྲི་དང་།
བདུག་པ་དང་གཏོར་མ་དང་། མེ་ཏོག་རྣམས་ཕུལ་ནས་ཐུན་གསུམ་དུ་སྟོང་ཕྲག་བརྒྱད་བཟླས་པར་བྱའོ། །མཚན་མོ་གསུམ་དུ་སྨྱུང་བར་གནས་ཏེ་འོ་མ་ཅན་གྱི་ཡམ་ཤིང་གིས་མེ་སྦར་ནས་ཨུཏྤལ་སྔོན་པོ་ལ་ཞོ་དང་། སྦྲང་རྩི་དང་། མར་གྱིས་བཏགས་པའི་སྦྱིན་སྲེག་སྟོང་ཕྲག་
བརྒྱད་བྱའོ། །དེ་ནས་ནམ་མཁའ་ལ་གྲུབ་བོ་གྲུབ་བོ་ཞེས་པའི་སྒྲ་འབྱུང་ངོ་། །ཡང་ན་རས་རིས་གཡོ་བར་བྱེད་དོ། །དེ་ལྟ་བུས་ནི་གྲུབ་པར་འགྱུར་ཏེ། ཡུལ་དང་གྲོང་དང་གྲོང་ཁྱེར་རམ་རྒྱལ་སྲིད་ཀྱི་དབང་ཕྱུག་སོ་སོར་རྙེད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་
เล่ม ๙๔ · หน้า 47b
ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཏུ་རེ་ཏུ་རེ་སྭཱ་ཧཱ། རིག་པ་འདིས་འབུམ་ཕྲག་གཅིག་ཏུ་བཟླས་ནས་ཟླ་བ་དང་ཉི་མ་གཟས་བཟུང་བ་ན་ཨ་ཤྭཏྠའི་འདབ་མ་བདུན་གྱི་ནང་དུ་བཅུག་ནས་གཟི་བརྗིད་དང་ལྡན་པའི་ལག་པ་ཁ་སྦྱར་གྱིས་མནན་ནས་ཇི་སྲིད་དྲོ་བ་དང་། དུ་བ་འཐུལ་བ་
དང་འབར་བདེ་སྲིད་དུ་བཟླས་པར་བྱའོ། །དྲོ་བར་གྱུར་པས་ནི་དབང་དུ་བྱེད་དོ། །དུ་བ་འཐུལ་བཞིན་པས་ནི་མི་སྣང་བ་དང་ཆ་དྲུག་འཕྲོག་གོ། །འབར་བས་ནི་ནམ་མཁར་འགྲོའོ། །ཐོགས་པ་མེད་པའི་སྟོབས་དང་། བརྩོན་འགྲུས་དང་། ཉི་མ་འཆར་ཀའི་མདོག་དང་། སྐྲ་ལི་
ཞིང་འཁྱིལ་བ། ལོ་བརྒྱད་གཉིས་ལོན་པའི་རྣམ་པ། ལོ་སྟོང་ཕྲག་བཅུར་འཚོ་ཞིང་ལུས་ཐ་དད་པའི་ལྷ་རྣམས་སུ་སྐྱེ་བར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཏུ་རེ་ཏུ་རེ་སྭཱ་ཧཱ། འདིས་
རྒྱལ་གྱི་ལྕགས་ལས་བྱུང་བའི་སོར་མོ་བྱས་ནས་རིང་བསྲེལ་དང་བཅས་པའི་མཆོད་རྟེན་དུ་འབུམ་ཕྲག་གཅིག་བཟླས་ནས་དྲི་དང་མེ་ཏོག་དང་གཏོར་མའི་ཆོ་ག་བྱས་ནས་བསྒྲུབ་པར་བྱའོ། །དུ་བ་འཐུལ་བ་ལ་བླངས་ནས་མི་སྣང་བར་འགྱུར་རོ། །ཆ་དྲུག་འཕྲོག་གོ། །ལོ་སྟོང་ཕྲག་
ལྔར་འཚོ་བར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཏཱ་རེ། ཏཱ་རཱ་ཡཻ་བྷ་ག་བ་ཏི་སྭཱ་ཧཱ། རིག་པ་འདིས་ཏིལ་མར་ལ་ལན་བརྒྱད་མངོན་པར་བསྔགས་ཏེ་བསྐུས་ན་རྨ་མེད་པར་བྱེད་དོ། །ཚོར་བ་མེད་པར་བྱེད་
དོ། །ཟུག་རྔུ་མེད་པར་བྱེད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ཏདྱ་ཐཱ། ཏཱ་རེ་ཏཱ་རེ། ཏུཏྟཱ་རེ་སྭཱ་ཧཱ། རིག་པ་འདིས་འབུམ་ཡོངས་སུ་བཟླས་ཏེ་ལན་བདུན་ཡོངས་སུ་བཟླས་པའི་ཆུ་ལ་གཏོར་བར་བྱ།
མ་ན་ཀ་ར་དང་། རུ་སྦལ་ལ་སོགས་པའི་མཆུ་བཅིང་བ་བྱས་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་གི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཏཱ་རེ་ཏཱ་རེ་སྭཱ་ཧཱ། རིག་པ་འདིས་ཆེན་པོ་རྣམས་ཀྱི་ལས་ཀྱི་ལམ་ཐམས་ཅད་བྱེད་པར་འགྱུར་རོ། །ཏིལ་
เล่ม ๙๔ · หน้า 48a
མར་ལ་བརྒྱ་ཕྲག་བཅུར་ཡོངས་སུ་བཟླས་ནས་སྦྱིན་དུ་གཞུག་པར་བྱ་སྟེ། གཟིར་བ་དང་། མདོམས་ཀྱི་ནད་དང་། གཅིན་སྲི་བ་དང་། རྐེད་པ་བསྡམས་པ་ལ་བྱིན་ན་ནད་མེད་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ།
མ་ཧཱ་སཏྭཱ་ཡ། ཏདྱ་ཐཱ། ཏུ་རེ་སྭཱ་ཧཱ། རིག་པ་འདིས་ཤ་ཟའི་རིམས་དང་། འབྱུང་པོའི་རིམས་དང་། གདོན་རྣམ་པར་འཇོམས་པ་ལ་སྲད་བུས་ཐར་བར་བྱེད་དོ། །མི་མོ་རབ་ཏུ་བཙའ་བཞིན་པ་ལ་ཏིལ་མར་ལ་བརྒྱད་བརྒྱར་ཡོངས་སུ་བཟླས་ནས་ལྟེ་བ་འམ་རྐེད་པར་བསྐུས་ན་
ཟུག་རྔུ་མེད་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཏཱ་རེ་མུཿསྭཱ་ཧཱ། རིག་པ་འདིས་བརྒྱད་བརྒྱར་མངོན་པར་བསྔགས་པ་བྱས་ནས། ཀུམྦྷི་ར་དང་བཱ་ར་ཎི་དང་། ཨ་ནནྟ་དང་། བེ་ཏ་ཤི་དང་།
ཚངས་མ་དང་། ཤུ་དག་དང་། བྲི་ཧ་ཏི་རྣམས་སྦྲང་རྩི་དང་ཡང་དག་པར་ལྡན་པ་ཟངས་ཀྱི་སྣོད་དུ་བཞག་ནས་ཟླ་བ་མཐོང་བ་ནས་ཇི་སྲིད་གྲོལ་བ་དེ་སྲིད་དུ་བཟླས་པར་བྱའོ། །དེ་ཟོས་པས་མཆོག་ཏུ་ཡིད་གཞུངས་པར་འགྱུར་རོ། །རིག་པ་འདིས་གཡུལ་ངོར་འཇུག་པ་ལ་བརྒྱད་
བརྒྱ་མངོན་པར་བཟླས་ནས་ལག་པ་ལ་ཆིངས་ཤིག །སྟོབས་ཆེན་པོར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཏཱ་རེ་ཏཱ་རེ་མུ་ལུ་མུ་ལུ་སྭཱ་ཧཱ། རིག་པ་འདིས་དཀར་པོའི་ཚེས་གཅིག་ནས་བརྩམས་
ཏེ་མཚན་མོ་གསུམ་དུ་སྨྱུང་བར་གནས་པས་ཨ་ཤྭཏྠའི་ཤིང་གི་འོག་ཏུ་མེ་ཏོག་ཡུ་ཏི་ཀ་དང་། ཀཪྞི་ཀ་ར་རྣམས་འོ་མ་དང་། ཞོ་དང་། མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱའོ། །དངུལ་བརྒྱ་རྙེད་པའམ། ཡང་ན་མཐོང་ངོ་། །ཟླ་བ་ཉ་ལ་མཚན་མོ་གསུམ་སྨྱུང་བར་
གནས་ཏེ། མཚན་ཕྱེད་ནས་ཆུ་ཀླུང་དུ་ཕྱིན་ནས་དྲི་ཞིམ་པོའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱ་བྱ་སྟེ་དོང་ཙེ་ལྔ་བརྒྱ་རྙེད་པའམ། ཡང་ན་མཐོང་ངོ་། །འདིས་ཟླ་བ་གཟས་བཟུང་བའི་དུས་སུ་རིང་བསྲེལ་དང་བཅས་པའི་མཆོད་རྟེན་དུ་སོ་མ་རཱ་ཛའི་འབྲས་བུ་རྣམས་ཕྱེ་མ་ཞིབ་མོར་བྱས་
เล่ม ๙๔ · หน้า 48b
ནས་མར་དང་སྦྲང་རྩི་དང་བསྲེས་པའི་རིལ་བུ་བྱའོ། །ཨ་ཤྭཏྠའི་འདབ་མ་བདུན་གྱི་ནང་དུ་བཏུམས་ནས་ལག་པས་མནན་ཏེ་ཇི་སྲིད་འབར་བ་དེ་སྲིད་དུ་བཟླས་པར་བྱའོ། །དེ་ཟོ་ཤིག །ཐོས་པ་འཛིན་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་
དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཏཱ་རེ་ཏཱ་རེ། ཏུ་རེ་ཏུ་རེ། ད་ར་ད་ར་སྭཱ་ཧཱ། རིག་པ་འདིས་ཉིན་མཚན་དུ་སྨྱུང་བར་གནས་བས་བཅོམ་ལྡན་འདས་ཀྱི་སྤྱན་སྔར་མཆོད་པའི་ཆོ་ག་བྱས་ནས་དེ་ནས་རྒྱ་མཚོར་འགྲོ་བའི་ཆུ་ཀླུང་དུ་སོང་ནས་འོ་མ་དང་ནས་ཟན་ཟ་བས་ཕྱོགས་སུ་གསོ་སྦྱོང་
བྱས་ཏེ་པདྨ་དཀར་པོ་ཁ་བྱེ་བ་འབུམ་དབུལ་བར་བྱའོ། །གཏེར་མཐོང་ངོ་། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཏཱ་རེ་ཏཱ་རེ།
ཏུཏྟཱ་རེ་ཏུཏྟཱ་རེ་སྭཱ་ཧཱ། འདི་ནི་འཕགས་མ་སྒྲོལ་མ་སྤོབས་པ་དང་ལྡན་མ་ཞེས་བྱ་བའི་རིག་པའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡི། ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀ་རུ་ཎི་ཀཱ་ཡ།
ཏཱ་རེ་ཏཱ་རེ། ཏུཏྟཱ་རེ་ཏུཏྟཱ་རེ་སྭཱ་ཧཱ། འདི་ནི་འཕགས་མ་སྒྲོལ་མ་འོད་གཉིས་སྦྱིན་པ་ཞེས་བྱ་བའི་རིག་པའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏཱ་རེ་ཏུ་རེ། ཏུ་རེ་
སྭཱ་ཧཱ། འདི་ནི་སྒྲོན་མའི་སྙིང་པོའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཏཱ་རེ་ཏཱ་རེ་ཏུཏྟཱ་རེ་སྭཱ་ཧཱ། འདི་ནི་ལས་ཆེན་པོ་ཐམས་ཅད་ཀྱི་དངོས་གྲུབ་བྱེད་པ་ཞེས་བྱ་བའི་འཕགས་མ་སྒྲོལ་མའི་རིག་
པའོ། །དེ་ནས་རིག་པ་འདི་རྣམས་ཀྱིས་མཆོག་ཏུ་གྲུབ་པའི་ཆོ་ག་ཕྱོགས་ཙམ་དུ་འགྱུར་ཏེ། ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་སྒྲུབ་པར་བྱེད་དོ། །ཞེས་པ་དེ་ཇི་ལྟ་བ་བཞིན་དུ་རྟོགས་པར་བྱའོ། །མདོར་ན་འཇིགས་པ་ཆེན་པོ་རྣམས་དང་། ལས་ཕྲན་ཚེགས་རྣམས་ལའང་
เล่ม ๙๔ · หน้า 49a
བཀླགས་པས་འགྲུབ་པར་འགྱུར་རོ། །ཆོ་ག་འདི་ལ་ཡང་རིག་པ་སྒྲུབ་པར་འདོད་པས་རིག་པ་དེས་བ་བྱུང་ལྔས་ལུས་ཀུན་ཏུ་སྦྱངས་ནས་དཀར་པོའི་ཚེས་གཅིག་ནས་བརྩམས་ཏེ་ཇི་སྐད་བཤད་པའི་རྣམ་པས་ཐུན་གསུམ་དུ་སྟོང་ཕྲག་བརྒྱད་བཟླས་པར་བྱའོ། །ཇི་སྲིད་
དུ་ཟླ་བ་ཉ་ལ་འབུམ་ཡང་རུང་ངོ་། །སྔོན་དུ་བསྙེན་པ་བྱས་པར་འགྱུར་རོ། །དེ་ནས་མཐར་ཉིན་མཚན་དུ་སྨྱུང་བར་གནས་པས་མཆོད་པ་རྒྱ་ཆེན་པོ་བྱས་ནས་ཨ་ག་རུ་ནག་པོའི་ཡམ་ཤིང་སོར་དྲུག་པའི་ཚད་ལ་ཞོ་དང་སྦྲང་རྩི་དང་མར་གྱིས་བཏགས་པའམ། ཏུ་རུཥྐའི་ཏིལ་མར་
གྱིས་བཏགས་པའི་སེང་ལྡེང་གི་མེ་ལ་སྟོང་ཕྲག་བརྒྱད་སྦྱིན་སྲེག་བྱའོ། །ལས་ཐམས་ཅད་ནུས་པར་འགྱུར་རོ། །དེ་ནས་ལས་སུ་འགྱུར་ཏེ་མཐར་མཚན་མོ་གསུམ་དུ་སྨྱུང་བར་གནས་པ། གཞོན་ནུ་མས་བཀལ་བའི་སྐུད་པ་རིང་བསྲེལ་དང་བཅས་པའི་མཆོད་རྟེན་དུའམ།
སོ་སོའི་ཁྱིམ་དུ་སྟོང་ཕྲག་བཅུར་མངོན་པར་བསྔགས་ནས་ལག་པ་ལ་བཅིངས་ན་མི་སྣང་བར་འགྱུར་རོ། །རིང་བསྲེལ་དང་བཅས་པའི་མཆོད་རྟེན་དུ་རས་རིས་བཞུགས་སུ་གསོལ་ནས་པདྨ་སྟོང་ཕྲག་སུམ་ཅུ་སེང་ལྡེང་གི་སོལ་བས་མེ་སྦར་ནས་སྦྱིན་སྲེག་བྱས་ན་རང་གི་གཟུགས་ཀྱི་ལྷ་མོ་མཐོང་
ངོ་། །གང་བསླངས་པ་དེ་རྙེད་དོ། །ཚེས་གཅིག་ནས་བརྩམས་ཏེ་ཇི་སྲིད་བཅྭོ་ལྔ་ལ་མཚན་མོ་གསུམ་དུ་སྨྱུང་བར་གནས་པས་རིང་བསྲེལ་དང་བཅས་པའི་མཆོད་རྟེན་ལ་མཆོད་པ་རྒྱ་ཆེན་པོ་བྱས་ནས་ཨུ་དུམ་བཱ་རའི་ཡམ་ཤིང་གིས་མེ་སྦར་ནས་མར་གྱི་སྲེག་བླུགས་སྟོང་སྦྱིན་སྲེག་བྱས་ན་གྲོང་རྙེད་དོ། །
རྒྱ་མཚོར་འགྲོ་བའི་ཆུ་ཀླུང་དུ་མཆོད་རྟེན་སྟོང་བྱེད་དུ་གཞུག་གོ། །ཉི་མ་སོ་སོ་རེ་རེ་ལ་མཆོད་རྟེན་ལ་སྟོང་ཕྲག་བརྒྱད་མངོན་པར་བསྔགས་པས་དྲི་དང་མེ་ཏོག་ལ་སོགས་པ་འདི་ལ་ཕུལ་ནས་ཇི་སྲིད་དུ་མཆོད་རྟེན་ཕྱི་མ་འབར་བ་དེ་ནས་བཅོམ་ལྡན་འདས་བྱོན་པར་ཤེས་པར་བྱའོ། །བཅོམ་ལྡན་
འདས་བྱོན་པ་ན་ས་གཡོ་བ་དང་དྲི་ཞིམ་པོའི་རླུང་ལྡང་སྟེ། ཇི་སྲིད་དུ་རང་གི་གཟུགས་ཀྱིས་ཉེ་བར་གནས་པ་དེ་སྲིད་དུ་བཟླས་པར་བྱའོ། །མཆོག་གང་སློང་བའི་མཆོག་སྩོལ་བར་མཛད་དོ། །བཅོམ་ལྡན་འདས་ཀྱི་སྤྱན་སྔར་སེང་ལྡེང་གི་འདབ་མའི་དུམ་བུའི་སྦྱིན་སྲེག་སྟོང་ཕྲག་བརྒྱད་བྱའོ། །
เล่ม ๙๔ · หน้า 49b
ཉི་མ་སོ་སོར་གྲོང་རེ་རེ་རྙེད་དོ། །དགོན་པར་སོང་ནས་རིག་པ་བྱེ་བ་བཟླས་པར་བྱའོ། །སློང་མོ་བཟའ་ཞིང་ཞོ་དང་། སྦྲང་རྩི་དང་། མར་གྱིས་བཏགས་པའི་དགོན་པའི་བ་ལང་གི་ལྕི་བས་སྦྱིན་སྲེག་སྟོང་ཕྲག་ཉི་ཤུ་བྱའོ། །ཇི་སྲིད་ལྷ་རྣམས་རི་དགས་མོའི་གཟུགས་སུ་བྱས་ནས་འོང་
བར་འགྱུར་ཏེ་དེ་ལ་འཇིགས་པར་མི་བྱའོ། །དེ་ཡང་གཏེར་སྩོལ་བར་བྱེད་དེ་བླང་བར་བྱའོ། །རང་ཉིད་ལོངས་ཤིག་ཅེས་བརྗོད་པར་བྱའོ། །རྒྱལ་སྲིད་དང་། ནོར་དང་། འབྲུ་དང་། རིན་པོ་ཆེ་རྣམས་སྟེར་བར་བྱེད་དེ། རྟག་ཏུ་དཀོན་མཆོག་གསུམ་ལ་སྦྱར་ཞིང་། བཅོམ་ལྡན་འདས་
ལ་དབུལ་བར་བྱའོ། །དགོན་པར་ཞུགས་ནས་རིག་པ་སྟོང་ཕྲག་བརྒྱ་བཟླས་པར་བྱ་ཞིང་། ཨ་ག་རུའི་ཤིང་ལ་རབ་ཏུ་གནས་པའི་སྤྱན་སྔར་བཅོམ་ལྡན་འདས་ལ་ཤིང་པཏྶ་ལཎྜི་ཀ་ལ་ཞོ་དང་། སྦྲང་རྩི་དང་། མར་གྱིས་བཏགས་པའི་སྦྱིན་སྲེག་སྟོང་བྱས་ན་འདོད་འཇོའི་བ་སེར་
སྐྱར་འོང་ངོ་། །སླར་ཡང་པཏྶ་ལཎྜི་ཀའི་སྦྱིན་སྲེག་སྟོང་ཕྲག་ཉི་ཤུ་བྱའོ། །འོངས་ནས་ཀྱང་གྲུབ་པར་འགྱུར་ཏེ་ལོ་སྟོང་དུ་འོ་མ་སྦྱིན་པར་བྱེད་དོ། །སྔར་བརྗོད་པའི་རས་རིས་ཀྱི་སྤྱན་སྔར་མར་དང་། སྦྲང་རྩིས་བཏགས་པའི་སྣ་མའི་མེ་ཏོག་གི་སྦྱིན་སྲེག་སྟོང་ཕྲག་བརྒྱད་བྱའོ། །
ཟླ་བ་དྲུག་ཏུ་དོང་ཙེ་སྟོང་རྙེད་དོ། །ཡང་ན་པ་ཎ་སྟོང་ལྷག་པ་དང་བཅས་པའོ། །ཀུ་མུ་དའི་སྦྱིན་སྲེག་སྟོང་ཕྲག་བརྒྱད་བྱའོ། །རིང་བསྲེལ་དང་བཅས་པའི་མཆོད་རྟེན་དང་། སངས་རྒྱས་ལ་མངོན་པར་དང་བས་ལྷ་རྣམས་མཆོག་སྦྱིན་པར་བྱེད་དོ། །འཕགས་པ་སྤྱན་རས་གཟིགས་
དབང་ཕྱུག་ལ་མཆོད་པ་བྱས་ནས་ཡུངས་ཀར་དཀར་པོ་ལ་ལན་བདུན་མངོན་པར་བསྔགས་པར་བྱས་ནས་གཡུལ་དུ་གཏོར་བར་བྱས་ཏེ་འདི་ཉིད་སྟོང་ཕྲག་བཟླས་པས་སེམས་ཅན་ཐམས་ཅད་དབང་དུ་བྱེད་ནུས་པར་འགྱུར་རོ། །ཆོ་འཕྲུལ་གྱི་ཕྱོགས་ཀྱི་དཀར་པོའི་བཅུ་གསུམ་ལ་དྲི་དང་
མེ་ཏོག་དང་བདུག་པས་མཆོད་པ་བྱས་ནས་མེ་ཏོག་ཁ་བྱེ་བ་དང་མར་གྱི་སྲེག་བླུགས་ཀྱིས་སྦྱིན་སྲེག་སྟོང་ཕྲག་བརྒྱད་བྱའོ། །ཐལ་བ་བླངས་ནས་གཞན་གྱི་དཔྲལ་བར་ཐིག་ལེ་བྱས་ཏེ། གྲོང་དང་གྲོང་ཁྱེར་དུ་རབ་ཏུ་འཇུག་པར་བྱེད་དེ། ཐམས་ཅད་དབང་དུ་འགྱུར་རོ། །ནག་པོའི་བཅུ་
เล่ม ๙๔ · หน้า 50a
བཞི་ནས་ཇི་སྲིད་བཅྭ་ལྔའི་བར་དུ་ཞག་གཅིག་སྨྱུང་བར་གནས་པས་པ་ཊའི་ཤིང་གི་འོག་ཏུ་དཀྱིལ་འཁོར་གྲུ་བཞི་པ་ཉེ་བར་བྱུགས་ཏེ་དྲི་དང་བདུག་པ་ཕུལ་ནས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱ་ཞིང་གནོད་སྦྱིན་རྣམས་ལ་གཏོར་མ་ཕུལ་ཏེ་
མིའི་རུས་པ་བླངས་ནས་རྩེ་གསུམ་བྱེད་དུ་གཞུག་གོ། །ལག་པ་གཡོན་པས་ལན་བདུན་འཕངས་པ་མཚན་མོ་གསུམ་དུ་སྨྱུང་བར་གནས་པས་སྣ་མའི་མེ་ཏོག་གི་སྦྱིན་སྲེག་སྟོང་ཕྲག་བརྒྱད་བྱས་ན་རྩེ་གསུམ་འབར་བར་འགྱུར་རོ། །དེ་ནས་གྲུབ་པར་འགྱུར་ཏེ་འདོད་པས་གང་སྤྲུལ་པ་དེར་
འགྱུར་རོ། །ལྷའི་ཁང་པར་ཟླ་བ་དང་ཉི་མ་གཟས་བཟུང་བ་ན་རིང་བསྲེལ་དང་བཅས་པའི་མཆོད་རྟེན་ནམ་སྐུ་གཟུགས་ཀྱི་ཁང་པར་སེར་སྐྱར་རྒྱུད་མཚུངས་པའི་མར་སྲང་གཅིག་བླངས་ནས་རིང་བསྲེལ་དང་བཅས་པའི་མཆོད་རྟེན་དུ་གསེར་གྱི་སྣོད་དུ་བཞག་ནས་བཅོམ་ལྡན་འདས་ལ་མཆོད་
པ་བྱས་ཏེ་ཟླ་བ་མི་ལྟ་བ་ཉིད་དུ་ཀུ་ཤས་སྟེང་ནས་གཡོགས་ཏེ་བཟླས་པར་བྱའོ། །དྲོ་བཞིན་པ་ན་བཏུང་བར་བྱ། སེམས་ཅན་ཐམས་ཅད་དབང་དུ་བྱེད་དོ། །ལྕི་བ་བྱུང་བ་ན་བཏུང་བར་བྱ་སྟེ་མི་སྣང་བར་འགྱུར་རོ། །འབར་བཞིན་པ་ནི་བཏུང་བར་བྱ་སྟེ་ནམ་མཁའ་ལ་འགྲོའོ། །ཟླ་
བ་དྲུག་ཏུ་སྔོན་སྤྱད་པ་བྱས་པ་བའི་གཅིན་དང་ནས་ཟན་བཟའ་ཞིང་མི་སྨྲ་བའི་བརྟུལ་ཞུགས་སྤྱད་པར་བྱའོ། །བཅོམ་ལྡན་འདས་མ་རྟག་ཏུ་བཟླས་པས་མ་བླངས་པར་གསེར་བརྒྱ་རྙེད་དོ། །ཆོ་འཕྲུལ་གྱི་ཕྱོགས་ཀྱི་ལོར་བརྩམ་པར་བྱ་སྟེ། འཕགས་པ་སྤྱན་རས་གཟིགས་དབང་ཕྱུག་
གི་སྤྱན་སྔར་མཆོད་པ་བྱས་ནས་དྲི་དང་མེ་ཏོག་དང་བདུག་པ་ལགས་པ་དེ་བཞིན་དུ་ཕུལ་ཏེ་ཡན་ལག་བརྒྱད་ཀྱི་གསོ་སྦྱོང་དང་ཡང་དག་པར་ལྡན་པས་ལོ་རྫོགས་པ་ན་འགྲུབ་པར་འགྱུར་རོ། །བཅོམ་ལྡན་འདས་ཀྱིས་རས་རིས་འཆིང་བར་བྱེད་དོ། །བཅོམ་ལྡན་འདས་ལ་མཆོད་པ་
བྱས་ནས་ཚེས་གཅིག་ནས་བརྩམས་ཏེ། ཇི་སྲིད་ཟླ་བ་ཉ་བའི་བར་ཆེས་ལྷག་པའི་མཆོད་པ་དང་། སློང་མོ་བཟའ་བར་བྱ་སྟེ་གྲུབ་བོ་ཞེས་པའི་ཚིག་འདོན་པར་བྱེད་དོ། །མར་གྱི་སྲེག་བླུགས་སྟོང་ཕྲག་བརྒྱད་སྦྱིན་སྲེག་བྱས་པས་ཕ་རོལ་ཞི་བར་འགྱུར་རོ། །ཆོ་འཕྲུལ་གྱི་ཕྱོགས་
เล่ม ๙๔ · หน้า 50b
ལ་སངས་རྒྱས་བཅོམ་ལྡན་འདས་ལ་མཆོད་པ་བྱས་ལ་འཕགས་པ་སྤྱན་རས་གཟིགས་དབང་ཕྱུག་ལ་དྲི་དང་མེ་ཏོག་དང་བདུག་པ་ལ་སོགས་པ་དེ་བཞིན་དུ་ཕུལ་ནས་དུང་གི་མེ་ཏོག་ཅན་གྱི་མེ་ཏོག་སྟོང་ཕྲག་བརྒྱ་ལ་ཨི་གུ་ཏའི་ཏིལ་མར་གྱིས་བཏགས་པའི་སྦྱིན་སྲེག་བྱ་སྟེ། གྲོང་དང་། གྲོང་
ཁྱེར་དང་། ལྗོངས་དང་། གླང་པོ་ཆེ་དང་། རྟ་དང་། བ་ལང་དང་། མ་ཧེ་རྣམས་དབང་དུ་འགྱུར་རོ། །དེ་ནས་ཡང་པྲ་དབབ་པར་བྱེད་པར་འདོད་ན་མཚན་མོ་བདུན་དུ་འོ་མ་དང་ནས་ཟན་བཟའ་ཞིང་མཚན་མོ་གཅིག་ཏུ་གསོ་སྦྱོང་དང་ལྡན་པས་དྲི་མ་མེད་པའི་མར་གྱིས་ལྷུད་དེ་བཀང་ནས་དཀར་
པོའི་མར་སར་གྱིས་མར་མེ་སྦར་ནས་གཞོན་ནུ་འམ་གཞོན་ནུ་མ་ལ་བསྟན་པར་བྱའོ། །དེ་ཉིད་དུ་རས་རིས་བཞུགས་ནས་ཀུ་ཤ་བཏིང་བ་ལ་ཉལ་བར་བྱའོ། །རྨི་ལམ་དུ་རྫས་སྟོང་ཕྲག་ཉི་ཤུ་མཐོང་ངོ་། །ཆ་ཕྱེད་དཀོན་མཆོག་གསུམ་ལ་སྦྱར་བར་བྱའོ་ཞེས་སོ། །རས་རིས་
ཀྱི་སྤྱན་སྔར་དཀར་པོའི་ཚེས་གཅིག་ནས་བརྩམས་ཏེ་ཇི་སྲིད་ཟླ་བ་ཉའི་བར་དུ་ཉི་མ་རེ་རེ་ལ་སྦྱིན་སྲེག་སྟོང་ཕྲག་བརྒྱད་བྱའོ། །དྲི་དང་མེ་ཏོག་དང་བདུག་པ་ལ་སོགས་པ་རྣམས་ཀྱིས་མཆོད་པར་བྱའོ། །མཐར་མཚན་མོ་གསུམ་དུ་སྨྱུང་བར་གནས་པས་མི་སྨྲ་བའི་བརྟུལ་ཞུགས་
སྤྱད་དེ་རིག་པ་བཟླས་པར་བྱས་ལ། ཆོ་འཕྲུལ་གྱི་ཕྱོགས་ནས་ལམ་པོ་ཆེར་སོང་ལ་འབྱུང་པོའི་བྲང་དུ་གནས་པར་བྱའོ། །རབ་ཏུ་སྩོལ་ཅིག་ཅེས་བརྗོད་པར་བྱའོ། །ཡུངས་ཀར་བྲེ་རུ་བླངས་ནས་ལན་ཉི་ཤུ་རྩ་གཅིག་ཏུ་མངོན་པར་བསྔགས་ནས་ཕྱོགས་བཅུ་དང་འོག་ཏུ་གཏོར་བར་བྱའོ། །
མཆོག་བདག་ཉིད་ལ་སྟོན་པར་བྱེད་དེ། དེ་བཞིན་དུ་ནག་པོའི་བརྒྱད་པ་ལ་དྲི་གཙང་ཁང་དུ་ཞུགས་ནས་བཅོམ་ལྡན་འདས་ཀྱི་སྤྱན་སྔར་རིག་པ་སྟོང་དུ་བཟླས་པར་བྱའོ། །དྲི་དང་མེ་ཏོག་ལ་སོགས་པ་དང་། གཏོར་མའི་ཆོ་ག་བྱས་ནས་དེ་ནས་རྨི་ལམ་དུ་བཅོམ་ལྡན་འདས་རལ་པའི་ཅོད་
པན་བྱས་པ་མཐོང་བར་བྱེད་དོ། །ས་གའི་ཟླ་བ་དཀར་པོའི་ཕྱོགས་ལ་འོ་མ་དང་ནས་ཟན་ཟ་ཞིང་རིང་བསྲེལ་དང་བཅས་པའི་མཆོད་རྟེན་ལ་དྲི་དང་མེ་ཏོག་ལ་སོགས་པས་མཆོད་པ་བྱས་ནས་ཉི་མ་རེ་རེ་ལ་སྟོན་མོ་བྱའོ། །ཆུས་གང་བའི་བུམ་པ་བཞི་སྨན་དང་ས་བོན་ཐམས་ཅད་ཀྱིས་ཡོངས་
เล่ม ๙๔ · หน้า 51a
སུ་བཀང་བ་བྱས་ནས་གཞག་པར་བྱའོ། །མཚན་མོ་རེ་རེ་ལ་སྟོང་ཕྲག་བརྒྱད་དུ་མངོན་པར་བསྔགས་པར་བྱས་ནས་བྱ་རོག་གི་ཚང་དུ་བུ་བྱུང་གི་བར་ཁྱེའུ་དང་བུ་མོ་བཀྲུ་བར་བྱའོ། །རྒྱལ་སྲིད་ཀྱི་དོན་ནམ། ལོངས་སྤྱོད་ཀྱི་དོན་ཟླ་བ་ཕྱེད་ཀྱི་ནང་དུ་འགྲུབ་བོ། །
ནག་པོའི་བརྒྱད་པ་ལ་བཅོམ་ལྡན་འདས་མ་མཆོད་པ་བྱས་ནས་དྲི་དང་མེ་ཏོག་དང་བདུག་པ་ལ་སོགས་པ་དབུལ་བར་བྱས་ནས་འོ་མ་ཅན་གྱི་ཤིང་གི་ཡམ་ཤིང་གིས་མེ་སྦར་ཏེ་མེ་ཏོག་བརྒྱ་པའི་སྦྱིན་སྲེག་སྟོང་ཕྲག་བརྒྱད་བྱའོ། །ཟླ་བ་གཅིག་ཏུ་བཟའ་བ་དང་བཏུང་བ་མི་ཟད་པ་འབྱུང་ངོ་། །
དུར་ཁྲོད་ཀྱི་ཐལ་བ་བླངས་ནས་ལན་བདུན་མངོན་པར་བཟླས་ཏེ་བདག་ཉིད་ཀྱི་དཔྲལ་བའམ། གཞན་གྱི་མགོ་བོར་བཏབ་པར་བྱས་ནས་གྲོང་དུ་ཞུགས་ན་ཐམས་ཅད་དབང་དུ་འགྱུར་རོ། །བཟླས་པས་འཆིང་བ་ལས་གྲོལ་བར་བྱེད་དོ། །གཏན་པ་གཅོག་པར་བྱེད་དོ། །ལྤགས་
བདུན་ཉམས་པར་བྱེད་དོ། །མཱ་ལི་ཀའི་མེ་ཏོག་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱའོ། །བ་ལང་གི་གཅིན་དང་ནས་ཟན་ཟ་ཞིང་ཟླ་བ་དྲུག་ཏུ་འདོད་པ་བཞིན་དུ་དོང་ཙེ་རྙེད་དོ། །དཀར་པོའི་ཚེས་གཅིག་ནས་བརྩམས་ཏེ་ཨུཏྤལ་སྔོན་པོའི་སྙིང་
པོ་སྦྱིན་སྲེག་སྟོང་བྱ་སྟེ། མིང་ནས་སྨོས་ཏེ་ཉི་མ་བདུན་ལ་དབང་དུ་འགྱུར་རོ། །ཙམ་པ་ཀ་དང་། ཀརྞི་ཀ་ཡིས་དུས་གསུམ་དུ་སྦྱིན་སྲེག་བྱ་ཞིང་། མིང་ནས་སྨོས་ན་གང་འདོད་པ་དེ་དབང་དུ་འགྱུར་རོ། །ཆོ་འཕྲུལ་གྱི་ཕྱོགས་ལ་འོ་མ་དང་ནས་ཟན་ཟ་ཞིང་དུས་གསུམ་དུ་སྟོང་ཕྲག་བརྒྱད་
དུ་བཟླས་པ་དང་། རས་རིས་ཀྱི་སྤྱན་སྔར་ཨ་ག་རུའི་ཡམ་ཤིང་གིས་འབུམ་ཕྲག་གསུམ་དུ་སྦྱིན་སྲེག་བྱའོ། །བཅྭ་ལྔ་ལ་སྒྲུབ་པ་ལ་རབ་ཏུ་འཇུག་སྟེ་ཇི་སྲིད་བཅོམ་ལྡན་འདས་བྱོན་པ་དེ་སྲིད་དུ་བཟླས་པར་བྱའོ། །ས་གཡོ་བའམ་མར་མེའི་རྩེ་མོ་འཕེལ་བའམ་རས་རིས་གཡོ་བར་བྱེད་
པ་དང་གྲུབ་བོ། །གྲུབ་བོ་ཞེས་ཚིག་འདོན་པར་བྱེད་ན་རྒྱལ་སྲིད་དམ་ཡུལ་གྱི་བདག་པོ་ཉིད་རྙེད་དོ། །སྔོན་སྤྱད་པ་བྱས་པས་རིང་བསྲེལ་དང་བཅས་པའི་མཆོད་རྟེན་དུ་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཟླ་བ་དྲུག་གི་ནང་དུ་སྟོང་ཕྲག་ལྔ་སོ་སོར་རྙེད་དོ། །རིང་བསྲེལ་
เล่ม ๙๔ · หน้า 51b
དང་བཅས་པའི་མཆོད་རྟེན་ལ་མཆོད་པ་བྱས་ནས་སྟོང་ཕྲག་བརྒྱ་བཟླས་པར་བྱས་ཏེ་དངུལ་སྟོང་རྙེད་དོ། །རིང་བསྲེལ་དང་བཅས་པའི་མཆོད་རྟེན་ལ་སྟོང་ཕྲག་བརྒྱ་བཟླས་པར་བྱའོ། །འདོད་པ་ཐམས་ཅད་རབ་ཏུ་སྦྱིན་པར་འགྱུར་རོ། །ནད་ཐམས་ཅད་རབ་ཏུ་ཞི་བར་འདོད་པས་གཞོན་ནུ་
མས་བཀལ་བའི་སྲད་བུ་ལ་སྟོང་ཕྲག་བརྒྱད་མངོན་པར་བསྔགས་པར་བྱས་ནས་བླངས་ནས་བསྐོར་བར་བྱ་སྟེ། སྐལ་བ་བཟང་པོ་ཉིད་རྙེད་དོ། །རྒྱ་མཚོར་འགྲོ་བའི་ཆུ་ཀླུང་དུ་ཞུགས་ནས་ཏིལ་ནག་པོ་ལ་སྟོང་ཕྲག་བརྒྱད་བཟླས་པར་བྱ་སྟེ་སྲད་བུ་ཅན་དང་ཏིལ་དང་སོལ་བ་ཉིད་དོ། །རིང་བསྲེལ་
དང་བཅས་པའི་མཆོད་རྟེན་དུ་དཀར་པོའི་ཚེས་གཅིག་ནས་བརྩམས་ནས་བཅྭ་ལྔ་ལ་མཚན་མོ་གསུམ་དུ་སྨྱུང་བར་གནས་པས་ཨུ་དུམ་བཱ་རའི་ཤིང་གིས་མེ་སྦར་ནས་ཡུངས་ཀར་དཀར་པོ་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱའོ། །ཡུལ་གྲུ་ལྔའི་དཔོན་
པོར་འགྱུར་རོ། །བྱང་ཆུབ་ཤིང་གི་ཡམ་ཤིང་གིས་མེ་སྦར་ནས། ཏིལ་ལ་ཞོ་དང་མར་དང་སྦྲང་རྩིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱའོ། །བཅྭ་ལྔ་ལ་མཚན་མོ་གསུམ་དུ་སྨྱུང་བར་གནས་པ་བྱས་ནས་གལ་ཏེ་ཏིལ་དེ་རྣམས་ཕྱོགས་དང་ཕྱོགས་བྲལ་དུ་སོང་ན་དེའི་ཚེ་གྲུབ་པ་
ཡིན་ཏེ་སེམས་ཅན་ཐམས་ཅད་དབང་དུ་བྱེད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་སྔོན་དུ་སྟོང་ཕྲག་བརྒྱ་བཟླས་ཏེ་ཟླ་བ་གཟས་བཟུང་བ་ན་ཏིལ་མར་ལན་བདུན་ཅུ་ཕུལ་ནས་ཇི་སྲིད་ལྦུ་བ་འབྱུང་བ་དེ་སྲིད་དུ་བཟླས་པར་བྱའོ། །འཐུངས་ན་ཐོས་པ་
འཛིན་པར་འགྱུར་རོ། །ཀུན་ཏུ་རུ་ཀ་ལ་སྟོང་ཕྲག་བརྒྱད་བཟླས་ནས་བླངས་ན་གྲོང་གཅིག་རྙེད་དོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཉི་མ་སོ་སོར་བརྒྱད་བརྒྱར་བཟླས་པར་བྱ་སྟེ་དཔལ་དང་ལྡན་པར་འགྱུར་རོ། །ཨ་པཱ་མརྒའི་ཡམ་ཤིང་ལ་ཞོ་དང་སྦྲང་རྩི་དང་
མར་གྱིས་བཏགས་ཏེ་ཉི་མ་སོ་སོར་སྦྱིན་སྲེག་སྟོང་ཕྲག་བརྒྱད་བྱས་ན་གྲོང་རྙེད་དོ། །བུ་མང་པོ་ཅན་གྱི་ཡམ་ཤིང་ལ་མེ་སྦར་ནས་ཤུ་དག་སྟོང་ཕྲག་བརྒྱད་དུ་སྦྱིན་སྲེག་བྱའོ། །ཐལ་བ་དེས་ཐིག་ལེ་བྱའོ། །མི་སྣང་བར་འགྱུར་རོ། །གལ་ཏེ་མ་གྱུར་ན་ལན་གསུམ་དུ་ཡང་
เล่ม ๙๔ · หน้า 52a
བསྒྲུབ་པར་བྱའོ། །ཟླ་བ་གཟས་བཟུང་བ་ན་ཆུ་ཀླུང་གི་འགྲམ་དུ་སོང་ནས་བིལ་བའི་ཡམ་ཤིང་གིས་མེ་སྦར་ནས་བིལ་བའི་མེ་ཏོག་ལ་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱས་ན་གནོད་སྦྱིན་གཞོན་ནུ་འོང་བར་འགྱུར་རོ། །མཚན་མོ་ཕྱེད་ན་རིག་པ་
སྟོང་ཕྲག་བཟླས་ནས་དེ་ནས་གཅིག་འོང་བར་བྱེད་དེ། གཏེར་རྣམས་སམ། ནོར་གྱི་བདག་པོ་གང་ཚིག་གིས་བརྗོད་དེ་བྱེད་དོ། །ནག་པོའི་བརྒྱད་པ་ལ་བཅོམ་ལྡན་འདས་ལ་དྲི་དང་མེ་ཏོག་དང་བདུག་པ་ལ་སོགས་པ་རྣམས་ཀྱིས་མཆོད་པ་བྱས་ནས་ནག་པོའི་བཅུ་བཞི་པ་ལ་གཏོར་མའི་ཆོ་
ག་བྱ་སྟེ་རིག་པ་སྟོང་ཕྲག་བརྒྱད་བཟླས་པར་བྱའོ། །ཤ་ཟ་རྣམས་འོང་བར་བྱེད་དོ། །གཏེར་རྐོས་ཤིག་ཅེས་བརྗོད་པར་བྱའོ། །དེ་ནས་གཏེར་སྩོལ་བར་བྱེད་དེ་བླངས་ནས་བདག་ཉིད་དཀོན་མཆོག་གསུམ་པོ་རྣམས་ལ་དབུལ་བར་བྱའོ། །དེ་བཞིན་དུ་རས་རིས་བཅིང་བའི་ལས་
ཀྱང་བཅོམ་ལྡན་འདས་ཀྱི་སྤྱན་སྔར་བ་རུ་རའི་ཤིང་གིས་མེ་སྦར་ནས། ཉི་མ་སོ་སོར་ཏིལ་དང་འབྲས་ཐུག་པོ་ཆེའི་སྦྱིན་སྲེག་སྟོང་བྱའོ། །བློན་པོ་དབང་དུ་བྱེད་པ་ལ་ཡུངས་ཀར་དཀར་པོའི་སྦྱིན་སྲེག་གིས་དབང་དུ་འགྱུར་རོ། །སྲ་རྩི་པོག་གི་སྦྱིན་སྲེག་གིས་རྒྱལ་པོ་དབང་དུ་འགྱུར་
རོ། །བུད་མེད་དང་སྐྱེས་པ་དབང་དུ་བྱེད་པ་ལ་ཕུབ་མའི་སྦྱིན་སྲེག་སྟོང་ཕྲག་བརྒྱད་བྱའོ། །ཨ་རུ་རའི་ཤིང་གིས་མེ་སྦར་ནས་བཅོམ་ལྡན་འདས་ཀྱི་སྤྱན་སྔར་ཉི་མ་སོ་སོར་སྒྲོན་ཤིང་གིས་སྦྱིན་སྲེག་སྟོང་བྱ་སྟེ་དོང་ཙེ་བརྒྱ་རྙེད་དོ། །སློང་མོ་ཟ་བས་ཉི་མ་སོ་སོར་དུས་གསུམ་དུ་པ་
ལཱ་ཤའི་སྦྱིན་སྲེག་བྱ་སྟེ། གསེར་བརྒྱ་སོ་སོར་རྙེད་དོ། །རྒྱ་མཚོར་སོང་ནས་རིག་པ་སྟོང་ཕྲག་བརྒྱ་བཟླ་སྟེ། ཇི་སྲིད་རིན་པོ་ཆེ་རྣམས་སྦྱིན་པར་བྱེད་དོ། །བླང་བར་བྱ་སྟེ་དཀོན་མཆོག་གསུམ་ལ་ངེས་པར་སྦྱར་བར་བྱའོ། །སྔགས་འདི་ཉིད་ཀྱིས་ས་གའི་ཟླ་བ་ཉ་བ་ལ་མཚན་
ཐོག་ཐག་ཏུ་བཟླས་པ་བར་མ་ཆད་པ་བརྗོད་པར་བྱའོ། །བྱང་ཆུབ་ཀྱི་ཤིང་དྲུང་དུ་བཅོམ་ལྡན་འདས་ལ་མཆོད་པ་བྱས་ནས་ཨ་པཱ་མརྒའི་ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །བདག་ཉིད་སྟོན་པ་ཡུངས་ཀར་གྱིས་གྲོལ་བར་འགྱུར་རོ། །
เล่ม ๙๔ · หน้า 52b
ཞི་བར་འདོད་ན་འབྲས་ཡོས་ཀྱི་སྲེག་བླུགས་ཀྱིས་སྦྱིན་སྲེག་བརྒྱད་བརྒྱ་བྱས་ན་ཞི་བར་འགྱུར་རོ། །རྒྱས་པར་འདོད་ན་འོ་མ་ཅན་གྱི་ཡམ་ཤིང་གིས་མེ་སྦར་ནས་ཏིལ་དང་འབྲས་ཐུག་པོ་ཆེས་ཐུན་གསུམ་དུ་སྦྱིན་སྲེག་བརྒྱད་བརྒྱར་བྱའོ། །ཉི་མ་གསུམ་དུ་ཨ་མྲའི་ཡམ་ཤིང་གིས་མེ་
སྦར་ནས་དུར་བྷ་དང་ཚེར་མ་ཅན་གྱི་སྦྱིན་སྲེག་སྟོང་ཕྲག་བརྒྱད་བྱའོ། །རྩོད་པར་འདོད་པ་རྣམས་ཀྱི་སྨྲ་བའི་མཆོག་ཏུ་འགྱུར་རོ། །ཉི་མ་སོ་སོར་འབྲུ་རློན་པ་དང་། ཕུབ་མ་རྣམས་ལག་པ་གཡོན་པས་སྦྱིན་སྲེག་བྱས་ནས་མིང་ནས་སྨོས་ན་མཚན་མོ་བདུན་གྱིས་དབང་དུ་འགྱུར་རོ། །
རྒྱལ་པོའི་ཡམ་ཤིང་གིས་མེ་སྦར་ནས་ཏིལ་དང་འབྲས་ཐུག་པོ་ཆེའི་སྦྱིན་སྲེག་ཐུན་མཚམས་གསུམ་དུ་སྟོང་ཕྲག་བརྒྱད་བྱའོ། །ཉི་མ་གསུམ་དུ་ཨ་མྲའི་ཡམ་ཤིང་གིས་མེ་སྦར་ནས་དུར་བྷ་དང་ཚེར་མ་ཅན་གྱི་སྦྱིན་སྲེག་སྟོང་ཕྲག་བརྒྱད་བྱའོ། །ཉི་མ་བདུན་གྱིས་སྐྱེས་བུ་ཆེན་པོ་
རྣམས་དབང་དུ་འགྱུར་རོ། །འོ་མ་དང་བ་ལང་གི་གཅིན་དང་ནས་ཟན་དང་བསོད་སྙོམས་ཟ་བའམ་མི་སྨྲ་བའི་བརྟུལ་ཞུགས་ཀུན་ཏུ་སྤྱད་ཅིང་གཙང་མས་གོས་གཙང་མ་དང་ཤིང་ཤུན་འཆང་བས་སྒྲུབ་པ་བྱས་ཏེ། །གང་གར་གཏུན་ཤིང་གི་སྒྲ་དང་བྲལ་བ་གཙང་མའི་ཕྱོགས་སུ་ཆུ་
བོའི་འགྲམ་གཉིས་ཀྱིས་བླངས་ནས་ཁྲུ་བདུན་པའི་སའི་གོང་བུ་བཞི་བྱས་ནས་དབུས་སུ་འདབ་མ་སྟོང་གི་པདྨ་བྱས་ཏེ། དེའི་སྟེང་དུ་བདེ་བར་གཤེགས་པའི་མཐོ་གང་གི་ཚད་ཀྱི་ལྕགས་ལྔ་ལས་བྱས་པའི་འཁོར་ལོ་རབ་ཏུ་བཞག་ནས་དཀྱིལ་འཁོར་གྱི་དབུས་སུ་བྲིས་སྐུའི་སྤྱན་
སྔར་བསྒྲུབ་པར་བྱའོ། །དྲི་ཞིམ་པོའི་དྲི་རྣམས་དང་ཙནྡན་དཀར་དམར་གྱིས་མཆོད་ནས་མནྡ་ར་བའི་མེ་ཏོག་དང་། བདུག་པ་དང་ཕྲེང་བ་བརྒྱ་ཕུལ་ནས་བཅོམ་ལྡན་འདས་ལ་དྲི་དང་། མེ་ཏོག་དང་། བདུག་པ་ལ་སོགས་པའི་མཆོད་པ་བྱའོ། །མར་གྱི་མར་མེའི་ཕྲེང་བ་བདུན་དབུལ་
བར་བྱའོ། །ཕྱོགས་བཞིར་མར་གྱི་བུམ་པ་བཞི་རབ་ཏུ་སྦར་བར་བྱའོ། །ཕྱོགས་བཞིར་བུམ་པ་བཞི་ས་བོན་ཐམས་ཅད་ཀྱིས་གང་བར་རིན་པོ་ཆེ་རྣམས་བཅུ་གནས་གཞག་པར་བྱའོ། །ཨ་ག་རུ་དང་། ཀུན་དུ་རུ་ཀ་དང་། དཔལ་རྣམས་བཏགས་པ་དང་། གུ་གུལ་གྱི་བདུག་པ་དབུལ་
เล่ม ๙๔ · หน้า 53a
བར་བྱའོ། །གཏོར་མའི་ཆོ་ག་བྱས་ནས་ཕྱོགས་བཞིར་སྔར་བརྗོད་པས་ཞོ་ཟན་སྔོན་མ་ཅན་དབུལ་བར་བྱའོ། །ལྷོ་རུ་ནི་ན་བྷུ་ཏཀྟྲ་ར་དར་བ་ཆུ་དང་བསྲེས་པ་སྦྱིན་པར་བྱའོ། །བྱང་ཕྱོགས་སུ་འོ་ཐུག་གིས་གང་བའི་གཏོར་མས་ཉེ་བར་མཆོད་པར་བྱའོ། །སེམས་ཅན་ཐམས་
ཅད་ལ་ཕྱོགས་བཞིར་རྒྱུན་མི་འཆད་པ་འབྱུང་བར་བྱའོ། །པ་ལཱ་ཤའི་ཡམ་ཤིང་གིས་མེ་སྦར་ནས་ཨ་པཱ་མརྒའི་ཡམ་ཤིང་ལ་མར་གྱིས་བཏགས་ལ་ལན་བདུན་མངོན་པར་བསྔགས་ཏེ། སྦྱིན་སྲེག་བརྒྱད་བརྒྱ་བྱའོ། །མིང་ནས་སྨོས་པ་དེ་དབང་དུ་འགྱུར་རོ། །བྱང་ཆུབ་ཀྱི་ཡམ་
ཤིང་གིས་མེ་སྦར་ནས་ལན་ཚྭ་ལས་བྱུང་བའི་གཟུགས་བརྙན་བྱས་ཏེ། མགོ་བོ་ནས་བརྩམས་ཏེ་ཇི་སྲིད་རྐང་པའི་བར་དུ་སྲེག་བླུགས་རེ་རེ་ལ་ལན་བདུན་བདུན་མངོན་པར་བསྔགས་པ་བྱས་ནས་སྲེག་བླུགས་སྟོང་ཕྲག་བརྒྱད་བྱའོ། །མིང་ནས་སྨོས་པའི་རྒྱལ་པོ་དབང་དུ་འགྱུར་
རོ། །དཀར་པོའི་བཅྭ་ལྔ་ལ་ཡན་ལག་བརྒྱད་དང་ལྡན་པའི་གསོ་སྦྱོང་ཅན་གྱིས་ཉིན་མཚན་དུ་སྨྱུང་བར་གནས་ཏེ། ས་ལ་མ་ལྷུང་བའི་བ་བྱུང་གིས་བ་ལང་གི་པགས་པའི་ཚད་ཀྱི་དཀྱིལ་འཁོར་ཉེ་བར་བྱུགས་ནས་རིང་བསྲེལ་དང་བཅས་པའི་མཆོད་རྟེན་དང་། འཕགས་པ་སྤྱན་
རས་གཟིགས་དབང་ཕྱུག་གི་ཞབས་ཀྱི་དྲུང་དུ་གསེར་དངུལ་གྱི་སྣོད་དུ་སེར་སྐྱར་རྒྱུད་མཚུངས་པའི་བའི་མར་གཞོན་ནུ་མས་བསྲུབས་པ་བླངས་ནས་ཀུ་ཤའི་ཁྲེས་ལ་ཉེ་བར་འདུག་སྟེ། ལག་པ་གཡོན་པས་སྣོད་བཟུང་ལག་པ་གཡས་པའི་མིང་མེད་ཀྱི་སོར་མོས་དཀྲུག་པར་བྱ་སྟེ།
ཇི་སྲིད་དྲོ་བར་གྱུར་པ་དེ་སྲིད་དུའོ། །དེ་ནས་བཏུང་བར་བྱ་སྟེ། ཡིད་གཞུངས་པར་འགྱུར་རོ། །ལན་ཅིག་བརྗོད་པས་ཐོས་པ་འཛིན་པར་བྱེད་དོ། །དེ་ལ་དུ་བ་འཐུལ་བས་ནི་དབང་དུ་བྱེད་པར་འགྱུར་རོ། །འབར་བས་ནི་མི་སྣང་བར་འགྱུར་རོ། །ཡན་ལག་ཐམས་ཅད་ན་
བ་ཉེ་བར་ཞི་བར་འདོད་པས་དཀར་པོའི་བརྒྱད་པ་ལ་གསོ་སྦྱོང་ཅན་གྱིས་སྔ་དྲོ་ལས་བརྩམ་པར་བྱའོ། །ཤར་ལ་སོགས་པའི་ཕྱོགས་སུ་གཞུའི་ཚད་ཀྱི་དཀྱིལ་འཁོར་ཉེ་བར་བྱུགས་ནས་དབུས་སུ་ནད་པའི་སོ་ཕག་གཞག་པར་བྱའོ། །ཕྱོགས་བཞི་རྣམས་སུ་བུམ་པ་ཆུས་གང་བ་
เล่ม ๙๔ · หน้า 53b
བཞི་ལ་བརྒྱད་བརྒྱར་མངོན་པར་བཟླས་ལ་གཞག་པར་བྱའོ། །སོ་ཕག་རྣམས་ཀྱི་སྟེང་དུ་སེན་རྩིའི་གོས་གཞག་པར་བྱའོ། །གཞོན་ནུ་མས་བཀལ་བའི་ཚོན་སྣ་ལྔའི་སྐུད་པས་ཡོངས་སུ་དཀྲིས་ཏེ་དྲི་ཞིམ་པོས་ཡོངས་སུ་བཀང་བས་སོ། །ཕྱི་རོལ་དུ་དཀྱིལ་འཁོར་བྱའོ། །ཕྱོགས་
བཞིར་ཆང་དང་ཤའི་གཏོར་མ་དབུལ་ལོ། །དྲི་ཞིམ་པོའི་མེ་ཏོག་གིས་མཆོད་པ་བྱས་ནས་གུ་གུལ་གྱི་དུད་པ་དབུལ་ལོ། །ཟངས་ཀྱི་སྣོད་མར་གྱིས་བཀང་བ་གཞག་པར་བྱའོ། །དེ་ནས་ཀུ་ཤ་ལྗང་གུ་བཟུང་ནས་ནད་པ་གོས་དཀར་མོ་ཅན་ལ་ཇི་སྲིད་རྐང་པའི་བར་དུ་བྱབ་པར་བྱའོ། །
མར་གྱི་སྟེང་དུ་ཀུ་ཤ་དོར་བར་བྱའོ། །དེ་བཞིན་དུ་བརྒྱ་རྩ་བརྒྱད་བྱའོ། །དེ་ནས་མར་ཟོས་པས་བལྟ་བར་བྱའོ། །དེ་ནས་ཀུ་ཤ་ལྗང་གུ་བླངས་ནས་ཟློས་བཞིན་དུ་གཞག་པར་བྱའོ། །སྦྱངས་པ་ལས་འབྱུང་བའི་སྣོད་དང་གོས་བྱས་ནས་སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ཀྱི་ཞབས་ལ་ཕྱག་བྱེད་དུ་གཞུག་གོ། །དེ་ནས་པྲི་ཡངྐུ་དང་། ནཱ་ག་གེ་སར་དང་། སྦྲང་རྩི་ཅན་དང་། བཞི་པོ་གཅིག་ཏུ་བྱས་ནས་མཉམ་པར་ཐོབ་པར་བྱས་ལ་མར་དང་ལྷན་ཅིག་པའི་ཟས་མཆོག་ཟོས་ན་ནད་མེད་པ་རང་བཞིན་དུ་གནས་པར་འགྱུར་རོ། །སྐུད་པ་སྔོན་པོ་
ལ་ལན་བདུན་མངོན་པར་བསྔགས་པ་བྱས་ནས་རྐེད་པ་ལ་བཅིང་བར་བྱའོ། །ཤུ་བ་མཆེད་པ་ཉེ་བར་ཞི་བར་བྱེད་དོ། །དེ་བཞིན་དུ་མགྲིན་པ་ལ་ཉེ་བར་བཅིང་བར་བྱའོ། །དབུགས་མི་བདེ་བ་ཉེ་བར་ཞི་བར་འགྱུར་རོ། །གསོ་སྦྱོང་ཅན་གྱིས་འཕགས་པ་སྤྱན་རས་གཟིགས་
དབང་ཕྱུག་གི་སྤྱན་སྔར་དཀྱིལ་འཁོར་ཉེ་བར་བྱུགས་ནས་དྲི་བཟང་པོའི་མེ་ཏོག་རྣམས་ཀྱིས་མཆོད་པ་བྱས་ཏེ་མར་གྱི་མར་མེ་དབུལ་ལོ། །དེ་ནས་བྱང་ཆུབ་ཤིང་གི་ཡམ་ཤིང་གིས་མེ་རབ་ཏུ་སྦར་རོ། །སྦར་ནས་སྲ་རྩི་པོག་ལ་ལན་བདུན་མངོན་པར་བསྔགས་པའི་སྲེག་བླུགས་
སྟོང་ཕྲག་བརྒྱད་སྦྱིན་སྲེག་བྱའོ། །ནད་ཉེ་བར་ཞི་བར་བྱེད་དོ། །རིག་པས་བགེགས་ཉེ་བར་ཞི་བར་བྱེད། འདོད་པས་རྒྱ་མཚོར་འགྲོ་བའི་ཆུ་ཀླུང་གི་འགྲམ་གཉིས་ཀྱིས་བླངས་ནས་སེང་གེ་དང་། སྟག་དང་། ཕག་དང་། ལུག་གི་གདོང་པ་ལ་སོགས་པ་རྣམ་པ་སྣ་ཚོགས་
เล่ม ๙๔ · หน้า 54a
པ་ཉི་ཤུ་རྩ་གཅིག་ལྷག་པའི་བརྒྱ་བྱའོ། །དེ་ནས་ནག་པོའི་བརྒྱད་པ་ལ་གསོ་སྦྱོང་ཅན་གྱིས་མཚན་མོ་ཕྱོགས་གཙང་མར་བླ་རེ་དམར་པོ་བྲེས་ལ་ལས་ཡང་དག་པར་བརྩམ་མོ། །སེན་རྩིའི་གོས་བཅུ་བཞི་ལ་བགེགས་གཞག་པར་བྱའོ། །དབུས་སུ་བགེགས་རྣམས་
ཀྱི་གཙོ་བོ་ལོག་འདྲེན་གཞག་པར་བྱའོ། །ཚོན་སྣ་ལྔའི་ཕྱེ་མ་ལ་ལན་ཅིག་མངོན་པར་བསྔགས་པ་རྣམས་ཀྱིས་དཀྱིལ་འཁོར་བདུན་བྱའོ། །དྲི་དམར་པོའི་མེ་ཏོག་རྣམས་ཀྱིས་མངོན་པར་མཆོད་པ་བྱས་ནས་མར་གྱི་མར་མེ་བཅུ་བཞི་དབུལ་ལོ། །གུ་གུལ་གྱི་བདུག་པ་དབུལ་ལོ། །
ཤ་དང་བཅས་པའི་གཏོར་མ་བཅུ་བཞི་དབུལ་ལོ། །རྒྱ་སྐྱེགས་ཀྱི་ཁུ་བ་ཡང་བཅུ་བཞི་གཏོར་བར་བྱའོ། །དེ་ནས་སྲད་བུ་དམར་པོ་ལ་ལན་བདུན་མངོན་པར་བསྔགས་པས་མཚན་མ་བཅིང་བར་བྱའོ། །འབྱུང་པོ་དང་། བགེགས་ཀྱི་རྒྱལ་པོ་ཡང་བཅིང་བར་བྱའོ། །དེ་ནས་ཨུ་
དུམ་བཱ་རའི་ཡམ་ཤིང་གིས་མེ་སྦར་ནས་བགེགས་རྣམས་བཅིང་བར་བྱའོ་ཞེས་བརྗོད་དེ། སྭཱ་ཧཱའི་ཡི་གེས་དཀྱིལ་འཁོར་བ་རྣམས་ལ་སྦྱིན་སྲེག་སྟོང་ཕྲག་བརྒྱད་བྱའོ། །དེར་བགེགས་དང་ལོག་པར་འདྲེན་པ་བཅིངས་པར་འགྱུར་རོ། །རིག་པ་རྣམས་ཐམས་ཅད་སྒྲུབ་པར་བྱེད་པ་ན་
བགེགས་རྣམས་འཕྲུལ་བྱེད་དོ། །དེས་ན་བགེགས་དང་ལོག་པར་འདྲེན་པ་རྣམས་སའི་སྣོད་གཅིག་ཏུ་བགེགས་ཐམས་ཅད་གཞུག་པར་བྱའོ། །གཅིག་ཏུ་ལོག་པར་འདྲེན་པ་ཆེན་པོའོ། །དེ་ནས་བགེགས་རྣམས་ཐམས་ཅད་ལ་མེ་ཏོག་ཐམས་ཅད་དབུལ་བར་བྱ་ཞིང་ལོག་
པར་འདྲེན་པ་ཆེན་པོ་ལ་ཙནྡན་དམར་པོ་དང་། ཀ་ར་བཱི་རའི་མེ་ཏོག་དམར་པོ་དབུལ་ལོ། །བགེགས་རྣམས་ཐམས་ཅད་ལ་རྫས་ཐམས་ཅད་ཀྱི་བདུག་པ་དབུལ་ལོ། །ལོག་པར་འདྲེན་པ་ཆེན་པོ་ལ་གུ་གུལ་གྱི་བདུག་པ་དབུལ་ལོ། །མར་དང་བསྲེས་པ་དབུལ་ལོ། །དེ་ནས་
ལྟེ་བའི་ཚད་ཀྱི་དོང་དུ་སོ་སོར་གཞུག་པར་བྱའོ། །དེ་ལྟ་བུས་བགེགས་ཐམས་ཅད་མེད་པར་འགྱུར་རོ། །གསོ་སྦྱོང་ཅན་གྱིས་དཀར་པོའི་བཅྭ་ལྔ་ལ་རིང་བསྲེལ་དང་བཅས་པའི་མཆོད་རྟེན་དུ་ས་ལ་མ་ལྷུང་བའི་བ་ལང་གི་ལྕི་བས་དཀྱིལ་འཁོར་ཉེ་བར་བྱུགས་པ་བྱས་ནས་མེ་ཏོག་དང་དྲི་དང་
เล่ม ๙๔ · หน้า 54b
བདུག་པ་མར་གྱི་མེ་ལ་སོགས་པ་རྣམས་ཀྱིས་མཆོད་པ་བྱས་ནས་ཨུ་དུམ་བཱ་རའི་ཤིང་གིས་མེ་སྦར་ནས་ཚངས་མའི་ཡམ་ཤིང་གིས་སྦྱིན་སྲེག་བྱ་ཞིང་། ལྷ་ལ་ཕུལ་བཟོས་ན་ཡིད་གཞུངས་པར་འགྱུར་རོ། །འོ་མའི་སྦྱིན་སྲེག་བྱས་ན་བྲམ་ཟེ་རྣམས་དབང་དུ་འགྱུར་རོ། །ལྷ་ལ་ཕུལ་
བའི་སྦྱིན་སྲེག་བྱས་ན་རྒྱལ་རིགས་དབང་དུ་འགྱུར་རོ། །ནས་དང་། ཞེ་དང་། ལྷ་ལ་ཕུལ་བ་གཅིག་ཏུ་བྱས་ནས་སྦྱིན་སྲེག་བྱས་ན་རྗེ་རིགས་དབང་དུ་འགྱུར་རོ། །དགྲ་ལ་བལྟས་ནས་བཟླས་པ་བྱས་ན་རེངས་པར་འགྱུར་རོ། །ལན་བདུན་མངོན་པར་བསྔགས་པའི་ཆུས་ཐམས་ཅད་
འབེབས་པ་དང་ནོར་བྱེད་དོ། །དུག་ཐམས་ཅད་ལ་ཡང་ཉེ་བར་བྱུག་གོ། །ཞུན་མཁན་གྱི་རིལ་བུ་བྱས་ནས་ལན་བདུན་མངོན་པར་བསྔགས་པས་མིག་ནད་སེལ་བར་བྱེད་དོ། །ན་བ་ལ་སྐུད་པ་བཅིང་བར་བྱ་སྟེ། གདོན་ཐམས་ཅད་མི་འབྱུང་ངོ་། །གཙུག་ཕུད་བཅིངས་པས་
བདག་ཉིད་སྲུང་བའོ། །ཐལ་བས་དཀྱིལ་འཁོར་བཅིངས་པའོ། །བོང་བ་ལ་ལན་བདུན་བཟླས་པས་ཕྱོགས་བཅིངས་པའོ། །བུད་མེད་བུ་མ་ཐོན་པ་ལ་ཏིལ་ལ་ཡོངས་སུ་བཟླས་ནས་སྦྱིན་པར་བྱ་སྟེ། བདེ་བར་བཙའ་བར་འགྱུར་རོ། །རྨོངས་པས་མངལ་གྱི་ཟླ་མཚན་གྱི་དུས་
ལས་འདས་པ་ན་ཁྲུས་བྱ་ཞིང་རྒྱུད་མཚུངས་པའི་འོ་མ་ལ་བརྒྱ་རྩ་བརྒྱད་མངོན་པར་བསྔགས་པ་བྱས་ནས་བཏུང་བར་སྦྱིན་ཞིང་བཟའ་བ་མཆོག་དང་མར་བསྲེས་པ་བཟའ་བར་བྱའོ། །དེ་ནས་བུ་བཙའ་བར་འགྱུར་རོ། །བུ་མང་པོ་ཅན་གྱི་སྦྱིན་སྲེག་བརྒྱ་རྩ་བརྒྱད་བྱའོ། །ཐལ་
བ་རེ་ཆུའི་བུམ་པ་བཞི་དང་ཀུན་ཏུ་བསྲེས་ནས་གཞག་པར་བྱའོ། །ཤུ་དག་ལ་ལན་བརྒྱད་བརྒྱར་བཟླས་ཏེ་ལག་པ་གཡས་པ་ལ་བཅིངས་པས་ཇི་སྲིད་སྨྲ་བ་ཐམས་ཅད་ཀྱི་མཆོག་ཏུ་འགྱུར་རོ། །གཞན་གྱིས་མི་ཐུབ་པའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱད་བྱས་ན་
གཡུལ་དུ་གཞན་གྱིས་མི་ཐུབ་པར་འགྱུར་རོ། །གཞོན་ནུ་མས་བཀལ་བའི་སྐུད་པ་ལ་མདུད་པ་བྱས་ཏེ་ལན་བདུན་མངོན་པར་བསྔགས་ནས་ལག་པ་བཅིང་བར་བྱའོ། །བརྟན་པ་དང་གཡོ་བའི་དུག་མི་འབྱུང་ངོ་། །དེ་ནས་མ་རུངས་པས་མཆེ་བའི་མིང་ནས་སྨོས་ཏེ་ཆུ་ལ་
เล่ม ๙๔ · หน้า 55a
ལན་བདུན་མངོན་པར་བསྔགས་ནས་ཁྱོར་ཆུ་འཐུངས་པས་དེ་ལྟ་བུས་ཤི་བ་ཡང་ལྡང་བར་འགྱུར་རོ། །དེ་བཞིན་དུ་བཅུ་བཞི་རུ་མངོན་པར་བསྔགས་པར་བྱས་ནས་བཏུང་བ་སྦྱིན་པར་བྱའོ། །འཇོག་པོས་ཀྱང་མཆེ་བ་སོས་པར་བྱའོ། །ཆང་གི་ཕབས་ལ་ལན་བདུན་
མངོན་པར་བསྔགས་པ་བྱས་ནས་ཤི་བ་ལ་སྦྱིན་པར་བྱའོ། །གལ་ཏེ་བྱིས་པ་མི་འབྱུང་ངོ་། །དེ་ནས་སེམས་དཔའ་ཆེན་པོས་སླར་ཡང་རིག་པ་ཐམས་ཅད་ཡང་དག་པར་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྒྲུབ་པའི་ཐབས་ཀྱི་སྤྱིའི་རིག་པ་གསུངས་
སོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། རི་ཛུ་ཀེ། ཏཱ་རེ། ཤཱནྟེ། ཏུཏྟཱ་རེ། ཨ་ན་བྷི། སཱ་ལེ། ཏུ་རེ་སྭཱ་ཧཱ། འདི་ནི་འཕགས་མ་སྒྲོལ་མ་སྤྱི་བོའི་སྒྲོལ་
མ་ཞེས་བྱའོ། །རིག་པ་འདིས་རྒྱ་མཚོར་འགྲོ་བའི་ཆུ་ཀླུང་དུ་ཕྲག་པའི་ཚད་ཀྱིས་ཆུར་ཞུགས་ནས་རིག་པ་སྟོང་ཕྲག་བརྒྱ་བཟླས་པར་བྱ་སྟེ། ཇི་སྲིད་ནམ་མཁའ་ཉི་མའི་དཀྱིལ་འཁོར་ལ་བུག་པ་མཐོང་བའི་བར་དུ་སྟེ། དེ་ལྟ་བུ་བྱས་པས་ལས་འགྲུབ་པར་འགྱུར་རོ། །གལ་ཏེ་མ་མཐོང་
ན་སླར་ཡང་བསྒྲུབ་པར་བྱའོ། །དེ་ནས་ལན་བདུན་དུ་མར་རྗེས་སུ་སོང་ནས་དྲི་དང་མེ་ཏོག་དང་བདུག་པ་དང་གཏོར་མའི་ཆོ་ག་བྱ་སྟེ། ལག་པ་གཡས་པས་མནན་ནས་མཚན་ཐོག་ཐག་ཏུ་བཟླས་པར་བྱའོ། །ཇི་སྲིད་དབུགས་འབྱིན་ནོ་ཞེས་བརྗོད་པའི་བར་དུའོ། །ཉི་མ་
སོ་སོར་དངུལ་བརྒྱ་སྦྱིན་པར་བྱེད་དེ། དེ་ཡང་ཟད་པར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། རི་ཛུ་ཀེ། ཏཱ་རེ། ཤཱནྟེ། ཏཱ་རེ།
ཨ་ན་བྷི། ལཱ་སྱེ་ཏུཏྟཱ་རེ། ཨ་གྲ། དྷརྨ་ནི་ཏྱཱ་ཏེ། ཏུ་རེ་སྭཱ་ཧཱ། འདི་ནི་འཕགས་མ་སྒྲོལ་མ་དག་པ་ཞེས་བྱ་བ་སྟེ། རིག་པ་འདིས་དགོན་པའི་བ་ལང་གི་ལྕི་བ་ཞོ་དང་། སྦྲང་རྩི་དང་། མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །དུས་གསུམ་དུ་བ་ལང་བརྒྱ་རྙེད་དོ། །
เล่ม ๙๔ · หน้า 55b
ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ལམྦེ། པྲ་ལམྦེ། ལམྦེ་བཱིརྱ། སརྦ་སིདྡྷི་མྨེ་ཀུ་རུ་སྭཱ་ཧཱ། འདི་ནི་འཕགས་མ་སྒྲོལ་མ་འཕྱང་བ་ཞེས་བྱ་བ་སྟེ། རིག་པ་འདིས་ཀ་ར་བཱི་རའི་ཡམ་ཤིང་ལ་མར་
གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱ་སྟེ། ཇི་སྲིད་རྒྱལ་པོ་དབང་དུ་འགྱུར་ཏེ་འོང་བར་བྱེད་དོ། །སྡེ་སྣོད་སྨྲ་བ་ཡང་སྒོ་བའི་ལས་བྱས་པ་འཆིང་བ་གྲོལ་བ་ལ་སོགས་པ་དེ་ཡང་སྦྱོང་དུ་འཇུག་གོ། །དེ་མ་གྲོལ་བར་དུ་མང་དུ་དངོས་གྲུབ་ཐམས་ཅད་ཀྱི་གྲུབ་པ་ཡང་སྔར་བརྗོད་
པའི་རིག་པས། སརྦ་སིདྡྷིཉྩ། མེ་ཀུ་རུ་སྭཱ་ཧཱ། ཞེས་བྱིན་ནས་རྟག་ཏུ་བཟླས་པས་འཆིང་བ་གྲོལ་བར་བྱེད་དོ། །ཡང་ན་གཙང་མར་གྱུར་པས་མཚན་ཐོག་ཐག་བཟླས་པར་བྱ་སྟེ་འཆིང་བ་གྲོལ་བར་བྱེད་དོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་
ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། རི་ཛུ་ཀ། དྷརྨེ། ཏཱ་རེ། ཤཱནྟ་དྷརྨ་ཏུཏྟྱ་རེ་ཨ་ན་བི་ལ་སྱེ། དྷརྨེ་ཏུ་རེ་སྭཱ་ཧཱ། འདི་ནི་འཕགས་མ་སྒྲོལ་མ་ཞི་བ་བཞེས་བྱ་བའི་རིག་པ་སྟེ། འདིས་མ་དུ་ལུམྒ་དང་། དྷཱ་ལན་དང་། སོག་
མའི་མེ་ལ་སྦྱིན་སྲེག་བྱ་སྟེ། ཇི་སྲིད་ལོག་འདྲེན་འོང་བར་བྱེད་དེ། དེ་བརྗོད་པར་བྱའོ། །ཉི་མ་སོ་སོར་བདག་ལ་དོང་ཙེ་རེ་སྦྱིན་ནོ། །དེ་ཡང་ཟད་པར་བྱའོ། །བཅོམ་ལྡན་འདས་ཀྱི་ཞབས་ལ་རེག་ཏུ་གཞུག་པར་བྱའོ། །དེ་ནས་གྲུབ་པར་འགྱུར་རོ། །རྣམ་པ་གཞན་དུ་ན་མི་སྡོད་
དོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏོ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། རི་ཛུ་ཀ། དྷརྨ་མི་ཏྱཱ་ཏེ། ཏཱ་རེ་ཤཱནྟ། དྷརྨ་ནི་ཏྱཱ་ཏེ་ཏུཏྟཱ་རེ་ཨ་ན་བྷི་ལཱ་སྱེ། དྷརྨ་ནི་ཏྱཱ་ཏེ། ཏུ་རེ་སྭཱ་ཧཱ། འདི་ནི་
འཕགས་མ་སྒྲོལ་མ་དྲང་པོ་ཞེས་བྱ་བའི་རིག་པ་སྟེ། འདིས་རིང་བསྲེལ་དང་བཅས་པའི་མཆོད་རྟེན་དུ་བེ་ཀངྐ་ཏའི་ཡམ་ཤིང་གིས་མེ་སྦར་ནས་བིལ་བའི་འབྲས་བུ་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །འདིས་ལས་རྣམས་དཔལ་དང་ལྡན་པའམ་
เล่ม ๙๔ · หน้า 56a
ཡུལ་གྱི་བདག་པོར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཨ་གྲ་དྷརྨ་ནི་ཏྱཱ་ཏཱ་ར། རི་ཛུ་ཀ་དྷརྨ་ནི་ཏྱཱ་ཏེ། ཏུཏྟཱ་རེ། ཨ་ན་བྷཱི་ལཱ་སྱེ། དྷརྨ་
ནི་ཏྱཱ་ཏེ་ཏཱ་རེ་སྭཱ་ཧཱ། འདི་ནི་འཕགས་མ་སྒྲོལ་མ་མཆོག་ཅེས་བྱ་བའི་རིག་པ་སྟེ། འདིས་རྒྱ་མཚོར་འགྲོ་བའི་ཆུ་ཀླུང་དུ་ཞུགས་ཏེ། ཀི་ཀི་རཱ་དྷཱའི་མེ་ཏོག་སྦྱིན་སྲེག་སྟོང་ཕྲག་བརྒྱད་བྱའོ། །ཉི་མ་སོ་སོ་འམ་ཉིན་ཞག་ལ་ཚལ་བདུན་ནམ་བརྒྱད་རྙེད་དོ། །ཡང་ན་དངུལ་བརྒྱ་མཐོང་ངོ་། །རིག་
པ་དེ་ཉིད་ཀྱིས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་འོ་མ་ཅན་གྱི་ཤིང་གིས་མེ་སྦར་ནས་མར་གྱི་སྦྱིན་སྲེག་བྱའོ། །དཔལ་དང་ལྡན་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་
ལོ་ཀི་ཏེ་ཤྭ་རཱ་ཡེ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཨ་གྲེ་ཏཱ་རེ། རི་ཛུ་ཀེ་ཏཱ་རེ། ཤཱམྟེ་ཏུཏྟཱ་རེ། ཨ་ན་བྷི་ལཱ་སྱེ། ཏུ་རེ་སྭཱ་ཧཱ། འདི་ནི་འཕགས་མ་སྒྲོལ་མ་མངོན་པར་རྗོད་པར་བྱེད་མ་ཞེས་བྱ་བའི་རིག་པ་སྟེ། འདི་རྟག་ཏུ་བཟླས་པས་ནད་མེད་པར་འགྱུར་རོ། །ན་མོ་རཏྣ་ཏྲ་ཡཱ་ཡ།
ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཨ་གྲེ་ཏཱ་རེ། ཨ་ན་བྷི་ལཱ་སྱེ། དྷརྨ་ཏུཏྟཱ་རེ། ཨ་ན་བྷི་ལཱ་སྱེ། དྷརྨ་ནིརྱཱ་ཏེ་ཏུ་རེ་སྭཱ་ཧཱ། འདི་ནི་འཕགས་མ་སྒྲོལ་མ་ངེས་པར་འབྱུང་བ་ཞེས་
བྱ་བའི་རིག་པ་སྟེ། རྟག་ཏུ་བཟླས་པས་འདོད་པ་ཉེ་བར་རྫོགས་པར་བྱེད་དོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཨ་གྲེ་ཏཱ་རེ། རི་ཛུ་ཀ་དྷརྨ་ཏུཏྟཱ་རེ། ཨ་ན་བྷི།
ལཱ་སྱེ། དྷརྨེ་ཏུ་རེ་སྭཱ་ཧཱ། འདི་ནི་འཕགས་མ་སྒྲོལ་མ་མངོན་པར་བརྗོད་པ་བྱར་མེད་པའི་ཆོས་ཞེས་བྱ་བའི་རིག་པ་སྟེ། རྟག་ཏུ་བཟླས་པས་དགྲ་ཐམས་ཅད་ལས་མཆོག་ཏུ་རྒྱལ་བར་བྱེད་དོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ།
เล่ม ๙๔ · หน้า 56b
ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཨ་གྲེ་ཏཱ་རེ། ཤཱནྟེ་དྷརྨེ་ཏུཏྟཱ་རེ། ཤཱནྟ་དྷརྨ་ནིརྱཱ་ཏེ་ཏུ་རེ་སྭཱ་ཧཱ། འདི་ཞི་བའི་ཆོས་ངེས་པར་འབྱུང་མའི་རིག་པ་སྟེ། རྟག་ཏུ་བཟླས་པས་ཇི་ལྟར་འདོད་པ་བཞིན་དུ་ཐོབ་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མོ་
ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨ་གྲེ་ཏཱ་རེ། རི་ཛུ་ཀ་དྷརྨ། ནིརྱཱ་ཏེ། ཏུཏྟཱ་རེ། ཨ་ན་བྷྱི་ལཱ་སྱེ་དྷརྨ་ནིརྱཱ་ཏེ། ཏུཏྟཱ་རེ་སྭཱ་ཧཱ། འདི་ནི་དྲང་པོ་ཅན་གྱི་ཆོས་ཀྱི་མཆོག་
ངེས་པར་འབྱུང་བའི་རིག་པ་སྟེ། རྟག་ཏུ་བཟླས་པས་དོན་ཐམས་ཅད་ཐོབ་པ་དང་། བཅོམ་ལྡན་འདས་མའམ། རིན་པོ་ཆེ་རྙེད་དོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་
ཧཱ་སཏྭཱ་ཡ། ཨ་གྲེ་ཏཱ་རེ། རི་ཛུ་ཀེ་དྷརྨ་ནིརྱཱ་ཏེ་ཏུཏྟཱ་རེ་རི་ཛུ་ཀ་དྷརྨ་ནིརྱཱ་ཏེ་ཏུཏྟཱ་རེ་སྭཱ་ཧཱ། འདི་ནི་འཕགས་མ་སྒྲོལ་མ་ཐམས་ཅད་དྲང་པོ་ཞེས་བྱ་བའི་རིག་པ་སྟེ་རྟག་ཏུ་བཟླས་པས་སྐྱེ་བོ་ཐམས་ཅད་དགའ་བར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ།
ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཨ་གྲེ་དྷརྨ་ནིརྱཱ་ཏེ་ཏུ་རེ་སྭཱ་ཧཱ། འདི་ནི་འཕགས་མ་སྒྲོལ་མ་ཕོངས་པ་ལས་སྒྲོལ་བའི་མཆོག་ཅེས་བྱ་བའི་རིག་པ་སྟེ། རྟག་ཏུ་བཟླས་པས་སྐྱེ་བ་རྒྱུན་མི་འཆད་པར་བྱེད་དོ། །ན་མོ་
རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཨ་གྲེ་ཏཱ་རེ། ཨ་ན་བྷི་ལཱ་སྱེ་ཏཱ་རེ། ཨ་ན་བྷི་ལཱ་སྱེ་ཏུཏྟཱ་རེ། ཨ་ན་བྷི་ལཱ་སྱེ་དྷརྨ་ནིརྱཱ་ཏེ་ཏུ་རེ་སྭཱ་ཧཱ། འདི་ནི་འཕགས་མ་སྒྲོལ་མ་མཆོག་
ཅེས་བྱ་བའི་རིག་པ་སྟེ། རྟག་ཏུ་བཟླས་པས་མཆོག་གི་འབྲས་བུ་སྟེར་རོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཤཱནྟེ་དྷརྨེ་ཏུཏྟཱ་རེ་ཤཱནྟ་དྷརྨ་ནིརྱཱ་ཏེ་ཏུ་རེ་སྭཱ་ཧཱ།
เล่ม ๙๔ · หน้า 57a
འདི་ནི་འཕགས་མ་སྒྲོལ་མ་ཞི་བ་ལྡན་མ་ཞེས་བྱ་བའི་རིག་པ་སྟེ། རྟག་ཏུ་བཟླས་པས་ཞི་བའི་སེམས་སྐྱེད་པར་བྱེད་དོ། །ན་མ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ།
མ་ཧཱ་སཏྭཱ་ཡ། རི་ཛུ་ཀེ་ཏཱ་རེ། རི་ཛུ་ཀ་དྷརྨ་ཏུཏྟཱ་རེ་རི་ཛུ་ཀ་དྷརྨ་ནིརྱཱ་ཏེ་ཏུ་རེ་སྭཱ་ཧཱ། འདི་ནི་འཕགས་མ་སྒྲོལ་མ་དྲང་པོར་ལྡན་མ་ཞེས་བྱ་བའི་རིག་པ་སྟེ། རྟག་ཏུ་བཟླས་པས་དྲང་པོའི་སེམས་སྐྱེད་པར་བྱེད་དོ། །ཆོས་ཐམས་ཅད་ཅེས་བྱ་བའི་རིག་པ་འདི་རྣམས་བཀླགས་པས་
འགྲུབ་པ། བདག་ཉིད་སྲུང་བ་དང་། གཞན་སྲུང་བ་དང་། བདེ་བ་ཐམས་ཅད་སྦྱིན་པ། འབུམ་ཕྲག་གཅིག་བརྗོད་པས་སྔར་བརྗོད་པའི་ལས་ཐམས་ཅད་བསྒྲུབ་པར་བྱ་སྟེ་སྟོང་ཕྲག་བཅུ་བཟླས་པས་བསོད་ནམས་འཕེལ་བར་བྱེད་པ། སྟོང་ཕྲག་སུམ་ཅུ་བཟླས་པས་བསོད་ནམས་
དང་ལྡན་པ། འབུམ་ཕྲག་གསུམ་བཟླས་ན་མཚམས་མེད་པ་བྱས་པས་ཀྱང་འགྲུབ་པར་འགྱུར་ཏེ། མདོར་ན་མ་ནོར་བར་ཕན་པ་སྒྲུབ་པའི་སེམས་སྦྱིན་པ་སྙིང་རྗེའི་བདག་ཉིད་ཅན་ཡང་རྟག་ཏུ་བཟླས་པས་ནད་ཐམས་ཅད་མེད་པར་འགྱུར་རོ། །ཡམས་ཐམས་ཅད་མི་འབྱུང་ངོ་། །
ཉེ་བར་འཚེ་བ་ཐམས་ཅད་འབྱུང་བར་མི་འགྱུར་རོ། །ཞེས་དེ་བཞིན་དུ་རྟོགས་པར་བྱའོ། །དེ་ནས་འདིའི་ཆོ་ག་ཕྱོགས་ཙམ་དུ་འགྱུར་ཏེ། འབུམ་བཟླས་པས་ལས་ཐམས་ཅད་ཀྱིས་མི་ཚུགས་པར་འགྱུར་རོ། །འབུམ་ཕྲག་གཉིས་བཟླས་པས་སྡིག་པ་ཟད་པར་འགྱུར་རོ། །
འབུམ་ཕྲག་གསུམ་བཟླས་པས་མཆོག་རྣམས་སྒྲུབ་པར་བྱེད་དོ། །འབུམ་ཕྲག་བཞི་བཟླས་པས་མངོན་པར་ཤེས་པ་སོ་སོར་རྙེད་དོ། །འབུམ་ཕྲག་ལྔ་བཟླས་པས་ལྷའི་ཤེས་པ་སོ་སོར་རྙེད་དོ། །འབུམ་ཕྲག་དྲུག་བཟླས་པས་ཡིད་བཞིན་གྱི་ནོར་བུ་རིན་པོ་ཆེ་རྙེད་དོ། །འབུམ་
ཕྲག་བདུན་བཟླས་པས་མངོན་པར་ཤེས་པ་ལྔར་འགྱུར་རོ། །འབུམ་ཕྲག་བཅུ་བཟླས་པས་རྒྱལ་སྲིད་ཆེན་པོ་སོ་སོར་རྙེད་དོ། །འབུམ་ཕྲག་བཅུ་གཅིག་བཟླས་པས་རིག་པ་འཛིན་པར་འགྱུར་རོ། །དེ་ནས་མིག་སྨན་ལྡོང་རོས་ཨ་ཤྭཏྠའི་འདབ་མ་བདུན་གྱི་ནང་དུ་བཏུམས་
เล่ม ๙๔ · หน้า 57b
ཏེ། བཅོམ་ལྡན་འདས་ཀྱི་སྤྱན་སྔར་ཇི་སྲིད་དྲོ་བ་དང་། དུ་བ་འཐུལ་བ་དང་། འབར་བ་དེ་སྲིད་དུ་བཟླས་པར་བྱའོ། །དེ་ལ་དྲོ་བར་གྱུར་པས་ནི་དབང་དུ་བྱེད་དོ། །དུ་བ་འཐུལ་བས་ནི་མི་སྣང་བའོ། །འབར་བས་ནི་ནམ་མཁའ་ལ་འགྲོའོ། །མར་གྱི་སྲེག་བླུགས་འབུམ་སྦྱིན་སྲེག་
བྱས་ན་གང་འདོད་པ་དེ་སྦྱིན་པར་བྱེད་དོ། །འབུམ་ཕྲག་བཅུ་གསུམ་བཟླས་པར་བྱ་སྟེ་འཕགས་པ་སྤྱན་རས་གཟིགས་དབང་ཕྱུག་མཐོང་ངོ་། །དེ་མཐོང་ནས་གང་ཚོལ་བ་དེ་རྙེད་དོ། །ཙནྡན་དཀར་པོའི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱའོ། །ཚིག་གམ་ཞབས་འཆིང་
བ་ཐོབ་ཅིང་ཡུལ་གྱི་བདག་པོར་འགྱུར་རོ། །ཨ་ག་རུ་ནག་པོའི་ཡམ་ཤིང་གིས་སྦྱིན་སྲེག་འབུམ་བྱའོ། །རྒྱལ་པོ་དབང་དུ་འགྱུར་རོ། །རྒྱ་ཆེན་པོ་རྙེད་དོ། །ཙནྡན་དམར་པོའི་ཡམ་ཤིང་གིས་སྦྱིན་སྲེག་འབུམ་བྱ། གྲུབ་པ་ཐམས་ཅད་ལ་སྟོང་ཕྲག་བསྡུས་པ་རྙེད་དོ། །བྱང་
ཆུབ་ཤིང་གི་འོག་ཏུ་འབུམ་ཕྲག་བདུན་བཟླས་པར་བྱའོ། །བཅུ་དང་བཅུད་ཀྱིས་ལེན་རྣམས་རྙེད་དོ། །ཟོས་པས་སྐྲ་དཀར་དང་གཉེར་མ་སྤངས་བར་འགྱུར་རོ། །རྟག་ཏུ་བཟླས་པས་བྱ་རྒོད་སེལ་བར་བྱེད་དོ། །འབུམ་ཕྲག་གཉིས་བཟླས་པས་རྒྱལ་པོའི་བཙུན་མོ་མཆོག་དང་
རྣམ་པར་འཕྲུལ་བར་བྱེད་དོ། །ཡུངས་ཀར་རྒྱལ་པོས་རྟག་ཏུ་སྦྱིན་སྲེག་བྱས་ན་རྒྱལ་པོ་དབང་དུ་འགྱུར་རོ། །འདི་ལ་མར་གྱིས་བཏགས་པའི་སྦྱིན་སྲེག་བྱའོ། །རྟག་ཏུ་ནོར་རྙེད་དོ། །གསོ་སྦྱོང་ཅན་གྱིས་འབུམ་བཟླས་པར་བྱའོ། །བཟའ་བ་དང་བཏུང་བ་ཞིམ་པོ་འབྱུང་བར་
འགྱུར་རོ། །ཨརྒའི་ཡམ་ཤིང་གིས་སྦྱིན་སྲེག་འབུམ་བྱའོ། །གསེར་བརྒྱ་རྙེད་དོ། །པི་ཎྱ་ཀཾ་གི་སྦྱིན་སྲེག་བྱའོ། །སྐྱེ་བོ་ཐམས་ཅད་དགའ་བར་འགྱུར་རོ། །ཡིད་ལ་བྱས་ནས་བཟླས་པ་བྱ་སྟེ། རྟག་ཏུ་བཟླས་པས་ནད་ཐམས་ཅད་དང་། གདོན་ཐམས་ཅད་དང་། གདུང་བ་
ཐམས་ཅད་དང་། ཉེ་བར་འཚེ་བ་དང་། འཇིགས་པ་ཐམས་ཅད་འཇོམས་པར་བྱེད་དོ། །གུ་གུལ་གྱི་རིལ་བུ་ལ་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །ནོར་འབྱུང་བར་འགྱུར་རོ། །འབུམ་ཕྲག་གསུམ་གྱིས་རྒྱལ་སྲིད་རྙེད་དོ། །རྒྱུ་སྐར་གྱིས་གནོད་པ་ལ་
เล่ม ๙๔ · หน้า 58a
འོ་མ་དང་ཕན་ཚུན་བསྲེས་པའི་ཞོའི་སྦྱིན་སྲེག་བྱ་སྟེ་ཞི་བར་འགྱུར་རོ། །བདག་ཉིད་དམ་གཞན་གྱིས་སྣ་མའི་མེ་ཏོག་གི་སྦྱིན་སྲེག་གིས་རྒྱལ་པོ་དབང་དུ་བྱེད་པར་འགྱུར་རོ། །དཱུར་བའི་མྱུ་གུས་སྦྱིན་སྲེག་བྱ་སྟེ་ཞི་བར་འགྱུར་རོ། །བདག་དང་གཞན་གྱི་རྒྱས་པར་
འདོད་ན་ཏིལ་དང་འབྲས་ཐུག་པོ་ཆེའི་སྦྱིན་སྲེག་བྱ་སྟེ་ནོར་ཆེན་པོ་ཐོབ་པར་འགྱུར་རོ། །བཱ་ལ་དང་སོ་སོ་ལ་ཀ་ལ་བརྒྱད་བརྒྱར་མངོན་པར་བསྔགས་པ་བྱས་ནས་འབྱུང་པོའི་ཉེ་བར་འཚེ་བས་བཏབ་པའི་སེམས་ཅན་ཐམས་ཅད་ལ་སྟོན་དུ་གཞུག་པར་བྱའོ། །མཐོང་བ་ལ་རང་གནས་འགྲོའོ། །
མིག་ལ་བརྒྱད་བརྒྱར་བཟླས་ན་དང་པོ་གང་མཐོང་བ་དེ་དག་ཏུ་འགྱུར་རོ། །ཆུ་ལ་ཡོངས་སུ་བཟླས་ནས་གདོང་བཀྲུ་བར་བྱ་སྟེ། སྐྱེ་བོ་ཐམས་ཅད་དགའ་བར་འགྱུར་རོ། །བྱ་རོག་མ་འཕུར་བ་ལ་རྟག་ཏུ་བཟླས་པས་གང་འདོད་པ་དེ་རྙེད་དོ། །ཆུ་ལ་ལན་བདུན་མངོན་པར་བསྔགས་
པའི་ཁྱོར་ཆུ་ཉི་མ་སོ་སོར་ཐོ་རངས་བཏུང་བར་བྱའོ། །ནད་མེད་པར་འགྱུར་རོ། །དེ་ནས་བུད་མེད་དབང་དུ་བྱ་བར་འདོད་པས། ལན་ཚྭ་ལས་བྱས་པའི་གཟུགས་བརྙན་བྱས་ནས། རྐང་པ་གཡོན་པས་མནན་ཏེ་སྤྱི་བོར་སྟོང་ཕྲག་བརྒྱད་བཟླས་པར་བྱ་སྟེ་ཉི་མ་བདུན་གྱིས་
དབང་དུ་འགྱུར་རོ། །ཞེས་པ་སྒྲུབ་ཐབས་ཀྱི་གྲུབ་པ་དང་། ཡིད་ལ་གྲུབ་པའི་དོན་ཐམས་ཅད་སྒྲུབ་པ་འདི་རྣམས་སད་པའི་རྒྱུར་ཡང་རབ་ཏུ་སྦྱར་བར་བྱའོ། །དེ་བཞིན་དུ་ཡང་འདིར་ཕྱོགས་ཅུང་ཟད་ཙམ་ཞིག་བྱས་པ་ལས་སྒྲུབ་ཐབས་ཀྱིས་ཉེ་བར་སྦྱོར་བའི་ཁྱད་པར་གྱི་སྟོབས་སུ་
འགྱུར་བར་བྱའོ། །ཚིགས་སུ་བཅད་པའི་དབྱངས་ཙམ་གྱིས། །སྒྲུབ་པའི་ཡང་དག་དངོས་གྲུབ་སྤྱོད། །ཤིན་ཏུ་སྟོང་མིན་གང་བ་མིན། །བཟའ་བ་ཀུན་ནས་སྦྱིན་པར་བྱ། །ཚ་བ་མངར་སྐྱུར་ལ་སོགས་པའི། །རོ་ལས་ཡུལ་བྲལ་ལྔ་ལ་ཡང་། །སྲེད་པ་ལྡན་པས་རོ་ལ་ནི། །
སྲེད་པ་གང་ཕྱིར་སྐྱེ་བར་འགྱུར། །སྲེད་པས་བཟླས་དང་སྦྱིན་སྲེག་སོགས། །འདིར་ནི་ཅུང་ཟད་བརྩམ་མི་བྱ། །འདིར་སྤྲོ་འདིར་ནི་རྣམ་པར་ཤེས། །ལག་པ་ལྡག་ལ་སོགས་བརྗོད་པ། །དོར་བར་བྱ་འམ་དོར་བྱ་མིན། །ནང་དུ་གཡོག་པོ་ལྷ་རྣམས་ནི། །ཕུར་བུ་གནས་པར་ཡོངས་
เล่ม ๙๔ · หน้า 58b
བརྟག་བྱ། །ལྷ་རྣམས་ཀྱི་ནི་ཁང་པའམ། །ཁང་སྟོང་དང་ནི་ཕུག་གི་ནང་། །ཤིང་གཅིག་གམ་ནི་དུར་ཁྲོད་དང་། །རི་བོ་དང་ནི་ཚང་ཚིང་དུ། །བཟླས་དང་སྦྱིན་སྲེག་སྒྲུབ་པ་ཡང་། །རྩེ་གཅིག་ཡིད་ཀྱིས་བྱ་བ་ཡིན། །མ་དག་མ་དག་ཀུན་དག་ལ། །དག་པ་རྣམ་པར་
སྦྱོང་བ་ཡིན། །གཉིས་ཀ་ཡིས་ཀྱང་གཉིས་ཀ་ལ། །དངོས་གྲུབ་སྨྲ་བས་བསྒྲུབ་པར་བྱ། །གང་ཡང་རོ་ཡི་སྲད་བུ་དང་། །ལྷག་མ་དེ་ནས་འགོངས་པ་དང་། །ཟླ་མཚན་ལྡན་པས་ཀུན་ཏུ་རེག །གདོལ་པའི་སྐྱེ་བོས་བསྐོལ་བ་ཡང་། །རུལ་པའི་དྲི་དང་སླར་ཡང་འབྱུང་། །
ལེགས་བྱས་འདོད་པས་སྦྱིན་པར་བྱ། །ལྷ་རྣམས་ཚད་དུ་བསྙེན་པ་ལས། །དེ་ལྟ་ལ་སོགས་ཡོན་ཏན་ལྡན། །ཟས་སམ་མལ་སྟན་ལ་སོགས་པ། །སྒྲུབ་པོ་རང་གིས་བླངས་པའམ། །མིན་པ་ཉིད་ནི་བསྙེན་པར་བྱ། །བཏུང་བ་ལྡན་པས་གནས་དང་དགའ། །སྐྱེ་བོ་
ངན་པའི་སེམས་ཅན་བཅས། །ཕྱི་རུ་ཀུན་ཏུ་བཏགས་པས་བླངས། །མཚམས་མེད་ལྔ་པོ་བྱེད་པ་པོ། །ནད་དང་འབྱུང་ཆེན་བྱེད་པ་དང་། །མེད་པའམ་ཡང་ན་མང་ན་ཡང་། །ཟས་དང་ལེ་ལོས་བཅོམ་པ་དང་། །དགེ་འདུན་འཁུ་དང་ངོ་ཚ་མེད། །སེར་སྣ་ལྷུར་ལེན་མཚོན་
གྱིས་འབུགས། །རྟག་ཏུ་ལོག་པར་ལྟ་བ་གཞན། །དེ་ལ་སོགས་པའི་ཡོན་ཏན་ལྡན། །ཀུན་ཏུ་གསུངས་པ་མཛེས་པའོ། །དུས་མིན་ཁྲུས་ནི་མི་ནུས་ནའང་། །རང་གིས་ནུས་པ་མ་ཡིན་པ། །རང་གི་རླུང་ནི་མཆོག་ཏུ་བསྒྲགས། །དུས་གསུམ་མིན་པར་དེ་ཡོད་པ། །གཅིག་
ཏུ་ཐེག་གསུམ་བྲལ་བ་དང་། །ཁྲུས་ཉེས་པ་དང་ཆུ་བོའི་ནང་། །ཉེས་པ་གསུམ་ཞེས་བྱ་བ་འཇོམས། །ཁྲུས་ནི་མཆོག་ཏུ་རབ་ཏུ་བསྒྲགས། །དེ་ཕྱིར་དུས་ཀྱང་ཀུན་བསམས་ནས། །མེ་དེས་སམ་ནི་དེ་ནས་ཀྱང་། །ཆུ་ཡིས་ཁྲུས་ནི་དངོས་གྲུབ་ཀུན། །སྒྲུབ་པ་པོ་ལ་བསྟན་
པ་ཡིན། །དེ་ནས་ཀུན་ཏུ་ནད་པ་ལས། །གསང་བའི་སྔགས་ཀྱིས་ཁྲུས་རྣམས་ནི། །རབ་ཏུ་བསྒྲགས་པར་གྱུར་པ་ཡིན། །ཡང་འདིར་སྔགས་ནི། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། བུདྡྷཱ་ཤུ་ཙི། དྷརྨ་ཤུ་ཙི། སཾ་གྷ་ཤུ་ཙི།
ที่มาและสัญญาอนุญาต
ตัวบท: e-text กังยูร์ฉบับเดเกของ Esukhia (Esukhia/derge-kangyur · commit a582cf47) · สาธารณสมบัติ
สัญญาอนุญาต Public Domain · หลักฐาน
README ของ Esukhia/derge-kangyur ที่ commit a582cf471b7c (เปิดอ่านแล้ว ๓ ต.ค. ๒๕๖๙): "This work is a mechanical reproduction of a Public Domain work, and as such is also in the Public Domain." · สำเนาคำต่อคำ: data/kangyur-src/SOURCE-README.md
ไม่มีคำแปล — ตัวบทเป็นภาษาทิเบตอย่างเดียว เพราะยังไม่มีคำแปลที่เราได้รับอนุญาตให้เผยแพร่ (คำแปลของ 84000 ห้ามดัดแปลงและห้ามใช้เชิงพาณิชย์)
- หน้านี้แสดงคำอ่านตามแผ่นไม้ — เครื่องหมายบรรณาธิการของ Esukhia ({เดิม,ปรับ} · (ผิด?,เสนอ) · […] · #) เก็บครบอยู่ในข้อมูล
- ตัวบทภาษาทิเบตยังไม่อยู่ในการค้นหาของคลัง — ตัวตัดคำที่มีตัดสระของอักษรทิเบตทิ้ง จึงให้ผลที่ผิด